رواية ظلمت لكونها انثي الفصل الثالث والعشرون 23 بقلم عفاف شريف

إبتسامه حزينه تتمني أن تصبح سعيده

كحال قلبي

 

....................................

وضع يحيى المفتاح بباب شقه هبه 

وهو يردد :يلا يا أسماء بسرعه عشان هبه لوحدها في المستشفى مش عايزين نتاخر عليها وعلي الولاد

هاتي الهدوم والحاجات الناقصه لهبه والولاد 

وكمان شنطه مليكه كلها هنا هاتي حاجتها 

 وأنا هروح أخد دش بسرعه واغير هدومي عشان نرجع المستشفى 

اومأت له أسماء بهدوء وهي تسرع تحضر الملابس والنواقص كما دلتها هبه 

وتوجه يحيى نحو شقته للاستحمام سريعا ليعودو مره أخرى للمشفى

دلف لشقته بهدوء وهو ينظر في أثرها بإشتياق 

رفع عيناه للحائط

وهو ينظر إلى تلك الصورة

صوره زواجه وهو يبتسم بسعاده حقيقه 

حاملا حبيبته وزوجته الراحله إيمان 

رفع يده يتلمسها بشتياق وقلب متمزق على خسارتها 

خساره بألف خساره 

وحشتيني يا إيمان وحشتيني يا حبيتي

نطقها بعيون متألمه 

نقل عيناه إلى صوره أخرى

تحمل بها هي مليكه تضمها لصدرها بحب وفرحه 

وهو يضمها لصدرة

ابتلع تلك الغصه مره أخرى

تلك السعاده غادرته 

تركته بذاك البئر الأسود 

بمفرده 

يناضل ويحارب في معركه خاسره

أفلتت منه زفره رافضه لما يشعر به

يشعر أنه خائن

بسبب تلك المشاعر التي اقتحمت قلبه

تسللت إليه يوما بعد يوم

موقف بعد آخر 

ما تلك المشاعر 

إيمان حبيبته وعشقه الأول والأخير  انسيها 

لا لم ينساها 

والله لم ينساها 

قالها قلبه الباكي 

لم ينسى ولن ينسى 

لم ينسى ولن ينسى

لكن تلك المشاعر 

تصبح أقوى منه يوما تلو آخر

ولا يستطيع الفرار 

يحاول ويحاول

لكن تلك المشاعر تخونه

تظهر بمفردها 

تراوده الكثير من الأفكار حول هبه 

هبه تلك المرأه التي قابلها يوم تحاول التخلص من زوج حقير ضربها هي وأطفالها 

زوج نسي إنها إمرأه حره كرمها الله 

وأتى هو لإهانتها 

كسرها وحطمها بحجه واحده  فقط 

إنها زوجته وهو حر بها 

كلمه حمقاء من شخص أكثر حماقه 

شدد علي يده بقوه وغضب

وخانته تلك الابتسامة 

وهو يتذكر أنه كان  تلك اليد التي انتشلتها وساعدتها لتخلص من زوجها 

وشاء القدر أن يضعها أمامه مره اخرى

بهيئه جارته 

ومع الوقت أصبحت أم ابنته 

أم صغيرته التي حرمت من أمها 

يُتمت قبل أن تعي 

وكأن كالعاده كرم الله اكبر بكثير مما يتوقع

فرزقها بهبه 

تعامل صغيرته كابنائها

قطعه من قلبها

أغمض عينيه يحاول ازاحه تلك الافكار 

يحاول الهروب 

يحاول أن يقتل تلك المشاعر في مهدها

مشاعر لا يجب أن تكون أبداً

خاطئه 

وغير صحيحه بالمره 

ف  هبه

هبه حامل 

هبه حامل ولا يعلم مصيرها 

يجب أن يمحو ويقتل تلك المشاعر

يجب أن تمحى

ولا يدري 

أنه ربما تطور الأمر اكثر من كونها مجرد مشاعر 

سهل أن تقتل

أو حتى أن تُمحى

..................................

#ظلمت_لكونها_انثي 

#عفاف_شريف 

..................................

في المشفي 

كانت هبه مسطحه علي الفراش

تربت علي بطنها بخفوت 

تفكر فيما حدث اليوم

ما حدث جعلها تتراجع بخوف 

تلك المشاعر لا يجب أن تظهر  الأن ولا في  أي وقت من الأساس 

لن تحب من جديد 

لن تستطيع 

لن تخوض تلك التجربه مره أخرى

فقد خُذلت مره ممن ظنت أنه أقرب الأقربون 

هي اصبحت غير قادرة حتي علي الحب

كان قد اقسمت انها لن تقع ف الحب مره أخرى

فبالمره الاولي كان نصيبها محمود 

وقد كان القشه التي قسمت ظهر البعير فعلا 

جعلها تكره صنف الرجال ككل 

لكن اتي يحيى واثبت انه ليس كلهم محمود 

ليس كلهم اشباه رجال 

معقدين 

قذرين

يحيى ذاك الشهم 

اب ابنتها

ابنتها مليكه

نعم ابنتها ولن يقدر أحد علي انتشالها من بين أحضانها 

زفرت بضيق وهي تفكر 

تشعر أنها تسير علي حبل من نار

ولأول مره تشعر انها مخطئه

تلك المشاعر خاطئه 

وهذا مؤلم 

مشاعرها نحو يحيى تقودها حيث تخاف أن تذهب

يحيى ذاك الرجل الذي يتعمد أن يثبت لها أن محمود لم يكن يوما رجل 

افلتت منها ضحكه بائسه وهي تردد 

محمود ويحيى مينفعش أصلا يدخلو في مقارنه

لان وبكل بتاكيد  يحيى هيفوز

وأكملت:رايحه فين يا هبه 

رايحه فين تاني 

يا رب دلني علي الطريق الصح 

لاني تعبت 

رددتها بامل

...............................

#ظلمت_لكونها_انثي 

#عفاف_شريف 

................................

في منزل أحمد وسحر 

دلفت سحر تستند علي صدر زوجها حاملا اياها نحو غرفتها يسطحها علي الفراش بتعب وبجانبها حبيبه التي قفزت بفرحه تردد :عيدي تاني يا مامتي عشان خاطري 

سحر بضحك: هيجيلك تؤام

حبيبه بضحك وحماس : مش مصدقه 

بجد هيبقي عندي اختين او اخين 

ضحك أحمد وهو يردد بحذر :بطلي تنطيت جنب أمك يا حبيبه الدكتور محذر  بلاش إرهاق 

حبيبه بسرعه وحذر:ايوه صح 

عندك حق 

لازم نحافظ علي صحه ماما والبيبيهات 

صح هم نوعهم ايه 

قولولي بقي

سحر بهدوء :لسه مش دلوقتي 

هنعرف قدام جنسهم

 نظرت لها حبيبه بعيني متحمسه وقلب يكاد ينفجر فرحا والتصقت بها تحضتنها وهي تردد:هبقي اخت

اغرورقت عيني سحر وهي تنظر لزوجها وتردد:ايوه أخيرا هتبقي اخت

ومش اي اخت بالعكس الاجمل  والاحن على الاطلاق 

هتبقي امهم التانيه

صحبتهم وحضنهم التاني 

واكملت بإصرار :اوعديني يا حبيبه 

اوعديني تحبي اخواتك 

انتفضت حبيبه وهي تردد :اكيد يا ماما 

دول اخواتي الي بتمناهم طول عمري 

وأكملت  بحزن:تعرفي 

هقولك حاجه عمري ما قلتهالك 

نظرت لها سحر وأحمد بنتباه 

وهي تكمل:طول عمري كان نفسي ف أخ او اخت 

كنت بدعي كتير وأنا بصلي

كنت بحس قد ايه أنا وحيده في المدرسه والدروس وحتي الخروج  وأنا شايفه الكل معاه أخواته الا أنا 

مع انك صاحبتي  وأختي وأمي 

وكنتي وهتفضلي كل حاجه ليا

كنت بخاف افضفض معاكي اجرحك و تزعلي أنك مش قدرة ومش بايدك حاجه للأسف

لحد ما جه اليوم إلى  ربنا استجاب دعائي

عشان كده أنا هحطهم في عيني 

ابتسمت لها سحر بفخر وهي تنظر لأحمد  وتقول:ربينا صح يا أحمد

اومأ لها بتأكيد

 وهو يقترب منهم  بحب يضم سحر بيد ويفتح الاخري لحبيبه  التي اندفعت تندس ف احضانه

ليسمعاه يردد : انتو رزق ربنا ليا في الحياه 

ربنا يخليكم ليا ويباركلي فيكم 

ابتسمت له سحر وهي تهمس :بحبك 

وكان رده قبله عميقه علي خصلاتها  

قبله بالف كلمه وكلمه 

............................

#ظلمت_لكونها_انثي 

#عفاف_شريف 

............................

اندفعت خيوط الشمس تتسابق لتنشر دفئها بكل مكان ويحل الصباح معلناً بدايه يوم جديد للجميع

في منزل أحمد

استيقظت سحر تتمطع بكسل وهي تنظر حولها  تحاول تباين اين هي

اه إنها في غرفتها 

وما حدث لم يكن حلم 

بس واقع مميز 

نقلت عيناها لزوجها النائم بارهاق 

ابتسمت لوجهه بحب وهي تتحرك بحذر 

لكي تذهب للاستحمام وبداء يومها ولكن بحذر

كما أمرها الطبيب

اخذت منامتها الرقيقه وتوجهت للحمام 

وقفت عند باب الحمام تبتلع ريقها بخوف أن تقع مره اخري 

وبدأت تخطو بحذر 

وهي تري الارض جافه 

لكن خوفها جعلها تسير بأكثر من الحذر 

الى أن استحمت ومشطت خصلاتها وتوضئت لتصلي 

وكم كانت بحاجه للصلاه 

أن تقف بين يدي الله تشكره علي تلك العطايا التي وهبها الله لها 

تمنت ابن ورزقها اثنين 

وكان كريم للمره التي لم تعلم عددها 

كان كريم ومجيب للدعاء كما وعد عباده 

ارتدت الاسدال بهدوء 

وهي تكبر بخشوع وتؤدي صلاتها 

وقفت بين يديه تصلي وتدعو وتبكي بفرح

ستظل تحمد الله علي تلك الهبه طوال العمر 

انتهت من صلاتها واتت بمصحفها لتبداء بقراه وردها التي تخلفت عنه بسبب ما حدث ف الفتره الاخيره 

وعزمت أن تحافظ عليه والاذكار 

لكي تظل البركه في حياتها دايما 

ومر الوقت  بين قرأه الورد وأذكار الصباح والدعاء

وانتهت أخيرا

وهي تشعر بالراحه

براحه القرب من الله

..................................

#ظلمت_لكونها_انثي 

#عفاف_شريف 

..................................

في غرفه حنان والفتيات 

كانت فيروزة تجلس علي الارض تضم ساقاها إلى صدرها تنظر إلى الا شئ

بعيون حمراء لم تذق طعم النوم ولو للحظه 

تفكر فيما فعلت أمها 

لا تتخيل أن تصل لتلك الدرجه 

لكن 

لكن مهما فعلت ستظل أمها 

تحبها 

ماذا ستفعل هل ستهجرها هي الاخري 

لن تستطع ستفعل أي شي لكي تعيدها إلى الطريق الصحيح مهما كلف الامر 

حتي وإن ضربتها ستكمل ستفيقها

وقفت من مكانها تترنح وهي تتوجه نحو الخزانه تخرج الحقيبه تعدها بسرعه 

عازمه علي المغادرة 

واليوم 

................................

#ظلمت_لكونها_انثي 

#عفاف_شريف 

.................................

وقفت سحر بهدوء تخرج محتويات الثلاجه من معلبات للفطور 

لتنتفض علي صوت 

أحمد الغاضب وهو يقول:مش هتبطلي تقومي تتسحبي من جمبي وأنا نايم

ابتسمت بخفه وهي ترد:ما انت الي بتنام كتير اعمل إيه 

أحمد بتاكيد:بسببك أنتي وعيالك مخليني الف حوالين نفسي اعمل فيكو إيه 

ضحكت وهي ترد :سماح المره دي 

ثم تعال قولي إيه الي مصحيك بدري كده

أحمد بهدوء:حسيت بيكي مش جنبي ف قمت 

ابتسمت له وهي تحاول إكمال ما تفعل:يلا روح خد دش عقبال ما اخل.... ص

لم تكمل وهي تجد نفسها محموله توضع علي المقعد 

شهقت بخضه وهي تردد:ف إيه 

أحمد بهدوء :الدكتور قال راحه 

وانتي ما شاء الله  صاحيه  تحضري الفطار 

امم شكله حمل لطيف  من اوله 

واكمل بحزم: اسمعيني بقي يا ست سحر 

راحه وهترتاحي 

اكل كويس وهتاكلي 

عصبيه وهتمنعي 

حركه كثير ونروح ونيجي مفيش غير بحساب

نظرت له بغيظ وهي ترد :تحب استاذنك قبل ما أروح الحمام 

كتم ضحكته بقوه وهو يرد بحزم مصطنع  : ليه لا بعدين نبقي نشوف الموضوع ده 

نظرت له بعدم تصديق وهي ترد : لا بقي حرام عليك 

هي أول مره احمل 

أحمد بتأكيد:الحمل ده مختلف ولازم نحافظ علي صحتك ومش هتكلم في الموضوع ده تاني

ماشي 

نظرت له بغيظ وسعاده 

تعلم انه خائف وهي ايضا لكنها تكره القيود تحب أن تعمل بيدها تنظف وتطبخ تحب هذا 

سحر بهدوء :ماشي 

وأكملت: ممكن بقي تسيبني أحضر الفطار 

نظر لها بعدم تصديق وهو يضرب كف علي آخر يردد بصراخ:يا رب يا رب  رحمتك يا رب 

بقالي ساعه بكلم نفسي صح قوليلي 

اومال أنا بقول إيه يا بنت الناس

سحر انا تعبت منك هربطك في السرير صدقيني 

سحر بغضب:يعني انا مش هحضر الفطار اومال هعمل ايه 

ناقص تقولي هجيب حد يساعدني 

أحمد بتاكيد:ده هيحصل فعلا صدقيني

الشقه كبيرة وعددنا كبير بردو ومحتاجين مساعده 

سحر برفض: انت عارف يا احمد اني رافضه موضوع المساعده ومن زمان

انا مبحبش حد يدخل بيتي ولا يعمل حاجتي

الي في البيت بنتي واهلي 

وانا قادره اخدمهم

متحسسنيش اني عاجزه

قالتها بدموع 

تنهدت بتعب وهي تمسح دموعها بعصبيه وندم وهي تردد:هرمونات  الحمل بتخليني مش طايقه نفسي 

انا اسفه

مش قصدي اعلي صوتي عليك 

ظل ينظر لها بهدوء وصبر 

الي ان امسك يديها يجلسها بهدوء  وهو يقول: خلاص بلاش مساعده 

بس ف المقابل

انا هعمل شغل البيت والبنات معايا 

وهترتاحي 

كادت ان تعترض ليمنعها قائلا:مش عشان خاطري 

واكمل وهو يضع يده علي بطنها ويكمل:عشان خاطرهم 

وضعت يدها علي يده وهي ترد:حاضر 

و ضمها الي صدرة بحب 

الكثير من الحب 

..............................

#ظلمت_لكونها_انثي 

#عفاف_شريف 

..............................

في غرفه حنان 

فتحت عيناها  وهي تري ابنتها تحضر حقائبهم للمغادره 

كانت تشعر بها 

ف هي الاخري لم تنم لم تستطيع

ف تظاهرت انها نائمه خوفا فقط من المواجهه 

تحركت من مكانها وهي تراها تضع الملابس بعصبيه وتوتر بداخل الحقيقه 

لتهمس بخفوت:فيروزة

أوقعت  الحقيبه من يدها وهي تنظر  خلفها لترى امها 

ظلت تنظر لها كثيرا 

لتنفجر فجأه  باكيه تردد : ليه عملتي كده ليه

انا مصدقت لقيت حد يحبنا كده يا ماما 

حد يدي بدون مقابل

طول عمري بشوف معامله بابا ليكي

كنت بموت الف مره وانا مش قادرة اساعدك 

كنت بتقهر وانا شايفه  سكوتك عن الإهانه عشان خاطرنا 

وعشان البيت ميتخربش 

مكنتش فاهمه وجهه نظرك ابدا 

ازاي اقبل اعيش في حياه مش حياه لمجرد اني افضل زوجه 

ومخربش بيت مش موجود 

بس يوم ما جيتي هنا وعرفت انك أخدتي الخطوه اخيراً

كنت هطير من الفرح  اخيرا هتبقي حره  سعيده 

بس كل ده اتبخر تاني 

وانا شايفاكي بتبصي لحياه غيرك 

انا عايزاكي سعيده من قلبي 

بس تظني في سعاده  بتتبني علي تعاسه الغير

انتي كنتي هتقتلي عيال طنط سحر انتي فاهمه انتي كنت هتعملي إيه 

انتي كنتي هتدمري انسانه 

قالتها ببكاء يحرق القلب 

والاخري تهز رأسها  نافيه 

وهي تراها تندفع من الغرفه بسرعه 

نظرت في اثرها بقهر

وهي تردد بداخلها 

اعلم اني اخطئت وبشده 

لكن تلك العقوبة اشد واقسي مما استحق

.....................................

#ظلمت_لكونها_انثي 

#عفاف_شريف 

.....................................

كانت سحر تجلس علي المقعد تضع المربى ف الطبق 

وأمامها احمد يعد البيض  بالبسطرمه للصغار 

ليجدا فيروزه تدلف للمطبخ بملامح شاحبه ترتدي ملابسها  كانها مغادره لمكان ما 

سحر بخضه وهي تقف :بسم الله الرحمن الرحيم 

مالك يا حببتي وشك عامل كده ليه 

تبعها احمد وهو يردد:مالك يا فيروزه  

ولابسه ورايحه فين 

ابتلعت ريقها وهي تهمس :ماشيين

احمد باستغراب:مين الي ماشي 

وفين 

نظرت له بتردد وهي ترد :انا وماما واخواتي  هنمشي من هنا 

انتفضت سحر وهي ترد :انتي بتقولي ايه يا فيروزه

في حد زعلك 

متقول حاجه يا احمد 

احمد بهدوء :حصل ايه يا حبيبتي في حد ضايقك لو حصل حاجه قوليلي 

اغمضت عيناها وهي ترد بتعب: لا يا عمو بس يعني بقالنا كتير قاعدين واظن كفايه كده 

ولازم نشوف بيت تاني نقعد فيه 

سحر برفض: ده بيتكم ازاي تقولي كده يا فيروزه 

انا في في مره حسستك بغير كده

فيروزه بهمس:بالعكس حضرتك وعمو عمرك ما عملتو حاجه تزعلني او تزعل حد بالعكس كانت اجمل فتره في حياتي 

احمد بهدوء:طالما كده يبقي ليه عايزه تسيبينا 

كادت ان ترد 

لتسمتع الي زوجه عمها سحر تقول:تعالي شوفي بنتك يا حنان عايزاكم تسيبو البيت ينفع كده 

التفتت تنظر الي امها المطرقه رأسها بتعب وخزي

.......................................

#ظلمت_لكونها_انثي

#عفاف_شريف 

........................................

نظرت الي امها بضعف

لتردف: لازم نمشي يا طنط سحر ده الاحسن للكل 

هنفضل لحد امتي قاعدين هنا 

اخواتي مصاريفهم كتير وانا نويت ناخد شقه ايجار واشتغل 

ومتخفيش هنيجي نزوركم دايما 

سحر بإستنكار:انا مش هقبل بالكلام ده 

رد يا احمد 

احمد بهدوء: قلتلك يا فيروزه واقولك  تاني البيت ده بيتكم وانا وسحر عمرنا ما اعتبرنا انكم ضيوف ابدا 

وخروجكم من البيت ده امر مش هنتناقش فيه لانه مرفوض 

واكمل :متقولي حاجه يا حنان

ظلت تنظر لهم وهي تحاول ايجاد الكلمات  المناسبه  

الى ان قالت :فيروزه معاها حق لازم نمشي 

سحر بأعتراض:تمشو ازاي 

انتي ناسيه انه لولا انك كنتي هنا وانقذتني انا والتوأم  لا قدر الله  كنت خسرتهم

التفتت فيروزه نحو سحر بسرعه وهي تقول بوجه  باهت:ايه 

سحر بتاكيد:ايوه لولا امك كنت زماني خسرت التوأم

هي الي ساعدتني وفضلت معايا بتطمني لحد ما الاسعاف جه 

كانت معايا في كل لحظه 

بهتت ملامح فيروزه اكثر وهي تنظر لأمها 

شاعره انها اخطئت  تلك المره 

 وبشده

........................................

#ظلمت_لكونها_انثي 

#عفاف_شريف 

........................................

في المشفي 

كانت هبه تجلس علي فراشها في انتظار اسماء التي ذهبت للحديث مع زوجها  وابنها 

ظلت تقلب ف التلفاز بملل الي ان استمتعت  الى صوت الباب 

ردت بخفوت ظنن منها انها اسماء:اتفضل

لكن كانت الصدمه من حقها وهي تري امامها محمود

شحبت ملامحها وانتفضت بخضه تبحث عن حجابها ترتديه  بسرعه وهي ترد بخفوت :محمود 

واكملت بعصبيه :بتعمل ايه هنا 

ظل ينظر لها قليلا الي ان أردف  :بتلبسي حجابك  قدامي يا هبه 

انتي ناسيه اني جوزك

قاطعته بقوه:كنت 

واتفضل حالا اخرج بره قبل ما انادي الأمن

اقترب منها كانه لم يسمعها وهو يرد:روحت اطمن علي الولاد البواب قالي انكم ف المستشفى 

جيت اطمن عليكم قالولي انك هنا كمان 

انتي كويسه 

ابتلعت ريقها برعب وهي ترد بسرعه:ملكش دعوه 

اتفضل اخرج بره حالا

بره 

قالتها بعصبيه 

صرخ بها بقوه وعصبيه :هبه متعصبنيش 

انتفضت بخوف وكادت ان ترد  تطرده 

لكن جمدت حروفها وذبحت روحها عند سماع صوت الباب ودلوف الطبيبه وهي تردد :طمنيني عنك يا هبه النهارده

هبه بسرعه والرعب  يكاد يقتلها 

خائفه بل مرتعبه 

وهي تردد داخلها لا لا لن يعرف 

لا لن يحدث

وردت بسرعه:الحمد  لله يا دكتور 

معلش ممكن  نكشف بعد شويه

تعجبت الطبيبه من طلبها 

الا انها ردت بهدوء  :تمام هاجي كمان شويه.

زفرت انفاسها براحه 

ولم تكمل وهي تستمتع 

محمود:ممكن اعرف هي عندها ايه

كادت  ان تسأل  عن هويته ليسرع بالرد:انا جوزها

تحجرت عيني هبه وشعرت ان الارض تميد بها 

ان روحها تزهق ببطى ان النهايه حانت  

وهي تستمتع الي الطبيبه ترد بسرعه : الحمد لله  وضعها مستقر 

بس زي ما قلت لازم راحه عشان نقدر نحافظ علي الجنين 

لا لا لا همست بهم هبه بضعف وقهر امرأه تعرضت للكثير والكثير

محمود بستغراب:جنين 

جنين ايه 

الطبيبه ببتسامه:المدام حامل مبروك