رواية غموض الحب عائلة الرفاعى الفصل السادس و الثلاثون بقلم لولا
مازن بستغراب حقيقه ايه يا جودي ???
جودي اتخضت وبصتله وتابعت بتوتر ايه في ايه يا مازن خضتني مش كده يحبيبي
مازن دخل الاوضه وقفل الباب وراح لف وقعد على السرير قدامها وتابع بهدوء: لا سلامتك .. في ايه بقى ?? حقيقه ايه اللي خايفه تتعرف
جودي بدموع هيكون حقيقه ايه يعني ?? حقيقه اني حامل لو امي ولا حد من اهلي شم خبر هروح في ستين داهيه
مازن بتنهيده وانا قولتلك اني هتجوزك لازمته ايه يعني العياط والنكد ده انتي حامل وكده غلط و100 مره اقولك حافظي على اللي في بطنك
جودي بدموع منا عارفه انك هتتجوزني يا مازن بس المشكله لما ماما تيجي انا بستفرغ كتير بجد وباين عليا التعب وتابعت بحرج خصوصا ان في ايام معينه كده ماما عارفه اني بتعب جدا فيها وكده مش هتيجي فاهمني ??
مازن بتنهيده فاهمك طبعا وصدقيني مش هسيبك في الوضع ده لوحدك ومعاكي ومش هسمح لحد يفتح بوقه بكلمه عليكي انتي هتبقي مراتي يعني شرفك من شرفي وانا والله العظيم قد كلامي وهتشوفي
جودي بابتسامه وانا واثقه فيك والله ومسكت ايديه وتابعت الا قولي صحيح هنسمي البيبي ايه
مازن شال ايديه وتابع بتنهيده لما يجي وقتها هنفكر احنا حتى لسه معرفناش نوعه
جودي بحب لو ولد هنسميه زين ايه رايك
مازن تنهد بوجع وتابع زين ده اسم ابني من ياسمين وانتي عارفه انها كانت مختاره الاسم ده من واحنا عيال صغيره وانا بحترمك وهديكي حقوقك لانك هتبقي مراتي بس بلاش تحطي نفسك في مقارنات سخيفه انتي مش قدها وهتوجعك
جودي بصدمه يعني ايه يا مازن الكلام ده ??? انت مالك انت اصلا بياسمين تاني ?? انت هتبقى جوزي انا وانا اللي شايله ابنك يبقى ازاي تقولي اسم هي مختاراه ومش مختاراه انت مفروض تنسى كل ماضيك اصلا خلاص
مازن ابتسم بسخريه وتابع انسى مضايا ?? ده اللي هو كام سنه ?? عمري كله مش كده ?? جودي من فضلك انا والله العظيم مش حابب اوجعك بكلامي بس ياسمين كانت ولازلت وهتكون هي البنت الوحيده اللي جوايا انسي انتي انك تسمي الاسم ده لانك عارفه انها اختارته ومش عايزين شغل استعباط
جودي بدموع طب وانا ذمبي ايه ??ليه اعيش مع واحد مش بيحبني وهو الغلطان ودمرني ليه طيب قولي ???
مازن بتنهيده انا مقدرش اوجعك ولا احسسك بكده وعلشان كده قولتلك بلاش تحطي نفسك في مقارنات هتوجعك خليها برا دماغك احسن وانا هتقي الله فيكي ومش هعوزك حاجه انتي ام ابني بردو
جودي بدموع اممم تمام يا مازن
مازن بتنهيده وصحيح انا لسه كل يوم بصلي ان ربنا يقفل احمد منها ويسيبوا بعض ومعرفك لاني هعمل كل اللي اقدر عليه علشان اتجوزها
جودي قامت وقفت وتابعت بحده نعم تتجوز مين ??
مازن بصلها بحده وتابع اقعدي بس واتلمي وزي ما سمعتي كده هتجوز ياسمين منا مش هسيبها لاحمد ولا غيره لو اطبقت السما على الارض ياسمين ليا وغصب عن اي حد حتى لو عنها هي كمان
جودي بحده وانت مين قالك اصلا اني هوافق اتجوزك وتجبلي ضرره ولا بتلوي دراعي علشان مضطره اوافق عليك مش فاهمه ???
مازن قام وقف ومسك دراعها جامد وتابع بعصبيه صوت اهلك ده لو علي تاني قسما بالله هديكي قلم يعدلك ومش مستني منك تقوليلي اه ولالا انا الراجل وهعمل اللي يعجبني وشايفه صح وطول منا مخالفتش شرع ربنا اخبطي راس اهلك في اتخنها حيطه
جودي بدموع مازن متجيش عليا وتوجعني وتظلمني مش معنى اني مضطره اتجوزك تجبلي ضره انا بحبك ومش هستحمل ياسمين تشاركني فيك ولا وتلمسها ارجوك افهمني
مازن بسخريه يابنتي فوقي انتي اللي شاركتيها فياااا انتي خونتي صاحبتك بحُبك ليااا مش هقول بللي هببناه لان ده غصب عني وعنك انما انتي عشتي خاينه ليها عمرك كله في مشاعرك وخلتيها تتصدم فيكي ده هي اللي مش قادره تتخيل اني قربت لبنت غيرها ومش اي بنت دي اللي قالت عنها اختها وصاحبه عمرها فانتي اللي وحشه يا جودي بس انا مقدرش احاسبك على مشاعرك وخيانتك لياسمين لاني انا غلطت واجباري اصلح غلطي
جودي بدموع وياسمين مش هتوافق علشان كل الاسباب اللي انت قولتها دي ريح دماغك بقى لانك لو فضلت تتحايل عليها الف مره مش هترضى تكون ضرتي
مازن يبقى هتحايل مليون مره .. هعملها اللي هي عايزاه .. مستعد اعيش عمري كله احاول مره الصبح ومره الضهر ومره بليل او كل ثانيه عادي وهيحصل انما اللي مش هيحصل اني اشوفها مع غيري والله لو اطبقت السما على الارض ياسمين مش هيتكتب في بطاقتها اسم راجل غيري .. انا عرفتك لانك واجبك تبقي عارفه مش اكتر انما مش باخد رايك وزين ده اسم ابني من ياسمين فاتلمي كده وفكري في غيره ومتحطيش نفسك في مقارنه هتزعلك انتي في الاخر لان معروف انا هختار مين
ورايح يخرج فتح الباب لقي نور جايه من اخر الطرقه فتابعت بس سيب الباب انا دخلالها
مازن ساب الباب ومشي
ونور دخلت لقيت جودي قاعده بتعيط ومنهاره
نور بخوف ايه ده في ايه مالك يا جودي
جودي بعياط مفيش يا نور مفيش حاجه
نور بخوف مفيش ازاي يعني ده انتي منهاره عياط هو مازن عملك حاجه طيب قوليلي انا اختك
جودي بعياط شادين شويه مع بعض عادي متخافيش
نور بحزن طب اهدي واشربي العصير اهو يحبيبتي الله يخليكي صحتك والبيبي مش كده
جودي بعياط مش عايزه زفت ماليش نفس لحاجه
نور قعدت جمبها وخدتها في حضنها وتابعت بحزن حقك عليا اهدي ينورعيني وباست راسها
جودي بعياط حاسه نفسي لوحدي كلهم اتغيروا عليا حتى ياسمين وشهد انا مبقاش ليا صحاب يا نور
نور بحزن ياروح قلب نور انا صاحبتك واختك هو اانا امتى احتاجتيني ومكونتش معاكي ده انتي عشره عمري يا هبله هو انا هنسى لما قعدتي معايا ساعه كتب كتابي اختارتي معايا الفستان وجهزتيني ووالله فرحانه انك هتكوني مرات اخويا وحطت ايديها علي بطنها وتابعت بابتسامه وكمان شايله حبيب قلب عمتو من جوه ده
جودي بصتلها وتابعت بوجع مازن مبيحبنيش يا نور بس انا بحبه اوي والله العظيم
نور بحب مازن ده مبيفهمش علشان ميحبش القمر ده وعموما الحب مش كل حاجه هو هيبقي جوزك ودي علاقه اسمى بكتير من الحب وياستي هيحبك بلوقت عادي متزعليش كده وقومي اغسلي وشك واهتمي بنفسك والبسي واعملي شعرك وخليكي مزه وضحكت وتابعت انتي كده كده مش محجبه زيي عايزين نتربى .. المهم اسمعي كلامي وغيري في نفسك واغريه كده واستعملي جمالك ده شويه .. ده انتي هتبقي مرات كبير عيله الرفاعي يابت
جودي ضحكت من بين دموعها وتابعت عيوني هعمل كده بس هتساعديني
نور بضحك اساعدك طبعا واقولك تروحي فين كمان بس انا مش هعرف اتحرك عندي 3 كابتين على نفسي
جودي بضحك تلاته مين
نور بحزن قاسم طبعا ولما بيرفض بلجئ لمازن لما بيرفض بلجئ لابيه يونس بس هو عموما كلهم بيرفضوا فمحدش بيتحايلي على قاسم لانهم نفس الراي فا الحمدلله خنقه
جودي بضحك علشان صغيره خايفين عليكي
نور بضيق صغيره في عينهم بجد ده انا اتجوزت
جودي بضحك ابقي ادلعي على قاسم هيوافق علطول
نور بضحك ده انتي غلبانه جداا قاسم مبيجيش بلدلع نهائي بيسبني اهري مع نفسي وبعدين يقولي لا .. المهم سيبك اشربي يابنتي اشربي
جودي ضحكت ومسكت العصير تشربه
—————————————–
تحت بيت الرفاعي مازن نزل ورايح يخرج من البوابه الرئيسيه شاف ياسمين واقفه بتتكلم وبتضحك مع شاب
مازن بصلها بغضب وغيره وراح وقف قدامها وتابع بهدوء عكس اللي جواه : مين الحلو ??
ياسمين كانت بتضحك بصتله بضيق وتابعت بتنهيده زميلي في الكليه
مازن برفعه حاجب لا والنبي !! وزميلك في الكليه يجي البيت ليه مش فاهم ??
حامد رايح يتكلم فتابع مازن بحده لو سمحت انا بتكلم مع بنت عمي مطلبتش منك ترد
ياسمين بحده في ايه يا مازن انت مالك ليه محسسني اني في قواعد للبيت وانا كسرتها مثلا ده جاي ياخد المشروع وهيمشي محصلش حاجه يعني
مازن بحده ده انا اللي هكسر دماغ اهلك دلوقتي بس الصبر ومسك دراعها ووقفها وراه وتابع لحامد بحده خير مش خدت المشروع ??
حامد بحرج اه يا فندم وبعتذر لو وجودي عمل مشكله بس ياسمين اللي طلبت مني اجيلها البيت اخده انا اسف جدا
مازن بحده لا اتفضل انت شوف وراك ايه هو العيب مش منك اصلا
حامد بحرج تمام عن اذنك
ومشي
ياسمين بحده انت ايه اللي عملتوا قدام حامد ده انت مالك اصلا???
مازن شدها ووقفها عند مدخل الباب وتابع بعصبيه: حامد مين يابت انتي اتجننتي ولا ايه ??? ومن امتى اصلااا بيجي شاب لبنت من بناتنا دي عمرها ماحصلت في بيت الرفاعي هو انتي فاكره نفسك عاايشه فين ولا فاكره ان ملكيش كبير
ياسمين بحده انا معملتش حاجه غلط ولو نفترض عملت انت مش كبيري فريح دماغك بعيد عني وسبني في حالي
مازن بعصبيه كبيرك غصب عن اهلك وواجبي لما يكون يونس وعمي مش شايفين حاجه غلط بتحصل اني ادخل و اوقفك عند حدك ولا نسيتي
ياسمين بحده انت اللي شكلك نسيت يا مازن .. نسيت اني هبقى مرات اخوك ومبقتش اخصك
مازن بحده غير كل ده انتي بنت عمي .. يعني شرفي .. ولنفترض انك مرات اخويا بس ومش قريبتي اصلا ده انا كده حقي اتكلم اكتر لان اخويا في غربه ومش هو يسافر واللي تخصه تقف تتمرقع مع الشباب وضحكتها البلد كلها سمعاهااا
ياسمين بحده مااازن انا مسمحلكش تقول عني كددده
مازن بعصبيه مش مستاهله تسمحيلي الدنيا كلها شافت مانتي بجحه وواقفه بيه في الشارع وضحك ومسخره
ياسمين بحده انا مبقتش اكلم الهانم بتاعتك وعايزة اعمل مشروع فطلبت منه يشاركني فيه ويجي ياخده لانه كنت ههب ايه يعني وعلشان متقوليش مختارتيش بنت ليه فالدكتور اللي طلب مني اعمله معاه لما قولتله مش هعمل مع جودي يعني مش بمزاجي
مازن بعصبيه طب يحبيبتي مش خلصتي الخراا بتاعك رقمه يتمسح ومشوفكيش واقفه معاه ولا مع غيره لان كل كلامك ده مش بيبرر الضحك والمسخره اللي بتحصل في الشارع وفي الصعيد
ياسمين بحده قولتلك انت ملكش حكم عليااا ابعد عن حياتي بقى
مازن رجعها سندت للحيط وحط ايديه على الحيط وحاصرها وتابع بمزاجك او غصب عنك عارفه اني مقدرش ابطل حكم عليكي وهفضل احكم عليكي ليوم ما اموت ومتقدريش تنكري ان قلبك هيفضل يدق باسمي انا بس .. فمهما بينتي انك متعصبه ومش راضيه لتحكماتي فانتي من جواكي فرحانه يا ياسمين لان ده مازن اللي انتي حبتيه ومش هيتغير
ياسمين عينيها اتملت بلدموع وبصتله بوجع وهي قريبه منه وتابعت ياسمين حبيبتك ماتت خلاص انساها احسنلك لان حقيقي مهما تعمل وتقول مش هترجع ومبقتش ينفع ترجع انت قدرت تبيعني و تلمس واحده غيري ولو نسيت انك بعتني لاخوك مش هنسى ابدا البيبي اللي جاي يا مازن
مازن بوجع بس انا محبتش غيرك ولا في بنت اتخلقت هتقدر تاخد قلبي غيرك يا ياسمين
ياسمين ابتسمت بسخريه وتابعت الحب لو مكملش فمالوش لازمه زي حبنا ده بلظبط فاحسنلك واحسنلي ان نتعود نعيش من غير بعض يا مازن وفعلا مش عايزاك تحكم عليا
مازن مسك دراعها جامد وتابع بهدوء : بصي انا ولا هتعصب ولا هديكي قلم يفوقك علشان شكلك اتجننتي انا هقولك جمله واحده بس بنت ابوكي يا ياسمين اكسري كلمتي و اقفي مع اي حد تاني وشوفي ساعتها هعمل في اهلك ايه ورمى ايديها ومشي وهو بيطلع سجاره وبيولعها وهي واقفه بتعيط بصمت وهي باصه عليه بيمشي
———————————————-
في سيناء سيف واقف وقدامه الكتيبه بتاعته صفوف
سيف نورتوا يا رجاله اظن الاجازه المره دي كانت طويله واتبسطوا فيها ولا ايه
مؤمن اكيد طبعا يا فندم
سيف بضحك هو انت بس اللي اتبسطت يا مؤمن ولا ايه
مؤمن ضحك فتابع الجميع لا كلنا يا فندم
سيف اممم طب دي حاجه كويسه جداا يعني مش هلاقي اي اغلاط او استهتار او استعباط وسرحان هاا وبص لعمر ورجع بصلهم وتابع انتوا فاهمني طبعا
الجميع فاهمين يا فندم
عمر بهمس بدأنا
حسن بهمس وضحك يقصدك صح
عمر هز راسه ب اه وهو بيضحك
سيف بتنهيده واحد بس اللي قولتله يكلم الكتيبه هو اللي يطلع يتكلم ويقولي مين ناقص
محمود خرج من الصفوف ووقف قدامه وعمل التحيه وتابع امير بس يا فندم لان حضرتك زودتله اجازته لما نزلنا علشان بنته نورسين المولوده الجديده
سيف اممم فاكر طبعا وبص لجاسر ورجع بص لمحمود وتابع بتنهيده مين بقى اللي كان معمول عليه قلق والعميد كلمه ومكنش عايز يرجع انهارده ??
محمود بتوتر مفيش حد يا فندم كلمتهم كلهم زي ما طلبت مني وكلنا هنا وتحت امرك
سيف بحده محموود
محمود بتوتر تحت امرك يا قائد
سيف بحده مين اللي مكنش عايز يرجع ماهو انا عارفه فانت لو قولتلي يبقى امين في الحاجه اللي مخليك مسئول عنها انما هنشتغل شغل التطبيل هتتحاكم معاه
محمود تنهد وبص لجاسر ان غصب عنه فجاسر اشارله يقول فتابع بحزن جاسر يا فندم
سيف اممم كده تمام ارجع مكانك
محمود عمل التحيه ودخل الصف
سيف بص لجاسر بحده ورفعه حاجب
فتنهد جاسر بعمق وخرج من الصف ووقف على جمب لوحده
سيف : كويس جدا فهمت لوحدك هقولك ايه وبص للكتيبه وتابع المهمه اللي داخلين عليها مش ساهله وعايزه مننا صبر وتخطيط واننا نكون ضهرنا في ضهر بعض واي غلطه هتكلفنا كتيير جداا هنتكلم في التفاصيل بكره باذن الله وهنبقى نحدد معادها لما سياده العميد الجديد يقولنا
الجميع تماام يا فندم وفون حد فيهم رن
سيف تنهد بعمق وبصلهم فتابع حسن بتوتر انا اسف يا قائد هقفله نسيت والله
سيف بحده طب انا مش عايز اتعصب وازعل حد فيكم على المسا انتوا مش صغيرين وعارفين شغلكم مش اول مره يعني يا يشوات فا لو سمحتوا بلاش حرقه دم كتير
عمر همس لحسن : يا شيخ الله يحرقك ما كان ساكت اقفله واعتذر مش ناقصين هيقوم علينا
حسن بتوتر حاضر والله وبص لسيف وتابع اهو قفلته والله انا اسف يا فندم مش هتقرر تاني
سيف بحده ده ياريت يعني وبص لجاسر ففهم لوحده وتقدم وقف قدامه وعمل التحيه
سيف لا ده كتر الف خيرك يغالي انك لسه فاكر ان ليك قائد وبتقف قدامه تعمل التحيه وبتفهمه من بصه
جاسر بص للارض وتابع بحرج انا اسف يا فندم بس انا نفسيتي تعبانه اوي بسبب مشاكل في حياتي وبصراحه مكنتش قادر للشغل
سيف يعني ايه نفسيتك تعبانه ???
جاسر بصله بستغراب وسكت فتابع سيف بحده انا مش بتكلم ماترد عليااا
جاسر بحزن يعني مش قادر اعمل حاجه بسبب حاجات كتير مزعلاني يا فندم
سيف اممم حلو ده طب نفترض دلوقتي قامت حرب ولا مهمه ضروريه جدا تفتكر ساعتها هنقول للخصم ايه ?? لو سمحتوا الظابط بتاعنا نفسيته تعبانه ?? ولا استنوا لما نكتمل ??
جاسر بص للارض بحزن وسكت
سيف ضرب ضربتين على كتفه بخفه للفت الانتباه ورفع وشه ناحيته وتابع بعصبيه انا لما اكون بتكلم ترد عليااا متسبنيش بهري مع نفسي وتسكت ولا انت مش لاقي حاجه تقولها ???
جاسر بحزن كلامك صح يا فندم بس والله انا في وضع مقدرتش اشوف كده
سيف بعصبيه ايه الوضع ?? هطلق لو متجوز ?? هتسيب لو خاطب ?? مراتك تعبانه ?? بنتك بتموت ?? والدتك محجوزه ?? اي ان كان السبب انت داخل هنااا عارف ان مش هتحضر اجباري علينا غير فرحك ولو حد مات وتقتصر على اهلك القريبين جداا كمان فايه يغالي تاعب نفسيتك للدرجه دي ومخليك مش عااايز تيجي شغلك ??? انما لو انت بقى واحد بتتعب نفسيااا مبتقدرش تسيطر علي مشااااعرك دي حاااجه تانيه خاااالص ومش عيب بس مكانها مش وسطنااااا لان مش كل واحد عنده مصيبه في حياااته هيجي يسرحلي هناااا انت واقف في سينااااء يا بييه يعني 100 مليون قاعدين في بيتهم مطلوب منك انك تحميهم وتكون سبب بعد ربنااا انهم يبقوا مرتاااحين في نومهم انااا مش عااايز شغل استعباااط معنديش اعذار ولا مببراات طلما دخلت حربيه يعني انت عااارف انك لازم تكون خلعت اام قلبك اللي بيحس ده ورميته برااا قبل الكليه كمااان مش قبل الشغل والكلام الجدد اللي احنا فيه حاليا ده … فااانت مش قااادر يحبيبي وتعباااان نفسيااا وخبط على كتفه وتابع والنجوم تقيله على كتااافك اوي وشيله السلاااح بتتعب ااايديك الحلوين سيبهم وخليهم لغيرك يكون قدهم
جاسر حط عينيه في الارض وتابع بحزن انا اسف يا قائد واوعدك انها مش هتقرر تاني هو حقيقي خلاف مع خطيبتي بس كبير شويتين وسبنا بعض فحقيقي مكنتش قادر اشوف حد بس انت كلامك صح الشغل مالوش دعوه وانا اللي بمزاجي اختارت الطريق ده يبقى مينفعش اقصر فيه
سيف بحده: بلظبببط كده عليك نور الحب بيجيب الغم ووجع القلب والقرف فاهمك بس الحياه في الجيش صعبه ولا تطاق وكل الناس عارفه ده دول بيعدوا على صوابعهم في ايام الخدمه العسكريه العاديه بتاعت الشعب ومستنين تخلص بمالك بواحد دي حياااته اصلاا واصعب من الجيش العادي كمان فا الاكيد ان رجاله طول بعرض قدمت حربيه يبقى فاهمه هي داخله علي ايه وحابه تكون من جنود الارض اللي ربنا شكر فيهم وعارفين مدى اهميتهم عالميا مش في مصر بس وقد اي الكل بيعملهم الف حساااب فاحنا عايزين نااس تاكل الحديد وتقدر لما يحصل معاها اي حاجه من الحاجات الطبيعيه في حياه اي انسان دي انه يعديها بسرعه ويقوم ويكمل شغل كأن مفيش حاجه علشان كده مش اي حد ينفع يبقى ظابط جيش ومينفعش حد في مكانتك يتأثر بلمشاكل انت اجباري تبقى اقوى وتدوس على كل حاجه وجعاك حتى لو قلبك … والتعب والوجع والضعف عادي ومش عيب بس معلش مكانهم مش وسطنا بحيث قامت حرب او في مهمه صعبه انا معايا رجاله تسد عين الشمس وجاهزه تقاتل وتخاطر بنفسها وبروحها علشان البلد دي تعيش ومفيش في بالها غير ازاي ينتصروا تمام يا جاسر ????
جاسر بحزن اوامرك يا فندم كلامك كله صح تمام طبعا
سيف بتنهيده تمام ولانك طبيعي غلطت فهتتحاكم ونقطه انك عرفت غلطك دي كويسه جدا بس زيك زي اي حد بيغلط انا معنديش تفرقه ومخصوم 3 ايام من اجازتك الجايه
جاسر بصدمه بعد اذنك يا قائد اسف مش بعترض طبعا بس هي اصلا الاجازه الجايه بعد شهر و 3 ايام فا ازاي
سيف بابتسامه اه ماحضرتك مش هتنزل معانا انت هتفضل هنا تدرب كتيبه رتبه ملازم يا سياده النقيب
جاسر بص للارض بحزن وتابع تمام يا فندم مفهوم
سيف بابتسامه لا هو كده كده تمام انا مش بناقشك وروحوا اتخمدوا يلا وقسما بالله العظيم انا بعد ما اصلي الفجر هفوت عليكم اوضه اوضه واللي هلمحه صاحي هيونس جاسر في التدريب ومفيهاش نزول وانا مبقولش كلمه وبنزلها الارض وانتوا عارفين كده كويس وانا عارف هعرف صاحيين وبتمثلوا ولا نايمين بجد ازاي علشان حقيقي الواحد جايب اخره منكم من اولها
حسن بهمس شكله المره دي هيطلع عين ام اللي جابنا
عمر بهمس هشش اسكت وبعدين على اساس ايه يحسره ماهو هو سيف مبيتغيرش
حسن ضحك بصوت منخفض وهمس هموت واعرف اتجوزت اخته ازاي يا ابن اللاعيبه بجد
عمر بهمس هشش اسكت يخربيت امك ناوي نتحاكم انت انهارده
سيف بحده وانت يا حسن بيه
حسن اتخض وبصله خاف يكون شافه وتابع تمام يا فندم معاك
سيف بحده فونك ده لو سمعته رن تاني هتونس اخوك جاسر تمام ??
حسن عمل التحيه وتابع بتوتر تمام طبعا يافندم تحت امرك فصلته اصلا
سيف تمام اتفضلوا انصراف
كلهم عملوا التحيه ومشيوا في طرق متفرقه
عمر راح لسيف وتابع بقلق وهو بيعمل التحيه احمم ممكن اطلب طلب يا قائد
سيف وهو رايح مكتبه تابع وهو ماشي لا مش ممكن لان انت مش هتفتح فونك ولا تكلم زينب وقعد على مكتبه وتابع لما يسمحلي العميد بمكالمات هخليك تكلمها حاليا مينفعش علشان نفصلكم عن المدنى مينفعش مودك يبقى لسه متظبطش على الشغل وتجري تكلمها وهي تعيط لان كده بالك مش هيبقى معايا بنسبه 1% حتى
عمر بحزن يا فندم انا عارف بس هي تعبانه ومحتاج اعرف لو راحت للدكتوره قالتلها ايه
سيف بحده لا انت محتاج تتلم وتسيبك من زينب ومن الدكتوره ومن الدنيا كلهااا خالص الفتره دي متخافش عليها هي مش لوحدها وهتروح لاهلها خلصنا يا عمر روح ارتاح بكره في يوم صعب
عمر بحزن طب دقيقه يا قائد مش هطول
سيف بحده مش هينفع يا عمر انا مقدرش اخالف ضميري وهيتقال علشان اتنيل اتجوز اخته فممكن يطبله وانا مبفرقش وانت عارف كده كويس واللي هيمشي على الكل هيمشي عليك انت هنا مش عمر صاحبي وجوز اختي انت هنا النقيب عمر الهواري ظابط في كتيبتي وبس فاجمد شويه واحترم نفسك لان واضح الانبهار فعلااا الهانم بوظتك خالص وبطريقتك دي وبالك اللي مش في شغلك هتخليني اقلق اعتمد عليك زي الاول
عمر عمل التحيه وتابع بضيق تمام يا قائد اعتبر مقولتش لحضرتك حاجه عن اذنك
سيف بحده اتفضل يا حضره الظابط
عمر خرج فتابع حسن بقلق ها قالك ايه
عمر بضيق قاله القل البعيد ايه الجديد بتاع سيف يعني
حسن بقلق هشش يخربيت اهلك ده بيسمع دبه النمله تعالى نتكلم فوق في الاوضه ومشيوا شويه
محمود بحزن جاسر فين يا رجاله مشفتهوش ??
حسن بضحك تلاقيه قاعد في اي جمب بيعيط ان مش هينزل الاجازة الجايه
محمود بحزن والله غصب عني
عمر ياباشا سيف عارف كل حاجه هو بس سابك تقول لان كلفك بكده ولو مكنتش قولت كنت حقيقي هتقعد تونسه انما هو عارف من العميد كل الاخبار ومبيستخباش عليه حاجه عموما سواء اتقالتله او لا
حسن بتنهيده حصلل انا رايي من راي عمر فكويس انك قولت وبعدين انت غصب عنك مينفعش تكدب على القائد مهما حصل هو جاسر اللي غلط ومرضيش ينزل لما كلمته فاضطريت تقول للعميد محدش فينا بيقدر يعمل كده من امتى العميد بيتصل يحايل يعني
عمر بضحك ياعم ده انا اضايقت بس شويه لما اتصل قاالي هنرجع .. يعلم الله بهدل بكرامه اهلي الارض في الفون
محمود بضحك لا بس كلمه حق احنا عارفين قبل الرجوع بيوم فكلم العميد عليك قاله لسه متجوز ونسيبيه يومين بلاش نفاجئه العميد موافقش لانك واخد اجازه من قبل المهمه فقالك تيجي
عمر بتنيهده شكيت فكده والله وتنهد بعمق وتابع بالله البت واحشتني
حسن بضحك انت لحقت يا عمر
عمر بحزن بالله اتعودت عليها كانت ماليه يومي وحياتي حقيقي مش قادر اتأقلم كنت ناسي حياتي قبلها كانت ازاي
محمود بضحك وغمز ايه يعني الجواز حلو ياض يا عمر
عمر بضحك حلو بس ?!!! ده حلو حلاوه بس لما يكون مع اللي بتحبها وبتحبك طبعا
حسن بضحك اوعدنا يارب
عمر بضحك رايي بلاش علشان الرجوع سينا بعد الجواز اصعب بجد
حسن بضحك مش مهم يوعدنا بردو اهو نعيش يومين حلوين بدل المر اللي بنشوفه مع القائد هنا
محمود بضحك طب رايي مدوا خطوتكم شويه علشان مبعدناش كتير عن المكتب وقسما بالله لو سمع ليطلع يوعدنا كلنا بلصناديق
حسن بضحك اه يلا ونشوف الواد جاسر نهون عليه
عمر بضحك يلا
———————————–
في العياده عند زينب
زينب بقلق ها يا دكتور طمنيني
الدكتوره بابتسامه قومي خلاص تعالي اقعدي
زينب قامت ونزلت التيشرت وقفلت الشميز وظبطت هدومها كويس ونزلت من على السرير وقعدت قدامها
الدكتوره بابتسامه طلبت منك التحاليل لاني عرفت انك لسه عروسه جديده والحمل مش هيبان في السونار وفعلا التحاليل اكدتلي انك حامل في 8 ايام وكشفت عليكي انتي زي الفل فمن البدايه كده معنى انك حسيتي بدري فعايزه مقويات وفيتامينات وهكتبلك عليهم
زينب بدموع فرح : يعني انا حامل ??? والله العظيم كنت حاسه وحطت ايديها على بوقها وعيطت بفرح شديد
الدكتوره بحب ربنا يفرح قلبك ويقر عينك بيه سالم معافى يحبيبتي
زينب بفرح يارب يسمع منك يا دكتوره تسلميلي بجد مش عارفه اقولك ايه على الخبر الحلو ده
الدكتوره بابتسامه يحبيبتي انا عملت شغلي بس متقوليش حاجه الف مليون مبروك ربنا يفرحك انتي وباباه بيه او بيها يارب
زينب بفرح ودموع الله يبارك فيكي يارب تسلمي ومسكت منها الروشته وتابعت حاضر همشي عليهم وانا ممرضه بردو ففاهمه وهعمل الكويس ليه باذن الله
الدكتوره بابتسامه ده حلو جداا ربنا يقومك بلسلامه يارب
زينب بحب ياارب يسمع منك يااارب عن اذنك
الدكتوره بحب اتفضلي اذنك معاكي
وخرجت زينب وهي بتعيط من الفرح ومش مصدقه وتابعت ياااه يا عمر ياريتك كنت هنا مش قادره اصدق اني عشت ليوم اتمنيته كتيير اوي واخيراا بقيت مراتك وشايله حته منك بعد كل ده الحمدلله يارب اللهم لك الحمد ادتني كل اللي انا عايزاه واكتر
وخرجت من المستشفى وركبت تاكسي وقالتله يوديها بيت اهلها وفي الطريق اشترت كروت شكلها حلو وفضلت تكتب فيها
وبعد شويه وصلت وطلعت ودخلت شقه جدها كان القاعدين امها وعايده وصافيه فدخلت وهي مبتسمه بفرح
نرمين بفرح وحب زييينب حبيبت قلب امك واحشاني وقامت حضنتها
زينب حضنتها اكتر وتابعت بفرح واحشتيني اكتر بجدد
صافيه بفرح يا قلب تيته تعالي يابت في حضني يا كلبه عمر خدك مننا اوي
زينب ضحكت وراحت باست ايديها وحضنتها وتابعت محدش يقدر ياخدني منك يا صفصف ده انتي عيوني
صافيه بضحك اه يبكاشه اضحكي عليا بكلمتين اضحكي
زينب ضحكت فتابعت عايده بحب ما اسم الله عليها وشها بقى زي البدر المنور وضحكتها سكر الجواز حلاها والله
زينب بحب يانورعيني ده انتي اللي سكر يا مرات عمي والله
وقامت وقفت وتابعت المهم معايا 3 كروت ليكم هتاخدوهم وتفتحوهم وتقولولي ايه رايكم
نرمين بستغراب كروت ايه دي
زينب بحب هتشوفوا وبصت حواليها وتابعت بس فين الباقي صحيح
عايده الرجاله مع جدك في المكتب جوه حسابات شغل والباقي متفرقين في العماره كلها
زينب بحب هشوفهم المهم يلا انتوا اسحبوا
عايده بضحك ونسحب اي حاجه عادي
زينب بضحك اه ما كلكم نفس الكلام
صافيه بحب نسحب ومالو وكل واحده شدت كرت منها وفتحوا وكان مضمونه (( مبروك هتبقي اجمل تيته ))
نرمين اتفاجئت وعيطت بفرح وتابعت انتي بتتكلمي جددد
زينب بدموع فرح اه والله حامل لسه عارفه
صافيه زغرطت وهي بتعيط بدموع فرح وعايده قامت حضنتها وتابعت بفرح يا قلب مرات عمك الف الف مليون مبروووك ايه الخبر الحلو ده
زينب بدموع فرح حبيبتي والله الله يبارك فيكي يارب
نرمين حضنتها وتابعت بفرح ودموع يا قلب امك كبرتي وهتبقي ام ايه الحلاوه والجمال ده مبروك يا نورعيني الف مليون مبروووك
زينب بدموع فرح الله يبارك فيكي يا ست الكل
صافيه فضلت تزغرط بفرح وهي بتحضنها وده خلى الرجاله سمعت وخرجوا
فتابع معتز بخضه ايه ياما في ايه بتزغرطي ليه
صافيه بدموع فرح : تعالى يا معتز افرح البت زينب كبرتك خلاص وهتبقى جد
معتز اتفاجئ وتابع بدموع فرح لا متهزريش زينب حامل بجد ??
زينب هزت راسها ب اه وهي بتضحك والدموع ماليه عينيها
معتز حضنها وتابع بفرح يحبيبت قبي الف الف مليون مبرووك ربنا يقومك لينا بالف خير يارب
زينب بدموع فرح يارب يحبيبي بجد يارب
منصور بدموع فرح ايه الخبر الحلو ده هتجيبلنا الباشا الصغير اهو ينور عيله الرفاعي الف مليون مبروك يابنتي فرحتينا بجد
زينب راحت باست ايديه وراسه وتابعت بدموع الله يبارك فيك يحبيبي تسلملي يارب
ايمن بحب مبروك ينورعيني وعقبال مانشيله ونفرح بيه
زينب بحب يارب ياعمو وعقبال مازن واحمد ونور لما يفرحوكم يارب
عز بفرح الف مبروك يا حبيبت عمك عقبال ماتقومي بالف خير يحبيبتي
زينب بحب الله يبارك فيك يارب وبصت لصافيه وتابعت بضحك كنت جيبالهم كروت زيكم حرقتي المفاجاه بجد
نرمين بدموع فرح مش مهم ادينا فرحنا بردو ده يا الف نهار ابيض بجد
صافيه بدموع فرح معملوهاش الكبار فرحتنا الصغيره الحمدلله يارب بجد
عايده بحب ربنا يهديهم يما ويفرحونا بيهم يارب حسام هانت اهو
صافيه بدموع فرح يارب يابنتي انا عارفه حسام هيتجوز انا شايله هم يونس وسيف اوي
عز الدين بضحك انا كا ابو يونس فقدت الامل والله انتي كويس اوي لسه بتدعي
معتز بضحك نفس الكلام علي سيف
صافيه بدموع خليكم انتوا انا هفضل وراهم بقيام الليل لحد ما اجوزهم
زينب بضحك وانا معاكي يلا هطلع افاجئهم وجيالكم وطلعت على السلالم
نرمين بحب على مهلك يابت وانتي طالعه خلي بالك لتتكعبلي
زينب بضحك حاضر والله
صافيه شوفيهم في السطح بردو يا زينب بعدين انزلي شقه شقه بس على مهلك
زينب بحب حااضر يا تيته وطلعت لفوق السطح كان مازن بس اللي واقف بيشرب شجاير وسرحان
زينب بحب ايه ده انت لوحدك هنا
مازن لف شافها وتابع بحب وتفاجئ: اه حسام لسه نازل ايه المفاجاه الحلوه دي نورتينا والله
زينب بحب نورك يا غالي عايزه اقولك حاجه
مازن بحب اؤمريني يا زوزا
زينب فتحت شنطتها وخرجت كرت مضمونه
(( مبرووك هتبقى اجمل خالو)) وتابعت بابتسامه اتفضل
مازن استغرب بس مسكه وفتحه ففتح عينيه بتفاجئ وبصلها وتابع بفرح ده بجد ???
زينب بحب وفرح اه والله العظيم
مازن ضحك وتابع بفرح يخرااابي ايه الحلاااوه دي لا ده احنا نطفي السيجاره علشان عيون الباشا الصغير بقى ورماها وداس عليها
زينب بضحك وفرح يحبيبي ربنا يخليك ليا يارب
مازن باس جبينها وايديها والدموع اتجمعت في عينيه وتابع بجد مش عارف اعبر عن فرحتي بيكي الف الف مليون مبروك يا قلب اخوكي والله ما مصدق ان كبرتي كده وهتبقي ام كمان
زينب بحب ودموع والله وانا كمان مش قادره اصدق ربنا يديمك ليا يارب ونفرح بلبيبي بتاعك انت وجودي عرفت من ماما ان غصب عنك بس البيبي مالوش ذمب يحبيبي ولا جودي تستحمل لو حست برفضك ليها لاني عارفه ان مفيش ليها حب جواك
مازن دموعه نزلت وتابع بابتسامه فكرك انا اللي كنت ببديكم. كلكم على نفسي فكل حاجه مش هعرف استحمل عيشتي علشان حته مني !!!
زينب بدموع لا طبعا انا واثقه فيك ومن اكبر واحد لاصغر واحد فينا انت ماثرتش علشان حد وضحيت وعملت للكل كتير وكنت عايز الكل مبسوط ومحقق احلامه .. انت كبير عيلتنا بصحيح يا مازن بس قولتلك اللي جوايا لاني اختك ويعز عليا ان ابن اخويا يحس بفتور بين مامته وباباه ويتعب نفسيا
مازن بتنهيده زمان مكنش في حد بيتجوز بلحب كله كان علشان دي مناسبه وده مناسب والمعامله بلموده والرحمه زي ما امرنا ربنا لان الست دي هتبقى عكازي في الدنيا وام عيالي وانا هعامل جودي كده فمتقلقيش يحبيبتي
زينب بحب ودموع يارب يريح قلبك يا مازن ويديك كل ماتتمني ويقويك على نصيبك
مازن بحب يارب يازوزا ومسح دموعها وتابع بابتسامه مش عايزين نكد بقى متعيطيش الواد يطلع جد وقفيل لخالو سيف مش ناقصين نكد
زينب فضلت تضحك بشده وتابعت حاضر والله هضحك اهو بس ماله سيف ده نورعيني ده
مازن بضحك اه مين يشهد للعريس ماهو اخوكي
زينب بحب كلكم والله اخواتي بس علشان هو البعيد
مازن بضحك وخد ابو البيبي معاه كمان ومشي مش هو لوحده
زينب بضيق طب والله فعلا مصر وامه لا اله الا الله كلهم هيعرفوا اني حامل الا ابوه
مازن بضحك لا متهزرييش هو عمر ميعرفش اصلا
زينب هزت راسها بضيق ب لا وتابعت سيف خده قبل ماننزل للدكتوره لاني شكيت انهارده
مازن يحبيبتي حقك عليا بجد ربنا يردهولك بالف خير بس حافظي على نفسك يا زينب الله يخليكي اول شهور دي مقرفه ومهمه علشان الحمل يثبت
زينب بحب حاضر والله ده يبخت جودي والبيبي بيك من نفسك لما عرفت اني حامل طفيت السيجاره علشان غلط اتنفس دخانها مبالك بابنك بقى بتهتم بيه ازاي
مازن باس جبينها بحب وتابع انتي زي نور يعني اختي يا هبله وابنك ابن اختي يعني زيه زي ابني بلاش عبط انتي مش هتعرفي غلاوتك دلوقتي يا زوز يعني
زينب بحب الشهاده لله علطول في ضهري وجمبي واقربها ساعه اسر الله يحرقه بهدلته علشاني وقولتلي اتكلمي انا معاكي محدش هيقدر يجوزهولك لو مش عايزاه ربنا يديمك ليا يا غالي بجد
مازن بحب ويديمك ليا يحبيبتي وتقومي بالف سلامه يارب
زينب بحب يارب …يلا هنزل انا افاجئهم هاا
مازن بحب روحي يحبيبتي
وهي نزلت وهو وقف يتنهد بعمق ويفكر في حياته الجايه هيعمل فيها ايه
تحت بدور في شقه معتز زينب خبطت ودقايق وفتح حسام فلما شافها تابع بتفاجئ وفرح ايه ده حبيبت حسام نورتي وحضنها
زينب طبطبت على ضهره وتابعت بحب واحشتني اوي اوي بجد
حسام بحب انتي اكتر والله تعالي ادخلي وقفل الباب وتابع بعمل قهوه هعملك معاايا بقى
زينب بحب لا انا مش عايزه
حسام بستغراب غريبه يعني مش عادتك
زينب بحب دخلت وراه وتابعت امسك بس الكرت ده وهتعرف لوحدك
حسام استغرب بس مسكه منها وفتحه وكان مضمونه (( مبروووك هتبقى اجمل خالو ))
حسام اتفاجئ وتابع بفرح اقسم بالله ??? ده بجدد ???
زينب هزت راسها ب اه وهي بتضحك
حسام حضنها بفرح وتابع يحبيبت قلبييي وضحك وتابع يخرب عقلك بجد والله مش مصدق وبصلها وتابع وحياه عمر يا شيحه بتتكلمي جد زينب اوعي يكون مقلب هزعل وربنا
زينب بضحك والله مش مقلب عيب عليك
حسام حط صوابعه عند عينيه ودموعه نزلت وتابع والله مش مصدق فرحتيني بجد
زينب الدموع اتجمعت في عينيها وتابعت حبيبي والله العظيم وحضنته
حسام باس راسها وهو حاضنها وتابع بدموع فرح بجد شوقتيني من دلوقتي اشوفه الف الف مليون مبرووك ينورعيني ربنا يقومك ليا بالف خير انتي وحبيب خالو
زينب بحب ودموع يارب يعيوني ونفرح بيك بقى
حسام بحب يارب يحبيبتي وباس ايديها وتابع بفرح عمر عرف ??
زينب بتنهيده لا هقوله لما يجي بصراحه مش عايزه اضيع لحظه زي دي في الفون
حسام بضحك ااتفق جداا بجد انا مش متخيل فرحته هو وسيف
زينب بضحك ده والله انا اللي هموت من فرحتي بس سيف اول واحد عرف لاني كنت شاكه فقولتله بس قالي مش هيقول
حسام بضحك اصلااا ده والله انا مش مصدق الف مليون مبرووك يا زوزا كبرت البنوته كبرت ست الكل واتجوزت وهتبقى مامي كمان
زينب حضنته وتابعت بضحك قلب البنوته بجد نازله وهطلعلك بس اعملي عصير علشان الباشا الصغير ها
حسام بضحك وتفاجئ ايه انتي هتشربي عصير مش قهوه ده الظاهر الباشا الصغير هيربيكي من اول وجديد
زينب بضحك اه والله كله يهون علشان خاطر عيونه يلا هنزل وطلعالك تاني ها
حسام سمع فوران القهوه فبص وتابع بضيق يختاااي فاارت هعمل غيرها علشان البااشا وام البااشا مخدتش بالي ونسيتها
زينب بضحك وهي طالعه من المطبخ تابعت براحتنا يا واد الله
حسام بضحك واد في عينك وفي عين اهلك اعتبرت نفسها الكبيره اهو علشان هتبقى ام
زينب بضحك طبعا الله ونزلت وحسام ضحك عليها وبدا يعمل قهوه غيرها وعصير ليها
تحت بدور في شقه عز
زينب خبطت ففتحت ياسمين وتابعت بتفاجئ حبيبت قلبي ادخلي نورتي
نور وهي بتاكل نوتيلا ووشها متبهدل تابعت مين يا بت يا ياسمين وبصتلها وتابعت بفرح زوزااا كنتي واحشاااني ادخلي
زينب بضحك طب كويس انك هنا كنت هنزلك شقتكم
نور بضحك لا انا طلعت دلوقتي علشان نفسي في نوتيلا وخلصت من عندنا فطلت اكل بتاعت شهد وكمان مازن نزل من فوق السطح مش طايقني فقالي برا يابت سيبي الشقه
ياسمين بتلقائيه وغيره نعم انتي سيباه مع جودي لوحدهم ???
نور بضحك لا طبعا جودي تحت نزلت شقه جدي
زينب بضحك كانت هتاكلك ياسمين غارت على صاحبتها
ياسمين بتمثيل ضحك اه طبعا اومال … مش صاحبتي دي فسمعتها من سمعتي يعني
زينب بضحك اه ياختي صح .. طب المهم فين شهد عايزه اقولكم حاجه
ياسمين بصوت مسموع شهد .. انتي يابت .. يا شهدد
شهد خرجت وتابعت ايه يا ياسمين وبصت لزينب وتابعت بفرح حبيبتي واحشاني جيتي امتى
زينب بحب لسه من شويه وانتوا اكتر والله يعمري
شهد رايحه تتكلم وهي متحمسه شافت نور تعابير وشها اتبدلت وتابعت بصدمه النوتيلا دي بتاعتي ???
نور بتوتر نعم ?? ايه ?? لا قصدي اه فيها ايه يعني احنا مش اخوات وبنات عم ??
شهد بحده بنات عم ايه وزفت ايه ده انا هقتلك انهارده وفضلت تجري وتجري وراها
نور بخوف خلاص والنبي خلاص انا اسفه
شهد بحده ده انا هموتك انهارده
نور بخوف وهي بتجري فوق الكنب خلاص بقي يا شوش سامحي مكانتش علبه نوتيلا يعني
زينب بضحك بس يابت انتي وهي بس خلاص يخربيتكم وخدت جمب علشان ميخبطوش فيها وياسمين عماله تضحك عليهم
شهد بحده والله هنتفلك شعرك اللي عماله تتعايقي بيه ده تعالي يابت
نور جريت وتابعت وهي واقفه على السفره وبترفع حواجبها بكيد : غايظك طبعا علشان بني فاتح وطويل وجميل
شهد برفعه حاجب نعم ياختي وانا يوم ما اغير هغير منك انتي يا انيميا
زينب بضحك اه تغيري تعرفي ليه علشان لون عينيها عسلي وشعرها بني فاتح زي يونس حبيبك وانتي اخته مش واخده نفس الالوان
ياسمين بضحك بس يا زينب انتي بتهدي النفوس وراحت مسكت شهد وتابعت بضحك سيبك منها العرق يمد لسابع جد عادي يعمري متحرقيش في دمك
نور بضحك اه بلظبط كده العين والشعر زي ابيه يونس بس محدش عينيه عسلي غيري انا وابيه يونس وسيف وسمسم واحمد اخويا احنا بس اللي الشمس في عيونا يا عيله معفنه
ياسمين بضحك يابت انتي اه حبيبت قلبي وكل حاجه بس اسكتي والله علشان لوسبتها هتضربك
شهد بحده سيبيني يا ياسمين عليها وانا امسح بيها بلاط البيت ام عيون عسلي دي
نور بضحك خلاص بقي يا شهد كنت نفسي فيها في ايه بطلي بخل
شهد بحده ده انا هموتك علشان كنت هاكلها بليل
الباب خبطت فتابعت زينب بضحك والله انتوا مجانين وراحت فتحت فكان يونس
يونس بابتسامه الله انتي هنا يا مرحب بلقمر مرات الغالي وباس جبينها
زينب بحب حمدلله على السلامه يحبيبي ادخل
يونس قفل الباب ودخل اتصدم بمنظر نور وتابع يخربيت اهلك ايه موقفك فوق السفره ووشك مليان شكولاته كده ليه
نور بخوف ابيه تعالى الحقني شهد عايزه تمسح بيا بلاط البيت
يونس اتفاجئ من الكلام وتابع بضحك وتمسح بيكي بلاط البيت ليه ما هو زي الفل اهو
ياسمين بضحك انت بتهزر يا يونس وقته ده يعني اختك حقيقي متعصبه منها
يونس بضحك انا مستغرب الجديه اللي نور بتتكلم بيها بصراحه طب عملتلك ايه يا شهد قوليلي يحبيبتي ومتمسحيش بيها البلاط حرام الجو سقعه
شهد بحده وحزن : الهانم كالت النوتيلا بتاعتي زي ما انت شايف كده
يونس بضحك انتي عايزه تمسحي بيها البلاط علشان كالت النوتيلا مش كده يحبيبتي الف هنا خلاص
نور بحب شوفتي قولها بقى
شهد بصتلها بحده وتابعت بعصبيه بت انتي والله لو مسكتك هعجنك
يونس فضل يضحك وتابع بس بس بصيلي انا هنا تعجنيها ايه بس مش عيب كده ده اخوكم الكبير واقف يعني
شهد بدموع انت مش شايف يعني يا يونس ده العلبه نصها على وشها والنص التاني طفحته خلاص
يونس بضحك شايف والله وهجيبلك غيرها بكره خلاص بقى مش مستاهله عياط وتبهدلي بنت عمك عليها وتخوفيها كده ده انتي موقفاها فوق السفره
كلهم فضلوا يضحكوا فتابعت نور بتوتر ابيه نزلني بس على ضمانتك
يونس بحب مش هتعملك حاجه خلاص والله
شهد بضيق يا يونس سبني اعجنها علشان معصباني
يونس بضحك لا تعالي على نفسك المره دي ومتعجنيهاش علشان خاطري
زينب بضحك لا ده انتي محدش يعصبك بجد
يونس بضحك هي شهد كده من ساعه ما اتولدت فعادي مش مستغرب وراح وقف قدام السفره ومسك ايد نور فنزلت واستخبت وراه وتابعت بخوف لما شافت شهد جايه ناحيتها : ابيه… ابيه علشان خاطري خليها تبعد وبتمسك في يونس اكتر
يونس بضحك خلاص والله مش هتكلمك وبص لشهد وتابع قولنا ايه يا شهد
شهد بضيق خلاص مش هكلمها وقعدت وربعت ايديها بضيق
يونس بضحك متزعليش اوي كده جبتلك شكولاته من اللي بتحبيها علشان نتيجه الامتحان التانيه عجبتني ورمى الشنطه على رجلها
شهد بفرح يحبيبي والله بموت فيك
يونس بحب الف هنا يعمري عايزك كده علطول واحسن بقى
شهد بحب ده من عيوني وطلعت الشكولاته كانوا كتير وتابعت بفرح مش اتنين بس كمان والله بموت فيك غرمتك كتيير اوي غاليين
يونس بضحك علشان تعرفي بس ومفيش حاجه تغلى عليكي يعمري
نور بصت عليهم من ورا يونس وبصت ليونس
يونس بهمس ايه عايزه منهم ??
نور هزت راسها ب اه كتير بحماس
يونس ضحك وهمس طيب استني وراح في اتجاه شهد ونور وراه
يونس بحب هاخد اتنين ها
شهد بحب الف هنا يعمري طبعا خد
يونس خد اتنين ولف اداهم لنور
نور بفرح يحبيبي ربنا يخليك لياا ومسكتهم بحماس
شهد بحده ايه ده بقى ان شاء الله انا فاكره ليك انت
يونس بضحك بنت عمي فا واحد عادي عديها بصي فرحت بيهم ازاي عيله صغيره اعتبري نفسك الكبيره واسكتي
شهد بضيق انا الكبيره اه وماله وفرق السنه اللي بينا ده اوديه فين مفروض هي تشوفني الصغيره وتسبني في حالي
نور بضحك اخص عليكي ده انا خدت النوتيلا عشم ان احنا واحد يا شهد تقولي كده
شهد بضحك اه اقول كده اخرسي خالص علشان مش طيقاكي
نور بضحك طب هخرج من ورا ابيه واجيلك بس بجد لو غدرتي هزعل
شهد بضحك هغدر
يونس بضحك قولنا خلاص بقى يا شهد
شهد بضحك علشان خاطرك بس والله
نور راحت قعدت جمبها وحضنتها وتابعت بحب اي لاف يو متزعليش مني
شهد ضحكت وحضنتها اكتر وباست خدها وتابعت للاسف مبعرفش ازعل منك يا ام عيون عسلي
نور بضحك قلب ام عيون عسلي
يونس بضحك ربنا يهديكم والله العظيم مجانين
ياسمين بضحك ايه الجديد يعني
زينب بحب طب عايزه اديكم كروت يعيال ركزوا معايا
يونس بستغراب كروت ايه دي
زينب وهي بتخرجهم من الشنطه تابعت هتشوفوا اهو وطلعتهم وتابعت هديكم كل واحد كرته بس تفتحوا مع بعض
نور بحب تمام استني بس اغسل ايدي ووشي من البهدله دي
يونس بضحك قاسم لو شافك كده هيطلقك
نور بضحك الحمدلله مباكلش كده قدامه ودخلت غسلت وشها وايديها وخرجت نشفتها وتابعت بحماس يلا هاتي
زينب وزعت الكروت وتابعت بحب يلا
وكلهم فتحوا مع بعض واتفاجئوا فتابع يونس بضحك وفرح ايه ده ??!!! ده بجد والله العظيم ?? انتي حامل ???
زينب بدموع فرح اه والله لسه عارفه
ياسمين بدموع فرح ياربي بجد مش مصدقه مبسوطه اووي
يونس باس جبينها وتابع بفرح ايه الاخبار الحلوه دي بجد وضحك بفرح وتابع هو عمر هيبقى اب يخرااابي مش مصدق والله العظيم الف الف مليون مبروك يحبيبتي تشوفيه او تشوفيها على خير اي حاجه نعمه احنا راضين بس المهم قلب خالو يجي او تيجي بالف خير ويقومك بالف سلامه ينورعين اخوكي وباس ايديها
زينب بدموع فرح الله يبارك فيك يارب عقبالك يحبيبي وربنا يديمك ليا يارب
البنات اتنططوا بفرح وجريوا حضنوها كلهم فتابعت شهد بفرح الف الف مليون مبروووك ينورعيني بجد مبسوطالكم اووي
زينب بضحك الله يبارك فيكي يارب عقبال مانشوفك دكتوره وعروسه يا شوش
شهد بدموع فرح يارب يا قلب شوش ويقومك لينا انتي وقلب وعيون خالتو بالف خير
نور بدموع فرح مليوون مبرووك ليكي انتي وعمر بجد حقيقي الفرحه مش سيعاني
زينب بحب وفرح يعمريي انتي عقبالك مع قاسم يارب قريب بقى
نور بحب ودموع اللهم امين يارب
ياسمين بفرح ودموع ده ايه الجمال ده بجد اخيرااا هبقى خالتوو الف مليون مبرووك يعمري انتي وحضنتها اوي
زينب ضحكت وطبطب علي ضهرها وتابعت بحب الله يبارك فيكي بجد يسمسمه وعقبالك يغاليه قريب كده
ياسمين بوجع يارب يحبيبتي
وفونها رن فتابعت هتكلم في البلكونه وجيالكم
ودخلت فتابعت شهد بدموع فرح عقبالك يااارب ما انت كمان تقولي ان مراتك حامل بقى نفسي ابقي عمتو العقربه
كلهم ضحكوا فتابع يونس بضحك انسي الكلام ده .. مازن اهو هيخلف يخليكي عمتو العقربه انا انسي
نور بضحك والله انا نفسي فقدت فيك الامل يا ابيه
يونس بضحك جدعه برافو علميهم بقى
زينب بضحك انا اتجوزت بقيام الليل هجيبك انت وسيف بقيام الليل بردو وتيته معايا
يونس بضحك شوف البت بردو ماتسبوني في حالي مش كفايه صفصف وانا طالع ووانا نازل مصدعاني
شهد بضحك ايوه جدعه يا زوزا وانا بردو هعمل كده
يونس بضحك صلوا يحبيبتي صلوا ربنا قادر فعلا اانا مش ضد كده اصل هقولكم ايه
نور بصدمه ينهاري انا اتاخرت اوي في النوم وبكره في امتحان
يونس بص للساعه وبصلها بحده ورفعه حاجب فتابعت بتوتر نازله انام والله اسفه مش هتاخر بكره وعد
وجريت فتحت الباب ونزلت جري
شهد بضحك والله متربتش
يونس بضحك والله ده انتي وهي مش هي بس واديكي صلحتي غلطك وجبتي درجه حلوه عقبالها بكره لان الماده صعبه
زينب بحب ربنا معاهم هما الاتنين يارب
يونس بحب يارب
——-
في البلكونه عند ياسمين كانت واقفه بتكلم جيلان
ياسمين بضحك حاضر والله هبقى اجيلك
جيلان بحزن انتي واحشتيني خالص بجد يا عمتو
ياسمين بضحك ينورعين عمتو وانتي اكتر والله عيوني حاضر بجد هجيلك والله
جيلان بحب وعد
ياسمين بحب وعد يعمري
جيلان بحب ماشي امسكي مامي
ياسمين بحب هاتيها
هايدي بحب ايه يا سمسم
ياسمين بحب ايه يعمري معاكي
هايدي بضحك حقك عليا بس مصدعاني بيكي من الصبح عايزه تكلمك ومكنتش فاضيه خالص والله مفضتش غير دلوقتي وهي شغاله يا مامي عايزه عمتو فقولتلها تعالي نشوفها بقى صاحيه ولا نامت
ياسمين بضحك لا طبعا براحتك يعمري اي وقت دي نورعيني دي ده لو نايمه اصحالها
هايدي بضحك تسلمي يحبيبتي بجد
ياسمين بحب انا قريب هجيلكم كلكم واحشتوني بس طمنيني عليكي مع باسم اي الدنيا دلوقتي
هايدي بتنهيده احسن بكتير بجد بس هكلمك لما اشوفك احسن
ياسمين بحب ماشي يعيوني
باسم دخل وقعد جمب هايدي وتابع بضحك بترغي مع مين يابت مش قايلك نيمي جيلان علشان عايزك في موضوع
ياسمين فضلت تضحك وتابعت روحي نيمي جيلان وشوفي جوزك يعمري وانا هجيلك قريب والله
هايدي بحرج حاضر وبصت لباسم وتابعت بهمس صبرك عليا
باسم بضحك مالك في ايه
هايدي بحرج بكلم بنت عمتك
باسم بضحك ااه ياسمين طب وفيها ايه دي مننا وعلينا دي زي حبيبه يا هبله
هايدي بضحك هو المشكله فانها زي اختك او لا مش في اللي سمعته يعني
باسم بضحك ياسمين شاهده على فضايحنا علطول ايه الجديد يعني
ياسمين فضلت تضحك فتابعت هايدي بضحك ماشي يا باسم هوريك على لسانك ده
باسم بضحك قوليلها تحن عليا يا سمسم مبهدله ابن خالك والله
هايدي بضحك يا باسم اتلم
ياسمين بضحك والله ده عسل ربنا يديمكم لبعض يلا روحي يابت نيمي جوجا ومتنكديش على الراجل ده ابن خالي بردو ميرضنيش تنكدي عليه
هايدي بضحك حاضر ياختي متقلقيش عليه اوي كده بس
باسم بضحك بتوصيكي صح والله حبيبتي البت سمسم دي
ياسمين بضحك تسلم يا غالي والله يلا تصبحي على خير روحي لجوزك وانا هجيلكم قريب
هايدي بضحك حاضر وانتي من اهله ينورعيني باي
ياسمين بحب باي
مازن سمع صوت ضحكها فخرج وقف في البلكونه بتاعت شقتهم وبص لفوق وتابع بهمس حاد انتي ايه اللي موقف اهلك في البلكونه بليل كده وشعرك باين وبتضحكي بلصوت ده انتي اتجننتي
ياسمين بصتله بضيق وتابعت وانت مالك بيتي وبلكونه بيتي وانا حره اقف اضحك او ارقص انا حره
مازن بحده طب غوري خشي جوه مفيش واقفه في بلكونات علشان منكدش عليكي
ياسمين برفعه حاجب مش داخله وملكش حكم عليا
مازن ضرب على السور بعصبيه وتابع طب قولت غوري خشي وداري شعرك ده عدل بدل ما اطلع اجيبك منه
ياسمين بضيق معلش يحبيبي خد الدوا مره الصبح ومره بليل هتبقى زي الفل
مازن بحده دوا ايه يابت انتي .. انتي عبيطه ولا ايه
ياسمين بابتسامه مستفزه : دوا يفكرك انك ملكش علاقه بيا
مازن بحده قسما بالله لو مدخلتيش هعمل حاجه مش هتعجبك
ياسمين بسخريه طب ايه رايك انا كنت هدخل مش داخله عند فيك بقى
مازن تمام براحتك ودخل وطلع لعند حسام الشقه اللي فوق ياسمين وخبط وتابع بهمس ماشي يا بنت الكلب انتي انا هربيكي على حرقه الدم اللي بتوريهاني دي
حسام فتح وتابع ايه يا ميزو ادخل
مازن دخل وراح عند المطبخ وخد حله كبيره وملااها مايه
حسام بصدمه يخربيت اهلك في ايه واخد حاله المايه دي ليه
مازن بحده اوعى بس انت كده
عند ياسمين كانت واقفه وبتمد نفسها وبتبص على تحت في بلكونه عمها ايمن عايزه تشوفه راح فين
ياسمين بستغراب اختفى راح فين ده تلاقيه دخل وكبر دماغه وخلاص وانا قاعده اشوف رده فعله قال
ورايحه تدخل تابعت لالا مش هيمشي كلامه عليا اكيد هيعمل رده فعل مبانش خوفت منه لما يجي فوقفت تاني وثواني لقيت حله المايه ادلقت عليها فاتخضت وشهقت جاامد
مازن بحده قولتلك خشي غوري مسمعتش الكلام تستاهلي ابقى اشوف اهلك واقفه في ام البلكونه بليل بلمنظر ده وبتضحكي كده تاني قسما بالله يا ياسمين لهجيلك انتي ساعتها واجيبك من شعرك
ياسمين خبطت برجليها على الارض بغيظ وتابعت بضيق حرام عليك الجو بررررد يا مااازن
مازن بحده حُرمت عليكي عيشتك يا بعيده علشان تقفي مش مغطيه شعرك وبتضحكي حلو .. يلا يابت خشي جوه هعد لتلاته ملمحش خلقتك في البلكونه تاني
ياسمين بحده ودموع مش داخله وملكش ح
مازن بحده ومقاطعه طب بصي انا عايزك تكمليها المره دي
ياسمين سكتت بضيق
مازن بحده كملي وقفتي ليه ??? ورفع ايديه وتابع بحده واحد .. ورايح يقول اتنين دخلت وهي بتخبط في الارض بضيق وتابعت يووه بقى
حسام بضحك يجدع يخربيت اهلك غرقتها البت واقفه مفيهاش حته ناشفه
مازن بضحك احسن علشان تتربى وتبقى تعند تاني بعد كده انا ميتقاليش لا
حسام بضحك تقوم تغرقها ؟؟ .. لما الحب بجد
مازن بضحك لما العشق وانت الصادق
وحسام فضل يضحك عليهم
——————–
تحت في شقه عز .. ياسمين كانت دخلت وهي متغرقه ومضايقه
يونس بصدمه يخربيت اهلك مين غرقك كده
شهد بصدمه احنا بيت عيله مين نشر عليكي غسيل السنه ده
زينب بضحك غسيل ايه دي ولا اكنها غرقت وانتي الصادقه
يونس بحده ماتخلصي اتغرقتي كده ازاي
ياسمين بحده مازن البارد طلع فوق عند عمي معتز وغرقني
يونس بحده نعممم وهو يغرقك ليه ان شاء الله ده انا هطلع اطلع عين اهله
زينب اهدى يا يونس نفهم اكيد مش مجنون يعني مازن كبير على الحركات دي
يونس بحده عملك كده ليه اخلصي
ياسمين بضيق علشان كنت بكلم هايدي وبضحك بصوت عالي ومش مغطيه شعري حلو
زينب بتنهيده شوفت
يونس بصدمه لا انتي فعلا عايزه تتهاني مش تتغرقي بلمايه واتعصب وتابع انتي شايفه الساعه كام علشان تقفي تضحكي بصوت في البلكونه ومتغطيش شعرك
شهد بضحك هاتلها جردل انت كمان
يونس بحده ده هي عايزه كده فعلا ومازن مغلطش بس كان قالك باحترام تدخلي
ياسمين بضيق قال ومردتش ادخل
يونس بحده لا انتي فعلا تعصبي بقى ورايح ناحيتها جريت ورا زينب وتابعت بخوف خلاص خلاص والنبي انا اسفه
زينب بضحك خلاص علشان خاطري انا يا يونس
يونس بحده اطلعي من ورا البت .. البت حامل
ياسمين بخوف لا احلف انك مش هتكلمني
يونس بضحك يابت اطلعي واخلصي لو حصل للبيبي حاجه ابوه يحبسنا
زينب فضلت تضحك وتابعت لالا عيب عليك يا غالي بس سامحها علشاني انا البت ماسكه فيا فا لو فضلت تحاول تاخدها هتخبطوا البيبي فعلا
يونس بضحك والله هسكت علشانك انتي
شهد بضحك تعالي عندنا علطول لما اجي امتحن يا بت يا زوزا
زينب فضلت تضحك فتابع يونس بضحك اه يا بنت الجزمه انتي
شهد بضحك اه بجد المفروض نستغل ونستخدمها لينا درع حمايه ال 9 شهور دول
زينب بضحك من عينيا الاتنين حاضر
يونس بص لياسمين بحده وتابع تاني مره اعرف انك ضحكتي بصوت ولا مغتطيش شعرك عدل هجيبك منه تمام
ياسمين بضحك يادي شعري اللي غايظ رجاله الرفاعي ده
زينب بضحك ليه مازن قالك كده ولا ايه
ياسمين بضحك اه يا اختي والله رجاله تقرف
يونس برفعه حاجب يا ياسمين قسما بالله هاخدك منها ومحدش هيحلك مني
ياسمين بضحك لا سماح يا كبير خلاص
زينب ضحكت وتابعت طب روحي غيري تتعبي كده
ياسمين بضيق حاضر ادعي عليك اقول ايه يا مازن يا ابن عايده
ودخلت جري خافت يونس يمسكها لما تخرج
كلهم فضلوا يضحكوا فتابع يونس بضحك مجنونه والله
زينب بضحك والله حصل .. هطلع انا بقى علشان حسام مفروض عملي عصير بقاله قرن
يونس بضحك روحي يحبيبتي
زينب بحب يلا تصبحوا على خير
يونس بحب وانتي من اهله
————————————–
عند احمد في الامارات
عبد الله انت خلاص هتمشي يعني ??
احمد بتنهيده اه حجزت وهرجع بكره هدخل دلوقتي الم هدومي
عبد الله بتنهيده خليك شويه هو انت لحقت
احمد بتنهيده لا يا عبد الله لازم امشي انا دماغي تعبت من التفكير عايز اخلص كل حاجه وابطل تفكير شويه بقى
