رواية غموض الحب عائلة الرفاعى الفصل الرابع و الثلاثون بقلم لولا
جودي بتعب مازن الحقني ارجوك
مازن قام وقف بخوف وتابع مالك يا جودي في ايه
جودي بتعب بطني بتتقطع مش عارفه مالي مش قادره
مازن بخوف طب سلام سلام جايلك مسافه الطريف وهكون عندك
قاسم بخوف مالها يا ابني في ايه
مازن بخوف معرفش يا قاسم معرفش بتقولي بطنها بتتقطع
حسام بخوف طب يلا انت لسه بتفكر لتكون بتجهض
مازن فتح الباب ونزل بسرعه وهما وراه وركبوا معاه عربيته ومشيوا بسرعه رهيبه في اتجاه البيت
حسام بقلق يا ابني اهدي انشاء الله خير سوق عدل مش كده
مازن بخوف مش عارف يا حسام هموت من القلق ماهي انسانه بردو وانا السبب في اللي هي فيه خايف يكون حصلها حاجه مش ناقصين فضايح زياده
قاسم بقلق اهدي انشاء الله خير هي لسه حامل في البدايه يعني بعد الشر لو ده سقوط مش هيضرها هي بحاجه
حسام بخوف ياعم بعد الشر سقوط ايه ذمبه ايه العيل يعني
مازن اتوتر وضرب الدريكسيون وتابع ما لو الواحد كان حلال اللي هببه ده كنت كلمت امي ولا اي حد راح وداها المستشفى لحد ما نوصل بس مضطرين نتكتم
حسام بتوتر خير باذن الله وتطلع حاجه بسيطه
قاسم بقلق يارب بجد مش ناقصين فعلا
مازن بقلق يارب بجد يسمع منكم اعصابي تعبت حقيقي
وبعد شويه وصلوا وطلعوا ومازن فضل يخبط عليها
مازن بخوف جودي …انتي يابت .. جودي انتي سمعاني
جودي قامت اتسندت بتعب وتابعت حاضر .. حاضر جايه وفتحت الباب وهي مش قادره تقف
مازن بخوف مالك فيكي ايه
جودي بتعب مش قادره يا مازن .. مش قادره بجد
حسام بخوف طب حسيتي بأي حاجه نزلت عليكي ??
جودي هزت راسها ب لا بتعب ووقعت في حضن مازن
قاسم بخوف يا ابني شيلها وخلص يلا بينا على المستشفى
مازن وطى شالها بين ايديه ونزل بيها وقاسم قفل الباب
ونزلوا ركبوا العربيه وراحوا بسرعه للمستشفى وبلفعل جات الممرضات وخدوها ودخلوا
مازن قعد ونفخ بضيق ورجع ضهره لورا وسند راسه على الحيط
حسام قعد جمبه وطبطب على كتفه وتابع بتنهيده حقك عليا عارف الشيله تقلت عليك اوي بس انت قدها والله العظيم
مازن غمض عينيه وتابع بوجع انا مش قد اي حاجه انا حقيقي ضهري اتكسر خلاص من كتر اللي شيلته
قاسم قعد جمبه من الناحيه التانيه وتابع بحزن مش كده يا صاحبي مش متعود عليك كده ده انت بتشيل مشاكل الكل فوق ضهرك مش قادر تشيل تجربتك
مازن بوجع وهي دي تجربه يا قاسم ??? ده انا خسرت اكتر بنت بحبها في حياتي وغلطت مع واحده كانت بتعتبرها اختها واكتر وحامل مني ومضطر اتجوزها واسيب التانيه لاخويا لا يا قاسم دي مش تجربه ده موت بس موت بلبطئ بيطلع روحي وانا عايش
حسام بتنهيده حزينه كتر الف خيرك حقيقي
قاسم طبطب على كتفه وتابع بحزن قول يارب يا صاحبي اللي يقول يارب مبيغلبش
مازن بوجع يارب حقيقي مش قادر اقول غير كده اتهديت وطاقتي خلصت خلاص
في الاوضه عند جودي
دكتوره امل بابتسامه طب مانتي والبيبي زي العسل اهو في ايه بقى
جودي اه بس انتي مش هتقولي كده
امل بستغراب مش فاهمه
جودي بابتسامه خبيثه ابدا يا ستي افهمك اصل انا جوزي هيسافر ويسبني وانا بصراحه عايزاه جمبي فا لو اتقاال ان الحمل مش مستقر ومحتاج اهتمام كبير هيقعد جمبي فانتي هتقولي اللي انا قولته ده
امل بحده نعم وانتي مين قالك ان انا هطاوعك مثلا
جودي طلعت من جيبها فلوس مربوطه بأستيك وتابعت بغمز استفيدي وفيديني ماهو مفيش حاجه ببلاش انا عارفه
امل بصت للفلوس بعدين بصتلها وتابعت لا افرض روحتوا لدكتوره تانيه في اي مره ابان انا كدابه
جودي ضحكت وتابعت لا متخافيش مبادئك اكيد مش مهمه اوي بلنسبالك كده امسكي واطلعي قولي اللي انا قولته كده كده همشي ومش هنشوف وشك تاني
امل خدت الفلوس بتردد وتابعت تمام وجودي ابتسمت بخبث
برا الاوضه امل خرجت فكلهم قاموا وقفوا فتابعت انهي فيكم جوزها
مازن بتنهيده انا يا دكتوره طمنيني
امل بتنهيده حالتها سيئه جداا والبيبي كان هينزل محتاجه اهتمام وانك متتحركش من جمبها واديتها حقن علشان تثبت الحمل لانه مش مستقر وممنوع اي اجهاد وتاكل كويس وتاخد فيتامينات
مازن تنهد بعمق وتابع تمام يا دكتوره تعبتك يعني اقدر اخدها ولا ايه
امل اه اه طبعا اتفضل ادخل خدها
حسام بتنيهده وبعدين يا ابن عمي هتعمل ايه في المصيبه دي
مازن وهو داخل الاوضه تابع امها مش هنا هجيبها عندنا البيت تقعد مع نور وهقولهم مش هرمي ابني يعني
قاسم بصدمه يخربيت ابوك انت بتهزر
مازن دخل وابتسم لجودي وشالها بين ايديه وتابع بتنهيده لا مبهزرش انا اول مره اتكلم جد زي دلوقتي هخبي لحد امتى يعني بس على الاقل يخلوا بالهم منها
جودي بستغراب مش فاهمه قصدك ايه يحبيبي
مازن بتنهيده هقول لاهلي كل حاجه واقعدي معاهم لحد ما والدتك ترجع انتي تعبانه اوي واكيد مش هسيبك في الوضع ده
جودي حطت ايديها حوالين رقبته ونامت علي صدره وتابعت بتمثيل مش عايزه اكون باجي عليك او بتعمل حاجه مش عايزها سيب كل حاجه لوقتها لو مش عايز تعرفهم دلوقتي
مازن بتنهيده سواء دلوقتي او بعدين هيعرفوا بس انتي حاليا محتاجه لحد يراعيكي فمش هينفع اسيبك
حسام بتنهيده انا كمان رايي كده هي هي اصلا
قاسم اه هما كده كده هيعرفوا بس المشكله في رده الفعل
جودي بتمثيل حزن حبيبي خلاص سبني وانا كويسه والله
مازن بتنهيده طب بطلي عبط انا قررت خلاص وشهر ونص بلكتير ونكتب
قاسم هتكوني في شهرين ولا ايه
جودي اه يعتبر هيبقى شهرين
مازن بتنهيده طب يلا
حسام بتنهيده ربنا يطمنك عليها يحبيبي شكله من البدايه حملها متعب
مازن بتنهيده انت مش شايف ضعيفه ازاي طبيعي يعني ربنا يعين الواحد بجد
جودي بتمثيل هو انا بمزاجي يعني يا مازن طب صحتي تعبانه ومش مستحمله اعمل ايه
مازن بتنهيده لا انا مبقولش انتي خاالص هو مش بمزاجك بس علشان فعلا صحتك بلوضع ده مكانتش تستحمل حمل بس الحمدلله على كل حال ربنا يقومك بلسلامه ويطمني عليكم
جودي ابتسمت بحب وتابعت يارب يحبيبي
وخرجوا وقاسم فتح باب العربيه وتابع براحه دخلها يلا
مازن قعدها على الكرسي اللي قدام ورجعه لورا علشان تبقى مرتاحه وقعد جمبها وقاسم وحسام ورا ومشيوا في اتجاهم للبيت وبعد شويه وصلوا
قاسم يلا تصبح على خير يا غالي
مازن وانت من اهله يارب
قاسم بابتسامه سلامتك يا جودي
جودي بابتسامه الله يسلمك يا قاسم تسلم
ومشي فتابع حسام بضحك استعد بقى بكلم امي بشوفهم لقيتها بتقولي فينكم حطينا العشا من امتى بيتعاشوا 1 بليل دول مش المفروض يكونوا اتخمدوا ???
مازن بصدمه يانهار اسود يعني كلهم صاحيين ???
حسام بضحك اه يا غالي متخيل
مازن ضرب ايديه على العربيه وتابع يا ليله سودا انهارده
جودي بتمثيل دوخه مسكت في قميصه وتابعت خلاص يحبيبي وديني بيتي مش قادره اقف
حسام بقلق مازن الحق هتقع من طولها
مازن وطى شالها بين ايديه وتابع بتنهيده يلا يا حسام يلا اطلع كده كده هتهان فبلمره ورا بعضه احسن
حسام فضل يضحك وطلع ومازن وراه
في شقه الرفاعي قاعدين كلهم بيتعشوا ماعدا طبعا سيف واحمد وزينب
حسام دخل فتابعت نرمين يلا اقعد اتعشا كل ده برا
مازن دخل وهو شايل جودي وكلهم اتصدموا واستغربوا وياسمين اتصدمت بشده وقلبها وجعها جداا والدموع اتملت في عينيها
منصور بحده انت ايه اللي بتهببه ده يحيوان نزل البت شايلها كده ازاي
عايده بصدمه انت اتجننت يا مازن ازاي تشيلها كده
مازن نزل جودي فمسكت في قميصه بتمثيل دوخه وسندت راسها على صدره فتابع بتنهيده انا مش هزوق الكلام لان ده مش وقته تزويق كلام وتنهد بعمق وتابع انا غلطت معاها وهي حامل في ابني وشهر ونص بلكتير وهتجوزها وتعبانه وامها مش هنا فجبتها علشان متفضلش لوحدها
كلهم اتصدموا بشده ويونس بص لياسمين بصدمه لانه فهم هي تعبت من ايه وياسمين كان باين على وشها الوجع وانها بتجاهد علشان متعيطش
منصور بعصبيه يخربيت اهلك انت ايه اللي بتقوله ده انت اتجننت ازاي تعمل كده وقام وساب الاكل وراح مسكه من قميصه وتابع بعصبيه رد علياا ازااي تعمل كدده حفيدي انااا يعمل كدده في بناات النااس يا مازن
مازن بدموع كان غصب عني والله العظيم كان غصب عني وانا مأنكرتش اللي في بطنها وهتجوزها اعمل ايه تاني
منصور ضربه بلقلم بقوه وتابع بعصبيه كان ده اللي نااقص يا حيوان ده اللي ناقص انك ترمي لحمك وتنكره
ايمن راح مسكه من قميصه وتابع بعصبيه انت ازاي تعمل كده هااا ترضاها لاختك ? ده انت عندك اخت بنت يا حيوان يا زبااله ازاي قدرت تغلط غلط كبير زي ده وواقف تقوله بكل بجاحه عادي انا ربيتككك على كدده يا مااازن رد علياااا
مازن بص للارض وتابع بدموع مكنتش في وعي كنت سكران
كلهم اتصدموا فلطمت عايده وتابعت بدموع يا مورك يا عايده يا مورك على حظك المنيل في ابنك انت ايه اللي عملته ده يا مازن ? واتعصبت وتابعت ايه اللي هببته دده سكررت وغلطت مع بنت وحامل منك كماااان ابني اناا يعمل كل دده
ايمن ضربه بلقلم بقوه ورايح يمسكه من قميصه فدخل حسام بينهم في النص وتابع عمي عمي خلاص ياعمي حقك عليا هو والله غلط وانا عارف وكلنا عارفين الغلط راكبه من ساسه لراسه بس مينفعش كده اخته الصغيره قاعده الله يخليك خلاص كفايه
نور كانت حاطه ايديها على بوقها فتابعت بدموع انت ازاي عملت كده ده انا كنت بقتدي بيك يا مازن كنت بقول انك ضحيت كتير علشانا ومفيش في اخلاقك وتربيتك وكنت بفتخر انك اخويا وبقول يبختها اللي هتكون نصيبك ازاي عملت كده في جودي دي صاحبه عمري انا وياسمين وشهد يعني بنت من عيله الرفاعي ازاي قلبك طاوعك تأذيها كده
مازن بدموع نور اقعدي ساكته انتي صغيره مش فاهمه حاجه
نور بحده ودموع فهمني اعتبرني صغيره وفهمني مع اني كبرت اوي واتجوزت ومبقتش صغيره وانت بلقرف اللي عملته ده وجريك ورا رغباتك ونسيانك لربنا وعقابه شوهت شكلك في نظري اوي
مازن اتصدم من كلامها وقلبه وجعه اوي وتابع بضحك من بين دموعه تصدقي عندك حق اصل كنت هتوقع منك ايه ما انتي كمان اتعودتي اني مبحسش وبضحي بس ولما مره غلطت مبقيتش الشخص المثالي اللي تعرفيه ومشوه شكلي في نظرك وبجري ورا رغباتي وناسي ربنا حقيقي كلكم سطحين ومحدش فيكم عارفني من جوه وعلى سبيل المثال انا طلع عيني وضحيت وتعبت علشان واحده في الاخر قالتلي الكلمتين دول تشكري يا نور تشكري يا قلب اخوكي ممكن مسمعش صوتك بقى
نور بدموع مازن انا اقصد
مازن بعصبيه ودموع قولت مشش عاايز اسمع صووتك خلااص
يونس بعصبيه انت بتزعق ليه ياالا حقهاا حتت عيله ياعم وكانت شيفاك قدوه ومثال وشخص تفتخر بيه وانت فعلا صدمتها قالت ايه هي غلط
مازن بعصبيه ودموع لا مقالتش ما هي النار فعلا مبتحرقش غير اللي مسكاها يعني لو انت مكاني وغلطان غصب عنك مع واحده ووقفت شهد قالتلك انت ماشي ورا رغباتك ونسيت ربنا يعني صدقت انك زباله كده رغم كل اللي انت قدمته وضحيت بيه علشان تفرحها هتعرف ساعتها يعني ايه وجعي يا يونس وجعي اللي اتقالي من نور .. نور اللي بعتبرها بنتي الكبيره شيفاني كده بلشكل ده
يونس بتنهيده مازن دي عيله انت غلطت فعلا وهي مصدومه انما مش قصدها كل اللي وصلك.
مازن بوجع قصدها ولا مش قصدها خلاص كله زي بعضه
نور بدموع مازن انا
مازن بوجع هشش ارجوكي خلاص انا مش حمل اي كلام وتنهد وتابع انا جبتها لان هي واللي في بطنها بقيوا من مسئوليتي خلاص وبما اني لسه مش هعرف اتجوز دلوقتي فشهر ونص بلكتير وهتجوزها وصحتها لحد ما والدتها ترجع مسئوليتكم معايا لان انا مش قاعد طول اليوم ودي شايله حفيد الرفاعي يعني يهمكم زي ما يهمني
ياسمين بصتله بوجع وتابعت عايده بدموع والله ما عارفه اقول ايه يا حول الله يارب حقك عليا يا بنتي وحضنتها وتابعت حقك عليا انتي زيك زي نور ومرضاش بللي حصلك ده ابداا
جودي طبطبت على ضهرها وتابعت بدموع يا ماما انا عارفه انه مكنش في وعيه وكان باين عليه وانا والله راضيه اتجوزه واكمل حياتي معاه متخافيش عليا انا بخير
عايده باست جبينها وتابعت بدموع ربنا يفرح قلبك يابنتي وتقومي بالف خير وبصت لمازن وتابعت بدموع ربنا يسامحك يا ابني ليه كسره النفس دي
ايمن هي كسره نفس بس دي مصيبه ولو حد عرف بيها اسم الرفاعي هيتمرمغ بيه في التراب
منصور بحده ولا هيتمرمغ ولا حاجه غلطته وهيتحملها وترجع امها ونطلبها زي اي عروسه ونعملهم كل طلباتهم كمان
ياسمين دموعها نزلت بوجع شديد فتابع منصور بلهجه فهمها مازن : انت يا حفيدي اللي اختارت وهتفضل في اختيارك طول العمر خلاص متحلمش بأكتر من نصيبك
مازن فهم انه يقصد ينسى ياسمين للابد خلاص فدموعه نزلت وبص للارض وتابع اكيد طبعا عارف وسواء بمزاجي او غصب عني ده اللي هيحصل
معتز بتنهيده طب عموما انجزوا في الموضوع ده قبل الشهر ونص كمان لو تقدر علشان لما توصل الرابع هيكون جوازك بقاله شهرين بس و بطنها كبيره وهيتقال 100 ازاي
صافيه بدموع هو اصلا يا ابني هيتقال ازاي في يوم وليله مازن عايز البت والجواز بسرعه كده ربنا يستر
عز الدين بتنهيده والله ياما عندك حق فعلا مينفعش تتجوزوا بسرعه كده
نور بدموع طب ماتنزلوا البيبي يا مازن وتتجوزوا اي وقت
مازن بعصبيه انزل ايه انتي اتجننتي عايزااني اموت ابني بايدي مش كفااايه القرف اللي عملته كمان اقتل روح
ياسمين اتصدمت من تمسكه بلبيبي ووطت راسها على السفره وعيطت بصمت
ايمن بعصبيه في ايه يحيوان ماتهدى عليها عيله وبتفكر وعايزه تساعدك في القرف اللي هببته ده منظر اسلوب
مازن بعصبيه تفكر تقولي انزل ابني هو اي كلام بيتقال
صافيه بدموع لا طبعا ده روح مالوش ذمب بس ليه ياقلب ستك كده كنت عايزه افرح بيك واشوف عيالك بس مش بلاسلوب ده ابدااا مش بلفضايح والرعب الي قاعدين فيه ده
مازن راح باس ايديها وتابع بدموع وغلاوتك عندي كنت سكران اعترف غلط مني اني سكرت اصلا بس كانت لحظه ضعف الشيطان اتمكن مني والتمن كان غالي اوي
يونس خد باله ان ياسمين موطيه راسها ففهم انها بتعيط فتابع بتنهيده طب خلاص اللي حصل حصل كفايه كلام الدنيا ليل وصوتكم بيعلى اتفضلوا اتعشوا وربنا يقدم اللي فيه الخير وتيجي مامتها نروح نتكلم ونشوف الدنيا فيها ايه
منصور بتنهيده حزينه والله يا ابني الواحد حاسس انه متعري ازاي مازن يعمل كده مش قادر اصدق
حسام بحزن جدي انت عارف تربيتنا احنا منعملش كده هو سكر ودي غلطته وطبيعي لانه اول مره يعملها اثر عليه جامد ومشافش قدامه وغلط
نرمين بحزن طب يا بنتي ازاي امتي الكلام ده ما ناديتيش على اي حد ليه
جودي بدموع ماما مكانتش في البيت وانتوا كنتوا في خطوبه ياسمين
عايده بصدمه هي يوم الخطوبه ? وقاسم يقولنا روحت للمدير علشان غلطه حسابات طب ازااي ?
حسام بتوتر ايوه ماهو قاسم صح بس المدير ساعتها عكنن عليه فشرب وجودي كانت مروحه تعبانه شافته بيخبط علي باب الرفاعي بتاع العماره وطبعا محدش كان هنا فنزلت سندته وطلعته عندها يفوق ويشرب مايه وكده فاهو غلط معااها غصب عنها
ياسمين قامت بتعب وتابعت انا طالعه انام
شهد بدموع انتي كنتي عارفه بللي حصل في جودي صح باين عليكي
يونس تنهد وبص لياسمين بوجع وحزن علشانها فتابعت بابتسامه مكسوره اه عرفت ماهي جوجو مش بتخبي عليا حاجه فجريت في حضني وقالتلي وانا كلمت مازن وعرفت ان ابن عمي متربي وميغلطش بسهوله ابداا وكان غصب عنه ووعدني هيصلح غلطه وحمدت ربنا جات في مازن اصل حبيب عمرهاا ربنا يخليكم لبعض يحبيبتي عن اذنكم انا هنام
منصور بصلها بحزن واضح من صوتها اللي مليان وجع وخذلان فتابع يونس بتنهيده حزينه: ياسمين كملي اكلك يحبيبتي
ياسمين بوجع مش قادره شبعت
حسام بوجع حبيبتي اقعدي كلي بس طبقك زي ماهو
ياسمين بعصبيه يا جماعه مش قادره هو انا هقوم جعاانه يعني
صافيه بحزن يابنتي يحبيبتي احنا عاملين عليكي صحتك تعبانه خالص اليومين دول
عايده بحزن وانت اقعد كل واكلها اللي مش قادره تقف على حيلها دي
مازن تنهد بوجع وقعد وقعد جودي جمبه وتابع كلي انتي انا مش جعان
جودي بتمثيل تعب مش قادره بجد حاسه قرفانه اوي
صافيه بحزن مينفعش يحبيبتي انتي تعبانه
جودي بخبث مش هاكل من غير سمسم حبيبت قلبي اقعدي يا ياسمين معلش
ياسمين بصتلها بكرهه شديد وتابعت بابتسامه انا الحمدلله بنت بنوت وبصحتي كلي انتي يا جودي علشان حامل ربنا يقويكي
جودي بتمثيل قصدك ايه مش فاهمه
ياسمين طبطبت على كتفها وتابعت كلامي واضح يحبيبتي
عايده بحزن طب اقعدي شجعيها يا ياسمين معلش يحبيبتي
ياسمين بحده يا جماعه انا مش جعانه ما تاكل هي صغيره
جودي بتعب خلاص براحتها اكلني يا مازن معلش علشان تعبانه اوي
مازن غمض عينيه بضيق شديد ومسك المعلقه وقربها منها
جودي كالت منه وتابعت بابتسامه تسلملي يحبيبي ربنا ميحرمنيش منك
ياسمين كانت واقفه قلبها واجعها اوي وحاسه هتقع فتابعت جودي بتمثيل حقكم عليا اني قاعده معاكم بس والله البيبي تاعبني خالص وماما مش هنا ومينفعش تعرف
صافيه بحزن هو انتي ليكي ذمب يابنتي ربنا يقومك بلسلامه يارب بيتك وبيت جوزك تنوري اي وقت
عايده بحزن بعيدا عن اللي حصلك بس ابني هيصلح غلطه ومش هيتخلى عنك ابدا واحنا والله مبسوطين بوجودك وسطنا وهناخد بالنا منك ده انتي شايله ابن الغالي وبنتنا ومتربيه معانامن يوم ما وعيتي على الدنيا وباست جببنها
نرمين بحب قمر يا زين ما اختارت يا مازن والله
جودي ابتسمت بحب وتابعت ربنا ميحرمنيش منكم يارب
مازن مد ايديه بلاكل وتابع جودي يلا هفضل مادد ايدي كتير
جودي بحب حقك عليا بتعبك وكالت منه بعدين نامت في حضنه بتمثيل دوخه وتابعت بقرف مازن خلاص مش قادره
نرمين هو انتي لحقتي يا بنتي كلي مينفعش كده
جودي بتثميل لالا مش قادره خالص بجد
مازن غمض عينيه بوجع من نظره ياسمين اللي واقفه مقهوره اوي من اسلوبهم معاها ومكانها االلي خدته ونومتها في حضن مازن من غير كسوف وابنه اللي شيلاه كانت حاسه انها بتموت بلبطئ فطلعت بسرعه على فوق وعين منصور ويونس وحسام كانت عليها وموجوعين علشانها جداا وطلع يونس وراها
نور بحزن جودي انتي كويسه يحبيبتي ?
جودي بابتسامه متخافيش عليا مفيش حاجه
نور بحزن انا والله قلبي واجعني اوي علشانك ربنا يعوضك عن اللي عشتيه بجد
جودي حضنتها وتابعت بحب يارب ينورعيني واشوفك اجمل عروسه يارب
شهد بستغراب مش غريبه انك مش متأثره شويه يخربيتك في ايه ده انا عيطت
جودي تنهدت بعمق وتابعت لا منا خدت وقتي في العياط وعدم الاستوعاب وكنت لوحدي في الوجع ده الموضوع مش امبارح يعني
صافيه بستغراب مش قولتي لياسمين يابت ?
جودي بتوتر ايه ااه قولت لياسمين بس مش في ساعتها
مازن بصلها بحده وتابع بهدوء كفايه رغي وكملي اكلك علشان صحتك زي الزفت
جودي خافت من نظرته وتابعت بتوتر حاضر يحبيبي
منصور بحزن انا داخل انام تصبحوا على خير
صافيه بحزن كمل اكلك يا حج رايح فين
منصور بحزن الحمدلله يا صافيه كالت
ودخل اوضته
عايده بتنهيده وانتي يابت قومي اتخمدي وراكي امتحان بقالك ساعه قافله مع قاسم وبتقولي هنام
نور بتنهيده حاضر والله هطلع انا يا جودي وانتي خلصي اكل وتعالي جمبي ماشي
جودي بحب ماشي حاضر
مازن بحزن انا رايح لجدي عن اذنكم ماما خلي بالك من اكل جودي علشان بتدلع
عايده بحب متخافش عليها في عيني
مازن هز راسه بتمام وخبط على جده ولما سمحله بلدخول دخل وقفل الباب
منصور كان قاعد على السرير وتابع بتنهيده جاي ورايا ليه
مازن وطى على ركبته قدامه ومسك ايديه باسها وتابع بدموع جاي اقولك ان تربيتك لحفيدك زي مانت عارفها يا جدي انا متغيرتش بس وجعي وقهري يوم خطوبه اخويا على حبيبت عمري خلاني سكرت ولما جودي جات ورايا خايفه عليا مشوفتهاش غير ياسمين ومع ان ده بردو غلط الا اني معرفتش اسيطر على رغبتي وقربت منها بس والله العظيم غصب عني انت عارف حفيدك يا جدي انا عمري ما غلطت وحتى ياسمين كنت بحافظ عليها انا مش كده والله العظيم
منصور بدموع عارف يا ابني عارف والله وعارف انك مبتحبش ولا هتحب غير بنت عمك بس اللي عملته ده كسرها للابد ومش هترجعلك حتى لو سابت احمد
مازن بدموع عارف ان ده 99% االلي هيحصل بس انا مش فارقلي دلوقتي غير انك متغيرش نظرتك ليا والله ما هقدر على حاجه زي كده
منصور مسح دموعه وقومه قعده جمبه وحضنه وتابع بدموع مقدرش اغير نظرتي ليك يا ابني ده انت ابني مش حفيدي وبحبك وعارف تربيتك ومصدقك انك غلطت غصب عنك وصعبان عليا اوي والله
مازن بدموع مصعبش عليك ياجدي انا غلطان واستاهل المهم انك تبقى راضي عني وتدعيلي ربنا يقويني على اللي جاي
منصور بدموع ربنا معاك ويقويك على تجربتك ويختارلك الصالح يا ابني
مازن باس راسه ومسح دموعه وتابع بوجع يارب يحبيبي
——————
في اوضه ياسمين يونس قاعد جمبها وواخدها في حضنه وهي عماله تعيط
يونس بتنهيده طب خلاص كفايه علشان خاطري
ياسمين بعياط شايف جودي يا يونس شايف جودي بتشمت فيا ازاي وعملت فيا ايه انت متخيل ?
يونس لا مش متخيل ومصدوم زيك بلظبط انا لو توقعتها من اي حد يغدر بيكي متوقعهاش من جودي بس. هو عموما مفيش صاحب ليه امان
ياسمين بعياط ياريتني كنت فهمت الدرس ده بدري ياريتني كنت فهمته قبل ما اتعلمه في اكتر صاحبه حبيتها في حياتي واعتبرتها اختي
يونس بتنهيده حزينه: بلعكس احنا بنتعلم لما بنتوجع من اكتر حد مكناش متخيلين هنتوجع منه . ساعتها بنفوق وبنوعى وبنتغير فمتندميش على اللي حصل لانه ليه دور كبير في تشكيل شخصيتك قدام
ياسمين بوجع وعياط ايوه بس دي مش كسرت القلم بتاعي ولا خدت مني مشروع دي حبت حبيبي وحملت منه يا يونس انا مش قادره اصدق ولا عايزه اعيش والله مش قادره وفضلت تعيط
يونس حضنها جامد وطبطب على ضهرها بيهديها وتابع بحزن حقك عليا اهدي ابوس ايدك علشان صحتك ملحقناش تخرجي من المستشفى
ياسمين بعياط مش قادره يا يونس بنت الكلب جايه تقعد قدامي تقهرني وتشلني ربنا ينتقم منها بجد مش طيقاها
يونس باس راسها وتابع حقك على عيني والله حقك هيجي وربنا مش هيسيبه ابدا الصبر بس
ياسمين بعياط حتى لو بس انا هفضل طول الوقت شيفاها قدامي واخداه مني يا يونس واخده حبيبي ومكان عشت عمري كله احلم بيه يا يونس انا حقيقي مش قادره استوعب حاجه حاسه دماغي هتنفجر كل ما اجي اواجه نفسي بلواقع مصدقش
يونس مسح دموعها وخدها في حضنه وفضل يطبطب عليها وتابع بحزن طب اهدي علشان خاطري وغلاوتي عندك يا شيخه كفايه عياط عارف اللي انتي فيه صعب حد يتحمله وكتر الف خيرك ووجع صعب وتقيل عليكي بس ابوس ايدك هتروحي مننا بلوضع ده كفايه عياط وفضل يطبطب عليها
ياسمين بوجع ودموع غصب عني منا لو مستوعبه كان الوضع هيبقي اخف انما المشكله لحد دلوقتي بقول لا مستحيل مش قادره اصدق وعيطت وتابعت او مش عايزه اصدق يا يونس مش عايزه دي تكون الحقيقه بس هيفيد بايه حتي لو قومت اتنططت واعترضت للصبح مفيش حاجه هتتغير للاسف وصاحبتي خدت حبيبي يا يونس خلاص وفضلت تعيط
يونس دموعه نزلت عليها وباس راسها وتابع وهو بيمسح دموعها حقك عليا مش قادر اساعدك ياريت بايدي ينورعيني متاخرش عنك ابدا ربنا يهدي وجعك بجد يحبيبتي واشوفك فرحانه وبالك مرتاح وباس جبينها وتابع هفكلك طرحتك وحاولي نامي ماشي ?? ياسمين هزت راسها بماشي بتعب وفعلا فك طرحتها ورماها على الكومود وخدها في حضنه وتابع بتنهيده وهو بيطبطب عليها نامي يحبيبتي حقك عليا والله العظيم حسبي يالله ونعم الوكيل فيها وباس جبينها وتابع في سره هفضل لحد امتى اعاني انا واخواتي يارب ارجوك اتدخل وحلها من عندك ضاقت علينا اوي وفضل يبصلها وهي بتترجف والدموع ماليه وشها فمسح دموعها وغطاها كويس وفضل يطبطب عليها لحد ما نامت في حضنه
————————
عند عمر وزينب
زينب قامت غسلت وشها من العياط وتابعت بحزن منا بردو اسلوبي مكنش حلو .. خلاص يعني عامله فيها استرونج اندبندنت وومن وانا بهبط لما بروق الشقه اصلا ماهو مغلطش بردو ونفخت بضيق وتابعت خلاص هصالحه وفتحت الدولاب وتابعت بس هلبس حاجه تدفيني بلا مرقعه مفيهاش دلع ولا طلبات خلاص وطلعت دفايه بنطلون وتيشرت لونهم احمر وعليهم روسومات كريز ولبسته وسابت شعرها والميكاب زي ماهو وتابعت بابتسامه طب والله بردو زي القمر وعليا بلظبط غزال ماشي مش واحده عاديه لا وابتسمت وتابعت خساره فيه اللي مش فالح غير في علو الصوت ده ماشي ياعمر ورايحه تطلع وقفت وتابعت لا لحظه بس هيشوفني رايحه اصالحه هيتنك عليا ووقفت تفكر وتابعت هنكشه ونشوف بس كاني مش هصالحه اه انا كرامتي ناقحه عليا شويتين وراحت فتحت باب الاوضه لقيته نايم علي بطنه من غير التيشرت لانه سابه جوه ومش متغطي
عمر فتح عينيه بضيق وتابع عايز اتخمد ومش فايق لاي كلام ها ومتشغليش النور
زينب بضيق انا اصلا مش دخلالك متفكرش نفسك جامد ومش هشغل انوار انا داخله البلكونه
عمر ده على اساس مفيش بلكونه في الصالون مش كده ??
زينب بضيق وانت مالك انت انا عاجبني الڤيو من هنا ده ايه الكلام الغريب ده ودخلت البلكونه
زينب بتوتر ايه هعمل ايه تاني ?? ادخل اصالحه علطول ولا ايه ?? لالا مش عمل فيها عنده كرامه وعايز ينام عادي وهيجيله نوم من غيري انا كمان لازم ابان جامده وخرجت وقفلت باب الاوضه ومشيت
عمر نفخ بضيق وتابع يخش نعرف نتخمد انهارده
ودققتين وفتحت تاني
عمر بضيق طب وبعدين يعني ???
زينب برفعه حاجب نسيت اقفل البلكونه هقفلها وطالعه بس متفكرش نفسك جامد وراحت قفلتها وبتمشي بطيئ ناحيه الباب عايزاه يناديها
عمر وهو مغمض عينينه تابع الباب في ايدك بقى
زينب بحماس ايه قولت حاجه ??
عمر بقول اتنيلي اقفلي الباب في ايدك
زينب بضيق اممم طيب ومشيت بطيئ بردو
عمر نفخ بضيق وتابع ايه هتفضلي طول اليوم بتخرجي علشان افهم بس ???
زينب بضيق لا خارجه اهو متفكرش نفسك جامد هقعد معاك اعمل ايه يعني
وخرجت وقفلت وعمر ضحك وتابع مجنونه قسما بالله ونام تاني وغمض عينيه
ودققتين وفتحت الباب تاني فتابع عمر بحده هو في ايه في ليله ابوكي السودا دي بقى مش هعرف اتخمد انهارده ولا اييه
زينب اتخضت وتابعت في ايه ياعمر الحق عليا جيبالك تيشرت بدل ماتنام كده وتتعب
عمر بحده مبتخمدش بتيشرتات وانتي عارفه انا مش جديد عليكي عايزه ايه انتي بقى علشان انام في ام اليوم اللي مش معدي ده
زينب بحده مش عايزه من حد حاجه ورمت التيشرت وطلعت وقفلت الباب جامد
عمر بحده حلو ..حلو اووي ده انا هكسرلك راسك على صوتك الحلو ورزعه الباب دي بس الصبر
وغمض عينيه تاني ينام
ودققتين وفتحت الباب فتابع عمر بحده يا زينب قسما بالله هقوم اديكي علقه توديكي المستشفى اللي نفسك ترجعيها فعلا بس علشان تقعدي على السرير شهر مش علشان تشتغلي
زينب بتوتر طب وليه العنف يحبيبي ورمت فوقيه البطانيه وفردتها وتابعت انا جيبالك دي تتغطى يا قلبي حتى لو متخانقين ميهونش عليا تتعب وتاخد برد واتمرمط انا جمبك وارعاك هي ناقصه
عمر غمض عينيه وابتسم غصب عنه وتابع طب كتر خيرك اتفضلي اطلعي بقى
زينب بابتسامه تمام ورايحه تطلع وقفت تاني وفضلت تفتح في الادراج
عمر بضيق يابنتي بتهببي ايه عايز اتخمد ايه الاصوات دي
زينب بدور على حاجه اوضه ابني وانا وهو حرين ايه يدخلك بينا مش فاهمه
عمر بصلها وتابع ابنك مين يحبيبتي انتي خلفتي من ورايا ?
زينب بابتسامه دي اوضه ابني المستقبلي وعلى فكره هو مضايق جداا من وجودك في اوضته وبيقولك روح نام جمب ماما واحترم نفسك
عمر برفعه حاجب هو بيقول كده ?? بيقول لابوه احترم نفسك ?
زينب بضحك اه قال كده ابني وانا ادري منك
عمر رجع نام وتابع اممم طب ابقي افكريني اعيد تربيته مع امه علشان كده الاتنين مشافوش ربايه يلا بقى اطلعي واقفلي الباب
زينب بضحك نعم يحبيبي ليه مالها امه بقولك ايه يلا قوم انت عايز تزعل الواد من اولها
عمر بضحك واد مين يا زينب انتي حامل من ورايا روحي بجد ده شكل الهرمونات عملاها معاكي بلجامد
زينب فضلت تضحك وتابعت ماتقول يارب بتقاطع ليه بس
عمر بضحك منين يا حسره
زينب برفعه حاجب لالا مسمحلكش وانا كل اللي هببته الفتره اللي فاتت دي كان ايه بقالنا اسبوعين متجوزين كانوا احلى اسبوعين في حياتك تقدر تنكر
عمر بضحك كل اللي هببتيه !! محسساني اني بعذبك ولا بقطع من لحمك وتعبتك يعيني روحي يا زينب الله يرضى عنك كتر الف خيرك يا حبيبتي ضحيتي انا مش عارف حقيقي اشكرك ازاي
زينب بابتسامه من غير شكر عادي انت زي جوزي بردو
عمر اممم ده حقيقي على فكره لان لو جوزك صح مكنتيش خططتي من ورايا
زينب بضيق عمر بطل نكد انا
عمر بمقاطعه انا اللي مش قادر لأي كلام وحقيقي هموت وانام فنامي وبكره يحلها الف حلال
زينب نفخت بضيق وطلعت وقفلت الباب
ودققتين وفتحت فنفخ عمر بضيق وتابع بحده قسما بالله بجد جبت اخري هقوملك
زينب بتمثيل خوف عمر عمر الحقني الله يخليك
عمر بخضه ايه في ايه مالك
زينب طلعت قعدت جمبه على السرير ونامت في حضنه وتابعت بتمثيل خوف شوفت جوه خيالات عفاريت وسمعت اصوات فعلشان خاطري ياتقوم معايا يا تسبني جمبك
عمر عرف انها كدابه وابتسم غصب عنه وتابع لا مبنامش جمب حد اطلعي وشغلي قران ونامي يلا انتي مش صغيره
زينب برفعه حاجب اه دلوقتي مبتنامش جمب حد واول الجواز كنت بتتحايل تتلزق فياا حِكم
عمر بضحك اه اول الجواز بقى دلوقتي خلاص شبعنا تلزيق
زينب بصدمه عمر انت بتتكلم جد ? هو انا علشان بحبك ومش بقولك لا زي الستات القادره دي زهقت مني !!
عمر فضل يضحك وتابع بت انتي جبتي الدراما دي كلها منين يخربيت اهلك … جتك ستين نيله هو في راجل بيزهق من مراته
زينب برفعه حاجب قصدك الستات عموما لانكم صنف مترباش
عمر بضحك او من الستات عموما هتكسف منك يعني ولا ايه دي حقيقه
زينب بصدمه نعم يعني لو واحده غيري عادي ?!
عمر بضحك انا نطقت كده ?? ولا هو اي كلام بيتقال ?
زينب برفعه حاجب اومال كلامك معناه ايه هاا
عمر بضحك الرجاله عموما بتضعف عند البنت ومبيزهقوش ده حقيقي بس عمر مبيضعفش غير قدام زينب اصلا
زينب ابتسمت بحب وتابعت ايوه كده اتعدل ونامت على صدره وتابعت بحب حقك عليا انا اسفه يحبيبي
عمر بتنهيده مش مهم الاعتذار على قد ما مهم انك تدركي انك غلطتي
زينب بحزن غلطت ومعترفه حقك عليا والله وباست خده
عمر بضحك والله مش مرتاحلك بردو انتي بتبوسيني من نفسك خير يا زينب
زينب بضحك لا متقلقش الهدف الوحيد دلوقتي اني اصالحك والله
عمر بتمثيل لا منا زعلان مفيش واحده بتصالح جوزها كده
زينب بستغراب اومال بتصالحه ازاي طيب
عمر بنفس الطريقه اللي بتقنعه بيها بالطلب اللي هي عايزاه
زينب فضلت تضحك وتابعت لا مشيها كده انهارده ونصالحك بلطريقه دي بكره
عمر بضحك طب وليه ما حلاوتها في حموتها زي مابيقولوا وبصلها من فوق لتحت وتابع وبعدين انتي غيرتي ليه ايه اللي لابساه ده
زينب برفعه حاجب ايه يحبيبي مالها الدافيه الكريز بتاعتي مش فاهمه بردانه ناقصه مرقعه ويجيلي برد هتنفعني انت
عمر بضحك يا شيخه يخربيت رقتك وبعدين ماعادي يعني يحبيبي كنتي تخليكي وانا هدفيكي وخدها في حضنه وغطاهم بلبطانيه
زينب بضحك دفيني عادي بس بلكريز
عمر بحب مش كفايه عليا حتت الكريز اللي حاضنها كمان تلبسي دفايه كريز
زينب فضلت تضحك وتابعت جايه اصالحك ثتبني انت لا برافو يا حضره الظابط
عمر بحب قلب حضره الظابط صالحيني بقى
زينب بضحك ما انت اتصالحت اهو
عمر بضحك لا مش دي المصالحه طلما مش هتصالحيني بنفس الطريقه يبقى نشوف خطه بديله
زينب بضحك خلاص معاك ياباشا طلما بادب
عمر شاور على شفايفه وتابع بضحك لا معنديش مصالحه بادب انا
زينب بضحك لا خلاص خليك زعلان انت قليل الادب صح
عمر بتمثيل حزن خلاص يا زينب براحتك وشال ايديه لانه كان حاضنها ونام واداها ضهره وهو بيتبسم بخبث لانه عارف مش هيهون عليها
زينب بحزن عمر خلاص طيب متتقمصش عمرر على فكره بجد انت اوفر ما احنا اتصاالحنا اهو
عمر طب خلاص نامي بجد مفيش حاجه
زينب بحب طب لف انام في حضنك
عمر لا علشان انا قليل الادب وانتي مؤدبه فخليني في حالي ومتتعبيش اعصابي
زينب بضحك ده انا بعشق اتعصب اعصابك لف بجد متبقاش رخم
عمر خلاص يا زينب نامي بقي بجد
زينب تنهدت بحزن وبصت عليه بعدين قامت نزلت من على السرير وزقته لجوه ونامت هي بجمبها على الحرف وبقيت وشها في وشه وتابعت بضحك ايه بقي هتعمل فيها مقموص
عمر بتمثيل ولا مقموص ولا حاجه ياستي نامي انا زي الفل اهو ورايح يلف ضهره للناحيه التانيه فتابعت زينب بضحك وهي بتمسكه لالا بجد حرام عليك هتفضل تجبني علي كل ناحيه شويه
عمر كتم ضحكه وتابع اه يعني عايزه ايه دلوقتي
زينب بضحك هصالحك والله خلاص
عمر بضحك لا يا شيخه متاكده يعني
زينب بضحك اه متاكده
عمر بضحك ازاي بس ده انتي مؤدبه وبنت ناس
زينب بضحك هتنازل عن مبادئي علشانك شايف بحبك ازاي
عمر فضل يضحك وتابع لالا حقيقي ضحيتي كتر خيرك طلعتي بتحبيني بجد
زينب بحب شوفت بقى وقربت سندت جبينها علي جبينه وباسته بحب ورايحه تبعد عمر شدها ليه وهو حاضنه واعتلاها وباسها بحب وبعد عنها لما حس انها محتاجه تتنفس وسند جبينه على جبينها
زينب ابتسمت بحب وتابعت ياريت نبطل قمص بقى
عمر ابتسم بحب وتابع بضحك لا خلاص مفيهاش قمص مسامحك المره دي وخصوصا الافلام اللي كنتي شغاله تعمليها علشان تصالحيني
زينب ضحكت وعمر وطي باس رقبتها بحب وهو حاضنها
فتابعت زينب وهي مغمضه عمر معلش اوعى عايزه … واتعدلت بسرعه وحطت ايديها على بوقها وتابعت بقرف مش قادره وقامت بسرعه جريت على الحمام وفضلت تستفرغ
عمر جري وراها وتابع بخوف مالك يابت في ايه
زينب كانت لسه بتستفرغ فوقف جمبها وشال شعرها من قدامها وطبطب على ضهرها
زينب خلصت وعمر غسلها وشها ووقفت وهي بتنهج بتعب فنشف وشها بلفوطه وخدها في حضنه وتابع بس بس مالك في ايه اهدي خدي نفس براحه
زينب بتعب مش قادره بجد جبت كل اللي في بطني وبردو الصبح استفرغت على الريق
عمر بصدمه ايه ده ايه ده ليه مقولتليش تعاالي البسي وننزل حالا نروح للدكتوره
زينب بابتسامه يحبيبي من غير دكتوره الجو خلاص بيشتي وانا بلبس لبس خفيف جدا ومعنديش مناعه جالي برد واضحه يعني منا ممرضه
عمر باس راسها وطبطب على ضهرها وتابع متخففيش تاني ولا عروسه ولا غيره صحتك عندي اهم حاجه
زينب بحزن احنا وقت جوازنا صعب اوي ياعمر بجد
عمر بضحك يا شيخه اتنيلي هو احنا اختارنا وتنهد وتابع يلا الحمدلله المهم اننا بقينا سوا وشالها بين ايديه وتابع كنا بنقول ايه في اوضه ابننا بقى وقاطعتينا
زينب بضحك مبنقولش حاجه احترم نفسك ويلا على اوضتنا على النوم عدل
عمر بضحك هسيبك بس علشان تعبانه مش ناقص تتعبي اكتر ودخلوا اوضتهم وحطها على السرير براحه
زينب بحب البس تيشرت طيب علشان متتعبش
عمر قولنا متخافيش عليا انا بنام كده علطول ومينفعش اتعود على الدفا اصلا
زينب بستغراب ايه ده ليه يعني
عمر حبيبتي سينا تلج عندنا فالو فضلت هنا في الدلع ده هتنفخ هناك فلازم جسمي يتعود علي المعقول انا والله لولا لازم اخدك في حضني لولا بتغطى علشان تتغطي معايا انما غير كده اديكي دخلتي شوفتيني مبتغطاش
زينب بدموع يحبيبي ليه هو ايه العذاب ده
عمر بضحك بس بس بتعيطي ليه اقعدي ساكته اومال لو قولتلك بقوم من على الاكل مش شبعان هتعملي ايه
زينب بصدمه ودموع نعم بتقوم مش شبعان !! ليه انشاء الله الاكل قليل ولا ايه
عمر بضحك اكل ايه اللي قليل ده الجيش يوزنك دهب بس مبتتحسبش كده
زينب بدموع اومال تتحسب ازاي مش فاهمه
عمر بضحك يحبيبتي بس بتعيطي ليه انا مش عارف ياربي فتحتلك قلبي ليه مع ان ده غلط بالله سيف لو يعرف ليقتلني
زينب بدموع لالا سيبك من الكلام ده وفهمني بجد مبتاكلش كويس ليه اتاريك ينورعيني كنت بترجع وشك مصفر كل اجازه ببقى نفسي اسالك مالك فيك ايه ومبقدرش
عمر باس جبينها ومسح دموعها وتابع بصي يحبيبتي اهدي انا في شغلي بطلع مهمات تقيله احيانا بتطول بلايام ووارد جداا الاكل ميكفيش معانا طول المده فالو انا معود معدتي ان لازم اكل واشبع وغير كده هفرهد واهبط يبقي كل ظابط ولا عسكري يجوع في المهمه هيعتبروه مش موجود لان مش هيعرف يأدي واجبه ولا يعمل المطلوب منه بسبب انه هبط من الجوع خلاص فاحنا علشان كده معودين نفسنا بناكل بس مش اوي علشان نقدر نتسند حتى لو جوعنا
زينب بدموع يحبيبي ده ايه العذاب ده ياربي والله وجعت قلبي
عمر اومال انتي فاكره حياتنا سهله وتنهد وتابع بحب يعلم الله انا حياتي كلها صعبه ومفيهاش ميزه غيرك
زينب حضنته وتابعت بدموع يارب مايجي معاد الشغل ابدا ياارب حقيقي قلبي وجعني ياريت اقدر امنعك تروح حتى الاكل ياربي مش كده بجد
عمر بضحك يحبيبتي خلاص انا والله اتعودت ومبحسش بتعب خلاص اهدي كده وطبطب علي ضهرها وباس رقبتها بحب
زينب بصتله بحب وتابعت بس انا زعلانه منك
عمر بضحك ايه ده انتي اللي زعلانه كمان
زينب بحزن اه هان عليك تسبني وتنام برا يا عمر اخص عليك
عمر بضحك مقدرش ياقلب وعيون عمر كنت عارف اننا هنتصالح بس كنت بتقل عليكي علشان تعرفي غلطك هو انا اقدر اعيش من غير زوزا وحضن زوزا ونام وخدها في حضنه وغطاهم
زينب بحزن هتقدر للاسف انا اللي مش عارفه هعمل كده اازاي فعلا
عمر باس راسها وتابع بحب حقك عليا لما تحسي انك مش عايزة تقعدي لوحدك روحي لمامتك وربنا هيعدي الايام دي على خير باذن الله
زينب بحب يارب بجد يحبيبي ونامت في حضنه وغمضت عينيها
عمر بحب زينب اعملك تاكلي ولا اجبلك حاجه من برا علشان اللي رجعتيه ده???
زينب لالا ولا اي حاجه انا هموت وانام
عمر باس راسها وتابع تصبحي على خير ينورعيني
زينب بحب وانت في حياتي يحبيبي
———
عند سيف كان قاعد زي ماهو على البحر وفاتح الانستا وبيتفرج على صور البنت دي في الاكونت بتاعها
سيف بغيره: انا مش عارف بتنزل صورها على انستجرام للناس كلها عادي ازاي كده ايه ده !!
ندى بضحك من وراه مين مضايقك بس يا قائد
سيف قفل الفون وبصلها وتابع بتنهيده مفيش عادي
ندى كانت سمعته فتابعت بضحك وهي بتقعد جمبه طب قولها انك مضايق من الاسلوب ده ومتاكلش في نفسك اوي كده
سيف بتنهيده مفيش بينا حاجه علشان اقولها كده انما هي لو من حقي كنت كسرت الفون على دماغها
ندى بضحك بتهزر وساكت ليه اوعى تقولي زي اي شاب خايف من الرفض لان بسم الله مشاء الله انت متترفضش
سيف بتنهيده الموضوع مش كده بس في مشاكل كتير وحاجات كتير اوي اتغيرت في السنين دي
ندى بحب انت بتحبها بقالك كتير ??
سيف بحب يااه من 6 سنين من ساعه لما كانت عيله صغيره 16 سنه
ندى باعجاب بسم الله مشاء الله طب ايه متقدمتلهاش ليه
سيف تنهد بعمق وتابع اقولك على حاجه عارفه عقل طفله 16 سنه ???
ندى بضحك اه مالو
سيف بتنهيده نفس عقلها في سن ال 22
ندى فضلت تضحك فتابع سيف لا والله مش بهزر بتكلم جد فصدقيني مقدرش ده اقل فتره شغل بروحها شهر يعني 30 يوم ودي متتسابش في شقه 30 دقيقه لوحدها
ندى فضلت تضحك وتابعت يخربيت عقلك يا سيف طب ما يابابا اي بنت كده طبيعي يعني بكره تتجوز وتعقل وتعرف تشيل مسئوليه
سيف بضحك لا متهيالك المسئوليه نفسها اطول منها فمش هينفع الكلام ده
ندى بضحك انت بهدلت البت والله العظيم
سيف بضحك الله اكدب عليكي يعني وابتسم بحب وتابع الا ان جنانها وتلقائيتها دي اكتر حاجه شدتني ليها وعجباني بشخصيتها ورقتها وصوتها الهادي وكل حاجه فيها
ندى بضحك يا سيدي يا سيدي على الكلام الحلو
سيف بحب والله مش بتكلم حلو غير لما بتكلم عنها هي اللي بتعرف تخليني اركن شخصيه سيف الرفاعي وافعل شخصيه سيف الهادي اللي بيرسم االرومانسي اللي انا حقيقي مبعرفش حاجه عنه
ندي باعجاب واو انت اصلا بترسم
سيف بحب اه من زمان بس جيت فتره بطلت ورجعت تاني
ندى بحب بالله يبختها بيك وبحبك ليها
سيف بتنهيده هي مش عايزاه ولا فارقلها وقادره تعيش عادي لاننا اصلا مشوفناش بعض بقالنا سنين او بمعنى اوضح انا اللي بشوفها كتير وهي لا مبتاخدش بالها واخر مره قريب لما نزلت الاجازه كنت هخبطها بلعربيه بتاعتي لان الفون وقع من ايدي وانا سايق فبوطي اجيبه زعقت واتعصبت عرفت صوتها بس قبل ما ارفع وشي صاحبتها شافت النسر اللي علي العربيه وفهموا اني ظابط فمشيوا علشان المشاكل يعني فلما رفعت وشي شوفتها وهي ماشيه وعرفتها لاني فضلت بعرف عنها كل حاجه من ساعه ماشوفتها انما هي للاسف خلاص نسيت وعاشت
ندى بحزن طب مانت مقولتلهاش انك بتحبها يا سيف طبيعي تعيش عادي اصل هتفضل قاعده مستنيه حاجه مش شيفاها خالص ده انت حتى بتقول مظهرتش قدامها بقالك سنين طب هتقرب منك ازاي
سيف بابتسامه وانا مش عايزها تقرب يا ندى صدقيني حياتي صعبه ومش هقدر اخليها تدخل فيها
ندى بحب حياتك صعبه فعايزه اللي يقويك عليها واللي يخليك تتعب في شغلك ومستني ترجع علشانه مش تبقى فاضيه بلشكل ده
سيف بوجع ياريتها سهله كده في 100 مشكله تفرق بيني وبينها وقدرت تحب بعدي عادي عكسي انا فضلت بحبها هي بس ومش قادر اشوف غيرها
ندى بحزن ياربي وانت عرفت منين
سيف بوجع لا انا بعرف كل حاجه … يابنتي اصلا دي قابلتها صدفه في الشارع كنت بنقذها من واحد عايز يأذيها ومن ساعتها هي قالت كام جمله كده شدوني ليها واستغربتهم فبقيت تلقائي مني لنفسي بروح المكان تاني اللي هو فضول مني اشوفها واطمن عليها بس انما مش هنتجوز يعني مش للدرجه دي وبلفعل بقيت اروح كتييير وانا مش فاهم بعمل كده ليه بس عايز اشوفها واطمن عليها وفي مره لقيتها بتكلم صاحبتها عن انها بتحبني ومستنياني منكرش اني اتشديت ليها اكتر وحبيتها فقولت خلاص هخلص حربيه وادخل البيت من بابه علطول واطلبها واليوم ده مشيت وراها وعرفت بيتها واسمها واهلها مين وكل حاجه وجبت الاكونت بتاعها وبقيت متابعها بكل خطوه وعارف عنها حاجات يمكن هي متعرفهاش بس محبتش اكلمها قولت هدخل البيت علطول بس لما دخلت ااحربيه غيرت فيا كتير ووجهه نظري اختلفت وخوفت عليها جداا واديكي عايشه مع حسن طريقه حياتنا فمش هتطمن عليها ابداا فمدخلتش حياتها بس من جوايا كنت بتمنى تفضل بتحبني زي ما بحبها وحصل العكس نسيت شكلي اصلا وقدرت تحب وانا مش قادر احب تاني ومش بلومها على فكره علشان متقوليش هي مش غلطانه يا سيف طب ما فعلا هي مش غلطانه دي واحده حبتني وطلبتني من ربنا وكان عندها ثقه رهيبه هبقي ليها وانا عارف واختفيت تماما ومروحتش اتقدمت هتقعد تستني مين ??? طب انا مراقبها وشايفها وعارف عنها كل حاجه فمش قادر انساها انما هي شايفه مين ?? ده بلعكس لو فضلت تحبني كنت قولت عليها انسانه غريبه ومش واقعيه بس اهو الحمدلله نصيبي كده
ندى بحزن متقولش كده انا عندي امل كبير ربنا يجمعكم عادي انت متستاهلش كده ابداا
سيف بتنيهده خديها انتي مني كلمه بقى مستحيل يجمع بينا نصيب خلاص ربنا يسعدها هي حبت واحد تاني ونسيت الماضي لانها فعلا كانت طفله انا بس اللي غبي فضلت واقف عند اليوم ده
ندي بحزن انت مش غبي لا انت حبيت ومش اي حب ده انت عشقت روحها رغم البعد بينكم وفضلت تحبها ومحافظ عليها وعايزها في حلال ربنا بس كل ما في الامر انك خوفت تدخلها حياتك فا الموضوع صعب واتعقد انما انت متخيل لو روحت اتقدمت كانت رفضتك ?
سيف بوجع لا ماكنتش رفضت
ندي بحزن طيب يبقي اه غلطت انك مروحتش طلبتها انما مش غبي ابداا لان حبك كان هيوصل للجواز عادي جداا اهو
سيف بتنهيده الحمدلله على كل حال عادي خلاص
ندي بحزن متفقدش الامل يا عالم يمكن تسيبه اللي بتحبه ده وانت تتقدم ولما تعرف انت مين هتوافق ده انت الحب الاول يعني
سيف بضحك حب اول ايه بس يا ندي دي كانت عيله
ندي بابتسامه متهيالك ده انت نفسك من غير حاجه متترفضش بسم الله مشاء الله عليك مبالك لما تعرف انك نفس الحب الاول اللي كانت عايزاه والله انت قادر تعوضها عادي جدا وترجعها تحبك واي حد يحبك اصلا بس قول يارب يجعلها نصيبك
سيف بوجع لا مش هقدر ادعي بكده ربنا يسعدها مع اللي اختارته صدقيني مش هعرف انا كده كده عايش علشان شغلي
ندي بحزن انت عنيد اوي يا سيف بجد
سيف بتنهيده سيبك مني انا بخير والله
ندي بحزن وحتي لو مش هي مش هتفكر تتجوز خالص
سيف بتنهيده مستحيل اتجوز لو عايز كنت قدرت جدا خدت الخطوه دي معاها من بدري لاني بموت فيها بس انا خوفت ادخلها هي حياتي ووافقت تفضل بعيد هدخل غيرها ??? اكيد لا واصلا مستحيل حد من بنات حواء كلهم يخليني اتخطاها فعلى ايه بقى الوحده اجمل واريح ومش شايل ذمب بنت ملهاش علاقه بكل ده
ندي بحزن ربنا يهديك يا سيف ويجمعك بيها يارب على خير انا هدعيلكم
سيف لا يا ندي لو ليا غلاوه عندك متدعيش بكده خلاص انا فعلا مش هتجوز ولا هي ولا غيرها
ندي رايحه تتكلم فونها رن فتابعت ده حسن
سيف بضحك ردي ردي بس كاني مش جمبك ها
ندى بضحك بامانه يهزقني
سيف بضحك لالا مش هيعرف متخافيش انا هسكت علي الاسبيكر بس
ندي بضحك حاضر ربنا يستر وردت وعلت الاسبيكر
حسن ايه ندى ساعه علشان تردي
ندي بحب معلش يحبيبي حقك عليا مكنتش سمعاه
حسن سيبك المهم طمنيني عنك عامله ايه
ندي بحب الحمدلله كويسه انت ايه الاخبار
حسن بضيق مش بخير خالص علشان كلمت ابوكي اطمن علي صحته قالي هرجع بكره وبجد دي اكتر حاجه تقرف ممكن اعيشها في حياتي
ندى بضحك ليه يا ابني بس منتا بقالك حبه حلوين في اجازه اهو ارجع شوف حالك بقي
حسن يا شيخه يعني بالله عليكي اسيبك واسيب خروجتنا وكلامنا ووقتنا الحلو واروح لسيف الرفاعي يطلع عين اهلي هحب اروح ليه مثلا حب في البهدله
سيف بصلها بصدمه وهمس سيف الرفاعي حاف كده
فضحكت ندي بشده وتابعت طب هيعمل ايه طيب مش شغلكم كده كتر الف خيره عليه ضغط وماسك كتيبه
حسن بضحك يحبيبتي عارف بس سيف مش بيتفاهم ده بيعاملنا على اننا روبوت زيه حكم ان هو راكن قلبه علي جمب اوي في الشغل فمينفعش تتكلمي بمشاعرك هناك سمعاً واطاع وحقيقي مواحشتنيش البهدله
سيف هز راسه بايجاب وهمس ماشي يا ابن الكلب صبرك عليا
ندي فضلت تضحك بشده وتابعت طب بذمتك مواحشكش هو ورخامته عليكم دي
حسن بضحك لا عايزة الحق واحشني اوي بصراحه اصل القط ميحبش الا خناقه هو بيتعبني اه بس غالي عليا ومبستحملش عليه الهوا والله
سيف بهمس ولا يشغلني بردو هيتحاكم
ندى فضلت تضحك بشده لدرجه عينيها دمعت وتابعت والله يحبيبي حساك هتواحشني المره دي وهتبقي عوده بلا رجوع
حسن بضحك ليه هتقولي للقائد ولا ايه
سيف بسخريه همس قائد اه
ندى بضحك لا طبعا اعرفه منين انا اصلا عارفاه من كلامك بس … بس تخيل لو عرف مثلا هتعمل ايه
حسن بضحك مش هرجع الكتيبه
سيف كتم ضحكه بلعافيه وندي فضلت تضحك وتابعت طب يعمري هشوفك امتى قبل ماتمشي كده
حسن بحب هجيلك الساحل اكيد مش همشي من غير ما اجيلك يعني ده كلام ابوكي فيها شهر المره دي
ندي بحزن هتواحشني اوي ياحسن
حسن تنهد وتابع ينورعين حسن ابوس ايدك مش عايز اروح مضايق انتي كنتي اتعودتي حصل ايه
ندي بحزن متهيالك كل مره بترجع بحس بنفس الشغف وبتمشي بحس بنفس الزعل
حسن بتنهيده حزينه حقك عليا ادعيلي يا ندي مش بمزاجي والله
ندي بحزن عارفه يحبيبي ربنا يقويك يارب
حسن بضحك ويهدي القائد علينا ادعي ب دي كتير ابوس ايدك
ندي فضلت تضحك وبصت لسيف وتابعت معتقدش الفتره الجايه هتستجيب بس هركز عليها وهدعيلك كتير انت محتاج الدعا فعلا
حسن بضحك بتقلقيني ليه طيب
ندي بضحك لا يحبيبي مفيهاش قلق خالص
حسن بضحك سيبك انتي انا هدخل عليه بلاحضان والحب فربنا هيهديه عليا الباقي بقى يخش يولع فيهم ميخصنيش
سيف بهمس اممم ده انت بلذات هيطلع عين اهلك
ندى فضلت تضحك وتابعت معتقدش واحد مش سهل زي سيف هيخيل عليه حركاتك دي
حسن بضحك بالله فعلا تعلب ومش سهل يخربيت دماغه فربنا يستر علينا والله يابت يا ندوش كنا نسينا عصبيته
ندي بضحك وعليك انت بلذات ياقلب ندوش حاسه بتحفر قبرك بايدك الفتره دي
حسن بضحك طب والله كلنا يابت قسما بالله يعني اقولك حاجه هو سمه وموته حد يسهر علشان الصبح بنبقى تعبانين فبيقولنا ناموا بدري واصحوا بدري فاحنا بقى ساعات مش بنكون عايزين ننام بنبقى قاعدين كلنا عاملين دايره كده وفي النص خشب فيه نار تدفينا وبنتكلم ومفيش حاجه عادي وهو بقي عادته بيصحى يصلي الفجر حتي لو نايم يظبط الفون ويصحى وكلنا بنظبط الفون معاه والله العظيم ومجرد ما نلاقي الفون رن ونور اوضته نور بتلاقي الكتيبه كلها كل واحد مسك رمل من على الارض وطفينا الخشب وطيران على الاوض
ندي فضلت تضحك بشده وتابعت مش قادره… مش قادره بجد يخربيت الضحك
حسن بضحك قسما بالله يا ندي بيتفزعوا من صوته ولا ملك الموت وجاي يقبض روحهم
ندي بضحك وربنا مش قااادره يخربيتك خلاص … هموت واشوفه سيف اللي مخوفكم ده
حسن بضحك لا شكله ميقولش اللي بحكيلك فيه نهائي شاب طول بعرض وكاريزما ووسيم فتفكريه للحظه انه هادي وواحد من بتوع التجمع
ندي بضحك يا باشا صعيدي عايز ايه انت تجمع ايه بس
حسن بضحك حصل صعيدي مع الجيش بصي يعلم الله الواحد لما بيكون عايز اجازه بيقرا الفاتحه قبل مايدخل مكتبه محدش بيحب يتعامل معاه تعامل مباشر خالص ولو قال فلان تعالى ورايا يالهوي علي اللي بيحصل ده اخر مهمه قال لعبدالله لما العميد يمشي ادخلي وساعتها عبدالله كان اتاخد منه سلاحه في المهمه فقولنا بس الله يرحمه ومؤمن لما شافه دخل قال ادعوله انه الان يسأل
ندي فضلت تضحك بشده وتابعت يخرابي عليه ربنا يهديه عليكم يارب طب وعمل ايه لعبدالله ساعتها
حسن بحب لا الشهاده لله طلع عايزة يقويه ويشجعه ويقوله انه مش ذمبه ويرفع راسه لان السلاح اتاخد من ضهره وخلاه رجع زي الاول واحسن ومش هنسى ابدا انه فداني في المهمه دي وكنت هاخد انا الرصاص مكانه وزقني وخدهم هو في رجليه حقيقي القائد طبعه صعب وشديد بس مقدرش انكر خيره علينا وانه بيحبنا كلنا زي اخوه وبيخاف علينا واحنا اول حاجه عنده حتي قبل نفسه انا اه بضايق من حدته شويه بس خلينا متفقين ان لازم يعمل كده ده ظابط جيش ولما بشوف فيه حاجه يا ندي والله بتعب نفسيا وبقوله قوم علي رجلك يا قائد واتعبنا مش مهم
ندى بضحك تعشق ما يؤذيك
حسن بضحك ده حبيبي والله وكلنا صدقيني علي قد احترامنا ليه ولهيبته علي قد محبتنا الكبيره اوي ليه ده لما اتصاب كنا حاسين ان ضهرنا اتكسر في المهمه ونحمد ربنا الاصابه كانت في الاخر وبنسبالي بصحته ويزعق ويتعصب ويزود تدريبات احسن بكتير من اني اشوفه في سرير تعبان لا بجد ده هو قوتنا من غيره نضيع
ندي بحب سيف راجل بجد وحنين عليكم كلكم وبيحبكم وبيبديكم عن نفسه هو بس مضطر يكون حاد شويه علشان دي طبيعه شغله ولازم انتوا كمان تكونوا قدها وغير متسيبين
حسن بحب اه بلظبط كده .. المهم انتي سهرانه ليه لحد دلوقتي مش هتنامي
ندي بحب هقفل معاك وانام بس خد بالك مستنياك بكره في الساحل
حسن بحب جاي والله ومن عندك هسافر
ندي بحب ربنا معاك ينورعيني وتروح وترجعلي بالف خير
حسن بحب يارب يحبيبتي يلا عايزة حاجه
ندي بحب سلامتك يعمري .. باي
حسن بحب باي وقفلت
سيف بضحك طب ده انا اهزقه ولا اخده بلحضن احكمي انتي
ندي بضحك تسامحه علشان خاطري انا الواد بيموت فيك اهو
سيف بضحك لا ماهو واضح انتي هتقوليلي
ندي بضحك سيف متخلنيش احس اني سلمتلك حبيبي تسليم اهالي
سيف بضحك ده في ايد امينه الله عيب عليكي الحقي اشبعي منه بس بكره
ندي فضلت تضحك وتابعت يا سيف متقلقنيش بقى
سيف بضحك لا حقك تقلقي ده بيشبهوني بملك الموت ولاد الكلب انا هوريهم بس الصبر وحلو اوي حوار السهر بليل ده
ندي فضلت تضحك وتابعت سامحهم علشان خاطري انا
سيف بضحك هفكر علشان خاطرك بس
ندي بضحك تسلم يا قائدنا ياللي مغرقنا بجمايلك
سيف بضحك علشانك انتي بس قسما بالله انما اذا كان على خطيبك عايز يتعلق
ندي بضحك سامحه علشاني انا عايزين ندخل دنيا
سيف بضحك ده في عنيا الاتنين متخافيش
———-
تاني يوم الصبح في كليه العلوم الامتحان بدا وربع ساعه والباب خبط
يونس اتفضل
نور بتوتر انا اسفه يا دكتور اتاخرت غصب عني
يونس بصلها بحده وتابع امتحانك الساعه كام يا انسه نور ?
نور بخوف 9
يونس بحده ودلوقتي كام ?
نور بخوف 9 وربع بس والله غصب عني و
يونس بحده هششش الناس بتمتحن مش وقته رغي اتفضلي ادخلي تعالي هنا في البنش الاول
نور الدموع اتجمعت في عينيها من طريقته معاها ودخلت قعدت وراح حط الورق قدامها بحده ورجع قعد مكانه
نور بصت للورق بتوتر ومسحت دموعها وتابعت بسم الله اهدي .. اهدي وخدت نفس عميق ومسكت القلم وبدات تفكر وتحل بس كانت بتقف كتير بسبب توترها ورعشه ايديها ويونس لاحظ بس لو مكنش زعقلها كان هيتقال انه بيميز لانها قريبته فنفخ بضيق ومسك فونه وتابع بصوت منخفض اه معلش شكولاته وكوبايه شاي اخضر
-لا بس كده زي الفل
-هتعبك يا عم كامل
-تسلم يا غالي
ورجع قعد مكانه وباصص عليهم كلهم وعلي نور بلتحديد لانه ملاحظ توترها الشديد ورعشه ايديها من الموقف
ودقايق والباب خبط فتابع يونس اتفضل
كامل الحاجه اللي طلبتها يا ابني
يونس بابتسامه تسلم يارب وقام خدهم منه واداه الفلوس وتابع تعبتك والله
كامل بحب تعبك راحه يا ابني
يونس خد الباب في ايدك معلش
كامل بحب حاضر يا ابني
وطلع وقفل ويونس راح حط قدام نور الشاي والشكولاته وتابع بتنهيده عارف ان الهانم لما بتتوتر بتشرب شاي اخضر وبتاكل شكولاته علشان اعصابها تهدى فاتفضلي اشربيها وركزي في امتحانك لانه تقيل جدا ومليان تركات
نور بتوتر شكرا يا ابيه .. قصدي يا دكتور انا اسفه
يونس بابتسامه محصلش حاجه يلا بس اكسبي وقت وبص لساعه وتابع فاضل ساعه ونص
نور بحب حاضر وفتحت الشكولاته وكالت منها وشربت الشاي اعصابها ابتدت تهدى وبدات تركز وتحل لحد ماخلصت الشاي والشكولاته وكانت فعلا دخلت في مود الامتحان
ولما وقت خلص كانت خلصت ويادوبك راجعت
ويونس كان بياخد الورق وبصلها وتابع خلصتي ??
نور بحب اه الحمدلله
يونس كله تمام ??
نور بحب اه الحمدلله ومدت ايديها بلورق
فخده يونس منها وتابع بحب الحمدلله يارب عقبال الباقي
بنت من المدرج دكتور معلش عايزه ابقي اسالك علي حاجه
يونس حاضر عنيا بس في مكتبي حاليا مش فاضي اديكي شايفه
البنت تمام ماشي
وبعد شويه كله خرج من المدرج وقاسم كان مستني نور برا
قاسم بقلق ها طمنيني عملتي ايه
نور بحب الحمدلله يحبيبي رخم شويه بس عدا كويس نشكر ربنا
قاسم باس راسها وتابع بحب الحمدلله يارب عقبال الباقي ينورعيني
نور بحب يارب واضايقت وتابعت بس ابيه زعقلي جامد بجد
قاسم ليه علشان اتاخرنا صح ?
نور بحزن اه
قاسم بتنهيده حقه طيب هنقول ايه مينفعش يعديهالك
يونس جيه وتابع بحده هو انت مش هتبطل استعباط انت وهي يا قاسم
قاسم بضحك ايه يا دكتور داخل فيا كده ليه مال امي انا هو انا طالب عندك
يونس ليه هو مين يا روح امك اللي كل ودانها امبارح وسهرها ?
قاسم بضحك قسما بالله قولتلها نامي قالتلي هتعشا وانام ومنامتش من الخوف ذمبي ايه انا
يونس بحده قاسم نور بتستعبط خليها تنتبه لدراستها شويه مش تفضل سهرانه وتصحي متاخر طب انهارده كنت انا وعديتهالها بكره وبعده بقى هيبقي دكاتره غيري ومش هقدر اتكلم ولا ادخلها تمتحن بعد دخول الدكتور ساعتها نعمل ايه يعني
قاسم بتنهيده حقك عليا هي غلطانه فعلا
نور بحزن وانت عرفت منين اني صحيت متاخر انا صحيت بدري بس قاسم اتاخر عليا
قاسم بصلها بصدمه فغمزتله فتابع يونس بحده لا يحبيبتي انا مش عبيط منا نازل بدري وسالت فينك قالولي نايمه وعارف انك هتيجي ههزقك فبلاش شغل الحورات ده عليا هااا
نور بحزن انا اسفه يا ابيه مش هتقرر تاني
يونس انا كلامي بعد كده هيبقى معاك انت يا قاسم مش معاها نور شاطره والاهمال اللي بتعملوا ده هيضيع تعبها كله ياريت انت كمان تبطل دلع وتساعدها تنام زي البشر وتنتبه لدراستها
قاسم بضحك حاضر والله من عينيا حقك عليا
يونس بضحك والله العظيم ما عارف اقول ايه انتوا الاتنين مكنش ليكم جواز انت ايه اللي بيضحكك دلوقتي علشان افهم بس
قاسم بضحك كلمه ابطل دلع دي اصل ضحكتني اوي فكره اني بشوف دلع مع بنت عمك ده انا بيطلع عين اهلي
يونس فضل يضحك وتابع بناتنا زي العساكر يحبيبي ملناش في البطال احنا
قاسم بضحك يا ابني كاتب كتابي اعمل ايه من اكتر كده بجد
يونس بضحك ولو طول ما مدخلتش بيتك تحترم نفسك
نور بضحك ايوه قوله كده وخليه يتربي
قاسم بضحك اكتر من كده كتير الصراحه
يونس ضحك وبص لساعته وتابع المهم هروح مكتبي علشان ورايا شغل كتير مش عايز اهمال يا قاسم سهر في الفون بلاش ابوس ايدك اافتره دي خروجات بلاش تتعب نفسيتها بلاش بص هتعرف انت تختفي من حياتها فتره الامتحانات تبقي عملت واجب وفضل يضحك
قاسم بضحك سبب فشلها انا يعني تشكر يا يونس
يونس بضحك طب قسما بالله اه هي طول ماهي في حد تضيع وقت معاه هتبص للكتاب والتعب ليه
نور بحزن مش هكلمه طول ما بذاكر والله خلاص
يونس بتنهيده نور حقيقي انا زعلان منك جداا لان انا بضرب بيكي امثال وكله هنا عارف انك بنت عمي وبفتخر بيكي فانك تيجي انهارده في وقت زي ده حطتيني في موقف وحش جداا قدام الطلاب ومبحبش اهزقك بس اضطريت اعاملك بنفس اسلوبي مع اي طالب بيتاخر وبيغلط فا لو سمحتي انا مش بحب اوترك واتعصب عليكي فمتجبرنيش على ده والتزمي
نور بحزن حاضر يا ابيه انا اسفه بجد
يونس بحب لا يحبيبتي متعتذريش خلاص حصل خير الحقي روحي ذاكري علشان ماده بكره
نور بحب حاضر
سيليا دكتور يونس معلش ممكن استفسر عن سؤال في الامتحان
يونس بابتسامه حاضر تعالي معايا المكتب وعنيا ليكي شوفي عايزه ايه
قاسم بغمز عينيك الاتنين ولا واحده ?
يونس بغمز بلاش انت تعرف علشان هتزعل لو اديتك علقه يا انيميا ها
نور فضلت تضحك فتابع قاسم بضحك ايه حكم انك رياضي يعني وانا ضعيف حبتين طب والله هرجع اروح الجيم وهندمك
يونس بضحك يا شيخ اتنيل بس على جمب ومشي وتابع يلا يا سيليا تعالي
قاسم بضحك شايفه ابن عمك المهزق ?
نور بضحك يحبيبي ما انت اللي استفزيته بردو
قاسم بضحك اضحكي اضحكي ياختي يلا اخلصي علشان اوصلك
نور ضحكت وركبت جمبه العربيه وابتدى يسوق
قاسم بحب تفطري معايا ولا اروحك علطول
نور وهي بتتاوب لا روحني اكمل نوم بقي صحيت بدري ونمت متاخر ولسه عايزه اساعد جودي تاخد شاور تعبانه اوي
قاسم بتنهيده ربنا يعينها هي ومازن
نور بحزن يارب بجد انا عايزة اقولك ضايقت مازن اوي امبارح بس مكنش قصدي والله العظيم
قاسم بصدمه يخربيتك قولتيله ايه
نور بحزن لا عكيتها خالص وقولتله انك مشيت ورا رغباتك ونسيت ربنا وكلام كبير اوي مش فاهمه طلع مني ازاي
قاسم بصدمه يخرب عقلك يا نور بجد ايه اللي بتقوليه لاخوكي ده هو انتي لسه هتعرفي مازن !? اخوكي ابن اصول وميطلعش منه الغلط ده قضاء وقدر الحمدلله على كل حال خلاص متجيش عليه كفايه اللي هو فيه
نور بحزن مقصدش والله هصالحه اكيد انا فعلا غلطت بس كنت مصدومه اوي منا حقي يا قاسم جودي صاحبه عمري واكيد معزهاش على مازن واتمني تبقي مرات اخويا بس انا عرفت انها كانت بتحب وصعبان عليا ان مازن يكون دمر حياتها
قاسم بتنهيده لا متقلقيش هي قالت لمازن انه اللي بتحبه هو
نور بفرح بتهزر هي بتحب مازن ?
قاسم اه والله العظيم من زمان بس اكيد مقالتش لانها شيفاه مش مهتم يعني فخافت تقولك وتتجرح وميكونش حاطط في دماغه
نور بحب وفرح ياروحي اتاري ياسمين قالت حاجه زي كده وادي النصيب جمعهم عقبال مانفرح بيهم وبمازن الصغير يارب ده بجد اخر توقعاتي بس مبسوطه اوي مازن وجودي ايه ده بجد متخيلتش
قاسم تنهد بعمق وتابع ربنا يعملهم اللي فيه الخير
نور بحب يارب بجد يحبيبي
قاسم بحب قلب حبيبك مش ناويه ترضي عني بقي
نور برفعه حاجب ارضي عنك ازاي يعني انشاء الله
قاسم بضحك وغمز بوسه حضن اي حاجه من ما شبه يعني مش هقول لا
نور بضحك امشي وانت ساكت يا قليل الادب ياللي مترتبش وروحني
قاسم ركن وتابع بضحك خلاص ياستي ابوسك انا ولا يهمك وبيقرب عليها ونور بتبعد
نور بتوتر وضحك قاسم والله العظيم هزعلك ابعد عني
قاسم بضحك انتي تزعليني انا !!طب وريني انا عايز ازعل وبيقرب عليها
نور بتوتر وضحك وحياتي عندك يا شيخ لتبعد
قاسم بضحك لا بوسه وهسيبك
نور بتوتر ورحمه امك يا شيخ لتبعد والله بوليس الاداب لو شافنا مش هيحلنا
قاسم بضحك معايا صوره القسيمه في العربيه ولا يهمك
نور بضحك يخربيتك وواخد صوره القسيمه في العربيه ليه
قاسم بضحك قولت تحسباً لو رضيتي عني واتقفشنا زي مابتقولي كده نكون في امان
نور فضلت تضحك وتابعت والله العظيم انت فعلا متربتش ابعد كده وارجع سوق واتلم
قاسم بتمثيل اهون عليكي بذمتك يا نوري
نور بضحك اه تهون اخلص يا قاسم والله لو ايه مش هيحصل
قاسم بحب طب مره بالله عليكي علشان خاطري
نور هزت راسها برفض وتابعت بضحك لا يعني لا
قاسم رجع مكانه وتابع بضيق يسد نفسك يا بعيده
نور بضحك اه اتعود على كده كاتب مش كاتب طول منا في بيت اهلي تتلم ده كفايه اوي حضن كتب الكتاب
قاسم بضحك لا انتي بتستعبطي بجد مفيش حد بيكتب وبيقفلها كده
نور بضحك مش انا عملت كده ?
قاسم اه ياختي اتنيلتي جتك الارف بومه
نور بضحك خلاص يبقى في ياعمري
قاسم بضحك ماشي يانور ماشي تيجي تحت ايدي بس
نور بضحك لسه بدرييي لما يجي اليوم ده بقى
قاسم بضحك علي فكره انتي نشفتي ريقي
نور بضحك ومالو ياعمري ما ده المطلوب
قاسم بضحك ماشي متزعليش لما نتجوز بقى علشان ماهصدق
نور بضحك المفتاح اثر في ايه هقفل علي نفسي الباب ووريني هتعمل ايه
قاسم بصدمه تعملي ايه !? وضحك وتابع لالا ده انتي مجنونه رسمي صبرني علي ما ابتلتني يارب علشان خلاص جبت اخري
نور بضحك هيصبرك بس قول يارب متقاطعش
——
بعد ساعتين جودي كانت واقفه بتخبط على باب شقه في مكان معين وعماله تبص حواليها بتوتر ودقايق والباب اتفتح
الشخص بابتسامه ادخلي
جودي دخلت وقفلت الباب وتابعت بتوتر وتابعت خير عايز ايه تاني
الشخص حاوطها بين ايديه وتابع بابتسامه خبيثه عايز ايه يعني يعمري واحشتيني فيها ايه دي
جودي بحده يا ابني انت ايه مبتحسش ابعد عني وسبني في حالي بقى
الشخص بابتسامه ابعد عنك !! وهو في واحد عاقل يبعد عن واحده شايله ابنه بردو
