رواية غموض الحب عائلة الرفاعى الفصل الثالث و الثلاثون بقلم لولا
امنيه بخوف جريت عليها وتابعت ياسمين بت يا ياسمين مالك ردي عليا وفضلت تخبط على وشها كذا ضربه براحه وتابعت بصوت عالي نسبيا حسااام .. ياحساام تعالى بسرعه
حسام دخل بخوف وتابع ايه في ايه مالك
امنيه بدموع ياسمين مغمى عليها تعالى شيلها بسرعه نوديها المستشفى
حسام جري عليها بخوف وتابع اوعي اوعي يا امنيه بسرعه مش وقته عياط وشالها بين ايديه وتابع بقلق وهو بيجري بيها يلا تعالي ورايا استر يارب خير باذن الله
امنيه بدموع خايفه عليها بجد اضغطت نفسيا اوي الفتره اللي فاتت
حسام بضيق حقيقي كتر الف خيرها استحملت كل ده ربنا يطمنا عليها يارب
وراح بيها عند العربيه وفتحها نيمها ورا وامنيه قعدت معاها وخدتها في حضنها
وحسام ركب قدام وتابع بقلق خلي بالك منها امسكيها كويس
امنيه بدموع حاضر بسرعه بس الله يخليك يا حسام
حسام وهو بيمشي سريع تابع بخوف اقصى حاجه والله خير باذن الله ربنا يستر يارب ونفخ بضيق وتابع بختها قليل اوي البت دي بجد
امنيه بدموع حقيقي صعبانه عليا اوي ربنا يصبرها اللي مرت بيه يكسر اقوى جبل وهي بنت لوحدها في الدنيا هتحارب فكل العلاقات لوحدها يعني طب لحد امتى
حسام بحزن لحد ما ربنا يريد ويعوضها ويريح قلبها والله مستحيل دي تكون النهايه
امنيه بحزن حتي لو الامور اتصلحت هتبقي زوجه تانيه يا حسام ?? ولا هتستحمل ان صاحبه عمرها تشاركها في جوزها ??
حسام تنهد بعمق وتابع بعقلنا وتفكيرنا لا مستحيل تستحمل او تقبل بلوضع ده فربك يرتبها من عنده ويريحها بجد
امنيه باست جبينها وحضنتها واتابعت بدموع ينورعيني يا ياسمين ربنا يقويكي يحبيبتي ويطمنا عليكي يارب وغمضت عينيها وتابعت بدموع انتي متستاهليش كده بجد منها لله جودي ربنا ينتقم منها ويورينا فيها يوم ويجبلك حقك يعمري
حسام بحزن اللهم امين يارب
وشويه ووصلوا المستشفى وحسام نزل وشالها بين ايديه ودخلوا المستشفى
حسام بقلق لو سمحتي معايا حاله اغمى عليها فاجاه
الممرضه حاضر ثواني هجبلك الترولي دلوقتي
وبلفعل جابوه وحسام حط ياسمين بهدوء وخدوها ومشيوا ووقفوا قلقانين عليها
امنيه بدموع هو ايه اللي حصل في حياتها ده بجد
حسام سند راسه للحيط اللي وراه وغمض عينيه وتابع مش عارف يا امنيه مش عارف بجد اقول ايه هي ومازن كنا بنضرب بيهم المثل وفي يوم وليله هي مع احمد ومازن مضطر يتجوز صاحبه عمرها ايه كل الاحداث دي وازاي حصلت معرفش بس حقيقي ياسمين مش حمل تعب كفايه اوي حوار عمي ده
امنيه بدموع ربنا يعوضها بجد
الممرضه معلش يا استاذ ممكن تيجي تملى الاستماره في الحسابات
حسام تمام ماشي وبص لامنيه وتابع خليكي هنا جايلك تاني
امنيه هزت راسها بحاضر وحسام مشي مع الممرضه وفون ياسمين رن
امنيه فتحت شنطه ياسمين ومسكت الفون لقيته يونس
امنيه بتوتر يالهوي اقوله ايه ده .. طب ارد ?? لالا بلاش هيقلق بلاش اقوله ورايحه تحط الفون في الشنطه تابعت بتردد: بس كده هيقلق اكتر لانه الوقت اتاخر اووف هرد وخلاص وردت
يونس بحده هو انتي كل يوم لازم تحرقي دمي فينك يا هانم اما جودي نزلت من بيتها اهو ومش معاها حد
امنيه غمضت عينيها اتصرعت من زعيقه وتابعت بتوتر انا امنيه يا يونس
يونس بستغراب امنيه ?? فينها ياسمين وبتعملي ايه معاها دي الساعه 9 ونص
امنيه بحزن ياسمين تعبت شويه فخدناها انا وحسام وروحنا المستشفى
يونس بخوف نعم مستشفى ايه بسرعه انا جايلكم
امنيه بتوتر مش بعرف اوصف هبعتلك اللوكيشن
يونس بخوف ماشي ماشي ابعتيه بسرعه يا امنيه الله يخليكي بس طمنيني طيب حصل ايه علشان تتعب كده
امنيه بتوتر معرفش والله هي فاجاه وقعت من طولها
يونس وهو بيلبس بسرعه تابع طب سلام يا امنيه سلام
امنيه سلام وقفلت معاه وبعتتله اللوكيشن
ودقايق وحسام جيه وتابع بتنهيده محدش خرج ???
امنيه بتنهيده لا لسه
حسام قعد وتابع بتنهيده والله مش عارف اقول ايه
امنيه قعدت جمبه وتابعت بحزن ندعيلهم ربنا يريح قلبهم ويجمعهم مازن وياسمين من غير بعض تايهين ..طول عمرهم سند بعض محدش فيهم بيعرف يعيش من غير التاني ومحدش بيعرف يكمل يومه ولا ياخد قرار من غير التاني وحياتهم بردو وقفت مع بعض
حسام بحزن عندك حق وحقيقي لو بايدي اساعدهم مش هتاخر بس مش بايدي غير ادعيلهم
امنيه بابتسامه وده اللي هما محتاجينه اكتر حاجه
وطلعت الدكتوره فقام حسام وتابع بقلق طمنينا يا دكتوره
الدكتوره مين مازن ?
حسام وامنيه بصوا لبعض بتوتر فتابعت امنيه بتوتر جوزها يا دكتوره خير في ايه
الدكتوره بتنهيده ابدا اصل بتخرف باسمه والواضح انه مزعلها اوي لدرجه مستحملتش الواقع وكان صعب وتقيل عليها لان الضغط عندها وطي اوي وسببلها هبوط حاد خطير جدا ونبض القلب ضعف ونحمد ربنا جبتوها في الوقت المناسب والا كنا ممكن نخسرها
امنيه وحسام تنهدوا بارتياح فتابع حسام طب طمنيني عليها دلوقتي يا دكتوره صحتها اخبارها ايه
الدكتوره احنا عملنا اللازم وعلقنالها محلول واول مايخلص تقدر تمشي عادي بس تهتموا باكلها وصحتها جداا وتبعدوها عن اي حاجه ممكن تتعب اعصابها لانها مش حمل صدمات وياريت جوزها يدعمها الفتره دي وميجيش عليها زياده لان هي حقيقي صحتها مش مستحمله ومنعرفش لقدر الله ممكن يحصل ايه لو الوضع ده اتقرر فأي حاجه عارفين هتتعبها تجنبوها احسن
امنيه بتنهيده تمام يا دكتوره تعبناكي
الدكتوره بحب لا ولا تعب ولا حاجه ده شغلي
حسام بتنهيده طب نقدر نشوفها ??
الدكتوره اه نقلوها خلاص في الاوضه اللي هناك دي وهي حاليا فايقه بس تعبانه متضغطوش عليها في اي حاجه ولا تجبروها تتكلم خليكم جمبها بس لحد ما المحلول يخلص
امنيه بحب اكيد متخافيش
حسام بحب تمام يا دكتوره شكرا
الدكتوره بابتسامه العفو عن اذنكم
في الاوضه عند ياسمين قاعده متعلقلها محلول وباصه بشرود قدامها والدموع ماليه عينيها وبتفتكر فلااااش بااااك
جودي يابت والله انتي عبيطه ده يوم في العمر فيها ايه لما تسيبي شعرك يعني
ياسمين بس يحبيبتي انتي عبيطه وربنا موجود كل الايام ومش موجود يوم فرحي ولا ايه استغفر الله العظيم يارب يعني اليوم ده بدل ما ابدا حياه جديده ابدائها بذنوب وكمان معرفش اعلق اي صوره لفرحي في شقتي بعد كده لان كله بشعري ازاي يعني
جودي بضحك خلاص هتقومي عليا كده ليه براحتك انا مقصدش بشوف ناس بتعمل كده فبقترح عليكي
ياسمين بحب عارفه ان ناس كتير بتعمل كده وعارفه انك عايزه تفرحي بيا و مش بقوم عليكي بس دي الحقيقه ربنا يهديكي وتاخدي خطوه الحجاب وهتعرفي قصدي انما اكون لبساه واقلعه في فرحي !!!! وضحكت واكملت يعني مازن لو سمع كده يقلع راسي من مكانها
جودي بضحك ومين كان هيقوله بس
ياسمين بضحك يحبيبتي انتي عبيطه ماهيشوفني وهينكد عليا في اكتر يوم بتمناه و ده اذا كنت طاوعتك يعني وغير كده انا مبخبيش عليه حاجه
جودي بضحك هو انا ازاي صح اسأل السؤال ده ما طبيعي انتي كل حاجه بتحكيها لمازن حتى اللي يخصه وميخصوش
ياسمين بضحك الله وانتي ايه مضايقك انتي يا بومه وفتحت فونها واكملت بالله بصي وريته اني عملت كيكه بصي بيقولي ايه
جودي بصت واكملت بضحك ياالهوي هو ايه اللي قمر يحبيبتي تسلم ايديكي اشطر سمسم هو انتي عملاله عمل عند انهي دجال بجد ده انتي حارقه الكيكه
ياسمين بضحك بس يحيوانه محروقه ايه دي شكولاته اخرسي
جودي فضلت تضحك واكملت بت بطلي حورات لو هو صدق ان دي شكولاته انا مش عبيطه
ياسمين بضحك لا منا قولتله بعدها اني حرقاها قالي قمر بردو يحبيبتي كفايه انك حاولتي بس ابقي فكريني احفظ نمره الاسعاف
جودي فضلت تضحك واكملت اه كده طبيعي مفيش اعمال
ياسمين بضحك والله انتي كلبه ومش صاحبه جدعه غوري
جودي حضنتها واكملت بحب يا سمسم ده انا بحبك وباست خدها واكملت ادعيلي ربنا يهديني زيك انا والله مش قصدي اضايقك لما قولتلك تقلعي الطرحه بس انا نفسي اشوفك اجمل بنت في الدنيا مش بقول كده لاني مش محجبه زي مافهمتي وابتسمت بحزن
ياسمين بحب بطلي عبط ومتزعليش احنا اخوات انا فاهمه قصدك بس فرحتي الحقيقه هبتقى ان مازن بقى جوزي مش بشعري يا جودي انا ضدد البنات اللي بتعمل كده وانا مقصدش احسسك بكده حقك عليا والله بدعيلك ربنا يهديكي وتاخدي الخطوه دي
جودي بحب يارب واشوفك اسعد واحده مع مازن قريب يارب
ياسمين ابتسمت بحب واكملت يارب
******
جودي بابتسامه شامته : تؤ تؤ كان حبيبك اهي دي اكتر كلمه ضايقتني فكل اللي قولتيه
****
وحطت ايديها على بطنها وتابعت بكيد: علشان مينفعش بيبي من صلب الرفاعي يتقال عنه ابن حرام
****
جودي بعدتها عن حضنه وتابعت بعصبيه ماتحترمي نفسك انتي واقفه بتحضنيه قداامي انتي اتجننتي
*****
جودي فضلت تضحك وتابعت ياستي ربنا يخليلك امنيه اعتبريني كده نظرتك مش فارقالي كتيير بس سيبك من كل ده انا في حاجه موتتني ضحك وضحكت وتابعت بشوه ايه ??? وبصت لمازن وتابعت بضحك ماتتكلم يا حبيبي ولا انت من اللي بيعملوا العمله وينكروا ???
******
مازن تنهد بعمق وراح حط ايديه على المصحف وياسمين قلبها كانت دقاته سريعه اوي ودموعها بتنزل فتابع بوجع: اللي في بطن جودي ابني يا ياسمين
*****
بااااااك
ياسمين غمضت عينيها ونزلت دموعها بقهر وتابعت في سرها: ازاي واثقت فيكي اوي كده ازاي مخدتش بالي انك عايزاني ابقى شبهك ومازن يتخانق معايا وشايفه حبه ليا انه عمل للدرجه دي كنتي حقوده وحقدك كان وسط كلامك الطبيعي معايا وانا مش واخده بالي !!!! حطالي السم في العسل يا جودي ??!!!! ازاي كنت عاميه اوي كده ومخدتش بالي انك وحشه ازاي اعتبرتك اختي وانتي بتخططي تدمريني !!?? روحي منك لله يا شيخه والله مش مسامحه يارب مش مسامحه وعايزة حقي ارجوك يارب بحق وجعي وصدمتي هاتلي حقي منها انا لحد دلوقتي مش قادره استوعب بجد انا مقهوره ومصدومه ورجعت ضهرها لورا وغمضت بتعب ودموعها نزلت
حسام خبط ودخل وتابع بتنهيده عامله ايه دلوقتي يحبيبتي
ياسمين فتحت وتابعت بتعب الحمدلله يا حسام احسن نشكر ربنا
امنيه بدموع سلامتك ينورعيني وباست راسها
ياسمين بابتسامه متعبه الله يسلمك ينورعيني اهدي انا بخير تعبتكم حقكم عليا
حسام بحب بس يعبيطه ده انتي غلاوتك من غلاوه زينب بلاش الكلام اللي مالوش لازمه ده
ياسمين بتعب ربنا يخليك ليا يا حسام وبقولك معلش هطلب منك طلب
حسام بحب تحت امرك
ياسمين بتنهيده متعبه: متعرفش مازن اني تعبت ولا دخلت المستشفى
حسام بقلق ماهو عارف انك معايا وقالي خالي بالك منها و
ياسمين بمقاطعه علشان خاطري وحياه ربنا متقولوش لو عرف هيجي يشوفني اي وقت انا ومش طيقاه ولا طايقه اشوف وشه
امنيه بصتله بصه فهمها وتابعت خلاص يا حسام متقولوش مش عايزين نضغط عليها نفسياً الله يخليك
حسام افتكر كلام الدكتوره وتابع بتنهيده حاضر يا ياسمين مش هقوله خلاص
ودخل يونس وعز بسرعه بقلق واضح وتابع يونس بخوف مالك يا ياسمين فيكي ايه وقعتي قلبي
ياسمين بتعب ايه ده قولتهولهم ليه مفيش يحبيبي انا كويسه متخافش
امنيه بحزن ده هو رن عليكي معرفتش مقولوش
يونس راح قعد جمبها على السرير ونيمها في حضنه وتابع بقلق وهو بيبوس راسها : كويسه ايه ونيله ايه بس يا ياسمين ده منظر واحده كويسه
عز بدموع مالها يا حسام حصلها ايه يا ابني طمني ابوس ايدك
حسام بتنهيده يا جمااعه متخافوش هي كانت معايا انا وامنيه برا بنتغدا وتعبت وضغطها وطي بس
يونس بشك محصلش حاجه ضيقتها ???
ياسمين بصتله وتابعت بتوتر لالا يحبيبي متخافش مفيش اي حاجه ضايقتني انا بس اللي بقالي كتير مهمله في اكلي وصحتي
يونس مصدقهاش بس محبش يضغط عليها فباس جبينها وتابع بتنهيده نبقى نتكلم بعدين احسن المهم انتي طمنيني عليكي الدكتور قال ايه
ياسمين بحب متخافش يحبيبي انا زي الفل وهخلص المحلول ونمشي خلاص
عز بدموع سلامتك يا بنتي الف مليون سلامه عليكي
ياسمين بابتسامه متعبه الله يسلمك يا بابا شكرا
عز راح شد الكرسي وقعد قدامها ومسك ايديها وحطها ببن ايديه وباسها وتابع بدموع وجعتي قلبي عليكي لما اخوكي قالي انك في المستشفى خلتيني اترعب والله يا ياسمين
ياسمين دموعها نزلت واتعدلت في قعدتها ويونس عدلها المخده ورا ضهرها وباست راس عز ومسحت دموعه وتابعت اانا والله العظيم بخير اهو نحمد ربنا اهدى
عز بدموع مش ناويه تسامحيني يا ياسمين قولتيلي سبني براحتي وسبتك بس هان عليكي تزعلي من بابا كل ده
ياسمين بدموع مش زعلانه منك خلاص حصل خير يا بابا اه موجوعه منك بس ماليش غيرك هنفضل لحد امتى مش بنتكلم يعني
عز حضنها وتابع بدموع فرح ينورعين بابا انتي يا ياسمين ياحبيبت بابا وباس خدها وجبينها وتابع بفرح ربنا يفرح قلبك يا بنتي زي مافرحتيني
ياسمين ابتسمت والدموع نزلت من عينيها وتابعت اللهم امين يارب ومسحت دموعه وتابعت كفايه دموع بقى
عز بدموع من الفرح يا بنتي والله مش مصدق انك بتكلميني حقك عليا يا بنتي على كل حاجه شوفتيها بسببي بجد بس ربنا يعلم عملت كل ده علشان بحبك ازاي ده انتي نورعيني ومبتستحملش عليكي اي حاجه ولو كنت اعرف انك تعبانه وشايله كل ده مكنتش اترددت اعرفك الحقيقه انا بجد ندمت ندم عمري اني سكت
ياسمين بدموع عارفه وعلشان كده سامحتك رغم جوايا حته مش قادره تتخطى الوجع ده بس قادره تشوف انه غصب عنك
عز حضنها وطبطب على ضهرها بفرح وباس راسها وتابع يارب يطمني عليكي ويفرحني بيكي يا نورعيني واشوفك اجمل عروسه
ياسمين ابتسمت وطبطبت على ضهره وتابعت جيبالك حاجه هتعجبك قولت هديهالك لما نتكلم
عز بابتسامه حاجه ?? حاجه ايه دي
ياسمين بحب امنيه هاتي الشنطه بتاعتي
امنيه بحب امسكي اهي
ياسمين فتحتها وطلعت صوره لمامتها قد كفه الايد وتابعت بابتسامه وعينيها فيها دموع يمكن مبتقدرش تخلي صور ليها معاك في اوضتك خوفا من ان حد يشوفها بس دلوقتي خلاص فجبتهالك
عز شاف الصوره فضل يعيط ومسكها باسها وغمض عينيه بوجع وفضل يفتكر ايام هزارهم سوا ولما كانت بتغير عليه ولما عيطت في حضنه من الخوف سااعه الحمل ولما ودعته قبل العمليات وقالتله هتواحشني وفضل يعيط جامد وهو باصص للصوره باشتياق لدرجه كل اللي واقف اتأثر
ياسمين بدموع حقك عليا يا بابا انا اسفه لو اعرف انك هتتأثر كده مكنتش جبتها
عز بوجع ودموع حقك عليا ايه بس دي اكتر حاجه حد جبهالي عجبتني في الدنيا كلهاا انتي عارفه انا بقالي كام سنه مشوفتش صوره لامك ده عمر بحاله عمري ماجيت بصوره ليها البيت يعني 22 سنه مش معايا صوره ابصلها بس عُمر ما ملامحها خرجت من بالي فبغمض عيني علشان اشوفها بس انتي عملتي فيا جميل وجبتيلي صوره وانا هكبرها واخليها في اوضتي علطول
ياسمين حضنته وفضلت تعيط وتابعت الله يرحمها يحبيبي اهدى علشان خاطري حقك عليا
عز فضل يعيط في حضن بنته وتابع والله يابنتي مزعلتش الصوره فرحتني اوي بس امك واحشتني اوي اوي يا ياسمين سابتني بدري وهي عيله صغيره كانت اجمل حاجه في حياتي مكنتش عايش غير علشانها وحقيقي بعدها بقيت جسد بس والحمدلله انتي نسخه منها وربنا معوضني وشايفها فيكي وبحبك اوي وكنت بتقهر وانتي بترفضي اصالحك وانتي الحاجه الوحيده اللي فضلالي من مريم
ياسمين باست جبينه وايديه وتابعت بابتسامه وعينيها فيها دموع ربنا يقويك يا بابا وخلاص اللي فات مات انا مقدرش ازعل منك اصلا
عز مسح دموعها وتابع ربنا يطمني عليكي ينورعيني ويتمم شفاكي على خير يارب
ياسمين بحب يارب يحبيبي يارب
يونس بحزن الله يرحمها يابابا ويربط على قلبك على قد غلاوتها
عز بابتسامه حزينه يارب يا ابني يارب
وامنيه فونها رن فكانت مامتها فتابعت حسام ماما بترن
حسام بص للساعه وتابع يانهار اسود هتهزقك الساعه 10 قوليلها جايين خلاص
امنيه هزت راسها بتمام وخرجت تكلمها
عز وانت يا مهزق ياللي متربتش لسه موصلتش خطيبتك والساعه بقيت 10
حسام بضحك ياعمي والله اتلاهينا مع سمسم ومركزتش في الوقت هروحها اهو خلاص
امنيه دخلت وتابعت يلا يا حسام سمعت كلمتين حلوين وراحت حضنت ياسمين وتابعت سلامتك ينورعيني هكلمك اطمن عليكي
ياسمين بابتسامه الله يسلمك حقك عليا اخرتك
امنيه بحب بس يعبيطه ده انتي اختي
حسام بحب سلامتك يا سمسمه يلا السلام عليكم
ياسمين بحب الله يسلمك يا غالي وعليكم السلام
وخرجوا فتابع يونس طب ارتاحي انا قاعد اهو لو عوزتي حاجه بس ريحي جسمك لحد ما المحلول يخلص ونمشي
ياسمين هزت راسها بتمام وريحت جسمها بتعب واضح وغمضت عينيها
عز باس جبينها وقام قعد على الكنبه قدامها في الاوضه هو ويونس
——————————————
في الشقه اللي على النيل قاعدين قاسم ومازن
قاسم جاب القهوه وتابع طب والعمل ده كده قفلتها عليك بلضبه والمفتاح ان لازم تتجوزها
مازن بوجع انا كده كده كنت هتجوزها بس حوار البيبي ده قطم ضهري بصراحه اصل هلحق اقول لاهلي واتكلم عليها واتجوزها واعمل كل ده في اقل من شهرين
قاسم تنهد بعمق وتابع عارف حاسس انها هي اللي قصدت تروح وراك وانت سكران علشان تغلط معاها باين عليها بت مش تمام
مازن بسخريه طب منا شكيت في كده من كلام ياسمين بس اثبت يا قاسم مفيش اثبات عليها فانا سواء روحت بمزاجي روحت مغيب النهايه واحده وهي حاليا حامل في ابني
قاسم بتنهيده حزينه منا عارف بس اسلوبها اللي بتحكي بيه مع ياسمين ده بصراحه ميطمنش دي واحده قادره وبجحه اوي بجد وحبها ليك ده هو اللي مشككني
مازن بوجع اه النهايه ايه ??
قاسم بتنهيده اه لمستها
مازن تنهد بوجع وتابع بس كده فمضطر خلاص حتى لو مش حامل
قاسم بحزن طب فكرك لو ربنا عدل الحال واحمد وياسمين سابو بعض .. ياسمين هتقبل يكون ليها ضره
مازن ضحك بغلب وتابع ياسمين لو تطول تولع فيا وفيها هتعملها يا قاسم وتنهد بعمق وتابع خلاص حكايتي انا وهي خلصت وللابد دي كانت واثقه فيا اكتر منا بثق في نفسي يا قاسم…. ثقه حقيقي انا نفسي استغربتها اللي هو ازاي واثقه فيا الثقه دي واتمنيت الارض تتشق وتبلعني بس الحقيقه متبنش قدامها لان مش عارف هرد اقولها ايه ولا ارفع عيني في عينيها واقولها حصل ازاي مكنتش قادر اشوف نظره القهر والوجع والخذلان في عينيها مني و كنت بموت الف مره وجودي بتشمت فيها وهي واقفه هتقع من طولها من الوجع ومستنيه كلمه مني تحييها وانا موتها اكتر حقيقي هي خساره فيا
قاسم بحزن اهدى يحبيبي دي اراده ربنا ياريت بايدنا حاجه نعملها بس متيأسش انا عندي امل بجد ان الامور تتحسن وياسمين توافق تتجوزك على ضره لانها فعلا متقدرش تشوف راجل غيرك وعلى الاقل هتكون واثقه انها جواك غير اي حد ومش هتغير منها
مازن بدموع تؤ متهيالك طلما وصلت اني لمست بنت تانيه وحامل في ابني ياسمين مش هتبص في وشي تاني ومش اي بنت دي صاحبتها انت متخيل
قاسم بتنهيده والله مش عارف اقول ايه ربنا ينتقم منها لو كانت فعلا قصدها تعمل كده
مازن بتنهيده قصدها يا قاسم بس زي ماقولتلك النهايه واحده وانا كنت حاسس برغبه ومش شايف غير ياسمين قدامي وده مش من الخمرا مش هحس برغبه لما اسكر يعني
قاسم بتفكير انت قصدك انها علشان تنفذ خطتها حطتلك حاجه.??? يا نهار اسود معقوله
مازن بوجع اه جودي 90% زي ما ياسمين قالت قصدت تعمل كده وحطتلي حاجه في المايه اصل الاحساس اللي حسيته ده مالوش تفسير تاني
قاسم بصدمه بص هو انا حسيت وقولتلك بس المشكله افرض كنت قولتلها اخبطي دماغك في الحيط مش هتجوزك تبقي خسرت شرفها في بنت تغامر بكده. ??
مازن بتنهيده احنا عشره سنين وهي بتحبني من زمان وعارفه ان لو حصل حاجه زي دي هتجوزها ورجلي فوق رقبتي لاني راجل وعندي اخت بنت ومتربي على الاصول فمدرك انها مصيبه ومينفعش اسيبها
قاسم بصدمه يابنت الكلب بجد الواحد مش عارف يقول ايه
مازن بوجع متقولش حاجه الحمدلله على كل حال دي اراده ربنا
قاسم بحزن تفتكر ياسمين هتعاند قصادك وتتجوز احمد
مازن بوجع لا ياسمين مش هتقدر تتجوز احمد بس انا مضطر اتجوز جودي ومفيش دليل واضح عليها انها وحشه وقصدها كل ده ولو فعلا قصدها كده فبردو مقدرش اظلمها علشان ابني فاهتقي الله فيها
قاسم بحزن وسواء فعلا طلعت زباله وقصدها او ضحيه فاا في حقيقه مش هنعرف نغيرها
مازن بوجع اممم انها شايله ابني وده مالوش ذمب في اي حاجه بتحصل حقيقي
ولقيوا الباب بيخبط فتابع قاسم بضحك محدش هيضربك المره دي صح ???
مازن بضحك لا ياخفيف جودي وحيده افتح بقلب جامد
قاسم ضحك وقام فتح لقي حسام فتابع بضحك يا مرحب بلداخليه ادخل يا ولد عمي
حسام دخل وتابع مازن هنا صح
مازن اه يا حسام تعالى
حسام دخل وتابع بتنهيده عامل ايه دلوقتي طمني عليك
مازن بوجع سيبك مني ياسمين كويسه ??
حسام بتوتر ايه اه كويسه مالها يعني
مازن دموعه نزلت تابع يا شيخ ابوس ايدك طمني قلبي قايد نار وحاسس انها مش بخير
حسام قعد قدامه وتابع بحزن صدقني هي بقيت كويسه متخافش عليها خلاص
مازن بخوف بقيت ده اللي هو ازاي يعني ??? هي كانت تعبانه ???
حسام تنهد بعمق وتابع هقولك بس كأني مقولتش لانها مش طايقه تشوفك ولا عايزاك تطمن عليها .. ياسمين تعبت شويه وجالها هبوط حاد ونقلناها للمستشفى وعلقت محلول وهيخلص وتمشي والدكتوره مأكده علينا اننا نبعدها عن اي حاجه تتعب اعصابها
مازن بصدمه نعممم مستشفي ايييه سيبك منها هروح اشوفها دي شكلها اتجننت وقام وقف
حسام قام مسكه وتابع ماازن .. ماازن اهدى كده ومتندمنيش اني قولتلك اكبر بقولك البت محلفاني معرفكش بس شايفك هتموت عليها قولت اطمنك
مازن بدموع طب اشوفها بس من بعيد ابوس ايدك يا حسام مش هقولها انك قولتلي علشان خاطري اطمن عليها بس
حسام بحزن يحبيبي لو بايدي اوديك بس مش هتثق فيا تاني ومش هعرف اكلمها واطمنك اي وقت لانك لو روحتلها هتشيل مني انا كمان
مازن بوجع ودموع للدرجه دي! !!! للدرجه دي مش طايقه تشوفني انا يا حسام !!! انا! !!!!
حسام حضنه وتابع بحزن حقك عليا اعذرها حقها يا مازن البت بتموت فيك وشافت منك االلي مفيش انسانه تتحمله
مازن بوجع ودموع غصب عني يا حسااام غصب عني مكنتش عايش غير علشانهاا وموافقتها باحمد كسرتني وقطمت ضهري حسيت اني خسرت الدنيا اللي عايش علشانها والحياه اطفت في عيني وفقدت شغفي اعيش يقوم كمان اتنيل اغلط مع جودي واقطع بايدي اخر امل يجمع بيني وبينها هو انا عملت ايه استاهل عليه الوجع ده يا حسام قولي
حسام بحزن حقك عليا اهدى ابوس ايدك باذن الله ربنا يعدلها وكل الامور تتحل
مازن بوجع ودموع تتحل ايه بس دي اتعقددت خاالص وعدت المستحيل انا نفسي مش قادر اصدق ازاي لمست بنت تانيه غير ياسمين ومضطر اتجوزها والله ما قادر اصدق
قاسم حضنه وتابع بوجع حقك علي راسي ربنا يعوضك ويطبطب على قلبك ويحنن قلبها يارب وترضى تتجوزها مع جودي
مازن دموعه فضلت تنزل في حضنه وتابع صاحبك اتكسر يا قاسم بجد صاحبك مبقاش عايز يعيش متخيل جيه اليوم االلي ياسمين مش عايزه تشوفني انا فيييه! !!!! متخيل انها بقيت تتعب وتدخل مستشفيات بسبيبي وتخبي عليااا! !! انا اللي كنت ايدي في ايديها من وهي في اللفه! !! انا بجد مش قادر اصدق حصل ايه ووصلت لايه وحياتي بتدمر يوم عن يووم كددده ليييه انا تعبببت وجبت اخرري هو حرااام اخد حاجه عايزها ياا بشر حرااام ???? هو هعيش طول حياااتي مبختارش وبخسر بس ومجبر على كل حااجه ..يااارب ده انا شوفتها هي عوضي عن كل حاجه يااارب والله مش هقدر اكمل من غيرها مش هقدر
قاسم كان عمال يطبطب عليه وهو بيتكلم وتابع بحزن استغفر ربك يا مازن مينفعش انت عمال تعترض على اراده ربنا خلي عندك حسن ظن بالله انه عملك الخير وياسمين والله نصيبك دي متقدرش تعيش من غيرك وهتتقبل ان جودي ام ابنك فمضطر تخليها على ذمتك علشان كده بس
حسام بحزن وانا رايي من راي قاسم يعالم صح يمكن ترضى لانها متقدرش تعيش من غيرك واهو تتجوز الاتنين وخلاص
قاسم غمز لحسام علشان يضحكه وتابع بضحك وبعدين بذمتك حد يطول ياخد مزتين بيحبوه قاعد بتندب على ايه انت بجد
حسام فضل يضحك فتابع مازن بضحك من بين دموعه هقولها هاا بس اللي ميرجعش في كلامه
قاسم بضحك لا ابوس ايدك مش ناقص نكد دي حبيبت قلبي وعيوني دي مش شايف غيرها
حسام بضحك ايوه كده جيب ورا جدع
قاسم بضحك لازم يحبيبي اجيب ورا بشتري دماغي انا ناقص
حسام بضحك والله بني ادم بتفهم
مازن تنهد بعمق وتابع تتفكروا ياسمين هتوافق تتجوزني بلوضع ده
حسام بتنهيده بص حاليا لا هتبقى متعصبه وتعبانه ووجعها لسه مبردش ولو حد فكر يفاتحها هتبهدل بكرامته الارض …انما قدام اه عادي لان لما الزعل جواها يهدى هتغلبها حقيقه انها بتحبك جداا ومش قادره تتخطاك او تتجوز غيرك وانت كمان بتموت فيها فممكن جدا تتنازل وترضى علشان تبقى معاك
قاسم بحب وانا كمان رايي كده جداا هتتجوزها والله وضحك وتابع وخلي جودي دي لما ياسمين تنكد عليك
حسام فضل يضحك وتابع شوف ابن الكلب الحيوان بيقول ايه
مازن ضحك وتابع اديك قولت ابن كلب حيوان اقوله ايه بذمتك ده
حسام بتنهيده بس بعيدا عن الهزار قدام ربنا تعامل دي زي دي حتى لو قلبك لياسمين بس مينفعش تيجي على واحده علشان واحده
مازن بوجع عارف طبعا
قاسم بضحك اعملهم جدول زي جدول جعفر العمده وكل واحده ليها 3 ايام في الاسبوع
حسام فضل يضحك وتابع يخربيت عقلك يا قاسم طب ما كده اتفضل يوم يعمل فيه ايه
قاسم بضحك يريح هو ايييه مش بني ادم علشان يرجع بصحته لما الاسبوع يبدأ
حسام فضل يضحك بشده فتابع مازن بضحك قسما بالله هديكم بلجزمه لو مبطلتوش قله ادب وتحفيل
حسام بضحك بصراحه عجبني موضوع الجدول ده انت متخيل هتلاقي كل يوم الاتنين متظبطين علشانك ودي عايزه تاخد بوينت عندك ودي عايزه تاخد بوينت عندك والاتنين على سنجه عشره والاتنين عايزين يكسبوك والاتنين قمرات يسطااا بجد يبختك ده بيتخانقوا عليك ومحسسينك انك توم كروز وفضل يضحك
قاسم فضل يضحك بشده فتابع مازن بضحك والله ما عارف اقول ايه بس حقيقي متربتوش انتوا الاتنين انا مش عايز غيرها اصلا وحقيقي كل ده مش فارقلي ومهما تعمل جودي مش هرغبها ومش هحب حد ولا اشوف حد ولا عايز حد غير ياسمين بس للاسف مضطر
قاسم بضحك مثل مثل يا باشا ما احنا عارفين انك مش شايف غيرها وقلبك معاها بس حظك حلو ان في حته كمان بتموت فيك وبتتمنالك الرضا ترضى فانت معاها هتراضي نفسك عادي ومع ياسمين هتراضي نفسك وقلبك فعموما حياتك هتبقي جامده ياض يا مازن بس اقنع ياسمين بجد
حسام بضحك بلظبط كده وبعدين ده حقك الشرع بيقول مثنى وثلاث ورباع عيش ياباشا وبطل نكد علي الاقل عندك اختيارات لو حد فيهم نكد
مازن بضحك لا يا جدع انت وهو طب انا اقتنعت جداا بس رايي نكلم نور وامنيه ونشوف رايهم في ان رجالتهم بيدعموا التعدد وعاجبهم اوي كده
قاسم وحسام بصوت واحد بخوف لاااا لااا متهزرش
مازن بضحك الله وخوفتوا ليه كده مش عادي وده الشرع
حسام بضحك اه هو عادي بس مش بنتكلم فيه قدامهم اصل هيزعلوا ومصالحتهم صعبه فاهم
قاسم بضحك بلظبط كده على فكره هو عادي بس نور لسه صغيره ممكن تعيط ونفسيتها تتعب ومتذاكرش فا ليه ترضى لاختك الفشل يعني
مازن بضحك لا والله مفروض اقتنع انا كده يعني
حسام بضحك اقتنع ومشيها واسمعك صوت الحب دلوقتي
مازن بلهفه طب والله لو عملت كده هكب مايه على كل الكلام اللي قولتوا فعلا
قاسم بضحك اخص على الصحاب كنت ناوي تتكلم بجد لا يا حسام سمعه صوتها انقذنا
حسام بضحك خلاص والله هكلمهالك فعلا اهو بس متفتحش بوقك هاا وفتح الاسبيكر
مازن بلهفه حاضر والله
حسام كلم ياسمين فردت وتابعت ايه يا حسام
حسام ايه يحبيبتي روحتي ولا لسه
ياسمين بحب روحت اهو ويونس وبابا بيعملولي الاكل والعصير علشان يأكلوني
حسام بحب الحمدلله يارب طب صحتك ايه احسن ??
ياسمين بتنهيده اه لما المحلول خلص بقيت احسن بس حاسه جسمي مهمد اوي والله
حسام بحب طب الحمدلله ربنا يطمنا عليكي ويتمم شفاكي على خير يارب
ياسمين بصت حواليها ملقيتش حد جاي فتابعت بهمس يارب بس انت فين يا حسام
حسام انا وصلت امنيه وبصلح عربيتي وراجع ليه في حاجه ولا ايه
ياسمين بتنهيده ابداا بس لما جيت تحت مشوفتش مازن والوقت اتاخر متعرفش فينه ??
مازن دموعه نزلت بصمت وغمض عينيه فبصله حسام بحزن وتابع مازن في الشقه اللي على النيل مع قاسم كان قايلي متقلقيش عليه
ياسمين بوجع مش عارفه اصلا ليه لسه بقلق عليه نفسي اكرهو يا حسام بس مش عارفه
حسام بحزن انتوا الاتنين محدش فيكم هيعرف يكرهه التاني ولا هيقدر يشوف نفسه ويعيش مع حد تاني فبلاش تدوروا عليكم في ناس تانيه يا ياسمين
ياسمين بوجع انا عمري ماحاولت ادور عليه في حد تاني حتى وانا بتخطب لاحمد مدركه اني مش هلاقي مازن في اي حد بس العند ساعتها خلاني عملت كده بس هو غلط اكتر مني بكتير يا حسام هو خاني ومش مع اي حد ده مع صاحبه عمري فانا لو فضلت عمري كله احكيلك يعني ايه حاسه بموت بلبطئ من ساعه ماعرفت انها شايله حته منه مش هعرف اوصفلك القهر ده قد ايه بجد وعيطت وتابعت بس انا حقيقي مش بخير وبتمني اموت اهونلي من احساسي ده مش قادره اصلا استوعب يعني ايه جودي حامل في ابن مازن !!! ياريته حلم والله بموت الواقع صعب اوي يا حسام … حاسه اني عشت نفس وجع امي اللي اول ما سمعته قولت كتير خيرك يا امي بس علي الاقل لبنى مكانتش صاحبه عمرها انما انا مش عارفه الاقيها من ايه ولا ايه حاسه مهزومه من كل النواحي بجد نفسي اعيط في حضنه بس ازاي وهو خاني وكسرني ?? سخريه الالم ان عايزه يداويني اللي سبب جرحي انت متخيل ???
مازن دموعه نزلت وقلبه وجعه جداا وقام دخل البلكونه وحسام باصص عليه
قاسم بحزن وهمس هقوم اشوفه
حسام هز راسه بتمام وتابع بوجع حقك على عيني انتي فعلا وجعك اصعب ومفيش كلام يوصفه ده حقيقي بس لسه في امل تكوني معاه ومش مهم رقم كام بس انتي عارفه انه محبش غيرك يا ياسمين
ياسمين بوجع ودموع مستحيل يا حسام مستحيل اتجوزه انا وجودي يا يكون ليا لوحدي يا هعيش احبه من بعيد لاني عارفه مس هعرف انساه انما اكون زوجه تانيه لواحد عشت عمري كله اتمناه وكان عايش ليا وعلشاني وقرب يبقى معايا خلاص ?!!! لا مش هتحصل ومش هعمل زي امي واقبل بوضع زي ده ابقي انا الكل في الكل وتيجي غيري في لحظه تبقي مراته وام ابنه وانا التانيه لا مستحيل يا حسااام مستحييل انا مش مريم ولا هقدر اعيش اللي هي عاشته وعيطت وتابعت انا هقفل معلش حقك عليا مش قادره اتكلم
حسام بوجع ربنا يربط على قلبك يحبيبتي ويقويكي اقفلي ولا يهمك
ياسمين بوجع سلام
وقفلت وحسام قام وقف ودخل البلكونه
قاسم بحزن يا ابني كفياك سجاير بقى مش كده
مازن وهو بيشرب السجاره وباصص للنيل تابع سبني في حالي يا قاسم وادخل جوه
حسام بحزن هي مش قصدها هي موجوعه وحقها اعذرها
مازن بوجع عاذرها بس مش مسامح نفسي اني كنت سبب في وجعها ده
قاسم بحزن قول يارب قادر يحلها ويحنن قلبها ده لسه مفاتش غير كام ساعه وسالت حسام عليك .. ياسمين متقدرش تعيش من غيرك بس وجعها لسه سخن
مازن بوجع طول عمري كل حاجه عايزها بتصعب وبتبعد ومش بتحصل الا هي الحاجه الوحيده اللي حبيتها ولقيتها بتبادلني نفس الحب قولت بس هي رزقي الوحيد في الدنيا تقوم الدنيا بردو تستخصرها فيا انا عايز اعرف انا بيحصل فيا كده ليه ???
حسام بحزن اهدى يحبيبي وقول يارب اللي بيقول يارب مش بيغلب وربك بيحلها من عنده حقيقي مش قدامنا غير كده دلوقتي
مازن تنهد بعمق وبص للسما وتابع يارب بجد يا حسام يارب هفضل ادعي كل يوم تبقي نصيبي وانا والله هعوضها عن كل دمعه نزلت من عينيها بسببي
حسام بحب يارب يا غالي بجد يلا بقي تعالي ندخل الجو مش حلو انهارده واعملكم طقم شاي يوديكم في حته تانيه في الساقعه دي
قاسم بضحك فين الساقعه دي .. ده اخوك مسافر عادي
حسام بضحك اخويا ده مبيحسش اصلا ايه الجديد الجو تلج وربنا يلا ادخلوا
مازن رمي السجاره لما خلصت وتابع يلا ودخلوا وقفلوا البلكونه فتابع مازن وانت عامل ايه في مشروعك يا قاسم
قاسم بتنهيده بالله قاطم ضهري وخايف يا مازن بعد كل ده اخسر نور هتعملهالي مرشح
حسام بضحك ايه ده هي نور بتعرف تعمل مرشحات كمان
مازن بضحك لانها نبهته قالتله بدل ما بتستلف من هنا وهنا خلينا زي ما احنا كده كده مش هنتجوز دلوقتي ميبقاش عليك دين لحد وممكن تخسر بس هو صمم قالها لا ده لو المشروع نجح هنبقي في حته تانيه فاهي مستينه تشوف بقي
حسام بضحك طب بالله اول مره تعجبني دماغ نور …. المبالغ مش صغيره فعلا ومحدش يا صاحبي هيفضل يديك علطول هيجي وقت لازم ترجعهم
قاسم يابني منا عارف بس انا تعبت من كوني شغال محاسب بمرتب بسيط وثابت الشركه اللي انا فيها دي بردو مش اللي في خيالك لا عاديه جداا وبتخسر اكتر ما بتكسب فبتأثر على رواتبنا فانا قررت المره دي ادخل مشروع انا رئيسه وبفلوسي متخيل لو كسبته هيحصل ايه هتنقل نقله تانيه
مازن ماهي مش فلوسك يا اذكي اخواتك لو فلوسك وخسرت علي ربنا العوض واديك جربت في فلوسك مش مهم انما انت في الوضع ده لو خسرت هيقولولك عايزين فلوسنا تجيب منين ???
قاسم بضحك ياجدع وبتقولها في وشي كده لا باذن الله هكسب وهرجعلهم فلوسهم واخد مكسبي قول يارب بجد
مازن بحب يارب ربنا معاك يا غالي ويحققلك كل مااتتمني
حسام بحب اللهم امين يارب انت وهو وضحك وتابع وافرح بيكم مع نور وسمسم وارتاح منكم بقي
مازن وقاسم بضحك في نفس واحد: لسه بدددري
وبصوا لبعض وضحكوا وضربوا كفهم في كف بعض
مازن بقولكم ايه حد فيكم يجي الاعبه بلايستيشن ابهدل بكرامته الارض واخسره 8 -0 علشان مخنوق
فضلوا يضحكوا فتابع حسام بضحك يلا كرامتي فداك بس فرغ طاقه يا كبير
مازن بضحك حبيبي وانت قوم اعملنا شاي بداله بقي بما انه هيتهزق قبلك وبعد كده اقعد العب لما هو يقوم
قاسم بضحك حاضر من عينيا ودخل المطبخ يعمل شاي ونور رنت عليه
قاسم بحب ايه يعيوني خلصتي مذاكره
نور بتعب اه تعبت اوي بجد يا قاسم وخايفه جداا
قاسم بحب من ايه يعيون قاسم هي مش دي ماده يونس وانتي بتحبيها
نور بخوف اه بس يونس مش بيجيب امتحاناته سهله خالص بجد ربنا يستر
قاسم بضحك روحي ادلعي عليه وعيطي شويه هيديهولك
نور بضحك بتحلم وانت صاحي والله العظيم ده لو قولتله هطلعك القمر مش هيرضى
قاسم فضل يضحك وتابع عنده ذمه في ضميره شويه
نور بضحك قول شويتين تلاته والله العظيم يلا ربنا يستر ضهري اتكسر بجد
قاسم بضحكه خبيثه سلامه ضهرك يعيوني تعالي ادهنلك مرهم
نور بضحك قاسم احترم نفسك واتلم
قاسم بضحك وهو بيحط المايه تغلي الله مش جوزك ولا ايه خدي بالك يانوري انا جبل والله اني متحمل كل ده ولسه هتحمل
نور بضحك مجبر مش مخير ياحبيبي
قاسم بضحك غلطتي فعلا لما حبيت عيله صغيره هتبورني جمبها
نور برفعه حاجب نعم يحبيبي حبيت ايه??
قاسم بضحك ست البنات وست قلبي وست الدنيا كلها والله عيب عليكي
نور بضحك اه اتظبط كده علشان والله بقيت اقلق منك كنت متربي ايام الخطوبه في الاول
قاسم بضحك اومال انا كاتب ليه ماعلشان مبعرفش امسك نفسي ومقولش اللي جوايا فسبيني هو ولا كلام ولا افعال
نور بضحك ااه ولا حاجه خالص لحد ما يتقفل علينا باب واحد
قاسم وهو بيحط السكر والشاي تابع بحب ياااه يانور بحلم بليوم ده والله
نور بضحك وانا بس مش اوي
قاسم بضحك قسما بالله واطيه ومتتعاشريش
نور بضحك الله اكدب عليك مستبعداه يعني فاهم انا كنت عايزاك تبقي جوزي والحمدلله حصل فلما يجي وقت الفرح بقي يحلها الف حلال
قاسم بحب هيجروا وهيجي وهنتجوز وهتبقي معايا علطول واحقق حلم العمر بقى
نور بحب يارب يعيوني بجد
قاسم وهو بيصب الشاي تابع بحب طب ايه هتنامي ولا قاعده اعاكس فيكي شويه
نور بضحك لا هنام اتلم يا قاسم علشان والله لو مبطلتش شغل التحرش ده هتصل بمازن اقوله
قاسم بضحك طز فيكي انتي ومازن مراتي اطلع اعاكسك قدامه يعني
نور بضحك انت معاه ?
قاسم اه ياختي ومعتبرني الفلبينيه اللي ابوه جبهالوا وبعمله شاي وهو وحسام بيه
نور فضلت تضحك وتابعت اخويا براحته يا واد انت وبعدين اتلم بالله عليك لو سمعك هيهزقنا
قاسم بضحك ولا يقدر يعمل حاجه ثقي فيا
نور بضحك متاكد يعني اقوله الكلام ده لما يجي
قاسم بضحك مش متاكد اوي يعني احترمي نفسك ده الكبير بردو
نور فضلت تضحك وتابعت منا عارفه والله انك هتجيب ورا
قاسم بضحك وهو بيقلب الشاي تابع انا بطولي يابنتي لو هو وعيال عمو اتفقوا عليا مش هيخلوا فيا حته سليمه وانا غلبان
نور بضحك والله ولو لوحده انت بردو غلبان يحبيبي ومش قده فكبر دماغك عايزين ندخل دنيا
قاسم بضحك هسكت علشانك انتي بس على فكره
نور بضحك اه انت هتقولي
———————————————
عند عمر وزينب
عمر كان قاعد بيتفرج على فيلم اجنبي في اوضته هو وزينب ونايم على السرير ومتغطي وزينب بتاخد شاور
ودقايق وخرجت زينب وهي لابسه قميص قصير بيبي بلو حمالات وفارده شعرها وحاطه ميكاب رقيق
عمر بصلها باعجاب وتابع ايه الحلاوه والجمال ده كله وضحك وتابع بس كل ده جوه يازينب ايه اغمى عليكي يحبيبتي
زينب بضحك بذمتك ايه الجديد منا بارده في الشاور بتاعي طول عمري ومعلش يا عمر تعالى حركلي التسريحه دي علشان مشتي وقع وراها
عمر قام حرك التسريحه وجابلها المشت وباس جبينها بحب وتابع امسكي اهو ووالله الواحد قاعد من غيرك حاسس بفراغ
زينب بضحك وهي بتسرح هتعمل ايه لما تسافر بقى
عمر نفخ بضيق وتابع بالله ماتفكريني حقيقي شايل الهم
زينب بضحك علشان تدخل حربيه كويس ومدت المشت وتابعت امسك اعملي شعري من ورا
عمر مسك المشت منها وفضل يسرحلها شعرها براحه وتابع بضحك بالله كان يوم اسود لما دخلتها انتي بتقولي فيها وفضل يسرحلها ويبصلها في المرايه ويبتسم بحب ودقايق وتابع بس كده زي الفل
زينب لفتله وحطت ايديها حوالين رقبته وقربت سندت جبينها على جبينه وتابعت بحب سيبك من التفكير في النكد وفي الشغل وفي اي حاجه دلوقتي وركز مع القمر بتاعتك ايه رايك فيا انهارده
عمر بضحك زي القمر طبعا كلعاده بس خير يا زينب مش مرتاحلك
زينب باست خده وتابعت بحب اخص عليك يا عمر هيكون في ايه يعني
عمر بابتسامه اصل مش عادتك الدلع ده فانا رايي تقولي في ايه علطول
زينب بحب للدرجه دي مش واثق في مراتك حبيبتك لالا بجد هتزعلني منك وحضنته وسندت راسها على صدره وتابعت بحب الحق عليا يعني بعمل الحاجات اللي عارفه بتفرحك
عمر بضحك لا كتر خيرك ياعمري وباسها بحب ونزل ايديه ورايح يقلع تيشرته زينب مسكت ايده بسرعه بتوتر وبعدت عنه وتابعت ايه ايه رايح تعمل ايه يحبيبي
عمر بضحك الله كشيتي ليه
زينب بتوتر لا مكشيتش ولا حاجه بس تبرد خليك لابس تيشرتك بتقلعه ليه ???
عمر قلع تيشرته وتابع بضحك الله وهعوزه ليه مثلا وشدها ليه وتابع بغمز وهو بيضحك مالك بقى ها مش انتي اللي جيالي برجلك قمر وعماله تدلعي
زينب بضحك ايوه بس انا اخري في الدلع الحركات اللي بعملها دي بس انت فاهم غلط
عمر بضحك وبلنسبه لاعصابي انا اللي بتتعب دي?? ايه مفيش رده فعل??
زينب فضلت تضحك وتابعت عمر بجد اتربى انا مقصدش كده فعلا بس انا عايزة اطلب منك طلب وصاحبتي متجوزه قالتلي خليكي علي سنجه عشره وادلعي هيوافق فعملت زي ماقالت بس
عمر بضحك اااه وانا بقول بردو ايه طقم الحنيه اللي نزل عليها فاجاه ده وشكيت فيكي وربنا وقولتلك قولي عايزة ايه عملتي فيها البريئه
زينب بضحك ما لما لاقيت خيالك وسع صارحتك اهو
عمر بضحك لا يعمري انا مش خيالي وسع صاحبتك تقصد اللي انا اقصده بلظبط بس انتي اللي حافظه مش فاهمه
زينب بضحك فتحت عينيها جامد وتابعت بتهزرر هي تقصد كده بجدد انا فاكره كلام بس وربنا
عمر بضحك وهو في راجل عاقل مراته تجيله زي القمر كده وتقول كلام حلو وتدلع ويعديها عادي
زينب فضلت تضحك وتابعت بحب طب بص لو وافقت والله عنيا ليك
عمر برفعه حاجب لو ايه ??? هو انتي بتساوميني علي علاقتي بيكي ??? شكلك اتجننتي صح طب مش موافق يا زينب ومن غير ما اعرف
زينب بتوتر لالا مقصدش كده حقك عليا انا اقصد اللي هو ونفخت بتوتر وتابعت يعني لو انت رضيت انا هبقى فرحانه فعنيا ليك عموما يعني …. اقصد هبقى عايزه افرحك زي مافرحتني فاهم????
عمر بحده الكلام ده يتقاال على اي حاجه الا على حاجه زي كده انتي عبيطه ولا ايه وانتي فكراني علشان حاجه زي دي هرضي بطلبك حتى لو مش عايزه ??? مفيش الكلام ده عندي وماليش دراع حد يلويني منه
زينب بحزن عمر انا اسفه والله مقصدش كده فعلا انا مراتك وحقك وكل حاجه بس انا نيتي والله غير كده ونفخت بضيق وتابعت بص خلاص اعتبرني مقولتش حاجه
عمر انا فعلا هعتبر مقولتيش حاجه علي الجمله اللي معجبتنيش دي بس انما المدام عايزة ايه علشان كده جات على نفسها وجايه تدلع
زينب بضيق عمر متبقاش رخم بقى والله مقصدش وحطت ايديها حوالين رقبته وتابعت والله يحبيبي انا لسه مش واخده عليك فعلشان كده لما عوزت طلب سمعت كلام صاحبتي انما مش قصدي زي منتا قولت خالص
عمر بضحك يابنتي انتي مجنونه ولا عبيطه محدش بيعمل كده خالص انتي حتي لو عايزه مني طلب فتيجي تدلعي ونخلص يومنا زي اي يوم وتسكتي وواحده واحده تفتحي الموضوع اللي عايزاه علشان انا محسش ان كل الروقان ده علشان طلبك انما انتي ايه ده
زينب بضحك طب صريحه جدا مبعرفش اكدب عليك الله منتا كشفتني من اول ما اتكلمت
عمر بضحك قصدك هبله جدا عبيطه جداا اي حاجه من دي ماشي
زينب ضحكت وتابعت تشكر ياعم
عمر مسك ايديها باسها وتابع بحب عايزة ايه ومش مستاهله جو المساومه والدلع والكلام ده انا مبجيش بكده لان لو عملتي اللي ميتعملش وانا رافض الحاجه اللي انتي عايزاها فمش هتحصل ولو انا راضي عادي باللي عايزاه فانا موافق من غير اي دلع ياستي
زينب بحب ربنا ميحرمنيش منك يارب يحبيبي واتوترت وخدت نفس وتابعت انت عارف ان انا قبل الجواز كنت شغاله في مستشفى صح ??
عمر برفعه حاجب اممم وبعدين ???
زينب بتوتر عمر طب بالله متوترنيش منك
عمر كملي كملي
زينب بتوتر بس وصاحبتي كلمتني وقالتلي ان المدير مضايق مني جدا بسبب غيابي وانا بعتله واتساب وفهمته وقولتله ان انا هرجع الشغل اول ما جوزي يسافر سينا فهو وافق وقالي منتظرك فانت ايه رايك
عمر برفعه حاجب ايه رايي في ايه ??? هو انتي عملتيلي راي ???
زينب بتوتر في ايه ياعمر منا باخد رايك اهو
عمر بحده بتاخدي رايي على اساس ايه ??? ما انتي قيلاله لما جوزي يتنيل يغور هرجع فانتي اصلا مكلماه ومخططه ومقرره ان انتي راجعه انتي جايه بس تعرفي الحمار اللي هو انت هتسافر انا راجعه لاني قولت للمدير بس كده مش تاخدي رايه
زينب بتوتر بس انا بردو مقصدش كده و
عمر بحده زينب انتي هتعمليلي فيها غبيه كل شويه هو ايه اللي متقصديش كده انتي لو عامله لكلمتي احترام تقوليلي من اول ما صاحبتك كلمتك وانا لو وافقت تكلمي المدير رفضت يبقي تقوليله خلاص مش هقدر انما انتي خلصتي كل حاجه اللي هو بص انا حليت المشكله وقالي ماشي لما جوزك يسافر تعالي وجايه تقوليلي اللي هو للعلم بلشئ علشان ابقي عارف بدل منا زي الاباجوره في الموضوع ده انما مش معناه ان رايي مؤثر وهيغير حاجه لانك اصلا اتفقتي
زينب بدموع والله لا اومال انا باخد رايك ليه رايك مؤثر طبعا ما اكيد مش هنزل من وراك يعني في ايه ياعمر
عمر بحده لا كتر الف خيرك ده اللي كان ناقص تنزلي من ورايا يعني انا لسه حقي اقول رايي يا زينب وهيغير ??
زينب بدموع اه طبعا حقك
عمر بحده تمام وانا مش عايز مراتي تشتغل
زينب غمضت عينيها بحزن وتابعت بدموع بس يا عمر انا
عمر بمقاطعه وبحده مش قوولتي رايي هيغيررر انا اهوو قولت اللي عنددي في ايييه بقى
زينب بدموع حساك بتعند معايا والقرار مش من عقلك اللي هو بتعاقبني علشان كلمت المدير الاول قبل ما اخد رايك
عمر بحده لا يحبيبتي انا مبعندش معاكي لان انا بقدر كده كده امشي كلمتي عادي بس انتي اللي عارفه اني هرفض علشان كده كلمتيه قبلي اللي هو عايزه توريني ان بص اتحلت اهو واقفه على موافقتك بس وجايه تدلعي انتي لو عارفاني هرضى مكنتيش عملتي كل ده من ورايا ولا كنتي خوفتي تقوليلي على مكالمه صاحبتك لاني كنت في ساعتها هقولك قوليلها تعرف المدير انك مش هتنزلي تاني بس انتي سكتي كل ده لحد ماتسهلي كل الامور وتيجي تقوليلي انا حليتها وهنزل بس
زينب بدموع بصراحه ااه بس ليه يعني قولي سبب مقنع ليه مشتغلش انت مش عايز تشوفني ناجحه قولي طيب
عمر بحده انتي مجنونه هو ايه اللي مش عايز اشوفك ناجحه هو انتي بتدرسي وقولتلك متكمليش ??? مستحيل طبعا انا عايزك احسن واحده في الدنيا واحسن مني ومن اي حد كمان بس افهميني يحبيبتي انا بغير عليكي مش عايزك تنزلي وتضطري تتعاملي مع رجاله غصب عنك طبعا بس ده شغلك يعني انا لما كنت مريض عندك كنت بقلع التيشرت قدامك واسمي كنت حبيبك ووشك كان زي الطماطم طب ماهيبقى في غيري وغيري وانا مش هستحمل الجو ده وبهدله وتعب طول اليوم وتقطمي في ضهرك طب علي ايه انا مش عايزك تشتغلي انا عايزك تقعدي في بيتك ملكه مرتاحه خدي شاور والبسي اللي يعجبك وهاتي فيلم ولا كتاب واقريه عايزه تنمني موهبتك نميها عايزه تنزلي عند اهلك وتباتي هناك انزلي بس ارتاحي علشان ارجع انا من الاجازه الاقيكي كويسه وبكره وبعده هيبقي معانا بيبي فشغل ايه اللي تنزليه وبيبقي شيفت ليلي احيانا وانتي حامل او معاكي بيبي مثلا وخلينا متفقين لو نزلتي الشغل مضطره تكملي فيه واجي انا الاجازه الاقيكي راجعه مهدوده ومعرفش اقعد معاكي وقت حلو وارجع تاني شغلي وانتي تفضلي في الساقيه دي هي هي طب وعلي ايه ربنا اصلا خالق البنت فطرتها البيت والراجل التعب والشغل من ساعه ما البنت بقيت تتشغل وبيحصل تأثيرات تانيه كتير انا مش ضد تعليم البنت لان حقها بس بردو الشغل مش للكل على حسب حياه كل واحده وجوزها وانتي شغلك صعب جدا وبيتعب وانا مش بعذبك انا عايز اريحك واخواتك نفس تفكيري بس سيف قالي ان ابوكي وجدك هما اللي قالولك اشتغلي لو عايزه بس اخواتك كانوا ضدد فدلوقتي انتي مراتي انا وانا حر ومش عايزك تشتغلي
زينب بتنهيده حزينه فاهمه كلامك بس بذمتك انا تعبت ليه طلما مش هشتغل
عمر تعبتي علشان قدام الكل معاكي شهاده ووقت الجد لو احتاجتي شهادتك بايدك عادي تشتغلي وام هايله جدا اولادها يفتخروا بيها وتعرف تذاكرلهم انما مش الكل بيشتغل انتي بس اللي السكينه سرقاكي والحماس واخدك وعايزه تنزلي الشغل بس انا رافض ومش هوافق ومش شايفها قيود لحريه المراه والكلام الكبير ده بس حرفيا انتي لو معاكي بيبي مع شغل البيت هتنامي مهدوده مش هتصحي فا الكلام سهل انا باصص لقدام وادرى منك يا زينب فاسمعي الكلام
زينب بضيق تمام يا عمر انا كنت متوقعه منك كده اصلا ماهو انا متجوزاك تحبسني اكتر
عمر بحده تصدقي بالله انك مهزقه علشان انا مش عايزة اتعصب علي اهلك وعمال افهمك براحه وبردو مفيش احترام للكلام طب اعتبري يا زينب اه هحبسك وانا حر واللي عندك اعمليه محدش يقدر يدخل
زينب بحده وانا مش متجوزه علشان تكتم حريتي يا عمر ما انت هتسبني مرزوعه هنا لوحدي وتسافر فيها ايه لما اتنيل اسلي وقتي بشغلي يعني لحد مايبقي في بيبي وانا يا سيدي هقعد من نفسي ساعتها بس مش هسيب شغلي ياعمر وهشتغل
عمر مسك دراعها جامد وتابع بعصبيه انتي متعليش صوتك تاني علشان قسما بالله لو اتقررت هديكي قلم يعدلك وبعدين يعني ايه مش هسيب شغلي يا عمر وهشتغل دي مش فاهم هتمشي علياااا يعني ??? طب انا قولت اللي عندي يا زينب بنت ابوكي بقى ابقى وريني هتشتغلي ازاي وزقها وتابع اوعي كده نكدتي على اهلي جتك القرف وخرج دخل اوضه الاطفال ورزع الباب
زينب اتخضت من صوت الباب وقعدت على السرير وضمت رجليها وعيطت
———————————————-
عند سيف في الساحل قاعد على مسطبه في البحر ومنزل رجليه والهوا كان شديد وصوت امواج البحر راحه نفسيه وسرحان وبيفتكر
فلاااش بااااك من 6 سنين
في شارع هادي ومقطوع بنت ماشيه ولابسه بنطلون جينز وتيشرت نص كم على الوسط بلظبط وسايبه شعرها
وفاجاه قطع طريقها شاب
وتابع باعجاب ازيك عامله ايه يا قمر فكرتي في اللي قولتلك عليه ???
البنت بضيق بقولك ايه مش ناقصه قرف اوعى عديني كده
الشاب بضحك استني بس قوليلي فكرتي ولالا طيب
البنت بحده يا ابني انت مبتفهمش متخلف مقولتلك مبرتبطش اناا ايه القرف دده ورايحه تمشي بص حواليه مشافش حد فحط على وشها منديل فضلت تصوت فكتم بوقها ودخل بيها حاره ووقعت مغمى عليها فخدها لحوش بيت من البيوت وسابها نايمه على الارض
الشاب بابتسامه خبيثه تستاهلي انا محدش بيقولي لا وفتح زراير قميصه ورايح يقرب منها
سيف من وراه انت بتعمل ايه ياروح امك
الشاب اتخض وبصله وتابع بحده وانت مال اهلك يالا يلا غور من هنا علشان معملهاش معاك
سيف بضحك وهو بيشاور علي نفسه: تعملها معايا انا ??? لا ده انت شكلك عبيط ومسكه من قميصه وضربه بدماغه جامد فوقعه ومسكه تاني وتابع بعصبيه مالك بيهاا ياالا
الشاب بوجع ااه انت مالك انت يا عم بتدخل ليه ايه القرف
سيف بعصبيه انت اتجننت يااض كنت عايز تهبب ايه فيها دي عيله ده انا هطلع عين اهلك وضربه بلبوكس بقوه
الشاب بوجع وخوف اااه طب كفايه كفايه ابوس ايدك هتفضحني وانا همشي ومش هكلمها تاني والله ولا ليا دعوه بيها
سيف بعصبيه ده كده كده اللي هيحصل عيل زباله يلا غور وزقه خبطه في الحيط
الشاب بخوف حاضر حاضر
ومشي بسرعه خايف حد يشوفه ويتفضح في الشارع وسيف وطي شالها بين ايديه ومشي بيها لحد ما لقى كافيه قعدها على الكرسي ومسك ازازه المايه ورش منها عليها
البنت فتحت عينيها ببطئ وتابعت بتعب ااه انا فين
سيف ابتسم لما فتحت عينيها وتابع بضحك بسم الله مشاء الله جميله ايه ده دي حقيقه دي ولا خارجه من كرتون
البنت ابتسمت وتابعت بستغراب افندم ??
سيف بضحك لا مش بعاكس متقلقيش مني انا بقول الحقيقه بس
البنت بصت حواليها لقيت نفسها في كافيه هي تعرفه فقعدت على الكرسي عدل وتابعت بتعب انت مين وجبتني هنا ليه وحطت ايديها على جبينها تحاول تفتكر
سيف بحب اهدي متحاوليش تفتكري انا معرفكيش يا ستي بس شوفت واحد كان مخدرك وعايز يأذيكي بس الحمدلله اديته علقه ومشي وحلف مش هيكلمك تاني
البنت بخوف دموع اه اه فعلا انا فاكره ده واد مهزق اوي بيطاردني بقاله كتير ساكن عند السنتر اللي باخد فيه درس
سيف بحب بس بس بتعيطي ليه العيون القمر دي متعيطش ومسح دموعها وتابع الحمدلله انك بخير متمشيش لوحدك تاني خلي حد يجيبك الدروس
البنت بابتسامه اكيد حاضر شكرا حقيقي تعبتك
سيف بحب متقوليش كده انا معملتش حاجه انتي كام سنه بقي
البنت بابتسامه 16 في اولى ثانوي عام
سيف فضل يضحك وتابع ده مش بس وشك صغنون انتي صغنونه فعلا
البنت بضيق ليه انت كام يعني
سيف وهو بيعدل لايقه قميصه تابع 20 سنه
البنت بضحك لا والله وكده كبير يعني
سيف بضحك على الاقل مش 16 المهم يلا اسيبك ورايا كليه
البنت بابتسامه انت كليه ايه وفي سنه كام ??
سيف بابتسامه تجاره وفي سنه تالته اشمعنا
البنت بابتسامه طب حلو اصل انت هتتخرج وهتيجي تتجوزني
سيف فضل يضحك وتابع اتجوز مين يا عسل طب شوفي طولك وسنك بعدين اتكلمي
البنت بابتسامه اسمع مني انا احلامي بتحقق
سيف بستغراب وده ايه علاقته ??
البنت بابتسامه اصل انا حلمت ان في حد هينقذني من الخطف او من اذي وبعدها بيتجوزني وانت الهيرو اللي عمل كده
سيف فضل يضحك وتابع لا 16 سنه فعلا عقلا وطولا وشكلا وكل حاجه
البنت بابتسامه تراهني انك هتتجوزني ومدت ايديها
سيف مسك ايديها وتابع بضحك اراهنك طبعا لاني مش هشوفك تاني
البنت بابتسامه مش هتنساني و ولا انا هنساك
سيف بضحك كلامك كبير اوي على سنك صح ولا متهيالي
البنت بابتسامه لاني بكلمك من جوايا يمكن انا صغيره بس بحس وعمري ما قلبي كدب عليا وبيقولي ان حلمي هيتحقق
سيف بضحك هتتجوزي واحد متعرفيش اسمه طيب ??
البنت بحب مش مهم انا هسميك
سيف بضحك كمان طب هتسميني ايه
البنت بتفكير انت انقذتني زي الابطال فممكن اسميك فارس وبما انك كنت في حلمي يبقي فارس احلامي وانت فارس احلامي بصحيح وابتسمتله ببراءه
سيف فضل يضحك وتابع لاالا مش قادر بجد المشكله مش عارف اخد كلامك غير كلام طفله بريئه فمش هكسر طموحك بكره تكبري وتفتكري الايام دي وتضحكي
البنت بابتسامه يمكن لما نكبر معرفش شكلك بس واثقه هحس بيك وهشوفك كلنا في اسيوط فمتخافش مش هنروح من بعض في حته
سيف بضحك والله انتي سكر ولولا اني هخلص تجاره اقدم حربيه كنت جيت طلبتك من دلوقتي
البنت بضحك يعني ايه حربيه
سيف فضل يضحك وتابع يعني ظابط تعرفيه ده كمان ولالا
البنت بضحك واااو جوزي هيبقى ظابط وسقفت بايديها
سيف فضل يضحك وتابع جوزك مره واحده يخربيت الثقه يارب ربع ثقتها في نفسها وانا بقدم في حربيه علشان متوترش
البنت بابتسامه طب هتشوف … على فكره كل اللي بحسه او بحلمه بيحصل فخليك تقيل براحتك هجيبك بردو
سيف بضحك يابت انتي 16 سنه بتتكلمي كده ازاي يخربيت اهلك
البنت بحب طب بص سيب الايام تثبت بس هزعل اوي يا فارس احلامي لو فضلت انا فكراك ومستنيه وانت نسيتني
سيف بضحك فكرك ان الكلام ده هيفضل في دماغك بعد ماتمشي بخمس دقايق اصلا ??
البنت بتنهيده بكره تعرف ان مكنش كلام اطفال قلبك دقلي زي منا قلبي دقلك ومش من اول نظره لا انت كنت شخص بيزور احلامي وبيجي ينقذني وبيتجوزني في الاخر وانا مفيش حلم حلمته كان تخريف هي مساله وقت فمعنى ان انت اللي انقذتني في الواقع غمزت وتابعت فهتقع فيا غصب عنك
سيف بضحك يخرابي هو احنا نطول بس يارب تعرفيني لما نكبر ولو مدخلتش حربيه هتقدملك
البنت بابتسامه ولو معرفتكش قولي انك فارس
سيف بضحك طب ماتعرفي اسمي الحقيقي
البنت بحب لا انا حبيت ده وسميتك بيه لان بيوصفك في نظري
سيف بضحك تمام باي يا قمر
البنت بابتسامه حتى لو بقيت ظابط مستنياك هاا
سيف بضحك وهو ماشي تابع قولي يارب يا مجنونه
البنت بضحك يارب يا حضره الظابط
وفات 3 شهور وكان في الفتره دي سيف بيجي كل شويه عند الكافيه علشان عنده امل يشوفها وفي مره كان معدي شافها قاعده مع بنت فوقف على جمب وسمعهم
صاحبتها يخربيت هبلك يابت فوقي ده هو تلاقيه نسي ده واحد انتي متعرفيش اسمه اصلا ولا بيته ولا اهله ولا اي حاجه عنه بطلي عبط ياما
البنت بحزن بس صدقيني انا مش مراهقه حتي صليت استخاره كتير وكنت بنام بشوفه بيتجوزني بس من قريب شوفت ملامحه مش واضحه لحد ما حاسه اني نسيتها وتنهدت بعمق وتابعت قال هفتكره لما نكبر قال حاسه نسيت من دلوقتي
صاحبتها بضحك طبيعي لانه غريب وشوفتيه مره واحده والله انتي هبله تعشقي العلاقات المستحيله
البنت عملتيها علاقات ده هو حب واحد
صاحبتها بضحك وده يتسمى حب ده بتحبي مين ياقلبي ???
البنت بحزن فارس
صاحبتها بضحك اللي مش فارس
البنت بحزن بطلي بواخه بصي مش هتفهميني بس انا علاقتي بربنا بجد قويه في حته انه يرد عليا باحلامي دي وعمرها ماخذلتني علطول بلاقي الرد في حلم وفعلا بيتحقق وبيحصل اشمعنا ده يعني
صاحبتها بضحك بصي هو ممكن بس 1% والمشكله انك اصلا لو شوفتيه بعد سنه مش هتفتكريه وولا هو هيفتكرك
البنت بحزن انا اه فعلا مش هعرف بس معقوله هو كمان نسيني ??? طب هو انا عايشه في وهم فعلا ??
صاحبتها بضحك بصراحه مش عايزاكي تضايقي بس اه وهم كبير كمان ده واحد شوفتيه مره صدفه حتى متعرفيش اسمه ولا اكونت ليه ولا رقمه مش معقوله تتجوزيه يعني فكبري دماغك مينفعش تستنيه بسبب حلم حلمتيه
البنت بحزن ايوه بس لو ربنا عايزه ..
صاحبتها بمقاطعه يحبيبتي ربنا عايزه ايه ده واحد شهم انقذك وشوفتيه مره ومش هتشوفيه تاني اه ربنا قادر وكل حاجه بس نشغل عقلنا شويه اكيد لو خدتي راي عقلك مش هيسيبك تحبي واحد متعرفيهوش اصلاا وعلى فكره ده كده مش حب
البنت بحزن انا حبيته من اول نظره يمكن انتي متفهمنيش بس انا كنت حاسه بيه قبل مايظهر في حياتي لما شوفت شخص في الحلم بينقذني وبعدها اتجوزنا وحصل في الواقع معاه ان انقذني فا بالفعل حبيته اول ما شوفته وحاجه جوايا قالتلي هو ده اللي هتتجوزيه زي ماحلمك قال حتي الصلاه اكدتلي… ودموعها نزلت وتابعت صدقيني مش بخرف ولا عبيطه بس انا حاسه احساس مش عارف افهمهولك انتي بلمنطق بتتكلمي صح بس انا حاسه من جوايا ان هيجمعني بيه مش عارفه ليه مش قادره اقتنع بغير كده
صاحبتها بتنهيده بصي هو لو فاكرك هيفضل حاطك في دماغه وهيراقبك وهيجي يتقدملك غير كده يبقى بتحلمي
البنت بحزن فاكرني صدقيني فاكرني هو كمان اعجب بيا نظره عينيه كانت بتشرح كل حاجه
صاحبتها بالله هموت واشمتك بس مراعيه مشاعرك
البنت بحزن قولتلك مش هتفهميني فخلااص دي حاجه بيني وبين ربنا تواصل بيرد عليا وبستني التحقيق وبيحصل فا المره دي كمان واثقه هيحصل وهتشوفي ربنا قايلي عليه وواعدني بيه
صاحبتها بضحك طيب يحبيبتي ربنا يهديكي هنشوف
وبعد مرور سنه ونص سيف قدم في الحربيه وكان بيكلم يونس في الفون
سيف بحب بقولك ايه انا هقفل فوني حبه حلوين فخلي عينك عليها انا عرفتك عنوانها وكل حاجه اي جديد ابقي تعالي القاهره بلغني في الزياره
يونس بضحك طب ناوي تتقدملها امتى يا ابن المجنونه هتفضل مراقب من بعيد كده
سيف بضحك لا طبعا بس اخلص الكليه وهتقدملها بنت المجنونه كانت عارفه اني هحبها ومش هنساها وحصل
يونس بضحك والله انتوا الاتنين مجانين
سيف بحب يابني حبيبتي سالكه بينها وبين ربنا تواصل جميل جدا خلاها شافت اللي هتتجوزه بينقذها وكذا مره بعد ما شافتني حلمت بيا بتجوزها وايمانها القوي اني ليها وهحبها زي ما بتحبني كل ده خلاني اتشدلها بنت زي القمر وعينيها حلوه ضحكتها حوار وايمانها بربنا وثقتها بيه كبيره اووي رغم ان فعلا اللي بتتكلم فيه ده مستحيل بلنسبه لاي حد بس هي متاكده و تلقائيها معايا وهي بتتكلم حتي جنانها وطريقه تفكيرها …بصراحه فعلا شدتني ليها بكل حاجه فيها من اول ماشوفتها بنت مميزه ومش موجوده تاني وواثقه في نفسها قالتلي هتحبني وتتجوزني لان ربنا خلاني شوفت جوزي في الحلم بينقذني وحصل هتخليني اتجوزها انت متخيل هي سكر ازاي وعملت فيا ايه حتت العيله دي وضحك وهو بيفتكر كلامها
يونس بضحك متخيل ياخويا ربنا يجمعكم ببعض ويفرحنا بيكم يارب
سيف بضحك يارب يا غالي وسمع صوت القائد فتابع بقولك ايه سلام هقفل الفون ااتدريبات هتبدا
يونس بحب ربنا معاك يا غالي باي
سيف باي
وقفل وطلع التدريبات وفضل يتدرب اليوم كله بعدين وقف القائد يلقي كلمه فتابع صباح الخير يا رجاله
الجميع صباح النور يا فندم
القائد بابتسامه اهلا بيكم دفعه جديده وابطال جداد معانا هنا في الكليه الحربيه معلش لو بنتقل عليكم شويه في التدريباات بس ده لانكم بكره وبعده هتبقوا سبب في ان البلد دي تفضل بخير بعد ربنا وطول ما رجليكم خطت هنا انتوا اتكتبلكوا 3 زفات اول زفه بتاعت تخرجكم واليوم اللي هتبقوا فيه ظباط رسمي والتانيه بتاعت جوازكم والتالته لو ربنا ااراد استشهادكم فاحنا هنا عارفين اننا معرضين للزفه الاخيره عادي ومش خايفين من ده ولا ايه رايكم ???
الجميع طبعاا يا فندم
القائد بابتسامه ربنا معاكم ويحفظكم يارب
سيف فكر في سره في ان لو حصله كده هيعرف يسيبها لوحدها طب دي طفله مهما بتكبر تعيش ازاي لوحدها فقلق جداا من خطوه الجواز
وبعد 4 سنين في وقته الحالي لما اتخرج من سنتين وشغال بقاله سنتين كان قرر ان مش هيتقدملها لانه دخل المجال اكتر وشاف ان حياته بتبقي في خطر جداا فمش عايز يعلقها بيه او يسيبها تعيش لوحدها في غيابه خاف عليها فقرر يبعد عنها بس فضل عارف عنها كل حاجه تحركاتها وبتحب ايه وبتكرهه ايه وبتروح فين وكأن حبها لعنه وصابته ومش عارف يخف منها وزعلان جداا من نفسه ان محققش ليها طلبها اللي استنته من ربنا
بااااااك
سيف تنهد بعمق وتابع بوجع كان على عيني بس زي ما حكيت ليونس مكنتش هعرف اعيشك في الوضع ده والله العظيم بعدت عنك علشان خايف عليكي وكنتي صح قولتيلي هتفضل فاكرني وحصل قولتيلي هزعل لو نسيتني مع اني مش هنساك بس انتي اللي نستيني واكيد نسيتي شكلي طبعا وانا اللي لسه واقف عند يوم ما شوفتك وانتي عيله 16 سنه وبص للسما تابع بوجع طب كنت حبيتها ليه ??? مش قادر حتي اقول ياريتني ماقابلتها يارب لان لولايا بعدك كانت هتضيع والولد ده هيأذيها بس بقالي 6 سنين يارب بقول لنفسي اكيد مش حب بس لا انا مش بحبها انا بعشقها كانت بتتكلم بثقه اني هحبها ومش هنساها وحصل سحرتني بتلقائيتها وكلام وابتسامتها ونظرتها خلتني افضل حاطط عيني عليها 6 سنين من بعيد وحقيقي واحشتني اوي وابتسم وتابع واحلوت وبقيت زي القمر غريب انها حلمت بيا كذا مره وكانت مستنياني وانا كمان حبيتها بس حصل كل ده وبردو مبقيناش مع بعض مش فاهم فين الحكمه فان قلوبنا تتعلق ببعض رغم اني مش هتجوزها وهي هتقدر تتخطي عادي بس الحمدلله انها بخير وقادره تعيش بعد ما كبرت عكسي انا اللي فضلت من ساعتها فارس
——————————————–
عند الشباب مازن كان بيلعب معاهم وبيضحكوا وفونه رن فكانت جودي
شافه ابتسامته اختفت ونفخ بضيق ورد وتابع بضيق خير جودي بتعب مازن الحقني ارجوك
