رواية غموض الحب عائلة الرفاعى الفصل السادس و العشرون بقلم لولا
احمد بابتسامه انا يا يونس
ياسمين اتصدمت بشده وبصت لمازن اللي باصص للارض وقلبها واجعها وشهد اتصدمت اكتر والدموع اتجمعت في عينيها بقهر والصنيه وقعت منها
لفتت نظرهم كلهم فيونس قام جري عليها وشدها بعيد عن الصنيه وتابع بخوف بس بس خلاص حصل خير المهم انتي كويسه في حاجه جاات عليكي ؟
شهد هزت راسها ب لا بتوهه
واحمد قام وتابع بخوف مش تخلي بالك يا متخلفه مبتعرفيش تمسكي الحاجه كويس يعني وفضل يلم في الازاز المكسور
ياسمين اوعى انت يا احمد عنك هلمه انا
احمد لا خليكي متوطيش انتي وفضل يشيل الازاز في الصنيه
شهد كانت حاسه انها تايهه مش مستوعبه .. حاجات كتير اوي جواها غير ان ده يكون الواقع فعلا .. احمد واختها !!!! متخيلتش يوم ماظنها يخلف يخلف للدرجه دي من كتر ما الصدمه كانت شديده عليها غمضت عينيها ووقعت مغمى عليها في حضن يونس
يونس بخوف شهد انتي كويسه بت ردي عليا وشالها بين ايديه وتابع بخوف حد يشوف الدكتوره بسرعه
مازن بخوف هنزل اجيبها وجاي خير باذن الله
ياسمين بخوف ايه ده ايه ده مالها يا يونس تعبت فاجاه كده ليه
احمد نفخ بضيق وتابع اكيد بتجهد نفسها في الدراسه زياده 100 مره اقولها متجيش على نفسك صحتك اهم من كل ده
يونس جماعه مش وقته نرغي ونتوقع هي الدكتوره هتيجي تقولنا الواحد اعصابه تعبت والله ونفخ بضيق شديد وخوف على اخته
ودخل بيها اوضتها ونيمها في السرير وقعد جمبها وباس جبينها بحزن وتابع في سره يارب مايكون احساسي صح وغمض عينيه بوجع
ياسمين دخلت الاوضه والدموع في عينيها متعرفش من صدمتها في مازن ولا من تعب اختها اللي حصل فاجاه هي حاسه انها تايهه اوي ومشوشه بس كل اللي تعرفه ازاي مازن قدر يسيبها لحد تاني ؟؟ ازاي كان قاسي اوي كده عليها؟؟ معقوله دي معزتها عنده؟؟ اللي خليته قدر يتخلى كده وبسهوله ولمين ؟؟؟ ده اخوه !!!! فعيطت بصمت وحطت ايديها على بوقها وقعدت في الكرسي اللي قدام شهد
احمد دخل وتابع بقلق اهدي متعيطيش خير باذن الله
عز بخوف يا ايمن اتصل بمازن قوله بسرعه البت منعرفش مالها الدكتوره مش بعيده
ايمن بستعجال حاضر حاضر هشوفه فين وخرج يكلمه
وبلعفل دقايق والدكتوره جات فاكمل مازن ايوه هنا يا دكتوره اتفضلي
يونس بتنهيده طب هنخرج خليكي جمب اختك
ياسمين بدموع حاضر
وبلفعل خرجوا كلهم والدكتوره ققلت الباب وابتدت تكشف عليها
ياسمين بقلق هو في ايه يا دكتوره طمنيني الله يخليكي
الدكتوره هبوط حاد ولازم اعلقلها محلول فورا وقامت تحضر الحاجه وتابعت هي مبتاكلش كويس ولا ايه
ياسمين بصدمه والهبوط ده جالها ازاي دي كانت كويسه والله وبتاكل وزي الفل
الدكتوره بستغراب مش عارفه طب ممكن حاجه ضايقتها جامد؟
ياسمين بدموع لالا مفيش حاجه فعلا هي وقعت من طولها فاجاه
الدكتوره علقت المحلول وتابعت بحزن ربنا يطمنكم عليها بسيطه تخلص بس المحلول وتاكل كويس وتاخد الادويه اللي هكتبهالك وباذن الله هتبقي زي الفل
ياسمين بحزن تسلمي يا دكتوره تعبناكي
الدكتوره بحب لا ده شغلي ربنا يطمنكم عليها
وخرجت الدكتوره
يونس بلهفه ها طمنيني مالها شهد
الدكتوره للاسف هبوط حاد وعلقتلها محلول والادويه جوه مع ياسمين هاتوها وتاكل وتاخدها بانتظام
عز بخوف طب هي كويسه دلوقتي يا دكتوره ولا ايه
الدكتوره بعد المحلول مايخلص هتبقى احسن باذن الله المهم اللي انا قولتوا تعملوا عن اذنكم
مازن بتنهيده تعالي يا دكتوره اتفضلي هوصلك
وطلعت مع مازن ودخلوا
فتابع يونس بتنهيده ياسمين اختك في حاجه مضيقاها او مش بتاكل كويس ؟
ياسمين بدموع لا والله ما الدكتوره سالتني نفس الاسئله دي وقولتلها لا يمكن في حاجه هي مش قيلاهالي
يونس قعد جمبها وباس جبينها وتابع بتنهيده خلاص محدش يتكلم معاها في حاجه انا هبقي اشوفها
احمد بحزن بسيطه الحمدلله ربنا يطمنا عليها يارب
ايمن بتنهيده يارب خير انشاء الله
وشويه مازن جيه وابتدت شهد تفوق
شهد بتعب وصوت منخفض اااه…. مش …. قادره
يونس بلهفه ايه يحبيبتي مالك فيكي ايه سمعاني يا شهد ??
شهد فتحت عينيها ببطئ وتابعت بتعب انا مالي ??
يونس بحزن جالك هبوط حاد انتي دلوقتي احسن نحمد ربنا وتنهد بعمق
شهد حاولت تتعدل فساعدتها ياسمين وتابعت بخوف حاسبي على مهلك
شهد بتحب اختها بس مش قادره تلومها بس حاسه بغيره شديده منها فعينيها اتلمت بلدموع وتابعت متخافيش عليا انا كويسه
مازن حصلك كده ليه بس يحبيبتي انتي حاطه في نفسيتك ليه يا شهد ماتتحرق الدراسه
شهد تنهدت بعمق وحاولت متعيطش وتابعت بيبقى غصب عني والله يا مازن
عز بحزن بس صحتك اهم عندي يابنتي تغور الدراسه بس متعمليش في نفسك كده
شهد بابتسامه مصطنعه حاضر يا بابا اوعدك انها اخر مره وهحاول
يونس كان ساكت لان احساسه غير كده خالص وخايف يكون شكوكه صح
فتابع احمد بحب سلامتك يحبيبتي الف سلامه عليكي
شهد قلبها وجعها وتابعت الله يسلمك يا احمد شكرا
ايمن بحب طب قولت ايه على اللي اتكلمنا فيه يا عز
عز بابتسامه طلما ياسمين موافقه فانا معنديش اي مانع الخطوبه بعد 4 ايام
ياسمين وشهد اتصدموا فتابع مازن بوجع وصدمه اربع ايام مش بدري يا عمو ??
ياسمين استجمعت قوتها وتابعت وهي بتبص لعينيه بقوه لا مش بدري خالص ده معاد حلو جدا بنسبالي موافقه يا بابا
مازن اتصدم اكتر بموافقتها وتابع وهو بيحاول يبقي ثابت قدامهم : انا مش قصدي بس علشان بنت عمك زينب عروسه قولت ممكن متجيش لو بدري كده بس شايفه كده خلاص براحتكم وقلبه وجعه اوي مكنش متوقع توافق
ياسمين وعينيها حمرا تابعت مش شايفه غير كده ابن عمي ودخل البيت من بابه وشاريني مستعجلش ليه على الاقل راجل مش زي شباب اليومين دول
احمد بحب تسلميلي يارب
شهد قلبها وجعها اوي واتصدمت ودموعها نزلت ولاحظها يونس وتنهد بوجع
مازن اتصدم من اسلوبها وكور ايديه بعصبيه من كلامها واللي باين انه موجه ليه وتابع بصوت مهزوز بابا انا نازل اعملوا اللي تعلموا عن اذنكم وخرج
ايمن بحب خلاص يبقي بعد اربع ايام
ياسمين بتنهيده تمام عن اذنكم وخرجت ودخلت اوضتها وقفلت الباب
احمد بحب طب هروح انا الحق اعرف باقي العيله
ايمن بحب اه يا ابني يلا
عز بحب تمام روحوا انتوا وبص ليونس وتابع انا رايح الشغل قول لياسمين تخلي بالها من اختك
يونس هز راسه بتمام ونزلوا كلهم فتابعت شهد بحده مش عايزة حد جمبي انا كويسه وزي الفل
يونس ايه اسلوبك ده ؟؟ فيها ايه لو اختك فضلت جمبك لحد ما ارجع
شهد بحده ودموع دي مش اختييي كفايه تقولوا انها اختي انا تعبت
يونس بحده شهد انتي اتجننتي ولا ايه مالك ماتظبطي كده عملتلك ايه ياسمين ???
شهد بقهر ودموع معملتش بس دي الحقيقه هي مش اختي ولا عمرها هتكون اختي مهما ربيناها وسطنا هي غريبه وانا مش عايزه اتعبها واقعدها جمبي انا عايزة ماما يا يونس ماما مشيت وسابتني بدري لييه انا محتجاها اوي يا يونس محتجاها وانهارت عياط
يونس حضنها وطبطب على ضهرها ودموعه نزلت وغمض عينيه وتابع حقك على راسي بس دي مش بايدينا والله انا اكتر حد فاهمك وحاسس بيكي بس ده امر الله يا شهد مينفعش نعترض حرام كده
شهد بعياط ووجع لا لا انا عايزاها انا ليه كل حاجه في حياتي مش بمزاجي ?? ليه طول الوقت تعبانه ?? انا يتيمه يا يونس ماما ليه سابتني قبل ما تخليني اعدي السن الصعب ده انا بتقهر كل عيد ام لما بشوف الكل حواليهم امهم وانا لا انا لوحدي يا يونس واديني تعبت ووقعت ولوحدي وهي مش هنا تاخدني في حضنها وتقويني
يونس شدد من احتضانها وتابع بدموع ووجع من كلامها : اما انا يا كبير بتقهر مبالك بيكي انتي فاهم والله بس اخص عليكي يا شهد هو انا مش صاحبك وباباكي واخوكي وحبيبك وكل حاجه ولا هو كلام
شهد بعياط انا ماليش غيرك اصلا في الدنيا كلها انت الحاجه الوحيده اللي مصبراني على حياتي بس في حاجات كنت هعرف اقولها لماما ليك انت لا
يونس حط وشها بين ايديه ومسح دموعها وتابع وهو باصصلها ليه يحبيبتي متقوليش انا ليه بتتكسفي مني ???
شهد بدموع لا مش كده مقدرش بس
يونس بس ايه يا شهد كملي ??
شهد فضلت تفكر وعيطت وتابعت مش هقدر اتكلم ارجوك متجبرش عليا علشان خاطري
يونس بتنهيده طب انسي اني يونس اخوكي الكبير وقولي يا شهد متخافيش مني
شهد بتوتر وانا هخاف من ايه اصلا لا مفيش حاجه
يونس بتنهيده على اساس عبيط انا مش كده ???
شهد بدموع صدقني مفيش حاجه لو في كنت قولتلك
يونس عرف ان شكوكه صح وتنهد بعمق شديد وتابع بوجع تمام يا شهد عموما انا عارف ان في هروح اجبلك تاكلي ولما تحبي تتكلمي انا موجود
شهد بدموع ماشي بس اكل لا علشان خاطري يا يونس ماليش نفس
يونس مش هينفع متحاوليش انتي تعبانه جدا فاتلمي كده ومتتعبنيش معاكي وخرج وسابها في الاوضه فمسكت فونها واتصلت بفرح
فرح ردت وتابعت الو ايه يحبيبتي عامله ايه نازله الدرس ??
شهد بتعب رجعت ضهرها لوراا وتابعت لا مش رايحه تعبانه اوي ومعلقه محلول
فرح بصدمه محلول !!!! ايه ده ليه مالك فيكي ايه
شهد بتعب ودموع مش قادره اتكلم دلوقتي ارجوكي يا فرح انا اتصلت اقولك مش راايحه بس
فرح بحزن طيب يحبيبتي هسيبك دلوقتي سلامتك
شهد بحزن الله يسلمك وقفلت الفون ورمته جمبها وفضلت تعيط فبصت في المرايا اللي قدامها شافت وشها باهت وعنيها حمرا وشكلها تعبان اوي فعيطت صعبان عليها نفسها ولفتت نظرها السلسله اللي جبهالها احمد في عيد ميلادها باسمها راحت شدتها بعصبيه من رقبتها ورميتها في الدرج وفضلت تعيط وتابعت ياريتني ماحبيتك بجد يا احمد سبت بنات الدنيا كلها ومش عايز غير ياسمين !!!! اختي !!! وبصت لفوق وتابعت انا تعبانه اوي يارب بجد تعبانه ارجوك طبطب على قلبي مش هقدر اشوفه جمب بنت تانيه والله هموت فيها لو ده حصل مش هقدر يارب متحملنيش فوق طاقتي انا عارفه انك رحيم بعبادك ومبتحملش حد فوق طاقته وانا حقيقي اضعف من كل ده يارب ارجوك وفضلت تعيط وكتمت وشها في المخده
وباب البيت خبط ففتح يونس
يونس بابتسامه اهلا يا جودي اتفضلي
جودي بابتسامه يزيد فضلك كنت عايزه ياسمين
يونس ااه ياسمين جوه في اوضتها ادخليلها
جودي بابتسامه تمام
ودخلت الاوضه شافت ياسمين قاعده على الارض وسانده ضهرها للدولاب وباصه قدامها وساكته والدموع مغرقه وشها
جودي جريت عليها وتابعت بصدمه ياسمين ايه ده هو اللي انتي قولتهولي في الفون صح ولا ايه ???? لالا بتهزري مازن ميقدرش يعمل كده
ياسمين دموعها نزلت بصمت وتابعت وهي في نفس الحاله لا قدر يا جودي قدر وباع بعد ماعشمني عمري كله انه يتجوزني وعيطت واكملت ساابني لاخوه علشان ميقدرش يوجعه بس انا عااادي يا جوددي انا عااادي وانهارت عياط فجودي حضنتها وتابعت اهدي ابوس ايدك اهدي الحيوان ابن الجزمه ميستاهلش والله دموعك دي اصلا
ياسمين بعياط ده انا رفضت الجواز لاجل استناه عشت عمري كله ضهري في ضهره وقولت راضيه وصابره ومتحمله دي جزااتي يا جودي للدرجه دي انا رخيصه عنده كددده طب وانا !!!! ومشاعري !!!!
جودي بحزن مش قادره اتخيل وموجوعه منه زيي زيك بس انا حاسه في حاجه غلط
ياسمين بعياط مفيش حاجه غلط مازن كعادته بيحب الكل اكتر من نفسه واكتر مني شخصيااا فعادي فيها ايه المهم احمد ياخد اللي عايزها وبصتلها بوجع وتابعت مازن محبنيش ياجودي اللي بيحب مستحيل يبيع .. مازن كسرني وخلاني احس ان الضهر اللي ليا في البيت ده مبقاش موجود وعطيت اكتر وتابعت انا استحملت اللي ميتسحملهوش حددد وسمعت كلام فوق طاقتي عن اني مش بنت العيله دي وحاسه طول الوقت بلغربه والوحده مكنتش بشوف في غيره ملجئ وامان يقوم يعمل فيا كددده !!!!! ده انا مش بكسرله كلمه ومن كلامه مبقتش اقدر احضن يونس واشكيله همي زيي زي اي اخت محتاجه سندها يا جودددي لانه ببسااااطه مش اخويااااا انتي فاهمه انا حاااسه بايه انا خسرت كل حياااتي انهااارده
جودي حضنتها جامد وتابعت ابوس ايدك اهدي وهنلاقيلها حل علشان خاطري صحتك مينفعش كده
ياسمين بعياط لالا انا لازم امشي واقعد في مكان تاني كده كده دول مش اهلي بس مش هقدر للي جاي
في داخله يونس الاوضه فسمعها وتابع بحده انتي بتقولي ايه بس سمعيني تاني كده
ياسمين قامت من الارض ومسحت دموعها بسرعه وتابعت بخوف مبقولش قولت ايه يعني
يونس شدها من حضن جودي من دراعها ووقفها قدامه وتابع ايه اللي خلاكي توافقي علي احمد وانتي بتحبي اخوه يا ياسمين
جودي اتصدمت فتباعت ياسمين بتوتر يونس انا مش
يونس بعصبيه مش عاايز كددب انا عارف انك بتحبي مازن وقولتلك حبك ليه هيتعبك بعدين وملحقناش وادي كلامي حصل بس يكون في علمك مازن لو اخر راجل في الدنيا انا مش هخليكي تتجوزيه خلاص خلصت بس احمد مالوش ذمب ان مراته تحب اخوه
ياسمين بعياط مازن باعني يا يونس باعني بعد ما سمعت كلامه وخليتها فوق اي حد وفوقي انا شخصيا مازن خد عمري كله وقلبي وروحي معاه وسابني من غير روح حاسه كاني موت بس مستحيل دي تكون الحقيقه انا مقهوره اوي يا يونس اوي
يونس حضنها وهي عيطت في حضنه بانهيار فتابع بوجع وهو مغمض عينه وغلاوتك هبهدل بكرامته الارض بس علشان خاطري ارجعي في كلامك ومتخسريش ابن عمك انتي مش بتحبيه انا مرضتش اتدخل قدامهم قولت اخد رايك بيني وبينك مش هينفع يا ياسمين احمد تعبان اي زعل ولا صدمه هنخسره كده اهون من بعدين
ياسمين مسحت دموعها وتابعت وهي على وشها علامات الجمود : لا يا يونس مش هرفضه انا اكتشفت اني طول الفتره دي مكنتش اتحبيت هجرب اتخطب لاحمد واشوف اللي عايزني ودخلي البيت من بابه علطول مش اللي عشمني في حبال دايبه العمر كله
يونس بحده مش هتنسيه محدش بينسى حد بحد وده اخوه ارجوكي فكري 100 مره قبل ماتنفذي
ياسمين بدموع مين قالك هنساه لا مش هنساه بس من انهارده يحرم عليا وهتجوز اخوه ومستحيل ابوظ اسم الراجل اللي شيلاه انت عارف اختك ده انت اللي مربيني يا يونس فمتخافش الوقت كفيل يعودني على حياتي الجديده اهو افضل مع حد بيحبني وانا مبحبوش احسن بكتير من اني افضل مع واحد بعشقه غدار وبايع وميتأمنش عليه
يونس غمض عينيه بوجع وتابع في سره طب وشهد قلبها يتكسر عادي علشان انتي تجربي وتتعودي علي حياه اصلا مش عجباكي واختك بتحلم بيها ؟؟!! احنا ايه اللي وصلنا ليه ده يااارب ليه ملناش حظ انا واخواتي في الحب بجد الواحد تعب انا مش عارف اتصرف ازاي واللي ياسمين بتقوله ده مش هيرضي ولا واحده فيهم وشهد هتكره اختها وتغير منها
فاق علي صوت جودي وهي بتقوله: طب وانت رايك ايه يا يونس
يونس بتنهيده رايي متعاندش مع قلبها علشان هتخسر وتبعد عن مازن لانه ميستهلهاش بس محدش تاني ليه ذمب يتوجع
ياسمين بتنهيده متخافش انا هسيب البيت فعلا ومش هرجع غير لما اتجوز احمد ومش هوجعه
يونس بعصبيه تسيبي البيت وتروحي فين انتي اتجننتي ده بيتك واحنا اهلك و
ياسمين بمقاطعه ووجع تؤ. …مش اهلي وكفايه جبر خواطر انتوا كتر الف خيركم بس دي الحقيقه والوحيد اللي فكرته كل اهلي جاب سكينه تلمه وحطها جوايا انا ماليش حد يا يونس ودي الحقيقه انا مش بنت الرفاعي انا يتيمه ووحيده
يونس بصلها بوجع وتابع وانا يا ياسمين مش اهلك ???
ياسمين عيطت وحضنته وتابعت انا ماليش حد غيرك وغلطت لما دورت على الاهتمام مع حد برا لانك مغرقني انا واختك من اهتمامك وحنيتك بس انا حبيته بعقلي وقلبي يا يونس وكنت شبعانه اهتمام وناضجه حبيته لاني شوفت فيه شخص اتمنيت اتجوزه حبيته لاني وثقت فيه وفكرت معتبرني من اهله فهيحافظ عليااا
يونس طبطب عليها وباس جبينها وتابع انسي حوار انك تمشي من البيت ده بيتك غصب عن اي حد وموضوع مازن ده انا عارف هبهدله عليه ازاي بس لو وقف على شعر راسه مش هياخدك وبلنسبه لاحمد فكري ارجوكي
ياسمين بتعب حاضر هفكر
يونس انا هنزل مشوار لسيف خلي بالك من اختك تعبانه اقعدي جمبها
ياسمين هزت راسها بحاضر وتابعت هروحلها طبعا
يونس بتنهيده ماشي يا حبيبتي يلا سلام .. سلام يا جودي
جودي بابتسامه مع السلامه
ياسمين بحب مع السلامه يحبيبي وسكتت لحد ما اتاكدت ان يونس نزل وتابعت بصي يا جودي خليكي جمب شهد رايحه مشوار وجايه علطول
جودي بستغراب رايحه فين
ياسمين هقولك بعدين اعملي بس اللي بقولهولك
————————————-
في شقه صغيره على النيل مشتريها الشباب علشاان بيتجمعوا فيها ولما حد بيكون عنده مشكله او مش قادر يروح علي البيت علطول بيطلع يقعد فيها لانها اقرب من البيت بكتير
حسام بصدمه انت بتهزر صح ؟؟
قاسم بتنهيده لا مبيهزرش روحت معاه للدكتور وقالوا طلما عايزها وجودها هيعالج كتير في حالته لانه محتاج حد جمبه ولو انت قولتله دي حبيبتي هتوجعه وهتبقى سبب في تدهور حالته مره علشان بص لبنت اخوه بيحبها ومره لانها مش هتكون ليه فسيب االرفض يجي من حبيبتك طلما هي كده كده عايزاك يا مازن .. فمازن قاله طب ماهي هي كده قالوا لا بلعكس البنت نفسها لو رفضت ده كل شئ قسمه ونصيب غير ما يحس انه بيحب حاجه مش من حقه وبتاعت اخوه هيزعل اه بس مش زي ما انت تقوله انها حبيبتك هيحس انه وحش اوي. خصوصا هو بيعزك جداا فسيب البنت ترفض من نفسها
حسام بصدمه وطبعا ياسمين عاندت مش كده ??
مازن بص للارض بوجع وتابع اه قالت موافقه
حسام بحده حقها ومغلطتش وبنت ناس كمان
قاسم بحده حقها ايه يا حسام ما انت عارف حاله احمد متسمحش لكل الحوارات دي
حسام بحده زي ما مازن ابن عمي هي بنت عمي واللي مرضاهوش على اختي مرضاهوش على غيرهاا البت عاشت عمرها كله مستنياك دي اخرتهااا
مازن بعصبيه ودموع كنت عااايزني اعمل اييه هاا قولي لو سيف بيحب امنيه ومريض قلب وحالته متاخره وانت عرفت كده قبل اي خطوه هتعمل ايه يا حسااام هتكسر اخوك ???? قولي ??????
حسام بحزن لا مقدرش اكسره طبعا بس
مازن بعصبيه ودموع مفيهاش بس يا حسام ياسمين غلطت كانت تقدر جدااا ترفض احمد وهيبقى الموضوع ابسط بكتير من كل حوراتها دي ويتلم وانا هقف جمبه مش تبقي بتحبني وتروح تتجوز اخويااا عند فيا وتكسرني ولو احمد اكتشف هيتعب اكتر انا مكنتش اقدر اقف قصاده بس دي حياتها وطبيعي حقها ترفض ده شئ وارد فقولت تيجي منها بس صدمتني
حسام والعمل ممكن افهم هتعمل ايه ???
مازن دموعه نزلت وتابع بوجع انا مش هعرف افهمك حاجه مهما فضلت احكي اصل اي حد ممكن يشاركنا وجعنا بس مش اي حد هيحس بيه غير اللي ماسكه انا عمري ما كنت بايع وقعد بتعب على الارض وتابع انا عشت احلم بليوم اللي هتجوزها وتكون معايا فيه عشت اخطط هجيب منين واشتغل قد ايه علشان اعيشها ملكه بس ده اخويا يا حسام اخويا اللي فضلت اتعب واطفح المر علشانه وعلشان نور متزعلش مني انت واخواتك متعلمين احلى تعليم ويونس وشهد وياسمين كمان واخواتي نحمد ربنا تعبي ليهم مراحش على الفاضي انا الوحيد فيكم اللي مش معايا حاجه اتسند عليها ولا سلطه غير اهو بسبب جدك خدت الاراضي وبدات اشم نفسي وكنت هكلم عمي بكره بس سمعت احمد وهو بيقول بيحبها وعايزها انت عارف انا حسيت بايه ???? عارف وجعي لما اعرف ان اخويا بص للبنت اللي هتبقى مراتي ??? عارف هيبقي ايه احساسي بعد ما الهانم وافقت وعملتها عند وهتلبس دبله اخويا قدام عيني ???? عارف هيحصلي ايه لو اتجوزها ولا قرب منها بس انت هتفهم ايه من كل ده !!!!!! دي مشاكلي لوحدي …… انا عشت عمري كله اختار الناس كلها على حساب نفسي وحياتي ولما جات ياسمين اتحطت في اختبار وافقت عند فيا مع انها تقدر ترفض وتاخد جمب مني تزعل وانا هفهمها وبلوقت هنتصالح واقولها كنت واثق هترفضيه بس محبتش انا اكسره انما انتي حقك مش تعمل فيا كده !!!! ده انا كنت قاعد مقهور من انها هتتصدم بس مطمن بلرفض تقوم ياسمين كمان متفهمنيش انا مستحيل كنت اسيبها لاحمد بس كانت ترفض لاني مقدرتش اواجه اني بحبها بس هما نسيوا ان مازن انسان وحقه يختار ويعيش زيهم .. هما كلهم جم عليا كتير حتى البنت اللي حبيتها
قاسم بحزن ممكن تهدى كل حاجه وليها حل حقك على راسي انا وباس راسه
حسام راح وطي على ركبته قدامه وتابع بحزن انا مقصدش اوجعك يا مازن بس ياسمين حقها بردو البت حست انك سايبها لاخوك بسهوله كده وخدها مني ياسمين مش هتكمل دي محبتش حد قدك هي بس متعصبه فخدت قرار هتندم عليه
مازن بوجع حتي لو مكملتش ابصلها ازاي بعد كده وهي كانت خطيبه اخويا ياسمين خدت قرار هيدفعنا كلنا التمن وهيحطني في موقف كنت خايف منه بس متخيلتش يحصل
قاسم بحزن بص بعقلنا اتقفلت خلاص سيبها لربك اللي قادر يحلها في لحظه وهتسيب احمد مش هتكمل وهو راضي وهي راضيه وهتتجوزها من غير اي حرج كمان بس قول يارب
مازن بوجع اتمنى وفلوسك يا قاسم اهي على الترابيزه خدها مفيهاش شبكه خلاص
قاسم بتنهيده حزينه يعم هي دي فلوس ما انت كنت هتكمل عليها خلاص يا مازن واحد
مازن طبطب على كتفه وتابع عارف يا غالي بس معلش اسمع الكلام يا قاسم مش قادر اتكلم حقيقي
حسام بتنهيده سيبها على الله يا مازن بس بردو ياسمين فهمتها بطريقه صعبه اوي واي بنت في مكانها هتعمل كده
مازن بوجع لا اي بنت في مكانها كانت رفضت عادي لان ده جواز وزعلت مني اه حقها بس كنت هفهمها قبلت اعتذاري وفهمت تمام مفهمتش هي في حالها وانا في حالي من غير اي خساير مش تستغل اخويا وهو تعبان علشان تعند فيااا
قاسم تفتكر مجرد استغلال ولا هتتجوزه فعلا ???
مازن قلبه وجعه جامد وتابع لا هو انا ممكن استحمل اي حاجه بس الا دي انت بتقول ايه يا قاسم بتهزر صح انا بصبر نفسي بقول مش هتوصل لكده
حسام بحزن اهدى وانشاء الله خير
والباب خبط بعصبيه فاتخضوا وتابع حسام ايه ده مين بيخبط كده ???
قاسم هقوم افتح استنوا وراح بلفعل فتح كان يونس ومعاه سيف فتابع مالك يا يونس في ايه
يونس بحده اوعى انت كده وزقه ودخل
سيف بخوف يا ابني اهدى
يونس دخل وشد مازن من الارض قومه وضربه بلبوكس جامد
مازن بوجع وعصبيه اااه انت اتجننت يااالا بتمد ايدك علياااا
يونس مسكه من لياقه قميصه وتابع بعصبيه واكسر راسسك كمااان و اه اتجننت علشان مش اختي انا اللي يتعمل معاهااا كده يا حيوووان
مازن بعصبيه يونس متخبطش في كلامك دي مش اختك وملكش علاقه بيهاااا اصلاااا علشان الشويتين دول دي كانت هتبقي مراتي انا وحبيبتي انااا ويشهد عليااا ربنا بتقي الله فيها وبحبها وكنت عايزها بس هي اللي حيوانه وعاندت فيا ورضيت باحمد
يونس ضربه بلبوكس بقوه وتابع بعصبيه مفيش حيوان غيرك واختي غصب عنك انت واهلك نفر نفر ولو وقفت على شعر راسك مش هتتجوزها يا مازن حتى لو سابت احمد انت متستاهلش حبها وقلبها النضيف اللي اخلصلك انت بايع ومش امين بيعت بنت سلمتلك قبلها العمر كله وقبلت بيك ورضيت ووقفت جمبك مستني منك ايه غير ان اصلك واطي وندل ????? ومش ابن عمي االي انا اعرفه ومن انهارده انا مبقتش صاحب مشوارك ولا اخوك ولا يشرفني اني اعرفك طلما وصلت لانك تكلم اختي من ورايا كل السنين دي وتعشمها بلجواااز وبعدين تسيبها لاخوك كانها لعبه بين ايديكم !!!! ….و انت اللي خسرتنا بايديك علشان لا عاش ولا كان اللي يلعب بقلب ياسمين الرفاااعي واللي يجي جمب واحده من اخواتي صدقني مش هستخسر ادخل فيه السجن ورماه على الاراض بقوه فصرخ بوجع
سيف بحده يا ابني خلاص يخربيت اهلك كبرني يا عم كفايه وراح سند مازن وتابع حسام تعالى اسنده معايا نقعده
حسام بخوف حاضر حاضر وراح سنده معاه وقعدوا فتابع مازن بدموع ووجع طب اعتبر ان ياسمين متخلفه ومفهمتش جزء من حبي ليها وكلهم ظلموني وجم عليا انما انت يا يونس ????!!!انت تصدق عليا كدده ده انا اخوك ده انا من يوم ما وعيت وانت جمبي ومعايا وانت اكتر واحد شهدت على تضحيتي وتنازلاتي الكتير علشان اهلي انت اللي تقول كده ومفكرتش انا حسبتها ازاي !!!!؟؟ انت شايفني وحش وندل اوي كددده !!!!
يونس بحده مش على حساب اختي يا مازن طلما الموضوع دخلت فيه ياسمين يبقى تولع الدنيا كلهاا واجي على اي حد مهما كان عزيز بس محدش ينزل دمعه من عينيها والتنازلات اللي انت بتتكلم عنها دي تتعمل في اي حاجه وتكون اي حاجه غير انها تكون بنت دم ولحم وليها قلب وبتحس واللي يتنازل عن اللي تخصه علشان حد بعد ما عشمها بلجواز ميبقاش راجل يا مازن ده كفايه هتسمح لغيرك يجي جمبها ودي باينه اوي وكفيله تثبت انك محبتهاش
مازن بعصبيه لا طبعا مين قالك كده انا مستحيل اسيبها تتجوزه انا بس مرضتش اعرف احمد حاجه عن اللي بينا قولت هي ترفضه والوضع هيبقي اسهل واتقدملها لما الوضع يهدي وده الطبيعي ترفض لان اخويا مالوش ذمب في كل ده بس دي ماصدقت وعملتها بلعند معايا
يونس واهي هتبقى مرات اخوك يا مازن غض بصرك من عليها بقى وخليك راجل ولو لمره واحده ولو شوفتك واقف مع ياسمين حتى لو بلصدفه قمسا بالله هقطع خبرها قبل خبرك ولسه عند كلامي انت خسرتني يا مازن وللابد وبصله بقرف وتابع جتك الارف ونزل
سيف بحده استنى رايح فيين انت يا ابني
وبص لقاسم وتابع باستعجال قاسم خليك مع مازن وخلوا بالكم منه هروح انا ورا المجنون ده
قاسم متخافش عليه روح انت
سيف باس راس مازن وتابع حقك عليا هحاول اهديه بس صعبه انت عندك بنت وفاهم ده وجع قلب
مازن بوجع عادي عادي هو مغلطش ومش زعلان منه ولا اقدر انتوا كلكم اخواتي الصغيرين بس يونس الوحيد اللي فعلا زيي وقدي في السن ومشيناها من بدري اوي سوا فعلشان كده مش مستوعب اللي حصل وانه ازاي شايفني وحش وحيوان اوي كده بس روحله متسبهوش لوحده يا سيف الله يخليك هو بيعزك انت عارف
سيف بخوف حاضر والله وهكلمك اطمن عليك .. حسام في عينيكم هاا
حسام بتنهيده حزينه حاضر متخافش عليه
فنزل سيف بسرعه ورا يونس وتابع قاسم بتنهيده عميقه : يونس قفلها بلضبه والمفتاح
حسام ربك فوق الكل يا قاسم مالك
قاسم بتنهيده بس الراجل مغلطش يا حسام ولو حد مكانه كان عمل كده واكتر مازن عشم البت وهي روحها فيه
مازن بوجع طب بالله عليك بلاش الكلام ده يجي منك مانت عارف اني كنت بتعب وبشقى علشانها وبحبها وعشمتها فعلا علشان عايزها هو انا هعلم الغيب يا جدعان ليه كلكم محدش فاهمني كده اروح فيين يارب بقولك كنت مستني رفضها وهصالحها وافهمها واتجوزها وهي حقها ترفض ده قسمه ونصيب بس عاندت قصادي يا قاسم وعقدتها علينااا
قاسم بحزن يحبيبي مش بلومك لاني فاهمك بس بردو يونس مغلطش
مازن بحده قال يونس قال فاكرها اخته بجدد
حسام بحده مازن متخبطش في الكلام اه اخوها وسندها وبعد كسرتك ليها ملهاش حد غيره مش وقته كلام فاضي في حاجات لو اتفتحت هتخلي ياسمين تمشي وتسيب بيت الرفاعي كله
قاسم بتنهيده الاخ مش بلدم يا مازن ياما اخوات بلدم ومش طايقين بعض ويونس من يوم ما وعي وياسمين عنده بنته واخته حتي قربه منها قرب واحد خايف علي اخته ومفيش في نيته حاجه غير ان هو حاضن اخته علشان محتجاه يمكن مينفعش فعلا بس دول عاشوا في بيت واحد سنييين كتير جدااا واتعودوا ان دي حدودهم سواا يعني مع انهم يجوزوا لبعض عادي الا ان يونس وياسمين مش شايفين غير انهم فعلا اخوات ودي االرابطه الوحيده اللي بتجمعهم
مازن بدموع ماشي مش بنكر بس بردو انا ابن عمو ويعرفني ازاي صدق اني نيتي كده هو انا هسيب الدنيا كلها واكسر ياسمين !!! احن قلب !! البنت الوحيده اللي حبيتها من يوم ماوعيت يجماعه دي مش عشره سنه ولا اتنين ده عمري كله
حسام بحزن معلش متزعلش مني بس حقه ماهو ده اللي شافه فعلا انت لو قاسم عمل في نور كده كنت خسرته ومحدش هيفهم وضعك قدك ده حقيقي
مازن بدموع ووجع لا يا حسام انا المفروض معاشر البني ادم وعارفو كويس وقاسم مستحيل حتي لو عمل كده تكون دي نيته هقعد معاه واقوله عملت كده ليه قول يا صاحبي انطق برء نفسك قدامي وهصدقك انما يونس جاي يضربني حتى من غير مايعاتبني
قاسم بحزن تلاقي البت عيطت قدامه مستحملش وشحنته اعذر
مازن بوجع عاذره بس مش قادر اصدق ان قدر ينطقها ان مبقاش اخويا انا بخسر حياتي كل لحظه اكتر من الاول
قاسم بحزن حقك عليا مسيرها المياه ترجع لمجاريها
حسام فونه رن فتابع ثواني جايلكم وقام رد
امنيه يااه اخيرااا رديت
حسام حقك عليا بس عامله صامت من الصبح ونسيت ارجعه وفي كذا حوار في البيت كده
امنيه بقلق خير كف الله الشر في ايه
حسام متخافيش حاجات عاديه خير خير اامهم طمنيني عنك عامله ايه يحبيبتي
امنيه بحب الحمدلله كويسه وانت
حسام نحمد ربنا بخير الا صحيح هترجعي امتي بقى
امينه بحماس منا جيبالك مفاجاه انا رجعت انهارده وبابا اتحسن ونقلناه البيت
حسام بفرح يا انهار ابيض ومعرفنيش كده
امنيه بضحك منا قولت علشان افاجئك بقي
حسام بحب احلى مفاجاه هجيلك بكره باذن الله واطمن على عمو واشوفك علشان واحشاني
امنيه بحب وانت كمان
حسام بخبث وانا كمان ايه ???
امنيه بضحك وانت كمان وخلاص اتلم هاا
حسام فضل يضحك وتابع حاضر اتفقنا ياستي هتلم
امنيه صحيح يا حسام البت ياسمين مالها بتكلمني عادي كل يوم واتساب انهارده قافله ومش بترد عليا هي تعبانه ولاا ايه ???
حسام بتوتر لا مش عارف يحبيبتي بس هي كويسه مفيش حاجه وابقي كلميها كل شويه هترد يمكن قفلاه نايمه ولا حاجه
امنيه بستغراب غريبه بس حاضر هفضل وراها المهم
حسام امم سامعك قولي
امنيه بابتسامه جبت بناطيل وبلوزات حلوين جداا وواسعين هوريهوملك بكره علشان اخد رايك فيهم
حسام رايح يتكلم فتابعت امنيه بسرعه : واللي مش هيعجبك منهم مش هلبسه طبعا مفيهاش نقاش
حسام بضحك اه كده وفرتي كلام كتيير بجد حفظتي يا بت يا امنيه برافو
امنيه بضحك عيب عليك بقينا عاقلين
حسام بضحك مش لدرجه عاقلين بس ماشي هحاول اصدق
امنيه بضحك هتشوف المهم جاي بكره صح اقول لماما
حسام اه جاي والله
امنيه بضحك تمام حلو اوي هعمل انا الاكل
حسام بضحك استر يااارب لا كده مش جاي
امنيه بضحك ماشي ده انا هملح الاكل وهتاكله غصب عنك
حسام بضحك مفيش الكلام ده لو وحش هرميه في وشك
امينه بضحك ايه تعمل ايه طيب يا حسام هنشوف
حسام بضحك ماشي يلا هقفل انا معاكي شويه واكلمك
امنيه بحب تمام ماشي باي
حسام باي
ودخل لقى قاسم عملهم قهوه فتابع والله في وقتها الواحد دماغه هتنفجر ومسك الكوبايه يشربها
مازن بتعب وهو مرجع ضهره لورا تابع انت مبتردش على نور يا قاسم ???
قاسم بحده اه سيبك منها
حسام بضحك حتي انت يخربيت ابو النكد اللي بيجري في دمكم ياجدع
مازن بتنهيده نور غلطانه بس عموما كلمتني قبل مانيجي وقولتلها انك معايا وهنروح الشقه اللي علي النيل علشان تطمن
قاسم بحده شوف يعني تسخني عليها وتروح انت تطمنها
مازن يا ابني انا قولتلك ربيها مش متردش على الفون البت كانت قلقانه
حسام خلاص يا قاسم حقك عليا انا عارف نور اكيد غلطت بس بتحبك والله
قاسم بتنهيده نور مش بتسمع الكلام يا حسام وتعبتني
حسام بحب حقك عليا عيله وبتدلع ياخي
والباب خبط فتابع قاسم بتنهيده ها مين صاحب العلقه الجايه ??? اللي عمل مصيبه منكم يعترف علشان منفتحش لحد المره دي
حسام فضل يضحك فتابع مازن ماشي يا حيوان اروقلك بس اتريق اتريق
قاسم ضحك وراح فتح الباب ابتسامته اختفت وتابع بحده انتي ايه اللي جاب اهلك اهنا ???
حسام بضحك هاا مين صاحب العلقه يا قاسم
قاسم بحده لا وانت الصادق ده اللي جيه هو اللي عايز علقه مني انا
نور بخوف والله ارجع واسيبك تتفلق
قاسم شدها دخلها وتابع اتفلق اه ودخلوا
فتابع حسام بضحك اهلااا نورتي يابت عمي الشخص اللي بيخبط طلع اكيت من ما نتخيل الحمدلله
نور جريت وراه وتابعت بخوف ابوس ايدك يا حسام خليه ميتعصبش عليا
مازن حسام سيبها ملناش دعوه نور غلطت
حسام بضحك اتاريها جات ورايها انا عارفه انك مش معاها لا ناصحه يابت يانور بس ما ممكن اعرف واسيبك ليه انا كمان
نور بخوف لالا وحياه امنيه لا
حسام بضحك الله للدرجه دي هو قاسم بيخوف كده
قاسم بحده انا ولا هجيلك ولا هحاول اخدك منه تعالي هنا يا نور من نفسك
نور بخوف وهي بتستخبى وراه اكتر تابعت ياا حسام
حسام بضحك طب يا شيخ اعمل لمسكتها فيا اعتبار وخلاص حقك عليا قولتلك
قاسم يرضيك امنيه تروح من وراك مكان قولت عليه لا
حسام لا طبعا ميرضنيش
قاسم طب بترضاها عليا ليه بقى ???
حسام بص بحده لنور فتابعت بدموع والله العظيم ده عند زينب قولت مش هطول وهرجع مش شايفه سبب يعني انه يرفض
حسام بتنهيده بس قالك متروحيش مش بنتكلم عن المكان احنا بنتكلم عن المبدأ نفسه
نور بدموع طب منا جايه اصالحه اهو
حسام بضحك طب بالله عليك يا شيخ لتسمعها شايفها عامله زي الفار المبلول ازاي
قاسم بتنهيده مد ايديه وتابع تعالي طيب يا نور
نور بخوف هاجي بس متغدرش هاا
قاسم بضحك حاضر اخلصي تعالي
نور خرجت من ورا حسام ومسكت ايديه فتابع قاسم عن اذنك يا مازن هنتكلم جوه كلمتين
مازن بتنهيده براحتك يا قاسم روح
نور بخوف لالا خلي الكلمتين هنا
حسام بضحك البت خايفه كده ليه يحيوان ليكون مش كلام وتستغل انك كاتب كتابك بقى
قاسم بضحك مراتي يا حيوان بس اللي بتقوله مفيش منه هي علشان عارفه اني ههزقها هو انتوا هتوهوا عن نور
مازن بضحك منا فهمت هي بتعمل كده ليه خدها يا ابني وربنا يهديكم او يهدكم علشان تعبت منكم وجبت اخري الصراحه
حسام بضحك فاكر لما اتخانقوا وفضلت تعلي صوتها معاه وطلعت نمت فوق السطح بسببهم
مازن يا جدع دول قرفوني بالله تتجوزوا واكسر وراهم قله
حسام فضل يضحك فتابع قاسم بضحك بيموت فينا يلا عن اذنكم وشدها ودخلوا الاوضه وقفل الباب
نور بخوف خير
قاسم انتي جايه تصلحي الغلط بغلط مش كده ???
نور بخوف ليه عملت ايه انا
قاسم بحده هو انتي قولتي لمين انك جااايه هنا المكان من البيت لهنا مش قريب نهاائي وجيتي ازاي اصلاا
نور بدموع ما انت مش بترد علياا علشان اقولك وقولت لاحمد يجبني مجتش لوحدي علشان عرفنا انه هيخطب ياسمين فبيعزم صحابه
قاسم بتنهيده اممم طيب تمام يا نور محصلش حاجه
نور مسكت ايديه وتابعت بدموع قاسم حقك عليا عارفه اني غلطت والله
قاسم بتنهيده اصل انا مش اول مره اتخانق لنفس السبب وانتي بردو مش بتحترمي كلامي وانا تعبت وجبت اخري من الزعيق والعصبيه اللي بيعيطوكي في ساعتها بس دول فقوليلي يا بنت الناس لو مش عايزاني كل حي يروح لحاله ومحدش يخنقك ولا يتحكم فيكي
نور بصدمه انت ايه اللي بتقولوا ده يا قاسم ???? انت بتسبني بسهوله كده ????
قاسم بتنهيده لا مش بسيبك بس بوضحلك الصوره علشان تختاري لان مش انا الراجل اللي يقبل على نفسه الوضع ده مهما حبيت البنت اللي معايا
نور بحده وانت جاي تخيرني دلوقتي يا قاااسم. ?????
قاسم شد دراعها جامد وتابع بحده لمي نفسك وصوتك يوطى وبلاش شغل قلب الترابيزه ده انا مقولتش حاجه لكل ده انا بخيرك لانك زودتيها اووي بل انتي اللي وصلتيني للمرحله دي كانك مبتحبنيش لان اللي بتحب واحد هتسمع كلمته مش مراتي ومصغراني
نور بدموع طلقني يا قاسم
قاسم بضحك اه دي ماصدقت علشان تجرب الكلمه فقالت استغل الموقف علشان مش ضامنه يتقرر تاني لان لو اتقرر هقطع خبرها خالص
نور بدموع قاسم انا مبهزرش
قاسم بحده لا ما انتي بتهزري لانك لو مبتهزريش يبقي انا ربنا ابتلاني ابتلاء كبير بجدد وضرب كف في كف وتابع لا حول ولا قوه الا بالله العلي العظيم الواحد عنده 24 سنه وعاقل مش فاهم ايه اللي خلاه يعمل في نفسه كده بجدد
نور بدموع اممم لا متجيش على نفسك اكتر من كده وطلقني يلا
قاسم بحده هو انتي مجنونه يابت ولا دماغك فيها حاجه هو انا بقولك كده علشان من غير تفكير تقولي طلقني شغل عيال قسما بالله صل خراب البيوت وبعدك عني عادي كده سهل بنسبالك والله حذروني بس مقتنعتش
نور بحده مش انت خيرتني اديني اختارت
قاسم بحده بسهوله كده !!! من غير حتى ما تردي وتعتذري على كل اللي هببتيه واللي انا مغلطش فيه اصلاا ??? تمام يا نور وتابع بكدب نور انتي
نور بلهفه حطت ايديها على بوقه وتابعت بدموع وصدمه قاسم هو انا ههون عليك تطلقني بجد انت اتجننت
قاسم فضل يضحك وتابع يعني بتجربي الكلمه فعلاا اهو وفضل يضحك وتابع يارب صبرني على ما ابتلني يااارب
نور بضيق يصبرك اه تقيله اوي على قلبك انا
قاسم شد وسطها ليه وتابع بحب اوي … تقيله اوي لدرجه مش بقعد حد جمبك في قلبي من كتر ما شايلك انتي بس ومش مستحمل حد معاكي
نور بدموع لا ماهو واضح الصراحه
قاسم بضحك مسح دموعها وتابع يابت بوقعك وكنت بعمل كل ده علشان تحسي بغلطك انما مكنتش هنطقها يابنت الجزمه هو انا زيك سهل عليا اقولها
نور بدموع والله مقصدش ازعلك حقك عليا يا قاسم
قاسم بحب خلاص يحبيبتي محصلش حاجه وباس ايديها
نور وقفت على اطراف صوابعها ولفت ايديها على رقبته وحضنته فقاسم لف ايديه الاتنين على ضهرها وضمها ليه اكتر وتابع بحب طب بالله ده مفيش مصالحه اجمل من كده
نور ضحكت وتابعت عد الجمايل بقى
قاسم بحب عارفه يا بت يا نور نفسي في ايه
نور بصتله وهو لسه حاضنها وتابعت بحب نفسك في ايه
قاسم بحب فرحنا يبقى بكره
نور ضحكت وتابعت لا ده انت كده حالتك هتبقى صعبه اوي اوعى يحبيبي واحترم نفسك هتعمل زي حسام ما بيقول ولا ايه
قاسم ضحك وتابع بحب علشان بحبك والله
نور بحرج منا بحبك بس محترمه ومبحسش بكده
قاسم بضحك نور انتي مبتحسيش بأي حاجه خالص يحبيبتي انتي اصلا من يوم ما اتولدتي بتعيطي بس
نور ضحكت وتابعت طب اتلم طيب وابعد عني هناديلك مازن وحسام من برا
قاسم بحب طز في الاتنين مراتي ياباشا محدش ليه حاجه عندي
نور بضحك لا مش مراتك لسه معملناش فرح
قاسم بضحك كتبت واشهرت في الجامع يحبيبتي والبلد كلها عرفت انك مراتي
نور بضحك اه يعني ايه
قاسم شدها ليه وتابع بضحك يعني براحتي
نور زقته بخفه في صدره وتابعت بضحك يقل راحتك يا بعيد
قاسم بضحك الله طب ليه الاسلوب ده طيب ورحمه امي ما كنت هعملك حاجه انا مِحترم الكلمه اللي ادتها لاهلك عيب عليكي
نور بضحك طب خرجني علشان بالله اتوترت منك
قاسم بضحك بذمت امك عملت ايه يوترك ده انا هشوف ايام سودا والله
نور بضحك هيحصل على فكره يلا افتحلي اخرج بقى
قاسم شدها لحضنه وتابع هو بيمشي ايديه على شعرها بطلي عبط يا نور ها وباس راسها ورجع يمشي ايديه على شعرها وتابع بحب عمري ما اعمل حاجه مرضهاش عليكي انتي مراتي يا نور يعني بعيدا عن اهلك خالص شرفك من شرفي وشايله اسمي انا اه بحبك علشان كده قولتلك كده انما مستحيل يحصل انتي هبله ولا ايه بلاش شغل متوتره مني ده تاني علشان مزعلش منك بجد
نور بصتله بحب وتابعت بحبك
قاسم بضحك لا انا اللي رايي اننا نطلع خلاص وكفايه تعب اعصاب لحد كده
نور فضلت تضحك عليه وفتحوا الباب يخرجوا
———————————————
عند زينب وعمر
زينب واقفه بتغسل الاطباق وحاسه انها دايخه وسمعت صوت عمر من جوه فقفلت الحنفيه ودخلت الاوضه وتابعت بحب ايه يحبيبي
عمر من الحمام زينب معلش يحبيبتي هاتي البورنص الازرق من عندك
زينب بحب حاضر وراحت جابته وخبطت على الباب وتابعت افتح خده
عمر فتح الباب خده ودقايق وطلع وهو لابسه وبصلها وتابع بستغراب ايه غرق هدومك مايه كده ???
زينب بتنهيده كنت بغسل المواعين
عمر بضحك لا ده انتي كده كنتي بتحاربي مش بتغسلي المواعين
زينب باجهاد: اتريق اتريق
عمر بضحك هو انا اقدر يا عمري وراح باس جبينها وتابع تعبتي نفسك يحبيبتي روحي غيري هدومك علشان متاخديش برد
زينب بتعب ودوخه والله ياعمر بقالي شويه اهو قاعده على السرير بحاول اقوم اخد الخطوه واخد شاور واغير هدومي مش قادره مش عارفه مالي كده
عمر حط ايديه على جبينها وتابع بصدمه حلاوتك يا زينب ده انتي ولعتي
زينب بتعب بتهزر جسمي سخن صح ???
عمر تنهد بعمق وتابع ده انتي نااار سخن ايه بس حرام عليكي يابنتي لابسه شورت ونص كم وواقفه بتغسلي المواعين وبتغرقي نفسك في تقلب الجو ده !!!!
زينب بحزن ياعمر هو انا بمزاجي والله اتغرقت من غير قصد وبعدين لو معملتش انا مين هيعملي يعني
عمر بصدمه يانهار اسود من اولها يا زينب !!!! قعد على الكرسي وتابع بحيره اسيبها واروح سينا ازاي دي يااارب
زينب بضيق لا متكبرش الموضوع مش معنى جالي دور برد خفيف وعطست جامد وتابعت اااه الحمدلله .. يبقى انا مش قد المسئوليه
عمر هز راسه بايجاب وتابع خفيف اه ده مفيش حاجه خفيفه قد دمك … شرباات يحبيبتي
زينب ضحكت بتعب وقعدت على السرير وتابعت بجد نعست وعايزه انام مش قادره
عمر بحده قومي خدي شاور وغيري هدومك وهجبلك اسماء تديكي حقنه للسخونه دي
زينب برفعه حاجب اسماء مين وزفت مين بقولك ايه عدي يومك انا زي الفل وعطست جامد وتابعت مش برد يأثر في زينب الرفاعي اه
عمر لا ماهو واضح فعلا بالله نفسي اهزق اهلك بس صعبانه عليا علشان ملكيش ذمب ولسه بتتعلمي بس حقيقي كميه اهمال في صحتك غير طبيعيه ولا اكن طفله بتغسل المواعين ربنا يستر يااارب انتي مينفعش تتسابي لوحدك ابداااا
زينب بضيق طب بجد متخليش اسماء دي تيجي مش ناقصه قرف
عمر تنهد بعمق وتابع زينب دي اختي الله يخليكي طلعيها من دماغك وهكلمها لانها دكتوره صيدلانيه وصيداليتها قريبه من هنا حوالي ربع ساعه فهتعرف تديكي الحقنه
زينب بضيق مش عايزه حقن انا .. انا اصلا زي الفل وقامت وقفت داخت وحطت ايديها على جبينها
عمر قام بسرعه ومسكها وتابع بخوف اقعدي طيب اقعدي شويه متقوميش فاجاه كده
زينب بتعب مش قادره سواد بجد … سوااد شيفاه قدامي ياعمر
عمر اممم ده مستقبلنا يحبيبتي بلوضع ده
زينب برفعه حاجب افندم ???
عمر بضحك بهزر معاكي في ايه يابت مالك
زينب طب ياخويا هزر المهم قومني اروح الحمام علشان اخد شاور
عمر بقلق بلاش شاور كفايه تغيري بس لانك باين عليكي مش قادره وممكن تقعي من طولك
زينب بتعب لالا متخافش عليا كويسه
عمر بخوف بجد يا زينب بتحطيني في مواقف مش عارف اعمل ايه انا مش عارف اساعد نفسي علشان اساعدك تاخدي شاور
زينب بحب يحبيبي متخافش عليا انا كويسه تعالي بس اساعدك تلبس انت بس سبني للاواخر ها
عمر فضل يضحك وتابع حاضر ياختي بس ساعديني فعلا لان هتصل بلبت تيجي
زينب بتنهيده حاضر وقامت براحه وجابت هدومه من الدولاب ووقفت تطلع حاجتها بتاعت الشاور وعمر كلم اسماء وبدأ يلبس البنطلون بلعافيه لحد ما لبسه وتابع بتعب زوزا تعالي كملي
زينب لفتله وتابعت حقك عليا بس بالله اتحرج ومسكت التيشرت تلبسهوله
عمر بضحك عارف ولا يهمك خدي وقتك يحبيبتي وباس جبينها
زينب لبسته التيشرت وقعدت جمبه وتابعت بتعب مش قادره بجد الدور صعب اوي
عمر بحب اسماء جايه وهتبقي كويسه باذن الله
زينب بصتله بضيق وسكتت فتابع عمر دي عمه عيالي يا زينب وماليش غيرها اخت فارجوكي حبيها زي منا بحبها
زينب برفعه حاجب زي ما انت ايه ياروحي ????
عمر بضحك يابت محبه اخويه متبقيش عبيطه بقى
والباب خبط فتابع بحب اهي جات اهي شايفه جدعه ازاي وراح فتحلها وزينب خرجت وقفت عند الطرقه
اسماء حضنته وتابعت بحب مليون مبروك يحبيبي صباحيه مباركه
زينب برفعه حاجب تابعت في سرها ماشي يا عمر صبرك عليا
عمر باس راسها وتابع الله يبارك فيكي يا قلب اخوكي عقبالك يارب
اسماء بحب تسلم يا غالي ها فينها عروستنا
عمر جوه اهي تعالي
زينب دخلت بسرعه فتابعت اسماء بضحك من اولها كده يا حضره الظابط البت مش قدك دي غلبانه
عمر بضحك والله محدش غيرك غلبان الدنيا بتتغير وانتي لسه ثابته يا اسماء
اسماء ضحكت ودخلوا الاوضه لقي زينب قاعده على السرير مكانها
اسماء بحب ايه ده مالها عروستنا المزة دي فيها ايه بس وحطت ايديها على جبينها وتابعت يخرابي يا زينب انتي مولعه كده ليه شكلك معندكيش مناعه الدور ده داير بقاله فتره مع ناس كتير ولابسه قصير كمان
زينب بتعب انا فعلا معنديش مناعه خالص
اسماء بحزن علشان كده معلش يحبيبتي دور مش وقته بس والله لما تاخدي الابره وتتغطي بكره الصبح هتبقي زي الفل
زينب بتنهيده تمام هتعبك
اسماء بحب تتعبي مين يا عبيطه ده انتي مرات الغالي
عمر بحب يخليكي ليا يارب
اسماء بحب ويخليك لينا يحبيبي يلا يا زوزا قومي
زينب كانت باصه لعمر بغيره وفاقت على كلام اسماء فتابعت بتوتر حاضر وبصت لعمر تاني بحرج شديد
عمر فضل يضحك لانه فهم نظرتها وتابع حاضر هخرج برا
اسماء بضحك تخرج فين انت اتجننت دي مراتك اقف جنبها امسك ايديها لتكون بتخاف
زينب بتوتر لالا مش بخاف خالص ده انا ممرضه بتهزري ولا ايه اطلع انت ربنا معاك يحبيبي
عمر بضحك معلش يا اسماء خديها على قد عقلها وطلع وهو بيضحك
اسماء بضحك وهي بتحضر الحقنه تابعت انتي بتتكسفي من عمر بتهزري بجد
زينب بحرج مش حكايه كسوف بس لسه مخدتش عليه فاهمه
اسماء بضحك مفهمكيش لاني لسه متجوزتش بس مجرد التخيل الوضع محرج فعلا بس بسمع بردو ان الحب بيسهل المسائل دي
زينب بحب اه بيسهلها طبعا لاننا بنرفض الفكره نهائي لو مش مع حد بنحبه بس مش بيخليها عادي كده غير بلوقت زي اي حاجه محتاجه وقت
اسماء بحب ربنا يسعدكم يارب وغمزت وتابعت شدي حيلك قبل ما اجازته تخلص علشان تجيبي عمر الصغير يسليكي
زينب بحب اللهم امين يارب يسمع منك يارب
اسماء بحب ربنا يراضي قلبك ينورعيني وضربت الحقنه بصباعها وتابعت بابتسامه يلا انا ايدي خفيفه متقلقيش
زينب بتوتر ماشي
وبلفعل اسماء ادتهالها ورمتها في السله وتابعت الف سلامه عليكي يارب يحبيبتي
زينب بتعب الله يسلمك وتسلم ايدك تعبتك
اسماء بحب متبقيش عبيطه بقى واقعدي ريحي كده وهعملكم الغدا قبل ما انزل علشان تغرفوا بس وتاكلوا علطول وانتي هعملك شوربه خضار وفراخ مسلوقه الكلام ده حلو ليكي
زينب بتعب لالا متتعبيش نفسك هنطلب من برا انهارده وخلاص
اسماء بحب طب بس يا هبله يلا بس غيري هدومك المبلوله دي مش ناقصين
زينب بحرج بصي خليكي جمب البااب هاخد شاور ولو عوزت تسنديني هناديكي
اسماء بضحك بتتحرجي من عمر بردو
زينب بحرج مش مسأله بتحرج بس عمر عايز اللي يساعده اصلا فاهمه
اسماء بضحك اه فهمت خلاص ولا يهمك روحي وسندتها ودخلتها الحمام وملتلها البانيو
زينب بحب تعبتك بجد
اسماء بحب يلا ياعبيطه مفيش بينا كده ابدائي ولو عوزتيني ناديني انا قاعده
زينب بتعب حاضر وبدات تاخد شاور وبعد شويه خلصت وقامت من البانيو بتعب ونشفت جسمها ولبست البورنص وخرجت
اسماء قامت بلهفه وسندتها وتابعت انتي كويسه ??
زينب بدوخه اه كويسه متخافيش وقعدتها على السرير
اسماء بحزن طب بقولك ايه البسي خريفي حاجه تليق بلجو انسي جو العروسه ده لحد ماتخفي
زينب بضحك منا تعبت وهقعد في السرير اهو وعمر مكسور هو بقي فيها عروسه ده احنا فقر هاتي يا اسماء اللي تشوفيه مناسب هاتيه الحمدلله اتجوزنا والله
اسماء ضحكت وتابعت على رايك والله وفتحت الدولاب وجابتلها بيجامه بتيشرت احمر كم مكتوب عليه بلاسود وبنطلون اسود عليه رسمه حمرا فتابعت بحب اهو هو ده جميل
زينب بتعب حاضر هلبسه
اسماء اساعدك طيب ???
زينب بحب لا متخافيش هلبس على مهلي
اسماء بحب طب هروح انا ابدء اعمل الاكل
زينب بحب هي الساعه كام يا اسماء
اسماء بحب 6 المغرب
زينب بحب تمام يبقى عشا بلاش غدا علشان عمر زيي هينام بدري صحينا بدري اوي ومكناش نايمين حلو هتعبك جدا بجد
اسماء بحب كله تمام بس هعتبر نفسي مسمعتش اخر حاجه هاا وخرجت
زينب ابتسمت بحب وبدات تلبس ولبست البنطلون والبدي الكب ورايحه تلبس فوقيه التيشرت عمر دخل
فاتخضت وتابعت بحرج يخربيتك ياعمر مش تخبط
عمر بضحك هو لسه اتعمر علشان تخربيه يا مهزقه وبعدين هو في راجل بيخبط على اوضه نومه علشان يدخلها والله عيب وسعت منك اوي كده
زينب بحرج وتوتر طب لف وشك كده لو سمحت لحد ما البس التيشرت خلاص
عمر شده منها فاتحرجت لانها لابسه كب ومسك دراعها بنفس الايد وقعدها على السرير وتابع بحب كفياكي عناد فكل حاجه انتي مراتي ها مش مستاهله كل الكسوف ده
زينب بحرج على فكره انا مش مكسوفه اصلا
عمر وهو بيحاول يلبسها التيشرت وهي بترفع ايديها تابع بضحك اممم ما واضح بأماره مش تخبط
زينب لبست التيشرت وتابعت بضحك لا ده كلام تلقائي عادي علشان اتخضيت
عمر بضحك اه هو انتي هتقوليلي منا حافظك بس عارفه ايه المشكله دلوقتي ???
زينب بستغراب ايه ???
عمر بضحك ان احنا الاتنين عايزين مستشفى
زينب ضحكت بعدين تابعت بحب متخافش هخف منا لبكره
عمر بحب يحبيبتي سلامتك نجيب اكل من برا وهتعدي لحد ماتخفي
زينب بتنهيده ياريتها في الاكل بس منا لازم ارعاك فادعي بجد ابرد بكره
عمر بحب سيبك مني المهم انتي تخفي وباس جبينها
زينب بخوف عمر صح حاسب تتعدي
عمر كده كده احتمال كبير اتعدي منا مش هسيبك
زينب لا يحبيبي خد جمب بعيد عني الله يخليك
عمر بحب سيبيها على الله طبيعي نختلط ببعض هو في غيرنا يلا قومي نخرج للبت
زينب بضحك اه لحسن تفهمنا غلط
عمر بضحك ده هي فاهمه كل حاجه صح من اسلوبك ده بتتكسفي مني قدام البت يا زينب
زينب بحرج اتلم بقى الله
عمر بضحك حاضر
وطلعوا
———————————————
في حته على النيل قاعده ياسمين
ياسمين بدموع انت شايف ايه يا عمو انا غلطانه ???
صلاح بتنهيده تعالي يا بنتي
ياسمين اترمت في حضنه وفضلت تعيط بهستريه فطبطب عليها صلاح وتابع اهدي اهدي علشان خاطري طب وعز ايه وضعه من كل ده
ياسمين بعياط بابا ميعرفش اني بحب مازن انا حسيت اني ماليش حد فكلمتك احكيلك ومندمتش وارتاحت جدا بس قولي يا عمو انا غلطت
صلاح بتنهيده عايزه الحقيقه يا ياسمين
ياسمين بدموع اكيد طبعا
صلاح مازن غلطان وجداا بس رايي قبل اي خطوه كنتي ترفضي اخوه لان كده كده احمد مالوش ذمب وانتي مش بتحبيه فمينفعش تتجوزيه
ياسمين بدموع انا قولت اختار اللي حبني بجد ودخلي البيت من بابه يا عمو
صلاح بس قلبك مع اخوه واللي تحب واحد وتتجوز اخوه دي واحده مش كويسه ولا انتي ولا تربيتك يعملوا كده يا ياسمين زي مانتي عايزه حد يحبك احمد عايز بنت تحبه وده جواز يا بنتي مش هزار بكره وبعده هتبقي مراته وليه عليكي حقوق هتستحملي تديهاله وانتي قلبك مع غيره ???
ياسمين بعياط اللي قلبي معاه كسرني يا عمو كسرني وباعني وسابني لدماغي واحساس اني مستاهلش يتحارب علشاني ويتقال دي حبيبتي يا احمد ازاي تبصلها ???? مازن بيحب اخوه واهله كلهم اكتر مني .. مازن بللي عمله كسر ضهري وثقتي في نفسي وفي الحب يا عمو .. مازن خلاني احس اني رخيصه اووي علشان حبيته وسلملته قلبي وكلمته بتبقى سيف على رقبتي ومش بكسرها وشيفاه كل حاجه ووقفت جمبه في اصعب فترات حياته وقولت شارياك وهو باعني بس عنده حق منا بت غلبانه عبيطه مليش اهل يقفوا ليه فاحمد يستاهل اديه فرصه راجل ودخل دوغري ويونس قالي مش هيسيب حقي بس حتي يونس مش اخوياا تعرف يا عمو مازن كان بيوجعني اوي ويقولي متحضنيش يونس ده مش اخوكي ومع اني عارفه انه عنده حق ولو حضنت يونس ابقي بعمل حاجه حرام بس لما بضعف مبقدرش استحمل محضنش اخويا واعيط واشكيله منا ماليش غيره ..يونس اه مش اخويا ويجوز ليا عادي بس انا مش قادره اشوفه غير حته مني واخويا فبسبب مازن بعدت عن اخويا وبقيت اشوف شهد بتحضنه وبتتكلم معاه اتقهر من جوايا ان كان نفسي انا كمان اعمل كده بس مش ده بس اللي يوجع اللي يوجع صح اني مش وسط اهلي .. تعرف يا عمو طول عمري بسمع كلام صعب عن اني مش بنتهم وماليش اهل ويونس قالي حبك لمازن هيتعبك بلاش يا ياسمين بس انا مقدرتش ابعد ومفهمتش النصيحه وادي كلامه حصل انا كنت حاسه بغربه في البيت واني ضيفه مسيرها تمشي ومقهوره على نفسي وحياتي اللي مختارتهاش واهلي اللي راموني وانا عيله لحمه حمرا بس وجود مازن في حياتي مع انه طول الوقت بيفكرني من غيرته عليا اني مش من حقي احضن يونس ولا اقف اتكلم معاه علشان غريبه ودي بتوجعني الا انه كان مطمني وبقول يابت بيغير عليكي وبيحبك وكنت حاسه انا ليا حد هنا افضل واعيش علشانه انما انا دلوقتي نفسي اسيب البيت وامشي يا عمو اصل هقعد اعمل ايه انا مكسوره اوي وفاقده الثقه فكل الناس ازاي مااازن يعمل فيااا كده ده كله نااسي ده انا عايشه علشااانه ازاي قدر يوجعني ويتخلى عني كددده ازاي هيخليني اعيش واشوفه مع بنت تانيه وانا مع اخوه اااه يارب مش قادره استوعب اي حاجه ياريتني كنت مع اهلي الحقيقيين تعبت يااارب انا ليه بقيت وسطهم وحبيته كل الحب ده وهو مش نصيبي ليه يارب اتقهر كده ده انا مكنش عندي امل غيره
صلاح اتوجع من كلامها وعياطها اوي فتابع انتي محدش بيعطف عليكي ولا بيربيكي علشان شفقان عليكي يا ياسمين اقفي وحطي عينك في عين الكل
ياسمين بدموع مش فاهمه
صلاح تنهد بعمق وتابع اظن كفايه كده ولازم تعرفي يعني انتي اخت يونس وشهد فعلا يا حبيبتي ومتجوزيش ليونس لانك لحمه ودمه وبنت الرفاعي
