رواية غموض الحب عائلة الرفاعى الفصل الواحد و الثلاثون بقلم لولا
جودي اتصدمت بشده وتابعت انا حامل !!!!!
الدكتوره بستغراب اه مالك مش فرحانه ولا ايه
جودي حطت ايديها على جبينها بتوتر وخوف وتابعت لالا مش كده طبعا بس انا مش .. مش عايزه البيبي يا دكتوره ارجوكي
الدكتوره اتصدمت وتابعت بحده نعم انتي اتجننتي عايزه تقتلي روح !!!! والله انتي شكلك جيباه في الحرام فعلشان كده عايزه تنزليه
جودي بعصبيه ودموع انتي بتقولي ايه لا طبعااا تعرفي ايه عن حياتي انتي وكدبت وتابعت كل الحكايه جوزي وحش اوي وصعب وكان عايزني افضل على ذمته علشان اخلف ولما انا رفضت فتره كبيره من جوازنا قرر هيطلقني ويتجوز تاني فانا هنفصل عنه ومش بحبه وهو شخص ميستحقش يكون اب ارجوكي يا دكتوره ساعديني ومش هنسهالك مش هحب اموت ابني بس هروح في داهيه لو عرف والله وهيخلني على ذمته وفضلت تعيط
الدكتوره بشك انتي متجوزه من امتى
جودي مركزتش لانها متوتره وتابعت بدموع يعني من سنه
الدكتوره بابتسامه طب انتي كدابه بقى لان لما كشفت عليكي مبقالكيش سنه ولا حتى شهر كامل مدام انتي لسه جديده وحصل بينك وبين حد حاجه الفتره اللي فاتت ونتج من اول مره حمل وبصتلها بقرف وتابعت حقيقي اشكال تعر غوري اطلعي برا بدل ما ابلغ عنك البوليس
جودي بعياط وخوف طب ابوس ايدك نزليلي البيبي انا معرفش حد بيعمل كده كنت روحت والله وسبتك في حالك الحقيقه انه اعتدى عليا وانا ماليش الا امي والله تموت فيها لو عرفت كل ده ارجوكي هو هيتجوزني والله ويصلح غلطه بس مينفعش حاليا وبطني هتكبر اعتبريني بنتك ابوس ايدك
الدكتوره بحده انتي لو بنتي كنت دفنك بلحيا بنات اخر زمن اتقي الله مش كفايه دخلتي علاقه محرمه كمان تقتلي الروح اللي نتجت عن غطلتك انتيي !!! حقيقي النعمه دي خساره في اللي زيك
جودي بعياط وخوف بقول لحضرتك اعتداء انا مكنتش راضيه
الدكتوره بحده انتي لو مظبوطه مكنتيش حورتي في الاول انا مش مصدقاكي ولا هصدقك ولو اعتداء مش هتوافقي تتجوزيه بسهوله كده هتنفري منه بسبب الأذي اللي تعرضتيله بسببه
جودي بعياط بحبه .. للاسف بحبه ومن زمان فمش هقدر اقسى عليه صدقيني
الدكتوره بحده اااه بتحبيه يعني ارتباط ومسخره ورضيتي بقى وضعفتي مش كان اعتداء فضل معاكي لحد ماخد منك اغلى حاجه في حياتك وجايه تجهضي البيبي يا بجحتك يا شيخه انا لو بايدي مخليش الطفل معاكي انتي مستحيل تكوني ام
جودي بعصبيه ودموع حضرتك متعرفيش اي حاجه بتتكلمي وخلاص ربنا يسامحك وانا هسيبه يعمل كده فيااا يعني صدقيني كان اعتداء
الدكتوره حتى لو اعتداء انك تطاوعيه وتجتمعي معاه في مكان واحد دي غلطتك لوحدك اشربي بقى واتفضلي براا انما العمليات الحقيره دي انا مبعملهاش
جودي بعياط تمام وقامت خدت الورق بتاعها وخرجت بتعيط وتابعت بخوف يانهار اسود بجد يانهار اسود وحطت ايديها على بوقها وتابعت بانهيار حمل !!!! ازاي ازاي يحصل كده علطول .. اهبب ايه دلوقتي واقوله اييه يارب وهزت راسها بنفي كتير وتابعت لالالا مينفعش اتفضح امي تروح فيها لازم اتجوز في اسرع وقت مفيش حل شهرين بلكتير واكون متجوزه لازم بجد وفضلت تعيط
——————————————-
في المول عند ندى
سيف كان عمال يدور عليها
سيف نفخ بضيق وتابع يخربيت اهلك روحتي فين كان مالي انا ومال المرار ده بس نقدر نقول لا يعني وسمع صوتها بيلف لقاها بتتكلم مع شاب في كافيه في المول وصوتها عالي
ندى بعصبيه يا ابني كفيااك قرف بقى ماشي ورايا فكل حته خنقتني
علي بخبث والله لو تديني اللي انا عايزه هسيبك في حالك خالص
ندى ضربته بلقلم بقوه وتابعت بعصبيه مش ندى بنت العميد عبد العزيز اللي تبيع نفسهاا يا زباله واللي معاك اعمله انا مبقتش اخاف بابي مش هيصدق الصور اللي انت مفبركها عني دي
علي بعصبيه انتي بترفعي ايدك عليا يا حيوانه ورايح يضربها بلقلم غمضت عينيها بخوف بس ايد سيف منعته
سيف بضحك بس بس بس رايح تعمل ايه انت عارف بنت مين دي علشان عايز تضربها وتطلب منها طلب حقير زي ده ???
ندى بصت لسيف بتوتر فتابع علي بعصبيه وانت ماااال اهلك انت اه عارف بنت مين وميخصكش متتدخلش بينااا
سيف بتمثيل التأثر: مال اهلي !!!! انت بتشتمني يا سيدي ربنا يسامحك طب بعيدا عن الوسايط علشان مبحبهاش الصراحه بس من الرجوله والنخوه اللي ناقصين عندك وده واضح بدل ماتمد ايدك على بنت خليك راجل وشوفلها كبير ترد عليه لو ضايقتك انما هي تضربك شئ معروف لما تكون واحد زباله وهي بتدافع عن نفسها انما انت اللي تضربها ???!!!! ليه فاكرها موراهاش رجاله ???? وضربه بلبوكس بقوه شديده وقعه على الارض
ندى اتصدمت وحطت ايديها على بوقها وسيف قومه وتابع بضحك الله اومال عامل فيها راجل ليه وانت من اول ضربه هتقع كده وضربه بلبوكس بقوه فصرخ بوجع وجاب دم فتابع سيف بضحك انت بقى بتشتمني انا يا ابن الكلب ده لو هسامح في حقي مش هسامح في حق اهلي ولا حق اللي قولتهولها
علي بحده ووجع اااه لو مسبنيش قسما بالله يا ندى هتصرف تصرف مش هيعجبك
ندى بخوف ودموع سيف سيبه خلاص حصل خير ارجوك
سيف بعصبيه هشششش اقعدي بس انتي كده على جمب مسمعش حسك خالص ومسكه من رقبته بقوه وتابع بعصبيه مالك بيهااا يا حيوان يا زباااله
علي فضل يكح وتابع بعصبيه ده انا هوديك في ستين داهيه وهعملك بلاغ في القسم
ندى بخوف تبلغ عن مين يخربيتككك ده ظاابط جيش
سيف بتمثيل التأثر : ليه كده يا ندى ليه يابنتي تقولي الكلام ده مش انا قولتلك مبحبش ادخل الواسطه في حياتي لا بس حقيقي خوفتني شايف جسمي بيتنفض ازاي ورفع رجله وضربه في بطنه بقوه وقعه على الارض وتابع بعصبيه لو راجل روح القسم وبلغ بس متزعلش من اللي هيحصلك
رجالته جات وتابعت علي بيه !!! ورايحين ناحيته فتابع سيف بعصبيه اللي هيقرب منه هيكون اخر يوم في عمره انا الرائد سيف الرفاعي يا زبااله منك ليه انا بحمي بلد بحالها يعني متخلقش ولا هيتخلق اللي يجي على واحده معايا مش بلد كامله طول ماهي في حمايتي
فتراجعو الرجاله لورا بخوف والناس اتلمت بس محدش بيدخل فتابع علي بعصبيه اه يا كلاب يا حيوانات
سيف ضربه بلرجل فتأوه بوجع اااه
سيف بضحك اومال فاكرهم هيضربوني ولا ايه قسما بالله حتى لو ادخلوا اقوم بيهم كلهم
علي بعصبيه وبوقه مليان دم ماشي يا ندى اللي ميزعلش
سيف بضحك الله ده انت قلبك ميت وبتهددها قدامي بردو ومسكه قومه ضربه براسه وقعه فصرخ بوجع
سيف بضحك بس يالا ليفكروها حاله ولاد الناس اتلمت
ندى بعياط وخوف سيبه يا سيف خلاص علشان خاطري
سيف الواد ده بيهددك بايه ????
ندى بخوف وتوتر لالا مش بيهددني
سيف بعصبيه طب اخر مره هسالك بيهددك بايه لو مجاوبتيش بقى نشوف سياده العميد في الموضوع ده
ندى بخوف وعياط لالا يا سيف علشان خاطري بابي مينفعش يعرف اعتبرني اختك ارجوك الحيوان ده عملي صور فيك على فونه وبيبتزني بيها وبياخد فلوس بس انا حقيقي تعبت ومش هعرف اقول لبابي كل المبالغ دي بتروح فين كل شويه وخايفه يفضحني بابي يموت فيها بعد الشر ويتضرر في شغله وفضلت تعيط
سيف يعني انت سايب الدنيا كلها وجاي تهدد بنت عميد في الجيش وضحك وتابع لا فعلا قلبك ميت مش هزار وقومه ومسكه من رقبته وعلي بيبصله بغل فتابع سيف بس سيف الرفاعي قلبه مات وادفن من زمان وهعرفك معنى اللي عملته ده كويس يا بطل وضرب على خده كذا ضربه بخفه وبص لندى وتابع شوفتي الصور بعينك ????
ندى بعياط لا مرديش يوريهاني ولا مره
سيف اومال بتديه فلوس نيابه عن ايه ???
ندى بعياط قالي مش هورهالك ولو مش مصدقه كلامي هنزلهم ولما تتفضحي تصدقي
سيف بضحك لا ذكي بتحطها في موقف ان بتديك فلوس خوفا من ان يبقى معاك صور وفي نفس الوقت هي مش متاكده وخايفه تبطل تديك يبقى كلامك صح انا بصراحه بحب اللعبه الحلوه ولعبتك عجبتني بس انا مش الغلبانه دي علشان اصدقك والماتش لسه مخلصش وضربه بقوه في بطنه وقعه على الارض وخد الفون من جيبه
علي بوجع من جمسه وعصبيه : اااه هات الفون ده انت اتجننت
سيف هششش وداس على ايديه وتابع مسمعش حس اهلك خالص
ندى بعياط وخوف لالا سيف انت بتعمل ايه متشوفهاش ابوس ايدك مش كفايه هو ارجوك مينفعش اه دي مش انا بس مش هيبان كده
سيف بابتسامه وانا تربيتي متسمحليش ابص ولا اعمل حاجه تغضب ربنا مني احنا ماشين بستره وعايزين رضاه ولو انا شاكك ان في صور اصلا كنت همسح كل حاجه بطريقتي من غير ما ادور بس انا واثق مفيش حاجه ثقي فيا
ندى بخوف وعياط واثقه فيك طبعا بس ارجوك في احتمال كبير تبقى موجوده بلفعل هو بيتكلم بثقه
علي كان عمال يتالم بشده من رجل سيف والكل باصص عليه وخايفين يقربوا فتابع سيف بابتسامه وانا قولتلك اقدر امسح الفون من غير ما ادور خالص بس هيتقالك فيما بعد اصل انا معايا نسخ في اماكن تانيه ونفس الخوف ونفس الدوامه مش هنخلص لانك مش متاكده في فعلا ولالا انا عايز اريح بالك صدقيني هو مش طلع من بوقه انها هنا في الفون انا هاكدلك واثبتلك انه كان بيشتغلك
ندى بعياط وخوف كلامك وارد بس ايه مخليك متأكد ارجوك لو شوفتها انا هتعب نفسيا كفايه هو اعتبرني زي اختك
سيف بابتسامه اهدي يا انسه ندى مهنتي كظابط جيش واني اتعرض عليا المخابرات ورفضت كفيله تخليني اقولك بتكلم صح ثقي فيا وغلاوه اختي اللي بتقوليلي اعتبرني زيها لو انا شاكك 1% ان صورك موجوده مش همسك الفون ولا اقلب انا عمري ما اغضب ربنا بس انا هدور فكل الاماكن فيه بهدوء انتي لو ادتهولك هتتوتري وهتفوتي فاهدي كده خير باذن الله وفضل يدور وندى خايفه اوي ومتوتره وبعد شويه تابع بابتسامه عيب عليكي مفيش ولا صوره قلبته حته حته
ندى بدموع فرح والنبي بتتكلم جد
سيف بابتسامه والله العظيم بجد قولتلك يابنتي ثقي فياا
ندى بعياط وفرح الحمدلله بجد مش عارفه اقولك ايه يا سيف بجد
سيف حط فون علي في جيبه وتابع متقوليش حاجه انتي زي زينب هو اللي زباله علشان استغل طيبتك وقومه وتابع بحده قسما بالله اشوفك حواليها تاني بعيداا عن سياده العميد انا ليا حبايب في امن الدوله وضحك وتابع وانت عارف يعني ايه امن دوله يعني هتتمني تشوف النور ومش هتشوفه تاني هننساك اصلا خلاص محدش بيدخلها بيخرج غير بصندوقه ده غير كرم الضيافه والعلقه بتاعت الصبح وبتاعت بليل بادوات حلوه كده وبصله من فوق لتحت بسخريه وتابع وانت من ايدي بس حصلك كده مبالك بلعذاب ده فا رايي اشتري نفسك اللي فاضله
علي اترعب وتابع حاضر حاضر مش هكلمها ولا ليا دعوه بيها تاني خلاص ابوس ايدك سامحني
سيف لا اللي بيسامح ربنا انا بصراحه معنديش الصفه دي واديني كنت محترم ولفت نظرك المره الجايه بقى هبقى ازبل من الزباله وزقه جامد
علي خبط في الحيط وتابع بخوف وربنا ماليا دعوه بيها خلاص هات الفون بقى ابوس ايدك علشان امشي
سيف بضحك لا الفون عجبني بصراحه اصل انا مش معايا الاصدار ده يا غالي بحكم الجيش مبنزلش كتير بقي انت فاهم فمش بشوف الاصدارات اول باول فا فونك عجبني.. حبيته .. انساااه بقى
علي بخوف ميغلاش عليك يا باشا
سيف بضحك الله يكرم اصلك مع اني متاكد ان ملكش اصل بس يلا الكلام مش بفلوس وبص لندى وتابع يلا
ندى بفرح وابتسامه يلا وخرجت معاه وهو بيبصله بقرف وراحو ناحيه البحر
فتابعت ندى شكرا يا سيف حقيقي مش عارفه اقولك ايه
سيف بابتسامه بطلي عبط قولتلك انتي زيك زي زينب ولو حد عمل معاها كده كنت هعمل نفس رده الفعل وخرج الفون وفصله ورماه على الارض كسره بجزمته ومسكه رماه بعيد جدا في البحر
ندى بضحك ايه ده انا فكرتك هتاخده بجد
سيف بضحك لا شكلك لسه متعرفنيش مش سيف الرفاعي اللي ياخد حاجه مش بتاعته انا عملت كده زياده امان وارتياح ليكي
ندى باعجاب بجد بسم الله مشاء الله عليك ذكي طب لو كنت شاكك ان في صور فعلا هتتصرف ازاي
سيف بابتسامه مباحث الانترنت حبايبي يبعتولي لينك على رقمه وادخل عليه الفون هيمسح كل حاجه ومش هتقومله قومه تاني ولا هيتشغل اصلا
ندى سقفت وهي بتضحك وتابعت بجد الله واكبر ايه ده
سيف بضحك تسلمي
ندى بابتسامه انت عارف ان انا بحب واحد منكم فعلشان كده بحب الجيش
سيف بضحك ااه مش من كلام بابي عن الحضاره والتاريخ بقى
ندى فضلت تضحك وتابعت كل حاجه بقى
سيف بضحك طب اتشرف بلاسم
ندى بضحك هتعرفه مثلا على اساس انكم قليلين ده انتوا كتير جدااا
سيف بضحك عيب عليكي بقى مابقولك كنت مرشح للمخبارات
ندى بضحك اه صحيح معلش لسه متعودتش اسمه حسن الشامي 3 نجوم مش عارفه بصراحه هي ايه بنسى
سيف بضحك حسن مين ??? هو حسن بيحب يا ابن الكلب يا حسن
ندي فضلت تضحك وتابعت تعرفه ولا ايه
سيف بضحك الا اعرفه ده ظابط في كتيبتي واخر مهمه كان ضهره في ضهري وصاحب عمر جوز اختي الروح بلروح كنت اشوفهم قاعدين يتهامسوا سوا اقول استر يارب مصيبه
ندى فضلت تضحك وتابعت اااه انا اعرف عمر الهواري بيحكيلي عليه واتذكرت وتابعت بتفاجئ وصدمه لالا متقولش انك سيف الرفاعي تشابه اسماء صح
سيف بضحك الله دي احلوت اوي كده عرفنا مين هيتحاكم 10 ايام حلوين لما ارجع وقعد فوق السور اللي على البحر وتابع قالك ايه العندليب عني بقى
ندى فضلت تضحك بشده وتابعت بزمتك ينفع افتن على حبيبي ???
سيف بضحك مش فتنه دي لفت نظر يمكن الله واعلم ضايقته ولا حاجه
ندى بضحك يا سيف انت مش بتعمل حاجه غير تضايقهم
سيف فضل يضحك وتابع يا ابن الجزمه يا حسن وعامل نفسه غلبان ووصلني لبيتي لما رجعت علشان كنت مصاب وعايز حاجه يا قائد ..محتاج حاجه يا قائد ..ووقعت قلبي عليك ياغالي .. وهو بيقطع فروتي من ورايا
ندى فضلت تضحك وتابعت لالا والله هو بيقول ان انت مزودها عليهم في التدريبات شويه او شويتين تلاته وشديد جداا في التعامل بس والله العظيم بيحبك جدا وقالي لما قابلته يوم العوده ان القائد اتصاب جامد وزعلان عليه
سيف بضحك اه يبقي انتي اللي قالي حاجز معاد معاها لما قولتله اقعد ناكل سوا بس انتي بتجودي من عندك طبعا علشان معلقهوش لما نرجع
ندى بضحك اه كانت انا وبابي عارف بس هنتخطب لما اخلص اخر سنه دراسه وبتكلم جد وربنا مش بجود والله قال كده وانت اكيد شوفت خضته عليك لما كنت تعبان ووحياه اغلى حاجه عندك يا شيخ بلاش ها
سيف فضل يضحك وتابع قالولك عليااا ابو لهب يا ندى مالك ده كلهم شايلين مني كده ليه يانهار ابيض بجد
ندى بضحك الهيبه بردو انت مش شايف عملت ايه في علي
سيف ضحك وبعدين تابع حسن طبعا ميعرفش بعلي ده مش كده ????
ند بخوف ميعرفش طبعاا انا مرضتش ادخل حد ده لو عرف الدنيا تخرب اكتر خصوصا ان علي كان طمعان فيا انا ناقصه لو عرف انه عمل كده وفكر فيا كده يودي نفسه في داهيه
سيف بضحك يابت انتي بتفكري ازاي ابوكي عميد وخطيبك نقيب وانتي اللي خايفه وفعلا حسن مكنش هيسيبه سليم
ندى بحزن هقولك الصراحه وطلعت قعدت جمبه على السور بس في بينهم مسافه وتابعت انا خوفت من حاجه كمان لو قولت ممكن ميتجوزنيش علشان علي عملي صور فيك زي دي ومفيش راجل هيعدي النقطه دي فكنت بكتم على الموضوع
سيف تنهد وتابع شوفي يا ندى اي حد ليه شرف ان يناسب اهلك وطلما حسن جالك برجله طلبك يبقى عارف انتي مين وبنت مين وتربيتك مين وبصفتي القائد بتاعه وبشوفه اكتر منك فبقولك انا كل راجل في كتيبتي ب 1000 راجل ومستحيل كان عمل كده كان هيعمل زيي ويساعدك لان الحب بيلازمه ثقه ده انا صدقت لما قولتي ان الصور فيك هو حبيبك مش هيصدق ويظلمك اكيد لا
ندى بتنهيده مقصدش على كونها انها فيك او لا هو كان هيصدق انها فيك عادي طبعا لانه بيثق فيا
سيف بتفهم ااااه علشان الاجسام اللي ركبها هتبقى بمثابه جسمك يعني و ان علي شافك كده والجو ده صح
ندي بحزن اه بلظبط كده بصراحه خوفت بس انت عندك حق بردو بس خلاص الموضوع خلص الحمدلله نشكر ربنا اوعدني متقولهوش حاجه يا سيف بجد علشان خاطري
سيف بحب بردو مكنش سابك انا عارف الظابط بتاعي وبلنسبه للموضوع ده لا كأن حصل حاجه خلاص بطلي عبط
ندى بضحك تسلم يارب وملكش دعوه بيهم ارحمهم شويه ها
سيف بضحك ده انا هوريهم بس الصبر
ندى فضلت تضحك وتابعت طب والله العظيم بيحبك اوي بس بيضغط من الوضع بس
سيف بابتسامه وانا عارف وبحبهم كلهم وزيهم زي حسام اخويا بس والله ده مطلوب دي ناس بتحمي وطن بحاله يعني لو اثرنا ناس كتير هتدفع التمن
ندى بحب والله عندك حق فعلا ربنا يحميكم يارب .. الا انت صحيح بقى رفضت ليه المخابرات
سيف بتنهيده بصي المخابرات هنزل وسط الناس بطبيعتي واشتغل بتحرر زياده يعني مثلا لو في بنت بتتاجر في الممنوعات وواصله هضطر البس زي الناس دي وابقي وسطهم واصاحبها وسهر وقله ادب علشان اجيب الدليل و اوقعها وممكن مره تاني اقعد على القهوه مع حد كاني شخص عادي واطلب شاي واتعرف على حد معين بأي طريقه يعرفني معلومات عن حد تاني واجمع الخيوط واوقعه لان ظابط المخابرات مش بيبان اصلا انه ظابط ومينفعش يبان ومش هقعد بردو وسط اهلي هضطر اقعد في مكان قريب للمهمه ولو اتكشف سر عن اهلي وروحت بيت الرفاعي وحد شافني مره صدفه هبقى اتكشفت ويمكن اضطر اسافر برا مصر علشان عصابات ادخل وسطهم واجيب معلومات وصدقيني انا بفضل الله قد كل ده بس مش اسلوبي يعني في حاجات تليق بلواحد وحاجات لا في ناس تقبل بكده بس لازم تنفذي المهمه عموما اي ان كانت هي ايه وانا مقدرش اغضب ربنا حتى لو على حساب شغلي واتصاحب علي دي وامسك ايد دي واسهر مع دي وابين اني تاجر زيهم وابيع ممنوعات علشان يثقوا فيا او اعمل نفسي مجرم واضطر اضحي بناس لما اشتغل معاهم وانفذ اللي بيطلب مني فبصي في فئه من الناس بتحب النوع ده وعادي فخورين وحقيقي هو صعب والله يكون في عونهم انما مش سيف الرفاعي مع اني هكون هنا وسط البلاد مش في سينا والخطر بس بنسبالي سينا والتدريبات والمهمات الصعبه وحمايه الوطن بلواقفه بليل في التلج بلسلاح علشان احمي بلدي اقيم بكتير من كل ده ومستعد افدي مصر عادي واموت علشانها وكفايه اوي برضي ربنا وقال عنا خير اجناد الارض
ندي باعجاب حقيقي بسم الله مشاء الله عليك كل كلامك صح ومقنع جدا ادب واخلاق وجمال وعقل وتربيه وتدين بص انت بيرفكت عموما وضحكت
سيف بضحك الله يخليكي يارب ونفرح بيكي انتي والحيوان
ندى بضحك يارب يا غالي
سيف نزل وتابع بحب يلا بقى زمان سياده العميد قلق جبتي اللي انتي عايزاه
ندى بحب اه يلا وحقيقي تعبتك اوي وسعيده بمعرفتك يا حضره الظابط
سيف بحب قولتلك انتي زي زينب وانا اسعد حقيقي يلا
ندى بحب يلا
——————————————–
في بيت صلاح الباب خبط
ففتحت هايدي وتابعت بفرح ياسمين نورتي يحبيبتي اتفضلي
ياسمين حضنتها وتابعت بحب ده نورك والله
ودخلت كانت حبيبه قاعده بتذاكر ومروان في اوضته واحلام في المطبخ وصلاح برا
هايدي بحب اقعدي اقعدي واحشتينا كل دي غيبه
ياسمين بحب غصب عني والله الفتره اللي فاتت كنت مضغوطه بشكل مش طبيعي
حبيبه بفرح والله واحشتينا البيت نور يعمري
ياسمين بابتسامه وحب منور بيكي يا نورعيني وبصت حواليها وتابعت بحماس الا فين قلب عمتو مش باينه ??
هايدي بحب جوه استني اناديهالك .. جيلااان … جوجااا
جيلان جات وتابعت نعم يا مامي وشافت ياسمين جريت عليها وتابعت بفرح عمتووو
ياسمين شالتها وهي حضناها وتابعت بحب ياقلب ونورعين عمتو
جيلان بفرح واحشتيني خالص
ياسمين ضحكت وتابعت انتي اكتر والله العظيم يحبيبت قلبي
احلام خرجت وتابعت بفرح حبيبتي نورتي والله عامله ايه
ياسمين بحب الحمدلله يامرات خالي بخير ده نورك والله
باسم خرج وتابع بتفاجئ ايه ده انتي هنا وانا اقول البيت منور ليه
ياسمين بضحك تسلم يا ابو جوجا ده نورك
باسم طمنيني عليكي اخبار خطوبتك ايه
ياسمين بحزن والله ما عارفه يا باسم انا حاسه ان احمد كمان شايفني واحده مناسبه وخلاص وبيحترمني بس
حبيبه على اساس ان لو قدملك كنوز الدنيا هتنسي مازن
باسم والله كنت رايح اقول كده هو المشكله في احمد منا قولتلك حتى لو بيحبك متهيالك لو فكرتي هتنسي اخوه بيه
ياسمين بتنهيده عندكم حق بس انا مبقتش قادره حقيقي ربنا يتصرف
هايدي مبتشوفيش مازن خالص ولا بتتكملي معاه حتى
ياسمين ضحكت بغلب وتابعت ولا الهوا بيشوفني يحط عينيه في الارض ويمشي ودموعها نزلت وتابعت مازن بقى مبقاش يحب يشوفني يا هايدي
باسم والله راجل مش مساله مش بيحبك لا هو بيحبك وبيموت فيكي بس انتي لابسه دبله اخوه واي راجل صح هيعمل كده
ياسمين بدموع مش عارفه بجد الومه ولا الومني
حبيبه بحزن انتوا الاتنين صدقيني
احلام بحزن ربنا يابنتي يكتبلك اللي تحبيه ويريح قلبك
ياسمين بدموع يارب بجد بس خلاص دخلت في المستحيل بعد ما كانت قربت
هايدي بحزن لا متقوليش كده عادي دي خطوبه خير باذن الله
باسم مش الفكره في الخطوبه الفكره ان اعتبري سابته مازن يتقدم ازاي ???
ياسمين تنهدت بعمق وتابعت اه هو بلظبط كده
حبيبه بحزن متزعليش نفسك قادر ربنا والله يراضيكي قولي يارب
ياسمين بدموع يارب بجد
باسم بحب طب هنزل انا رايح العياده كنت عايز افضل معاكي اكتر بس حقيقي عندي شغل نورتينا يا سمسمه
ياسمين بحب روح ربنا معاك تتعوض
باسم باس راس هايدي وتابع بحب فكري في اللي قولتلك عليه ها
هايدي بتنهيده حاضر يا باسم
باسم بحب هنزل انا لو عوزتي حاجه وانا جاي كلميني ….
هايدي هزت راسها بتمام .. وهو بص لبنته وتابع بابتسامه يلا باي يا جوجااا
جيلان نزلت حضنته من رجليه وتابعت باي يابابي هاتلي شكولاته وانت جاي بليز
هايدي بحده لسه واكلاها امبارح خفي شويه يا جيلان
باسم شال جيلان وباس خدها وتابع عيوني يا قلب وروح بابي وبص لهايدي وتابع بعض الحده : ده مش اسلوب تكلمي بيه عيله لو اللي انا طلبته منك خانقك اوي كده انسي يا ستي بس متطلعيش خنقتك على بنتي فيها ايه جبتلها امبارح ماهي مبتجيش غير كل فين وفين
هايدي بحده يا باسم بطل دلع فيها مش حكايه خنقه بس كتر القرف ده غلط على صحتها متهاودهاش في الغلط انت دكتور وعارف
باسم بحده وطي صوتك وانتي بتتكلمي انتي هتتعصبي عليا انا كمان ده انتي شكلك اتجننتي بجد ومش انتي امها وانا مش ابوها يعني بنتي زيي زيك وعارف مصلحتها وهي فعلا مش بتكتر ولو خايفه عليها ده اسلوب تنصحي بيه عيله يا هاايدي بتخوفيها منك ليه
مروان خرج وتابع بس بس في ايه صوتكم جايب اخر الدنيا
باسم بحده مفيش حاجه هو اي تلاكيك وتكبير مواضيع وخلاص ونزل جيلان وتابع بحب هجبلك اللي انتي عايزاه بس تذاكري حلو اتفقنا
جيلان بحب وفرح اتفقناااا
باسم ابتسم بحب وتابع يلا همشي انا وفتح الباب وبص لهايدي بضيق وطلع وقفل جامد
مروان بتنهيده هببتي ايه يا هايدي معصبه كده
هايدي بدموع كبر دماغك عادي ايه الجديد يعني منا بقعد هنا اكتر من شقتي وقامت دخلت اوضه وقفلت
احلام بتنهيده يا حول الله يارب ربنا يهديهم
ياسمين بحزن هما كده علطول ?
حبيبه بحزن لا يا بنتي والله ما انتي شوفتي بيموت فيها ازاي بس هي هايدي بتعاند معاه في حاجات كتير وصوتها عالي فبتعصبه
ياسمين بتنهيده وايه سبب كتر الخناق ده
حبيبه والله يا بنتي ما نعرف
مروان بضحك حقك عليا معرفتش ارحب بيكي بسبب فقره دكتور باسم ومراته منوره يا سمسمه
ياسمين بابتسامه لا ولا يهمك ايه اخبارك انت
مروان بحب زي الفل وانتي
ياسمين بابتسامه نحمد ربنا وقامت وقفت وتابعت عن اذنك يا مرات خالي هدخل لهايدي
احلام بحب روحي يابنتي ده بيتك
جيلان عمتو تعالي اقعدي جمبي وطبطبت على الكنبه اللي قاعده عليها
ياسمين بحب عيوني يا قلب عمتو بس نصالح ماما وهاجي وباست خدها
جيلان بابتسامه ماشي
وخبطت ياسمين ولما سمعت هايدي سمحتلها بلدخول دخلت وقفلت الباب وتابعت بابتسامه السندريلا ام عيون زرقه القمر دي مين مزعلها بس
هايدي والدموع مغرقه وشها تابعت لا عادي اتعودت
ياسمين قعدت قدامها وتابعت بحب طب ممكن تفتحيلي قلبك وتخرجي اللي جواكي وياستي لو محلتهاش معاكي يبقى فضفضتي
هايدي بتنهيده لا هيبانلك اني مريضه نفسيا وده حقيقي انا بعاني من مرض نفسي اسمه اجهاد لاحق بلصدمه او تجنب د
ياسمين بستغراب وده ليه ايه وصلك لكده ??
هايدي دموعها نزلت وتابعت هفتحلك قلبي علشان حقيقي تعبت بصي يا ستي انا اتربيت وسط عيله مكونه من ام واب واخويا بس وماما توفت من زمان ابويا راجل صعيدي قديم اوي لدرجه الجهل وطول الوقت كان اخويا يغلط وانا اتحاسب هو يعمل اللي عايزه وانا اضرب كل يوم بلحزام هو بيحبه ويحضنه وانا لا هو يتعمله عيد ميلاد كبير وانا بينسى اصلا متخيله !!!! تعرفي لو كان وأد البنات لسه موجود كان موتني ودي بنسبالي احسن من اني كنت بعيش ميته كل يوم مكنش ليا اهل ولا صحاب ولا اي حد ومتفهميش ازاي ده اب ازاي يعمل كده اه في ابهات كتير طبعها صعب وبتميز الولاد عن البنات انما ده اصلا بيكرهه البنات جدااا وامي بردو كانت كل شويه يضريها علقه لحد ما ماتت بحسرتها من كتر قهرها على نفسها كانت بنسباله رحم مخلوق يخلف منه وبس ولو حد من العيله خلف بنت مكنش يروح ولا يبارك لدرجه كنت بشك اني مش بنته ويمكن لولا اني شبه هو كنت فعلا اتاكدت من ده عشت حياه صعبه اوي كان بيجبني من شعري وانا نايمه ويجرني في الارض ويبهدلني كان يمنعني اشوف الشارع ولما حتي جيت ادخل جامعه القاهره خلاني اشتغلت في فتره ثانوي وتعبت وجبت مجموع اداب بلعافيه وبردو ضربني وقالي كفاياكي تعليم فصممت واشتغلت وكملت اداب معايا بكالوريوس علم نفس وضحكت بسخريه وتابعت متخيله يعني ايه اخصائيه نفسيه وعارفه اللي فيه ده حاله اسمها ايه ومش عارفه تتخطى ولا تساعد نفسها لدرجه بقييت بكره الولاد والرجاله بسبب كلام بابا ليا فكل مره بيقولي ده راجل وحتي ماما لما كانت عايشه كانت بتميزه لحد ماقولت يااارب لما الاقي حد حنين واتجوز مخلفش ولاد ده كفااايه اني هتجوز راجل وبعد سنتين من الجامعه في نفس العذاب شوفت باسم صدفه وحبيته اوي من اول مره متفهميش ازاي قلبي دقله من ابتسامته بس يعني بقول طول عمري مفيش حب من اول نظره بس معاه هو لا فيه وعشت الحب ده انا عشقته اول ماشوفته وكنت بتابع كل اخباره من بعيد وقليل اوي ظهرت في شلتهم لما بيخرجوا تبع الجامعه وطبعا كان من ورا بابا وبرجع اخد علقه وفي يوم مش قادره انساه لقيته خطب بنت تانيه ساعتها ااتمنيت اموت والارض تتشق وتبلعني اهون الدنيا اطفت في عيني وقولت لنفسي فوقي ده مش مقامك ولا شايفك اصلا ده حاجه كبيره اووي ده دكتور هيبصلك انتي بس كان جوايا رجاء ان ربنا هيبصلي وهيستجيب وعلشان كده قولتلك ان انا فاهمه يعني ايه تحبي راجل ومتشوفيش غيره اصلا لان باسم هو الراجل الوحيد اللي انا حبيته وبعد كده فعلا سابها وقربنا وبقينا صحاب وجيه طلبني وبابا قطم ضهره في الطلبات بس وافق ورضي واتجوزني يوم فرحي حسيت ان تعب العمر كله اتعوض بس مخفتش لسه مريضه ومش هقدر انسى مهما فرحت فيوم ماعرفت اني حامل مفروض زيي زي اي ست حامل من الراجل اللي بتحبه واتمنته من ربنا انها تطير من الفرح الا اني انا كنت بقول يارب بنت ولد لا مع انه حراام بس انا مش قادره اتقبلهم واللي تعبني اكتر وخوفني لاقيت باسم بيقولي اهتمي بنفسك بقى يا ام ادهم عايزين نشوفه على خير ساعتها عيطت وقولتله هو انت عايز ولد ليه وهو فهم تفكيري وقالي هايدي متبقيش عبيطه اللي يجيبه ربنا خير انا بس اقصد ان يبقى الولد الكبير مش اكتر انما لو بنت الحمدلله والف شكر وحمد كمان انا مش كده تحضري شويه يمكن هديت قدامه بس كنت حاطه في بالي انه بردو ميال للولد اكتر ولما عرفت اني حامل في بنت وجات جيلان لقيته فرح بيها اوي بس تعرفي بردو مرتاحتش واديه بيعشقها بس قلبي بيقولي لو جيه ولد هيميز بنهم حتى لو مش باسلوب حياتي بس هيميز لانه كان ميال ليه اكتر وانا كل مشاكلي مع باسم اني رافضه احمل وكل شويه خناقه بشكل مختلف لانه عايز ولد وبابا صلاح كمان اقنعني وفضل يكلمني كتير وعوضني عن ابويا واديكي شايفه مبيسبش باسم خالص لو زعلني غير لما يهزقه ورغم انه عنده حق وقالي بنتي بقيت 4 سنين فكفايه بقى لازم اخلف الا اني بردو خايفه تعيش اللي انا عشته يا ياسمين خايفه حتى لو مش زيي بس خايفه تحس بكرهه ناحيه اخوها و نفسيتها تضرر ولو 1% انتي فاهماني ????
ياسمين بدموع ينورعيني تعالي وحضنتها وفضلت تطبطب عليها وتعيط معاها بعدين تابعت بدموع هايدي ارجوكي اهدي انا مش عارفه اقول ايه حاسه اني عاجزه عن الرد وااكلام اللي قولتيه مفيش حد يتحمله انا قلبي وجعني واتقهرت اوي انتي تعبتي كتير اووي بجد بس ارجوكي يحبيبتي متسبيش نفسك لكده هتتعبي اكتر ممكن اسالك شويه اسئله وتجاوبي بصراحه
هايدي بدموع اكيد
ياسمين باسم لما جوجا بتتعب بيأثر معاها ساعات او عمرك حسيتي انه زهق او مش طايقها او بيتعصب عليها اي حاجه يعني ??? مع ان حاجات بتتعمل عادي في ظروف الحياه بس بردو جاوبيني
هايدي بدموع الصراحه لا انا اللي العصبيه بتيجي مني علشان جيلان بتغلبني اوي هو بيبقي برا اغلبيه اليوم وبيدلعها وبيحبها ومبيرفضش ليها طلب ولو تعبت ميعرفش ينام كأن مفيش في الدنيا بنات غيرها اومال انا حبيته هو الراجل الوحيد ليه وقلبي دقله من اول ما شافه ده لان قلبي حس ان هو ده اللي محتاجه وعايزة
ياسمين بابتسامه حلو اوي ايه بقى مخوفك انك تخلفي طلما باسم مش زي باباكي خالص اهو
جودي بتنهيده لما قالي يا ام ادهم قبل مانعرف نوع الجنس وانه عايز ولد واصراره الفظيع اني احمل علشان اجيب ولد مع ان ممكن تيجي بنت بردو بس هو بردو عايز ولد
ياسمين بابتسامه صلي علي النبي بس كده وبهدوء الكلام ده جميل اوي انا هرد على كلامك الطبيعي لما حد بيخلف ولد بيبقى عايز ايه بعدين هو طبعا كل اللي يجيبه ربنا عسل بس بقول يعني بتفكيرنا
هايدي بتنهيده بنت
ياسمين حلو اوي والعكس صحيح لو جايبين بنت هيبقي عايز ولد وبعيدا عن الجهل بتاع زمان الراجل في مجتمعنا بيميل للولد لانه ييشيل اسمه وبيخلده وبيقف في ضهره ويشتغل ويسد فأي راجل خلقه ربنا عايز سند ليه لما يكبر زي باسم ومروان بيسندوا خالو ويونس احنا حرفيا انا وشهد من غيره نضيع ومعوض تاثير بابا جداا فا ده طبيعي يا حبيبتي
هايدي بحزن وبلنسبه لانه قال عايز الاول ولد مش بنت يعني ميز
ياسمين تؤ تؤ مسمعهاش كده اسمها عايز الولد يبقى مكان جوجا علشان يبقى 4 سنين ونجيب بعدها جوجا عاادي وتكبر تبقي 16 في ضهرها راجل 21 سنه يسندها علشان انا بجد من موقعي ده بقولك هتعوزه جدااا وحرفيا سند بجد انما في حالتكم ايه اللي حصل ?? طبعا الحمدلله علس اختيار ربنا دي جوجا بسم الله مشاء الله سندريلا بس انتي لو فكرتي تحملي هيبقي فرق 5 سنين انتي متخيله ان جوجا 21 سنه وعروسه واخوها 16 !!!! اعتقد مش هتلاقي منه االي هتحتاجه ده طفل ودي دماغ ابن خالي الدكتور العاقل بعيدا عن اي جهل بس انتي مش قادره تشوفيها من تعبك وحقك جدااا بس هو كان عايز راجل يسنده ويسند البنت انما مش معناه مش عايز بنت وضحكت وتابعت ده كان هياكلك بعينيه لما زعقتلها
هايدي تنهدت بعمق وابتسمت وتابعت انا عمري ماشوفتها كده وكلامك فعلا صح وريحني جداا بس انا وسكتت ونفخت بضيق
ياسمين بحب انتي مش محتاجه تتعالجي لا حتي لو اللي انتي فيه ده مرض التجنب او الاجهاد اللاحق بلصدمه زي ماقولتي فانتي طول الوقت حاسه انك عايزه تتجنبي الخلفه خوفا من التفرقه بين عيالك وبتجهادي متخافيش بس الصدمه النفسيه سابت فيكي اثر مش راضي يروح ومحدش غيرك هيفهم ده لان اي حد عاقل هيفهمك زي منا فهمتك بس مش هتتغيري بتكه زرار انتي محتاجه حاجه واحده بس وهي انك تعيدي النظر في شخصيه باسم وحبه الكبير ليكي وموافقته على طلبات باباكي المبالغ فيها علشانك وعشقه لجيلان اللي واضح جداا ولما تثقي من ده 100% مش هتخافي تجيبي ولد لان مش باسم اللي يفرق وبعدين يا عبيطه ده بيحبك فعايز يخلف منك هو الواحد يطول يشيل حته من اللي بيحبه
هايدي ابتسمت وتابعت والله وانا بموت فيه بس فعلا مش قادره اتخطى وهو عارف وبيحاول يطمني بس بردو بفشل ومنكرش كلامك غير كتير في تفكيري وهحاول حقيقي اسيب نفسي للخطوه دي
ياسمين حضنتها بفرح وتابعت ايوه كده يا شيخه فرحيني ده انتي ربنا اداكي راجل وبنت مفيش منهم
هايدي طبطب عليها بحب وتابعت وهما الدنيا في عيني والله وبصتلها وتابعت شكرا يا ياسمين انا لو عندي اخت مش هتعمل معايا كده ربنا يديمك ليا بجد ويارب اشوفك متهنيه ومبسوطه
ياسمين بحب بس ياهبله ده واجبي ربنا يعلم حبيتك ازاي من اول يوم شوفتك فيه وحقيقي انتي اقوي بنت قابلتها في حياتي وسمعت صوت جيلان فتابعت بضحك نروح لفقره جوجا بقى
هايدي بضحك يلا
——————————————-
في بيت عمر وزينب
زينب واقفه في المطبخ وبتبص على البيتزا اللي في الفرن
عمر دخل وتابع اه يعني هنفضل فيها العمر كله ولا ايه يا زوزا ههبط خلاص
زينب بتركيز على الفرن متبقاش مفجوع كده اصبر على رزقك الله
عمر بضحك مفجوع ايه يا زينب ده الساعه 3 العصر ولسه مفطرتش
زينب بصتله وتابعت برفعه حاجب هل ده معناه اني ست مهمله ??
عمر شدها ليه وتابع بحب لا معناه انك ست زي القمر وبتعملي بلواصايا اللي اتقالتك وضحك وتابع علشان بتصحي متاخر بسببي اصلا
زينب ضربته في صدره وتابعت بضحك والله العظيم انت قليل الادب اوعى كده سبني
عمر شدها ليه اكتر وتابع بضحك اه يعني كده ???
زينب بضحك يا عمر بجدد مش وقته دلعك ده سبني اركز مع الاكل
عمر بضحك هتتمني ارجع وادلع كده مش هتلاقيني
زينب بضيق طب بجد متجبش سيره شغلك قدامي واقعد ساكت
عمر بضحك حاضر مش هجيب سيره ضرتك
زينب بحب طب فك ايدك من عليا علشان اشوف الاكل ولا انت فالح تقولي جعان جعان ومش عايز تسبني اعمله
عمر بحب هو انا فعلا جعان بس في حل اخر
زينب بستغراب ايه هو
عمر بضحك اكلك انتي يا حلويات مثلا وهيبقى احلى من اللي بتعلميه ده
زينب بضحك ااه انت راسم على كده لا يحبيبي انا مبتاكلش الاكل اللي بيتاكل اتلم وضربت رجله برجلها
عمر بضحك ايه ده ايه ده ليه العنف طيب وبعدين رسم ايه وتلوين ايه انا جايلك دوغري اهو هو انا هرسم على مراتي مش معقوله يعني
زينب برفعه حاجب اومال ترسم على واحده غريبه ??
عمر بضحك اااه ده نكد من بتاع يوم فرحنا علشان تتلككي ماشي يا زينب سابت الكلام كله ومسكت في دي
زينب بضحك الله مش انت اللي بتقول
عمر بضحك انا اقصد ان انتي حلالي فمش مستاهله رسومات ولا تخطيط بس مش معناه ان عادي مع اي حد
زينب بضحك فاهمه بس بحب اضايقك
عمر بضحك انا ليا الجنه والله
زينب وطت فتحت الفرن وتابعت بحماس بس بقى اسكت علشان هنطلع العظمه والعظمه لله وحده اللي انا عملاها
عمر بحماس وريني
زينب طلعتها وحطتها على الخشبه وفكت الصنيه لانها بتفك وسابت البيتزا وابتسمت بفرح واكملت شكلها تحفه بجد
عمر بحب تسلم ايدك حلو اوي فعلا نشوف طعمها بقى
زينب بثقه يا ابني انا مبعملش حاجه وحشه ومسكت سكينه البيتزا تقطعها ناشفه مش بتتقطع فاتصدمت وفضلت تحاول
عمر فضل يضحك وتابع ايه ده ايه ده دي حجرر لا وواثقه من نفسها مش قااادر وفضل يضحك بشده
زينب بغيظ على فكره مفيش حاجه تضحك هي اكيد سكينه البيتزا دي بايظه انا هجيب سكينه حاميه عادي وهتتقطع
عمر بضحك تتقطع ايه ونيله ايه دي قالب طوب يحبيبتي دي عايزه شنيور هو انتي حطيتي اسمنت بدل الدقيق ولا ايه وفضل يضحك
زينب بضيق نيني نيني اقعد ساكت خالص هتتقطع بلسكينه الحاميه وهكسفك ومسكتها وبدات تقطع بس بردو ناشفه فعمر ضحك عليها تاني لدرجه عينه دمعت وتابع لالا مش قادر قلبي هيقف من الضحك بجد دي طبله اقلبيها بجد علشان الخضار واللحمه اللي لازقو دول فا اقلبيها وجربي هتطبل معاكي
زينب اتصدمت وتابعت بضيق عمر بجدد مفيش حاجه تضحك انا تعبت فيها من الصبح انت مسفتز ليه
عمر ضحك وتابع تعبتي في دي من الصبح حقك عليا يحبيبي وباس جبينها وتابع طبيعي نغلط علشان نتعلم والدروس المستفاده اللي تتعلميها انهارده ان متدخليش مطابخ تاني وفضل يضحك
زينب ضحكت غصب عنها وتابعت بايخ بجدد مناا بعمل كل حاجه حلوه دي مره
عمر بضحك انا مش قادر علشان نبهتك قولتلك خليكي في حاجه تعرفيها بلاش هبد مش هتعرفي وحصل
زينب بحيره وضيق انا مش لاقيه تفسير علمي بجد ياريتني ما تعبت
عمر بحب ولا تزعلي نفسك هقطعهالك دلوقتي
زينل بستغراب ده ازاي ده
عمر طلع وفضل يدور في اداوات ودخل وحط السكينه على البيتزا وفضل يضرب عليها من فوق بلشاكوش
زينب فضلت تضحك وتابعت مش قادره عمر انت بتهبب ايه بجددد
عمر فضل يضحك وتابع اعمل ايه مش بتقولي تعبتي فيها بقطعهالك ندوقها على انها بسكويت بطعم البيتزا بقى وفضل يضرب بلشاكوش وكسر حته
عمر بضحك الله واكبر حاسس بلنصر ومسكها وجيه يدوق تأوه من ضرسه وتابع بوجع اااه وسابها وهو مغمض عينيه بألم وتابع اقول عليكي ايه يا زينب يا بنت معتز
زينب بخوف ايه في ايه مالك حصل ايه
عمر بضحك دي مش بتتقطم يخربيت ابوكي حطيتي ايه سناني كانت هتقع يعني انا قولت اجبر بخاطرك علشان صعبتي عليا كنت هوقع سناني بدري ادي اخره الحب
زينب فضلت تضحك وتابعت حقك عليا يعمري خلاص بجد سيبها هنرميها
عمر بضحك لا تصدقي مفروض كنا نسيبها يا زينب وبعدين دي فعلا متترميش دي تاكليها عقاب علشان تحرمي تهبدي
زينب بضحك بزمتك ههون عليك
عمر بضحك انتي علشان مش بتهوني عليا اشتغلتلك مهندس اهو وفضلت انحت وكنت هضحي بسناني مش سؤال ده يعني
زينب بحب نور عيني وحضنته
عمر بحب طب ايه اطلبك ايه من برا
زينب بضحك اطلب بيتزا بقى علشان مش ههبد فعلا في حاجه معرفهاش تاني
عمر بحب اوامر واتصل طلب بلفعل وتابع وهو بيركن الفون انا قولتلك من بدري ناكلك انتي بس انتي اللي صممتي نشوف البيتزا ووطى شالها بين ايديه
زينب بضحك عمر اتلم بجد ونزلني
عمر بضحك تصبيره بقى لحد ما الاكل يجي
زينب بضحك انت مش بتقول عني حلويات
عمر بضحك حصل
زينب بضحك ومحدش بيحلي قبل ما ياكل
عمر بضحك مين قالك كده انا اصلا بحلي قبل ما اكل علشان نفسي تتفتح
زينب بضحك لا يا شيخ
عمر بضحك اه يا شيخه هتشوفي
———————————————-
بعد شويه في بيت جودي كانت قاعده متوتره وبتكلمه
جودي بخوف اخيرااا رديت حرام عليك
الشخص بقلق ايه في ايه معلش مكنتش فاضي
جودي بخوف تعالالي حالا مش هعرف اتكلم في الفون نهائي
الشخص اجي فين انتي عبيطه ولا ايه
جودي بدموع ارجوك تعالى بس وانا هفهمك ماما اصلا مش هنا مسافره لخالتي
الشخص بقلق طب اهدي طيب حاضر جاي
وبلفعل شويه وكان قدامها جودي فتحت الباب ودخلته ومقفلتش الباب سابت فتحه كويسه من غير ماتقصد بسبب خوفها وعدم تركيزها ووقفته قدامها واكلمت بتوتر في مصيبه ولازم تعرفها
الشخص بخوف يابنتي في ايه تعبتي اعصابي
وفي اللحظه دي كانت طالعه ياسمين وجيبالها زياره علشان تسأل عليها لانها عارفه انها كشفت وشافتها من الفتحه واقفه فاستغربت فتابعت جودي بدموع انا حامل يا مازن
مازن اتصدم بشده وتابع حامل ازااي يعني
ياسمين اتصدمت بشده وحست قلبها هيقف والدموع اتحجرت في عينيها والحاجات وقعت من ايديها فاعملت صوت
ففتح مازن يشوف ايه بتلقائيه شافها قدامه فاتصدم بشده وتابع ياسمين !!!!! وجودي حطت ايديها على بوقها بصدمه
