رواية غموض الحب عائلة الرفاعى الفصل الثامن و العشرون بقلم لولا
يونس باس جبينها وتابع اطلعي هاتي حاجتك ويلا هوصلك معاه وارجع انا
ياسمين بفرح يارب يخليك ليا ينورعيني وطلعت بسرعه
عز رايح يتكلم فتابع يونس سيبها الله يخليك يمكن تهدي وسط اهل امها شويه كفايه ارجوك
عز بحزن خلاص يا ابني اعملوا اللي انتوا عايزينه عن اذنكم وطلع
وطلعت ياسمين جابت حاجات هتحتاجها ونزلت مع يونس
ياسمين بحب خالو تعالي
صلاح بابتسامه ها يحبيبتي خلصتي ??
يونس بحب السلام عليكم
صلاح بحب عليكم السلام ازيك يا ابني ايه الاخبار
يونس بابتسامه نحمد ربنا بخير معلش هوصلها بعربيتي علشان نتكلم شويه وانت خليك قدامنا علشان اعرف العنوان وابقي اجيلها لما اعوزها ده بعد اذن حضرتك
صلاح بحب ده بيت ياسمين التاني يعني بيت اختك يا ابني فتنور من غير ما تستأذن وحاضر همشي انا وانت هاتها وورايا
يونس بابتسامه تسلم يا غالي
وبلفعل يونس ركب وجمبه ياسمين وقدامهم صلاح في عربيته
بعد شويه وصلوا ونزلت ياسمين وخدت شنطتها
يونس بحب انچوي
ياسمين بحب حبيبي يخليك ليا وحضنته وتابعت بغمز حاسب تتعاكس بس وانت راجع مز لوحدك كده الدنيا ليل ها
يونس قعد يضحك وتابع ده والله مفيش اجمل من عيونك وباس خدها وتابع بحب ربنا يسعد قلبك وحياتك يحبيبتي وتنهد بعمق وتابع وفكري في موضوع خطوبتك ها انا ضدهاا جداا
ياسمين بتنهيده حاضر يحبيبي هفكر يلا هطلع انا وشاورتله بايديها
يونس بحب باي يحبيبتي ومشي بعربيته وهي دخلت حوش العماره وطلعت مع خالها
صلاح بصي هما تلاقيهم نايمين فانتي خشي نامي والصبح هعرفك عليهم باذن الله
ياسمين بحب ماشي حاضر
وفتح الباب ودخلوا فشاورلها وتابع اخر الطرقه في اوضه هي دي هتبقى اوضتك
ياسمين بحب ماشي يا خالو تعبتك
صلاح بحب بس يعبيطه ده انتي بنت الغاليه
ياسمين ابتسمت ولفتت نظرها صوره كبيره في الصالون لبنت شعرها طويل قموره جدا وعينيها عسلي وخدودها حمر وشبها بلظبط فدموعها نزلت وتابعت ماما !!!
صلاح بحزن الله يرحمها يا بنتي وطبطب علي كتفها
ياسمين بدموع دي جميله اوي وصغيره اوي
صلاح بحزن الموت ميعرفش سن ربنا يحفظك يابنتي وتنهد بعمق وتابع يلا روحي نامي بقي كفاياكي انهارده ولما تصحي نتكلم واعرفك عليهم
ياسمين بدموع حاضر بس انا عايزه صوره زي دي حجمها كويس يا خالو اخدها معايا فكل حته في شنطتي علشان خاطري
صلاح بحب من عيني يا قلب خالك هجبلك واحده
ياسمين بحب تسلم عينيك يارب وشالت شنطتها ودخلت اوضتها وقفلت الباب وخدت شاور في الحمام اللي في الاوضه ولبست بيجامه كم وبنطلون مريحه ونامت علي السرير واتغطت وغمضت عينيها ولما ابتدت تروح في النوم سمعت حد فتح الباب فخافت وفتحت عينيها بصدمه من تحت البطانيه
باسم بحب طب ايه هتفضلي مقموصه مني لحد امتى كل شويه لما نزعل من بعض تسيبي الشقه وتنزلي تنامي هنا اصول دي يعني ??? وفك زراير قميصه ورماه وقفل الباب وتابع بحب هصالحك انا دلوقتي انا عارفك بتزعلي بعدين انا بعرف اصالحك بطريقتي ونام جمبها ورايح يضمها فياسمين صوتت وقامت مخضوضه
باسم بخوف في ايه يخربيت اهلك ماالك عملتلك ايه
ياسمين شغلت النور وتابعت بخوف وصراخ انت مييين يا حيووااان يا خااالو يا خاالوو تعالى بسرعه وغمضت عينيها بحرج لانه قالع قميصه
باسم بصدمه وصرع يخربيت اهلك قطعتي خلفي مين انتي يابت وخالك مييين اللي بتندهيه
كلهم جم على صوتها بخوف وفتحوا الباب
صلاح اتصدم من شكل ابنه وتابع بعصبيه يخربيت اهلك انت بتعمل ايه هنا يا حيوان وازاي واقف كده قدامها
ياسمين عيطت وجريت حضنته وهي جسمها بيترعش وتابعت بخوف مين ده مين ده يا خالو
حبيبه جابت طرحه ولفتها على شعر ياسمين وتابعت بضحك بس يحبيبتي اهدي اهدي ده باسم اخويا مش حد غريب وفضلت تطبطب عليها
هايدي مراته بحرج انت ايه اللي انت هببته ده يا باسم البس هدومك كسفتنا ووطت جابت القميص وادتهوله وهي محرجه جدااا
باسم بحده ده انا هطلع عين اهلك بس الصبر علشان انا فاكرك انتي اللي نايمه ما انتي كل ما تتقمصي مني تنزلي تقعدي عنده ولا اكنه ابوكي انتي مش ابويا انا حاجه تقرف ولبس القميص بضيق وهايدي وقفت تقفله وهي محرجه من الموقف اوي
صلاح بحده ابوها غصب عنك يا حيوان وبيتها وتقعد فيه براحتها انا معرفش ان هايدي نزلت انهارده فقولت لبنت عمتك تدخل تنام في الاوضه لو كنت اعرف كنت دخلتها اوضه تانيه خلاص سوء تفهم وعدا على خير
احلام بحنيه يعمري كفاياكي خوف ده باسم ابن خالك وزي اخوكي هو بس ميعرفش ان صلاح هيجيك لانه قاالي انا بس وانا عرفت حبيبه ومروان انك اخيرا جايه وهتنوري بيت خالك وتعرفي اهلك انما مشوفتش باسم علشان اعرفه هو عارف بيكي بس مشفاكيش ولا مره فهو فكرك هايدي مراته حقك عليا يا قلب مرات خالك
ياسمين ابتسمت بحب ومسحت دموعها وتابعت خلاص حصل خير يا مرات خالي ربنا يخليهم لبعض انا بس اتخضيت وفهمت غلط خالص وجيه في بالي 100 سناريو اصل انا اول مره ابات برا البيت فمش عارفه مين ده وبيقول ايه حسيت بصدمه
مروان بضحك وهتبقي اخر مره بسبب الصرع اللي عملهولك باسم وفضل يضحك وتابع معلش حقك عليا
ياسمين بابتسامه لا خلاص الحمدلله عدت مفيش حاجه ولا يهمك
باسم بضحك خف دمك واسكت يامروان علشان مهزقكش قدامهم
حبيبه بضحك ماتخف من على الواد شويه يا روميو ياللي جاي تصالحها ها وغمزت وتابعت اهو انت كده تضايقها وترجع تصالحها اه منك يا باسم ومن عمايلك
باسم بضحك بس يابت اخرسي خالص
هايدي بحرج انت عملتلها ايه يا باسم علشان تخاف كده
باسم بضيق ولا حاجه قلعت القميص ورايح احضنها صوتت ولمت امه لا الا الله عليا بس صبرك عليا وحياه چيلان هوريكي علشان حطيتي الواحد في موقف زباله
هايدي بحرج ولا حاجه اه ياريتني ماسالتك يقولوا ايه عليا دلوقتي
كلهم ضحكوا فتابعت ياسمين بابتسامه طب والله بيحبك وجاي يصالحك الراجل عديها بقي ومتبقيش نكديه
هايدي بابتسامه وحرج يصالحني اه متعرفيش انتي مصالحه الرجاله وضحكت وتابعت بصي اقعدي سنجل يابنتي راحه بجد ولو بتفكري تاخدي الخطوه بلاش
باسم برفعه حاجب يعني ايه يا هايدي مش فاهم ??
هايدي بضحك مش بنصح البت يحبيبي اكدب يعني انت نورعيني مقدرش انكر بس المسئوليات كتيره اوي
باسم بقى كده طب تمام اوي هاتي بنتي بقى علشان مش عارف انام من غيرها ويلا
ياسمين بحب معاكم بنوته ??
هايدي بحب اه چيلان اربع سنين وبصتله وتابعت بتاخد شاور يا باسم قاعده في البانيو هتخلص وهطلعهالك
باسم شدها ليه وتابع بحب لا انا اقصد بنتي الكبيره مش الصغيره
هايدي ابتسمت بحب بس كانت محرجه منهم وحاسه بتوتر فتابع صلاح بضحك انت يحيوان واقف تعاكس في البت وتقربها منك كده قدامنا من غير ماتتكسف والله انت عايز تتربى
باسم بضحك يووه ما كفياكم فصلان بقى ماهي مراتي هي واحده غريبه يجدعان
مروان بضحك مراتك اه محدش يقدر ينكر بس فوق الكلام ده ياخويا مش قدام الشعب كده
باسم بضحك والله يا واد يا مروان عندك حق اول مره تقول حاجه صح يلا يا ام چوچا علشان انتي زعلانه مني وعايز اصالحك وعمتو العقربه هتطلعلنا البت
حبيبه بضحك عقربه تلدعك يا بعيد
هايدي بضحك بس يحيوانه متدعيش على جوزي الف بعد الشر عليه
باسم بحب قلب جوزك والله كل مره تأنبي ضميري لما ازعلك بحنيتك دي وباس جبينها وتابع يلا احنا بقى وحبيبه هتجيب البت ورانا
هايدي بضحك وحرج بس يا باسم اتلم اهلك واقفين وانا هخلص وطالعه خلاص والله
باسم بضحك مضمنكيش قسما بالله رجلك على رجلي مش نزلت اصالحك واتفضح قدامهم واطلع من غيرك لا مش هيحصل
هايدي بضحك لا طالعه خلاص وحياتك عندي
صلاح بحده وهو عملك ايه الواد ده يا هايدي
هايدي بحب ضايقني شويه وكنت حالفه هسلطك عليه بس بما انه نزل يصالحني وياسمين شهدت بنفسها فخلاص مسمحاه المره دي ياباابا نشيلك للتقيله متقلقش انت عارفني وضحكت
ياسمين بضحك اه والله احنا بنات زي بعض فمش هكدب واطبل للصنف ده عيب عليكي
حبيبه بضحك مع ان اسمك ياسمين عز اصلا بس يلا
كلهم فضلوا يضحكوا فتابعت ياسمين بضحك لالا انا اول مره اخد بالي بجد بس عموما بابا اسمه عز الدين احنا بنختصر ياسمين عز ايه بجد هتخلوني اعيط مبحبهاش
هايدي بضحك ومين بيحبها دي بت ملزقه والله العظيم وانا صدقتك خلاص الوش القمر ده اصلا ميكدبش
ياسمين بضحك حبيبتي تسلميلي
مروان بضحك اما ناس حقوده صحيح علشان مش عارفين تعلموا زيها مش بتحبوها
حبيبه بضحك نحب مين ياللي يحبك بورص انت دي بت ملزقه والرجاله قبل الستات مش بطيقها
هايدي بضحك اه دي متصنعه اوفر مفيش كده بجد
ياسمين بضحك يمكن في تشابه اسامي اه وحقيقي خدت بالي من حبيبه بس انا ماليش في الشخصيه الملزقه دي ثقوا فيا دول صنف ميتساهلش اصلا
هايدي بضحك باين والله العظيم ربنا يحميكي قمر ورقيقه
مروان بضحك صنف ميتساهلش اخص عليكي بجد طب ده انا مش هتجوز غير واحده تقولي يا استااذ مروان الست دي بتتكلم كلام من دهب بس محدش مقدرها
ياسمين بضحك يبقى مش هتشوف جواز يا استاذ مروان
حبيبه بضحك قال استاذ مروان قال حكم
هايدي بضحك انت عايزه واحده تظبطك وتفوقك من الاحلام اللي انت عايش فيها دي يا مارو بجد
مروان بضحك مفيش الكلام ده يا مرات اخويا عيب عليكي كارف للصنف
باسم بضحك جدع يا واد يا مروان متغلطش غلطه اخوك استمر
هايدي زغدته بايديها فتاوه بوجع وتابعت برفعه حاجب والله !!!!
باسم بضحك هو انا اقدر يعمري منا زعلتك ونزلت اصالحك اهو عيب عليكي يا ام جوجااا ده انتي الحاجه الحلوه اللي في حياتي
صلاح وانت مش ناوي تعقل يا ابن الكلب ده انت عندك 28 سنه وبقيت اب مش هتبطل تضايق في البت الغلبانه دي كل شويه وتنزلها شايله منك
باسم بضحك اممم بدانا هي غلبانه وانا اللي ابن كلب انت لو جايبني من ملجئ مش هتعاملني كده يا حج
كلهم ضحكوا فتابعت احلام بضحك علشان عارفك عصبي ولسانك متبري منك والبت هاديه ومبتغلطش
باسم بحب باس جبينها وتابع هي فعلا مغلطتش وعلشان كده انا جيت اصالحها مقدرش اسيبها زعلانه دي ام بنتي وحبيبتي هو انا ليا غيرها وغمز بضحك وتابع وسيبي جوجا لعمتها ياسمين انهارده خليها ترحب بيها بلاش تطلعيها
هايدي بضحك وحرج يا ابني اتلم وكمل جمله سالكه الناس تقول ايه
كلهم ضحكوا فتابعت ياسمين بحب وحماس طب والله خلوها فعلا
هايدي بحب لا طبعا ارتاحي انتي سيبك منه
باسم بضحك بس يابت هي هتاخدها خلاص اهو طب والله عمه جدعه اجدع من حبيبه العقربه
حبيبه بضحك ماشي يا سيدي تشكر
ياسمين بحب طب امانه عليكي لتسيبيها انا اخويا نشف ريقنا ومش راضي يتجوز وباسم ابن خالي فا زي اخويا وبنته بنت اخويا فسيبيهالي انهارده احس الشعور ده وضحكت وتابعت وركزي مع ابوها علشان شكله عايزك في مواضيع مهمه
باسم بضحك والله عندك نظر وبتفهمي فعلا مواضيع مهمه جداا هنناقش فكره السد العالي وقناه السويس وممكن نطلع على اسباب سقوط الدوله العثمانيه
كلهم فضلوا يضحكوا فبصتله هايدي بحرج من بين ضحكها وهمست ماشي صبرك عليا انهارده
ياسمين بضحك بجد مش قادره فظيع فعلشان تلحقوا تناقشوا كل ده سيبي جوجا معايا
چيلان دخلت وهي لابسه بورنص صغير على قدها وتابعت يا مامي بقالي كتير بنادي عليكي
هايدي شالتها وتابعت بتفاجئ ايه ده يااروح مامي حقك عليا يعيوني مسمعتكيش كله من ابوكي اللي عايز يتربى
باسم بضحك ملقياش حاجه تلبسيها لابوها انتي
احلام بضحك انت هتقولي غلبان يا ابني بتيجي عليك هايدي
مروان بضحك ده والله هايدي هي اللي صعبانه عليا
باسم بضحك بس يحيوان اخرس
ياسمين بحب اسمك ايه يا قمر انتي
جيلان بابتسامه چيلان
ياسمين باعجاب الله ايه الحلاوه دي تعرفي اسمك معناه ايه ??
جيلان بحب اه بابا قالي يعني غزاله صغيره
ياسمين بضحك ايه يخواتي العسل والشطاره دي طب تعرفي انا مين
جيلان هزت راسها ب لا فتابعت ياسمين بحب انا عمتو اخت بابا
جيلان بتفكير زي حبيبه صح??
كلهم ضحكوا فتابعت حبيبه بصدمه : حبيبه !!! ده انتي تربيه باسم فعلا مش هايدي لا
باسم بضحك يابت هجيلك اديكي علقه تقعدك في السرير شهر خليني ساكت وسايبك بصحتك كده عايزين نتنيل نفرح بيكي
هايدي بضحك ماهي تربيتك صح انا علطول بقولها قولي لحبيبه عمتو
ياسمين بضحك اه زي حبيبه بس حبيبه عمتو وانا عمتو اتفقنا
جيلان بحب اتفقنا
ياسمين بحب ممكن تسيبي بابا وماما وتقعدي معايا انهارده ??
جيلان بصتلها بتردد فتابعت ياسمين بحب وعندي العاب على الفون وكرتون اميرات مستعده نسهر عليه سوا لحد ماتعوزي تنامي ايه رايك
جيلان بحماس موافقه يا عمتو
ياسمين بفرح يا قلب عمتو وشالتها من هايدي وتابعت بحب صاحبتي دي خلاص
احلام بحب طب انا صاحيه علشان لو تعبتك اخدها منك بتنام في حضني عادي
ياسمين بحب وهي بتحضنها لالا مش هسيبها دي هتبقي صاحبتي خلاص
مروان بحب متتعبيش عمتو يا جوجا
جيلان بحب حاضر يا عمو
مروان باس خدها وتابع عيون عمو انتي
باسم بضحك متشكرين للمواجب من اول يوم يا سمسمه
ياسمين بضحك عيب عليك مع انك قطعت خلفي بس الحمدلله عدت على خير
باسم ضحك بشده فتابعت هايدي بحرج اممم اضحك وماله كاني مش بتحرج انا كده قدامهم لان كله فهم انك فكرتها انا
باسم بضحك اما انتي غريبه يا هايدي يحبيبتي ما انتي مراتي هو انا شاقطك مش معقول بقالنا خمس سنين متجوزين ولسه بتتكسفي بجد
صلاح امشي يا ابن الجزمه اطلع انا ومراتك علشان معصبني
باسم فضل يضحك وتابع حاضر يا حج عيوني بنطرد بشياكه يا ام جوجا يلا احنا
هايدي ضحكت بعدين بصت لياسمين وابتسمت بحب وتابعت لو تعبتك قوليلي
ياسمين بحب خلاص شوفي جوزك بقي وسيبوهالي انا عايزاها تتعبني ياستي
احلام بحب تعرفي انك نسخه من مريم الله يرحمها سبحان الله بجد
ياسمين بحب اه شوفتها برا فعلا
حبيبه بستغراب انتي اول مره تشوفي شكل عمتي اصلا دلوقتي
ياسمين بتنهيده عميقه تخيلي
صلاح بحزن علشان مكانتش تعرف حاجه سيبوها ترتاح وبكره نتكلم في التفاصيل دي
مروان بحب نورتي بيت خالك يا سمسمه وسعيد اني اتعرفت عليكي
ياسمين بابتسامه انا اسعد ووالله كلكم باين عليكم طيبين اوي ومبسوطه اني وسطكم
صلاح بحب ده بيتك زيك زيهم هنسيبك دلوقتي ترتاحي ينورعيني وبكره تتعرفي عليهم اكتر براحتك
ياسمين بحب تمام ماشي
باسم بحب باي يحبيبت بابا وراح باس خدها
جيلان باست خده وتابعت بابتسامه باي يحبيب جيلان
كلهم ضحكوا فتابعت هايدي بضحك اه لو تعرفي ان حبيب جيلان ده سايبك لعمتك علشان عايز يطشفك من الشقه بلطريقه مكنتيش قولتي كده
باسم بضحك هششش بس بس يخربيت اهلك بتقولي ايه للبت وحط ايديه على بوقها وتابع بضحك همشي انا ها يلا تصبحوا على خير كلهم ضحكوا عليه وخد هايدي وطلع
صلاح بضحك معلش يابنتي مجانين زي مانتي شايفه فمكنتش اعرف انها نزلت زعلانه انهارده وحصل كده
ياسمين بضحك لا والله دول سكر عادي حصل خير
احلام بحب طب يلا نامي وارتاحي ينورعيني انتي …متتعبيش عمتو يا جوجا
جيلان بابتسامه حاضر يا تيته انا هقعد هاديه خالص
مروان ضحك وتابع سكر انتي والله عيبك انك جايه شبه ابوكي اللي عملنا فيها الكبير ده
حبيبه بضحك الكبير غصب عنك يا واد اتلم
ياسمين بضحك ماله صح باسم ده عسل وعينيه خضرا والبت فعلا بسم الله مشاء الله قمر ونسخه منه حتى في عيونه ده انت حقود يالا
حبيبه بضحك ايوه فعلا علشان بيربيه ومش بيخليه يتسرمح مع صحابه
ياسمين بضحك ااه علشان كده انت معاك ايه صحيح يا مروان
مروان بابتسامه انا خريج حقوق من سنتين وشغال في مكتب خاص بيا في القاهره
ياسمين بحماس طب حلوو اوي ده انت جيتلي في ملعبي هتدرب عندك بقى انت احسن من الغريب
حبيبه بحب انتي في حقوق بردو
ياسمين بحماس اه خلاص هتخرج كمان
مروان بحب ياباشا معايا وش وتلفي وتروحي وتيجي ليه ما ابن خالك موجود وهعلمك كل حاجه
ياسمين بحب وامتنان بجد مش عارفه اقولك ايه شكرااا جداا
مروان بحب بس يا هبله واحد مفيش حاجه تستدعي الشكر ونورتينا والله
ياسمين بحب ده نوركم والله وانتي يا بوبه معاكي ايه
حبيبه بضحك لا انا لسه اولى تجاره ربنا معاايا وباسم يبخته بقاله اربع سنين متخرج من طب عين شمس
ياسمين باعجاب بسم الله مشاء الله قسم ايه
حبيبه بضحك نسا
ياسمين بضحك ايه ده وهايدي سكتتله عادي كده
حبيبه بضحك هشش متبقيش تفكريها بقى ده كل شويه نكد وخناق بسبب الموضوع ده .. ده هو بيضحك عليها بنقطه ان انا اللي هراعيكي لما تكوني حامل بدل ماتروحي برا والجو ده
كلهم فضلوا يضحوا فتابعت احلام بحب طب يلا سيبوها بقى كفايه كده انهارده تصبحي على خير يابنتي
ياسمين بحب وانتي من اهله يارب
وطلعوا كلهم قفلت ياسمين الباب وباست خد جيلان وتابعت بحب ها تحبي نبتدي منين
جيلان بحماس احكيلي حدوته
ياسمين بحب مش حافظه حواديت بس هحاول ونامت على السرير وطفوا الانوار وفتحت ايديها فنامت جيلان في حضنها وحضنتها ياسمين واتغطوا وتابعت بحب بصي ياستي كان في زمان اميره صغيره تاهت من اهلها
جيلان بتفكير روبانزل صح ?
ياسمين ضحكت على تفكيرها وتابعت بحب لا دي حكايه اصعب شويه اصل روبانزل لقيت امير حلو يساعدها انما اميرتنا انهارده اميرها زعلها اوي
جيلان بحماس طب كملي
ياسمين بحب هي كانت صغيره اوي لما تاهت من اهلها وباباها لقاها ورباها معاهم بس هي عاشت حياتها كلها حاسه نفسها بردو غريبه لاسباب كتير اوي وتعبت وزعلت وعيطت كتير مكنش بيسلي وقتها او يهون عليها احساسها ده غير واحد بس تفتكري مين ??
جيلان بابتسامه اكيد الامير صح
ياسمين تنهدت بعمق وتابعت اه صح هو الامير وفضلت تلعب معاه طول الوقت من وهما اطفال وبيعملوا كل حاجه سوا وبقيواا واحد ومبيخبوش اي حاجه عن بعض ويعيطوا سوا ويفرحوا سوا لحد ماكبروا والاميره طلبت منه انهم يعملوا فرح كبيير ويتجوزوا فيه زي بابا وماما واي امير واميره
جيلان بتركيز وهو عمل ايه
ياسمين دموعها نزلت وتابعت بتنهيده هو كمان ساب ايديها وخلاها فضلت تعيط زي ما عمل فيها باباها واهلها زمان وهي صغيره ولما قالتله انت سبتني ليه انا بحب افضل معاك قالها انه اخوه الامير الصغير عايز هو اللي يلعب معاها ويفضل جمبها ويعمل معاها الفرح بداله
جيلان بحزن بس هي عايزه الامير الكبير هتعمل ايه كده
ياسمين بحزن صدقيني حتى هي مش عارفه يا جوجا بس مرديتش تقوله انها مش عايزة الامير الصغير قالت توافق وتخليه يعيط لما تلعب وتفرح مع الامير الصغير بداله
جيلان بحزن مش ممكن يكون الامير الصغير اللي طلب منه ياخد دوره في اللعبه يا عمتو ??
ياسمين بتنهيده حتى لو كده مش مفروض يقوله ده دوري انا ودي اميرتي انا يا جوجا ??
جيلان بابتسامه قبل كده بابي كان عايز يروح النادي يوم الاجازه وتيته كانت عايزه حد من بابي او عمو مروان يوديها مكان بعيد شويه لتيته اختها فعمو مروان قالها يا ماما انا بستني يوم الاجازه علشان انزل اشوف صحابي ولو روحت وديتك اليوم هيخلص خالص علشان المكان بعيد خليها يوم تاني فبابي قاله روح انت يا مروان وانا هودي ماما لاختها اللي هي خاله بابي
ياسمين بحب اممم وبعدين
جيلان بابتسامه بصي فانا ساعتها زعلت اوي وقولت لمامي يا مامي مش بابي وعدنا نروح النادي قالتلي اه هيودينا يوم تاني انهارده معلش هيوصل تيته علشان اختها تعبانه فلما قولتلها طب مايوصلها عمو مروان واحنا نروح النادي قالتلي بابي الكبير وهو اللي يضحي سيبي عمو مروان يشوف صحابه علشان بيبقى شغال باقي الايام معلش يا جوجا متزعليش انتي بردو لما يكون عندك اخت هتضحي علشانها …وممكن يا عمتو يكون كمان الامير قرر يضحي بدوره في اللعب مع الاميره علشان الامير الصغير يلعب معاها هو زي عمو مروان
ياسمين دموعها نزلت من كلام البنت وتابعت بابتسامه فعلا خد الحكمه من افواه الاطفال بس هو ينفع يا جوجا يضحي باميره ?? يعني لو انتي بتلعبي مع حد بتحبيه اوي وجيه قالك ياجوجا العبي مع حد تاني غيري مش معايا هتقبلي ولا هتزعلي
جيلان بابتسامه هزعل منه لانه قالي العب مع حد غيره انما انا مش هلعب علشان ازعله واخليه يعيط لاني مش هكون بحب التاني ده ولا اعرفه علشان العب معاه وبابا قالي ملعبش او اكلم حد معرفوش
ياسمين اتفاجئت من جوابها وتابعت بدموع وحب بسم الله مشاء االله عليكي ذكيه ودماغك حلوه اوي .. طب ايه رايك الامير الكبير بيحبها ولالا
جيلان بحب بيحبها لانه فضل يلعب معاها من وهما اطفال لحد مابقيوا كبار خالص بس معرفش يزعل الامير الصغير فقال يخليه يلعب معاها بداله هي الاميره كانت قالت لا مش هلعب مع الامير الصغير يا عمتو لانها متعرفوش هي عارفه الكبير بس
ياسمين باست راسها وتنهدت بعمق وتابعت ده انتي اديتي درس محترم لعمتو
جيلان حضنتها وباست خدها فضمتها ياسمين اكتر وتابعت بحب يلا بقى اجبلك الالعاب من الفون
جيلان بابتسامه وباقي الحدوته الامير هيصالح الاميره ازاي ???
ياسمين بابتسامه حزينه : اول ما اعرف واكملها هقولك علطول
جيلان بحماس اتفقنا
وفضلوا يلعبوا لحد ما نامت جيلان في حضنها وياسمين غطتها كويس وخرجت تقف شويه في البلكونه وخدت نفسها بعمق
وافتكرت فلاااش بااااك
ضحكت ياسمين واكملت: اه انا عارفه والله اني هطلع اتثبت ومش هعرف اخد معاك حق ولا باطل يلا البس يا بيه وانزل بسرعه مش كل شويه نصحيك بلعافيه ورايحه تمشي بس ايديه اللي عليها منعتها فتابعت بضحك مازن اتلم و اوعي سبني
مازن بابتسامه عاشقه: وافرض انا مش عايز اسيبك
ضحكت ياسمين وتابعت : يبقى تتجوزني يا روحي وانا افضل معاك علطول ده عز الطلب
رجعها مازن لورا اتخبطت في الحيط وحاوطها بين الحيط ودراعه واكمل بحب: وغلاوتك في قلبي يا بنت عز الدين هتجوزك وما حد غيرك هيشيل اسمي
ابتسمت ياسمين بعشق واضح واكملت بهمس والله بحبك
بعد عنها مازن بسرعه وهو بيضحك واكمل برا يا حبيبتي يلا علشان بعد بحبك بتاعتك دي انا اعصابي بتتعب وراح يجيب تيشرت
ضحكت ياسمين بشده واكملت للدرجه دي بقى مازن الرفاعي مش عارف يسيطر على اعصابه من بحبك لالا متوقعتكش كده يا ابن عمي وفضلت تضحك
مازن لفلها وشدها ليه واكمل بحب واضح وهو بيبصلها: مازن الرفاعي مفيش بنت في الدنيا كلها اتخلقت قادره تخليه يقف قدامها كده ويفقد سيطرته على نفسه قدامها غيرك ياست البنات
الدموع اتجمعت في عين ياسمين وبصتله بعشق واكملت بصوت مختنق من الدموع يعني مش هتتخلى عني يا مازن في يوم من الايام ولا حتى علشان انا مش ..
ولكن قاطعها مازن لما حط ايديه على شفايفها واكمل بحب عمري ما اتخلى عنك وبلاش الكلام اللي مالوش لازمه ده .. انتي ذمبك اي يعني وبعدين انتي بنت عمي ودي الحاجه الوحيده اللي انا اعرفها وحط ايديه على خدها وسند جبينه على جبينها واكمل بحب وعدتك وعد وهكون قده يا ياسمين ثقي فيا ارجوكي
ياسمين بصتله بحب واكملت ثقه عمياء وعارفه انك قد وعدك
ابتسم مازن بحب وباس جبينها واكمل يبقى متقوليش الكلام ده تاني
باااااك
ياسمين دموعها نزلت وتابعت بس انت مكنتش قد وعدك يا مازن
———————————————-
تاني يوم الصبح في بيت الرفاعي بعد الفطار
شهد بتعب انا مش قادره اكل حاجه حاولت والله بس حقيقي نفسي مقفوله شيلوا خلاص
يونس بحده اقعدي كملي اكلك يا شهد بلا مش قادره انتي بتاخدي ادويه
شهد بتعب وحياتك عندي مش قادره وقامت دخلت البلكونه
يونس نفخ بضيق وتابع شهد نشفت ريقي والله العظيم
احمد مسك صنيه صغيره وحط عليها الاكل وتابع بضحك ولا تضايق نفسك انا عارف هخليها تاكل ازاي دلوقتي
يونس لالا خليك انت انا هقوملها ورايح يقوم فتابعت صافيه بحب خليه يا يونس هي بتعزه ومش هترفضله طلب مفيهاش حاجه كمل انت بس اكلك علشان وراك مشوار بتقول
سيف بتنهيده اممم هاجي معاك ها
يونس بتنهيده تمام
عز الدين بحزن كلمت اختك يا ابني ??
يونس بتنهيده لا لسه مصحيتش رنيت عليها ردت وهي نايمه فقولتلها لما تصحي تكلمني
عز بتنهيده حزينه تمام ابقي طمني عليها يا يونس الله يخليك
يونس هز راسه بتمام وسكت وبص يكمل اكله
في البلكونه عند شهد
احمد دخل وحط الاكل على التربيزه الصغيره اللي قدامها وتابع بحب الدكتوره عامله اضراب على الاكل ليه هي متعرفش ان كده صحتها تتعب
شهد تنهدت بعمق وفضلت باصه للشارع والاراضي الزراعيه بشرود وتابعت متشغلش بالك بيها هي هتاكل لما تحس انها قادره تاكل
احمد بحب يعني هتكسفيني يا شهد معقوله اطلعلهم بلاكل زي ماهو عايزاهم يشمتوا فيا
شهد غمضت عينيها بضيق وبصتله وتابعت احمد علشان خاطر ربنا انا فعلا مش عايزه اكل ومفيهاش كسوف ولا حاجه اطلع ومحدش هيتكلم
احمد بستغراب مالك يا شهد بتتكلمي معايا بلطريقه دي ليه في ايه ?? مضغوطه من الدراسه طيب ??
شهد بوجع لا مضغوطه من الحياه عموما حساها كبيره على بنت في سني خايفه من كل حاجه جايه معرفش اكون قدها
احمد بحب ربنا مش بيدي اصعب المعارك الا لاقوى جنوده فمفيش حاجه كبيره عليكي طلما انتي في وضع يبقي انتي قده جدا حتى لو الشيطان بينلك عكس كده
شهد بتنهيده متهيالك يا احمد انا عارفه ان كلامك صح بس انا اكتر حد حاسس بيا وبقولك مش قادره حقيقي لاي حاجه وحاسه اني اتعشمت جداا في حاجات مش من حقي يعني مثلا رايحين جايين تقولوا الدكتوره راحت الدكتوره جات طب ولو مدخلتش طب ?? هبقي طول الوقت عشمت نفسي بحاجه مش بتاعتي ..قيس بقى الكلام ده على كل المشاكل اللي في حياتي اللي بتبدأ لما تتعشم في حاجات كتير وتتخذل صدقني صعبه ومش هتعرف بعدها تشوف انك قد تجربتك والوضع اللي انت فيه ولالا انت هتبقي عايش خايف .. خايف تحلم تاني او تتعشم تاني فتتخذل تاني
احمد بتنهيده طب هسالك سؤال هو انتي بتتعشمي في مين في البشر ولا ربنا ?? لو البشر يبقى انا اللي بقولك ادفني الامل والطموح ومتتعشميش
شهد بتنهيده لا في ربنا طبعا
احمد وكلمه انك تتخذلي في امور سيباها على ربنا اعتقد دي كلمه كبيره اووي !! بصي يا شهد ربنا احن من انه يعلقك بحاجه مش بتاعتك لما تحسي انك تايهه قومي صلي اطلبي منه يسمعك صوته يعرفك تستمري ولا سعيك مالوش لازمه صدقيني هيرد عليكي وعموما ربنا بيحاسب على السعي مش حاجه تاني فانتي اسعي بامانه وبس وانا اللي بقولك طلما متمسكه بلطب اوي كده هتدخليها لان جواكي بيقول يا دي يا لا وده اللي هيخليكي تحاربي وده اللي ربنا حاطه جواكي علشان توصليلها طب ولو انتي مدخلتيش طب هل ده معناه ان ظنك اتخلف في ربنا ?? لا بردو دي كلمه كبيره اوي اوي وعيب نقولها يعني مينفعش احنا كبشر عادي تقوليلي احمد انا عايزه ادخل مشروع وبما انك محاسب فانت اللي هتديره ليا وايه ارباحه وايه خسايره لان انا مش بثق غير فيك .. تمام لحد كده صح .. مينفعش بقي تتصلي بيا كل ثانيه تقوليلي اه وصلت لفين ?? طب انت متاكد ان النسب دي صح ?? طب انت واثق ان هنكسب ولا هنتسوح انا كاحمد هضايق وهحس انك مش واثقه فيا ولا في شغلي اللي انا عملته بامانه واتقان .. وشاور على السما وتابع مبالك بربنا اللي يقدر يقول للشئ كن فيكون عيب اوي يا شهوده لما نقول بنتخذل من امور سايبينها لربنا لا انتي متبطليش تطلبي لانه هو اللي حاطط جواكي اليقين ده ولو اللي نفسك فيه محصلش تاكدي انه خير وانه بردو كان حاطط اليقين ده انك هتوصلي لطب مش علشان يعذبك لا بس علشان بلاصرار ده هتوصلي لنقطه تانيه معينه مكنتيش تتخيليها وهتفهمي ساعتها حكمته .. حبيبتي احنا عقلنا اصغر من استوعاب حكمه ربنا بجد بس متاكدين انه الوحيد اللي هيعمل لصالحنا فنطمن جداا
شهد بدموع ولما انت تدعي يرد عليك وتطمن وتقول خلاص اللي انا عايزة هيكون ليا بس هي مسااله وقت وربنا هيدبرها ويجي الواقع يخلف كل اللي انت طلبته وصدقته بايمان .. ده معناه ايه???
احمد بحب انا معرفش غير ان لو البحر قدامي وفرعون ورايا هو قادر يشقلي طريق وسط البحر ويعديني ويتصرف ازاي بقى دي بتاعته هو مش بتاعتنا بس ربنا مش بيحب يوجعنا ولا بيحب دموعنا يمكن بيصعبها عليكي علشان تروحيله ويسمع صوتك وبعدها يفرحك بللي انتي عايزاه لما يلاقيكي انك لسه متمسكه بيه ومأمنه انك هتاخديه صدقيني دموعك ودعائك دول عند ربنا مش حاجه هينه ابداا
شهد بدموع ادعيلي يا احمد حاسه كل اللي جاي من عمري كبير عليا وهغرق فيه
احمد بحب ولا هتغرقي ولا حاجه هتعدي وهتقولي احمد قاال بس ها هتزعليني منك بقي ومش هتاكلي بردو ??
شهد ابتمست من بين دموعها وتابعت هاكل حاضر
احمد مد ايديه بلاكل وتابع بحب يلا طيب كلي من ايدي
شهد قربت وكالت منه بعدين بصت للسما والدموع اتجمعت في عينيها وتابعت في سرها هون على قلبي يارب انت بس اللي عارف فيا ايه متوجعنيش يارب ارجوك ولا تحطني في مواقف اكبر مني
احمد بحب يلا كملي هي لقمه واحده بس ولا ايه كلي كده خليكي تكبري بدل مانتي هتختفي خالص كده
شهد ضحكت من بين دموعها وتابعت حاضر اهو
برا في الصالون كانوا قاعدين بيشربوا الشاي وحسام وسيف ويونس نزلوا
منصور قام وتابع بتنهيده مازن تعالى ورايا عايزك
مازن بتنهيده حاضر يا جدي
ودخلوا الاوضه بتاعت منصور فقعد وتابع بتنهيده اقعد عايزك في كلمتين
مازن قعد وتابع خير يا جدي تحت امرك
منصور انت ازاي وافقت ان اخوك يتقدم لياسمين هو مش مفروض ان حضرتك بتحبها
مازن اتصدم وتابع ايه الكلام ده يا جدي لا انا م
منصور بحده بلاش تكدب عليا انا عارف انك بتحبها ومن زمان واديتك الاراضي قولت تفوق نفسك وتتجوزها وكفاياكم كلام من ورا الكل
مازن بص للارض والدموع اتجمعت في عينيه وتابع بوجع هي اللي اتخلت عني يا جدي وماصدقت انا مكنتش اقدر اعارض احمد هي كانت تقدر تقول لا مش عايزاه ومش عيب حقها ترفض
منصور بحده انتوا الاتنين غلطانين ومشفتوش ربايه لان مينفعش انت تتخلى عن اللي تخصك وتديها لاخوك ومينفعش هي تعند معاك وتوافق وتجرح حد مالوش ذمب انتوا بتحبوا بعض وهتدفعوا غيركم التمن
مازن بوجع اعملها ايه ياجدي هي اللي خربت الدنيا اكتر ماهي خربانه فوق راسنا انت بتلومني علي ايه ?? كنت بايدي ايه اعمله?? اخويا الصغير وتعبان وطلب يتقدملها مكنتش هقدر اقف قصاده واقوله دي حبيبتي وازاي تبصلها قولت هي ترفضه واهو دي اهون وكل شئ قسمه ونصيب فصدمتني وعاندت قصادي
منصور بتنهيده طب اسمع مني بقى يا مازن احمد مش هيكمل مع ياسمين وهيسيبها وربنا هيراضيه بغيرها وانتوا الاتنين اللي هتكونوا خسرتوا بعض
مازن بوجع مش مهم كده بنسبالي اهون بكتير من انها تبقى مرات اخويا حقيقي دي هتكسرني العمر كله
منصور انا مش بقولك كده علشان تقولي اهون ولا اوحش انا بقولك كده علشان ده اللي هيحصل فتستعد من دلوقتي تفكر هترجعها ازاي لانها مش سهل تسامحك ولا انت بقى عادي بنسبالك تخسرها العمر كله ??
مازن بوجع اخسرها العمر كله !! ده انا مستعد اخسر الدنيا كلها ومخسرهاش بس صدقني يا جدي هي مش فهماني ولا فاهمه بحبها ازاي ده انا كنت مستني منها تقول لا بس وهراضيها واحايلها وافهمها وجهه نظري بس هي مسابلتيش فرصه والموضوع صعب وحساس اوي وانا معنديش استعداد اخسر ياسمين يا جدي بس مش عارف اعمل ايه حاسس اني مابين نارين.. طب انت عارف ربنا موزع الارزاق على عباده بلتساوي اللي خدها في الصحه واللي خدها في المال واللي خدها في الاطفال واللي خدها في التعليم انا بقى مخدتش اي حاجه في دنيتي غير ياسمين هي كل اهلي وصحابي ومراتي وحبيبتي واختي هي الركن الهادي اللي مهما لفيت في الدنيا برجعله علشان اعرف اكون كويس هي اللي بحب اكلمها واقعد معاها لما احب اقعد لوحدي وابقي عايز افصل .. عشت عمري كله مستني اتجوزها علشان اخدها في حضني وابقي حقي اتكلم معاها واحضنها قدامكم عشت اتمني اليوم اللي هيتقفل علينا فيه باب واحد وكنا قربنا خلاص مستغرب ليه كل حاجه اتقلبت ضددي فاجاه كده انا مكنتش عايز غيرها من الدنيا انا اصلا مخدتش حاجه فعلا يا جدي انا طول الوقت بضحي بس وخسرت كل حاجه حتى البنت الوحيده اللي حبيتها ودموعه نزلت وتابع نظره عينيها ليا فكل مره بنقف نتكلم دلوقتي بحس انها بتقتلني بحس انها بتقولي انت مش راجل علشان سبتني وخلفت وعدك معايا ومعندكش مانع غيرك يتجوزني مع اني والله العظيم بموت كل ثانيه لما بتخيل ان ده ممكن يحصل فعلا
منصور بتنهيده حزينه : منا عارف يا ابني ده لو حد غريب عايزها بردو هتموتك مبالك انه اخوك انا فاهمك والله يمكن ظلمت عمك عز الدين بس والله فاهم يعني ايه حب او ادركت اهميته متاخر فمش هاجي عليك زي ما جيت عليه ولا هتعب بنت مريم زي ما كنت سبب في تعب مريم الله يرحمها فانا جمبك ومعاك من البدايه علشان كده ميزتك انت عن الكل عارف محدش شاف وعاش اللي انت عشته وشوفته يا مازن سيبها على الله يا ابني وقادر يحلها من عنده ويجمعك بيها ويفرحنا بعيالكم قادر يا كريم
مازن بوجع يارب ياجدي يارب بجد
———————————————-
في المرسم عند سيف يونس كان قاعد معاه لحد مايجي معاد مشوارهم
يونس بتنهيده طب ياعم الفنان اشرب كوبايه القهوه اللي عملتهالك قبل ما تبرد
سيف وهو مركز في اللوحه تابع اهدى ياض مش شايفني مركز خليني اكملها
يونس بغمز الا صحيح فين اللوحه االلي كنت راسمها مشوفتهاش لما كملت
سيف بتنهيده حزينه شلتها والاحسن منشوفهاش تاني
يونس سيف انا عارف انك موجوع بس انكارك لمشاعرك مش حل
سيف بتنهيده ومفيش حل بردو غير الانكار الحمدلله يا يونس دي تجربتي في الحياه وانا راضي بيها
يونس بوجع معتقدش هترضى فيما بعد
سيف بصله وتابع ده انت بتطبق مثل اسال مجرب ولا تسالش طبيب مش كده ولا ايه
يونس بتنهيده اه حاجه زي كده اصل احنا شبه بعض اوي ياريت بايدنا كانت حاجات كتير اتغيرت
سيف بص للوحه وتابع بتنهيده مش ندمان على حبي ليها يا يونس وهفضل ليوم ما اموت شايفها اكتر حاجه صح اختارتها في حياتي بس النصيب وقف لحد كده وزي منا قلبي مش بايدي فاهي كمان قلبها مش بايديها وبما اني مش قادر انساها فلازم اتقبل فكره انها حقها تعيش حياتها وتكون مع حد تاني وتفرح وتخلف
يونس بوجع وانت يا سيف ?? ومشاعرك ??
سيف بتنهيده عميقه اعتقد واحد زيي مش فاضي لحاجه غير لشغله فا الموضوع ده مش هاخد بالي منه اوي
يونس بسخريه عليا انا الكلام ده! !! علي يونس يا سيف يعني مش هتموت بدل المره الف وانت شايفها جمب غيرك مش هتتوجع لما تشوفها بتحضن حد تاني وبكره وبعده تخلف منه
سيف بوجع لا يا يونس مش هموت لاني زي ماقولتلك هسيب اسيوط خالص المكان اللي جمعني بيها انا مبقتش عايزه فهشوفها ازاي بتعمل كل ده
يونس بتنهيده ده اسمه هروب يا صاحبي الدنيا اصغر من اللي انت بتحكي فيه ولو فضلت هربان مش هتهرب العمر كله وهيجي يوم هتشوفها ومحدش غيرك هيخسر لما تلاقي نفسك جوه الواقع اللي عشت بتهرب منه وخايف تشوفه فتستوعب احسن
سيف قلبه وجعه وتابع تفتكر ايه الحل
يونس ضحك بغلب وتابع كان القرد نفع نفسه وابتسم بوجع وتابع احنا زي بعض يا غالي بس الفرق ان انا قررت اواجه وجعي واشوفه بعيني ومش ههرب منه
سيف بوجع صعبه صدقني صعبه وبتموت مش هعرف اعمل زيك يا يونس مش هعرف بجد انا اه جامد وشخصيتي غامضه حبتين ومبخافش من الموت ومخلص لشغلي اللي حقيقي صعب وبياخد من عمري ومجهودي بس انا بردو انسان يا يونس وليا نقطه ضعف ومش هبقي اوفر لو قولتلك ان انا مفيش حاجه بتكسرني وتهزني غيرها .. سيف الرفاعي االلي بيتهزله رجاله بشنبات وليا وضعي واسمي في الجيش ومعروف عني اني مبهابش حد وبيخاف مني اكبر عصابات الارهاب بيبقي ضعيف قدام عينيها انت متخيل ??!!!! اللي هو انا اقدر ادخل اي حرب وعارف بربنا هكسب الا هي لو وقفت قدامها بس وبصتلي بعينيها دي وضحكت ضحكتها دي هرفع رايه الاستسلام قبل ما ابدء
يونس كان مبتسم وهو سامعه وتابع بتنهيده المفروض لما اجي ادعيلك ربنا يجمعك بيها اقولها ازاي
سيف تؤ متقولهاش اصلا دي هتفضل سر بينا العمر كله يا يونس اوعى تفكر تعمل حاجه زي دي
يونس احساسي بيقولي ان يمكن يا سيف ليه لا
سيف بتنهيده لا مفيهاش ممكن انا مكنتش هدخلها حياتي زمان اصلا يا يونس وبصله وتابع مبالك دلوقتي في الوضع ده !!!
يونس بتنهيده فاهمك بس مش قادر اتخيل اننا هنفضل كده ده انا لسه لما بصلي بدعي بيها وتنهد بعمق وتابع ومش هعرف ابطل ادعي بكده رغم عارف خلاص هي خلصت اصلا
سيف بحب من كل قلبي بتمنى الامور تتقلب وربنا يراضيك ويراضي قلبك انت تستاهل وبتحبها بجد وهي لو فضلت تدور عمرها كله مش هتلاقي حد يحبها زيك
يونس بوجع صدقني هو فعلا محدش بيتوجع اوي غير لما يكون صادق في حبه اوي وتنهد وتابع الحمدلله .. المهم يلا خلص لوحتك علشان ننزل
سيف لف يكمل وتابع طب تمام معلش كوبايه قهوه غير دي بقى هتعبك
يونس قام وتابع بضحك عارف والله ان ده هيحصل ماشي يا ابن الجزمه خلص لوحتك بقى لحد مااعملك غيرها
سيف بضحك اخص عليك يا يونس ده انا سيف حبيبك
يونس بضحك منتا علشان عارف انك سيف حبيبي ومش هتهون عليا فبتدلع .. الا صحيح يا سيف انت ازاي ظابط ومش ظابط عادي ده انت بتقاتل وفيك الرومانسيه اللي تخليك ترسم برتياح كده بتعملها ازاي دي يا قادر
سيف فضل يضحك وتابع بحب ايه عمرك ماشوفت ظابط رسام ??
يونس بضحك مسلسل دلع بنات بس بصراحه ومكنش ظابط جيش كان ظابط شرطه
سيف فضل يضحك وتابع لا عادي اصل ملهاش علاقه انا اصلا شخصيتي جامده شويتين فنفعاني في الشغل جداا انما في جانب هادي كده بيحب الرسم ودي موهبته ده بطلعه لما بكون لوحدي وعايز اعصابي تهدى
يونس بضحك الجانب اللي شايله لأم بريتي ومش بيطلع غير ليها مش كده انما الظباط اللي في الكتيبه الغلابه تطلع عين اهلهم
سيف فضل يضحك واكمل اه بلظبط كده وابتسم بحب وتابع والله ده محدش جاب سيف الارض غير ام بريتي دي بتخلص حق اللي بطلع عينهم في الكتيبه
يونس بضحك انت هتقولي منا شاهد بس اشمعنا اسم بريتي اللي اختارته
سيف بصله وتابع بضحك اصل انا اول مره شوفتها قولت بسم الله مشاء الله جميله فضحكت اوي واستغربت كده فمن ساعتها قولت والله لو كان ليا نصيب فيها هسمي بنتي جميله علشان الجمال اللي شوفته في امها فحسيت جميله قديم شويه فاستبدلته ب بريتي علشان نفس المعنى
يونس بضحك لا فنان صحيح مش مجرد كلام وخلاص اول كلمه نطقتها ليها خليتها اسم بنتكم
سيف بضحك بلظبط اصل كده كده هتطلع وحشه لمين امها قمرين وابوها زي ما انت شايف مفيش وصف
يونس بضحك يجدع يخربيت الغرور
سيف بضحك عندي حق ولالا
يونس بضحك عندك حق بصراحه عيب عليك يا صاحبي ده انت عنوان الوسامه
سيف بضحك عارف كده كده
يونس بحب حقيقي بتمنى ربنا يسعدك ولو مكانتش هي اللي نصيبك يطبطب على قلبك ويشيل حبها منه
سيف تنهد بعمق وتابع انا وانت يا غالي بجد بس بنسبالي رضيت احبها من بعيد ده كفايه اوي
———————————————-
في بيت صلاح
جيلان صحيت وفضلت تخبط براحه على وش ياسمين وتابعت بهمس عمتو .. عمتو اصحي
ياسمين فتحت عينيها ببطئ وتابعت بابتسامه نعم يا عيون وقلب عمتو
جيلان بهمس انتي عارفه انا انهارده غيبت من الحضانه علشان قاعده معاكي وحطت ايديها على بوقها وضحكت
ياسمين قامت سندت ضهرها للسرير وتابعت بتفاجئ ايه ده انتي كان عندك حضانه انهارده
جيلان بضحك اه بس سمعت مامي بتقول لبابي خلي جيلان متروحش انهارده علشان بنت عمتك نايمه جوه ومش عايزين نقلقها لتكون سهرتها فقالها خلاص ماشي
ياسمين فضلت تضحك وتابعت وانتي فرحانه يا قرده طب طلما كنتي صاحيه ماتطلعي وروحي حضانتك
جيلان بتمثيل لا منا بطني واجعاني مقدرتش اقوم
ياسمين بضحك لا يا شيخه طب خلاص نخلي بابي يكشف عليكي ونشوف عندك ايه
جيلان بضحك لا بابي بتاع كبار مش اطفال
ياسمين بضحك مسكت خدودها وتابعت هو انتي اطفال انتي
جيلان بضحك وهو بترفع اربع صوابع تابعت اه عندي اربعه بس انتي عندك كام
ياسمين بضحك عندي 22
جيلان حطت ايديها على بوقها بصدمه وتابعت كبيره خالص
ياسمين فضلت تضحك وتابعت طب مش في وشي كده يا جوجا
جيلان بضحك خلاص لفي علشان اقول
ياسمين فضلت تضحك وتابعت لا والله انتي مش معقوله وباست خدها وتابعت استني اقوم اغير هدومي ونطلع سوا
جيلان بحب ماشي هاتي الفون شويه لحد ما تغيري
ياسمين فتحته واديتهولها وتابعت امسكي اهو وراحت غسلت وشها ولبست دريس بيتي وفوقه الطرحه وخرجت تحط مرطب على ايديها وشفايفها
جيلان من وراها مين ده جوزك يا عمتو ?
ياسمين بصت عليها من المرايا شافت صورتها هي ومازن في عيد ميلادها اللي فات اللي عملهولها بينهم وبين بعض في الكافيه وكان باين فرحتهم وحبهم لبعض فاتجمعت الدموع في عينيها وتابعت عمتو مش متجوزه يا جوجا ده ابن عمي
جيلان اااه وفضلت تقلب في الصور وياسمين مسحت دموعها وراحت شاالتها بحب وطلعت بيها كان الكل قاعد برا
احلام بحب اهي صحيت اهي اقوم احضر الفطار بقى
ياسمين بحب صباح الخير
صلاح بحب صباح الفل يابنتي نمتي كويس ??
ياسمين بحب اه جداا الحمدلله
باسم بضحك تعبتك بنت الكلب دي ولالا ??
ياسمين بضحك متقولش عليها كده والله العظيم دي سكر اووي ربنا يحميها ويحفظها ويفرحك بيها بجد يا باسم
باسم بحب تسلمي يا غاليه ونفرح بيكي
هايدي بحب حبيبت ماما واحشتيني يا نااس اوعي تكوني تعبتي عمتو
جيلان هزت راسها ب لا كتير وتابعت بحب لا كنت شطوره خالص صح يا عمتو
ياسمين بضحك صح يا نورعين عمتو وباست خدها وقعدت وقعدتها على رجلها
هايدي حبيبه قومي اتحركي تعالي ساعديني انا وماما في الاكل بدل مانتي ماسكه الفون
ياسمين بحب خليها هقوم انا اساعدكم
حبيبه بضحك والله جدعه يابت يا سمسمه
هايدي لالالا اقعدي ارتاحي ميصحش احنا هنجيبلك الاكل لحد عندك
ياسمين بحب وميصحش ليه غريبه يا هايدي ??
هايدي بحب لا طبعا بس مش عايزه اتعبك
ياسمين بحب ياستي انا عايزة اتعب الله وقامت وهي شايله جيلان وتابعت لمروان بضحك امسك شيل شويه عم ببلاش انت
مروان خدها وتابع بضحك حبيبت عمها دي وباس خدها
جيلان وهي ماسكه فون ياسمين بتلعب فيه تابعت وعمو حبيب جيلان
كلهم فضلوا يضحكوا فتابع باسم بضحك طيبه بنتي دي طالعه لابوها بتحب الكل
هايدي بضحك لابوها اه انت هتقولي ده انت مايقدر عليك الا ربنا قال ابوها قال هي طالعه لامها
باسم بغمز وضحك يابت بلاش الناس قاعده هقوملك
هايدي بضحك لا خلاص والنبي خليك
صلاح بضحك ماتخلصوا في ليلتكم دي وهاتوا الاكل سيبك من باسم خالص ميقدرش يعملك حاجه طول منا قاعد
باسم بضحك عادي يا كبير لينا شقه تلمنا
هايدي بضحك لا خلاص اكسبك من دلوقتي احسن وراحت باست خده وتابعت بضحك سماح المره دي بقي
باسم باس ايديها وتابع بضحك طب بالله بتخليني اضعف ايه يخواتي الكريم كراميل اللي باس خدي ده
مروان بضحك المراره يا دكتور مش كده
باسم بضحك مراتي وبراحتي يا حيوان وبصلها وتابع يلا يعمري روحي حضري الاكل معاهم علشان ميبقوش قاعدين جعانين مركزين معانا ويحسدونا على روقانا
هايدي فضلت تضحك وتابعت حاضر يلا يا ياسمين
ياسمين بضحك يلا
صلاح بضحك ابن كلب هقول ايه يعني
حبيبه بضحك براحتك يا غالي سيبك من الحقود السنجل ده محدش هنا بيتفقع غيره
مروان بضحك انتي يابت اللي الدبله منوره ايديك
حبيبه بضحك لعلمك في كتير بس انا اللي مش عايزه
مروان بضحك اه على يدي انتي هتقوليلي
—————————————–
في بيت امنيه حسام كان راحلها وقعد معاها
امنيه بضيق بجد متهزرش من كل اللي جبتوه ده عجبك طقمين بس !!!!!
حسام بضحك احمدي ربنا حلوين
امنيه بضيق حسام متهزرش طب والباقي ده اعمل فيه ايه ??
حسام اه صحيح تعملي فيه ايه هقولك انا حل من اتنين اما ترجعيه اما تديه لحد محتاج
امنيه بغيظ ارجعه ازاي انا جيباه قبل ما ارجع من السفر يا حساام
حسام بحب خلاص يعمري انا بردو برشح الحل التاني اكتر و اهو تاخدي ثواب
امنيه اممم متبقاش حسام لو محرقتش دمي فكل اللبس طيب يا حساام خلاص مش هتنيل
سميه وهي بتحط الشاي اكملت يابت انتوا علطول ناقر ونقير مش هتتفقوا ابداا
حسام بضحك حلو كده فضحتينا قدام امك
سميه بضحك منا سمعاها ووالله يا ابني قولتلها اتصلي صوريله البناطيل والبلوزات قبل ماتشتري ابدا بنت محمد صممت على اساس انك اللي مش هيعجبك هتستحرم تخليها ترميه
حسام بضحك لا ونستحرم ليه في جمعيات كتير تقدر تاخده
امنيه بغيظ بالله بتعلم الواحد ميشتريش حاجه خالص
حسام بضحك يكون احسن لما تعوزي انا هجبلك على زوقي وبعدين مانا قولتلك الطقمين دول حلوين ده انتي نكاره جميل يابت
امنيه بضيق لا كتر خيرك ياروحي
محمد طلع وتابع بابتسامه اهلا منور يا ابني
حسام قام وقف وتابع ازيك يا عمي ده نورك والله سلامتك يا غالي ساالت عنك قالت نايم والله
محمد بحب منا لما صحيت وسمعتك طلعت اقعد معاك اهو واحشتنا
حسام بحب ده انتوا اكتر والله
سميه بضحك الا صحيح يا واد يا حسام مقولتليش رايك على اكل امنيه
حسام بحب زي العسل والله تسلم ايديها
امنيه ابتسمت بفرح فتابع حسام بضحك ايوه كده اضحكي خلي الشمس تطلع
امنيه ضحكت وتابعت صحيح يا حسام ياسمين مالها كلمتها امبارح صوتها مضايق ومش طبيعيه
حسام بتنهيده لا انا رايي تشوفيها وتقعدي معاها احسن ياسمين محتجاكي اوي
امنيه بخوف ليه مالها في ايه
حسام بتنهيده هقولك
———————————————
بعد ساعتين في فرح ميرنا ومصطفى كان قاعد يونس قدام مصطفى وحاطط ايده في ايديه والمأذون بيقول طقوس الزواج المعتاده وبعد دقايق تابع بارك الله لكما وبارك عليكما وجمع بينكما في خير
الناس كلها زغرطت ويونس قام حضن مصطفي وتابع الف مليون مبروك في عينك ها
مصطفى بحب في قلبي متخافش عليها
يونس لف لميرنا شافها واقفه بصاله وساكته فابتسم وتابع الف مبروك يحبيبتي ربنا يسعدك
ميرنا ابتسمت وتابعت الله يبارك فيك يا يونس عقبالك
يونس بحب تسلمي يا غاليه .. اديني جيت وكنت وكيلك وسلمتك لعريسك كمان بس حقك عليا مش هقدر افضل اكتر من كده علشان عندي تصحيح في الكليه
ميرنا هزت راسها بتمام وتابعت ماشي ربنا معاك يارب
يونس بابتسامه انا وانتي
سيف بحب مبروك يا ميرنا وعقبال البيبي
ميرنا بحب تسلم يا سيف عقبالك
والناس ابتدت تباركلهم بعدين حضنها مصطفى فطبطبت على ضهره وابتسمت بحب
فهمس سيف ليونس يلا مش اطمنت عليها
يونس هز راسه ب اه وتنهد بعمق وتابع ربنا يريح قلبها وتكون بتحبه فعلا
سيف بحب يارب بجد
وفونه رن فكان حسام فرد عليه وتابع ايه يحبيبي
حسام بقولك انا كنت عند امنيه ونزلت ما يلا نروح لاختك نباركلها بلمره علشان انا مش فاضي بعدين
سيف بتنهيده خلاص قابلني ونروح هشوف نور واكلمك اقولك نتقابل فين
حسام بستغراب نور ده اشمعنا
سيف بحب اصل وعدتها هاخدها معايا لما اجي اروح
حسام بحب ااه خلاص تمام
سيف يلا باي
حسام باي
يونس بستغراب رايح فين مع نور
سيف بحب عند زينب علشان نباركلها حسام مش هيفضى تاني الفتره الجايه بيقول
يونس ااه طب هروح انا الكليه عايز حاجه يا غالي
سيف بتنهيده يونس انت كويس ???
يونس تنهد بعمق وتابع اول مره اكون كويس زي انهارده ..وابتسم وتابع يلا همشي انا متخافش عليا
سيف بتنيهده ربنا معاك يارب
وكل واحد فيهم ركب عربيته ومشيوا ف رن سيف على نور
نور بحب ايه يا سيف معاك
سيف بحب انا رايح لزينب دلوقتي شوفي لو قاسم موافق تعالي معايا
نور بحماس حاضر هتصل بيه اقوله لو كده اقابلك فين ??
سيف هجيلك على اول الشارع انزليلي انتي في البيت ???
نور اه لسه مروحه طب تمام هروح اشوفه واقولك
سيف بحب تمام
————————————-
عند عمر وزينب
عمر قام من النوم ونزل زينب من حضنه براحه وحط ايديه على جبينها لقاها بردت فتنهد برتياح وتابع الحمدلله
وقام راح المطبخ وحضرلها عصير وسندوتشات سريعه وحطهم على الصنيه ودخل بيهم الاوضه وحطهم على الكومود وقعد جمبها وتابع بحب زوزا .. انتي يابت .. زينب وفضل يخبط براحه على وشها
زينب بنوم اممم ايه ياعمر
عمر بحب قومي يا قلب عمر علشان تفطري وتاخدي الدوا
زينب فتحت عينيها ببطئ وقامت اتعدلت في قعدتها ورجعت شعرها لورا وتابعت هي الساعه كام
عمر بص للساعه وتابع 4
زينب بتفاجئ ياااه نمنا كل ده معقوله
عمر التعب يعمل اكتر من كده احنا خدناهم كام يوم ورا بعض صعبين فمصدقنا
زينب وهي بتتاوب على رايك والله ده الواحد مش عايز يصحى خاالص
عمر بضحك مش نايمه في حضني طبيعي يعني بالك ارتاح خلاص
زينب بضحك يا ابني اتلم وبطل تحرجني
عمر بضحك طب بذمتك بتكلم صح ولالا
زينب بحب اه بصراحه نايمه حاسه نفسي مرتاحه ومش شايله هم حاجه
عمر باس جبينها وتابع بحب يارب دايما ياست البنات المهم يلا كلي علشان تاخدي البرشام
زينب بحب تعبت نفسك ليه طيب كنت قولي وانا هقوم اعمل الاكل انا انهارده الحمدلله احسن بكتير من امبارح
عمر بحب بس يا هبله ده ياريت التعب كله يكون علشاانك يبقي مش هتردد اتعب كل ثانيه .. انا لما كنت عامل الحادثه جديد انتي شلتيني فوق راسك وقعدتي جمبي مش كتير عليكي اقدر تعبك واعملك الفطار وبعدين دي حاجات خفيفه انا معملتش حاجه اصلا
زينب بحب ربنا ميحرمنيش منك ابدا يارب ينورعيني والله لحد دلوقتي بفضل اقول ازاي بقينا سوا واخد نفس واحمد ربنا
عمر بضحك اقسم بالله نفس الوضع كل ما افتح عيني واشوفك او ابقى قاعد والاقيكي جمبي عادي كده وكله عارف من غير اي قيود احمد ربنا في سري حقيقي ربنا يديم نعمه وجودك في حياتي وباس جبينها
زينب بحب ويديمك ليا يحبيبي يارب ومدت ايديها جابت الاكل وتابعت بحب هتاكل معايا ها
عمر لاالا انا امتي بصحي من النوم اكل كلي انتي بس اهم حاجه علشان دواكي وانا شويه كده هاكل متشيليش همي
زينب لا والله كل معايا متزعلنيش منك هتسيبني افطر لوحدي امسك يلا من ايدي
عمر قطم منها وتابع بحب اهو مردتش ازعلك كلي انتي بقى علشان خاطري
زينب طب ساعه ولا حاجه وهقوم اعملك تفطر ها
عمر حاضر والله بس حقيقي مبعرفش اصحى اكل انتي عارفه يلا انتي بس خلصيهم كلهم
زينب بتفاجئ كلهم ايه بتهزر صح
عمر بهزر صح ايه ده هما كلهم على بعض 6 فينو كلي يابت متبقيش مسمومه
زينب بضحكك لا طبعاا مش هقدر
عمر بحب وحياه عمر هتقدري يلا بقى
زينب بضحك ياربي عليك يا عمر لازم تقولي وحياتك علشان تجبرني يعني
عمر بضحك اه حاجه زي كده منا عارفك مبتجيش غير بلعين الحمرا وبص حواليه وتابع نسيت المايه هقوم اجيبهاا واعملك نسكافيه علشان بتشربيه بعد الفطار انا عارف وجايلك
زينب لالا خليك متتعبش نفسك يعمري هجيبها واعمل انا بعد الاكل
عمر باس راسها وتابع بحب متخافيش مش تعبان كلي انتي بس اهم حاجه نحمد ربنا صحيتي جسمك بارد
زينب بتنهيده اه الحمدلله بجد
وعمر خرج يجبلها مياه ويعمل النسكافيه وهي فونها رن فكانت صاحبتها في الشغل
زينب ردت وتابعت بحب ايه يا ريهام عامله ايه
ريهام بحب انا الحمدلله كويسه انتي عامله ايه
زينب بحب نحمد ربنا كله تمام
ريهام بتنهيده المهم المدير مستحلفلك علشان بقالك كتير مش بتيجي
زينب بتفاجئ يابنتي منا قايله لهند تقوله هتتنيل تتجوز وعايزه اجازة
ريهام بتنهيده منا عارفه يا زينب بس قالك كده طولت اوي
زينب نفخت بضيق وتابعت الواحد اتخنق بجد اصلا لسه دي عايزة خناقه مع عمر معرفش هيبقي ايه موقفه من موضوع شغلي بعد الجواز
ريهام بحب بلهداوه سايسيه هيرضى وبعدين ده هيسافر كتير فباذن الله ميعترضش بس انجزي حالك على الاقل تكلمي المدير تصبريه
زينب تنهدت بعمق وتابعت حاضر يا ريهام وتسلميلي تعبتك بجد
ريهام بس يعبيطه احنا اخوات والف مليون مبروك
زينب بحب الله يبارك فيكي يارب
————————————
عند بيت صلاح الباب خبط
باسم افتحي يا هايدي شوفي مين بيخبط
هايدي رايحه تقوم فتابعت ياسمين بحب خليكي انتي بتاكلي البت هقوم انا ..انا خلصت
هايدي بحب تسلمي يارب
وبلفعل قامت ياسمين فتحت الباب واتصدمت من اللي واقف
