رواية عشق دون بصر الفصل الثانى بقلم ارواح تائهه
رعد: اه، هتعرفي تنزلي ولا أساعدك.
عشق: لأ شكراً.
عشق حاولت تنزل، نزلت من العربيه بس مكنتش عارفة هتروح فين.
عشق: استاذ رعد ممكن تساعدني.
رعد: ما كان من الأول بس يلا ما علينا.
رعد راح مسك ايد عشق بس هي برضه مكنتش عارفة تمشي كويس فبدون أي مقدمات رعد شالها وهي تمسكت فيه.
رعد ودي عشق اوضته ورماها علي السرير.
عشق: اه ضهري اتكسر اه ليه طب ترميني كده اه.
رعد: ما كفاية خلاص كل ده علشان رميتك اومال هيحصل فيكي ايه بعدين.
عشق: قصدك ايه.
رعد: هتفهمي اكيد بس مش دلوقتي، اتني بس اتخمدي دلوقتي.
عشق: وهنام بالفستان كده.
رعد: وأنا مالي متقلعيه.
عشق: طب ممكن توريني طريق الدولاب والحمام.
رعد اخدها وهما ماشيين عشق كانت بتحط ايدها علي الحيطان بتاعت الأوضة.
رعد: وايه ده كمان ليه بتلمسي الحيطة بقا.
عشق: بحفظ الطريق بس.
رعد: اه طب يا ستي اهو الدولاب.
عشق: تمام فين الحمام بقا.
رعد: تعالي اوريكي.
عشق: تمام دقيقة اطلع هدومي اللي هلبسها.
رعد: بسرعة يا ريت مش فاضيلك.
عشق طلعت هدومها بسرعه وراحت مع رعد.
رعد: وصلنا.
عشق: طب ممكن توريني فين البانيو والدش يعني ورهوني من جوه.
رعد دخل معاها ووراها طريق كل حاجة فيه.
رعد: كده تمام ولا اجي اسبحك بالمرة.
عشق: لأ شكراً، كتر خيرك.
عشق اخدت دش وقلعت الفستان بعد معاناه كبيرة وغيرت لبسها وطلعت من الحمام وهي بتلمس الحيطة علشان تعرف الطريق.
وصلت للسرير بتلمسه لقت رعد نايم عليه.
فضلت تلمس في وشه وملامحه كانت حلوة وكان عنده دقن بسيطه، رعد حس بيها وصحي.
رعد: واخيراً طلعتي اتفضلي نامي.
عشق كانت رايحة تنام علي السرير بس رعد وقفها.
رعد: وانت رايحة تعملي ايه بقا.
عشق: هنام ليه فيه ايه.
رعد: تؤ تؤ تؤ مينفعش نناموا علي سرير واحد وبما انه مفيش كنبة اتفضلي نامي علي الأرض.
عشق: لأ حرام عليك أنا جسمي بيوجعني من نومة الأرض.
رعد: ملييش دخل أنا مش بحب أنام علي الأرض واصلا السرير بتاعي يعني مش هسبهولك.
عشق قامت من علي السرير ونزلت علي الأرض ونامت.
بعد ما عشقت نزلت تنام علي الأرض.
عشق في نفسها: ايه ده هو مخلوق من ايه أنا هتتلج، ايه هو معندهوش ذرة رجولة دا المفروض أنا بنت. بس سيبك منه، بس برضو حتي يديني بطانيه اتغطي بيه أو اي حاجة، أنا مش كلبة مشتريها.خلاص خلاص بطلي حتي تفكري في حاجة تخصه هو ميستاهلش. يلا نامي…..
نروح عند رعد: طب خالي قالي اتجوزها ومعملهاش كويس ليه وبرضه ايه السبب اللي خلاه يعمل فيا كده ويجوزني لوحده عميه وكانت سبب اني اعيش من غير أمي، بس مش مهم اهو بكره جاي وهيقولي السبب. وراح في نوم عميق.
تستيقظ عشق وظهرها متكسر علي الآخر.
عشق: اه ظهري حسبي الله ونعم الوكيل فيك يا بن عمي. هو مش في الأوضة لأ صوت نفسه واضح اهو، طب اصحيه هو قال انو المفروض نسافر بدري، لأ وأنا مالي بيه، بس حرام ويعني لو صحي متأخر هيتعصب وعصبيته كلها هيفضيها فيا، خلاص هصحيه «توكلت علي الله ولا حول ولا قوة إلا بالله ».
ركبت عشق علي السرير وفضلت تتحسس عليه لحد ما وصلت لوجه رعد.
عشق: اه وأخيرا وصلتله.
أستاذ رعد اصحي…يا استاذ رعد
رعد: امممم سيبيني دقيقه يا ماما.
عشق في نفسها: يلهوي ماما مره واحده، وأنا لحقت اخلفك امتي، ولا أكنش خلفتك في بطن أمي.
رعد: مين انتي يا بت.
عشق بسخرية: أنا عشق مراتك يا حضرة الدكتور.
رعد: اه انت البت اللي اتجوزتها امبارح، بنت عمي محمد، وانت بقا عايزة ايه.
عشق: والله لو عليا مش هكلمك، بس الساعة تمانية وانت قولت اننا هنسافر انهاردة بدري.
رعد: اه، تمام روحي اتزفتي البسي.
عشق بهس: ايه ده حتي مقلش شكراً.
رعد: بتقولي حاجة.
عشق: تؤ تؤ خالص انت سمعتني بقول حاجة، أنا بس بقول مش هنفطر قبل ما نروح.
رعد: لأ مش هنفطر، أنا بستحمل وانت أنا ملييش دخل بيكي.
عشق دخلت الحمام وهي بتلمس الحيطان زي ما متعودة، وهي حفظت الطريق اصلا اتوضأت وصلت، وبعدها راحت لبست دريس وامها كانت حطالها الدريس والطرحة مع بعض علشان متحترش ولبست كوتش ابيض وكانت قمر.
……………… هي كانت لابسه دريس زهري وطرحة بيضاء وكوتش ابيض.
وهي نازله رعد كان نازل قدامها.
رعد بسخرية: وانت هتعرفي تنزلي لوحدك بقا.
عشق: اه يا أستاذ رعد انا متعودة وربنا مش بياخد من عبد حاجه إلا ويعوضو ببديلها والحمد لله يعني النظر مش كل حاجة ومش لو فقدته هموت.
رعد: خلصتي محاضراتك، يلي انزلي.
نزلت وراحت للعربيه بتاعت رعد وركبت من قدام.
رعد: وهي بقي هتوصل امتي، يا ربي دي ملكه التأخير ولو رحت من غيرها خالي هيزعل.
: رعد الحمد لله انك مامشتش، آسفه خالص إني اتأخرت.
رعد: طيب بس كفاية تأخير، يلي اركبي.
وفتحلها باب العربية.
: رعد هي مين دي اللي قاعدة.
رعد: انت ايه اللي قعدك هنا، قومي اترزعي ورا يلي.
