 |
رواية ظلمت لكونها انثي الفصل الثامن عشر بقلم عفاف شريف
تلك النجوم بعيده
مثلك
....................................
إهداء الي الجميله ملك
....................................
طبعا واجب الاعتذر عن التاخير المتكرر
لكن احنا في شهر كريم وفعلا اليوم مش ملكي ابدا
غير كده انتو عرفين اني الحمد لله مواعيدي منتظمه في الايام العاديه
ف بعتذر مره الثانيه
وبما اننا نزلنا النهارده ومش هلحق اكتب الجديد لبكرا
فموعدنا يوم السبت باذن الله ❤
.......................................
ظل ينظر لأمه بصدمه الجمت لسانه تماماً
يحدق بها
في أنتظار أن تضحك وتخبره أنها كانت تمزح مزحه ثقيله
أو حتي يتضح له أنه يتوهم
لكن ابتسامتها وخجل تلك الفريده
اوضحو ذاك المخطط
خطه محكمه لايقاعه ببساطه
أمه لم ولن تقبل بفيروزه
أمه خدعته
كطفل ف الخامسه من عمره
لا كرجل ناضج يعلم ما يريد
انتفض بغضب وهو يقول وعيناه لم تترك عيني والدته: وصلت لكده
لدرجه دي أنا رخيص في نظرك عشان تحطيني ف الموقف ده يا أمي
واكمل بقوه لم تتخيلها أمه
أنا اسف علي الموقف البايخ ده
لكن حصل سوء تفاهم
للاسف أنا مقدرش اتجوز بنت حضرتك فريده
لاني ببساطه خاطب
وبحب خطيبتي
رد لها الصفعه بعشر
وتستحق
....................................
#ظلمت_لكونها_انثي
#عفاف_شريف
...................................
دلف إلى المنزل يصفع الباب بغضب ونيران حارقه تشتعل في صدره
وهو يفكر إلي أين وصلت أمه
إلي أين وصل تفكيرها
الي هذا الحد لا قيمه له في نظرها
دميه تحركها هنا وهناك
أين هو من تلك المخططات
أين ذهب وسط احلامها
أين هو
وأين سعادته
ظل يستغفر محاولا الهدوء والتصرف بحكمه
فمهما حدث أمه ستظل أمه
لكن ما حدث اليوم
صنع بينهم شرخ لن تستطيع اصلاحه ابدأ
مهما فعلت
..............................
#ظلمت_لكونها_انثي
#عفاف_شريف
..............................
ظل يجلس مكانه وهو يستمتع إلى صوت الباب
يفتح ويغلق
وخطوات أمه الغاضبه تقترب وبشده
ظل ينظر أرضا حتى وقفت أمامه
تصرخ بغضب :أنت إزاي تعمل كده
بتقل مني قدام الناس
بتكسر كلمتي يا عبد الرحمن
وعشان خاطر مين
فيروزه
حته بت لا راحت ولا جت
لا مال ولا جمال ولا أي زفت
لا وكمان مطلقه
كسرت أمك عشان خاطر واحده متستاهلش
وقف بسرعه وهو يصرخ :فيروزه تستاهل
فيروزه مش نكره
جميله في عيني وده المهم
إنسانه لحم ودم
مش من حقك ولا حق أي أنسان علي وش الارض يقلل منها
سواء كانت بنت او مطلقه او ارمله
هي إنسانه
اما الالقاب العقيمه دي متخصنيش
كفايه جهل وقرف
بسبب الكلام المقرف والمتخلف ده بنات وستات كثير بتتظلم كل يوم وكل ساعه وكل ثانيه
بسبب إلى زيك و زي غيرك
إلي شايفين الست عروسه بين ايدهم
يحركوها هنا وهناك
لازم تلبس كذا وتعمل كذا
تمشي كده
تتجوز مين وممتجوزش مين
إيه التفكير ده
لحد أمتي
إنتي ست زيها
كنتي هتقبلي حد يعملك كده
ها
كفايه بقي التفكير كده كفايه
قالها وهو يلهث بقوه
بهتت ملامح أمه
وهي ترد بقوه: أنت اتجننت
أنت إزاي تكلمني كده
أنت مش عبد الرحمن إبني أبدا
دي اكيد عملاك سحر
ايه إلي حصلك
ابني أنا يعصي كلامي
وعشان خاطر مين
فيروزه
لا والف لا
فيروزه مستحيل تدخل البيت ده
وتبقي مرات ابني
أنا قلت اسيبك تراجع نفسك
بس طلعت غلطانه
تنسي فيروزه تمام
وتعمل حسابك
هتيجي معايا تعتذر لفريده وامها
وهتتقدملها
والا
عبد الرحمن بصوت خاوي:والا
ردت عليه بقوه:لا أنت إبني ولا أنا اعرفك
واشارت للباب :وتخرج من الباب ده
واياك تيجي تاني واعتبر أمك ماتت
ولو لسه مصر عليها
وعايزها
يبقي اتفضل
اخرج بره
ظل ينظر لها لعده دقائق
ولم يدري بنفسه سوا وهو يتحرك ليخرج من الشقه
تاركا اياها تنظر في اثره بصدمه وقهر
....................................
#ظلمت_لكونها_انثي
#عفاف_شريف
...................................
في منزل أحمد
اجتمعو جميعا علي طاوله الطعام
وقد فرح الجميع بانضمام حبيبه لهم
صامته لكن يكفي وجودها بينهم
فيروزه وهي تضع لها الطعام:عملتلك اللحمه زي ما بتحبيها
اعطتها ابتسامه متردده وهي تاكل بصمت
نظرت لها سحر بتعب وهي تقلب طعامها بشرود
أحمد بهدوء وهو يمسد ظهرها: أنتي كويسه
سحر بخفوت :أيوه
أحمد :اومال مش بتكلي ليه
سحر بهدوء وهي تزيح الطبق :مش قدرة
واكملت بهمس : هعمل الشاي عقبال ما تخلصوا
أحمد بهدوء: خليكي أنتي هعمله أنا
ابتسمت له بهدوء
ولم تري نظرات حنان لهم
................................
#عفاف_شريف
#ظلمت_لكونها_انثي
................................
في منزل هبه
عادت تجلس مع أسماء مره اخري
وهي تقول بود :منورة يا حببتي
أسماء ببتسامه: نورك يا غاليه
وأكملت وهي تحتضن الصغيره:شكرا ليكي يا هبه
الحقيقه مهما اتكلم مش هديكي حقك أبدا
يكفي أنك بتعاملي مليكه زي ولادك بالظبط
هبه مقاطعه حديثها:مليكه بنتي بالفعل
زي ما قلتلك
ومفيش داعي ابدأ للشكر
مليكه بقت حته من قلبي خلاص
بنتي إلي مخلفتهاش
تعرفي مش متخيله يومي أصلا من غيرها
ظلت أسماء تطالعها بشرود وهي تفكر
ماذا لو
وقاطع تفكيرها هبه وهي تقول:مش هتمشي غير لما تتغذي معايا
أنا هجهز الاكل علطول
وغادرت
تاركه أسماء
تفكر في
ماذا لو
..............................
#ظلمت_لكونها_انثي
#عفاف_شريف
..............................
في منزل محمود
نطق بصدمه :أنتي بتقولي أيه
مجيده بخبث :اسمعني بس
محمود برفض:مجيده أنتي بتلعبي بالنار
مجيده بتاكيد :ومالو
اسمع مني وهتكسب
هخليها تجيلك مكسورة مذلوله تبوس رجلك
مش ده إلي أنت عايزه
محمود بتردد: ايوه بس
مجيده باصرار: من غير بس
اسمع مني تكسب
محمود: بس
مجيده باصرار اكبر: عايز تكسر عينها ولا لا
محمود بحقد :اه
مجيده بشر :يبقي تمشي ورايا
وانطلقت تقص له مخططها الحقير تجاه المسكينه هبه
....................................
#ظلمت_لكونها_انثي
#عفاف_شريف
..................................
في منزل أسماء
عادت لمنزلها بعد أن قضت الوقت مع الصغيره وهبه
وهي تفكر في امر ما
لكن قطع تفكريها
شهقه خرجت منها وهي تري منزلها النظيف تحول إلي مكب نفيات
نقلت عيناها بصدمه
وهي تري أبنها يحيى وزوجها شريف
يجلسان علي الاريكه وحولهم قشور الب
وعبوات الشيبسي والشكولا الفارغه
ظلت تنظر لهم قليلا
قبل أن تصرخ:بتعملو ايه
انتفض شريف ويحيى بفزع وهم ينظران حولهم
مدركين ماذا سيحدث الآن
ف أسماء لا تكره شي في حياتها اكثر من بعثره المنزل
ستقتلهم حتما لا محال
شريف بتلعثم:أصل
ودفش الصغير يشير له أن يساعده
يحيى بسرعه:أصل أحنا قررنا نعمل هدنه
وخدنا الاحتفال يا مامي
أسماء بصراخ:مو لما يشطحك
احتفال ايه وزفت ايه
بقي أنا اقعد انضف البيت بالساعات
اغيب ساعتين زمن ارجع الاقيه زربيه
قشر لب وسوداني وموز
ايه مربيه نسناس
يحيى بتصحيح: اسمه monkey يا مامي
أسماء بهدوء كاذب :أيوه صح شكرا علي المعلومه
واكملت حديثها وهي تشير لزوجها:وأنا بقي ماشيه مطمنه أني سايبه جوزي حبيبي العاقل
حتي أنت يا شريف
طيب يحيى وممكن نقول عيل
أنت بقي ايه حجتك
شريف بهدوء :اسمعيني يا أسماء
أسماء بتاكيد:اسمعوني أنتم
معاكم نص ساعه نص ساعه بس
الاقي الشقه فله
شمعه منورة كده
وبراحتكم
وقد اعذر من انذر
وتركتهم يلعنو انفسهم علي إغضابها
.............................................
#ظلمت_لكونها_انثي
#عفاف_شريف
..............................................
في منزل أحمد
اجتمع الجميع في الشرفه لتناول الشاي
نظرت سحر لزوجها بتوتر ليمسك يدها وهو يردف بفرحه:عندنا ليكم خبر حلو
نظرت له حنان بهدوء وهي تقول :خير
أحمد بتاكيد:سحر حامل
سقط الكوب من يد حنان وهي تنظر لهم بصدمه
لكن تمالكت نفسها وهي تنحي لتجمعهم
فيروزه وسحر :حصل خير
وأكملت سحر:فداكي
حنان بهدوء:مبروك يا سحر
ربنا يتمملك علي خير يا رب
ووقفت تدخل لغرفتها سريعا تحت نظرات الجميع المتعجبه
فيروزه محاوله التخفيف من حده الاجواء :ألف ألف مبروك يا طنط ربنا يتمم لك علي خير
فرحتلك من قلبي
سحر بإبتسامه وتلقائيه: الله يبارك فيكي يا فيروزه
عقبالك يا حبيبتي
وهنا اختفت ابتسامتها
........................................
#ظلمت_لكونها_انثي
#عفاف_شريف
.........................................
في منزل والده عبد الرحمن
كانت تجلس مكانها تنظر إلي حيث ذهب وتركها أبنها الوحيد
فلذه قلبها
ذهب
ولأجل من
فيروزه
تلك الفتاه الملعونه سحرت لصغيرها
أخذته من بين احضانها
أبنها ذاك الذي لم يرفض لها طلب يوما
اليوم اخجلها واوقع كلمتها
فيروزه
يا بنت الابالسه
قالتها بكره
لذالك
العين بالعين والسن بالسن
وتستحق ما ستحصده منها
...................................
#ظلمت_لكونها_انثي
#عفاف_شريف
...................................
في منزل محمد
كان يجلس مع بعض من أصدقائه يستغل ميزه جديده من حياته وحيد
محمد بفخر:الاكل علي حسابي النهارده
وحيد صديقه:يا محمد يا عمهم
محمد بهدوء : تسلم يا غالي
ليرد عليه صديقه الاخر مفكر: الا قولي يا محمد
دي أول مره تعملها من سنين
وتعزمنا في البيت
واكمل بخبث:اومال فين الجماعه
محمد بغضب:غارو ف داهيه تخدهم
وحيد بخبث: سبوك
محمد برفض غاضب:طردتهم دول ولاد......
ميستلوش
وحيد:وهتفضل كده لوحدك
محمد بهدوء:أعمل إيه يعني
وحيد بتأكيد:إتجوز
ردد خلفه :أتجوز !
ولمعت تلك النظره الحاقده بعينيه بقوه
...................................
#ظلمت_لكونها_انثي
#عفاف_شريف
...................................
في المشفي
تحديدا بغرفه زينب
كانت مسطحه تنظر للسقف بغضب
وهي تفكر في تهديد ابنتها المتمرده
اذا كشف المستور ستخسر كل شي
ستصبح بالشارع
ولن تجد مأوى
ابنتها أصبحت تشكل خطر كبير
يجب التخلص منه
.................................
#ظلمت_لكونها_انثي
#عفاف_شريف
.................................
في أحد الشوارع
كان يسير بتعب
يفكر إلي أين يذهب
لن يعود إلي ذاك المنزل
علي الاقل الآن
هو لا يعصي أمه
لا يريد اغضابها
لكن ماذا بيده إن يفعل
لو كان هناك أمر علي هذا القلب
لفعل وازال حبها
لكنها اصبحت كالوشم علي قلبه
ماذا يفعل بهذا القلب
حقا هو بين نارين
نار هذا القلب ومن ملكته
ونار أمه وغضبها عليه
ماذا يفعل.
ايكسب أمه
ويخسر روحه
اهذا العدل
فكر بها بالم يكاد يفتك بقلبه
شاعرا أنه لم يعد يحتمل تلك الحرب
...................................
#ظلمت_لكونها_انثي
#عفاف_شريف
................................
في منزل أحمد
دثرت سحر حبيبه جيدا
قبلت وجنتاها وخرجت للشرفه
حيث يجلس كل من فيروزه وأحمد
فقد طلبت منه أن يتحدثا سويا
جلست بجانب أحمد وهي تسمعه يقول: أنا مش قادر افهم بردو أيه سبب اصرارك علي الشغل
فيروزه بتاكيد:يا عمي أنا محتاجه اشتغل
لازم اعتمد علي نفسي
اخواتي صغيرين ولسه المشوار طويل
أحمد بلوم:هو أنا اشتكيتلك يا بنتي
فيروزه بتاكيد :وعمرك ما هتعملها
بس مينفعش يا عمو
أنت وراك حمل وكمان الحمد لله طنط سحر حامل يعني مسؤوليه جديده
لو سمحت وافق
لأني هفضل طول الوقت حاسه أني تقيله غصب عني
أحمد بهدوء :اسمعيني يا فيروزه
أنا عارف أن الوضع لسه مش مستقر عشان كده ممكن تكوني حاسه بكده
بس صدقيني انتو مش حمل
انتو ولادي إلي مخلفتهومش
زيكم زي حبيبه وإلي جي
أنتي كلها كام شهر وتبدأي جامعه
يعني مسؤليه وحياه جديده
وأنا مستحيل اسمح أنك تقصري في دراستك عشان تشتغلي
فيروزه برجاء :طيب بس الشهور دي بتاعه الاجازه
ظل ينظر لها
ليجد يد زوجته تضغط علي يده
وهي تقول :أيه رأيك تكلم أدم يشغلها معاه في العياده
................................
#ظلمت_لكونها_انثي
#عفاف_شريف
...............................
نظر لها أحمد نظرات ذات معني
لترد فيروزه:مين أدم
سحر :الدكتور إلي جه كشف علي حبيبه
فيروزه بتذكر: أيوه
وأكملت:في فرصه اشتغل معاه
أحمد بحيره:مش عارف
بس هساله
فيروزه بهدوء:تمام عن إذنكم
وتوجهت لغرفتها
بمجرد أن اختفت عن أنظارهم
التفت إلي زوجته وهو يقول بستغراب: اقترحتي الاقتراح ده ليه ؟
سحر :الاول انت قلت ل أدم عن فيروزه وكده
أحمد : لا لسه
مجتش فرصه
أنتي عارفه بنخرج من حاجه ندخل ل التانيه
سحر :يبقي لازم تكلمه
في الأول والآخر فيروزه لسه في فتره العده
يعني لسه مينفعش يحصل حاجه
ممكن الفتره دي تشتغل معاه
لو ارتاحت ناخد خطوه
أحمد بتفكير :ممكن فعلا
تمام هعمل كده باذن الله
واكمل:امتى هتبدائي تتابعي مع الدكتور
سحر بحماس: المفروض من أول لحظه عرفت
بس انت عارف الدنيا مش مظبطه
أحمد بحزم:يبقي نروح بكرا
سحر بحنان :وناخد حبيبه كمان
يعني يمكن لما تشوف البيبي نفسيتها تتحسن
أحمد بتأكيد:وناخد حبيبه
ضمها اليه بحب
وهو يتمني من الله أن يحفظ اسرته الصغيره
شعر بها تتململ من بين احضانه
لتخرج منه
وهي تنظر للارض بتوتر
أحمد بهدوء :قوليلي عايزه تقولي أيه
سحر :عرفت حاجه عن الولد الي ..
أحمد بحزم:اطمني قريب اوي هعرف هو مين
سحر بتوتر :بس أنا خايفه
أحمد بتاكيد:أوعي
أوعي تخافي أبدا
أنا هنا مستحيل حد يأذيكم
تنهدت سحر بخوف
وهي تردد بداخلها
ليت الكلمات تريحها
ليتها
................................
#ظلمت_لكونها_انثي
#عفاف_شريف
...............................
في منزل أدم
كان يجلس علي الاريكه يفكر في تلك الفيروزه
لينتبهه إلي جلوس أمه بجانبه
أدم بخضه :في أي يا ماما
أنتي قاعده من أمتي هنا
أمه وتدعي شيماء:من بدري يا حبيب امك
بس انت مش هنا خالص
أدم بهدوء:أبدا كنت سرحان بس
شيماء وهي تقترب منه بشده:ف مين
أدم بخضه:بسم الله الرحمن الرحيم
في إيه يا ماما
ابعدي شويه ينوبك ثواب
أنتي متعرفيش شكلك وأنتي مقربه عامل ازاي
قالها بضحك
ضربت في صدرة بقوه وهي تقول:أنطق يا واد
أدم بهدوء:تسمحيلي اخد وقتي
وهقولك كل حاجه في الوقت المناسب
ظلت تنظر له بتفحص إلي أن قالت:تمام
أنا واثقه فيك
ابتسم لها
وهو يعود ليفكر ف تلك الفيروزه
.....................................
#ظلمت_لكونها_انثي
#عفاف_شريف
......................................
تخللت اشعه الشمس غرف الجميع
معلنه عن بدايه يوم جديد وربما أحداث جديده
في منزل أحمد
اجتمع الجميع كالعاده علي مائده الفطور
جلست سحر وهي تقول:اومال فين حنان
فيروزه:قالتلي هتنام شويه كمان
سحر بتاكيد:تمام شويه وأنا هدخلها الفطار بنفسي
اؤمت لها بحب لتسمعها تكمل: أنا طلعت سمك للغذا يا فيروزه وتبتله
لما هاجي من عند الدكتور نبقي نحضر الغذا
فيروزه بهدوء: طيب أيه رايك احضره أنا عقبال ما تيجي
سحر :أنتي غاويه تعب وخلاص
فيروزه بإبتسامه:أبدا بس أنا بحب الطبخ انتي عرفه
سحر بهدوء:زي ما قلتلك خليني لما نرجع نشتغل سوا
فيروزه بمواقفه:تمام
نظرت لها سحر بحنان
وهي تتمني بداخلها أن تحصل تلك الصغيره علي السعاده
................................
#ظلمت_لكونها_انثي
#عفاف_شريف
................................
في غرفه حنان
كانت تجلس علي الفراش وبداخلها مشاعر
لا تعلم ما هي من الأساس
مشاعر مختلطه
مزيج لا تستطع أن تصل إلي معناه
لماذا
تشعر بالغضب
لماذا
هل
هل من الممكن أن تكون
تشعر بالغيره
..................................
#ظلمت_لكونها_انثي
#عفاف_شريف
..................................
في أحد الفنادق الصغيره
كان عبد الرحمن يجلس يتناول فطورة دون شهيه
وهو يفكر في الوضع الحالي
ابتسم بتهكم وهو يري إلي أي حال
وصل
أصبح مشردا تمام
يجب عليه أن يجد لنفسه مسكن مناسب
لا يريد أن يتنقل من فندق إلي اخر
لا يحب الفنادق أصلا
سمع صوت هاتفه يعلن عن اتصال مزعج في الصباح الباكر
بحث عنه وسط الوسائد بملل
ليبستم وهو يرد
عبد الرحمن: عاش من سمع صوتك
هو يعني مينفعش تكلمني إلا لما انا اطلبك
تمام علي المغرب نتقابل
سلام
وأغلق وهو يبتسم بشرود
مفقتدا تلك الابتسامه
................................
#ظلمت_لكونها_انثي
#عفاف_شريف
.................................
في منزل أحمد
كانت سحر ترتدي ملابسها بحماس
اليوم هو أول متابعه لها منذ علمت بحملها
وكم تتوق وبشده إن تري هذا الصغير
تعرف أوضاعه
يا تري باي شهر هي
باي اسبوع
وما جنسه
لمعت عيناها بحنان وهي تمسد بطنها وتفكر
أي كان نوعه
او حتي شكله
لا تهتم أبدا
يكفي أن ياتي سالما إلي تلك الحياه
يكفي أن تضمه إلي صدرها بعد هذا الاشتياق
يكفي أن تري البسمه علي وجهه كل من أحمد وحبيبه
تنهدت بفرحه وهي تكمل ملابسها بتالق
إستعداد لليوم
.......................................
#ظلمت_لكونها_انثي
#عفاف_شريف
........................................
في غرفه حبيبه
كانت قد انتهت من ارتداء ملابسها ولم يتبقي سوا الحجاب
وقفت أمام المرأه
كادت أن تضبط حجابها
لتلمح تلك العلامات بجانب رقبتها
ارتجفت بقوه وهي تممر يدها عليها
تشعر أن روحها تسحب منها
حتي انها لم تشعر بدخول أمها للغرفه
سحر بحنان وهي تري هيئتها
حبيبه
انتفضت الاخري بفزع
لتطمئنها بحب : دي أنا يا حببيتي متخفيش
واكملت: تعالي اساعدك
هزت راسها رافضه
لتمسك يدها تجلسها علي الفراش
وتنطق بهدوء: مهما حصل مينفعش نستسلم
عارفه أنك مخنوقه
حاسه أنك مش قدرة
عايزه تنعزلي
بس جربي تخرجي وتكملي حياتك
انا عرفه انه صعب
بس انا بنتي قويه
افلتت شهقه من بين شفتي حبيبه وهي تردف بنفي:بس أنا مش عايزه اكون قويه
وانفجرت في بكاء عنيف
..................................
#ظلمت_لكونها_انثي
#عفاف_شريف
..................................
ضمنها سحر بين احضانها
ابنتها تحتاج أن تشعر بالامان
بكت حبيبه ولم توقفها سحر
بل تركت العنان لدموعها لعل وعسي تريحها
سحر بهدوء :عيطي
ساعات بنكون عايزين نعيط ومحدش يوقفنا
مش من الصح أنك تكوني قويه دايما
الصح أنك تدي ل نفسك فرصه تنهاري عادي وتخدي نفسك
عشان تقدري تكملي
وده القوه بحد ذاتها
حبيبه بتعب:أنا تعبانه
سحر بتفهم:عارفه خدي وقتك الكافي في الانهيار
بس اتعودي متديش للحزن أكثر ما يستحق
قالتها بتاكيد
....................................
#ظلمت_لكونها_انثي
#عفاف_شريف
....................................
في منزل مجيده
كانت ترقص وتغني بانتصار
ف الحقير محمود وقع في شباكها
وينفذ مخططها بالحرف الواحد
لم تتخيل أنه بتلك السذاجه
ستحقق ما تريد
وبيده هو
....................................
#ظلمت_لكونها_انثي
#عفاف_شريف
...................................
في منزل أحمد
قررت حبيبه أن تواجه مخاوفها
وتخرج معهم
ارتدت حجابها
وخرجت حيث يتنظر والدها
أحمد بحنان:أيه القمر ده
ابتسمت له بخجل وهي تراه ياخذها بين احضانه
ليقطعهم خروج سحر من المطبخ
سحر ببتسامه :أنا جاهزه يلا
أحمد :تمام يلا
وغادرا تحت حماس سحر وحبيبه
...............................
#ظلمت_لكونها_انثي
#عفاف_شريف
................................
وقفت حبيبه بجانب والدها ينظران للشاشه بذهول
لا يفهمان شيئ من الصوره لكن لايهم
يكفي وجود دليل علي وجود جنين
لتدق طبول قلبوهم فرحا
اخرجهم من شرودهم صوت الطبيبه وهي تقول :الحمد لله كل حاجه تمام
وده شي مبشر
أحمد بهدوء:هي في الشهر الكام
الطبيبه :مدام سحر ف أخر الشهر التاني
اتسعت عيني سحر وهي تستمع إلي الطبيبه
كانت تظن أنها قد تكون بالاول أو حتي التاني
لكن حتي الثاني قارب علي الانتهاء
سحر بفرحه: يعني كل حاجه تمام يا دكتور
الطبيبه :الحمد لله
متخفيش
ويا ريت نبعد تمام عن القلق
بلاش اجهاد ولا تتعرضي لضغط
واكملت :اتفضلوا علي المكتب نتكلم اكثر
اؤمئت لها سحر
وهي تنظر لأحمد
تبتسم من بين دموعها شاكره الله علي ذاك العوض
..................................
#ظلمت_لكونها_انثي
#عفاف_شريف
...................................
انتهو أخيرا
ليقرر أحمد اخذهم للمركز التجاري لشراء أغراض المنزل
جلبت سحر جميع ما تحتاجه
وتركت حبيبه تجلب ما تشاء
انتهوا أخيرا
وتوجهو نحو الحسابات
ليلتفت أحمد لسحر وهو يخرج مفتاح السياره ويقول:روحو اقعدو أنتو في العربيه
هحاسب واجي
سحر :خلينا معاك
أحمد برفض:لا روحو يلا
اؤمئت له وهي تاخذ حبيبه
وتذهب للسياره
جلست بها
ولم تلبث أن انتفضت وهي تقول لحبيبه:نسيت أجيب القهوه التركي
خلصت
وابوكي بيحبها
ولازم يشرب منها كل يوم
وأكملت : خليكي هنا هروح بسرعه اجبها واجي
اقفلي العربيه من جوه
اؤمئت لها حبيبه وهي تراها تغادر بسرعه
.....................................
#ظلمت_لكونها_انثي
#عفاف_شريف
....................................
ظلت تقلب بهاتفها بشرود
منتظرة أن تأتي أمها
رفعت رأسها بملل
لتتسمر مكانها وهي تراه من خلال المراه الاماميه
يقف خلفها تماماً
ينظر لها بحقد وغضب
....................................
#ظلمت_لكونها_انثي
#عفاف_شريف
....................................
دلف عبد الرحمن بهدوء لأحد المطاعم
ظل يبحث بعينيه قليلا
قبل أن يتوجه إلي احدهم
وهو يقول بصوت عالي وسعاده:واحشني يا دك
التفت له الأخر بسرعه وهو يردف
أدم بسعاده :عبد الرحمان
