 |
رواية ظلمت لكونها انثي الفصل السادس عشر بقلم عفاف شريف
تلك الصفعات قتلتني
....................................
جحظت عيناها برعب أكبر وهي تتعرف علي صاحب الصوت القبيح كصاحبه
تلوت بين يديه بقوه محاوله الصراخ وهي تبكي بقوه
تريد الصراخ بكل قوتها لعل أحدهم ينجدها من بين يدي ذلك الحقير
شعرت بشفتيه تقترب من اذنها بخسه وهو يهمس: أنتي بتاعتي
بتاعتي أنا وبس
قالها ويديه تسير علي جسدها بفجر
انتفضت بين يديه باشمئزاز وقرف
تكاد تسقط مغشي عليها هاربه من تلك اللمسات
تكرهها
تبغضها
يا رب
هتفت بها بداخلها بألم كبير
كادت أن تستلم للظلام
لتستمتع إلى صوت أحدهم ينادي باسمها
ظلت تتلوي بقوه
ولم تجد ما تفعله سوا قضم يده بقوه
جعلته يصرخ ويفك يده
لتنطلق راكضة تصرخ باقوي ما لديها
لتجد أمامها والدها
ركضت بسرعه حيث يقف
وانطلقت تلقي نفسها بين أحضانه برعب لم تري مثله قط
أحمد بقلق ورعب :حبيبه
حبيبه
ردي عليا
اختلع قلبه وهو يشعر بجسدها يهمد بين يديه
حركها قليلا ليجدها تسقط بين يديه مغشي عليها
مستسلمه لذاك الظلام
ولتلك النظرات خلفها
...............................
#ظلمت_لكونها_انثي
#عفاف_شريف
..............................
بمنزل أحمد
كانت سحر تنظف المطبخ بشرود وخوف يزداد بقلبها
التفتت لوضع الاكواب علي الطاوله
ولم تدري بشى سوا سقوطها جميعا متحطمه لأشلاء
سحر بخضه:بسم الله الرحمن الرحيم
دلفت فيروزه بخوف وهي تقول: في إيه يا طنط
سحر بوجه شاحب :مفيش أنا هلم ابعدي انتي بس
فيروزه برفض :لا لا اقعدي أنتي وشك أصفر خالص
سحر بتعب : اتصليلي بحبيبه يا فيروزه
أنا قلبي واجعني
فيروزه بقلق هي الاخري :حاضر دقيقه
امسكت الهاتف بسرعه
محاوله الاتصال بحبيبه
لكن لا رد
فيروزه بتوتر: مفيش رد
ممكن تكون مش سامعه
دقيقه هرن علي عمو
سحر بقلق يزداد: بسرعه بالله عليكي
فيروزه :مش بيرد هو كمان
سحر وهي تترنح: بنتي يا رب احفظها
استرها يا رب
قالتها وهي تستمتع إلى صوت الباب
.................................
#ظلمت_لكونها_انثي
#عفاف_شريف
..................................
ركضت بسرعه تفتح الباب
شهقت بقوه وهي تري زوجها يحمل ابنتها الفاقده للوعي
سحر برعب :يا لهوي
حبيبه
حصلها إيه
أحمد محاولا الهدوء :دخليني بس يا سحر
أفسحت له المجال
وهو يدلف للغرفه
يضع ابنته بقلق
ويقول :اتصلي بدكتور أدم يا سحر
سحر ببكاء:أه صح أدم
الموبيل فين
قالتها بتشوش
فيروزه برتجاف :أهو
اخذته منها بتعب
وهي تنظر برعب لحبيبه
وبداخلها ألف قصه كل واحده أكثر سوء من الأخري
..............................
#ظلمت_لكونها_انثي
#عفاف_شريف
..............................
في منزل محمود
كأن يجلس ينظر لأمه وهي تجهز لزياره شقيقتها
وتختار كل شي بعنايه
نظرت له بتفكير وهي تقول:بص أنا جبت خمسه موز وخمسه تفاح
وعلبه حلويات شرقي
وعلبه شوكولاته
كفايه كده ولا اشتري كمان خمسه برتقال
محمود بجنون:أيه كل ده
أحنا رايحين نخطب الأميره ديانه
دي مجيده
ردت أمه بقوه: ومالها مجيده
متشبهش دبانه دي ولا أيه
محمود بنفاذ صبر وهو يمسح وجهه: دبانه
اتقي الله فيا هتموتيني ناقص عمر
ردت عليه بقرف :بس يا ولا
يلا بقي عشان نلحق
محمود وهو يقف : يلا يكش نخلص من أم الجوازه دي
...........................
#ظلمت_لكونها_انثي
#عفاف_شريف
.............................
في منزل مجيده
كانت ترتدي ملابسها بغنج وهي تغني
لتسمع صوت هاتفها
التقطته بلهفه
وهي تقول:أنا كويسه
أهو بلبس
كله تحت السيطرة
وإلى أنا خططتله بيتحقق حاجه ورا حاجه
ليه هو أنا أي حد
ده أنا مجيده
بكرا يبقي زي الخاتم في صباعي
واعمل كل إلى نفسي فيه
انتفضت وهي تستمتع إلى صوت الباب
لتقول: هقفل بقي عريس الغفلة جه
وأغلقت وهي تهندم نفسها وتنثر خصلاتها
وتخرج بدلال
..................................
#ظلمت_لكونها_انثي
#عفاف_شريف
..................................
جلس محمود بعبوس
وهو يستمتع إلى صوت الزغاريط
وخروج مجيده تتمختر بدلال
اطلقت أمه زغروطه وهي تحتضنها وتقبلها بقوه:الله اكبر اللهم بارك
عروسه إبني القمر
شوف يا محمود قمر يا ناس
ابتسمت مجيده بخجل مصطنع
محمود بجمود:أه
الهام أم مجيده :خلونا نتكلم جد بقي
ردت أمه:طبعا يختي
أحنا جاين نطلب أيد مجيده لابني محمود
الهام بهدوء:طبعا يا حبيبتي
لينا الشرف
بس أنتي طبعا عارفه أن مجيده بنتي الوحيده
ولينا شويه طلبات
نظر لها محمود بتوجس
وهو يقول :طلبات إيه
الهام بهدوء:شبكه ب ١٠٠ الف
ومهر ومؤخر قدهم
والعفش كله عليك
وقف محمود بغضب وهو يقول:أيه
مش حابه اسفرها المانيا كمان
الهام :ومالو
مش هتبقي مراتك وام عيالك
وثم انت ما شاء الله تبارك الله مقتدر
خساره في بنتي ولا أيه
ردت أمه بقوه: لا طبعا
دي الغاليه بنت الغاليه
طلباتك كلها هتتنفذ
صرخ محمود بغضب :أنا مش موافق
امسكت أمه يده وهي تقول بهمس:يا غبي
بعدين ابقي خدهم منها
هتبقي مراتك تحت طوعك
وثم يا خايب عشان تقهر هبه
وتعرفها إنك كملت ولا همك
نظر لها بعدم اقتناع وهو يقول :بردو مش موافق
أمه بتاكيد: مشيت مره بدماغك وخدت علي قفاك
امشي بدماغي
نظر لها بعدم اقتناع
لتطلق هي زغروطه
وردد هو :شكلي فعلا هاخد علي قفايا
...........................
#ظلمت_لكونها_انثي
#عفاف_شريف
.............................
في بنايه محمد
صعد الدرج بتعب بعد يوم عمل شاق ومرهق
ليقابل عبد الرحمن أمامه كالعاده
محمد بضجر: نعم اتفضل
كاد عبد الرحمن أن يتحدث ويخبره عن اصراره بالزواج من فيروزه
ليقاطعه بفظاظه:بص بقي يا بني عشان أنا مش ناقص ومش فضيلك
جواز ومش هيحصل ريح نفسك وريحني
فيروزه مش هتتجوزك
عبد الرحمن بغضب :ليه
اظن من حقي اعرف سبب الرفض
محمد بقذاره:لا مش من حقك
وإلى عندي قلته
ولو مش عجبك
عندك اربع حيطان اختار اكبر واحده واخبط راسك فيها
وتركه
ينظر في أثره بغضب شديد
وغادر هو الاخر مقررا عدم الاستسلام
...............................
#ظلمت_لكونها_انثي
#عفاف_شريف
.............................
دلف للمنزل الذي صار مهجور بعد رحيل حنان والاطفال
نظر للمنزل المبعثر
كبيت مهجور لم تطله شمس أبدا
أين صوت الصغار
رائحه الطعام
والمنزل علي أكمل وجه
محمد: ولاد .....سابوني لوحدي
هي فاكره أنها هتلوي دراعي
لاعاش ولا كان
أنا هندمهم
قالها باصرار قذر
................................
#ظلمت_لكونها_انثي
#عفاف_شريف
...............................
في منزل أحمد
كانت تجلس بجانب ابنتها النائمه في فراشها كجثه هامده وجه شاحب كالموتي
وملامح مرتعبه لا تعلم سببها
سمعت صوت الباب
لتقول فيروزه بتوتر:أنا هفتح
وركضت للباب
وكان هذا الشاب
نعم تعرفت عليه
أدم :استاذ أحمد طلبني
فيروزه: دكتور أدم
أدم:ايوه
فيروزه :اتفضل أول اوضه علي الشمال
دلف أدم
وبدأ في فحص حبيبه
تلك العلمات علي يدها اثارت اهتمامها
أدم وهو يملاء احد الحقن : أنا هديها الحقنه دي وهتفوق باذن الله
سحر بتعب :عندها أيه
أدم بهدوء :شاكك ف صدمه نفسيه
سحر ببهوت: أيه
من أيه
واكملت وهي تشير لاحمد:حد يفهمني
أنا هتجنن
اشار لها أحمد أن تهداء
لم يمر كثير
وبدأت حبيبه بفتح عيناها بضعف
تنظر امامها دون حراك
كانها لا تراهم
لا تشعر بوجودهم أصلا
سحر بخوف:حبيبه
لا رد
سحر بخوف : أحمد
حبيبه
أحمد بقلق ينهش قلبه:أدم
فحصها ادم
ثم نطق باسف:للأسف حبيبه فقدت النطق
..................................
#ظلمت_لكونها_انثي
#عفاف_شريف
...................................
غادر أدم تحت صدمه الجميع
صدمه نفسيه
حبيبه الصغيره
صغيرتها وقره عينها
بهجه بيتها
السبب الاساسي في ضحكتها كل يوم
لماذا
ماذا حدث
سحر بإرتجاف :أيه الي حصل
حبيبه حصلها إيه
أحمد :معرفش
كل حاجه حصلت فجأه
روحت السنتر
لقيت مروه بس ولما سالتها عن حبيبه قالت بتجيب حاجه
لسه هدخل الشارع
فجاه سمعت صوتها بتصرخ
وبتجري عليا
واغمي عليها بين ايديا
ملحقتش افهم
شلتها وجيت علي طول
جلست سحر بروح باهته
وهي تفكر
ايمكن أن يكون هو
هل وصلت به الجرأه
أن
ان يكون قد آذي طفلتها
هل اخطئت عندما لم تخبر أحمد
عندما ارسلتها لذاك الدرس من الاساس
افاقت علي صوت أحمد القلق :سحر مالك
رفعت عيناها الدامعه تنظر له بالم وهي تقول:أنا اسفه يا أحمد
أنا السبب
.................................
#ظلمت_لكونها_انثي
#عفاف_شريف
.................................
في منزل هبه
كانت تجلس علي فراشها تهدهد الصغير حسين لكي ينام مثل شقيقه
وهي تقول:يلا بقي نام
اطلق الصغير ضحكه صغيره وهو يشد خصله من خصلاتها
تأوهت وهي تدغدغ بطنه بحب وحنان
وتهتف :يختتتي علي حلاوتك هاكلك ف مره من جمالك
ظلت تضحك مع الصغير الي أن غلبه النعاس
وظلت هي تنظر له بحب وهي تفكر
إلى متي ستخبئ أنها حامل
سيظهر عليها الحمل عاجلا ام آجلا
ماذا ستفعل حينها
ماذا سيقال
تلك الألسنه لم ولن ترحمها
هل يجب أن تخبر أمها
و
محمود
لا محمود لا
إن علم سيردها إلى عصمته
لكن عدتها لن تنتهي الا بالولاده
ماذا ستفعل
هل ستتكتم علي الخبر إلى حين الولاده
ستخبره فقط لتسجل الصغير
وقعت منها دمعه خائنه
وهي لا تعلم ماذا تفعل
تشعر انها بدوامه لا بدايه لها ولا نهايه
تشعر انها دلفت لمتاهه لا يوجد لها مخرج
سوا
سوا الموت
مسحت دموعها بقوه وهي تستمع إلى صوت الباب
وضعت الصغير في فراشه وهي تتوجهه للباب
وتهتف بصدمه واستغراب :مجيده
.................................
#ظلمت_لكونها_انثي
#عفاف_شريف
..................................
في منزل يحيى
كان يرتدي ملابسه بسرعه
فقد تم استدعائه في التو واللحظه
والصغيره مليكه لا تكف عن البكاء أبدا
مطالبه برضعتها اليوميه
والغريب إنها لم تعد تريد الحليب الصناعي
حملها برفق وحزم حقيبتها وهو يتوجهه حيث شقه هبه
فتح الباب
وتحرك بتجاهها
لكن توقف وهو يراها تقف مع سيده ما
تتحدث بعصبيه
..................................
#ظلمت_لكونها_انثي
#عفاف_شريف
..................................
هبه بنفاذ صبر: يا فتاح يا عليم
نعم
مجيده بتكبر: زي ما إنتي متغيرتيش
متكبره وقليله الزوق
هبه ببرود: بعض مما عندكم
اتفضلي نعم
مجيده بغيظ:هم كلمتين ورد غطاهم
ابعدي عن محمود احسنلك
هبه بهمس : حسبي الله ونعم الوكيل
محمود أنا كنت عارفه
هو هيجي من وراه خير أبدا
هبه محاوله تمالك اعصابها: الكلام ده تقوليه لابن خالتك مش ليا أنا
أنا الي خليته يطلقني يا رب نفهم
واتفضلي من غير مطرود
مجيده بغضب : اسمعي يا هبه
محمود بقي خطيبي وقريب اوي هيبقي جوزي
يعني تنسيه واياكي تقربي مني
هبه :مناطق الاستيعاب بايظه أنا عرفه والله
بس قدامك خمس ثواني
ل والله العظيم هتمشي بس بعد ما امسح بيكي بلاط العماره بلاطه بلاطه
ومتنسيش وأنتي مروحه تعدي علي خطيبك
تقوليله الكلمتين دول
مجيده بغضب : أنتي
نظرت هبه خلفها وهي تري يحيى
لتقول :اتفضلي من غير مطرود
نظرت لها مجيده بكره وانسحبت سريعا
اقترب منها يحيى وهو يقول: كله تمام
اؤمت له وهي تاخذ الصغيره
مالها
يحيى بتاكيد:جعانه
هبه بحنان:يا روحي أنا
طيب ليه مخدتش الرضعه
يحيى:مش راضيه خالص
هبه بتفهم:تمام أنا هتصرف
يحيى بتوتر:إنا عارف أني بتقل عليكي
بس للاسف جالي شغل
ولازم امشي
وللاسف كمان هسافر كذا يوم ومش عارف هرجع امتي
أسماء الصبح هتيجي تاخد مليكه
هبه بحب وهي تحتضن مليكه : تقدر تسافر وأنت مطمن
مليكه معايا
وهتفضل لحد ما ترجع
وأسماء تقدر تيجي ف أي وقت تتطمن عليها
يحيى بإمتنان :مش عارف اقولك أيه
هبه بعفويه: ترجع بالسلامه
ابتسمت بتوتر وهي تراه ياخد الصغيره منها مره اخري يقبلها ويهمس لها بكلامات لم تسمعها
ظلت تتطلع لهم بشي من السعاده الغريبه
اعطاها الصغيره
وغادر
عادت هي لشقتها
ولم تلاحظ عيني تلك المتربصه
..............................
#ظلمت_لكونها_انثي
#عفاف_شريف
..............................
أحمد بصدمه وهو يجلس علي الفراش: ليه مقولتليش
سحر ببكاء : والله العظيم أنا متوقعتش يعملها حاجه
أحمد بغضب : يا ريتك قولتيلي يا ريتك
بسبب تصرفك حبيبه بقت كده
لو كنتي قلتيلي كنت وقفته عند حده
مكنش اتجراء يقرب منها
الله اعلم عمل فيها أيه
قالها بغضب وهو يخرج من الغرفه
وظلت هي بمكانها تعض اصابعها ندم وألم
ابنتها
اه
والف اه
تدفقت الدموع من عيناها وهي تفكر
هل حقا فعل بها شي
عند هذا الحد
لم تتمالك نفسها
وهي تركض للحمام تفرغ ما في جوفها بالم وحسره
فيروزه بخوف :طنط سحر
وصرخت:عمو يا عمو
هرول أحمد حيث تصرخ فيروزه
وهو يري زوجته بتلك الحاله
شاحبه وتكاد تسقط لولا تمسك فيروزه بها
توجه لها سريعا وهو ينظف وجهها ويحملها لفراشها يضمها لصدرة وهو يقول بألم:انا أسف
بس بنتنا
حته من قلبي
مش قادر اشوفها كده
سامحيني سامحيني لو جيت عليكي
أنتي ملكيش ذنب
مكتوب يحصل كده
ده ابتلاء واحنا قده باذن الله
سحر وهي تتمسك بقميصه : أنا الي اسفه سامحني
احتضنها بقوه
وبداخله خوف يكاد يقسم أنه سيموت من القلق والرعب
فحبيبه لم تكن ابنته فقط
احفظها يا الله
قالها وهو يضمها لصدرة اكثر لعله يعطيها الامان
أغمضت عيناها بقوه
لعلها
لعلها تشعر بالراحه
............................
#ظلمت_لكونها_انثي
#عفاف_شريف
............................
في المشفي
تم نقل زينب بعد أن وجدت غارقه ف دمائها
فقدت الكثير من الدماء
ولكن تبرعت لها ابنتها وفاء في التو واللحظه
وها هي ترقد علي السرير عاجزه لا حول لها ولا قوه
فاطمه بهدوء للطبيب:هتبقي كويسه
الطبيب :هي فقدت دم كثير
لكن الحمد لله أن فصيله دمها كانت متوفره
الجرح عميق للأسف
لكن لحد دلوقتي كل حاجه مستقره
هنحطها تحت المراقبه لمده ٤٨ ساعه
ونشوف هيحصل إيه
فاطمه:تمام
وفاء بتعب : أنا مش متخيله الي حصل
فاطمه :لا تخيلي
أنا معرفش إيه إلي وداها هناك
بسبب تصرفاتها كسرت فرحتنا
والله اعلم هيحصل إيه
وفاء بتوتر: هو كده الفرح هيتأجل
فاطمه بقوه: مفيش حاجه هتتأجل
حتي لو بتموت
........................................
#ظلمت_لكونها_انثي
#عفاف_شريف
........................................
في منزل عبد الرحمن
دلف لشقته ليجد أمه تجلس مع فتاه
لم يدقق النظر لها واخفض رأسه وهو يقول متوجهه لغرفته :السلام عليكم
نادته أمه بسرعه:استني يا عبد الرحمن
تعالي هنا سلم
دي مش غريبه
التفت نحو أمه يرمقها بضيق
لا يعلم ماذا تفعل
ومن تلك الفتاه
عبد الرحمن وهو ينظر في الارض :أهلا وسهلا
أمه بسعاده:عرفتها
تنهد بضيق وهو يغمغم :لا
شهقت أمه باستنكار حرج وهي تقول:يا واد ركز
نظر لامه بغضب وهو يردف بداخله
اركز
نظر نظره سريعه للفتاه الجالسه امامه
شعر اصفر مموج طويل طويل للغايه
ملامح صافيه خاليه من مساحيق التجميل
وجميله حقا جميله
يعرف تلك الخصلات وتلك الملامح
لم تتغير
كما هي
عبد الرحمن بهدوء: أهلا فريده
ابتسمت أمه بفخر وهي تقول : شفتي
ابتسمت فريده بخجل
لترد أمه بفرحه وهي تربت علي ضهرها:شفت بقت عامله ازاي
قمر تبارك الله
لا وكمان محاميه قد الدنيا
جمال واخلاق وحلاوه
ظل ينظر لأمه باستغراب: ماذا تفعل
ماذا تفعل
اغتصب ابتسامته وهو يقول:عن اذنكم
البيت بيتك يا فريده
ودلف لغرفته سريعا
وهو يفكر إلى ماذا تسعي أمه
لما فريده هنا
حتما هناك أمر يدبر
.................................
#ظلمت_لكونها_انثي
#عفاف_شريف
..................................
في سياره يحيى
كان يقود لمقر عمله
وهو يفكر فيما دار بينه وبين شقيقته
Flash Back
أسماء بسرعه:انا عايزاك تتجوز
انتفض يحيى كمن لدغه عقرب وهو يقول ببهوت ورفض:أيه
أسماء بهدوء : اسمعني يا يحيى
يحيى برفض تام:أسماء اقفلي الموضوع ده خالص
مش عايز كلام فيه نهائي
أسماء برفض هي الاخري:لا هتكلم
هتكلم لحد ما تسمع
الي بيحصل ده غلط
بنتك لسه رضيعه محتاجه أم
جوازك مره ثانيه مش خيانه
أنت محتاج تتجوز وتكمل
الحياه مش بتقف
ولا هتقف
إحنا كملنا بعد وفاه بابا وماما
وانت لازم تكمل بعد وفاه ايمان
لو كانت عايشه مستحيل كانت ترضي بالي حاصل ده
إنت فاكر كده انها مرتاحه
تبقي غلطان
يحيى بغضب وتسرع : إنتي لو مكاني مستحيل تتجوزي
ارتجفت أسماء بقوه
وهي تستغفر بألم
ليكمل باسف :أنا أسف يا حببتي انا والله مكنش قصدي ربنا يحفظه ويباركلك فيه
أسماء بحنان: عارفه يا حبيبي
بس عشان خاطري فكر
فكر كويس
ف بنتك وفي نفسك
بص قدامك كويس
مش يمكن العوض قدامك بس إنت مش واخد بالك
قالتها وهي تغادر
تاركه إياه يتخبط
Back
تنهد بتعب وهو يحرك خاتم زواجه
مرددا بحسره :وحشتيني يا إيمان
.............................
#ظلمت_لكونها_انثي
#عفاف_شريف
..............................
بمنزل عبد الرحمن
ظل يجلس مكانه ينتظر أن تغادر الضيفه
استمتع صوت الباب يغلق
يتبعه دخول امه الغاضبه
عبد الرحمن :ممكن افهم فريده بتعمل أيه هنا
ردت عليه أمه بقوه: ممكن اعرف انا إيه التصرف قليل الذوق ده
البنت جايه تبارك رجوعك بالسلامه
تدخل وتسيبها كده
عبد الرحمن : من أمتي وفريده بتيجي هنا
محصلتش ولا مره
اشمعنا دلوقتي
ماما إيه الي بيحصل
أمه مغيره مجري الحديث :أنت كلمت ابو فيروزه
بهت وجه عبد الرحمن وهو يرد بقوه:لسه
امه :ليه
غريبه يعني
كنت مستعجل اوي
عبد الرحمن بتعب:عندي مشاكل في الشغل
ومش حابب اخد خطوه غير وأنا مظبط اموري
نظرت له بتفحص وهي تقول :تمام أعمل حسابك بكرا هنروح عزومه خالتك أم فريده
وبعدها بيومين علطول نرد العزومه
وخرجت
عبد الرحمن بتاكيد:أنا مش مستريح أبدا
قالها بتعب وقلق من القادم
وتسطح علي فراشه
يفكر في فيروزه حبيبه القلب
وسكن الروح
.............................
#ظلمت_لكونها_انثي
#عفاف_شريف
............................
في منزل أحمد
بعد منتصف الليل
كانت سحر نائمه بجوار زوجها
تتقلب كثير محاولا الخروج من هذا الكابوس البشع
وهي تردد:حبيبه
بنتي
متمشيش
انتفضت من نومها
تمسح حبات العرق من علي جبينها
والدموع تغرق وجهها
وهي تردد:اعوذ بالله من الشيطان الرجيم
اعوذ بالله من الشيطان الرجيم
يا رب احفظها يا رب
انزلت قدماها وهي تشعر بالدوار يكاد يسقطها أرض
ترنحت قليلا وهي تقف تحاول الخروج من الغرفه لكي تطمئن علي صغيرها
لكن ما أن خطت قدماها خارج الغرفه
الا وسقطت مغشي عليها
...................................
#ظلمت_لكونها_انثي
#عفاف_شريف
...................................
انتفض أحمد وهو يتسمتع الي هذا الصوت
نظر بجانبه لم يجد سحر
ركض للخارج ليجدها ممده أرض
حملها بين يديه بسرعه
ودلف لغرفته
يجلب العطر يحاول افاقتها
أحمد برعب :سحر
سحر فوقي
متوقعيش قلبي أنتي كمان
ظل يربت علي وجنتها وينثر العطر
الا أن بدات في فتح عيناها
أحمد بتعب :كده تخضيني عليكي
اسندها وهو يقول:هجيب مايه بسكر واجي
اؤمئت له بضغف
وهي تفتح احد الادراج تخرج تلك العلبه بيد مرتجفه
وتتوجه ببطى وتعب نحو الحمام
.................................
#ظلمت_لكونها_انثي
#عفاف_شريف
................................
عاد أحمد للغرفه بيده كوب الماء بسكر
لكن لم يجد سحر
بحث عنها بغرفه حبيبه لكنه لم يجدها ايضا
توجه للحمام
وجد الباب مغلق
ليعلم انها بالداخل
عاد مره اخري للغرفه
لم يمر الكثير
ووجدها تدخل للغرفه
تبكي وتشهق بقوه
اسرع إليها بقلق وهو يقول بخوف:في أيه
لم تستطع الرد وهي تشهق وتبكي
اجلسها علي الفراش
وهو يقول :أنا هروح اجيب الدكتور
امسكت بيده تمنعه وهي تقول والدموع تغرق وجهها :أحمد
نظر لها بتشتت
وهو يراها تفتح يدها
ليظهر ذاك المستطيل به خطان باللون الاحمر
وصوتها يهمس بغير تصديق :أنا
أنا حامل
