رواية ظلمت لكونها انثي الفصل التاسع عشر بقلم عفاف شريف
ظلت تنظر له بعيون متسعه
غير قادرة حتي على الصراخ
وما أن وجدت صوتها حتي صرخت بقوه وهي تغطي عيناها بخوف ورعب
انتفضت بقوه وهي تستمتع إلى صوت الباب يحاول أن يفتح بقوه
اطبقت عيناها بقوه أكبر وهي تصرخ بصوت أعلي وأعلي
ليخرجها من صراخها صوت اباها وهو يهتف بفزع:حبيبه حبيبه
افتحي الباب أنا بابا
توقفت عن الصراخ وهي تنزع يدها برعب
تري أباها وأمها يقفان يحاولان فتح الباب برعب
ظلت تلتف حولها تبحث عن المفتاح
وجدته أخيرا
وما إن فتحته حتي اندفعت تلقي بنفسها بين أحضان أمها
تهمس بكلمه واحده:كأن هنا
...................................
#ظلمت_لكونها_انثي
#عفاف_شريف
...................................
في منزل أحمد
كانت فيروزه تحضر الطعام
لكن التقطت أنفها رائحه غريبه لم تحبها ابداً
قاومت شعور الغثيان
لكن لم تستطع
فركضت سريعا للحمام تفرغ ما في جوفها بقوه
استندت علي الحوض تحاول الاتزان
نظفت نفسها
وكادت أن تعود حيث كانت لتجد أمها امامها
فيروزه :ماما واقفه كده ليه
حنان :كنتي بترجعي ليه
فيروزه:مش عارفه شميت ريحه وحشه قلبت معدتي
ظلت حنان تنظر لها بتفحص وصمتت
فيروزه بهدوء :إنتي كويسه
حنان:أه
أنا هدخل الاوضه
فيروزه:ليه خليكي معايا
شويه وعمو أحمد وطنط سحر هيجو
حنان:عشان كده هدخل اوضتي
فيروزه باستغراب :مش فاهمه
حنان بلا مبالاة :مش مهم
وتركتها وهي تفكر في أمر ما
................................
#ظلمت_لكونها_انثي
#عفاف_شريف
.................................
في المشفي
كانت سحر تقف بجانب ابنتها المغشي عليها
تبكي بتعب
أحمد بخوف :يا سحر كفايه عياط
حرام عليكي هتقعي من طولك
خدي اشربي العصير ده
سحر بنفي : مش عايزه
أحمد بحزم: لازم تشربي أنتي ناسيه أنك حامل ولا أيه
الدكتورة اكدت بلاش توتر ولا عصبيه
اخذت منه العصير بتعب وهي تستند عليه
سحر ببكاء :أنا السبب
أحمد بهدوء: لا أنتي مش السبب
ده نصيب
الحمد لله انها كانت قافله العربيه من جوه
سحر بدموع:الحمد لله الحمد لله
وظلت تنظر لابنتها النائمه بتعب
وهي تردد:متي سينتهي هذا الكابوس المرعب
.................................
#ظلمت_لكونها_انثي
#عفاف_شريف
.................................
في المطعم
احتضن عبد الرحمن أدم بفرحه
وهو يردد:وحشتني يا جدع والله
أدم:وانت كمان
تعالي اقعد
تشرب أيه
عبد الرحمن بتاكيد:لا أنت ف بلدي أنا إلي اقولك كده
لما اجي عندك اسكندريه اطلب انت
قالها بضحك
واشار للنادل أن ياتي بالطلبات
عبد الرحمن بهدوء:جيت القاهره أمتي
أدم:النهارده الصبح
ورايا كام مصلحه هخلصها
وارجع تاني اسكندريه
عبد الرحمن:أحنا نشكر المصلحه بقا أنها خلتنا نشوفك
ضحك أدم وهو يقول:ياه بقلنا سنين مش عارفين نتقابل
عبد الرحمن بهدوء:مشاغل بقي
الدنيا تلاهي
أدم:أه والله عندك حق
واكمل:عامل أيه في الشغل هنا
مرتاح ولا
عبد الرحمن: هتصدقني لو قلتلك يا ريتني ما رجعت
حاسس أن الدنيا طبقه علي نفسي
والكل بيقول نفسي نفسي
أدم بهتمام:حصل أيه
تنهد بتعب وهو يقص له ما حدث
أدم بهدوء:سيب مامتك تهدي
وهي أكيد هترجع في قرارها
وبالنسبه للبنت
طالما أبوها بيقفل كلام بالطريقه دي
يبقي اطلبها من حد ثاني
خال
عم
علي الاقل تعرف الرفض منها هي ولا أبوها نفسه
انتفض عبد الرحمن وهو يردد:ازاي تاهت عني
عمها
أدم بغرور: عشان تعرف بس
معاك رقم عمها ده
عبد الرحمن باحباط:كان معايا
بس الموبيل بتاعي اتسرق وأنا مسافر والرقم كان عليه
صمت قليلا ثم هتف بتاكيد:بس أنا عارف بيته
من كذا سنه كان في ورق مش عارف اخلصه
وعرفت أنه يقدر يساعدني ف كتر خيره حل الموضوع وقتها كنت في اسكندريه
رحتله بيته اخده عشان كان تعبان ومش قادر يجي
أدم بسعاده: حلو اوي
فين بيته
عبد الرحمن بتاكيد:في اسكندريه
أدم بذهول:بتهزر
واكمل:فين بالظبط
عبد الرحمن:في .......
أدم :حلو اوي المنطقه تقريبا بعيده عني نص ساعه
يبقي تيجي معايا تبات عندي وبكرا نروحله
عبد الرحمن برفض:مش هينفع
ورايا شغل لازم يخلص
خليها بعد بكرا
أدم:تمام جدا
واكملا حديثهم
لا يدري كل منهم ما في انتظارهم من خبايا جديده
........................................
#ظلمت_لكونها_انثي
#عفاف_شريف
..........................................
في المستشفي
كانت تتحدث في الهاتف وهي تردد: هتنفذي كل إلي قلتلك عليه
النهارده
بلا تعبانه بلا زفت
اضرب الحديد وهو سخن
لا
تمام خلاص
بكرا
هنيجي لحد عندكم عشان متعملش شوشره
تمام
سلام
واغلقت الهاتف بشر
......................................
#ظلمت_لكونها_انثي
#عفاف_شريف
.....................................
في منزل هبه
كانت ترتدي ملابسها مقرره الذهاب الي الطبيبه
ستطمئن علي الصغير اليوم
هاتفت أسماء تطلب منها الأذن لإصطحاب الصغيره معها وهي ذاهبه للطبيبه
ووافقت أسماء شاكره
وضعت الصغار في العربه
وحملت الصغيره في سريرها النقال
فقط أعطاها إياه يحيى قبل الذهاب
خرجت وبداخلها مشاعر غريبه
لرؤيه ذاك الصغير
...................................
#ظلمت_لكونها_انثي
#عفاف_شريف
.................................
في منزل أحمد
نظرت فيروزه للساعه بقلق
تأخر أحمد وسحر
طلبتهم اكثر من مره لكن لا رد
اسمتعت إلي صوت الباب
اسرعت تفتحه
لتجد عمها يحمل حبيبه
خلفهم زوجه عمها سحر تنظر لها بتعب
افسحت لهم سريعا
ليدلف بحبيبه لغرفتها
وضعها علي الفراش وهو يقول قبل أن تسأله فيروزه
متخفيش هي بس نايمه
هتصحي كمان شويه
فيروزه بهدوء:هفضل جنبها
اؤمي لها أحمد
والتفتت ينظر الي زوجته التي تقف تنظر لهم بايعاء وتعب
أحمد وهو يقترب منها:لازم نتطمن عليكي
سحر بارهاق :مش قدرة عايزه أنام
أحمد :لا يلا لازم نتطمن عليكي وعلي الجنين يا سحر
اؤمئت صاغره ليس لاجلها
بل لاجل ذاك الصغير الذي يحارب من أجل النجاه
.................................
#ظلمت_لكونها_انثي
#عفاف_شريف
..................................
جلست هبه بغرفه الإستقبال تنتظر دورها للدلوف
وهي تلاحظ نظرات الجميع لها بفضول
خاصه انها تحمل ثلاث اطفال رضع
والاسوء لا ترتدي خاتم زواج
تاففت من نفسها
توبخها
يجب أن تاخذ حذرها في المره القادمه
سمعت أسمها
لتنهض سريعا
تدلف للطبيبه
استقبلتها الطبيبه ببتسامه هادئه وهي تقول :أهلا اتفضلي
جلست بتوتر كانها المره الاولي لها
الطبيبه بهدوء:قوليلي بتشتكي من أيه
هبه بتوتر :أنا حامل
الطبيبه ببتسامه وهي تنظر للاطفال الثلاثه :الف مبروك
باين انهم ورا بعض
هبه:أه
أنا مش عارفه أنا في أني شهر
وكنت عايزه اطمن علي الجنين
الطبيبه:تمام اتفضلي معايا
واشارت لها نحو السرير
وأكملت:متخفيش حطيها هنا لحد ما نخلص
ترردت قليلا قبل أن تضع مليكه بحرص
وتتسطح علي الفراش
شاعره بخوف لا تعلم سببه
....................................
#ظلمت_لكونها_انثي
#عفاف_شريف
....................................
نظرت حيث تشير الطبيبه وهي تسمعها تهمس :ده الجنين
ظلت تنظر حيث تشير والدموع تتساقط من عيناها
هل كانت ستتخلي عن هذا الصغير
هل كانت ستتركه
ابدا لن تفعل
اغمضت عيناها وهي تقول:هو كويس
الطبيبه بهدوء : اتفضلي علي المكتب نتكلم اكثر
اضطربت ملامحها بخوف وقلق
وهي تقف سريعا تعدل ملابسها
تجلس وهي تقول :قلقتيني يا دكتور
الطبيبه بهدوء:أولا ممنوع القلق نهائي من هنا ورايح
عايزه ست شهور راحه تام بدون ضغط أو عصبيه أو تشيلي حاجه تقيله
طبعا أنتي عارفه التعليمات دي من حملك قبل كده
بس دلوقتي اكثر
لازم تكوني حريصه
واكملت بهدوء :وضع الجنين للأسف مش مستقر
هطلب منك الراحه التامه
عشان شهور الحمل تعدي علي خير
لازم تنفذي التعلميات زي ما هقولك
وباذن الله تعدي علي خير ونقدر نحافظ علي الجنين
نظرت لها بضعف وهي تري
ذاك الأمل يتبخر
..............................
#ظلمت_لكونها_انثي
#عفاف_شريف
...............................
خرجت تجر عربه الصغار بضعف
وهي تفكر إلي أين الفرار الأن
هي وحدها
بدون أحد
خرجت من العياده
ولم تنتبه إلي تلك العينين المراقبه لها
..............................
#ظلمت_لكونها_انثي
#عفاف_شريف
..............................
مجيده بستغراب:دكتورة نسا وتوليد
كانت بتعمل أيه هناك
قالتها بقلق
تمام الغي النهارده
لحد ما اشوف هعمل إيه
اغلقت الهاتف وهي تفكر
ماذا كانت تفعل هبه هناك
هل من الممكن
هل من الممكن أن تكون حامل
................................
#ظلمت_لكونها_انثي
#عفاف_شريف
.................................
عادت هبه للمنزل مره اخري بخوف وقلق
سطحت الصغار
توضئت ووقفت تصلي وتبكي
خائفه بل مرتبعه
هل ستفقده بعد أن احبته
بعد ان تشبثت به
يا رب
قالتها بضعف
..................................
#ظلمت_لكونها_انثي
#عفاف_شريف
..................................
دلفت سحر وأحمد للمنزل بعد أن اطمنت علي الجنين
نصحتها الطبيبه بالحذر اكثر
فالقلق يضر بها وبالجنين
دلفت لغرفته ابنتها مباشره لتجدها كما هي نائمه بوجهه شاحب كالموتي
سحر بحزن: يا رب رحمتك
احفظها واحميها يا رب
................................
#ظلمت_لكونها_انثي
#عفاف_شريف
................................
تسللت خيوط الشمس بخجل معلنه عن بدايه يوم جديد
في منزل أحمد
تحديدا في غرفه حبيبه
قضت سحر الليله بجانب حبيبه
الى أن شعرت بها تستيقظ
افاقت هي الاخري وهي تقول: حبيبه
أنتي كويسه
اؤمت لها وصمتت
سحر بهدوء:حبيبه أنتي لازم تقوليلنا مين إلي عمل كده
ارتجفت حبيبه وكادت أن تبكي
لتمنعها سحر قائله:ميستهلش تنزلي دمعه بسببه
هياخد جزاته
انتي بس اتكلمي
اتكلمي واوعدك هاخد حقك منه
قوليلي مين الولد ده
نظرت لها حبيبه بارهاق
الا ان نطقت:هقولك
.............................
#ظلمت_لكونها_انثي
#عفاف_شريف
.............................
في منزل محمود
كان يجلس يستمتع إلي أمه
التي قررت فجأه أن يتم الزواج بعد ثلاث ايام
من بدايه الشهر الكريم
محمود برفض:فرح أيه وزفت أيه إلي عايزاني اعمله
مش كفايه الي هدفعه عشان بنت اختك
ردت عليه أمه بقوه:أنت عايز تدخل سُكيتي
ليه بنت اختي معيوبه ولا معيوبه
محمود بملل:أنا قلت الي عندي
لوحت أمه برفض وهي تقولي :وانا كمان الي عندي قلته
هتعمل الفرح بعد تلاث ايام يعني هتعمل الفرح
وغادرت
وظل هو يجلس مكانه يشعر بالندم
يشعر انه وقع في رمال متحركه
تسحبه حتي اصبح عاجز علي الخروج منها
.................................
#ظلمت_لكونها_انثي
#عفاف_شريف
.................................
في منزل أحمد
انتهت حبيبه من سرد كل ما يخصه عن هذا الشاب
لتردف سحر بحنان :انسي
انسي كل ده
ارمي ورا ضهرك
عشان تقدري تكملي
وضمتها الي صدرها
ولم تعلم أن أحمد يقف خارج الغرفه يستمع لهم بغضب شديد
.................................
#ظلمت_لكونها_انثي
#عفاف_شريف
.................................
في منزل مجيده
اسمتعت إلي الزغرايط تعلن عن تحديد موعد زفافها
تحدثت في الهاتف بضيق:مش هنلحق
لازم اعملها النهارده
ده بعد ثلاث ايام
تمام بسرعه بس
وأغلقت بقلق وخوف من القادم
..............................
#ظلمت_لكونها_انثي
#عفاف_شريف
...............................
غفت حبيبه أخيرا
لتخرج سحر من الغرفه تبحث عن أحمد
لكي تحاول اخباره بهدوء
فهي لا تضمن رده فعله أبدا
بحثت في كل مكان
لكن لم تجده
سحر بقلق:فين عمك يا فيروزه
فيروزه بهدوء:شفته من شويه واقف عند اوضه
حبيبه بعدين خرج بسرعه
سحر بشهقه:ياربي
سمعنا ولا إيه
بحثت عن هاتفها سريعا
وامسكته تتصل به
لكن لا رد
سحر بخوف :رد يا أحمد
يا رب استر يا رب
.................................
#ظلمت_لكونها_انثي
#عفاف_شريف
.................................
في منزل محمد
كان يرتدي ملابسه
وهو يدندن فاليوم سيذهب لرؤيه فتاه رشحها له صديقه
سيتزوج ويكمل حياته رغم أنفهم جميعا
......................................
#ظلمت_لكونها_انثي
#عفاف_شريف
......................................
بمنزل ولاء
كانت تجلس تفكر إلي متي ستظل تبتعد عن هبه
حتي وإن اخطئت ستظل ابنتها
واولادها احفادها
إن لم تحمها
وتقف بجانبها
من سيفعل
ابنتها الوحيده
يجب عليها أن تتكلم معها في أقرب وقت
يجب أن تصلح الامور
...................................
#ظلمت_لكونها_انثي
#عفاف_شريف
....................................
في أحد المراكز التعليمه
كان يقف مع أصدقائه يلهو كالعاده
باسل بغرور: مفيش بنت تقدر ترفضني
أحد اصدقائه :أنت ناسي حبيبه ولا أيه
دي ادتك علي قفاك
كاد أن يرد عليه بغضب
ليجد من يقتحم المركز يهجم عليه يوسعه ضرب بشده
انطلقت صيحات الجميع
محاولين تخليص باسل من يد أحمد
لكن لم يستطيع أحد
القى به أرضاً
يضربه بشده حتي نزف أنفه وفمه
أمسك أحد المقاعد
ليهبط به علي بطنه
وأخر علي يده
أربع مقاعد
وأحد تلو الأخر
يحطمه فوقه
ليغشي عليه من شده الألم
حتي وقتها لم يبتعد احمد
بل اكمل
يفرغ به غضبه
يتذكر بكاء ابنته
فزعها
ظل يضربه بقوه
إلي أن وصلت الشرطه
....................................
#ظلمت_لكونها_انثي
#عفاف_شريف
...................................
كانت سحر تزرع الغرفه ذهابا وايابا
لا تدري ماذا تفعل
سمعت صوت الهاتف
امسكته سريعا
وهي ترد:إيه
قسم
تمام أنا جايه حالا
واسرعت ترتدي ملابسها هي وفيروزه
متوجهين للقسم
....................................
#ظلمت_لكونها_انثي
#عفاف_شريف
....................................
خرجت من القسم وهي تري ملامح أحمد المرتاحه
سحر بخوف: أنا مش فاهمه حاجه
أحمد بهدوء : انسي الي حصل
انسي أي حاجه
خلاص خد جزاته
لا هيقرب من بنتا ولا من أي بنت تانيه
قالها بتصميم
......................................
#ظلمت_لكونها_انثي
#عفاف_شريف
.......................................
عادو أخيرا للمنزل
دلف لغرفه ابنته
ربت علي رأسها
لتستيقظ منتفضه
أحمد بحنان وهو يضمها إلي صدرة: ارتاحي
خدت حقك يا حببيبه بابا
دلوقتي تقدري تطمني
ابتسمت براحه والدموع تسقط من عيناها
شاعره أنها بخير
.................................
#ظلمت_لكونها_انثي
#عفاف_شريف
.................................
في منزل زينب
كانت فاطمه ترتدي ملابسها
هي وشقيقتها وفاء للذهاب لامهم
فقد طلبت منهم زينب الحضور فورا
وفاء بتوتر: مش ناويه تقوليلي إيه إلي بتهددي ماما بيه
صمتت فاطمه قليلا
لتقول بتوتر: هقولك
اغمضت عيناها وهي تقول
السر إن عادل مش اخونا الشقيق
شهقت وفاء وهي تقول: إيه
يعني إيه
فاطمه: يعني امك كانت متجوزه واحد تاني
وطلقها وهي حامل
وأول ما ولدت اتجوزت ابوكي
ومن كثر ما كانت مسيطرة عليه خلته يكتب عادل باسمه
وفاء بصدمه:مستحيل
بابا مستحيل يعمل كده
فاطمه:لا عمل
وفاء :طيب ده يضر ماما في إيه
فاطمه: يضرها طبعا
البيت والارض الي خدتهم وهم مش من حقها
لما بابا مات علي حسب الشرع الاملاك اتوزعت
للذكر مثل حظ الانثيين
يعني عادل خد نص الورث وهو مش إبنه أصلا
البيت والارض عادل ملهوش فيهم حاجه
عمامك كان المفروض يورثو بس وجود عادل منع ده
تخيلي لو السر انكشف
وفاء :عشان كده
فاطمه: بالظبط
وفاء :طيب ازاي عمامك مكتشفوش
فاطمه :ابوكي طول عمره عايش هنا
ولما امك ولدت
كتب عليها وقالهم أنه اتجوزها
بس استني لما تخلف عشان يقبلوها
وفاء :بس لما عادل مات المفروض عمامك يورثو
فاطمه:فعلا
بس امك اول ما عادل اتجوز خلته يعملها توكيل
كانت خايفه فيروزه تاكل بعقله حلاوه
واول ما طلقها
نقلت كل حاجه لاسمها
هزت وفاء راسها بتعب
وهي تري أنها عاشت عمرها باكمله
في مجرد كذبه
..................................
#ظلمت_لكونها_انثي
#عفاف_شريف
..................................
في المشفي
كانت زينب تتحدث مع احدهم
تخبره ما سيفعله بابنتها
ولم تعلم من يقف ف الخارج
...................................
#ظلمت_لكونها_انثي
#عفاف_شريف
..................................
خارج الغرفه
وقفت وفاء وفاطمه فاغرين افواهم بصدمه
مما يستمعون إليه
أمهم تحاول ايذائهم
فاطمه بقوه:شفتي قلتلك
متستاهلش اننا نسامحها
وزي ما هي غدرت
تستاهل الغدر
وفاء بخوف: هتعملي إيه
هعمل إلي كأن لازم يتعمل من زمان
................................
#ظلمت_لكونها_انثي
#عفاف_شريف
................................
في منزل هبه
كانت تجلس تهدهد الصغار وهي تغني
إلى أن استمعت الي صوت الباب
نظرت إلي الساعه باستغراب
وهي تقول:مين إلي هيجي دلوقتي
وضعت الصغيره علي الاريكه بحرص
ارتدت اسدالها
وهي تنظر من العين السحريه
وجدت امامها شابه صغيره تبكي
فتحت الباب بتوتر
وكادت أن تسالها عن هويتها
لكن لم تمهلها وهي تنثر علي وجهها رزاز ذا رائحه غريبه
تحركت بضعف تقاوم هذا الدوار وهي تحاول الوصول الي الصغار
إلا أنها سقطت فاقده الوعي
اشارت الاخري إلي رجل متخفي
وهي تقول:بسرعه
قبل ما الحارس يفوق
اؤمي لها وهو يدلف للمنزل
ينظر إلي الصغار ويقول:هي مش قالت أثنين
دول ثلاثه
هنعمل إيه
اجابته مؤكده:مفيش حل غير نخدهم الثلاثه
حمل الصغيرين
وحملت هي مليكه الصغيره
وخرجو سريعا قبل أن يستيقظ الحارس او أن يراهم أحد
................................
#ظلمت_لكونها_انثي
#عفاف_شريف
................................
ترجل يحيى من السياره أخيرا بعد عده ساعات من السفر
ابتسم بهدوء وهو يتذكر كيف أنهي العمل سريعا ليعود لصغيرته
دلف للبنايه وهو يعقد حاجبيه بستغراب : أين الحارس
هز راسه وهو يدلف للبنايه
كاد أن يدلف لشقته
لكن شوقه للصغيره
جعله يجاذف ويدق باب
هبه
دق علي الباب
ليجده يفتح
انقبض قلبه بخوف
وهو يفتخ الباب
ليري هبه ترقد ارضي
اسرع إليها يرفعها من علي الارض
يحاول افاقتها
يحيى بخوف:هبه هبه
لم تفق
اسرع يبحث عن صغيرته لكن لم يجدها
شعر بقلبه يهوي بين قدميه
اتي بزجاجه العطر سريعا ينثر منها لعلها تستفيق
وحدث
بدأت تفتح عيناها وتتؤه بضعف
أمسكت رأسها وهي تقول: دماغي بتلف
اجلسها وهو يهتف برعب :الولاد فين يا هبه
نظرت له تحاول أن تسوعب ما حدث
وهي تنطق بإرتجاف :كان في ست
جت
وأنا فتحت
ف هي رشت عليا حاجه
الولاد هنا
ولادي
مليكه
قالتها وهي تقف تترنح و تصرخ :ولادي فين
ولادي
صرخت بوجهه:ولادي فين يا يحيى
مليكه
أنا عايزه ولادي
ظلت تصرخ وتبكي بقوه
وهو غير قادر علي ايقافها
الا أن شعر بحركتها تهداء وتترنح
اما هي
شعرت بسائل لزج يتدفق من بين أرجلها
نظرت للأسفل بخضه ورعب
لتجد انها تنزف
نظرت له بخواء وضعف وقالت وهي تضع يدها علي بطنها :ابني
وسقطت مغشي عليها
