رواية غموض الحب عائلة الرفاعى الفصل الثلاثون بقلم لولا
جودي بابتسامه حزينه المهم اللي جاي وسمعت صوت مامتها وراها بتقولها بتكلمي مين يا جودي ?? فاتخضت والفون وقع من ايديها على الارض وتابعت بسم الله خضتيني يا ماما الدنيا ليل مش كده دي ياسمين
امها بستغراب وواقفه بتتهامسي وبتعيطي وانتي بتكلمي ياسمين ليه يابنتي
جودي بحزن صعبانه عليا مانتي عارفه اللي هي فيه وبتهامس مش عايزة حد يسمعنا
امها بتنهيده ربنا يابنتي يختارلها الصالح ويريح قلبها وافرح بيها وبيكي مع اللي تستاهلوه
جودي بابتسامه يارب يحبيبتي المهم انا هدخل انام تمام
امها طبطبت على كتفها وتابعت روحي يابنتي تصبحي على خير
جودي بابتسامه وانتي من اهله يا حبيبتي
ووطت جابت الفون ودخلت اوضتها وكلمته
الشخص بخوف امك عرفت حاجه ???
جودي بتنهيده لالا متقلقش قولتلها بكلم ياسمين
الشخص صدقتك يعني ??
جودي بابتسامه اه صدقتني … المهم انت هتيجي تطلبني امتي ??
الشخص بتنهيده اقرب وقت يا جودي متخافيش
جودي بحب وانا اوعدك اني هخليك تحبني زي مافضلت عمري كله احبك
الشخص بستغراب انتي عارفه ان انا متفاجئ منك واحده في مكانك مفروض متكونش طيقاني ومش فاهم حبتيني امتى وازاي عمري ماخدت بالي من مشاعرك ولا كان يجي في بالي انك بتحبيني
جودي دموعها نزلت وتابعت بتنهيده واحده زيي فعلا مفروض كان خدت منك موقف وموقف جامد كمان بس انا عارفه انه مش بايدك وهنسي كل اللي فات وهبدا معاك من اول وجديد والوقت هيثبتلك اني فعلا بحبك
الشخص انتي كده كده حاضري ومستقبلي فسيبك من فكره في حب ولالا دي خليها لوقتها احسن المهم دلوقتي هبعتلك فلوس مبلغ كويس تجيبي كل اللي محتجاه وناقصك
جودي بدموع لالا انا مش ناقصني حاجه انا عايزه نتجوز وبس دي اهم حاجه عندي عرف اهلك وتعالى كلم امي
الشخص بتنيهده انا كده كده هتجوزك وعدتك وعد ولازم هكون قده بطلي عبط وثقي فيا شويه وهبعتلك الفلوس على كليتك مع واحد معرفه علشان مش هينفع انا اجي وبعدين انتي هتبقي ملزومه مني فمفيهاش حاجه تاخدي الفلوس
جودي بتنهيده طب سيبك من الفلوس دلوقتي المهم هنتجوز علطول ولا هنتخطب الاول ??
الشخص بتنهيده سبيني افكر هعمل ايه وهقولك علطول يا جودي
جودي بحب ماشي يحبيبي سلام
الشخص سلام
وقفلت وابتسمت بفرح انها اخيرا هتعمل االي هي عايزاه بعد كل البعد ده
———————————————
في اوضه شهد كانت فاتحه الشباك وقاعده وباصه علي القمر بشرود والباب خبط فتابعت بتنهيده اتفضل
يونس دخل وقفل الباب وراه وتابع بتنهيده طب وبعدين مش ناويه تنامي ده احنا بقينا الساعه 4
شهد بحزن متشغلش بالك بيا يا يونس روح نام انت كلهم ناموا ايه اللي مصحيك لغايه دلوقتي
يونس بتنهيده انام ازاي وانتي صاحيه يعني وقلبك واجعك
شهد بتنهيده عميقه لا عادي شئ متوقع اصلا وانا امتى خدت حاجه حبيتها
يونس بتنهيده شهد حبيبتي مش هنكفر استهدي بالله وقومي صلي وادعي ربنا يريح قلبك والله يا شهد عارف وحاسس بوجعك بس دي مش بايدينا ولو فعلا خدته ياسمين بعد الشر ده قسمه ونصيب ياما ناس في قلوب ودبل مع ناس تانيه
شهد بدموع لا مفيش حاجه اسمها نصيب يا يونس انتوا بتضحكوا على نفسكم بلكلمه دي الكلمه اللي اغلبكم بيعلق عليها خيانته للوعود اللي عايز حد مش هيسيبه ولو حصل ايه هيحارب علشانه هو بكل بساطه احمد محبنيش انما حب ياسمين فاراح خطبها ولو كنت انا اللي في باله كان اتكلم عليا انا وخطبني انا ربنا خالقنا احرار يا يونس فمش هنلبس كل حاجه للنصيب ونقول ده قدر ومكتوب لا طبعا لانه اله عادل مينفعش يكتبلي الوجع ولا يكتب لاحمد ياسمين هو من معرفته الغير محدوده عارف هيحصل ايه انما مش بيجبرنا احنا بس اللي بنعلق كل اخطائنا على ربنا انه قدر ومكتوب مع ان محدش غلط غيرنا اصلاا زي سيدنا ادم لما كل من التفاحه هو مقالوش كلها واعصاني بس كان عارف انه هيعمل كده احنا احرار منذ الخليقه يا يونس وانا اللي حقيقي غلطت وعيطت اكتر وتابعت بس دي كمان مش بمزاجي منا حبيته مش بايدي يارب مش بايدي
يونس حضنها ومشى ايديه على شعرها بحنان وباس راسها وتابع بتنهيده اقسملك بالله طلما ربنا واضع كل الحب ده هتاخديه يا شهد بس كملي بايمان وقادر ربنا يغير علشانك كل حاجه ولو بعد الشر مكنش ليكي هيشيل حبه من قلبك لانه مش هيحب يعذب عبده زي ماقولتي وهبتقى وتجربه تعلمك
شهد بصتله وتابعت بدموع بتتقول كده على اساس ايه ???? ايش عرفك ان ممكن يحصل كده ما ممكن مقدرش انساه ويتجوز اختي واعيش مقهوره
يونس بتنهيده تؤ مش انا اللي بقول ربنا اللي بيقول وهو فعلا احن من انه يعلقنا بحاجه مش لينا طلما حاطط اليقين جواكي يبقي كملي انتي بتكلمي اله شق البحر وخلى العذرا تلد فمش صعبه عليه واقسملك لو احمد مش ليكي هتتخطيه اه محدش بينسي اللي عاشه بس هتتخطيه ربنا احن من كده صدقيني
شهد ابتسمت بوجع وتابعت بدموع وهو انت ينورعيني اتخطيت؟
يونس قلبه وجعه وتابع بتنهيده شهد ملكيش دعوه بيا انا .. انا
شهد بمقاطعه ودموع ماليش دعوه بيك ليه منتا لو بتتكلم صح يبقى استغفر الله قمه الظلم يفضل مخلي قلبك يدق لبنت مش نصيبك منا ممكن ابقى زيك
يونس تنهد تنهيده مليانه وجع وتابع لحد قريب كنت بقول ممكن يسمعني ويستجيب وهي مستحيله على فكره واكتر منك بس خلاص كل حاجه راحت وصدقيني مش هعرف اجاوبك لان انا نفسي معرفش ليه لحد انهارده قلبي متعلق ببنت مش نصيبي
شهد بدموع حيوانه ومتخلفه هو انت في منك ولا من حنيتك
يونس بتنهيده مابقولك سبحانه بقى يهب القلوب لمن يشاء
شهد بدموع ولفهه مين دي يا يونس ماتحكيلي والله وغلاوتك عندي مش هقول لحد احكيلي زي ماوعدتني مره لما تقدر تحكي هتحكي فقولي وافتحلي قلبك واهو نطلع همومنا لبعض
يونس بص للارض وخد نفس عميق وسكت فتابعت شهد بدموع هو انت مش واثق فيا يا يونس ؟؟؟
يونس الدموع اتجمعت في عينيه وتابع مش مسأله مش واثق فيكي ده انتي بنتي بس الموضوع نفسه انا مش بحب افتكره
شهد بدموع وبنتك هتفضل بنتك العمر كله ده انت ابويا واخويا وصاحبي وحبيبي وسندي بس بنتك كبرت يا يونس .. كبرت وعقلت ونضجت وحبت وبقولهالك بكل صدق انا متاكده الدموع اللي متحجره في عينيك دي مش نازله علشان ميرنا لا مستحيل هو انا هنسى لما تيته صافيه اتحايلت عليك قالتلك يابني هي اللي فاضله من اهل امك دي بنت خالتك وملهاش حد وبتحبك وهتراعيك وانت كنت رافض بس وافقت ورضيت وارتبط بيها كام شهر قبل اي خطوه رسميه كأنك عايز تأجل الوقت بس متخطبهاش واهو بترضي تيته وبتجرب ولما الهانم حصل معاها الحوار اللي طلع فيك ده سبتها وانت مش متردد وقفلت الصفحه للابد فمش علشان ميرنا مستحيل
يونس بص قدامه بشرود و ابتسم بوجع ودموعه نزلت وتابع لا كبرتي فعلا ياشهد مش مجرد كلام وتنهد بعمق وتابع الحب بيلازمه ثقه يا شهد وانا صدقت ان ميرنا خانتني لاني مكنتش بحبها ولا لينا علاقه بيها اوي بسبب ان امها ربيتها بعيد عننا وبصلها وتابع انما اقسملك بالله لو شوفت البنت اللي بحبها دي معلش في اللفظ بس في حضن راجل غريب في بيته هقوله انت عملتلها وايه وهددتها بايه انما مش هشك في اخلاقها لحظه
شهد بدموع للدرجه دي يا يونس يحبيبي متوقعتش بتحبها اوي كده مين دي يا يونس مين دي اللي خليتك متقدرش تبص لغيرها ولا تحب غيرها وتأجل في الخطوبه لانك مش عايز تلبس دبله غيرها وتفضل لوحدك العمر ده كله
يونس دموعه نزلت وابتسم بوجع وتابع ما كفايه لحد كده يا شهد صدقيني مبقتش قادر اكمل يوم تاني هقولك هي مين ورايح يقوم فمسكته شهد وتابعت بدموع بتهرب مني زي ما اتعودت تهرب من مشاعرك
يونس بوجع لا بلعكس بواجه مشاعري جداا لان الهروب مش حل
شهد بدموع والنتيجه ايه ؟
يونس ضحك بغُلب وتابع النتيجه مبتتحركش نقطه الصفر بتلازمني كل ما اتقدم خطوه والدموع اتجمعت في عينيه وتابع قلبي حالف مايخرجها براه وتعرفي انا كمان مش عايز اكرها بحس ان فعلا عذاب حبها ولا راحه نسيانها انا مش قادر اشوف غيرها فبلتالي حتي النسيان مش عايزة لانه هيقسيني على اكتر شخص بحبه بس انا تقبلت الواقع خلاص
شهد بدموع انا عارفه انه صعب لاني مجربه بس هتفضل كده مش هتاخد اي خطوه
يونس بتنهيده حزينه سيبي الخطوه دي لوقتها يا عالم يمكن بنت تحبني فتنسيني مع اني معتقدش مهما حد حبني هعرف انساها رغم انها محبتنيش ربع حبي ليها ساعات بسرح وبستغرب طب انا مثلا حبتها ليه ?? علشان ايه ?? قدمتلي ايه?? بس كل مره بوصل لاجابه واحده ( معرفش ) بس قلبي دقلها هي وحقيقي سبحانه
شهد بدموع طب والله يبختها حد بيحبها كده ده ياريت اتحب ربع الحب ده انت بجد مفيش منك ينورعيني
يونس باس جبينها وتابع ربنا يجعل نصيبك احسن من نصيبي بس هي عموما مش فارقلها فانا فاهم الحب الصادق النقي اللي كنتي بتحكي فيه ده جداا لانه عشت وجعك يا شهد حبيت بنت محبتنيش مع انها مقدمتش اللي يخليني احبها كده بس احمد هيحبك انتي وهيرجعلك انتي لما يلاقي كل حاجه كان متعود عليها منك اختفت هيحس بلفرق لان ياسمين مش هتديله ده
شهد بدموع انت بتعرفني بلطريقه ابعد عنه واخلي في حدود صح ???
يونس بحب واديكي ذكيه وعرفتي هتعملي ايه
شهد بوجع ودموع حاضر يا يونس هسمع كلامك بس انت مش ناوي تريحني وتقولي مين هي بدل منا دماغي مش سيباني في حالي ومقهوره عليك كده
يونس رفع ايديه باسها ومسح دموعها وتابع ولا تقهري نفسك ولا تشغلي بالك اصلا لان انتي متعرفيهاش فانسي زي منا بمثل اني ناسي ولما استعد هعرفهالك واحكيلك
شهد بحزن مش هضغط عليك بس بردو عايزه اشاركك وجعك
يونس ابتسم وباس جبينها وتابع بحب كبرتي يا شهد كبرتي اوي كمان ربنا يحميكي ويحفظك ويديمك ليا يحبيبتي انا بخير متشيليش همي
شهد ابتسمت بحب وتابعت هصلي الفجر واصليلك معايا
يونس بحب موافق جدا وانا كمان رايح
شهد بحب طب ما نصلي سوا وتكون إمام ليا انهارده
يونس بحب يخرابي هو احنا نطول قومي امسحي بس دموعك دي واتوضي ويلا
شهد بحب حاضر قايمه اهو
——————————————–
تاني يوم الصبح في شقه الجد كلهم قاعدين متجمعين وبيفطروا ومازن ويونس ونور كانوا نزلوا
احمد بتنهيده صحيح انا راجع دبي انهارده بليل
شهد اضايقت جدا بس حاولت متبينش وبصت للطبق تكمل اكلها
ياسمين بستغراب ايه ده اشمعنا
احمد بضحك هيكون ليه يحبيبتي منا شغال هناك اه قعدت فتره بباشر شغلي من هنا بس هما حاليا محتاجني مش عايزه تفكير
عايده بحزن هو انت لحقت يا ابني
احمد بضحك يا امي في ايه انتي عايزاني اخلل جمبك عايز اخلص واشتغل كويس انا بقيت خاطب دلوقتي ولازم اوضب شقتي
ياسمين اتوجعت من الكلام بس ابتسمت بمجامله وتابعت تروح وترجع بلسلامه يارب
احمد بحب تسلمي يا غاليه
شهد قلبها كان واجعها اوي مش قادره تستحمل اكتر من كده وحاسه انها هتعيط فقامت من على الكرسي وشالت الشنطه على كتفها وتابعت بصوت متقطع مختنق من الدموع اللي بتمنعها : اا انا كا لت الحمد لله نا نازله رايحه درسي سلام
صافيه يابنتي هو انتي لحقتي تاكلي اقعدي يابت وشك بقى اصفر زي اللمونه مش كده
احمد بتنهيده قولنا ايه يا شهد
شهد نفخت بضيق وهي بتلبس الكوتش وتابعت بنبره حاده شويه: اعتبر مقولناش يا احمد هي نار وانا لوحدي اللي فيها ومضغوطه فيها رفقا بيا مش عايزة كلام كتير
احمد بتنهيده وهو بيقوم طب هوصلك انتي ملحقتيش تخفي
شهد برفض هزت راسها بلنفي وتابعت لا متوصلنيش اقعد كمل اكلك انا عارفه الطريق كويس وهروح مع فرح مش لوحدي
حسام قام وخد المسدس من على الترابيزه حطه في جيبه الخلفي وتابع انا رايح القسم تعالي اوصلك انتي وصاحبتك كمل اكلك انت يا احمد
شهد تنهدت بارتياح وتابعت ماشي يحبيبي يلا هستناك تحت ورايحه تنزل فتابع احمد بضحك طب سلمي عليا طيب هترجعي مش هتلاقيني
شهد غمضت عينيها بالم وجاهدت متعيطش ولفت بصتله وتابعت بابتسامه تروح وتوصل بلسلامه يا ابن عمي وربنا يردك لينا بالف خير
احمد بحب االهم امين يارب
شهد بابتسامه مكسور اشوف وشك بخير ربنا معاك يارب
احمد بحب ومعاكي يا دكتورتنا
حسام خد الفون والمفاتيح وتابع يلا يا شوس عايزين حاجه ؟؟؟
نرمين خد يا مسطول علبه السجاير وقعت منك
حسام بضحك ينهاار ابيض هاتي صحيح ده الواحد عنده تحقيق لبليل وهيحرق كتير
معتز بصله بحده وتابع مش ناوي تبطلها يا بيه
حسام وهو بيحطها في جيبه تابع قسما بالله في البيت ما بدوقها ولا مع امنيه علشان مشاكلنا كترت على الحوار ده بس حقيقي بحاول المشكله حرقه الدم بتاعت القسم مش بتساعدك
احمد بضحك وانت كل ماحد يحرق دمك تشرب سجاير
حسام بضحك طب بامانه اه
نرمين متتعلم من اخوك يا حيوان وتتلم مش بيحطها في بوقه
حسام بضحك يا نيرو مانتي عارفه اللي فيها ده ظابط جيش جري وتنطيط وتمارين وكلام كبير اوي الواحد يفرهد لو اتكلم عنه فبيحتاج الرئه جدااا انما انا قاعد بيتحرق دمي
ياسمين بتلقائيه وضحك زي مازن بردو كل ما دمه يتحرق يشرب سجاير
احمد بابتسامه ده انتي مركزه بقى
ياسمين اتصدمت من كلامها وافتكرت واقعها في ثانيه وتابعت لا مش حكايه تركيز بس بشوفه كتير في الشارع وفي البلكونه علشان ميقدرش يشربها هنا
ايمن بالله ما عارف احدد احنا ربيناهم ولالا قله ادب ومسخره بس من ورانا حِكم
حسام فضل يضحك وتابع ادعيلنا بلهدايه يا حج ايمن ومتعصبش نفسك
معتز ماهو بيتكلم صح انتوا ملكوش حاكم
حسام بضحك ااه ده هيفتح المرشح دلوقتي طب نكمل في وقت لاحق لان البت هتتاخر وكده قله ادب اكتر من السجاير على فكره ده مستقبل بيضيع وكفايه سيف بار بيكم اهو وضحك
نرمين ابن جزمه والله هقول ايه ولا انت مريحني ولا هو مريحني
منصور بطل علشان صحتك يا ابني مش كل ما دمنا هيتحرق هنشرب سجاير نفرغ طاقه وعارف مبتتجرأش تعملها قدامنا بس علشانك انت سيبك مننا خالص
حسام بابتسامه هحاول والله يلا يا شوش انزلي قدامي ..السلام عليكم
الجميع وعليكم السلام فتابعت ياسمين بضحك مش فاهمه ايه السر في ان ظباط الشرطه كلهم كده لازم الجاكت الجلد والنضاره وماسكين 100 حاجه في ايديهم وسجاير في التحقيق
منصور بضحك خارجين سجون مش كليه اقول ايه يابنتي ربنا يهديهم
كلهم ضحكوا فتابع احمد نازله الجامعه اوصلك ??
ياسمين بابتسامه لا بعت البروجكت مع جودي هتسلمه حاسه تعبانه اوي وعايزه انام
عز بتنهيده ممكن يابنتي نتكلم كلمتين ورحمه امك
ياسمين غمضت عينيها بالم وتابعت لانك حلفتني بيها ممكن بس لما استعد لده صدقني هكلمك مع اني كنت ناويه اقاطع خالص عن اذنك هنام
عز بابتسامه وفرح خلاص ماشي يابنتي نوم العوافي الوقت االلي تحبيه بس المهم تسمعيني
احمد بابتسامه لما تصحي بليل قوليلي وننزل شويه بعد اذنك يا عمي قبل ما اسافر
عز بابتسامه ربنا يسعدكم يا ابني
ياسمين بابتسامه مصطتنعه تمام هطلع انا بقى عايزة حاجه اعملها معاكي يا تيته??
صافيه بحب لا ينورعين تيته مراتات عمامك بيعملوا كل حاجه روحي ارتاحي
زينب بحب تمام وطلعت وفتحت الشقه ودخلت اوضتها وقفلت وفضلت قاعده مخنوقه اوي وسرحانه وتابعت والدموع في عينيها مرديش يفطر ونزل مبقيناش طايقين نشوف بعض بعد ما كنا اقرب اتنين لبعض ازاي يارب بجد حصل كده !!!! وغمضت عينيها وتابعت اكيد مفطرش انا عارفه ومسكت الفون كلمت بنت شغاله ويتر في الكافيه تعرفها معرفه سطحيه
ساره الو ايه يا ياسمين عامله ايه
ياسمين الحمدلله نحمد ربنا هسالك سؤال يا ساره وكاني مسالتكيش هاا
ساره بستغراب اتفضلي
ياسمين بتنهيده مازن طلع من المكتب جاب فطار انهارده ??
ساره وهي بتتذكر: تقريبا لا لانه مخرجش من المكتب واصلا مش راضي يشوف وش حد متعصب اوي ومش طايق نفسه معرفش ماله
ياسمين تنهدت بوجع وتابعت طب يحبيبتي سلام كاني مكلمتكيش امانه عليكي يا ساره
ساره لا عادي ولا يهمك بس في ايه انتوا متخانقين ولا ايه
ياسمين بوجع لا مش متخانقين احنا قررنا ان كل واحد هيشوف طريقه مع حد تاني
ساره بصدمه بتهزري ده انتي ومازن ب
ياسمين بمقاطعه كنا … وعلشان خاطر العيش والملح والمعرفه الحلوه اللي عرفتك بيها لما جيت ساعه عيد ميلادي الكافيه كاني مكلمتكيش احنا بنات زي بعض يا ساره يعني مفروض تكوني عايزاني مهتمش بحد بايعني وقررنا ننفصل بس انا مش قادره ابطل احبه ودي مش بمزاجي بس هعرف اخبيها كويس
ساره بحزن زعلتيني عليكم والله ربنا يهدي الجميع يا ياسمين ويعملك الصالح
ياسمين اللهم امين يارب يلا كملي شغلك ربنا معاكي
ساره ومعاكي يحبيبتي يارب
وقفلوا واتصلت بحسام
حسام بضحك ايه يا سمسم حظك اني بفطر فسايب الفون عادي معملتوش سيلاند
ياسمين بابتسامه طب الحمدلله ممكن اطلب منك طلب ومتكسفنيش يا حسام
حسام قولي يحبيبتي
ياسمين بتنهيده عميقه مازن عامل اضراب على الاكل ومن غير ما اشوف اكيد شغال حرق سجاير على الريق هو بيحبك وبيعتبرك اخوه اتصل بيه فطره معاك في المكتب وتتاكد انه اكل امانه عليك يا حسام
حسام رجع ضهره لورا وتابع بتنهيده واخرتها يا بنت عمي
ياسمين بحزن على ايه بس يا حسام
حسام انتي فاهمه على ايه مش عايز استعباط انتي لبستي دبله احمد يبقى مازن يحرم عليكي وده قرارك اللي اختارتيه بمزاجك ولا ايه
ياسمين بدموع انت صح بس مش هتفهمني فخلاص بس انا مش وحشه ولا خاينه يا حسام وعيطت
حسام ياسمين .. ياسمين من غير عياط اهدي انا مش معلقلك حبل المشنقه انا كل نيتي ان فعلا يحبيبي مينفعش انتي زي زينب فبوجهك للصح وعارف انه مش بمزاجك ومش هتهون عليكي العشره خالص ولا هتنسيه وعارف بردو وفاهمك متقوليش على نفسك خاينه انتي بس عادنتي قصاد مازن علشان ترضي غرورك مش اكتر بس لما اتقبلت جد جبتي ورا ومن اول يوم حقك عليا في اللي هقوله بس مسختيها اوي لان لو عشنا وموتنا 100 مره مازن مش هيتجوزك بعد كل الحوارات دي على الاقل حتي لو انفصلتي عن اخوه هيحترم الموقف ده وهيخاف يطلبك قدامهم يتقال دي كانت خطيبه اخوك
ياسمين بدموع والله عارفه وعارفه اني غلطت بس هو كمان يا حسام باعني ومفكرش يقف قصاد اخوه علشااني انت مش مكاني بس لو مكاني هتعرف يعني ايه تحس ان يقهرك ناس كنت بتخاف الهوا يجرحهم يتخلى عنك الشخص اللي انت اصلا عايش علشانه انا حسيت اني في معركه من غير سلاح يا حسام حتى سيفي وسلاحي اللي بتحمي فيه عمل زيهم ووجعني وسكت فانا اتسرعت اعترف بس خرجت مني من كتر غيظي منه قولت اندمه
حسام بتنهيده حزينه انتوا الاتنين غلطانين واحد غلط وانتي صلحتي الغلط بغلط اكبر بس كل اللي اعرفه ان اللي قلبها مع واحد وتشوف غيره علشان تنساه او تقهره مبتدمرش حد غير نفسها لانها هتكون ملگ لراجل تاني وساعتها هتتمني ترجع بيت ابوها وتعيش لوحدها احسن ما جسمها مع حد وقلبها مع حد ودي بقى ربك مايوري احساسها ايه وهتبقي ظلمتي كمان اللي اتجوزتيه وظلمتي عيالك اللي ملهمش اي ذمب ان ماما بتحب عمو ومش عارفه تموف اون خلاص بجد مبقاش فيها تصليح انا مش عارف ايه ممكن يحصل بس ربنا يهدي ناركم يا ياسمين
ياسمين بدموع يارب يا حسام وانا عارفه كويس كلامك ربنا يختار الصالح انا حقيقي مش قادره افكر المهم انك تكلمه وتصمم يجي يفطر معاك الله يخليك
حسام بتنهيده حاضر هكلمه بس لو خيالك هيألك انك ممكن تتخطي مازن وتحبي احمد تبقي بتضحكي على نفسك
ياسمين بوجع مش دايما الحب الاول بينصف عادي طب ما انت مش حب امنيه الاول وحكتلك عن ماضيها وبعد كده ربنا عوضها فيك فعادي
حسام بتنهيده انتي بتقولي اي كلام وخلاص موقف امنيه مختلف هو اه مش شرط الحب الاول ينصفنا بس في حكايه امنيه هي لما اابتدت خلاص تبطل تفكير في اول حب ده حبتني بعدها بسنتين انما انتي بتعشقي اخوه ومتصله تقوليلي اكله وخايفه عليه وانتي مخطوبه انتي متخيله! !!!!
ياسمين بدموع تمام يا حسام مش هقولك كده تاني بس من نفسك خد بالك انت منه بالله عليك
حسام بتنهيده والله ما عارف الاقيها منك ولا منه التاني اتجنن سجاير على الريق ومبيفطرش وامبارح يسكر وحاجه اخر مسخره
ياسمين بصدمه ووجع ايييه عمل ايييه ????
حسام بتنهيده سكر علشان كلام المحاميه اللابقه اللي بتعرف تقول قضايا مرتبه عكت كل كلامها في حقه
ياسمين بدموع ازاي ماازن يعمل كده انا مش قادره اصدق ده عمره ما عملها !!!!!
حسام لا السؤال يتقال ازااي اصلا انتوا توصلوا لكدده ????والباشا مرواح تايهه بردو قاسم غسله وشه بس مفيش مفقش كويس ماشي هيقع
ياسمين حطت ايديها على بوقها بصدمه ودموعها نزلت وتابعت بجد مش عارفه اقول ايه
حسام بتنهيده متقوليش حاجه يا ياسمين ربنا يهديكم بجد
اقفلي وانا هكلمه
ياسمين بدموع باي ياحسام
حسام باي
وقفلت الفون وفضلت تعيط لحد ما غلبها النوم
———————————————
في مكتب يونس قاعد بيراجع اوراق والباب خبط
يونس وهو مركز ادخل
نور دخلت وتابعت بابتسامه صباح النور على احلي دكتور في الدنيا
يونس وهو بيراجع الاوراق وباصص فيهم امممم احلى دكتور وفي الدنيا وقفل الدوسيه وحط ايديه على مكتبه وتابع بابتسامه قالولك عني عبيط مش كده ؟
نور بضحك لالا طبعاا انت بتقول ايه عيب تقول على نفسك كده هو انت في منك
يونس بابتسامه امممم والمطلوب ايه سريعا علشان شغال ??
نور بتمثيل تفاجئ ايه ده ايه ده يا ابيه هو انا هدخل اصبح عليك علشان عايزة حاجه ده انا جايبه اشرب كوبايه قهوه معاك و
يونس بمقاطعه اه و ايه ???
نور بابتسامه ونتكلم كلام عادي خالص زي في البيت
يونس بضحك قصري يا نور وخشي في الموضوع علطول
نور بحماس طب هقولك بس هتسمعني للاخر اوعدني الاول انك هتسمع للاخر
يونس بابتسامه مش هوعدك لاني مش هقنع قاسم تروحي السخنه مع الجامعه بعد الفاينل لان مش قاسم راجل وهيرفض وانا لمواخذه
نور بصتله بتفاجئ فتابع بضحك لا اصل انا عارف النمره دي اخرها ايه من اول صباح الخير وابتسامه التفاؤل اللي ظهرت على وشك وبص للملف وتابع اسمعي كلام جوزك واتلمي يحبيبتي غلطاتك كترت طمنوا الواحد علي واحده فيكم وخلوه باله يرتاح وانهي الموضوع علشان هتزعلي مني لو اتناقشنا كتير فيه
نور بحزن طب بذمتك فيها وحياه اخواتك يا ابيه انا بجد مخنوقه ونفسي اروح وقاسم مقفل اوي كل حاجه لوحدي لالا ولسه كمان مدخلناش بيت واحد اومال بعد الجواز ايه هيحبسني
يونس بتفاجئ لا حول ولا قوه الا بالله يحبيبتي خاايف عليكي هو كل واحد هيخاف علي مراته دلوقتي هيبقي مقفل ماتعقلي كده يا نور احنا مجتمع شرقي وفي اسيووط يعني العرق في العالي بنات ايه اللي تروح السخنه والكلام الفاضي ده لوحدها واختلاط وقله ادب هو انتي جايه تتعلمي ولا تستعبطي
نور بدموع بامانه ياريتني ماجيتلك علشان انت كمان مش فاهمني
يونس بضحك يخربيت ابوكي قولت ايه يعيطك انااا !!!!! والله قولتلك انهي علشان عارف دموعك اللي اقرب من المكتب اللي قاعد عليه ده وقام وقعد على الكرسي اللي قصادها وتابع قولت ايه يعيطك بلشكل ده بذمه ابوكي
نور بدموع مقولتش بس انا تعبت من احساس اني مقيده طول الوقت لو مكنش قاسم يبقي مازن ولا مكنش مازن يبقي انت حاسه طول الوقت ان محدش عايز اللي انا عايزاه حتى الجيم بطلت اتنيل اروحه علشان مختلط هو انتوا مش واثقين فياا ليه
يونس بتفاجئ ايه الكلام الكبير ده مين قالك كده يحبيبتي !!!! قاسم ومازن وانا احنا التلاته بنحبك وقاسم انتي مراته وانا ومازن مربينك علي ايدينا انتي من دور شهد يعني عايزين مصلحتك اكتر من نفسك مازن اللي ضحي بتعليمه علشانك يا نور هيبقى مش واثق فيكي وبيعمل كده قاصد يخنقك ولا انا هحب خنقتك وقعدتك في البيت ولا جوزك اللي بيحبك ومش شايف غيرك هيخنقك ??? لا طبعااا كل مافي الامر اننا واثقين فيكي بس مش واثقين في اللي هيكونوا هناك … حبيبتي احنا في عالم صعب فيه اللي بيخدروا بنات وبيعتدوا عليهم واللي يعملوا فضيحه ويضايقوهم وتحرش وقرف طب ما احنا في غنى عن كل ده يانور
نور بدموع بس انا مكنتش هقعد غير مع صاحبتي اللي اعرفها جداا ومكنتش هكلم حد
يونس بتنهيده طب بمناسبه صاحبتي فأمني لعدوك مره ومن صاحبتك الف مره محدش يضمن ده انا قريت ان كمان ساعات البنات هي اللي بتودي صحابهم للشباب اسكتي يا نور الله يرضى عنك ده انتي حتى لو مجتيش جمبهم المشاكل هتجيلك لغايه عندك
نور بدموع خلاص يا ابيه انا اسفه عطلتك عن اذنك
يونس لا اقعدي ومسح دموعها وتابع متعتذريش قولتلك انتي من غلاوه شهد وياسمين وبحبك وبخاف عليكي قد ايه ووعد مني هقول لقاسم يوديكي السخنه لما تتجوزوا والفندق علي حسابي
نور ضحكت بفرح وحضنته وتابعت يحبيبيييي خلاص سامحتك مش هعيط ربنا يخليك ليا يارب
يونس طبطب على ضهرها تابع بابتسامه يلا روحي شوفي محاضراتك بقى
نور بحب خلصتهم قولي بقى يا دكتورنا يا قمر هسالك سؤال كده وتجاوبني بصراحه
يونس وهو بيقوم يرجع مكانه تابع درجات الميد والشفوي مش هتتقال لانها امانه لحد ما تتعلن بس اقدر اطمنك واقولك انك قد ثقتي فيكي
نور ضحكت بشده وتابعت الحمدلله بس بالله هتخليني ابطل اكلمك انت ايه شايف الكلام على جبيني
يونس بضحك كل الاعيبك اتكشفت خلاص
نور بحب طب عطلتك يا غالي كمل كمل سقط في الدفعه
يونس بكل امانه يعني اشكال تعر مش فاهم ايه جابهم وسطنا في علوم
نور بضحك التسيب اللي بيحصل في الثانويه العامه من تسريبات وتبديل نتايج الناس بفلوس وسيبان بعض اللجان
يونس بضحك لا المره دي بتفهمي هو فعلا ده اللي بيحصل وتنهد وتابع عالم متعرفش ربنا .. ربنا كبير ومش هينسى حق حد تعب واتظلم وغيره خد مكانه هنا بلحرام وضحك وتابع واديه واضح اهو من الاصفار اللي شغاله من صباحيه ربنا
نور فضلت تضحك وتابعت ده انت بتسقطهم بجد يخربيت الضحك مش قااادره
يونس بضحك تعرفي عني اني ظالم ???
نور بابتسامه لا طبعا كله الا انت هو انا هنسى انك نقصتني انا كمان
يونس انا حالف قسم ولازم اكون قده لان محدش قد عقاب ربنا والناس اللي بتنسى ان في رب يحاسب دي هيشوفوا مفاجاه حلوه في الاخر مش خساره فيهم
نور بحب ربنا يكتر من امثالك يا ابيه بجد
يونس تسلميلي يا حبيبتي والباب خبط فتابع يونس ادخل
سيليا بابتسامه: دكتور يونس ممكن ادخل
يونس بابتسامه اتفضلي
نور بهمس جايه ليه ها
يونس وهو باصص للورق تابع بهمس اتلمي واطلعي وكانك مشوفتيش حاجه ورفعلها وشه وتابع علشان الحيوان االلي متجوزاه لو شم خبر انا مش قاعدلكم في البيت انهارده
نور فضلت تضحك وتابعت لالا متخافش سرك في بير يا غالي قاسم بيحفل عليك علشان بيعزك
يونس بضحك علشان مهزق بيموت في التحفيل لو شاف حاجه مبينسهاش خلاص
نور بضحك انت هتقولي منا عارفاه يلا اسيبك مع سيليا
وطلعت وقفلت وسيليا قعدت قدامه فتابع يونس اؤمريني
سيليا بحزن الامر لله كل ما في الامر اني بصراحه جايه اطمن على النتيجه لان ساعه الامتحانات والدتي كانت تعبانه وحقيقي اثرت
يونس بابتسامه الف سلامه على والدتك والزعل اللي باين في عينيكي ده دليل انك طالبه متميزه وشاطره فخايفه من النتيجه بس انا مقدرش اقولهالك دلوقتي لانها امانه وشاور على السما وتابع واللي شافك جمب والدتك وشهد علي تعبك وتاثيرك كان غصب عنك ازاي احسن من الكل واحن من انه يضيع تعبك ومن ناحيتي انا هطمنك بس واقولك شدي حيلك علشان الامتياز قرب
سيليا بفرح بتهزر صح ????
يونس بصلها فتابعت بحرج قصدي بتتكلم جدد يعني ?? سوري يا دكتور اكيد مش قصدي انك هتهزر في حاجه زي كده
يونس بضحك لا فهمت قصدك ولا يهمك يا انسه سيليا ولا مبهزرش انتي تعبتي وربنا كريم
سيليا بفرح الهي يفرح قلبك بجد زي ما فرحتني تمام هقوم انا سوري عطلتك
يونس بابتسامه ولا عطله ولا اي حاجه ربنا معاكي واستمري على كده
سيليا بابتسامه باذن الله هكون عند حسن ظن حضرتك
يونس بابتسامه وانا واثق في كده
———————————————-
بعد شويه كمان في احد اركان الجامعه كليه الحقوق واقفه جودي وبتتكلم في الفون
جودي اه يعني هعرف منين انا ده
الشخص يابنتي وريته صورتك هو عارفك خليكي واقفه بس
جودي تمام ماشي
وبلفعل دقايق وحد جالها وقالها انسه جودي ??
جودي ااه ااه انا
الراجل تمام اتفضلي الظرف اللي البيه باعته ليكي اهو
جودي بابتسامه تمام شكراا تعبتك جدا
الراجل لا تعبك راحه عن اذنك ومشي وهي حطت الفلوس في شنطتها وكلمته
جودي بحب استلمتهم خلاص يحبيبي
الشخص تنهد بعمق وتابع تمام عوزتي حاجه كلميني
جودي بابتسامه اكيد حاضر
الشخص باي
جودي باي وقفلت معاه وكلمت ياسمين
ياسمين صحيت على صوت الفون وتابعت ايه يجودي
جودي بضحك ايه يابنتي انتي نايمه ولا ايه .. ناس نايمه وناس تلجت من الجو انهارده
ياسمين بضحك حقك عليا بجد يا جودي بس فعلا مكنتش هقدر اجي
جودي بابتسامه عارفه بطلي هبل سلمت البروجكت والدكتور فخور بينا جداا والله الواحد مش مصدق انه خلاص هيتخرج ياااه
ياسمين طب والله فعلا حاسه هرتاح وابطل اشيل هم تعبت بجد يا جودي
جودي بحزن عارفه يحبيبتي ربنا يكون في عونك بجد
ياسمين بضحك والله بقول كده وحاسه يوم التخرج هفتكر لما نزلنا انا وانتي مع ماما لبنى نشتري توك بيضه لاول يوم اولى ابتدائي وهيصعب عليا واعيط
جودي بضحك يخرابي عليكي يا ياسمين تعشقي ما يؤذيكي
ياسمين بضحك جدااا على فكره بحب اتعب حقيقي القعده بتتعبني بس انا مبقتش قادره اتعب
جودي بتنهيده وانتي عامله ايه دلوقتي
ياسمين بصت على دبلتها وتابعت بابتسامه مكسوره انا زي الفل متخافيش عليا
جودي بجد بستغرب قدرتك دي انتي بردو مصممه ??
ياسمين بابتسامه مش حكايه تصميم لا اصل ده الواقع
جودي ومازن يا ياسمين ايه !!!!!
ياسمين تنهدت بعمق وتابعت مازن اجمل كدبه ووهم عشتهم في حياتي هعتبره درس اتعلم منه
جودي ده كلاام كله كلام بكره تحني تاني وتاالت
ياسمين متهيالك والوقت هيثبتلك
جودي بتنهيده انا مش عايزه غير سعادتك واشوفك مرتاحه
ياسمين بوجع ومبقيتش مع مازن
———————————————
عند حسام في المكتب
مازن جيه خبط ودخل علطول
حسام بضحك الله ده محدش يجرأ يعملها الحركه دي انا ملحقتش اقول اتفضل
مازن قعد قدام مكتبه وتابع بس ياروح امك هتعملنا فيها ظابط
حسام فضل يضحك وتابع اعملك فيها ظابط اومال انا قاعد بيتحرق دمي ليه هنا طيب ?? وبعدين يا كبير ااكلام ده مش هنا لو حد سمعك قسما بالله ما هعرف احقق تاني
مازن بضحك لا الهيبه بردو عيب عليك
حسام بابتسامه طب يلا مد ايدك معايا الاكل تلج كل ده يا بيه علشان تيجي
مازن طلع سجاره وخد ولاعه حسام اللي قدامه على المكتب وولعها وتابع بقولك سيبك من الجو ده اتصلت عايزني ليه خلص اكلك ونتكلم
حسام يابني حراام على اهلك صحتك ارمي الخرا دي
مازن بتنهيده حسام الله يرضى عنك انا جيت اقدرك لانك قولتلي عايزك في موضوع في وقت يعلم الله انا 0% طاقه لاي جدال فانهي وسيبك مني
حسام بتنيهده انا فعلا جايبك علشان نفطر مش عاجبني وضعك واهمالك في صحتك ده
مازن يعني انت عايز تفهمني انك جايبني مشوار علشان الموضوع هو اني افطر معاك ????
حسام بضحك اه وربنا
مازن ضحك بسخريه وتابع هي اللي قالتلك مش كده ???
حسام بتوتر هي مين ??
مازن بغمز يا حسااام …. عليا انا !!! .. على اخوك وتنهد بعمق وتابع قولها متشغلش بالها بيا يا حسام وتحترم دبله الراجل اللي لابساها وتعقل وتكون قد قرارها وكلامها ولو لمره واحده بقى واتعصب بدموع وتابع لان انا مش هكووون الشوكه اللي تكسسر ضهرررر اخويااا مهما كنت بموت فيهااا
حسام بحزن اهدي بس حقك عليا وقام وقعد قدامه وتابع مازن حقك عليا بس هي خايفه عليك يحبيبي مهنش عليها العشره والسنين و
مازن بماقطعه وبحده العشره والسنين هي مسحتهم بايديها يوم ما فكرت توافق تتخطب لاخويا يعني تحرم عليا خلاص ودموعه نزلت وتابع لازم لما ااشوفها ابص في الارض فعلا زي ما يونس قال هو صح انا مبقاش راجل لو فضلت ابصلها وهي خطيبه اخوياا ده مش انا يا حسام ومهما هي شافتني وحش فبراحتها وتقولي عشره وسنين وضحك من بين دموعه وتابع العشره والسنين دول ماتو وخدنا عزاهم وكلامها كله اثبتلي انها عرفتني امبارح مش من يوم ماجات البيت
حسام بوجع والله تعبان علشانكم انتوا الاتنين النصيب غلاب اوي بجد
مازن بدموع لا مفيش حاجه اسمها نصيب هي بكل ارادتها وافقت باحمد فمش هنعلق اغلاطنا على النصيب هي اللي اختارت ولو قالت لا مكنش وصلنا لكده ياسمين بفعل يبان ليها صغير علشان ترضي غرورها قدامي دمرت عيله كامله علاقتي باخويا اللي اتقهرت لما شوفته جمب حبيبتي وعلاقتي بابن عمي واخويا اللي شال مني واعتبرني مت وعلاقتي بيها ده البيت بقى ميطقش يا حسام الواحد بجد جاب اخره وحط راسه ما بين ايديه
حسام طبطب على كتفه وتابع بتنهيده ربنا كبير قادر يريح بالك وقلبك يارب يحبيبي بس ابوس ايدك كل معاايا
مازن مش هقدر صدقني مش هقدر
حسام خد باقي السجاره منه ورماها وداس عليها وتابع لا هتقدر مش هتزعلني وغلاوه نور واحمد يا شيخ لتقعد وتاكل معاايا لقمتين مش هغصب عليك
مازن نفخ بضيق وتابع استفر الله العظيم يارب
حسام وهو بيجيب الاكل تابع بضحك استغفر من دلوقتي للفجر الاستغفار حلو بس نخلص اكل
مازن ابتسم من بين دموعه وسكت
حسام الواد قاسم مش باين يعني
مازن لاا ولا هتشوفه ده مسك مشروع كبير اوي وشغال عليه في الشركه
حسام يخربيت المخاطره وجاب سيوله منين
مازن دماغه ناشفه عمال يجمع من هنا وهنا ويقول من الارباح هيرجع الفلوس لاصحابها وزيااده
حسام اااه طب ما ده تفكير حلو
مازن اه بس لو ضامن يكسب ما دي المشكله يا حسام ربنا معاه
حسام يارب بجد اديه بيحاول الدنيا صعبه وقعدوا ياكلوا مع بعض
———————————————-
عند زينب وعمر
زينب قاعده ماسكه الفون وفاتحه فيسبوك غيرت صوره االبروفايل لصورتها هي وعمر لان الصور وصلت وكتبت فوفيها
(( رأيته وهو يحاول من اجلي وكان هذا احن مشهد رأيته ♥️ Omar ♥️🧑🏻✈️ ))
ودخلت تقرا روايه وعمر كان بياخد شاور وشويه وطلع لافف فوطه على وسطه وبينشف شعره بفوطه تانيه فبصلها بستغراب وتابع ايه مضحكك كده ومخليكي الابتسامه من الودن للودن
زينب وهي بتضحك بصتله وتابعت بحرج يخربيتك انت ازاي تطلع كدده وغطت نفسها بلبطانيه وتابعت البس يا عمر واخلص
عمر بضحك لا ده انتي اتجننتي رسمي قسما بالله وفتح الدولاب
زينب بحرج بجد البورنص اثر في ايه هااا
عمر بضحك وهو بيلبس تابع البورنص في الغسيل العيب بقى على الحلوه اللي مكومه هدوم قد كده بدري بدري متغسلتش
زينب بضحك الله مش عروسه فطبيعي بغير هدومي كتير انما مش معناه اني مكسله وسبتهم يكتروا
عمر بضحك وهو بيلبس تيشرته طب متقوليش عروسه بس لان انتي لو عامله معنى الكلمه دي متقعديش تحت البطانيه تتكسفي من جوزك
زينب بضحك لالا بطل قله ادب دي نكره ودي نكره تانيه خالص اكيد مش هتفرج عليك بتغير يعني نووو وووي اعمل كده
عمر بضحك وهو بيسرح شعره تابع انا بقى لو انتي مكاني نو بروبلم اعمل كده
زينب فضلت تضحك وتابعت علشان متربتش بجد
عمر راح شال البطانيه فصوتت بحرج وتابعت لالا عمر بجد وبصتله وتابعت بضحك خلاص طلما لبست تمام
عمر وطى على السرير واعتلاها وتابع مين اللي مترباش بقى يازينب ها ؟
زينب بتوتر انا يا قلب زينب مفيهاش نقاش مش انا اللي بتكسف من جوزي يبقى انا انما انت طبيعي زي اي راجل عادي
عمر بضحك اموت انا في اللي يجيب ورا
زينب قلبها دقاته عليت وتابعت عمر قوم
عمر قرب وباس رقبتها بحب وتابع لسه بتتوتري مني والله حاطط ايدي على قلبي على اللي هيحصل فيا لما ارجع من سينا اما لسه مسافرتش وشارب المر
زينب بضحك لا ما هو ان انت تشوفني زي مابترسم في خيالك فا ده بعد اول عيل انشاء الله
عمر بحب طب ما يلا
زينب بعدم فهم يلا ايه ?
عمر بضحك نجيب اول عيل علشان يجي اليوم اللي في خياالي بسرعه
زينب بصتله بتفاجئ وفضلت تضحك وتابعت ياعمرر اتلم بجدد
عمر بضحك لا بجد ولما انتي عايزاني اتلم مع مراتي ابص برا يعني ??
زينب برفعه حاجب وغيره ده علشان اقتلك انت وهي ومترددش لحظه كمان
عمر بضحك مش معقول هتبقي مجرمه يا زينب
زينب مسكته من تيشرته بخفه وهو قريب منها وتابعت علشان عمر لزيبب بس
عمر وطي باسها بحب بعدين سند جبينه على جبينها وتابع وعمر ميقدرش يشوف غير زينب اصلا قوليلي بقى ايه بيضحكك
زينب بضحك فكرتني تاني وفضلت تضحك وتابعت دي روايه بس جميله جدا بجد وبتسليني جامد تقريبا هصاحبهم وانت مسافر
عمر بضحك وهي الروايه ضحكتك كده
زينب بضحك اصل البطل دمه خفيف بجد
عمر برفعه حاجب بطل مين اللي دمه خفيف يا زينب
زينب بضحك لا انت هتغير من بطل الروايه مش للدرجه دي
عمر بضحك متشكريش في حد مذكر عموما قدامي
زينب فضلت تضحك وتابعت ده انت فظيع بجد وبعدين يعمري انت مفيش منك اصلا ومتتقارنش بحد انا بطلي مختلف
عمر باسها بحب وتابع قلب بطلك والله وضمها ليه وباس رقبتها بحب وزينب غمضت عينيها وقلبها دقاته عليت
وفونها عمل اشعار فتابعت بحماس ثواني يعمر اشوف شكله حد عمل كومنت واتعدلت ومسكت الفون فتحته
عمر بضحك والله انتي فصيله فصلان مشوفتوش في حياتي
.. كومنت على ايه اصلا
زينب بحب وحماس علي صورتنا سوا قدام الكل اخيراا بجد الحمدلله يارب غيرت صورتي لوحدي وبقينا سوا بص
عمر مسك الفون وابتسم بحب من شكل الصوره والكابشن وتابع بحب مستعد كنت احاول علشانك العمر كله كمان ده انتي نورعيني وباس ايديها
زينب بحب يحبيبي ربنا يديمك ليا بجد واثقه من كده جداا
عمر بحب هما جم امتى صح ?
زينب بحماس جم من شويه وانت في الحمام تعالى اتفرج معايا عليهم مشفتهومش كلهم
عمر قعد جمبها وخدها في حضنه واتغطوا وفضلوا يتفرجوا
———————————————-
بعد مرور 10 ايام الاوضاع كانت مستقره شويه احمد في دبي وملاحظ البعد بينه وبين ياسمين اللي مش واضح ايه سببه وياسمين بتحاول تلهي نفسها في مشاريع الكليه علشان اخر سنه وهتتخرج ولسه مش قادره تسامح باباها وقاسم ونور جابو حاجات عجبت نور في شقتهم وقاسم شغال علي مشروع في الشركه كبير جداا وهيكسب منه اوي لو نجح بس بياخد فلوس كتيره جدا استلاف على حس المشروع ده … ومازن تايه جدا وعلطول قاعد لوحده واغلبيه يومه في شقتهم هو والشباب على النيل ويونس زي ماهو مشغول في شغله وشهد حاولت تلم اللي فاتها من مذاكرتها لما تعبت وسيف سافر مع العميد الساحل لانهم كانوا في ميتنج مفتوح في اماكن كتير بيفهمه هيعمل ايه لما يرجع الكتيبه وحسام وامنيه بيخرجوا لما بيفضى لانه مشغول جداا وهي كمان علشان في كليه طب الاسنان وزينب وعمر حاله خاصه عوضوا اللي فات جدا😂♥️♥️
على البحر عند سيف والعميد قاعدين بيتناقشوا في حاجات
سيف يا فندم تحت امرك متقلقش والله فهمت كل حاجه
العميد بحب عارف انك قد المسئوليه انا بس الفتره الجايه هقعد شويه بحكم مرضي وهيتولى مكاني حد تاني فالاازم كنت افهمك كل حاجه
سيف تنهد بحزن وتابع وهو بيطبطب على رجله شده وتزول يا قائد وهترجع تنورنا تاني باذن الله
العميد بحزن والله يا ابني حاسس اني مش هخف ده مرض ملعون
سيف لالا هتزعلني منك يا قائد كل ماهو منطوق آت قول هتخف انشاء الله ربنا كبير وانا بتابع حالتك ووالله في تقدم
العميد بحزن انا مش فارقلي يا ابني والله كل اللي واجع قلبي ندى بنتي وشاور على بنت واقفه شعرها لحد اخر رقبتها ولابسه دريس بحر وواقفه تتصور وتابع ملهاش حد غيري فخايف اسيبها لوحدها
سيف بصلها بعدين بصله وتابع بابتسامه ربنا يفرحك بيها وتشوفها عروسه كمان
العميد بحزن تسلم يا ابني والله يسمع منك ربنا
ندى جات عليهم وتابعت بابي بقولك انا هروح المول اجيب شويه حاجات هتعوز حاجه اجبهالك
العميد بتنهيده لا يا ندى متروحيش لوحدك
ندى بحب يا بابي ياحبيبي متخافش المول من هنا 10 دقايق اصلا هروح واجي بسرعه
العميد بتنهيده سيف معلش روح معاها مش هطمن عليها لوحدها هتعبك
سيف بتنهيده ولا تعب ولا حاجه امرك يا قائد وقام وقف وعمل التحيه وتابع عن اذنك ولبس نضارته والشمسيه وكان لابس قميص ابيض مخرجه من برا وبنطلون ابيض وتابع قدامي يا انسه ندى
ندى مشيت جمبه وتابعت اشمعنا انت اللي بابي جابك معانا الويك إند وبعدين هو انت ظابط عنده صح
سيف بابتسامه علشان شغل لازم انا اعرفه و اه طبعا اكيد مش هيجبني يتكلم معاايا كل ده علشان بو دي جارد يعني
ندى ضحكت وتابعت لا مقصدش حقك عليا ياسيدي والكاريزما باينه كاريزمت ظابط وكمان اللي اكدلي ان معندكش دقن
سيف بضحك لا نبيهاا وبسم الله مشاء الله ذكيه ولماحه كمان
ندى بابتسامه منا عارفه يا ابني ده انا الاولى على دفعتي اخر 3 سنين
سيف انتي في كليه ايه
ندى بابتسامه من كتر حبي للتاريخ وكلام بابي المستمر عنه من حضاره مصر وعراقتها وجيشها حبيته جدا فدخلت اثار
سيف بضحك طب حلو جداا تدخلينا المتاحف ببلاش بقى يا سياده المرشده السياحيه
ندى بضحك هو بقى فيها سياحه دلوقتي يا حضره الظابط انا بحبها والله بس اهو ادينا بنحاول وبعدين انت كارنيه الحربيه يدخلك بدالي شخصيا وغمزت
سيف بضحك لا معتقدش اني بتعامل بلطريقه دي في اي حاجه وانتي اسم باباكي هيدخلك حتى لو متدخليش فمتقلقيش يعني
ندى بضحك من غير ما انت تتعامل هي البطاقه بس يشوفها هيقوموا بلواجب وابتسمت وتابعت حقهم احنا كلنا بنفتخر بيكم
سيف بابتسامه مصر طول عمرها عاليه وهتفضل عاليه مش احنا السبب ربنا اولا ثم ايدينا اللي بتتحط في ايدين بعض في الجيش وبنمشي وغيرنا بيكمل لانها بقيت فطره فينا خلاص ومتميزه في كل حاجه
ندى بضحك مش ام الدنيا بقى وانتوا خير اجناد الارض
سيف بابتسامه ربنا يقدرنا ونخليها دايما في امان اللهم احفظ مصر وشعبها
ندى بضحك وجيشها نسيت نفسكم ليه
سيف بضحك لا انتوا تفتكرونا بقى
ندى بضحك اسمك لايق علي شغلك يا سيف
سيف ضحك وتابع تسلمى يا انسه ندى ومحفظته وقعت فخرجت منها صوره
ندى حاسب محفظتك وقعت من جيبك ووطت جابتها وتابعت بابتسامه مين دي حبيبتك ؟
سيف وطيتي انتي لييه ميصحش كنت هجيبها انا وخد الصوره وتابع بتوتر لا دي بنت معرفه طلبت مني اعملها حاجه بلصوره بما اني ظابط بقى فاخدمها فحطيتها معايا في المحفظه
ندى ااه فكرتك بتحب يا سيف البنت قموره بسم الله مشاء الله وضحكت وتابعت يلا تعالى المول اهو
سيف تنهد بوجع وتابع اطلعي هعمل مكالمه وجاي
ندى بابتسامه تمام وطلعت وهو بص للصوره وتابع نفسي انساكي بس كل ما اقرر انسى بنسى اني عايز انسى نفسي اقول بطلتي توحشيني نفسي اتحرر من حبك مع اني مش عايز بس مضطر فاهمه يعني ايه مضطر انا هعيش لشغلي وبس كده كده وشال الصوره في جيبه وتابع بتنهيده مش هحطها في المحفظه تاني مش ناقص تقع في ايد حد ويتعملي تحقيقات وبص للسما وتابع ارجوك حلها انت يارب انا حقيقي تعبت
———————————————-
عند ياسمين وجودي في الجامعه
ياسمين يابنتي اروح معاكي
جودي بحب يحبيبتي انا كويسه عملت اتشك اب بس كلعاده علشان اطمن على نفسي
ياسمين بتنهيده باين عليكي تعبانه يا جودي وطنط مسافره بقالها اسبوع كتير لوحدك الصراحه
جودي بتنهيده هعمل ايه الحمدلله وخلاص المهم روحي انتي انا بخير
ياسمين احمد رن عليها فتابعت بتنهيده حزينه: طيب ياحبيبتي احمد بيرن هركب انا تاكسي وماشيه طمنيني عليكي باي
جودي بابتسامه باي
وركبت تاكسي تاني وراحت العياده
جودي لو سمحتي دكتوره سعاد قدامي ناس كتير
البنت اسمك ايه ??
جودي بابتسامه جودي عبد الله
البنت اتفضلي ارتاحي هتدخلي بعد االلي جوه لسه محدش جيه
جودي بابتسامه تمام وقعدت شويه وبقيت العياده فيها ناس كتير ونادت البنت : جودي عبد الله
جودي اهو جايه وقامت وخدت شنطتها
البنت اتفضلي استشاره صح ?
جودي اه اه استشاره
ودخلت وقعدت قدام الدكتوره فتابعت سعاد بابتسامه نورتيني مشيتي على اللي قولتلك عليه
جودي اه يادكتوره بس لسه الالم موجود
سعاد طب وريني التحاليل اللي طلبتها
جودي اتفضلي
الدكتوره مسكتهم وفضلت تقراهم وجودي متوتره جداا وبعد شويه تابعت مكنتش عايزه اقلقك واخليكي تفكري كتير لحد ما النتيجه تطلع قولت اتاكد واقولك
جودي بخوف خير يا دكتوره
سعاد بابتسامه كل خير هتبقي احلي مامي في الدنيا مبروك يحبيبتي
جودي اتصدمت بشده وتابعت انا حااامل !!!!!!
