رواية غموض الحب عائلة الرفاعى الفصل الثانى و الثلاثون بقلم لولا
مازن شافها قدامه اتصدم بشده وتابع ياسمين !!!! وجودي حطت ايديها على بوقها بصدمه
ياسمين دموعها نزلت ودخلت الشقه وقفلت الباب وتابعت بوجع مين اللي حامل يا جودي ??? انا ايه اللي سمعته ده ???? وعيطت وتابعت مين اللي حامل انتي هببتي ايه يا حيوااانه قوليلي ????مازن بوجع ياسمين انا هفهمك
ياسمين بعياط وعصبيه تفهمني ايييه انت …. انت ملكش دعوه دي صاحبتي وانا افهم منها ازاي تقدر تعمل كده هي ازاي اصلا تقولك حاجه زي دي
جودي بعياط وتوتر ياسمين اهدي وهفهمك كل حاجه بس والله العظيم غصب عني انتي عارفه صاحبتك
ياسمين بعياط وعصبيه : غصب عنك ايه هو انتي وقعتي اتكسرتي ده انتي بتقولي حااامل … حامل ازاااي ومن مين تعبتي اعصااابي يا جودي انتي شكلك مش مدركه المصيبه اللي انتي فيها
مازن بحده يابنتي وطي صوتك هتفضحينا
ياسمين بصتله وبعدين بصتلها وتابعت بعياط بتكلمي مازن تشكيله وانا صاحبتك واختك لا يا جودي ??? اخص عليكي بجد وجعتي قلبي ده انا جايه اشوفك فيكي ايه وخايفه عليكي تقوليله هو وتخبي علياا انا! !!!!!
جودي كانت بتعيط ومتوتره فحطت ياسمين ايديها على خدها وتابعت بعياط اهدي اهدي يحبيبتي والله فاهمه انها مصيبه قوليلي وهساعدك حصل كده ازاي مين اللي عمل فيكي كده انا مقهوره زيي زيك واتوجعت لوجعك ده انتي اكتر من اختي حصل كده ازاي حد بتحبيه ولا غصب عنك ولا ايه فهميني لاني واثقه فيكي اخلاقك مش كده بس ردي علشان خاطري متعيطيش
جودي بصت لمازن بخوف بعدين بصتلها وتابعت بعياط مش هتصدقيني
ياسمين بدموع لا طبعا هصدقك يا هبله وحضنتها وتابعت انتي اختي يا جودي مش عارفاكي انهارده ولا امبارح ده احنا عشره عمر بحاله ووالله العظيم مقهوره علشان اللي في بطنك ده وعارفه يعني ايه يحصل فيكي كده دي صعبه اوي وهتعلم فيكي العمر كله فاقوليلي مين ابوه وانا هساعدك
جودي تنهدت بعمق وتابعت بدموع مازن يا ياسمين
ياسمين خرجت من حضنها واتصدمت بشده وتابعت مازن مين ???? مازن ايه طيب هو انتي لما تقولي مازن انا هعرفه مثلا ده البلد فيها 100 مازن
مازن اتوجع وبص للارض وتابع ياسمين يلا نمشي وسيبيها ترتاح وانا هفهمك
ياسمين بعصبيه تفهمنيييي اييييه انتتت … انتتت مالك اصلااااا بقوولك دي صاااحبتي وحااامل يعني مشكلتنا مش مشكلتك وبصتلها وتابعت بعياط وخوف مازن مين يااابت انتي التانيه اللي حامل منه ماتخلصييي
جودي بدموع مازن ده يا ياسمين … مازن الرفاعي
ياسمين اتصدمت بشده وقلبها وجعها وبصتله بصدمه شديده وتابعت بضحك من بين دموعها بتهزر صح ?? جودي بتهزر ?? ماهو اكيد بتهزر لا مستحيل دي تكون الحقيقيه انا شوفتك هنا وقالتلي ابو اللي في بطنها اسمه مازن وبردو مشكتش فيك وقولت اكيد حد تاني وعيطت اكتر وتابعت انت بتهزر معايا كده علشان اقولك اني بحبك يامازن صح وانا والله لسه بحبك وحطت ايديها علي خده وتابعت بعياط هستيري ومحبتش غيرك بس وحياتي عندك يحبيبي بلاش الهزار ده ابوس ايديك ارحم قلبي عاقبني بأي حاجه الا دي علشان خاطري والنبي وفضلت تعيط
مازن دموعه نزلت وغمض عينيه بوجع وجات جودي شالت ايديها وتابعت بحده ودموع هو انا هكدب عليكي ليه انشاء الله ههزر في شرفي معاكي علشان ترجعي انتي والبيه ??? واللي في بطني ده اهبب فيه ايه انااا
مازن بحده احترمي نفسك قولتلك هتجوزك رغي كتير مش عايز
ياسمين بصتله وبصتلها بصدمه شديده وعدم استوعاب وحطت ايديها على صدرها اللي بيعلو وبيهبط وتابعت بدموع ووجع انتي بتقولي ايه ???? وعيطت اكتر وتابعت هو انا بحلم ولا ايه ??? انتي بتقوليلي انا كده يا جودي !!! انتي بتبعدي ايدي عنه !!! انتي واقفه حاطه عينك في عيني وتقوليلي حامل من حبيبك يا ياسمين !!! واتعصبت بدموع وتابعت عملتك ايييه انا قوليلي اذيتككك في ايييه ده انا اختككك يا شيخخهه اختككك كنت بقسم معاكي اللقمه كنت بشاركك حياتي وهدومي وجامعتي واسراري وايدي في ايدك من يوم ماوعيت انتي تقوليلي انا كده !!!! واتعصبت اكتر وتابعت ده انا عيطت في حضنك يوم ما ساااابني انتي بتقوليييي اييييه واييه اللي بيحصللل فهميني لالالا اكيييد في حاجه غلط اكيد انا مش فاهمه حاجه مستحيل ده الواقع مستحيييل واتعصبت بدموع وتابعت لااا متورنيش اني غبييه وساذجه اوي كده علشان انا لو خاونت الكل مخونكيش انتي يا جوددي انتي هبله لا مستحيل ياااارب مش هستحملها منك والله وعيطت اكتر وتابعت ازاااي تبصي لحبيبي اصلاا و
جودي بابتسامه شامته : تؤ تؤ كان حبيبك اهي دي اكتر كلمه ضايقتني فكل اللي قولتيه
ياسمين اتصدمت اكتر وبصتلها بوجع وصدمه شديده جداا هي مش قادره تصدق حاسه انها في حلم بشع بس مستحيل اللي بتقول عنها اختها تعمل فيها كده
فتابعت جودي بنبره شامته اصل بصي بعيداا عن كل العك اللي حكيتيه ده وعيطي في حضني وهدومنا سوا ومش عارف ايه سوا انا انسانه وبحس عادي وحضرتك مشاء الله واخده كل حاجه السيط في الجامعه والفلوس وسط اهلك اهو احسن من حالي واسم الرفاعي كفايه واخوات يسندوكي واب بيتحايل تصالحيه انما انا مخدتش اي حاجه وحتي الشخص الوحيد اللي حبيته حبك انتي وانا لا
ياسمين اتصدمت بشده وكانت هتقع رايح يمسكها مازن بخوف فتابعت بعصبيه ابععدددد عنييي ومتقررربش احسنلك ابعدددد فتابعت جودي بحده متمثليش وتعملي فيها دور الضحيه كده انا سالتك بدل المره الف يا ياسمين هتتخطي مازن قولتي ااه مش عايزاه وسعادتي مش معاه .. يا ياسمين هتتخطبي لاخوه قولتي اااه اخد اللي يستاهل قلبي .. يا ياسمين اسمعي مني هتحني تاني وتالت قولتي لااا هوريكي والايام تثبت … فخلاص اشوف انا حياااتي ولا انتي كنتي عااايزه كل حاجه تمشي على مزاجكك تتخطبي لاخوه وتسيبه بس ميبقاش لغيرك ده انتي بجحه يا شيخه بجد وعموما سواء بمزاجك او غصب عنك هيتجوزني وحطت ايديها على بطنها وتابعت بكيد: علشان مينفعش بيبي من صلب الرفاعي يتقال عنه ابن حرام
ياسمين اتصدمت اكتر وقلبها كان قايد نار فتابعت بعياط ياااه يا جوودي ياحيوانه يا بنت الكلب يا زباله انا بردو اللي بجحه ???!!!! انا مكنتش اعرف انك رخيصه وعينك فارغه اويي كده مكنتش اعرف اني ااعيش وسط ناس ميسور حالهم فكراهم بيشفقوا عليااا حاجه تدعي للحسد في نظرك ولا سيط الجامعه من شطارتي اللي انا بعملها مش جاتلي ببلاش انه شئ يدعو للحسد منا تعبت يبقي لازم اخد ولا اخواتي اللي عشت فاكراهم مش اخواتي ومش حاسه تجاهم بلاخوه انه احساس يدعو للحسد وحتى ده اللي بتحسديني عليه باعني لاخوه في اول محطه بس تعرفي انا سبت كل دول وقت وجعي ومشوفتهمش كلهم ومسكت فوني كلمتك وجبتك عيطت في حضنك انتييي وانتييي بكل جحود جبتي سكينه تلمه وغرزتيها في ضهري علشان مأمناكي على حياتي ونفسي ومعارفاكي كل كبيره وصغيره وبصيتي لحبيبي اللي عشت عمري كله بشهدك على حبي ليه واني ماليش حد غيره عايشه علشانه وبخليكي تتدخلي بينا في المشاكل مبقدرش اعدي يوم من غير ما اكلمك ده انا في عز تعبي كلمتك ومقدرتش بعدها اكلم امنيه اللي كانت هتموت من خوفها علياا انا فضلتك حتى علي نفسي في اوقات كتير جداا وبقول معلش علشان جودي وكل مانخرج بقف اصورك فكل حته تعوزيها وبحبك وكنت بضرب مكانك لما تغلطي في ابتدائي واخسر كل صحابي اللي مش بتحبيهم علشان متزعليش مني ونجيب لبس زي بعض ونسهر في رمضان سوا وننزل نصلي العيد ونتسحر في طبق وواحد وتباتي عندي وابات عندك وعشت احلم بليوم اللي اشوفك فيه عروسه واقولك عيالك هيقولولي خالتو وكنت نفسي اكمل معاكي ليوم ما اموت حتى مازن كان يضايقني اتصل اشكيلك ومعاكي رقمه واكونته وكل حاجه لاني بثق فيكي وتدخلي تكلميه يراضيني ولما نيجي نتكلم مع امنيه في النادي تقولي دول ملزقين دول مش عارف ايه اتاريه غل وحقد مش هزار حتى يوم ما مازن سابني مشوفتش في عينيكي دمعه لا كنتي عادي وكلامك تقليدي وبعدها نسيتي وضحكتي في خطوبتي وعادي لان طلع ده اللي انتي بتتمينه عكس امنيه اللي كانت جمبي بتمسك ايدي وتقولي اهدي هتعدي …. بس دلوقتي فهمت ليه فهمت اني اكبر مغفله وحيوانه وغلطانه لاني كنت بثق فيكي اكتر من نفسي بس شكرااا حقيقي للدرس ده انا خدت منك قلم عمري ما هنساه ليوم ما اموت وهنفخ في الزبادي بعد لسعه الشوربه دي ومش هسامحك مهما حصل مش لانك بس يا زباله حبيتي حبيب صاحبتك وفكرتي فيه حتى لو بينك وبين نفسك وصدمتيني صدمه عمري لا علشان كمان بتكدبي وبتشوهي صورته اكتر قدامي وتقوليلي حامل منه قال
جودي فضلت تضحك وتابعت ياستي ربنا يخليلك امنيه اعتبريني كده نظرتك مش فارقالي كتيير بس سيبك من كل ده انا في حاجه موتتني ضحك وضحكت وتابعت بشوه ايه ??? وبصت لمازن وتابعت بضحك ماتتكلم يا حبيبي ولا انت من اللي بيعملوا العمله وينكروا ???
مازن مسك دراعها جامد وتابع بعصبيه احترمي نفسك علشان مدكيش قلم يبلعك لسانك كفياااكي خلاااص
ياسمين بدموع ووجع يتكلم يقول اييه انتي بردو لسه عبيطه انا مش هصدقك انه يعمل كده مااازن مستحيل يعمل كده هو ميقدرش يغلط ويعصى ربنا مبالك انه كمان مش شايف غيررري فمتحااوليش وبصتله وتابعت بلهفه وعياط قولها تبطل عبط انا عارفه انت هتبهدلني علشان الاشكال اللي طلعت مصحباها دي بس انت عارفني هبله وغلبانه والله ومكنتش اعرف هتطلع كده … بس يلا قولها انها متخلفه وانك جاي هنا علشان تساعدها وانا اوعدك مش هعرفها تاني لاني معرفتش اختار صحابي واستاهل اتهزق منك حقيقي وهسمع كلامك علطول ومش هعتبرها تضحيات مني ولا حاجه من اللي قولتها اانا اللي كنت متخلفه يحبيبي وحطت ايديها على خده وتابعت بعياط انا مش مصدقاها انا مصدقاك انت انطق انت ابوس ايدك يا مازن ابوس ايدك متعملش فيااا كده وريح قلبي
مازن دموعه نزلت بوجع فتابعت جودي بابتسامه شامته : ماتقولها يا ميزو عملت كده ولا معملتش ولا مستني يجي البيبي يقولها بنفسه
ياسمين بعصبيه ودموع انتي تخرسي خااالص انا بكلمه هووو يبقى هو اللي يرد وبصتله وتابعت بعياط وقهر وهي بتتنفض : ساكت ليه يحبيبي طب بص هقول لاحمد وللعيله كلها الحقيقه وهنرجع وهتجوزك واكون ليك كل حاجه ومش هضايقك تاني ولا هقف قصادك ولا هقول حتى كلمه .. بص الكلمه اللي تضايقك مش هقولها ولو ضايقتك ياسيدي اكسر راسي ومتنزلنيش من البيت مراتك وانت حر وانا راضيه وموافقه بكل اللي هتطلبه مني عارفه غلطت لما عملت فينا كل ده من البدايه سامحني ابوس ايدك انا كنت بموت من غيرك يا ماازن وقلبي قااايد نار في بعدك وكل مره تعدي من قدامي وتحط عينيك في الارض كنت بتقهر ان ازاي يوصل بينا الحال لكده انت بتحط عينك مني في الارض علشان خطيبت اخوك هتلمس جودي لا مستحييل ورفعت ايديها بلدبله وتابعت بعياط هستيري بشوفها بتقهر انها بعدتني عنك ووصلتنا لكل ده بس عموما خلاص حصل خير واديني من المحنه دي اكتشفت ان جودي زباله وهبعد عنها ووقفت على اطراف صوابعها ولفت ايديها حوالين رقبته وحضنته جامد وتابعت انما انت مقدرش والله ماهقدر ابعد عنك ده انت دنيتي كلها ونورعيني وابويا واخويا وصاحبي وسندي وسري من يوم ماوعيت ريح قلب حبيبتك يا مازن انا واثقه فيك ثقه عمياء والله ولو كله قالي عملتها مش هصدق غيرك بس سمع الزباله دي وريح قلب سمسم ارجوك وحضنته جامد وفضلت تعيط بهستريه
مازن دموعه نزلت بقهر ووجع وطبطب على ضهرها وتابع بصوت مليان وجع : مش جودي اللي زباله يا ياسمين هي كانت ضحيه
جودي بعدتها عن حضنه وتابعت بعصبيه ماتحترمي نفسك انتي واقفه بتحضنيه قداامي انتي اتجننتي
ياسمين بعصبيه ودموع ده شكلك انتي اللي اتجننتي والله العظيم هو انت صدقتي نفسك ولا ايه ???? بقولك ايه يا بت انتي اخرسي خااالص يا زباااله مبقاااش الا انتي يا رخيصه يا حامل اللي تتكلمي ابن عمي وحبيبي وهيبقي جوزي متدخليش بينا نهائي وبصت لمازن وتابعت بعياط ووجع ايوه حتى لو ضحيه انت مالك ولا انت تعرف اللي عمل فيها كده ??? واتعصبت وتابعت مااااا تنطق يااا مااازن تعبتتت اعصاااابي مييين اللي عمل في جوودي كدده علشان دي الحقد شكله جننها
مازن دموعه نزلت وتابع انا يا ياسمين .. اللي في بطنها ابني انا بس وغلاوتك عندي غصب عني وعنها صدقيني
ياسمين اتصدمت بشده ودموعها نزلت بقهر فتابعت بضحك والدموع مغرقه وشها انت بتقول ايه ??? اننت اتجننت ??? بتقولي وغلاوتك عندي انا ابو اللي في بطنهاا !!!! غلاوه مين وفضلت تضحك وتابعت بعياط ليه ليه مين انا اصلاااا انت اكيد كداااب وعايز تقهرني ده انت عمرك ما لمستني انا لمسه معجبتنيش انا ياللي اسمي حبيبت عمرك بتبقى واقف قدامي ضعيف قدام مشاعرك وخايف تغلط فبتقولي انزلي او امشي علشان متنفذش حتى ولو 1% من احساسك تجاهي ولو مجرد حضن عشت عمرك كله بتحميني وبتحافط عليا حتي من نفسك ده لاول مره انهارده انا اللي اغلط واحضنك لاني احتاجتك وضحكت اكتر من بين دموعها وتابعت تقوم تقولي جودي وحامل ??? وحطت ايديها على جبينها وتابعت بوجع وقهر وهي بتعيط وبتحاول تستوعب: جودي ايه انت اتجننت صح??? انت اكيد بتخرف
مازن بوجع ودموع معلشان كل الكلام ده فعلا هو تربيه ابن عمك فبقولك غصب عني والله العظيم ما انتي عارفاني
ياسمين بعيااط وعصبيه شديده: غصب عنك ايييه انت اتجنننت طب هي طلعت بنت ستين كلب وبعد العشره دي كلها طلعت معرفهااااش وغدرت بيا انما انت يا مازن ومسكته من قميصه وتابعت بعصبيه ودموع: انت اناااا عملتلكك اييييه ?? اذيتك في ايييه ?? حافظت عليك وصونتك في غيااابك قبل وجودددك مع ان مفيشش بينا راااابط رسميي بس احترمت حبك عشت عمررري كله مش شااايفه راااجل غيرررك والهانم تشهددد بديهم كلهم على دماغهم لو حد فكر وقالي كلمه .. عشت حياتي مستينه يوم تيجي تاخدني فيه لبيتك خليتك الكلمه الاولى والاخيره في اهم قرارت حياتي وعيطت وتابعت بقهر لا ده انت كنت حيااتي نفسهاا اصلاا والحياه اسودت في عيني في الفتره دي بس اللي بعدنا فيهاا ومع ذلك وانك بعتني قولت دلوقتي بردو هسامحك وهعرف احمد لاني مش قادره اعيش من غيرك مع انك متستاهلش وفضلت تحرك فيه وهي ماسكه قميصه وتابعت بعصبيه وعيااط رد علياااا انت عملت كدده ازااااي هاااا انت لمست جوددي بجد ياااا مازن ??? رد عليااااا لمستهااا فعلا وعيطت وتابعت اكيد هي اللي قالتلك كده صح اكيد هي اللي قالتلك تداري على وساختها وتشيل غلطه حد غيرك واهو تبقي ردتلي القلم واتجوزت صاحبتي صح اكيد دي الحقيقه انما انت عمرك ماتكون لمستهااا لا عمرها ماتحصل
مازن بدموع ابوس ايدك اهدي يحبيبي طيب قلبك هيقف من العياط كده اهدي علشان خاطري وهفهمك
ياسمين بعصبيه وعياط تفهمني ايه تفهمني ايه بسس ياااارب يقف ياااارب علشان اخلص وارتاااح الحياااه طلعت اصعببب من ان تحتمللل ياريتني كنت موت قبل ما اعيش للوقت ده يااارب ياريتني كنت موت وفضلت تعيط بقهر
جودي بحده وبعدين انت سكتلها ازاي على كلامها ما ترد عليها ??? غلطه غيره ايه اللي يداري عليها انتي عبيطه يابت هو انا هفضح نفسي معاه ليه مايتجوزني اللي غلط طلما كده
ياسمين بعصبيه ودموع اكيد اللي غلط معاكي واحد واصل مش هيبص لاشكالك تبقي مراته انتي اخرك يشبع بيكي رغبته علشان رخيصه مش علشان تشيلي اسمه
جودي بضحك لا عجباني بجد ثقتك فيه طب اساليه كده مين اللي شبع رغبته
ياسمين بعصبيه ودموع مااازن لو سمحت ريحني واحلف على المصحف اهو هناك
مازن تنهد بعمق وراح حط ايديه على المصحف وياسمين قلبها كانت دقاته سريعه اوي ودموعها بتنزل فتابع بوجع: اللي في بطن جودي ابني يا ياسمين
ياسمين اتصدمت اكترر وحست بتوهه ووجع عمرها ماحست بيهم فتابعت هايدي بابتسامه سمعتي ????
مازن راح وقف قدامها ومسك كتافها بايديه وتابع بدموع بس وغلاوتك عندي يا ياسمين ك
ياسمين نزلت ايديه من عليها بعنف وتابعت بعصبيه وعياط وغلاوووتي ايييه وزفت اييييه بس ومسكت قميصه جامد وتابعت وهي بتحركه: انت ايه االلي عملتوا دده يا حيوااان ازاااي تعمل كددده ازاااي قلب طاااوعك تلمس بنت تااانيه غيري وسبت الدنيااا كلها يا ماااازن وملقتش الا جودددي! !!!! جودي يا ماااازن
جودي بحده ماتحترمي نفسك مالها جودي ياختي
ياسمين بصتلها بوجع وتابعت بدموع مالها! !! لا مملهاش شربت كوبايه الشاي بتاعتي بس او خبطت كتفي وهي معديه عادي يعني مش حواار هو انتي عملتي حاجه ده انتي كنتي يادوبك من غلاوه شهد يعني وعيطت بقهر وتابعت يا شيخه ياريت كنت اتعميت ولا موت بس الصوره متوضحش للدرجه دي واشوفك بلشكل ده انتي بلذات يا جودي حاسه مش قادره اتقبل الواقع حاسه عايزه اكدب عيني ووداني بس ده مستحيل يكون الواقع اللي مفروض اعيشه واتقبل قهره ووطت على ركبتها وتابعت بانهيار آه ياااارب .. ياارب كنت خدني بس مقدرش استحمل اللي حسااه منهم ياااارب مش قااادره انا عملت ايه في حياااتي ولا عملتلكم ايه يا ماااازن قولي عملتلكم ايييه علشان تغفلوني كل ددده وتضحكوا عليااا ماهو اكيد الحمل ده مش بلساهل يعني
مازن وطى قدامها وتابع بدموع والله وغلاوه حبي ليكي غصب عني ده هي مره اللي غلطت فيها وقريب وانا نفسي متفاجئ ان حصل حمل بسرعه كده وهي عارفه حتي بعد ما اتجوزها مش هعرف احب غيرك
ياسمين فضلت تضحك وتابعت بدموع مش هتحب غيري صح الحمدلله يارب وسجدت لانها كانت موطيه على ركبتها وتابعت بعياط في السجود الحمدلله يارب مازن مش هيحبها بس لمسها عادي لمس واحده غيري وعصاك وقهرني وكسرني يارب وفضلت تعيط وتابعت حسبي يالله ونعم الوكيل فيك يا شيخ حسبي يالله ونعم الوكيل فيك انت وهي مش مسمحاكم ولا هسامحكم وليوم القيامه وقامت ورايحه تشمي فتابع مازن بدموع ممكن تسمعيني الاول
ياسمين بعياط وعصبيه اسمعك ايه يا بجح يا زبااااله وزقته خبطته في الحيط جامد وتابعت بنفس العصبيه والدموع انا من سااااعه ما جيت بتحاايل عليك تتكلم بقولك لا يا مازن انت لا يا مازن سمعتها قالت اسمك وشوفتك معاها في شقتها ومصدقتش حتى لما نطقت قولتلك لا احلف بس حلفت علي المصحف فخلاص تنسى ان اسمعك تاني انا اتحايلت عليك تبرأ نفسك بس انت طلعت زباله ولمستها لا زباااله ايه ده انت ازبل واحقر من ما اتخيل ومتستاهلش 1% من ثقتي فيك وحبي ليك
مازن بدموع حقك تقولي كده واكتر بس اسمعيني انتي عرفتي كل حاجه الا اخر جزء من الحكايه انا يوم الخطوبه لما كنت سكران وتعبان مكملتش الخطوبه ومشيت
ياسمين بدموع شوفتك
مازن بدموع وجودي جات ورايا علشان خافت عليا اعمل حاجه في نفسي وهو اصلا البيت قريب من القاعه فقالت توصلني وترجع وبلفعل وصلتني فالقيت بيت الرفاعي مقفول ومفاتيحي ملقتهاش في جيبي فطلعتني معاها وراحت جابتلي مايه علشان افوق بس علشان كنت متقل اوي في الشرب فاتعميت خالص وحسيت برغبه وانا عمري ماحسيت بكده في حياتي ومكنتش شايف غيرك قدامي وكنت بقربها شايفها انتي مع انه بردو لو انتي كانت هتبقي مصيبه بس اللي عايز افهمهولك اني حسيت اني مش في فايق من الشرب مع احساس الرغبه ليكي والزعل من اللي حصل وانك اختارتي احمد فكنت بكلمها على اساس انتي وعملت فيها كده صدقيني هي كانت بترفض ومش وحشه حتي لو طلعت حقوده عليكي وبتحبني بس فعليا كانت رافضه وانا غلطت معاها وصحيت لقيتها جمبي ومأنكرتش
ياسمين كانت بتسمعه مقهوره اوي ومش قادره تصدق وبصتلها ضربتها بلقلم بقوه
جودي بعصبيه اااه يابنت الكلب انتي اتجننتي يااابت
ياسمين بعصبيه هششش مسمعش صوتك تاني يا زبااله وسقفت وتابعت برافو يا برنسيسه جودي حقيقي لعبتيها صح علشان كده جيتي قولتيلي بعد ما مازن خرج علطول انا مروحه حاسه تعبت شويه يا ياسمين وطبعا ياسمين مغفله جداا مستحيل يجي في بالها
مازن بستغراب اكيد لانها كانت مش عايزة تقولك اني سكران لعبت ايه صح يا ياسمين انا اللي غلطت يحبيبتي
ياسمين بعصببه ودموع متقووولش حبييييبتك … انا مراات احمد الرفاااعي يا ماازن … مراات اخوك انا مش حبيبت حد انت اه غلطت طبعااا مفيهاش نقاااش فايق او مش فايق ميخصنيش انت لمستها ونتج من وساختكم بيبي انما انا ضربتها هي لان الشريفه المحترمه جابتك مخصوص لكده
جودي اتصدمت وتابعت بعصبيه انتي اتجننتي يااابت قطع لسانك يا حيوانه
ياسمين بعصبيه محدش حيوان وزباله غيرك واضح جداا وضوح الشمس بتحبيه من ورايا كل ده وحاطه عينك عليه ولما مشي جيتي قولتيلي همشي فاستغليتي الخطوبه وان الكل مش هنا وانه سكران وجيتي بيه بيتك وامك مسافره علشان يلمسك ويتضطر يتجوزك وادي خطتك تمت وده واضح من نظرات عينيكي اللي كلها غل وبجاحه ده انتي حطيتي عينك في عيني عادي وقولتي شايله بيبي من صلب الرفاعي ده مش منظر واحده تم الاعتداء عليها ده منظر واحده شمتانه فيا وفرحانه بابنها ابن الحرام حقيقي حقيره بس برافو لعبتيها صح انتوا كده كده شبه بعض انتوا الاتنين زباله ومبيطمرش فيكم العيش والملح والعشره وغدارين وقليلين اصل مش عايزه اعرفكم ولا اشوف وشكم تاني في حياتي جتكم الارف زباااله وفتحت الباب ونزلت
في الشقه
مازن بشك هي ايه اللي ياسمين قالته ده
جودي برفعه حاجب ايه قالت ايه
مازن بحده هو انتي فعلا كنتي عايزاني اقرب منك علشان كده جبتيني معاكي
جودي بحده لا ده انت اتجننت رسمييي بقولك ايه يا مازن مش عايزة كلام فاضي يتقاال واي تلاكيك علشان تداري بيه على عملتك فكل الاحوال اللي في بطني ابنك وانت عارف وشاهد اني كنت بقاومك فاتشوف اهلك وتيجي تتقدملي بدل ما قسما بالله هروح لجدك
مازن مسك شعرها فصرخت بوجع فتابع مازن : اه اه هتروحي تعملي ايه لجدي كملي واتعصب واكمل ماتسمعيني هتعملي اييه ????
جودي بخوف ودموع ااه .. مش هعمل حاجه ولا هروح بس كل ما تنجز كل ما كان احسن لسمعتي واكيد انت مترضاش سمعه مراتك تضرر
مازن ساب شعرها وزقها فخدت نفسها بهدوء وتابعت صدقني مش قصدي اهددك انا بتكلم علشان خوفت كلام ياسمين يأثر عليك مش هبيع شرفي علشان بحبك مش للدرجه دي يعني في رب يحاسب ده كلام اهبل اوي ومفيش بنت ترضي بيه مهما حبت حد وراحت حضنته وتابعت انما مش مستاهله اهددك كده كده واثقه فيك انك هتحقق وعدك وهتتجوزني
مازن بضيق اوعي بس كده مش ناقص قرف وبعدها عنه وتابع بحده ومتفكريش تقربي مني تااني كده مش معني القرف اللي عملناه يبقي حلال
جودي بابتسامه خبيثه مش حلال وحطت ايديها صدره وقربت منه وتابعت بس شويه وهيبقى حلال وساعتها مش هسمح حد يشاركني فيك
مازن ضحك بسخريه وتابع ولا انتي ولا غيرك خلاص هي غلطه واول واخر مره مش هتقرر حتي بعد مانتجوز مش هقربلك تاني
جودي بحده اه يعني ايه يعني انت م
مازن بعصبيه وبمقاطعه يعني انا غلطت غلطه هصلحها انما مش قادر اشوفك زوجه يا جودي ولا عمري هحب غير ياسمين و ولا انتي لو قعدتي تحاولي عمرك كله بردو مش هتقدري تاخدي مكان ياسمين فمش عايز نحرق مع بعض كتير
جودي بعصبيه وانت فاكرني ايه يحيوان علشان اقبل بكده هي غلطتي انا ولا انت
مازن ضربها بلقلم بقوه ومسك شعرها وتابع بعصبيه مين اللي حيوان يا زباله انتي اتجننتي ولا ايييه
جودي بعياط ووجع ااه اااه خلاص انا اسفه اسفه والله يا مازن حقك عليا مش هتقرر
مازن بعصبيه كده كده متقدريش تقرريها تاني انتي شكلك لسه متعرفنيش كويس بس جربي اغلطي تاني يا جودي وشوفي هعمل فيكي ايه وزقها على الكنبه وتابع انا غااير اتنيلتي عوزتي اي حاجه ضروري علشانك او علشان اللي في بطنك لانه ابني ومش ههمله قوليلي غير كده لا وياريت تقللي مكالمات لاني مش فاضي للكلام الفارغ ده
جودي حست انه شك في كلام ياسمين فغير اسلوبه معاها لانها كانت بتتكلم معاه الاول مكنش كده واداها فلوس من نفسه فااكملت بحزن مازن ممكن تقعد ثواني
مازن بحده لا مش فاضي واظن انتي قولتي اللي عندك
جودي بحزن علشان خاطري وراحت مسكت ايده وقعدته على الكنبه وقعدت جمبه وتابعت بحزن انا عارفه انك بتحب ياسمين بس بعيدا عن علاقتي بيها اللي طبيعي متفضلش موجوده بعد كده انا من يوم ماوعيت مش بحب غيرك وانت غلطت وبسببك انا شايله بيبي فبلاش ارجوك تحسسني اني وحشه اوي كده ورخيصه وعيطت وتابعت مش معنى اني بحبك وصدقت انك غصب عنك وسامحت في حاجه زي دي ومفضحتش الدنيا وقولت لاهلك علشان حقي يجي وقضايا والجو ده يبقى انا وحشه واستاهل لاني سكت فتعاملني بلاسلوب ده كاني رحم شايل ابنك مش اكتر انا انسانه بردو بحس وعندي دم وماليش ذمب فكل اللي حصلي واي حد مكانك هيبقي عايز يخلي البنت اللي اذاها دي تسامحه ليل نهار وتفهم انه مش قصده فايه ذمبي اني بحبك يعني ??
مازن تنهد بعمق وتابع لا ملكيش ذمب فعلا دي غلطتي بس هي صادفت انك بتحبيني يعني لو كان حد تاني كنتي فعلا هتبلغي ومش هتسيبي حقك وانا كنت هتحايل عليها تسامحني وهصلح غلطي
جودي بدموع طب ما اهو اديك عارف بعيدا عن اللي سمعته من ياسمين هي مضايقه مننا فبتقول اي كلام انما مانت عارفني يا مازن وشوفت بعينك ان كنت برفضك وعيطت وتابعت بس بقى في بيبي اانا لو مش حامل بجد وشوفت ياسمين بتعمل كده كنت قولتلك خليك معاها وصالحها واعملي عمليه ترجعني بنت ومنتجوزش و
مازن بعصبيه بس بس بس اخرسيي انتي اتجننتي انتي بتتنيلي بتقولي ايييه عمليه ايه وزفت ايه دي حركات بنات زباله وده شغلها وحرااام جدااا استغفر الله العظيم يا رب لا يا جودي متقوليش على نفسك كده انتي لا طبعا ليه شيفاني مش راجل وانكرت اللي في بطنك انا غلطت واذنبت وهصلح غلطي ونطلب المغفره من ربنا مش نعمل العمليات اللي مش لايقه علينا و تودينا جهنم عدل دي وتنهد بعمق وتابع خلاصه الكلام يا جودي انتي هتبقي مراتي وام ابني والايام الجايه هقولك هنعمل ايه واقفلي سيره الموضوع ده نهائي
جودي بحزن حاضر بس ممكن اطلب منك طلب
مازن بتنهيده اكيد اتفضلي
جودي بدموع مش طالبه منك قلبك لانه صعب اخده بسهوله بس ياريت يكون في بينا احترام متبادل زي منا هشيل اسمك واصونه يبقي تحترمني قدام اهلك وقدام نفسي وتديني حقوقي اللي عليك وانا نفس الكلام ونبقي زي اي اتنين متجوزين حتي يا سيدي عايز تسميها انك بتتقي الله فيا فتمام بس بالله عليك انا ماليش ذمب متحسسنيش ان حياتي ادمرت وهعيش طول عمري مكسوره وبعيط وحزينه بسبب ان واحد مش بيحبني اعتدي عليا فهياخدني زيي زي الاباجوره انما مش مراته ومش هحس بأي مشاعر ومضطره اتجوزه علشان ابنه بس طب انا ذمبي ايه. حياتي تقف كده ???? يعني لو انت مش بتحبني ومتجوزناش اوكيه انما احنا مضطرين نتجوز فقلبي هيوجعني من طريقتك دي وهيبقى مفيش حل
مازن بتنهيده حقك تقلقي بس والله خلاص انا قررت هديكي كل حقوقك وهتبقي مراتي عادي وهعاملك بما يرضي الله انتي ملكيش ذمب في حاجه و كده كده ابني مالوش ذمب زيك بلظبط ولازم يطلع بين ام واب هاديين وبيحترموا بعض
جودي حضنته بفرح وتابعت وهي بتبتسم بخبث ربنا يخليك ليا يارب ينورعيني
مازن غمض عينيه بضيق وتابع ويخليكي وتقومي بالف خير يارب يلا هقوم انا ورايا مشاوير
جودي بحب خلي بالك من نفسك
مازن حاضر وطلع وقفل الباب وجودي وقفت قدام المرايا تبتسم بخبث وهي بتمشي ايديها على بطنها وتابعت بضحك برافو يحبيب ماما انت جيت حلتلي ايامي اكتر مش عقدتها زي ما فكرت عقبال ما اشوفك ينورعيني
———————————————-
في مطعم علي البحر قاعد امنيه وحسام
حسام وهو بيقطع الاكل بلسكينه تابع مالك يا امنيه مش بتاكلي ليه
امنيه بتنهيده ماليش نفس
حسام ايه اللي واخد عقلك
امنيه تنهدت ورايحه تتكلم فونه رن فتابع ثواني يحبيبتي حقك عليا ورد
-ايوه يا بيه
-حاضر اكيد
-لا منا عارف منا قولت لحضرتك ده مفروض اعدام مش مؤبد ده حرض على قتل جوز اختي وخطفه وهددها غير البنت اللي ماتت غير بلاويه سعادتك
-يافندم دي كانت قضيتي وانا حلتها وبقولك نفذ القانون ده مجرم انا مبخافش من حد
-اخره يهدد ده واحد محبوس
-تمام يا فندم شكرا في رعايه الله سلام
امنيه بقلق مين ده اللي بيهددك وليه مش فاهمه
حسام بابتسامه متشغليش بالك قولي كنتي هتقولي ايه
امنيه بحده ما ده اللي انا عايزه اقوله يا حسام انا حقيقي تعبت من اسلوبك
حسام بصلها بحده وبص حواليه وتابع حلو كده يعني ??? عاجبك صوتك ?? قومي يلا
امنيه مش بتاكل كمل اكلك ونمشي
حسام : الشيك لو سمحت وبصلها وتابع بحده قولت قومي مش طافح اتسممت اللقمه خلاص
امنيه قامت بضيق وخدت شنطتها وطلعت وهو دفع وخرج وراها وتابع ده انتي حساب اهلك معايا بعدين على صوتك الحلو ده
امنيه بحده اهو بجد ده عيبك مبتغلطش نفسك ابداا
حسام بحده عملت اييه انا قولت اخرجك نتغدا سواا هببت ايييه يعني لاسلوبك ده
امنيه بضيق طب مش هنتكلم هنا روحني ونبقى نتكلم
حسام اممم ونفرج الناس كلها علينا عندكم في البيت وماله وخدها وراح بيها ناحيه البحر وتابع ارغي في ايه
امنيه بضيق في اني زيي زي عدم وجودي في اني مش موجوده من حياتك ولولا بكلمك كل شويه لولا بسمع صوتك ولو سكت انت بتسكت ومش كل مره هاجي على نفسي انا واتكلم لا بجد انا فين من حياتك اما شغلك واخد كل وقتك بلمنظر ده حتى وانت معايا
حسام تنهد بعمق وتابع ويابنت الناس مش ده شغلي ??? هو انا بمزاجي ???
امنيه اه شغلك بس في حاجه اسمها انك تفصل بين شغلك وبين خطيبتك لان بجد الاهميات تختلف جداا وانا بحس نفسي عايشه لوحدي وده مش اسلوب عيشه بصراحه
حسام بعصبيه وده اللي عندي يا امنيه ودي عيشتي ومضطره تستحمليها اذا كان عجبك .. مش شيفاني بلعب انا مش ناقص حرقه دم وقرف اكتر منا طالع عين اهلي
امنيه بدموع اممم والله انت قله الكلام معاك احسن مينفعش فعلا اقولك اهتم بيا دي حاجه مفروض انت تعملها من نفسك لو انا من اولويات حيااتك .. انت مش واقف على الحدود علشان مش فاضي تكلمني ده مكتب مفيهاش حاجه الدقيقتين بس عموما انا مبقتش عايزاهم لان اللي يجي بعد العتاب مجامله مش محبه
حسام تنهد بعمق وتابع لا حول ولا قوه الا بالله يابنتي هو انتي عايزه نكددد وخلاص منا اتنيلت قولتلك بعمله صامت طول فتره شغلي وبكلمك وانا بفطر ولما بروح قبل ما انام عايزه ايه تاني
امنيه قصدك لما انا بتصل وبعدين ايه قبل ما افطر وقبل ما انام دي هو انا مضاد حيوي
حسام ضحك وتابع الله يخرب عقلك يا امنيه ياربي خاطب طفله وباس راسها وتابع حقك عليا عارف مقصر بس لما بقدر انزلك بننزل اهو بايدي ايه تاني طيب يحبيبتي
امنيه بضيق هو احنا لما نتجوز هتفضل بتعمل كده ??
حسام بضحك لا طبعا في الجواز تختلف هتبقي في حضني قبل ما انزل وفي حضني بعد ما ارجع فاحسن من المكالمات والقرف ده
امنيه بضيق لا يا جددع تصدق فعلا فرق خاارق طب ما نسيبك للحكومه احسن يا حسام تيجي ليه البيت يابابا متجيش
حسام بضحك لا منا هاجي ابص عليكي وامشي احمدي ربك اومال لو بسيبك بلشهور تعملي ايه
امنيه اعملك عمل يجيب اجلك يقعدك في البيت
حسام فضل يضحك وتابع وربنا انتي مجنونه علشان انا كنت بتخانق ضحكتيني استحضر المود ازاي دلوقتي
امنيه بضيق بتتخانق اه قصدك بتقول مبررات فارغه وانا اللي بتخانق وعادي يحبيبي اعصبك تاني دلوقتي
حسام طب قسما بالله فعلا انتي اللي بتعصبي الواحد وبتخرجيه عن شعوره
امنيه بتنهيده حسام انا بجد قولتلك مرتين ان الاسلوب ده بيضايقني وانت بردو بتعملوا في التالته بقى
حسام بضحك ايه هتطلعي الكرت الاحمر
امنيه بضحك بلظبط كده .. المهم تهديد ايه اللي اتهددته ده
حسام بتنهيده طب ما بلاش نتكلم في الشغل
امنيه برفعه حاجب هو انا رايحه اخبص
حسام بضحك لا طبعا هي مش حكايه خبص بس هتفضلي تقلقي على الفاضي يعني
امنيه بحب لا قولي متقلقش انا عاقله
حسام بضحك اممم انتي هتقوليلي ده الواد اسر اللي حاكتلك قصته بتاع حوار زينب وعمر لما اتحكم عليه ان هيتعدم كمان كام شهر هدد انه عايز يقتلني لان انا فضلت ورا القضيه لحد ما اتحكم عليه بلاعدام فا العميد بيقولي لو رسيت علي مؤبد كنت اطمن عليك فبقوله لا انا مبخافش من حد هيتعدم يعني هيتعدم
امنيه بخوف طب منا لازم اقلق صح ده مجرم
حسام حبيبتي اهدي ده محبوس وهيموت
امنيه بخوف وانت ايش عرفك يمكن يدي حد فلوس ماهو هيموت ويسيب كل الفلوي دي بس يستفيد انه يأذيك
حسام امنيه انا مكنتش عايز اتكلم بسبب كده يحبيبتي متخافيش مفيش حاجه من دي هتحصل لانه عليه حراسه مشدده ولو حد دخله في عسكري بيبقي قاعد وحاضر القعده فمفيش اي اتفاقات هتم
امنيه بخوف مش عارفه يا حسام انا خايفه بجد
حسام بابتسامه بطلي عبط بقى مفيش حاجه وباس ايديها وفونه رن فتابع استني اشوف مين
حسام: ايوه يا سمسم
ياسمين بعياط انت فين يا حسام
حسام بخوف مالك يابت في ايه انا مع امنيه على البحر
ياسمين بدموع ابعتلي اللوكيشن جيالك ضروري
حسام بخوف طب خليكي الساعه بقيت 7 بليل هجيلك انا
ياسمين بعياط لا مش طايقه البيت ارجوك يا حسام ابعته انا هجيلكم
حسام بخوف طب يحبيبتي هبعتهولك بس خلي بالك من نفسك وانتي جايه اختاري راجل كبير اركبي معاه تاكسي مش اي حد
ياسمين تمام وقفلت وحسام بعتلها اللوكيشن
امنيه بخوف مالها فيها ايه
حسام بخوف ياسمين شكلها عرفت
امنيه بستغراب عرفت !!! عرفت ايه ???
حسام بتوتر امنيه ارجوكي مش وقته اهدي ورفع الفون على ودانه وثواني ورد
مازن ايوه يا حسام
حسام بخوف ياسمين بتعيط وجياالي هي عرفت حاجه ???
مازن تنهد بوجع وتابع اه عرفت ومش هي بس اللي اتصدمت انا كمان اتصدمت
حسام بستغراب مش فاهم يعني ايه
مازن بوجع جودي حامل يا حسام
حسام اتصدم بشده وتابع يا نهااار اسودد طب هتهبب ايه مش عاملين حسااب ان يحصل كده خالص
مازن دموعه نزلت وتابع بوجع معرفش انا رايح لقاسم في البيت اللي على النيل هنقعد مع بعض علشان مش طايق نفسي ولا طايق بيت الرفاعي وانت خلي بالك منها يا حسام
حسام تنهد بعمق وتابع تمام يا مازن وانا لو عرفت اجيلكم هجيلكم
مازن تمام باي
حسام باي فتابعت امنيه بخوف ها طمني في ايه بتقول يانهار اسود ليه
حسام بقلق لما تيجي هي تعرفك مش عايز يبان اننا احنا الاتنين عارفين هتزعل
امنيه بخوف للدرجه دي
حسام بوجع اصلك ماتعرفيش حصل ايه ربنا يستر بجد
———————————————
في البلكونه في بيت عز الدين
يونس واقف بياخد نفس وباصص على شكل الاراضي الزراعيه بشرود
شهد دخلت وتابعت بابتسامه واخده بريك وعملتلنا كوبايتين قهوه قولت اجي اقعد البريك معاك ايه رايك
يونس بحب ده انا يبختي بقى ومد ايديه خد منها المج وتابع تسلم ايديكي يحبيبتي
شهد بابتسامه الف هنا طمني عليك عامل ايه
يونس بتنهيده الحمدلله كويس نشكر ربنا
شهد حطت الكوبايه على الترابيزه اللي في البلكونه وتابعت تعالي اقعد قدامي نتكلم كلمتين
يونس راح قعد وهو ماسك كوبايه القهوه وبيشرب منها وتابع سامعك
شهد لا انا عايزه اسمعك انت انا اتكلمت كتير
يونس بابتسامه سيبك مني واضح انك مش كويسه وبتداري بضحكتك فقولي مالك يا شهد وفيكي ايه
شهد بضحك لا ده انت بتعرف تغير الكلام وتهرب حلو اوي بسم الله مشاء الله عليك وابتسمت وتابعت انا مش عبيطه ها ومتقلقش عليا بخير ضغط دراسه عادي
يونس بتنهيده لا سيبك مني نتكلم عني بعدين .. لانه مش ضغط عادي … على فكره اسيسنت البيولوجي قالي انك مروحتيش الامتحان الشهري اول امبارح واستنيت تقوليلي مقولتيش ودي اول مره تخبي عليا او تعملي حاجه زي كده
شهد بصدمه ابن الجزمه قالك ازاي يعني
يونس لانك ببساطه حاطه في استمارتك اسمي ورقمي في خانه ولي الامر خوفا من ان لو حطيتي رقم عز الدين كان روقك دلوقتي هاا وغمز
شهد بتوتر انا بالله كان غصب عني نسيت خالص ان اللي بيغيب بيقولوا لاهله
يونس اممم يعني انتي فارقلك اني عرفت ومش فارقلك انك اتنيلتي غبتي حلو والله
شهد بخوف بص هقولك بس متتعصبش ماشي
يونس بحده موعدكيش علشان من البدايه كده كلامك بيعصب
شهد بتوتر لا والله هقولك الحقيقه اهو بص بصراحه انا اثرت شويه في البيولوجي ومكنتش خلصت الكميه المطلوب مني اذاكرها فخوفت ادخل الامتحان وكمان لاقيت فرح بترجع وتعبانه فخدتها وطلعنا على المستشفى ففكل الاحوال مكنتش هحضره علشان متتعصبش ان مخلصتش مذاكره بس
يونس بتنهيده هو سؤال بس علشان متعصبش عليكي بعيدا عن تعب صاحبتك لانه قضاء وقدر انتي ازاي تنزلي امتحان مش مخلصه مذاكرته ليه مطلوب منك تعملي ايه غير تذاكري
شهد بصت للارض وتابعت بحزن كان ساعه ايام الاولى للخطوبه وكنت نفسيتي تعبانه فمكنتش قادره الم وحاليا اهو مضغوطه وبحاول
يونس تنهد بعمق وتابع طب بصي يا شهد انا مش هاجي عليكي زي ناس كتير لو مكاني دلوقتي هتقولك تالته يعني دراسه ومفيش وقت للحب ولا غيره علشاان لو قولت كده هتزعلي مني وتتقمصي وتقولي يونس مش حاسس بيا فانا هقولك انا حاسس بيكي جداا بس بما انه كده كده العلاقه ثابته وهو على شكل الخطوبه بتاعته من ياسمين وهو مسافر ومش بيتكلموا كتيير فصدقيني متشغليش بالك بأي تطورات دلوقتي لان مفيش حاجه هتتغير حاليا واقعدي كده ركزي في هدف واحد وهو حلمك وسيبي الحب والكلام ده ربنا هيرتبه لان حتى لو بيتكلموا والدنيا تمام مفيش حاجه هتحصل ربنا مش عايزهاا فاهدي كده ومتضيعيش حلمك المركب ام رئيسين بتغرق يا شهد فهتفكري في احمد مش هتوصلي وده مش علشان هو وحش ولا انه انتي مينفعش تحبي وصغيره والجو ده لا ده علشان انتي انسانه دم ولحم وبتحب غصب عنها مش بايديها عادي وطبيعي …. بس بايدك تحاولي تتجاهلي التفكير في الموضوع بانه لسه بدري على التطورات فهسبها على ربنا لانك لو ركزتي مع مشاعرك فعلا مش هتقدري تفتحي كتاب وهي هانت خلاص
شهد قربت الكرسي بتاعها منه وحضنته بحب وتابعت يارب يديمك ليا نعمه وسند وحبيب وصاحب واخ واب وكل حاجه يا يونس حاضر يحبيبي هسمع كلامك والله واوعدك هعمل كل اللي اقدر عليه علشان اخليك فخور بيا
يونس باس راسها وتابع انا فخور بيكي فكل الاحوال اصلا وربنا يريح قلبك ويفرحك ويحقق كل امانيكي ينورعيني
شهد بحب يارب اللهم امين يا غالي ولك بلمثل
يونس يارب يحبيبتي مالها فرح بقي طلع عندها ايه
شهد بحزن للاسف فرح بتعاني من السرطان من سااعه ما بدانا السنه بس هي مكانتش بتقولي انا عرفت بلصدفه
يونس بصدمه لا حول ولا قوه الا بالله هي بتنزل وتتحرك وتروح سناتر ازاي دي
شهد بحزن في اون لاين عادي بس لما بتضطر بتنزل وبجد التعب بان عليها اوي يا يونس
يونس بحزن ووجع زعلتيني عليهاا بجد دي عيله صغيره مش قد المرض ده
شهد بحزن حقيقي صعبت عليا اوي قولت ياربي يعني هي جايه تتعب في اهم سنه فرح شاطره بس طبيعي المرض اثر
يونس بابتسامه بصي هقولك حاجه ابقي قوليهالها خليها دايما حطاها في دماغها وانا صغير لما كنت بمر بصعوبات مكنتش بخاف رغم انها تبان خلاص حتى لو روحي فيها وعايزها بس اتقفلت او وقعت في ابتلاء كبير الا اني كنت بقول
(( يقيني بالله يقيني ))يعني ايماني بربنا يحميني وفعلا حسن الظن بالله بيخلي كل حاجه تمشي سهله وبهدوء وبنعرف انه كانه خير ولو مش خير بسبب حسن ظنك بالله بتشوفي الخير فمتعرفيش لعله خير يمكن بعد تعبها ده تبقى احلي منكم كلكم وربنا يعوضها يمكن حتي لو وقعت وجابت مجموع مش عاجبها وهتدخل مجال مكانتش هتدخله لو صحتها موجوده لانها هتجيب اعلى لو بصحتها فا ده بردو خير وربنا عمل كل الخطه دي وتعبها في السنه دي بلذات علشان يوصلها لهنا وتعمل حاجه مكانتش هتعملها فا فرح بجد ربنا بيحبها فمبتليها ده كفايه ضغط الثانويه لوحده ووالله هيعوضها اضعاف ده اله عادل وانتي كمان لو تقدري تساعديها متتاخريش روحيلها واشرحيلها وابعتيلها كل اللي هي عايزاه
شهد بحب يارب يسمع منك يحبيبي بجد عندك حق فكل كلمه وانا فعلا بعمل كده لما بتطلب مني حاجه بتقعد في السنتر وبشرحلها وببعتلها اي ملخصات او ملازم لان مش بتشتريها بسبب ظروف اهلها غير الكيماوي غالي اصلا لوحده وكده
يونس جدعه يحبيبتي جزاكي الله كل خير ايوه اعملي كده برافو وربنا يشفيها ويعافيها ونفرح بيها وبيكي يارب وبص لساعته وتابع اختك مجتش ليه كل ده فينها
شهد قالتلي رايحه لجودي
يونس بحب طيب خليها تلاقيهم بيرغوا ولا حاجه هقوم انا اعمل مكالمه بقي وادخلي ذاكري يلا
شهد بضيق لحق خلص البريك ???
يونس برفعه حاجب قولنا ايه يا شهد ??
شهد بضحك خلاص قايمه .. واعمل حسابك يا قمر انت لو جيت اتغيرت عليا لما تتجوز هزعلك بلجامد انت والحلوه
يونس بضحك لا وعلي ايه الطيب احسن مش هتجوز خالص اصلا
شهد بابتسامه طلما انا داعيت بايمان خلاص خلصت ربنا مش هيكسفني وبنقي الفستان من دلوقتي لعلمك
يونس بضحك نقي نقي هي التنقيه بفلوس
شهد بضيق طب ايه رايك هشتريه بردو
يونس بضحك طب يحبيبي اشتريه ههاودك بجد اصل اقول ايه
شهد بضحك هو عموما محدش هيشاركني فيك علشان مجبهاش من شعرها بس بدعي تتجوز اللي بتحبها وهيحصل وهتشوف عن اذنك وخرجت
يونس بتنهيده بتحلمي والله يا بت يا شهد ورفع الفون على ودنه وتابع الو ايه يا غالي هطلب منك طلب
-الامر لله بص
———————————————
عند حسام وامنيه
ياسمين وصلت ودفعت للتاكسي وشافت امنيه فجريت عليها حضنتها وفضلت تعيط بهستريه
امنيه بخوف بس بس يحبيبتي مالك فيكي ايه اهدي
حسام تنهد بحزن وتابع حقك عليا اهدي
ياسمين بعياط جودي طعنت ضهري وقهرتني يا امنيه جودي وقفت حطت عينيها في عيني وقالتلي انا بحب مازن من زمان وغلطت معاه وحامل منه يا امنيه الوحيده اللي ادتيها ضهري وعارفه انها تحميه كسرتني
امنيه اتصدمت بشده وتابعت ايه ايه ????? انتي بتقولي ايه جودي ومازن !!!! وحامل! !!! وبتحبه! !!!! لالا اكيد في حاجه غلط دي جودي يا ياسمين ازاايي تعمل كده فيكي انتي لالا اكيد انتي بتهزري صح
ياسمين بعياط ووجع ياريت بهزر يااااريت بس عملت فيا كده وكسرتني هي وهو خلوني احس اني عاميه علشان وثقت فيهم اكتر ناس في حيااتي انا تعبت اوي تعبت اوي يا امنيه مش قادره اتخيل ان جودي ومازن يعملوا فيا كده حاسه قلبي هيقف من الوجع كتيير يارب كل ده ورا بعضه كتيير خدني يااارب خدنييي وريحني
امنيه حضنتها جامد وتابعت بعياط بس بس يحبيبتي بعد الشر عليكي يخش هي الحيوانه ونرتاح منها يارب متقوليش على نفسك كده ابوس ايدك
حسام بوجع ياسمين مازن مكنش في واعيه وشارب وانا قايلك كده من قبل ما اعرف انه غلط معاها
ياسمين خرجت من حضن امنيه وبصتله بوجع وتابعت انت كنت عارف ياحسام
حسام بتنهيده اه كنت عارف بس انه غلط معاها انما بتحبه وحامل دي لسه دلوقتي
ياسمين بوجع طب ومفروض انا دلوقتي اعمل ايه وانا خلاص حياتي اتحكم عليها بلموت ولازم هفضل مع احمد واشوف مازن جمب صاحبتي وعيطت وتابعت بقهر صاحبتي اللي فكرتها نصي التاني واختي ضحكت عليا وقهرتني وحملت من الشخص اللي عشت ليل نهار بتمنى اتجوزه وبحكيلها عليه انا ليه كل حاجه ضدددي كددده مش قااادره بجد مش قااادره يعني ايه جودي حامل يعني ايه مازن لمسهاا يعني ايه باابا خدعني يعني ايه عرفت شكل امي قريب يعني ايه كل ددده بجددد وقعدت على ركبتها وعيطت بانهيار
حسام قومها وتابع بوجع ياسمين اجمدي مينفعش كده قدر الله ومشاء فعل ده نصيب يحبيبتي سواء رضيتي او رفضتي هو لازم يتجوزها غير غلطته اللي تجبره بلجواز بقى كمان في بيبي لازم يشيل اسمه فمازن مضطر
امنيه بدموع ياريتك سمعتي كلامي من الاول ومرضيتيش باخوه ومكنش سكر ولا تعب ولا غلط ولا كان كل ده حصللل
ياسمين ضحكت وهي دموعها ماليه عينيها وتابعت بردو بتعلقوها للنصيب انتوا غلابه اوي والله محدش بيعمل حاجه مش عايزها حتى لو مكنتش وافقت باحمد كان بردو ده اللي هيحصل بس في وقت تاني وبطريقه تانيه لما تلاقي موقف تاني تستغله لانها طلعت ماصدقت لقيت فرصه وهي حطاه في دماغها من زمان وبعدين هو انتوا صدقتوا ان بسبب ان مازن سكر غلط معاها طب الخمرا بتخليه عقله مش فيه فعلا اتفق وممكن اه يتهجم على بنت او يعتدي عليها طبيعي لانه مش في واعيه بس عن شرط لازم تكون البنت دي بيحبها مش اي بنت
امنيه بستغراب ازاي مش فاهمه هو سكران فهيميز ازاي في وضع زي ده هي انتي ولا لا
حسام تصدقي صح بصي يا امنيه الخمرا بتخلي الواحد صريح بزياده حتى هو كان عمال في الخطوبه يقول سابتني ويشاور على احمد وياسمين ويتكلم ويطلع كل اللي جواه فاهي بتساعد انه يكون صريح اكتر في مشاعره ولانه طبيعي مش فايق لتصرفاته بس مشاعره بتتكلم وبتخرج فا المفروض يغلط لو ياسمين اللي قدامه لانها حبيبته ورغبته وقلبه فعلا هيتحركوا نحيتها حتى لو هو حاول يمنعهم
ياسمين الله ينور عليك ده اللي اقصده انما مازن قالي حسيت برغبه وشوفتها انتي ولو كل الدنيا قالتلي ان جودي هزت رغبه مازن هقولهم كلكم مبتفهموش هي اديته مايه يشرب واكيد حطت فيها مخدر ومنشطات فخليته معرفش يسيطر على رغبته انما مش السكر هي اتلككت بلسكر
حسام بصدمه يا بنت الكلب ايه ده هو فيه كده
امنيه بصدمه ودموع بجد حقيره اوي في بنت مهما حبت تخسر شرفها كده !!! ومستغربين انها غدرت بصاحبتها دي واحده وافقت تخسر شرفها عاادي يجماعه دي طلعت زباله وحقيره اووي وندمانه اني اعتبرتها اختي التانيه ومكنش ليا غيرها هي وياسمين .. بقولك ايه مازن لازم يعرف الكلام ده
ياسمين ضحكت بوجع وتابعت لا منا قولتله قدامها هي جيباك بيتها علشان كده بس هيتغير ايه يخش تكون جابته من بيته فايق وطلبت ببجاحه طلما غلط وكمان نتج بيبي لازم هيتجوزها يا امنيه انتي في اسيوط ده لو في حته تانيه مصيبه مبالك بهنا في وسط ناس كلهم عارفين بعض ومش بيسيبوا السيره
امنيه بعياط بس لا مينفعش النهايه تكون كده مينفعش جودي تكسب دي واحده مش كويسه
ياسمين بوجع ودموع ربك شايف يتصرف فيها وبصت للسما وتابعت بقهر وعياط بحق وجعي وقهرتي يارب حسبي يالله ونعم الوكيل فيها وريني فيها يوم يارب وهاتلي حقي منها يااارب
——————————————–
عند احمد في شقته في دبي قاعد علي اللاب بيشتغل
عبدالله امسك القهوه اهي
احمد بحب تسلم يا غالي وبص للاب تاني
عبدالله بستغراب بس بنت عمك دي غريبه اوي بصراحه
احمد بستغراب غريبه ازاي مش فاهم
عبد الله يعني ليل نهار قبل الخطوبه كنت تقولي بتتصل تشوفك خدت الدوا ولالا وكده دلوقتي مفيش كل فين وفين تتكلموا مره
احمد بضحك يا ابني انت اهبل الامر اختلط عليك بنت عمي اللي كانت بتتصل دي شهد انما انا خطبت ياسمين اختها
عبد الله بستغراب يعني انت سايب البنت اللي كانت بتهتم بيك ورايح تخطب اختها ياسمين دي باين عليها مشاعرها بادره
احمد وهو بيشتغل مش حكايه مشاعرها بارده بس ياسمين خجوله شويتين انما شهد دي صاحبه عمري بقي واللي عارفه كل بلاويا وبصله وتابع لدرجه بجد تعرف حاجات محدش يعرفها غيرها فعلشان كده واخده عليا اكتر
عبدالله عارف انا لو مكانك هتجوز شهد دي لان كانت بيستي فعارفه كل حاجه عني وعارفه هتريحني ازاي
احمد بضحك مبتتحسبش كده بلعكس دي عارفه عدد االبنات اللي كلمتهم زمان وانا صغير وبلاويا كلها فهتفضل تنكد لو في بينا اكتر من صداقه وبعدين ياعم دي زي نور ومعتبراني زي يونس انت مخك راح بعيد اوي مفيش صحاب بيحبوا بعض
عبدالله بتنهيده لا ده مفيش صحاب ولد وبنت اصلا يا احمد
احمد يا ابني دي بنت عمي
عبدالله عارف بس اي ان كان في علاقه بينكم قويه مهما كانت القرابه ايه نوعها ….والطبيعي حد منكم هيتشد للتاني وشهد دي كانت بتحبك
احمد بصدمه طب بس بس اقعد على جمب
عبدالله انت اختارت ياسمين نيابه عن ايه يا احمد
احمد بابتسامه بنت مناسبه ومعجب بيها جداا وبحبها وقموره ومحترمه ولبسها واسع فمفيهاش غلطه عموما
عبدالله يعني شهد بتعتبرها اختك ???
احمد اه بعتبرها اختي بطل حورات وانت قاعد بس … دي اخت خطيبتي هاا واصلا عيله مهزقه ولا بتسال ولا بتعمل زي الاول سيبك منها
عبدالله بضحك الله وانت فارقلك ليه
احمد بتنهيده مش مساله فارقلي بس هي
عبدالله بمقاطعه طلما خدت بالك فارقلك واقولك حاجه يا احمد انت مختارتش شهد لانك اتعودت ان دعمها موجود فكنت عايز دعمها كا البيست بتاعتك يفضل موجود بس تشوف بنت تانيه تبقى حبيبه وزوجه بس هي قطعت معاك لانك بقيت تخص اختها وانت زعلت لما ده حصل فاقعد مع نفسك كده وشوف عايز ايه
احمد بتنهيده انا بحب ياسمين وشهد مش بتفكر كده اصلا هي اكيد مشغوله فمبتكلمنيش مش اكتر
عبدالله طبطب على كتفه وتابع انا هدخل اريح شويه ربنا معاك يا صاحبي وتعرف تميز انت عايز ايه
———————————————
في بيت فرح الباب خبط ففتح باباها
مختار بستغراب اهلا وسهلا اتفضل
طارق بابتسامه حضرتك انا مش جاي اتفضل انا هقولك كلمتين وماشي علطول ده بيت الانسه فرح مختار
مختار بستغراب ايوه يا ابني خير وبص وتابع يا فرح تعالي يا فرح
حسناء جات وتابعت بستغراب ايه يا مختار في ايه
مختار فينها فرح واحد بيسال عليها
فرح خرجت وتابعت نعم يا بابا في ايه
طارق بابتسامه حضرتك الانسه فرح مختار ??
فرح بستغراب ايوه انا
طارق انتي جيتي مع حد وسجلتي اسمك في مستشفى الاورام هنا في اسيوط
فرح اه انا يا بيه جيت مع بابا
مختار بقلق هو في حاجه يا ابني اوعي يكون هتمشوها من المستشفى والله ماصدقنا قدمنا ورق حالتها واتقبل
طارق بابتسامه لالا متخافش حضرتك ده بلعكس احنا كل كام سنه بنعمل قرعه على الحالات اللي عندنا واللي اسمه بيطلع بياخد نص مليون جنيه وكل علاجه وادويته والعمليات علينا وطلع المره دي اسم بنت حضرتك فجيتلكم وادي الفلوس اهي وحط الشنطه قدامهم على الارض وتابع وانا اسمي دكتور طارق السيد وهباشر حالتها بنفسي فا لما تيجوا .. تيجوا عليا انا علطول وادي الكرت بتاعي
مختار بدموع فرح انت بتتكلم جد يا ابني بتتكلم جد ????
طارق بحب والله يا حج بتكلم جد هكدب عليك في حاجه زي دي يعني
حسناء زغرطت بفرح ودموعها نزلت وتابعت بفرح ودموع
انشا الله يخليك يا ابني لسه والله ملخص دعا وبيقول لربنا يجيب منين فلوس الكيماوي والبت ثانويه عامه وفي اخواتها الصغيرين والوضع صعب الحمدلله يارب الحمدلله
فرح بدموع حضرتك متاكد ان دي مسابقه يمكن حد غيري محتجاها اكتر
طارق بحب بصي يا دكتوره فرح دي قرعه والاسم من عند ربنا لان كل الورق مقفول بس اسمك طلع فربنا اللي اختارك و ادرى انك اكتر حد محتاج فاهي ليكي ونصيبك والدليل دعاء الحج اللي استجاب بعد ما خلص صلاه اهو ربنا سمع منه ورتب وخلاني سبب بسيط يوصلك الامانه وطبيعي مسابقه اومال حد هيدي حد نص مليون بتهزري ولا ايه
مختار بدموع فرح اصل ده كتير اوي اوي يا ابني هو في كده
طارق بحب المالك للمستشفى غني جداا ومش فارقله بلنسباله دي حاجه بسيطه
مختار بدموع يارب يعمر بيته ويفرحه ويسعده ويديه كل اللي يطلبه ويتمناه ياارب
فرح وحسناء بفرح اللهم امين يااارب
طارق بحب يارب وهستناكي تابعي معايا انا بس وكلميني لما تيجي
فرح بابتسامه حاضر اكيد
طارق بحب يلا السللام عليكم
مختار بفرح وعليكم السلام يا دكتور بس اقعد كل لقمه واشرب كوبايه حاجه ساقعه طيب
طارق وهو نازل اكمل بحب وقت تاني يا غالي تتعوض يلا سلام
مختار بفرح سلام يا ابني وبص لمراته وبنته وتابع الحمدلله اللهم لك الحمد يارب طلبت تشفي بنتي وتساعدني علي مصاريفها بس روحت شيلت بنتي ومصاريفها ودراستها واخواتها وحياتنا كلها الي جايه عاجز اشكرك يارب الهي يفرح قلب الراجل ده ويديه كل ما يتمني وينور الحياه في عينه زي مانورها في عيني قادر يكريم
فرح وحسناء بفرح شديد ياااارب بجد ياااارب
تحت البيت طارق رافع الفون وتابع خلاص بقي يا عم يونس قولتلك متقلقش
يونس بتحذير لو عرفوا يا طارق اني انا اللي بعت هزعلك
طارق بضحك عارف لولا انك اكبر مني شهر كنت وريتك هتزعلني ازاي بس يلا المسامح كريم وابتسم وتابع والله صدقوني وحقيقي ربنا يفرح قلبك الناس دي فعلا كانت محتاجه اللي انت عملتوه ودعوه ليك كتر
يونس انا مش عايز غير ان حياتهم تتحسن ده ربنا اللي بعتني ليهم انا مجرد سبب
طارق بحب ده حقيقي علي فكره الراجل كان لسه مخلص دعاء لقاني في وشه بس مش كتير نص مليون يا صاحبي ده انت هتتعب منا متعملهم تاني دول اصل معاك كام نص مليون انت
يونس مالك يا طارق ده ربنا اللي بيبعت مش انا وانا بعتهم لعبده محتاجينه وبعدين انا بشتغل ومش محتاج هما اولى مني هيغيروا حياتهم ويعلم ربنا لولا مينفعش اروح انا مكنتش عرفت حد خالص وروحت بنفسي فانسي كده زي منا هنسي محصلش حاجه خلاص وخلي بالك من البنت انا اختارتك انت بلذات من صحاب دفعتي علشان واثق فيك وعارف انك دكتور ناجح
طارق بحب ربنا يجازيك خير يا غالي ويحققلك كل ما تتمني زي ماداعولك والبنت في عينيا متقلقش حاضر والله
يونس بحب يارب يغالي
———————————————-
في حمام عند المطعم امنيه وياسمين كانوا جوه
خرجت امنيه ولفت طرحتها حلو قدام المرايا وتابعت يلا يا ياسمين هتقعدي سنه …ياسمين … انتي يابنتي وخبطت على الباب وتابعت بخوف ياسمين انتي سمعاني … يااااسمين وفتحت الباب اتفاجئت بيها واقعه على الارض
