رواية غموض الحب عائلة الرفاعى الفصل التاسع و الثلاثون بقلم لولا
وحضنها ودموعهم نزلت بفرح شديد والكل حواليهم بيسقف بفرح والبنات بتزغرط
ياسمين دموعها نزلت بشده من الفرح وشددت من احتضانه وهي حاطه ايديها حوالين رقبته وهمست انت مصدق اللي بيحصل .. مصدق اننا خلاص بقينا سوا !!
مازن حضنها اكتر وتابع بدموع فرح انا مش عارف اصدق غير اني بقيت عادي احضنك قدام الكل وهتسوعب كل الكلام ده واحده واحده
ياسمين دموعها زادت وتابعت بحب اللهم لك الحمد بجد مش قادره استوعب من فرحتي فعلا
يونس بضحك ماخلاص يا باشا ايه اخوها وابوها واهلها كلهم واقفين
مازن بضحك بس يالا مسمعش حسك بقيت مراااتي خللااص يا بشرر
يونس بضحك يالا ! انت قد كلامك ده ?
شهد بضحك ماخلاص ضمنها بقى
يونس بضحك المأذون ملحقش يبعد اجيبه يرجعها لينا تاني
مازن شدد من احتضان ياسمين وتابع انسى الكلام ده خلاص وياسمين ضحكت بفرح وحضنته اكتر
يونس بضحك ايوه ياعم محدش قدك حقك دلوقتي ربنا يخليكم لبعض يحبيبي
مازن بحب تسلم يا غالي
نور بضحك ماخلاص يا مازن ماتسيب البت هي هتهرب
مازن بضحك ماتسكتوا انتوا شويه بقى ايه الوش ده وبااس جبينها وهي مغمضه ودموعها بتنزل
مازن حط ايديه الاتنين على خدها ومسح دموعها وتابع بحب وهمس ودموعه بتنزل : اقسم بالله ما مصدق خالص بس حقيقي الحمدلله اننا وصلنا لهنا وبعدين مش عايز اشوف دموعك تاني خلاص كل الوجع والتعب والقرف خلص وهنبدا من جديد
ياسمين لفت راسها بخفه وباست ايديه على خدها وتابعت بدموع فرح وهعيط ليه وانت بقيت معايا وحقي قدام كل الناس ده انا حاسه الدنيا كلها مش سيعاني من فرحتي انك بقيت جوزي خلاص وحلم العمر اتحقق .. حقيقي ربنا مايحرمني منك ينورعيني
مازن باس جبينها وخدها في حضنه وتابع ربنا يباركلي فيكي يارب .. وابتسم وتابع فاكره كنا هنشغل اغنيه ايه في اليوم ده
ياسمين بحماس وفرح ااه عمرو دياب حكايتنا حلوه
مازن بضحك صح برافو عليكي
وبلفعل الاغنيه ابتدت تشتغل فياسمين ضحكت بفرح وتابعت يااربي مش مصدقه بجددد واتنططت بفرح
يونس بضحك شوف البت الواقعه
ياسمين بضحك واقعه مش واقعه انا هخريها انهااارده ده فرحيي على مازن بتهزروا ولا ايه
امنيه بضحك طب يلاا اجري الاغنيه هتبداا
مازن ضحك ومسك ايديها وراحو على الاستيدج وهي حاطت ايديها حوالين رقبته وهو حط ايديه على وسطها والاغنيه بدات وهما بيغنوا معاها بفرح وحماس وحب واضح
“” فاكره لما كنا مجرد سلام من على وش الكلام .. فاكره لما الاهتماام كنا بنخبيه في هزاارنااا
و فاكره لما قولنا ان المره دي غير وان في احساس خطيرر يظهر الموضوع كبير شكله هيطول ما بيناا ..يظهر الموضوع كبير شكله هيطول ما بينااا
ومسكوا ايد بعض وتابعوا بحماس وحركه مع الاغنيه حلوه .. حلوه .. حلوه حكااايتنااا حلوه
حكااايتنا تتغنى في غنووه
غنوه حلوه .. حلوه ..حلوه …والله حلوه والله تتغنى في غنوه
والكل عمال يسقفلهم بفرح شديد والبنات بتزغرط وتابعوا سوا : فاكره اول صيف ..اول غنوه واول سهره .. كان اليوم تخاطيف يخلص يوم ونكمل بكره ..وشالها ولف بيها عند جمله طيب فاكره الاحساس لما ظهرنا في وسط الناس قولنا اننا مع بعض خلااااص مع بعض خلاااااص وفضل يلف بيها بفرح شديد والكل فرحاان بيهم جدا ونزلها وكملوا الاغنيه
شهد بفرح وهي بتسقف ايوه يا ميزو ايه الحلااااوه دي
نور بدموع فرح عسلات بجد ايه السكر ده .. قاسم
قاسم جمبها تابع بحب ايه يعمري
نور بدموع فرح عايزه اتجوز زيهم
قاسم بضحك يا سلااام ده يوم المنى همتك معاايا بقى وحددي
نور ضحكت من بين دموعها وتابعت حاضر والله هشوف في انهي سنه وهقولك
قاسم مسك ايديها باسها وتابع بحب وانا معاكي متخافيش
نور ابتسمتله بحب وسندت راسها على صدره فحط ايديه على كتفها وقربها منه وباس راسها
امنيه بفرح مازن وياسمين عسللل بجددد
حسام بحب ده حقيقي لقد هرمناااا
امنيه بضحك اه والله تعبوناا
وعند مازن وياسمين كانت الاغنيه اتغيرت لحلم سنين
فتابعت ياسمين بحماس مع الاغنيه عشنااا وشوفنااه اليوم اللي اشتقناله احضني قصاد الناااس يحبيبي وماالو ما بقينا لبعض خلاااص
مازن حضنها جامد وهو بيرقص معاها وتابع بفرح زادو العشااق اتنين اكتب اسامينااا كان حلم سنين وسنين نبقى لبعضينا واهو ربنا جمعناااا
وفضلوا يرقصوا على الاغنيه بفرح واضح وياسمين دموعها بتنزل بعدين البنات بقيت مع بعض والشباب مع بعض
قاسم بضحك بس يسطا انت اكيد دموعك دي علشان فرحان ان بقى معاك مزتين
مازن ضحك من بين دموعه وتابع بس يحيوان اخرس خالص
حسام فضل يضحك وتابع يا نوورر انتي يابت
قاسم حط ايديه على بوقه وتابع بضحك بس هششش وحياه امك اسكت مش ناقص نكد
حسام بضحك طب بتفتح بوقك ليه طييب
قاسم بضحك اعتبرني متكلمتش وسيبك مني وركز على عريسنا انهارده التحفيل مش عليا اناا
مازن برفعه حاجب عايز ايه يالا منك ليه انا مش عايز ابوظ مودي واهزقكم انهارده
قاسم بضحك وغمز ايوه ياعم ما لازم يروق عشوه حلوه ترم عضمك وحب عمرك واليوم يومك انهارده
مازن بضحك ما تقول بسم الله مشاء الله يا حيوان في ايه ده انا طلع عين اهلي علشان اتدلع الدلع بتاع انهارده ده
حسام بضحك ماهو محدش قدك صحيح
مازن بضحك والله العظيم انتوا الاتنين متربتوش وبص على البنات فياسمين كانت بترقص معاهم حلو فبصلها بحده بس مشافتهوش فتابع ثواني وجاي
قاسم مسكه وتابع بس بس رايح فين فرحها يا جدع متبقاش قفوش ونكدي كده محدش مركز معاهم ومرااتك لابسه واسع
مازن بحده طب سبني بس علشان مهزقكش انت التاني ده منظر رقص وبعدين على اساس ان المصور ده بطرحه ولا ايه
حسام فضل يضحك فتابع قاسم بضحك لا مش الفكره بس والله هي مش بتعمل حاجه فعلا ما امنيه خرباها اهي
حسام نعمم امنيه مين ??
قاسم بضحك يجماااعه دي بناات بتفرح بطلوا ام نكدد بقى
حسام فضل يبص فتابع فينهاا امنيه
قاسم يضحك مش هتشوفها علشان قصيره فمش باينه وسطهم ظهرت من دققتين بس
حسام بضحك ماهو ده اللي مطمني
مازن طب امنيه وقصيره ومش باينه انما اللي معااياا دي ايه وضعها ده انا هطلع عين اللي جابوهااا ورايح يمشي قاسم مسكه وتابع ياعم استنى انا رايي اشتري نفسك واسكت انهارده علشان ميتنكدش عليك وغمز
مازن برفعه حاجب اركب قرون علشان اللي بتتكلم فيه ده ولا ايه مش عايز حاجه من اهلها بس تحترمني
حسام يا ابني متافورش وتروح تقعدها ده فرحها بلاش تخنقها هي بتفرح بطريقتها مع صحابها وبعدين دي بتنطط اهو فين الرقص فقولها تهدى انما متحرجهاش قدامهم حرام عليك
مازن مسح بايديه على وشه وتابع حااضر يا حسام ومشي
قاسم بضحك هو رضي يقولها تهدي الدنيا علشان عارف لو نكدت عليه قسما بالله هتنيمه برا انهارده
حسام فضل يضحك بشده وتابع يخرب عقلك يا قاسم بجد
مازن راح عند ياسمين ومسك دراعها فاتخضت وبصتله بمعنى في ايه فتابع عند ودنها لان صوت السماعات عالي: هدي اللعب شويه ولمي نفسك علشان مقعدكيش خالص وقسما بالله ما هتقومي لاخر اليوم
ياسمين بصتله بحب وتابعت حاضر يحبيبي
مازن ابتسم وغمض عينيه وتابع بضحك بتثبتيني بردو يعني انا جاي متعصب بكلمتين هدتيني
ياسمين بضحك ماهو انهارده مش مود نكد بصراحه يلا مش فضيالك دلوقتي
شهد شدت ايديها فرقصت معاها ومازن ضحك ورجع تاني للشباب
حسام بضحك ثتبتتك مش كده
مازن بضحك ايه الجديد يعني
قاسم بحب ربنا يباركلك فيها ياارب
مازن بحب تسلم يا غالي
وبعد شويه من الفرح مازن مسك المايك وتابع بابتسامه معلش هاخد خمس دقايق من وقتكم انهارده عموما احلى يوم في حياتي وفضلت افكر ايه ممكن يتقاال يوصف مشاعري بصراحه ملقتش ولما دورت شويه لقيت شعر عجبني جدا لشاعر اسمه ابراهيم فراج وحسيته بيوصفني اوي فقررت اني هقوله لياسمين يوم فرحنا
ياسمين ضحكت بفرح ودموعها نزلت فمازن مسك ايديها وتابع بابتسامه : مبسوط اني كبرت معاكي .. حققنا الحلم اللي حلمناه والوعد اللي زمان قولناه ..البيت بنيناه بموده ورحمه وطيبه وحنيه….. وانتي ؟ انتي حبيبتي وكل ما ليا اللي صبرتي معايا وقولتي ومالو بكره هتفرج مع بعض هنصبر نستنى .. فا والله تشاوري على النجمه هجبهالك وان كان بايديا هجبلك حته من الجنه… ربنا يحميكي علشان خدتيني من الدنيا الصعبه لدنيا جديده ..علشان قررتي تحطي لقصتنا نهايه سعيده .. اطلبي .. اطلبي وهحقق كل ما تختاري وتتمني واعملي ما بدالك .. الا انك تبعدي عني .. وابني معايا الايام الجايه نستحمل مع بعض شويه ونعدي المِحن الصعبه اللي بتظهر في الاول .. وانا قد كلامي ومتاكد انك هتوفي وعودك .. وبقول ان انا خدت الحظ الحلو من الدنيا ان انتي معايا وان انا فعلا محظوظ بوجودك .. وانتي حبيبتي من هنا ولحد ما ربنا يأذن بأجلنا ..من وقت ما كنت بشوف اتنين في فرحهم وببص في عينك وبقولك عقبالنااا .. انا بشكر كل اللي داعلنا ربنا اكرمنا ووصلنا لكل اللي بنحلم نوصله واداني الخير اللي ساعدني اني ابنيلك بيتك.. وانا قدام العالم كله فخور انك بنتي وفخور انك جيتي في حياتي وبعدها حبيتك يا رسايل عيني بتلمع كل ما اقراهاا والدنيا الحلوه اللي انا مقدرش اعيش براهاا .. ياهديه قلبي وعمري وايامي والطفله الحلوه اللي بتكبر قدامي .. وانا مهما اقولك عُمر اللي هقوله ما هيكفي انا بس كفايه ان انا اعلنها واقولها ان انا قضيت من عمري سنين مهزوم لا بحاول ولا قادر اقوم وحبيتك الوضع اتغير لا بقيت مهزوم ولا متحير وخلصت من الهم اللي عليا وعديت من فتره احباطي .. قدام العاالم يا حبيبتي دلوقتي انا جوزك رسمياااا وحضنها وتابع قدام العالم يحبيبتي انتي مرااتي
والكل فضل يسقفلهم بشده والبنات زغرطوا بفرح وياسمين فضلت تعيط في حضنه بفرح شديد وتابعت انا بحبك وبموت فيك بجد ايه القمر ده فرحتني اوي وفضلت تعيط وهي بتشدد من احتضانه
مازن بحب وفرح والله ما لاقي كلام يعبر عن فرحتي اصلا ووطي راسه باس كتفها وهو حاضنها وتابع هو انا قولتلك انك زي القمر وطالتك سحرتني ولالا
ياسمين بصتله وضحكت من بين دموعها وتابعت رغم كل الحب ده بس فعلا لا مقولتش
مازن ابتسم بحب تابع مش قادر اخد بالي من اي حاجه غير انك خلاص فعلا بقيتي مراتي بس حقيقي ست البنات واحلى واحده في الدنيا اصلا وباس جبينها
ياسمين ضحكت من بين دموعها فتابع مازن بهمس وضحك طب ايه مش هنطير على بيتنا بقى خلاص كفايه تنطيط
ياسمين بضحك بس يا ماازن احترم نفسك
مازن بضحك اصل عماله تتنططي واخره هتروحي تنامي من التعب انا عارف
ياسمين فضلت تضحك وتابعت ده كده كده على فكره
مازن برفعه حاجب اه ومالو ان شاء الله حاضر انتي عارفه انا بقالي كام سنه مستني انهارده
ياسمين بضحك 10سنين وبردو ميشغلنيش هنشوف
مازن بضحك هنشوف صح
قاسم جاله وتابع مازن تعالى المدير بتاعك عايز يسلم عليك ويباركلك
مازن بحب طب جايلك تاني وسابها وراح مع قاسم فتابعت شهد بدموع فرح بجد ربنا يديمكم لبعض يا سمسم ايه القمرر ده انا لو متحبتش كده هقتله
ياسمين ضحكت وتابعت بحب يارب يعمري يجعل نصيبك اجمل كمان
شهد حضنتها وتابعت بدموع فرح فرحانه بيكي اووي ولولا انك هتبقي معايا في البيت كنت خربت الدنيا الحمدلله انه مازن بجد
ياسمين بضحك الحمدلله فعلا
هايدي جات وتابعت بفرح زي القمر بجد ايه الحلاوه دي ربنا يحميكم
ياسمين بضحك حبيبتي والله تسلميلي يا غاليه
جيلان بفرح عمتو عروسه قمر اوي
ياسمين بضحك ينورعين عمتو ده مفيش اجمل منك
امنيه بدموع فرح مبرووك يا روح قلبي
ياسمين بحب الله يبارك فيكي ينورعيني عقبالك يارب
نور بدموع فرح بالله كنتوا قمرااات ده مازن طلع عنده مشااعر ومخبي علينااا اهو ربنا يحميكم يمرات اخويااا يا مزة انتي
ياسمين ضحكت بفرح وتابعت بضحك ياقلب مرات اخوكي انتي والله
امنيه بضحك بذمتك مصدقه الكلمه
ياسمين بفرح يا خراابي لا والله مش مصدقه يعني خلااص القمرر اللي واقف هنااك ده بقى جوززي وكله عاارف يالهوي حد يقرصني
زينب جات قرصتها وتابعت بضحك اهو ياختي ولا تزعلي
ياسمين بضحك ووجع اااه طب ماتتوصيش اوي كده انا عروسه عايزة تزرقي ايدي قدام الواد اخص عليكي
زينب بغمز وضحك شوف البت وقله الادب مش كانت قطه مغمضه دي
شهد بضحك كانت بقي دي طلعت سوسه ومعبيه ومخبيه ماصدقت تنفجر بقي وتبين
ياسمين بضحك وفرح اه والله يا اختييي فبرااحتي بقى
نور بضحك هتبيعكم خلاص
ياسمين بحب ياقلبي من دلوقتي هو بس جوزي قره عيني ينادي كده وهنروح بيتنا ومش هنفتح لحد
زينب بضحك خافي علي اخوكي بقى علشان هتصدق ماتستفرد بيه
نور بضحك ده بالله هي اللي يتخاف عليها ده هو اللي ما هيصدق اما في الفرح قدامناوواضح انه شايل ومعبي وماصدق يخرج مبالك ب البيت بقى وغمزت
ياسمين فضلت تضحك وتابعت والله انتوا متربتوش اوعوا كده فين جوزي
زينب بضحك جوزك مع الرجاله ياختي مش هيطير
شهد بضحك يابت اتلمي واتقلي قدامنا طيب
ياسمين بضحك واتقل ليه جوزي حبيبي حلالي حقي
هايدي بضحك حقك يابت براحتك متخليش في نفسك حاجه خالص طلعي كله
ياسمين بضحك والله انتي حبيبت قلبي .. فين باسم وخالو والباقي
هايدي شاورت وتابعت هناك اهم مع ابوكي وعمامك وجدك
ياسمين ابتسمت بحب وهزت راسها بتمام فتابعت زينب بحب مش عايزاكي تقلقي ها واحده واحده وهتعدي اهو يوم زي اي يوم
ياسمين بضحك والله ما كنت قلقانه بس كلامك هيقلقني
زينب بضحك لالا والله ماتخافي عادي مفيش حاجه انا بس حبيت اعمل فيها متجوزه بقى وبنصحك وكده
كلهم فضلوا يضحكوا فتابعت هايدي بضحك لا فعلا متقلقيش بس بيني القلق يخربيتك الراجل يقول ايه الكسوف في البنت حلو
ياسمين بضحك لا انا مبتكسفش من مازن ده حبيبي
زينب بضحك يخربيتككك ما عمر حب عمري بس والله طلعت عين اهله بتهزري ولا ايه
ياسمين بحب علشان عمر غريب عنك ومكنتيش بتشوفيه انما مازن ده انا متربيه معاه وقدامه يعني لو مكنش جوزي كان هيبقي في مقام يونس فمبالك اني متربيه معاه وحبيبي فاحنا واخدين على بعض جداا ومبتكسفش منه ولا بقلق منه ولا اي حاجه
شهد ابتسمت بحب وتابعت والله عندك حق اوعدنا يااارب
ياسمين بضحك يارب ينورعيني بس خلصي السنه دي اهم حاجه
زينب بحب ربنا يديمكم لبعض يعمري وعقبال البيبي
ياسمين بحب يارب يحيااتي بجد وتقومي بالف خير
وبعد شويه جات الرقصه الاخيره ومازن كان بيرقص مع ياسمين سلو وزيهم قاسم ونور وامنيه وحسام
فتابع احمد لشهد بضحك احمم ملكيش نفس انتي كمان ولا ايه
شهد بصت ليونس فهز راسه بماشي وهو بيبتسم ففرحت جدا وحطت ايديها في ايد احمد وتابعت بضحك ليا بس يارب تكون بتعرف ترقص ومتفضحناش
احمد بضحك لالا عيب عليكي هتشوفي وخدها وراحو يرقصوا سوا
فتابعت صافيه بتنهيده حزينه وهي بتطبطب على كتف يونس عقبالك ينورعيني
يونس بابتسامه عقبالهم كلهم وتشوفي عيالهم كمان انما انا متشغليش بالك بيا وطلعيني من الحسبه
صافيه بحزن ليه يا ابني هو انت يعني
يونس بمقاطعه تيته علشان خااطري خلاص قولتلك طلعيني من الحسبه
صافيه بتنهيده عميقه ربنا يريح بالك وقلبك ياابني
يونس اتنهد بضيق وقام خرج برا وهو بيتكلم في الفون فتنهدت صافيه بحزن عليه وبصت عليهم وابتسمت
وبعد شويه خلص الفرح وركبوا العربيات والشباب كانو بيزفوهم بفرح شديد والاصوات ماليه الشارع
في عربيه مازن وياسمين كان بيسوقها يونس وجمبه شهد
مازن بهمس لياسمين بالله من وجهه نظري دي احسن فقره في اليوم
ياسمين بضحك وهمس والله انت متربتش وضربته في صدره
مازن بضحك اه يغبيه انتي مش هتبطلي الحركه دي ابداا
ياسمين بضحك اه لحد ما تتلم كده وتتربى
مازن بضحك لا بقولك ايه انا عريس يعني عايز صحتي وبعدين مفيهاش تربيه خلاص انسي بقى
ياسمين بضحك مازن بلاش تقلقني منك وربنا
مازن بضحك طب بذمتك تقلقي مني انا
ياسمين نامت على صدره فحضنها وباس راسها وتابعت بحب وهمس لا مقدرش بصراحه
مازن بحب طب اديكي قولتي اهو
يونس بص عليهم من المرايه وتابع بضحك ايه يحبيبي ايه يا غالي متاخدش راحتك اوي كده مش اوضتكم دي
مازن بضحك لا متخافش ماسك نفسي
ياسمين بضحك يا مااازن بقى وضربته
مازن فضل يضحك فتابع يونس بضحك مترباش هنقول ايه
مازن بضحك قولوا قعد متربي كتير لحد ماجاب اخره خلاص
شهد ضحكت فتابع يونس بضحك يا ابني اتلم معانا بنت لسه
ياسمين برفعه حاجب نعم ياخويااا اتنين مش واحده
يونس بضحك كلم يا مازن
مازن بضحك الله ايه الكلام اللي يضايق ده بقى بتستفزيني يعني
ياسمين بضحك احترم نفسك بس اومال مدام يعني ولا ايه
مازن بضحك في المستقبل القريب جداا اه ان شاء الله
ياسمين بضحك مازن بجد احترم نفسك ماتشوفه يا يونس
يونس فضل يضحك وتابع اعمل ايه طيب هو ما صدق اتجوزك ومش راضي يبطل احضان ولا كلام سيبيه سيبيه الواد فرحان
مازن بضحك اوي اوي والله يا واد يا يونس ربنا يدوقكم حلاوه اللي دايقه
شهد بحب وضحك اللهم امين يارب
ياسمين ضحكت وتابعت طب اتكلم براحتك بس مش قدام الناس طيب
مازن بضحك لا منا بتكلم قدام الناس علشان مش هتكلم لما نروح
يونس وشهد فضلوا يضحكوا فتابعت ياسمين بحرج ياا ماازن متخلنيش احلف بجد اسيبلك الشقه انهارده
مازن بضحك ده انا هحبسك اول شهر لحد ما استوعب هتهرزي ولا ايه
ياسمين بضحك شهرر ليه يعني متستوعبش احسن
مازن بضحك انتي بتقولي فيها طب والله فعلا مش هستوعب بسهوله
وبعد شويه وصلوا البيت ومازن ساعد ياسمين تنزل من العربيه علشان فستانها والكل وراهم والستات والبنات بتزغرط
وعايده جات بكوبايه لبن وتابعت بحب وفرح اشرب يا قلب امك
مازن بضحك ايه البدع والحاجات الغريبه اللي بتخترعوها دي
صافيه بضحك مااتشرب وانت ساكت يا واد خلي ليلتك بيضه الله
مازن بضحك لا اذا كان على ليلتي فخلاص نشرب مش ناقصين فقر وشرب شويه
عايده بضحك يلا انتي كمان زيه
ياسمين ابتسمت بحب وشربت شويه وتابعت لمازن بضحك يلا شيلني
مازن بضحك يسلام ده من عيوني لنورعيوني ووطى وتابع استعنا على الشقى بالله وشالها بين ايديه وكلهم زغرطوا بفرح وجودي كانت واقفه في بلكونه بيت ايمن ومضايقه جدا وبتحقد عليها وحاسه بغيره شديده
مازن بضحك يلا يا يونس قدامي اطلع افتحلنا الشقه علشان العربيه اللي شايلها دي
يونس فضل يضحك وطلع وياسمين ضربته في صدره وتابعت بضحك اخص عليك بجد فين جسمي اصلا علشان تقول كده
مازن بضحك وهو طالع بيها وكلهم وراه بيزغرطوا تابع: الفستان متقلك انما انتي عامله زي الريشه بس وماله هتتخني بعد الجواز وغمزلها
ياسمين بضحك والله العظيم انا ابتديت اقلق البت زينب كان عندها حق
مازن فضل يضحك وطلع ودخل الشقه فتابع يونس بحب يلا همشي انا خلي بالك منها يا مازن الله يخليك
مازن بحب والله في عيني الاتنين متخافش
يونس بحب ربنا يديمكم لبعض يحبيبي يلا عايزين حاجه
مازن بحب سلامتك يا غالي وقفل يونس ومشي
ياسمين بابتسامه بقينا لوحدنا
مازن بحب تماماا
ياسمين بضحك لا وكلهم عارفين وحقي احضنك
مازن بضحك لا وحاجات تانيه اكتر هنكتشفها سوا دلوقتي
ياسمين فضلت تفرك بين ايديه وتابعت بضحك نزلني نزلني علشان انت عايز تتربى
مازن بضحك مانا قولتلك بقى مفيهاش تربيه وحطها على السرير بهدوء
فياسمين اتعدلت قعدت وبصت على ديكور الاوضه وتابعت بحب مين زينها كده
مازن بحب نور وشهد
ياسمين بحب تسلم ايديهم بجد بس الورد اللي على السرير ده تعبوا فيه وعملوا قلب وحروف وحضرتك بهدلته في ثانيه
مازن بضحك انتي غريبه صح اومال هنخليه ما طبيعي يتبهدل يعني
ياسمين بضحك ايوه بس كنا صورناه على الاقل
مازن بحب صورتلك كل حاجه متشغليش بالك
ياسمين بحب طب بقولك ايه هتوضى بلفستان ونصلي الاول متغيرش هدومك
مازن بحب خلاص تمام مستنيكي وانا هتوضى في الحمام اللي برا
ياسمين بحب ماشي وراحت اتوضت وهو كمان بعدين دخل استناها ودقايق وتابع ماتخلصي يا ياسمين مش معقول يحبيبتي كل ده يعني
ياسمين خرجت وتابعت بضيق الفستان كان مضايقني بجدد مرمطني
مازن بضحك طب ما كنا غيرنا ده انتي دماغ بجد
ياسمين بضحك معلش خليها عليك ومتزعلنيش انهارده وطاوعني ينفع وقالت كده وهي بتقرب ناحيته وبتبتسم بحب
مازن قام بسرعه وتابع يضحك ينفع طبعا بس ابعدي واتلمي كده علشان مبطلش وضوئي عليكي
ياسمين بضحك لا والله ماشي يا عم مازن طب يلا علشان عايزة اغير المرار ده
وبلفعل مازن وقف امام ليها وصلي بيها وشكروا ربنا من قلبهم ان جمعهم ولما خلصوا مازن لف وحط ايديه على راسها وداعالهم ودموعه نزلت بحب فياسمين ابتسمتله بحب واضح وخلص وقام وتابع حرما ينورعيني
ياسمين بحب جمعا يحبيبي وقامت وحطت ايديها الاتنين ومسحت دموعه فمازن باس جبينها وتابع اقعدي اشيلك طرحتك
ياسمين بحب يلا وراحت قعدت قدام المرايا ومازن بدا يفكها فتابعت ياسمين بضحك بالله ما مصدقه بردو حاسه اني بحلم
مازن وطى باس خدها وتابع بحب مين سمعك حقيقي الواحد مش هيستوعب دلوقتي خالص وبص لفوق وتابع اللهم لك الحمد بجد وكمل يفك البنص ويشيل الهربيس والطرحه
ياسمين بفرح حقيقي فعلا مهما قولنا وعبرنا مش هنعرف نوفي ربنا حقه في الشكر ده انا من كتر ما مش مصدقه حاسه اني بعمل حاجه غلط اننا سوا اللي هو مش متعوده على التسيب والمرقعه دي
مازن فضل يضحك وتابع يخرب عقلك يا ياسمين بجد لا انا عايزك تركزي كده وتنسي كل اللي فات وشوفي التسيب ده علشان عادي دلوقتي
ياسمين فضلت تضحك والباب خبط جامد فاتخضت وتابع بسم الله في ايه
مازن بستغراب اكيد جايبين الاكل يابنتي وشال طرحتها فشعرها اتفرد على ضهرها وتابعت لالا في حاجه ده مش اسلوب وطلعت وراه
مازن فتح فتابع بحده في ايه يا نور يخربيتك
نور بخوف جودي بتعيط وبطنها بتتقطع وعايزاك واتصلنا بلدكتوره وجايه
مازن بخوف ليه مالها فيها ايه
نور بخوف معرفش والله ادينا هنشوف
مازن دخل بسرعه شقتهم اللي في وشه وراح علشان يشوفها فتابعت نور بخوف حقك عليا يا ياسمين بس هي والله اللي طلبت تشوفه وانتي عارفه ملهاش حد هنا و
ياسمين الدموع اتحجرت في عينيها وتابعت بمقاطعه بس بس خلاص محصلش حاجه روحي انتي
نور بصتلها بحزن ودخلت وياسمين بلفعل قفلت الباب ودخلت اوضتها بتجر رجليها حاسه انها عايزة تنفجر وتعيط ومش قادره تقف فدخلت ونامت على سريرها وفضلت تعيط بوجع وانهيار شديد
عند جودي في اوضه نور
جودي بعياط ووجع مش قادره يا مازن حقيقي تعبانه اوي بموت
مازن بخوف اهدي طيب حاسه بايه
جودي بوجع بطني بتتقطع مش قادره بجد
عايده بحده يا ابني مكنش يصح تيجي انت وبصت لنور وتابعت انتي ده انا هربيكي
مازن بحده ما خلاص ياما عملت ايه هي يعني ما جودي اللي طلبتني
عايده بحده ميصحش يا مازن لو اختك ترضى جوزها يسيبها ليله دخلتها ويروح لضرتهاا
مازن بعصبيه لا اسيبها تموت ياما ازاي ميصحش ماتعقلي الكلام كده ما اللي في بطنها ده ابني وطبيعي اقلق عليه
جودي بوجع وعياط خلاص يا مازن روح انت ملكش دعوه بيا
مازن بحده كبري دماغك لما اتطمن عليكل الاول
نور بتوتر طب انا جمبها يحبيبي روح لياسمين لان كانت هتعيط بجد
عايده بحزن حقها والله الله يكون في عونهم يا بنتي الاتنين هيتعبوا
مازن اتنفس بصوت عالي وتابع وانا والله قولت مش هفرق بينهم مالوش لازمه الكلام ده
احمد بتنهيده طب روح لمراتك ميصحش واحنا كلنا جمب جودي
مازن بحده طب يجماعه اطمن في ايه
عايده بتنيهده والله يا ابني الواحد ما عارف يقولك ايه
وبعد شويه الدكتوره جات فتابع مازن بلهفه اهو جات اخيراا
الدكتوره بتنهيده برا كلكم يا جماعه من فضلكم
عايده حاضر يلا يا ابني
مازن تنهد وقام خرج وكلهم زيه فتابعت الدكتوره ها هاتي الاول
جودي ابتسمت بخبث وفتحت الدرج ادتها الفلوس
فتابعت الدكتوره بابتسامه كده تمام وبعد شويه خرجت فتابع مازن بلهفه ها يا دكتوره طمنينا
الدكتوره للاسف حالتها صعبه وكانت هتجهض عايزة اهتمام ورعايه وتاكل كويس وانت بلذات يا استاذ طلما جوزها اقعد جمبها واكلها مش هينفع الوضع ده
عايده بتنهيده لا حول ولا قوه الا بالله والله الواحد مش عارف يقول ايه
مازن بتنهيده حاضر يا دكتوره وشكرا تعبناكي
الدكتوره لا العفو ده شغلي ونزلت فتابع احمد اتفضلي اوصل حضرتك
نور بحزن خلاص روح انت لياسمين وانا هاكلها والله
مازن بتنهيده هاتي الاكل بس علشان دي عايزة تتهزق
عايده بحده لا روح لمراتك ملكش دعوه بيها انا هاكلها انا واختك
مازن نفخ بضيق ودخل لجودي وتابع بحده بصي بقي علشان انا جبت اخري الوضع ده يتقرر تاني ودكتوره تقول انك مهمله هطلع عين اهلك وراكي ايه انتي غير تهتمي باللي بطنك هااا ردي عليياااا
جودي اتخضت وتابع بخوف وتوتر انا اسفه حقك عليا يا مازن والله مش هتقرر تاني
مازن مسح بايده على وشه وتابع بحده نفس الكلام كل مره ومفيش حاجه بتتغير بس المره الجايه يا جودي انا مش هقولك هعمل فيكي ايه .. المهم انا همشي وامي ونور هيأكلوكي وابقي اسمع انك مكالتيش حلو
جودي بتمثيل تعب طب ماتخليك اتعشا معايا وامشي ممكن
عايده بحده ورفعه حاجب ويتعشا معاكي ليه ياختي ماهو عريس وعنده عروسته وليله دخلته انهارده يتعشا مع مراته
جودي اتعصبت جدا بس مبينتش وتابعت بتمثيل اه سوري نسيت خلاص
عايده بحده نسيتي !! لا صدقتك انا اه معاكي وبقول حرام بت غلبانه وملهاش ذمب انما هنبتديها من بدري كهن حريم وشغل نفسنه مش هيعجبك اللي هتسمعيه مني اتلمي كده ومتنكديش على البت في ليله دخلتها كفاايه اوي انه جيه وسابها دلوقتي وغلطاان
مازن بتنهيده هراضيها والله خلاص تصبحوا على خير
ومشي
عايده بتنهيده روح يا ابني ربنا يديمكم لبعض ويتمم فرحتكم على خير
جودي بحرج انا مقصدش يا ماما ماهي مراته وهبقى زيي زيها بس انا فعلا نسيت
عايده بضيق اديني فكرتك وخرجت وتابعت لنور اللي خرجت وراها ياختي انا مش عارفه ايه البلاوي اللي بتتحدف علينا دي
نور بحزن ماما حرام عليكي دي صاحبتي وعمري ماشوفت منها غير كل خير وبتحب مازن ممكن غلطت في كلمتها دلوقتي بس مش قصدها قدري مشاعرها شويه دي متربيه قدامنا
عايده وهي بتحضر الاكل تابعت وانا طول عمري بقول كده وبحبها بس انهارده اسلوبها معجبنيش البت قصدك تجيب اخوكي من مراته
نور بضحك والله يا ماما مازن الله يكون في عونه من اللي هيشوفه الاتنين بيحبوه والاتنين غيورين اوي
عايده بتنهيده ربنا يسعده يابنتي ويهدي سره
في شقه مازن كان دخل لقى الشقه هدوء فتابع ياسمين .. بت يا سمسمه واستغرب السكوت اللي في المكان فدخل اوضتهم لقاها نايمه على السرير وشعرها مفرود حواليها بفستانها زي ماهي
فتنهد بعمق وتابع ربنا يستر منها بجد وقلع جاكت بدلته وراح جمبها وشال شعرها من على وشها ووطى باس خدها تابع بحب ياسمين .. حبيبتي
ياسمين فتحت بضيق وبصتله وتابعت بحده انت ايه جابك امشي اطلع برا
مازن اتفاجئ وتابع بضحك انتي عبيطه يابت ولا ايه ليكون عندك فقدان ذاكره انا جوزك خلاص امشي اطلع برا فين
ياسمين قامت من على السرير وشاورت على الباب وتابعت بحده مازن انا قولت برا اتفضل حقيقي مش قادره لاي مناقشات
مازن تنهد بعمق وتابع طب اهدي يحبيبي ممكن تهدي ورايح ناحيتها بعدت ورجعت لورا خطوه وتابعت بحده ولا ههدى ولا هتنيل اتفضل اطلع برا
مازن بحده ماتهدي يابنتي في ايه علقتي برا برا انتي عبيطه ولا ايه
ياسمين بدموع اه برا روح للهانم تلاقيها محتجاك يلا
مازن بتنهيده ياسمين حبيبتي انا مش عايز غباء من اولها انا روحت علشان اللي في بطنها وده مالوش ذمب في اي حاجه
ياسمين بدموع اممم بس انا بردو ماليش ذمب احساس الاحساس ده وفي يوم زي ده
مازن بتنهيده حقك على عيني وباس جبينها وتابع هعوضك والله عن كل اللي فات بس بلاش دموعك دي ابوس ايدك
ياسمين بدموع ده قهر مش دموع انا كنت غبيه لما فكرت هعرف استحمل الوضع ده انا من اول يوم وتعبت نفسيا ومش هقدر اجي على نفسي
مازن برفعه حاجب يعني ايه يا ياسمين
ياسمين بحده يعني طلقني
مازن بضحك اه دي اتهبلت على المساا اطلق مين يحبيبتي هو انا اصلااا لسه اتنيلت علشان اطلق وشد وسطها ليه وتابع بغمز طب نتجوز الاول بعدين نشوف موضوع الطلاق ده
ياسمين بحده مازن انا مبهزرش
مازن بحده انا اللي بهزر فعلا ولو متعدلتيش هديكي قلم يعدلك صح ويفوقك ايه شغل العبط اللي انتي عايشه فيه ده اكبري شويه
ياسمين بدموع امشي اطلع براا
والباب خبط فتابع مازن انا هروح افتح الباب وغلاوتي عندك ماتقفلي هاا وبعدين بص علي المفاتيح وخدها وتابع انتي ملكيش امان بصراحه وخرج في اتجاه انه يفتح وتابع بضيق طيب طيب جاي حاجه تقرف انهارده وفتح
نور بتوتر اسفه والله بس ماما قالتلي اجبلكم العشا
مازن خده منها وتابع بضيق تسمحوا متخبطوش تاني علشان والله ماهفتح
نور ضحكت وتابعت حاضر والله خلاص يلا باي
مازن بضحك باي ياختي
ودخل الصنيه وقفل الباب وحطها على السفره ودخل اوضته وتابع بحب طب بالله تعالي بصي الاكل حمام وحاجات كتير تعالي ناكل ومتنكديش علينا ده ست الكل متوصيه وشدها ليه وتابع بحب عارفه هحتاج صحتي
ياسمين برفعه حاجب ده ليه يحبيبي وراك حاجه تعملها من غير مايكون عندي علم ولا حاجه
مازن بحب ورايا انت يا قمر كلك مفهوميه بقى انهارده فرحنا
ياسمين بحده لا انا مفهمتش حاجه غير انك هتطلع برا وهتنسي كل الاوهام اللي في دماغك دي
مازن لا منا عمال اسايسك متعصبيش ام الواحد انتي بتتلككي اصلا لانك قيلالي في الفرح انسى وهتشوف مش طبيعي اللي بتعمليه ده
ياسمين بابتسامه بتتلكك اه انا اللي سبت جوزي ومشيت يوم فرحنا
مازن مسح على وشه بايديه بضيق وتابع ياسمين .. عدي ليلتك يابنت الناس قولتلك اللي مشاني الواد مش اكتر من كده
ياسمين اممم اصبر شويه كمان هو وامه هيبقوا فوق اي حد في البيت ده حتى انا
مازن بعصبيه انتي ايه ااكلام الفاضي اللي بتقوليه ده وليه بتتكلمي محسساني انك مبتخلفيش وهي الوحيده اللي هتخلفلي مش فاهم بجد
ياسمين الدموع اتجمعت في عينيها وتابعت اي ان كان اتفضل اخرج يلا عايزة انام
مازن بتنهيده تنامي ايه يا ياسمين الله يرضى عنك فوقي كده يحبييتي وحط ايديه الاتنين على دراعاتها وقربها منه وباس جبينها وتابع حقك عليا انا اسف بس ابوس ايدك متضيعيش فرحتنا وتنكدي علينا ده يوم استنيناه العمر كله وضحك وتابع وحماتك جايبه حمام وكلام زي الفل تعالي بصي بجد نفسك هتتفح وكل حاجه هتيجي بلتدريج تعالي يابنتي ربنا يهديكي
ياسمين نزلت ايديه بضيق وتابعت الحمام ده انت تاكله وروح الجيم فرغ طاقه انا مش عايزاك ايه هتاخدني بلعافيه ?
مازن اتصدم من كلامها وتابع لا طبعا مش للدرجه دي ومش انا اللي افرض نفسي على واحده مهما كنت بموت فيها تشكري خلاص وراح فتح الدولاب وخدت بنطلون وتيشرت وخرج وقفل الباب وياسمين عيطت وراحت تغير هدومها
وعند مازن كان خرج وغير هدومه ودخل ينام في اوضه الاطفال وتابع بضيق هي عين قاسم وحسام حسبي يالله ده انا واضح اني داخل على ايام سودا وقال لبن وليله بيضه قال وطفى النور وتابع ولا هتعشا ولا هتنيل ملهاش لازمه خلاص يخش الواحد يعرف يتخمد انهارده بعد العشم والطموحات اللي فضل يخططلها طول الطريق
——-
تاني يوم الصبح عيله الرفاعي كلها قاعده على الفطار
صافيه حد طلع صحى مازن وياسمين واداهم الفطار ?
عايده لسه ياما انا هطلعلهم بس بعد مانخلص فطار دول لسه عرسان فمرضتش اخبط بدري
منصور بضحك مازن مش خد السكرايه بتاعتنا مش هتشوفوا وشه هنا لمده شهر على الاقل خلاص
كلهم ضحكوا فتابع يونس بضحك لاحظ ان اللي بتتكلم عليها دي اختي فاراعي مشاعري واحاسيسي شويه يا حج
منصور بضحك ومراته منقدرش نتكلم دلوقتي يا ابني خلاص
يونس بحب ربنا يسعدهم ويهنيهم
جودي كانت قاعده بتفطر مضايقه جداا وحاولت متبينش فتابعت صافيه بضحك الا صحيح معرفتوش انتوا انهارده ام زياد قالتلي ايه وانا في السوق
عايده بستغراب مين ام زياد دي ياما اللي هي ساكنه اول الشارع ??
صافيه بضحك اه هي
نرمين مالها بقى في ايه
صافيه بضحك قال ايه عايزه تاخد شهد لزياد ابنها ربنا يحميه لسه مخلص السن
شهد كانت بتشرب شرقت وفضلت تكح فيونس فضل يخبط على ضهرها وتابع بحده شهد مين دي يا تيته اللي عايزاها لابنها
احمد بحده بتهزري يا تيته شهد ازاي يعني
شهد كانت رايحه تعترض بس لما لقيت احمد بيقول كده ابتسمت بخبث وتابعت وفيها ايه يعني بعيدا عن اني مش هوافق بحد دلوقتي بس فيها ايه ما اختك اتخطبت اصغر مني واديها متجوزه كمان
احمد بحده وانتي هتجيبي اللي عايزاك ده لقاااسم طب قاسم واحد مننا فمأمنين على نور معاه انما حضرتك نعرفه منين احنا
يونس بحده سيبك منها اصلا مفيهاش مناقشه
شهد بصت ليونس ففهمها وتابعت فيها ايه يا يونس انا بجد مش صغيره لما اخلص تالته عادي
يونس فهم فتابع بتنهيده طيب خلصي تالته الاول وبعدين نشوف وبص لصافيه وتابع قفلي الحوار مع الست دي خالص مش وقته
صافيه بحب حاضر يا ابني انا بس قولت اشوفها دماغها فيها ايه والواد ميعبهوش حاجه
شهد بابتسامه انا مش معترضه يا تيته بس السنه دي لا انا بصراحه مركزه في دراستي
عز نطمن عليها ياما بعدين نشوف الخطوبات والكلام ده مش هيطير العريس
احمد ااتخنق من كلامهم فقام وتابع عن اذنكم شبعت
عايده اقعد يا واد لسه مكلمتش اكلك وعلاجك تقيل .. ااحمدد .. انت يا واااد
بس كان طلع فابتسمت شهد بفرح وبصت لصافيه وتابعت بس عموما انا رافضه زياد ده احنا كنا بناقش المبدا انما انا مش عايزاه
صافيه بتنهيده على راحتك يا قلب تيته هقولها مفيش نصيب
يونس بص لشهد وضحك وهي ضحكتله وكملوا اكل
حسام بتنهيده طب هنزل انا ها عايزين حاجه
نرمين بحزن اخوك متصلش يا ابني
حسام بتنهيده لا النهارده احتمال يطلع المهمه ادعيله مش هيتكلم دلوقتي خالص يلا السلام عليكم
صافيه عليكم السلام يحبيبي ربنا معاك
ونزل
نرمين بحزن ربنا معاه ومع اخوه يارب وينصره والدموع اتجمعت في عينيها
معتز بتنهيده خلاص بقى يا نرمين مش اللي هنعيده نزيده يحبيبتي ادعيله احسن
زينب دموعها نزلت وقامت من على الاكل وتابعت عن اذنكم الحمدلله كالت وطلعت
منصور بتنهيده حلو كده يعني قلبتي عليها المواجع والهم وده جوزها واخوها والبت حامل ومش ناقصه
نرمين بدموع غصب عني طيب منا ام وبخاف
عايده بتنهيده حزينه معلش امسكي روحك قدام البت شويه ده همها همين يحبه عيني
نرمين بدموع هطلعلها معلش يا عايده لما انزل هلم معاكي الاكل
عايده روحي انتي يحبيبتي متشيليش هم ما الحلوه اهي هتساعدني ولا هو هيتجوزلي اتنين وميبقاش ليهم فايده
كلهم ضحكوا ونرمين طلعت فتابعت جودي بحرج لا طبعا حاضر من عيني هقوم اساعدك
عايده بابتسامه ايوه ياختي قومي كده همتك معايا علشاان الحق احضر الفطار للواد ومراته كفياهم كده
يونس بضحك ده واضح انتي اللي ماصدقتي بقيتي حماه يا عايوده الله يكون في عونهم منك بجد
عايده بضحك اخص عليك يا يونس انا كده
يونس بضحك انتي مش سامعه بتقولي للبت ايه ده من دلوقتي بتخليها تساعدك
عايده بضحك بعودها يا واد علشان عودها ينشف شويه لحسن دول جيل منيل بستين نيله
شهد بضحك كان بودي اساعدك بس للاسف ورايا مذاكره فا السلام عليكم وحد يعملي قهوه
يونس بضحك وهو بيقوم اه حقها دي تالته فكله في خدمتها
شهد بضحك بستغل الفرصه يابني الله
صافيه بضحك تخلص بس وهتسمح البيت بلاطه بلاطه معاهم
شهد بضحك نعمم ليه كانت نور عملت
نور بضحك مالك بنور انتي انا انيميا مبقدرش اعمل حاجه انا
كلهم ضحكوا فتابع يونس بضحك الله يكون في عونك يا ابني المرحومه داعت عليك لحد ما شبعت
نور بضحك اخص عليك يا ابيه بجد
يونس بضحك ده والله فعلا انتي ملكيش جواز .. المهم انا نازل قاسم جايلك امتى
نور كلمني اهو وقالي خمس دقايق
يونس طب يا نور متتاخريش على امتحانك هاا وعوزتي حاجه تعاليلي مكتبي
نور بحب حاضر
يونس باس راس صافيه وتابع بحب يلا السلام عليكم
صافيه بحب وعليكم السلام ينورعيني ربنا يحميك يارب
يونس بحب حبيبتي والله يا صفصف يلا باي وبص لشهد وتابع نذاكر هاا
شهد بضحك حاضر والله
ونزل فتابعت صافيه بتنهيده حلم عمري اجوز يونس قبل ما اموت
عز بضحك ربنا يديكي طوله العمر اوي اوي ياما والله
شهد بضحك يابابا بس متقولش كده والله حاسه قريب
منصور بتنهيده يارب يا بنتي يسمع منك ربنا
وشويه خرجت عايده من المطبخ وتابعت انا عملت الفطاار لمازن هطلع اوديه وانزل اكمل ياما متقوميش انتي
صافيه بحب واحد يحبيبتي هكمل بدالك مفيهاش حاجه
جودي بحب خليكم انتوا انا هعمل الشاي اصلا خلاص ده هو اللي فاضل
عايده بضحك خلاص سيبيها هي تعمله
صافيه متتعبيش نفسك من اولها يابنتي خليكي اانا هعمله
جودي لالالا مفيهاش اي تعب والله هعمل انا اهو علطول وجيالكم ودخلت المطبخ وعايده طلعت وفضلت تخبط على مازن وياسمين
مازن كان نايم صحي على صوت الخبط وتابع بضيق يارب والله الواحد اتخنق من ام البيت ده انا اتجوزت في بيت عيله ليه اناا .. حاااضر .. حااضر جااي وقام وراح فتح الباب
فتابعت عايده بضحك ايه يا مازن مش كده يحبيبي كل ده نوم ودخلت وراحت تحط الاكل على السفره فاتصدمت ان الاكل زي ماهو فبصتله وتابعت انت مكالتش انت ومراتك ليه
مازن قفل الباب بضيق وراح قاعد على كرسي الترابيزه وبصلها وتابع مكناش جعانين ياما فمكلناش متشيليش هم
عايده بضحك هي الدنيا هتطير يعني علشان متاكلوش مش كده يحبيبي
مازن بابتسامه اممم اصل احنا لاقينا اننا مش جعانين قولنا منضيعش وقت بقى كلك مفهوميه
عايده فضلت تضحك وضربته في كتفه وتابعت اتلم يا واد انت بتكلم امك ايه مفيش كسوف
مازن بضحك مانتي اللي بتلمحي وبتلوني ماكلناش ياست الكل خلاص مفيهاش حاجه يعني
عايده ضحكت وتابعت خلاص يحبيبي مش مهم يتشال ويتحط في المكرويف يسخن وتاكلوهم انهارده على الغدا .. المهم
مازن بابتسامه اممم خير
عايده بغمز ايه طمني
مازن بضحك زي الفل وعمل بايديه تمام وتابع فوق الفل بشويه كمان
عايده بستغراب من ضحكه: انت بتتكلم جد يا واد ولا بتاكل بعقلي حلاوه
ياسمين من وراها بابتسامه طب مش تقوليلي انك هنا علشان اطلعلك اسلم عليكي
عايده لفت شافتها كانت لابسه قفطان مغربي ابيض وفارده شعرها ورا ضهرها وحاطه ميكاب رقيق فتابعت بحب بسم الله مشاء الله ايه الحلاوه والجمال ده
ياسمين بابتسامه والله دي عيونك يا ماما تسلميلي
عايده زغرطت وراحت ناحيتها وحضنتها وتابعت الف الف مليون مبروووك يحبيبت ماما صباحيه مباركه ينورعيني
ياسمين بحب الله يبارك فيكي يارب
مازن بصلها باعجاب وحب وتابع ده ايه الحلاوه والقمر والجمال ده
ياسمين كانت متعصبه منه بس مش هينفع تبين قدام عايده فابتسمت وتابعت بحب ميرسي يحبيبي ربنا يديمك ليا يارب
مازن راح وحط ايديه على كتفها وشدها لحضنه وباس راسها وتابع ده احلى صباحيه على احلى عروسه عيني شافتها والله
عايده بضحك طب هنزل انا علشان مبقاش عازول
ياسمين مسكت ايديها وتابعت لالالا ايه ده رايحه فين لا طبعاا ده بيت ابنك هو ايه اللي عازول ومش عازول اقعدي كده بس براحتك متزعلنيش منك هو حد فينا قال حاجه
عايده بضحك يابت اوعي خليني انزل دي مبتتقالش دي بتتحس الواد واقف بيعاكسك قدامي في ايه اكتر من كده مثلا
مازن بضحك الله ماهو حقي يعني اشوف حاجه حلوه ومقولش انها حلوه طب ازاي يعني انما ملهاش علاقه بللي بتتكلمي فيه ده
عايده بضحك ازاي صح دي نعمه بردو
مازن باس خد ياسمين وتابع وانا بقدر النعمه اوي بصراحه
ياسمين بصتله برفعه حاجب وهمست اتلم هاا وابتسمت غصب عنها
عايده بحب الا صحيح يابت يا ياسمين طمنيني لحسن جوزك ده والله ما بعرف اخد منه حق ولا باطل
ياسمين بستغراب ليه مش فاهمه مال مازن عملك ايه
عايده بضحك ينيلك بت مش فاهمه ايه حماتك واقفه بتقولك يوم صابحيتك طمنيني هيكون ايه يعني عملتي ايه انتي يخليني اقولك طمنيني يعني
ياسمين بحرج ااه ااه صح سؤال غبي مني فعلا وبصت لمازن وتابعت بتوتر الحمدلله هو مازن قال غير كده ?
مازن بهمس الله يخربيت اهلك يا شيخه وابتسم وتابع شوفتي اهو زي منا قولتلك زي الفل خلاص بقى ياما مالك في ايه هكدب عليكي ولا ايه مش صغير انا للكلام ده
عايده بضحك واما هو الحمدلله ياختي مفهمتنيش من الاول ليه مالك مصفيه النيه اوي كده ليه
ياسمين بضحكت بحرج وتابعت ناسيه بقى
مازن غمض عينيه وتابع بهمس حسبي يالله مش هقول غير كده
عايده فضلت تضحك وتابعت ناسيه ايه يابت يخرب عقلك ده انتي لسه متجوزه امبارح هو انتي لحقتي تنسي ياختي ده انتوا حتى ممسكتوش الصنيه تاكلوا ومضيعتوش وقت على راي جوزك صحيح
ياسمين فتحت عينيها بتفاجئ وبصت لمازن وتابعت يخربيتك يا فمازن حط ايديه على بوقها وتابع بضحك بس رغي يحبيبتي بس رغي صوتك جابلي صدااع مش عايز اسمعه
عايده بضحك اتحرجت يخرابي عليكي يا ياسمين عسل والله بص وشها احمر ازاي
ياسمين عضت ايد مازن فتاوه بوجع وتابعت هتحرج من ايه ده انا قاعده بعد البلاط الليل كله وحاجه اخر ملل
عايده بصدمه نعم ياختي ?
مازن اتفاجئ وتابع بضحك قصدها ساعه اما كنت باخد شاور علشان طولت جدا وسبتها لوحدها وكانت مضايقه مني وقالتلي كده يا مازن ده انت خلتني اعد البلاط من الملل وطبعا دي كنايه عن انها مكانتش لاقيه حاجه تعملها مش حقيقه متشغليش بالك ياما دي دماغها تعبانه
عايده بضحك ده والله ربنا جمع ووفق
ياسمين بصتله بضيق وهو بصلها بيتوعدلها وبص لامه وابتسم وتابع بحب تسلمي يا غاليه ربنا يخليكي لينا ياست الكل
عايده بحب واشيل عيالكم بقى يارب شدوا حيلكم
ياسمين بضحك اشده ازاي يعني يا ماما هي بمزاجي دي الكلمه دي والله بستغربها جداا
مازن حط ايديه على جبينه وتابع لالا انا ليا الجنه معاها والله
عايده بضحك مش عارفه يعني ايه تشدي حيلك يا ياسمين لا ده انتي عايزه قاعده ده نحمد ربنا كملتوا جوازكم وطلعتي فاهمه دي يلا هنزل انا وهقولك بعدين
ياسمين بصدمه هي حاجه قليله الادب ولا ايه
مازن وعايده فضلوا يضحكوا فتابعت عايده بضحك لا طبعا انتي هبله يابت ولا ايه بس علشان نحكي براحتنا
مازن بضحك متشغليش بالك انتي ياست الكل انا هفهمها
عايده بضحك ومالو حلال بردو واهو تفهمها كل حاجه اهي مراتك لان من الواضح الله يكون في عونك يا ابني
مازن بضحك منا عايزك تدعيلي كتير حقيقي
عايده بضحك عيني حاضر ويلا افطروا اهو متسبوش الفطار كمان الدنيا مش هتطير
مازن فضل يضحك وتابع يالهوي عليكي يا امي بجد
عايده بضحك لا منا بعد ماشوفت القمر دي خلاص ضمنت مش هنشوف وشك تحت تاني زي ماجدك قال
مازن بضحك والله جدي ده بيفهم
عايده بضحك ماشي يا حيوان خليك يلا باي خلي بالك منها
مازن بحب متخافيش وراح قفل الباب وهي نزلت ولف بص لياسمين برفعه حاجب
ياسمين بتوتر ايه في ايه
مازن بحده في ايه ده انا هطلع عين اهلك
ياسمين جريت فجري وراها ودخلت اوضتهم وقفلت الباب
مازن بحده افتحي يابت وفضل يخبط
ياسمين بخوف لا والله مش هفتح وروح اوضتك يلا مش عايزه حد معايا انا
مازن بحده اوضتي اه ده انا هطلع عين اهلك علشان احترمت رغبتك وسبتك تدلعي تحرجيني قدام امي كده ابقى راجل 28 سنه طول بعرض وكبير عيله الرفاعي وتيجي عيله تحرجني وتطلع عيني كده
ياسمين بضحك عيله في عينك يا شيخ وبعدين تستاهل والله العظيم رايح تصيع على الوليه وتحرجني قدامها ومضيعناش وقت ومش عارف ايه واحنا اصلا كل واحد نايم في اوضه
مازن بحده لا اقولها منعت نفسها عني يا محترمه مش كده? هو الطبيعي اللي انا قولته ومقولتش تفاصيل كمان لان دي حاجه تخصنا هو الموضوع كله جاي بهزار لانها شافت العشا متغلف زي ماهو فقولت كده هزار مش اكتر انما حضرتك حلو اوي اللي عملتيه ده
ياسمين بضيق مازن خلاص بلاش شغل قلب ترابيزات لان انا اللي مش طيقااك تماام
مازن بحده طب افتحي يا ياسمين علشان مهزقكيش لان قسما باالله انا هعد لتلاته لو متفحش الباب يا ياسمين مش هقولك هعمل فيكي ايه واحد ..
ياسمين فتحت وتابعت بدموع نعم عايز ايه اخلص هتمد ايدك عليااا يعني? اديني قدامك اهو يبقى امبارح تسبني في ليله دخلتي وانهارده تضربني
مازن اتصدم من كلامها وتابع ليه هو انا امتى مديت ايدي عليكي علشان امدها دلوقتي انتي اتجننتي ولا ايه ومسك دراعها وشدها ناحيته وتابع فيكي ايه عايز افهم انتي فعلا مش طبيعيه
ياسمين بدموع تعبانه يا مازن وحقيقي مش حمل خناق
مازن حط ايديه على خدها وتابع بحنان تعبانه مالك يحبيبتي
ياسمين بدموع ووجع على اساس مش عارف ده انا نار بتكويني كل ما بشوفك بتهتم بجودي وبللي في بطنها انت حبيب عمري انا وجوزي انا ومش هقدر انكر اني امبارح كنت اسعد واحده في الدنيا بس بردو جودي كسرت نفسي في اليوم اللي عشت طول حياتي اتمناه واللي يقهر بقى ان دي البدايه وبكره وبعده واثقه هتبقى هي الكل في الكل
مازن باس جبينها ومسح دموعها وضمها لصدره وتابع وهو بيمشي ايديه على شعرها متهيالك انا محدش في الدنيا كلها يعرف ياخد مكانك جوايا وتبقي مش واثقه فيا لو فكرتي في كده تاني ده انا طلع عين اهلي علشان نوصل لهنا وحقك عليا انا معترف غلطت بس دي فتره مؤقته وهتروح بيتها ولما نتجوز مش هتقعد هنا استحملي معاايا الفتره الاولى دي بس احنا ياما استحملنا
ياسمين بوجع ودموع حقيقي دي بلذات لا مش هقدر والله العظيم خصوصا حملها منك ده قاهرني
مازن تنهد بعمق وتابع يا ياسمين يا حبيبتي انتي بتنكدي عليا وعلى نفسك واحنا عارفين ان مفيش حاجه هتتغير فبلاش نجيب سيره الموضوع ده وخلينا نفرح بجوازنا وحلمنا اللي حققناه بدل ماتقعدي تعيطي كده ده والله هي اللي المفروض تقلق مش انتي جودي بنسبالي صفر على الشمال
ياسمين وهي بتسمح دموعها اممم والصفر اللى على الشمال دي لما تتجوزها مش هتقربلها
مازن نفخ بضيق وتابع استغفر الله العظيم يارب يابنتي هو انتي مش لاقيه سبب تنكدي عليه
ياسمين بحده مازن لو سمحت جاوبني
مازن هتبقى مراتي زي مانتي مراتي. انتي عارفه الدين كويس انا مينفعش افرق في المعامله وربنا اللي امرني بكده انما قلبي معاكي وهي عارفه كده كويس وبعدين انا مش عايز منها حاجه بس لان ده حقها مش هقربلها غير لو هي طلبت بس
ياسمين بوجع ودموع اممم كلام ربنا صحيح انت مغلطش بس بردو ربنا سابلنا احنا حريه الاختيار وانا اللي بنت كلب اني رضيت حقيقي مش هلومك وبعدين انا بغير من ايه ما اللي حصل حصل وبقيت شايله ابنك خلاص وقعدت بركبتها على الارض وهي بتعيط وحاطه ايديها على بوقها
مازن تنهد بوجع وتابع ياسمين علشان خاطري يحبيبتي اهدي حقك عليا ووطى باس جبينها وقومها وتابع انا والله غصب عني وفاهم ومقدر مشاعرك كويس ولو بايدي مش هتجوزها اصلا وبلنسبه للبيبي انا مش هفرق بين عياالي طبعا بس مش هقدر بصراحه اخبي فرحتي لما اعرف ان انتي اللي حامل وده لانك غير وهتفضلي غير فارجوكي خليكي فاكره ده علطول
ياسمين وهي بتمسح دموعها اممم وهيجي منين البيبي ده ان شاء الله
مازن بضحك ياسمين متعصبنيش هيكون منين يعني مش عايز غباء على الصبح
ياسمين بابتسامه لا انا بتكلم طبيعي انت اللي مش فاهم بس وربعت ايديها وتابعت انا مش رايقه لحاجه فكبر دماغك مني الفتره دي
مازن بصدمه الفتره دي ! بتهزري صح ! الله يحرقك يا قاسم انت وحسام والله العظيم هي عينيكم
ياسمين نزلت ايديه بضيق من عليها وتابعت بحده انا داخله اتخمد
مازن مسكها وتابع لالالا استني بس الكلام اخد وعطا تعالي بس نفطر الاول ونشوف اللي انتي عايزاه والله حاضر هعملهولك
ياسمين بضيق مش عايزه حاجه ماليش نفس لحاجه
مازن بضحك ياستي ولا يهمك سيبك من الاكل ده خالص وتعالي نطلب جمبري واهو مفيد وكله فسفور
ياسمين ضحكت بسخريه وتابعت والله لو كالت البحر كله مش فارقلي وميخصنيش هبب اللي تهببه اوعى كده عايزه ادخل اوضتي
مازن مسك دراعها وشدها ناحيته وحط ايديه على وسطها وتابع بحب طب ممكن تسمعيني
ياسمين بضيق خير عايز ايه
مازن باس جبينها وتابع بضحك يا شيخه ورحمه امك قللي مود النكد شويه وحني عليا وارحمي ده ربنا بيرحم
ياسمين بضحك بعينك اوعى كده وبتحاول تفلت منه
مازن بضحك يابنتي مابلاش العند تاني
ياسمين بعند لا هعند ايه رايك بقى ووريني اخرك
مازن بحب تؤ انا مش عايز اوريكي اخري انا عايز اوريكي اول حاجه فيا وهي اني بموت فيكي ومحبتش ومش هحب قدك
ياسمين دموعها نزلت وتابعت بحب عارفه
مازن مسح دموعها وتابع بحب ولانك عارفه بتيجي عليا لانك واثقه ومتاكده اني ماصدقت بقينا سوا لاني قولتها وهقولها انتي الوحيده اللي بتخلي مازن الرفاعي يتهز فبتعاقبيني ببعدك عني مش كده
ياسمين بوجع وانتي فكرك اني عايزه كده ولا فكرك علشان انت الراجل فانا مش بتمنى اليوم اللي اكون ليك فيه زيك بلظبط واليوم اللي هشيل فيه حته منك
مازن واما انتي زيي بتعملي فينا كده ليه يا ياسمين ليه مصممه تنكدي علينا وتكسري فرحتنا
ياسمين بوجع علشان انت اللي بدات بكده مش انا
مازن تنهد بعمق ورفع ايديها باسها وتابع غلطان ومعترف وقولتلك كل اللي فرقلي البيبي بس والله الفتره دي ما حد هياخد اهتمام غيرك وهعملك اللي انتي عايزاه يابت انتي متتقارنيش بحد ده انا يبختي بيكي ده امي كانت بتدعيلي في ليله القدر علشان اخيراا بقيتي معايا
ياسمين لفت ايديها حوالين رقبته وحضنته وتابعت بدموع وحب على قد وجعي منك على قد حبي ليك اضعاف فمش هعرف اخد منك موقف مهما حاولت حقيقي
مازن ابتسم بحب وتابع طب ده انا يبختي بقى وحط ايديه على ضهرها وشدد من احتضانها وباس رقبتها بحب
ياسمين مازن
مازن بهيام فيها اممم
ياسمين بضحك طب ايه عايزه اكل مكالتش من امبارح
مازن وطى شالها بين ايديه وتابع بضحك ناكل بعد شويه بلمره
ياسمين فضلت تتحرك بين ايديه وتابعت لاا الناس بتاكل الاول
مازن دخل اوضتهم ونزلها وقفت على الارض وتابع بضحك وهو بيقلع تيشرته يابت ماهو ده التميز اللي في علاقتنا احنا عموما عكس الناس
ياسمين بتوتر لالا بقولك ايه انت وترتني اكشن ونعيد من الاول يلا نطلع برا ورايحه تخرج مازن حط ايديه على وسطها وشدها فخبطت في صدره العاري فتابع بضحك لا انا معنديش اعادات في اللي فات بصدق مانتقدم خطوه انما في اللي جاي تمام مش هنختلف
ياسمبن بضحك يا مازن بجد احترم نفسك واتربى
مازن بضحك مع مراتي طب ازاي طيب اقنعيني انتي
ياسمين بضحك معرفش بس حاول
مازن بحب طب سيبك من كل ده انتي محرجه مني بجد فخايفه ومش مستعده ?
ياسمين نامت على صدره وهو لف ايديه الاتنين عليها وضمها ليه اكتر وباس راسها فتابعت بحب انا عمري ما اتحرج ولا اخاف منك انا عشت عمري كله اماني معاك ومتفصل فيك وقولت كده لزينب وحقيقي مش متوتره ولا حاجه
مازن بضحك اومال مطلعه عين اهلي لييه بجدد
ياسمين بضحك بحب اضايقك وكنت معصبني انما مش عدم جاهزيه خالص وحطت ايديها حوالين رقبته وسندت جبينها على جبينه وتابعت بحب وهمس وهي مغمضه ده انت انا يا مازن
مازن فرح جدا بكلامها وابتسم بحب وتابع حلو اوي طمنتيني انا رايي نحقق حلمك التاني خلاص
ياسمين ضحكت وتابعت اللي هو ?
مازن بضحك زين يا ام زين
ياسمين فضلت تضحك وتابعت بحب زين طبعا علشان ابوه زين الرجال كلهم
مازن سند جبينه على جبينها وتابع بحب وهمس ده والله يابخت ابوه وباسها بحب وهي حاطه ايديها حوالين رقبته وبتتجاوب بحب معاه وبعد شويه وقت كانت ياسمين نايمه على صدره العاري فباس مازن جبينها وضمها لحضنه وتابع بضحك اهو كده اقدر اقولك بنفس صباحيه مباركه صحيح
ياسمين بضحك يا ماازن اتلم بجد وضربته في صدره
مازن بضحك وتأوه اااه … والله انتي عيون مازن ورفع وشها ليه وباسها بحب وتابع بهمس بذمتك مصدقه كل اللي حصل ده
ياسمين بحرج يا ااابني ما تبببطل قله ادب بقى الله
مازن فضل يضحك بشده وتابع ياللي مش سالكه انا اقصد عموما انتي مصدقه اللي حصل اننا في يوم وليله كده كله عرف بعلاقتنا وسبتي احمد واتجوزنا وبقيتي معاياا عادي قدام الكل ! وابتسم بحب وتابع ودلوقتي كمان كملنا جوازنا فانتي مصدقه ان كل ده حصل انا والله لسه مش مستوعب انك معاياا وبقيتي مراتي اصلا
ياسمين ابتسمت بحب والدموع في عينيها وتابعت في دي معاك حق فعلا مش مصدقه بس حقيقي اللهم لك الحمد وخدت نفس بارتياح وتابعت بشكر ربنا 100 مره انه استجاب وجعلني نصيبك انا مكنتش اقدر اتخيل ان راجل غيرك يلمسني اصلا
مازن حط ايديه على وسطها وشدها ليه فشهقت فتابع مازن بضحك ايه مالك يابت في ايه
ياسمين بضحك مفيش اتخضيت بس مش اكتر
مازن بضحك لا سلامتك من الخضه يعمري وباس خدها وتابع بحب انا بس كنت عايز اقولك ان لو حصل ايه انا مكنتش هسمح لحد غيري يتجوزك انتي من يوم ما اتولدتي مكتوبالي
ياسمين نامت على صدره فضمها ليه وتابعت بحب ودي احلى حاجه اتكتبتلي في حياتي ورفعتله وشها وتابعت صح قوم هاتلي اكل مش قادره هبطت بجد من امبارح مكالتش
مازن بضحك وغمز علشان مكالتيش من امبارح بردو
ياسمين بضحك مااازن
مازن فضل يضحك وتابع خلاص خلاص الحق عليا يعني شايف ان كتر خيرك
ياسمين بحرج لا متشوفش واتلم وضربته في كتفه وتابعت قوم هات الاكل وتعالى اكلني يلا
مازن بضحك هتدلع اهي
ياسمين بحب عندك مانع يا سي مازن ?
مازن بحب هو انا اقدر يا ياسمين هانم ثواني هجبلك الاكل وجايلك واستني خدي شاور بعد الاكل بلمره علشان ميبردش اكتر ماهو برد
ياسمين حاضر بس هات الفطار خفيف سيب الاكل التقيل بتاع امبارح ده هنعمله على الغدا
مازن بحب والله امي قالت كده فعلا خلاص هبجلك الصنيه التانيه
ياسمين بحب ماشي يلا بسرعه
مازن بضحك حاضر يابت خلاص مالك في ايه اتفجعتي
—-
بعد ساعتين عند نور في الجامعه قاسم واقف مستنيها تخرج ودقايق وطلعت
قاسم بقلق ها طمنيني
نور بضيق وحش بجد شيلته
قاسم بصدمه بتهزري صح
نور بضيق لا هو رخم فعلا والله اديك شايف المنظر وشاورت على البنات خارجه بتعيط
قاسم بضحك طب يلا يلا قبل ما يونس يجي يسالك وهيسمعني انا كلمتين
نور بضيق يا ابني ما كلهم بيعيطوا هما كلهم مخطوبين انا لو شوفته هقوله شيلته عاادي.
قاسم بضحك فداكي يحبيبي خلاص عقبال ماتشيلي عيالنا
نور فضلت تضحك وتابعت ده انت بايخ بجد ضحكتني وانا ماليش نفس اضحك
قاسم بضحك يقلبي اضحكي المهم صحتك وابتسم وتابع خمسه جد بقى طلما فعلا عملتي اللي عليكي مش مهم متضايقيش نفسك تتعوض
نور بحب ربنا يخليك ليا ينورعيني بجد وحضنته وتابعت زعل الامتحان ده ممكن يروح باكله كبده
قاسم بضحك سندوتشين ولا تلاته ?
نور بحماس اربعه وعصير برتقال ساقع
قاسم بضحك متفهميش الاكل ده بيروح فين بس خلاص اتفقناا وضرب كفه في كفها وتابع يلا بسرعه قبل مايشوفنا والله ما هيحلنا
نور بضحك يلا وراحت تخرج معاه وياكلوا
—–
عند سيف في الكتيبه كان في المهمه وماشين في الصحرا طوابير هو وكتيبته وماسكين الاسلحه بحذر
سيف بهمس محدش يضرب غير لما اقولكم تمام
الجميع تمام يا فندم
وفضل يمشي لحد ما سمع صوت الارهابين اللي بيهربوا اسلحه جايين وبيضربوا نار فتابع سيف لما اقول اضربوا تضربوا وخلو بالكم من نفسكم هما بادئين هجوم
الجميع تمام يا فندم
سيف قام وابتدى يضرب ووقع كذا واحد منهم
مؤمن بخوف هااا نقوم
عمر بحده اهدى انت التاني هو مقالش ندخل دلوقتي
جاسر بخوف يا ابني لوحده انت بتهزر ولا ايه
عمر بحده بس انت وهو .. هو عارف بيعمل ايه اتهدوا وبعدين ما في دبابات بتضرب بردو
حسن اهدوا يا رجاله هنقوم بس لما يقول علشان منغلطش زي المره اللي فاتت
وبلفعل سيف كان بيضرب فيهم وبيتفادى رصاصات كتير والدبابات بتساعدوا بعدين شاف منهم جايين كتير تاني غير اللي وقعوا فتابع بصوت عالي اضربوا
فقاموا الكتيبه وكلهم فضلوا يضربوا بتركيز وسرعه ويصيبوا الارهاب ويوقعوهم والنار كانت متبادله بطريقه رهيبه وفي من كتيبه سيف اتصاب في رجله او دراعه
فتابع سيف بحده وهو بيضرب اللي اتصاب يرجع ورا من نفسه علشان ميحصلش اكتر من كده يلا مفيش وقت
حسن بخوف حاضر يا فندم هقولهم متخافش
وبلفعل رجعوا وفضل سيف يضرب بلنار معاهم وبعد شويه الوضع هدي شويه فتابع سيف بهمس استخبوا واضربوا من امكانكم وبلفعل اتفرقوا واستخبوا ورا صخور وكل واحد كان بيشوف واحد كان بيضربه وسيف واقف بيعمل زيهم وبيراقب ولما بيشوف حد بيطلع يضربه ويقف ورا الصخره تاني بعدين شاف ارهابي مصوب ناحيه عمر فتابع بصوت عالي عمرر خلي باالك وراح زقه بسرعه وقعه والرصاصه جات في دراعه الشمال هو
عمر اتعدل بخوف وتابع يانهاار اسود انت كويس
سيف بالم هشش اسكت محصلش حاجه وبص من ورا الصخره وضرب اللي ضرب عمر وقعه
عمر بحده يا فندم حرام عليك ليه عملت كده
سيف بحده والم مش وقته ندب يا حضره الظابط شوفت حاجه وكان لازم ادخل بس جات فيا قضاء وقدر وخلاص ده دراعي الشمال مفيهاش حاجه
عمر بصدمه اه يعني ايه انت مفروض ترجع ورا
سيف بحده بس ياعمر احترم نفسك انا هعتبر نفسي مسمعتش حاجه وقوم يلا مش وقته اديك سامع ضرب النار ولا هتستناهم يخلصوا على اخواتك وقام وهو بيتألم وبقى يضرب نار عليهم
عمر بحده يا ابني مينفعش اللي انت بتعملوا ده
سيف بحده قولت مش وقته يا عمرر
عمر قام وقف وبقى يساعد سيف ويضرب معاه وهو خايف عليه جداا
حسن بخوف يا فندم ده القائد بتاعهم اللي حضرتك كنت بتراقبه بقالك سنين ده معاه قنبله على صدره
عمر بصدمه الله يا نهار مش فايت انهارده
سيف نفخ بضيق وتابع مكنتش عامل حساب يعمل كده عالم كفره ولاد كلب يا جدع وفضل يضرب فيهم وتابع ل حسن قول للقوات اللي على المدرعات تساعدنا وتخلي بالها تصيب الراجل ده لان لو ااقنبله انفجرت هنموت كلنا يلا اخللص
حسن اوامرك يا فندم وراح بسرعه يقولهم وبلفعل دقايق والارهابين كلهم كانوا ماتوا واتبقى الراجل ده فتابع سيف: اديك اهو بقيت بطولك بعيدا بقى عن الجو اللي انت عامله ده انا ميشغلنيش حاجه ومبخافش وده واضح بس عايز اسالك سؤال واحد وبيقرب ناحيته
الارهابي بعصبيه متقربش احسنلك متقرربش ونزل انت ورجالتك المسدسات احسنلكم
سيف وقف ورمي السلاح الكبير اللي كان ماسكه وتابع للكتيبه ارمو الاسلحه كلهم استغربوا بس رموها وسمعوا كلامه فتابع هقف مكاني اهو علشان بس الحلو بيخاف مع ان اللي بتعملوا ده دليل انك حتى مبتخافش من ربنا علشان تخاف مني بس معلش هو سؤال هسالهولك لان بجد كل مره في اي مهمه مبلحقش اساله وهو ليه ؟ ليه تكون سبب في ان دم بريئ يسيل على الارض او طفل يتيتم او اهل تتقهر على ابنهم اللي في عز شبابه او اب وام يموتوا ورا عيالهم من الوجع ليه تكونوا سبب في قتل ناس كتير جداا معلمتش اي ذمب ? انتوا ايه كفرره? مبتحسوش ?
الاارهابي بعصبيه وهو حاطط ايديه على الزرار بتهديد تابع احنا صح واللي بنعملوا هو الصح انتوا اللي كفره ومبتعملوش اللي مفروض تعملوا كلكم من المرتدين
سيف بتفاجئ مرتدين ! طب انت تعرف معنى الكلمه دي علشان تتهمني بيها؟
الارهابي بعصبيه ليه هو انت هتفهم في كلام ربنا اكتر مني وبعدين انتوا كده ظباط الجيش بتيجوا علينا وبتنفذوا كلام الاكبر منكم علشان بقيتوا زيهم وانت بلذت يا سيف يا رفاعي ظالم وكاافر
سيف وانت مين اداك الحق انك تكفر بني ادمين وتستحل دمهم ؟ ايه استغفر الله العظيم يعني هتقوم بدور ربنا على الارض ؟؟
الارهابي بعصبيه بلعكس انا بطبق شرع ربنا في الارض اللي انتوا اضعف من انكم تعملوا
سيف بسخريه شرع ربنا ! انهي شرع ده ؟ انا متابعك من قبل ماتدخل وسط الجماعه الارهابيه دول واياك تكون فاكر ان الدور اللي عايشه بقالك شويه ده هيخيل علياا ده انت عمرك ما دخلت جامع يااالا فا جاي دلوقتي تقول ربنا ليه هو انت تعرف ربنا اصلااا .. انت مجاوبتنيش على سؤالي بس عارف ايه الخلاصه ؟ انت واللي زيك نفس مريضه استغلها الشيطان علشان تأذي الناس باسم الدين والدين انضف منك ومن امثالك وعمره ما يدعو للعنف والقتل الاسلام دين رحمه وسلام والمرضى اللي زيكم بيحرفوا النصوص الدينيه الصحيحه علشان تتماشى مع اسلوبكم المريض ومفكرين هتشوفوا جنه ؟ وابتسم بسخريه وتابع ابقى قابلني
الارهابي بعصبيه خلاص احنا فيها اتشاهد يا سيف وخلى رجالتك تتشاهد وهدوس على الحزام ونشوف مين في الجنه ومين في النار ورايح يدوس
سيف طلع مسدس صغير كان في جيبه وضربه بحركه سريعه في دماغه وتابع بحده شوف انت يا روح امك
عمر بفرح عاش يا قائد ايوه كده
سيف راح فك الحزام من على صدره وتابع عمر امشوا بسرعه انتوا من هنا وهرمي انا ده وجاي
عمر بحده لا طبعا مش هسيبك لوحدك انت بتهزر ولا ايه
سيف بعصبيه عمر اخلص انت بتستعبط ولا ايه انا قوللت كلمه يبقى تتنفذ وبص لحسن وتابع امسك انت وعمر الكتيبه وخدهم يلاا بسرعه اخلصوا
حسن بتوتر حاضر يا فندم يلا يا عمر
عمر بعصبيه اوعا يا حسن قولت مش هسيبك انت بتهزر صح دي لو انفجزت انت هتموت
سيف بعصبيه عارف ومفيش وقت فاهروح ارميها بعيد وارجع روح انت معاهم واخلص فاضل دقايق
جاسر بتوتر لالا يا فندم مينفعش تروح لوحدك صح احنا هنروح كلنا معاك يلا بس بسرعه مفيش وقت
مؤمن بتوتر بلظبط مينفعش نسيبك في اخر جزء بدانا سوا وهنكمل سوا يلا بينا
عمر بتوتر يا فندم الوقت مش في صالحنا يلاا ابوس ايدك وافق نروح كلنا
سيف بعصبيه يا ابني انا هروح خفيف وارجع خفيف مينفعش اشيل همكم معاياا افهمني بقى وبص للقنبله كانت بتعد 3 دقايق
احمد بخوف لا يا فندم واحنا نخاف عليك لوحدك ارجوك
رؤوف بخوف ايوه يا فندم مش هنسيبك يلا هنروح وباذن الله هنرجع كلنا
سيف بحده وانا قولت لا وبص للقوات اللي في الدبابات وشاورلهم فا جم بسرعه فتابع سيف بسرعه: اقفوا حواليهم وامنعوهم يجوا ورايااا لو لواحد منهم جيه ورايا هيتعاقب وانتوا معااه
القوات اوامرك يا فندم ووقفت حوالين الكتيبه وبتمنعهم وسيف جري بكل قوته في الصحراا
عمر بعصبيه لالالا يااا قائد ياا قاائد علشان خااطري لا متروحش لوحدك ودموعه نزلت وتابع بعصبيه اوعاا انت وهو يا عممم اوعااا بقولك مش هسيبه
ادم بحده اوعاا كده عديني بقولك
حسن بحده يا ابني انت اتجننت اوعاا كده وبيزق فيهم جامد بس واقفين حواليهم متماسكين فعمر زق واحد منهم بكل قوته وخرج برا الدايره وجري يروح عند سيف
احد افراد القوات بخوف ياانهاار اسود سيف بيه هيطلع عين اهلنااا
عند سيف كان بيجري بكل قوته لحد ماقلبه وجعه من كتر الجري ونفسه اتقطع فبص لقاها فاضل دقيقه ففضل يجري اكتر لحد ما شاف حفره كبيره في في الصحرا وبص للتيمر
