رواية عاق الوالدين الفصل التاسع عشر بقلم أيات الرحمن
#عاق_الوالدين 19
راشد اخد القهوه من رغده وشربها وبدء صالح يتكلم مع سهام ويفهمها ان رغده وراشد مش هينفع يكونوا لبعض
هنا كانت رغده فتحت عيونها بقوه من اللي سمعته معقول هما اللي بيرفضوها
مش عارفه هتعمل اي راشد شرب القهوه خلاص ولو اتكلمت يا عالم اي اللي هيحصل
سهام واخيرا اتفهمت الموضوع واتقبلته بحزن عميق هي كان عندها امل رغده تتزوج راشد ويفضلوا طول عمرهم عايشين في الفيلا بدل بيتهم.اللي بينهار جزء بجزء
صالح : وماتزعليش يا سهام راشد ورغده اخوات ولسه رغده ما دخلتش دنيا ومن حقها هي اللي تختار
سهام بحزن : اللي تشوفه يا اخويا اللي تشوفه
راشد: انا هخرج بقي اشوف عايزني ليه في المدرسة حمزه شكله عامل مصيبه وبدء يحس بخنقه انفاسه بتضيق وضربات قلبه بتزيد
وألم خفيف في بط.نه ومع الدقائق بيزيد
راشد بتعب :اااااه
رغده ارتبكت جدا وهي بتقوم كسرت الفاز اللي جنب الكرسي اللي هي كانت قاعده عليه
الكل وجه نظره ليها وخصوصاً سهام اللي اول ما لاحظت كدا علي بنتها حطت ايديها ع فمها والتانيه ع قلبها بنتها سميته وهي السبب
وبدأت ترجع بذاكرتها لما رغده قالت ليها لو اجبرتها علي الزواج منه يا هتق.تله يا هتق.تل نفسها
راشد كان في حالة صعبه بيصرخ من شدة الألم
معاذ كان بسرعه اتصل علي الاسعاف اللي بينها وبينهم يدوب عدة دقائق واتنقل راشد علي المستشفى
ومجرد ما اتقال ان دي حالة تسمم الكل شك في رغده
صالح وهو مش قادر يتمالك أعصابه : راشد يا دكتور ماله طمني علي ابني
الدكتور بقلق علي صالح من حالته : الحمد لله هو وصل المستشفى في الوقت المناسب قبل الس.م ما ينتشر في جسمه ويسبب ضرر لاعضاؤه هو هيفضل هنا يومين تحت الرعاية عشان نتطمن اكتر عليه بعد اذنكم
نسبق بالأحداث ست شهور
راشد كان خرج من المستشفى ولكن مش متعافي اوي ست شهور مش كتير لسه بردوا الس.م مقصر عليه وسهام وبنتها سابوا الفيلا بعد ما راشد رفض يعرضوها لأي مسأله قانونيه
واكتفي بس بخروجهم من الفيلا
اما صالح فكان عايش بين نا.رين نا.ر ندمه علي اللي كانوا بيعملوه في فريده ونا.ر فراق اخته مره تانيه وذاد زعله اوي لما عرف ان هما لازم يخلوا العماره اللي ساكنين فيها خوفا من خسائر الاروا.ح
وكمان لازم تشارك بالدفع في بنائها يا اما تبيع حقها لأي شخص من سكان العمارة ومن باب العلم بالشيئ هتبيع بنصف الثمن يعني لو بألف هتبيع بخمسائه
حتي اماكن الايجار غاليه جدا عليهم فكانت مضطره تشتغل في المنازل ورغده في مصنع ملابس
في الفتره اللي راشد تعب فيها كانت سعاد يدوب زيارات خفيفه كدا وسهام و رغده برا الفيلا ونيفين بعد اللي خالد عمله رفضت تكمل معاه وحبيبه معاذ مانعها تبذل اي مجهود خوفا علي الجنين يعني اولاد راشد حرفيا مفيش حد مهتم بيهم غير جدهم وراشد
اللي اتزوج زيزي بعد ما خرج من المستشفى بشهرين وقتها زيزي اهتمت بالاولاد وبراشد ووالده وعوضتهم عن كل لحظه صعبه مروا بيها وهنا القصد علي (حمزه و عبد الرحمن) .
خالد حاول كتير مع نيفين ترجع وبعد وقت طويل واخيرا وافقت ورجعت وعشان تجيب اطفال تاني اخدت وقت وسافرت هي وخالد
وكذلك معاذ اللي فقد الأمل من والده كان فاهم ان هيحرم راشد من الميراث بسبب اللي راشد عمله فيه ولكن هو عمل العكس وما حرمش راشد
معاذ اخد حبيبة وابنهم وسافروا هما كمان وسعاد رجعت الإسكندرية لبيتها وحياتها وسهام ورغده خالد دفع ليهم في اسهم البناء وبعد العماره ما خلصت رجع فيها جميع سكانها
ومش فاضل مع صالح غير راشد وزوجته واولاده ولكن بإختلاف ان زوجة راشد المره دي زيزي مش فريده
راشد قبل زواجه من فريده كافح وتعب كتير واتغرب يمكن اكتر من خالد ومعاذ ولكن الاخ الكبير عند معظم الاباء والاخوات بيكون مظلوم وبيكافح ويتعب ومجرد ما حد من اخواته يسافر ويبقي معاه فلوس دور الاخ الكبير دا بيتلغي وبيتظلم في كل حاجه
فريده جمعت ذهب كتير من الأموال اللي خالد ومعاذ كانوا بيبعتوها مصاريف لوالدهم وما.تت واللي اخدهم زيزي بعد ما خالد منع معاذ من الكلام في اي حاجه تخص الموضوع دا
راشد اتألم كتير واتعذ.ب كتير جدا علي ما قدر يرتاح الكتابه غير الحقيقه الكتابه في دقائق لكن الحقيقه شهور وسنين خسر زوجته وصحته وغير قله وخوفه من اختفاء ابنه واحتياجهم للقريب والغريب والشفقه في عيون الناس كل دي حاجات بتكسر اي حد
والدك ظهره بينحني عشانك مش عشان نفسه عشان يشوفك احسن الناس فبلاش تيجي وتكبر عليه شيله زي ما شالك وانت صغير ما هو انت ما اتولدتش كبير زوجتك مش هتتجرأ
تقسيك.علي اهلك من غير ما تشوفك انسان ضعيف قدام رغباتها وكلامها فهم زوجتك ان اهلك في كفه وهي في كفه ومعزتهم عندك واحده بلاش تهينها قدام حد منهم بلاش تفضل طول الوقت تذكر عيوبهم قدامها
مش قساوه عليها و لكن عشان ما يجيش يوم وتعمل زي راشد كدا علم زوجتك تحب اهلك هتعيش مرتاح وامنعهم من اذيتها لإن مفيش قسي بيتنسي لو عيشنا من العمر مليون سنه
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
