رواية غزالة ديب الفصل الثالث و الثلاثون بقلم خاتون امام
الغلاف من تصميم الاسطورة اسلام خالد كل الشكر لتصميم الرئع
الحلقة الثالثة و الثلاثون
غزالة ديب
سليمة كانت بتتخانق مع يحيي علي اللي عملة
سليمة بزعيق :انت ازاي تعمل كدة يا يحيي انت ازي تامن لزكريا وتجوزة اختك
يحيي بعصبية :اعمل اية انا خليتك ام من غير تعب وانا مكنتش اعرف زكريا لانة كان صاحب ناصر اخوية مكنتش اعرف انة غدار كدة
سليمة بصدمة :انت بتعيرني يا يحيي في حاجة مش بايدي كتر خيرك
يحيي بص عليها بغضب : انا مش بعيرك انا فهمك
سليمة بقهر :تفهمي انك عملت معاية جميلة صح شكرا يا يحيي بس مكنتش اتوقع انك تقول كدة والكلام دة يطلع منك انت
يحيي فاق لنفسة : لالا يا حبيبتي والله مش قصدي انا بس ....(بص عليها لقها بتعيط قرب منها )سليمة يا حبيبتي انا مش قصدي انا راضي بيكي كدة معقول انا ممكن اعيرك داي انا وراشد بنخطط عشان اخدك انتي ولادنا ونمشي من هنا
سليمة بحزن :,ولادنا .. ازاي ولادنا انت بتكدب الكدبة وتصدقها انت تعرف راشد وعيسي يبقة لية
يحيي :,ولادك قدام القانون
سليمة بقهر :لا مش ولادي دول ولاد عمي زي غانم وخليفة انت غلط لم وفقة علي كل دة انت ضيعت ولاد اختك وحقهم في ميراث عائلته لية عملت كدة
يحيي مسك وشها: عشانك
سليمة :,لا مش عشاني متكدبش عملت لية كدة
يحيي بعصبية :عشان نادية اختي كنت اعمل اية وراجل غريب قاعد في البيت واختي موجودة كنت اعمل اية واختي نفسها في عيل ولم حصل كانت هتموت وتخلية كنت اعمل اية ارميهم في الشارع ارمي ولاد اختي ولا اسبهم لذكريا يربيهم ويرميهم في أي ملاجاء اانتي متعرفيش قانون الكبير
سليمة فضلت سكتة حبة وهي مش عرفة ترد :وانت فاكر اني بعد اللي حصل ذكريا هيسيبك
يحيي :مش هيقدر يعمل حاجة
سليمة بسخرية :ههه بتحلم ذكريا مبيكرهش في حياتة قد اللي يلوي دراعة وانت عملت كدة ذكريا دلوقتي عامل زي الأسد الجعان اللي بيهجم علي اي حاجة ذكريا دلوقتي مش شايف غير انك خرج. عن طوعة واكيد بيرتب عشان يغدر بيك
يحيي :مش هيقدر عرفة لية لاني اعرف عنى حاجات تودية في داهية
سليمة بانهيار :مش هيسيبك انت مش فاهم حاجه ذكريا عامل زي الاسد المسعور
راشد كان واقف شفها وهي بتعيط جت في خيالة صورة أمة وهي بتتضرب من ذكريا شاف أمة وهي بتستعطف ذكريا عشان يسبها وميازيش اللي في بطنها سامع كل كلام سليمة وهي بتترجي يحيي زي ما أمة كانت بتعمل شاف نفسة وهو بيدافع عن أمة ويقف في وش ذكريا وياخد الضرب بدلها بس أمة كانت بتخدة في حضنها وتاخد هي الضرب داخل عليهم وهو شايف غير أمة نادية مش سليمة
راشد بخوف: امي انتي هنا امي متعرفيش هو عمل أية فينا
يحيي كان مستغرب من منظر راشد
يحيي :راشد مالك
راشد قرب من سليمة :امى انتي هنا انتي متعرفيش هو عمل أية فية
سليمة : انت اللي متعرفش هو ممكن يعمل أية يا ابن (كلمة ابني اكدة لراشد اني دي أمة مش سليمة )
راشد حضن وشها:اامي متخافيش انا جنبك مش هيقدر يقرب منك
سليمة بستغراب :راشد انت متعرفش ذكريا دي ميعرفش غير الدم
راشد كان واقف قدمها شايف أمة وبس
يحيي :قولي انك خايفة من ذكريا
سليمة بزعيق : أيوة خايفة طبعا لزم اخاف انا مصدقت اكون في حضنك بعد كل العذاب دة انا كنت راضيا اني اشوفك في السر زي الحرامية بس كنت مطمنة عليك بس دلوقتي انت وقفت قدامة يعني في أي وقت هيغدر بيك غلط يا يحيي غلط لم وقفة قصادة
يحيي :سرة معاية ميقدرش يعمل حاجة
سليمة :مين دة اللي ميقدرش يعمل حاجة دي موت وليد وهو بيضحك مش هيموتك دي رامي رجب ايدة اليمين لسلطان وقعد يتفرج علية وهو بيضحك
راشد حس بخوف سليمة اكتر افتكر أمة اخر مرة شاف فيها شاف خوف أمة لم كانت بتضرب من ذكريا شفها أمة وبدون مايحس قرب منها ولسانة نطق بحب :أمي متخافيش يا أمي انا جنبك ومحدش يقدر يجي جنبك انا معاكي يا حبيبتي انتي واخالي انا عامل حسابي علي كل حاجة
واخيرا سليمة خدة بلها من حالة راشد سليمة بصة لراشد بدهشة اتهزة من جوها من كلمة أمي احساس غريب عمرها ما. عاشت هي سمعتها من غزالة بس مش زى راشد بس الكلمة حلوة وطلعة من راشد بصدق عينيها دمعة قربة منة :انت قولت أية يا راشد
راشد فاق لنفسة
راشد بضعف : ها بقول متاخفيش انا عامل حسابي علي كل حاجة
سليمة بحب :لا انت قلت امي
راشد فاق وخد بالة أنها سليمة مش أمة بعد عنها :الكل بيشفني جاحد بس محدش يعرف اني أضعف من القشاية كان نفسي اعيش مع امي بس اتحرمت منها ومن حضنها شفتها وهي بتضرب من ذكريا شفتها وهي بتترجها عشان ميضربهاش هي واللي في بطنها عشان عيسي يعيش متزعليش مني بس انا شفتك أمي حسته الكلمة اوي شفت خوفها في عينك
سليمة بحب ام :طب انا مش زعلانة انت قولت أية قلها تاني قول امي
راشد بدموع :أيوة قلت أمي هتصدقي لو قولت اني قولتها من غير محس حست اني محتاج امي
سليمة كان احسسها هو اللي بيحركها
سليمة قربة منة وحضنتة :خلص انا موفقة انك تكون ابني بس منبطلش تقولها انا امك انت وعيسي وحضني موجود ليك انت واخوك
راشد حضنها وفضل يعيط وهي تطبطب علية بحنية أمة محرومة من كلمة امي راشد حس بحنيتها كان مستغرب ازي دي تخون ازاي دي فيها الحنية دي وشغالة مع ذكريا راشد حضنها اوي
راشد بصوت حزين وبحسرة : اة لو تعرفي يا امي ذكريا ازني ازاي
سليمة رغم أنها قاسية و ظلمة بس ست وعندها مشاعر قلبها حن لراشد ومشاعر الأمومة المحرومة منها اتحركت جوها مسكت وش راشد
سليمة بحب ام :فضفض يا قلب امك فضفض يا راشد لامك من النهاردة انا امك في ضهرك
راشد حضنها جامد
يحيي مسح دموعة :,مش كفاية كدة بقة اعملي احترام لية حتي انا عريس وعيسي محتاجك زي راشد
سليمة بصة ليحيي : كنت زعلنة انك عملت كدة بس خلص مش زعلانة معقول بعد العمر دة يكون عندي رجالة زي راشد وعيسي وازعل
راشد مسح دموعة : بس عيسي مش لزم يعرف كل اللي حصل دة
يحيي بحزن : صح عيسي تعبان مش لزم يعرف كل اللي حصل كفاية اللي ذكريا عملة فئة
راشد :طب هنقول عليها اية
سليمة بتفكير : قولة اني انا مرات ابوكم ماشي
يحيي حضنهم هما الاتنين :ربنا ما يحرمني منكم يا سليمة
راشد بص لسليمة : انا مش عوز اعرفك اني لو اكتشفت انك بتخوني ممكن اعمل اية ومش عاوز اي حاجة تحصل هنا ذكريا يعرفها مش عاوز خيانة انا مش حمل خيانة جديدة في حياتي
سليمة :متقلقش هو في أمة بتخون ابنها
الكل سكت ,وراشد كمل بحزن :هتصدقي لو قلتلك اني بقيت مش بامن لحد بعد اللي عملة ذكريا فية
سليمة :بس انا مش ذكريا
راشد بقسوة مصطنعة :بس كنتي بتسعدي ذكريا في حاجة كتير
سليمة :مش هنكر بس انا مكنتش كدة هما اللي عملة من سليمة دي اللي انا فئة اني اغصبت علي كل حاجة في حياتي ودي سبب اني اكون كدة
راشد :انا مش بحسابك لا انا بس بعرفك اني زي ما في اب خان ابنة ودمر حياتة ممكن يكون في أم تخون ودمر حياتة ابنها
سليمة بصدق :بس انا مش عوزاك تخاف مني انا يمكن اتحرمت من الخلفة عشان لم اقبلك انت واخوك تكونة ولادي ومش معقول بعد ما كنت مش لقية اللي يقف في ضهري اخونك
راشد بصلها حبة بس خاف يامن ليه تعمل زي ذكريا بصلها وسبهم ودخل اوضتة سليمة استغرب منة
يحيي بصلها :سيبي راشد دلوقتي مع الوقت هيعرف انك كنتي مغصوبة زي
يحيي دخل هو وسليمة اوضتهم وبعد فطرة سليمة نائمة في حضن يحيي
سليمة : يحيي
يحيي :حبيبتي
سليمة :عندي سؤال مجنني
يحيي :بعد الشر عليكي من الحنان ياروح قلبي اسالي
سليمة: عوزة اعرف ازي زكريا بقة كدة ولية مرجعش للعيلة
يحيي: هعرفك
ونسبه حبة ونرجع لغانم
او هنرجع حبة بالاحداث
غانم بعد ما طلع ذكريا بعد اللي عملة قعد لوحدة بس كان مدايق لانة رفع ايدة علي بنتة ومدايق من نفسة جدا أنة مش قادر يخد بتار ابنة وابوة من اللي قتلهم و كان بيفكر في ذكريا وازي يخلص منة وياخد بتار ابنة وابوة و ازاي كريا قدر يقنع نفسة أنة عسران وطلق ليلة كان بيفكر ازي يقدر علي ذكريا من غير ما حد من اللي حولية يتأزي كان قاعد و سرحان افتكر لم وليد مات افتكر لم أمة خرجة من البيت مطرودة افتكر ازاي رفع ايدة علي غزالة وازي خد مكان ابوة
##فلاش باك ##
بعد ما ليلة مايشة من البيت دخل غانم اوضة وليد طلع النوتة وقراها تاني عشان يتأكد اني دة. مش ابوة عشان لم يقتل ذكريا مكنش غلطان فتحها ولقة كلم وليد صح افتكر لم سمعة وهبيتفق علي غزالة خرج و قاعد لوحد وهو هيتجنن ديب شافة قرب منة
ديب :سرحان في أية يا خالي
غانم بحزن :,ولا حاجة
ديب :هتخبي علية في حاجة مديقاك
غانم بصلة حبة وقال : طالب منك حاجة يا ديب
ديب :انت تامر يا خال
غانم وقف ومسك ايد ديب : خلي بالك من غزالة ويونس من بعدي اوع تزعلهم في يوم دول شافة كتير وكبرة قبل اونهم ويوم ما رجعة التلاتة وحبيت اعوضهم عن اللي شفة وليد سبني ومات وبقة اتنين اوي تقسي عليهم كفاية الايام عليهم
ديب وقف جنبة : خالي دي مكتوب وليد عمرة كدة ويموت كدة
غانم بدموع نزلته هو مخنوق : مات غدر
ديب :غدر ازاي
غانم فاق لنفسة :تعرف اللي مصبرني أية علي فراق وليد
ديب :اكيد غزالة ويونس
غانم بقهر :اكيد بس اللي مصبرني انت وجودك جنب غزالة ويونس تعرف انا وفقة لية علي جوزك من غزالة بطريقة دى عشان هتكون جنبها هي ويونس من بعدي انا مش طالب منك غير انك متقساش عليهم من بعدي خدهم في حضنك دول غلابة كفاية عليهم كدة
ديب طبطب علي خالة وخدة في حضنة :,لتاني مرة تطلب من الطلب دة وانا مش فاهم حاجة انت فيك أية مخبي علية
غانم اتنهد بوجع وسكت ورجع بص لديب بدموع محبوسة :هخبي عليك أية بس انت ابني البكرب أيوة مش ابني بس انا اللي ربيتك وكبرتك انت اول فرحة لية انا شفتك قبل ما اشوف ولادي ابوك مات قبل ما تتم العشر سنين خدة في حضني انت ودياب بس انت قربت مني اكتر من دياب وبقيت ابني وبعدين الموت علينا حق
ديب طبطب علية :مخبي عني أية مخليك كدة ساكت حتي مديقتش علي طلق ستي من جدي بالعكس انت كنت عادي كان كنت مبسوط أنها أطلقت
غانم فضل ساكت بيفكر يتكلم ولا سيكت وياخد بتارة من ذكريا لوحدة بص لديب كتير
غانم :ديب لو عرفتك حاجة هتساعدني في اللي عاوز اعملة
ديب :اكيد طبعا انت لسة قالي اني ابنك الكبير مالك
غانم بدموع خد نفس بحزن : وليد مات مقتول أبوية مش أبوية
ديب ماتفاجاءش بكلام غانم :طب هدي نفسك وفضفض معاية أية الكلام دة
غانم بحزن :قبل موت وليد بساعة كان تعبان جدا منهار وغزالة شفت منهار جريت تجيب اللي يهدية لحد ما تخدة للمصحة ويتعالج لم خرجة غزالة وليد حكالي كل حاحة ومين عمل فئة كدة
قال إني جدة هو اللي عمل فئة كدة هو وسليمة واني دة مش جدة دي واحد شبهة اسم
ديب بغل :ذكريا
غانم بصدمة :انت عارف حاجة ومخبيها علية
ديب طبطب علية :هدي نفسك ايوة عارف بس مش هقدر اتكلم عشان دة شغلي
غانم :يعني انت عارف اني دة مش أبوية واني دة اللي قتل ابني
ديب :, أيوة عارف و اعرف اللي اخطر من كل دة هو السبب في مرض خالي خليفة وحاجات كتير اوي اعرفها عنة
غانم بصدمة :انت بتقول أية طب هو عاوز أية مننا
ديب :خالي اهدي حبة الموضوع كبير اكبر من تار وقتل دي مافيا شغالة في كل حاجة اثار سلاح أعضاء مخدرات دعارة بيع وشراء البنات لرجالة سادية اي حاجة تتخيلها أو متجيش علي بالك بيعملوها احنا وراهم من سنين ذكريا دة دراع من ادرع كتير ممدودة في البلد
غانم : مقبضتش علية لية لحد دلوقتي مسني أية لحد ما يكمل علينا ويخلص علينا واحد واحد
ديب :لا طبعا ذكريا واللي زية مجرد وسيلة لناس كبير
واحنا مش عوزين حد من الصغيرين احنا عوزين الكبار
غانم بحزن :كنت عارف اني هو اللي قتل ابني وقبلها قتل جدك عسران
ديب بارتباك :عارف وبوعدك اني في اقرب وقت هاخد تار كل اللي مات على أيديهم بس انا طالب منك حاجة
غانم :طلب أية بعد اللي قولتة
ديب :ارجوك يا خالي متخلنيش اندم اني عرفتك حاجة ومن فضلك متتعرضش لذكريا انا كفيل بية ارجوك يا خالي احنا ما صدقنا نوصل لكل اللي وصلنالة
غانم :وتار ابني اسيبة عشان الكلب دة
ديب بحيرة :مش هتسببة بس هتصبر حبة مش عوزك تقلق هيجيبة لحد عندك راكع بس اصبر حبة صغيرة
غانم حط راسة بين ايدة وسكت :اصبر علي أية لحد ما أدفن ولادي واحد واحد
ديب :ارجوك يا خالي متخليش اندم اني عرفتك حاحة
غانم :طب ما انا كنت عارف عملت أية كنت خايف علي ولادي لسبهم لوحدهم بس دلوقتي ممكن اعمل اية بعد اللي قولتة
ديب :والله متخاف احنا عملين حسبنا علي كل حاجة بس انت متتهورش وتعمل حاحة تبوظ اللي بنعملة
غانم :هحاول
ديب :لا مش تحاول. لزم تصبر
ديب خد غانم في حضنة وطمنة أنة هيعمل كل اللي عوزة
##باك##
غانم فاق علي ايد غزالة
غزالة :قعد كدة لية يا بابا
غانم :ها أبدا مجاليش نوم قلت قعد برة حبة انتي بقة صحية لية يا ست البنات
غزالة :بصراحة أنا في حاجة عوزة اتكلم فيها ومش فهمها
وانت قولت لم اكون محتارة في حاجة اجي واتكلم معك
غانم مسك أيدها :طب اقعدي واحكي مالك
غزالة :مش عرفة يا بابا ديب متغير معاية
غانم:ازاي يعني دي حتي لسة من شوية مجنون جدة ومخلية يصدر فرامان جوزكم
غزالة :هه مهو هو دة اللي هيجنني ساعات كتير احس أنة بيحبني وساعات احس أنة بيشك فئة وساعات احس أنة بيكرهني انا مبقتش فهمى حاجة
غانم :ازي يعني دي كل اللي يشفيكم يقول عليك عصافير الحب
غزالة :يا بابا ديب مرة يكون معاية كويس ومرة يكون معاية وحش يعني لم اتكلم معها في الشغل يتحول ويزعق علي أقل سبب و ويفضل يقول انتي ازي تتكلمي مع راجل غريب انتي ازي تقفي مع حد غريب عنك وكدة وساعات يقول أنا مش رافض شغلك بخاف عليكي وساعات يتعامل معاية بكرة وقساوة انا مش عرفة اتعامل معها
غانم :غزالة ديب بيحبك بس هو خايف عليكي انتي بتشتغلي مع اناس متعرفش الرحمة
غزالة :يا بابا دي مش بيثق فئة
غانم :يعني أية
غزالة :من فطرة كدة جة المحل وركب كاميرات مراقبه ولم قالت لية قال عشان لو حصل حاجة نعرفها علي طول
غانم :علي فكرة كل المحلات التجاريه عملة كدة ديب بيخاف عليكي مش اكتر
غزالة :مش عرفة انا
غانم :انتي أية بص يا بنتي ديب شغلة مخلية قاسي ساعات كتير بيتعمل مع اللي في البيت كدة انتي شفتي منة حاجة تثبيت كلامك
غزالة :بصراحة لا
غانم :يبقة خلص متفكرش في حاجة. غير اني ديب بيحبك وانا شايف أنة مش بيحبك دي خلص بقة مجنون بيكي يلا قومي نامي تصبحي علي خير
غزالة بستغراب :تصبح علي خير
غانم كان مشغول بيفكر وكان بيرد علي قد السؤال
كلام غانم ماقنعش غزالة بس هي مش عرفة تعمل أية دخلة نامت وغانم فضل قاعد وهو في حيرة مش قادر يعمل حاجة ذكريا تمادى فيها اوي
فضل يفكر وشيطان ماسك.دماغة أنة يقتل ذكريا ويخلص منة
نرجع لسليمة ويحيي
سليمة كانت في حضن يحيي بتتكلم
سليمة :يحيي انا عندي سؤال مجنني
يحيي بأس راسها :بعد الشر عليك من الجنان يا روح قلبي اسالي
سليمة :اول حاجة انت لية عملت كل دة وازي بقية كدة والأهم ازاي توافق بجوز اختك بالشكل دة ولم ذكريا ابو راشد وعيسي لية مش عاوز يعترف بيهم وانت لية كنت قاسي طول الفطرة اللي فاتت كدة انت كنت باذيني كل مرة وانا معاك انت عمرك مقسيت علي حد انت كنت اطيب خلق الله
يحيي اتنهد:انا فعلا كنت طيب بس لم اشوف اخوية بيتعرض للقتل قدام عيني وانا مش قادر اعمل حاجة لم اتهدد اني اختي تتفضح في وسط البلد كنت لزم اكون كدة قاسي
سليمة :انا مش فهمى حاجة
يحيي قام قعد :زي ما انتي اتظلمتي انا كمان اتظلمت انتي اتظلمتي لم ابوكي حكم عليكي انك تتجوزى غانم وانتي مش بتحبية وبعدها عمك حكم عليكي انك لو متحوزتيش ابنة مش هتخدي ميراثك وغانم ظلمك لم عرف انتي مش بتخلفي واتجوز عليكي انتي اتحطتي في مواقف صعبة وكان لزم تكون كدة قاسية وانا اتحطبت في ظروف اصعب
سليمة :يحيي احنا كبرنا بلاش نكدب علي نفسين اكتر من كدة احنا متظلماش من حد احنا اللي ظلمتة نفسينا
يحيي:يمكن بس انا مش زيك انا كنت عرفة اني ناصر اخوية الله يرحمة كان بينبش في الجبل علي الآثار هو وتجار اثار تاني ذكريا كان صاحب ناصر اوي انا مكنتش اعرف اني ناصر بيتاجر كمان في المخدرات انا كنت عارف بالآثار وبس و ذكريا كان يعرف وكان بيشتري منة مخدارة ولم عسران عرف اني إخوة مدمن قال لسليم ابوكي ودخلة المصحة بس هرب يوم ما المصحة اتحرقت وجة هنا انا كنت متعرض عشان نادية كانت لسة مطلقة ومكنش ينفع راجل غريب يكون معنا في البيت بس ناصر قال محدش هياخد بالة وجاب زكريا هنا بعدها ناصر طلع الجبل يكمل نبش قعد كتير في الحبل وهو هناك طلبني كان قبلها نبشنا مقبرة كان فيها خير كتير اوي وانا وناصر اخدنا منها اللي يكفينا بس كان فيها تمثال صغير كدة معرفش اهميتة أية المهم اخدة ذكري وفضل عندي لم ناصر طلبني طلعت الجبل كنت فاكر اني ناصر فتح المقبرة الجديدة بس اللي مكنتش عمل حسابي علية اني في ناس مش مننا موجودين اجانب و ناس كبير ليهم هيبة دخلت بس لقيت ناصر متكتف وناس شكل التران جنبة مسكينة وواحد كبير كدة لية هيبة قعد وحاطت رجل علي رجل وماسك سجارة من التخينة دة (سيجار)
##فلاش باك ##
ناصر اتصل بيحيي ويحيي دخل علي ذكريا اوضتة
يحيي :ذكريا تعالي معاية ناصر عوزنا
ذكريا:هنروح فين وبعدين لحد يشفني
يحيي :متخافش احنا هنطلع الجبل ناصر عوزنا
ذكريا :تمام
طلع يحيي وذكريا يحيي دخل وساب ذكريا برة
يحيي :ناصر يا ناصر انت فين
ناصر :ادخل يحيي بسرعة
يحيي دخل :أية دة مين دول يا ناصر
ناصر :ألناس دي عوزين التمثال الصغير اللي معاك
يحيي :انهي دة
ناصر :اللي خدة من اخر مقبرة وحطيتة في اوضك تمثال الحظ
يحيي :دي تمثال بتاعي
الرجال بغضب :احنا هنحكي كتير متخلص انت وهو فين التمثال
ناصر :هات التمثال يايحيي هيموتوني
يحيي :يا بية دي تمثال حجر ومتكسر
الراجل :اخلص هات التمثال ومتدخلش في حاجة مش بتفهم فيها
يحيي :طب يا بية سيب ناصر وانا هجيب التمثال حاضر
الراجل :انزل هات التمثال واخوك معنا متخافش علية
ومرة وحدة ذكريا دخل
ذكريا :في أية هنا
الراجل بعصبية :خلصة عليهم
وابتدي الضرب بس ذكريا جري ومسك الراجل الكبير وكتفة :خليهم ينزلة سلاحهم عشان محدش فينا يندم
الراجل :نزل سلاحك انت وهو
ذكريا :يحيي ناصر لم السلاح وانت يا باشا لم رجلتك ومشفش وشك هنا تاني
ناصر :ذكريا
الراجل :تمام يا وحش بس مش هتلاقي حد يشتري منكم المقبرة الجديدة هات التمثال ونرجع حباب تاني
ذكريا :تمثال مش لم تدفع حقة الاول تخدة
الراجل :تمنة وصل من زمان وناصر عارف
ذكريا :انت اخدة كل حاجة تخصك ومشيت ترجع بعد فطرة وعاوز حاجة تاني يبقة بتمنها
الراجل : خلص المقبرة القديمة ترجع تاني ورجع الفلوس
ذكريا :البضاعة المباعة لا ترد ولا تستبدل يا باشا
الرجال :عاوز كام في التمثال
ذكريا :8مليون دولار وكدة انا خسران
الراجل :8 أية يا مجنون انت دي تمثال حجر
ذكريا : والله يا باشا دي بس عشان انت حبيبي وبعدين لو التمثال مش لزمك يلزم غيرك
الراجل :4مليون جنبة
ذكريا : بقة انا بقول دولار وانت بتقول جنية 8 انا مش برجع في كلامي
الراجل :ثواني وراجل
ذكريا :برحتك يا باشا
الراجل خرج وعمل مكلمة
ناصر :أية اللي بتقول دة يا ذكريا كدة مش هتلاقي حد يشتري المقبرة الجديدة دي راجل واصل في البلد وممكن يهد الجبل دة علي دمغنا
ذكريا :مش هيعمل حاحة وتشوف والمقبرة الجديدة هتتباع والضعف اللي كنت طلبة متقلقش
الراجل رجع :تمام الفلوس هتتحول لحساب ناصر زي كل مرة بعد ساعة هات التمثال
ذكريا :اتفضل معنا يا باشا تاخد واجب الضيافة وتاخد التمثال
الكل نزل ويحيي جاب التمثال
ذكريا : شرفتنا يا باشا اتفضل بس في حاجة اصل ناصر مش عارف يتكلم فيها
الراجل :خير في أية
ذكريا :بصراحة كدة المقبرة الجديدة
الرجال :ملها احنا متفقين عليها من قبل ما تبتدئ فيها يا ناصر
ذكريا :دي قبل ما انا انضم ليهم
الراجل :وانت بقة مين يا شبح
ذكريا :انا اللة والخفي
الراجل :لا ظريف اوي احنا خلص اتفقنا وخلصنا
ذكريا :معلش يا باشا اصل ناصر مكنش عارف اني بيعها قبلة يتفق معاك
الراجل : انت اكيد مجنون في أية يا ناصر
ذكريا :الكلام معاية انا يا باشا ناصر ويحيي ملهمش كلمة هنأ
الراجل :عاوز كام
ذكريا :عشان انت بس حبيبي وبنا تعامل انا عاوز ######
الراجل :لا انت كدة اتجننت راسمي دي مبلغ مبالغ فئة جدا
ذكريا :عندنا مثل في البلد بيقول اللي عاوز الكحل يتكحل واللي مش عجبة يرحل
الراجل :هتندم خليهالك مش هتلاقي حد يشتري منك انا المتحكم في السوق
ذكريا :هنشوف شرفتنا
الراجل مشي ويحيي وناصر :,:اللة يخربيتك الراجل دة ملك السوق من غيرة محدش يقدر يبيع قشاية
ذكريا :هيرجع متقلقش
وفعلا الراجل رجع بعد اسبوع
ذكريا :اهلا وسهلا يا باشا خير
الراجل :انا مش راجع عشان اشتري لا انا راجع عشان في عرض ليك ممكن يعجبك
ذكريا :عرض أية هو
الراجل :تعالي نقعد ونتكلم
قعد ذكريا والراجال في مكان بعيد
الراجل :اسمك أية بس من غير ظرف
ذكريا :اسمي ذكريا
الراجل : اسمع يا ذكريا دمغك عجبتني اوي انت اول واحد يقف قدامي بشكل دة
ذكريا :تشكر يا باشا بس أية العرض
الراجل : تحب تكسب وتكون غني ومحدش يقدر يكسر كلمتك وتكون فوق الكل
ذكريا :مين ميحبش كدة
الراجل :يبقة سيب ناصر ويحيي وتجي معاية ومتخافش انا عارف حكيتك كلها وانك كنت بتتعلاج من الادمان وهربت بعد حريق المصحة واني اهلك عرفين انك ميت تعالي معايا مش هتخسر بالعكس هتكسب ومش قليل لا كتير اوي قولت أية
ذكريا : وعرفت كل دة ازي اكيد ناصر ويحيي حكولك
الراجل : انا لم بكون عاوز اعرف حاجة بعرفها وانت بصراحة عجبتني دماغك سم مش زي ناصر ويحيي انت فيك هيبة انضم لينا وكون ايدي اليمين ومش هتخسر
ذكريا : وانا ممكن اطمنلك ازي وانت عارف عني كل حاجة وممكن تسلمني ليهم
الراجل باستغراب : كلامك سليم بس في حاجة صغيرة جدا عوزك تعرفها اسلامك لمين والأهم من كل دة هستفاد أية انت ولا تعرفني ولا اعرفك فكر صح وبطل غباء انا معرفكش ولا ليك عندي اي أهمية يعني زيك زي اي راجل بيتشغل عندي اوع تكون فاكر اني اللي شغلين معاية سلام لا دي فيهم الهربان وفيهم اللي علية حكم اعدام فكر كدة بعقل اشمعنا انت من كل دول هريحك واجاوب انا انت دماغك عجباني ومع حبة صنفرة مني ليك هتكون كبير ولو بقيت معاية هنملك السوق هنا وبرة قولت أية
ذكريا بعد تفكير :طب لو طلعت بتكدب علية صدقني مش هرحمك
الراجل :هههههههه دمك خفيف اوي علي فكرة قولت أية
ذكريا :بس ناصر ويحيي دول اخواتي هما اللي ساعدوني ومش هقدر اسبهم
الراجل :متخافش محدش هيقرب منهم دول رجالتي بردة كل الحكاية انك هتقابل الراجل الكبير وتتفق معها ويعرفك انت شغلك أية
ذكريا :موافق بس انا مش بخرج
الراجل :متقلقش دي مفيش اسهل منها
ذكريا راح مع الراجل وقابل ناس كبيرة في الشبكة دة غاب حبة ورجع بس انسان تاني يأمر وينهي بكل قسوة وفي يوم يحيي وناصر اديقة من ذكريا بقة قاسي معهم
ناصر بزعيق :هو انت خلص يا ذكريا مبقاش حد يهمك
ذكريا :في أية يا ناصر مالك
ناصر :في انك خلص مبقتش معنا بقيت مع الناس اللي في مصر
ذكريا :ودي يديقك في أية
يحيي :محدش فينا مديق بس انت هربان ومحدش يعرف بوجودك ودي غلط عليك
ذكريا :متخافش انا عارف بعمل أية خليك انت وهو في شغلكم ناصر انا بعمل كدة عشان نكبر اوع تكون فاكر اني مكسب الآثار دة فلوس لا في اللي يخليك ملك وتكسب فلوس كيييييير فلوس لو وقفت عليها نمسك القمر بأيدينا
يحيي:وآية هي بقة
ذكريا :كل حاجة واي حاجة تتباع
ناصر :أية سلاح
ذكريا :هو السلاح بس اللي ممكن يخليك عندك فلوس لا في غير السلاح كتير
يحيي :ما تتكلم علي طول يا ذكريا
ذكريا : أية يا ناصر هو انت مش قائل ليحيي انك معنهم في الموضوع دة هو انت متعرفش يا يحيي اني ناصر عارف كل حاجة عنهم واتعرض علية يكون معهم زي بس هو اكتفا بس بالآثار والمخدرات
يحيي :انت بتقول أية يا ذكريا
ذكريا :أية ناصر انت معرفتش اخوك الكبير انك تاجر مخدرات كمان وأنهم عرضو عليك انك تمسك المنطقة بتاعتنا وتكون المتحكم في كل حاحة فيها وانت رفض
ناصر : انت شيطان يا ذكريا
يحيي :انت بجد كدة يا ناصر انا متفق معاك اني اثار وبس غير كدة لا وانت يا ذكريا بلاش الشغل دة معهم الشغل دة آخرة وحشة
ذكريا :وطريق الآثار اخرتة أية فرح ما بردة اخرتة خيانة وخلي بالك مينفعش نرجع في كلمنا عشان هنموت
يحيي : خلص خلينا زي ما احنا شغلين ثار ومخدرات
ناصر :انت طيب يا يحيي هو احنا بتشتغل ثار ومخدرات وبس لا اللي يشتغل معهم بيبيع نفسة للشيطان يعني بيتشغل كل حاحة واي حاحة وبترضة بالي حاجة تتعمل معها
يحيي :يعني أية انت قولتش كل دة انت عرفتني اني مفيش خطر من الشغل معهم وهو في حاجة غير الآثار والمخدرات ممكن نشتغل فيهم
ذكريا :دي سلاح وآثار و مخدرات و.عارة وأعضاء وجواري وعبيد يحيي الكام يوم اللي قعدهم عند الناس بتاعة مصر دول شفت فيهم العجب وعرفت منهم اللي يشيب واتعلمت منهم اللي يقسي قلبك أو يخليك تشيل قلبك وتحك بدالة حجر صوان وانا كنت ممكن افضل معهم بس انا راجع من هناك عشان مبقاش ضعيف زي الاول وعشان اخد حقي من كل عيلة دياب
يحيي :عيلة دياب دول اهلك
ذكريا :أبوية مات والورث انقسم علي سليم وعسران وانا فين مليش مكان عندهم
يحيي :انت مايت بنسبلهم كان هيعمل حسابك ازاي بس في الميراث
ذكريا :بقول أية انا عندي تار عندهم خدة منهم واحد واحد
يحيي :تار أية يا ذكريا انت عملت كدة في نفسك انت اللي بقيت مدمن
ذكريا :يحيي انا خلص خدة قرار هنتقم منهم كلهم كبير وصغير لية ذنب ولا ملوش العيلة دي لزم تدمر
##بالك ##
ومن يوميها وذكريا بيدمر فيهم بعدها ناصر اتقتل وانا كنت فاكر غانم اللي قتلة بس عرفت اني سبب منة تجار مخدرات كان بيعمل معهم وغدرة بية بعدها جالي ذكريا وطلب ايد نادين
