رواية غموض الحب عائلة الرفاعى الفصل السابع و العشرون بقلم لولا
صلاح تنهد بعمق وتابع يعني انتي اخت يونس وشهد فعلا يا حبيبتي ومتجوزيش ليونس لانك لحمه ودمه وبنت الرفاعي
ياسمين اتصدمت بشده واكملت نعم !!! اخت مين ؟؟؟ وبنت مين ؟؟؟ ودموعها نزلت وتابعت انت بتقول ايه يا عمو اللي انت بتقوله ده مستحيل
صلاح بحزن خالو مش عمو يا ياسمين
ياسمين اتصدمت اكتر وقلبها وجعها واكملت خالو !!! يعني ايه ؟؟؟ خالي ازاي انت وعيطت وتابعت انا ماليش اهل و
صلاح بحزن وبمقاطعه: لا يا بنتي ليكي اهل و انا من اهل امك الله يرحمها واهل ابوكي انتي وسطهم
ياسمين بصدمه ووجع الله يرحمها !!!! انا مش فاهمه حاجه مش فاهمه حاجه انت بتقول ايه بجد بنت مين انا وازاي يونس وشهد اخواتي يبقى كده عز بابا فعلا وازاي امي واحده تانيه وماتت ازاي وايه كل الاحدااث دي وليه هيكدبوا عليااا .. انااا مين اصلااا قولي انا مييين وفضلت تعيط
صلاح حضنها وفضل يهاديها وتابع بدموع وحزن تأكدي اني قولتلك علشان صعبتي عليا والا مكنتش فتحت بوقي نهائي
ياسمين بعياط صعبت عليك !!! صعبت عليك ازاي مش فاهمه انت بتقول حاجات انا عاجزه افهمها اصلا انا مصدومه ومقهوره ان ليه يكدبوا عليا بس سيبك منهم يخش يولعوا ومش مهم اخسرهم المهم اخواتي يعني .. يعني يونس اخويا بجد !!!! وبصتله بلهفه وتابعت وهي بتعيط ارجوك جاوبني يارب ماتكوت بتكدب عليا يعني احضنه عادي صح ؟؟ مش حرام صح ؟؟ وانهارت عياط وتابعت ابوس ايدك رد عليا فهمني انت بتقول ايه انا الواقع بتاعي صعب بس اللي انت بتقوله قادر يحيني حتى لو هخسر الشخص اللي سابني مغفله كده عمري كله بس انا مش عايزة غير يونس وشهد فارجوك جاوبني وبصراحه
صلاح بدموع طبطب عليها وتابع اهدي يابنتي هجاوبك و اطمن قلبك فعلا دول اخواتك ويونس حلال يحضنك انتي مبتعمليش حاجه حرام يحبيبتي انا كنت مخبي عليكي لان ابوكي اقنعني ان كده حياتك احسن وتقبلتي واقعك بس اتصدمت لما لاقيتك تعبانه بلشكل ده ومراكمه جواكي قهر ووجع وبتحرمي حضن اخوكي عليكي وحاسه كانهم عاملين معاكي واجب فهنا قولت لا لازم اعرفك واللي يحصل يحصل ده انتي بنت الغاليه يا ياسمين مكنتش عايش غير علشانها
ياسمين بوجع ودموع بابا يعمل فيا كده ليه استفاد ايه من احساسي بلغربه عمري كله وسط اهلي وماما اسمها ايه وماتت ازاي
صلاح بحزن هفهمك كل حاجه لان امك الله يرحمها قبل ماتولد حكتلي بلتفصيل اللي حصل واسمها مريم
ياسمين ابتسمت بوجع وتابعت وحاكتلك بس قبل ماتولد ليه ?? وطلما عارف من زمان كده كنت فين كل الفتره اللي فاتت من حياتي
صلاح بدموع لانها كانت بتعشق عز وهربت معاه يابنتي كانت برا وفكرناها اتخطفت بعدين لما السنين عدت قولنا اكيد ماتت اتاريها راحت مع ابوكي بعدين كلمتني وروحتلها ولما حاولت اوصلك لما اتولدتي بعد ما دفناها عز كان خدك وقال لاهله ان اهلك راموكي في الشارع وصعبتي عليه وقرر يربيكي مع يونس ابنه ولبنى مراته رحبت بيكي واعتبرتك بنتها ومن ساعتها كله فاهم كده وانا حاولت اوصلك منعني وبعدني عنك بكل الطرق ولما عرفت اخيراا مكانه جيت اشوفك
ياسمين بوجع ودموع احكيلي كل حاجه من البدايه من فضلك
صلاح بحزن حاضر يابنتي
فلااش باااااك من 23 سنه في يوم الجو برد جدا والدنيا مطره كان ماشي عز بعربيته في شوارع القاهره ودقايق ووقف ركن والباب فتح ودخلت منه بنت جميله جدا شعرها طويل وبيضه خدودها حُمر وعينيها عسلي عمرها 22 سنه وعز الدين ساعتها كان 27 سنه
عز بحب ايه الحلاوه والقمر ده
مريم بخوف والنبي كفاياك معاكسه دلوقتي واطلع يلا
عز بحب وهو بيمشي يابت انتي بيتك من هنا بعيد اوي متخافيش بقي ده انتي هتبقي مرات عز الدين الرفاعي
مريم بدموع انا خايفه يا عز
عز بستغراب خايفه من ايه يا مريم انتي ندمانه
مريم بدموع لا مش ندمانه انت عارف انا بحبك ازاي بس خايفه من اللي جاي عموما كان نفسي اخويا الوحيد وعمامي يبقوا جمبى وابقى عروسه واجيب فستان وافرح مش حابه اعيش مستخبيه
عز الدين بحزن نوصل يا مريم وهنتكلم براحتنا دلوقتي عايزه تنامي شويه نامي
مريم بدموع وخوف وجسمها بيترعش رايح فين ???
عز خلع جاكته وحطه عليها وباس راسها وتابع رايح بيتنا اللي جبتهولك هنا علي النيل بس بعيد عن بيت اهلك اوي متخافيش
مريم بابتسامه واشمعنا علي النيل ده انا قولت هتروح بيا اي بلد في الصعيد
عز بضحك منا عارفك نفسك تسكني علي النيل وبعدين حتت القمر الرقيقه زي الورد دي مش هتعرف من القاهره تعيش في تقاليد الصعيد الحاليه فهوديكي مكان ترتاحي فيه
مريم بوجع ودموع ولا بعيد عن ام يونس ??
عز نفخ بضيق وتابع يابنتي انتي ليه مصممه تنكدي عليا كل مره قولتلك غصب عني وكنت مضطر
مريم بدموع اممم طب انا هسكت احسن مش وقته رغي في الموضوع ده
عز بصلها وتنهد بحزن ورجع ركز في الطريق وبلفعل بعد شويه ووصلوا كانت مريم نامت فنزل فتح العربيه وشالها بين ايديه وقفل وطلع السلالم ففتحت عينيها ببطئ
مريم بخوف وحرج يخربيت اهلك انت بتعمل ايه نزلني
عز بضحك ايه بعمل ايه ده المأذون طالع ورانا اهو وهعمل براحتي
مريم بحرج بجد انت ازاي تشلني كده نزلني الله يخليك
عز بضحك وهو بيفتح الباب تابع ده انا شايلك مخصوص علشان اشوف الفراوله اللي في خدك دي قسما بالله راحت ضربته في صدره فضحك وفتح الباب ودخل اوضتهم ونزلها براحه على السرير وتابع بحب اوضتنا اهي وفستانك البسي وتعالي
مريم بابتسامه حاضر وخرج هو وقفل الباب وبلفعل قامت مسكت الفستان كان كم شفاف بس مليان شغل فمش مبين جسمها وماسك من عند الصدر ومنفوش لتحت وجمبيه بوكيه ورد شكله جميل فمسكته وابتسمت بفرح بعدين لبست الفستان بحماس ولفت بيه حوالين نفسها كانت مبسوطه اوي ولبست تاج يزين شعرها الطويل اللي كان نازل بتمويجه جميله جدا وحطت ميكاب رقيق وكانت حقيقي اميره ودقايق وسمعت صوت عز بينادي
فطلعت بهدوء فبصلها بحب واعجاب وتابع تعالي جمبي
راحت قعدت جمبه وبدئوا في كتب الكتاب وامضاء الشهود والعريس والعروسه وشويه واتجوزوا
المأذون بابتسامه الف مبروك يا ابني ربنا يسعدكم
عز بفرح الله يبارك فيك يا مولانا
وفضلوا صحابو يباركولوا وهي واقفه بعيد شويه قدام البلكونه سرحانه
وشويه كلهم مشيوا فا راح عندها وقفل الستاره قدامها فاتخضت وبصلته
مريم طب ليه الفصلان ده شكل النيل حلو اوي
عز بصي يا مريم انا مكنتش اقدر اعترض على حياتك الاول انما دلوقتي انتي مراتي وحط ايديه على شعرها وتابع يعني شعرك القمر ده يبان ليا انا بس فارجوكي خدي وقتك بس اتحجبي
مريم بضحك امممم ده هيبدا بدري في شغل الصعايده اهو ودخلت اوضتهم
عز دخل وراها وتابع بحب لا مش حكايه صعايده ده الدين نفسه بيقول كده وانا راجل بغير ومن حقي انتي مش بتبصي في المرايه يابت ولا ايه
مريم تنهدت بعمق وتابعت واللي احنا بنعمله ده مع الدين يا عز ??
عز بحده ليه عملت ايه ?? انا راجل والشرع محللي اربعه مش اتنين فيها ايه يعني اللي عملناه
مريم بدموع لا انا اقصد اني اسيب اهلي واجي معاك ده يصح ??
عز بحده متحسسنيش اني وحش كده انا جيتلك وطلبتك منهم مره واتنين وتلاته بس رفضوا علشان اتنيلت اتجوزت
مريم بدموع حقهم ماهو انت تقدر كنت تيجي تطلبني قبل لبنى
عز بعصبيه يابنتي انتي مبتفهميش ليه بقولك ابويا ميرضاش اتجوز بنت برا اسيوط واختارلي بنت عمي وقالي هتتجوزها يعني هتتجوزها ولما عارضت وجبت سيرتك ضربني وقالي هتحرم من الميراث لانه هيوزعه ولحد الان مدفعش جنيه لحد بس سمعت من ايمن ان فعلا هيوزعه كمان كام سنه ولا حاجه لو كنت اعرف هيطول كده مكنتش اتجوزت وكنت استنيت العمر كله اورث واجي اتجوزك ونروح اي بلد بره بس خوفت تتجوزي واهلك يجبروكي على غيري ففضلت خمس سنين اتحايل عليهم ويرفضوا او عليكي تسيبيهم وتيجي معايا ولما جيتي معايا قلبي ارتاح مكنتش هقدر اسيبك سنين كمان مضمنش يحصل فيها ايه وهاخد فلوسي امتى وحاليا مش هعرف ابويا بجوازنا علشان ميقتلنيش
مريم بدموع فاتقوم تسمع كلامه وتتجوز غيري فعلا علشان الفلوس وتعلنها هي قدام الكل مراتك وتخبيني انا حبيبت عمرك
عز بعصبيه لا علشان مشحتش بيكي يا مريم علشان انا ومعتز وايمن مسنودين على ابويا ومحدش من غيره هيعرف يفتح بيت انا اتجوزت بنت بعتبرها زي اختي علشان حضرته صمم اتجوزها ورفضك رفض نهائي لو انا كان معايا فلوس كنت خسرت الدنيا كلها علشانك واتجوزتك وسافرنا بس اديكي شايفه يابنت الناس انا لسه بشتغل عنده فاضطريت اسمع كلامه لحد ما يبقي ليا فلوس .. يمريم متقارنيش نفسك بحد والله بحبك من يوم ماشوفتك في الجامعه من 7 سنين بحبك وانا عيل 20 سنه يا مريم ده اني اجي جامعه اسكندريه واقابلك ده كان احسن قرار عملته في حياتي يحبيبتي متنكديش علينا بكلامك ده علشان انتي برا المقارنه اصلا
مريم بدموع ووجع صدقني غصب عني مهما بحاول اكون كويسه برجع تاني اتعب واتوجع رغم عارفه ان لبنى عمرها ماخدت قلبك مني وانك بتحبني وبحبك من زمان اوي وانا حبك الاول والوحيد واستنيت نحقق حلمنا ونتجوز بس اتصدمت من الواقع لانها شاركتني فيك يا عز وانهارت عياط وتابعت شاركتني فيك ولمستها وخلفت منك عيل عنده خمس سنين كمان .. انت عارف كان ايه احساسي لما كلمتني قولتلي فرحي كان انهارده وان الهانم جهزت ومستنياك كمان زي اي عروسه وان حضرتك مش قادر ياحرام تقرب منها بس مضطر عارف انا حسيت بايه قوليي وعيطت اكتر وتابعت هتعرف ازاي انت مستحملتش فكره ان حد غيرك يلمسني وجيت اقنعتني اسيب الكل واجي معاك علشان تكسبني انما انا اللي حبيتك عمري كله جات ست هانم اتجوزتك وحملت منك قبلي وبقيت انا التانيه اللي متجوزها في السر مع انه في الاصل مكاني انا اصلا ا !! انت عارف انا مقهوره ازاي .. ساااكت ليه رد علياااا
عز كان باصص للارض ودموعه نزلت وتابع انتي شيفاني شخص وحش اوي وظلمتك مع اني فعلا مش قادر اشوف غيرك واتظلمت واتوجعت زيي زيك وكنت مضطر المسها فعلا يا مريم مكنش ينفع دي بنت عمي ومراتي وليها حق تكون زيها زي اي حد انما وغلاوتك عندي عمرها ماشاركتك في قلبي من يوم ماشوفتك محدش دخل قلبي غيرك ولا هيدخل بس دي ام ابنى لازم اتقي الله فيها بردو وصدقيني مقهور وحاسس بوجعك بس افهميني ولو مره واحده ده انا على عيني ان اخبيكي انتي لان ده مفروض مكانك فعلا ده انتي البنت اللي عشت احلم بس ترد عليا بقيت مراتي وبين ايدي والله على عيني بس غير الفلوس ابويا صعب جداا ومش هعرف افاتحه في الموضوع ده وغلاوتك عندي بس انا بردو عاصيته واتجوزتك وده يثبتلك صدق مشاعري
مريم بدموع ووجع حتى لو غصب عنك وانا فاهمه كده كويس ولازم تعاملها حلو لانه شرع ربنا فكره انك لمست واحده تانيه بتقهرني وخصوصا عارفه ان لبنى بتحبك ااه يااارب بجد ذمبي ايه فكل ده انا يااارب وقعدت بركبتها على الارض وعيطت وتابعت مش متخيله ابداا ان انت ازاي تعمل كده بجد
عز قومها وحضنها جامد وتابع بدموع ووجع حقك عليا وليكي عندي اني هنسيكي كل ده بلوقت وهتتقبلي حياتنا وهنفرح ونعوض اللي فاتنا ارجوكي يا مريم كفايه بتوجعيني بعياطك ده وبصلها وتابع بدموع مش عارف هتصدقيني ولالا بس مبعرفش اقرب منها غير لما اتخيلها انتي انا محبتش غيرك يا مريم
مريم بدموع ووجع موعدكش هنسى النقطه دي لانها بتقهرني بس هحاول اتقبل الواقع وانت هتساعدني وصحيح انا عايزه بيبي منك زي لبنى يا عز اظن ده حقي
عز بحب وابتسامه حقك طبعا وباسها بحب وتابع ده انا عنيا ليكي يسلام ده يوم المنى لما اشيل ابني منك
مريم بابتسامه وحب لا انا عايزه بنت نفسي اسمي ياسمين اوي
عز وهو بيفك ازرار قميصه تابع بحب يسلام ده عيوني يا احلى ام
ياسمين
مريم شالت التاج وقربت منه وتابعت بحب مش عايزاك تفرق في المحبه بين يونس وياسمين دول اخوات
عز قلع قميصه ورماه على جمب وشدها ليه وتابع بحب العيال كلها هتبقى عيالي فطبيعي بحبهم زي بعض دول لحمي ودمي انما ذكريات ياسمين هتختلف بصراحه وغمز بضحك
مريم فضلت تضحك بعدين تابعت بغيره انت بتتكلم مع لبنى كده يا عز ؟؟؟
عز بحب مع لبنى لساني بيتكلم انما معاكي انتي قلبي بيتكلم وصدقيني بردو بعاملها بما يرضي الله وعمري ما زعلتها
مريم بوجع بس هي بتحبك
عز باسها بحب وتابع وهو ساند جبينه على جبينها وانا بحبك انتي
مريم حضنته بحب وهو باسها وقرب منها اكتر وتجاوبت معاه بحب
بعد مرور شهر كانوا عند الدكتور ورجعوا من برا وعز قعد على الكنبه وتنهد بعمق وتابع كوبايه قهوه معلش يا مريوم
مريم بتنهيده قعدت قدامه وتابعت مش قبل ماتقولي قالتلك ايه الدكتوره لوحدكم لما نزلتني اجيب التحاليل
عز بابتسامه قالت ايه يحبيبتي مقالتش حاجه انا قعدت معاها لحد مانتي ماتيجي وزي مانتي شوفتي قالتلك ان صحتك تعبانه شويه والحمل هيتطلب وقت انا اصلا مش فاهم طاوعتك ازاي وروحت لدكتوره بعد اول شهر جواز والله ده انتي اللي صعيديه مش جوزك وضحك
مريم بدموع متكدبش عليا يا عز في ايه معايا انا مش هصدقك لما تضحك الضحكتين دول في وشي انا مريم حبيبت عمرك فبلاش كدب هاا وبعدين فيها ايه لما احمل منك من اول يوم كمان ده مش شغل صعايده انا عايزه اخلف منك علشان بحبك انا مش معايا اي حاجه غيرك ولما بتمشي بحس بليتم فيها ايه لما اعوز منك بيبي يبقي معايا طول الوقت يسليني ويحقق حلمي اني اشيل بيبي منك جوايا مش فاهمه ده مفاتش غير اسبوع على جوازك الاول وقولتلي شاكين ان لبنى حامل اشمعنا انا يعني
عز بحده قولتلك 100 مره بطلي تربطي حياتك بحيااتها طب ما هي سايبه نفسها الفتره دي من غير موانع ونفسها تخلف بنت وربنا مش رايد لحد دلوقتي احنا مالنا بلكلام ده .. ده بتاع ربنا هي بمزاجنا يعني ? بعدين انا مقولتش لا قولتلك حقك تخلفي بس سيبها تيجي بوقتها لما ربنا يريد
مريم بصدمه ووجع استنى بس هو انت اصلا لسه بتقرب منها !!
عز نفخ بضيق وتابع يا مريم ماهي مراتي مينفعش ابوس ايدك افهميني
مريم بعياط وعصبيه افهمك ايه ده يااارب ياخدني منك وارتاح يا شيخ انا مش قيلالك انا عنيا ليك وقت ماتعوزني مش هعارضك بس متقربش لي لبنى تاني !!
عز قام مسك دراعها جامد وتابع بعصبيه احترمي نفسك ومتدعيش بلموت قطع لسانك بس انتي هتفهمي ايه انتي كل اللي بتفكري فيه انك غيرانه من لبنى ومن قربي ليها وبس طب ويا ام مخ نضيف لما ابطل اقربلها وتحس اني متغير والكلام يكتر يقولوا ايه هااا ردي عليا
مريم بعياط ووجع مش هيقولوا حاجه فيها ايه مش عايز وخلاص هو بلعافيه
عز بوجع مريم ابوس ايدك كفاايه عياط ومسح دموعها وتابع وهي لو بلسهوله دي كنت بطلت اقربلها من زمان يحبيبتي ارجوكي افهمي هي هتشك فيا وهتقول لابويا اني متغير ومش بعيد يقولي يبقي معاك غيرها علشان كده مش بتعاملها بما يرضي الله وغير كل ده ربنا يحبيبتي اروح منه فين دي مرااتي وليها حقوق عليا بس انا مش بعامل حد زيك نهائي
مريم بوجع اخر كلامي انا عايزه بيبي يا عز يا نروح لدكتور يساعدني اخف بسرعه علشان احمل يا تطلقني انما شغل اني استني معرفش لحد امتى ده مش هيحصل
عز بعصبيه طلقه في نفوخك يا بعيده انتي اتجننتي يابت بقولك بحبك ومش بحب غيرك عادي بنسبالك كده اطلقك
مريم دموعها نزلت وزقته ودخلت اوضتها وتابعت متجيش ورايا عايزة اغير
عز بحده مش متنيل بس يلا تعالي علشان علاجك ولا مش عايزه تخفي بسرعه
ومريم غيرت هدومها ولبست قميص موڤ فاتح حمالات قصير وفردت شعرها وخرجت شافته بيحط حبوب في الكوبايه بحذر فاستخبت لحد ما خلص وحط الشريط تحت مخده الكنبه بعدين خرجت .. عز بحب يلا يحبيبتي الاكل والعصير اهم
مريم بصدمه وانت مش هتاكل ?
عز بحب لالا مش قادر يلا انتي بس
مريم بوجع ممكن تجبلي معلقه غير دي
عز بحب بس كده ده انا عنيا الاتنين ليكي وباس راسها وتابع ربنا يهديكي يارب يحبيبتي وضحك وقام
فقامت بسرعه دلقت العصير في حوض الحمام اللي في الصالون وصبت غيره وصورت الشريط بفونها وحطته مكانه وكتبت لدكتوره جارتها برشام ايه ده ? وبعتت المسدج ولما لقتيه جاي سابت الفون بسرعه ..عز بحب اهي معلقه تانيه امسكي الف هنا
مريم ابتسمت وسكتت بس جواها في صراع وخوف ووجع ليه يعمل كده وبرشام ايه ده علشان مش عايزها تشوفه وهو بيحطه والواضح من اول مره الشريط خلصان يعتبر وفاقت على صوته
عز بحب ايه يحبيبتي ما تاكلي
مريم هزت راسها بتمام بوجع وكالت وشربت من العصير
وجتلها مسدج من الدكتوره بتقولها ده برشام منه حمل يا حبيبتي لو منتظمه عليه مش هيكون في حمل بس لو نسيتيه مره وارد جداا يحصل حمل ..مريم اتصدمت وقلبها وجعها بس حلفت ماتبينش وتكمل اللي في دماغها
عز لاحظ تغير وشها فتابع بستغراب مالك يحبيبتي انتي كويسه
مريم سابت الاكل وتابعت بابتسامه اممم كويسه جدا وقامت قعدت على رجليه ولفت ايديها حوالين رقبته وتابعت بصوت رقيق وحب واحشتني
عز بضحك ده من امتى الروقان ده
مريم بحب وهي بتفتح زراير قميصه وتابعت من انهارده قولت كفايانا خناق وعايزه اكسبك شويه مش معقول كل يوم خناق كده
عز بحب قام وهو شايلها بين ايديه وتابع اه قدري شويه حتت اني لازم اجيلك كل يوم دي حتى لو مش هبات مع انه مشوار يقطم الضهر والله
مريم بوجع اممم فعلا مش سهل كل يوم تجيلي من اسيوط الا علشان سبب قوي وتابعت في سرها اني افضل باخد حبوب المنع
عز بحب طبعا والسبب هو اني مقدرش مشوفكيش يوم
مريم ابتسمت من ورا قلبها وتابعت في سرها كان نفسي اصدقك يا عز ودخلوا اوضتهم وقرب منها بحب ونسيت زعلها منه رغم انها موجوعه
بعد مرور 3 شهور مريم كانت حريصه جداا انها متشربش العصير كل مايحطوا وتبدله لحد ما حملت بس مقالتلوش وكانت ضعيفه فمش باين على بطنها انها خلصت التالت خالص كانت بارزه خفيف وفي يوم عز كان عندها وبياخد شاور وطلع لافف الفوطه حوالين وسطه وبينشف شعره بفوطه تانيه وهي كانت واقفه بتعمل الاكل فخرج حضنها من ضهرها وتابع واحشتيني اوي
مريم ابتسمتله بتعب وتابعت معلش يحبيبي حقك عليا تعبانه وحطت ايديها على بوقها ودخلت جري الحمام وفضلت تستفرغ فعز خاف عليها جدا ودخل وراها ورفع شعرها وتابع بخوف مريم مريم انتي كويسه يحبيبتي
مريم بتعب ااه ااه كويسه وقامت فسندها وغسلها وشها كويس ونشفهولها بلفوطه وشالها بين ايديه وخرج حطها في السرير وتابع بخوف فيكي ايه نروح للدكتوره ??
مريم بخوف لالا دكتوره ايه انا زي الفل اهو مالك ده شويه برد وهيروحوا لحالهم
عز قرب منها واعتلاها وتابع بحب طلما زي الفل منكده عليا ليه ها
مريم بتوتر مش نكد والله بس مش قابله حاجه خالص
عز قام وتابع بضحك خلاص يابت مالك في ايه .. ايه كل التوتر ده .. ده انتي اول الجواز مكنتيش بتتكسفي كده ووقف يغير هدومه وتابع بضحك شغاله قرفانه ومش قابله وبترجع ولا اكنها حامل
مريم بوجع ومبقاش حامل ليه يعني ??? ما ممكن صح
عز اتصدم من كلامه وتابع بتوتر اقصد انك مش حامل يابت فاهمه فبقول دي تصرفات حوامل وكمل لبسه
مريم قامت وقفت قدامه وتابعت وايه اللي هيخليني مش حامل فعلا ما يمكن حامل يا عز ولا انت واثق انك بتحط الحبوب بانتظام
عز اتصدم بشده وتابع حبوب !! حبوب ايه يمريم انتي اتجننتي
مريم بدموع ياريتني .. ياريتني اتجننت مكنتش اتوجعت واتقهرت منك كده من اكتر واحد بثق فيه وعايشه علشانه بس العيب مش عليك العيب على الرخيصه اللي سابت اهلها وناسها وجات وراك وواقفت تبقي زوجه تانيه لراجل معاه واحده وعيل وعاشت في السر مكنتش اعرف اني رخيصه اوي عندك كده ومتجوزني لمتعتك مش اكتر
عز بعصبيه متعه ايه يخربيت اهلك انتي اتجننتي جااايه تختبري حبي ليكي دلوقتييي يا مرييم كل كلامك ده غلط ومفيهوش اي كلمه صح انطقي عرفتي منين اني بديكي برشام منع حمل اخلصييي قولييي
مريم بدموع وصدمه يااااه ده كله اللي فارقلك مكنتش اعرف ان خلفتي منك هتتعبك اوي كده يا عز انت خايف اروح اقولك للحج منصور اني حامل في حفيدك يا عمي وابنك متجوزني علشان اضمن حقي منك فعلشان كده كنت بتحطلي حبوب منع حمل مش كده ???
عز بدموع وعصبيه لا طبعااا يا متخللفه كل كلامك غلط انطقي قوليلي يا مريم عرفتي ازاااي ريحي قلبيي
مريم بوجع ودموع اريح قلبك !!!! عموما من ساعه ما روحنا للدكتوره يا عز وشوفتك وانت بتحطه وبعت لجارتنا وسالتها وقالتلي
عز بصدمه وبعدين ??
مريم بابتسامه منتصره ودموع ربعت ايديها وتابعت ولا قبلين بطلت اخده وبقيت ابدلها كل مره
عز اتصدم اكتر وتابع بوجع لالالا اوعي يكون اللي في بالي صح !! انتي .. انتي حامل يا مريم ??
مريم بصتله بسخريه وتابعت بدموع اه حامل بس والمصحف ما عايزة منك جنيه ولا انا ولا اللي في بطني ريح دماغك يا عز مستعده اكتبلك تنازل بحقه في ميراثك علشان تطمن
عز اتصدم وقلبه وجعه بشده وتابع بعصبيه شديده ودموع فلووس ايه وقررف اييه ينعل ابو دمااغك اللي ودتنااا في دااهيه انتي عاارفه انتي هببتي ايييه انطقيي
مريم خافت من رده فعله وعصبيته فتابعت بعصبيه ودموع لا معرفش غير انك حيوان وغير امين عليااااا وفالح اوي تدي لبنى حقوقها وتتقي فيها الله وانا ظالمني من كل النواحي وبتيجي تثبتني بكلمتين مش اكتررر وانا زي الهبله بيضحك عليااا ولو اعرف انك زبااله اوي كده مكنتش حملت منك علشان ملوش ذمب ابني في اختياراتي الغلط ويجي لاب ظالم زيك بس انا علشان هطلق فعايزه حته مني اعيش علشانه يا عز مش انت خالص اللي فارقلي اتفضل طلقني وغور برااا خسرتني كل حياتي يا شيخ
عز بعصبيه شديده ودموع انتي بتقووليي ايه ???? اطلق ميين ????انتي مش فاههه اي حاااجه اصلااا انا مش عايز اخلف منك يمتخلفه ده انتي حته مني وبنتي وحبيبت عمري انا هبص للفلوس والقرف دده يا يمريم انا كدده حبيبك كدده ده انا عملت كل ده علشانك ده انا ابيع الدنيااا واشتريكي ده انتي نورعييني ازاي تصدقي عليا كددده بس مش مهم اعتبريني زباله كده … زباله بزباله بقى يلا علشان تنزلي معايا اللي في بطنك ده لازم ينزل وبيشدها
مريم اتصدمت بشده وتابعت بصراخ وعيااط لالالا ابوس رجلك يا عز ووطت عند رجله فبعد رجله عنها ووطي قدامها فاكملت هي بعياط ابوس رجلك وايديك انا كنت هموت واحمل ارجوك سبلي حاجه واحده اعيش علشانها انت صدمتني فيك جدااا لان لو انا اهون عليك ازاي ابنك يهون كده ده روح يهون عادي تموته وانا والله مش هاجي جمبك تاني بس سبني اعيش انا وابني في سلام ارجوك
عز اتصدم اكتر من تفكيرها تابع بوجع ودموع انتي مش هتعيشي اصلا يا مريم
مريم اتصدمت اكتر وتابعت بخوف يعني ايه هتقتلني علشان حامل ??
عز ابتسم بسخريه على تفكيرها وراح قعد على الارض وسند ضهره للكنبه وتابع بوجع اقتلك ?? للدرجه دي بقيت بنسبالك مرعب وبخوف ووحش ومادي وعايز اقتل ابني او اقتلك للدرجه دي فقدتي الثقه فيااا
مريم بدموع وخوف غصب عني اللي شوفته منك مكنش قليل
عز بوجع ولما سالتي نفسك يتارا بعمل كده ليه جاوبتي كل الاجابات الزبااله اللي لسه قيلاها دي مش كده ??
مريم بدموع ووجع للاسف دي الحقيقه
عز بوجع انتي متعرفيش اي حاجه عن الحقيقه انتي لو عايزه تعرفيها كنتي تبصي في عيني .. عيني عمرها ماقالتلك غير الحقيقه
مريم بدموع بتغلبني حقيقه اني بحبك حتى وانت قاهرني
عز بدموع انا كنت بحافظ عليكي مش بقهرك لانك تعبانه يا مريم .. انتي لما تعبتي لما كنا في الجامعه واغمي عليكي وديتك للدكتوره وساعتها قلبك كان واجعك وضغطك وطي ولما جيت افهم منها حالتك طمنتني بس قالتلي قلبها بيتعب جامد فبلاش اي مجهود وانا من ساعتها مش قايلك وبخلي بالي منك ولما روحنا للدكتوره من فتره قالتلي نفس الكلام وان اصلا مش هينفع تحملي خالص علشان
مريم اتصدمت وتابعت بوجع ودموع علشان ايه يا عز ???? وراحت قعدت قدامه وتابعت بعياط قولي علشان ايه ابوس ايدك انطق
عز بعياط ووجع علشان مش هتعيشي يا مريم قلبك مش هيستحمل الولاده وهتموتي فكنت بمنعنك تحملي بلحبوب دي واتعصب وتابع بدموع الحبوب اللي كنت باجي من اسيوط للقاهره علشان اديهاالك خوفااا عليكي وانتي كنتي بتدلقيها وفاكره نفسك بتفهمي … عرفتي انا عملت كده لييه ??? عرفتي مش عايزك تحملي ليه ??? عرفتي كدبت عليكي لييه ?? كل ده علشان بعشقك ومقدرش اعيش من غيرك بس انتي بينتيلي انك عمرك ماعرفتيني
مريم اتصدمت اكتر وتابعت بقهر وعياط حقك عليا يا عز ارجوك سامحني ابوس ايدك انا اسفه سامحني وحضنته جامد وتابعت بعياط ياريتني كنت صارحتك من ساعتها مش قادره بجد
عز بعياط حقك علياا انتي ياريتني ماكنت اتجوزتك ولا قربت منك ياريت كنت اتشليت قبل ماكون سبب فكل ده
مريم بعياط لا يحبيبي لا متقولش كده مش انت السبب انا السبب انا االلي خبيت عنك انما جوازك مني ده احسن حاجه عشتها في حياتي واوعدني تخلي بالك من ياسمين يا عز ارجوك
عز اتصدم وبصلها وتابع بوجع ياسمين مين ??
مريم بوجع ودموع اه عرفت النوع انا في ااول الرابع يا عز ومش هينفع اجهض لان بردو فيها خطر على حياتي فياسمين هتيجي بس انا هم
عز بمقاطعه حضنها جامد وتابع بعياط لالااااا ابوس ايدك انتي بتقولي اييه انااا مش عايز غيررك يا مرييم حرااام عليكي حرااام عليكي عملتي فيناااا كده لييه كنتي اساليني يا مرييم كنتي اسالييني
مريم بعياط حضنته اكتر وتابعت ارجوك متبعدش عني ولو روحت يوم تعلالي شهر وقول شغال اي حاجه مش طمع فيك بس خلاص انا همشي وهسيب بنتي ليك ولاخوها ولي لبنى ابوس ايديك خليها تعاملها حلو اي ان كان هتقولهم دي مين المهم ياسمين متتعبش
عز بعياط ووجع بس بس اخرسي بتقولي ايه انتي مش هتسبيني لا يمريم انا من غيرك هعيش جسد بس
مريم بعياط بعيد الشر عنك يحبيبي وحضنته وتابعت انا الغلطانه وانا اللي استاهل المهم انت متبعدش عني الفتره دي ارجوك
عز حضنها جامد وتابع بعياط مش هسيبك اصلا مش هقدر اسيبك هقولهم اي حاجه وهفضل جمبك وانشاء الله هتقومي بالف خير يحبيبتي ربنا قادر
مريم حضنته اكتر وتابعت بحب ودموع يارب ينورعيني
وبعد مرور ال6 شهور قبل ولادتها بكام ساعه كانت قاعده تعبانه بتتفرج على التلفزيون والباب خبط فعرفت مين وطلعت بتعب فتحت وتابعت باشتياق ودموع نورت ياصلاح
صلاح بص لبنطها بصدمه وتابع ده انتي حامل واتجوزتيه بجد !!!
مريم بتعب ادخل يا خويا مش من على الباب هفهمك كل حاجه وغلطانه من قبل ما اتكلم بس خلاص مبقاش في وقت
صلاح بستغراب مبقاش في وقت لايه
مريم شدته وتابعت بتعب هفهمك كل حاجه انا جبت رقمك وكلمتك وقولتلك عنواني وطلبت منك تيجي علشان كده انا مموتش ولا حاجه زي ما فكرتوا وقعدته وقعدت قدامه وفضلت تحكيله كل حاااجه من الاول للاخر وبعد شويه تابعت بتنهيده مش طالبه منك غير كل فين وفين تشوف البنت تطمن عليها انا ماليش اهل غيرك وهي من بعدي انت كل اهل امها انما انا عارفه عز هيراعيها ويحطها في عينيه
صلاح بعصبيه ودموع ادي اللي جالنا منك ومن حبك ليه هيموتك اهو ليه يا مريم ليه عملتي كددده فينااا
عز كان جوه خرج على صوته وتابع بعصبيه قطع لسانك يخش انت اللي تموت ونرتاح منك يا شيخ
مريم بدموع عز
عز راح حضنها وتابع بدموع حقك عليا مقصدش ادعي عليه بس كلامه ضايقني اوي يا مريم منا سمعت كلامك وريحتك وقولتلك اتصلي بيه يعني مفيش في نيتي حاجه انا اسف يحبيبتي
مريم ابتسمت بدموع وتابعت ولا يهمك ينورعيني وبصت لاخوها وتابعت بيعشقني .. ومن يوم ما اختك جات معاه مشافتش غير كل الخير اعترف اني غلطت بس مكنش عندي حد غيره اعيش علشانه ومحدش فيكم رضي بعلاقتنا وخلاص انا ايام وهولد فا ده كلام مش وقته كل اللي طلباه منك انك تبص على ياسمين كل فين وفين زي ماقولتلك و
صلاح بمقاطعه وبحده مع احترامي ليكي يا مريم بس انتي كسرتي ضهرنا وواحد زيي كان ضربك قلمين وجرك من شعرك وبهدلك علشان كسفتيني قدام الناس وانا احتراما لتعبك همشي ومش هتكلم بس انتي وغلطتك واللي جي منها متخصناش خلاص ده عمامك كانوا عايزين يقتلوكي لما كلمتيني ومنعتهم يجوا بلعافيه وقولت ده اختي انا وشرفي انا بعد امي وابويا ملهاش حد غيري فانا اللي هتصرف
مريم اتصدمت بشده وقلبها وجعها فتابع عز الدين بعصبيه في ستين داهيه كلكم انا معاها هي وبنتي ومش عايزين من اشكالكم حاجه قولتلك متكلميش حد
مريم بدموع وتعب نورت يا صلاح
صلاح بحده عن اذنكم وهعتبر نفسي توهت ومجتش لو سالوني وبصلهم بقرف ونزل
عز بدموع بصي يحبيبتي ولا كانه جيه ولا يهمك
مريم بتعب ووجع مسكت في تيشرته وتابعت اااه .. عز مش قااادره اااه حاسه نزل مايه مني ااااه
عز خاف واتصدم لما لقى اعراض ولادتها جات كل اللي كان بيجي في دماغه ان لا مش عايز البنت بس عايزك انتي وبتلقائيه وخوف شالها ونزل بيها جري وشافهم صلاح فمشي وراهم بلعربيه وشويه ووصلوا المستشفي وعز شالها وجري بيها على جوه وهي بتصرخ
عز بخوف ودموع معايا حاله ولاده بسرعه
الممرضه جات بلترولي وتابعت حطها هنا بسرعه
عز نيمها عليه وجات تاخدها وتمشي مسكت ايديه وتابعت بدموع استني لو سمحتي وبصتله وتابعت عز
عز وطى قدامها وتابع بدموع وعشق: نعم يا نورعين عز يا قلب عز باس ايديها ودموعه زادت وبصلها وتابع ايه يحبيبتي تحت امرك
لبنى بدموع سميها ياسمين وابعدها عن صلاح طلما بيكرهوها كده وقول اللي تقولوا عنها بس المهم تبقى بخير دي الامانه اللي هسالك عليها يوم القيامه يا عز وعلمها وكبرها وجوزها اللي هي بتحبه متبقاش اب قاسي زي ابويا زمان الله يرحمه ولا يونس يكون ليها اخ يقهرها زي صلاح وهاتلها اخت بنت من لبنى علشان متحسس زيي بلوحده يكونوا سوا فكل حاجه ومتتكسفش تحكيلها اسرارها ويبقوا صحاب وسند لبعض ولما تعرف بيا خليها تفتكرني بلخير وتدعيلي قولها ماما بتموت فيكي من غير ماتشوفك كان نفسي والله اشوفها حتى دقيقه بس ده امر الله
عز الدين بعياط ووجع بس يا لبنى اخرسي هتقومي بلسلامه وهنعمل كل ده سوا هتقومي يحبيبتي انتي متقدريش تسبيني
لبنى بدموع طب اوعدني وريحني
عز باس خدها وجبينها وايديها وتابع بدموع اوعدك يحبيبتي اوعدك
لبنى بدموع بصتله بعشق وتابعت بحبك اوي يا عز وعلى عيني مشبعش منك وامشي بدري اوي كده كان نفسي نربي ياسمين سوا
عز انهار عياط وحضنها جامد وتابع وانا معرفتش الحب غير معاكي ياقلب عز بوعدك ليوم ما ااموت محدش هيشاركك قلبي يا مريم مهما حصل بس انتي هتقومي وهتشوفي انتي جامده وهتقدري
مريم عيطت في حضنه وتنهدت بارتياح لما شافت صلاح كان واقف وسامع كل حرف ودموعه في عينيه فرجعت نامت على الترولي وتابعت بدموع هتواحشني يا عز وقول لاهلي يسامحوني ويعرفوا اني بحبهم اوي بس هما مفهمونيش ولا مره وبصت للممرضه وتابعت يلا خديني
الممرضه بابتسامه حزينه يلا ومشيت بيها وعز مكنش راضي يسيب ايديها لحد مادخلت الاوضه وقعد على الارض يعيط ويدعي انها تقوم بلسلامه وعدي نص ساعه على الحال ده
صلاح بدموع مكنتش اعرف انك بتعشقها كده
عز بصله وتابع بعصبيه ودموع انت ايه االي جابك هاا وملكش دعوه بعشقها ولالا خليك في حالك وغور من هنا
صلاح بعصبيه اختي زي ماهي مراتك ومش همشي قبل ما اطمن عليها
عز رايح يتكلم سمع صوت ياسمين الممرضه شيلاها وخارجه فراح عندها بسرعه شالها منها وتابع الله واكبر امها طمنيني عليها الله يخليكي
الممرضه بحزن البقاء لله ربنا يصبركم
عز اتصدم وقلبه وجعه اوي قعد على الارض وحط ياسمين جمبه على الارض وصرخ بكل قوته وتابع بوجع وعياااط لييه يا مرريم لييه حراام عليكي قولتلك حمل لاااا يا مرييم قولتلك مش عاايز غيررك اااه يااارب ياارب خدني عندها يااارب مش قااادر لا يحبيبتي قومي لالالاا هتقومييي لاااا مش دي الحقيقه لا ده انتي 23 سنه شوفتي ايه انتي علشان تمشي بدرييي ينورعيني ااه يااارب قولتلك ذكريات ياسمين هتختلف وفعلا هي اختلفت يا مريم وفضل يخبط بايده علي الارض بكل غل ووجع
وصلاح كان واقف زيه منهار ومش قادر يبطل عياط وفضلوا كده لحد تاني يوم لما عز اتصل بصاحبه واداه ياسمين وراح دفن والدتها واستغل زحمه اهلها اللي جم على الخبر ومشي راح خد بنته ورجع الصعيد في وقت متاخر بليل والدنيا مطره
واتصل بيه صلاح يقوله فين البنت لانه حس بندم ووجع لما سمعهم مرضيش يقوله وقالوا تنسوها هي ملهاش اهل غيري خلاص ونفذ كلام مريم
بااااااك
صلاح بدموع بس وانا والله ندمت وحاولت اشوفك بس معرفتش وسامحتها انا وعمامها الله يرحمها يارب راحت بدري عروسه زي القمر
ياسمين كانت مصدومه وقلبها واجعها اوي فتابعت بدموع هو خبى امي طول فتره جوازهم وخباني انا طول حياتي وظلمني زي ما ظلمها
صلاح بدموع انسي الماضي يا بنتي وعيشي الحاضر وانتي راسك مرفوعه وبنت عز ومريم وليكي اخولت مش ملكيش اهل
ياسمين بعياط ووجع طب مقااااليش لييه هونت عليييه العمر ده كللله ميقولييش ليييه يا خالي
صلاح بدموع كنت فاكره حيوان وواطي علشان مخبي وجيت وسطكم علشان اكشفلك الحقيقه بس قدام عيني مبيخليش حد يجيب سيرتك بلوحش وبياكل اللي يتكلم عنك وبيحبك ومعلمك ومراعي ربنا فيكي حتي في جوازك قولتيلي ان سالك الاول ومفرضش عليكي يعني عز عمل بواصيه مريم يا ياسمين اكيد مقالش ساعتها خوفا من ابوه وكان مقهور ومش حمل عتاب علشان حبيبته سابته وبلوقت انتي كمان اتعودتي على كده فدفن الماضي علشانك هو مش مدرك انك كده تعبانه اكتر وانا كمان مخدتش بالي لما جيتلكم شوفتك وسط اهلك مرتاحه وعدته مش هتكلم علشان موجعكيش بس لما جيتيلي بلشكل ده دلوقتي مقدرتش محكيش الحقيقه
ياسمين بعياط ووجع ااه يااارب ازاي كل ده يحصليي ازااي انا مش قادره استوعب مش قادره افهم ازاي كل ده يحصلي ياررب ده انا عشت ايام سودا
صلاح باس راسها وتابع بدموع حقك عليا يا بنتي حقك عليا والله قولتلك علشان اريحك مش اتعبك استهدي بالله وابدائي من اول وجديد وعرفي اهلك الحقيقه واتبسطي بقي وكفايه تزعلي مريم في تربتها عليكي
ياسمين بعياط ووجع عارف طول حياتي بقول ياريتني مع اهلي وكنت قبل ما انام اتخيل اني لقيت ناس بجد وطلعت بنتهم وخدت اخواتي وامي وابويا بلحضن وبقى ليا عيله بس كنت ابص ورايا اشوف عز وشهد ويونس احس ان لا مش هقدر بردو افارقهم بعد العمر ده كله فيطلعوا هما اهلى بس بردو مفيش ماما وعيطت اكتر وتابعت انا عمري ما قولت يا ماما غير لضرتها يا خالي … انا عارفه ان ماما لبنى كانت بتحبني اوي واعبترتني زي عيالها وهي طيبه اوي الله يرحمها وغمضت عينيها بقهر وتابعت بعياط بس كل ما افتكر اني قولت يا ماما لواحده خدت مكان امي اتقهر اكتر امي عملت ايه وحش يخليني مشوفهاش ولا مره ويوم ما اجي يوم ما تموت واقول لضرتها يا ماما اصل مهما كان ماما لبنى كويسه وبحبها واتوجعت لموتها وانهارت عياط بس هي ضرتها بردو وجدي ظلم امي وظلم لبنى وظلم ابويااا وظلمني انا كمااان يا خالو
صلاح حضنها وتابع بدموع صحيتي وجعي يا ياسمين ربنا يهدي نارك يابنتي ويصبرك ولبنى كانت ست كويسه الله يرحمها وبتحب ابوكي وعمرها ماقالتله لا على كلمه وهي بردو امك لانها هي اللي ربت وسهرت يابنتي ومريم مش هتزعل انك ناديتيها ماما على قد ماهتفرح ان لبنى عيشتك احسن عيشه وخلت بالها منك بس ابوس ايدك اهدي لو حصلك حاجه ابوكي هيقتلني
ياسمين بوجع وتعب ااه مش قادره حقيقي الله يرحمك يا امي وعيطت وتابعت شوفتي كتير واتوجعتي كتيير بجد يحبيبتي محدش يقدر يتحمل اللي عشتيه ابداا وبصت لصلاح وتابعت بدموع الحقيقه وجعتني وقهرتني اوي يا خالو بس عايزه اشكرك انك حللتلي حضن يونس دي اهم حاجه عندي لان انا مش عايزه من العيله دي كلها غير اخواتي
صلاح بدموع ربنا يخليكم لبعض يا بنتي
ياسمين بدموع اللهم امين يارب
صلاح بدموع عارفه انك نسخه من امك في الشكل والعيون والبياض انتي اصلا عباره عن مريم من تاني
ياسمين بدموع اممم علشان كده عرفتني لما جيت البيت
صلاح بحب ودموع اه حاسس ان مريم عايشه فيكي والله يا ياسمين
ياسمين عيطت وبصت للسما وتابعت الله يرحمها يارب
في بيت الرفاعي عند شقه الحج منصور العيله كلها متجمعه وقاعدين
صافيه بحب طب يحبيبتي قومي اطلعي فوق طلما تعبانه
شهد بتعب لالا يا تيته مش بحب قاعده السرير نزلت انا خليت يونس ينزلني علشان اقعد معاكم شويه اتخنقت من القاعده لوحدي
نرمين بحب خليها ياما صح اهي تبقى وسطنا
منصور بتنهيده فينها ياسمين نايمه ولا ايه
شهد بتعب لا قالت لجودي نازله معرفش راحت فين طولت اوي
يونس وهو رافع الفون على ودانه تابع بحده ده لما تجيلي بس
عز بقلق شوفها يا ابني اتاخرت اوي قلبي واكلني عليها
مازن بص للساعه بقلق وتابع يونس دي داخله على عشره بليل كلمها طيب مردتش عليك يلا ننزل ندور
يونس بصله بحده ورجع بص لفونه تاني ومردش عليه
حسام احمم همس لمازن اتلم واسكت هيديك علقه تاني وهنتفضح
عايده بقلق طب شوفوها مع نور فوق ولا حاجه
احمد بقلق لا نور بتذاكر لوحدها في الاوضه ياسمين مش معاها ولا عند جودي لان جودي لسه نازله ومتعرفش فينها كل ده
سيف بحده طب ماتنزلوا تدوروا هتفضلوا تتصلوا بيهاا
عز بخوف ودموع ابوس ايدك يا ابني روح شوف اختك فين انا قلقت وقلبي مش مطمن لتاخيرها كل ده
يونس بعصبيه ده انا هطلع عين اهلها بس اشوفها علشان قايلها متتحركيش من جمب اختك ومعرفتنيش انها نازله وهتتاخر اصلا
عز بخوف ملكش دعوه بيهاا يا يونس هاتها وبس ابوها عاايش انا اقولها كانت فين
يونس بحده لما اشوفها بس ورايح ينزل شافها طالعه وعينيها حمرا من الدموع ومنفوخه وباين عليها التعب اوي فمسك دراعها جامد ودخل بيها الشقه وتابع بعصبيه كل ده كنتي فين هااا وقولتي لميين انك نازله هو انا مش قايلك متتحركيش من جمب اختكك يا ياسمين
ياسمين بصت لشهد ودموعها نزلت وتابعت ااه ااه قولتلي كده قولتلي متتحركيش من جمب اختك ااه حصل وعيطت وتابعت حقك عليا يا شهد انا اخت مش كويسه فكرت في نفسي وسبتك وانتي اختي الصغيره وتعبانه متزعليش مني وباست راسها وحضنتها
كلهم كانوا مستغربين اسلوبها فتابعت شهد بدموع واستغراب ياسمين مالك فيكي ايه ???
ياسمين بعياط ولهفه مالي يحبيبتي مالي منا زي الفل اهو انا بعتذرلك علشان مفيش اخت تسيب اختها في وضع زي ده
يونس مسكها من دراعها ووجها ليه وتابع بحده واما انتي عارفه كدده يا هاانم اتنيلتي كسرتي كلامي ونزلتي وسبتيها وروحتي فين وراجعه الساعه 10 بليل ولا اكن ليكي اهل تحترميهم هااا ردي عليااا
عز بحده خلاص يا يونس سيبها قولتلك انا هسالها الاسئله دي مش انت
ياسمين بدموع وفيها ايه لما يونس يسالني كنت فين ويكسر راسي لما اغلط كمان مش اخويا الكبير ???
عز بابتسامه اخوكي الكبير طبعا يا بنتي بس انتي عارفه انه عصبي وانتي حساسه فمش عايزه يعيطك
يونس بحده بابا زي ماهي بنتك هي اختي انا مش بضربها علشان تخاف عليها مش للدرجه دي بس حقي اعرف كانت فين علشان من بدري هموت من خوفي عليها وبكلمها مش بترد حتى تطمن اهلي بكلمه
ياسمين بصتله بحب وتابعت بدموع انا اسفه يحبيبي حقك عليا يا يونس انا فعلا غلطت اوعدك هعرفك كل حاجه بعد كده ووقفت على اطراف صوابعها ولفت ايديها حوالين رقبته وحضنته جامد وفضلت تعيط وهو لف ايديه على ضهرها وفضل يطبطب عليها وهو مش فاهم سبب عياطها بس حس انها محتجاه
مازن كان غيران جدا ومتعصب من تصرفاتها بس مش عارف يتكلم وحسام ملاحظ نظراته فبصله بحده علشان محدش ياخد باله
عايده بحرج احمم عز قولها مش كده تحترم ان خطيبها واقف على الاقل
احمد بحده انتي بتهببي ايه يا ياسمين وانت التاني بتحضنها كده ازاي
ياسمين بعصبيه ودموع اخوياااا كفاياااكم بقى انا تعببببت عملت ايييه غللط عملت اييه حراام واحده مكسوره ويتيمه ومقهوره ملهاااش سند غير اخوهااا فيها ايه لما تحضنه هااا ردوا عليااا حد فيكم بيعرف يعيش لوحده ?? حد فيكم بيعرف يشيل وجعه من غير ما يشاركه لحد ?? اكيد لا طبعا اشمعنا اناااا عايزيني اعيش بعيد عن اخوياااا اشمعنا اناا حرمتو علياااا حضن من حقييي اشمعنا انا فضلت عمري كله 22 سنه بحضن يونس في اوضتي بس لما بيجيلي وبخااف انطق واقول حضنته قدامكم وبفضل لما اصلي اقوله يااارب سامحني بس مش بحسه غير اخويااا مش بشوفه غير اخوياااا شوفت منكم كتيير اوي بجدد مازن ودلوقتي احمد ومرات عمي وكلكم كل ما يونس يقرب مني تبصوله كانه ارتكب جريمه ولازم يصلحها
مازن بحده وغيره عليها: علشان هي جريمه فعلاا وحراام وميصحش ولا انتي بقي بتحللي وبتحرمي على مزاجك ???
يونس بعصبيه وانت مااال اهلك يا حيوان حد قالك افتح بوقك?? ورايح يضربه مسكته ياسمين وتابعت بدموع لا علشان خاطري
يونس بحده انتي مش سامعه بيقول ايه ???
منصور بحده قال ايه غير الحقيقه يا يونس اه احنا بنقول اختك ومعيشينكم في شقه واحده و اه مستحيل نظره حد فيكم تتحول تجاه التاني غير نظره الاخوات بس الدين مفيهوش استثناء واللي انتوا بتعلموا فعلا حرااام
صافيه بحزن معلش يابنتي انا فاهمه كلامك والله ويونس اخوكي وسندك وفي ضهرك وكل حاجه بس اتكلمي من بعيد حفظا على حيائك انتي مش حد تاني وحقك عليا ينورعيني
سيف بحده يجماعه نيه يونس تجاها نيه سليمه بطلوا بجد تبقوا فيكم عيوب قد كده وتركزوا مع الناس الله يرضى عنكم
حسام بتنهيده حزينه فاهمك يا سيف بس حرام قدام ربنا انما هي ويونس مفيش نقاش عليهم عارفين نيتهم
ياسمين بابتسامه مليانه وجع ها يا مرات عمي ناقص انتي وعمي معتز وعمي ايمن قولوا اللي نفسكم فيه يلا
نرمين بحزن مش هقول حاجه يابنتي دي حياتك وانتي حره انتي كبيره مش صغيره وعارفه الصح من الغلط
ياسمين بوجع امم صح بس بردو فكروا علشان لو حد عنده كلمه عايز يقولها ميكتمهاش في قلبه لا خلوه يخرجها واتعصبت وعيطت وتابعت لااانهاا اخرر مرره هسمحلكم تجررحوني انتوا سااامعين فقولوا اللي في قلبكم يلااا
يونس بحزن ياسمين مالك يحبيبتي
ياسمين حضنته وتابعت بقهر وعياط ياسمين اتدمرت يا يونس اختك ادمرت يا يونس ياسمين مش قادره تعيش
عز بوجع ودموع بس يا بنتي مالك يحبيبتي ايه حصل قوليلي وانا والله همحي اللي ضايقك من على وش الارض ومحدش فيهم ليه حق يتكلم عنك نص كلمه يونس اخوكي واعملي االي انتي عايزاه انا ابوكي وراضي
ياسمين بوجع ودموع كنت منتظراك ترد عليهم بس للاسف خلفت ظني للمره الالف او انا الغبيه اني سمعت نفس الفيلم اللي بقالي 22 سنه بسمعه وجايه دلوقتي بنتظر نهايه مختلفه
عز بدموع انتي بتقولي ايه يابنتي هو انا امتى سبت حد فيهم يحرمك من اخواتك ولا حقك في اسمي انتي عبيطه يا ياسمين
ياسمين تنهدت بعمق وتابعت انت مبحتفلش بعيد ميلادي ليه يا بابا ?? اشمعنا انا ?? ليه شهد ويونس بنفاجئهم وتكون معانا وانا لما يجي عيد ميلادي بلاقيني وسط الكل الا انت وتيجي بليل تقولي كل سنه وانتي طيبه يحبيبتي
عز بصدمه هيكون ليه يا ياسمين عادي يحبيبتي بتصادف ببقي في مشواير فمش بعرف اكون معاهم ده انا يوم ماشوفتك احلى يوم في حياتي اصل مش هحتفل بعيد ميلادك ليه ده انتي نورعيني واغلى حاجه عندي انتي واخواتك وباس جبينها ودموعه نزلت
ياسمين بوجع ودموع متاكد ??? متاكد انك فرحت لما شوفتني اول مره
عز قلبه وجعه وتابع بدموع اه يا بنتي متاكد انتي بس اللي متعرفيش غلاوتك جوايا قد ايه
ياسمين بابتسامه ودموع لا عارفه يا عز ومصدقاك بس مصدقه انك بتحبني اوي دلوقتي بسبب شكلي ااه انما معتقدش فرحت لما شوفتني اول مره اصل في النهايه انا بنت الغاليه بردو ونسخه منها فكل حاجه حتى شكلها ولا ايه ????
العيله كلها اتصدمت وعز قلبه وجعه ودموعه نزلت وتابع بصدمه صلاح مش كده ?? صلاح هو اللي قالك مش كده يا ياسمين ???
ياسمين بعياط ده كل اللي فارقلك ??? بس لا واضح انك كنت قد الامانه اللي امي سابتهالك يعني سكت زمان وخبيتها هي عن الكل وسكت وخبيت حقيقتي انا بعدها واتعصبت بدموع واكملت وعيشتني عمرري كلله 22 سننه بتحرموااا حضن اخويااا علياااا وكل واااحد عندده كلمه توجعني بيقولهاااا حسستني اني غريبه بتشفقوااا علليااا بتربيتكم ليااا وانا قاااعده في بيت ابوياااا اصلااا طول عمرك جبااان يا بابااا ومتقووولش حبتني انت بتكرهني علشان لما انا جيت حبيبتك ماتت بسببي
صافيه اتصدمت وضربت ايديها على صدرها وتابعت بدموع يا موورك يا عز ياسمين بنتك من مرررييم !!!! انت اتجوزتهااا! !!!
يونس بصدمه ودموع انت قولتلي انك بتحبها ومحبتش غيرها وانك اتقيت الله في امي بس مقدرتش تحب غير مريم يعني فتحتلي قلبك واتكلمت عادي جيت عند اهم نقطه وسكت يا بابا! !!!
ياسمين بعياط ووجع امممم ده واضح انك كنت بتعشقها فعلا مش كلام حتى تيته ويونس طلعوا عارفينها اهو عارفين امي اللي انا معرفهاش غير دلوقتي
يونس بصدمه ووجع ايه اللي ياسمين بتقولوا ده يا بابا ??? ماترد عليناااا ودموعه نزلت وتابع بعصبيه بصلي ورد علياااا ايه اللي ياسمين بتقولوا ددده هانت عليك تعمل فيهااا كده هااانت عليك تبقى فعلا بنتك وسايب الكل بيوجعهااا كددده انت ازاي عيشتنا في وهم كل ددده قولييي
شهد بدموع ازاي دي الحقيقه انت كنت متجوز علي ماما ومخبي علينا العمر ده كلله ومعيشها وسطنا على انها غرييبه انت ازاي عملت كده انا مصدومه فيك بجد ومش قادره اصدق
ياسمين بدموع ووجع رد على عيالك يا باابا ساكت ليه يلا رد عليهم وقولهم انك اتجوزت ماما لبنى لان جدي اللي عايز كده وصمم عليها وانه رفض امي وبسببه اضطريت تتجوز امي علي ام يونس وشهد لانك بتحبها وهي حبك الاول والوحيد وامي سابت اهلها وجات معاك في بيت في القاهره وبعدين طلبت منك تحمل وانت عرفت انها قلبها ميستحملش ومش هتقدر تحمل بس خبيت عليها من كتر حبك فيها وبقيت تديها حبوب منع حمل ولما هي اكتشفت وهمتك انها بطلت تاخدها ويوم ماعرفت انها حامل فيا انهارت عياط وقولتلها نزليها يا مريم انا مش عايز غيرك يا مريم بس خلاص كنت كبرت في بطنها وجيت انا وهي فارقت الحياه وخدتني من ورا خالي واهل امي وجيت بيا الصعيد خوفت من ابوك تاني فقولت بنت لقيتها في الشارع وهربيها فا لو قولتلي بعد كل ده انك بتحبني هقولك كدااب وسقفت بايديها وتابعت بوجع برااافو يا عز بيه حقيقي شابو كسبت كل حاجه ام يونس لحد ما ماتت الله يرحمها شيفاك ملاك بريئ بجناحين وفلوسك جدي اداهالك وامي انا قعدت معاها فتره حلوه ومحدش غيرك اتجوزها وخدت منها حته منها حتي في الشكل تفكرك بيهاا انت كسبت كل حاجه وخسرتني انا كل حاجه وعيشتني في قهر ووجع و ووهم كبير اوووي وحرمت عليااا حضن اخويااا وسبتهم يتكلموا ويوجعوني
كلهم اتصدموا بشده فاكمل عز بحده ودموع متلومنيش انا يا ياسمين انا عمري ماقصرت معاكي وربنا يعلم بحبك ازاي ده انتي بنت مريم ومهما اتكلم من هنا للصبح انتي مش هتفهمي يعني ايه مريم عندي .. مريم اللي لحد انهاارده كل سنه في ذكرى وفاتها اسافر اقعد معاها اليوم كله في المقابرر وادعيلها بلرحمه علشان كده مبحتفلش بعيد ميلادك متزعليش مني يابنتي انا بحبك وبموت فيكي كفايه انك فعلا نسخه منها وبتفكريني بيها فكل حاجه فيها بس خلينا واقعيين انا مكنتش شوفتك بس شوفت مراتي وعايز مراتي فعلشان كده طلبت منها تجهض ولو الزمن يرجع وهينفع تجهض وتعيش وتفضل جمبي مكنتش هتردد وهخليها تجهض بس تعيش مع ان وجودك في حياتي معوضني عنها الا ان انا كنت عايزها هي يا ياسمين عايز حبيبتي اللي عشت احبها عمري كله وعشت معاها تحت سقف واحد سنه بس والسنه دي هي السنه الوحيده اللي بعتبر نفسي عشتها وعايش عليها للنهارده ودموعه نزلت وتابع يوم ولادتك كان صعب عليااا اوي يا ياسمين صعب وخسرت فيه اكتر بنت حبيتها في حيااتي مهما اوصفلك ازاي وجعي مبردش للنهارده وبتالم كل يوم كانه اول يوم ومش متقبل الواقع مش هتعرفي تفهمي انتي لو عايزه تلومي حد وجعنا كلنا صح لومي جدك اللي ظلمني وظلم لبنى وظلمك ومرضيش يديني البنت اللي بحبها جدك اللي لو كنت قولتله دي بنتي من مريم كان طردني انا وانتي في الشارع … والله يابنتي سكت علشانك خوفت يطردني مكنتش هعرف اعيشك مرتاحه زي ما وعدت امك الله يرحمها ومكنتش قادر اتخانق معاه كنت خسران روحي وقلبي وحاسس الدنيا اطفت. في عيني جيت اديتك لام يونس ودخلت اوضتي وفضلت اعيط وفضلت كده كتيير وصدقيني يا ياسمين من ساعه ما مريم روحها فارقتها روحي انا كمان راحت وياها وعايش جسد بس عايش بعد الايام على صوابعي علشان اروحلهاا واحشتني اوي وعيط اكتر وتابع انا مظلمتكيش يا ياسمين بس خوفت عليكي ولما كبرتي قولت انك تقبلتي حياتك خلاص. مش حمل صدامات انما مش قصدي اوجعك اكتر ياحبيبتي والله
منصور بصدمه ودموع انا مصدوم فيك ومش عارف اعبر عن صدمتي بكلام بس هقول ايه وبعد ايه !!!! خلاص ده العمر فات والشعر شاب وكان زمانك بقيت جد دلوقتي لو يونس اتجوز بس صدمتي انها مجتش من معتز اصغركم تيجي منك انت يا عز يا عاقل
عز بعصبيه ودموع سواء معتز ولا ايمن خدوه البنت اللي بيحبوها وانت وافقت علشان على هواك ومن الصعيد انما بتاعه القاهره مدخلتش دماغك وانت اكبر سبب فكل اللي انا فيه انا وبنتي
منصور بدموع انا يا عز !! انا وحش اوي كده ده انا كنت خايف عليك كنت خايف تجيب واحده ملهاش اهل طمعانه في فلوس اهلك فقولت ناس نعرف اصلهم مش نروح القاهره نناسب ونسيب اهلنا وناسنا
عز بدموع بس انا محبتش غيرها وانت مش فاهم يعني ايه حب علشان كده جيت عليا
يونس بحده ودموع اه وعملت ايه بقرارك ده ياجدي ?? قولي كنت صح ?? انت حكمت علي واحده متعرفهاش وخلاص انها طمعانه فيك انت وابنك لمجرد انها يتميه وبسبب تفكيرك ده عيشت امي عمرها كله مع واحد محبهاش ومتجوز عليها وعيشت ام اختي مقهوره ان حبيب عمرها سابها واتجوز ست تانيه مشاركاها فيه ومخلفه منه عيل وعيشته هو في خوف وصراع بين الحياتين وانه مينفعش يفرق بينهم بس انا فاهمو وفاهم يعني اي راجل حب بجد فغصب عنه كفه القلب هتميل وده واضح من دموعه علي واحده ماتت من 22 سنه واللي ماتت داخله في 3 سنين بس محسش بكل ده يوميها وبسبب خوفه من تقفيله دماغك وعصبيتك مرضيش يقول بعد كل ده ان ياسمين دمه ولحمه وكدب وبسبب كدبته دي عيشتوا اختي انا كمان في قهر وتعب طول حياتها وجبتولها اكتئاب وحسستوها بلغربه وسط اهلها وكل دده علشان وقفت ضد الحب من البدايه عارضت اتنين عايزين بعض وبردو خدها غصب عنك بس الكل دفع التمن تخيل لو كنت وافقت بجوازه من مريم كده كان حصل ايه ??
منصور قعد بتعب وتابع بدموع مش حفيدي وصغير وانا راجل كبير بس غلبتني و عندك حق يا يونس طول عمري بيقولوا عني راجل حكيم وليا خبره في الحياه وبيقعدوني في الجلسات المهمه في البلد بس انت في كلمتين حسستني اني عمري مافهمت خالص انا فعلا ظلمت عز وامك وام ياسمين الله يرحمهم وعيط وتابع حتي حفيدتي اتظلمت بسببي بس والله مكنش نيتي كل ده يا ابني انا مش وحش يا يونس مش وحش كده يا ابني لو اعرف كل ده هيحصل كنت جوزتهاله
صافيه بعياط بس ياحج اهدي خلاص قدر الله وما شاء فعل الحمدلله جات علي كده نصيبهم بردو لولا جوازه من لبني مكنش خلف شهد ويونس يسندوا ياسمين دلوقتي فكله للخير ياحج متزعلش نفسك دي اراده ربنا هو بس جعلك سبب
ياسمين بدموع تيته صح ومش انت بس اللي غلطت يا جدو وهو بردو غلطان وفضل مخبيني العمر كله مهانش عليه في وقت من الاوقات يقول الحقيقه وسكت
عز بدموع والله يابنتي قولت خلاص انتي اتعودتي علي حياتك فبلاش اصدمك خوفت تتعبي ومتفهمنيش زي مانتي مش فهماني دلوقتي
ياسمين بدموع ووجع لا يا شيخ يعني انت مردتش تقولي يا ياسمين انتي بنتي من لحمي ودمي واخت يونس وشهد وامك كنت بحبها ومااتت الله يرحمها علشان متصدمنيش بس عادي تسيب اللي رايح واللي جاي يقول اهي بنت الشوارع اللي عز مربيها واهي اللي متربتش اللي بتحضن يونس مع انه يجوزهلها واتعصبت وتابعت بعياط واهي ياسمين اللي عيله الرفاااعي مربيااهااا كل ده عااادي صححح وتقولي اتعودتي اتعودتي هو انا هتعود علي ايه ?? ولا انت فاكرني اتعودت علي القهر والوجع فسكت مرضتش تقولي علشان متتحطش في الموقف ده قدامي واقولك بسبب سكوتك كل ده حصليي مش كددده ?? قولي هتقف تقول ايه لامي يوم القيامه لما تسالك عني يا بابااا رد علياا هتقولها بنتك اتربت احسن تربيه يا مريم وخلاص بتتخرج من كليه الحقوق بس بصراحه انا مش قايل لحد انها بنتنا وقايل اني مربيهااا ولقيتها في الشارع ويونس االلي وعدتك هيكون سندها هو سندها صح بس هي عايشه تخاف تنده عليه او تشكيله وتحضنه وشهد اللي قولتيلي اجيبها تصاحبها جبتها فعلا وصاحبتها بس طول الوقت في فطور جوه ياسمين وبتحس انها غريبه وانا فعلا كنت الاب الحنين علي بنتي زي ماطلبتي مني بس هي طول الوقت شايفه حنيتي عليها شفقه علشان ملهاش اهل قولهاا انك دمرتني يا بابا قولها انك سكت علشان خوفت زي زمان انك تتحرم من الميراث بتاع جدي ويرميك في الشارع مش اكتر قول الحقيقه كامله ساعتها علشان دي ساعه حق متنساااش
عز بدموع ووجع كل ده جواكي ليا يا ياسمين طب والله يابنتي لو اعرف انك هتحسي كل ده كنت قولت من اول يوم واللي يحصل يحصل حقك عليا يا ياسمين حقك عليا يانورعين ابوكي سامحيني ابوس ايدك والله يابنتي بحبك وبموت فيكي ومش بسكت لحد لما بيتكلم عنك انتي متعرفيش ابوكي مستعد يعمل ايه علشانك والله سامحيني يابنتي ونبدا من جديد
ياسمين بعياط اسامحك علي ايه ولا ايه بجد اسامحك علي اني عشت عمري كله فاكره اني ماليش اهل ?? ولا اسامحك علي كلمه قهرتني سمعتها ومعرفتش انام الليل بسببها ?? ولا اسامحك انك حسستني اني بنت شوارع ربيتها علشان شفقان عليها ?? ولا اسامحك انك خلتني مقدرش حتي اترحم علي امي لاني معرفهاش ?? ولا اسامحك علي احساس الغربه اللي كنت بحسه وسط اهلي وانهاارت عياط وتابعت ولا اسامحك علي اخوياااا اللي عشت اشوفه بيحضن شهد ونفسي اقوله وانا كمان يا يونس محتجاك ومش قااادره انطقهااا
يونس شدها لحضنه وحضنها جامد وتابع بدموع بس بس خلاص ارجوكي كفايه اهدي علشان صحتك وباس راسها
ياسمين بعياط و وجع تعبت يا يونسس تعبببت اختك نفسها تموت بجدد اااه يارب
يونس بحده ودموع بس يحيوانه قطع لسانك متقوليش كده بعد الشر وباس راسها وفضل يطبطب علي ضهرها وتابع ابوس ايدك كفايه هيغمي عليكي اهدي يا ياسمين مش كده
ياسمين بعياط تعبانه يا يونس تعبانه اوي ومش قادره استوعب اي حاجه من اللي بتحصلي بس انا مش عايزه حاجه منهم كلهم ولا فارق معايا اسم الرفاعي انا عايزاك انت وشهد بس يا يونس انا عايزه اخواتي
يونس بدموع ويحبيبت ونورعين اخوكي هو انا كنت محتاج الكلام ده علشان اعتبرك اختي ?? هو انا عمري اثرت معاكي يا ياسمين مش بعتبرك زيك زي شهد
ياسمين بدموع عمرك ما اثرت مقدرش اقول غير كده بس انا كنت محتاجه الكلام ده لان فكل مره بعيط وبتفتحلي ايدك مبقدرش ارفضها وبحضنك واشكيلك بس بيني وبين نفسي بقول سامحني يارب انا محتجاه وماليش سند غيره فا كل اللي حصلي ده استفدت منه انت بس يا يونس انما ياريتني ماعشت واتقهرت كده.. يونس دموعه نزلت وباس جبينها وتابع الف بعد الشر عليكي يا نورعين وقلب يونس وباس ايديها ومسح دموعها
شهد بدموع الله يرحم مامتك ومامتي احنا اخوات اصلا يا هبله وكلامك ده صدمني في بابا بس مغيرش اي حاجه جوايا ولا هيخليني اطير من الفرح واقولك ايه ده انتي طلعتي اختي بجد لان انتي اختي بجد من يوم ماوعيت وشوفتك يا ياسمين اللي مفرحني بس حضنك ليونس اللي كنتي بتشيلي همه والحدود اللي حطاها جواكي طول الوقت في تعاملك معاانا زي عيال عمك بينك وبين نفسك بتقولي مش عيال عمي وانا بتقولي ياريتها اختي بس مش اختي حتي بابا بتقولي مش بابا ولما باجي اقول مش هجوز اخويا تقوليلي انتي يا شهد هتبوري اخوكي جمبك مش اخونا او اخويا كأن يونس يخصني انا بس فكنت بقرا في عينيكي فكل مره بتتكلمي الحدود اللي زرعاها قبل ماتنطقي حاجه لاي حد فينا كأنك بتفكري نفسك طول الوقت اننا مش اهلك حتي لو لسانك منطقش ده بس قلبك شايل ومش بينسي وانا واخوكي محدش فينا شافك حاجه غير هي هي ياسمين بعد كلامك بردو فانا فرحانه ليكي انتي انك هتكوني تلقائيه بعدين من غير خوف انما احنا كده كده اخواتك يا هبله
ياسمين بدموع وفرح ينورعين وقلب اختك انتي … كبرتي يا شهد كبرتي اويي وفهماني من غير ما اتكلم وباست خدها وحضنتها وعيطت بفرح وتابعت انا بحبكم اوي بجد ربنا يديمكم ليا
شهد طبطبت علي ضهرها وتابعت بدموع في سرها: مهما زعلت منك انك وافقتي باحمد ومش مصدقه ازاي هتوجعيني الا اني فعلا مش قادره اكرهك يا ياسمين ليه يارب اختبرتني في اختي يارب انا اصلا مش هقدر استحمل اشوفه بيخطب قدامي في اي حاله من الحالات بس وجود ياسمين جمبه هتكسرني العمر كله وغمضت عينيها ودموعها نزلت ويونس كان فاهم شهد بتفكر في ايه فتابع في سره بحزن يارب ماتكمل الخطوبه لان ده القرار الصح االلي هيريحك انتي واختك وميتعبش حد مالوش ذمب
احمد راح مسك ايديها وتابع بحرج ياسمين انا اسف يا حبيبتي مقصدش اوجعك كده حقك عليا بجد انا غيرت عليكي وده حقي انما مشاعرك انا مقدرها جداا وكنت عارف بتشوفي يونس ازاي
شهد بصت علي ايديهم وقلبها وجعها جداا والدموع اتلمت في عينيها ومازن كان باصص زيها علي ايد احمد اللي ماسكه ياسمين فدموعه نزلت وبص الناحيه التانيه
ياسمين بابتسامه مش زعلانه منك طبعا حقك تغير
ايمن بحب ربنا يخليكم لبعض يحبيبتي والله عز غلط بس غلطته دي جات من وراها سكرايه العيله انتي بنتنا ومن يوم ماجيتي بنتنا يا سمسمه
ياسمين بحب شكرا يا عمو ربنا يخليك يارب
مازن بوجع حقك عليا يا ياسمين مقصدش ازعلك ومليون مبروك معرفتك الحقيقه وراحه بالك
ياسمين بابتسامه من ناحيه بالي ارتاح فاهو ارتاح جداا عقبال بالك يارب
مازن بضيق يارب يلا هطلع انا عايز انام مش قادر تصبحوا علي خير وهرب من نظرات عينيها وطلع بسرعه
معتز بحب طب والله فعلا كله للخير كان لازم يتجوز الاتنين لان مريم الله يرحمها كانت هتجيبك انتي بس وهو بردو عاملهم زي بعض ومخالفش شرع ربنا
نرمين بحب كلمه حق تتقال كان بيعامل لبني احلي معامله بعيدا عن ان القلب مع مريم وطبيعي ليها اسلوب خاص بس ماثرش مع الاتنين
عايده بحزن الله يرحمهم يارب وحقك عليا يا بنتي حاولي انسي كل كلمه وجعناكي بيها بس وغلاوتك اللي من غلاوه نور انا بتكلم علشان مصلحتك انتي ده انتي هتبقي مرات ابني واديه طلع اخوكي بجد اهو احضني براحتك يا ستي
ياسمين ابتسمت وتابعت بحب عارفه يا ماما بس صدقيني انا كمان كنت بتوجع غصب عني مش منكم انتوا لا من وضعي وحياتي
يونس حضنها وتابع بحب خلاص مفيهاش تعب تاني ولا اييه
سيف بضحك طبعااا هي مش هتسيبك تاني اصلا خلاص مليون مبروووك فرحتك يا بنت عمي يا غاليه انما احنا من زمان شايفينك مننا والله العظيم
ياسمين بدموع فرح انت بلذات يا سيف ببقي نفسي اقولك قد ايه بتوحشني لما بتسافر ولما بترجع ببقي عايزه اعبر عن فرحتي بيك معاهم وبتكسف اوي بس دلوقتي انت ابن عمي يعني اخويا صح
سيف اتأثر جدا من كلامها وتابع طب علي فكره انا مبعيطش وانتي كنتي رايحه تنزلي دموعي من كلامك ايه الكلام الحلو زيك ده يا سمسمه. . ده انا يبختي ان القمر ده كله بيفرح لما ارجع وبوحشه لما اسافر وراح باس جبينها وتابع بحب اخوكي وابن عمك وصاحبك وكل حاجه ليكي كمان انتي زي زينب يا هبله مالك
زينب ضحكت من بين دموعها وتابعت يعني انت ابن عمي بجد صح وحسام كمان ياااربي بجد
سيف بضحك ده والله يبختنا احنا بيكي
يونس ماخلاص يحبيبي معاكسه
سيف بضحك ايه ده ايه ده انت هتغير مني انا يا صاحبي اخص
يونس بضحك من ابوها نفسه يحبيبي دي سمسمه عارفه غلاوتها عندي قد ايه
ياسمين بدموع وحب مش هقدر انكر انك فعلا قبل ماتعرف وبعد ماعرفت نفس يونس سندي وصاحبي واخويا اللي حضنه مفتوحلي وبتنصحني ومش بتسكت عن حقي هو هو متغيرش فانت مشاعرك حقيقي ثابته من البدايه اني اختك بس انا اللي حاسه اني اتولدت من جديد وبقيت حقي حاجات كتير اوي وضحكت من بين دموعها وتابعت ده سيف بقي يقف يتكلم معايا عادي شوفت وكمان حسام هيبقي ابن عمي عادي ايه ده بجددد
حسام بضحك وزينب ونور واحمد ومازن كلنا عيال عمك علشان شكلك بتستوعبيهم واحده واحده ايه يحبيبتي ماحنا اهلك من زمان
ياسمين بدموع بس انا مكنتش حاسه كده من زمان
يونس بعتاب ياسمين خلاص يحبيبتي علشان خاطري
ياسمين هزت راسها بحاضر فمسح يونس دموعها وخدها في حضنه فتنهدت بارتياح وتابعت ممكن اطلب منك طلب
عز كان باصص لتصرفاتها حزين جداا من جواه انه مقلهاش من زمان متخيلش انها تعبانه للدرجه دي وكل كلمه وحرف عامله حسابهم كده لانه لو يعرف انها هتفرح كده كان قالها ف حس انه خان الامانه اللي حبيبته سابتهاله فعينيه غلبته وفضل يعيط بصمت
يونس بحب ده انا عنيا ليكي
ياسمين بحب ينفع اروح ابات مع خالو واجي يوم الخطوبه
شهد اتصدمت انها لسه مصممه علي الخطوبه خلاص وراضيه فغمضت عينيها بوجع فتابع يونس بتنهيده حزينه خالك مين يا ياسمين
ياسمين بحب اخو ماما اللي حكالي كل حاجه
يونس بتنهيده واهون عليكي تسبيني اربع ايام يا ياسمين
ياسمين بدموع لا طبعا هكلمك والله بس انا مش قادره اقعد هنا دلوقتي يا يونس ارجوك
عز بدموع خليكي في بيتك يابنتي وهمشي انا لاني عارف ان انا اللي مضايقك
ياسمين بضيق لا يا عز بيه متسيبش بيتك انا اللي همشي سبق وقولتلك مش عايزه من اسمك غير اخواتي فبيتك مش فارقلي كتير انا مش بعتبره بيتي
يونس بصلها بحده وتابع بيتك وغصب عنك بلاش الكلام ده انا عارف انك زعلانه وحقك بس ده بيتك
ياسمين بتنهيده حزينه طب وافق اروحله هو تحت في عربيته مستنيني
يونس بحزن ساكن فين ده يا ياسمين
ياسمين بحماس نقل هنا في اسيوط بس بعيد شويه ها وافق بقي
يونس باس جبينها وتابع اطلعي هاتي حاجتك ويلا هوصلك معاه وارجع انا
ياسمين بفرح يارب يخليك ليا ينورعيني وطلعت بسرعه
عز رايح يتكلم فتابع يونس سيبها الله يخليك يمكن تهدي وسط اهل امها شويه كفايه ارجوك
عز بحزن خلاص يا ابني اعملوا اللي انتوا عايزينه عن اذنكم وطلع
وطلعت ياسمين جابت حاجات هتحتاجها ونزلت مع يونس
ياسمين اتصدمت بشده واكملت نعم !!! اخت مين ؟؟؟ وبنت مين ؟؟؟ ودموعها نزلت وتابعت انت بتقول ايه يا عمو اللي انت بتقوله ده مستحيل
صلاح بحزن خالو مش عمو يا ياسمين
ياسمين اتصدمت اكتر وقلبها وجعها واكملت خالو !!! يعني ايه ؟؟؟ خالي ازاي انت وعيطت وتابعت انا ماليش اهل و
صلاح بحزن وبمقاطعه: لا يا بنتي ليكي اهل و انا من اهل امك الله يرحمها واهل ابوكي انتي وسطهم
ياسمين بصدمه ووجع الله يرحمها !!!! انا مش فاهمه حاجه مش فاهمه حاجه انت بتقول ايه بجد بنت مين انا وازاي يونس وشهد اخواتي يبقى كده عز بابا فعلا وازاي امي واحده تانيه وماتت ازاي وايه كل الاحدااث دي وليه هيكدبوا عليااا .. انااا مين اصلااا قولي انا مييين وفضلت تعيط
صلاح حضنها وفضل يهاديها وتابع بدموع وحزن تأكدي اني قولتلك علشان صعبتي عليا والا مكنتش فتحت بوقي نهائي
ياسمين بعياط صعبت عليك !!! صعبت عليك ازاي مش فاهمه انت بتقول حاجات انا عاجزه افهمها اصلا انا مصدومه ومقهوره ان ليه يكدبوا عليا بس سيبك منهم يخش يولعوا ومش مهم اخسرهم المهم اخواتي يعني .. يعني يونس اخويا بجد !!!! وبصتله بلهفه وتابعت وهي بتعيط ارجوك جاوبني يارب ماتكوت بتكدب عليا يعني احضنه عادي صح ؟؟ مش حرام صح ؟؟ وانهارت عياط وتابعت ابوس ايدك رد عليا فهمني انت بتقول ايه انا الواقع بتاعي صعب بس اللي انت بتقوله قادر يحيني حتى لو هخسر الشخص اللي سابني مغفله كده عمري كله بس انا مش عايزة غير يونس وشهد فارجوك جاوبني وبصراحه
صلاح بدموع طبطب عليها وتابع اهدي يابنتي هجاوبك و اطمن قلبك فعلا دول اخواتك ويونس حلال يحضنك انتي مبتعمليش حاجه حرام يحبيبتي انا كنت مخبي عليكي لان ابوكي اقنعني ان كده حياتك احسن وتقبلتي واقعك بس اتصدمت لما لاقيتك تعبانه بلشكل ده ومراكمه جواكي قهر ووجع وبتحرمي حضن اخوكي عليكي وحاسه كانهم عاملين معاكي واجب فهنا قولت لا لازم اعرفك واللي يحصل يحصل ده انتي بنت الغاليه يا ياسمين مكنتش عايش غير علشانها
ياسمين بوجع ودموع بابا يعمل فيا كده ليه استفاد ايه من احساسي بلغربه عمري كله وسط اهلي وماما اسمها ايه وماتت ازاي
صلاح بحزن هفهمك كل حاجه لان امك الله يرحمها قبل ماتولد حكتلي بلتفصيل اللي حصل واسمها مريم
ياسمين ابتسمت بوجع وتابعت وحاكتلك بس قبل ماتولد ليه ?? وطلما عارف من زمان كده كنت فين كل الفتره اللي فاتت من حياتي
صلاح بدموع لانها كانت بتعشق عز وهربت معاه يابنتي كانت برا وفكرناها اتخطفت بعدين لما السنين عدت قولنا اكيد ماتت اتاريها راحت مع ابوكي بعدين كلمتني وروحتلها ولما حاولت اوصلك لما اتولدتي بعد ما دفناها عز كان خدك وقال لاهله ان اهلك راموكي في الشارع وصعبتي عليه وقرر يربيكي مع يونس ابنه ولبنى مراته رحبت بيكي واعتبرتك بنتها ومن ساعتها كله فاهم كده وانا حاولت اوصلك منعني وبعدني عنك بكل الطرق ولما عرفت اخيراا مكانه جيت اشوفك
ياسمين بوجع ودموع احكيلي كل حاجه من البدايه من فضلك
صلاح بحزن حاضر يابنتي
فلااش باااااك من 23 سنه في يوم الجو برد جدا والدنيا مطره كان ماشي عز بعربيته في شوارع القاهره ودقايق ووقف ركن والباب فتح ودخلت منه بنت جميله جدا شعرها طويل وبيضه خدودها حُمر وعينيها عسلي عمرها 22 سنه وعز الدين ساعتها كان 27 سنه
عز بحب ايه الحلاوه والقمر ده
مريم بخوف والنبي كفاياك معاكسه دلوقتي واطلع يلا
عز بحب وهو بيمشي يابت انتي بيتك من هنا بعيد اوي متخافيش بقي ده انتي هتبقي مرات عز الدين الرفاعي
مريم بدموع انا خايفه يا عز
عز بستغراب خايفه من ايه يا مريم انتي ندمانه
مريم بدموع لا مش ندمانه انت عارف انا بحبك ازاي بس خايفه من اللي جاي عموما كان نفسي اخويا الوحيد وعمامي يبقوا جمبى وابقى عروسه واجيب فستان وافرح مش حابه اعيش مستخبيه
عز الدين بحزن نوصل يا مريم وهنتكلم براحتنا دلوقتي عايزه تنامي شويه نامي
مريم بدموع وخوف وجسمها بيترعش رايح فين ???
عز خلع جاكته وحطه عليها وباس راسها وتابع رايح بيتنا اللي جبتهولك هنا علي النيل بس بعيد عن بيت اهلك اوي متخافيش
مريم بابتسامه واشمعنا علي النيل ده انا قولت هتروح بيا اي بلد في الصعيد
عز بضحك منا عارفك نفسك تسكني علي النيل وبعدين حتت القمر الرقيقه زي الورد دي مش هتعرف من القاهره تعيش في تقاليد الصعيد الحاليه فهوديكي مكان ترتاحي فيه
مريم بوجع ودموع ولا بعيد عن ام يونس ??
عز نفخ بضيق وتابع يابنتي انتي ليه مصممه تنكدي عليا كل مره قولتلك غصب عني وكنت مضطر
مريم بدموع اممم طب انا هسكت احسن مش وقته رغي في الموضوع ده
عز بصلها وتنهد بحزن ورجع ركز في الطريق وبلفعل بعد شويه ووصلوا كانت مريم نامت فنزل فتح العربيه وشالها بين ايديه وقفل وطلع السلالم ففتحت عينيها ببطئ
مريم بخوف وحرج يخربيت اهلك انت بتعمل ايه نزلني
عز بضحك ايه بعمل ايه ده المأذون طالع ورانا اهو وهعمل براحتي
مريم بحرج بجد انت ازاي تشلني كده نزلني الله يخليك
عز بضحك وهو بيفتح الباب تابع ده انا شايلك مخصوص علشان اشوف الفراوله اللي في خدك دي قسما بالله راحت ضربته في صدره فضحك وفتح الباب ودخل اوضتهم ونزلها براحه على السرير وتابع بحب اوضتنا اهي وفستانك البسي وتعالي
مريم بابتسامه حاضر وخرج هو وقفل الباب وبلفعل قامت مسكت الفستان كان كم شفاف بس مليان شغل فمش مبين جسمها وماسك من عند الصدر ومنفوش لتحت وجمبيه بوكيه ورد شكله جميل فمسكته وابتسمت بفرح بعدين لبست الفستان بحماس ولفت بيه حوالين نفسها كانت مبسوطه اوي ولبست تاج يزين شعرها الطويل اللي كان نازل بتمويجه جميله جدا وحطت ميكاب رقيق وكانت حقيقي اميره ودقايق وسمعت صوت عز بينادي
فطلعت بهدوء فبصلها بحب واعجاب وتابع تعالي جمبي
راحت قعدت جمبه وبدئوا في كتب الكتاب وامضاء الشهود والعريس والعروسه وشويه واتجوزوا
المأذون بابتسامه الف مبروك يا ابني ربنا يسعدكم
عز بفرح الله يبارك فيك يا مولانا
وفضلوا صحابو يباركولوا وهي واقفه بعيد شويه قدام البلكونه سرحانه
وشويه كلهم مشيوا فا راح عندها وقفل الستاره قدامها فاتخضت وبصلته
مريم طب ليه الفصلان ده شكل النيل حلو اوي
عز بصي يا مريم انا مكنتش اقدر اعترض على حياتك الاول انما دلوقتي انتي مراتي وحط ايديه على شعرها وتابع يعني شعرك القمر ده يبان ليا انا بس فارجوكي خدي وقتك بس اتحجبي
مريم بضحك امممم ده هيبدا بدري في شغل الصعايده اهو ودخلت اوضتهم
عز دخل وراها وتابع بحب لا مش حكايه صعايده ده الدين نفسه بيقول كده وانا راجل بغير ومن حقي انتي مش بتبصي في المرايه يابت ولا ايه
مريم تنهدت بعمق وتابعت واللي احنا بنعمله ده مع الدين يا عز ??
عز بحده ليه عملت ايه ?? انا راجل والشرع محللي اربعه مش اتنين فيها ايه يعني اللي عملناه
مريم بدموع لا انا اقصد اني اسيب اهلي واجي معاك ده يصح ??
عز بحده متحسسنيش اني وحش كده انا جيتلك وطلبتك منهم مره واتنين وتلاته بس رفضوا علشان اتنيلت اتجوزت
مريم بدموع حقهم ماهو انت تقدر كنت تيجي تطلبني قبل لبنى
عز بعصبيه يابنتي انتي مبتفهميش ليه بقولك ابويا ميرضاش اتجوز بنت برا اسيوط واختارلي بنت عمي وقالي هتتجوزها يعني هتتجوزها ولما عارضت وجبت سيرتك ضربني وقالي هتحرم من الميراث لانه هيوزعه ولحد الان مدفعش جنيه لحد بس سمعت من ايمن ان فعلا هيوزعه كمان كام سنه ولا حاجه لو كنت اعرف هيطول كده مكنتش اتجوزت وكنت استنيت العمر كله اورث واجي اتجوزك ونروح اي بلد بره بس خوفت تتجوزي واهلك يجبروكي على غيري ففضلت خمس سنين اتحايل عليهم ويرفضوا او عليكي تسيبيهم وتيجي معايا ولما جيتي معايا قلبي ارتاح مكنتش هقدر اسيبك سنين كمان مضمنش يحصل فيها ايه وهاخد فلوسي امتى وحاليا مش هعرف ابويا بجوازنا علشان ميقتلنيش
مريم بدموع فاتقوم تسمع كلامه وتتجوز غيري فعلا علشان الفلوس وتعلنها هي قدام الكل مراتك وتخبيني انا حبيبت عمرك
عز بعصبيه لا علشان مشحتش بيكي يا مريم علشان انا ومعتز وايمن مسنودين على ابويا ومحدش من غيره هيعرف يفتح بيت انا اتجوزت بنت بعتبرها زي اختي علشان حضرته صمم اتجوزها ورفضك رفض نهائي لو انا كان معايا فلوس كنت خسرت الدنيا كلها علشانك واتجوزتك وسافرنا بس اديكي شايفه يابنت الناس انا لسه بشتغل عنده فاضطريت اسمع كلامه لحد ما يبقي ليا فلوس .. يمريم متقارنيش نفسك بحد والله بحبك من يوم ماشوفتك في الجامعه من 7 سنين بحبك وانا عيل 20 سنه يا مريم ده اني اجي جامعه اسكندريه واقابلك ده كان احسن قرار عملته في حياتي يحبيبتي متنكديش علينا بكلامك ده علشان انتي برا المقارنه اصلا
مريم بدموع ووجع صدقني غصب عني مهما بحاول اكون كويسه برجع تاني اتعب واتوجع رغم عارفه ان لبنى عمرها ماخدت قلبك مني وانك بتحبني وبحبك من زمان اوي وانا حبك الاول والوحيد واستنيت نحقق حلمنا ونتجوز بس اتصدمت من الواقع لانها شاركتني فيك يا عز وانهارت عياط وتابعت شاركتني فيك ولمستها وخلفت منك عيل عنده خمس سنين كمان .. انت عارف كان ايه احساسي لما كلمتني قولتلي فرحي كان انهارده وان الهانم جهزت ومستنياك كمان زي اي عروسه وان حضرتك مش قادر ياحرام تقرب منها بس مضطر عارف انا حسيت بايه قوليي وعيطت اكتر وتابعت هتعرف ازاي انت مستحملتش فكره ان حد غيرك يلمسني وجيت اقنعتني اسيب الكل واجي معاك علشان تكسبني انما انا اللي حبيتك عمري كله جات ست هانم اتجوزتك وحملت منك قبلي وبقيت انا التانيه اللي متجوزها في السر مع انه في الاصل مكاني انا اصلا ا !! انت عارف انا مقهوره ازاي .. ساااكت ليه رد علياااا
عز كان باصص للارض ودموعه نزلت وتابع انتي شيفاني شخص وحش اوي وظلمتك مع اني فعلا مش قادر اشوف غيرك واتظلمت واتوجعت زيي زيك وكنت مضطر المسها فعلا يا مريم مكنش ينفع دي بنت عمي ومراتي وليها حق تكون زيها زي اي حد انما وغلاوتك عندي عمرها ماشاركتك في قلبي من يوم ماشوفتك محدش دخل قلبي غيرك ولا هيدخل بس دي ام ابنى لازم اتقي الله فيها بردو وصدقيني مقهور وحاسس بوجعك بس افهميني ولو مره واحده ده انا على عيني ان اخبيكي انتي لان ده مفروض مكانك فعلا ده انتي البنت اللي عشت احلم بس ترد عليا بقيت مراتي وبين ايدي والله على عيني بس غير الفلوس ابويا صعب جداا ومش هعرف افاتحه في الموضوع ده وغلاوتك عندي بس انا بردو عاصيته واتجوزتك وده يثبتلك صدق مشاعري
مريم بدموع ووجع حتى لو غصب عنك وانا فاهمه كده كويس ولازم تعاملها حلو لانه شرع ربنا فكره انك لمست واحده تانيه بتقهرني وخصوصا عارفه ان لبنى بتحبك ااه يااارب بجد ذمبي ايه فكل ده انا يااارب وقعدت بركبتها على الارض وعيطت وتابعت مش متخيله ابداا ان انت ازاي تعمل كده بجد
عز قومها وحضنها جامد وتابع بدموع ووجع حقك عليا وليكي عندي اني هنسيكي كل ده بلوقت وهتتقبلي حياتنا وهنفرح ونعوض اللي فاتنا ارجوكي يا مريم كفايه بتوجعيني بعياطك ده وبصلها وتابع بدموع مش عارف هتصدقيني ولالا بس مبعرفش اقرب منها غير لما اتخيلها انتي انا محبتش غيرك يا مريم
مريم بدموع ووجع موعدكش هنسى النقطه دي لانها بتقهرني بس هحاول اتقبل الواقع وانت هتساعدني وصحيح انا عايزه بيبي منك زي لبنى يا عز اظن ده حقي
عز بحب وابتسامه حقك طبعا وباسها بحب وتابع ده انا عنيا ليكي يسلام ده يوم المنى لما اشيل ابني منك
مريم بابتسامه وحب لا انا عايزه بنت نفسي اسمي ياسمين اوي
عز وهو بيفك ازرار قميصه تابع بحب يسلام ده عيوني يا احلى ام
ياسمين
مريم شالت التاج وقربت منه وتابعت بحب مش عايزاك تفرق في المحبه بين يونس وياسمين دول اخوات
عز قلع قميصه ورماه على جمب وشدها ليه وتابع بحب العيال كلها هتبقى عيالي فطبيعي بحبهم زي بعض دول لحمي ودمي انما ذكريات ياسمين هتختلف بصراحه وغمز بضحك
مريم فضلت تضحك بعدين تابعت بغيره انت بتتكلم مع لبنى كده يا عز ؟؟؟
عز بحب مع لبنى لساني بيتكلم انما معاكي انتي قلبي بيتكلم وصدقيني بردو بعاملها بما يرضي الله وعمري ما زعلتها
مريم بوجع بس هي بتحبك
عز باسها بحب وتابع وهو ساند جبينه على جبينها وانا بحبك انتي
مريم حضنته بحب وهو باسها وقرب منها اكتر وتجاوبت معاه بحب
بعد مرور شهر كانوا عند الدكتور ورجعوا من برا وعز قعد على الكنبه وتنهد بعمق وتابع كوبايه قهوه معلش يا مريوم
مريم بتنهيده قعدت قدامه وتابعت مش قبل ماتقولي قالتلك ايه الدكتوره لوحدكم لما نزلتني اجيب التحاليل
عز بابتسامه قالت ايه يحبيبتي مقالتش حاجه انا قعدت معاها لحد مانتي ماتيجي وزي مانتي شوفتي قالتلك ان صحتك تعبانه شويه والحمل هيتطلب وقت انا اصلا مش فاهم طاوعتك ازاي وروحت لدكتوره بعد اول شهر جواز والله ده انتي اللي صعيديه مش جوزك وضحك
مريم بدموع متكدبش عليا يا عز في ايه معايا انا مش هصدقك لما تضحك الضحكتين دول في وشي انا مريم حبيبت عمرك فبلاش كدب هاا وبعدين فيها ايه لما احمل منك من اول يوم كمان ده مش شغل صعايده انا عايزه اخلف منك علشان بحبك انا مش معايا اي حاجه غيرك ولما بتمشي بحس بليتم فيها ايه لما اعوز منك بيبي يبقي معايا طول الوقت يسليني ويحقق حلمي اني اشيل بيبي منك جوايا مش فاهمه ده مفاتش غير اسبوع على جوازك الاول وقولتلي شاكين ان لبنى حامل اشمعنا انا يعني
عز بحده قولتلك 100 مره بطلي تربطي حياتك بحيااتها طب ما هي سايبه نفسها الفتره دي من غير موانع ونفسها تخلف بنت وربنا مش رايد لحد دلوقتي احنا مالنا بلكلام ده .. ده بتاع ربنا هي بمزاجنا يعني ? بعدين انا مقولتش لا قولتلك حقك تخلفي بس سيبها تيجي بوقتها لما ربنا يريد
مريم بصدمه ووجع استنى بس هو انت اصلا لسه بتقرب منها !!
عز نفخ بضيق وتابع يا مريم ماهي مراتي مينفعش ابوس ايدك افهميني
مريم بعياط وعصبيه افهمك ايه ده يااارب ياخدني منك وارتاح يا شيخ انا مش قيلالك انا عنيا ليك وقت ماتعوزني مش هعارضك بس متقربش لي لبنى تاني !!
عز قام مسك دراعها جامد وتابع بعصبيه احترمي نفسك ومتدعيش بلموت قطع لسانك بس انتي هتفهمي ايه انتي كل اللي بتفكري فيه انك غيرانه من لبنى ومن قربي ليها وبس طب ويا ام مخ نضيف لما ابطل اقربلها وتحس اني متغير والكلام يكتر يقولوا ايه هااا ردي عليا
مريم بعياط ووجع مش هيقولوا حاجه فيها ايه مش عايز وخلاص هو بلعافيه
عز بوجع مريم ابوس ايدك كفاايه عياط ومسح دموعها وتابع وهي لو بلسهوله دي كنت بطلت اقربلها من زمان يحبيبتي ارجوكي افهمي هي هتشك فيا وهتقول لابويا اني متغير ومش بعيد يقولي يبقي معاك غيرها علشان كده مش بتعاملها بما يرضي الله وغير كل ده ربنا يحبيبتي اروح منه فين دي مرااتي وليها حقوق عليا بس انا مش بعامل حد زيك نهائي
مريم بوجع اخر كلامي انا عايزه بيبي يا عز يا نروح لدكتور يساعدني اخف بسرعه علشان احمل يا تطلقني انما شغل اني استني معرفش لحد امتى ده مش هيحصل
عز بعصبيه طلقه في نفوخك يا بعيده انتي اتجننتي يابت بقولك بحبك ومش بحب غيرك عادي بنسبالك كده اطلقك
مريم دموعها نزلت وزقته ودخلت اوضتها وتابعت متجيش ورايا عايزة اغير
عز بحده مش متنيل بس يلا تعالي علشان علاجك ولا مش عايزه تخفي بسرعه
ومريم غيرت هدومها ولبست قميص موڤ فاتح حمالات قصير وفردت شعرها وخرجت شافته بيحط حبوب في الكوبايه بحذر فاستخبت لحد ما خلص وحط الشريط تحت مخده الكنبه بعدين خرجت .. عز بحب يلا يحبيبتي الاكل والعصير اهم
مريم بصدمه وانت مش هتاكل ?
عز بحب لالا مش قادر يلا انتي بس
مريم بوجع ممكن تجبلي معلقه غير دي
عز بحب بس كده ده انا عنيا الاتنين ليكي وباس راسها وتابع ربنا يهديكي يارب يحبيبتي وضحك وقام
فقامت بسرعه دلقت العصير في حوض الحمام اللي في الصالون وصبت غيره وصورت الشريط بفونها وحطته مكانه وكتبت لدكتوره جارتها برشام ايه ده ? وبعتت المسدج ولما لقتيه جاي سابت الفون بسرعه ..عز بحب اهي معلقه تانيه امسكي الف هنا
مريم ابتسمت وسكتت بس جواها في صراع وخوف ووجع ليه يعمل كده وبرشام ايه ده علشان مش عايزها تشوفه وهو بيحطه والواضح من اول مره الشريط خلصان يعتبر وفاقت على صوته
عز بحب ايه يحبيبتي ما تاكلي
مريم هزت راسها بتمام بوجع وكالت وشربت من العصير
وجتلها مسدج من الدكتوره بتقولها ده برشام منه حمل يا حبيبتي لو منتظمه عليه مش هيكون في حمل بس لو نسيتيه مره وارد جداا يحصل حمل ..مريم اتصدمت وقلبها وجعها بس حلفت ماتبينش وتكمل اللي في دماغها
عز لاحظ تغير وشها فتابع بستغراب مالك يحبيبتي انتي كويسه
مريم سابت الاكل وتابعت بابتسامه اممم كويسه جدا وقامت قعدت على رجليه ولفت ايديها حوالين رقبته وتابعت بصوت رقيق وحب واحشتني
عز بضحك ده من امتى الروقان ده
مريم بحب وهي بتفتح زراير قميصه وتابعت من انهارده قولت كفايانا خناق وعايزه اكسبك شويه مش معقول كل يوم خناق كده
عز بحب قام وهو شايلها بين ايديه وتابع اه قدري شويه حتت اني لازم اجيلك كل يوم دي حتى لو مش هبات مع انه مشوار يقطم الضهر والله
مريم بوجع اممم فعلا مش سهل كل يوم تجيلي من اسيوط الا علشان سبب قوي وتابعت في سرها اني افضل باخد حبوب المنع
عز بحب طبعا والسبب هو اني مقدرش مشوفكيش يوم
مريم ابتسمت من ورا قلبها وتابعت في سرها كان نفسي اصدقك يا عز ودخلوا اوضتهم وقرب منها بحب ونسيت زعلها منه رغم انها موجوعه
بعد مرور 3 شهور مريم كانت حريصه جداا انها متشربش العصير كل مايحطوا وتبدله لحد ما حملت بس مقالتلوش وكانت ضعيفه فمش باين على بطنها انها خلصت التالت خالص كانت بارزه خفيف وفي يوم عز كان عندها وبياخد شاور وطلع لافف الفوطه حوالين وسطه وبينشف شعره بفوطه تانيه وهي كانت واقفه بتعمل الاكل فخرج حضنها من ضهرها وتابع واحشتيني اوي
مريم ابتسمتله بتعب وتابعت معلش يحبيبي حقك عليا تعبانه وحطت ايديها على بوقها ودخلت جري الحمام وفضلت تستفرغ فعز خاف عليها جدا ودخل وراها ورفع شعرها وتابع بخوف مريم مريم انتي كويسه يحبيبتي
مريم بتعب ااه ااه كويسه وقامت فسندها وغسلها وشها كويس ونشفهولها بلفوطه وشالها بين ايديه وخرج حطها في السرير وتابع بخوف فيكي ايه نروح للدكتوره ??
مريم بخوف لالا دكتوره ايه انا زي الفل اهو مالك ده شويه برد وهيروحوا لحالهم
عز قرب منها واعتلاها وتابع بحب طلما زي الفل منكده عليا ليه ها
مريم بتوتر مش نكد والله بس مش قابله حاجه خالص
عز قام وتابع بضحك خلاص يابت مالك في ايه .. ايه كل التوتر ده .. ده انتي اول الجواز مكنتيش بتتكسفي كده ووقف يغير هدومه وتابع بضحك شغاله قرفانه ومش قابله وبترجع ولا اكنها حامل
مريم بوجع ومبقاش حامل ليه يعني ??? ما ممكن صح
عز اتصدم من كلامه وتابع بتوتر اقصد انك مش حامل يابت فاهمه فبقول دي تصرفات حوامل وكمل لبسه
مريم قامت وقفت قدامه وتابعت وايه اللي هيخليني مش حامل فعلا ما يمكن حامل يا عز ولا انت واثق انك بتحط الحبوب بانتظام
عز اتصدم بشده وتابع حبوب !! حبوب ايه يمريم انتي اتجننتي
مريم بدموع ياريتني .. ياريتني اتجننت مكنتش اتوجعت واتقهرت منك كده من اكتر واحد بثق فيه وعايشه علشانه بس العيب مش عليك العيب على الرخيصه اللي سابت اهلها وناسها وجات وراك وواقفت تبقي زوجه تانيه لراجل معاه واحده وعيل وعاشت في السر مكنتش اعرف اني رخيصه اوي عندك كده ومتجوزني لمتعتك مش اكتر
عز بعصبيه متعه ايه يخربيت اهلك انتي اتجننتي جااايه تختبري حبي ليكي دلوقتييي يا مرييم كل كلامك ده غلط ومفيهوش اي كلمه صح انطقي عرفتي منين اني بديكي برشام منع حمل اخلصييي قولييي
مريم بدموع وصدمه يااااه ده كله اللي فارقلك مكنتش اعرف ان خلفتي منك هتتعبك اوي كده يا عز انت خايف اروح اقولك للحج منصور اني حامل في حفيدك يا عمي وابنك متجوزني علشان اضمن حقي منك فعلشان كده كنت بتحطلي حبوب منع حمل مش كده ???
عز بدموع وعصبيه لا طبعااا يا متخللفه كل كلامك غلط انطقي قوليلي يا مريم عرفتي ازاااي ريحي قلبيي
مريم بوجع ودموع اريح قلبك !!!! عموما من ساعه ما روحنا للدكتوره يا عز وشوفتك وانت بتحطه وبعت لجارتنا وسالتها وقالتلي
عز بصدمه وبعدين ??
مريم بابتسامه منتصره ودموع ربعت ايديها وتابعت ولا قبلين بطلت اخده وبقيت ابدلها كل مره
عز اتصدم اكتر وتابع بوجع لالالا اوعي يكون اللي في بالي صح !! انتي .. انتي حامل يا مريم ??
مريم بصتله بسخريه وتابعت بدموع اه حامل بس والمصحف ما عايزة منك جنيه ولا انا ولا اللي في بطني ريح دماغك يا عز مستعده اكتبلك تنازل بحقه في ميراثك علشان تطمن
عز اتصدم وقلبه وجعه بشده وتابع بعصبيه شديده ودموع فلووس ايه وقررف اييه ينعل ابو دمااغك اللي ودتنااا في دااهيه انتي عاارفه انتي هببتي ايييه انطقيي
مريم خافت من رده فعله وعصبيته فتابعت بعصبيه ودموع لا معرفش غير انك حيوان وغير امين عليااااا وفالح اوي تدي لبنى حقوقها وتتقي فيها الله وانا ظالمني من كل النواحي وبتيجي تثبتني بكلمتين مش اكتررر وانا زي الهبله بيضحك عليااا ولو اعرف انك زبااله اوي كده مكنتش حملت منك علشان ملوش ذمب ابني في اختياراتي الغلط ويجي لاب ظالم زيك بس انا علشان هطلق فعايزه حته مني اعيش علشانه يا عز مش انت خالص اللي فارقلي اتفضل طلقني وغور برااا خسرتني كل حياتي يا شيخ
عز بعصبيه شديده ودموع انتي بتقووليي ايه ???? اطلق ميين ????انتي مش فاههه اي حاااجه اصلااا انا مش عايز اخلف منك يمتخلفه ده انتي حته مني وبنتي وحبيبت عمري انا هبص للفلوس والقرف دده يا يمريم انا كدده حبيبك كدده ده انا عملت كل ده علشانك ده انا ابيع الدنيااا واشتريكي ده انتي نورعييني ازاي تصدقي عليا كددده بس مش مهم اعتبريني زباله كده … زباله بزباله بقى يلا علشان تنزلي معايا اللي في بطنك ده لازم ينزل وبيشدها
مريم اتصدمت بشده وتابعت بصراخ وعيااط لالالا ابوس رجلك يا عز ووطت عند رجله فبعد رجله عنها ووطي قدامها فاكملت هي بعياط ابوس رجلك وايديك انا كنت هموت واحمل ارجوك سبلي حاجه واحده اعيش علشانها انت صدمتني فيك جدااا لان لو انا اهون عليك ازاي ابنك يهون كده ده روح يهون عادي تموته وانا والله مش هاجي جمبك تاني بس سبني اعيش انا وابني في سلام ارجوك
عز اتصدم اكتر من تفكيرها تابع بوجع ودموع انتي مش هتعيشي اصلا يا مريم
مريم اتصدمت اكتر وتابعت بخوف يعني ايه هتقتلني علشان حامل ??
عز ابتسم بسخريه على تفكيرها وراح قعد على الارض وسند ضهره للكنبه وتابع بوجع اقتلك ?? للدرجه دي بقيت بنسبالك مرعب وبخوف ووحش ومادي وعايز اقتل ابني او اقتلك للدرجه دي فقدتي الثقه فيااا
مريم بدموع وخوف غصب عني اللي شوفته منك مكنش قليل
عز بوجع ولما سالتي نفسك يتارا بعمل كده ليه جاوبتي كل الاجابات الزبااله اللي لسه قيلاها دي مش كده ??
مريم بدموع ووجع للاسف دي الحقيقه
عز بوجع انتي متعرفيش اي حاجه عن الحقيقه انتي لو عايزه تعرفيها كنتي تبصي في عيني .. عيني عمرها ماقالتلك غير الحقيقه
مريم بدموع بتغلبني حقيقه اني بحبك حتى وانت قاهرني
عز بدموع انا كنت بحافظ عليكي مش بقهرك لانك تعبانه يا مريم .. انتي لما تعبتي لما كنا في الجامعه واغمي عليكي وديتك للدكتوره وساعتها قلبك كان واجعك وضغطك وطي ولما جيت افهم منها حالتك طمنتني بس قالتلي قلبها بيتعب جامد فبلاش اي مجهود وانا من ساعتها مش قايلك وبخلي بالي منك ولما روحنا للدكتوره من فتره قالتلي نفس الكلام وان اصلا مش هينفع تحملي خالص علشان
مريم اتصدمت وتابعت بوجع ودموع علشان ايه يا عز ???? وراحت قعدت قدامه وتابعت بعياط قولي علشان ايه ابوس ايدك انطق
عز بعياط ووجع علشان مش هتعيشي يا مريم قلبك مش هيستحمل الولاده وهتموتي فكنت بمنعنك تحملي بلحبوب دي واتعصب وتابع بدموع الحبوب اللي كنت باجي من اسيوط للقاهره علشان اديهاالك خوفااا عليكي وانتي كنتي بتدلقيها وفاكره نفسك بتفهمي … عرفتي انا عملت كده لييه ??? عرفتي مش عايزك تحملي ليه ??? عرفتي كدبت عليكي لييه ?? كل ده علشان بعشقك ومقدرش اعيش من غيرك بس انتي بينتيلي انك عمرك ماعرفتيني
مريم اتصدمت اكتر وتابعت بقهر وعياط حقك عليا يا عز ارجوك سامحني ابوس ايدك انا اسفه سامحني وحضنته جامد وتابعت بعياط ياريتني كنت صارحتك من ساعتها مش قادره بجد
عز بعياط حقك علياا انتي ياريتني ماكنت اتجوزتك ولا قربت منك ياريت كنت اتشليت قبل ماكون سبب فكل ده
مريم بعياط لا يحبيبي لا متقولش كده مش انت السبب انا السبب انا االلي خبيت عنك انما جوازك مني ده احسن حاجه عشتها في حياتي واوعدني تخلي بالك من ياسمين يا عز ارجوك
عز اتصدم وبصلها وتابع بوجع ياسمين مين ??
مريم بوجع ودموع اه عرفت النوع انا في ااول الرابع يا عز ومش هينفع اجهض لان بردو فيها خطر على حياتي فياسمين هتيجي بس انا هم
عز بمقاطعه حضنها جامد وتابع بعياط لالااااا ابوس ايدك انتي بتقولي اييه انااا مش عايز غيررك يا مرييم حرااام عليكي حرااام عليكي عملتي فيناااا كده لييه كنتي اساليني يا مرييم كنتي اسالييني
مريم بعياط حضنته اكتر وتابعت ارجوك متبعدش عني ولو روحت يوم تعلالي شهر وقول شغال اي حاجه مش طمع فيك بس خلاص انا همشي وهسيب بنتي ليك ولاخوها ولي لبنى ابوس ايديك خليها تعاملها حلو اي ان كان هتقولهم دي مين المهم ياسمين متتعبش
عز بعياط ووجع بس بس اخرسي بتقولي ايه انتي مش هتسبيني لا يمريم انا من غيرك هعيش جسد بس
مريم بعياط بعيد الشر عنك يحبيبي وحضنته وتابعت انا الغلطانه وانا اللي استاهل المهم انت متبعدش عني الفتره دي ارجوك
عز حضنها جامد وتابع بعياط مش هسيبك اصلا مش هقدر اسيبك هقولهم اي حاجه وهفضل جمبك وانشاء الله هتقومي بالف خير يحبيبتي ربنا قادر
مريم حضنته اكتر وتابعت بحب ودموع يارب ينورعيني
وبعد مرور ال6 شهور قبل ولادتها بكام ساعه كانت قاعده تعبانه بتتفرج على التلفزيون والباب خبط فعرفت مين وطلعت بتعب فتحت وتابعت باشتياق ودموع نورت ياصلاح
صلاح بص لبنطها بصدمه وتابع ده انتي حامل واتجوزتيه بجد !!!
مريم بتعب ادخل يا خويا مش من على الباب هفهمك كل حاجه وغلطانه من قبل ما اتكلم بس خلاص مبقاش في وقت
صلاح بستغراب مبقاش في وقت لايه
مريم شدته وتابعت بتعب هفهمك كل حاجه انا جبت رقمك وكلمتك وقولتلك عنواني وطلبت منك تيجي علشان كده انا مموتش ولا حاجه زي ما فكرتوا وقعدته وقعدت قدامه وفضلت تحكيله كل حاااجه من الاول للاخر وبعد شويه تابعت بتنهيده مش طالبه منك غير كل فين وفين تشوف البنت تطمن عليها انا ماليش اهل غيرك وهي من بعدي انت كل اهل امها انما انا عارفه عز هيراعيها ويحطها في عينيه
صلاح بعصبيه ودموع ادي اللي جالنا منك ومن حبك ليه هيموتك اهو ليه يا مريم ليه عملتي كددده فينااا
عز كان جوه خرج على صوته وتابع بعصبيه قطع لسانك يخش انت اللي تموت ونرتاح منك يا شيخ
مريم بدموع عز
عز راح حضنها وتابع بدموع حقك عليا مقصدش ادعي عليه بس كلامه ضايقني اوي يا مريم منا سمعت كلامك وريحتك وقولتلك اتصلي بيه يعني مفيش في نيتي حاجه انا اسف يحبيبتي
مريم ابتسمت بدموع وتابعت ولا يهمك ينورعيني وبصت لاخوها وتابعت بيعشقني .. ومن يوم ما اختك جات معاه مشافتش غير كل الخير اعترف اني غلطت بس مكنش عندي حد غيره اعيش علشانه ومحدش فيكم رضي بعلاقتنا وخلاص انا ايام وهولد فا ده كلام مش وقته كل اللي طلباه منك انك تبص على ياسمين كل فين وفين زي ماقولتلك و
صلاح بمقاطعه وبحده مع احترامي ليكي يا مريم بس انتي كسرتي ضهرنا وواحد زيي كان ضربك قلمين وجرك من شعرك وبهدلك علشان كسفتيني قدام الناس وانا احتراما لتعبك همشي ومش هتكلم بس انتي وغلطتك واللي جي منها متخصناش خلاص ده عمامك كانوا عايزين يقتلوكي لما كلمتيني ومنعتهم يجوا بلعافيه وقولت ده اختي انا وشرفي انا بعد امي وابويا ملهاش حد غيري فانا اللي هتصرف
مريم اتصدمت بشده وقلبها وجعها فتابع عز الدين بعصبيه في ستين داهيه كلكم انا معاها هي وبنتي ومش عايزين من اشكالكم حاجه قولتلك متكلميش حد
مريم بدموع وتعب نورت يا صلاح
صلاح بحده عن اذنكم وهعتبر نفسي توهت ومجتش لو سالوني وبصلهم بقرف ونزل
عز بدموع بصي يحبيبتي ولا كانه جيه ولا يهمك
مريم بتعب ووجع مسكت في تيشرته وتابعت اااه .. عز مش قااادره اااه حاسه نزل مايه مني ااااه
عز خاف واتصدم لما لقى اعراض ولادتها جات كل اللي كان بيجي في دماغه ان لا مش عايز البنت بس عايزك انتي وبتلقائيه وخوف شالها ونزل بيها جري وشافهم صلاح فمشي وراهم بلعربيه وشويه ووصلوا المستشفي وعز شالها وجري بيها على جوه وهي بتصرخ
عز بخوف ودموع معايا حاله ولاده بسرعه
الممرضه جات بلترولي وتابعت حطها هنا بسرعه
عز نيمها عليه وجات تاخدها وتمشي مسكت ايديه وتابعت بدموع استني لو سمحتي وبصتله وتابعت عز
عز وطى قدامها وتابع بدموع وعشق: نعم يا نورعين عز يا قلب عز باس ايديها ودموعه زادت وبصلها وتابع ايه يحبيبتي تحت امرك
لبنى بدموع سميها ياسمين وابعدها عن صلاح طلما بيكرهوها كده وقول اللي تقولوا عنها بس المهم تبقى بخير دي الامانه اللي هسالك عليها يوم القيامه يا عز وعلمها وكبرها وجوزها اللي هي بتحبه متبقاش اب قاسي زي ابويا زمان الله يرحمه ولا يونس يكون ليها اخ يقهرها زي صلاح وهاتلها اخت بنت من لبنى علشان متحسس زيي بلوحده يكونوا سوا فكل حاجه ومتتكسفش تحكيلها اسرارها ويبقوا صحاب وسند لبعض ولما تعرف بيا خليها تفتكرني بلخير وتدعيلي قولها ماما بتموت فيكي من غير ماتشوفك كان نفسي والله اشوفها حتى دقيقه بس ده امر الله
عز الدين بعياط ووجع بس يا لبنى اخرسي هتقومي بلسلامه وهنعمل كل ده سوا هتقومي يحبيبتي انتي متقدريش تسبيني
لبنى بدموع طب اوعدني وريحني
عز باس خدها وجبينها وايديها وتابع بدموع اوعدك يحبيبتي اوعدك
لبنى بدموع بصتله بعشق وتابعت بحبك اوي يا عز وعلى عيني مشبعش منك وامشي بدري اوي كده كان نفسي نربي ياسمين سوا
عز انهار عياط وحضنها جامد وتابع وانا معرفتش الحب غير معاكي ياقلب عز بوعدك ليوم ما ااموت محدش هيشاركك قلبي يا مريم مهما حصل بس انتي هتقومي وهتشوفي انتي جامده وهتقدري
مريم عيطت في حضنه وتنهدت بارتياح لما شافت صلاح كان واقف وسامع كل حرف ودموعه في عينيه فرجعت نامت على الترولي وتابعت بدموع هتواحشني يا عز وقول لاهلي يسامحوني ويعرفوا اني بحبهم اوي بس هما مفهمونيش ولا مره وبصت للممرضه وتابعت يلا خديني
الممرضه بابتسامه حزينه يلا ومشيت بيها وعز مكنش راضي يسيب ايديها لحد مادخلت الاوضه وقعد على الارض يعيط ويدعي انها تقوم بلسلامه وعدي نص ساعه على الحال ده
صلاح بدموع مكنتش اعرف انك بتعشقها كده
عز بصله وتابع بعصبيه ودموع انت ايه االي جابك هاا وملكش دعوه بعشقها ولالا خليك في حالك وغور من هنا
صلاح بعصبيه اختي زي ماهي مراتك ومش همشي قبل ما اطمن عليها
عز رايح يتكلم سمع صوت ياسمين الممرضه شيلاها وخارجه فراح عندها بسرعه شالها منها وتابع الله واكبر امها طمنيني عليها الله يخليكي
الممرضه بحزن البقاء لله ربنا يصبركم
عز اتصدم وقلبه وجعه اوي قعد على الارض وحط ياسمين جمبه على الارض وصرخ بكل قوته وتابع بوجع وعياااط لييه يا مرريم لييه حراام عليكي قولتلك حمل لاااا يا مرييم قولتلك مش عاايز غيررك اااه يااارب ياارب خدني عندها يااارب مش قااادر لا يحبيبتي قومي لالالاا هتقومييي لاااا مش دي الحقيقه لا ده انتي 23 سنه شوفتي ايه انتي علشان تمشي بدرييي ينورعيني ااه يااارب قولتلك ذكريات ياسمين هتختلف وفعلا هي اختلفت يا مريم وفضل يخبط بايده علي الارض بكل غل ووجع
وصلاح كان واقف زيه منهار ومش قادر يبطل عياط وفضلوا كده لحد تاني يوم لما عز اتصل بصاحبه واداه ياسمين وراح دفن والدتها واستغل زحمه اهلها اللي جم على الخبر ومشي راح خد بنته ورجع الصعيد في وقت متاخر بليل والدنيا مطره
واتصل بيه صلاح يقوله فين البنت لانه حس بندم ووجع لما سمعهم مرضيش يقوله وقالوا تنسوها هي ملهاش اهل غيري خلاص ونفذ كلام مريم
بااااااك
صلاح بدموع بس وانا والله ندمت وحاولت اشوفك بس معرفتش وسامحتها انا وعمامها الله يرحمها يارب راحت بدري عروسه زي القمر
ياسمين كانت مصدومه وقلبها واجعها اوي فتابعت بدموع هو خبى امي طول فتره جوازهم وخباني انا طول حياتي وظلمني زي ما ظلمها
صلاح بدموع انسي الماضي يا بنتي وعيشي الحاضر وانتي راسك مرفوعه وبنت عز ومريم وليكي اخولت مش ملكيش اهل
ياسمين بعياط ووجع طب مقااااليش لييه هونت عليييه العمر ده كللله ميقولييش ليييه يا خالي
صلاح بدموع كنت فاكره حيوان وواطي علشان مخبي وجيت وسطكم علشان اكشفلك الحقيقه بس قدام عيني مبيخليش حد يجيب سيرتك بلوحش وبياكل اللي يتكلم عنك وبيحبك ومعلمك ومراعي ربنا فيكي حتي في جوازك قولتيلي ان سالك الاول ومفرضش عليكي يعني عز عمل بواصيه مريم يا ياسمين اكيد مقالش ساعتها خوفا من ابوه وكان مقهور ومش حمل عتاب علشان حبيبته سابته وبلوقت انتي كمان اتعودتي على كده فدفن الماضي علشانك هو مش مدرك انك كده تعبانه اكتر وانا كمان مخدتش بالي لما جيتلكم شوفتك وسط اهلك مرتاحه وعدته مش هتكلم علشان موجعكيش بس لما جيتيلي بلشكل ده دلوقتي مقدرتش محكيش الحقيقه
ياسمين بعياط ووجع ااه يااارب ازاي كل ده يحصليي ازااي انا مش قادره استوعب مش قادره افهم ازاي كل ده يحصلي ياررب ده انا عشت ايام سودا
صلاح باس راسها وتابع بدموع حقك عليا يا بنتي حقك عليا والله قولتلك علشان اريحك مش اتعبك استهدي بالله وابدائي من اول وجديد وعرفي اهلك الحقيقه واتبسطي بقي وكفايه تزعلي مريم في تربتها عليكي
ياسمين بعياط ووجع عارف طول حياتي بقول ياريتني مع اهلي وكنت قبل ما انام اتخيل اني لقيت ناس بجد وطلعت بنتهم وخدت اخواتي وامي وابويا بلحضن وبقى ليا عيله بس كنت ابص ورايا اشوف عز وشهد ويونس احس ان لا مش هقدر بردو افارقهم بعد العمر ده كله فيطلعوا هما اهلى بس بردو مفيش ماما وعيطت اكتر وتابعت انا عمري ما قولت يا ماما غير لضرتها يا خالي … انا عارفه ان ماما لبنى كانت بتحبني اوي واعبترتني زي عيالها وهي طيبه اوي الله يرحمها وغمضت عينيها بقهر وتابعت بعياط بس كل ما افتكر اني قولت يا ماما لواحده خدت مكان امي اتقهر اكتر امي عملت ايه وحش يخليني مشوفهاش ولا مره ويوم ما اجي يوم ما تموت واقول لضرتها يا ماما اصل مهما كان ماما لبنى كويسه وبحبها واتوجعت لموتها وانهارت عياط بس هي ضرتها بردو وجدي ظلم امي وظلم لبنى وظلم ابويااا وظلمني انا كمااان يا خالو
صلاح حضنها وتابع بدموع صحيتي وجعي يا ياسمين ربنا يهدي نارك يابنتي ويصبرك ولبنى كانت ست كويسه الله يرحمها وبتحب ابوكي وعمرها ماقالتله لا على كلمه وهي بردو امك لانها هي اللي ربت وسهرت يابنتي ومريم مش هتزعل انك ناديتيها ماما على قد ماهتفرح ان لبنى عيشتك احسن عيشه وخلت بالها منك بس ابوس ايدك اهدي لو حصلك حاجه ابوكي هيقتلني
ياسمين بوجع وتعب ااه مش قادره حقيقي الله يرحمك يا امي وعيطت وتابعت شوفتي كتير واتوجعتي كتيير بجد يحبيبتي محدش يقدر يتحمل اللي عشتيه ابداا وبصت لصلاح وتابعت بدموع الحقيقه وجعتني وقهرتني اوي يا خالو بس عايزه اشكرك انك حللتلي حضن يونس دي اهم حاجه عندي لان انا مش عايزه من العيله دي كلها غير اخواتي
صلاح بدموع ربنا يخليكم لبعض يا بنتي
ياسمين بدموع اللهم امين يارب
صلاح بدموع عارفه انك نسخه من امك في الشكل والعيون والبياض انتي اصلا عباره عن مريم من تاني
ياسمين بدموع اممم علشان كده عرفتني لما جيت البيت
صلاح بحب ودموع اه حاسس ان مريم عايشه فيكي والله يا ياسمين
ياسمين عيطت وبصت للسما وتابعت الله يرحمها يارب
في بيت الرفاعي عند شقه الحج منصور العيله كلها متجمعه وقاعدين
صافيه بحب طب يحبيبتي قومي اطلعي فوق طلما تعبانه
شهد بتعب لالا يا تيته مش بحب قاعده السرير نزلت انا خليت يونس ينزلني علشان اقعد معاكم شويه اتخنقت من القاعده لوحدي
نرمين بحب خليها ياما صح اهي تبقى وسطنا
منصور بتنهيده فينها ياسمين نايمه ولا ايه
شهد بتعب لا قالت لجودي نازله معرفش راحت فين طولت اوي
يونس وهو رافع الفون على ودانه تابع بحده ده لما تجيلي بس
عز بقلق شوفها يا ابني اتاخرت اوي قلبي واكلني عليها
مازن بص للساعه بقلق وتابع يونس دي داخله على عشره بليل كلمها طيب مردتش عليك يلا ننزل ندور
يونس بصله بحده ورجع بص لفونه تاني ومردش عليه
حسام احمم همس لمازن اتلم واسكت هيديك علقه تاني وهنتفضح
عايده بقلق طب شوفوها مع نور فوق ولا حاجه
احمد بقلق لا نور بتذاكر لوحدها في الاوضه ياسمين مش معاها ولا عند جودي لان جودي لسه نازله ومتعرفش فينها كل ده
سيف بحده طب ماتنزلوا تدوروا هتفضلوا تتصلوا بيهاا
عز بخوف ودموع ابوس ايدك يا ابني روح شوف اختك فين انا قلقت وقلبي مش مطمن لتاخيرها كل ده
يونس بعصبيه ده انا هطلع عين اهلها بس اشوفها علشان قايلها متتحركيش من جمب اختك ومعرفتنيش انها نازله وهتتاخر اصلا
عز بخوف ملكش دعوه بيهاا يا يونس هاتها وبس ابوها عاايش انا اقولها كانت فين
يونس بحده لما اشوفها بس ورايح ينزل شافها طالعه وعينيها حمرا من الدموع ومنفوخه وباين عليها التعب اوي فمسك دراعها جامد ودخل بيها الشقه وتابع بعصبيه كل ده كنتي فين هااا وقولتي لميين انك نازله هو انا مش قايلك متتحركيش من جمب اختكك يا ياسمين
ياسمين بصت لشهد ودموعها نزلت وتابعت ااه ااه قولتلي كده قولتلي متتحركيش من جمب اختك ااه حصل وعيطت وتابعت حقك عليا يا شهد انا اخت مش كويسه فكرت في نفسي وسبتك وانتي اختي الصغيره وتعبانه متزعليش مني وباست راسها وحضنتها
كلهم كانوا مستغربين اسلوبها فتابعت شهد بدموع واستغراب ياسمين مالك فيكي ايه ???
ياسمين بعياط ولهفه مالي يحبيبتي مالي منا زي الفل اهو انا بعتذرلك علشان مفيش اخت تسيب اختها في وضع زي ده
يونس مسكها من دراعها ووجها ليه وتابع بحده واما انتي عارفه كدده يا هاانم اتنيلتي كسرتي كلامي ونزلتي وسبتيها وروحتي فين وراجعه الساعه 10 بليل ولا اكن ليكي اهل تحترميهم هااا ردي عليااا
عز بحده خلاص يا يونس سيبها قولتلك انا هسالها الاسئله دي مش انت
ياسمين بدموع وفيها ايه لما يونس يسالني كنت فين ويكسر راسي لما اغلط كمان مش اخويا الكبير ???
عز بابتسامه اخوكي الكبير طبعا يا بنتي بس انتي عارفه انه عصبي وانتي حساسه فمش عايزه يعيطك
يونس بحده بابا زي ماهي بنتك هي اختي انا مش بضربها علشان تخاف عليها مش للدرجه دي بس حقي اعرف كانت فين علشان من بدري هموت من خوفي عليها وبكلمها مش بترد حتى تطمن اهلي بكلمه
ياسمين بصتله بحب وتابعت بدموع انا اسفه يحبيبي حقك عليا يا يونس انا فعلا غلطت اوعدك هعرفك كل حاجه بعد كده ووقفت على اطراف صوابعها ولفت ايديها حوالين رقبته وحضنته جامد وفضلت تعيط وهو لف ايديه على ضهرها وفضل يطبطب عليها وهو مش فاهم سبب عياطها بس حس انها محتجاه
مازن كان غيران جدا ومتعصب من تصرفاتها بس مش عارف يتكلم وحسام ملاحظ نظراته فبصله بحده علشان محدش ياخد باله
عايده بحرج احمم عز قولها مش كده تحترم ان خطيبها واقف على الاقل
احمد بحده انتي بتهببي ايه يا ياسمين وانت التاني بتحضنها كده ازاي
ياسمين بعصبيه ودموع اخوياااا كفاياااكم بقى انا تعببببت عملت ايييه غللط عملت اييه حراام واحده مكسوره ويتيمه ومقهوره ملهاااش سند غير اخوهااا فيها ايه لما تحضنه هااا ردوا عليااا حد فيكم بيعرف يعيش لوحده ?? حد فيكم بيعرف يشيل وجعه من غير ما يشاركه لحد ?? اكيد لا طبعا اشمعنا اناااا عايزيني اعيش بعيد عن اخوياااا اشمعنا اناا حرمتو علياااا حضن من حقييي اشمعنا انا فضلت عمري كله 22 سنه بحضن يونس في اوضتي بس لما بيجيلي وبخااف انطق واقول حضنته قدامكم وبفضل لما اصلي اقوله يااارب سامحني بس مش بحسه غير اخويااا مش بشوفه غير اخوياااا شوفت منكم كتيير اوي بجدد مازن ودلوقتي احمد ومرات عمي وكلكم كل ما يونس يقرب مني تبصوله كانه ارتكب جريمه ولازم يصلحها
مازن بحده وغيره عليها: علشان هي جريمه فعلاا وحراام وميصحش ولا انتي بقي بتحللي وبتحرمي على مزاجك ???
يونس بعصبيه وانت مااال اهلك يا حيوان حد قالك افتح بوقك?? ورايح يضربه مسكته ياسمين وتابعت بدموع لا علشان خاطري
يونس بحده انتي مش سامعه بيقول ايه ???
منصور بحده قال ايه غير الحقيقه يا يونس اه احنا بنقول اختك ومعيشينكم في شقه واحده و اه مستحيل نظره حد فيكم تتحول تجاه التاني غير نظره الاخوات بس الدين مفيهوش استثناء واللي انتوا بتعلموا فعلا حرااام
صافيه بحزن معلش يابنتي انا فاهمه كلامك والله ويونس اخوكي وسندك وفي ضهرك وكل حاجه بس اتكلمي من بعيد حفظا على حيائك انتي مش حد تاني وحقك عليا ينورعيني
سيف بحده يجماعه نيه يونس تجاها نيه سليمه بطلوا بجد تبقوا فيكم عيوب قد كده وتركزوا مع الناس الله يرضى عنكم
حسام بتنهيده حزينه فاهمك يا سيف بس حرام قدام ربنا انما هي ويونس مفيش نقاش عليهم عارفين نيتهم
ياسمين بابتسامه مليانه وجع ها يا مرات عمي ناقص انتي وعمي معتز وعمي ايمن قولوا اللي نفسكم فيه يلا
نرمين بحزن مش هقول حاجه يابنتي دي حياتك وانتي حره انتي كبيره مش صغيره وعارفه الصح من الغلط
ياسمين بوجع امم صح بس بردو فكروا علشان لو حد عنده كلمه عايز يقولها ميكتمهاش في قلبه لا خلوه يخرجها واتعصبت وعيطت وتابعت لااانهاا اخرر مرره هسمحلكم تجررحوني انتوا سااامعين فقولوا اللي في قلبكم يلااا
يونس بحزن ياسمين مالك يحبيبتي
ياسمين حضنته وتابعت بقهر وعياط ياسمين اتدمرت يا يونس اختك ادمرت يا يونس ياسمين مش قادره تعيش
عز بوجع ودموع بس يا بنتي مالك يحبيبتي ايه حصل قوليلي وانا والله همحي اللي ضايقك من على وش الارض ومحدش فيهم ليه حق يتكلم عنك نص كلمه يونس اخوكي واعملي االي انتي عايزاه انا ابوكي وراضي
ياسمين بوجع ودموع كنت منتظراك ترد عليهم بس للاسف خلفت ظني للمره الالف او انا الغبيه اني سمعت نفس الفيلم اللي بقالي 22 سنه بسمعه وجايه دلوقتي بنتظر نهايه مختلفه
عز بدموع انتي بتقولي ايه يابنتي هو انا امتى سبت حد فيهم يحرمك من اخواتك ولا حقك في اسمي انتي عبيطه يا ياسمين
ياسمين تنهدت بعمق وتابعت انت مبحتفلش بعيد ميلادي ليه يا بابا ?? اشمعنا انا ?? ليه شهد ويونس بنفاجئهم وتكون معانا وانا لما يجي عيد ميلادي بلاقيني وسط الكل الا انت وتيجي بليل تقولي كل سنه وانتي طيبه يحبيبتي
عز بصدمه هيكون ليه يا ياسمين عادي يحبيبتي بتصادف ببقي في مشواير فمش بعرف اكون معاهم ده انا يوم ماشوفتك احلى يوم في حياتي اصل مش هحتفل بعيد ميلادك ليه ده انتي نورعيني واغلى حاجه عندي انتي واخواتك وباس جبينها ودموعه نزلت
ياسمين بوجع ودموع متاكد ??? متاكد انك فرحت لما شوفتني اول مره
عز قلبه وجعه وتابع بدموع اه يا بنتي متاكد انتي بس اللي متعرفيش غلاوتك جوايا قد ايه
ياسمين بابتسامه ودموع لا عارفه يا عز ومصدقاك بس مصدقه انك بتحبني اوي دلوقتي بسبب شكلي ااه انما معتقدش فرحت لما شوفتني اول مره اصل في النهايه انا بنت الغاليه بردو ونسخه منها فكل حاجه حتى شكلها ولا ايه ????
العيله كلها اتصدمت وعز قلبه وجعه ودموعه نزلت وتابع بصدمه صلاح مش كده ?? صلاح هو اللي قالك مش كده يا ياسمين ???
ياسمين بعياط ده كل اللي فارقلك ??? بس لا واضح انك كنت قد الامانه اللي امي سابتهالك يعني سكت زمان وخبيتها هي عن الكل وسكت وخبيت حقيقتي انا بعدها واتعصبت بدموع واكملت وعيشتني عمرري كلله 22 سننه بتحرموااا حضن اخويااا علياااا وكل واااحد عندده كلمه توجعني بيقولهاااا حسستني اني غريبه بتشفقوااا علليااا بتربيتكم ليااا وانا قاااعده في بيت ابوياااا اصلااا طول عمرك جبااان يا بابااا ومتقووولش حبتني انت بتكرهني علشان لما انا جيت حبيبتك ماتت بسببي
صافيه اتصدمت وضربت ايديها على صدرها وتابعت بدموع يا موورك يا عز ياسمين بنتك من مرررييم !!!! انت اتجوزتهااا! !!!
يونس بصدمه ودموع انت قولتلي انك بتحبها ومحبتش غيرها وانك اتقيت الله في امي بس مقدرتش تحب غير مريم يعني فتحتلي قلبك واتكلمت عادي جيت عند اهم نقطه وسكت يا بابا! !!!
ياسمين بعياط ووجع امممم ده واضح انك كنت بتعشقها فعلا مش كلام حتى تيته ويونس طلعوا عارفينها اهو عارفين امي اللي انا معرفهاش غير دلوقتي
يونس بصدمه ووجع ايه اللي ياسمين بتقولوا ده يا بابا ??? ماترد عليناااا ودموعه نزلت وتابع بعصبيه بصلي ورد علياااا ايه اللي ياسمين بتقولوا ددده هانت عليك تعمل فيهااا كده هااانت عليك تبقى فعلا بنتك وسايب الكل بيوجعهااا كددده انت ازاي عيشتنا في وهم كل ددده قولييي
شهد بدموع ازاي دي الحقيقه انت كنت متجوز علي ماما ومخبي علينا العمر ده كلله ومعيشها وسطنا على انها غرييبه انت ازاي عملت كده انا مصدومه فيك بجد ومش قادره اصدق
ياسمين بدموع ووجع رد على عيالك يا باابا ساكت ليه يلا رد عليهم وقولهم انك اتجوزت ماما لبنى لان جدي اللي عايز كده وصمم عليها وانه رفض امي وبسببه اضطريت تتجوز امي علي ام يونس وشهد لانك بتحبها وهي حبك الاول والوحيد وامي سابت اهلها وجات معاك في بيت في القاهره وبعدين طلبت منك تحمل وانت عرفت انها قلبها ميستحملش ومش هتقدر تحمل بس خبيت عليها من كتر حبك فيها وبقيت تديها حبوب منع حمل ولما هي اكتشفت وهمتك انها بطلت تاخدها ويوم ماعرفت انها حامل فيا انهارت عياط وقولتلها نزليها يا مريم انا مش عايز غيرك يا مريم بس خلاص كنت كبرت في بطنها وجيت انا وهي فارقت الحياه وخدتني من ورا خالي واهل امي وجيت بيا الصعيد خوفت من ابوك تاني فقولت بنت لقيتها في الشارع وهربيها فا لو قولتلي بعد كل ده انك بتحبني هقولك كدااب وسقفت بايديها وتابعت بوجع برااافو يا عز بيه حقيقي شابو كسبت كل حاجه ام يونس لحد ما ماتت الله يرحمها شيفاك ملاك بريئ بجناحين وفلوسك جدي اداهالك وامي انا قعدت معاها فتره حلوه ومحدش غيرك اتجوزها وخدت منها حته منها حتي في الشكل تفكرك بيهاا انت كسبت كل حاجه وخسرتني انا كل حاجه وعيشتني في قهر ووجع و ووهم كبير اوووي وحرمت عليااا حضن اخويااا وسبتهم يتكلموا ويوجعوني
كلهم اتصدموا بشده فاكمل عز بحده ودموع متلومنيش انا يا ياسمين انا عمري ماقصرت معاكي وربنا يعلم بحبك ازاي ده انتي بنت مريم ومهما اتكلم من هنا للصبح انتي مش هتفهمي يعني ايه مريم عندي .. مريم اللي لحد انهاارده كل سنه في ذكرى وفاتها اسافر اقعد معاها اليوم كله في المقابرر وادعيلها بلرحمه علشان كده مبحتفلش بعيد ميلادك متزعليش مني يابنتي انا بحبك وبموت فيكي كفايه انك فعلا نسخه منها وبتفكريني بيها فكل حاجه فيها بس خلينا واقعيين انا مكنتش شوفتك بس شوفت مراتي وعايز مراتي فعلشان كده طلبت منها تجهض ولو الزمن يرجع وهينفع تجهض وتعيش وتفضل جمبي مكنتش هتردد وهخليها تجهض بس تعيش مع ان وجودك في حياتي معوضني عنها الا ان انا كنت عايزها هي يا ياسمين عايز حبيبتي اللي عشت احبها عمري كله وعشت معاها تحت سقف واحد سنه بس والسنه دي هي السنه الوحيده اللي بعتبر نفسي عشتها وعايش عليها للنهارده ودموعه نزلت وتابع يوم ولادتك كان صعب عليااا اوي يا ياسمين صعب وخسرت فيه اكتر بنت حبيتها في حيااتي مهما اوصفلك ازاي وجعي مبردش للنهارده وبتالم كل يوم كانه اول يوم ومش متقبل الواقع مش هتعرفي تفهمي انتي لو عايزه تلومي حد وجعنا كلنا صح لومي جدك اللي ظلمني وظلم لبنى وظلمك ومرضيش يديني البنت اللي بحبها جدك اللي لو كنت قولتله دي بنتي من مريم كان طردني انا وانتي في الشارع … والله يابنتي سكت علشانك خوفت يطردني مكنتش هعرف اعيشك مرتاحه زي ما وعدت امك الله يرحمها ومكنتش قادر اتخانق معاه كنت خسران روحي وقلبي وحاسس الدنيا اطفت. في عيني جيت اديتك لام يونس ودخلت اوضتي وفضلت اعيط وفضلت كده كتيير وصدقيني يا ياسمين من ساعه ما مريم روحها فارقتها روحي انا كمان راحت وياها وعايش جسد بس عايش بعد الايام على صوابعي علشان اروحلهاا واحشتني اوي وعيط اكتر وتابع انا مظلمتكيش يا ياسمين بس خوفت عليكي ولما كبرتي قولت انك تقبلتي حياتك خلاص. مش حمل صدامات انما مش قصدي اوجعك اكتر ياحبيبتي والله
منصور بصدمه ودموع انا مصدوم فيك ومش عارف اعبر عن صدمتي بكلام بس هقول ايه وبعد ايه !!!! خلاص ده العمر فات والشعر شاب وكان زمانك بقيت جد دلوقتي لو يونس اتجوز بس صدمتي انها مجتش من معتز اصغركم تيجي منك انت يا عز يا عاقل
عز بعصبيه ودموع سواء معتز ولا ايمن خدوه البنت اللي بيحبوها وانت وافقت علشان على هواك ومن الصعيد انما بتاعه القاهره مدخلتش دماغك وانت اكبر سبب فكل اللي انا فيه انا وبنتي
منصور بدموع انا يا عز !! انا وحش اوي كده ده انا كنت خايف عليك كنت خايف تجيب واحده ملهاش اهل طمعانه في فلوس اهلك فقولت ناس نعرف اصلهم مش نروح القاهره نناسب ونسيب اهلنا وناسنا
عز بدموع بس انا محبتش غيرها وانت مش فاهم يعني ايه حب علشان كده جيت عليا
يونس بحده ودموع اه وعملت ايه بقرارك ده ياجدي ?? قولي كنت صح ?? انت حكمت علي واحده متعرفهاش وخلاص انها طمعانه فيك انت وابنك لمجرد انها يتميه وبسبب تفكيرك ده عيشت امي عمرها كله مع واحد محبهاش ومتجوز عليها وعيشت ام اختي مقهوره ان حبيب عمرها سابها واتجوز ست تانيه مشاركاها فيه ومخلفه منه عيل وعيشته هو في خوف وصراع بين الحياتين وانه مينفعش يفرق بينهم بس انا فاهمو وفاهم يعني اي راجل حب بجد فغصب عنه كفه القلب هتميل وده واضح من دموعه علي واحده ماتت من 22 سنه واللي ماتت داخله في 3 سنين بس محسش بكل ده يوميها وبسبب خوفه من تقفيله دماغك وعصبيتك مرضيش يقول بعد كل ده ان ياسمين دمه ولحمه وكدب وبسبب كدبته دي عيشتوا اختي انا كمان في قهر وتعب طول حياتها وجبتولها اكتئاب وحسستوها بلغربه وسط اهلها وكل دده علشان وقفت ضد الحب من البدايه عارضت اتنين عايزين بعض وبردو خدها غصب عنك بس الكل دفع التمن تخيل لو كنت وافقت بجوازه من مريم كده كان حصل ايه ??
منصور قعد بتعب وتابع بدموع مش حفيدي وصغير وانا راجل كبير بس غلبتني و عندك حق يا يونس طول عمري بيقولوا عني راجل حكيم وليا خبره في الحياه وبيقعدوني في الجلسات المهمه في البلد بس انت في كلمتين حسستني اني عمري مافهمت خالص انا فعلا ظلمت عز وامك وام ياسمين الله يرحمهم وعيط وتابع حتي حفيدتي اتظلمت بسببي بس والله مكنش نيتي كل ده يا ابني انا مش وحش يا يونس مش وحش كده يا ابني لو اعرف كل ده هيحصل كنت جوزتهاله
صافيه بعياط بس ياحج اهدي خلاص قدر الله وما شاء فعل الحمدلله جات علي كده نصيبهم بردو لولا جوازه من لبني مكنش خلف شهد ويونس يسندوا ياسمين دلوقتي فكله للخير ياحج متزعلش نفسك دي اراده ربنا هو بس جعلك سبب
ياسمين بدموع تيته صح ومش انت بس اللي غلطت يا جدو وهو بردو غلطان وفضل مخبيني العمر كله مهانش عليه في وقت من الاوقات يقول الحقيقه وسكت
عز بدموع والله يابنتي قولت خلاص انتي اتعودتي علي حياتك فبلاش اصدمك خوفت تتعبي ومتفهمنيش زي مانتي مش فهماني دلوقتي
ياسمين بدموع ووجع لا يا شيخ يعني انت مردتش تقولي يا ياسمين انتي بنتي من لحمي ودمي واخت يونس وشهد وامك كنت بحبها ومااتت الله يرحمها علشان متصدمنيش بس عادي تسيب اللي رايح واللي جاي يقول اهي بنت الشوارع اللي عز مربيها واهي اللي متربتش اللي بتحضن يونس مع انه يجوزهلها واتعصبت وتابعت بعياط واهي ياسمين اللي عيله الرفاااعي مربيااهااا كل ده عااادي صححح وتقولي اتعودتي اتعودتي هو انا هتعود علي ايه ?? ولا انت فاكرني اتعودت علي القهر والوجع فسكت مرضتش تقولي علشان متتحطش في الموقف ده قدامي واقولك بسبب سكوتك كل ده حصليي مش كددده ?? قولي هتقف تقول ايه لامي يوم القيامه لما تسالك عني يا بابااا رد علياا هتقولها بنتك اتربت احسن تربيه يا مريم وخلاص بتتخرج من كليه الحقوق بس بصراحه انا مش قايل لحد انها بنتنا وقايل اني مربيهااا ولقيتها في الشارع ويونس االلي وعدتك هيكون سندها هو سندها صح بس هي عايشه تخاف تنده عليه او تشكيله وتحضنه وشهد اللي قولتيلي اجيبها تصاحبها جبتها فعلا وصاحبتها بس طول الوقت في فطور جوه ياسمين وبتحس انها غريبه وانا فعلا كنت الاب الحنين علي بنتي زي ماطلبتي مني بس هي طول الوقت شايفه حنيتي عليها شفقه علشان ملهاش اهل قولهاا انك دمرتني يا بابا قولها انك سكت علشان خوفت زي زمان انك تتحرم من الميراث بتاع جدي ويرميك في الشارع مش اكتر قول الحقيقه كامله ساعتها علشان دي ساعه حق متنساااش
عز بدموع ووجع كل ده جواكي ليا يا ياسمين طب والله يابنتي لو اعرف انك هتحسي كل ده كنت قولت من اول يوم واللي يحصل يحصل حقك عليا يا ياسمين حقك عليا يانورعين ابوكي سامحيني ابوس ايدك والله يابنتي بحبك وبموت فيكي ومش بسكت لحد لما بيتكلم عنك انتي متعرفيش ابوكي مستعد يعمل ايه علشانك والله سامحيني يابنتي ونبدا من جديد
ياسمين بعياط اسامحك علي ايه ولا ايه بجد اسامحك علي اني عشت عمري كله فاكره اني ماليش اهل ?? ولا اسامحك علي كلمه قهرتني سمعتها ومعرفتش انام الليل بسببها ?? ولا اسامحك انك حسستني اني بنت شوارع ربيتها علشان شفقان عليها ?? ولا اسامحك انك خلتني مقدرش حتي اترحم علي امي لاني معرفهاش ?? ولا اسامحك علي احساس الغربه اللي كنت بحسه وسط اهلي وانهاارت عياط وتابعت ولا اسامحك علي اخوياااا اللي عشت اشوفه بيحضن شهد ونفسي اقوله وانا كمان يا يونس محتجاك ومش قااادره انطقهااا
يونس شدها لحضنه وحضنها جامد وتابع بدموع بس بس خلاص ارجوكي كفايه اهدي علشان صحتك وباس راسها
ياسمين بعياط و وجع تعبت يا يونسس تعبببت اختك نفسها تموت بجدد اااه يارب
يونس بحده ودموع بس يحيوانه قطع لسانك متقوليش كده بعد الشر وباس راسها وفضل يطبطب علي ضهرها وتابع ابوس ايدك كفايه هيغمي عليكي اهدي يا ياسمين مش كده
ياسمين بعياط تعبانه يا يونس تعبانه اوي ومش قادره استوعب اي حاجه من اللي بتحصلي بس انا مش عايزه حاجه منهم كلهم ولا فارق معايا اسم الرفاعي انا عايزاك انت وشهد بس يا يونس انا عايزه اخواتي
يونس بدموع ويحبيبت ونورعين اخوكي هو انا كنت محتاج الكلام ده علشان اعتبرك اختي ?? هو انا عمري اثرت معاكي يا ياسمين مش بعتبرك زيك زي شهد
ياسمين بدموع عمرك ما اثرت مقدرش اقول غير كده بس انا كنت محتاجه الكلام ده لان فكل مره بعيط وبتفتحلي ايدك مبقدرش ارفضها وبحضنك واشكيلك بس بيني وبين نفسي بقول سامحني يارب انا محتجاه وماليش سند غيره فا كل اللي حصلي ده استفدت منه انت بس يا يونس انما ياريتني ماعشت واتقهرت كده.. يونس دموعه نزلت وباس جبينها وتابع الف بعد الشر عليكي يا نورعين وقلب يونس وباس ايديها ومسح دموعها
شهد بدموع الله يرحم مامتك ومامتي احنا اخوات اصلا يا هبله وكلامك ده صدمني في بابا بس مغيرش اي حاجه جوايا ولا هيخليني اطير من الفرح واقولك ايه ده انتي طلعتي اختي بجد لان انتي اختي بجد من يوم ماوعيت وشوفتك يا ياسمين اللي مفرحني بس حضنك ليونس اللي كنتي بتشيلي همه والحدود اللي حطاها جواكي طول الوقت في تعاملك معاانا زي عيال عمك بينك وبين نفسك بتقولي مش عيال عمي وانا بتقولي ياريتها اختي بس مش اختي حتي بابا بتقولي مش بابا ولما باجي اقول مش هجوز اخويا تقوليلي انتي يا شهد هتبوري اخوكي جمبك مش اخونا او اخويا كأن يونس يخصني انا بس فكنت بقرا في عينيكي فكل مره بتتكلمي الحدود اللي زرعاها قبل ماتنطقي حاجه لاي حد فينا كأنك بتفكري نفسك طول الوقت اننا مش اهلك حتي لو لسانك منطقش ده بس قلبك شايل ومش بينسي وانا واخوكي محدش فينا شافك حاجه غير هي هي ياسمين بعد كلامك بردو فانا فرحانه ليكي انتي انك هتكوني تلقائيه بعدين من غير خوف انما احنا كده كده اخواتك يا هبله
ياسمين بدموع وفرح ينورعين وقلب اختك انتي … كبرتي يا شهد كبرتي اويي وفهماني من غير ما اتكلم وباست خدها وحضنتها وعيطت بفرح وتابعت انا بحبكم اوي بجد ربنا يديمكم ليا
شهد طبطبت علي ضهرها وتابعت بدموع في سرها: مهما زعلت منك انك وافقتي باحمد ومش مصدقه ازاي هتوجعيني الا اني فعلا مش قادره اكرهك يا ياسمين ليه يارب اختبرتني في اختي يارب انا اصلا مش هقدر استحمل اشوفه بيخطب قدامي في اي حاله من الحالات بس وجود ياسمين جمبه هتكسرني العمر كله وغمضت عينيها ودموعها نزلت ويونس كان فاهم شهد بتفكر في ايه فتابع في سره بحزن يارب ماتكمل الخطوبه لان ده القرار الصح االلي هيريحك انتي واختك وميتعبش حد مالوش ذمب
احمد راح مسك ايديها وتابع بحرج ياسمين انا اسف يا حبيبتي مقصدش اوجعك كده حقك عليا بجد انا غيرت عليكي وده حقي انما مشاعرك انا مقدرها جداا وكنت عارف بتشوفي يونس ازاي
شهد بصت علي ايديهم وقلبها وجعها جداا والدموع اتلمت في عينيها ومازن كان باصص زيها علي ايد احمد اللي ماسكه ياسمين فدموعه نزلت وبص الناحيه التانيه
ياسمين بابتسامه مش زعلانه منك طبعا حقك تغير
ايمن بحب ربنا يخليكم لبعض يحبيبتي والله عز غلط بس غلطته دي جات من وراها سكرايه العيله انتي بنتنا ومن يوم ماجيتي بنتنا يا سمسمه
ياسمين بحب شكرا يا عمو ربنا يخليك يارب
مازن بوجع حقك عليا يا ياسمين مقصدش ازعلك ومليون مبروك معرفتك الحقيقه وراحه بالك
ياسمين بابتسامه من ناحيه بالي ارتاح فاهو ارتاح جداا عقبال بالك يارب
مازن بضيق يارب يلا هطلع انا عايز انام مش قادر تصبحوا علي خير وهرب من نظرات عينيها وطلع بسرعه
معتز بحب طب والله فعلا كله للخير كان لازم يتجوز الاتنين لان مريم الله يرحمها كانت هتجيبك انتي بس وهو بردو عاملهم زي بعض ومخالفش شرع ربنا
نرمين بحب كلمه حق تتقال كان بيعامل لبني احلي معامله بعيدا عن ان القلب مع مريم وطبيعي ليها اسلوب خاص بس ماثرش مع الاتنين
عايده بحزن الله يرحمهم يارب وحقك عليا يا بنتي حاولي انسي كل كلمه وجعناكي بيها بس وغلاوتك اللي من غلاوه نور انا بتكلم علشان مصلحتك انتي ده انتي هتبقي مرات ابني واديه طلع اخوكي بجد اهو احضني براحتك يا ستي
ياسمين ابتسمت وتابعت بحب عارفه يا ماما بس صدقيني انا كمان كنت بتوجع غصب عني مش منكم انتوا لا من وضعي وحياتي
يونس حضنها وتابع بحب خلاص مفيهاش تعب تاني ولا اييه
سيف بضحك طبعااا هي مش هتسيبك تاني اصلا خلاص مليون مبروووك فرحتك يا بنت عمي يا غاليه انما احنا من زمان شايفينك مننا والله العظيم
ياسمين بدموع فرح انت بلذات يا سيف ببقي نفسي اقولك قد ايه بتوحشني لما بتسافر ولما بترجع ببقي عايزه اعبر عن فرحتي بيك معاهم وبتكسف اوي بس دلوقتي انت ابن عمي يعني اخويا صح
سيف اتأثر جدا من كلامها وتابع طب علي فكره انا مبعيطش وانتي كنتي رايحه تنزلي دموعي من كلامك ايه الكلام الحلو زيك ده يا سمسمه. . ده انا يبختي ان القمر ده كله بيفرح لما ارجع وبوحشه لما اسافر وراح باس جبينها وتابع بحب اخوكي وابن عمك وصاحبك وكل حاجه ليكي كمان انتي زي زينب يا هبله مالك
زينب ضحكت من بين دموعها وتابعت يعني انت ابن عمي بجد صح وحسام كمان ياااربي بجد
سيف بضحك ده والله يبختنا احنا بيكي
يونس ماخلاص يحبيبي معاكسه
سيف بضحك ايه ده ايه ده انت هتغير مني انا يا صاحبي اخص
يونس بضحك من ابوها نفسه يحبيبي دي سمسمه عارفه غلاوتها عندي قد ايه
ياسمين بدموع وحب مش هقدر انكر انك فعلا قبل ماتعرف وبعد ماعرفت نفس يونس سندي وصاحبي واخويا اللي حضنه مفتوحلي وبتنصحني ومش بتسكت عن حقي هو هو متغيرش فانت مشاعرك حقيقي ثابته من البدايه اني اختك بس انا اللي حاسه اني اتولدت من جديد وبقيت حقي حاجات كتير اوي وضحكت من بين دموعها وتابعت ده سيف بقي يقف يتكلم معايا عادي شوفت وكمان حسام هيبقي ابن عمي عادي ايه ده بجددد
حسام بضحك وزينب ونور واحمد ومازن كلنا عيال عمك علشان شكلك بتستوعبيهم واحده واحده ايه يحبيبتي ماحنا اهلك من زمان
ياسمين بدموع بس انا مكنتش حاسه كده من زمان
يونس بعتاب ياسمين خلاص يحبيبتي علشان خاطري
ياسمين هزت راسها بحاضر فمسح يونس دموعها وخدها في حضنه فتنهدت بارتياح وتابعت ممكن اطلب منك طلب
عز كان باصص لتصرفاتها حزين جداا من جواه انه مقلهاش من زمان متخيلش انها تعبانه للدرجه دي وكل كلمه وحرف عامله حسابهم كده لانه لو يعرف انها هتفرح كده كان قالها ف حس انه خان الامانه اللي حبيبته سابتهاله فعينيه غلبته وفضل يعيط بصمت
يونس بحب ده انا عنيا ليكي
ياسمين بحب ينفع اروح ابات مع خالو واجي يوم الخطوبه
شهد اتصدمت انها لسه مصممه علي الخطوبه خلاص وراضيه فغمضت عينيها بوجع فتابع يونس بتنهيده حزينه خالك مين يا ياسمين
ياسمين بحب اخو ماما اللي حكالي كل حاجه
يونس بتنهيده واهون عليكي تسبيني اربع ايام يا ياسمين
ياسمين بدموع لا طبعا هكلمك والله بس انا مش قادره اقعد هنا دلوقتي يا يونس ارجوك
عز بدموع خليكي في بيتك يابنتي وهمشي انا لاني عارف ان انا اللي مضايقك
ياسمين بضيق لا يا عز بيه متسيبش بيتك انا اللي همشي سبق وقولتلك مش عايزه من اسمك غير اخواتي فبيتك مش فارقلي كتير انا مش بعتبره بيتي
يونس بصلها بحده وتابع بيتك وغصب عنك بلاش الكلام ده انا عارف انك زعلانه وحقك بس ده بيتك
ياسمين بتنهيده حزينه طب وافق اروحله هو تحت في عربيته مستنيني
يونس بحزن ساكن فين ده يا ياسمين
ياسمين بحماس نقل هنا في اسيوط بس بعيد شويه ها وافق بقي
يونس باس جبينها وتابع اطلعي هاتي حاجتك ويلا هوصلك معاه وارجع انا
ياسمين بفرح يارب يخليك ليا ينورعيني وطلعت بسرعه
عز رايح يتكلم فتابع يونس سيبها الله يخليك يمكن تهدي وسط اهل امها شويه كفايه ارجوك
عز بحزن خلاص يا ابني اعملوا اللي انتوا عايزينه عن اذنكم وطلع
وطلعت ياسمين جابت حاجات هتحتاجها ونزلت مع يونس
