رواية غموض الحب عائلة الرفاعى الفصل السابع و الثلاثون بقلم لولا
احمد بتنهيده لا يا عبد الله لازم امشي انا دماغي تعبت من التفكير عايز اخلص كل حاجه وابطل تفكير شويه بقى
عبد الله بتنهيده خلاص روح انت ومتشلش هم حاجه انا هقعد اخلص الشغل وهبعتلك تباشر الشغل من عندك الفتره دي
احمد بحب طبطب على كتفه وتابع ده العشم يا صاحبي .. يلا هقوم انا احضر شنطتي
عبد الله بحب واحد يا غالي .. هقوم انا اعملنا احلى كوبايتين قهوه واجي نرغي شويه قبل طيارتك الصبح
احمد بابتسامه اتفقنا يلا روح
عبد الله قام واحمد بص على دبلته وتنهد بعمق وقام يحضر شنطته
——————————————-
في شقه معتز الساعه 4 الفجر كان الكل نام بس مازن وزينب وحسام قاعدين يتكلموا مع بعض في الصالون
حسام ضربها في كتفها وتابع انتي يابت مش قايلك متشربيش قهوه
زينب بضحك معرفتش الصراحه …. عملت فيها جامده وهمشي على الكلام بلظبط معرفتش … عادي كوبايه كل فين وفين مش هتعمل حاجه
مازن لا طبعا تعمل طلما حاجه ممنوعه عليكي متشربيهاش ومتستعبطيش علشان عمر مش هنا لو كان هنا كان هزقك دلوقتي
زينب بتنهيده بالله ياريته هنا ويعمل اللي هو عايزه من اول يوم وواحشني اوي
حسام كان قاعد جمبها خدها في حضنه وباس راسها وتابع بتنهيده هيرجع والله بس صبري نفسك بأن كل يوم بيعدي بينقص من المده اللي هو بعيد فيها عنك وربنا يجمعكم على خير يحبيبتي
زينب بتنهيده ياريت حتى اقدر اكلمه وقت ما اعوز
مازن بتنهيده الجيش حاجه صعبه بجد ربنا يعينك ويعينه ده هو نفسه اكيد مش مرتاح دلوقتي
حسام بتنهيده طبيعي علشان لسه في اول جوازه انما قاعدته هناك هتعوده لانهم فاصلين المدني عن العسكري ومفيش تواصل مع الاهل كتير
زينب بحزن يارب يهون بجد الواحد مش متخيل هيعيش كده ازاي
مازن بضحك اهدي .. اهدي علشان حاسس ان مود النكد بيتسحب واحده واحده وهتعيطي كمان خمس دقايق
زينب ضحكت وتابعت مش كده والله بس فعلا كان نفسي يكون هنا اوي كنت نفسي لما اعرف ان انا حامل اجري عليه اول واحد اقوله عمري ماتخيلت كله هيعرف قبله كده
حسام بتنهيده حقك عليا لما يرجع فاجئيه ووالله هيفرح اكتر اهو تلاقي حاجه حلوه تفرحيه بيها لما يجي من تعب الشغل غير لما يعرف ويمشي
مازن بحب اتفق مع حسام جدا بجد انتي بس فكري في فكره حلوه كده وفاجئيه بيها وهتنسي ان مكنش موجود لما عرفتي من فرحتكم
زينب بتنهيده يارب بجد وبصت لحسام وتابعت صحيح يا حسام هو انا ممكن لما اجي اولد ميبقاش موجود ولا بياخد اذن ??
حسام بصلها وابتسم وسكت فتابع مازن احمم بياخد اذن اه
زينب بتوتر لا متهزروش هعيط
حسام بضحك اهدي اهدي بصي طب نتكلم براحه انتي هتولدي ايه طبيعي ولا قيصري
زينب انا بصراحه عايزه قيصري مش حابه الطبيعي بيجي فاجاه
حسام بحب طب يارب كده اهون لو طبيعي كنت هقولك انسي عمر يكون معاكي لان بيجي فاجاه ووارد الفاجاه دي تكون وهو في سينا انما القيصري انتي بتحددي فا لو عرفتي تحددي في معاد هو نازل فيه او هنا يبقى زي الفل انما لو اجباري معادك وهو هناك يبقى مش هيعرف ينزل للاسف
زينب بصدمه كمان !!! لا ده عمر كده اتجوز شغله متجوزنيش انا
حسام ضحك وتابع انتي بتتريقي على احزانك
زينب بتنهيده احزان ايه وزفت ايه بس دي نيله سودا على دماغه
مازن بضحك الله وهو ماله مانتي مجربه مع سيف كل حاجه هو غشك الراجل ما شغله يا زينب يعمل ايه
زينب بتنهيده الكلام سهل اوي تجربتي مع سيف عمرها ما كانت مقياس لحياتي مع عمر لان ده اخويا وده جوزي احتياجاتي لكل واحد فيهم مختلفه عن التاني تماما
حسام بتنهيده فاهمك وعندك حق بس هنعمل ايه يحبيبتي ادي الله وادي حكمته شغله ومضطر هو مش بيعلب وواجبك كمراته لما يرجع راعيه واضحكي في وشه ومتبينبش انك متأثره اوي كده
مازن بتنهيده ده رايي انا كمان حسام عنده حق متزوديهاش عليه يحبيبتي هو غصب عنه وعلى عينه بردو
زينب بتنهيده حاضر يا مازن هسمع كلامكم ربنا يقويني بجد
مازن بحب يارب يحبيبتي وباذن الله ساعه ولادتك يكون هنا قولي يارب
زينب بحب يارب بجد ياارب وفونها رن فكانت شهد
زينب بستغراب غريبه ايه مسهرها لحد دلوقتي دي
حسام مين ?
زينب وهي بترد تابعت شهد …. ايه يحبيبتي
شهد بقولك يا زوزا معلش متعرفيش اسم دوا كويس للبرد والسخونه ياسمين جسمها بيتنفض وتعبانه اوي
زينب بخوف ايه ده ليه ماالها حصلها ايه
شهد بتوتر مش عارفه تقريبا بسبب المايه اللي ادلقت عليها ومش عايزه اصحي بابا ويونس واقلقهم
زينب استني انا عندي برشام هنا هنزلهولك في السَبَت اطلعي البلكونه
شهد حاضر
وبلفعل دخلت زينب الاوضه وجابت البرشام وحطته في السبت ونزلته من البلكونه كانت شهد واقفه فتابعت اعمليلها كمادات مع البرشام يا شهد وطمنيني عليها كل شويه
شهد بحب حاضر يحبيبتي تعبتك. وخدته من السبت
زينب بحب لا تعبك راحه يعمري خلي بالك منها هاا
شهد بحب حاضر
ودخلت وزينب شدت السبت وسابته في البلكونه وقفلت ودخلت
مازن بقلق ايه في ايه مالها ياسمين
زينب بضحك وهي بتقعد ماهو كله من حضرتك البت جالها دور برد فظيع
مازن بصدمه بتهزري هي تعبت بجد
زينب بضحك اه والله شهد بتقولي سخنه اوي وعندها برد
حسام بضحك يا جدع حرام عليك وفضل يضحك بشده لما افتكر شكل ياسمين
مازن بحده هو ايه بيضحك يا حيوان انت
حسام من بين ضحكه : مش ..مش قادر بجد كل ما افتكر شكلها وهي بتشهق ومخضوضه وغرقانه مايه كده اموت من الضحك
زينب فضلت تضحك فضحك مازن وتابع طب لو محترمتش نفسك قسما بالله ههزقك خلاص في ايه
زينب بضحك منظرها كان فظيع لما دخلتلنا بجد لا ويونس اتصدم من شكلها كده فا لما عرف ان انت اللي غرقتها كان طالعلك فقولتله اهدى بس يا يونس نفهم مازن كبير على الحركات دي فلما عرف غرقتها ليه استحلفلها واستخبت ورايا علشان يسيبها
حسام فضل يضحك فتابع مازن بضحك احسن تستاهل قسما بالله
زينب بضحك اهي رقدت في السرير اهو
حسام ضحك فتابع مازن بتنهيده اضحك اضحك يلا تصبحوا على خير هنزل انا الوقت اتاخر
زينب يا ابني ما خليك احنا صاحين مش هنام ولسه هنصلي الفجر
مازن بحب لا مش هقدر كده كده انتي قاعده معانا فا الجايات كتير يلا سلام وبص لحسام وتابع سلام يا حيوان
حسام فضل يضحك وتابع سلام يا روميو
مازن بضحك يا ابني مش عايز اهزقك اختك قاعده وكبرت وهتبقي خال كمان
زينب بستغراب اشمعنا روميو يعني
حسام فضل يضحك وتابع متركزيش متركزيش ده سين بينا
زينب ضربته في صدره وتابعت بضحك جتك الارف صحيح انت وهو مش عايزه اعرف
حسام ضحك فتابع مازن بضحك وهو بيفتح الباب متاخديش عليه علشان حيوان والله .. يلا السلام عليكم
زينب بضحك وعليكم السلام ونزل فتابعت ماتقولي بقى وتبطل رخامه
حسام بضحك لا اقولك ايه ده انتوا نسوان تعشق اللت والعجن صحيح انا هروح اريح شويه الفجر يأذن صحيني
زينب بضيق يا بارد هتسبني لوحدي
حسام فرد جسمه على الكنبه وحط راسه على رجليها وتابع بابتسامه لا وعلى ايه خليني جمبك اهو
زينب حطت ايديها على شعره وتابعت بضحك ايوه كده جدع
————————————-
في شقه معتز الباب خبط ففتحت شهد
شهد بستغراب مازن
مازن كان شايل كوبايه ينسون عملها فتابع بتنهيده فينها ياسمين ياشهد
شهد اهي جوه تعالى
مازن دخل وقفل باب الشقه براحه ومشي مع شهد وقبل ما يدخل تابع هي مغطيه شعرها ??
شهد ايوه صح .. لا مغطتهوش استنى ودخلت وتابعت وهي بتديها طرحه امسكي غطي شعرك
ياسمين بتعب واستغراب : ايه ده ليه مش فاهمه
مازن حمحم فمسعت صوته وغطت شعرها واتعدلت في قعدتها بسرعه فتابعت شهد ادخل يا مازن خلاص
مازن دخل وتابع كوبايه قهوه معلش يا شهد
شهد بحب حاضر خمس دقايق وتكون عندك
مازن بضحك هتعبك لو اكتر من خمس دقايق بس وطي النار عليها جداا علشان مبحبش تتعمل بسرعه
شهد بضحك حاضر ولا يهمك هجيب كرسي واقعدلك جمبها
مازن بضحك تسلميلي يحبيبي اكون شاكر جدا
شهد بحب من غير شكر عادي انت اخويا الكبير وخرجت
ياسمين برفعه حاجب انت بتسرح البت يا مازن
مازن ضحك وتابع اه حاجه زي كده وحط الينسون على الترابيزه الصغيره اللي في الاوضه وقعد قدامها على السرير وقرب باس جبينها وتابع بتفاجئ : يالهوي ده انتي مولعه بجد
ياسمين بضيق اومال بهزار
مازن تنهد بعمق ومسك ايديها حطها بين ايديه الاتنين وباسها وتابع سلامتك يحبيبي الف سلامه حقك عليا
ياسمين بضيق انت ايه اللي جابك اتفضل اطلع برا وملكش دعوه بيا
مازن بحب لا ليا طبعا وغصب عنك وبراحتي مينفعش اعرف ان سمسمتي تعبانه بسببي ومجيش اشوفها
ياسمين بدموع مازن لو سمحت علشان خاطري
مازن حط ايديه على خدها ومسح دموعها وتابع بابتسامه علشان خاطري انتي انا مش جاي نتخانق انا حقيقي ضميري مأنبني وزعلان عليكي فسبيني اطمن عليكي وهمشي يا ياسمين ارجوكي مش كل شويه صوتنا يعلى
ياسمين بتنهيده والدموع متحجره في عينيها : اللي انت بتعملوا ده مش صح انا مخصكش
مازن الدموع اتجمعت في عينيه وتابع مش بايدي .. صدقيني مش بايدي .. غصب عني مش هعرف ابطل احبك واغير عليكي واتحكم فيكي .. مش هعرف حقيقي ده انا مربيكي على ايدي
ياسمين بوجع اممم بس عرفت تلمس جودي مش كده
مازن غمض عينيه بوجع وتابع وغلاوتك في قلبي غصب عني غلط ومعترف بس هعمل ايه لو بايدي اغير الواقع علشان ارضيكي والله مش هتردد
ياسمين بتنهيده للاسف لا هو بايديك ولا بايدي خلينا كده احسن ولاد عم وبس
مازن بتنهيده اعتبري وافقتك انتي هتعرفي تعملي كده
ياسمين بضيق اه هعرف اعمل كده متقلقش عليا
مازن بتنهيده اللي يريحك يا ياسمين وحط ايديه على جبينها وتابع خدتي الدوا اللي بعتتهولك زينب ??
ياسمين بضيق هزت راسها ب اه
فمسك مازن كوبايه الينسون وتابع طب انتي كده مش هتنزلي ببرشام امسكي علمتلك ينسون الحاجات السخنه حلوه ليكي وهنشوف هنعمل ايه
ياسمين بضيق شكرا مش عايزة منك حاجه
مازن بهمس حاد طب مش عايز اعلي صوتي واتغابى عليكي اشربي واخلصي
ياسمين برفعه حاجب حِكم يقتل القتيل ويمشي في جنازته
مازن اه يا ياسمين والمره الجايه لو محترمتيش نفسك هقتلك انتي علشان قله الادب والمسخره اللي بتعمليها دي
ياسمين بضيق زقته في كتفه وتابعت امشي اطلع برا وسبني في حالي
مازن بضحك الله انتي بتطرديني يا ياسمين عادي مبزعلش اعملي اللي نفسك فيه مش هطلع
ياسمين بضيق يا ابني انت مستفز ليه ?? وقاعد معايا بصفتك مين انت ??
مازن هنعمل نفسنا مش عارفين الحقيقه وهقولك قاعد معاكي علشان انا السبب في اللي انتي فيه بس يكون في علمك مش ندمان لانك فعلا مستفزه وعايزة تتربي
ياسمين بضيق انا المستفزززه اه انت هتقولي وضربته في كتفه وتابعت انا المستفززززه
مازن بضحك خلاص بجد علشان لو قومتلك مش هخلي فيكي حته سليمه ولا هتعرفي تتحركي اصلا فامسكي اشربي
ياسمين بضيق مش هشرب واهو عايزاك توريني وضربته تاني في كتفه جامد
مازن ساب كوبايه الينسون ومسك ايديها الاتنين بايد واحده ورجعها سندها للحيط وهي قاعده على السرير وهو قريب منها وتابع عايزه ايه انتي بقى ??
ياسمين اتوترت من قربه وتابعت ابعد عني واحترم نفسك وسبني عايزه انزل ايدي وفضلت تحاول تتحرك
مازن بضحك والله لو فضلتي للصبح مش هتعرفي تتحركي وكده ماسكك بس مبالك لو اديتك علقه محترمه هيحصلك ايه وانتي بصراحه غيظاني وماهصدق
ياسمين بضيق متقدرش اصللاا
مازن بحب اه بصراحه بس علشان متهونيش عليا مش علشان خايف منك ولا حاجه
ياسمين قلبها دق سريع واتوترت وتابعت بتوتر مازن ابعد شهد لو دخلت موقفنا هيبقى زباله وحاولت تفك ايديها وتنزلها بس ماسكها جامد
مازن بضحك لا مش هسيبك الا بمزاجي علشان تتربي وتطولي لسانك كويس
ياسمين بتوتر يا ماازن ايدي وجعتني اوعى بدل ما والله اديلك ضربه بدماغي اجيب اجلك
مازن فضل يضحك وتابع ضربتك انتي هتجيب اجلي انا اهي ادي نكته بس نكته بايخه جدا الصراحه .. متهزريش تاني
ياسمين ضحكت وتابعت بجد اتلم واوعى انت مش محترم صح عاجبك انك قريب من وشي كده
مازن بحب الصراحه اه اكدب عليكي يعني وبص لشفايفها وبصلها
ياسمين بتوتر اوعى والله العظيم هقتلك اوعى تفكر
مازن بضحك عيب عليكي كل حاجه في وقتها احسن ومفيش احسن من الحلال
ياسمين بغيره اممم اصلك تعرفه
مازن سند جبينه على جبينها وغمض عينيه وتابع بهمس ياستي انا راضي انتي اللي تعرفيني عليه
ياسمين برفعه حاجب معلش ده عشم ابليس في الجنه بلظبط
مازن بضحك لا يا شيخه
ياسمين بهمس حاد اه زي ما سمعت كده انا مش هتجوزك اصلا ولا على ضره ولا من غير ضره انا هتجوز اخوك وانت عارف
مازن بتنهيده انا بهاودك مش اكتر انما ده مش هيحصل لو اطبقت السما على الارض
ياسمين بابتسامه مستفزه : طب يعمري ابقى فوق على الصدمه يوم فرحنا بقى
مازن بحب لا وايه هيفوقني على صدمه اما هو فرحنااا ده انا هبقى مش مصدق نفسي من كتر الفرح
ياسمين ضحكت بسخريه وتابعت انت عارف ان اقصد فرحي انا واحمد يا مازن فبلاش استعباط
مازن بابتسامه انا مش عارف غير اني كل يوم بدعي ان ربنا يجعلك نصيبي انا وهيحصل وهيستجيب ازاي دي مش بتاعتي
ياسمين الدموع اتجمعت في عينيها وتابعت ياريت بس مبقاش ينفع اصل لا الدنيا ولا الظروف ولا انا بقينا عايزين جوازنا ده خلاص
مازن بتنهيده مش من قلبك وانا عارف فمش هاخد على كلامك وهسيب الايام تحكم
ياسمين بضيق طب اخلص وسيب ايدي وجعتني اوي
مازن بضحك لييه بس ماانتي لسانك حلو اوي وانتي بتقوليلي عايزاك توريني فاسيبك دلوقتي علشان ايه بقى
ياسمين بصتله بحب وتابعت علشان خاطري
مازن ابتسم بحب وتابع لا ضعفت بصراحه خاطرك غالي يعمري وباس جبينها وساب ايديها وقعد قدامها ومسك الينسون وتابع اشربي بقى
ياسمين بضيق هات يخش نخلص ومسكته تشربه
وشهد دخلت وتابعت بحب القهوه اهي
مازن بحب تعبتك يا شوش ومسكها منها حطها تبرد
شهد يلا يا ياسمين جبتلك المايه السقعه علشان اعملك كمادات ريحي جسمك وراحت شهد فتحت الدولاب جابت قماش صغير
ياسمين شربت الينسون ونامت فتابع مازن انتي ايه مسهرك يا شهد لحد دلوقتي مش وراكي مذاكره ودروس
شهد بتنهيده اه والله بس قاعده بعملها كمادات ولسه ورايا حاجات احلها
مازن قام خد منها القماش وتابع روحي انتي حليهم انا قاعد جمبها
شهد لالا متتعبش نفسك انزل نام وراك شغل انا قاعده
مازن بحب اسمعي الكلام وروحي ذاكري انا قاعد جمبها وضحك وتابع علشان حاسس بلذمب شويتين فاهعملها انا
شهد بضحك خلاص ماشي وبصت لياسمين وتابعت بحب عوزتي حاجه ناديني
ياسمين هزت راسها بتمام وشهد خرجت فتابعت كويس عندك دم وبتحس بلذمب
مازن بضحك لا مين قالك كده يحبيبي ده انا لو الزمن يرجع بيا هغرفك ببرميل عادي ده كلام بيتقال علشان امشيها مش اكتر
ياسمين بضيق جتك الارف
مازن بضحك طب اتلمي علشان بترجعي تخافي زي الكتكوت المبلول وراح مسك المايه وحط فيها القماش وتابع قولتلك باحترام ادخلي مسمعتيش الكلام ويعلم ربنا لولا بس اني ماليش حق اتكلم قدامهم كنت جبتك من شعرك اللي كان خارج كله من الطرحه ده
ياسمين بضحك طب انت مالك انت يا بارد الله
مازن حط القماشه على جبينها وتابع بضحك ماقولنا بلاش الكلام ده مانتي عارفه انه ليا وبعيدا عن الهزار حقيقي يا ياسمين لو شوفتك واقفه شعرك باين وبتضحكي كده تاني هتزعلي مني ومن اسلوبي فبلاش تجبريني لده هاا
ياسمين بابتسامه مستفزه : انا عايزه ازعل منك نفسي كده ازعل منك
مازن بضحك ما بلاااش العند ده معايا يا بنت الناس انا مبهددش ما انتي جربتي جزء بسيط اهو وراقده في السرير بسببي
ياسمين بضيق امشي اطلع برا علشان كل ما افتكر بتعصبني روح برا يلا ومش عايزة من حد كمادات هاتلي اختي
مازن طب انا راضي ذمتك انا ولا شهد
ياسمين برفعه حاجب شهد
مازن بضحك احلفي كده
ياسمين بضحك مبحلفش ومتضحكش وتضحكني لان مفيش حاجه تضحك تمام
مازن فضل يضحك وتابع لا صدقتك وفضل يعملها كمادات شويه
ياسمين بتعب مازن انا مش قادره عايزه انام وحاسه اني تعبانه
مازن بتنهيده حقك عليا بجد وباس ايديها وتابع هخلص الكمادات وهنادي زينب تديكي حقنه السخونه مش هتنزل غير كده
ياسمين بخوف لالا حقن ايه انا كويسه خلاص
مازن بتنهيده ياسمين متعصبنيش عليكي مش هينفع
ياسمين بخوف طب بص اوعدك والله لو صحيت سخنه وتعبانه هاخدها والله يا مازن وعد
مازن تنهد بعمق وتابع تمام وانا هصدقك وحط ايديه على جبينها وتابع لو كنتي اتربيتي مكنش حصل كل ده
ياسمين بضيق لو كنت انت بطلت شغل عيال مكنش حصل كل ده
مازن برفعه حاجب شغل ايه يا ياسمين ??
ياسمين بتوتر لا ولا حاجه انا اقصد جيلان بنت باسم ماهي عيله من ضمن العيال لو كانت بطلت زن على مامتها مكنتش خرجت البلكونه علشان اكلمها فانت تغرقني بس كده
مازن اممم بس انا حسيت ان سمعت كلمه انت
ياسمين بابتسامه متوتره : لا طبعا اكيد سمعت غلط وعطست وتابعت اااه الحمدلله
مازن بابتسامه اممم منا بقول كده بردو ومسك المناديل وادهالها وتابع سلامتك يحبيبي فسحبت منها ورجعت ضهرها لورا وتابعت تعبتك يا مازن
مازن بحب تعبك راحه ياعيون مازن وباس ايديها
ياسمين بتعب انزل انت علشان شغلك وبكره بتروح الارض تشوف العمال فمش هتفضى
مازن بضحك ده انتي حافظه جدولي بقى
باسمين بضيق مش عشره عُمر بقى
مازن بحب وعلشان عشره العمر مش هسيبك نامي وهنزل
ياسمين بتوتر مازن مينفعش والله العظيم لو يونس صحي وشافك هيقتلني
مازن برفعه حاجب هيعمل ايه يعني يونس بقولك ايه انا مش ناقص قرف ليه محسساني اني زميلك في الجامعه وجايلك من الشباك انا ابن عمك وخبطت طبيعي على فكره واختك اللي فتحت
ياسمين الدموع اتجمعت في عينيها وتابعت يونس عارف مشاعري ناحيتك واتوترت وتابعت اللي كانت يعني فا لو شافك هيبهدلني هو حالف عليا متعاملش معاك وانا مينفعش اكسر كلمته ده كبيري بعد بابا
مازن بتنهيده لا سيبك من كل كلامك ده لاني عارف ان يونس عرف كل حاجه علشان جيه اداني علقه وفهمت انك حكيتي الشريط كله
ياسمين بلهفه نعمم ضربك ازاي وامتى
مازن بتنهيده لالا استني بس كبري دماغك من كل ده مع ان تصرفك دلوقتي ولهفتك دي عكست كلامك بس قدرتي تقوليها .. انتي بتقولي مشاعرك اللي كانت !!! يعني انت مبقتيش تحبيني يا ياسمين !!!
ياسمين بتنهيده عمري ما اقدر ابطل احبك بس مبقاش ينفع اقول كده .. مبقاش ينفع افضل بفكر فيك انا مبقتش ليك وحبي ليك دلوقتي خيانه لواحد تاني ميستاهلش مني كده وانا مش وحشه يا مازن ولا عمري هكون الشخص ده
مازن بتنهيده اممم لا اقنعتيني بس الخيانه فعلا بدات منك ورفع ايديها وتابع يوم ما فكرتي تحطي في ايدك دبله اخويا فانتي اللي طعنتيني يا ياسمين وبسبب القرف اللي دخلتيني فيه خلتيني سكرت ودي حاجه عمري ماعملتها وادي التمن بنت ملهاش اي ذمب شالت المشاريب
ياسمين بوجع سيبك من الكلام ده جودي قصدت تخليك تقرب منها واي كلام غير كده انا مش هصدقه
مازن اثبتي مفيش دليل لكلامك ده مجرد شك وانا زيك شكيت بس مفيش دليل ومش مقنع بنت تأذي نفسها كده
ياسمين بسخريه ولو اثبتلك يا مازن هتسيبها ???
مازن بتنهيده وابني ذمبه ايه ??
ياسمين دموعها نزلت وتابعت وهي بترجع ضهرها لورا وغمضت عينيها ابنك اممم … لا كلامك صح .. اهو ابنك ده بنى بيني وبينك الف سد وسد حتى لو مكنتش خطيبه اخوك
مازن بتنهيده سيبك من ابني ومن جودي ومن احمد وكبري دماغك من كل حاجه .. دلوقتي اهم حاجه صحتك
ياسمين بتنهيده لا زي الفل متقلقش عليا لو على صحتي هترد المشكله اكبر من كده بكتير وفردت جسمها وغمضت
مازن تنهد بعمق وسكت وحط ايديه على جبينها لقاها لسه سخنه ففضل يعملها كمادات
————————————
تاني يوم الصبح ياسمين حست انها احسن وفتحت عينيها كانت الشمس دخلت فا اتاوبت وقامت اتعدلت اتصدمت ان مازن نام وهو قاعد على الكنبه فصوتت تلقائي لانها مش متوقعه
مازن اتفزع وصحي وتابع ايييه يخربيت ابوكي في ايييه البيت بيولع
ياسمين بصت للساعه وبصتله بخوف وتابعت يخربيييتك انت منزلتش ليييه
يونس جيه خبط على الباب وتابع بخوف ياسمين ماالك انتي كويسه ادخل لابسه كويس ????
ياسمين فتحت عينيها بخوف ولطمت وهمست والدموع هتنزل من عينيها يخربيتك يا مازن الله يحرقك
مازن قام بسرعه وتابع بهمس وهو بيطبطب عليها اهدي اهدي متخافيش والله مش هيشوفني ودخل الحمام جري وقفل
يونس بخوف انتي يابنتي وفضل يخبط
ففتحت ياسمين وتابعت بتوتر ووشها لونه مخطوف ايه يحبيبي حقك عليا كنت في الحمام
يونس استغرب لبسها وتابع بتعملي ايه في الحمام بلطرحه وعلى البيجامه
ياسمين اتوترت وشالت الطرحه وتابعت بضحك وتوتر : ايه ده هي لسه على شعري اصل انا كنت بصلي العشا .. قصدي الضهر ..قصدي امبااارح يا يونس امبااارح صليت الفجر يحبيبي وداعيتلك وداعيت لينا كلنا ونمت على الارض وانا بدعي فكانت على شعري ومشلتهاش
يونس برفعه حاجب واستغراب لتوترها : بتصلي بلبيجامه !!! وده من امتى ??
ياسمين بتوتر لا منا قلعت الاسدال حالا بس سبت الطرحه لسه ملحقتش اغير يعني
يونس برفعه حاجب ياسمين انتي بتكدبي بس يتارا ايه السبب ???
ياسمين بضحك وتوتر لا طبعا هكدب لييه يحبيبي مفيش سبب مقنع للكدب يعني
يونس اممم هكمل اشوف اخرك ولو نفترض كنتي بتصوتي ليه بقى شوفتي جن وعفاريت فاجاه ولا حاجه ??
ياسمين بتوتر لا ده فاار يا يونس فاار وانا بغسل وشي شوفته والحمدلله جري يعني
يونس بستغراب فااار في الاوضه وفضل يبص حواليه
ياسمين بتوتر ما مشي خلاص بقى الحمدلله
يونس لا استني اشوفه جيه منين ده .. ده انتي حتى قافله البلكونه فاهو اكيد لسه مطلعش وفضل يدور
ياسمين كانت واقفه مرعوبه وباين عليها التوتر الشديد وعماله تغمض عينيها وتدعي ربنا بخوف
يونس وهو بيدور بصلها وتابع بضحك وشك اصفر كده علشان الفااار انتي مش معقوله بجد
ياسمين بابتسامه متوتره : اصل ده مش فار عادي ده جاموسه وحمااار
يونس بضحك ياااه كبير اوي كده ده انتي مشكله والله يا ياسمين ورايح يفتح الحمام ياسمين صوتت
يونس بخضه ايه في ايه ماالك انتي اتجننتي صرعتيني
ياسمين راحت مسكت ايديه اللي على الاكوره وتابعت بتوتر لا طبعا متدخلش الحمام
يونس بستغراب ده ليه ان شاء الله مش فاهم فيه اسرار ??
ياسمين غمضت عينيها وبلعت ريقها بتوتر وتابعت يونس يحبيبي انا مفتحتوش فاكيد الفار مش جوه
يونس بستغراب انتي مش قولتي من نفسك ان غسلتي وشك فشوفتيه يعني اكيد فتحتي الحمام وبعدين ايه يخليكي تصوتي حتى لو مفتحتيهوش مش فاهم
ياسمين لعنت نفسها في سرها وعرفت انه مفيش مهرب فسكتت بتوتر ملحوظ
يونس بحده بتكدبي صح ??? انا اصلا عاارف مخبيه ايه جوه بقى مش فااهم
ياسمين الدموع اتجمعت في عينيها وتابعت بتوتر وتقطع مش
مخ بيه بس .. بس في حا جات بناتي جوه منشو ره فا همني
يونس بستغراب شديد من توترها : ياسمين مااالك في اييه مش مستاهله كل التوتر والتقطيع دده جمعي هو انا بضربك
ياسمين بدموع انت اتعصبت عليا وخوفتني هكون مخبيه ايه يعني مش فاهمه
يونس بابتسامه خلاص اهدي حقك عليا ومسح دموعها وباس جبينها وتابع ادخلي غطي حاجتك وهدخل وراكي اشوف وهطلع علطول
ياسمين مكانتش عارفه تعمل ايه ولو فتحت الباب قدام يونس مازن هيبان فتابعت بتوتر خلاص مش مهم هي مش هتبان لانها ورا الباب وهو الفار اصلا مش جوه يلا نفطر انا جعانه اوي
يونس بستغراب اكتر : لا انتي بجد امرك غريب اومال عملتي حوار ليه اما مش هتبان اوعي كده وفتح الباب فياسمين حطيت ايديها على عينيها بخوف شديد وخضه
ويونس دخل وفضل يبص في الحمام مفيهوش حاجه فتابع بتنهيده تعالي يا هانم فين الفار
ياسمين استغربت كلامه ودخلت مستغربه اكتر وفضلت تبص وتابعت بتوتر طب الحمدلله مفيش حاجه قولتلك
يونس بتنهيده لا ده انتي مش طبيعيه انهارده بجد انا رايح البس عندي شغل وبيخرج وهي بتخرج وراه مستغربه مازن فين
فمازن فتح حته من ستاره البانيو وبصلها وغمز فاتفاجئت بشده وكتمت ضحكها وخرجت ورا يونس
يونس هروح البس ها خلصي وانزلي علشان تفطري
ياسمين بحب حاضر جايه وراك
وخرج يونس وقفلت الباب بلقفل ووقفت وراه تنهدت بارتيااح شديد
مازن خرج وتابع بضحك علشان تعرفي اني ذكي
ياسمين بصتله بعصبيه وتابعت انت .. ده انت ليله اهلك سودا معايااا
مازن بضحك انا !!! بعد ماسهرت جمبك اخص عليكي طول عمرك مبيطمرش فيكي خالص
ياسمين بحده انت بتهرز !!! مانزلتش ليه يونس لو كان شافنا كان قتلنا انا وانت
مازن حط ايديه على الباب وحاصرها وتابع بضحك مش مهم المهم اننا هنبقى سوا
ياسمين بضحك ملزق اوي بجد اوعى كده وضربته في صدره جامد
مازن بضحك اااه يابنت الكلب انتي .. ايدك تقيله يا غبيه
ياسمين بتوتر ماازن ابوس ايدك مبهزرش شوف هتنزل ازاااي
مازن استني يونس هينزل وهنزل وراه وهقول اني كنت نايم في اوضه السطح خلاص بقى مش عايز صداع ده انا ابن كلب اني قعدت جمبك والله عيني غفلت من غير قصد
ياسمين تنهدت بعمق وتابعت لا حقك عليا تعبتك متقولش كده
مازن باس جبينها وتابع انتي اللي حقك عليا والله بس حقيقي كنتي معصباني
ياسمين برفعه حاجب ايه رايك وهفضل معصباك هاا… وربعت ايديها
مازن بضحك يا شيخه ابو هرموناتك دي اللي بتتغير في لحظه وراح جاب طرحتها وتابع وهو بيحطها على شعرها : زي القمر بس مينفعش غطيه ده ولا اتعود يبان
ياسمين بصدمه يالهوي انا نسيت اني واقفه قدامك بشعري ومسكت منه الطرحه لفتها حلو بسرعه
مازن بضحك اهدي بس في ايه منا من نفسي اهو غطيتك عيب عليكي علشان تعرفي بس مع ان بصراحه اانا اولى من الغريب اللي بيتفرج من البلكونه
ياسمين بضحك مازن احترم نفسك
مازن لا انا محترمها كويس اوي احترميها انتي بقى هتلاقي مني احترام اكتر .. استعبطي عادي بردو يقلبي انا هبقي مشوفتش ربايه وبعشق قله الادب ولساني طويل وبردو هربيكي فخليها بلاحترام احسن مع انك مبتجيش بيه
ياسمين بابتسامه مستفزه : اممم بعشق العند
مازن تؤ مش معايا متخلقتش اللي تعملها وبردو بشوقك جربي تاني ومستعد اربيكي تاني عادي انا مش ورايا حاجه لو مفضتش ليكي افضى لمين يعني
ياسمين بسخريه نيني نيني خليك في نفسك … ماشي
مازن بحب انتي نفسي
ياسمين بضحك لا انا مش نفس حد انا نفس نفسي بس
مازن بضحك نفس نفسك بس طيب ياستي تشكري والا قوليلي صحيح يا ياسمين
ياسمين اممم خيرر
مازن برفعه حاجب مين بقى اللي جاموسه وحمار
ياسمين ضحكت وتابعت بتوتر مين يعني مش حد ده انا كنت بقول اي كلام ليونس علشان يتلهي انت بتتسنط علينااا
مازن اه يعمري اومال هعرف منين انه داخل الحمام واتصرف مثلا ما طبيعي سمعت وفاهم تقصدي مين بس يكفيني انكارك قدامي
ياسمين بضحك لا محدش جاب سيرتك انت بقى بتتلزق في الكلمه دي حاجه تاني
مازن بضحك يابنتي مش عايز اهزقك وامد ايدي عليكي
ياسمين برفعه حاجب متقدرش يا بابا وضحكت تابعت بس المهم مش وقته رغي هراقب الجو لحد ما يونس ينزل وانزلك مش جايلي من وراك غير المصايب
مازن بضحك هو اللي يعرفك يحصله ايه غير مصايب اصلا
——————————————–
بعد ساعتين كانت العيله فطرت وكل واحد وراه حاجه نزلها وياسمين نزلت مازن ورا يونس علطول لما نزل ومحدش خد باله
في الجامعه قاعده نور بتاكل في الكافيتريا مستنيه معاد الامتحان وقاسم رن عليها
نور ردت : ايه يحبيبي
قاسم ايه يعمري صباح الخير
نور بحب صباح الفل ها نزلت ولا لسه
قاسم وهو بيتاوب تابع : في العربيه والله يا نور ومش قادر عايز انام
نور حقك عليا حاول خد نص يوم انهارده
قاسم بتنهيده مش هينفع للاسف علشان شغال فوق شغلي المشروع بتاعي فمفيش وقت اتنفس حتى وبجد انتي واحشاني اوي فشوفي فاضيه امتى ونخرج شويه
نور ما انت بتقول مش فاضي يحبيبي
قاسم لالا سيبك مني انا الشغل مش هيخلص فا لو اعتمدت عليه هشوفك السنه الجايه
نور بحب خلاص ماشي هشوف واقولك
قاسم بحب ماشي يقلبي خلي بالك من نفسك وركزي كويس متستعجليش في الاجابه
نور بحب حاضر والله متخافش
قاسم وياريت يانور تخلصي وتتصلي بيا متروحيش لوحدك انا مبقولكيش لا وبستأذن اروحك وارجع اكمل شغل عادي
نور بحب يحبيبي بستبعد المشوار عليك بس حاضر لو ابيه مش هيروح تعالى انت خدني
قاسم خلاص ماشي ملكيش دعوه بيا بس متروحيش لوحدك فاشوفي يونس وقوليلي هيتأخر اجيلك انا عادي
نور بحب خلاص ماشي
قاسم بحب يلا هقفل معاكي علشان داخل على لجنه ومش هينفع اتكلم في الفون
نور بحب ماشي يحبيبي خلي بالك من نفسك باي
قاسم بحب وانتي كمان يلا .. باي
وقفلت معاه وبصت للساعه ورجعت تاكل
رنا بنت معاها في الدفعه شدت الكرسي وقعدت وتابعت بابتسامه ازيك يا نور
نور بابتسامه الحمدلله انتي ايه اخبارك
رنا الحمدلله بقولك يا نور ممكن اطلب منك طلب
نور بستغراب اكيد اتفضلي
رنا بتمثيل انا مامتي كانت محجوزه الفتره اللي فاتت وبصراحه الماده دي رخمه جداا ومذاكرتش وانتي جمبي في اللجنه فكنت عايزه نحل سوا يعني
نور بصدمه اغششك !! لا طبعا ده لو حد عرف ليقتلوني وهيتعملي محضر زيي زيك مقدرش اعمل كده وانتي متزعليش مني يا رنا بس بتستعبطي طول السنه ومش بتذاكري اصلا
رنا بحده وانتي مين قالك مش بذاكر كنتي شوفتيني وعموما ياستي متعمليش فيها شيخه مش عايزه منك حاجه خلاص وقامت
نور بحده حيوانه صحيح تستعبط طول السنه وانا طالع عين اهلي اديها اجاباتي ليه يعني انا اه طيبه بس مش هبله وبصت في الساعه وتابعت بتوتر ربنا يستر لازم اطلع
وبلفعل طلعت لجنتها ومبصتش لرنا وقعدت مكانها ورنا بصتلها بغل وكرهه شديد وبدأ الامتحان والمراقبه كانت معيده اسمها زينه
رنا بسخريه ملقتوش الا دكتور زينه تقف علينا دي معيده تحت ايد دكتور يونس يعني من اولها تطبيل للصبح بقى وقصدت تسمع نور
نور نفخت وتابعت استغفر الله العظيم يارب وركزت في الامتحان وكبرت دماغها وابتدت تندمج وتحل ورنا مستغربه لانها مش عارفه تحل زيها فطلعت ورق كاتبه فيه بتغش منه وفضلت تنقل
وشويه وعدا نص الوقت فتابعت نور دكتور زينه انا خلصت
زينه بابتسامه حاضر يحيبيتي هجيب الكارنيه بتاعك واجيلك تمضي انصراف. نور الرفاعي صح
نور بحب ايوه
رنا بصتلها بصدمه وحقد ان ازاي خلصت فوقعت ازازتها على الارض بعدت شويه
رنا بتمثيل سوري مش قصدي
نور بضيق يابنتي حرام عليكي ووطت ومدت نفسها تجيبها وفي الوقت ده رنا حطت الورق المكتوب فيه معلومات في كراسه الاجابه بتاعت نور
نور رجعت مكانها وحطت الازازه وجات زينه فتابعت رنا بتمثيل بس على فكره يا دكتور انتي مش بتراقبي كويس ولا قصدك علشان دي بنت عم د
نور بماقطعه وبحده مسمحلكيش ليه شوفتيني عملت ايه يعني
زينه بحده بس انتي وهي احترموا اني واقفه وبصت لرنا وتابعت بحده نور شاطره وانا واثقه فيها ومتلفتتش حواليها اصلا ومعروفه دي مين بس احنا معندناش الكلام ده هنا في الجامعه ولا حتى دكتور يونس بيعمل كده
رنا هي متلفتتش حواليها طبعا مصدقاكي ومصدقه امانتك بس ده لانها حاطه ورق فيها حااجات تغش منها في الكراسه بتاعتها فمركزه فيها وانا شوفتها بعيني اصل حتى مش طبيعي تخلص ماده زي دي بصعوبه كده في وقت زي ده
نور اتصدمت وتابعت بعصبيه انتي بتقولي ايه انتي اتجننتي
رنا بتمثيل اما انتي بجحه يا شيخه طب شوفي يا دكتور ورقها يمكن انا هبله ولا حاجه
نور بعصبيه لا ده انتي فعلا شكلك اتجننتي ايه الحقد ده شوفي عادي يا دكتور
زينه اهدي يا نور انا هشوف اهو ولو طلعت كدابه فاهي عارفه هيحصل فيها ايه
رنا بابتسامه خبيثه لا انا مبكدبش اتفضلي شوفي
زينه مسكت الورق تقلب فيه ونور واقفه متعصبه جدا من رنا
وبلفعل زينه طلعت الورق وتابعت بعصبيه ايه ده يا هانم وانا اللي بدافع عنك ده انتي ليلتك سودا
نور اتصدمت بشده وتابعت بدموع وتوتر نعم اييه ده !!!!! دكتور لا لا والله دي … دي مش بتاعتي لا معرفش عنها حاااجه والله العظيم
زينه بعصبيه اومال محطوطه في ورقك ازاي ايه عفريت حطهاالك
نور حطت ايديها على بوقها بصدمه وتابعت بعياط والله العظيم ما اعرف عنها حاجه يا دكتور انتي مش مصدقاني ليه مش بتاعتي حقيقي انا مبغشش
زينه بعصبيه انا ليا اصدق اللي شيفاه وكويس رنا شافتك جتك الارف ومسكتها بايد والورق بايد وبتمشي بيها في اللجنه وهي بتعيط وبتزقها ناحيه الباب في داخله يونس فاتصدم لما شاف نور خبطت فيه
يونس بصدمه انتي ايه اللي بتهببيه ده يا زينه
نور خافت لما شافته وفضلت تعيط اكتر فتابعت زينه بعصبيه الهانم جايه تغش اتفضل يا دكتور وحطت الورق على الترابيزه جامد
يونس بص لنور فتابعت بتوتر وعياط وهي بتتشحتف : والله العظيم يا ابيه وغلاوتك عندي محصلش انا .. انا مغش تش والله ده انت … انت اللي مر بيني وعاا رفني انا مبعملش كده خالص والله وفضلت تعيط بهستريه
يونس ضمها لصدره وطبطب عليها وباس راسها وتابع بس بس اهدي بطلي عياط انا بثق فيكي جدا وعارف طبعا انك متعمليش كده انتي عبيطه ولا ايه
نور فرحت بشده ودموعها نزلت ورفعتله وشها وتابعت بلهفه يعني انت مصدقني صح … مصدقني
يونس بابتسامه طبعا مصدقك ولو مسمعتكيش خالص عارف متعمليهاش ومسح دموعها
زينه بعصبيه متعملهاش ايه يا دكتور هو حضرتك من امتى بتطبل لحد بقولك مطلعه الورق من عندها
يونس بحده اولا انتي صوتك ميعلااااش علشان متجبرنيش اهزقك وانا مبحبش اهزق بنات وابهدل بكرامتهم الارض …ثانيااا وده الاهم من غير ما اعرف اللي حصل هثبتلك ان نور معملتش كده دي بنتي انا مربيها على ايدي وعارف تعمل ايه ومتعملش ايه بس لما يحصل مشوفش وشك تاني وهقول للعميد اني مش عايز مُعيدين معايااا شوفيلك دكتور غيري
زينه اتوترت يكون كلامه صح بس مينفعش ترجع في كلامها فتابعت تمام وريني انها مغشتش
يونس بص لنور وتابع اهدي كده يحبيبتي ومتخافيش واحكيلي ايه اللي حصل من اول اليوم
نور بتوتر ودموع بص انا كنت قاعده بفطر في الكافيتريا وجات رنا وشاورت عليها وتابعت بعياط طلبت مني اغششها انهارده فانا رفضت فبعدين لما شافت دكتور زينه قالت ان هتسمحلي اغش يعني وكده لانها تحت ايدك وحضرتك ابن عمي فبعدين انا استغفرت ربنا وسكت مردتش ارد عليها وفضلت احل لحد ماخلصت بس انما معرفش ازاي الورق ده جيه كراستي وعيطت وتابعت وهي بتتذكر ااه اااه صح افتكرت هي وقعت ازازه المايه بتاعتي فتقريبا ساعتها حطته ملهاش حل تاني والله انما انا معملتش كده يا ابيه والله العظيم
يونس باس جبينها وطبطب عليها وتابع بس بس عارف يحبيبتي والله وهو فعلا ده اللي حصل انا مصدقك
رنا بتوتر مصدقها ايه هو اي حاجه هتقولها هتكون صح وارد تكون بتتبلى عليااا عاادي جداا انا معملتش كده يا دكتور وده مش اسلوبي
يونس بابتسامه وارد فعلا بنسبالك وبلنسبه لأي حد تكون بتكدب انما مش بنسبالي انا لاني عارفها بتكدب امتى وبتقول الحقيقه امتى فحقك تدافعي عن نفسك طبعا بس خلصتي امتحانك ولا لسه ??
رنا بتوتر اه الحمدلله خلصت
يونس بابتسامه طب هاتي ورقك وتعالي
رنا اتوترت فتابع يونس بعصبيه انا مش قولت هااتي ورقك وتعااالي
رنا اتخضت وقامت مسكت ورقها وراحت عنده فشد يونس منها الورق بعصبيه وخد ورق نور من على الترابيزه وقطعهم نصين ورماه في الزباله
نور اتصدمت وتابعت بدموع ليه يا ابيه والله ده كان مجهودي انا و
يونس بمقاطعه اهدي مش بتثقي فياا ??
نور بدموع اه طبعا
يونس خلاص اهدي بقى
رنا كانت مصدومه بشده فتابعت بتوتر حضرتك ازاي تعمل كده الوقت خلاص فاضل نصه
يونس بابتسامه وهو بيجيب ورق جديد تابع اللي حل المره اللي فاتت في نص الوقت هيلحق يحله تاني دلوقتي عادي فاضل نفس المده بل بلعكس مش هتفكري كتير هتكتبي علطول بقى مانتي حليتي المفروض
رنا بدموع حرام عليك يا دكتور بجد صدقت ما خلصت
يونس بعصبيه حرمت عليكي عيشتك هو انتي اللي هتعرفيني اعمل ايه وايه لااا اتجننتي يابت انتي ولا ايه ومش كفايه بسببك ضيعت تعب واحده طالع عينيها وهتعيد تاني
رنا فضلت تعيط بتوتر وخوف وسكتت فحط يونس الورق قدامها في بنش وتابع بحده اتنيلي اقعدي هنا وحلي يلا
وراح مسك دراع نور بخفه وحركها وقعدها قدامه بس بعيد عنها جدا واداها الورق وتابع حقك على عيني تعبك ده بس علشان اجبلك حقك عملت كده وواثق فيكي هتعرفي تحليهم تاني وفي وقت اقل
نور هزت راسها بفرح انه مصدقها ومعاها وبدات تمسك الورق وتحل تاني
زينه اتوترت يكون كلامه صح فتابعت دكتور يونس انا
يونس رفع ايديه بمقاطعه وتابع هششش ولا كلمه مش عايز رغي كتير الناس بتحل وبص للمدرج وتابع بحده وانتوا اخلصوا متفضلش وقت كتير مركزين في ايه ده ايه القرف ده
رنا مكانتش عارفه تحل وبتعيط بصمت وتوتر وايديها بترتجف لانها قاعده لوحدها ويونس مركز عليها جداا
وبلفعل فات الوقت وزينه ابتدت تاخد الورق
يونس راح لنور وتابع خلصتي ?
نور بحب اه الحمدلله اتفضل وقفلت الكراسه وادتهاله
يونس فتحها وفضل يقراها وهو ماشي ناحيه رنا فتابع بهمس واعجاب : بسم الله مشاء الله وبص لرنا بضيق وشد الورقه منها ورنا كانت بتعيط بصمت
يونس شاف الطلاب خارجين فتابع لالا ثواني بس رايحين فين زي ماشوفتوا الاتهام الحقيير اللي اتوجه لنور تشوفوا انها بردو معملتش حاجه
فوقفوا الطلاب وفتح يونس كراسه نور فإيد والكراسه التانيه في ايده التانيه وتابع اظن واضح جددااا الصفحه دي مليانه ازاي ودي كلمتين ملهمش اي لازمه وبص للكراسه بتاعت رنا وتابع بسخريه لا ومش من المنهج كمان ده هبد علمي جديد معداش عليا لسه بصراحه
المدرج كله فضل يتهامس ان رنا مش كويسه فتابع يونس هدوء لو سمحتوا خلاص مش عايز رغي كتيير انا وريتكم بس ان بنت عمي معملتش حاجه لاني مسمحش لحد يفتح بوقه بنص كلمه عليها وانا اخر حد يفكر يتعامل بلواسطه بس وقفت جمبها علشان مربيها على ايدي وعارفها كويس فا واثق من اللي كنت بعمله وتابع بحده لزينه : وبلنسبه ليكي انتي اخر يوم شغل ليكي معايا انهارده
زينه بتوتر يا دكتور حضرتك مش فاهمني انا
يونس بعصبيه هششش انا مش فاهم ولا عايز افهم كانت بتعيط وبتترجاكي تفهميها عملتي ايه انتي ??? روحتي مسكتيها وكنتي بتطرديها بكل قله ادب ومستقبلها كان هيضيع لولا اني بمر على اللجان لولا شوفتها وجبتلها حقها ومش نور الرفاااعي اللي حد يعمل معاها كده ولا يتهمها من غير حتى مايفكر يسمع
زينه بحرج انا حقيقي اسفه يا دكتور معترفه اني غلطت
يونس بحده اسفك مش مقبول اتفضلي اطلعي برا وشاور على الباب ووقف حط الورق مع باقي ورق الطلاب وخد الورق اللي في معلومات غش ودبسه في ورقه رنا
رنا بخوف وعياط ايه ده ليه .. ليه يا دكتور خلاص انا اسفه بس بلاش علشان خاطري تعمل كده
يونس بحده مبقبلش اعتذار حد اظن سمعتي وزي ماكنتي هتخلي بنت ملهاش ذمب يتعملها محضر غش هيتعملك انتي ماهو ورقك بقى ودي مفيهاش تطبيل
رنا بعياط لالا خلاص انا اسفه بجد وبصت لنور وتابعت بعياط ابوس ايدك قوليله علشان خاطر ربنا اسفه والله مش هتقرر
يونس رفع فونه يكلم حد من الجامعه فتابعت نور بتوتر دكتور هو ممكن
يونس بعصبيه ممكن انتي تخرسي خااالص اطلعي برا وجاي وراكي يلااا
نور اتخضت فتابعت بتوتر اصل حرام بتعيط و
يونس مسكها من دراعها ومشي بيها وفتح الباب خرجها وتابع بهدوء برا ومتتحركيش طالعلك
وفونه رد فتابع ايوه يا سعيد في طالبه غشت في لجنه 21
-تمام مستنيك
-خلاص ماشي انا دبست الورق اصلا
رنا بعياط طب انا اسفه والله خلاص
يونس بحده ورقك ولا مش ورقك ???
رنا بعياط ورقي بس انا ندمت والله خلاص سامحني المره دي
يونس ربنا اللي بيسامح بقى متدخلنيش في القصص دي انتي هنا زيك زي اي حد بيغش العميد بقى يشوف هيهبب معاكي ايه
رنا بعياط يا دكتور معروفه اللي بيغش بيخليه يتحرم من دخول باقى الامتحانات يعني هعيد السنه كده
يونس برفعه حاجب يعني كنتي عارفه ومع ذلك حطتيهم لنور
رنا بتوتر وعياط ايه مش فاهمه
يونس بعصبيه مش فاهمه اه انتي حقيقي انسانه متربتيش ماهو من اعمالكم سلط عليكم
زينه بحرج دكتور انا بجد مش عارفه اقول لحضرتك ايه و
يونس بمقاطعه متقوليش ومش عايز اسمع خلصنا يا زينه
ودخل سعيد فتابع يونس بتنهيده اهي البنت خدها بقى وروحوا للعميد عن اذنك
رنا بعياط يا دكتور علشان خاطر ربنا طيب .. يا دكتوررر
لكن يونس خرج فتابعت نور بلهفه ها يا ابيه عملت ايه
يونس متشغليش بالك يلا ومشي وتابع وتاني مره اقولك كلمه تتمسع من اول مره علشان متجبرنيش اهزقك قدام حد تماام ????
نور بحزن حاضر بس بصراحه صعبت عليا اصل كده ممكن تعيد السنه وابتسمت وتابعت وحقيقي مش عارفه اشكرك ازاي انك صدقتني ربنا يخليك ليا جبتلي حقي قدامهم كلهم
يونس نور بطلي طيبتك دي هي كانت هتعمل معاكي نفس الكلام والله العظيم ومش هيهمها انك هتعيدي وبلنسبه لوقفتي جمبك فا ده علشان انا واثق فيكي وعارف انتي مين وتربيتك ايه وبنات الرفاعي كلهم كده انتوا متربين قدام عيني يا هبله ولو شهد ولا زينب ولا ياسمين مكانك هعمل نفس الكلام فا ده واجبي مش حاجه اشكر عليها
نور بحب ربنا يديمك ليا يارب بجد وتنهدت وتابعت ويعين رنا بقى اكيد هتعيد
يونس بحب يارب يحبيبتي المهم سيبك منها وبطلي طيبه شويه ابوس ايدك هي خدت جزائها … ها قاسم جاي ياخدك ولا تروحي معاايا
نور كلمني يطمن على الامتحان بس لسه في الشركه قولتله انا خلصت فا لو ابيه هيروح هروح معاه
يونس بتنهيده خلاص هاخدك معايا اشرب بس كوبايه قهوه علشان مصدع جدا شوفي انتي عايزه ايه اطلبهولك ومشي في طريق الكافيتريا
نور بضحك طب بقولك ايه انا مش عايزه اشرب انا عايزه اكل عازم ولا هتبخل ??
يونس وهو بيسحب الكرسي تابع بضحك اقعدي ياختي من امتى ببخل انا يا ام لسان طويل اطلبي اللي انتي عايزاه انتي عبيطه ولا ايه
نور قعدت قدامه وتابعت بضحك يا دكتور بنكشك منا عارفاك عيب عليك يعني
وجيه الويتر وتابع حضرتك القهوه يا دكتور مش كده ??
يونس بابتسامه اه شوف بقى انسه نور عايزة ايه وبصلها وتابع هاتي اللي عايزاه وحاجه تشربيها جمب الاكل وخد المنيو من الراجل واداهولها
نور بضحك ما بلاش والله هتندم
يونس بضحك لا متقلقيش مش هندم ولا حاجه الف هنا وفتح فونه يشوف فيه حاجه وتابع يلا بس قوليله
نور بصت في المنيو وتابعت بابتسامه بص عايزه كريب بلسجق وعصير مانجا
الويتر تمام يا فندم وخد المنيو ومشي
نور بملل بتعمل ايه في الفون انا زهقانه
يونس بضحك بتكلم هكون بعمل ايه
نور بضحك هي ولا ايه وغمزت
يونس بضحك اه حاجه زي كده
نور بضحك بتهزرر لا وريني وبتقوم تشوف
يونس بضحك بت اتلمي وقفل الفون وتابع اقعدي مكانك هتعملي ايه
نور بغمز يا دكتور بتخبي علياا
يونس بضحك والله انتي هبله مفيش حاجه اصلا اقعدي بس ربنا يهديكي
نور قعدت بضيق وتابعت علطول سادد نفسي
يونس بضحك معلش مازن وحسام هيفتحوهالك
نور صحيح يا ابيه عايزه اسالك سؤال بخصوص الفرح بقى
يونس قولي
نور هو انا رايك اتجوز في سنه كام ? يعني اي اكتر سنه كويسه مش صعبه وهينفع اتجوز فيها
يونس بضحك مستعجله على ايه جتك الهم
نور لا مش مساله مستعجله بس قاسم مش هينفع يستناني اخلص هيبقى 29 سنه
يونس بضحك احمم طيب استأذن انا
نور فضلت تضحك وتابعت لالا انت 28 يا ابيه
يونس بضحك لا فرقت يا قلب ابيه فرقت جداا الصراحه
نور فضلت تضحك وتابعت لالا حقك عليا مقصدش وبعدين ده انت 1000 بنت تتمناك بس انت كارف
يونس بضحك جبر خواطر ده
نور بضحك لا والله العظيم بتكلم جد بسم الله مشاء الله انت وسيم جدا ودكتور واخلاق فحقيقي متترفضش وانت عارف ان نص بنات الدفعه بتكراش عليك وبردو كارف
يونس بضحك لا سيبك مني خالص علشان السيره دي بتتعبني نفسيا نتكلم عنك انتي
نور بضحك طب بذمتك واخد بالك ولاالا
يونس اه بس انا جاي اشتغل فبعمل شغلي وبس واي حاجه تاني بعمل نفسي مش شايفها
نور بضحك وغمز لا تقيل وكاريزما
يونس بضحك مش مساله تقيل يا نوري والله على قد ماخلاص فعلا مبشوفش حد سبحانه مالك القلوب بقى
نور بضحك عندي امل ربنا يهديك بردو
يونس بضحك يارب يستي هقولك لا يعني وتنهد وتابع بصي بقي بلنسه للدراسه اسهل سنه اللي انتي فيها اصلا او اخر سنه لانك هتتخصصي فا الوضع هيخف شويه انما علوم معروفه لو مذاكرتيش تاخدي السنه في اتنين
الويتر جي حط الحاجه فتابع يونس تسلم تعبناك
الويتر تعبك راحه يا فندم ومشي
نور بصدمه انت بتهزر صح ده لو قاسم عرف ليقتلني
يونس بضحك اكملهولك انا متشيليش هم حاجه
نور بضيق لا بجد مش هيرضى بعد التخرج دي ده انا مخطوباله من تانيه ثانوي
يونس بضحك طب هنعمل ايه مضطرين لو انتي بقى هتعرفي تعملي الحاجتين حاولي بس اديكي شايفه زينب بنت عمك مكملتش شهر اهي بسم الله مشاء الله وحامل فاصدقيني لو ده حصل هتتعبي
نور بضيق انا بجد تعبت مش عارفه بصراحه هعمل ايه ونفخت بضيق
يونس طبطب على ايديها وتابع متشغليش بالك هتتحل وانا هكمله افهمه في مره وانتي بردو شوفي سنه تانيه لو عرفتي تتعودي فيها وتوفري وقت خدي الخطوه وربنا يكمل معاكي
نور بضيق يارب يا ابيه بجد علشان حقيقي مش عارفه الاقيها من ايه ولا ايه وقاسم عايز نتجوز انهارده قبل بكره وبقيت اتوتر منه بصراحه وضحكت
يونس بصدمه بتتوتري منه ازاي يعني هو عملك حاجه ??
نور وهي بتاكل تابعت بضحك لالا فهمت ايه انا مبسمحلوش عيب عليك هو بس بيلمح وانا بصده
يونس بضحك يا ابن الكلب يا قاسم
نور بضحك ماسك مراتي .. مراتي بقى بس على مين ده انا نور الرفاعي
يونس بضحك جدعه يابت صدقت والله لما قولت بناتنا ب 100 راجل
نور بضحك طبعا عيب عليك
———————————————
عند سيف في الكتيبه
مؤمن عمل التحيه وتابع جمعتهم كلهم يا فندم
سيف تمام يا مؤمن روح انت ارجع مكانك تعبتك
مؤمن تعبك راحه يا فندم وعمل التحيه ورجع
سيف بتنهيده حد عنده اي سؤال قبل ما نبدأ اليوم ??
حسن اتقدم وعمل التحيه وتابع انا يا فندم
سيف اتفضل يا حسن
حسن بتوتر معلش هو احنا هنفتح الفون امتى علشان عايز اطمن والدتي اني وصلت وبخير علشان بتقلق
سيف ضحك بسخريه وتابع اممم والدتك بردو ??
حسن بتوتر اه يا فندم والدتي
سيف بضحك لا يا جدع يعني مش بنت سياده العميد ??
حسن اتصدم بشده وتابع بتوتر هو .. هو حضر تك ت تعرف
سيف بمقاطعه جمع جمع مش ههزقك وابهدل بكرامتك الارض متخافش
حسن بصدمه وخوف هو حضرتك تعرف ندى ??
سيف بابتسامه تخيل ان كنت معاهم في الساحل وعرفتها لان العميد طلب مني اوديها المول
حسن اتصدم اكتر وغمض عينيه وتابع بتوتر طب مبدائيا يا فندم انت تعرف ايه بلظبط مش فاهم
سيف بابتسامه لا انا اعرف كل حاجه اصل العندليب ابو قلب حنين اتصل بيها وانا جمبها
عمر بهمس وضحك يا انهار اسووود الفاتحه على روح اخوكم حسن يا رجاله
الكتيبه ضحكت ورفعوا ايديهم يقروا الفاتحه فشافهم سيف وتابع بحده انتوا بتهببوا ايه يا بشواات مش شااايفني واقف بتكلم مع واحد منكم ????
محمود بضحك الفاتحه يا قائد اصل كلنا عرفنا اتقال اي في المكالمه مش انت بس
حسن بتوتر همس اه يا ولاد الكلب يا جزم باعوني في ثانيه
سيف برفعه حاجب وبحده وانت بتبرطم بتقول ايه انت كمان
حسن اتخض وتابع بتوتر لا يا فندم ولا حاجه انا بقول لحضرتك المسامح كريم ولو عايز جورج قرداحي بنفسه يجي سينا يصالحك عليا انا معنديش مانع بس وغلاوه والدتك امسح الذاكره
كلهم ضحكوا بشده فتابع سيف بعصبيه اقسم بالله العظيم اللي هسمع حسه منكم تاني هيتحبس 3 ايام
كلهم سكتوا فبص سيف لحسن وتابع لا بس حلوه اوي فكره السهر بليل دي وشغل الاستغفال اللي كنتوا بتعلموا احييكم عليه ماهو طلما ضحكتوا علي سيف الرفاعي يبقى تستاهلوا التحيه لان قلوبكم ماتت بطريقه متتوصفش انكم اتجرأتو تعملوا كده
حسن قصد يخليه يهزر فتابع بضحك : تربيتك بقى يا فندم طبيعي قلوبنا تبقى اقوى من الحديد
سيف بحده انت بتسعبط صح ???
حسن بتوتر لا يا فندم اعتبرني مقولتش حاجه انا اسف
سيف بحده تربيتي ااه دي تربيه وسخه يوم ما قلبكم يقوى تضحكوا علياا انا مااشي يا حسن اتفضل قول مين بقى كان بيسهر معاك
حسن بضحك طب والله لا اقول لان كلهم ضحكوا عليا
سيف اه قول واللي يسمع اسمه يتقدم ويجي على جمب هنا
حسن بضحك محمود اللي بيضحك ده
محمود بهمس وضحك يا ابن الجززمه وتقدم
حسن بضحك محدش يشوفني ندل يا رجاله علشان اكيد مش هشيلها لوحدي و عبد الله وادم ومؤمن ورؤوف واحمد وصالح ومعتز
وكلهم كانوا بيسمعوا الاسم بيقفوا قدام فتابع حسن بضحك واخر واحد حبيبي عمر الهواري
عمر اتصدم وتابع بضحك يا ابن الكلب مبيطمرش فيك العشره صحيح… عمر مين ??? فين عمر الهواري ده ??? وفضل يبص حواليه
سيف بصله بحده ورفعه حاجب : فتابع عمر بضحك فين بجد عمر الهواري ده ??? وتابع بصوت مسموع يا عمررر .. انت يا ابني حد هناا اسمه عمررر وبص لسيف وتابع بيحور عليك يا قائد معندناش حد اسمه عمر احبسه 3 ايام على الكدب ده
كلهم ضحكوا بشده فسيف راح مسكه من قفاه وتابع يلا يحبيبي يلا
عمر بضحك ايه يا ابو نسب حبيبي يا غالي انت كمان واحشتني والله عايز ايه ?? بس في حد يمسك جوز اخته كده مش عيب هو ده تعبيرك قدام الرجاله عن محبتك ليا علشان واحشتك يعني
سيف بضحك طب امشي واحترم نفسك انا مبهزرش وفضل يمشي بيه
عمر بضحك ايه في ايه انت هتتبلي عليااا عيني عينك كده انا مش زفت عمر الهواري ومعندناش حد اسمه كده اصلااا
سيف وقفه جمبهم وتابع ماهو مش هيبقى عندنا فعلا عايز اقتله واخلص وارتاح
عمر وقف جمبهم وتابع بتمثيل حزن اخص هونت عليك عادي كده حقيقي صدمتني فيك
سيف بحده مبهزرش
عمر اتخض وتابع ياباشا عارف يا باشا في ايه وبص لحسن وهمس ماشي يا بتاع ندى ياحيوان
حسن ضحك فتابع سيف بحده ممكن مسمعش صوت حد فيكم علشان مش طايقكم
كلهم سكتوا فتابع سيف وتقولها بيسمعوا صوته ولا عزرائيل وجاي يقبض روحهم ماهو انتوا فعلا مش عايزين الا كده وياريته نفع معاكم ماشي يا حسن
حسن بتوتر همس يا بنت الكلب يا ندى وتابع لسيف بضحك : هي سمعتك الوحش بس ولا ايه قسما بالله شكرت فيك جدا يا قائد وقولت اننا بنحبك
سيف لا ياغالي منا سمعت كل حاجه الوحش والحلو
حسن بضحك طب في ايه بقى حقيقي منك لله يا ندى مش هقول غير كده
محمود بضحك سلمتك تسليم اهالي اهي
سيف بحده هو انا قولتلك اتكلم مش قولت مسمعش صوت حد فيكم
محمود بضحك اوامرك يا فندم حاضر
حسن بتوتر طب ممكن انا كمان متسمعش صوتي
سيف بضحك لا ازاي يا ابو علي ده انت الغالي قطعت فروتي بما فيه الكفايه واتكلمت كتير جاي قدامي عايز تتخرس
حسن بضحك الهيبه بقى يا فندم وكده
سيف اممم ده هيهزر تاني ومسكه من هدومه شده من وسطهم وقربه منه وحط ايديه على كتفه وتابع انا مش قولتلك متهزرش تاني والله دمك سم ومش هضحك بلاش تعصبني احسنلك
حسن بضحك ليه طيب يا قائد ما تضحك وعديها ابوس ايدك
سيف اضحك اه اضحك على خيبتي علشان ضحكتوا عليا وسهرتوا من ورايا مش كده ???
حسن بتوتر انا اسف يا فندم حقيقي بعتذر منك مش هتقرر
سيف اممم لا مانتوا فعلا محدش هيقدر يقررها تاني بس الواحد بيشكر الصدفه دي اللي عرفته غلاوتي عندك وتقولها يعني انا اسيبك وارجع لسييف الرفااعي هاا يعني حتى مش القائد تؤ سيف الرفاعي .. موحشتنيش البهدله وادعي ربنا يهدي القائد علينا وده تعلب مش سهل
حسن ضحك بتوتر وتابع بسم الله مشاء الله يا فندم ده انت حافظهم
سيف بضحك اه طبعا اومال وضربه على ضهره وتابع اصلك غاالي يا حسن فكلامك في القلب متنساش
حسن بضحك ووجع : اااه طب يافندم يعني انت سمعت كل ده ومسمعتش اني بقولها بحبك وعايزك بصحتك وبتعب نفسيا لما تتصاب وبحس ضهرنا اتكسر طب كده ظلم والله
سيف بضحك لا سمعت يحبيبي اصل القط ميحبش الا خناقه مش قولت كده محسسني معلقلكم حبل المشنقه انا هناا
حسن بضحك طب بالله اهون اهو على الاقل هنموت بدل ما عايشين في مرار
سيف بابتسامه مرار اه هو انت لسه شوفت مرار صبرك علياا اهو انا مردتش اعرفك اني عرفت علشان ترجع الكتيبه مش قولتلها اني لو عرفت مش هترجع اهو انا معرفتكش اني عرفت علشان واحشتني وعايز اشوفك
حسن بضحك يا نهااار اسود لا قولي بجد سابت ايه مسمعتهوش ليك ندى دي باعتني جدااا
سيف بضحك لا متتحسبش كده يا ابو علي مفروض تشكرها لان انا وعدتها مش هعملكم حاجه
كلهم في نفس واحد الحمدلله وتنهدوا برتياح وابتسموا
سيف بضحك هو الحمدلله على كل حال طبعا بس متفرحوش اوي المحاكمه اللي كانت هتحصل لو انا قفشتكم الحبس انما بما اني وعدت انسه ندى فا العقاب هيقل شويه وعددكم حلو مشاء الله انتوا عشره ..عشره مشافوش ربايه مش كتير العدد ده ??
عمر بضحك تشكر يا قائد
سيف لا يحبيبي ولا يهمك العفو وبص لباقى الكتيبه وتابع وسعوا لاخواتكم تعالوا ورايا
كلهم جم وراه فتابع حسن بتوتر ايه بتوقفنا لوحدنا ليه مش فاهم
سيف بضحك لا متقلقش انا حنين عقابا ليكم على قله الادب االلي عملتوها وتكسيركم لكلمتي هتعلموا 200 ضغط دلوقتي والله انا مفروض عقاب كسر كلمتي اكبر من كده بكتير بس علشان مخلفش وعدي مع انسه ندى
حسن بصدمه اومال لو خلفت وعدك يا قائد ??
عمر بصدمه هو قال كام ??
معتز بصدمه انا سمعت غلط صح يارب وداني تكون فيها مشكله بس مكونش سمعت صح
محمود بصدمه لا انا دراعي وجعني من الرقم بس
رؤوف بصدمه يانهار اسود مش هنقدر وربنا ولسه باقي اليوم
مؤمن بصدمه بالله عليك نكمل باقى اليوم ازاي طيب ده دراعنا هيقف
سيف بحده انا قولت هتتنيلوا تعلموا 200 ضغط دلوقتي كلمه كمان هزودهم انا مبتناقش معاكم وانتوا عارفين كده كويس فتسمعوا وتنفذوا زي ما قال اخوكم لخطيبته كده ” هناك سمعاً واطاع ” هي مش سمعه على الفاضي ده واقع
ادم بهمس الله يحرق اخونا ورغيه ولسانه اللي عايز يتقطع ده بجد
عمر كتم ضحكه فتابع ادم بحزن بس يا فندم دول
سيف 250
كلهم بصدمه ايييه لاا
سيف بحده انا قولت كلمه كمان هزودهم يلا بقى 250
عمر بهمس حاد الله يحرقك يا ادم انت التاني
سيف جاسر
جاسر جيه عمل التحيه وتابع اؤمرني يا فندم
سيف بتنهيده جدع مزودتش اغلاطك وسهرت معاهم ركز معاهم بقى وعدلهم لحد 250 ورفع صباعه وتابع بتحذير انا في مكتبي بتمرن وهبص كل شويه قسما بالله يا جاسر لو وقفوا ومكملوش هتتعاقب معاهم
جاسر بتوتر حاضر يا فندم اوامرك
سيف بصلهم بحده ودخل مكتبه
حسن بالله عليك زور في الارقام ده بيهزر
جاسر بخوف مين اانااا انت عايزني البس معاه تاني والله العظيم ما يحصل لو 1000 هتعملوهم يلا يا غالي انت وهو بتهزروا ولا ايه
عمر بضحك يا جاسر احنا زمايلك احنا اللي باقينلك
جاسر بضحك والله مايحصل انا مش قد القائد يلا اخلصوا
صالح بضحك ادي اخره الحب والمرقعه
حسن وهو بيوطي يعمل ضغط تابع احمد ربك سمعنا ورسيت على ضغط فعلا لو كان شافنا في مره كان هيبقى نهارنا مش معدي
معتز وهو بيعمل ضغط تابع انا بردو رايي كده كله للخير كويس عرف وخطيبتك خلته يوعدها
عمر بتعب واومال لو موعدهااش يارب هو انا ايه اللي عملته في نفسيي ده
مؤمن بتعب انا ابن كلب اني دخلت حربيه
كلهم في نفس واحد كلنا فباقي الكتيبه ضحكت عليهم بشده
جاسر بحده هششش اسكتوا لو سمع هيطين عيشتكم معاهم وانتوا اخلصوا اهو 10 فاضل 240
عمر بتعب لالا ده على راي الفنانه استنى لما امشي متقولهاليش في وشي بجددد
حسن بتعب ونهج انا فصلت ولسه بدري
معتز بتعب ونهج انا عايز اعرف هنكمل باقي يومنا ازاي بجد
عمر بتعب مبدائيا لو دخلنا اشتباك انا هتهان لان اعصابي سابت بجد
جاسر بضحك انت لسه لحقت 15 اهو يلا لسه بدري
ادم بحده ونهج قسما بالله اللي هيقولي على حاجه القائد قال عليها لا يلا تعالى نعملها من وراه انا اللي هروح اقول للقائد عليه علشان الواحد بيتهان بجد
كلهم ضحكوا بشده فتابع محمود بضحك وهو بينهج انا معاك بجد ده انا متربتش اني سمعت كلامكم
مؤمن بتعب ونهج هو كله من بتاع ندى ده هو اس المصايب
حسن بتعب بالله لتيسيبوا بتاع ندى في حاله اتاريها قالتلي هتواحشني وخلي باالك من نفسك عارفه بنت الكلب اللي هيحصلي
كلهم فضلوا يضحكوا فتابع عمر بنهج هو الحب وعمايله حاجه بنت كلب
احمد بتعب جاسر بالله عليك حلو 30 نقف ونكمل
رؤوف بتعب اه والنبي يا جاسر مش قادر
جاسر بضحك يا باشا انا لو ابويا اللي اتحكم عليه هخليه يكمل ومش هوقفه اديك سمعت ادم قالك مش هكسر كلمته تاني عايزني انا اكسرها قسما بالله مايحصل
عمر بتعب مينفعش يا رجاله متجيبوش المشاكل لاخوكم احنا عارفين انه لو كان قفشنا مره كانت هترسي على حبس نحمد ربنا جات بسيطه
معتز بتعب بسيطه مين ده انا دراعي هيتكسر ولسه في ال 40
جاسر بضحك حلو حلو فاضل 210 عاش يا رجاله
حسن بتعب بالله عليك ماتقول فاضل كام اضحك علينا احسن
صالح بضحك ونهج علشان تفتح قلبك اوي وتتكلم بعشم
حسن بضحك قسما بالله ده انا هعلقها ومش هكلمها في الاجازه الا فيديو كول بعد كده علشان قله القيمه اللي الواحد فيها دي
كلهم فضلوا يضحكوا وكملوا وبعد ساعه تابع جاسر بضحك واخيراااا 250
كلهم رموه نفسهم على الارض بتعب وصدرهم بيعلو ويهبط بنهج شديد
جاسر بضحك الفاتحه على روح اخواتكم يا رجاله
عمر بتعب لالا بجد انا عايز نقاله توديني السرير
حسن بتعب لسه بدري يا غالي هناكل ونكمل التدريبات فاجمد كده
معتز بتعب مش قادر اقف المفروض نقوم صح
جاسر بضحك خليك يا غالي هو هيجي القائد دلوقتي يقومك زي الحصان
صالح بتعب متهيالك انا لو شوفت دبابه جايه هسيبها تدوسني
ادم بتعب مش حاسس بايدي بجدد اااه قولوا لامي ابنك كان بطل ومات بطل
كلهم فضلوا يضحكوا فتابع احمد بضحك ونهج يخربيت امك يا جدع ماليش نفس اضحك انا بتضحكني ليه
عمر بتعب هي معرفتك السبب يا حسن معرفه سودا وبنت ستين كلب
سيف خرج وراح ناحيتهم وتابع بضحك الله بتشتم معرفتك بحسن طب ده حبيبك وعشره عمرك
كلهم لما سمعوا صوته قاموا وقفوا في ثانيه وجسمهم واجعهم اوي فصرخوا بنفس واحد …. اااه ….لانهم قاموا فاجاه
سيف بابتسامه لا سلامتكم من ال اااه … عيب رجالتي انا تقول الكلمه دي
عمر بتعب خلاص هتألم في صمت يا قائد ولا تزعل بس ارحم ده ربنا بيرحم
سيف بضحك لا ده انتوا خرعين خالص بجد
جاسر فضل يضحك وتابع قولتلك هيقومك زي الحصان لما يجي مصدقتش .. انها المعجززه مش كنتوا مش قادرين
سيف ضحك وتابع يلا اخلصوا معاد الاكل جيه وبعد الاكل هنكمل تدريبات اليوم
عمر بتعب يارب اموت بعد الاكل
حسن بضحك ووجع من جسمه ااه .. اشمعنا بعد الاكل يعني
عمر بتعب وضحك علشان هموت من الجوع الصراحه فا اموت وكمان جعان
سيف بضحك لا ازاي متهونش عليا ده انت متوصي عليك من الغاليه
عمر بتعب وضحك لا يا غالي كتر خيرك عملت بيها الصراحه اااه يا دراعي
سيف ضحك ودخلوا علشان ياكلوا
———————————————
في بيت الرفاعي في شقه عز الباب خبط
فتحت ياسمين وتابعت بابتسامه وتفاجئ احمد اتفضل نورت
احمد دخل وتابع بحب يزيد فضلك ودخل وتابع محدش هنا ولا ايه ?
ياسمين بحب اه كلهم تحت وانا كنت باخد شاور ونازله
احمد بتنهيده طب كويس علشان عايزك في موضوع مهم
ياسمين بقلق خير يا احمد اتفضل
احمد دخل وقعد وهي قدامه وتابع بتنهيده انا مردتش اعدي علي حد تحت قولت اشوفك انتي الاول ونتكلم براحتنا وتنهد بعمق وتابع ياسمين انا عايز ننفصل
عبد الله بتنهيده خلاص روح انت ومتشلش هم حاجه انا هقعد اخلص الشغل وهبعتلك تباشر الشغل من عندك الفتره دي
احمد بحب طبطب على كتفه وتابع ده العشم يا صاحبي .. يلا هقوم انا احضر شنطتي
عبد الله بحب واحد يا غالي .. هقوم انا اعملنا احلى كوبايتين قهوه واجي نرغي شويه قبل طيارتك الصبح
احمد بابتسامه اتفقنا يلا روح
عبد الله قام واحمد بص على دبلته وتنهد بعمق وقام يحضر شنطته
——————————————-
في شقه معتز الساعه 4 الفجر كان الكل نام بس مازن وزينب وحسام قاعدين يتكلموا مع بعض في الصالون
حسام ضربها في كتفها وتابع انتي يابت مش قايلك متشربيش قهوه
زينب بضحك معرفتش الصراحه …. عملت فيها جامده وهمشي على الكلام بلظبط معرفتش … عادي كوبايه كل فين وفين مش هتعمل حاجه
مازن لا طبعا تعمل طلما حاجه ممنوعه عليكي متشربيهاش ومتستعبطيش علشان عمر مش هنا لو كان هنا كان هزقك دلوقتي
زينب بتنهيده بالله ياريته هنا ويعمل اللي هو عايزه من اول يوم وواحشني اوي
حسام كان قاعد جمبها خدها في حضنه وباس راسها وتابع بتنهيده هيرجع والله بس صبري نفسك بأن كل يوم بيعدي بينقص من المده اللي هو بعيد فيها عنك وربنا يجمعكم على خير يحبيبتي
زينب بتنهيده ياريت حتى اقدر اكلمه وقت ما اعوز
مازن بتنهيده الجيش حاجه صعبه بجد ربنا يعينك ويعينه ده هو نفسه اكيد مش مرتاح دلوقتي
حسام بتنهيده طبيعي علشان لسه في اول جوازه انما قاعدته هناك هتعوده لانهم فاصلين المدني عن العسكري ومفيش تواصل مع الاهل كتير
زينب بحزن يارب يهون بجد الواحد مش متخيل هيعيش كده ازاي
مازن بضحك اهدي .. اهدي علشان حاسس ان مود النكد بيتسحب واحده واحده وهتعيطي كمان خمس دقايق
زينب ضحكت وتابعت مش كده والله بس فعلا كان نفسي يكون هنا اوي كنت نفسي لما اعرف ان انا حامل اجري عليه اول واحد اقوله عمري ماتخيلت كله هيعرف قبله كده
حسام بتنهيده حقك عليا لما يرجع فاجئيه ووالله هيفرح اكتر اهو تلاقي حاجه حلوه تفرحيه بيها لما يجي من تعب الشغل غير لما يعرف ويمشي
مازن بحب اتفق مع حسام جدا بجد انتي بس فكري في فكره حلوه كده وفاجئيه بيها وهتنسي ان مكنش موجود لما عرفتي من فرحتكم
زينب بتنهيده يارب بجد وبصت لحسام وتابعت صحيح يا حسام هو انا ممكن لما اجي اولد ميبقاش موجود ولا بياخد اذن ??
حسام بصلها وابتسم وسكت فتابع مازن احمم بياخد اذن اه
زينب بتوتر لا متهزروش هعيط
حسام بضحك اهدي اهدي بصي طب نتكلم براحه انتي هتولدي ايه طبيعي ولا قيصري
زينب انا بصراحه عايزه قيصري مش حابه الطبيعي بيجي فاجاه
حسام بحب طب يارب كده اهون لو طبيعي كنت هقولك انسي عمر يكون معاكي لان بيجي فاجاه ووارد الفاجاه دي تكون وهو في سينا انما القيصري انتي بتحددي فا لو عرفتي تحددي في معاد هو نازل فيه او هنا يبقى زي الفل انما لو اجباري معادك وهو هناك يبقى مش هيعرف ينزل للاسف
زينب بصدمه كمان !!! لا ده عمر كده اتجوز شغله متجوزنيش انا
حسام ضحك وتابع انتي بتتريقي على احزانك
زينب بتنهيده احزان ايه وزفت ايه بس دي نيله سودا على دماغه
مازن بضحك الله وهو ماله مانتي مجربه مع سيف كل حاجه هو غشك الراجل ما شغله يا زينب يعمل ايه
زينب بتنهيده الكلام سهل اوي تجربتي مع سيف عمرها ما كانت مقياس لحياتي مع عمر لان ده اخويا وده جوزي احتياجاتي لكل واحد فيهم مختلفه عن التاني تماما
حسام بتنهيده فاهمك وعندك حق بس هنعمل ايه يحبيبتي ادي الله وادي حكمته شغله ومضطر هو مش بيعلب وواجبك كمراته لما يرجع راعيه واضحكي في وشه ومتبينبش انك متأثره اوي كده
مازن بتنهيده ده رايي انا كمان حسام عنده حق متزوديهاش عليه يحبيبتي هو غصب عنه وعلى عينه بردو
زينب بتنهيده حاضر يا مازن هسمع كلامكم ربنا يقويني بجد
مازن بحب يارب يحبيبتي وباذن الله ساعه ولادتك يكون هنا قولي يارب
زينب بحب يارب بجد ياارب وفونها رن فكانت شهد
زينب بستغراب غريبه ايه مسهرها لحد دلوقتي دي
حسام مين ?
زينب وهي بترد تابعت شهد …. ايه يحبيبتي
شهد بقولك يا زوزا معلش متعرفيش اسم دوا كويس للبرد والسخونه ياسمين جسمها بيتنفض وتعبانه اوي
زينب بخوف ايه ده ليه ماالها حصلها ايه
شهد بتوتر مش عارفه تقريبا بسبب المايه اللي ادلقت عليها ومش عايزه اصحي بابا ويونس واقلقهم
زينب استني انا عندي برشام هنا هنزلهولك في السَبَت اطلعي البلكونه
شهد حاضر
وبلفعل دخلت زينب الاوضه وجابت البرشام وحطته في السبت ونزلته من البلكونه كانت شهد واقفه فتابعت اعمليلها كمادات مع البرشام يا شهد وطمنيني عليها كل شويه
شهد بحب حاضر يحبيبتي تعبتك. وخدته من السبت
زينب بحب لا تعبك راحه يعمري خلي بالك منها هاا
شهد بحب حاضر
ودخلت وزينب شدت السبت وسابته في البلكونه وقفلت ودخلت
مازن بقلق ايه في ايه مالها ياسمين
زينب بضحك وهي بتقعد ماهو كله من حضرتك البت جالها دور برد فظيع
مازن بصدمه بتهزري هي تعبت بجد
زينب بضحك اه والله شهد بتقولي سخنه اوي وعندها برد
حسام بضحك يا جدع حرام عليك وفضل يضحك بشده لما افتكر شكل ياسمين
مازن بحده هو ايه بيضحك يا حيوان انت
حسام من بين ضحكه : مش ..مش قادر بجد كل ما افتكر شكلها وهي بتشهق ومخضوضه وغرقانه مايه كده اموت من الضحك
زينب فضلت تضحك فضحك مازن وتابع طب لو محترمتش نفسك قسما بالله ههزقك خلاص في ايه
زينب بضحك منظرها كان فظيع لما دخلتلنا بجد لا ويونس اتصدم من شكلها كده فا لما عرف ان انت اللي غرقتها كان طالعلك فقولتله اهدى بس يا يونس نفهم مازن كبير على الحركات دي فلما عرف غرقتها ليه استحلفلها واستخبت ورايا علشان يسيبها
حسام فضل يضحك فتابع مازن بضحك احسن تستاهل قسما بالله
زينب بضحك اهي رقدت في السرير اهو
حسام ضحك فتابع مازن بتنهيده اضحك اضحك يلا تصبحوا على خير هنزل انا الوقت اتاخر
زينب يا ابني ما خليك احنا صاحين مش هنام ولسه هنصلي الفجر
مازن بحب لا مش هقدر كده كده انتي قاعده معانا فا الجايات كتير يلا سلام وبص لحسام وتابع سلام يا حيوان
حسام فضل يضحك وتابع سلام يا روميو
مازن بضحك يا ابني مش عايز اهزقك اختك قاعده وكبرت وهتبقي خال كمان
زينب بستغراب اشمعنا روميو يعني
حسام فضل يضحك وتابع متركزيش متركزيش ده سين بينا
زينب ضربته في صدره وتابعت بضحك جتك الارف صحيح انت وهو مش عايزه اعرف
حسام ضحك فتابع مازن بضحك وهو بيفتح الباب متاخديش عليه علشان حيوان والله .. يلا السلام عليكم
زينب بضحك وعليكم السلام ونزل فتابعت ماتقولي بقى وتبطل رخامه
حسام بضحك لا اقولك ايه ده انتوا نسوان تعشق اللت والعجن صحيح انا هروح اريح شويه الفجر يأذن صحيني
زينب بضيق يا بارد هتسبني لوحدي
حسام فرد جسمه على الكنبه وحط راسه على رجليها وتابع بابتسامه لا وعلى ايه خليني جمبك اهو
زينب حطت ايديها على شعره وتابعت بضحك ايوه كده جدع
————————————-
في شقه معتز الباب خبط ففتحت شهد
شهد بستغراب مازن
مازن كان شايل كوبايه ينسون عملها فتابع بتنهيده فينها ياسمين ياشهد
شهد اهي جوه تعالى
مازن دخل وقفل باب الشقه براحه ومشي مع شهد وقبل ما يدخل تابع هي مغطيه شعرها ??
شهد ايوه صح .. لا مغطتهوش استنى ودخلت وتابعت وهي بتديها طرحه امسكي غطي شعرك
ياسمين بتعب واستغراب : ايه ده ليه مش فاهمه
مازن حمحم فمسعت صوته وغطت شعرها واتعدلت في قعدتها بسرعه فتابعت شهد ادخل يا مازن خلاص
مازن دخل وتابع كوبايه قهوه معلش يا شهد
شهد بحب حاضر خمس دقايق وتكون عندك
مازن بضحك هتعبك لو اكتر من خمس دقايق بس وطي النار عليها جداا علشان مبحبش تتعمل بسرعه
شهد بضحك حاضر ولا يهمك هجيب كرسي واقعدلك جمبها
مازن بضحك تسلميلي يحبيبي اكون شاكر جدا
شهد بحب من غير شكر عادي انت اخويا الكبير وخرجت
ياسمين برفعه حاجب انت بتسرح البت يا مازن
مازن ضحك وتابع اه حاجه زي كده وحط الينسون على الترابيزه الصغيره اللي في الاوضه وقعد قدامها على السرير وقرب باس جبينها وتابع بتفاجئ : يالهوي ده انتي مولعه بجد
ياسمين بضيق اومال بهزار
مازن تنهد بعمق ومسك ايديها حطها بين ايديه الاتنين وباسها وتابع سلامتك يحبيبي الف سلامه حقك عليا
ياسمين بضيق انت ايه اللي جابك اتفضل اطلع برا وملكش دعوه بيا
مازن بحب لا ليا طبعا وغصب عنك وبراحتي مينفعش اعرف ان سمسمتي تعبانه بسببي ومجيش اشوفها
ياسمين بدموع مازن لو سمحت علشان خاطري
مازن حط ايديه على خدها ومسح دموعها وتابع بابتسامه علشان خاطري انتي انا مش جاي نتخانق انا حقيقي ضميري مأنبني وزعلان عليكي فسبيني اطمن عليكي وهمشي يا ياسمين ارجوكي مش كل شويه صوتنا يعلى
ياسمين بتنهيده والدموع متحجره في عينيها : اللي انت بتعملوا ده مش صح انا مخصكش
مازن الدموع اتجمعت في عينيه وتابع مش بايدي .. صدقيني مش بايدي .. غصب عني مش هعرف ابطل احبك واغير عليكي واتحكم فيكي .. مش هعرف حقيقي ده انا مربيكي على ايدي
ياسمين بوجع اممم بس عرفت تلمس جودي مش كده
مازن غمض عينيه بوجع وتابع وغلاوتك في قلبي غصب عني غلط ومعترف بس هعمل ايه لو بايدي اغير الواقع علشان ارضيكي والله مش هتردد
ياسمين بتنهيده للاسف لا هو بايديك ولا بايدي خلينا كده احسن ولاد عم وبس
مازن بتنهيده اعتبري وافقتك انتي هتعرفي تعملي كده
ياسمين بضيق اه هعرف اعمل كده متقلقش عليا
مازن بتنهيده اللي يريحك يا ياسمين وحط ايديه على جبينها وتابع خدتي الدوا اللي بعتتهولك زينب ??
ياسمين بضيق هزت راسها ب اه
فمسك مازن كوبايه الينسون وتابع طب انتي كده مش هتنزلي ببرشام امسكي علمتلك ينسون الحاجات السخنه حلوه ليكي وهنشوف هنعمل ايه
ياسمين بضيق شكرا مش عايزة منك حاجه
مازن بهمس حاد طب مش عايز اعلي صوتي واتغابى عليكي اشربي واخلصي
ياسمين برفعه حاجب حِكم يقتل القتيل ويمشي في جنازته
مازن اه يا ياسمين والمره الجايه لو محترمتيش نفسك هقتلك انتي علشان قله الادب والمسخره اللي بتعمليها دي
ياسمين بضيق زقته في كتفه وتابعت امشي اطلع برا وسبني في حالي
مازن بضحك الله انتي بتطرديني يا ياسمين عادي مبزعلش اعملي اللي نفسك فيه مش هطلع
ياسمين بضيق يا ابني انت مستفز ليه ?? وقاعد معايا بصفتك مين انت ??
مازن هنعمل نفسنا مش عارفين الحقيقه وهقولك قاعد معاكي علشان انا السبب في اللي انتي فيه بس يكون في علمك مش ندمان لانك فعلا مستفزه وعايزة تتربي
ياسمين بضيق انا المستفزززه اه انت هتقولي وضربته في كتفه وتابعت انا المستفززززه
مازن بضحك خلاص بجد علشان لو قومتلك مش هخلي فيكي حته سليمه ولا هتعرفي تتحركي اصلا فامسكي اشربي
ياسمين بضيق مش هشرب واهو عايزاك توريني وضربته تاني في كتفه جامد
مازن ساب كوبايه الينسون ومسك ايديها الاتنين بايد واحده ورجعها سندها للحيط وهي قاعده على السرير وهو قريب منها وتابع عايزه ايه انتي بقى ??
ياسمين اتوترت من قربه وتابعت ابعد عني واحترم نفسك وسبني عايزه انزل ايدي وفضلت تحاول تتحرك
مازن بضحك والله لو فضلتي للصبح مش هتعرفي تتحركي وكده ماسكك بس مبالك لو اديتك علقه محترمه هيحصلك ايه وانتي بصراحه غيظاني وماهصدق
ياسمين بضيق متقدرش اصللاا
مازن بحب اه بصراحه بس علشان متهونيش عليا مش علشان خايف منك ولا حاجه
ياسمين قلبها دق سريع واتوترت وتابعت بتوتر مازن ابعد شهد لو دخلت موقفنا هيبقى زباله وحاولت تفك ايديها وتنزلها بس ماسكها جامد
مازن بضحك لا مش هسيبك الا بمزاجي علشان تتربي وتطولي لسانك كويس
ياسمين بتوتر يا ماازن ايدي وجعتني اوعى بدل ما والله اديلك ضربه بدماغي اجيب اجلك
مازن فضل يضحك وتابع ضربتك انتي هتجيب اجلي انا اهي ادي نكته بس نكته بايخه جدا الصراحه .. متهزريش تاني
ياسمين ضحكت وتابعت بجد اتلم واوعى انت مش محترم صح عاجبك انك قريب من وشي كده
مازن بحب الصراحه اه اكدب عليكي يعني وبص لشفايفها وبصلها
ياسمين بتوتر اوعى والله العظيم هقتلك اوعى تفكر
مازن بضحك عيب عليكي كل حاجه في وقتها احسن ومفيش احسن من الحلال
ياسمين بغيره اممم اصلك تعرفه
مازن سند جبينه على جبينها وغمض عينيه وتابع بهمس ياستي انا راضي انتي اللي تعرفيني عليه
ياسمين برفعه حاجب معلش ده عشم ابليس في الجنه بلظبط
مازن بضحك لا يا شيخه
ياسمين بهمس حاد اه زي ما سمعت كده انا مش هتجوزك اصلا ولا على ضره ولا من غير ضره انا هتجوز اخوك وانت عارف
مازن بتنهيده انا بهاودك مش اكتر انما ده مش هيحصل لو اطبقت السما على الارض
ياسمين بابتسامه مستفزه : طب يعمري ابقى فوق على الصدمه يوم فرحنا بقى
مازن بحب لا وايه هيفوقني على صدمه اما هو فرحنااا ده انا هبقى مش مصدق نفسي من كتر الفرح
ياسمين ضحكت بسخريه وتابعت انت عارف ان اقصد فرحي انا واحمد يا مازن فبلاش استعباط
مازن بابتسامه انا مش عارف غير اني كل يوم بدعي ان ربنا يجعلك نصيبي انا وهيحصل وهيستجيب ازاي دي مش بتاعتي
ياسمين الدموع اتجمعت في عينيها وتابعت ياريت بس مبقاش ينفع اصل لا الدنيا ولا الظروف ولا انا بقينا عايزين جوازنا ده خلاص
مازن بتنهيده مش من قلبك وانا عارف فمش هاخد على كلامك وهسيب الايام تحكم
ياسمين بضيق طب اخلص وسيب ايدي وجعتني اوي
مازن بضحك لييه بس ماانتي لسانك حلو اوي وانتي بتقوليلي عايزاك توريني فاسيبك دلوقتي علشان ايه بقى
ياسمين بصتله بحب وتابعت علشان خاطري
مازن ابتسم بحب وتابع لا ضعفت بصراحه خاطرك غالي يعمري وباس جبينها وساب ايديها وقعد قدامها ومسك الينسون وتابع اشربي بقى
ياسمين بضيق هات يخش نخلص ومسكته تشربه
وشهد دخلت وتابعت بحب القهوه اهي
مازن بحب تعبتك يا شوش ومسكها منها حطها تبرد
شهد يلا يا ياسمين جبتلك المايه السقعه علشان اعملك كمادات ريحي جسمك وراحت شهد فتحت الدولاب جابت قماش صغير
ياسمين شربت الينسون ونامت فتابع مازن انتي ايه مسهرك يا شهد لحد دلوقتي مش وراكي مذاكره ودروس
شهد بتنهيده اه والله بس قاعده بعملها كمادات ولسه ورايا حاجات احلها
مازن قام خد منها القماش وتابع روحي انتي حليهم انا قاعد جمبها
شهد لالا متتعبش نفسك انزل نام وراك شغل انا قاعده
مازن بحب اسمعي الكلام وروحي ذاكري انا قاعد جمبها وضحك وتابع علشان حاسس بلذمب شويتين فاهعملها انا
شهد بضحك خلاص ماشي وبصت لياسمين وتابعت بحب عوزتي حاجه ناديني
ياسمين هزت راسها بتمام وشهد خرجت فتابعت كويس عندك دم وبتحس بلذمب
مازن بضحك لا مين قالك كده يحبيبي ده انا لو الزمن يرجع بيا هغرفك ببرميل عادي ده كلام بيتقال علشان امشيها مش اكتر
ياسمين بضيق جتك الارف
مازن بضحك طب اتلمي علشان بترجعي تخافي زي الكتكوت المبلول وراح مسك المايه وحط فيها القماش وتابع قولتلك باحترام ادخلي مسمعتيش الكلام ويعلم ربنا لولا بس اني ماليش حق اتكلم قدامهم كنت جبتك من شعرك اللي كان خارج كله من الطرحه ده
ياسمين بضحك طب انت مالك انت يا بارد الله
مازن حط القماشه على جبينها وتابع بضحك ماقولنا بلاش الكلام ده مانتي عارفه انه ليا وبعيدا عن الهزار حقيقي يا ياسمين لو شوفتك واقفه شعرك باين وبتضحكي كده تاني هتزعلي مني ومن اسلوبي فبلاش تجبريني لده هاا
ياسمين بابتسامه مستفزه : انا عايزه ازعل منك نفسي كده ازعل منك
مازن بضحك ما بلاااش العند ده معايا يا بنت الناس انا مبهددش ما انتي جربتي جزء بسيط اهو وراقده في السرير بسببي
ياسمين بضيق امشي اطلع برا علشان كل ما افتكر بتعصبني روح برا يلا ومش عايزة من حد كمادات هاتلي اختي
مازن طب انا راضي ذمتك انا ولا شهد
ياسمين برفعه حاجب شهد
مازن بضحك احلفي كده
ياسمين بضحك مبحلفش ومتضحكش وتضحكني لان مفيش حاجه تضحك تمام
مازن فضل يضحك وتابع لا صدقتك وفضل يعملها كمادات شويه
ياسمين بتعب مازن انا مش قادره عايزه انام وحاسه اني تعبانه
مازن بتنهيده حقك عليا بجد وباس ايديها وتابع هخلص الكمادات وهنادي زينب تديكي حقنه السخونه مش هتنزل غير كده
ياسمين بخوف لالا حقن ايه انا كويسه خلاص
مازن بتنهيده ياسمين متعصبنيش عليكي مش هينفع
ياسمين بخوف طب بص اوعدك والله لو صحيت سخنه وتعبانه هاخدها والله يا مازن وعد
مازن تنهد بعمق وتابع تمام وانا هصدقك وحط ايديه على جبينها وتابع لو كنتي اتربيتي مكنش حصل كل ده
ياسمين بضيق لو كنت انت بطلت شغل عيال مكنش حصل كل ده
مازن برفعه حاجب شغل ايه يا ياسمين ??
ياسمين بتوتر لا ولا حاجه انا اقصد جيلان بنت باسم ماهي عيله من ضمن العيال لو كانت بطلت زن على مامتها مكنتش خرجت البلكونه علشان اكلمها فانت تغرقني بس كده
مازن اممم بس انا حسيت ان سمعت كلمه انت
ياسمين بابتسامه متوتره : لا طبعا اكيد سمعت غلط وعطست وتابعت اااه الحمدلله
مازن بابتسامه اممم منا بقول كده بردو ومسك المناديل وادهالها وتابع سلامتك يحبيبي فسحبت منها ورجعت ضهرها لورا وتابعت تعبتك يا مازن
مازن بحب تعبك راحه ياعيون مازن وباس ايديها
ياسمين بتعب انزل انت علشان شغلك وبكره بتروح الارض تشوف العمال فمش هتفضى
مازن بضحك ده انتي حافظه جدولي بقى
باسمين بضيق مش عشره عُمر بقى
مازن بحب وعلشان عشره العمر مش هسيبك نامي وهنزل
ياسمين بتوتر مازن مينفعش والله العظيم لو يونس صحي وشافك هيقتلني
مازن برفعه حاجب هيعمل ايه يعني يونس بقولك ايه انا مش ناقص قرف ليه محسساني اني زميلك في الجامعه وجايلك من الشباك انا ابن عمك وخبطت طبيعي على فكره واختك اللي فتحت
ياسمين الدموع اتجمعت في عينيها وتابعت يونس عارف مشاعري ناحيتك واتوترت وتابعت اللي كانت يعني فا لو شافك هيبهدلني هو حالف عليا متعاملش معاك وانا مينفعش اكسر كلمته ده كبيري بعد بابا
مازن بتنهيده لا سيبك من كل كلامك ده لاني عارف ان يونس عرف كل حاجه علشان جيه اداني علقه وفهمت انك حكيتي الشريط كله
ياسمين بلهفه نعمم ضربك ازاي وامتى
مازن بتنهيده لالا استني بس كبري دماغك من كل ده مع ان تصرفك دلوقتي ولهفتك دي عكست كلامك بس قدرتي تقوليها .. انتي بتقولي مشاعرك اللي كانت !!! يعني انت مبقتيش تحبيني يا ياسمين !!!
ياسمين بتنهيده عمري ما اقدر ابطل احبك بس مبقاش ينفع اقول كده .. مبقاش ينفع افضل بفكر فيك انا مبقتش ليك وحبي ليك دلوقتي خيانه لواحد تاني ميستاهلش مني كده وانا مش وحشه يا مازن ولا عمري هكون الشخص ده
مازن بتنهيده اممم لا اقنعتيني بس الخيانه فعلا بدات منك ورفع ايديها وتابع يوم ما فكرتي تحطي في ايدك دبله اخويا فانتي اللي طعنتيني يا ياسمين وبسبب القرف اللي دخلتيني فيه خلتيني سكرت ودي حاجه عمري ماعملتها وادي التمن بنت ملهاش اي ذمب شالت المشاريب
ياسمين بوجع سيبك من الكلام ده جودي قصدت تخليك تقرب منها واي كلام غير كده انا مش هصدقه
مازن اثبتي مفيش دليل لكلامك ده مجرد شك وانا زيك شكيت بس مفيش دليل ومش مقنع بنت تأذي نفسها كده
ياسمين بسخريه ولو اثبتلك يا مازن هتسيبها ???
مازن بتنهيده وابني ذمبه ايه ??
ياسمين دموعها نزلت وتابعت وهي بترجع ضهرها لورا وغمضت عينيها ابنك اممم … لا كلامك صح .. اهو ابنك ده بنى بيني وبينك الف سد وسد حتى لو مكنتش خطيبه اخوك
مازن بتنهيده سيبك من ابني ومن جودي ومن احمد وكبري دماغك من كل حاجه .. دلوقتي اهم حاجه صحتك
ياسمين بتنهيده لا زي الفل متقلقش عليا لو على صحتي هترد المشكله اكبر من كده بكتير وفردت جسمها وغمضت
مازن تنهد بعمق وسكت وحط ايديه على جبينها لقاها لسه سخنه ففضل يعملها كمادات
————————————
تاني يوم الصبح ياسمين حست انها احسن وفتحت عينيها كانت الشمس دخلت فا اتاوبت وقامت اتعدلت اتصدمت ان مازن نام وهو قاعد على الكنبه فصوتت تلقائي لانها مش متوقعه
مازن اتفزع وصحي وتابع ايييه يخربيت ابوكي في ايييه البيت بيولع
ياسمين بصت للساعه وبصتله بخوف وتابعت يخربيييتك انت منزلتش ليييه
يونس جيه خبط على الباب وتابع بخوف ياسمين ماالك انتي كويسه ادخل لابسه كويس ????
ياسمين فتحت عينيها بخوف ولطمت وهمست والدموع هتنزل من عينيها يخربيتك يا مازن الله يحرقك
مازن قام بسرعه وتابع بهمس وهو بيطبطب عليها اهدي اهدي متخافيش والله مش هيشوفني ودخل الحمام جري وقفل
يونس بخوف انتي يابنتي وفضل يخبط
ففتحت ياسمين وتابعت بتوتر ووشها لونه مخطوف ايه يحبيبي حقك عليا كنت في الحمام
يونس استغرب لبسها وتابع بتعملي ايه في الحمام بلطرحه وعلى البيجامه
ياسمين اتوترت وشالت الطرحه وتابعت بضحك وتوتر : ايه ده هي لسه على شعري اصل انا كنت بصلي العشا .. قصدي الضهر ..قصدي امبااارح يا يونس امبااارح صليت الفجر يحبيبي وداعيتلك وداعيت لينا كلنا ونمت على الارض وانا بدعي فكانت على شعري ومشلتهاش
يونس برفعه حاجب واستغراب لتوترها : بتصلي بلبيجامه !!! وده من امتى ??
ياسمين بتوتر لا منا قلعت الاسدال حالا بس سبت الطرحه لسه ملحقتش اغير يعني
يونس برفعه حاجب ياسمين انتي بتكدبي بس يتارا ايه السبب ???
ياسمين بضحك وتوتر لا طبعا هكدب لييه يحبيبي مفيش سبب مقنع للكدب يعني
يونس اممم هكمل اشوف اخرك ولو نفترض كنتي بتصوتي ليه بقى شوفتي جن وعفاريت فاجاه ولا حاجه ??
ياسمين بتوتر لا ده فاار يا يونس فاار وانا بغسل وشي شوفته والحمدلله جري يعني
يونس بستغراب فااار في الاوضه وفضل يبص حواليه
ياسمين بتوتر ما مشي خلاص بقى الحمدلله
يونس لا استني اشوفه جيه منين ده .. ده انتي حتى قافله البلكونه فاهو اكيد لسه مطلعش وفضل يدور
ياسمين كانت واقفه مرعوبه وباين عليها التوتر الشديد وعماله تغمض عينيها وتدعي ربنا بخوف
يونس وهو بيدور بصلها وتابع بضحك وشك اصفر كده علشان الفااار انتي مش معقوله بجد
ياسمين بابتسامه متوتره : اصل ده مش فار عادي ده جاموسه وحمااار
يونس بضحك ياااه كبير اوي كده ده انتي مشكله والله يا ياسمين ورايح يفتح الحمام ياسمين صوتت
يونس بخضه ايه في ايه ماالك انتي اتجننتي صرعتيني
ياسمين راحت مسكت ايديه اللي على الاكوره وتابعت بتوتر لا طبعا متدخلش الحمام
يونس بستغراب ده ليه ان شاء الله مش فاهم فيه اسرار ??
ياسمين غمضت عينيها وبلعت ريقها بتوتر وتابعت يونس يحبيبي انا مفتحتوش فاكيد الفار مش جوه
يونس بستغراب انتي مش قولتي من نفسك ان غسلتي وشك فشوفتيه يعني اكيد فتحتي الحمام وبعدين ايه يخليكي تصوتي حتى لو مفتحتيهوش مش فاهم
ياسمين لعنت نفسها في سرها وعرفت انه مفيش مهرب فسكتت بتوتر ملحوظ
يونس بحده بتكدبي صح ??? انا اصلا عاارف مخبيه ايه جوه بقى مش فااهم
ياسمين الدموع اتجمعت في عينيها وتابعت بتوتر وتقطع مش
مخ بيه بس .. بس في حا جات بناتي جوه منشو ره فا همني
يونس بستغراب شديد من توترها : ياسمين مااالك في اييه مش مستاهله كل التوتر والتقطيع دده جمعي هو انا بضربك
ياسمين بدموع انت اتعصبت عليا وخوفتني هكون مخبيه ايه يعني مش فاهمه
يونس بابتسامه خلاص اهدي حقك عليا ومسح دموعها وباس جبينها وتابع ادخلي غطي حاجتك وهدخل وراكي اشوف وهطلع علطول
ياسمين مكانتش عارفه تعمل ايه ولو فتحت الباب قدام يونس مازن هيبان فتابعت بتوتر خلاص مش مهم هي مش هتبان لانها ورا الباب وهو الفار اصلا مش جوه يلا نفطر انا جعانه اوي
يونس بستغراب اكتر : لا انتي بجد امرك غريب اومال عملتي حوار ليه اما مش هتبان اوعي كده وفتح الباب فياسمين حطيت ايديها على عينيها بخوف شديد وخضه
ويونس دخل وفضل يبص في الحمام مفيهوش حاجه فتابع بتنهيده تعالي يا هانم فين الفار
ياسمين استغربت كلامه ودخلت مستغربه اكتر وفضلت تبص وتابعت بتوتر طب الحمدلله مفيش حاجه قولتلك
يونس بتنهيده لا ده انتي مش طبيعيه انهارده بجد انا رايح البس عندي شغل وبيخرج وهي بتخرج وراه مستغربه مازن فين
فمازن فتح حته من ستاره البانيو وبصلها وغمز فاتفاجئت بشده وكتمت ضحكها وخرجت ورا يونس
يونس هروح البس ها خلصي وانزلي علشان تفطري
ياسمين بحب حاضر جايه وراك
وخرج يونس وقفلت الباب بلقفل ووقفت وراه تنهدت بارتيااح شديد
مازن خرج وتابع بضحك علشان تعرفي اني ذكي
ياسمين بصتله بعصبيه وتابعت انت .. ده انت ليله اهلك سودا معايااا
مازن بضحك انا !!! بعد ماسهرت جمبك اخص عليكي طول عمرك مبيطمرش فيكي خالص
ياسمين بحده انت بتهرز !!! مانزلتش ليه يونس لو كان شافنا كان قتلنا انا وانت
مازن حط ايديه على الباب وحاصرها وتابع بضحك مش مهم المهم اننا هنبقى سوا
ياسمين بضحك ملزق اوي بجد اوعى كده وضربته في صدره جامد
مازن بضحك اااه يابنت الكلب انتي .. ايدك تقيله يا غبيه
ياسمين بتوتر ماازن ابوس ايدك مبهزرش شوف هتنزل ازاااي
مازن استني يونس هينزل وهنزل وراه وهقول اني كنت نايم في اوضه السطح خلاص بقى مش عايز صداع ده انا ابن كلب اني قعدت جمبك والله عيني غفلت من غير قصد
ياسمين تنهدت بعمق وتابعت لا حقك عليا تعبتك متقولش كده
مازن باس جبينها وتابع انتي اللي حقك عليا والله بس حقيقي كنتي معصباني
ياسمين برفعه حاجب ايه رايك وهفضل معصباك هاا… وربعت ايديها
مازن بضحك يا شيخه ابو هرموناتك دي اللي بتتغير في لحظه وراح جاب طرحتها وتابع وهو بيحطها على شعرها : زي القمر بس مينفعش غطيه ده ولا اتعود يبان
ياسمين بصدمه يالهوي انا نسيت اني واقفه قدامك بشعري ومسكت منه الطرحه لفتها حلو بسرعه
مازن بضحك اهدي بس في ايه منا من نفسي اهو غطيتك عيب عليكي علشان تعرفي بس مع ان بصراحه اانا اولى من الغريب اللي بيتفرج من البلكونه
ياسمين بضحك مازن احترم نفسك
مازن لا انا محترمها كويس اوي احترميها انتي بقى هتلاقي مني احترام اكتر .. استعبطي عادي بردو يقلبي انا هبقي مشوفتش ربايه وبعشق قله الادب ولساني طويل وبردو هربيكي فخليها بلاحترام احسن مع انك مبتجيش بيه
ياسمين بابتسامه مستفزه : اممم بعشق العند
مازن تؤ مش معايا متخلقتش اللي تعملها وبردو بشوقك جربي تاني ومستعد اربيكي تاني عادي انا مش ورايا حاجه لو مفضتش ليكي افضى لمين يعني
ياسمين بسخريه نيني نيني خليك في نفسك … ماشي
مازن بحب انتي نفسي
ياسمين بضحك لا انا مش نفس حد انا نفس نفسي بس
مازن بضحك نفس نفسك بس طيب ياستي تشكري والا قوليلي صحيح يا ياسمين
ياسمين اممم خيرر
مازن برفعه حاجب مين بقى اللي جاموسه وحمار
ياسمين ضحكت وتابعت بتوتر مين يعني مش حد ده انا كنت بقول اي كلام ليونس علشان يتلهي انت بتتسنط علينااا
مازن اه يعمري اومال هعرف منين انه داخل الحمام واتصرف مثلا ما طبيعي سمعت وفاهم تقصدي مين بس يكفيني انكارك قدامي
ياسمين بضحك لا محدش جاب سيرتك انت بقى بتتلزق في الكلمه دي حاجه تاني
مازن بضحك يابنتي مش عايز اهزقك وامد ايدي عليكي
ياسمين برفعه حاجب متقدرش يا بابا وضحكت تابعت بس المهم مش وقته رغي هراقب الجو لحد ما يونس ينزل وانزلك مش جايلي من وراك غير المصايب
مازن بضحك هو اللي يعرفك يحصله ايه غير مصايب اصلا
——————————————–
بعد ساعتين كانت العيله فطرت وكل واحد وراه حاجه نزلها وياسمين نزلت مازن ورا يونس علطول لما نزل ومحدش خد باله
في الجامعه قاعده نور بتاكل في الكافيتريا مستنيه معاد الامتحان وقاسم رن عليها
نور ردت : ايه يحبيبي
قاسم ايه يعمري صباح الخير
نور بحب صباح الفل ها نزلت ولا لسه
قاسم وهو بيتاوب تابع : في العربيه والله يا نور ومش قادر عايز انام
نور حقك عليا حاول خد نص يوم انهارده
قاسم بتنهيده مش هينفع للاسف علشان شغال فوق شغلي المشروع بتاعي فمفيش وقت اتنفس حتى وبجد انتي واحشاني اوي فشوفي فاضيه امتى ونخرج شويه
نور ما انت بتقول مش فاضي يحبيبي
قاسم لالا سيبك مني انا الشغل مش هيخلص فا لو اعتمدت عليه هشوفك السنه الجايه
نور بحب خلاص ماشي هشوف واقولك
قاسم بحب ماشي يقلبي خلي بالك من نفسك وركزي كويس متستعجليش في الاجابه
نور بحب حاضر والله متخافش
قاسم وياريت يانور تخلصي وتتصلي بيا متروحيش لوحدك انا مبقولكيش لا وبستأذن اروحك وارجع اكمل شغل عادي
نور بحب يحبيبي بستبعد المشوار عليك بس حاضر لو ابيه مش هيروح تعالى انت خدني
قاسم خلاص ماشي ملكيش دعوه بيا بس متروحيش لوحدك فاشوفي يونس وقوليلي هيتأخر اجيلك انا عادي
نور بحب خلاص ماشي
قاسم بحب يلا هقفل معاكي علشان داخل على لجنه ومش هينفع اتكلم في الفون
نور بحب ماشي يحبيبي خلي بالك من نفسك باي
قاسم بحب وانتي كمان يلا .. باي
وقفلت معاه وبصت للساعه ورجعت تاكل
رنا بنت معاها في الدفعه شدت الكرسي وقعدت وتابعت بابتسامه ازيك يا نور
نور بابتسامه الحمدلله انتي ايه اخبارك
رنا الحمدلله بقولك يا نور ممكن اطلب منك طلب
نور بستغراب اكيد اتفضلي
رنا بتمثيل انا مامتي كانت محجوزه الفتره اللي فاتت وبصراحه الماده دي رخمه جداا ومذاكرتش وانتي جمبي في اللجنه فكنت عايزه نحل سوا يعني
نور بصدمه اغششك !! لا طبعا ده لو حد عرف ليقتلوني وهيتعملي محضر زيي زيك مقدرش اعمل كده وانتي متزعليش مني يا رنا بس بتستعبطي طول السنه ومش بتذاكري اصلا
رنا بحده وانتي مين قالك مش بذاكر كنتي شوفتيني وعموما ياستي متعمليش فيها شيخه مش عايزه منك حاجه خلاص وقامت
نور بحده حيوانه صحيح تستعبط طول السنه وانا طالع عين اهلي اديها اجاباتي ليه يعني انا اه طيبه بس مش هبله وبصت في الساعه وتابعت بتوتر ربنا يستر لازم اطلع
وبلفعل طلعت لجنتها ومبصتش لرنا وقعدت مكانها ورنا بصتلها بغل وكرهه شديد وبدأ الامتحان والمراقبه كانت معيده اسمها زينه
رنا بسخريه ملقتوش الا دكتور زينه تقف علينا دي معيده تحت ايد دكتور يونس يعني من اولها تطبيل للصبح بقى وقصدت تسمع نور
نور نفخت وتابعت استغفر الله العظيم يارب وركزت في الامتحان وكبرت دماغها وابتدت تندمج وتحل ورنا مستغربه لانها مش عارفه تحل زيها فطلعت ورق كاتبه فيه بتغش منه وفضلت تنقل
وشويه وعدا نص الوقت فتابعت نور دكتور زينه انا خلصت
زينه بابتسامه حاضر يحيبيتي هجيب الكارنيه بتاعك واجيلك تمضي انصراف. نور الرفاعي صح
نور بحب ايوه
رنا بصتلها بصدمه وحقد ان ازاي خلصت فوقعت ازازتها على الارض بعدت شويه
رنا بتمثيل سوري مش قصدي
نور بضيق يابنتي حرام عليكي ووطت ومدت نفسها تجيبها وفي الوقت ده رنا حطت الورق المكتوب فيه معلومات في كراسه الاجابه بتاعت نور
نور رجعت مكانها وحطت الازازه وجات زينه فتابعت رنا بتمثيل بس على فكره يا دكتور انتي مش بتراقبي كويس ولا قصدك علشان دي بنت عم د
نور بماقطعه وبحده مسمحلكيش ليه شوفتيني عملت ايه يعني
زينه بحده بس انتي وهي احترموا اني واقفه وبصت لرنا وتابعت بحده نور شاطره وانا واثقه فيها ومتلفتتش حواليها اصلا ومعروفه دي مين بس احنا معندناش الكلام ده هنا في الجامعه ولا حتى دكتور يونس بيعمل كده
رنا هي متلفتتش حواليها طبعا مصدقاكي ومصدقه امانتك بس ده لانها حاطه ورق فيها حااجات تغش منها في الكراسه بتاعتها فمركزه فيها وانا شوفتها بعيني اصل حتى مش طبيعي تخلص ماده زي دي بصعوبه كده في وقت زي ده
نور اتصدمت وتابعت بعصبيه انتي بتقولي ايه انتي اتجننتي
رنا بتمثيل اما انتي بجحه يا شيخه طب شوفي يا دكتور ورقها يمكن انا هبله ولا حاجه
نور بعصبيه لا ده انتي فعلا شكلك اتجننتي ايه الحقد ده شوفي عادي يا دكتور
زينه اهدي يا نور انا هشوف اهو ولو طلعت كدابه فاهي عارفه هيحصل فيها ايه
رنا بابتسامه خبيثه لا انا مبكدبش اتفضلي شوفي
زينه مسكت الورق تقلب فيه ونور واقفه متعصبه جدا من رنا
وبلفعل زينه طلعت الورق وتابعت بعصبيه ايه ده يا هانم وانا اللي بدافع عنك ده انتي ليلتك سودا
نور اتصدمت بشده وتابعت بدموع وتوتر نعم اييه ده !!!!! دكتور لا لا والله دي … دي مش بتاعتي لا معرفش عنها حاااجه والله العظيم
زينه بعصبيه اومال محطوطه في ورقك ازاي ايه عفريت حطهاالك
نور حطت ايديها على بوقها بصدمه وتابعت بعياط والله العظيم ما اعرف عنها حاجه يا دكتور انتي مش مصدقاني ليه مش بتاعتي حقيقي انا مبغشش
زينه بعصبيه انا ليا اصدق اللي شيفاه وكويس رنا شافتك جتك الارف ومسكتها بايد والورق بايد وبتمشي بيها في اللجنه وهي بتعيط وبتزقها ناحيه الباب في داخله يونس فاتصدم لما شاف نور خبطت فيه
يونس بصدمه انتي ايه اللي بتهببيه ده يا زينه
نور خافت لما شافته وفضلت تعيط اكتر فتابعت زينه بعصبيه الهانم جايه تغش اتفضل يا دكتور وحطت الورق على الترابيزه جامد
يونس بص لنور فتابعت بتوتر وعياط وهي بتتشحتف : والله العظيم يا ابيه وغلاوتك عندي محصلش انا .. انا مغش تش والله ده انت … انت اللي مر بيني وعاا رفني انا مبعملش كده خالص والله وفضلت تعيط بهستريه
يونس ضمها لصدره وطبطب عليها وباس راسها وتابع بس بس اهدي بطلي عياط انا بثق فيكي جدا وعارف طبعا انك متعمليش كده انتي عبيطه ولا ايه
نور فرحت بشده ودموعها نزلت ورفعتله وشها وتابعت بلهفه يعني انت مصدقني صح … مصدقني
يونس بابتسامه طبعا مصدقك ولو مسمعتكيش خالص عارف متعمليهاش ومسح دموعها
زينه بعصبيه متعملهاش ايه يا دكتور هو حضرتك من امتى بتطبل لحد بقولك مطلعه الورق من عندها
يونس بحده اولا انتي صوتك ميعلااااش علشان متجبرنيش اهزقك وانا مبحبش اهزق بنات وابهدل بكرامتهم الارض …ثانيااا وده الاهم من غير ما اعرف اللي حصل هثبتلك ان نور معملتش كده دي بنتي انا مربيها على ايدي وعارف تعمل ايه ومتعملش ايه بس لما يحصل مشوفش وشك تاني وهقول للعميد اني مش عايز مُعيدين معايااا شوفيلك دكتور غيري
زينه اتوترت يكون كلامه صح بس مينفعش ترجع في كلامها فتابعت تمام وريني انها مغشتش
يونس بص لنور وتابع اهدي كده يحبيبتي ومتخافيش واحكيلي ايه اللي حصل من اول اليوم
نور بتوتر ودموع بص انا كنت قاعده بفطر في الكافيتريا وجات رنا وشاورت عليها وتابعت بعياط طلبت مني اغششها انهارده فانا رفضت فبعدين لما شافت دكتور زينه قالت ان هتسمحلي اغش يعني وكده لانها تحت ايدك وحضرتك ابن عمي فبعدين انا استغفرت ربنا وسكت مردتش ارد عليها وفضلت احل لحد ماخلصت بس انما معرفش ازاي الورق ده جيه كراستي وعيطت وتابعت وهي بتتذكر ااه اااه صح افتكرت هي وقعت ازازه المايه بتاعتي فتقريبا ساعتها حطته ملهاش حل تاني والله انما انا معملتش كده يا ابيه والله العظيم
يونس باس جبينها وطبطب عليها وتابع بس بس عارف يحبيبتي والله وهو فعلا ده اللي حصل انا مصدقك
رنا بتوتر مصدقها ايه هو اي حاجه هتقولها هتكون صح وارد تكون بتتبلى عليااا عاادي جداا انا معملتش كده يا دكتور وده مش اسلوبي
يونس بابتسامه وارد فعلا بنسبالك وبلنسبه لأي حد تكون بتكدب انما مش بنسبالي انا لاني عارفها بتكدب امتى وبتقول الحقيقه امتى فحقك تدافعي عن نفسك طبعا بس خلصتي امتحانك ولا لسه ??
رنا بتوتر اه الحمدلله خلصت
يونس بابتسامه طب هاتي ورقك وتعالي
رنا اتوترت فتابع يونس بعصبيه انا مش قولت هااتي ورقك وتعااالي
رنا اتخضت وقامت مسكت ورقها وراحت عنده فشد يونس منها الورق بعصبيه وخد ورق نور من على الترابيزه وقطعهم نصين ورماه في الزباله
نور اتصدمت وتابعت بدموع ليه يا ابيه والله ده كان مجهودي انا و
يونس بمقاطعه اهدي مش بتثقي فياا ??
نور بدموع اه طبعا
يونس خلاص اهدي بقى
رنا كانت مصدومه بشده فتابعت بتوتر حضرتك ازاي تعمل كده الوقت خلاص فاضل نصه
يونس بابتسامه وهو بيجيب ورق جديد تابع اللي حل المره اللي فاتت في نص الوقت هيلحق يحله تاني دلوقتي عادي فاضل نفس المده بل بلعكس مش هتفكري كتير هتكتبي علطول بقى مانتي حليتي المفروض
رنا بدموع حرام عليك يا دكتور بجد صدقت ما خلصت
يونس بعصبيه حرمت عليكي عيشتك هو انتي اللي هتعرفيني اعمل ايه وايه لااا اتجننتي يابت انتي ولا ايه ومش كفايه بسببك ضيعت تعب واحده طالع عينيها وهتعيد تاني
رنا فضلت تعيط بتوتر وخوف وسكتت فحط يونس الورق قدامها في بنش وتابع بحده اتنيلي اقعدي هنا وحلي يلا
وراح مسك دراع نور بخفه وحركها وقعدها قدامه بس بعيد عنها جدا واداها الورق وتابع حقك على عيني تعبك ده بس علشان اجبلك حقك عملت كده وواثق فيكي هتعرفي تحليهم تاني وفي وقت اقل
نور هزت راسها بفرح انه مصدقها ومعاها وبدات تمسك الورق وتحل تاني
زينه اتوترت يكون كلامه صح فتابعت دكتور يونس انا
يونس رفع ايديه بمقاطعه وتابع هششش ولا كلمه مش عايز رغي كتير الناس بتحل وبص للمدرج وتابع بحده وانتوا اخلصوا متفضلش وقت كتير مركزين في ايه ده ايه القرف ده
رنا مكانتش عارفه تحل وبتعيط بصمت وتوتر وايديها بترتجف لانها قاعده لوحدها ويونس مركز عليها جداا
وبلفعل فات الوقت وزينه ابتدت تاخد الورق
يونس راح لنور وتابع خلصتي ?
نور بحب اه الحمدلله اتفضل وقفلت الكراسه وادتهاله
يونس فتحها وفضل يقراها وهو ماشي ناحيه رنا فتابع بهمس واعجاب : بسم الله مشاء الله وبص لرنا بضيق وشد الورقه منها ورنا كانت بتعيط بصمت
يونس شاف الطلاب خارجين فتابع لالا ثواني بس رايحين فين زي ماشوفتوا الاتهام الحقيير اللي اتوجه لنور تشوفوا انها بردو معملتش حاجه
فوقفوا الطلاب وفتح يونس كراسه نور فإيد والكراسه التانيه في ايده التانيه وتابع اظن واضح جددااا الصفحه دي مليانه ازاي ودي كلمتين ملهمش اي لازمه وبص للكراسه بتاعت رنا وتابع بسخريه لا ومش من المنهج كمان ده هبد علمي جديد معداش عليا لسه بصراحه
المدرج كله فضل يتهامس ان رنا مش كويسه فتابع يونس هدوء لو سمحتوا خلاص مش عايز رغي كتيير انا وريتكم بس ان بنت عمي معملتش حاجه لاني مسمحش لحد يفتح بوقه بنص كلمه عليها وانا اخر حد يفكر يتعامل بلواسطه بس وقفت جمبها علشان مربيها على ايدي وعارفها كويس فا واثق من اللي كنت بعمله وتابع بحده لزينه : وبلنسبه ليكي انتي اخر يوم شغل ليكي معايا انهارده
زينه بتوتر يا دكتور حضرتك مش فاهمني انا
يونس بعصبيه هششش انا مش فاهم ولا عايز افهم كانت بتعيط وبتترجاكي تفهميها عملتي ايه انتي ??? روحتي مسكتيها وكنتي بتطرديها بكل قله ادب ومستقبلها كان هيضيع لولا اني بمر على اللجان لولا شوفتها وجبتلها حقها ومش نور الرفاااعي اللي حد يعمل معاها كده ولا يتهمها من غير حتى مايفكر يسمع
زينه بحرج انا حقيقي اسفه يا دكتور معترفه اني غلطت
يونس بحده اسفك مش مقبول اتفضلي اطلعي برا وشاور على الباب ووقف حط الورق مع باقي ورق الطلاب وخد الورق اللي في معلومات غش ودبسه في ورقه رنا
رنا بخوف وعياط ايه ده ليه .. ليه يا دكتور خلاص انا اسفه بس بلاش علشان خاطري تعمل كده
يونس بحده مبقبلش اعتذار حد اظن سمعتي وزي ماكنتي هتخلي بنت ملهاش ذمب يتعملها محضر غش هيتعملك انتي ماهو ورقك بقى ودي مفيهاش تطبيل
رنا بعياط لالا خلاص انا اسفه بجد وبصت لنور وتابعت بعياط ابوس ايدك قوليله علشان خاطر ربنا اسفه والله مش هتقرر
يونس رفع فونه يكلم حد من الجامعه فتابعت نور بتوتر دكتور هو ممكن
يونس بعصبيه ممكن انتي تخرسي خااالص اطلعي برا وجاي وراكي يلااا
نور اتخضت فتابعت بتوتر اصل حرام بتعيط و
يونس مسكها من دراعها ومشي بيها وفتح الباب خرجها وتابع بهدوء برا ومتتحركيش طالعلك
وفونه رد فتابع ايوه يا سعيد في طالبه غشت في لجنه 21
-تمام مستنيك
-خلاص ماشي انا دبست الورق اصلا
رنا بعياط طب انا اسفه والله خلاص
يونس بحده ورقك ولا مش ورقك ???
رنا بعياط ورقي بس انا ندمت والله خلاص سامحني المره دي
يونس ربنا اللي بيسامح بقى متدخلنيش في القصص دي انتي هنا زيك زي اي حد بيغش العميد بقى يشوف هيهبب معاكي ايه
رنا بعياط يا دكتور معروفه اللي بيغش بيخليه يتحرم من دخول باقى الامتحانات يعني هعيد السنه كده
يونس برفعه حاجب يعني كنتي عارفه ومع ذلك حطتيهم لنور
رنا بتوتر وعياط ايه مش فاهمه
يونس بعصبيه مش فاهمه اه انتي حقيقي انسانه متربتيش ماهو من اعمالكم سلط عليكم
زينه بحرج دكتور انا بجد مش عارفه اقول لحضرتك ايه و
يونس بمقاطعه متقوليش ومش عايز اسمع خلصنا يا زينه
ودخل سعيد فتابع يونس بتنهيده اهي البنت خدها بقى وروحوا للعميد عن اذنك
رنا بعياط يا دكتور علشان خاطر ربنا طيب .. يا دكتوررر
لكن يونس خرج فتابعت نور بلهفه ها يا ابيه عملت ايه
يونس متشغليش بالك يلا ومشي وتابع وتاني مره اقولك كلمه تتمسع من اول مره علشان متجبرنيش اهزقك قدام حد تماام ????
نور بحزن حاضر بس بصراحه صعبت عليا اصل كده ممكن تعيد السنه وابتسمت وتابعت وحقيقي مش عارفه اشكرك ازاي انك صدقتني ربنا يخليك ليا جبتلي حقي قدامهم كلهم
يونس نور بطلي طيبتك دي هي كانت هتعمل معاكي نفس الكلام والله العظيم ومش هيهمها انك هتعيدي وبلنسبه لوقفتي جمبك فا ده علشان انا واثق فيكي وعارف انتي مين وتربيتك ايه وبنات الرفاعي كلهم كده انتوا متربين قدام عيني يا هبله ولو شهد ولا زينب ولا ياسمين مكانك هعمل نفس الكلام فا ده واجبي مش حاجه اشكر عليها
نور بحب ربنا يديمك ليا يارب بجد وتنهدت وتابعت ويعين رنا بقى اكيد هتعيد
يونس بحب يارب يحبيبتي المهم سيبك منها وبطلي طيبه شويه ابوس ايدك هي خدت جزائها … ها قاسم جاي ياخدك ولا تروحي معاايا
نور كلمني يطمن على الامتحان بس لسه في الشركه قولتله انا خلصت فا لو ابيه هيروح هروح معاه
يونس بتنهيده خلاص هاخدك معايا اشرب بس كوبايه قهوه علشان مصدع جدا شوفي انتي عايزه ايه اطلبهولك ومشي في طريق الكافيتريا
نور بضحك طب بقولك ايه انا مش عايزه اشرب انا عايزه اكل عازم ولا هتبخل ??
يونس وهو بيسحب الكرسي تابع بضحك اقعدي ياختي من امتى ببخل انا يا ام لسان طويل اطلبي اللي انتي عايزاه انتي عبيطه ولا ايه
نور قعدت قدامه وتابعت بضحك يا دكتور بنكشك منا عارفاك عيب عليك يعني
وجيه الويتر وتابع حضرتك القهوه يا دكتور مش كده ??
يونس بابتسامه اه شوف بقى انسه نور عايزة ايه وبصلها وتابع هاتي اللي عايزاه وحاجه تشربيها جمب الاكل وخد المنيو من الراجل واداهولها
نور بضحك ما بلاش والله هتندم
يونس بضحك لا متقلقيش مش هندم ولا حاجه الف هنا وفتح فونه يشوف فيه حاجه وتابع يلا بس قوليله
نور بصت في المنيو وتابعت بابتسامه بص عايزه كريب بلسجق وعصير مانجا
الويتر تمام يا فندم وخد المنيو ومشي
نور بملل بتعمل ايه في الفون انا زهقانه
يونس بضحك بتكلم هكون بعمل ايه
نور بضحك هي ولا ايه وغمزت
يونس بضحك اه حاجه زي كده
نور بضحك بتهزرر لا وريني وبتقوم تشوف
يونس بضحك بت اتلمي وقفل الفون وتابع اقعدي مكانك هتعملي ايه
نور بغمز يا دكتور بتخبي علياا
يونس بضحك والله انتي هبله مفيش حاجه اصلا اقعدي بس ربنا يهديكي
نور قعدت بضيق وتابعت علطول سادد نفسي
يونس بضحك معلش مازن وحسام هيفتحوهالك
نور صحيح يا ابيه عايزه اسالك سؤال بخصوص الفرح بقى
يونس قولي
نور هو انا رايك اتجوز في سنه كام ? يعني اي اكتر سنه كويسه مش صعبه وهينفع اتجوز فيها
يونس بضحك مستعجله على ايه جتك الهم
نور لا مش مساله مستعجله بس قاسم مش هينفع يستناني اخلص هيبقى 29 سنه
يونس بضحك احمم طيب استأذن انا
نور فضلت تضحك وتابعت لالا انت 28 يا ابيه
يونس بضحك لا فرقت يا قلب ابيه فرقت جداا الصراحه
نور فضلت تضحك وتابعت لالا حقك عليا مقصدش وبعدين ده انت 1000 بنت تتمناك بس انت كارف
يونس بضحك جبر خواطر ده
نور بضحك لا والله العظيم بتكلم جد بسم الله مشاء الله انت وسيم جدا ودكتور واخلاق فحقيقي متترفضش وانت عارف ان نص بنات الدفعه بتكراش عليك وبردو كارف
يونس بضحك لا سيبك مني خالص علشان السيره دي بتتعبني نفسيا نتكلم عنك انتي
نور بضحك طب بذمتك واخد بالك ولاالا
يونس اه بس انا جاي اشتغل فبعمل شغلي وبس واي حاجه تاني بعمل نفسي مش شايفها
نور بضحك وغمز لا تقيل وكاريزما
يونس بضحك مش مساله تقيل يا نوري والله على قد ماخلاص فعلا مبشوفش حد سبحانه مالك القلوب بقى
نور بضحك عندي امل ربنا يهديك بردو
يونس بضحك يارب يستي هقولك لا يعني وتنهد وتابع بصي بقي بلنسه للدراسه اسهل سنه اللي انتي فيها اصلا او اخر سنه لانك هتتخصصي فا الوضع هيخف شويه انما علوم معروفه لو مذاكرتيش تاخدي السنه في اتنين
الويتر جي حط الحاجه فتابع يونس تسلم تعبناك
الويتر تعبك راحه يا فندم ومشي
نور بصدمه انت بتهزر صح ده لو قاسم عرف ليقتلني
يونس بضحك اكملهولك انا متشيليش هم حاجه
نور بضيق لا بجد مش هيرضى بعد التخرج دي ده انا مخطوباله من تانيه ثانوي
يونس بضحك طب هنعمل ايه مضطرين لو انتي بقى هتعرفي تعملي الحاجتين حاولي بس اديكي شايفه زينب بنت عمك مكملتش شهر اهي بسم الله مشاء الله وحامل فاصدقيني لو ده حصل هتتعبي
نور بضيق انا بجد تعبت مش عارفه بصراحه هعمل ايه ونفخت بضيق
يونس طبطب على ايديها وتابع متشغليش بالك هتتحل وانا هكمله افهمه في مره وانتي بردو شوفي سنه تانيه لو عرفتي تتعودي فيها وتوفري وقت خدي الخطوه وربنا يكمل معاكي
نور بضيق يارب يا ابيه بجد علشان حقيقي مش عارفه الاقيها من ايه ولا ايه وقاسم عايز نتجوز انهارده قبل بكره وبقيت اتوتر منه بصراحه وضحكت
يونس بصدمه بتتوتري منه ازاي يعني هو عملك حاجه ??
نور وهي بتاكل تابعت بضحك لالا فهمت ايه انا مبسمحلوش عيب عليك هو بس بيلمح وانا بصده
يونس بضحك يا ابن الكلب يا قاسم
نور بضحك ماسك مراتي .. مراتي بقى بس على مين ده انا نور الرفاعي
يونس بضحك جدعه يابت صدقت والله لما قولت بناتنا ب 100 راجل
نور بضحك طبعا عيب عليك
———————————————
عند سيف في الكتيبه
مؤمن عمل التحيه وتابع جمعتهم كلهم يا فندم
سيف تمام يا مؤمن روح انت ارجع مكانك تعبتك
مؤمن تعبك راحه يا فندم وعمل التحيه ورجع
سيف بتنهيده حد عنده اي سؤال قبل ما نبدأ اليوم ??
حسن اتقدم وعمل التحيه وتابع انا يا فندم
سيف اتفضل يا حسن
حسن بتوتر معلش هو احنا هنفتح الفون امتى علشان عايز اطمن والدتي اني وصلت وبخير علشان بتقلق
سيف ضحك بسخريه وتابع اممم والدتك بردو ??
حسن بتوتر اه يا فندم والدتي
سيف بضحك لا يا جدع يعني مش بنت سياده العميد ??
حسن اتصدم بشده وتابع بتوتر هو .. هو حضر تك ت تعرف
سيف بمقاطعه جمع جمع مش ههزقك وابهدل بكرامتك الارض متخافش
حسن بصدمه وخوف هو حضرتك تعرف ندى ??
سيف بابتسامه تخيل ان كنت معاهم في الساحل وعرفتها لان العميد طلب مني اوديها المول
حسن اتصدم اكتر وغمض عينيه وتابع بتوتر طب مبدائيا يا فندم انت تعرف ايه بلظبط مش فاهم
سيف بابتسامه لا انا اعرف كل حاجه اصل العندليب ابو قلب حنين اتصل بيها وانا جمبها
عمر بهمس وضحك يا انهار اسووود الفاتحه على روح اخوكم حسن يا رجاله
الكتيبه ضحكت ورفعوا ايديهم يقروا الفاتحه فشافهم سيف وتابع بحده انتوا بتهببوا ايه يا بشواات مش شااايفني واقف بتكلم مع واحد منكم ????
محمود بضحك الفاتحه يا قائد اصل كلنا عرفنا اتقال اي في المكالمه مش انت بس
حسن بتوتر همس اه يا ولاد الكلب يا جزم باعوني في ثانيه
سيف برفعه حاجب وبحده وانت بتبرطم بتقول ايه انت كمان
حسن اتخض وتابع بتوتر لا يا فندم ولا حاجه انا بقول لحضرتك المسامح كريم ولو عايز جورج قرداحي بنفسه يجي سينا يصالحك عليا انا معنديش مانع بس وغلاوه والدتك امسح الذاكره
كلهم ضحكوا بشده فتابع سيف بعصبيه اقسم بالله العظيم اللي هسمع حسه منكم تاني هيتحبس 3 ايام
كلهم سكتوا فبص سيف لحسن وتابع لا بس حلوه اوي فكره السهر بليل دي وشغل الاستغفال اللي كنتوا بتعلموا احييكم عليه ماهو طلما ضحكتوا علي سيف الرفاعي يبقى تستاهلوا التحيه لان قلوبكم ماتت بطريقه متتوصفش انكم اتجرأتو تعملوا كده
حسن قصد يخليه يهزر فتابع بضحك : تربيتك بقى يا فندم طبيعي قلوبنا تبقى اقوى من الحديد
سيف بحده انت بتسعبط صح ???
حسن بتوتر لا يا فندم اعتبرني مقولتش حاجه انا اسف
سيف بحده تربيتي ااه دي تربيه وسخه يوم ما قلبكم يقوى تضحكوا علياا انا مااشي يا حسن اتفضل قول مين بقى كان بيسهر معاك
حسن بضحك طب والله لا اقول لان كلهم ضحكوا عليا
سيف اه قول واللي يسمع اسمه يتقدم ويجي على جمب هنا
حسن بضحك محمود اللي بيضحك ده
محمود بهمس وضحك يا ابن الجززمه وتقدم
حسن بضحك محدش يشوفني ندل يا رجاله علشان اكيد مش هشيلها لوحدي و عبد الله وادم ومؤمن ورؤوف واحمد وصالح ومعتز
وكلهم كانوا بيسمعوا الاسم بيقفوا قدام فتابع حسن بضحك واخر واحد حبيبي عمر الهواري
عمر اتصدم وتابع بضحك يا ابن الكلب مبيطمرش فيك العشره صحيح… عمر مين ??? فين عمر الهواري ده ??? وفضل يبص حواليه
سيف بصله بحده ورفعه حاجب : فتابع عمر بضحك فين بجد عمر الهواري ده ??? وتابع بصوت مسموع يا عمررر .. انت يا ابني حد هناا اسمه عمررر وبص لسيف وتابع بيحور عليك يا قائد معندناش حد اسمه عمر احبسه 3 ايام على الكدب ده
كلهم ضحكوا بشده فسيف راح مسكه من قفاه وتابع يلا يحبيبي يلا
عمر بضحك ايه يا ابو نسب حبيبي يا غالي انت كمان واحشتني والله عايز ايه ?? بس في حد يمسك جوز اخته كده مش عيب هو ده تعبيرك قدام الرجاله عن محبتك ليا علشان واحشتك يعني
سيف بضحك طب امشي واحترم نفسك انا مبهزرش وفضل يمشي بيه
عمر بضحك ايه في ايه انت هتتبلي عليااا عيني عينك كده انا مش زفت عمر الهواري ومعندناش حد اسمه كده اصلااا
سيف وقفه جمبهم وتابع ماهو مش هيبقى عندنا فعلا عايز اقتله واخلص وارتاح
عمر وقف جمبهم وتابع بتمثيل حزن اخص هونت عليك عادي كده حقيقي صدمتني فيك
سيف بحده مبهزرش
عمر اتخض وتابع ياباشا عارف يا باشا في ايه وبص لحسن وهمس ماشي يا بتاع ندى ياحيوان
حسن ضحك فتابع سيف بحده ممكن مسمعش صوت حد فيكم علشان مش طايقكم
كلهم سكتوا فتابع سيف وتقولها بيسمعوا صوته ولا عزرائيل وجاي يقبض روحهم ماهو انتوا فعلا مش عايزين الا كده وياريته نفع معاكم ماشي يا حسن
حسن بتوتر همس يا بنت الكلب يا ندى وتابع لسيف بضحك : هي سمعتك الوحش بس ولا ايه قسما بالله شكرت فيك جدا يا قائد وقولت اننا بنحبك
سيف لا ياغالي منا سمعت كل حاجه الوحش والحلو
حسن بضحك طب في ايه بقى حقيقي منك لله يا ندى مش هقول غير كده
محمود بضحك سلمتك تسليم اهالي اهي
سيف بحده هو انا قولتلك اتكلم مش قولت مسمعش صوت حد فيكم
محمود بضحك اوامرك يا فندم حاضر
حسن بتوتر طب ممكن انا كمان متسمعش صوتي
سيف بضحك لا ازاي يا ابو علي ده انت الغالي قطعت فروتي بما فيه الكفايه واتكلمت كتير جاي قدامي عايز تتخرس
حسن بضحك الهيبه بقى يا فندم وكده
سيف اممم ده هيهزر تاني ومسكه من هدومه شده من وسطهم وقربه منه وحط ايديه على كتفه وتابع انا مش قولتلك متهزرش تاني والله دمك سم ومش هضحك بلاش تعصبني احسنلك
حسن بضحك ليه طيب يا قائد ما تضحك وعديها ابوس ايدك
سيف اضحك اه اضحك على خيبتي علشان ضحكتوا عليا وسهرتوا من ورايا مش كده ???
حسن بتوتر انا اسف يا فندم حقيقي بعتذر منك مش هتقرر
سيف اممم لا مانتوا فعلا محدش هيقدر يقررها تاني بس الواحد بيشكر الصدفه دي اللي عرفته غلاوتي عندك وتقولها يعني انا اسيبك وارجع لسييف الرفااعي هاا يعني حتى مش القائد تؤ سيف الرفاعي .. موحشتنيش البهدله وادعي ربنا يهدي القائد علينا وده تعلب مش سهل
حسن ضحك بتوتر وتابع بسم الله مشاء الله يا فندم ده انت حافظهم
سيف بضحك اه طبعا اومال وضربه على ضهره وتابع اصلك غاالي يا حسن فكلامك في القلب متنساش
حسن بضحك ووجع : اااه طب يافندم يعني انت سمعت كل ده ومسمعتش اني بقولها بحبك وعايزك بصحتك وبتعب نفسيا لما تتصاب وبحس ضهرنا اتكسر طب كده ظلم والله
سيف بضحك لا سمعت يحبيبي اصل القط ميحبش الا خناقه مش قولت كده محسسني معلقلكم حبل المشنقه انا هناا
حسن بضحك طب بالله اهون اهو على الاقل هنموت بدل ما عايشين في مرار
سيف بابتسامه مرار اه هو انت لسه شوفت مرار صبرك علياا اهو انا مردتش اعرفك اني عرفت علشان ترجع الكتيبه مش قولتلها اني لو عرفت مش هترجع اهو انا معرفتكش اني عرفت علشان واحشتني وعايز اشوفك
حسن بضحك يا نهااار اسود لا قولي بجد سابت ايه مسمعتهوش ليك ندى دي باعتني جدااا
سيف بضحك لا متتحسبش كده يا ابو علي مفروض تشكرها لان انا وعدتها مش هعملكم حاجه
كلهم في نفس واحد الحمدلله وتنهدوا برتياح وابتسموا
سيف بضحك هو الحمدلله على كل حال طبعا بس متفرحوش اوي المحاكمه اللي كانت هتحصل لو انا قفشتكم الحبس انما بما اني وعدت انسه ندى فا العقاب هيقل شويه وعددكم حلو مشاء الله انتوا عشره ..عشره مشافوش ربايه مش كتير العدد ده ??
عمر بضحك تشكر يا قائد
سيف لا يحبيبي ولا يهمك العفو وبص لباقى الكتيبه وتابع وسعوا لاخواتكم تعالوا ورايا
كلهم جم وراه فتابع حسن بتوتر ايه بتوقفنا لوحدنا ليه مش فاهم
سيف بضحك لا متقلقش انا حنين عقابا ليكم على قله الادب االلي عملتوها وتكسيركم لكلمتي هتعلموا 200 ضغط دلوقتي والله انا مفروض عقاب كسر كلمتي اكبر من كده بكتير بس علشان مخلفش وعدي مع انسه ندى
حسن بصدمه اومال لو خلفت وعدك يا قائد ??
عمر بصدمه هو قال كام ??
معتز بصدمه انا سمعت غلط صح يارب وداني تكون فيها مشكله بس مكونش سمعت صح
محمود بصدمه لا انا دراعي وجعني من الرقم بس
رؤوف بصدمه يانهار اسود مش هنقدر وربنا ولسه باقي اليوم
مؤمن بصدمه بالله عليك نكمل باقى اليوم ازاي طيب ده دراعنا هيقف
سيف بحده انا قولت هتتنيلوا تعلموا 200 ضغط دلوقتي كلمه كمان هزودهم انا مبتناقش معاكم وانتوا عارفين كده كويس فتسمعوا وتنفذوا زي ما قال اخوكم لخطيبته كده ” هناك سمعاً واطاع ” هي مش سمعه على الفاضي ده واقع
ادم بهمس الله يحرق اخونا ورغيه ولسانه اللي عايز يتقطع ده بجد
عمر كتم ضحكه فتابع ادم بحزن بس يا فندم دول
سيف 250
كلهم بصدمه ايييه لاا
سيف بحده انا قولت كلمه كمان هزودهم يلا بقى 250
عمر بهمس حاد الله يحرقك يا ادم انت التاني
سيف جاسر
جاسر جيه عمل التحيه وتابع اؤمرني يا فندم
سيف بتنهيده جدع مزودتش اغلاطك وسهرت معاهم ركز معاهم بقى وعدلهم لحد 250 ورفع صباعه وتابع بتحذير انا في مكتبي بتمرن وهبص كل شويه قسما بالله يا جاسر لو وقفوا ومكملوش هتتعاقب معاهم
جاسر بتوتر حاضر يا فندم اوامرك
سيف بصلهم بحده ودخل مكتبه
حسن بالله عليك زور في الارقام ده بيهزر
جاسر بخوف مين اانااا انت عايزني البس معاه تاني والله العظيم ما يحصل لو 1000 هتعملوهم يلا يا غالي انت وهو بتهزروا ولا ايه
عمر بضحك يا جاسر احنا زمايلك احنا اللي باقينلك
جاسر بضحك والله مايحصل انا مش قد القائد يلا اخلصوا
صالح بضحك ادي اخره الحب والمرقعه
حسن وهو بيوطي يعمل ضغط تابع احمد ربك سمعنا ورسيت على ضغط فعلا لو كان شافنا في مره كان هيبقى نهارنا مش معدي
معتز وهو بيعمل ضغط تابع انا بردو رايي كده كله للخير كويس عرف وخطيبتك خلته يوعدها
عمر بتعب واومال لو موعدهااش يارب هو انا ايه اللي عملته في نفسيي ده
مؤمن بتعب انا ابن كلب اني دخلت حربيه
كلهم في نفس واحد كلنا فباقي الكتيبه ضحكت عليهم بشده
جاسر بحده هششش اسكتوا لو سمع هيطين عيشتكم معاهم وانتوا اخلصوا اهو 10 فاضل 240
عمر بتعب لالا ده على راي الفنانه استنى لما امشي متقولهاليش في وشي بجددد
حسن بتعب ونهج انا فصلت ولسه بدري
معتز بتعب ونهج انا عايز اعرف هنكمل باقي يومنا ازاي بجد
عمر بتعب مبدائيا لو دخلنا اشتباك انا هتهان لان اعصابي سابت بجد
جاسر بضحك انت لسه لحقت 15 اهو يلا لسه بدري
ادم بحده ونهج قسما بالله اللي هيقولي على حاجه القائد قال عليها لا يلا تعالى نعملها من وراه انا اللي هروح اقول للقائد عليه علشان الواحد بيتهان بجد
كلهم ضحكوا بشده فتابع محمود بضحك وهو بينهج انا معاك بجد ده انا متربتش اني سمعت كلامكم
مؤمن بتعب ونهج هو كله من بتاع ندى ده هو اس المصايب
حسن بتعب بالله لتيسيبوا بتاع ندى في حاله اتاريها قالتلي هتواحشني وخلي باالك من نفسك عارفه بنت الكلب اللي هيحصلي
كلهم فضلوا يضحكوا فتابع عمر بنهج هو الحب وعمايله حاجه بنت كلب
احمد بتعب جاسر بالله عليك حلو 30 نقف ونكمل
رؤوف بتعب اه والنبي يا جاسر مش قادر
جاسر بضحك يا باشا انا لو ابويا اللي اتحكم عليه هخليه يكمل ومش هوقفه اديك سمعت ادم قالك مش هكسر كلمته تاني عايزني انا اكسرها قسما بالله مايحصل
عمر بتعب مينفعش يا رجاله متجيبوش المشاكل لاخوكم احنا عارفين انه لو كان قفشنا مره كانت هترسي على حبس نحمد ربنا جات بسيطه
معتز بتعب بسيطه مين ده انا دراعي هيتكسر ولسه في ال 40
جاسر بضحك حلو حلو فاضل 210 عاش يا رجاله
حسن بتعب بالله عليك ماتقول فاضل كام اضحك علينا احسن
صالح بضحك ونهج علشان تفتح قلبك اوي وتتكلم بعشم
حسن بضحك قسما بالله ده انا هعلقها ومش هكلمها في الاجازه الا فيديو كول بعد كده علشان قله القيمه اللي الواحد فيها دي
كلهم فضلوا يضحكوا وكملوا وبعد ساعه تابع جاسر بضحك واخيراااا 250
كلهم رموه نفسهم على الارض بتعب وصدرهم بيعلو ويهبط بنهج شديد
جاسر بضحك الفاتحه على روح اخواتكم يا رجاله
عمر بتعب لالا بجد انا عايز نقاله توديني السرير
حسن بتعب لسه بدري يا غالي هناكل ونكمل التدريبات فاجمد كده
معتز بتعب مش قادر اقف المفروض نقوم صح
جاسر بضحك خليك يا غالي هو هيجي القائد دلوقتي يقومك زي الحصان
صالح بتعب متهيالك انا لو شوفت دبابه جايه هسيبها تدوسني
ادم بتعب مش حاسس بايدي بجدد اااه قولوا لامي ابنك كان بطل ومات بطل
كلهم فضلوا يضحكوا فتابع احمد بضحك ونهج يخربيت امك يا جدع ماليش نفس اضحك انا بتضحكني ليه
عمر بتعب هي معرفتك السبب يا حسن معرفه سودا وبنت ستين كلب
سيف خرج وراح ناحيتهم وتابع بضحك الله بتشتم معرفتك بحسن طب ده حبيبك وعشره عمرك
كلهم لما سمعوا صوته قاموا وقفوا في ثانيه وجسمهم واجعهم اوي فصرخوا بنفس واحد …. اااه ….لانهم قاموا فاجاه
سيف بابتسامه لا سلامتكم من ال اااه … عيب رجالتي انا تقول الكلمه دي
عمر بتعب خلاص هتألم في صمت يا قائد ولا تزعل بس ارحم ده ربنا بيرحم
سيف بضحك لا ده انتوا خرعين خالص بجد
جاسر فضل يضحك وتابع قولتلك هيقومك زي الحصان لما يجي مصدقتش .. انها المعجززه مش كنتوا مش قادرين
سيف ضحك وتابع يلا اخلصوا معاد الاكل جيه وبعد الاكل هنكمل تدريبات اليوم
عمر بتعب يارب اموت بعد الاكل
حسن بضحك ووجع من جسمه ااه .. اشمعنا بعد الاكل يعني
عمر بتعب وضحك علشان هموت من الجوع الصراحه فا اموت وكمان جعان
سيف بضحك لا ازاي متهونش عليا ده انت متوصي عليك من الغاليه
عمر بتعب وضحك لا يا غالي كتر خيرك عملت بيها الصراحه اااه يا دراعي
سيف ضحك ودخلوا علشان ياكلوا
———————————————
في بيت الرفاعي في شقه عز الباب خبط
فتحت ياسمين وتابعت بابتسامه وتفاجئ احمد اتفضل نورت
احمد دخل وتابع بحب يزيد فضلك ودخل وتابع محدش هنا ولا ايه ?
ياسمين بحب اه كلهم تحت وانا كنت باخد شاور ونازله
احمد بتنهيده طب كويس علشان عايزك في موضوع مهم
ياسمين بقلق خير يا احمد اتفضل
احمد دخل وقعد وهي قدامه وتابع بتنهيده انا مردتش اعدي علي حد تحت قولت اشوفك انتي الاول ونتكلم براحتنا وتنهد بعمق وتابع ياسمين انا عايز ننفصل
