رواية الضحية العنيدة الفصل الثاني
_يعني ايه البنت هربت وازاي ؟
يا زياد باشا انا طلعت اشوفها زي ما حضرتك قولتلي لاقيتها مش موجودة وسايبه الورقه دي وكاتبالك فيها انها هتفضحك !!
زياد بصله بضيق وقال بعصبيه من تصرف البنت المجنونه دي'
_اسمع يا علي انت طبعا عارف شكلها عاوزك تقلب الدنيا عليها أنا عاوزها تكون تحت رجلي دي بنت مش سهله وممكن تبوظلي كل خطتي!
علي بتوتر من طلب زياد'
_بس يا فندم انا هعرف عنوانها ازاي دا انا قابلتها مرة وحده بس لما خدرتها وجبتها لسعادتك!
زياد بصله بعصبيه وعروق وشه بانت وقال'
_دي مش مشكلتي يا علي انا لحد دلوقت صابر علي غلطتك ومش راضي اعاقبك فعلشان ماتهورش بق واخلص عليك دور عليها وهاتهالي لحد عندي دي عقابها هيكون كبير لإنها فكرت بس تلعب مع زياد الشافعي.
علي حرك راسه'
_حاضر يا زياد بيه انا هدور عليها متقلقش!
زياد وهو بيبص للمأزون وبيقوله بضيق'
اتفضل حسابك يا مولانا للاسف مفيش كتب كتاب النهارده سيب رقمك مع الاستاذ واحنا هنتصل عليك اول ما العروسه تيجي؟
المأزون حرك راسة وقام وزياد اداله فلوس وبعدها خرج من الفيلا وهو متعصب وفضل علي يبص حواليه لفترة من الوقت وبعدها قرر يخرج ويشوف حل مع البنت اللي هربت من زياد بيه ويشوف عنوانها فين!
_________
علي الطريق الزراعي كانت البنت بتجري بكل قوتها وهيا بتعافر علشان تقدر ترجع بيتها ولاكن لما افتكرت كل اللي حصلها وقفت وهيا منهارة من العياط'
_هعمل ايه مع امي وجوزها بعد اللي حصل ده مش بعيد تموتني ..اه يا شرفك يا ملك اللي ضاع هدر وروحتي في داهيه؟
صرخت ملك باقوي ما عندها علشان مقهوره بعد اللي حصلها فسمعت صوت عربيه جاي من نفس طريق الفيلا فـ استخبت بسرعه في كوم القش اللي علي الطريق..
زياد كان سايق عربيته وهو بيبص في كل حته وهيتجنن علشان يلاقيها دي عنيده ومش سهله ابدا وممكن تدمر حياته المهنيه ..
ملك حطت ايديها علي قلبها وهيا سامعه صوت العربيه بيفرمل قدام كوم القش بلعت ريقها بخوف وتوتر وهيا بتدعي ان العربيه تتحرك بسرعه علشان تاخد نفسها!
كان زياد خرج من عربيته لما لاحظ شكل كوم القش اللي شكله غريب فقرر يقرب منه باعتقاده انها مستخبيه فيه بس قبل ما يلمسه فكر للحظة ان ممكن اعتقاده يكون خاطئ وان واحده زي دي مستحيل تفكر تستخبي ف اش زي دا ،فرجع زياد ركب عربيته واتحرك بيها وملك اول ما سمعت صوت العربيه اختفي من قدامها بعدت الاش من عليها وهيا بتصرخ من التعب .'
_مش هسيبك في حالك يا زياد يا شافعي والله لافضحك واخلي مصر كلها تتفرج علي فضيحتك!
قالت كلامها ومشت في نفس الطريق لحدما لقت عربيه نقل فشاورتلها بايديها وبدات تنط وهيا بتقول'
-اقف استني والنبي؟
السواق وقف العربيه بخضه وهيا قربت منه وقالت:معلش علشان انا تايهه هنا ممكن تاخدني في طريقك!
السواق حرك راسه وطلب منها تركب فجريت بسرعه قربت منه وركبت جمبه وفضلت تشكرة علي مساعدته ليها!
فالعربيه مشيت والسواق عمال يبص عليها ومستغرب شكلها فـ سالها بفضول'
-هو ايه اللي حصلك يا بنتي!
ملك بصتله وقالت'
-مفيش بس وقعت في كوم قش بالغلط وزي ما حضرتك شايف دا بق شاكلي؟
السواق حرك راسه ورد عليها'
-مش تخلي بالك من الطريق يابنتي،بس قوليلي انتي كنتي بتعملي ايه في الطريق دا؟
ملك اتوترت وحركت راسها'
-كنت تايهه زي ما قولت لحضرتك مهوا انا مش هنا وبالغلط لما ركبت تاكسي نزلني هنا ومشي وفضلت تايهه مش عارفه اروح فين؟
السواق بحزن'
-لا حول ولا قوة الا بالله ازاي سواق تاكسي يجيله قلب يسيبك لواحدك في مكان زي دا؟
ملك بعصبيه'
-ربنا ينتقم منه ماكان ما راح'
السواق:ربنا ياخد الأشكال اللي زيه!
ملك بصت للسواق وحركت راسها وبعدها فضلت تبص علي الطريق لحدما نامت وصحيت بعد وقت علي ايد السواق اللي بيصحيها'
-احنا وصلنا وسط البلد يا بنتي حابه تروحي فين!
ملك بصت حواليها بلهفه'
-هنزل هنا شكرا اوي يا عموا والله ما عارفه اقولك ايه؟
السواق بابتسامه'
-الشكر لله يابنتي ابقي خلي بالك علي نفسك بعد كده ومتركبيش مع اي تاكسي سواقه مش كويس تاني!
ملك وهيا بتفتح الباب علشان تنزل'
-حاضر يا عموا!
السواق اتحرك بالعربيه وهيا حاولت تنظف هدومها لحدما وقفت تاكسي وطلبت منه يوديها عنوانها؟
_________
وفي شقة في وسط حي سكني!
كانت الست شوق بتنشر هدوم في البلكونه وجوزها الاستاذ مرعي قاعد جمبها بالفنله والشورت وبيشرب سجاير وبيتكلم وبيسالها'
-امال فين ست الحسن والجمال بنتك مجاتش امبارح ليه؟
شوق وهيا بتبصله بانتباه'
-ملك قالتلي لو اتاخرت هتبات عند صاحبتها علشان يعني مش هتعرف تجي لوحدها لان الوقت هيكون اتاخر؟
مرعي بضيق من كلامها'
-وانتي مصدقاها بق وفاكره انها بكده بتقول الحقيقه ،انتي والله علي نياتك ومش فاهمه دماغ البنات بتوع اليومين دول؟
شوق بسخريه علي كلامه '
_وانت بق اللي تعرف دماغ البنات بتوع اليومين دول؟
مرعي حرك راسه '
-طبعا عارف ،دي اكيد قالتك كده علشان متوجعيش دماغها اتصالات ايكد رايحه تقابل واحد او الحفله دي فيها شباب ما انتي هنا مش دايره بحاجه وبنتك مقضايها وماشيه علي حل شعرها؟
شوق اتصدمت من كلام مرعي وبصتله وقالت بلوم'
-اخص عليك يا مرعي بق تشك في ملك بالطريقه دي ،دي زي بنتك يا راجل والبنت محترمه وزي الفل وتربية ايدي؟
مرعي بسخريه عاليه'
-محترمه !!وهو فين الاحترام دا لما تبات برا بيتها !! تقدري تقوليي انتي مصدقه كل كلامها اللي قالته وانها دلوقت نايمه في بيت صاحبتها؟
بدا الشك يزيد في قلب شوق وقالت'
-ايوا طبعا واثقه ما انا كلمت شاهي صاحبتها وهيا طمنتني انها معاها!
مرعي وهوا بيبصلها بسخريه'
-متأكدة يا شوق،ولا بتقولي كده علشان تسكتيني!
شوق بضيق'
-خلاص بق يا مرعي مدخلش دماغي بحجات فاضيه وايوا كلمتها وسمعت صوت ملك كمان وبالاماره زمانها جايه في الطريق!!
شوق خلصت نشر للغسيل بتاعها وقررت تدخل اوضتها وتفكر في كلامه وقعدت شوق علي السرير وهيا بتراجع كويس تربيتها لبنتها وبعد تفكير طويل لقت ان بنتها كويسه ومستحيل تكون بتكدب عليها!
كانت ملك وصلت البيت ورنت الجرس فقام مرعي يفتح الباب واول ما شاف ملك ضم شفايفه'
_حمدلله علي السلامه يا ست الحسن كنتي فين من امبارح؟
ملك ضمت حاجبها واتضايقت من اسلوبه فاتكلمت'
-كنت عند شاهي صاحبتي مانا قايله لماما؟
مرعي بشك من شكلها'
-ماشي يا ست ملك اما نشوف الايام كتيره جايه !
دخلت ملك وهيا متعصبه من اسلوبه الرخم معاها ف دخلت اوضتها تغير هدومها وتاخد شاور علشان تفكر هتعمل ايه في المصيبه اللي حصلتها .
وعند مرعي كان دخل غرفه نومه وبص لمراته اللي قاعده وبتفكر وقال:الست هانم رجعت من برا وكان شكلها غريب مش قولتلك انا مش مستريح للبت دي وحاسس ان وراها حاجه؟
شوق وقفت وهيا بتقول باستغراب'
_شكلها غريب ازاي يعني تعبانه مثلا؟
مرعي بسخريه'
-لا هدومها متبهدله وشكلها مش مظبوط كده!
شوق ردت عليه بمقاطعه'
-مادا طبيعي يحصل من المواصلات بقولك ايه يا مرعي سيب البت في حالها ومتشغلش بالك بيها؟
مرعي حرك راسه '
_والله انا بقول كده علشان خايف عليكي وعلي سمعتك اكيد مش حبا في اهلها يعني؟
شوق سابته وخرجت من الاوضه بضيق وراحت لاوضه بنتها لاقتها قافله الباب فندهت عليها'
_افتحي يا ملك يا حبيبتي طمنيني عليكي '
اتوترت ملك من وجود والدتها فردت عليها'
_ثواني بس ياماما هغير هدومي "
شوق حركت راسها وقالت:خلاص يا حبيبتي هستناكي في الصاله علشان عايزه اتكلم معاكي في موضوع؟
ملك حركت راسها من ورا الباب وردت علي والدتها علشان تبلغها موافقتها'
-حاضر يا ماما ثواني وجايه وراكي'
مشيت شوق وراحت للصاله وملك غيرت هدومها بسرعه وبدات تظبط شكلها وخرجت لوالدتها!
ملك وهيا بتقرب من امها اللي قاعده علي الكنبه '
-عاملة ايه يا ماما يا حبيبتي معلش اتاخرت عليكي!
شوق بصت لبنتها وكلام مرعي بيتردد في دماغها وقالت'
-تعالي يا ماك اقعدي ،ملك حركت راسها وقعدت جمب والدتها واللي قالت'
-قوليلي الحفله كانت عامله ازاي انبطسوا!
مرك اتوترت شويه ولكنها ردت'
-ايوا يا ماما الحفله كانت جميله وكلنا انبسطنا وعلي فكرة احنا كنا بنات بس ..
واللي خلاني ابات عند شاهي هو ان الوقت اتاخر وهيا مردتش تخليني امشي لواحدي!
شوق حركت راسها بالموافقه وقالت:ماشي ياحبيبتي قوليلي هتروحي الشغل ولا هترتاحي النهارده!
ملك وهيا بتبص في ساعتها!
الوقت اتاخر شويه بس هروح علشان المديره ممكن تخصم مني ربع المرتب لآنها محظره اني محدش يغيب!
شوق طبطبت علي كتفها'
-روحي يا بنتي ربنا يصلح حالك!
قامت ملك من قدام والدتها وهيا بتغمض عينيها برعب فدخلت اوضتها تظبط لبسها من تاني وتاخد شنطتها علشان تروح الشغل وفي الوقت دا كانت شاهي صاحبتها وصلت بعربيتها قدام بيت ملك فلما شافتها ملك جريت عليها بسرعه وقربت منها حضنتها وقالت'
-الحقيني يا شاهي انا في كارثة!
شاهي بقلق علي صديقتها'
-كارثه ايه يا ملك انطقي وليه مجتيش الحفله امبارح!
ملك بصت حواليها وقالت:خليني نمشي من هنا بسرعه علشان محدش يسمعنا وانا هحكيلك كل حاجه!
شاهي حركت راسها واتحركت بالعربيه وكانوا في طريقهم للشغل وقبل ما يدخلوا لمبني الشغل ملك قالت بخوف:امبارح انا معرفتش اجي الحفله علشان انا اتلغبط في اسم المكان اللي عملتوا فيه الحفله وروحت بالغلط كباريه بنفس الاسم ومعرفتش اخرج بسبب انهم فكروني واحده من البنات الجديده وواحد فيهم خدرني ومحستش بنفسي غير وانا في فيلا لواحد اسمه زياد الشافعي و..
شاهي بشقه:متكمليش يا ملك ..يا دي المصيبه؟
ملك ببكاء '
_انا مش عارفه اعمل ايه ولا اتصرف ازاي هوا عرض عليا الجواز بس انا كنت عارفه ان واحد زي دا اكيد هيضحك عليا فهربت منه بس وعدته،،وعدته اني هفضحه وهخلي مصر كلها تتفرج عليه؟
شاهي بصدمه'
-انتي بتقولي ايه وتفضحي مين ،انتي كده هتفضحي نفسك مش هوا انتي ناسيه انك في مصر يعني مستحيل حد يصدقك وهوا بفلوسه يقدر يقنع اي حد انك كدابه، انتي غلطانه يا ملك وبدل ما تخرجي من المارثه وقعتي فيها اكتر؟
ملك بتوتر '
-يعني هعمل ايه يا شاهي انا خوفت دا شرفي ..، شرفي ضاع يا شاهي انا مبقتش بنت خلاص؟
شاهي عيونها وسعت من الصدمه وقالت:انتي قولتي اسمه ايه اللي فكرك فتاه ليل دا واغتص/بك؟
ملك بدموع:زياد الشافعي!
