رواية ظلمت لكونها انثي الفصل العشرون بقلم عفاف شريف
حملها يحيى بصدمه وهلع
وهو يراها تنزف بين يديه
أوقف أول سياره أمامه
لينقلها إلي المشفى بسرعه
نظر لها برعب وهو يراها شاحبه كالموتي
ملابسها مغطاه بالدماء
هزيله فاقده للحياه
ابتلع ريقه بخوف
وهو يتذكر موت زوجته الراحله
يجسد أمامه مره أخرى
اغمض عينيه
وهمس برجاء وألم :يا رب احفظها
..............................
#ظلمت_لكونها_انثي
#عفاف_شريف
..............................
في مكان أخر وضع الصغار وهو يردف بغضب : ما تكتميها بقي
أنا دماغي صدعت
ردت المرأه بضيق: أعمل إيه البت مش راضيه تسكت كأنها حاسه إننا خدناها من أمها
صرخ بها بقوه:اتلمي يا وليه
أنا مش ناقص
هي عمليه باينه من أولها
اكتميها يلا بدل ما اكتمها أنا
نظرت له بخوف وهي تحمل الصغيره تحاول اسكاتها لكن لا حياه لمن تنادي
ولم يمر الكثير وانضم الصغيران لها يبكيان هم ايضا
صرخ الرجل بغضب :بس بس
انتفض الصغار برعب وخوف
وبكو مره أخري خوف وهلع
وربما جوع
نظرت لهم المرأه بشفقه
وهي تلعن نفسها وزوجها الذي اجبرها على تلك العمليه
بل وخطف أطفال صغار ما زالوا رضع
في حاجه لأمهم
.................................
#ظلمت_لكونها_انثي
#عفاف_شريف
.................................
دلف بها إلى المستشفي
يصرخ بهم أن ينقذوها
هرع إليه الممرضات
وضعوها علي النقاله
لتدلف غرفه العمليات فورا
وهو يستمع إلى احداهم تهتف:المريضه حامل يا دكتور
تصنم في محله أثر تلك الكلمه
ينظر في أثرها بخوف وروح باهته
هبه حامل !
..................................
#ظلمت_لكونها_انثي
#عفاف_شريف
..................................
مرت نصف ساعه وما زالت ف الداخل
ما زال يقف في الخارج كالعاجز
استمع إلي صوت هاتفه
رد سريعا وهو يقول: طمني يا وليد
عملت إيه؟
في أي اخبار
واكمل بعصبيه:يعني إيه فص ملح ودابو
اقفل أنا جاي
مبقاش يحيى لو مرجعتهموش
ودفعت إلي عمل كده التمن غالي
غالي أوي كمان
سلام
اغلق معه
وهو يهاتف أسماء يطلب منها الحضور حالا للمشفي
فيجب عليه الذهاب سريعا للبحث عن مليكه
لكن لا يستطيع أن يترك هبه بمفردها
وهي بهذا الوضع
.................................
#ظلمت_لكونها_انثي
#عفاف_شريف
...............................
في منزل أسماء
انتفضت أسماء من فراشها بنعاس
وهي تهرع للحمام
شريف باستغراب:في إي
أسماء بخضه: معرفش
يحيى بيقولي تعالي علي مستشفي ..
شريف بقلق هو الآخر:استهدي بالله ممكن تكون مليكه بس تعبانه شويه
أسماء بخوف :مش عارفه
هو رجع من امتى أصلا
واكملت وهي ترتدي ملابسها:أنا هروح اشوف في أي
شريف هو يدلف للحمام:استني هاجي معاكي
أسماء برفض :مش هينفع يحيى نايم لو صحي لاقنا مش في البيت هيتخض
شريف بهدوء: طيب
بس طمننيني أول ما توصلي
أسماء وهي ترتدي حذائها :تمام
يلا باي
وخرجت والقلق بداخلها يكاد يخنقها
...............................
#ظلمت_لكونها_انثي
#عفاف_شريف
...............................
بعد نصف ساعه
كانت تدخل للمشفي
تركض في ارجائها تبحث عن يحيى
وجدته أخيرا
اندفعت نحوه تتسائل بخوف:حصل إيه يا يحيى
كاد أن يرد عليها
لكن قاطعه خروج الطبيبه من الغرفه
اندفع يحيى وهو يسأل بقلق:طميني يا دكتور
الطبيبه :حضرتك جوزها
يحيى بخفوت :لا جارها
هي كويسه
واكمل بقلق لا يعلم سببه:والجنين
الطبيبه بهدوء:الحمد لله
قدرنا نلحقها ونحافظ علي الجنين
بس هنحطها تحت المراقبه كام يوم
وممنوع تتعرض لضغط او توتر أبدا
اؤمى لها يحيى وهو يراها ترحل
يتبعه خروج هبه النائمه علي السرير النقال
اقترب منها وهو يردد :قومي بالسلامه
قومي عشان ولادك
و
ولم يكمل وهو
يشير إلي أسماء أن تتبعها
ويخرج من المشفي
عازما علي إيجاد الصغار بأي ثمن
................................
#ظلمت_لكونها_انثي
#عفاف_شريف
.................................
في منزل أحمد
استيقظت حبيبه مبكرا اليوم
لتقرر أنه مع صباح جديد بدايه جديده
استحمت وتعطرت وارتدت احدي منامتها الطفوليه
مشطت خصلاتها لضفيرتين
وتوجهت للمطبخ لصنع فطور لذيذ
وقفت أمام الطاوله بحيره
هي لا تحب صنع البيض
لكن تحب تناوله
وجائتها الاجابه بدخول فيروزه للمطبخ
فيروزه بإستغراب :صباح الخير
حبيبه بإبتسامه:صباح النور بنت حلال كنت واقفه محتاسه
فيروزه :سمعت صوت كركبه في المطبخ
قلت اشوف في إي
حبيبه بحماس :صحيت بدري قلت احضر الفطار
فيروزه بهدوء :هغسل وشي واتوضي وأصلي واجي اساعدك
علقي علي مايه الشاي عقبال ما أجي
اؤمت لها حبيبه بحماس وهي تراها تخرج للخارج
...................................
#ظلمت_لكونها_انثي
#عفاف_شريف
...................................
في المشفي
بغرفه زينب
كانت تجلس علي الفراش تغلي من شده الغضب
فابنتاها لم يظهرا إلي الأن
بالطبع الغت خطتها حاليا إلي حين ظهورهم
وفي نفس اللحظه دلفت ابنتاها للغرفه
زينب بغضب :كنتم فين يا هوانم
كل ده تاخير
من امبارح وأنا مستنايكم
واكلمكم التليفون مقفول
فاطمه بقوه:وفاء تعبت شويه
ومعرفناش نيجي
نظرت زينب لوفاء وهي تسأل بلا مبالاة :إيه حصل إيه
وفاء بتوتر:مفيش بس دوخت شويه
زينب : أه تمام
هخرج امتي من المخروبه دي
اقتربت منها فاطمه وهي تقول:إحنا لسه جايين
من عند الدكتور
وقال تقدري تخرجي
بس هنخلص ورق خروجك
وأكملت وهي تعطيها عده اوراق:بس عايزين امضتك عشان نخلص إجراءات الخروج
زينب بسرعه:تمام هاتي خلينا نخلص
اؤمت لها وهي تعطيها آياه
تراها توقع عليه
اعطتها إياه
لتلتفت هي تنظر لشقيقتها بهدوء
عازمه علي معاقبه أمها بأقصى عقوبه
......................................
#ظلمت_لكونها_انثي
#عفاف_شريف
......................................
في منزل أحمد
وقفت فيروزه بجانب حبيبه تعدان وجبه فطور لذيذه للجميع
حبيبه بحماس وهي تري هيئه الطاوله: واو شكلها جميل أوي
فنانه يا فيروزه بجد تسلم أيدك
ضحكت فيروزه بخجل وهي تقول :بجد عجبتك
حبيبه:أيوه جدا
حبيت طريقتك في رص الحاجه
ووردات وحركات
اختفت ابتسامه فيروزه وهي تتذكر محاوله إنجاح زواجها فيما مضي
لكن لم تستطع
وحمدت الله علي ذلك
حبيبه بهدوء:فيروزه انتي كويسه
فيروزه :أه يا حببتي
يلا روحي أنتي صحي طنط وعمو
وأنا هصحي ماما واخواتي
اؤمت لها حبيبه وهي تسرع حيث غرفه والدها
وظلت فيروزه تتنهد بتعب
.........................
#ظلمت_لكونها_انثي
#عفاف_شريف
...........................
في منزل زينب
ساعدت وفاء أمها علي الاستلقاء علي الفراش
دثرتها جيدا وتركتها
اغلقت الباب
وخرجت تبحث عن شقيقتها
دلفت لتجدها بالمطبخ
وفاء بهدوء :فاطمه
فاطمه وهي تقلب الطعام:ها
وفاء : ليه بعد ما قلتي هتكلمي عمامك رجعتي ف كلامك
تنهدت فاطمه واغلقت علي الطعام
وهي تلتفت لها وتقول: عشان ببساطه هي أمنا
سوا حبينا او لا
مهما عملت فينا
مهما خططت عشان تاذينا
هي هتفضل أمنا
مش قادرة افضحها بالشكل ده
عمامك مش هيسكتو مش بعيد يسجنوها
وفاء : يعني هتعملي إيه
فاطمه بتأكيد:هتاخد عقابها
وهناخد حقنا
وفاء :إزاي
فاطمه :هقولك
....................................
#ظلمت_لكونها_انثي
#عفاف_شريف
....................................
في قسم الشرطه
صرخ يحيى بغضب :يعني إيه ملهومش أثر
وليد بهدوء:أهدي يا يحيى
صرخ به يحيى بغضب:بنتي مخطوفه
إزاي عايزني اهدا
دي لسه بترضع
ولاد......... خطفو بنت بترضع
بس أنا مش فاهم لو أنا المقصود ليه خدو الولدين
وليه محدش أتصل لحد دلوقتي
صمت لدقيقه واكمل بعدم تصديق: مش لو كنت أنا المقصود من الاساس
وليد بإستغراب: اومال مين
يحيى بتأكيد:هبه
المقصود هبه
..................................
#ظلمت_لكونها_انثي
#عفاف_شريف
.................................
دلفت فيروزه لغرفه أمها
نظرت علي فراشها لتجدها تجلس مستيقظه
فيروزه بإبتسامه: صباح الخير يا ماما
نظرت لها أمها وهي تقول بهدوء:صباح النور
وأكملت:كنتي بتعملي إيه
فيروزه بإبتسامه: كنت بحضر الفطار مع حبيبه
و عملت
قاطعتها أمها بعصبيه:وتعملي الفطار ليه
إحنا هنا ضيوف نتخدم مش نخدم
نظرت لها فيروزه بصدمه
وهي تقول:انتي بتقولي إيه يا ماما
أنا مش بخدم حد ابدا
أنا بس بساعد
حنان برفض : ولا تساعدي
أنتي تقعدي مكانك متتحركيش سمعاني
فيروزه برفض: مينفعش يا ماما
أنا بساعد بمزاجي من حبي إني اساعد
وانتي شايفه الوضع
حبيبه كانت تعبانه
وطنط سحر حامل
والدنيا مش متظبطه
اقل حاجه أساعد في شغل البيت
حنان بغضب : انتي بتتحديني يا فيروزه
انتي مش هتبطلي قله ادب
وعدم سمعان كلام
ما هي طريقتك دي إلي خليتك تتطلقي
قالتها بتاكيد وغضب
نظرت لها فيروزه بصدمه
لا تقوى علي الحديث
فلم تجد ما تفعله سوا الاستداره ومغادرة الغرفه بقلب متألم
.................................
#ظلمت_لكونها_انثي
#عفاف_شريف
.................................
كانت سحر ما زالت نائمه تشعر بارهاق لا تعلم سببه
استيقظت علي صوت الباب
تجاهلته مكمله نومتها
وبجانبها استيقظ أحمد وهو يقول بنعاس :نعم
حبيبه :دي أنا يا بابا
نظر إلي زوجته وهو يقول:ادخلي يا حبيبه بابا
دلفت حبيبه بهدوء وهي تقترب منه تقبله وتقول:صباح الخير يا بابتي
أحمد بإبتسامه وهو يقبلها هو الاخر:صباحك بيضحك زي وشك القمر
حبيبه بضحك: هي ماما لسه نايمه
أحمد بضحك: اهي من يوم ما عرفت أنها حامل وهي بتنام بس
تقريبا بتخلص تعب الأيام إلي فات
حبيبه بإبتسامه : تمام
أنا حضرت الفطار يلا تعالوا
أحمد :تمام يا حبيبتي روحي وأنا هصحي ماما
اؤمت له وخرجت من الغرفه
اقترب أحمد من سحر وهو يقول:سحر
سحر بنعاس:امم
أحمد:اصحي يلا حبيبه حضرتلك فطار
سحر برفض:لا مش عايزه
سبني أنام تعبانه
أحمد بحنان:تمام يا حببتي
شويه بس
وهصحيكي
عشان تاكلي
لم تستمتع له واكملت في نومها وأحلامها
.................................
#ظلمت_لكونها_انثي
#عفاف_شريف
.................................
خرج أحمد بعد أن ابدل ثيابه
توجه للحمام أولا توضئ
ودلف لغرفته مره اخري ليصلي
وفي الخارج
انضمت حنان لهم
وجلست تاكل مباشره
نظرت لها فيروزه بحرج
فيجب انتظار رب المنزل أولا لكن لم تعقب
وما أثار ريبتها هو توقف أمها مباشره
فور سماع صوت عمها يقترب
أحمد بإبتسامه:صباح الخير
حنان بهدوء:صباح النور
وهمت بوضع له الطعام في طبقه
ابتسم لها بحرج
وهو يشكرها
وظلت فيروزه تنظر لأمها
بعيون متسعه من الصدمه
.................................
#ظلمت_لكونها_انثي
#عفاف_شريف
.................................
في أحد الفنادق
انهي عبد الرحمن ارتداء ملابسه
وهو يفكر في أمه
هل سيسافر للاسكندريه دون أن يراها
هل من الصحيح ما سيفعله
تتهد بتعب وهو يضع محفظته
مقررا أن يراها
حتي وإن رفضته
ستظل امه
...............................
#ظلمت_لكونها_انثي
#عفاف_شريف
...............................
وقف أمام البنايه يقدم قدم ويؤخر أخري
يحارب داخله
لا يريد ويريد
تنهد بقوه
وهو يدلف للبنايه
ويصعد نحو شقه أمه
كاد أن يستخدم مفاتيحه الخاصه
لكن تذكر حديثها
دق الباب
ولم يمر الكثير وفتحت أمه المبتسمه
واختفت ابتسامتها بمجرد رؤيته
...............................
#ظلمت_لكونها_انثي
#عفاف_شريف
...............................
نظرت له أمه وهي تقول:افندم
نظر لها بعجز وهو يرد:ماما أنا
ردت بقوه:ماما
مين ماما
أنا معرفكش
اتسعت عيناه بصدمه وهو يرد: إيه
قالت بهدوء: زي ما سمعت
من يوم ما خرجت من هنا وأنت مش إبني
ومش من حقك تقولي يا ماما
عبد الرحمن بصدمه: أنتي بتقولي إيه يا ماما
ردت بقوه:قلتلك متقوليش يا ماما
ماما علي أي اساس
احترامك ليا ولا كلامي إلي سيف علي رقبتك
أنت مش إبني
انت كسرتني وكسرت كلمتي
وأنا مستحيل اسامحك
وأكملت بدهاء إمرأه تعلم ما تفعل :بس
بس مكن اسامحك
بشرط واحد
في حاله واحده
نظرت لها وهي تكمل وتفتح الباب :تدخل البيت
وتنسي فيروزه نهائي
تنسي أنك ممكن تتجوزها
وتدخلها عروسه البيت ده
غير كده متجيش هنا تاني أبدا
تنساني
وتعتبر أمك ماتت يا عبدالرحمن
تحجرت عيناه بصدمه
وهو يراها جاده لا تمزح
ولن تتراجع
شعر أنه سقط من علي حافه الهاويه
وذبح بنصل بارد
.................................
#ظلمت_لكونها_انثي
#عفاف_شريف
.................................
انتهي الجميع من تناول الافطار
واسرعت حنان تعد لأحمد قهوته
منعتها فيروزه برفق : أنا هعمل يا ماما
حنان بحزم: لا أنا هعملها
وقفت فيروزه تنظر لها بجمود
خرجت من المطبخ تساعد حبيبه في ادخال الاطباق
لتجد أحمد يعد أحد الاطباق لسحر
ويضع لها العصير والفواكهه
ابتسمت فيروزه وهي تراه يدلف الغرفه والابتسامه تشرق وجهه
خرجت حنان ممسكه بفنجان القهوه وهي تسأل :اومال فين عمك
فيروزه بقوه: دخل لطنط سحر وهيقعد معاها
اشربي انتي يا ماما القهوه
نظرت لها أمها بغضب واعطتها الفنجان بقوه
حتي تساقطت عليها بضع قطرات
ودلفت لغرفتها
فيروزه بخوف:احنا لازم نسيب البيت ده
إلي بيحصل ده غلط
غلط اوي
............................
#ظلمت_لكونها_انثي
#عفاف_شريف
............................
دلف للغرفه حاملا طعام الفطور
وضعه علي الطاوله
والتفت لها يوقظها بهدوء
فتحت عيناها بنعاس مع إصراره علي إيقاظها
سحر بارهاق: مش عايزه يا أحمد عايزه أنام
أحمد بهدوء وهو يساعدها علي الجلوس
كلي وخدي الدوا وبعدين نامي
محدش هيصحيكي
تنهدت وهي تراه يجلب لها الطعام علي الفراش
ويطعمها
ضحكت بخبث
لينظر لها ويقول:افهم إيه من الضحكه دي
اشارت إلي الفطور وهي تقول:من امتي يعني
أحمد بضحك: انتي لا كده عجبك ولا كده عجبك
يا ست اهو بدلعك
ضحكت هي الأخري وقالت وهي تشير علي بطنها :عشاني ولا عشانه
اختفت ابتسامته ونظر لها بحب وهو يقول:عشانك طبعا
واكمل وهو يقبلها من وجنتها بحنان: بحبك يا سحر
ربنا يخليكي ليا وتقومي بالسلامه
ابتسمت له بحب وهي تدس نفسها بين أحضانه
وهي تردد:بحبك
..................................
#ظلمت_لكونها_انثي
#عفاف_شريف
..................................
في الخارج
اسمتعت إلى صوت ضحكاتهم
وهي تجلس علي فراشها تكاد تخرج ادخنه من رأسها
وهي تردد بحقد :اشمعنا هي مبسوطه
وأنا لا
هي معاها راجل بيحبها وبيحترمها وشايلها فوق راسه
راجل خايف عليها من الهوا الطاير
حب وبيحبها
إحترام وبيحترمها
خلفه وعندها بنت وحامل في الثاني
حتي اللبس والاكل والشقه
راجل بحق
عندها كل حاجه
وأنا معنديش أي حاجه
ليه
اشمعنا أنا
تنهدت بغضب وهي تفكر أن سحر حصلت السعاده فقط من تلك الحياه
اما هي فلم تاخذ سوا التعاسه والألم فقط
هبطت دموعها بقهر وهي تردد
اشمعنا هي
دلفت فيروزه للغرفه
لتجد أمها تبكي
أسرعت إليها وهي تقول:ماما
انتي بتعيطي ليه
نظرت بسرعه إلي فيروزه
ابنتها
ابنتها المطلقه
عمل سيئ جديد ابتليت به
إزاحتها حنان بغضب وهي تقول:غوري من وشي
انتي السبب
بسببك أنا أطلقت
كنتي عايزاني ابقي زيك
مطلقه
للمره التانيه تعايرها
تعايرها بطلاقها
كأنها عار
................................
#ظلمت_لكونها_انثي
#عفاف_شريف
...............................
ظلت تنظر لها
الا أن التفتت لتخرج لكن اوقفتها أمها وهي تردف
قولي لمرات عمك عيب الضحك والكلام الفارغ ده
هي ناسيه اننا عايشين معاهم ولا أيه
التفتت لها فيروزه وهي لا تصدق ما تقول
فيروزه بذهول:أنتي بتقولي إيه يا ماما
أنتي متخيله انتي بتقولي إيه
وأكملت بقوه: ده بيتها
بيتها هي
تضحك او متضحكش هي حره
طنط سحر بتعاملنا كويس جدا
إزاي تتكلمي عنها كده
واحده غيرها مكنتش قبلت الوضع ده
حنان برفض:ده بيت عمك
فيروزه برفض هي الاخري:لا بيتها
بيتها ولازم تعرفي أن عمي بيحبها
ماما أنتي عمرك ما كنتي كده
وأكملت بخفوت منكسر: ماما انتي بتغيري من طنط سحر
اتسعت عينا أمها
ولم تجد رد ينقذها من إتهام فيروزه سوا وهي ترفع يدها
تصفعها بقوه
................................
#ظلمت_لكونها_انثي
#عفاف_شريف
.................................
نظرت لها فيروزه بعجز وهي تضع يدها علي وجنتها وتردد: مفيش فرق بينك وبين بابا
كان بيستخدم الضرب عشان ينهي نقاش هو مش حابه
ودلوقتي إنتي كمان
كأنك نسخه طبق الأصل منه
مفيش بينكم للاسف فرق
توقعت إلي شاف الالم مش هيحب حد يعيشه بس تقريبا كنت غلطانه
راجعي نفسك
وفكري الست إلي إنتي متضايقه منها
ومش هكمل في النقطه دي بذات عشان وقتها هقول كلام مينفعش يتقال
بس هقولك الست دي مستحملانا في بيتها
وبتصرف علينا بدون استخسار أبدا
بتحبنا زي حبيبه
وبتتمنالنا الخير من كل قلبها
مشفناش عمرنا منها حاجه وحشه
تأكدي إنها متستاهلش منك كده
فوقي يا ماما فوقي
واوعي تمشي في الطريق ده
عشان هتندمي
ووقتها الندم مش هيكون كفايه أبدا
وخرجت
...................................
#ظلمت_لكونها_انثي
#عفاف_شريف
.................................
في منزل محمود
انتفض علي صوت الطرقات العنيفه
اسرع ف فتح الباب
ليجد أمامه ذاك الضابط
نعم هو من كان يحضر طلاق هبه
محمود بغصب :نعم
دفشه يحيى وهو يقول: فتشو البيت
انتشر الجميع يفتش المنزل
لكن لم يجدو أثر
يحيى بغضب:فين الولاد يا محمود
محمود بصدمه: ولاد إيه
أنا مش فاهم حاجه
يحيى بغضب: أنت هتستعبط
بنتي فين يا محمود
محمود بصراخ:بنتك إيه يا راجل انت
أنا معرفش انت بتتكلم عن إيه اصلا
نظر له بغصب وهو يقول:عيالك وبنتي اتخطفو
خدرو هبه وخطفوهم
نظر له محمود بصدمه وهو يفكر
مجيده الغبيه نفذت مخططها دون الرجوع له
الغبيه
همس بها بداخله
يحيى بغضب :العيال فين
محمود بغضب:أنا لسه عارف حالا منك
واديك فتشت البيت وملقتش حاجه
المفروض أنا الي اسأل عيالي فين
ده أنا هوديكم في داهيه
يحيى بغضب:لو عرفت أن ليك ايد في إلي حصل ده
هتدفع التمن غالي اوي
وغادر سريعا
..................................
#ظلمت_لكونها_انثي
#عفاف_شريف
.................................
في المشفي
كانت أسماء تقف بجانب سرير هبه التي تغط في نوم عميق
وهي تفكر
هبه حامل
وابنائها وابنه اخيها قد خطفوا
باي دوامه وقعت
افاقت علي صوت تاؤهات هبه
اقتربت منها أسماء بسرعه وهي تقول:هبه
سمعاني
ظلت تحاول فتح عيناها وهي تأن
وتردد بضغف: ولادي
ولادي
أسماء بهدوء: اهدي يا هبه
فتحت عيناها وهي تردد بضعف : ولادي فين يا أسماء
خدوهم من حضني
استكتروهم عليا
واكملت وهي تتحس بطنها:حتي ده خدوه
أسماء بسرعه: البيبي بخير
الحمد لله قدرو يحافظو عليه
اغمضت هبه عيناها بضغف وهي تردد:الحمد لله
الحمد لله
وأكملت:وولادي
مليكه
بالله عليكي قوليلي ولادي فين
أسماء بشفقه :استهدي بالله
الدكتور قالت القلق والضغط غلط علي الجنين
أهدي عشان نقدر نحافظ عليه
صدقيني يحيى مش هيرجع غير وهم في حضنه
اؤمت لها وهي تبكي برعب
وتردد:يا رب احفظهم يا رب
...................................
#ظلمت_لكونها_انثي
#عفاف_شريف
..................................
ظلت تحاول إسكات الصغار
لكن لم يحدث
بالعكس بكائهم يزداد
يرفضو تناول الحليب
والصغيره تكاد لا تصمت أبدا
رددت بخوف :يا لهوي العيال مش راضيين
يسكتو
يا لهوي يا خرابي دول ممكن يموتو
نظرت للصغيره وهي تردد: يعيني يا بنتي
تلاقي أمك هتموت عليكي
أنا كان مالي ومال المواضيع دي بس
منك لله يا جلال
حسبي الله ونعم الوكيل
بسببك العيال دي ممكن يحصلها حاجه
دول مبطلوش عياط ومش راضين يكلو حتي
وأكملت بخوف : طيب اعمل إيه
ظلت تفكر الا أن قالت: لازم اعمل كده
وربنا يستر
.....................................
#ظلمت_لكونها_انثي
#عفاف_شريف
...................................
في المشفي
ساعدت أسماء هبه أن تجلس لكي تاكل
هبه برفض:مش قادرة
أسماء باصرار وهي تجلس بجانبها :لازم يا هبه
عشان لما الولاد يرجعوا يشوفوكي كويسه
كلي عشان خاطرهم وعشان خاطر إلي في بطنك
ابتلعت هبه تلك الغصه وهي تبكي بألم
انزلقت دمعه من عيني أسماء وهي تحتضنها بقوه داعيه الله أن يحفظ هؤلاء الصغار
....................................
#ظلمت_لكونها_انثي
#عفاف_شريف
....................................
في منزل أحمد
خرج أحمد من الحمام بعد أن استحم
دلف لغرفته
ارتدي ملابسه
وخرج حيث يقف
الجميع يرتدي ملابسه استعداد للذهاب في نزهه
تحمس الجميع للذهاب
الا سحر فقد رفضت
أحمد بهدوء:يا سحر هننبسط
سحر :مش قادرة والله يا أحمد
بس لازم تخرج الولاد
الفتره إلي فاتت كانت صعبه علي الكل
اؤمي لها أحمد بعدم اقتناع
وهو يلتفت إلى الصغار يسأل بإستغراب:اومال فين حنان
فيروزه بسرعه: ماما تعبانه شويه
قالت مش قادرة
أحمد بهدوء:محتاجه تروح للدكتور
فيروزه بنفي:لا أبدا
هي بس عايزه ترتاح
اؤمي لها وهي يلتفت إلي سحر يقبل وجنتاها ويردد:خلي بالك من نفسك
اؤمت له بهدوء
وهي تراهم جميعا يغادرو للخارج
اغلقت الباب خلفهم
وهي تتجه نحو غرفه حنان
دقت علي الباب
لتسمتع إلي صوتها يسمح لها بالدخول
دلفت للغرفه
لتجدها تتسطح علي فراشها
اعتدلت بمجرد أن رائتها
سحر بهدوء:أنتي كويسه يا حبيبتي
حنان بجمود:أيوه
سحر بحنان: تحبي تقعدي معايا نطلب أكل ونتفرج علي فيلم حلو
نظرت لها حنان بجمود
إلي أن قالت:هنام
ابتسمت سحر بحرج وقالت:تمام يا حبيبتي نوم الهنا
تصبحي على خير
وتركتها وخرجت
وظلت تفكر لماذا تعاملها سحر بحنان
لماذا ؟
لماذا ؟!
.................................
#ظلمت_لكونها_انثي
#عفاف_شريف
.................................
ظل ينظر لأمه يحاول اخراج الكلمات من حلقه
إلى أن اردف بروح تزف إلي المذبح: موافق
تهللت اساريرها وهي لا تصدق اذنها
لا تصدق موافقته من الأساس
افسحت له المجال بسعاده
وهي تمسك يده تحسه علي الدخول بفرحه
لكنه لم يتحرك
بل ظل محله لعده لحظات
ثم ازاح يدها بكل هدوء وهو يقول :أنا اسف
مش هقدر ادخل
البيت ده مبقاش بيتي
..................................
#ظلمت_لكونها_انثي
#عفاف_شريف
..................................
في منزل أحمد
اغلقت سحر أنوار المنزل
وحضرت ملابسها لتاخذ حمام يريح جسدها قليلا
خطت بقدمها داخل الحمام بهدوء
ولم تري المياه المنسكبه علي الارض
فلم تشعر بنفسها الا وهي تنزلق بقوه
تقع علي الارض
تصرخ بقوه
سحر بالم :أه
ضهري
حنان
حنان الحقيني
ظلت تبكي شاعره بالم شديد
وهي كالعاجزه لا تستطيع التحرك
لا تستطيع انقاذ جنينها
صرخت بالم وقهر
ولم تري تلك الواقفه بعيد تنظر لها
................................
#ظلمت_لكونها_انثي
#عفاف_شريف
................................
في المشفي
دلف يحيى بتعب
متوجه نحو غرفه هبه للاطمئنان عليها
لكن وقبل أن يدلف للغرفه
سمع صوت هاتفه
التقطه بلهفه تحولت لخيبه وهو يري أنه الحارس
يحيى :أيوه
الحارس:الحق يا يحيى بيه
في حد حط صندوق كبير أوي قدام باب العمار
وفتحته لقيت فيه
بنت حضرتك وولاد الست هبه
بس مبيتحركوش
