رواية عمياء وسط الذئاب الجزء الثاني الفصل السابع والأربعون 47 بقلم محمد طه

 

رواية عمياء وسط الذئاب الجزء الثاني الفصل السابع والأربعون بقلم محمد طه


_ميري بانفاس متقطعه_
ولما بيبقى في وسطيكم هنا..
واحد من رجالته بيتنكر مكانه..
عشان ما حدش يحس بغيابه
_( الدكتوره وشاكر يبصوا لبعض في زهول)_

_الدكتوره بذهول_
يعني ايه لما بيبقى في وسطنا هنا
_ميري_
لحد هنا ومش هنطق بكلمه..
اطمن على اختي واتاكد انها في الامان..
اقول لكم على كل حاجه
______________________________
__( في المزرعه غرفه نور)__
_( نور بعد الباشا ما سابها الخوف بدأ يسيطر عليها لكن خوفها على اصحابها مش على نفسها وفجاه الباب يتفتح وحد يدخل)_
_نور بتوتر_
مين اللي دخل
_ الدكتور_
انا الدكتور يا نور..
_(ويبص على نور يلاقيها بترتعش)_
مالك يا نور.. انت خايفه من حاجه ولا ايه..
ايه اللي حصل
_ نور تستجمع قواها_
لو الباب مفتوح اقفله واتاكد ان المكان امان
_( الدكتور يقفل الباب ويتاكد ان المكان امان

ويقرب منها)_
_الدكتور بقلق_
خير يا نور قلقتيني
_نور بصوت واطي_
عملت اللي قلتلك عليه في هبه
_ الدكتور_
دمرتلها خلايا مخها.. تقدري تقولي ان عقلها اتمسح
_نور_
تمام الله ينور عليك..
اسمعني بقى كويس عشان ما فيش وقت..
احنا لازم نهرب من هنا وبسرعه
_ الدكتور_
هنهرب ازاي يا نور..
احنا في صحراء..ولو خرجنا من الفيلا دي..
مش هنعرف نمشي ازاي وهيكشفونا
_ نور بصوت واطي_
اسمعني يا دكتور وركز..
عشان اللي هقوله مش هعيده تاني..
دلوقتي انت كنت قلتلي ان في ناس كتيره تحت بيمارسوا استغفر الله العظيم الجنس..

اكيد الناس دي مش مقيمين هنا ال24 ساعه.. والطبيعي ان في ناس داخله وناس خارجه..
والناس دي اكيد مش جايين مواصلات..
او ماشيين على رجليهم اكيد جايين بعربيات..
وانت اكيد بتعرف تسوق..
احنا بقى هننزل مكان ما بيركنوا العربيات..
وانت تحاول تفتح عربيه ونستنى فيها..
لحد ما حد يخرج.. ونخرج وراه..
اكننا زباين ومروحين وهنمشي ورا الزبون..
اللي مروح لحد ما يسلمنا للطريق الرئيسي..
وبعد كده احنا ناخذ طريقنا..
وعشان نأكدلهم ان احنا زباين..هناخد هبه معانا..
هتلبسها قميص نوم وتقعدها جنبك..
وانا هكون في شنطه العربيه..
ولما نطلع على الطريق الرئيسي..
اول صفيح زباله تنزلها جنبها..
في اي حاجه عايز تسأل عليها..
او في حاجه مش مفهومه
_الدكتور بقلق_
لأ.. كله تمام يا نور.. وربنا يستر

_نور_
لو معاك تليفون اعمله صامت وسيبه هنا..
بس خبيه عشان ما حدش يوصل له
_الدكتور بقلق_
حاضر يا نور.. بس انا قلقان ومش مطمن
_نور_
وانا عايزاك تفضل قلقان..
عشان طول ما انت قلقان هتاخد بالك وهتركز
__(في النادي المخزن السري)__
_سمر_
البنات بدأوا المشكله بره..
وجهزوا اللي طلبته.. تقدر تخرج دلوقتي
_سمير_
سمر.. لو لا قدر الله حصل لي حاجه..
وصيتي ليكي انك تدوري على نور وتخلي بالك منها.. وخلي بالك من نهله
_سمر بجديه_
لأ.. انا لا هدور على حد ولا هخلي بالي من حد..
أنا جايه معاك واللي يحصل يحصل لنا احنا الاثنين
_سمير بغضب وصوت عالي_

سمر.. ده أمر ولازم تنفذيه..
_(ويهدى شويه)_
إن شاء الله ما فيش حاجه هتحصل..
هم بس كلمتين حسيت اني عايز اقولهم..
وإنتي ادخلي للبنت اللي جوه دي..
وحاولي تعرفي منها اي حاجه..
وخليكي على تواصل معايا..
ورقمك اللي مع الدكتوره حذاري يشتغل..
يلا لا اله الا الله_(ويسيبها ويخرج)_
_(وطلع سمير من المخزن السري وركب الموتوسيكل ولبس الخوذه واتحرك في اتجاه المستشفى)_
بقلم…محمد طه عبد المجيد
_____________________________
__(في القسم مكتب الظابط نورا)__
_المساعد_
في عندنا معلومات جديده ومهمه
_نورا باهتمام_
أقعد..وقول بسرعه وصلتوا ل إيه
_المساعد_
إحنا فرغنا الكاميرات اللي قدام النادي..

مافيش اي اثر لسمر او سمير في خلال شهر كامل بس كان في كاميرا.. هي بعيده شويه عن النادي..
بس شوفنا فيها حاجه غريبه..
في عربيه إسعاف جات وقفت حوالي دقيقه..
وبعدين مشيت ولما رجعنا الكاميرا..
قبل دخول عربيه الاسعاف..
كان في بنت واقفه وسليمه ما فيهاش اي حاجه..
وبعد كده دخلت عربيه الاسعاف اخذتها ومشيت.. وعربيه الاسعاف دي من عربيات المستشفى..
وبعدها بحوالي ساعه..
في خناقه حصلت قدام بوابه النادي..
ووقت الخناقه ما كانت شغاله في حد طلع من النادي كان راكب موتوسيكل ولابس خوذه..
بس ما قدرناش نحدد هو ولد ولا بنت..
واتجه ناحيه المستشفى
_(الظابط نورا بإنفعال..
وتقوم من على مكتبها وصوت عالي)_
_نورا بانفعال_
المعلومه دي المفروض كنت قلتها اول حاجه..
اتصل بسرعه بالمرشدين اللي مراقبين المستشفى واديهم مواصفات الشخص اللي راكب الموتوسيكل وخليهم يكونوا مستعدين وفي استقباله لان احتمال كبير يكون يا سمر يا سمير وانت خد قوه..
واطلع على المستشفى وانا هسبقكم بالموتوسيكل عشان لو حاول يهرب اعرف أطارده يلا بسرعه

_______________________________
__(في المستشفى الغرفه السريه)__
_الدكتوره بغضب_
اسمعي يا بنت أنتي..
أختك انا ما اقدرش اوعدك انها هتبقى في الامان.. بس كل اللي اقدر اوعدك بيه ان احنا نسلمها للحكومه والحكومه هي اللي تعاقبها..
_(وتبدأ الدكتوره تلبس جواندي طبي وتطلع مشر،ط وتبدأ تقطع بنطلون ميري من عند الركبه
_ميري بنظره خوف_
إنتي هتعملي ايه
_الدكتوره بغضب_
هو أنتي مش قولتي روحك قصاد روح زميلنا..
وإحنا زميلنا كانت رجله مقطو،عه..
وأنا قبل ما هاخد روحك هقطعلك رجلك..
لأ هقطعلك الاثنين.. يا اما بقى تنقذي روحك..
وتنقذي رجليكي وتقوليلي مين الباشا بتاعكم
_(وبدأت الدكتوره تحط المشر،ط على ركبه ميري وبالفعل المشر،ط قطع الجلد وركبتها بدأت تنذف دم
_ميري مسرعه_
سمير.. سمير هو الباشا الكبير
__________________________
__(في النادي المخزن السري)__

_(سمر أخدت منشار ودخلت عند سهيله)_
_سمر بغضب_
دلوقتي إحنا بقينا لوحدينا..
وقسما بالله ان ما قلتيلي..
الباشا بتاعكم يبقى مين.. ونور مكانها فين..
هقطعلك رجليكي الاثنين بالمنشار ده
_(وحطت المنشار على رجلين سهيله)_
_سهيله بخوف_
هقولك.. هقولك بس اقسم بالله دي اخر حاجه اعرفها وما اعرفش ان كانت هتفيدك ولا لأ
_سمر بغضب_
قولي
_سهيله تبلع ريقها_
كنت قلتلكم إني حاسه ان الباشا مش راجل..
هو فعلا مش راجل في مره غلط..
وخرجلنا ومكنش لابس كوتشي كالعاده..
والرجلين كانت رجلين بنت
_(سمر تطلع التليفون بسرعه وتتصل بسمير)_
_سمر_
أنت فين

_سمير_
أنا وصلت قدام المستشفى..
بس في هنا مرشدين كتير
_سمر بجديه_
الدكتوره هي الباشا الكبير……

تعليقات



×