رواية عشق الصقر الفصل السادس والعشرون 26 والاخير بقلم سارة حسن

اعلنت أمل علي رغبه العرسان في الانفراد باالعرايس و رؤيتهن ، نظرت كل من زهره لكارما و اختلطت المشاعر ما بين خجل و ارتباك و شغف ... 

دخلت زهرة في تلك الغرفه التي اعدت مسبقآ لها و لعريسها بعد عقد القران ، و التي تحوي مائدة بها بعض المأكولات الشهيه .. 

تململت في انتظاره و ما دقائق حتي استمعت الباب ينفتح و دخوله المرح مهللا : اللهم صل علي النبي  ، ايه الجمال ده 

ضحكت زهره و شاكسته قائله : ايه ده ايه لبسك كده 

اعدل من ياقه الجلباب قائلا بحنق: اعمل ايه حكم القوي، اخوكي 

ثم غمز بعينيه و قال : بس ايه رئيك مش حلو بذمتك 

ابتسمت له و هتفت بخفوت: حلو 

قال كريم بغزل : والله انت اللي حلو، قاعده بعيده كده ليه ما تيجي 

رفعت اصبعها اتجاه و قالت محذرة: اجي فين ، بقولك ايه يا كريم ده كتب كتاب بس اه، اوعي تتعدي حد اا

قاطعها بأقترابه المفاجئ قائلا: ايه، هو انا قولت حاجه عيب، ده انا بقولك قربي 

ارتبكت من حصاره و اقترابه الشديد منها و قد اصبح علي مشارف احتضانها 

فقالت بوجنتين ملتهبتين : كريم ، لوسمحت 

لم يجيبها سوي ان فتح ذراعيه و احتضنها، تخشبت بين يديه، ثم ببطئ بدءت تأخذ انفاسها و ترفع يدها  حتي لامست ظهره. 

ابتسم من خلفها مشتمآ عبير خصلاتها السوداء، ماسحآ علي شعرها، ابتعد بهدوء و قبل جبينها قبله مطوله ،و استند جبينه بجبينها زافرآ انفاسه و كأنه في حرب مستعره مع ذاته 

قال كريم  بخفوت : انتي بين ايديا فعلا ، حاسس اني لو طلعت بحلم هايجيلي سكته 

ابتسمت و هي تهمس له زهره: بعد الشر عليك 

_ آه يا زهره، يا حب العمر ، يا حلم كان في السما و بقدرة قادر لامسه بأيدي 

ابتعد عن جبينها و لامس بظهر يده و جنتها و قال برجاء : عايز اسمعها منك 

لم تكن ابدا بخيله، بل بالعكس كانت سخيه رغم خجلها و هي تقول له ما ينتظر سماعه من شفتيها : 

بحبك...

استمعت لضحكته الخافته و تحركه عنها قائلا: يالهوى يا جدعان ، انا هاستعجل علي الفرح، بصراحه خايف عليكي مني 

ضحكت قائله بدلال : خاف علي نفسك بس من امي لو ما اكلتش من الصنيه دي قبل ما تدخل 

التفت لها و قال و هي يشمر عن اكمامه قائلا بمرح و هو يهم بتناول الطعام : لا و انا ماقدرش علي زعل الحاجه، اتفضلي معانا 

تعالت ضحكاتها و اقتربت تشاركه ، مستمتعه بعبثه و مناوشاتهم سويآ.. 

،،،،،،،،،،، ،،، 

فعلت أمل المثل مع كارما و صقر. 

جلست كارما علي الاريكه، تزفر انفاسآ مرتبكه رغم حماسها بقرب اللقاء... 

رفعت عينيها للباب الذي انفتح بهدوء و كعادته اجلي صوته متنحنحآ، توقفت ببطئ و التفت صقر اليها  .

نظر اليها صقر مدهوشآ من جمالها و كأنها حوريه خرجت له من البحر، لم يكن يتخيل ان الفستان سيكون ملائم عليها بهذا الشكل ، اما شعرها بخصلاته البنيه المحيط بوجهها كان حكايه اخري من الرقه.. 

نظراته اشاعت الفوضي و الاضطراب في سائر حواسها، و عينيها علي قدمه متتبعه خطواته البطيئة اليها. 

استمعت لصوت زفير انفاسه قبالتها  ، فرفعت عينيها اليه فقال هامسآ بابتسامة حانيه: سبحان من صورك 

ابتمست لعينيه بعذوبه فقال وقد عبس حاجبيه فجاءه: انتام6لتي كده قدام الحريم

رمشت بعينيها  من عبوسه المفاجئ مجيبه عليه : 

طنط ام6ل قالت لنا مانلبسش الحجاب، الموجودين ستات و بس 

_ لو اعرف ان شعرك هايزيدك جمال بالشكل ده، كنت اكدت عليها تلبسك الحجاب 

و تابع بهمسآ خافتآ: خلي بالك من غيرتي ، انا  بغير حتي لو من الحريم 

شق ثغرها ابتسامه مهداه اليه ، بكامل اناقته امامها، و من متي فقد صقر تلك الجاذبيه التي يمتلكها، خصوصا في عينيها، التي اصبحت تعشق تفاصيله، من جلبابه للعباءه علي كتفيه و الاجمل لو كان شال مثل الان، عمامته تعطيه تلك الهيبه و طلته تلفت الانظار.. 

امسك ذقنها بخفه قبالته قائلا: انا مش قد عيونك اللي بيبصولي بالطريقه دي  

و لاول مره يسمح لنفسه بالاقتراب ، لامس جبينها بشفتيه بقبله مطوله، و مسح علي وجنتها ببطئ حتي احتواها بكلتا كفيه، عيناهما قبالت بعضهما تحكي الكثير و الكثير.. 

_  سبحان من جمعني بيكي ، و كتبك ليا من بنات حوا، تكوني القلب و الروح و العشق، و كأن قلبي المقفول من سنين ، مفتاحه معاكي انتي 

التمعت عينيها بغشاوة هامسه بصوت لا يسمعه سواه : ازاي بتعرف تقول الكلام ده، كتير عليا يا صقر 

ابتسم لها بحنو : مافيش حاجه تكتر عليكي 

_ انا اكتفيت يا صقر، اكتفيت بيك عن الدنيا، انت تحويشة ربنا ليا، انت كل العيله اللي اتحرمت منها 

تأوه بعاطفه و جذبها لصدرة، مكانها الاصلي و الثابت، سكينته و مسكنها.. 

شدد عليها بين اضلعه و استكانت هي بوداعه. 

_ كارما 

همهمت بخفوت فا قال مقررا دون نقاش: الفرح هايكون آخر الشهر 

شعر بتصلبها للحظات، فانتظر تمنعها، فا صدمته بهمسها الخجول و حركت رأسها بالموافقة... زفر انفاسه و ارتسمت علي وجهه تعابير السعاده و الشغف..... 

،،،،،،،،،، ،،،،،، 

بعد مرور خمس سنوات

امتلئت دار الجارحي بالاطفال و صخبهم... 

عنفت كارما ولدها الممتنع عن الطعام : فهد، انت يا ولد ، تعالي خلص اكلك بقي 

اخرج الصغير لسانه لها و هرب من امامها. 

وضعت يدها علي جبينها و الاخري علي بطنها المنتفخه بتعب مغمغمه بحنق: و انت هاتجيبه منين، لازم تطلع لابوك، لا و سماك فهد اصل انا ناقصه 

التفتت للباب الذي انفتح و ركضوا عمر و سما التؤم للداخل بمرح و من خلفهم والدتهم زهره، التي استقبلتها كارما بفرح لقضاءها عدة ايام مع العائله.. 

شاكستها زهره و علقت قائله : ووالله وجه اليوم اللي شوفتك فيه بتجري ورا العيال بالاكل و بطنك قدامك مترين 

ذمت كارما شفتيها و وهتفت بها بحنق : زهره انا بجد تعبانه، مش ناقصه تريقه، اقولك روحي بيتك احسن 

اتت أمل من خلفها و رحبت بأبنتها معلقه لزوجة ابنها : انتي اللي تاعبه نفسك يا كارما، اكتر من مرة اقولك سيبي اكل فهد عليا ووانا ها اكله و ارتاحي انتي 

اجابتها كارما مبرره:فهد متعب يا ماما و مش عايزة اتعبك 

ابتسمت لها بحنان و قالت لها : تعب، و انا افديك الساعه لما اتعب لعيالكم، دول الغاليين عيال الغاليين 

قبلتها زهره و قالت : ربنا يخليكي لينا يا اموله يا قمر انتي 

تسائلت امل ابنتها و قالت : سألتي علي بنت عمك

اجابتها زهره قائله : ايناس كويسه، جوزها عنده شغل برا البلد فا راحت وياه 

اومات لها أمل و قالت : ربنا يصلح الحال

ثم قامت ببالنداء علي الاطفال الذين التفوا حولها، فقالت بسعادة لرؤيتهم حولها : تعالوا نطلع علي الجنينه لحد الغدا ما يخلص 

التفتت زهره قائله لكارما : كان ايه لازمة العداوة و اللي عملته ايناس زمان، اهي اتجوزت و عايشه كويسه مع جوزها، كل اللي عملته انها غيرت النفوس من بعضها 

اجابتها كارما قائله : كل ما افتح موضوع رجوع طنط سعاد هنا تاني مع صقر، ما يسبنيش اكمل حتي الكلام، حتي لو لمحت بالكلام علي ايناس بيتحول 

قالت زهره لها : بكره الايام تصلح كل شئ 

تنهدت كارما و هتفت: امتي يا زهره، انا لسه عندي امل القلوب تتصافي و نبقي انا و ايناس زي اي اختين 

قالت لها زهره : علي فكرة ايناس تتمني، و نفسها ترجع و تصلح اللي عملته، كسوفها منك و  خوفها من صقر مخليها تبقي دايما بعيده 

ثم ادارت دفة الحديث قائله تشاكس كارما كعادتها: بس اقولك نصيحه 

انتبهت لها كارما فقالت زهره : 

خدي بالك احسن المحروس جوزك يتخطف منك و انتي كرشك قدامك كده 

ثم اخرجت لها لسانها و ابتعدت عن محيطها، و كارما تبحث عن شئ تلقيه علي تلك التي تثير غضبها هاتفه بها : بت انتي، انا لو مسكتك هاموتك، و مين تقدر تاخده مني ده انا اولع فيها 

و علي ذكر المعني، دخل صقر عاقدا حاجبيه من صوتهم العالي و وجهه زوجته الاحمر الغاضب قال بتساؤل: ايه صوتكم العالي  ، و مين ده اللي هايولع

هتفت قبالته باندفاع : انت 

ارتفع حاجبيه مستنكرآ: نعم!! 

تعالت ضحكات زهره و التي وضعت يدها علي فمها تكتم ضحكتها فور ما حدجها صقر بنظرات تحذيرية، 

تلعثمت كارما و قالت بتلجلج:لا مش، لا مش قصدي يا حبيبي يعني، بس، بص البت دي بتقول انك تتخطف مني و تبص بره

ابتسم بتسليه ثم مال عليها، و القي علي مسامعها بعض الكلمات التي جعلت وجهها يتوهج من حمرة الخجل، ثم نظرت لزهرة و اخرجت لها لسانها خلسة عن زوجها، فاضحكت زهره و القت لها قبله في الهواء غامزه لها بعينيها.... 

هدرت زهره قائله : هييييح فينك يا كيمو، تعالي بقي بدل ما انا حاسه اني عزول كده 

ضربها اخيها خلف رأسها بخفه قائلا: جاي ورايا ياختي 

،،،،،،،،،،،،،،،، 

اجتمعت العائله في البهو 

جلس عتمان على كرسيه ، ناظرآ للجمع من حوله بحب و فخر.. 

الابناء و الاحفاد و ابناء الاحفاد، العائله و العزوة و الترابط ، ذلك الذي تمناه من سنوات و سنوات، لو استرد الله امانته الان ابدا لن يريد شئ اخر..

قال لحفيده الاكبر و هو يستقيم ببطئ: تعالي اسندني لاوضتي يا صقر 

لبي صقر طلبه و مسك كفه و ساعده حتي وصل لغرفته، تمدد و دثره بالفراش جيدآ 

قال عتمان لصقر : حمل العيله كبير يا بني عايز كتف شديد و ضهر صلب، و انا مش خايف علي العيله دي من بعدي، انا عارف انك قدها 

قبل صقر كفه و قال بحب : ربنا يديك طولة العمر يا جدي

ابتسم له في وهن قائلا: وحشتني يا صقر  ، عايز اشوفها 

اوما له صقر متفهمآ فقال عتمان : مابقتش تجادلني زي الاول ، بقيت دريان لا اللي اقوله 

ابتسم له صقر قائلا: اتكتب عليا و انت عارف 

_عمرك سألت نفسك اشمعنا هي؟ 

كانت إجابته الناهيه و المليئة بالعاطفة : عشقت  .. و القلب ما ملش غير ليها 

ربت عتمان علي رأسه داعيآ: ربنا ما يقطع عنك وصلك و تزيدو البيت بالذريه الصالحه 

،،،،،،،،،،،،،، 

دخل غرفتهم، وجدها تتحرك بالغرفه ببطئ و احدي يديها خلف ظهرها بآلم، اتجه اليها ثم حملها علي قدميه فقالت كارما خوفآ من ثقل جسدها : حتي بعد مابقيت تقيله كده بتقعدني علي رجلك

رفع حاجبيه مستنكرآ بلطف: مين دي اللي تقيله ، ده ياريت كل حاجه تبقي بخفتك علي قلبي 

مالت برأسها علي كتفه براحه، متنعمه بحنان لم يبخل عليها به يومآ 

تسائل و هو يمسح علي بطنها المنتفخ في آخر شهور حملها : انتي كويسه 

اومات براسها بهمهمه ناعمه 

قالت له كارما : تفتكر ولد وولا بنت ، كنا خلينا الدكتور يقولنا احسن 

اجابها و هو مازال يمسح علي بطنها : كل اللي يجيبه ربنا خير، المهم انتي و هو تقوموا بالسلامه 

ثم تابع قائلا: بصراحه نفسي في بنت تاخد لون عيونك 

تمسحت برقبته قائله : لا عيون الصقر احلي 

ضحك بصوته الرجولي : يا مجنونه بقي انا اقول عايز عيون ملونه تقوليلي عيون الصقر 

_ اه، فيهم كل حاجه ، القوة و الحده و اللين و الدفا فيهم كل حاجه 

نظر لها مطولا  ثم قال : فين فهد

_ مع ماما امل 

هب واقفآ و مازالت بين ذراعيه 

هتفت به كارما : انت رايح فين 

اجابها بغمزه من عينيه بعبث : هانخاوي اللي جاي....