رواية غموض الحب عائلة الرفاعى الفصل الخامس و الثلاثون بقلم لولا
الشخص بابتسامه ابعد عنك !! وهو في واحد عاقل يبعد عن واحده شايله ابنه بردو
جودي بحده ابنك في عينك وعين اهلك يا شيخ انت ايه يا بعيد حيوااان ??? مبتحسش ???الشخص مسك شعرها جامد وتابع بحده نعم ياروح امك قولتي ايه سمعيني تاني كده ??
جودي بوجع ودموع خلاص اسفه والله… اسفه مش هتقرر تاني … سبني ابوس ايدك مش قادره
الشخص سابها وتابع بخبث وهو بيحط ايديه على خدها طب ليه يا جوجا تجبريني للعنف كده وانا بحبك ومش عايز اذيكي
جودي بحده ودموع بتحبني ايه هو انت صدقت نفسك ???
الشخص بضحك لا انتي اللي نسيتي نفسك ونسيتي اني سبب في انك هتكوني حرم مازن الرفاعي وهتاخدي كل اللي يملكه ما انتي مراته بقى
جودي بحده قولتلك انا الفلوس متهمنيش انا عايزة مازن علشان بحبه واكيد ده السبب اللي قولتهولك لما طلبت مساعدتك
الشخص بابتسامه منا عارف ياروحي انك بتحبيه بس انا بحب الفلوس ماليش علاقه بيكي انتي وهو وساعدتك ففلوسي توصلي كل ما اطلب منك علشان قسما بالله لو مسمعتيش الكلام عليا وعلى اعدائي
جودي برفعه حاجب محدش هيصدقك اعمل ما بدالك انت اصلا مش هتقدر تعمل حاجه ولا تفتح بوقك
الشخص بضحك لا اقدر اعمل كتير يا بيبي وقت الجد مش هيفرق معايا منا كده كده خسران لو مدتنيش الفلوس اللي طالبها فاهسكت ليه مثلا وحط ايديه على بطنها وتابع بابتسامه بعدين ال DNA موجود مش عيب عليكي تنكري ابني ???وده يقدر يثبت كلامي وهو ما هيصدق بقى يخلص منك فتتصدق خافي انتي على نفسك احسنلك
جودي بحده بجد بكرهك ياريت ما دخلتك حياتي يا شيخ منك لله
الشخص بضحك خلينا متفقين ان مفيش بينا حب الموضوع كله كان نزوه وكله كان بمزاجك لما الحلو نام ومقربلكيش اتصلتي اشتكتيلي علشان لو صحي وانتي لسه بنت خطتك هتفشل ومش هتعرفي تخليه يتجوزك فهيقولك ايه ده يا جودي انا اي جابني هنا هتقوليله كنت سكران وانا جبتك هيشكرك ويمشي وخلصت ومش هتعرفي تجتمعي بيه في اي مكان تاني فااتصلتي بيا وانا جيت شوفتك
وبصلها من فوق لتحت وتابع بخبث ومعرفتش مدوقش الحلويات دي الصراحه انا حتى استغبيته انه ازاي شايفك كده وقدر ينام بس يلا الحمدلله عملها وانا سديت مكانه ولا ايه وغمز
جودي اتعصبت ورايحه ترفع ايديها تضربه بلقلم فمسكها وتناها ورا ضهرها وتابع بحده ايدك دي لو فكرتي ترفعيها تاني هكسرهالك انتي فاهمه
جودي بدموع ووجع ااه حا حاضر س سبني ارجوك خلاص
الشخص ساب ايديها ولفها وشد وسطها ليه وتابع بابتسامه خليكي محترمه علشان تلاقي مني احترام لان صدقيني انا شخصيه زباله اوي زي مانتي شايفه اهو
جودي بخوف ودموع عايز ايه وليه اتصلت جبتني
الشخص بضحك ايه ياروحي خايفه ليه منا قولتلك جبتك ليه واحشاني يا ام ابني فيها حاجه دي ??
جودي بحده ودموع بقولك ايييه انا مش منهم ومش معنى كنت عايزه ادبس مازن فوافقت انك تقربلي بداله يبقي انا زباله لا خلاص غلطه وراحت لحالها سبني في حالي انا هتجوز وهعيش وهطلب من ربنا المغفره وابنك هيبقي ابني وابن مازن ليوم ما نموت فتنساني خالص انت سااامع
الشخص بابتسامه لا انا مش هنسى حاجه غير كلامك اللي اتقال ده وضحك وتابع بعدين مش حرام عليكي تسمي ابني باسم واحد تاني انتي محدش عرف يربيكي ولا ايه
جودي بعصبيه ودموع هو انت اتجننت ده ابن حرااام انت مدرك احنا عملنا ايه وانا حامل ازاي علشان زعلان اوي من انه هيبقى باسم راجل تاني بقولك ايه سبني في حالي ده انا ربنا عاقبني بحملي منك ده .. انا فكرت لمستك ليا هتعدي عادي ومازن هيصحى يلاقي نفسه جمبي وخلصت خلاص وهنسى القرف اللي عملناه وابدأ الحياه اللي انا عايزاها بس للاسف سابت جوايا بصمه تفكرني بيك طول الوقت وتفكرني اني مقرفه وزباله فارجوك سبني في حالي كفايه الهم االلي شيلاه
الشخص بدا يفتح زراير قميصه وجودي باصه عليه وهي مرعوبه فتابع وهو بيقلعه اممم كمل كملي سكتي ليه يحبيبي ورماه وتابع بابتسامه بعيدا بقي عن كل كلامك ده …مش عيب عليكي تقولي عن ابني هم ?? حقيقي انتي متستاهليش النعمه يابت ياجودي
جودي رجعت لورا وتابعت بتوتر وخوف انت عايز ايه ابعد عني اتفقنا سوا كان انه مره واحده علشان نلبسها لمازن وخلصت خلاص عايز ايه انت دلوقتي
الشخص بابتسامه خبيثه وهو بيقرب منها منا قولتلك بقى انك واحشاني اصل اناا راجل عازب وعمري ما قربت لبنت فانتي البدايه والصراحه خلاص مش هعرف ابعد عنك
جودي بدموع وخوف ابوس ايدك بلاش انا مش وحشه كده دي كانت اول واخر مره وحقيقي رغم اني هتجوز اللي بحبه الا بردو مش مسامحه نفسي وبكرها كل ما افتكر اني شايله حته منك متزودهاش عليا وتخليني خاينه
الشخص فضل يضحك بشده وتابع ما ايه ?? ما ازودها عليكي واخليكي خاينه وابتسم وتابع طب ما انتي خاينه يحبيبي وشايله ابن واحد وهتتجوزي واحد تاني فايه المشكله مش فاهم خلينا سوا كده كل ما اعوزك تجيلي وعيشي الحياه اللي عايزاها وانا اعيش الحياه اللي عايزها
جودي بحده ودموع نعمممم والقرف ده هيفضل لحد امتى انشاء الله
الشخص بابتسامه وهو بيفك زراير الشميز بتاعهاا تابع لحد ما اتجوز ويبقى معايا غيرك ساعتها مش عايز اشوف وشك تاني لان زي ماقولتلك انتي نزوة مش اكتر ورمى شميزها على الارض وفضلت ببدي حمالات
جودي بدموع وخوف علشان خاطري بلاش انا حامل والبيبي في الاول ممكن يحصل نزيف
الشخص بابتسامه خبيثه وهو ايديه بتفك شعرها وقريب منها اوي تابع وانتي فكرك هأذي ابني ده انا ابوه يعني فمتخافيش
جودي بدموع وخوف انا مش هقدر اعمل كده تاني علشان خاطري ارجوك
الشخص وطي شالها بين ايديه ودخل بيها الاوضه وحطها على السرير وقرب منها وفونها رن
جودي اتنفضت وتابعت استنى اشوف مين بيرن ارجوك مش ناقصه فضايح
الشخص هشش كبري دماغك
جودي بدموع علشان خاطري اشوف مين بس
قام فتح شنطتها وتابع بتنهيده مازن
جودي اتعدلت وتابعت بخوف ايه مازن هاته اشوفه و
الشخص بمقاطعه هشش مش هتردي اصلا وقفل الفون ورماه على جمب
جودي بخوف يخربيتك انت اتجننت هيقولي كنتي فين هقوله ايييه كنت سبني ارد علييه
الشخص وهو بيقرب منها تابع بابتسامه ركزي معاياا وانا هقولك تقوليله ايه وقرب منها اكتر وهي قبلته رغما عنها
وبعد شويه وقت بعد عنها وتابع وهو بيلبس يلا غوري ولو سالك قوليله كنت بجيب ادويه ناقصه من صيدليه بعيده والفون فصل شحن هركبك تاكسي وهتوصلي بسرعه
جودي لفت الملايه حواليها وتابعت بدموع حاضر
الشخص بصلها بضيق وهو بيقفل زراير قميصه وتابع مضربتكيش بلنار اعدلي وشك ده علشان الوقت اللطيف ده هيتقرر كتير فمش كل مره تقلبيهالي مناحه ده انتي معملتيش كده ومازن معانا
جودي بحده ودموع علشان بنت كلب ومتربتش وغلطانه اني فكرت بلاسلوب الحقير ده علشان اتجوزه بس قولت غلطه ومش هتقرر انما انت الظاهر انها عجبتك
الشخص بضحك وهو بيسرح شعره الصراحه اه اكدب عليكي يعني عجبتني وهتفضلي تحت امري وده غصب عنك مش بمزاجكك
جودي بحده انسى بجد خلاص كفاياك قرف لحد كده خليني اعيش مع جوزي وابني في امان
الشخص بعصبيه قولتلك امتى دي انا اللي احددها ياروح امك رغي كتير مش عااايزز
جودي بعصبيه اللي تسمع كلامك بقى وريني هتعمل ايه
الشخص شاور علي كاميرا في الاوضه وتابع بابتسامه خبيثه لا من ناحيه اقدر اعمل فانا اقدر اعمل كتير … يعني مثلا الوقت اللطيف اللي بينا ده واللي واضح فيه انك مسالمه ومش معترضه اتصور وعملت كده علشان لما الشجاعه تاخدك زي دلوقتي كده وتعلي صوتك اعرف اخرسك خالص … ووشي انا علشان مشبهش نفسي اقدر جدا العب فيه بلذكاء الاصطناعي انما النهايه واحده قدام مازن انك زبااله
جودي بعصبيه ودموع اااه يا ابن الكلب يا زباااله
الشخص ضربها بلقلم بقوه وقعها على الارض وتابع بحده ده انا هوريكي ابن الكلب الزباله ده هيعمل فيكي ايه الفتره الجايه بس الصبر
جودي حطت ايديها بوجع على خدها وتابعت بعصبيه ودموع قسما بالله لو فكرت تعمل كده لابلغ في القسم عنك واقول انك اعتديت عليا والتحليل بينا وهثبت انه ابنك واحبسك واخربها عليك وعلى اللي جابوك
الشخص وطي على ركبته قدامها وتابع بتمثيل لالا يحبيبتي اوعي تعملي كده انتي عايزه توديني في داهيه ده انا خوفت .. خوفت اوي يعني بعيدا عن الفيديو ده اللي لو الحكومه شافته هيبان انك راضيه وزباله عادي بس انا حقيقي خوفت اوعي تعملي كده بجد هاا ومسك شعرها جامد فصرخت بوجع وهي بتعيط فتابع بعصبيه اقسم بالله العظيم بعيداا عن اني هطلع منها زي الشعره من العجينه وانتي هتتفضحي بس قبل ماتفكري اصلا تعمليها لتقابلي وجه كريم انتي واللي في بطنك هو ميفرقليش اصلا فقبل ماتفكري في خطوه زي دي يا جودي احسبيها كويس وفكري انتي واقفه قصاد مين وابتسم بتمثيل حنيه وتابع ماشي ياروحي ???
جودي بخوف ودموع هزت راسها كتير بحاضر وتابعت حاضر والله انا اسفه
الشخص قرب باسها بشهوه وتابع بابتسامه برافو يحبيبي وبصلها من فوق لتحت وهي قاعده بلملايه وتابع بابتسامه قومي بقى يا قلبي البسي وامشي علشان متبرديش ده انتي ام ابني بردو
جودي بصتله بكرهه وخوف والدموع في عينيها وهزت راسها بحاضر
———————————————
عند امنيه وحسام في بيتها كان بيفطر عندهم وقاعدين مع بعض على السفره
سميه بحب ما تاكل يا ابني سرحان في ايه
محمد بضحك تلاقيه لما عرف ان امنيه اللي محضره الاكل بيشاور عقله مياكلش
امنيه بضحك اخص عليك يا بابا بجد طب والله انا اكلي حلو ماترد يا حسام
حسام بضحك لا والله يا عمي ده اكلها زي العسل انا بس بالي مشغول بكام حاجه كده في الشغل
امنيه بحزن مالك يحبيبي في ايه
حسام بحب نخلص اكل ونتكلم
سميه طبطبت على كتفه لانه جمبها من ناحيه وامنيه جمبه من الناحيه التانيه وتابعت بابتسامه ربنا يقويك يا ابني ويعينك
حسام بحب يارب يا امي بجد
امنيه بحب كمل اكلك واعملك احلي كوبايه شاي ونقعد نحكي براحتك
حسام بحب حاضر اهو والله وابتدى ياكل بلفعل وبعد شويه قامت امنيه مع سميه ولموا الاكل ودخلوا يعملوا شاي
محمد بحب ايه اخبار توضيب شقتك
حسام بحب خلاص يا عمي شهر بلكتير وتخلص وزي ما امنيه مختارها بلظبط انا اصلا جبت مهندسه ديكور واديت رقمها لامنيه واتعاملوا سوا تقولها كل طلباتها علشان انا ماليش في الكلام ده هي اللي هتقعد فيها فتختارها ولما بيتطلب مني فلوس بدفعها
محمد بضحك اه والله يا ابني علي رايك البنات دي عليها حركات وعايزه لون معين وشكل معين وحاجه غريبه
حسام بضحك اه بلظبط كده فاهي تختار براحتها بقي انا مش فاضي للكلام ده الصراحه واهم حاجه تكون هي عجباها
محمد بحب ربنا يكملكم على خير يا ابني
حسام بحب يارب يا حج بس بمناسبه الشقه والكلام ده انا شهر بلكتير وهخلص شقتي ماتقدم معاد الفرح ونخليه بعد شهرين بدل ال6 شهور اللي فاضلين لسه دول
محمد بضحك مستعجل اوي على الهم انت
حسام بضحك مش مساله مستعجل بس ما خير البر عاجله هي عايزاني وانا عايزها والشقه هتخلص وهي بردو مش فاضل في جهازها كتير الله يباركلك مش مقصر يعني بس بصراحه انا شغلي بعد ال 6 شهور مش مضمون خالص وهيبقى تقيل الصراحه فعايز استغل الفتره دي
محمد بحب على العموم يا ابني انا مش معترض نشوف امنيه وعلى خير الله
حسام بحب خير باذن الله
امنيه جات وحطت الشاي على الترابيزه وقعدت جمبه وتابعت بابتسامه الشاي اهو
حسام بحب تسلم ايدك يا حبيبتي
محمد بحب حسام عايز يكون جوازكم بعد شهرين بدل سته ايه رايك يا امنيه
امنيه اتصدمت وتابعت شهرين !!! لا طبعا ليه شهرين ما خلينا زي ما احنا فيها ايه 6 شهور
حسام استغرب من رفضها وتابع وانتي هيفرق معاكي ايه يحبيبتي اما جهازك والشقه هيكونوا خلصوا في المده دي واحنا جاهزين مستنيه ايه مش فاهم ???
امنيه بتنهيده مش مساله مستنيه بس مبحبش حاجه تيجي بسرعه فاهم
حسام بستغراب لا مش فاهم الصراحه اما انتي عايزاني وعايزك لازمته ايه التاجيل
امنيه بتوتر يحبيبي انا مش قد المسئوليه اني اتجوز بعد شهرين فاهمني
حسام بحده فاهمك ايه يا امنيه على اساس ان الاربع شهور الفرق هيخلوكي قد المسئوليه
امنيه نفخت بضيق وتابعت يا حسام مش كده بس انا مش مهيئه ان فرحي بعد شهرين انا اتهيئت انه لسه 6
حسام بحده هو انا بقولك بكره ?? انا بقولك بعد شهريين يعني لسه قدامك فتره كويسه
امنيه بتنهيده حزينه ياحبيبي والله فاهمه بس انا بصراحه م
حسام بمقاطعه وبحده ولا بصراحه ولا بكدب اعتبري مقولتش حاجه انا بعتذر يا عم محمد وخلاص خليها زي ماهي ماشيه ماشيه منا مش هكون عايز اليوم يقرب لوحدي وهي مش عايزه فخلاص عن اذنكم هعمل مكالمه وقام دخل البلكونه اخر الصالون
سميه بصتلها بحده وتابعت حلو كده يعني
امنيه بحزن يا ماما والله مقصدش اللي فهمه بس انا فعلا اتهيئت انه لسه بدري مش عايزه اعك الدنيا
محمد بتنهيده قومي راضيه يا امنيه عيب ياحبيبتي خطيبك ظابط ومش فاضي اغلبيه الوقت يمكن شايف الفتره الجايه اهون من بعدين علشان منعرفش الجاي ايه وحس انه عايز يوم فرحكم باسرع وقت وانتي بترفضي الفكره
امنيه بضيق والله دماغه ناشفه انا مقصدش كده
سميه اسمعي كلام ابوكي وقومي شوفيه
امنيه بضيق حااضر ياربي عليك يا حسام
ودخلت البلكونه لقيته واقف بيشرب سجاير وسرحان فشدتها منه ورمتها وتابعت بضيق 100 مره اقولك متشربهاش قدامي
حسام بحده انتي اتجننتي يابت انتي ولا ايه نهار ابوكي اسود ازاي تعملي كده
امنيه بحده لا متجننتش بس قيلالك ومعرفاك انا مبحبش الاسلوب ده وفكرتي عن الشخص اللي هيكون في حياتي انه
حسام بحده وبمقاطعه وانا مش الشخص اللي في خيالك يا امنيه انا حسام الرفاعي شخصيتي ، طريقتي ، قناعاتي ، كل حاجه فيا مختلفه مش هاجي زي ما حضرتك راسمه بلظبط ومفروض طلما بتحبيني تقبليني زي منا مش تعدلي فياا علشان تكوني صوره رسماها في خيالك
امنيه بحزن حسام انا مقصدش اعدل فيك بس فعلا دي مضره انا خايفه عليك و
حسام بمقاطعه وبحده : مطلبتش رايك ولا قولتلك خافي عليا انا من زمان كده ومش هعرف اتغير دلوقتي فمش كل شويه خناق على نفس الموضوع انا حقيقي تعبت فقصري بقى في الكلام علشان مش طايق نفسي
وطلع سجاره غيرها وولعها بلولاعه وبص قدامه على الشارع ونفخ دخان السجاره بضيق
امنيه فضلت تكح وتهوي بايديها وبصتله بحزن
فنفخ حسام بضيق وتابع اخرجي برا لحد ما اخلصها
امنيه بحزن اهون عليك يعني واقفه اتكلم معاك تقولي كده !!
حسام بص الناحيه التانيه وهمس استغفر الله العظيم يارب وبصلها وتابع اخرجي برا يا بنت الناس مش عايز صوتي يعلى عليكي
امنيه بابتسامه لا قاعده معاك
حسام بضيق خلاص والله براحتك ميخصنيش وبص قدامه ونفخ دخان السجاره
امنيه فضلت تكح اكتر فبصلها بطرف عينيه ونفخ بضيق ورمى السجاره على الارض وداس عليها برجله طفاها
امنيه بضحك بحبك والله
حسام بضيق طيب
امنيه بضحك ضربته في كتفه وتابعت متقباش رخم بقى خلاص حقك عليا
حسام بتنهيده امنيه انا همشي ونكمل كلامنا بعدين علشان حقيقي تعبان والقسم الفتره اللي فاتت قطم ضهري ولسه رايح اكمل
ورايح يخرج امنيه مسكته بسرعه وتابعت بلهفه لالالا حقك عليا والله نخلص كلامنا وروح براحتك
حسام بتنهيده خير
امنيه بحزن انا مش عايزاك تفهمني غلط كل الحوار انا متوتره وفضلت تلعب في صوابعها وهي بتتكلم وتابعت وبصراحه مكنتش مهيئه نفسي اني بعد شهرين هتجوز خلاص قولت لسه 6 شهور وكنت مرتبه نفسي اني هعمل حاجاتي كلها في الفتره دي فا فاجاه كده دي خضتني بس مش اكتر انما مش قصدي اللي انت فهمته ابدا يا حسام
حسام بتنهيده وحاجتك دي متخلصش لو بدائتي فيها من بكره يا امنيه ?? ده زينب اختي فرحها على اسر اتحدد بعد 3 ايام من الكلام ورغم انه مكملش زي ماقولتلك الا انها ماصدقت بقيت مع عمر ومرضيتش تاجل وكتبت الكتاب وروحت معاه من غير فرح وكفايه عليها انها مع حبيبها وانا بقولك شهرين وهعملك فرح تقوليلي حاجتي ومش مهيئه
امنيه بتوتر تخلص اه لو بدات من بكره عادي بس بصراحه حاسه نفسي مش قد المسئوليه
حسام بحده هو انتي تخرجي من مشكله تخشي في غيرها بقولك ايه يا بنت الناس لو مش عايزة تكملي عرفيني انما ملهاش لازمه كل الحجج الفارغه دي
امنيه بحزن انت ازاي تقولي كده لا طبعااا ربنا يعلم انا بحبك ازاي يا حسام ومسكت ايده وتابعت بحزن حبيبي انا وحيده وعشت طول عمري اهلي بيعملولي كل حاجه يعني زي ماتقول ياسيدي مدلعه شويتين فحاسه ان فتره الخطوبه هي الفتره اللي هعرف فيها اذاكر لاخر سنه دراسه علشان مش شايله هم بيت انما يحبيبي تخيل لو اتجوزنا وحملت هيبقى بيبي والشقه والدراسه وضحكت وتابعت وابو البيبي فكتير الصراحه
حسام تنهد بعمق وبصلها وتابع اللي يريحك يا امنيه بس انا بعد 6 شهور دي احتمال كبير جدا اسافر عندي شغل في القاهره وهقعد هناك فتره مش قليله نهائي واللي جاي حقيقي اصعب من اللي فات في شغلي وقولت نتجوز خلال شهرين علشان الاربع شهور اللي قبل المهمه دي اكون جمبك انما كده هتجوز ومش هكمل واسافر
امنيه بخوف مهمه ايه دي ?? وازاي شكلها ضروريه كده
حسام متشغليش بالك ده حوارات كتيره انا بس فهمتك قصدي انما اكيد مش هبقى اناني واجي عليكي انتي مش قد المسئوليه فخلاص يحبيبتي براحتك يلا همشي انا
امنيه مسكته بسرعه وتابعت بلهفه لالا استنى مالك مستعجل على المشي ليه يا حسام اهدى
حسام بتنهيده والله غصب عني
امنيه بحب طب بص انا موافقه بس ممكن تعذرني لو قصرت في حاجه في البدايه وتساعدني لحد ما اتخرج واتعود واهو نستغل اول اربع شهور قبل انشغالك
حسام بفرح يخرابي ده انا عيوني ليكي اساعدك واعذرك طبعا ورفع ايديها باسها بحب
امينه بابتسامه ايدك بقى على فلوس الفستان يا باشاا علشان انا هفصله وهياخد وقت
حسام بحب قلب الباشا وطلع الفيزا من المحفظه وتابع شوفي هتصرفي ايه وخليها معاكي لحد مانتقابل
امنيه بضحك انت قد الحركه دي خاف على فلوسك واديني الفلوس بلظبط احسنلك
حسام بضحك لالا ولا يهمك يحبيبي براحتك يلا همشي انا
امنيه استنى بس هتمشي من غير فلوس ??
حسام بضحك يا امنيه انتي بينك وبين المشيان تار كل ما اجي امشي تمسكيني وتقوليلي استنى .. يحبيبتي اتاخرت ومعايا غيرها اكيد مش هديهالك وامشي مفلس يعني
امنيه بضحك ماشي يحبيبي ربنا يزيدك روح خلاص
حسام باس جبينها وتابع يارب ياغاليه يلا همشي انا بقى هاا
امنيه بضحك ماشي
وخرجوا فتابع حسام بحب عايز حاجه يا عم محمد
محمد بحب سلامتك يا ابني رايح فين منتا قاعد
حسام بحب وقت تاني يا غالي متاخر على القسم وبص لامنيه وتابع اي وقت هتنزلي تروحي حته عرفيني
امنيه حاضر
حسام بحب يلا السلام عليكم
سميه بحب وعليكم السلام يا ابني
ونزل
——————————————-
في بيت الرفاعي قاعدين كلهم متجمعين بعد الفطار معادا يونس وسيف وحسام واحمد
نور بقلق اهدى طيب خير باذن الله زمانها جايه
مازن بعصبيه انا عايز اعرف بتغور فين من غير ما تعرف حد دي
ياسمين كانت قاعده مش طيقاه بسبب قلقه عليها وباصه للفون بتسكرول وساكته
عايده طب ما ممكن تكون سافرت لامها يا مازن
مازن بحده يا امي ما ترد على اهلي تطمني واكيد لا طبعا ازاي تسافر من غير ما تعرف حد هي بتستعبط
منصور بتنهيده اهدى هتيجي وانشاء الله خير تلاقيها هنا ولا هنا متخافش
صافيه بتنهيده ربنا يهدي سركم يا ابني واحده واحده عليها البت حامل
ايمن ولا واحده واحده ولا نيله ياما مفروض تحترمه اكتر من كده ده هيبقى جوزها يعني مينفعش تنزل من وراه وحتى مش مكلفه خاطرها ترد ايه هو ده
نور بقلق بس يا بابا الله يخليك هدي النفوس
معتز بتنهيده والله يا بنتي ابوكي مغلطش احنا اللي في جيل ما يعلم بيه الا ربنا
نرمين بحب ما سلفتها اهي زي السكر عمرنا سمعنا صوتها هي واحمد
شهد اضايقت جدا وقلبها وجعها ونفخت بضيق وسكتت
ياسمين قلبها وجعها وابتسمت بكسره وتابعت تسلميلي يا مرات عمي
مازن بص لياسمين بوجع بعدين رفع الفون على ودنه تاني يكلم جودي
ولقاها داخله الشقه وحاطه ايديها على بطنها وباين عليها تعبانه فتابعت عايده بلهفه اهي جات اهي الحمدلله
مازن مسك دراعها جامد وتابع بعصبيه انتي كنتي فين يا هاانم من ورايااا وبتصل باهلك مش بتردي علياااا
جودي بخوف كنت .. كنت بجيب علاجي اهو ورفعت الشنطه وتابعت بتوتر ودموع حقك عليا بس لما صحيت تعبت جامد وكلهم كانوا هنا محدش فوق جمبي فنزلت قولت اجيبهم بسرعه واجي بس الصيدليه اللي فيها الادويه بعيده فتاخرت
مازن بعصبيه وانتي ازااي اصلا تنزلي من غير ماتعرفيني انتي حامل في ابني وصحتك زي الزفت وقسما بالله لو حصله حاجه من ورا اهمالك ولا انتي ولا 100 زيك هيتخيلوا هعمل فيكي ايه وبعدين اتنيلتي غلطتي ونزلتي من ورايا اقوم اتصل بيكي مترديش انتي اتجننتي يا جودي ولا اييه مش انا اللي تبقي معايا اللي تعمل كده
جودي بدموع وخوف حقك عليا يا مازن انا اسفه مش هتقرر تاني والله انا فعلا غلطت معترفه بس الفون بص ووريته فونها وتابعت بدموع صامت والله مشتوفوش ولا سمعته انا مش هرد عليك ليه يحبيبي وبعدين ماهو ابني زيي زيك ونزلت جري اجيب الدوا معلشان خايفه على صحته بلاش طريقتك دي ارجوك ومثلت التعب
صافيه بقلق راحت حضنتها وتابعت بس بس اهدي خلاص يا ابني انت مش شايف شكلها ما باين عليها التعب صح اهدى عليها مش كده يا مازن
مازن بحده هسيبك علشان تيته ادخلت بس قسما بالله يا جودي تقرريها تاني لهتشوفي مني وش عمرك ما شوفتيه علشان لا عاش ولا كان اللي تعمل حاجه من ورايا ولا متردش على تليفوني ده انا اكسرها تحت رجلي ومش هيفرقلي حد ولا هيهمني
ياسمين ضحكت بسخريه فلفتت الانتباه فبصتلهم وتابعت بضحك وسخريه: نكت سخيفه اوي بتنزل الفتره دي على الفيسبوك حقيقي مش فاهمه ايه ده
شهد بضحك في عالم موازي دي
ياسمين بضحك يا بنتي احلى اصل انا مبدخلش في اللي ميخصنيش ومركزه في الفون خصوصا كنت بقرا روايه البطل فيها بيحب اللي بتديله فوق دماغه واللي عاشت تقوله حاضر ونعم يابت يا شهد مشافتش منه خير اشكال عره بعيد عن السامعين وبصت للفون تاني
شهد بضحك ده هما كده فعلا يابنتي والله مش روايات بس
مازن غمض عينيه بضيق وكور ايديه بعصبيه لانه فهم قصدها وبص لجودي وتابع مش هقرر كلامي تمام
جودي هزت راسها ب حاضر كتير وتابعت حاضر والله
مازن بتنهيده قالك ايه الصيدلي
جودي بتوتر زي ما قالت الدكتوره واداني ادويه تقويني وتثبت الحمل
مازن بتنهيده سلامتك اتفضلي اقعدي افطري نور هتجبلك تاكلي وخدي علاجك مش عايز اهمال
جودي بابتسامه حاضر والله
مازن بتنهيده تمام انا ماشي ورايح يمشي جودي مسكت ايده وتابعت بابتسامه حبيبي استنى
مازن بص لايديها اللي ماسكه ايده ورفع نظره ليها وتابع خير
جودي بحب وابتسامه مش عايزاك تزعل مني يروحي انا فعلا كنت غصب عني ووالله مش هتقرر تاني وهكلمك قبل اي حاجه طبعا بس اعمل ايه في ابنك اللي تعبني ده من اولها كده
مازن بتنهيده تمام يا جودي خلاص محصلش حاجه ربنا يقويكي ويقومك بالف خير
جودي ابتسمت ووقفت على اطراف صوابعها وحضنته وده خلاهم كلهم يستغربوا وياسمين اتصدمت وقلبها وجعها جدا والدموع اتجمعت في عينيها وجودي كانت حاضنه مازن وباصلها بشماته وتابعت يارب يحبيبي
مازن غمض عينيه بضيق ونزلها براحه وابتسم بمجامله وتابع همشي خلي بالك من نفسك وعوزتي حاجه كلميني
جودي بحب عايزة سلامتك
مازن ابتسم بضيق ونزل وهو بينفخ ومش طايق نفسه وياسمين كانت قاعده مصدومه من اللي بيحصل وسرحانه فرن فونها قطع انتباها وكان احمد فتنهدت بحزن وقامت ترد في البلكونه
ياسمين ايوه يا احمد
احمد ايه يا سمسم ايه اخبارك
ياسمين في نعمه نحمد ربنا وانت طمني عليك جاي امتى
احمد بتنهيده هانت خلاص بس عايز لما ارجع نتكلم كلمتين
ياسمين بستغراب خير
احمد بحب لا خير عادي متقلقيش بس حابب نتكلم في حاجه
ياسمين بحب طب ما قول سمعاك
احمد بحب لالا خليها وش لوش احسن علشان نعرف نتكلم بوضوح
ياسمين بتوتر احمد انت قلقتني
احمد بحب صدقيني مفيش داعي لاي قلق الموضوع ابسط من كده هنزل قريب باذن الله ونتكلم
ياسمين بحب ترجع بلسلامه يارب
احمد بحب يارب طمنيني عليهم كلهم عاملين ومازن عمل ايه في المصيبه اللي عنده دي
ياسمين بتنهيده كلنا بخير يا احمد متقلقش ومازن مراعي ربنا في جودي وبيخلي باله منها ربنا يسعدهم
احمد بتنهيده يعلم الله يا بنتي انا اتصدمت لما حسام حكالي اللي هو لا اكيد في حاجه غلط اخويا ميعملش كده حقيقي مصايب بتيجي الواحد مش عامل حسابها اصل حتى لو مش عايز جودي فبقى مجبر
ياسمين بوجع عادي جودي بنت زي اي بنت هتعرف تسعده وتلبي احتياجه مش لازم الحب لان مش كل حاجه بيختارها القلب بتنفعنا
احمد بتنهيده معاكي جداا اوقات كتير فعلا القلب بيضرنا
ياسمين بوجع بلظبط كده فاهي نصيبه خلاص ربنا يسعدهم
احمد بتنهيده يااارب … صحيح البت شهد اخبارها ايه جمبك ??
ياسمين بحب اه ثواني هنديهالك برا وخرجت شاورتلها ودخلت فشهد قامت وراها
شهد بستغراب ايه في ايه
ياسمين بحب امسكي احمد عايزك
شهد ابتسمت بوجع وخدت منها الفون وتابعت بتنهيده عميقه الو ازيك يا احمد
احمد بحب ايه يا دكتورتنا عامله ايه طمنيني عنك
شهد بابتسامه حزينه الحمدلله وانت
احمد بضحك مش بخير خالص يا غداره هان عليكي صاحبك كل ده في الغربه متساليش عليه
شهد بوجع معلش يا احمد انشغال مش فاضيه دقيقه افكر في حاجه
احمد حس ان طريقتها متغيره فتابع شهد انتي كويسه ?
شهد بتنهيده اه كويسه مالي يعني
احمد مش عارف بس حاسس عكس كده صوتك مش بيقول انك كويسه
شهد مسكت دموعها بلعافيه وتابعت لا متخافش كويسه جدا خلي بالك انت من نفسك
احمد بتنهيده مش حاسس بس ما علينا لما اشوفك نتكلم اكتر في الكلام ده
شهد ترجع بالف سلامه يارب
احمد بحب يارب يحبيبتي عايزه حاجه
شهد بتنهيده سلامتك
احمد بحب طب يلا باي وقولي لياسمين اني قفلت علشان المدير جاي
شهد تمام باي وقفلت وبصت لياسمين وتابعت بابتسامه حزينه مديره داخل فقفل
ياسمين بحب خلاص ماشي وخدت منها الفون وشهد طلعت تذاكر
جودي بتمثيل تعب انا طالعه اريح شويه
نور بحب تعالي هساعدك في الشاور اللي طلبتيه مني وبعدين نامي
جودي بحب هتعبك اوي ينورعيني
نور بحب بس يا هبله ده انتي اختي وهتبقي مرات اخويا
جودي بحب اللهم امين يارب
صافيه بحب خلي بالك منها يا نور
نور بحب في عيني والله
———————————————-
عند عمر وزينب
زينب واقفه تعمل اكل في المطبخ وعمر صحي من النوم ملقهاش جمبه فقام يدور عليها لقاها في المطبخ
زينب شافته ابتسمت وتابعت بحب صباح الخير يحبيبي
عمر وهو بيتاوب صباح القمر يا قلب حبيبك وباس جبينها وتابع بتعملي ايه كده
زينب بحب صنيه بطاطس بلحمه استوت اهي وفاضل الرز
عمر بستغراب مش بدري كده ده غدا وبص للساعه وتابع ده احنا لسه الضهر
زينب بضحك منا عارفه بس نفسي راحتلها فقولت والله لاعملها عادي بقى
عمر بحب يخرابي اعملي يابابا اللي انتي عايزاه ميبقاش نفسك في حاجه
زينب ابتسمت بحب وتابعت حبيبي… عمر لو مش عايز الاكل ده ممكن تفطر حاجه خفيفه سيبك مني
عمر بضحك لا انا كده كده هسبني منك لان انا مينفعش اتقل كده فهاكل معلقتين ولا حاجه وخلاص
زينب بضيق طب متفكرنيش طيب وفتحت غطا الرز وبتقلب
عمر بضحك حاضر خلاص مش هتكلم تاني
زينب بستغراب ماله ده اتعجن كده ليه
عمر بص للرز وتابع بضحك تاني يا زييينب
زينب بضحك لا بجد ماله منا معليه النار اهو وغطيته
عمر بضحك معليه ايه ?? يحبيبتي مينفعش الرز مجرد مايغلي بتوطي النار خالص انتي ايه اللي بتهببيه ده
زينب نفخت بضيق وتابعت والله انا مش نافعه في جواز اتخنقت وسابت المعلقه وطفت النار بضيق
عمر بضحك وغمز لا الشهاده لله نافعه في الجواز هو بس مش نافعه في الطبخ
زينب فضلت تضحك وتابعت ياعمر اتربى بجد
عمر بضحك بحاول صدقيني بس مبعرفش امسك لساني ومسك المعلقه يقلب وتابع على فكره انا عرفت المشكله في ايه
زينب بضيق في ايه ??
عمر بضحك هو الرز اتخانق مع بعضه في الحله فعجنو بعض انما انتي ملكيش علاقه بلموضوع ده
زينب فضلت تضحك وتابعت لا يا شيخ
عمر ساب المعلقه وشد وسطها بحب وتابع اه طبعا انتي بتشككي في كلامي ولا ايه اصل انا مراتي مفيش اشطر منها في الطبخ فاكيد مش مشكلتها
زينب بضحك نورعين مراتك
عمر سند جبينه على جبينها وتابع بحب طب بمناسبه الكلام الحلو ده تعالي عايزك في موضوع مهم
زينب بضحك لا عاارفه انا مواضيعك المهمه وغمضت عينيها بضيق وتابعت ابعد يا عمر معلش ايه ده
عمر بستغراب ايه في ايه
زينب بضيق انت حاطط برفيوم نوعه ايه خانقني اوي
عمر بستغراب زينب انتي بتستعبطي ده نفس البرفيوم اللي بحطه من ساعه ما اتجوزتك وكنتي بتحبيه انا مبحطش غيره
زينب بضيق لالا ابعد معلش حاسه ريحته بقيت وحشه وبتخنق وحطت ايديها على بوقها بقرف كانت هترجع
عمر بضحك يخربيت اهلك للدرجه دي وشم نفسه وتابع بضحك زينب متهزريش ده غالي اوي وريحته حلوه مالك
زينب بقرف لالا ابعد علشان خاطري قلب بطني وخرجت من المطبخ بسرعه ودخلت رجعت
عمر دخلها بسرعه وتابع بقلق وهو بيطبطب على ضهرها زينب اانا قلقان عليكي ماتعالي نكشف يحبيبتي
زينب بتعب لالا انا مبحبش الدكاتره ولا العيادات انا زي الفل والله متقلقش لو تعبت اوي هقولك وفضلت تغسل وشها
عمر مسح وشها وخدها في حضنه وباس راسها وفضل يطبطب عليها وتابع انتي كويسه
زينب بحب اه والله كويسه متخافش يحبيبي
عمر بحب والله انتي روح حبيبك وقرب باسها بحب وفك توكه شعرها وشالها بين ايديه ودخل اوضتهم حطاها بهدوء على السرير ومال وهو بيبوسها بحب وزينب حاطه ايديها حوالين رقبته بس مش زي عادتها بعدين همست بضيق عمر
عمر وهو ساند جببنه على جبينها تابع بحب ايه يحبيبتي
زينب بتعب حقك عليا بس مش قابله حاسه نفسي قرفانه
عمر بصدمه مني !!! طب ازاي يعني مش فاهم انتي فعلا شيفاني بتنفري من ريحتي !!!
زينب بضيق لا طبعا مش كده يحبيبي بس انا اكيد شامه غلط انا عارفه انك بتحط برفيوم انا بحبه اصلا بس والله فعلا مش قادره حاولت بس مش قادره في حاجه غلط
عمر قام وتابع بتنهيده لا وعلى ايه تحاولي مش للدرجه دي يعني خلاص قومي
زينب بحزن عمر انا مقصدش
عمر بتنهيده وهو بيلبس تيشرته وانا مقولتش تقصدي عادي يحبيبتي محصلش حاجه
زينب قامت وقفت ومسكت ايديه وتابعت بحزن يحبيبي هو انا عمري مانعت نفسي منك مالك بس قلبت وشك كده ليه
عمر بتنهيده زينب انا مقصدش كده طبعا متفهمنيش غلط ابوس ايدك كله الا حاجه زي كده ده انتي لو مودك مش متظبط ورفضتي هقبل طبعا دي بلذات مش بلعافيه بس انا مضايق من الاحساس اللي حساه فيا اصل انا كل ما هقرب منك هتقرفي كده مش معقوله يعني نكشف ونشوف مالك
زينب فكرت وتابعت بفرح في سرها معقوله اكون حامل !!!! والدموع اتجمعت في عينيها من الفرح وبصتله
عمر بصدمه ايه ده مالك في ايه انا مقصدش ازعلك حقك عليا خلاص
زينب في سرها لما اتاكد هقوله بلاش اخليه يعشم فتابعت بابتسامه لا يحبيبي عادي ومسحت دموعها وتابعت انا بس مبحبش اقصر معاك او ازعلك مني
عمر باس جبينها وايديها وتابع بحب بس يا هبله انتي اخر حد يفكر اني ممكن ازعل منه او احس بتقصير من ناحيته انا لو زعلت فقولتلك من احساسك ناحيتي انما مش من رفضك ليا لان ده حقك كده كده ماهو مش بلعافيه حتى لو مش حاسه بتعب
زينب بحب وانا عمري ما اعمل كده بس حقيقي غصب عني
عمر بحب عارف ينورعيني والله خلاص حصل خير تعالي بس نشوف هتاكلي ايه ولا هتعملي ايه في الرز ده
زينب بضحك هاكله عادي اومال هرميه معجن معجن بقى
عمر بضحك لا طبعا سيبك منه وتعالي اخدك نفطر برا ايه رايك
زينب بفرح يحبيبي موافقه جداا وحضنته
عمر ابتسم بحب وطبطب على ضهرها وتابع بضحك مفيش قرف دلوقتي هاا
زينب بضحك لا مش اوي في والله بس مقدرش محضنكش
عمر بحب طب ونفوت على الدكتوره بلمره ارجوكي ريحيني
زينب بحب خلاص ماشي
عمر رايح يتكلم فونه رن فكان سيف فرد وتابع ايه يغالي طمني عليك
سيف بضحك لا هطمنك عليا كتير الفتره الجايه سيبك مني واجهز يلا راجعين سينا
عمر بصدمه نعم راجعين فين ??
سيف بستغراب سينا يا عمر اومال هنغور فين مش فاهم ….انا خلاص سلمت عليهم عندي في البيت وجهزت وجاي اخدك فاخلص مش عايزين نتاخر المشوار بعيد جدا
عمر بضيق يارب بقى بجد هو انا لحقت يا سيف ماتقول للعميد ان عمر زفت عريس جديد وسبني كام يوم وهجيلكم والله انما مش خبط لزق كده
سيف بحده هو انت يالا مش نازل اجازه من قبل المهمه ساعه لما ايدك اتنيلت اتكسرت وبعدين اتجوزت بقالك اسبوعين اهو في ايه ياعمر ماتظبط كده مش عايزين دلع ولا انت اتعودت على النوم في حضنهاا مش فاهم
عمر بضيق خلاص يا سيف هجهز اهو
سيف بحده عمر انا مش عايز استعباط قسما بالله هلاقيك مش مظبوط هناك اروقك ومفيش عندي هناك جوز اختي ولا اخوياا كلكم واحدد
عمر بتنهيده عارف والله حاجه زي كده
سيف بحده اصل بيجوزوهم بيخيبوا ولا ايه انا عارف انك هتتعب اهلي وقت الرجوع واعمل حسابك فيها شهر
عمر بضيق يا عم ولا اتعبك ولا تتعبني سلام دلوقتي علشان اجهز
سيف بضحك يا ابني انت اتجننت ?? الدلع مع زينب جننك صح ??? فهمني طيب اصل محسسني ليه انك ابني وبنزلك الحضانه بلعافيه بجد مش فاهم
عمر بحزن لا عادي مفيش حاجه هقفل معاك انا علشان اجهز
سيف بتنهيده اقفل يا عمر اقفل عليا العوض في النقيب بتاعي خلاص وقفل معاه
زينب بتوتر ايه في ايه اوعى تقولي راجع سينا
عمر نفخ بضيق وتابع وهو بيفتح الدولاب بيجيب شنطه السفر هتنيل للاسف
زينب بدموع عمر متهزرش احنا لحقنا
عمر بتنيهده طب متقوليش الكلام ده قدام اخوكي لما يجي علشان متعصب عليا لوحده وفعل وضع القائد قبل مانوصل حتى
زينب بدموع انت فعلا ملحقتش وبعدين فاجاه كده يقولك يلا رايحين طب ينبهك طيب
عمر بتنهيده اكيد اتفاجئ هو كمان عادي بيحصل كده وممكن لو عارف ساب فرصه ان يخليني اعتذر كام يوم معرفش فقالي .. المهم يلا ساعديني في الشنطه معلش قبل مايجي
زينب بحزن ودموعها على خدها تابعت اوعى انت روح خد شاور واجهز وانا هعملهالك هتقعدوا قد ايه
عمر بتنهيده شهر
زينب بصدمه يالهوي ليه شهر
عمر بضحك زينب دي اقل مده وانتي عارفه فمش عايزك تتصدمي بعد كده فاتعودي
زينب تنهدت بعمق وتابعت تمام روح انت خد شاور
عمر داخل ومعلش لحد ما اخرج ابقي طلعيلي الافرول والبياده من الدولاب هما كذا واحد طلعي واحد وحطي التانين في الشنطه
زينب بضحك لا ثواني بس ايه البتاع اللي انت قولت عليه ده اطلعهم ازاي وشكلهم ايه
عمر ضرب على جبينه وتابع بضحك انا اللي غبي هتفهمي ازاي صح لبش الجيش والجزمه بتاعه الجيش يا زينب اخر صف في الدولاب هتلاقيهم
زينب بضحك طب ماتقول اللبس والجزمه بتوع الجيش ده انتوا عليكم حاجات غريبه
عمر بضحك معلش خليها عليكي احنا لينا لغه في كل حاجه
زينب باستوعاب بعدين ثانيه واحده .. ثانيه بس جزمه ايه اللي في الدولاب دي هي الناس بتحط الجزمه في الدولاااب نهارك اسود يا عمرر
عمر بضحك متقلقيش بغسلها لما ارجع نضيفه يا بومه يلا هدخل انا مش فاضيلك ثانيتين وتلاقيه فوق راسي مش هعرف اعمل حاجه
ودخل ياخد شاور فتابعت زينب بضحك بومه في عينك يا شيخ وفتحت الدولاب خرجت لبس الجيش ومسكت واحد حطته على السرير والباقي شالته في الشنطه وفضلت ترتب الشنطه بهدومه والحاجات اللي هيحتاجها وشويه وعمر طلع لافف فوطه حوالين وسطه وبينشف شعره بفوطه تانيه
فابتسمت زينب وتابعت بحب اللبس اهو والشنطه خلصت
زينب باس جبينها وتابع تعبتك ينورعيني
زينب بحب تعبك راحه مفيش اي اتعب اصلاا
وسمعت الباب بيخبط فتابعت بحب البس لحد ما افتح لسيف
عمر هز راسه بتمام وراحت زينب فتحت وتابعت بفرح حبيبي واحشتني وحضنته
سيف دخل وهو حاطط ايديه على ضهرها وحاضنها بحب وهو بيضحك وتابع انتي اكتر يا نورعين حبيبك وخرجت برا حضنه فمسك ايديها باسها وتابع طمنيني عليكي اخبارك ايه
زينب بحب الحمدلله كويسه ينورعيني وبصتله باعجاب وتابعت بس ايه الحلاوه دي قمر في الميري بسم الله مشاء الله عليك بخر نفسك ماشي كده ازاي
سيف بضحك حبيبت قلبي دي عيونك
زينب بضحك اسمه ايه تقريبا بيروفال
سيف فضل يضحك وتابع بيروفال ايه بس اقعدي ساكته متتكلميش تاني اسمه افرول
زينب بضحك ايه الاسماء دي والله انتوا عليكم حاجات غريبه
سيف بضحك خليها عليكي ويلا فينه جوزك البارد
زينب بحب ثواني هشوفهولك وداخله بعدين وقفت وتابعت سيف ممكن اطلب منك طلب
سيف بحب اؤمريني يا عيون سيف
زينب بهمس ينفع في الشغل تبقى تقنع عمر اني انزل الشغل
سيف هو عمر رافض ??
زينب بهمس اه واتخانقنا خناقه لرب السما ومرضيش فهاودته مؤقتا
سيف وهو معلش يعني انا راجل على عمر ??
زينب بضيق ايه ده اانا اقصد انه مش هيكسفك انت الكبير فهيسمعلك
سيف لا يحبيبتي يسمعلي في الشغل اه برا الشغل دي حيااته وهو راجل وواعي ويحكم بيته وطلما مش عايز مراته تشتغل انا ماليش اني اتكلم بلعكس احترمته اكتر اتلمي بقى واقعدي في بيتك
زينب بضيق يعلم ربنا انا غلطانه اني شهدتك
سيف اه غلطانه فعلا … والله راجل ومراته انا ميخصنيش واتلمي يا زينب واسمعي كلام جوزك ولا انتي عايزاه ينكد عليكي تاني
زينب بخوف هشش وطي صوتك والنبي مش ناقصه خناق
سيف بضحك واما خايفه يسمعك بتفتحي بوقك ليه طيب
زينب بضيق قولت انت هتكلموا هناك ومنا مايرجع بقى يكون هدي عليا ووافق
سيف بضحك وفكرك مش هيعرف انك انتي اللي قيلالي اكلمه اما انا رافض مبدا شغلك وهو عارف
زينب بضيق ياباااي منكم صنف عايز الاباده خلاص مش عايزه حاجه
ورايحه تدخل وقفت وتابعت بتوتر سيف انا مقولتلكش حاجه هاا
سيف بضحك حاضر ياختي خشي بس شوفيه واخلصي
زينب بحب حاضر ودخلت اوضتهم لقيت عمر واقف لابس البنطلون والجزمه بس وبيعمل الزرار بلخيط
زينب ايه ده ماله في ايه مكملتش لبسك ليه
عمر بضيق الزرار اتخلع فبعملوا
زينب بحب هات انا هعملهولك ومسكته منه تعمله
عمر زوزا هاتي التيشرت النص كم البيج اللي وراكي ده
زينب بصت وتابعت انهي ده اللي مكتوب عليه Army بلاسود
عمر ااه هاتيه معلش ده مع القطم
زينب مدت ايديها جابته وادتهوله وعمر لبسه فتابعت زينب بحب قمر جوزي يخواتي ايه ده ماتلمي صواني البسبوسه اللي بتقع منك يا حربيه
عمر وهو بيسرح شعره قدام المرايا تابع بضحك حبيبت وعيون جوزك والله العظيم مفيش بسبوسه غيرك وبصلها وتابع مش عايزك تزعلي ان منزلناش نخرج حقك عليا بجد
زينب قطعت الخيط بسنانها وتابعت بحب وهي واقفه وراه بقميص الجيش علشان يلبسه يلا اهو عملتلك الزرار وبعدين انا لو زعلانه فزعلانه انك هتمشي انما عارفه انه غصب عنك متقلقش يحبيبي تتعوض
عمر لبس الافرول وزينب وقفت قدامه وفضلت تقفله الزراير وباس جبينها بحب وتابع يارب ميحرمنيش منك ابداا ينورعيني
زينب بحب ولا منك يحبيبي
عمر بحب الفيزا في الدرج علشان لو عوزتي حاجه وبلنسبه للدكتوره خدي مامتك واكشفي طلما حاسه انك تعبانه متسكتيش وطمنيني ولما اعرف اكلمك هكلمك
زينب الدموع اتجمعت في عينيها وتابعت حاضر
عمر حط ايديه على كتفها وباس جبينها وشال الشنطه بايديه التانيه وخرجوا
سيف قام وقف وتابع بتنهيده بركه انك خرجت والله … انا قولت هلاقيك انتحرت ولا حاجه ولا هربت من البلكونه منتا مدرب على النزول من الاماكن المرتفعه بقى
عمر بضحك لا مش للدرجه دي قولتلك بحب شغلي بس بحب ز
سيف بمقاطعه وضحك اقطم واتلم علشان متتهزقش
عمر فضل يضحك وتابع انت لحد ما هتبقى خال بردو مش هتستوعب انها مراتي وبراحتي
سيف بضحك يقل راحتك يا بعيد احنا راجعين هاا كتر في الكلام زي ما تحب
عمر بضحك لا ابوس ايدك انا مقولتش حاجه خلاص
سيف بضحك طب يلا اخلص
عمر بص لزينب لقاها الدموع متجمعه في عينيها وبتحاول متعيطش
عمر بحزن طب ليه وجع القلب ده طيب
زينب وقفت على اطراف صوابعها ولفت ايديها حوالين رقبته وحضنته جامد وفضلت تعيط
عمر غمض عينيه فدموعه نزلت وحط ايديه على ضهرها وحضنها اكتر ووطي راسه باس كتفها وهو حاضنها
زينب بعياط هتوحشني اوي اوي بجد خلي بالك من نفسك ارجوك ومتطولش عليا يا عمر والله مش قادره اخليك تمشي وشددت من احتضانه اكتر
عمر بدموع يحبيبتي اهدي علشان خاطري وباس جبينها وخدها في حضنه تاني وفضل يطبطب عليها وهي بتعيط
زينب بعياط في حضنه: متتاخرش عليا الله يخليك وكلمني كتير متسبنيش في قلقي ابوس ايدك ياعمر
عمر غمض عينيه بوجع من عياطها وباس راسها وفضل يطبطب على ضهرها وتابع حاضر والله من عيني وغلاوتي عندك كفايه بقى متخلنيش بشتغل بالي معاكي يا زينب
سيف بضحك ده ياريت يعني يا اخت زينب كفايه اوي اني واخده بلعافيه فكمان يسرح كده هنروح في داهيه
زينب ضحكت من بين دموعها وتابعت حاضر بس بالله عليك يا سيف واحده واحده عليه
سيف حاضر عينيا الاتنين هنيمه بليل واتاكد انه اتغطى كويس ومش هخليه يضرب بلسلاح علشان متخرجش رصاصه طايشه تصيبه كف الله الشر ولا يدخل اشتباك مع زمايله لحسن عضمه يتكسر ولا حاجه وهاكله في بوقه
زينب وعمر فضلوا يضحكوا بشده فتابعت زينب بضحك لا انا مبهرزش بجد يا سيف
سيف بضحك لا بتهزري ويظهر قاعدته جمبك وشغل الدلع والمرقعه نساكي ان جوزك ظابط جيش ماتتلموا كده يحبيبتي في ايه
عمر بضحك اختك السبب انا كنت سنجل كافي خيري شري بذمتك كان بيحصل حاجه مني
سيف بضحك ما ده اللي هنكتشفه سوا يا غالي لان انت قبل زينب كنت زي الفل وصحتك حلوه وغمز وتابع بعد ادينا هنشوف بقى
عمر بضحك هدتني قسما بالله واي تأثير اعرف انه بسبب اختك مش مني
زينب ضربته في صدره وتابعت بضحك بجد احترم نفسك واتلم بتقول لاخويا ايه
سيف بضحك لا منا عارف محدش بوظ عمر غيرك الاول كان قبل ما فوني يرن عليه الاقيه جهز وتحت البيت عندي ويقولي يلا
زينب بضحك ايوه حصل بقي فاشل اطردوه بقى بالله عليك وخلوه جمبي
سيف بضحك بعينك انتي وهو
عمر بضحك انت فاهم غلط بردو والله العظيم انا اللي كان بيجبني تحت بيتك بسرعه ساعه العوده ده لاني كنت بستني العوده فعلا علشان ارجع واروح استناك تحت البيت واشوف زينب انما طلما هي معايا خلاص تولع العوده على اللي عايزها بلا هم
زينب فضلت تضحك بشده
سيف اتفاجئ وتابع بضحك يا ابن الكللبب يا جززمه ده كلكم متربتوش والله العظيم ومسكه من قفاه وتابع بضحك يلا يحيوان يلا لينا جيش يلمنا بتستغفلني يا عمر
عمر بضحك لا عاش ولا كان اللي يستغفلك يا غالي بس هو الحب وعمايله
زينب فضلت تضحك وتابعت والله انت نورعيني
سيف بضحك لا يا جدع ده انا هوريك الحب صح بس مش قدام البت
عمر بضحك طب سيب القميص المدام واقفه وبرستيجي عيب يا قائد ده انا واحد من كتيبتك
سيف بضحك ده والله انت والمدام عايزين تتربوا من جديد
عمر فضل يضحك فتابعت زينب بضحك تسلم يا غالي
عمر بضحك عيب عليك يا قائد ده انا تربيتك هتشوف بعينك اني هبهرك
سيف بضحك اممم انت هتقولي لا انا هنبهر فعلا بس بلتراجع في المستوى
عمر بضحك انا راضي ذمتك واحد في حياته الغزال دي يفلح في الجيش ازاي يعني
زينب فضلت تضحك وتابعت عمر اتلم بجد مش قدامه بقى
سيف بضحك اممم انما من ورايا عادي يا زينب مش كده
زينب بضحك جوزي بقى الله
سيف رايح ناحيتها استخبت ورا عمر وتابعت بضحك خلاص خلاص والنبي اسفه
عمر بضحك يخربيت الضحك منا جوزك صح بتخافي منه على ايه يابت
سيف برفعه حاجب افندم يحبيبي ???
عمر بضحك لا ولا حاجه يا كبير وشال الشنطه وتابع يلا انا جاهز اهو
زينب لفتله وحضنته وتابعت بحب خلي بالك من نفسك وتقل هدومك الجو هناك برد وكل كويس و
عمر قاطعها لما بصلها بحده ووجه نظره لسيف وتابع بحب حاضر يحبيبتي متخافيش والله
سيف برفعه حاجب وانتي حد قالك مبياكلش ولا ايه
زينب بتوتر لا طبعا بس هو عمر حتى هنا بتحايل عليه ياكل فاهم
سيف بتنهيده اممم لا متخافيش عليه في عيني والله
زينب حضنته وتابعت بدموع وخلي بالك من نفسك انت كمان معنديش اغلى منكم انتوا وحسام
سيف طبطب على ضهرها وتابع بحب متخافيش والله انتي بس ادعيلنا
زينب بدموع بدعيلكم علطول والله وهفضل ادعيلكم
سيف مسح دموعها وتابع مش عايز دموع بقى متقلقيش عمر عليكي عايزو يركز يا زينب مينفعش نهزر
زينب بحزن حاضر والله مش هعيط تاني اهو
عمر بحب اشوف وشك بخير يا زوزتي وباس جبينها
زينب عيطت وتابعت ينورعين زوزتك وحضنته جامد وتابعت بعياط بالله عليك يا سيف ما تسيبيه شويه علشان خاطري مش هعرف ابعد عنه شهر والله
عمر بص لسيف بحزن بمعنى اعمل ايه??? وتنهد بعمق
فهمس سيف لعمر انزل انت وانا هشوفها
عمر باس راسها بعمق وهو مغمض عينيه وطبطب عليها بعدين بصلها وتابع بحب علشان خاطري وغلاوتي عندك كفايه عياط ها هنزل انا ولما اعرف اكلمك كول والله هكلمك كتير ووطى شال شنطته وزينب بتعيط وماسكه ايده فبصلها بحزن ونزل ايديها وخرج من الشقه ونزل وسيف حضنها وباس راسها وتابع بس بس ممكن تهدي اهدي طيب ونتكلم
زينب بعياط انا غلطت لما قولت اني قد الوضع ده انا عايزه جوزي يا سيف انا مش هستحمل يجراله حاجه انا مش عايزة افضل لوحدي من غيره
سيف بحزن يحبيبتي افهمي احنا الواحد مننا مبيرداش ياخد الخطوه دي بسبب اللي انتي بتعمليه ده بيخاف يكون بيظلم بنت الناس معاه وده سبب اني متجوزش بس عمر كان واثق انك قد المسئوليه وهتستحملي لانك مجربه ده معايا فمتحسسهوش بلهم اكتر يا زينب احنا شغلنا صعب وهو عايز يحس انه ساب واحده ب 100 راجل في البيت تسد مكانه متخليهوش يقلق عليكي مش هيعرف يشوف شغله كده والله
زينب بعياط انا عارفه والله كل ده بس الواقع صعب اوي اصل دي مش فتره وهتخلص دي حياتنا
سيف بتنهيده معترف حياه صعبه ووالله عارف محدش يتحملها بس زي ماهي صعبه عليكي قيراط هي صعبه عليه 24 قيراط وانا اللي بقولك علي عينه ينزل ويسيبك فانتي غصب عنك وهو غصب عنه بس انتي تقدري تخبي مشاعرك شويه قدامه وتقوليله روح يحبيبي ربنا معاك وتقضي الوقت اللي غايب فيه عندنا ومع صحابك هتعدي انما هو مش هيعرف يكلمك كتير وهيبقى بعيد وكل اللي هيشغل باله انك عيطي وتعبانه في غيابه فمش هيركز مينفعش يحبيبتي جوزك ظابط جيش مش بيلعب وانتي نقطه قوته وضعفه الوحيده فساعديه يفضل قوي وقد مكانه ومنصبه
زينب بعياط حاضر يا سيف والله عارفه وعارفه ان مش اي واحده تعرف تكون مرات ظابط جيش لان الحياه اللي هتواجها حقيقي صعبه بس نا بردو انسانه وبحس وده حبيبي طبيعي بضعف عنده بردو ويصعب عليا بعده عني واخاف يجراله حاجه
سيف بعد الف شر متقوليش كده ربنا يديم دخلته البيت عليكي العمر كله عارف انها صعبه بس واالله انتي قدها وانا لو مش عارفك قدها مكنتش وافقت على جوازك من عمر واللي بتعمليه دلوقتي ده اثبتلي اني صح لما مخدتش الخطوه دي اما انتي اللي مسئوله ومريتي معايا بكل ده عملتي كده اللي انا هجيبها دي تعمل ايه فكبرت دماغي بجد
زينب ضحكت من بين دموعها وتابعت بطل تلاكيك بردو هجوزك
سيف بضحك انسي الكلام ده المهم خلاص ها مش عايزين عياط
زينب بدموع طب اقولك حاجه ومتقولوش انا شاكه اني حامل وكنت هنزل اكشف واتاكد علشان افرحه بس كلعاده شغله بياخد جزء من حياتنا اللي مفروض نعيشها فحقيقي انا لسه في الاول وحاسه ان الوضع تقيل عليا بعد كده هعيش ازاي
سيف بفرح ياقلب اخوكي انتي حامل بجد يا زينب وضحك وتابع يخررااابي بجد بتتكلمي جدد
زينب بدموع شاكه لسه متاكدتش
سيف حضنها وتابع بفرح ينورعيني انشاء الله حامل الف مليون مبروووك ينورعيني بجد ووالله قدها وهتشوفي بلعكس بقى عمر الصغير هيسليكي ومش هتحسي بلوقت
زينب بدموع فرح يارب بجد يسمع منك متقولوش لحد ما اتاكد وانا هعرفه هاا
سيف بفرح ده من عيوني طبعا انتي االلي لازم تعرفيه حاجه زي دي والله طااير من الفرح ومش مصدق الواد لحق نفسه قبل العوده اهو عاش
زينب فضلت تضحك وتابعت بس يا سيف يخربيتك بتقول ايه
سيف حضنها وتابع بضحك عادي ياقلب سيف انتي هتتكسفي مني انا ده انتي بنتي ووالله مش مصدق ان زوزتي كبرت كده وهتبقي اجمل مامي كمان وباس ايديها وتابع بحب يارب تطلعي حامل بجد وتفرحيناا شكيتي ازاي
زينب بحرج بص هو بصراحه بستفرغ كتير على الريق و حمحمت بحرج وتابعت يعني .. و وغمضت عينيها بضيق وتابعت اقولها ازاي دي يارب
سيف بضحك ماتخلصي يا زينب في ايه مش للدرجه دي
زينب بحرج بص يعني بقالي يومين كده بقرف من عمر وانهارده زاد اوي فاهم
سيف فضل يضحك وتابع بضحك يبقى حامل يحبيبتي خلاص وخدها في حضنه وتابع بضحك نكدتي عليه يعني
زينب بضحك اه بس مش اوي يعني .. والله بجد يا سيف بشم فيه ريحه بتخليني استفرغ مش متهيالي
سيف فضل يضحك وتابع بضحك لا هو انتي بس اللي تحسي بكده هتطلعي حامل باذن الله وبراحتك يا قلب اخوكي نكدي زي ما انتي عايزه المهم الباشا الصغير يبقى بخير
زينب بضحك هيبقى بخير خلاص هو اللي كان سبب تعبه مشي اهو
سيف فضل يضحك وتابع بحب يارب ينورعيني تطلعي حامل بجد هدعيلك
زينب بحب ربنا ميحرمنيش منك يارب وحضنته وتابعت خلي بالك من نفسك ومن عمر
سيف بحب في عيني والله وباس جبينها وتابع ابقي انزلي لامك متقعديش لوحدك علشان تخلي بالها منك
زينب بحب حاضر والله هنزل شويه كده قول لعمر ها
سيف بحب حاضر يلا السلام عليكم
زينب بحب وعليكم السلام
ونزل وزينب تنهدت بعمق وداعتلهم
———————–
في مكتب يونس كان قاعد بيشتغل على اللاب توب وقطع انتباهو صوت مسدج
فمسك الفون وفتح المسدج فتح عينيه بصدمه من المكتوب
« لقد حصلت إبنتك شهد عز الدين منصور على درجه 18 / 30 في ماده الجيولوجيا »
يونس بصدمه الله يحرق ابنتي على العايزين ابنتي ايه ده يخربيت ابوكي
ورن عليها وثواني وردت
شهد ايه يحبيبي
يونس بحده ده حبيبك ده هيطلع عين اهلك بس اشوف وشك
شهد بخوف مالك يا يونس في ايه
يونس بحده انتي ايه القرف اللي جيباه في الجيولوجيا ده يا شهد
شهد اتصدمت وتابعت بتوتر قصدك الدرجه صح ??
يونس بحده هي دي درجه امتحان !!!! دي درجه حراره
شهد بضيق طب اعمل ايه على فكره الامتحان صعب وانا مكنتش اعرف انه مش هعرف ارجع للسؤال لو جاوبت فاتصدمت في الاخر اني مش هعرف اراجع وسلمت وانا مش متاكده من كذا حاجه واتعصبت لما عرفت النظام ده وكنت هكسر الفون من حرقه الدم بالله
يونس بحده ده انا اللي هكسر دماغك لما ارجع بس الصبر علشان حرقه الدم اللي كل شويه تعمليهالي دي
شهد بخوف والله العظيم اسيبلكم البيت واروح اقعد عند زينب كده كده جوزها سافر
يونس ده على اساس هتهربي مني يعني لما تروحي عند زينب والله لو في بطن امك
شهد بحزن والله يا يونس معرفش انه مش هينفع اراجع فكنت بجاوب بلشبه وبقول هيرجع تاني وافكر براحه
يونس تمام اقفلي يا شهد ولما اشوفك نتكلم
شهد بحزن لا ياقلب شهد متزعلش مني
يونس بحده انا عايز اعرف انتي ايه شاغل بالك ???
شهد بتنهيده متلمحش على احمد لان انا فعلا مكبره دماغي زي ماوعدتك
يونس اممم ماهو واضح والله الواحد مش عارف يلاقيها منك ولا من نور مفيش واحده فيكم اتربت اسااسا
شهد بحزن حقك عليا طب بص انا هراجع تاني وهمتحن مع مدرس تاني على النت منزل بردو امتحان اون لاين واعوض ده ومش هزعلك يا سيدي
يونس بتنهيده تمام يا شهد روحي
شهد بحزن يونس ورحمه ماما ماتزعل مني والله مكنتش اعرف انه مش هعرف اراجع فاضطريت اسلم كده
يونس بتنهيده يحبيبتي انا خايف عليكي والله انتي مستواكي حلو وشاطره مش عايزك تضيعي اهم سنه في حياتك علشان دماغك مسوحاكي
شهد بحب حاضر والله يحبيبي هبدا اهو ولما ترجع باذن الله هكون خلصت وامتحنت الامتحان التاني وهيبقى احسن
يونس بحب خلاص ماشي ومستني الدرجه لو مكنتش جيت ولو حلوه هجبلك شكولاته من اللي بتحبيها
شهد بحماس ده تمااام جداا
يونس بضحك يلا روحي بقي وسبيني اكمل
شهد بحب ماشي ياروحي ربنا معاك
يونس بحب ومعاكي يقلبي
شهد بضحك انا احمد ربنا اني حاطه رقمك انت فكل الاستمارات بجد
يونس بضحك قسما بالله لو ابويا ما يقعدك في البيت انهارده
شهد بضحك منا عارفه انما انت حبيبي والله
يونس لا ياروح امك متتعوديش على كده علشان حقيقي فاضلي تكه وهقلب عليكي
شهد بتوتر لا وعلى ايه يا دكتور الطيب احسن
يونس بضحك ايوه فاتلمي كده احسنلك وشوفي حالك وعمرك اللي هيضيع لو اهملتي السنه دي
شهد بحب والله ده انت اللي عمري
يونس فضل يضحك وتابع شوف البت دي بتثبتني
شهد بضحك اه حصل كده شكولاتايه زياده على الجمله الحلوه دي
يونس بضحك اتثبت للاسف فحاضر عنيا ليكي بس تجيبي درجه حلوه
شهد بحب ماشي يحبيبي هقفل اهو والله وهبدا
يونس ماشي يحبيبتي .. اختك عندك
شهد لا قاعده تحت انا فوق علشان اذاكر
يونس بحب خلاص روحي جدعه
شهد بحب ماشي يحبيبي باي
يونس بحب باي
وقفل معاها وساب الفون ورجع يشتغل
——————————————
في اوضه نور
نور بحب طب ايه اجبلك العصير دلوقتي
جودي بتمثيل تعب هتعبك يانور معلش
نور بحب بس يعييطه ده احنا اخوات
وقامت وتابعت مش هتاخر عليكي جيالك
جودي بحب ماشي يحبيبتي وحست بقرف فقامت دخلت حمام الاوضه وفضلت ترجع
جودي بتعب ودموع ااه بجد مش قادره واستفرغت تاني وغمضت عينيها بضيق وتابعت بدموع مش عارفه اعمل ايه يارب حقيقي تعبت وطلعت وهي بتتسند وقعدت على السرير وضهرها للباب وتابعت بتعب ده من اولها تعب حقيقي كان يوم اسود كنت ناقصه حمل وقرف انا ولو حد عرف الحقيقه هيطلع عين اهلي مش بعيد يقتلوني
مازن بستغراب من وراها حقيقه ايه يا جودي
