رواية غموض الحب عائلة الرفاعى الفصل الخامس و العشرون 25 بقلم لولا

احمد بحب اه ياسمين بنت عمي

مازن اتصدم وقلبه وجعه وهمس نعم ???

وحس انه تايه ومصدوم اوي فقعد على اقرب كرسي يستوعب اللي سمعه وتابع ازاي ازاي احمد عايز ياسمين مش قادر استوعب !!!!! والدموع اتجمعت في عينيه وتابع انا ايه اللي سمعته ده !!!! وفرفع فونه وتابع بصوت يكاد يسمع الو يا قاسم بقولك قابلني في الكافيه عايزك في موضوع ضروري .. تمام سلام

وقام نزل بسرعه

عند احمد واهله

عايده بصدمه ايه ياسمين دي ايه انت بتهزر صح

احمد بستغراب ليه يا امي مالها ياسمين

عايده بصدمه لا يا ابني لا انا قولت هتقولي بنت حد في البلد ولا حاجه انما ياسمين !!!! لا ياسمين لا انا مرضاش تتجوزها احنا منعرفش عنها حاجه ولا ايه اصلها وفصلها

ايمن بحده انتي بتخرفي بتقول ايه يا عايده مالها بنت اخويا البت اتربت وسطنا وبنتنا وعارفينها كويس وكلامك الفاضي ده مالوش اي معنى

عايده انت بتقول ايه يا ايمن مؤدبه ومحترمه ومتربيه قدامنا مقولناش حاجه انما تتجوز ابني يا ايمن ????!!!!!

احمد بتنهيده ماما ياسمين اي ان كان ماضيها ايه دي جاتلنا طفله معملتش اي ذمب وعمي اتكفل بيها واتربت وسطنا وهي بإسمه وقدام الكل دي ياسمين الرفاعي فمالها يعني مش فاهم سبب لرفضك ؟

عايده بحده بس هي مش بنت الرفاعي بجد وده بردو معروف قدام الكل يا احمد وانا لا يمكن ان

ايمن بمقاطعه وبحده انتي ملكيش راي اساسا بعد رايي انا موافق وشايف احمد عرف يختار صح وهنكلم عز نقوله عايزين نقعد معاه خلاص الامر منتهي

عايده بصدمه يعني ايه يا ايمن بتخلي ابني يتجوز غصب عني ????

احمد قعد قدامها وباس راسها وتابع ياست الكل مفيش حاجه هتحصل غصب عنك انا مقدرش ازعلك او اخد خطوه انتي مش راضيه عنها بس بذمتك تأمني على بيتي مع ياسمين ولالا

عايده بتنهيده أمنلها وكل حاجه وهي جميله ومتربيه قدامنا وكل حاجه بس الناس يا احمد الناس ملهاش غير

احمد بمقاطعه وهي امتى الناس بطلت رغي ?? الناس فضلت ترغي من يوم ما ياسمين جات البيت ده ولحد دلوقتي مبيبطلوش رغي فصدقيني محدش هيرمي ودانه للناس هيعيش مرتاح

عايده بتنهيده خلاص براحتك يا ابني اعمل اللي انت عايزه

احمد بحب بس اهم حاجه رضاكي يا غاليه انتي موافقه بياسمين ???

عايده بتنهيده موافقه يا احمد خلاص ربنا يسعدك يحبيبي ما انتوا راضين هقول ايه الامر لله خلاص وباست جبينه وتابعت ربنا يسعدك يا ابني ويعملك اللي فيه الخير

احمد بفرح يحبيبتي ربنا يديمك ليا يارب وبص لايمن وتابع خلاص يا بابا قول لعمو اننا هنقعد معاه انهارده ونشوف رايه وراي العروسه

ايمن بحب يبقى على خير باذن الله

عايده بحب طب هروح انا علشان صباحيه بنت عمك عقبالك يحبيبي

احمد بحب تسلمي ينورعيني بس متجبيش سيره قدامها ها

عايده بضحك لامتخافش مش هقول وبصت في الفون لان جالها مسدج كانت من مازن بيقولها تجيب الحاجه بتاعت زينب وتقول لمرات عمو كمان مينسوش فهزت راسها وتابعت والله كويس يا واد يا مازن فكرتني يلا هقوم انا عايزين حاجه

احمد بحب سلامتك يحبيبتي

عايده يوه وانت مش عايز ترد يعني

ايمن بتنهيده سلامتك يا ام مازن

عايده بضحك ومالها مش من قلبك ليه كده يا ايمن

ايمن بتنيهده لا عادي مفيش حاجه

عايده تنهدت بعمق وتابعت ايمن انا مش ضد بنت اخوك ولا بكرها ربنا يعلم ياسمين زي نور في قلبي بس نسب وجواز دي ربنا يستر منها حقيقي انما البت ست البنات مقولناش حاجه

ايمن بتنهيده وهي بردو مش ذمبها ده نصيبها فمش هنفضل نفكرها ونتعبها بيه

عايده باست راسه وتابعت حقك عليا يا ايمن والله مش قصدي بس ده بردو ابني وانا مش عايزه حد يتكلم عنه نص كلمه مش هقدر استحمل

ايمن بتنهيده حصل خير يا عايده خلاص ومتخافيش محدش هيتكلم احنا عيله ومننا في بعضنا محدش ليه دعوه ولا طلبنا من حد يجي يتجوزها فكله يحط لسانه جوه بوقه ويسكت احسن

عايده بحب اللي فيه الخير يقدمه ربنا يلا هنزل انا

ايمن بحب طيب متتاخريش

عايده بحب حاضر

———————————————

في الكافيه

قاسم بصدمه طب والعمل؟

مازن وهو قاعد موطي راسه وحاطط ايديه على جبينه تابع بدموع : معرفش يا قاسم معرفش ودماغي هتنفجر من التفكير والقهر هو انا جايبك علشان اقولك العمل

قاسم بصدمه مازن انت مستوعب اللي انت بتقوله ?? احمد وياسمين! !!!!! ازاي جات في باله اصلا

مازن غمض عينيه بوجع وتابع بدموع وعينيه حمرا: هو انا ليه كل حاجه ضدي ومفيش فرحه بتكملي بجد انا عايز افهم هي الدنيا جايه عليا من كل ناحيه ليه

قاسم بحزن ممكن تهدى هنلاقي حل بس متقولش كده حرام انت هتكفر ولا ايه

مازن بحده ودموع حل ايه يا قاسم حل ايه انا خلاص جبت اخري تعبت والله تعبت … تعبت من كتر منا مش ببين اللي جوايا وعايش للكل طب انا مين يحس بيا مرررره واحده مين يفهمني ويطيب بخاطري مين هيفرحني يارب ده هي كل حاجه حلوه في حياتي والوحيده اللي بتفهمني من نظره عيني وبص لقاسم وتابع بوجع انا مش عايش غير علشانها يا قاسم

قاسم بتنهيده حزينه : حقك عليا منا عارف والله وملهاش حل غير انك تقول لاحمد دي مرات اخوك ونزل عينيك من عليها ولو انت مكسوف اقوله انا

مازن هز راسه بلايجاب وتابع اه ومالو اقوله كده ويحط في نفسيته ويتعب ومالو يا قاسم لا بتعرف تفكر حقيقي

قاسم بحده متعصبنيش اومال هتسيبه يتجوز ياسمين انت اتجننت ولا ايه ???

مازن تنهد بعمق والدموع اتجمعت في عينيه وتابع لا كده كده ياسمين هترفض بس انا مش هقدر اتكلم هسيب ليها هي احقيه الرفض كده تبان الطف شويه

قاسم مينفعش توصل الامور ان ياسمين واهلك يعرفوا لان بعد كده لما انت تقول عايزها هيحصل بردو زعل بينك وبين اخوك فتعرفه من اولها كده انها تخصك وان هو اللي بص لحاجه مش بتاعته

مازن سرح وافتكر كلام الدكتور وعينيه دمعت وتابع لااا والف لا مش هقدر اعمل في اخويا كده ده احمد يا قاسم .. فاهم يعني ايه احمد ؟؟؟ احمد ده ابني عايزني انا بايدي اكون سبب في تعبه وتدهور صحته ؟؟؟ ودموعه نزلت وتابع ده انا قولت للدكتور بتاعه مستعد اديله قلبي يعيش بيه بس مشفش فيه حاجه وحشه .. احمد اللي حرمت نفسي من كل حقوقي في الحياه زيي زي اي واحد من عيله الرفاعي لاجله هو واخته ده انا عشت ايام سودا علشان الون ايامهم يا قاسم وبخاف وبحس قلبي هيتخلع لو حصله حاجه ولا شوفت فيه حاجه ازاي عايزني اقف قصاده اقوله انت بصيت لحاجه متخصكش واكسره بلشكل ده والله مش هقدر مش هقدرر افهمني ابوس ايدك انا في موقف صعب حاسس اني مابين نارين ومقهور بشكل مش طبيعي

قاسم بتنهيده وياسمين يا مازن ايه الوضع ???

مازن بص لبرواز صورتها اللي علي مكتبه وتابع بصوت موجوع والدموع متحجره في عينيه : منا قولتلك ياسمين دي هي الحاجه الوحيده الحلوه في حياتي واللي مهونه عليا كل حاجه حرفيااا ومش هقدر استغنى عنها ولا اسيبها لغيري ولا هقدر اشوفها مع غيري حقيقي هموت بلحيا مبالك بقى ان اخويا اللي فكر فيها !!! … انا بجد مش عارف ليه كل حاجه ضدنا ومن يوم ماوعينا في مشاكل… انا مش عارف لحد امتى هفضل اعاني يا قاسم مش عارف لحد امتى هفضل اتوجع وبس هو انا مش من حقي احقق حاجه واحده زي ما كل واحد فيهم وصل لهدف معين والله يا قاسم مش بعترض والله مش بتذمر على نصيبي بس انا تعبت انا مبقتش صغير انا عندي 28 سنه كنت مفروض اتجوز ياسمين من بدري وهي مكانتش هتقول لا بس مكنش في مقدريه اني افتح بيت لاني مش معايا الشغلانه اللي تخليني جاهز بسرعه وهي وقفت جمبي واستحملت وقالت مستنياك ولو لاخر العمر وعملت اللي ميتعملش بصراحه وبنت اصول وفضلنا سوا العمر كله ويوم ماخلاص ربنا كرمني بلاراضي وبكسب منها حلو وخدت منك فلوس الشبكه وهجهز خلاص وبلكتير بكره اكلم ابوها يحصل كدده !!!!!!! بجد مقهور وحيران وتايه توهه عمري ما حسيتها عمري كله

قاسم طبطب على كتفه واكمل بحزن حقك عليا يحبيبي وباس راسه وتابع اهدى وكل مشكله ليها حل اكيد مش دي النهايه وربنا هيعدل الحال وهيجمعكم يمكن ده اختبار صغير ياخي عايز تفشل فيه كده ؟؟ وبعدين انت قولتلي انك هتحارب علشان ياسمين لحد

مازن بمقاطعه ووجع احاارب مين يا قااسم ??? احاارب اخوياااا !!!! احارب احمد !!!! اللي بقول عنه ابني !!!!! انا عارف ومتاكد ان ياسمين هترفضه بس انا مقهور من كل اللي جاي طب انا هتقدملها ازاي بعد كده وازاي اصلا اخويا يبص لحبيبتي ازاي! !!!!!!! وضرب ايديه جامد علي المكتب وتابع مش قادر ابطل تفكير دماااغي هتنفجرر خلاااص

قاسم بحزن لو انت محرج من الموضوع سبني انا اكلمه طيب ماهو مش هينفع كده فعلا الوضع هيبقى حساس اوي

مازن دموعه نزلت وبص للارض وحط ايديه على جبينه وتابع لالا يا قاسم ارجوك بلاش اي زعل هيخرب الدنيا ومنعرفش المضعافات ايه هسيب المركب زي ماهي ماشيه ماشيه

وفونه رن فكانت ياسمين فبص للفون وسكت

قاسم بتنهيده طب رد عليها هي ذمبها ايه طيب

مازن وهو على نفس وضعه تابع بوجع مش قادر اتكلم وهتفهم من صوتي ان في حاجه

قاسم بتنهيده طب هرد انا واقولها في الحمام ومسك الفون ورد

ياسمين بحب ايه يحبيبي

قاسم بتنهيده ازيك يا ياسمين ده انا قاسم

ياسمين بحرج احمم ازيك يا قاسم عامل ايه

قاسم الحمدلله نشكر ربنا وانتي ايه اخبارك

ياسمين بحب الحمدلله والله في نعمه المهم فينه مازن صح

قاسم بص على مازن وتابع بتنهيده مازن في الحمام لما يخرج هخليه يكلمك

ياسمين بحب لا خلاص مالوش لزوم لما يطلع قوله ان انا رايحه مع البنات ومراتات عمامي صباحيه زينب

قاسم بحب خلاص تمام واستوعب وتابع لحظه بنات مين هي مراتي معاكم ????

ياسمين بتوتر على حسب

قاسم بحده ده اللي هو ازاي ده يعني ??

ياسمين بتوتر يعني لو هي قيلالك هتيجي يبقي جات لو لا يبقي لا

قاسم بحده ياسمين انتي بتسعبطي وبتداري عليها مش اكتر نور معاكم مش كده ???

ياسمين بتوتر امانه عليك لتسكت انا معرفش انها مقالتلكش وبذمتك لو اتكلمت هتقولك عرفت منين تقولها ايه بقى؟؟ من ياسمين علشان كلمت مازن وتفضحنا ؟؟ فاسكت وامسحها فيا يا قاسم معلش عيله

قاسم بحده لا متخافيش انا مش عبيط علشان اعمل كده بس انا عارف هعرف ازاي اقفلي انتي خلاص سلام

ياسمين بحزن سلام يا قاسم وبصت على نور اللي راكبه في العربيه قدام وتابعت بتنهيده مش هتشوفي عمار انتي ولا هتتلمي

عند مازن وقاسم

مازن بتنهيده هي نور راحت فين مش فاهم

قاسم بحده ياسمين اللي مفيش بينك وبينها حاجه مِحترمه كلمتك وصيناك في غيابك قبل وجودك واتصلت تقولك رايحه معاهم للصباحيه بتاعت عمر وانا مراتي وقايلها متروحيش علشان مش لمه هي عيب وميصحش الناس تبقى كتير راحت من ورايا دي يتعمل معاها ايه بقى علشان قسما بالله اختك حوراتها كترت وانا تعبت من شغل العيال بتاعهااا ده

مازن بتنهيده انت حارق في دمك ليه ولع فيها ولو شوفتني ادخلت قول عليا مش راجل

قاسم بحده يا مازن بتصعب عليا وبقول معلش بلاش تيجي عليها دي مسئوليتك قدام ربنا وبتفضل تعيط وبتخرب الدنيا والصبح بردو غلطت وزعقت فيها لقيتها عيطت فصالحتها واكلتها برا وسالتني اروح ولالا قولتلها لا تقوم تروح من ورايا بردو ؟!!!!

مازن قسما بالله انت تستاهل

قاسم بصدمه نعم استاهل ازاي يعني !!!!

مازن بحده هي مش دي اختي وعايزك تعاملها احسن معامله ؟؟!!! بس طلما بتغلط وانت بتفضل تدلع وتحايل وتصالح تبقي تستاهل بلاش دلع ماسخ سيبها تتعلم من غلطها مره وبطل اسلوبك ده هي اتعودت انها مبتهونش عليك فعماله تتمادى فيها نور عامله زي العيله الصغيره بس اسلوبها ده مينفعش تتجوز ويعتمد عليها ازاي دي كده

قاسم وهو بيفتح فونه تابع قسما بالله ده ليله اهلها سودا ومش هتعدي انهارده مع احترامي ليك يا مازن بعيدا عن صُحبيتنا

مازن بتنهيده يا بااشا مرااتك انا ماليش دعوه انا اقفلك لو غلطان في حق اختي انما غير كده ميخصنيش

قاسم كده تمام ونور ردت

نور ايه يحبيبي معاك

قاسم بتعملي ايه يا نور بتذاكري ولا فاضيه

نور بتوتر اه بذاكر اشمعنا

قاسم اممم طب افتحي فيديو كول عايز اوريكي حاجه

نور بتوتر صدقني الفون هيفصل يا قاسم قول بسرعه ولما يشحن هكلمك

قاسم الفون هيفصل بردو ولا انتي اللي بتستعبطي

نور بتوتر لا يا قاسم وهو انا هستعبط عليك في ايه مش فاهمه

(( وصوت الشارع كان عالي ))

قاسم بحده طب انتي فين يا نور انا مش اطرش وسامع انك برا

نور بخوف قاسم انت بتزعق ليه بس انا عايزه افهم ؟؟ قولتلك انا مش برا انا في البلكونه عادي

قاسم بهدوء عكس اللي جواه تابع : ولو طلعتي برا ؟؟؟؟؟

نور اتوترت وتابعت بص هقولك الصراحه بس

قاسم بمقاطعه ايوه انا عايز الصراحه دي اللي انا عارفها وانتي عارفاها وشغالين نستعبط على بعض

نور بتوتر انا بصراحه روحت البيت لقيت امي وانا داخله كده بتقولي هتقعدي مع مين يابت يا نور ده مفيش حد هنا غير الرجااله ومش كلهم تعالي معانا فروحت معاهم رايحين لزينب

قاسم طب وماما دي متقالهاش ليه لا يا ماما مش هروح علشان الحيوان اللي مالوش كلمه مش راضي ؟؟؟؟

نور بتوتر اصل فيهاا ايه يا قاسم ما كل بنات عمي رايحين وانا مكنتش عايزة اقعد لوحدي و

قاسم بمقاطعه وعصبيه انا مالي انا رايحين ولا مش رايحين انا محكمش غير على اللي ليااا وقولتلك متروحييش ومفيش واحده متربيه هتكسر كلام جوزها اصل يعني ايه ماما قالتلي هتقعدي لوحدك ومش هتقعدي لوحدك هو اي كلام بيتقال ما احنا متناقشين وقولتلك لا يانور متروحيش وامك نفسها دي اللي بتقولي قالتلك تعالي لو تعرف اللي انتي علمتيه هتهزقك

نور الدموع اتجمعت في عينيها وتابعت خد بالك انك بتتعصب عليا بردو

قاسم بعصبيه وهكسر راس اهلك لو شوفتك قدامي علشان انا خلاص جبت اخري منك ومن تصرفاتك ومش شيفاني عيل صغير علشان كل شويه تكسري كلامي بلشكل دده

نور بدموع يا قاسم فيهااا ايه رايحه صباحيه بنت عمي انا مش صغيره ومش عيب ما كلهم انسات ورايحين طب انا حتى متجوزه

قاسم بعصبيه بت انتي دماغك تعبانه ولا ايه ؟؟؟ انا لما سالتيني قولتلك عيب الكل يروح ده هما خمس دقايق وهيمشوا اتلكي واقعدي في بيتك مش مساله صغيره ولا متجوزه وبعدين ده حتي لو مش عيب وعادي طول منا قولت لا على حاجه تبقي لا مفيهاش نقاش مش تكسري كلامي وتروحي من ورايا ده انتي ليله اهلك سودا بس اشوف وشك

نور بخوف ودموع بالله هقول لمازن على اسلوبك معايا ده علشان يُقفلك

قاسم بسخريه لا يا شيخه مازن اصلا جمبي وسامعني وقالي ولع فيها ومع احترامي ليه محدش ليه دخل بيني وبين مراتي

نور بدموع طب انت عايز ايه دلوقتي يا قاسم

قاسم بحده عايز اربيكي بس الصبر كله بوقته اتفضلي انزلي زي ماركبتي واركبي عربيه غيرها وارجعي البيت

نور بصدمه انت بتهزر صح مش هينفع اصلا لانه

قاسم بعصبيه سمعتي انا قولت ايه ؟؟؟؟

نور بدموع اتنيلت سمعت خلاص وتابعت بصوت مرفوع نسبيا معلش ياعمو وقف ثواني هنزل

عايده بستغراب هتنزلي تروحي فين يا بت انتي اتجننتي

نور بدموع مروحه تعبانه

صافيه بستغراب انتي اتجننتي يابت اقعدي بلا تنزلي قربنا نوصل كده كده مش هنتاخر هناك

نور بدموع لالا انا مش هقدر بجد وهمست لامها عندي ظروف فالازم اروح اغير بسرعه سبيني

عايده خلاص معلش يا ابو معاذ اقف على جمب

نرمين يوه طب وجيتي ليه من الاول يابنتي تأمني ترجعي لوحدك ازاي بس

عايده همست لنرمين تقولها

نرمين بتفهم ااه وهمست تعرفي لولا فرح زينب جيه مستعجل كنت قولتلك تلاقي عندها والله ما فاكره في ولالا

نور وهي بتمسح دموعها لا هو عموما انا هروح كده كده مش قادره ونزلت

عايده بتنهيده طب طمنيني لما توصلي يابت هاا

نور بدموع تمام ونزلت توقف تاكسي وتابعت قولتلهم اهو ونزلت بوقف تاكسي

قاسم سمعتك تمام روحي البيت وقوليلي

نور بدموع حاضر بس والله يا قاسم

قاسم كان قفل الخط فنفخت بضيق وتابعت بدموع اووف ياريتني مانزلت ولا اتنيلت ووقفت تاكسي وركبت

عند مازن وقاسم

مازن بضحك لا شابو ربيها يا جدع كفايه دلع قسما بالله دي لو ياسمين كنت كسرتها وقعدتها في السرير شهر

قاسم بتنهيده هي غلطتي فعلا المهم

مازن بتنهيده عميقه : بالله انا مش قادر افكر في المهم ده

قاسم بتنهيده للاسف مش بايدينا لازم مضطرين نفكر

مازن بتنهيده مليانه وجع تابع انا رايي ناخد راي الدكتور نتصرف ازاي ده الحل الوحيد اللي عارفه افكر فيه حاليا

قاسم تمام يلا نروحله

مازن قام وتابع بتنهيده يلا

———————————————-

في التاكسي عند نور

السواق كان عمال يببصلها باعجاب ونظرات مش مريحه وهي كانت متوتره اوي

السواق باعجاب الا انتي اسمك ايه يا مزه

نور كانت خايفه منه بس محبتش تبين فاكملت بحده افندم ؟؟؟

السواق بابتسامه خبيثه مالك في ايه بنتعرف عادي مش يمكن تبقى حاجه اكتر وركن علي جمب

نور خافت واكملت بحده لا مبتعرفش على حد انا وبعدين انت وقفت ليه

السواق بخبث مش عارف مالها بشوفها اهو

(( ونيته مكانتش كويس))

نور بحده لا والله طب اتفضل شغلها انا مستعجله

واتصلت بسيف

سيف وهو حاطط الفون تحت ودنه وسنده على كتفه وبيكمل اللوحه اللي قدامه تابع ايه يحبيبتي قولي

نور بتوتر عامل ايه يا قائد واحشني فينك

سيف بستغراب ده على اساس مبشوفكيش ؟؟ وفيني انا ياستي في المرسم بتاعي على البحر مخنوق فنزلت ارسم شويه بخرج الطاقه السلبيه

نور ااه في الكتيبه الله يكون في عونك بردو شغلانه رائد في الجيش مش سهله بس انا اخويا مش اي حد بردو

السواق اتصدم وبلع ريقه بتوتر وشغل العربيه وبص قدامه وسكت فتابع سيف بحده بت انتي هبله ولا ايه بتتكلمي كده ليه في حد بيضايقك ??

نور بتوتر لالا طبعا متخافش يا قائد اختك جامده وبعدين انا لما زعلت حسام مكنش قصدي كل ده هو كبر الموضوع ليه بجد انا بس استغربت اسلوبه بيكملني زي المسجونين بتوعه اه هو رائد في الشرطه وكل حاجه بس ميدلوش الحق يكلمني كده على فكره

السواق اتوتر اكتر وسكت وبص للطريق وكمل فاكمل سيف بحده انتي بتتنيلي بتهري بتقولي ايه فينك يا نور ؟؟

نور بتوتر في التاكسي يحبيبي وجايه

سيف بفهم اااه قولتيلي عملك ايه ابن الكلب الحيوان ده بقى فعماله تهري في الافلام دي قدامه ده ناقص تطلعيله بطايق العيله

نور ضحكت بتوتر وتابعت خلاص هو كله تمام دلوقتي اروح افهمك بس بالله عليك قاسم متعرفوش حاجه ها

سيف ليه هو قاسم ميعرفش انك برا اصلا ???

نور بتنهيده كان ميعرفش ونزلت معاهم بس عرف وهزقني ومروحتش لاختك اديني راجعه في التاكسي اهو

سيف قسما بالله تستاهلي وقام وساب الرسمه وتابع هاتي السواق ابن الكلب ده اشوف عملك ايه

نور بتوتر لالا يا سيف ارجوك خلاص محصلش حاجه لكل ده

سيف بعصبيه طب هاتيه واخلصي

نور بتوتر حاضر وادت السواق الفون

السواق بخوف نعم يا هانم في حاجه

نور بتوتر امسك كلم

السواق خد الفون بايد مرتعشه وتابع بخوف الس السلام ع عليكم يا باشا اؤمرني

سيف بحده انت مالك بيها يالا انت متعرفش دي بنت مين واخواتها مين ??? ده احنا قسما بالله مانخليك تشوف نور الشمس تاني

السواق بخوف لالا وعلى ايه حضرتك انا معملتش حاجه اصلا وهوصلها لحد باب البيت كمان متخافش عليها سعادتك

سيف بحده مخافش ليه اعرف اهلك منين انا مثلا ???

السواق بخوف والله يا فندم متخافش انا ماليش في الجو ده انا بعمل شغلي وبس وعايز تفضل معاها على الخط خليك

سيف بحده اديها الفون

السواق بخوف اتفضلي يا هانم

نور بحب ايوه يا سيف

سيف بحده اتنيلي صوريه وابعتيلي الصوره دلوقتي حالا

نور بحرج انت بتهزر صح

سيف بحده اخلصي يا نور واتنيلي اسمعي كلامي علشان انا مش عبيط وفاهم كويس اوي ان طلما وصلت للنمره اللي انتي عملتيها قدامه دي يبقى بصلك بصه مش تمام او ضايقك والله واعلم كان في نيته يهيب ايه انتي لوحدك

نور بحرج حاضر يا سيف وبصت للسواق وتابعت معلش بس هو عايز صورتك

السواق بخوف صورتي ليه يا هانم والله مفيش في نيتي حاجه خلاص انا اسف

سيف بحده اخلص مش هنيل بيها حاجه بس امان ليا لحد ماتوصل اختي

نور هو بيقولك والله ما هيعمل بيها حاجه بس امان ليا انا لحد ما اوصل متخافش حقيقي سيف مش بيأذي حد مغلطش

السواق بخوف ماهو حضرتك انا مكنتش اعرف ان انتي

نور بمقاطعه وبحده وخلاص خلصنا تعرف ولا متعرفش هو امر ولازم انفذ اخلص مش هيعمل بيها حاجه والله وصورته الصوره وبعتتها

فوصلت لسيف وتابع بحده تمام وانتي حسك عينك تركبي لوحدك تاني والله العظيم يا نور مش هعديهالك بعد كده

نور بضحك الله مش متعوده عليك عصبي عليا كده يا قائد ومش هنتنيل تاني يا سيدي بس نعمل ايه في قاسم ودماغه المقفله بجدد

سيف قعد مكانه وشغل الاسبيكر ورجع يرسم وتابع ان جيتي للحق قاسم مش دماغه مقفله انتي اللي عايزه تتربي يا بنت عمي

نور بتنهيده انا عارفه اني غلطت بس مكنتش لاقيه سبب يخليني مروحش لبنت عمي

سيف طلما جوزك قال لا يبقى لا يا نور مش هنتعدى الاصول اي ان كان هتروحي فين

نور بتنهيده حاضر والله خلاص وبعدين انت مروحتش لزينب ليه صحيح

سيف بتنهيده لا هروح اعمل ايه انا ده كلام ستات هما عايزين يطمنوا على بنتهم انا هكلمها فون بس انما هو حد راح من االرجاله علشان انا اروح الجايات كتير عادي

نور بالله عليك يا سيف لما تيجي تروح خدني معاك علشان مش هعرف اروح لوحدي

سيف بضحك حاضر ياختي هاخدك معايا

نور صح عايزة اشتكيلك من ابيه يونس

سيف بستغراب ماله يونس عملك ايه

نور ينفع انهارده في التسميع الشفوي اغلط في نص السؤال يحسبهولي كله غلط قدام البنات وانا اللي اقول الدكتور اخويا الكبير فا الماده في جيبي

سيف فضل يضحك وتابع يونس في الشغل زينا كلنا احنا نفس العرق مُخلصين بزياده فمش هيطبل نص السؤال غلط يعني فعلا باظ خلاص اما نقطه وحرف وعلامه بتخليه غلط مبالك بنصه

نور بغيظ ايوه بس انا بنت عمو بردو

سيف بحب وده شغله اللي اقسم عليه طب هيجاملك في الدنيا الاخرى يعمل فيها ايه قدام ربنا ؟؟ فمينفعش يحبيبتي وبعدين ده سؤال فبرافو عليكي غلطتي في واحد بس عادي

نور بضيق لا انا بجد شيلت منه اوي ولقيته بيبصلي كده وساكت فبقوله ايه بقول صح ؟ راح قالي لا انا بس سايبك تكملي بديكي فرصتك للاخر كملي يحبيبتي كملي واخترعي ماده جديده ونضيف اسمك مع العلماء مش عيب مانتي في علوم بردو هما الناس دي احسن منك في ايه فبقوله لا بجد مبهزرش هو انت مش مسمعني ده قبل كده لما كنت بتذاكرلي راح قالي لا انا سمعت كل حاجه ممكن تتسمع الا الاجابه اللي في المنهج بتاعي اللي انا محفظهولك

سيف فضل يضحك وتابع لالا مش قاادر بجد يخربيت فقركم بصي التسميع الجاي قوليلي احضره علشان اضحك لايف

نور بضحك بجد اخص عليك يا سيف بشهدك تقوم تضحك بردو

سيف بضحك مش قادر مضحكش بجد يونس فظيع ده انا بحييه على ثباته الانفعالي وانه مهزقكيش قدامهم بالله

نور بضحك كان ناقص كده بجد ومعلش معطلاك عن رسمك

سيف بحب لا ولا يهمك ده انتي زي زوزا يا هبله المهم اطمن عليكي خلينا اديكي بتضحكيني وفضل يضحك لما افتكر الموقف

نور بضحك اخص عليك بجد واضح جبتلي حقي

——————————————-

في بيت عمر

زينب وعمر نايمين وعمر واخده في حضنه وسانده راسها على صدره ومتغطين وسمع الباب خبط

عمر فاق وفتح عينيه ببطئ وتابع بصوت منخفض زينب .. انتي يابت … يابنتي وقام ونيمها على السرير وغطاها وطلع وبص من العين السحريه ففتح عينيه بصدمه ودخل للاوضه بسرعه وتابع زينب .. زينب قومي لبسيني التيشرت اهلك برا عايز افتح وبيهزها وتابع يابت الله يخربيت اهلك اخلصيييي

والباب لسه بيخبط والجرس رن فعمر تابع بحده انتي يابت يخربيت اهلك على الصبح ايه موتي

زينب بنوم يا عمر بس بقى بالله عليك سبني انام

عمر بحرج يابت لبسيني اااام التيشرت افتحلهم اازااي كددده يا نهاار اسوود

زينب بنوم وهي مغمضه تيشرت ايه؟؟

عمر مسك كوبايه المايه دلقها في وشها فشقهت بخضه وقامت واكملت ايه ده ياعمر يخربيت اهلك هي دي الرومانسيه اللي حلمت اتجوز علشان اصحى في صباحيتي عليهااا !!!!

بحده يا بارده بقولك اهلك برا على الباب مش وقته رومانسيه مانتي جاموسه نايمه افتحلهم كدده ازاااي يعني لبسيني ام التيشرررت ده

زينب بحرج اهلي برا ازاي يعني مقالوليش ليه قبل مايجوا ايه الاحراج ده

والباب لسه بيخبط فاكمل عمر بحده شوف بردو برودهااا يابت اخلصي تلاقي رنوا واحنا مقتولين مسمعناش

زينب مسكت التيشرت وابتدت تلبسهوله وتابعت طب ايه معاهم مين

عمر البنات ومرات عمك وامك وتيته

زينب بتنيهده طيب هغير انا واطلع وراك روح شوفهم

عمر سرح شعره بسرعه وتابع طيب اخلصي

وخرج وفتح الباب وتابع اهلا اتفضلوا نورتوا معلش حقكم علياا

نرمين وهي داخله بلصنيه تابعت بضحك ايه يا عمر كل ده واخدين منوم

عمر بضحك حقك عليا يا امي والله بس الاوضه اخر الطرقه جوه سمعنا الصوت متاخر

صافيه بضحك وهي داخله بلحاجه اكملت عرسان بقى يا نرمين مبروك يحبيبي

عمر بحب الله يبارك فيكي ياست الكل تسلمي

عايده وهي بتحط الحاجه جمبهم على السفره تابعت بحب صباحيه مباركه يا غالي عقباال عوضكم

عمر بحب تسلميلي يا ست الكل عقبال فرحتك بمازن واحمد يارب

عايده بحب يارب يحبيبي تسلملي

شهد وياسمين ابتسموا وكل واحده منهم همست في سرها يارب ان ربنا يجمعها بللي بتحبه

عمر بحب اتفضلوا اقعدوا زينب بتجهز وجايه

ودخلوا بلفعل قعدوا في الصالون فاكملت نرمين بحب واعجاب بسم الله مشاء الله شقتكم حلوه ربنا يهنيكم ويسعدكم يا ابني وتملوها عيال

عمر بحب يسمع منك ربنا يغاليه يارب

صافيه بحب زوقك حلو والله يا واد يا عمر

عمر بضحك مش اختارت زوزا طبيعي يعني يا تيته

صافيه بضحك والله سكر ربنا يديمكم لبعض يا ابني ونشيل عيالكم

عمر بحب ويديمك لينا يارب

عايده معلش يا ابني جينا قلقنا منامكم بس والله رنينا كتيير اوي محدش منكم بيرد

عمر بحب يا ام مازن ده بيتك تنوري الوقت اللي تحبيه هو الصراحه الفتره اللي فاتت مكانتش سهله علينا خالص فا الواحد ماصدق حط راسه على المخده وارتاح فمسمعناش الفون خالص

عايده بتنهيده حقك يا ابني والله منه لله ينتقم منه ربنا اللي بص في حياتكم ربك على الظالم

عمر بحب وربنا مبينساش وبيرد الحق لصحابه الحمدلله

كلهم رددوا الحمدلله

ولقيوا زينب خارجه مبتسمه ولابسه قفطان ابيض مغربي شيك اوي ومطرز تطريزه رقيقه وفارده شعرها بتمويجه ورا ضهرها وحاطه ميكاب رقيق

نرمين بحب واعجاب بسم الله مشاء الله زينه البنات وقامت حضنتها والستات والبنات زغرطوا لما شافوها فاتابعت نرمين ايه القمر والحلاوه دي كلها مليون مبروك ينورعين امك من جوه

زينب بحب الله يبارك فيكي يا ست الكل دي عيونك والله

شهد باعجاب ايه الحلاوه دي هو الجواز بيحلي كده

ياسمين بحب طب بالله كنا جوزناكي من زمان

زينب بحب مش اي جواز يابت ده علشان اتجوزت عمر بس

عمر ضحك وتابع بحب ده والله يابخت عمر

صافيه بضحك شوف البت بقيت تتكلم بعين قويه دلوقتي تعالي يا كلبه في حضن تيته مش متعوده اصحى ملاقكيش على السفره واحشاني

زينب بحب حضنتها وتابعت ربنا يديمك ليا يارب يا تيته والله وانتوا اكتر لسه اول يوم وواحشتوني وضحكت وتابعت وبعدين ماجوزي الله يعني براحتي دلوقتي ولا ايه يا صفصف

صافيه بضحك براحتك طبعا يا قلب تيته مش حلالك يبقى براحتك

عايده حضنتها وتابعت بحب صباحيه مباركه يابنتي ربنا يسعدكم يارب

زينب بحب الله يبارك فيكي يامرات عمي ربنا ميحرمنيش منك

عمر بحب طب هروح انا اجيب لاهلك حاجه يشربوها اقعدي معاهم

نرمين لالا ولا تتحرك من مكانك ده احنا جايين دققتين وماشين مش غرب احنا للكلام ده

عمر بحب ياست الكل غرب ايه بس ده انتي مربياني مع سيف انا بس هجيب ليا فهجيبلكم معاايا متحسبيهاش كده

نرمين بضحك لا يا واد مخدتش بالي انا كده بعد مازوقت الكلام يعني

عمر بضحك وهو داخل المطبخ تابع اعملي نفسك مش واخده بالك بقى يا ام سيف انتي صاحبه مكان فعلا فعيب الكلام ده .. ده بيت بنتك يعني ودخل

نرمين بحب ربنا يحميك ويحفظك يا ابني وبصت لبنتها وتابعت انتي يابت ها طمنيني

زينب بستغراب اطمنك على ايه

شهد فضلت تضحك وتابعت لا احنا اطمنا خلاص

فزغدتها ياسمين وتابعت بضحك هشش اسكتي انتي

زينب بحرج ااه انتوا قصدكم مش سالك مش كده ???

صافيه بضحك شوف البت اللي مغلبانا بردو ماهو حد بتحبيه اهو

زينب بضحك طب هو انا قولت حاجه بس لا هشش محدش يتكلم بتحرجوني

عايده بضحك ياختي اتنيلي مش عايزينك تتكملي احنا عايزين نطمن بس طمنينا

زينب بضحك الله مانتوا شايفني زي الفل اهو في ايه

نرمين لوت بوقها وتابعت ما دي المصيبه مفروض انك عروسه يعني صحتك متبقاش حلوه اوي كده ياختي مصيبه يا زينب لو نكدتي على الراجل وسبتيه ونمتي بنتي وحفظاكي تعمليها

زينب بحرج ماتقولي بسم الله مشاء الله في ايه وبعدين هو انتي يا وليه امي ولا امه هو علشان افهم بس

نرمين هو انا هحسدك يا بنت الجزمه وبعدين اه امه هو انتي عارفه عمر عندي زي سيف بلظبط فانطقي يابت واخلصي طمنيني

زينب بحب لا بجد متقلقيش اطمني كله زي الفل

نرمين بشك يا زينب ؟؟

زينب بحب عيب عليكي ده عمر حقيقي مقدرش انكد عليه

ياسمين بضحك في دي مصدقاها

عايده يعني ايه بردو طمني قلبنا يابنتي

زينب بحرج ماخلاص يجماعه كله تمام هكدب عليكم ليه الله

نرمين قامت قعدت جمبها وحضنتها وباست خدها وتابعت مليون مبرووك ينورعيني طمنتي قلبي

زينب بحب الله يبارك فيكي يارب يا ست الكل

صافيه بحب الف مبرووك يا عمري عقبال عوضك

زينب بحب الله يبارك فيكي يا صفصف تسلميلي

عايده بحب طب صحيتي عملتي لجوزك اكل ونمتوا ولا مكالتوش من امبارح

زينب لا مكالناش من امبارح

عايده قامت وتابعت طب هقوم احضرلكم الفطار وقاامت

نرمين بحب استني هاجي معاكي

زينب لالا خليكم انا هعمل ونفطر كلنا

عمر دخل وحط الحاجه السقعه والضيافه وتابع ايه ده رايحين فين ازعل كده والله

صافيه بضحك هنحضرلكم الفطار ونيجي نشرب متخافش

عمر لالا ولا تعملوا اي حاجه وبص لزينب بحده وتابع يابنتي

زينب بضحك بتبصلي كده ليه مالي انا هما اللي عايزين يعملوا الاكل

نرمين بحب بس ياعمر احنا في بيتنا مش ضيوف ايه الكلام ده

عمر بحب طب خليكي يا امي وهحضر انا وزينب

صافيه بضحك يا واد ما قولنا هنعمل احنا الاكل الله البت عروسه وتعبانه

عمر بص لزينب وضحك وتابع اممم لا ليها حق فعلا خلاص والله ما مزعلكم

زينب داست على رجله وهمست بضحك اتلم

عمر ضحك فتابعت عايده بحب طب يلا بينا احنا علشان نبدا .. منين مطبخكم يا عمر

عمر بحب بصي في الطرقه دي امشي علطول اول شمال

نرمين بحب ماشي يلا

ودخلوا فتابعت زينب بحب طب يا عمر هروح اوري البنات الشقه لحد ما هما يخلصوا

عمر بابتسامه خبيثه زينب بس فهمتها تابع : الله يحبيبتي متجهديش نفسك خليكي اوريهم انا الشقه انتي عروسه وتعبانه

زينب ضحكت وتابعت بنفس النظره لا يعمري متقلقش عليا انا كويسه يلا يابنات

عمر ضحك وياسمين تابعت بحب يلا

وفضلوا يتفرجوا على الشقه باعجاب وفرح لزينب وهما بيتكلموا بعدين دخلت اوضتها وقعدت على السرير وقعدتهم جمبها من الناحيتين وتابعت يعني متعرفوش نور ليه مجاتش

شهد لا انا استغربتها بس معرفش بصراحه رجعت ليه اللي عرفتوا ان عندها ظروف

ياسمين بتنهيده لا مش دي الحقيقه هي جات من ورا قاسم وهو عرف فهزقها وقالها ترجع

شهد بستغراب وانتي عرفتي منين

ياسمين اتصدمت من السؤال بس تابعت بتوتر هيكون منين يعني سامعه طريقه ردها عليه كنت واخده بالي

زينب بصدمه يالهوي عليها بت ده احنا كبار ومبنعملهاش كانت تقوله هتخسر ايه

شهد متضمنيش يمكن هو مرضيش يجيبها

زينب بتنهيده اي ان كان هي غلطت بالله البت دي هتتعب اوي في حياتها بعد الجواز تحسوا لسه صغيره وطيبه وكيوت كده مع ان شهد اصغر بس تقدر تفتح بيت عنها

شهد بضحك حبيبت قلبي انشالله يخليكي يارب

ياسمين بضحك شوف البت مصروعه ازاي على الجواز جتك نيله على ايه

شهد بضحك بت هشش متبقيش سنجل زيي زيك وتديني نصايح احنا نسمع من البركه دي اللي هتجرنا وراها واحده واحده باذن الله ها ايه رايك في الجواز يا زوزا

زينب بضحك تسمعي ايه لا انا تطبيل مبطبلش هقول الصراحه

ياسمين بضحك ياستي قولي الصراحه

شهد بحب اه بذمتك بعد اول يوم ايه الدنيا

زينب بحب لا ده هي الدنيا نفسها في عيني بدات امبارح اول يوم بجد

شهد بضحك ايوووه بقي

ياسمين بضحك ايه الكلام الكبيير ده ياست زينب ولسه في الاول والله ماهتعرفينا تاني كمان كام شهر

زينب بضحك لا هعرفكم من الملل متقلقيش لان هو اللي هيسبني ويروح الجيش

شهد بضحك شوف الواطيه

زينب بضحك الله مش اكون صريحه معاكي وابتسمت بحب وتابعت بصوا هقولكم بصراحه وبعيدا عن اي كلام مجاملات او حلاوه البدايات وهديكم مثال عن حياتي انا بلذات لان هي قدام مش هتكون وردي خالص ..يعني مثلا باذن الله كمان سنه انا مامي لبيبي صغير وارد جداا يجي في يوم ابوه مش هنا ووارد جداا يتعب والف بيه لوحدي بليل ووارد جدا اتعب وملاقيش جوزي جمبي وهبتدي بقي حياتي كزوجه اكتر وهتعمق في بيت وغسيل وترويق واكل واهتماام بطفل وعمر يرجع من السفر لازم يلاقي الدنيا تمام علشان منكدش عليه في اجازته ومنقصهوش حاجه وملحقش اشبع منه يسافر تاني وهبدا كل ده من تاني لوحدي فملل وتعب وهفقده في حاجات كتير جدا هنحتاجه فيها انا وابنه او بنته فا الجواز سواء بلمثال بتاعي او بغيره هو مسئوليه صعبه ومرهقه جداا اومال ليه بتلاقي كل الناس تقولك عيشي سنك وروحي وانزلي واتحركي وحققي طموحاتك واشتركي في انديه ونشاطات لان انتي كبنت بكره هتبقى مسئوله من اسره كامله ومش فايقه ولا عندك في قايمه اليوم غير اكل الواد وواجب المدرسه بتاعت البت وغسل الهدوم ومعاد الحضانه او المدرسه وترويق الشقه وترويق ابوهم لو موجود وضحكت وضحكوا على ضحكتها فتابعت اه والله اصل هيقولي جات عليا انا يعني تمام في كله وتقصري معايا انا ?? غير شغلي اللي عايزه انزله فبردو ده هيأثر فصدقيني كل دي حياه مرهقه وغير مشجعه بلمره ان حد يبدائها بس سُنه الحياه وكلنا بنتجوز بس تفتكري ايه اللي يخلينا نقبل بلوضع ده

ياسمين ايه؟

زينب بحب اننا نكون مع شخص بنحبه بجد وساعتها كل ده صدقيني يهون ودي الاجابه المختصره جداا عن كل اللي قولته الجواز حياه صعبه فمتختاريش اللي يصعبها عليكي اكتر اختاري واحد كل ماتضيق بيكي وتتعبي من المسئوليات ياخدك في حضنه ويطيب بخاطرك علشان تبدائي من تاني احنا بشر وبنحتاج كلمه حلوه علشان نستمر خصوصا كبنات الكلمه بتعمل فينا كتير حقيقي وعمر ده كان دعوه فضلت ادعيها وانا محتاره هتتحقق ازاي وهو بيحبني ولالا اصلا ولو بيحبني هعرف ازاي ومش هينفع اكلمه طب ايه هفضل كده ??? وفي الاخر ربنا رتبها وخدت اللي انا عايزاه ففكره ان انا عايشه دلوقتي مع دعوه عمري اللي فات كله ده لوحده يخليني اقوم اعمل كل حاجه ممكن تتتعمل ومتعبش بجد

شهد بحب يا سيدي يا سيدي على الجمال والحلاوه ربنا يديمكم لبعض ويحميكم يارب بجد

ياسمين بحب بجد كلامك صح والله فعلا كله يهون لما بنكون مع حد بنحبه وربنا يسعدك ينورعيني انتي وعمر بجد

زينب حضنتهم وباست جبينهم وتابعت يحبايبي ويديمكم ليا يارب وافرح بيكم

شهد بضحك الا صحيح يابت يا زينب عمر قالك ايه على الحنه ها وغمزت

زينب بضحك والله انتي عيله مهزقه

شهد بضحك الله مش بطمن عجبته ولالا غلطت في ايه بس

زينب بضحك لا مغلطيش عايزه تتربي بس

ياسمين فضلت تضحك وتابعت اتلمي يابت ومتحرجيهاش

زينب بضحك لا واتحرج ليه ده جوزي قره عيني عجبته اوي وقال حلوه تسلم ايديها شهد

شهد بضحك هو ده الهدف وضربت كفها في كف ياسمين وضحكوا

زينب بحب عقبال فرحتي بيكم يارب وتنهدت وتابعت وبسيف

ياسمين بضحك لا انسي

زينب بضحك طب اقولك حاجه بس متقولوش

شهد بضحك قولي شكلها مصيبه

زينب بضحك لا مش اوي بس والله يا شهد انتي وياسمين لو حد عرف

ياسمين بضحك ياستي قولي سرك في بير عيب عليكي

زينب بضحك معايا بت في المستشفى اسمها رحمه بس ايه ادب وجمال وعينين خضرا وحاجه فوق الوصف

شهد ها وبعدين

زينب بضحك هي بصراحه كذا مره تسالني عليه وتفتح السيره تحت اي وضع وتقولي اه زي سيف الا سيف اخباره ايه وانا حاسه انها معجبه بيه والله بت زي القمرر لو يفرحنا سيف ويوافق ارشحها ليه جدااا

ياسمين بضحك انسي بقى كل اللي قولتيه ده ولو بنت ابوكي فاتحيه في موضوع الجواز

زينب بضحك لااا انا مييين انا كنت هقول لعمر صراحه

عمر كان داخل فسمع اسمه وتابع قلب عمر

شهد بضحك لو تعرف قالت كده ليه مش هتقول كده خالص

عمر بضحك ليه في ايه

زينب بتمثيل لطف كنت عايزاك تكلم سيف على عروسه علشان نفرح بيه غلطت في حاجه بذمتك

عمر بضحك مين يكلم سيف انا !!! الو الشبكه قطعت مش سامع

شهد وياسمين فضلوا يضحكوا فتابع عمر بضحك اضحكوا براحتكم انا ماليش دعوه بلحوار ده فعلا

زينب بضيق ليه هيعض سيف

عمر بحب لا يحبيبتي مش بيعض كلميه انتي

زينب بتوتر لا ماهو انت صاحبه و

عمر بمقاطعه وجديه : و لو بتحبي اخوكي فعلا بلاش تفتحي معاه سيره الموضوع ده واحترمي رغبته

زينب بضيق حاضر يا عمر

عمر بضحك او ادعيله يا عالم يمكن ربنا يراضيه بس متقلبيش بوزك عليا كده بالله عليكي انا ماليش دعوه

زينب ضحكت وتابعت طب ايه هما حضروا الاكل ؟

عمر بحب اه دخلت اناديكي علشان كده حلفتهم ناكل سوا كلنا تعالي يلا

زينب بحب يلا يا بنات

وخرجوا وعمر رايح يخرج وراهم فونه رن فتابع طب هرد وجاي يا زوزا روحوا انتوا

زينب بحب ماشي يا حبيبي

وطلعت

عمر بحب ايه الاخبار يا غالي

سيف بضحك سيبك مني انا زي الفل انت ايه الاخبار طمني

عمر بضحك زي الاهرام بلظبط ثابته

سيف فضل يضحك وتابع الله يكسفك يا جدع

عمر بضحك ياعم اختك مجنونه بالله بحمد ربنا اني مكسور علشان ميتحرقش دمي ده البت مطمنتش غير لما قولتلها اعتبريني زي سيف الفتره دي راحت حضنتني وشغاله تلاكيك بقى

سيف فضل يضحك وتابع معلش حقك عليا البت بردو عودها اخضر لا راحت ولا جات ومبتختلطش اصلا فهتتعبك شويه وضحك اكتر وتابع يخربيت فقرك يا زينب بجد قولتلك بتتلكك واضح فعلا

عمر بضحك ياباشا ده انا عنيا ليها والله وتاخد وقتها براحتها

سيف بضحك بس الاجازه مش هتاخد وقتها ها

عمر بضيق طب بالله بتفكرني ليه حد ينكد على حد كده؟

سيف برفعه حاجب ليه في ايه يحبيبي مش ده شغلك اللي انت بتحبه؟

عمر بحب اه بحبه بس بحب اختك اكتر الصراحه

سيف بحده افندم ؟

عمر بتوتر يا باشاا شغلي وبحبه وكله فدا مصر ده انا مستني رنه بس وهتلاقيني عندك مالك يا سيف في ايه احنا هنهزر في الشغل كمان

سيف ابتسم لانه عارف ان عمر غير كلامه لما سمع صوته وتابع : اممم طمنتني وضحك وتابع على الاقل في حاجه طمنتني عليها

عمر بضحك اتريق اتريق اما نفسي اتريق انا كمان

سيف بضحك بعد الشر عليا ياحيوان مش هتجوز انا

عمر بتنهيده مش مقتنع بكلامك ها بس مش هجبر عليك دلوقتي الكلام ده عايز قاعده

سيف بتنهيده لا وفر الوقت بتاع الرغي واقعد مع مراتك علشان تشبع منها قبل الاجازه علشان ندب مش عايز يا عمر

عمر بحب لا عيب عليك

سيف اممم منا عارف انت هتقولي وهات البت اباركلها

عمر بحب حاضر ثواني وخرج وتابع زوزا امسكي سيف

زينب مسكت الفون وتابعت وهي بتبعده شويه بخوف اوعى تكون قولتله

نرمين بستغراب يقوله على ايه

عمر بضحك لالا متخافيش

ياسمين همست لنرمين اصلها عايزة تجوزه

نرمين بتنهيده عايزه البحر ينشف بنتي

زينب بحب ايه ينورعيني عامل ايه

عمر بتريقه: ايه ينورعيني عامل ايه

زينب ضحكت على شكله وتابع سيف بحب انا الحمدلله يحبيبتي انتي طمنيني عنك ايه الاخبار

زينب بحب الحمدلله كله تمام يحبيبي متقلقش

سيف بحب الف مبرووك يا قلب اخوكي صباحيه مباركه على احلى عروسه

زينب بحب الله يبارك فيك يارب يا غالي تسلملي

سيف بحب باذن الله اسبوع ولا حاجه وهجيلك قبل ما ارجع سيناء

زينب بحب ياقلبي تنور اي وقت وهات حسام معاك

سيف بحب هيجي هو قالي متقلقيش

زينب بحب ماشي يا غالي هستناكم

سيف بحب ماشي يحبيبتي اي وقت تعوزيني كلميني يا زينب انا عنيا ليكي

زينب بحب ياروح قلبي من غير ماتقولي متخافش على قلبك علطول

سيف ضحك وتابع ياقلب سيف انتي براحتك

زينب بحب ربنا يديمك ليا انت وحسام يارب

سيف بحب ويديمك لينا يا زوزتي .. هاتي جوزك المهزق بقى

زينب ضحكت وتابعت امسك

عمر شتمني صح؟

زينب فضلت تضحك فتابع عمر بضحك يا عم تشكر

سيف بضحك انا براحتي

عمر بضحك براحتك يا باشا طبعا هو انا اعترضت

سيف بحب لا متربي ياض يا عمر المهم البت في عينيك ها

عمر بضحك بالله لتوصيها هي عليا وكفاياك ظلم وافترى بقى

سيف بضحك والله المفروض كده فعلا بس خليها عليك انا فاهم هي ليه بتعمل كده

عمر بضحك متخافش يا غالي في قلبي مش عيني بس

سيف بحب عارف والله انها في ايد امينه يلا هقفل انا عايز حاجه

عمر بحب سلامتك يحبيبي

سيف باي

عمر باي

وقفل بلفعل وحط الفون جمبه وبدأ ياكل معاهم

نرمين بت يا زينب جايبه عروسه انتي لاخوكي ولا ده تمني ؟

زينب بضحك لا في واحده عجباني بس خلاص بقى

صافيه بتنهيده ربنا يريح قلبه هو ويونس يارب

شهد بضحك لااا اخويا مش هتيجوز

ياسمين بضحك هشش بس يابت يا بومه اخويا وهجوزه

شهد بتحدي طب هنشوف

عمر بضحك بتتكلمي بقلب جامد انتي علشان عارفه انه رافض المبدا

شهد بضحك بلظبط كده وبعدين فعلا اغير عليه حته القمر ده مفيش بنت تستاهله

عمر بحب صدقيني يونس لما بيحب حبه بيبقى زي الكنز ويبخت اللي يحبها بس معتقدش هيعملها تاني خلاص

صافيه بصتله وفهمت ان عمر يعرف كل حاجه فتنهدت بحزن

فتابعت شهد بضيق هموت واعرف مين دي اللي عقدته

ياسمين بتنهيده تقريبا يابت يا شهد ميرنا بنت خالتك

شهد بضيق منا سمعت بحوار ميرنا بس مش مقتنعه

نرمين بتنهيده لا هي ربنا يسامحها بقى مش عايزين نجيب سيره حد دي اعراض ناس

عايده نحمد ربنا مخطبهاش بلا قله ادب

صافيه بتنهيده يونس قالي انها مخانتهوش وان البت جابت دليل برائتها من فتره وطلعت شريفه بس هو النصيب وقف لحد كده اللي بينهم اكبر من الموضوع ده وكأني مقولتش حاجه وقفلوا على الموضوع هاا

نرمين بصدمه اومال ازاي ش

صافيه خلصناا يا نرمين قولنا دي اعراض ناس واحنا عندنا بنات والبت الشهاده لله في الموضوع ده طلعت مظلومه

عمر بلظبط كده

زينب برفعه حاجب وانت ايش عرفك بكل ده هاا .. يووه نسيت ان انت ويونس وسيف ليل نهار سوا لما بترجعوا من الاجازه

عمر بتهرب كلي يا زينب كلي ياحبيبتي واتلمي وطبطب على كتفها

زينب اممم طيب ياعمر هاكل

شهد برفعه حاجب خانته مخانتهوش انا مبقبلهاش البت دي ومرضاش بيها اصلا تبقى مراات اخويا ده دكتور يونس الرفاعي هو اي حد ولا ايه

ياسمين بضحك ااه منك انتي لو عليكي يونس مش هيشوف جواز خالص

شهد بضحك ومالو مش عيب

صافيه قامت واكملت بضحك طب يلا ياختي انتي وهي كفايه كده

كلهم قاموا فتابع عمر لالا خليكي مينفعش كده كملوا اكلكم والله هزعل

نرمين بحب يجعله دايما عامر يحبيبي انت حلفت ناكل معاكم نشجعكم واحنا كالنا خلاص الف هنا على قلوبكم

عمر لالا اقعدي بس الله يخليكي كملي

زينب ماتخليكي يا ماما نكمل سوا في ايه

عايده بحب لا خلاص بقى امك صح اقعدي انتي وجوزك

صافيه بحب نجيلك يوم تاني يحبيبتي

ياسمين وشهد حضنوها وهي ضمتهم اكتر وتابعت ابقوا تعالوا وهاتوا البت نور

ياسمين بحب عيوني حاضر

عمر طب بالله ياست الكل زعلتيني

صافيه بضحك وغمز اقعد بس زينب هتصالحك دلوقتي

عمر ضحك وزينب اتحرجت وتابعت يا تيييته

صافيه بضحك ايه يا قلب تيته بقولك راضيه علشان احنا زعلناه غلطت في ايه بس

زينب بضحك لا ياشيخه ماشي ماشي

صافيه ضحكت فحضنت نرمين زينب واكملت بحب خلي بالك من نفسك ومن جوزك ربنا يسعدك يابنتي ومشت ايديها على شعرها وتابعت هدي سرك ومتعمليش مشاكل ها لحسن انا عارفاكي والواد غلبان مش حِملك

عمر بضحك ايوه كده اخيرا حد بيوصيها عليا انا

زينب بضحك لا امي معاك علطول متقلقش

نرمين بضحك طبعا ده حبيبي ده زي سيف وحسام بلظبط

عمر بضحك ربنا يخليكي ليا ياست الكل والله

نرمين الا قولي يا واد يا عمر انتوا هترجعوا الكتيبه امتى عرفت ؟

عمر لا لسه سيف هيقولي بس قال قريب

نرمين وهي بترفع ايديها الهي تتاجل قادر يا كريم

عمر بضحك ياااااارب من جوه قلبي جداا يعني

كلهم ضحكوا عليهم فتابعت زينب بضحك عايزاه جمبك علطول انتي

نرمين بحب بالله يابنتي اخوكي معيشني في رعب مبطمنش وانام غير في اجازته

زينب بحب ربنا يحميهم جميعاً يارب

كلهم اللهم امين يارب

صافيه بحب يلا احنا وربنا يسعدكم يحبايبي

عمر بحب راح وراهم عند الباب وتابع تسلمي يا غاليه نورتوا

عايده بحب ده نورك يا ابني

وفضل واقف لحد مانزلوا وقفل الباب ودخل

زينب بحب اقعد كمل اكلك يلا

عمر لا مش قادر كده تمام انا كالت

زينب هو انت لحقت ياعمر

عمر بحب والله مش قادر كملي انني يلا لحد ما اعملنا اتنين نسكافيه

زينب لا خلاص انا كنت هاكل علشاانك متاكلش لوحدك انما مش قادره والله

عمر بحب طب هاتي الصنيه عنك وراح خدها منها ودخل المطبخ وهي وراه فحط الطباق في الحوض ومنهم اللي شالهم على جمب فوقفت زينب ترتب المطبخ وتغسل المواعين فحضنها عمر من ضهرها وتابع بحب اللي انتي لابساه ده زي القمر بجد ولايق عليكي اوي

زينب بصتله بحب وهي بتغسل المواعين وباست خده وتابعت ده قفطان مغربي مبسوطه انه عجبك

عمر بحب انتي اي حاجه بتلبسيها بتليق عليكي بجد وبتحليها

زينب ضحكت وتابعت والله دي عيونك اللي حلوه

وخلصت ونشفت ايديها ولفتله وتابعت بحب ممكن نتفرج على فليم اجنبي سوا؟

عمر بحب ممكن طبعا ده انا عنيا لزوزا وطلبات زوزا بس مش ناويه تبقي ابنه باره وتحققي طلب اهلك انتي كمان؟

زينب بستغراب انهي طلب ده

عمر ابتسم وشد وسطها ليه وتابع مش سمعاهم كلهم عايزين يشيلوا عيالنا

زينب فتحت عنيها بتفاجئ وضحكت وتابعت لاا ياقليل الادب دي لا

عمر اسمها مش دلوقتي انما متقوليش للنعمه لا اقداركم تؤخذ من افواهكم

زينب بخوف لا انا فعلا اقصد اللي هو دلوقتي لا انما يارب احمل من بكره عادي مقصدش كده والله

عمر بضحك عارف يحبيبتي خلاص اهدي انا بس بنبهك علشان بعدين

زينب بحب انا بجد من يوم ماحبيتك مش بدعي غير ان ربنا يجمعني بيك ويرزقني منك بلذريه الصالحه فمستحيل فعلا نيتي تبقي غير كده ده يوم المنى

عمر بضحك منا عارف يحبيبي طبعا بس هي مش بلدعا بس لعلمك

زينب بضحك والله انا متربتش اني بفهمك وانا عارفه انك فاهمني بس فايق ورايق وعايز تهزر

عمر بضحك الله هو انا بكدب عليكي ولا ايه بعدين هي دي المراضيه اللي تيته قالتلك تراضيهاني اخص

زينب بضحك اه هي دي ايه مش عاجبك ده كفايه قولتلك نسمع فيلم سوا وهنام في حضنك يا سيدي ابسط

عمر بضحك لا كتر الف خيرك يحبيبتي ده انا مش هبسط بس ده انا هطير حتى شايفه الجناحات خرجوا ازاي من السعاده عايزيني اطير من الفرحه

زينب فضلت تضحك واكلمت طب الحمدلله فرحتك اهو

وخرجت وتابعت هات فيلم لحد ما اغير واجيلك

عمر بضحك حاضر ياختي

زينب وهي داخله الاوضه : اختك في عينك يا بعيد

عمر بضحك يا شيخه اتنيلي بقى وراح بلفعل جاب فيلم وحضر تسالى والنسكافيه واستناها ودقايق وجات زينب لابسه بيجامه شورت قصير احمر وتيشرت ربع كم ابيض وعليه رسمه بلاحمر وميكاب رقيق وسرحت شعرها

عمر صفر باعجاب وتابع بحب ده ايه الحلاوه دي

زينب قعدت في حضنه الناحيه الشمال فضمها باديه السليمه وتابعت بضحك هتتلم ولا ادخل اغير

عمر بضحك لا خلاص هتلم اهو اسمعي الفيلم بقى وقوليلي رايك

زينب بحب ماشي وباست خده فابتسم بحب ونامت على صدره وتابعت وهي بتبص على التربيزه تعبتك يعمري تسلم ايدك

عمر اتأثر من قربها وتابع ضحك صبرني يارب لا يحبيبتي تعبك راحه ولا يهمك

زينب بضحك يصبرك على ايه ياعمر

عمر باس راسها وتابع بضحك ولا حاجه ياقلب عمر ركزي في الفيلم بس علشان اوله مهم

زينب بانتباه للفيلم : ماشي

عمر بحب صحيح يا زوزا اهلك سألوكي عن اي حاجه بينا ؟

زينب رفعتله وشها وهزت راسها ب اه وتابعت اه سالوني عايزين يطمنوا عليا

عمر طب وانتي قولتي ايه؟

زينب بحب قولت الحمدلله كله تمام

عمر باس راسها وتابع ايوه جدعه كده احسن دي حاجه بينا

زينب بابتسامه عيب عليك منا فاهمه واتلم متحرجنيش بقى

عمر بضحك حاضر هتلم ركزي بقى

زينب سندت راسها على صدره وهو ضمها ليه وباس جبينها وتابعت بتركيز : مركزه اهو

———————————————

في مكتب يونس الباب خبط

يونس وهو بيكتب تابع اتفضل

ميرنا دخلت وتابعت ازيك يا يونس عامل ايه

يونس رفع راسه استغرب انها هي اللي قدامه فتنهد بعمق وتابع انا زي الفل اتفضلي اطلبلك حاجه تشربيها

ميرنا قعدت وتابعت لا انا مش جايه اتضايف انا جايه اقولك ان فرحي بكره انا ومصطفى وزي منتا عارف انا اهلي مش هنا و

يونس وهو بيرجع يكتب تابع ابعتيلي اللوكيشن والمعاد على الواتساب وانا هاجي اكون وكيلك محلوله ولا تزعلي نفسك

ميرنا بسخريه اممم وابتسمت وتابعت طيب هبعتلك وانت بقى مش ناوي تفرحنا

يونس بتعمد عدم الفهم: افرحك بإيه معتقدش في حدث مهم هيحصل في حياتي هيفرح حد

ميرنا بابتسامه لا انت فاهم قصدي انا اقصد انك تتجوز

يونس اااه انتي قصدك كده لا اكيد هتجوز طبعا بس لما الاقي بنت الحلال اللي تستاهل بس معتقدش ده امر يخص حد غيري ولا ايه؟

ميرنا اه طبعا ميخصش حد غيرك انا ماليش دعوه وبجد عايزه ابدء معاك صفحه جديده انا بحب خطيبي الحمدلله ومعنديش استعداد ان الماضي يبوظ ال

يونس بمقاطعه مكنش في ماضي يا ميرنا صدقيني مكنش فيه وانتي بنسبالي زيك زي شهد وياسمين متخافيش وانا مش هعوز اكتر من انك تكوني فرحانه وبتحبي خطيبك وواضح ده من غير ماتقولي من صوركم وخروجكم وربنا يسعدك ويفرح قلبك انتي تستاهلي كل خير متخافيش من حاجه لان مفيش حاجه وحتت ان كنا هنتخطب دي هو عارفها

ميرنا بتنهيده ربنا يسعدك يا يونس ويطبطب على قلبك

يونس بتنهيده قلبي زي الفل وبخير متقلقيش انتي والف مبروك يا عروسه

ميرنا بحب الله يبارك فيك يلا عن اذنك انا

يونس بابتسامه اتفضلي

وخرجت وقفلت الباب ويونس تنهد بعمق وساب اللي كان بيعمله وفتح الاب توب وجاب صور وفضل يشوفها فغمض عينيه بضيق شديد ومسك فونه وثواني ورد فتابع ايوه يا سيف فينك كده

-تمام هغير هدومي واخد شاور وجايلك

-تمام باي

وقفل وقام مشي وشويه وصل البيت ورايح يطلع شاف نور قاعده في البرنده وفاتحه التاب وقدامها كشكول وبتكتب

فاراح قعد قدامها وتابع بتعملي ايه هنا

نور بصتله وتابعت بذاكر انت جيت اخييراا ياجدع حمدلله على السلامه

يونس بضحك الله يسلمك ياختي في ايه كنتي عايزاني

نور بتنهيده يوووه ده انا بعتلك مسدجات كتير جدا بس حضرتك مشوفتش

يونس بستغراب فين ده مشوفتش فعلا

نور واتساب بس جايلي ان معندكش نت على العموم انت جيت فتعالى فهمني بقى

يونس قعد جمبها وبص للتاب وتابع بس دي مش مادتي

نور بحب مادتك مع انها صعبه الا ان شرح المحاضرات بجد بيبقى روعه فبفهم منك بس باقي الدكاتره لا فانت بقى هتفهني ولا عندك مانع؟

يونس بضحك امتى فتحت بوقي يعني ده انتي من اول الترم مجتيش مره عايزة حاجه في مادتي انا وبجاوبك علطول ويوم ما ربنا كرمك وجيتيلي بلكتاب كنتي عايزه تحفظي وبعد ماحفظتك فضحتيني

نور بضحك طب اسكت يا ابيه علشان والله كل ما افتكر اتحرج وزعلانه منك اوي

يونس فضل يضحك وتابع اومال اخالف ضميري يعني انتي مجنونه ولا ايه

نور بضحك لا ازاي تضحكهم عليا بس

يونس بضحك محدش ضحك ميقدروش يعملوها وانا واقف هما كانوا هيموتوا ويضحكوا فعلا بس من هبدك

نور بضحك ماشي ماشي المره الجايه بجد هطبق عليها ونشوف مين هيضحك

يونس بضحك انا عايزك شاطره واكسفيني ياستي عادي

نور بحب هتحداك والله

يونس بضحك قبلت التحدي يلا وريني عايزة تفهمي ايه

نور فتحت الكشكول ووريتهومله وبلفعل بدا يشرحهم ليها وهي منتبها جدا لحد ما خلصهم

نور بحماس شكراا بجد كده زي الفل تعبتك اوي

يونس باس راسها وتابع بس ياهبله ده انتي زي شهد تعبتيني ايه احنا عنينا لنوري

نور طب بما انك راضي عني كده علشان مازن قلب عليا خلاص فلما اشوف قاسم خليك في ضهري ها

يونس بستغراب ليه هببتي ايه؟

نور بضحك باين عليا يعني ان انا الغلطانه

يونس بضحك جداا

نور بتنهيده بص ياسيدي انا روحت معاهم لزينب من وراه لاني قولتله ومرضيش وهو عرف من صوتي لما كنا في الطريق اني بحور وزعقلي جامد وقالي انزل اروح في تاكسي فاجيت وقعدت لوحدي في البيت يرضيك؟

يونس بصدمه يرضيني !!! انتي بتسألي ؟؟؟ وضحك وتابع يابجحتك لا واللي يشوفك بتتكلمي تصعبي عليه… بذمتك عايزاني اقوله ايه يحبيبتي انتي اتجننتي ولا ايه لا خرجيني منها ده جوزك وهو حر فيكي يعني كلمته تتسمع من غير نقاش مش تروحي من وراه لالا انتي غلطانه اوي يانور

نور بحزن وانا اللي قولت هتقفلي ده حالف عليا يبهدلني والله

يونس بتنهيده حقك عليا لو جيه قدامي اوعدك هحاول اهدي بينكم انما غير كده هقوله ايه بجد مش هعرف انا لو مكانه كنت كسرت دماغ اللي معايا ولا انها تروح مكان من ورايا وانا قايلها لا

نور بضيق حتى انت زيه يا ابييه

يونس يحبيبتي كلنااا كده دي بلذات لا متنفعش ومتناقشيش فيها

نور بحزن ربنا يستر انا عارفه غلطت والله

يونس باس راسها وتابع متخافيش انتي لما تقوليله انا غلطت من البدايه كده وتتمسكني عليه حبتين مش هتهوني عليه مانتي عارفه قاسم يا نور مش جديد عليكي يعني

نور بابتسامه يارب والله الهي يطمنك زي ماطمنتني

يونس بضحك يارب يحبيبتي يلا هقوم انا علشان رايح لسيف

نور بحب تمام ربنا معاك

يونس بحب ومعاكي يا قمر ركزي هاا وصحيح هما جم من عند زوزا ولا لسه

نور بحب اه جم فوق

يونس هز راسه بتمام وتابع طب يلا اطلعي ذاكري فوق احسن علشان الجو ابتدى يبرد متقعديش هنا

نور حاضر هحل المساله دي وطالعه

يونس يحضرلك الخير يارب وطلع شاف ابوه قاعد مع عمو ايمن فتابع مساء الخير

عز وايمن مساء النور

عز الدين بحب تعالي يا يونس اقعد شويه عايزك في موضوع

يونس بستغراب خير اللهم اجعله خير وراح قعد

احمد ومازن دخلوا وقعدوا واستغرب يونس اكتر فتابع عز الدين هتعرف دلوقتي

مازن تنهد بعمق وبص للارض بوجع

ياسمين خرجت وتابعت بحب طلبتني يا بابا

عز الدين اقعدي يحبيبتي

ياسمين قعدت وابتسمت بفرح لانها فهمت ابوها هيقول ايه

عز الدين بحب ابن عمك طلب ايدك مني ايه رايك

ياسمين بصت للارض بخجل وتابعت اللي تشوفه يابابا

مازن اتوجع لانه فهم انها فهمت ان هو وبص للارض بوجع وقهر مش قادر يبص لعينيها

ايمن بضحك طلما كده تبقى موافقه ها يا عز رايك ايه

عز الدين بابتسامه مقدرش ارفض خلاص على خير باذن الله

يونس بستغراب ابن عمها مين اللي عايزها مش فاهم

وشهد خارجه من المطبخ بلشاي زي ما طلب منها ابوها

فنطق احمد بابتسامه انا يونس

ياسمين اتصدمت بشده وبصت لمازن اللي باصص للارض وقلبها وجعها وشهد اتصدمت اكتر والدموع اتجمعت في عينيها بقهر والصنيه وقعت منها