رواية غموض الحب عائلة الرفاعى الفصل الثالث و الاربعون بقلم لولا
ياسمين بدموع لا هنعمل تحليل DNA
مازن بصدمه ياسمين انتي اتجننتي تحليل ايه وزفت ايه ماهو بعد ماقربت منها جات قالتلي انها حامل والتحاليل اثبتت انه بسبب اللي حصل في اليوم ده
ياسمين نعم هي التحاليل اثبتت انه في نفس اليوم ده ??
مازن اه انا شوفتها مره بعد ماعرفت انها حامل يعني مثلا حصل بينا كده من 14 يوم ولما حملت اتقال حامل في 14 يوم بس طبعا بيبان عليها الاعراض بعدين انما التحاليل فعلا اثبتت ان الحمل بتاريخ خطوبتك انتي واحمد
ياسمين بصدمه ازاي يعني اومال حسام هيقول كده ليه
مازن بتنهيده ياسمين انا هدور وراها انما كبري دماغك من موضوع التحليل ده بجد علشان كفايه كلام عن شرفها اللي في بطنها ابني وانا واثق
ياسمين مسكت ايديه وتابعت بحزن طب خليك واثق فيا مره مش هنخسر حاجه اهي بجمله المصايب اللي نازله علينا دي وانك هتدور وراها جرب اعمله ومش هتخسر حاجه ارجوك
مازن نفخ بضيق وتابع ياسمين ارجوكي مش عايز اكون محرج قدام نفسي اني شكيت فيها لما التحاليل تبان ان اللي في بطنها ابني كفايه ابوس ايدك دي هتبقى مراتي فمينفعش افضل طول الوقت بشك فيها بسبب كلامك كده مش هنعرف نعيش
ياسمين بدموع مازن علشان خاطري وافق انا والله حاسه انه هيطلع مش ابنك صدقني مره وامشي ورايا ده لو حقيقي انا هحيا من تاني والدنيا هتنور في عيني انت متعرفش بنسبالي ده كابوس عامل ازاي ومش عارفه اعيش بسببه ده لو طلع البيبي مش ابنك بيقى انت ملمستهاش خالص اصلا وحد غيرك عمل كده لانك بتقول الحمل في نفس اليوم
مازن بتنهيده معلشان كده انتي عايزاني اعمله لان ده وجع في حيااتك يا ياسمين ونفسك تخلصي منه انما مش شرط يكون صح ابداا وتاني حاجه مش منطقي خاالص واحد يعتدي عليها في نفس اليوم فتلبسهالي ليه كل ده يعني مش فاهم
ياسمين بدموع علشان توصلك وتخليك تتجوزها هو معتداش عليها هي اللي كانت راضيه بمزاجها علشان تلبسهالك لما تصحى وتلاقي نفسك معاها
مازن غمض عينيه بضيق وتابع يا ياسمين ارجوكي خلاص انا مش قادر اصلا وقلبي واجعني وتعبان لوحدي مش معقوله يعني تجيب حد يعمل فيها كده في نفس اليوم اما انا حاسس فكره انها وافقت انا اللي هتجوزها اعمل فيها كده صعبه وتقيله جدا ان بنت تعملها تقومي تقوليلي حد تاني وفي نفس اليوم علشان تلبسهالي ده ايه الكلام الفاضي ده انتي نسيتي انها بنت عادي وليها شرف وبتحس وعندها مشاعر وده صعب عليها ولا ايه
ياسمين بحزن فاهمه والله كل كلامك وحقك متصدقنيش بس جرب اسمع كلامي وواحده واحده هنعرف كل حاجه وممكن بعد كل ده يكون حسام قاصد يعرفك ان البيبي مش ابنك لانه عرف كده وعايزك تعرف لانه الوحيد اللي اكتشف انما القتل حد تاني خالص ومتنساش ده ظابط وليه سمعته واعدائه …خصوصا قدام عيني جودي اتصدمت اما عرفت انه اتضرب بلسكينه
مازن حط راسه ما بين ايديه وتابع بوجع وحيره: انا مش قادر يارب انا بجد حقيقي احتارت وفاض بيا
ياسمين بحزن وافق نعمل التحليل وهنوصل لاول حقيقه لان حسام نطق اسمها فكده كده في حاجه وراها والاكيد انها البيبي مش ابنك وهو عايز يعرفك انما مش القتل لا معتقدش خاالص جودي متعرفش تقتل ولا تسلط
مازن بتنهيده ونتفترض سمعت كلامك هنعمل كده ازاي
ياسمين بحزن لا دي مش عارفه بصراحه بس نفكر
مازن بضيق يبقى تسمحي تخرسي لحد ما نفكر هنهبب ايه ??
ياسمين بضيق طيب يا مازن
——–
في المقابر عند سيف كان واقف بيقرا الفاتحه لاخوه ووشه باين عليه الحزن الشديد والارهاق وشعره متبهدل ولابس بنطلون جينز وقميص مخرجه من برا بعدين مسك المايه وسقى الورود اللي حاططها وغمض عينيه وتنهد بعمق وتابع عارف ايه اللي يوجع ? اني مضطر اقبل الواقع حتى لو مش عاجبني بس هو لو انا فضلت ادبدب في الارض واقول لا مش عايز حسام يموت انا عايز اخويا هترجع مثلا ?? وابتسم بوجع وتابع انا بس كل اللي بتمناه نعمه الادراك لان انا لحد دلوقتي اصلا مش مصدق ولا مدرك حاسس اني في حلم بس حلم بشع اوي وطويل ومش راضي يخلص وقعد وسند راسه على القبر وتابع بوجع طب ايه مش كفايه نوم يا حسام ?? سيف مصعبش عليك ?? ودموعه نزلت وتابع يارب اجيلك يا حسام يارب اجيلك علشان حقيقي مش قادر اعيش من غيرك ولا قادر استوعب طب انت ليه مقولتليش ان وانا بحضنك قبل العوده انه هيكون اخر حضن وهسافر وهرجع ادفنك عارف لو كنت قولتلي مكنتش سبتك ابدا طول المده دي واللي يحصل يحصل يخش يولع الشغل ودموعه نزلت اكتر وتابع مش عارف ادعيلك بلرحمه ولا ادعي اني اصدق انك مبقتش موجود .. انا لسه لحد دلوقتي لما حد بيجي يعزيني ويقولي شد حيلك الله يرحمه بقول لنفسي هو بيقول ايه وايه اللي حصل وبيتكلم عن مين ?? انت حقيقي واحشتني اوي اوي من اولها ومش عارف هعيش الجاي من غيرك ازاي يعني رغم بعدي عنك فتره الجيش الا انك عمرك ما وحشتني كده حسك اللي في الدنيا ودقه قلبك كانت محسساني بوجودك طول الوقت وغمض عينيه بقهر وتابع يارب يصبرني على قد غلاوتك يحبيبي يارب يصبرني على الشيله التقيله اللي بقيت فوق راسي دي وابتسم وتابع اه ما انت تروح الجنه وتفرح وتسبني انا للهم ده لوحدي واختك وامك وابوك اللي بقيت شايل همهم بس هو عموما يبختك يغالي ويارب يعدي الايام دي بسرعه واجيلك علشان انت واحشتني اوي وباس القبر وسند راسه عليه تاني وغمض عينيه بوجع وبعد شويه قام ونفض هدومه وقرا شويه في القران ليه بعدين مشي وركب عربيته واتصل بعمر
عمر بتنهيده ايوه يا سيف معاك
سيف وهو بيسوق تابع ها وديتها للدكتوره ?
عمر بحزن لا زينب رافضه تروح للدكتوره ورافضه تاكل وتاخد الادويه انا غلبت معاها يا سيف بجد
سيف بتنهيده خلاص سيبها انا هاجيلها يا عمر .. سلام
عمر بتنهيده سلام
وقفل معاه ودخل اوضتهم لقاها قاعده مكانها وحاضنه رجليها وباصه للفراغ وساكته فتنهد بعمق وتابع ها يحبيبي مش هتقومي تاخدي شاور زي ماقولتيلي حضرتلك الحمام
زينب بجمود وهي ثابته على نفس الوضع تابعت حاضر يا عمر قايمه
عمر بتنهيده طيب يحبيبتي قومي يلا
زينب قامت ورايحه تمشي داخت وكانت هتقع فمسكها عمر بسرعه وتابع بخوف بس بس امشي على مهلك في ايه مالك
زينب بتعب مفيش مرهقه شويه بس
عمر خدها في حضنه وباس راسها وتابع طب هساعدك ماشي ?
زينب سكتت وهزت راسها بماشي وعمر استغربها جدا وحزن عليها لان علطول بتجادل قصاده وبتهزر حتى لو ساعدها في الاخر بس بتهزر معاه شويه انما المره دي مطفيه وساكته ومش فارقلها اي حاجه فتنهد بعمق وشالها بين ايديه ودخل بيها الحمام قعدها على الرخامه وبدا يقلعها هدومها وتابع بتنهيده زينب
زينب اممم
عمر وهو بيفك شعرها تابع بحزن انتي كويسه يحبيبتي
زينب اممم متخافش عليا مفيش حاجه
عمر شالها حطها في البانيو وبدا يعملها شعرها بلشامبو وتابع بحزن حبيبتي انا عارف انك مش كويسه وحقك بس ارجوكي متسكتيش كده وخرجي كل اللي جواكي الكتمان ده عامل زي النزيف الداخلي وهيخليكي تنفجري على اتفه الاسباب من كتر سكوتك
زينب بتعب غمضت عينيها وتابعت مش حكايه كتمان بس انا مهدوده حاسه اني هلكانه ومش قادره لاي حاجه ولا مستوعبه اي حاجه
عمر وهو بيغسلها شعرها تابع بوجع وانتي مش عجباني كده لاني واثق ان ده احساس متعب 100 مره اكتر من العياط
زينب ابتسمت بوجع وتابعت متخافش عليا يحبيبي انا كويسه وحطت ايديها على بطنها وتابعت ابني هيعوضني لما يخليني اقدر انطق الاسم تاني والاقي رد هيخليني احس ان الاسم لسه وسطنا وميبقاش نطقه بيوجع الكل ويعيطه
عمر ابتسم بوجع ودموعه نزلت ومسحها بسرعه علشان لو بصتله متشوفهوش ورجع يساعدها في الشاور وتابع اكيد طبعا يارب يقومك ليا انتي وهو بالف خير يعمري
زينب بحزن عارف كل اللي يجيبه ربنا حلو بس هزعل اوي لو طلعت بنت
عمر غسل شعرها ولف قعد علي حرف البانيو قدامها وتابع بابتسامه وماله ايه اللي يزعلك يبقى المره اللي بعدها هنجيب حسام مجاش اللي بعدها يبقى اللي بعدها .. يا سلام هو انا اقدر زوزا تتمنى وانا محققش
زينب ابتسمت وتابعت بعيدا عن الارنبه اللي عايشه تخلف بس دي .. بس ربنا ميحرمنيش منك يا عمر بجد
عمر ضحك وتابع ولا يحرمني منك يا اجمل ام حسام في الدنيا وباس جبينها ورجع يساعدها لحد ماخلصت وشالها نشفها وساعدها تلبس بيجامه ستان سودا نص كم وبنطلون برموده وطلع بيها قعد على السرير وفضل يسرحلها شعرها وتابع المهولك ولا اسيبه كده
زينب بتعب لا سيبه كده علشان مبلول لسه
عمر سرحه وساب المشت وحط ايديه الاتنين علي بطنها وشدها رجعها لورا سندت على صدره وباس خدها وتابع خلصنا خلاص اهو اي اوامر تاني يا زوزتي
زينب لا يحبيبي تسلم خلاص كده تعبتك
عمر بحب بس يعبيطه تعبك راحه وشاور على الصنيه وتابع بصي بقى القمر اللي هناك ده انا اللي طبخت بنفسي لحمه وبسله ورز ومحتاج رأي ام حسام جدا في التعب ده كله
زينب بضيق لا ياعمر مش هاكل قولتلك
عمر بحب طب علشان خاطر عمر
زينب هزت راسها ب لا وتابعت والله العظيم ما ليا نفس قدر ده من فضلك
عمر بصلها بحزن وتابع مقدر على فكره ومش معنى انه اخوكي انتي فانه مش صاحبي وعشره عُمر وعارفه اكبر دليل اني مقدر اني بغصب عليكي تاكلي علشان بحبك وانا متبقاش ليا غيرك يا زينب لاني جربت وجعك في اليتم مرتين مره وانا صغير لما ابويا مات ومره قريب لما امي ماتت ومعنديش اخوات غير اسماء ومن الرضاعه يعني مش اختي اللي هي زيك انتي كده بتحبي سيف وحسام اكتر من اي حاجه فانا مقدر يحبيبتي لاني مجرب الوجع الوان وجع اليتم مرتين ووجع الوحده وحاجات كتير اوي انا مخدتش رزقي غير فيكي فعلشان خاطري يا زينب متوجعيش قلبي زياده باهمالك في نفسك ده انا ماليش غيرك وخايف عليكي انتي وابني قدري انتي خوفي ودموعه نزلت
زينب قامت لفتله وقعدت على ركبتها على السرير ومسحت دموعه وباست جبينه وتابعت بحزن حقك على عيني يحبيبي انا مقصدش احسسك انك مش حاسس بيا بس انا فعلا مش قادره اكل وده شعور حساه غصب عني اصل ده حسام يا عمر فاهم يعني ايه حسام هو مش مجرد اخويا بلدم والام والاب لا حسام اكتر من كل ده بكتير هو وسيف حياتي كلها انا اه اهتمامي بسيف اكبر بس حسام ده كان في وشي طول الوقت ده كان بيجي بليل ويجيب اكل وحلويات معاه ونسهر للصبح ونعملهم وناكلهم قدام اي فيلم ولما اعوز اي حد معايا في مشوار كنت بلاقيه اول واحد حتى موضوع اسر وقف جمبي فيه وقال محدش هيجبر عليكي حاجه كان بيخاف عليا من الهوا كان معوضني عن حاجات كتير اوي كنت بشوف فيه سيف في غيابه وكان بيصلي معايا علطول حتى لما كنت هناك قريب نام على رجلي وقالي صحيني اصلي الفجر وصحيته وصلينا سوا حبيبي مكنش بيفوت صلاه هو ولا سيف ومحترمين وبارين باهلهم وعارفين يعني اي حرام وحلال علشان كده ربنا اختاره بدري .. واه لو شوفت فرحته بابني يا عمر انا اكتر حاجه قهراني انه مش هيشوفه خلاص
عمر بوجع زينب عيطي يحبيبتي متتكلميش وانتي ساكته كده وفتح دراعه ليها فحضنته وفضل يطبطب عليها وتابع بوجع ارجوكي عيطي نبره صوتك وهدوءك بيموتوني لان الاكيد مش ده احساسك الداخلي
زينب بوجع مش قادره اصدق انا لسه في صدمه ومش عارفه اعيط صدقني ياريت اعيط تاني هرتاح
عمر رايح يتكلم الباب خبط فتابع ده اكيد سيف استني افتحله وجاي
زينب بستغراب هو قالك جاي
عمر اه
زينب قعدت مكانها واتغطت ورجعت ضهرها لورا وغمضت عينيها وتنهدت بعمق وسكتت
وثواني وسيف دخل وتابع بابتسامه ايه بقى تاعبه جوزك من صباحيه ربنا ليه سمعت ان في واحده مخليه حسام زعلان ومش مرتاح فجيت اشوفها واعقلها
زينب بصتله بوجع وتابعت بلهفه ايه زعلان ومش مرتاح ازاي ????
سيف قعد قدامها على السرير وابتسم وتابع فكرك ان حرمانك عن الاكل وتعبك لصحتك اللي انتي مش عملاله حساب ده وابنك اللي مالوش اي ذمب وبلاسلوب ده بيتعب معاكي كل ده مش هيزعله ?? يعني هو حسام هيرتاح وهو شايفك بتعملي في نفسك كده يا زينب ومش راضيه حتى تروحي للدكتوره ??
زينب بوجع بس انا غصب عني
سيف باس جبينها وتابع كلنا غصب عنا وانا زيك والله ما كالت ليا 3 ايام واديكي شايفه منظري بس ايه الحل هيرجع
زينب بوجع سيف بلاش الكلام اللي ي
سيف بمقاطعه ردي علياا هيرجع
زينب هزت راسها ب لا بوجع فتابع سيف مش بقولك كده قصدي اوجعك بس بوجهك للصح الموت حق علينا كلنا واخوكي سبقنا انما هيفضل ليوم الدين عايش جوانا وبيشاركنا كل حاجه ومش هيفرح وهو شايفك كده
زينب بوجع حاضر هحاول والله بس استوعب الاول بس وغمضت عينيها بقهر
سيف قلبه كان واجعه بس بيحاول يتماسك قدامها وتابع كلنا مش مستوعبين بس انا في سؤال عايز اسالهولك هو لو انا سافرت برا اشتغل شغلانه حلوه جداا واتجوزت مش هتفرحيلي
زينب بحزن لا طبعا هفرحلك ده يوم المنى
سيف يبقى ازاي مستخصره في اخوكي حبيبك سفره للجنه وعروسته اللي من حور العين وزفته الجميله الف مره عن اللي كانت هتتعملوا هنا
زينب بوجع لا طبعا مش مستخصراها فيه يستاهلها والله بس الفراق صعب هيواحشني اوي السفر هشوفه انما دلوقتي مش هشوفه تاني
سيف تماسك بلعافيه وغمض عينيه بعدين تنهد وتابع يا زينب يا حبيبتي بلعكس ده هو دلوقتي سامعك كل وقت ومعاكي اكتر وحاسس بيكي فمتزعليهوش ده هو في مكان كلنا نتمناه وبلنسبه لانك مش هتشوفيه انتي مين قالك هتخللي هنا يعني ده هي رحله وكلنا هننزل في محطتنا وهنتقابل في مكان تاني احلى واجمل ومفيهوش فراق تاني وهو محطته جات قبلنا ونزل ومستنينا هناك ومسك ايديها باسها وتابع هنشوف حسام والله هنشوفه وهنشبع منه وهنفضل معاه بس كله بوقته ما كلنا رايحينله يا هبله هو حد هيقعد هنا علطول ده مش مكانا الاساسي اصلا
زينب حضنته جامد وتابعت بوجع يارب يا سيف يارب يجمعني بيه باسرع وقت وارجوك يحبيبي خلي بالك من نفسك انا متبقاش ليا غيرك علشان خاطري مش هقدر انت لو حصلك حاجه انا هموت
سيف شدد من احتضانها وباس راسها وتابع قطع لسانك ربنا يديكي طوله العمر ويخليكي لينا ولجوزك ولابنك يحبيبتي وبعد عُمر طويل باذن الله كلنا رايحينله ومتخافيش عليا ينورعيني انا لو كنت بخاف على نفسي قيراط فدلوقتي 24 قيراط علشانكم بس كده كده لن يصيبنا الا ما كتبه الله لنا فاسبيها على ربك ونروح بكره للدكتوره هاا وباس جبينها وتابع اتفقنا ??
زينب بحزن اتفقنا حاضر
سيف بتنهيده وبلاش يعمري اسود في البيت لحسن جوزك يضايق ولا حاجه
زينب بصت لعمر فتابع لالا براحتها انا مقدرش اقولها متلبسيش اسود في البيت ده اخوها ووجعها وهي حره تعبر عنه زي ماتحب
سيف بصله وتابع بتنهيده بص يا عمر احنا كرجاله اللون ده كتره بيقفلنا كفايه وشها المقلوب في وشك 24 ساعه مع تقفيله اللبس كمان هتحس انك علطول في نكد وكده كده اللبس مش هيرجع اللي راح والحزن في القلب مش بلهدوم وده مش ذمبك يمكن انت تتكسف تقولها كده انما انا اخوها فبقولهالها
عمر بحزن يا سيف الكلام ده بلنسبه لاي راجل انما مش انا ده زينب وجعها وجعي وحزنها حزني وانا معاك فاننا بنتقفل من كتر اللون ده وبنحس بنكد اه حقيقي واللبس مش هيغير حاجه بس بردو مقدرش اقولها كده انا فاهم انك حبيت تشيل عني الحرج علشان لو انا مضايق بس انا لا مفيش اي حاجه ده اخويا زيي زيها فبراحتها والله انا الموضوع مش في دماغي كل اللي انا عايزه تهتم بصحتها وبللي في بطنها
سيف بص لزينب وتابع بابتسامه طب والله الراجل كتر خيره اوي كده ولا ايه ??
زينب ابتسمت بحزن وتابعت حاضر والله هاكل
سيف بحب طب هات الاكل يا عمر انا هاكلها
زينب بحزن بس تاكل معايا
سيف بتنهيده زوزا سيبك مني انا و..
زينب بمقاطعه وحزن لو مكالتش مش هاكل براحتك بقى
عمر جاب الصنيه وتابع بحب هياكل علشان يقولي رايه
سيف بضحك انت اللي طابخ ربنا يستر
عمر بضحك عيب عليك دوق بس
زينب وانت يا عمر يلا
عمر بحب لا يحبيبتي انا مش جعان كلي انتي بس اهم حاجه
زينب مسكت المعلقه وحطت البسله على الرز ومالتها ورفعتها تاكل سيف
وسيف اكل منها وتابع تسلم ايدك يحبيبي
عمر بحب الف هنا يا غالي
وسيف عمل زيها ومد ايديه يأكلها فكالت منه
عمر بضحك اه تاكلي دلوقتي ياختي اما سيف جالك
سيف بحب دي نورعيني دي
زينب ابتسمت بحب وتابعت يلا كل مني
سيف بحب كلي انتي خلاص
زينب بضيق لا لما تاكل مني هاكل منك غير كده خلاص
سيف بضحك لالا خلاص هاكل منك وكلي مني ياستي اتفقنا
زينب ابتسمت بحب واكلته وهو اكلها لحد ما شبعت وعمر قام يشيل الاكل وسيف قام يجبلها الادويه فطلع برا
سيف عمر فين ادويه زينب
عمر وهو بيغسل الاطباق تابع هتلاقيها هناك على الكنبه
سيف هز راسه بتمام وراح جابها وهو راجع لفت نظره شكله في مرايه الصالون فوقف بص على نفسه شعره المتبهدل وعينيه الحمرا ووشه اللي باين عليه الاجهاد ودقنه اللي ابتدت تطلع صعب عليه نفسه اوي وغمض عينيه بوجع ودموعه فضلت تنزل فنزل بركبته على الارض وحط ايديه على وشه وفضل يعيط بوجع وانهيار من غير ما يطلع صوت ولقى ايد محطوطه على كتفه فاتخض ومسح دموعه بسرعه
فتابع عمر بحزن متخافش ده انا مش زينب
سيف تنهد بارتياح وبصله وقام وقف وتابع بوجع كانك مشوفتش حاجه ها ورايح يدخل فمسكه عمر وتابع بوجع انت عمرك ما بتتغير ليه ??
سيف بتنهيده ايه المناسبه للكلام ده يا عمر
عمر بوجع انت من زمان بتخبي وجعك عن الكل وبتجمد قدام اخواتك حتى دموعك حرمتها عليك كانك مش انسان حقه ينهار ويعيط ويضعف عادي زيه زي اي حد ولما دموعك نزلت لاول مره اشوفها كانت على اخوك وحقك تنهار وتضعف تقوم بردو تقوى قدامهم وتضعف من وراهم !!! انت ازاي كده وليه بتعمل كده يحبيبي حقك تنهار انت انساااان يا سيف ارجوك كفاايه تيجي على نفسك ومشاعرك
سيف بوجع مينفعش اضعف يا عمر ضعفي لازم يبقي بيني وبين نفسي وشاور على اوضه زينب وتابع بدموع تقدر تقولي لو انا عيطت كده قدامها كانت كالت ?? ولا كانت فضلت تعيط زيي بل بلعكس ده هي دخلت في صدمه وبتتكلم مش بتعيط وده غلط اكتر بس هل لو انا انهارت مكانتش هتتعب
عمر بوجع كانت هتتعب بس بردو مينفعش تخبي مشاعرك
سيف ابتسم بوجع وسخريه وتابع مينفعش اخبي مشاعري ?? ليه ايه الجديد يا صاحبي ?? ايه الجديد ياعمر ما انت شاهد عليا ومن زمان جداا اني مبعملش حاجه غير اني بخبي مشاعري بكل انواعها وبحاول اعيش من غيرها خاالص كمان .. ليه هما اهلي دول يعرفوا ايه عني اصلا
عمر بوجع عارف انه مش جديد علشان كده بقولك انت زي ما انت مش بتتغير لان اعتقد كفايه تعيش دور سيف القوي دلوقتي علشان كلكم اتوجعتوا ومحتاجين بعض
سيف بوجع تؤ بل بلعكس لازم اعيشه واكتر من الاول حتى لو الحقيقه اني فعلا دلوقتي اتكسرت … انا زمان كنت بعيشه وسايب واحد مكاني ومش عايز اشيلهم همي انما دلوقتي انا اللي فاضلهم وانا زي اساس البيت ياعمر لو متبناش كويس البيت كله هيقع فمينفعش سيف يضعف علشان لو ضعف اهله هيقعوا وانت عارف اهلي عندي ايه
عمر بوجع عارف بس نفسي تعرف انت ايه وتقدر نفسك شويه
سيف بوجع سيبك مني اهم حاجه هما انا مش هستحمل اتوجع تاني خلاص ودخل لزينب وتابع بحب وابتسامه يلا ادويتك وبعدين خلاص نامي لو تحبي
زينب بحزن سيف ممكن تفضل معايا لحد ما انام
سيف بحب يخرابي ده من عيني ياعيون سيف واداها الادويه والمايه فخدتهم ووسعتله فقعد جمبها فنامت في حضنه فباس جبينها وفضل يطبطب عليها ويمشي ايديه على شعرها
وشويه وعمر دخل كان بيروق الشقه فبصله بتفاجئ وتابع الله دي باعتني خالص
سيف بوجع مرتاحه في حضني علشان شايفه فيا حسام انا فهمت هي طلبت انيمها ليه من غير ماتتكلم
عمر ابتسم بحزن وتابع انت علطول بتفهم الكل من غير مايتكلموا
سيف بحب ودي مش اي حد وغمض عينيه وباس راسها بعمق وتابع دي بنتي
عمر بحزن طب بجد فعلا نامت بعمق وكنت بتعذب معاها علشان تغمض
سيف تنهد بوجع وتابع ربنا يصبرنا يارب .. خلي بالك منها ياعمر مش ناقصين نتوجع اكتر على اللي في بطنها
عمر بحب متخافش والله في عيني
سيف بحب طب تعالى جمب مراتك مكاني علشان اقوم انا
عمر بحب لا والله خليك انهارده دي البت نامت مرتاحه ماحصلتش بقالها 3 ايام
سيف بضحك على عيني يا حنين والله بس انا نازل لشريف
عمر بتنهيده الظابط مش كده
سيف بتنهيده اه مش هيهدالي بال يا عمر غير لما اعرف مين عمل فيه كده
عمر بحزن يارب يحبيبي تعرف باسرع وقت وبالك يرتاح
سيف بحب يارب تعالى بقى انت مكان احضن بنوتي
عمر بحب يسلام ده من عيوني وراح قعد مكان سيف وسيف كان قام وغطاها في حضنه كويسه وباس راسها وتابع بحب همشي انا ولو قصرت في حق نفسها وصحتها كلمني انا هربيهالك
عمر بابتسامه خلاص اتفقنا ربنا معاك يا غالي
سيف بحب ومعاك يارب يلا عن اذنك
عمر بحب اذنك معاك
وبلفعل طفى سيف النور ليهم وخرج من الشقه وقفل الباب ونزل
——-
عند امنيه في المستشفى
سميه بتنهيده روحي انتي يا رحاب انا قاعده شويه وماشيه مش محتاجه حاجه والله
رحاب ازاي اسيب اختي في موقف زي ده يعني يا سميه هروح لما تيجي تروحي وادي كريم معايا اهو يروحنا
سميه بتنهيده حزينه اهل حسام مبيسبوناش خالص وحد من الشباب بيجي يروحني ويجيبني علشان المستشفى بعيده خاالص عن البيت ماانتي عارفه حقيقي ناس اصيله
رحاب بتنهيده اه هما ناس اصيله ولما عرفت كمان ان دفعوا تكاليف قاعده البت في المستشفى قولت ناس كريمه اوي بس مش غلط اللي بيحصل ده ولا انتي شايفه ايه
سميه بحزن شايفه ايه يارحاب هو ده وقته اشوف حاجه يعني جوز بنتي مات وبنتي بين الحيا والموت هشوف ايه بس ولا دماغي هيكون فيها ايه ولا ايه
كريم بتنهيده امي تقصد يا خالتي ان حسام الله يرحمه مكنش جوزها مات وهو خطيبها فتصرفات اهله دي متصحش لان امنيه ملهاش جنيه عندهم ولا هي وارثه ليه مثلا
سميه بستغراب وفيها ايه لما حد من عيال عمو يروحني ويجبني ويطمنوا على البنت هو معنى ان النسب اللي بينا مكملش بسبب ان امر الله نفذ والواد راح للي خلقه يبقى يرمونا في المصيبه دي وميسالوش عن البت
رحاب بتنهيده مش القصد ياختي بس بردو مينفعش خلاص ده كان نصيب ومكملش وخلصنا البت بكره وبعده تشوف نصيبها فالازم تقطع علاقتها باهل حسام دول
سميه بحزن معاكي حق بس الناس كويسين ومشوفناش منهم غير كل خير ودموعها نزلت وتابعت الله يرحمك يا حسام يا ابني بجد
كريم الله يرحمه بس المثل بيقول الحي ابقى من البيت ولا ايه
سميه بستغراب وهي بتسمح دموعها تابعت انت بتلف وتدور على ايه يا كريم
كريم بتنهيده من غير لف ولا دوارن انتي عارفه اني بحب امنيه وعايزها ومن زمان وهي رفضت واتخطبت بس اهو محصلش نصيب فانا اولى بيها
سميه يا ابني يعني انت شايف ده وقته ???
رحاب بابتسامه هو مش قصده يا سميه بس بيعرفك انه شاريها وتفوق باذن الله ويعملها اجمل فرح ويعوضها
سميه بحزن انا يا ابني مقدرش ارفضك بس بردو اللي بنتي هتقوله هعملهولها
كريم يا خالتي سيبك من امنيه ورايها بقى ده البلد كلها بتقول قدمها اسود ووشها فقر علشان موتت الراجل يوم فرحه وخدي بالك حالها هيقف من كلام الناس بس انا لسه شاريها
سميه بحده ايه القرف والجهل والكلام الفاارغ ده .. اللي حصل لجوزها قضاء وقدر واراده ربنا مالها هي بلموضوع اصلا
كريم بابتسامه بس متقوليش جوزها يا خالتي
سميه نفخت بضيق وتابعت مش وقته لما البت تقوم بالف سلامه نبقى نشوف هنعمل ايه يا كريم حاليا انا مش عايزة غير اطمن عليها ومسكت ايديها باستها وبصتلها بحزن
———
في بيت الرفاعي وفي شقه الجد مازن كان جيه مع ياسمين وقاعد وسطهم والجو مش زي العادي خالص وكلهم وشهم باين عليه الحزن
ياسمين جات وحطت الصنيه قدام مازن وتابعت بابتسامه يلا يحبيبي كل
مازن بضيق مش وقته يا ياسمين شويه كده
صافيه بتعب كل يا ابني كل يحبيبي تلاقيك مكالتش حاجه ال3 ايام دول
مازن رجع ضهره لورا على الكنبه وغمض عينيه وتابع والله يا تيته ما ليا نفس
نرمين بوجع وتعب مين سمعك يا ابني مين ليه نفس لاى حاجه
يونس بحزن طب يا مرات عمي خدي بالك ان انا قاعد بتحايل عليكي تاكلي بقالي ساعه علشان خاطري كبريني
نرمين بتعب والله يا ابني مش قادره حقيقي مش قادره وغمضت عينيها بوجع وفضلت تعيط بصمت
يونس كان قاعد جمبها فطبطب عليها وباس راسها وتابع اهدي علشان خاطري
نرمين بدموع ياريت بايدي يا ابني ياريت بس مش قادره اصدق انه مشي كل شويه اتخيل ان ده كابوس وهيخلص وهلاقيه داخل عليا دلوقتي ويقولي انهارده الشغل قطم ضهري يا ماما وانا ازعقله علشاان اتاخر كل ده وقلقني عليه
مازن دموعه نزلت وقام قعد قدامها على ركبته ومسك ايديها باسها وتابع بدموع الله يرحمه يحبيبتي ويصبرك حقك عليا انا
نرمين بدموع شوفت اخوك حصله ايه يا مازن شوفت صاحبك مشي وسابك وسابنا ازاي وفضلت تعيط فمازن قام حضنها وفضل يطبطب عليها وهي منهاره عياط
عايده بدموع يانرمين ارجوكي اهدي مش هيرتاح وهو شايفكم كده
نرمين بعياط وانهيار : ولا حد في الدنيا هيحس بحرقه قلب امه غصب عني يارب غصب عني ده انا طلع عيني لحد ما جبته وكنت بعيط بلدموع من الالم في ولادته وشوفت المر وربيتهم وكبرتهم علشان يمشي ويسبني دلوقتي !! وعيطت وتابعت انا ليه حظي كده ياارب ليه اعيش طول حياتي خايفه بسبب الهم ووجع القلب اللي عيالي اختاروا يشتغلوا فيه وبردو مرتاحتش كنت حاسه هتوجع في حد من عيالي بس كنت بخاف على سيف روحت اتغفلت وراح مني التاني .. التاني اللي فضلت ماسكه ايده وضامنه وجوده وبقوله خايفه على اخوك ازاي يسبني هو يارب ازاي وانهارت عياط
مازن بدموع حقك عليا اهدي يحبيبتي وغلاوته في قلبي وقلبك ماهسكت يا مرات عمي وهحط ايدي في ايد سيف وهنجيب اللي عمل فيه كده وهنجيب حقه تالت ومتلت
نرمين بدموع ياريت يا ابني اهو ناري تهدى شويه منه لله اللي قهرنا كده حسبي يالله ونعم الوكيل
شهد بدموع ارجوكي كلي يا مرات عمي علشان خاطري
نرمين بدموع مش هقدر يا شهد صدقيني مش هقدر يابنتي
نور بدموع علشان خاطرنا كلنا ارجوكي كلي والله حسام ميعجبهوش اللي انتي بتعمليه ده كده وبتتعبيه
نرمين بوجع مش بايدي يابنتي اللقمه مش بتتبلع ولا هتتبلع خلاص وعيطت اكتر وتابعت ولا عارفه انام ولا اكل ولا اعيش وكله هيعيش وينسى الا امه الا اللي طلعت عينها فيه مش هقدر ده حته من قلبي ده انا كان هاين عليا ادفن معاه ومسبهوش لوحده وامشي ولا ابعده عن حضني حاسه حطيت قلبي في التراب وجيت
مازن دموعه نزلت بغزاره وباس راسها بعمق وتابع بوجع يارب يصبرك ويصبرنا على قد غلاوته يا مرات عمي
شهد بدموع اللهم امين يارب ممكن علشان خاطرنا كلنا تاكلي
يونس بحزن ورحمه حسام لتاكلي كفياكي كده تتعبي بجد ومسح دموعها
نرمين بوجع ربنا يخليكم ليا يحبايبي واشيل عيالكم تعباكم بس علشان خاطري شويه مش دلوقتي
يونس يعني توعديني تاكلي شويه كده ??
نرمين ابتسمت بتعب وتابعت حاضر بوعدك وبصت في الساعه وتابعت فينه سيف مجاش ليه لحد دلوقتي
يونس راح لاخته يطمن عليها بعدين لشريف وجاي متقلقيش
نرمين بوجع يارب يصبره يحبيبي هيموت على اخوه
احمد بوجع رغم انه مش مبين كده دلوقتي مش عارف بيعمل في نفسه كده ليه
نرمين بوجع انا عارفه ابني مش جديد عليا طول عمره كده وجعه جواه بس لو خبى على الكل ومثل انا ببقى كاشفه نيته بس مبعرفش اثبتها بسبب عناده على انه كويس وانا اللي بتوهم
احمد بحزن ربنا يقويه الشيله تقلت اوي فوق راسه
نرمين بوجع يارب يا ابني يارب
وطلعت مامت جودي وجودي فلما شافها مازن نفخ بضيق وبص للناحيه التانيه فتابعت جودي بلهفه مازن وراحت حضنته وتابعت بدموع طمني عليك يحبيبي عامل ايه دلوقتي
ياسمين بصتلها بصدمه فبص مازن لياسمين علشان تسكت وبص لجودي وابتسم غصب عنه وتابع انا الحمدلله كويس متشغليش بالك
جودي بدموع انا بجد كنت مرعوبه عليك
مازن مسح دموعها وده خلى ياسمين اتصدمت وتابع قولتلك متشغليش بالك انا كويس صدقيني وبص لامها وتابع عن اذنك ثواني يا طنط عايز جودي في موضوع وشدها ودخل البلكونه اخر الصالون وياسمين دمها اتحرق جدا واتعصبت وبان عليها
عايده بتنهيده والله ما وقتكم ياختي منك ليها روحي يا ياسمين اطلعي شقتي نشري الغسيل معلش يابنتي وسيبك منهم
ياسمين بوجع حاضر يا ماما وطلعت متعصبه ومضايقه جدا
ام جودي بستغراب هي غارت من جودي ولا ايه
صافيه بتعب متشغليش بالك يا عفاف ياختي مش فايقين احنا لغيره النسوان دي
عفاف بستغراب انا مستغربه انها غارت لان مازن لما كلمني قالي ان ياسمين علشان مبتخلفش رشحتله بنفسها جودي يتجوزها يخلف واهي صاحبتها واختها بدل واحده تاني
نور بتنهيده سيبك منهم يا طنط الله يخليكي اصل بردو جوزها فتلاقي حست بغيره شويه
عفاف بتنهيده ربنا يهدي وبصت لنرمين وتابعت بحزن طمنيني عليكي يا نرمين اخبارك ايه
نرمين بتنهيده الحمدلله على كل حال تسلمي يا عفاف فيكي الخير
عفاف بحزن ربنا يصبركم ويقويكم يا حبيبتي
نرمين بوجع اللهم امين يارب
احمد بتنهيده قومي يا شهد اعملي لخالتك ام جودي قهوه
شهد حاضر وقامت
في البلكونه عند مازن
جودي ها قول في ايه
مازن تنهد وتابع مفيش حاجه معينه بس بعدي عنك ال 3 ايام دول خلاني احس انك واحشاني اوي واني كنت بظلمك وباجي عليكي باسلوبي البارد معاكي
جودي فرحت جدا وتابعت انت بتتكلم جد يا مازن
مازن طبعا يا قلب مازن هي دي فيها هزار انا من نفسي اهو اللي طلبت اكلمك علشان اقولك كده
جودي ضحكت بفرح وحضنته جامد وتابعت يحبيبي ربنا يخليك ليا يارب
مازن ويخليكي ليا يارب بس في مشكله هتواجهنا دلوقتي
جودي بصتله بستغراب وتابعت واللي هي
مازن بتنهيده مش هعرف اتجوزك دلوقتي بسبب وفاه ابن عمي ومش عارف هعمل ايه في موضوع بطنك ده
جودي بتوتر مازن لا مش مهم هو كده كده مش فرح ده كتب كتاب بس فاكتب واشهر وخلاص
مازن بتنهيده اي ان كان مينفعش دلوقتي انتي عايزه الناس تاكل وشنا
جودي بتوتر طب والعمل يحبيبي
مازن بتنهيده سبيني افكر وابتسم وتابع ايه رايك نروح بكره في كافيه نفطر ونفكر براحتنا
جودي اتفاجئت جدا من تغيره المفاجئ وتابعت بفرح ده تمام جداا خلاص نروح عدي عليا ونفطر سوا
مازن بابتسامه خلاص اتفقنا
جودي بحب انا بجد مش عارفه اقولك فرحانه ازاي ربنا ميحرمنيش منك يا مازن
مازن بحب ولا منك يا عيون مازن
جودي بخبث وصحيح ياسمين عادي مش هتزعل??
مازن برفعه حاجب وانتي مالك بياسمين انتي زيك زيها بنسبالي وزي ماهي ليها حقوق فانتي ليكي حقوق وحاليا انتي معاكي مشكله فهنخرج نتكلم فيها مالها هي بلموضوع مش فاهم
جودي ابتسمت بفرح وتابعت خلاص ماشي يحبيبي
مازن بابتسامه تمام هطلع انا بقي شقتي علشان هموت وانام معادنا بكره متتاخريش ها لما تجهزي كلميني واتساب
جودي بفرح تمام ماشي
مازن بابتسامه يلا باي وخلي بالك من حبيب بابا
جودي بحب ده من عيوني يعمري
ومازن طلع على شقته وهي خرجت من البلكونه قعدت جمب امها وهي باين عليها ملامح الانتصار والسعاده وده خلاهم كلهم استغربوا بس مهتموش ليها
وفون شهد رن فقامت ترد في البلكونه
شهد ايه يا ريم
ريم ها يابنتي جايه معانا بكره
شهد بوجع يابنتي هو انتي مبتفهميش انا ابن عمي توفى والدنيا كلها عرفت خروجه ايه وهبل ايه اللي اروحها
ريم بحزن حقك عليا يا شهد مقصدش بس انا بقول اهو تفكي شويه من جو البيت
شهد بوجع لا كتر خيرك انا مش هفك ولا هعمل كده كده كنت مقلقه من الخروجه دي
ريم بحزن خلاص حقك عليا.. المهم
شهد بوجع امم خير
ريم بحزن رامز عايز يتصل يعزيكي وقولتله بلاش بس هو مصمم فاقوله ايه ده بقى
شهد بحده رامز مين وقرف مين هو مش راضي يسبني في حالي ليه ده هو احد اكبر اسبابي اني كنت هكرف للخروجه دي حتى لو محصلش حاجه بقولك ايه يا ريم اقفلي وكفايه حرقه دم قوليله ميتصلش علشان اقسم بالله سواء اخويا ولا عيال عمي يقدروا يهينوا بكرامته الارض بس انا مش فايقه للهبل ده
ريم بحزن خلاص يا شهد هقوله ميتصلش
شهد بحده ياريت يعني يلا باي
ريم باي
وقفلت وبتلف تدخل اتصدمت من احمد فشهقت والفون وقع من ايديها
احمد بابتسامه تؤ في ايه شوفتي عفريت ووطى جاب فونها وحطه على جمب وتابع اممم مين رامز ده والهانم كانت هتروح فين من ورانا بقى???
شهد بخوف احمد علشان خاطري وطي صوتك ها مش عايزين فضايح
احمد مسك دراعها جامد وتابع بحده كنتي هتتنيلي تغوري فين اخلصي
شهد اتخضت وتابعت بخوف كنت هخرج مع صحابي علشان الجزء الاول من السنه خلص خلاص فكنا عايزين نغير جو
احمد صحابك دول اللي هما مين ???
شهد بتوتر بلعت ريقها وتابعت عادي صحابي بتوع الدروس
احمد بحده ايوه اللي هما مين يعني وبعدين وهو الصح تروحي من ورانا يا شهد ??
شهد بخوف والله لو كنت قولت ليونس مكنش رضي وطي صوتك علشان مش عايزاه يسمع الله يخليك مش وقته
احمد بحده اوطي صوتي ايه وزفت ايه انتي عايزه تستغفلينا وتقوليلي وطي صوتك انتي مستفزه كده ليه وبعدين مالي انا بيونس هو انا مش متنيل مكلم اهلك عليكي وبقيتي في حكم خطيبتي ازاي كنتي هتروحي مكان من ورايا يعني مش فاهم انتي اتجننتي ولا ايه
شهد بدموع خلاص انا اصلا ولا رايحه ولا جايه ممكن توطي صوتك بقى
احمد بعصبيه مين راامز ده وكنتي هتروحي فين اخلصيي
شهد اتخضت وتابعت بتوتر ودموع زميل ليا وبيرخم عليا وانا بوقفه عند حده وكنا هنروح كلنا الاقصر
احمد بصدمه نعمم يا نهاار ابوكي اسود الاقصر ايه اللي كنتي هتروحيهاا من ورانا يا شهد !!!!
شهد بخوف منا مرضتش والله خلاص انت عارفني انا اصلا اجبن من كل ده والله ارجوك وطي صوتك يونس لو سمع هيقطع خبري والناس برا ومرات عمك مش ناقصه متكبرش الموضوع يا احمد خلاص
احمد بحده مكبرش الموضوع هو انتي اصلا مش شيفاه كبير لا ده انتي عايزه تتربي من اول وجديد والله العظيم بس وماله هربيكي وبعدين عامله احترام لاخوكي وليا لا يا شهد
شهد بخوف لا والله بس انت للاسف عرفت فمش عايزاه هو كمان يعرف
احمد بعصبيه اقسم بالله العظيم يا شهد تاني مره تفكري بس مجرد تفكير تروحي حته معرفهاش من ورايا ولا لو حتى لمحتك في الشارع من غير اذني همسح وشك بلاسفلت اللي ماشيه عليه تمام ????
شهد بخوف وتوتر تمام تمام حاضر والله
احمد غمض عينيه بضيق وتابع الواد ده بقى ايه علاقته بيكي ???
شهد بتوتر منا قولتلك يا احمد زميل عادي وبيضايقني فانا ب
احمد بمقاطعه وبحده ششهد انا قسما بالله مش فايقلك وفيااا اللي مكفيني اخلصي وقولي الواد ده ايه علاقته بيكي
شهد بضيق هقولك بس الله يخليك انا ولا انت محدش فينا ليه طاقه للخناق فاسمع واسكت انا بجد تعبانه
احمد وهو بيهز راسه بلايجاب تابع اممم بتعمل فيها اللي مكفيها علشان ممسكهاش اديها علقه دلوقتي
شهد بتوتر لا مش كده اقصد ان
احمد بمقاطعه وبعصبيه طب اخلصييي
شهد بتوتر بصراحه هو قال لريم انه معجب بيا بس انا اديته فوق دماغه والله متقلقش انت عارفني
احمد بصدمه نعم ياختي مين اللي معجب بيكي
شهد بتوتر احمد ابوس ايدك مش وقته قولتلك انا اديته فوق دماغه وبعدين ده عيل في تالته ثانوي متعملش عقلك بعقله
احمد بحده عيل ايه اللي في تالته ثانوي متخليش دماغي تغيب عليكي قسما بالله هو شاب 18 سنه عيل من انهي ناحيه يعني انا هوديكي الدرس وتوريهوني
شهد بتوتر احمد متفضحناش مش مستاهله كل ده
احمد بعصبيه هو ايه اللي كل حاجه عندك متفصحناش ومش مستاهله كل ده ??? ده كان عايز يكلمك يعزيكي انتي فكراني عبيط ولا مش راجل ولا ايه
شهد شافت يونس جاي فتابعت بتوتر علشان خاطري خلاص يونس جاي والبيت فيه توتر كفايه
يونس دخل وتابع بضيق مالك انت وهي على المسا انتوا شايفين الوضع اللي احنا فيه وقته خناق
احمد بضيق لا يا عم مش وقته عن اذنك اختك عندك اهي وخرج
يونس تنهد بعمق وتابع هببتيله ايه يا شهد
شهد بتوتر ولا حاجه واحد زميلي كان عايز يتصل بيا يعزيني فاهو معجبوش الوضع بس
يونس بحده طب ما حقه يا شهد هو ايه قله الادب والاستعباط ده
شهد بتوتر ما محدش كلمني يا يونس ايه تقفيله الصعايده بتاعتكم دي
يونس بحده انا مش عايز امسيكي يعلم ربنا لان مش وقته ومش فايقلك اتفضلي اطلعي علشان لو وقفتي قدامي دققتين كمان هزعلك
شهد بضيق حاضر وطلعت على برا ووقف يونس في البلكونه وكلم سيف وقاله هينزله
—–
فوق في شقه مازن وياسمين
مازن كان قاعد على السرير بتعب وارهاق وياسمين بتاخد شاور من ساعه ما طلع ودقايق وخرجت لابسه البورنص وعملت نفسها مش شيفاه وراحت تفتح الدولاب وجابت بيجامه ودخلت الحمام تلبسها فتنهد بعمق وتابع والله مانقصاكي يا ياسمين على المساا
وخرجت وراحت نامت على السرير وطفت الاباجوره ونامت واتغطت
مازن بتنهيده والله ??
ياسمين —-
مازن بحده هو انا مش بكلمك يا ياسمين
ياسمين بتمثيل ايه سوري يحبيبي بتنادي ولا حاجه ??
مازن بحده بلاش برود طول ما انتي مش فاهمه حاجه متتكلميش
ياسمين بحده مش عايزه افهم انا عايزه اتخمد وياريت انت كمان تنام
مازن بحده ياسمين انا عملت كده قصدي عايز اوصل لحاجه
ياسمين بحده ماشي يحبيبي ربنا معاك
مازن قومها وتابع بحده انا مش ناقص ووجع الدنيااا كله فيااا قدري ده شويه مش وقته غيرره نسواان
ياسمين بدموع مقدره انا اكتر واحده مقدره كل الناس اللي حواليا بس مبتقدرش ولا مشاعري بتتقدر تقولها ياسمين زيها زيك وتحضنك وانت عادي وعازمها بكره كمان
مازن بصدمه هي قالتلك
ياسمين بسخريه كانت تتمنى تقول بس للاسف انا طلعت ومسبتلهاش فرصه تقهرني وتوريني انها زيها زيي انا اللي وقفت في بلكونه بيت ابوك كنت بنشر حاجات وسمعتكم
مازن وايه المشكله انا كده كده كنت هقولك
ياسمين بسخريه اممم لا اديني وفرت عليك وعرفت لوحدي وبطنها وجعتها فحطت ايديها على بوقها
مازن بخوف مالك يابت في ايه
ياسمين بتعب بطني واجعاني شويه عادي متخافش
مازن بقلق طب ايه طيب نروح لدكتوره
ياسمين بتعب لالا مش مستاهله انا كويسه ونامت متقلقش وغمضت عينيها بتعب
فمازن باس جبينها ونام جمبها وخدها في حضنه وتابع والله عملت كده لهدف ممكن تسمعيني علشان انتي سمعتي كلمتين وعصبوكي وخلاص
ياسمين بتعب قول يا مازن
مازن بصي
—–
في القسم عند شريف
سيف بتنهيده والعمل هتعمل ايه ??
شريف والله لسه يا سيف بيه مش عارف انا احتارت وتعبت اديك شايف الدنيا ليلت وانا مروحتش قاعد بشتغل
سيف مبدائيا انا كنت واثق ان الجيران هتكون متعرفش حاجه لان 99% الشخص ده مراقب حسام بقاله فتره وعرف ان في باب خلفي مفيهوش كاميرات فدخل وطلع منه ومحدش شافه ولحسن حظه البيت من الداخل مفيهوش كاميرات و الواضح انه ذكي لان البصمات كمان مش موجوده على اي حاجه
شريف بحيره: ايوه بلظبط كده فانا مش قادر افهم مين ده وازاي مش سايب وراه دليل كده
سيف شريف انا اخويا كان من اكتر الظباط كفاءه في اسيوط وليه اعداء كتير جدا فا لو سمحت فكر فكل القضايا اللي اشتغل عليها مين ليه مصلحه يقتله وحقق
شريف بتنهيده بس يا سيف بيه مفيش دليل للتحقيق فااللي هجيبه ده هيقولي بأي حق تجيبني
سيف تؤ بلعكس التحقيق اتعمل علشان نجيب الدليل فا ده شغلك وكده كده المتهم بريئ حتى تثبت ادانته فا اللي بتحقق معاه معملش حاجه خلاص هيخاف ليه
شريف بتنهيده تمام على خير الله هعمل كده .. وتفتكر اسر ليه علاقه ??
سيف افتكر وتابع هو مش حكم الاعدام اتنفذ عليه امبارح ??
شريف اه اتعدم خلاص بس انا سمعت انه هدد حسام بيه ان هينتقم منه فممكن سلط على قتله وبعت للشخص القاتل فلوس كتير علشان ينفذ لان كده كده هيموت ويسيبها بس يبقى انتقم منه
سيف حط راسه ما بين ايديه وتابع متمناش دي تكون الحقيقه بجدد
شريف بتنهيده علشان هيبقى حق اخوك ضاع مش كده
سيف بوجع اه طبعا اصل لو اسر اللي سلط مش هستفيد حاجه اديه مات ومعملش غير انه قهرني
شريف بتنهيده عموما انا شغال على القضيه واي جديد هبلغك من نفسي
يونس خبط ودخل فتابع سيف اتمنى كده بجد يا شريف وبص ليونس وتابع اقعد
فقعد وتابع سيف بص ده ابن عمي يونس وانا وهو واحد فا موضوع التحقيق اللي انت شغال فيه ده مش هيبقى لوحدك انا وهو هنساعدك ولما اضطر اسافر هو مكاني فبص مش عايز اضغط عليك في الشغل بس فهمنا الدنيا واحنا هندور معاك اثناء فتره راحتك شويه
يونس بلظبط كده المهم نعرف مين عملها في اسرع وقت علشان بالنا يرتاح شويه
شريف بابتسامه خلاص اتفقنا خير باذن الله
في المستشفى عند امنيه امها بتجهز علشان هتروح ورايحه تتصل بيونس زي ما قالها اتفاجئت ان الممرضين والدكاتره بتجري على اوضه امنيه
سميه بخوف ايه في ايه
وكلهم بيجروا ومحدش بيرد عليها
سميه بخوف في ايه يابنتي طمنيني
الممرضه بقلق المريضه حالتها صعبه ونبض القلب بيقل فا الدكاتره بتحاول تنقذها
