رواية عاق الوالدين الفصل الثامن عشر بقلم أيات الرحمن
راشد رجع الفيلا وهو منتظر يشوف اي هي المفاجأة ولكن مفيش حاجة كل حاجه طبيعيه نظراته لوالده مش عتاب ان كتب كل املاكه لاخواته وهو لا هو عارف ان هو ظلمه
ولكن والده اصلا ما اخدش خطوه زي كدا هو مقرر من اول ماسكنوا في الفيلا ان هيقسم كل املاكه علي اولاده بعدل ربنا
والشخص المجهول دا كان قاصد يعمل كدا عشان المشاكل تكبر بين راشد ووالده فيحرمه فعلا من الميراث وطبعا الشخص المجهول دا مش شخص غريب بالعكس جدا هو قريب من راشد ومن د.مه كمان
.............
سهام : هتتجوزيه يعني هتتجوزيه وغصب عنك كمان
رغده : وانا قولت ليكي قبل كدا لو راشد دا اخر واحد في الدنيا مستحيل افكر اتجوزه عايزاني اتجوز واحد كان متجوز قبل كدا ومعاه طفلين ولا لازم اعاملهم كويس جدا
عشان.البيه يكون مرضي من الاخر كدا لو اجبرتيني يا هق.تله يا هق.تل نفسي
سهام بجحود : لو قت.لتي نفسك كل.به وراحت ولو قت.لتيه هتوصلي نفسك لعيشماوي وانتي عارفه ما عندوش رحمه ف الاحسن تحطي عقلك في رأسك كدا
وتستهدي بالله وتجهزي عشان جوازك من راشد هيتم هيتم برضاكي او غصب عنك
وخرجت وسابتها بتلعن الساعه اللي شافت راشد فيها
...............
صالح : انا اتكلمت مع عمتك علي رغده وهي موافقه
راشد : علي ايه
صالح : تتجوزها
راشد : مستحيل
صالح: ليه
راشد: رغده مش مناسبه ليا وبعدين هتجوزها فين يعني في الشارع
صالح : في الشارع ليه الفيلا دي صغيره البيت اللي كنت عايش فيه صغير
راشد ضحك بسخريه وقال : سبحان الله كل حاجه اتحلت بسرعه يا تري ايجار اوضه في الفيلا او البيت اللي كنت ساكن فيه هيطلعوا كام عشان اعمل حسابي بس
صالح بعدم فهم : مش فاهم
راشد: هو حضرتك شايفني عيل مش فاهم ان انت كتبت كل حاجه لاولادك
صالح كان لسه هيتكلم قاطعه راشد
بس دا حقك انا كنت عاق معاك لكن هما بروك فصدقني انا مش زعلان انا كنت متوقع كدا
صالح: انت بتقول اي كل حاجه اي اللي كتبتها ليهم مستحيل افكر في حاجة زي كدا
راشد بضحك : لا بجد
صالح : ايوه بجد لو مش عشانك.عشان حمزه وعبدالرحمن وصدقني لو كنت كتبت حاجه ليهم وانت لا فكنت هكتب نصيبك لاولادك فاهمني
راشد : يعني واحد لا اعرفه ولا يعرفني هيكذب عليا ليه يعني
صالح : راشد بلاش الغاز ماتنطق علي طول
راشد: في واحد ما اعرفوش اتكلم من شويه وقال انك كتبت كل حاجه لاخواتي وانا لا وفي مفاجأة منتظراني لما ارجع
وان هو السبب في كل حاجه انا اتعرضت ليها
صالح : وانت صدقت اسمع يا ابني لو عايز تعيش في الدنيا دي ما تسمعش لحد انت لسه صغير يا راشد ولسه يا ما هتتعلم يا ابني انا لو بسمع كلام حد كنت كتبت ليهم كل حاجه
لكن ما بسمعش لحد انا عايزكم احسن ناس مفيش عداوه بينكم وبين بعض رجع حاجتك مكانها وتعالي نتكلم مع عمتك ونشوف طلباتهم
راشد : رغده مش مناسبه ليا بجد مش هتقدر تتحمل الطفلين انا عايز واحده تعتبرهم اولادها تراعي ربنا فيهم
صالح : كان قدامك زيزي يا راشد بتحبك وبتحب عيالك وبتخاف عليهم واللي اثبت ليا كدا يوم المستشفي ويوم اختفاء حمزه
بس يا خسارة فرصة العمر بتروح ومابترجعش ابدا زيزي اهي اتخطبت
راشد وهو بيلم ملابسه ومتوجه للدولاب : لا ما هي ما اتخطبتش
صالح : ليه
راشد : اصلها انتح.رت
صالح بخضه : ايييييه ما.تت
راشد : لا لحقوها علي اخر لحظه والولد اللي كان هيخطبها رفض يكمل معاها
صالح : وانت عرفت الكلام دا منين
راشد: ناهد كلمتني وفي لحظة عصبيه حكت ليا اللي حصل وقالت ذنب زيزي في رقبتي
صالح اخد نفس طويل وقال : طب اجهز عشان بكره بإذن الله هنروح نتطمن عليها ونصلح الوضع دا ونخطبها ليك زيزي بنت ناس وحابه اولادك علي حبها ليك فاهمني صح
راشد ودموعه علي وشك النزول : مش قادر اكمل مع حد غير فريده
صالح بحزن : فريده اكيد مش راضيه بتشتيت اولادها كدا فريده هنا وشاور علي رأس راشد وهنا علي قلبه
راشد سمح لدموعه تنزل والده ضمه ليه وقال : ربنا يصبرك يا ابني علي فراقها
.............
نيفين من شدة.الضر.ب كانت مغمي عليها ف خالد فكر ان هي ما.تت كان واقف في حالة من الزهول واخيرا قرب وشالها وخرج بيها من الباب الخلفي للفيلا علي اقرب دكتور
............
معاذ كان واقف منتظر يحصل اي مشكله بين راشد ووالده ولكن انصدم لما شافهم خارجين مع بعض وبيضحكوا وصالح حاطط ايديه علي كتف راشد
..................
عند هانم والدة فريده
كانت قاعده لا حول ليها ولا قوة
ليلي زوجة ابنها : هتفضلي كتير كدا يا ماما فريده محتاجه دلوقتي الدعاء مش الحزن محتاجه صدقه تطلع علي روحها محتاجه نقرء ليها قرآن ونزورها في قبرها نروح ونتطمن علي اولادها
قعدتك كدا مش هتجيب نتيجه كوني قويه قدامنا حتي عشان احنا كلنا مستقويين بيكي
هانم وهي ظاهر عليها جدا الحزن : انا قوتي راحت معاها قلب امها راحت بدري اوي
ليلي : استغفري الله يا اما ما تغلاش علي اللي خلقها
وربنا يجعل تعبها في ميزان حسناتها
هانم: يارب عاشت يا ضنايا يتيمه ومظلومه في عيشتها قسوا قلبها اوي كانت طيبه اوي يا ليلي قبل ما تتجوز واللي في ايديها ما كانش ليها رحمة الله عليكي يا فريده رحمة الله عليكي
ليلي ضميتها بحنان وقالت : هوني علي نفسك يا اما وادعي ليها وطلعي اي حاجه لله بنية الصدقه عنها
هانم: ومالوا يا بنتي ما اطلعش ليه هو انا هطلع لاغلي منها
ليلي : طب يلا قومي كدا انا اشتريت كام حاجه كدا دونتس هنوزعهم علي الاطفال اللي في الشارع رحمه ونور عليها قومي معايا
هانم وهي بتقوم : يلا يا بنتي ربنا ما يكسر ليكي قلب ويجبر بخاطرك يلا
...............
سهام كانت فاكره ان صالح هيتكلم عن رغده ويطلبها لراشد لكن هما كانوا رايحين ينهوا الموضوع دا لان رغده مش مناسبه
سهام بسرعه راحت لرغده وقالت ليها تجهز عشان هتتخطب لراشد ومفيش اى...... حاجه هتغير رأيها
.............
خالد بحزن : خلاص يا دكتور مفيش امل
الدكتور: للاسف ماقدرناش ننقذ الجنين وللاسف المدام مش هتحمل تاني بسهوله كدا لازم هتتعالج الاول
خالد غمض عيونه هو عارف ان هو غلط وكمان نيفين اتعذبت اوي علي ما حم.لت في البيبي دا دي اخدت وقت طويل من وقتها وصحتها
مفيش حد كان معاها غيره هو الوحيد اللي كان شاهد علي كل حاجه فرحتها بالبيبي وتعليقها بيه من وقت ما عرفت بوجوده وهي بتعد في الايام عشان نفسها يكون بين ايديها وبلحظة غبا.ء منه دمر ليها.احلامها
الممرضة: حمدا لله على السلامه
نيفين بتعب : انا فين
انتي في المستشفى زوجك نقلك هنا وانتي بين الحياه و المو.ت دا شكله بيحبك اوي وبيخاف عليكي مو.ت
هما الممرضين معظمهم كدا بييجوا يهونوا علي المريض بيقلبوا الدنيا 😌
نيفين بهدوء كدا لمست بط.نها وقالت بخضه : ابني ابني فين
الممرضة : قدر ولطف يا مدام ربنا كتب ليكي عمر جديد والطفل فداكي
نيفين سمعت الكلام دا وكانت بتحاول تقوم لكن نفس الممرضة منعتها وقالت : ما تزعليش يا حبيبتي هتجيبي احسن منه ان شاء الله شهرين تلاته بالكتير ويمكن ربنا يبعت ليكي توأم
كلام الممرضة مستفذ جدا وكل ما نيفين تحاول تقوم الممرضة تدفعها اللي هو مش هتقومي من مكانك انا وراكي والزمن طويل
نيفين بدءت تصرخ بكل قوتها بهدلت شعرها ونفسها جدا الدكتور وخالد دخلوا بسرعه كانت نيفين اغمي عليها
وبعد شويه
الدكتور خرج وقال لخالد ان نيفين جالها انهيار عصبي
..............
رغده نزلت بكل هدوء عكس العاصفه اللي جواها ودخلت المطبخ اما سهام فقعدت مع صالح وراشد عشان يخلصوا بقي الموضوع دا ورغده وراشد يتزوجوا
ولكن كانت هي علي خطأ وهما كانوا بيحاولوا ينهوا الموضوع دا عشان كل واحد يكمل حياته زي ما هو عايز
رغده كانت عملت ليهم قهوه عادي ودي كانت اول مره تعمل كدا من نفسها واختارت كوب راشد وخرجت كيس فيه س.م فئر.ان وضافت منه في القهوه
وخرجت قدمتها لصالح ووالدتها ومعاذ اللي كان متغير طول ما هو قاعد وراشد اللي اخد الكوب اللي فيه الس.م في الاول رفض لكن سهام ظنت ان رغده عرفت ان حياتها هتكون احلي مع راشد فوافقت
وهنا سهام اتدخلت وقالت ان دي اول مره رغده تدخل تعمل قهوه لحد من نفسها وياريت يا راشد ما تكسفهاش واشرب القهوه
راشد عشان مايزعلهاش ظننا منه ان الزعل جاي جاي يعني ف اخد القهوه وشربها وفي دقائق معدوده كان راشد بيتألم بشده وووووووووو
شكرا لزيارتكم عالم روايات سكيرهوم
