رواية ظلمت لكونها انثي الفصل الخامس عشر بقلم عفاف شريف
اهداء الي الجميله ايمان
....................................
يوم لك ويوم عليك
ظننتَ أن الدنيا لك وها هي دهستك
..................................
سحر بصدمه:إيه
أحمد بتاكيد:أه في عريس متقدم
سحر بحماس :مين
أحمد :أدم
سحر باستغراب :أدم مين
أوعي تقولي أدم إلى ساكن فوقنا
أحمد: بالظبط
سحر بتوتر:طيب هو عارف يعني
أن فيروزه مطلقه لازم يكون عارف
أحمد:مكنش ينفع نتكلم علي السلم ف قلتله نتقابل ف اي قهوه ونقعد نتكلم
سحر بتفهم:أحسن عشان تقدر تقوله كل حاجه
وكمان فيروزه لسه في شهور العده كده كده
أحمد:أه ولو حصل نصيب مش هيحصل أي حاجه قبل انتهاء شهور العده
سحر بتوتر:ربنا يستر
طيب هتقول حاجه
أحمد :مفيش حاجه تتقال
الراجل بس طلب ايدها
لما يبقي يعرف ومصر يكمل وقتها ناخد رأيها موافقه تمام مش موافقه تمام بردو
سحر بإبتسامه:باذن الله هتوافق
ربنا يسعدك يا فيروزه
واشوفك مع إبن الحلال الي يصونك ويحافظ عليكي
أحمد:امين يارب العالمين
واكمل:علي قد ما أنا اكيد فرحان
بس بردو خايف من تجيهزات الجواز
دي قطمه وسط واحنا داخلين علي شرا شقه
ومش عايز احسس فيروزه أنها اقل من حد
لازم اجبلها كل الي نفسها فيه
سحر بتأكيد:فعلا مصاريف الجواز كثير
بس ربك كريم وكل وحده برزقها
وربنا هيدبرها من عنده اكيد
بلاش نشيل هم حاجه في علم الغيب
أحمد : ربنا يقدرني واسعدهم
سحر بحنان:ربنا يخليك لينا يا رب
أحمد بحب :ويخليكي ليا
...............................
#ظلمت_لكونها_انثي
#عفاف_شريف
...............................
في المطبخ
كانت حنان تنظر للفتيات بشرود وهي تري تلك الضحكه التي لا تتذكر متي رأتها اخر مره
فيروزه بإبتسامه :ماما
حنان : ها
فيروزه :مالك
حنان بهدوء وهي تربت علي يدها:أنا كويسه بس يمكن مصدعه
قاطعتهم سحر وهي تقول:هعملك شاي وهاتي يا حبيبه اسبرين من الدرج
حبيبه :حاضر
سحر بستغراب:دقيقه انتي بتعملي أيه هنا
انتي مش المفروض عندك درس دلوقتي
نظرت لها حبيبه بتوتر وهي تقول
اه بس كنت حابه اقعد معاكم
سحر ببعض الحده:انتي بتهزري يا حبيبه
تضيعي الدرس انتي ومروه عشان تقعدوا معانا
اتفضلي يلا يا لو سمحتي روحي البسي عشان تلحقي الدرس
حبيبه بخفوت :ماما لو سمحتي أنا مش عايزه اروح هناك ثاني
نظرت لها سحر بخوف وهي تدرك أن الامر أكبر مما توقعت
....................................
#ظلمت_لكونها_انثي
#عفاف_شريف
.................................
في غرفه حبيبه
جلست سحر علي الفراش وأمامها حبيبه مطرقه الرأس
تبكي
سحر محاوله أن تكون هادئه: احكيلي كل حاجه
حبيبه بشهقه:ده ولد اكبر مننا بياخد معانا كل الدروس عشان بيعيد السنه
من أول السنه وهو بيحاول يتقرب مني وأنا بصده وبتجاهله دايما بس الموضوع بداء يطور
بيدفعلي فلوس الدروس
وأنا برفض وبدفع برضو
طول الوقت بيفضل يبصلي نظرات بتخوفني
وأخر مره لما مروه جت معايا كان ماشي ورانا
ظلت سحر تنظر لها وهي تبكي بقوه
ابنتها الوحيده تعرضت لكل هذا دون حتي أن تعلم
هل لتلك الدرجه غفلت عنها
سحر بهدوء وهي تضمها لصدرها:بس هششش
أنا هنا ومفيش حد هيقدر يعملك حاجه أبدا طول ما أنا جنبك
أهدي
ظلت حبيبه تبكي وسحر تضمها
هي فقط بحاجه للأمان
وستقدمه لها بكل حب
..............................
#ظلمت_لكونها_انثي
#عفاف_شريف
..............................
في منزل محمود
انطلقت الزغاريد في الشقه
لينتفض محمود وهو يقول :إيه في إيه
ردت عليه أمه: انتي ناسي ولا أيه
النهارده هنروح نتقدم ل مجيده
محمود وهو يفرك رأسه :كل الزغرايط دي عشان هنروح نتقدم
اقفلي الباب واخرجي بره عشان أنا مش هروح روحي انتي لما تتفقو عرفيني
شهقت أمه باستنكار وهي تقول:أيه
أنت عايز الناس تقول أيه
لا طبعا لازم تيجي وتتقدم
انت عبيط يلا
دي الجوازه إلى كان نفسي فيها من زمان
محمود:ده علي اساس أنها اول مره
ردت بتاكيد :لا طبعا دي الجوازه إلى بجد
من بنت اختي مجيده القمر المتربيه بنت الناس
مش بنت ال...
إلى رحت اتجوزتها
أنا مش عرفه انت كنت مصر تتجوزها ليه
كل شويه تتقدم ووترفض
ومكنش عندك دم
محمود بغضب :يووو كل شويه نفس الموال
خلاص بقي
ل والله احلف منا متجوز الأميره مجيده بنت اختك دي
نظرت له بغيظ وهي تقول:قليل الادب
قوم يلا
وأنا رايحه اشغل اغاني
خلي الناس كلها تعرف
انك كملت بعد الحيزبونه
وهتكمل وهتعيش حياتك
ظل ينظر في اثرها بضيق وهو يشعر أنه ربما تسرع قليلا في تلك الخطوه
لكن عاد ونهر نفسه وهو يقول: يا غبي اتجوز اقهرها وعرفها انها كانت ولا حاجه
وانك هتكمل من بعدها
احمق يظن انها تهتم
لا يعلم انها قد تلقي بنفسها في الجحيم ولا تعود له
...................................
#ظلمت_لكونها_انثي
#عفاف_شريف
.................................
في منزل مجيده
كانت تجلس علي فراشها
ترتدي أحد قمصانها الحريريه وهي تلعب بخصلاتها وتغني
ولم يقطع غنائها سوا صوت هاتفها
التقطته بسرعه وهي ترد
وتقول بتاكيد: كله ماشي زي ما خططت
والصناره غمزت
وقريب اوي هحقق إلى في بالي
قالتها بغنج وضحكه خبيثه
...............................
#ظلمت_لكونها_انثي
#عفاف_شريف
................................
في منزل هبه
وقفت تصلي وتبكي بين يدي الله
لا تعلم إلى أين الطريق
اترضي بالامر وتحمد الله علي تلك الهبه
ام
ام
لا هذا صغيرها
قطعه من روحها حتي وإن لم تره
هل ستتخلي عن قطعه منها لأجل محمود
ذاك الحقير
الم يكفي ما اخده
الآن ايضا صغيرها الذي لم تره بعد
لاابدا
لن يحدث هذا
لن تتخلي عن هذا الصغير
هذا الذي لا تعلم متي اتي لتلك الحياه
هل ستستطيع
اكملت صلاتها
وهي تبكي
ترجوا أن يدلها الله علي الطريق
انتهت
وظلت مكانها تدعو بخفوت
تريد أن تشعر بالراحه
أن تجد القدرة أن تكمل هذا الطريق
..............................
#ظلمت_لكونها_انثي
#عفاف_شريف
..............................
في منزل أحمد
كانت سحر في نفس جلستها
تضم حبيبه
منتظره أن تكمل حديثها معها
سحر بهدوء:حبيبه
لازم نتكلم
ظلت حبيبه مكانها
الا أن شعرت بها تبتعد بهدوء
وتجلس صامته
أمسكت وجهها برقه وهي تقول: اوعي توطي راسك
أنا عايزه اعرف ليه مقولتليش من أول مرة ضايقك
أنتي طول عمرك بتحكيلي علي كل حاجه
حبيبه بخوف :خوفت
سحر باستغراب:مني
حبيبه:عليكم ومنكم
سحر : منا مفهومه بس علينا
أنا مش فهمه حاجه
حبيبه:نظراته تخوف
حاسه أني محاصره
كنت خايفه مرعوبه بمعني اصح من رده فعلكم
خايفه من كل حاجه
سحر بهدوء:هو تجاوز حده معاكي
حبيبه بنفي:والله ابدا يا ماما
هو بس بيفضل ورايا ف كل حته
وبقي بيجي كل درس ويفضل باصصلي
أنا خايفه
سحر بحزم: أوعي
اوعي تخافي
أنا هتصرف
حبيبه بخوف:هتعملي إيه
سحر بتأكيد :هعمل الصح
...............................
#ظلمت_لكونها_انثي
#عفاف_شريف
.................................
في منزل زينب كانت تعد أموالها
متحسره علي ما ستدفعه
انتهت ووضعت المال بالحقيبه
وهي تخرج للخارج
زينب : يلا خلينا نخلص
فاطمه: جبتي معاكي كام يا ماما
زينب بحسره:خمسين
فاطمه بستنكار:خمسين
ليا أنا ووفاء
زينب بستغراب:أه طبعا
ده أنا مستحرمه كل الفلوس دي
فاطمه بغضب :أنتي عارفه التلاجه الي أنا عايزاها بكام
ب ١٢ الف جنيه
ولسه باقي الاجهزه
زينب بشهقه:أنتي اتهبلتي يا بت عايزاني اجيبلك تلاجه ب١٢ الف
لا ده أنتي اتجنننتي
فاطمه بصوت عالي:لا أنا متجننتش
بابا الله يرحمه سايب كثير
وعادل كمان قالي كده
يعني اجيب الي أنا عايزه
هتعملي أيه بالفلوس دي يعني
في الاخر هترجعلنا
زينب بغضب وهي ترفع يدها لتصفعها: اخرسي بت قليله الادب
امسكت فاطمه يدها سريعا وهي تقول هي الاخري بصوت عالي: عندك
دفشتها وهي تصرخ:اوعي تفكري تمدي ايدك عليا
ل ورحمه ابويا افضحك في الحته
دلوقتي هتدخلي تجيبي خمسين الف كمان
ولو رفضتي
تليفون واحد لعمامي
اكيد انتي فاهمه
يا تري بقا هيعملو أيه لما يعرفوا المستخبي
زينب بارتجاف :انتي أيه شيطان
أنتي مستحيل تكوني بنتي أبدا
أنتي بتهدديني يا بت
اخص خليكي تربيه.......
فاطمه بهدوء : بعض مما عندكم
منكم بنتعلم يا والدتي
يلا
دخلت سريعا ترتجف بخوف
أن كشف الستار وظهر ما تحت التراب
ستلحق هي الاموات
يجب عليها الرضوخ حاليا لابنتها الوقحه
لكن ليس لبعيد
فكرت بها بخبث
................................
#ظلمت_لكونها_انثي
#عفاف_شريف
...............................
كانت تتجول معهم بغضب وهي تري ابنتاها تختار الاغلي من بين كل المعروض
وهي تدفع صاغره مجبره
فاطمه وهي تشير الي أحد الغسالات :بكام دي
البائع: ب ٨ يا فندم
زينب بشهقه:ايه
واكملت برفض :مفيض حاجه اقل
البائع:في يا فندم
فاطمه برفض :أنا مش عايزه الاقل
هاخد دي
زينب بتعب :يا بنتي أنتي بتعملي كده ليه
فاطمه :ده حقي
زينب برفض :ومن حقي مدفعش
رفعت فاطمه حاجبها بمكر وهي ترد : متاكده
ابتلعت زينب ريقها وهي تقول:خلصوا أنا هخرج بره
لما تخلصوا ندوني
وخرجت تتمشي في أرجاء المكان
ليوقفها احدهم
يا مدام
زينب :نعم
رد عليها الرجل:أنا شفتك بتسألي علي اجهزه بسعر حنين صح
زينب :أه بس خلاص
الرجل مصطنع الأسف:خساره
كنت هدلك علي محل بيبع اجهزه ماركات نضيفه بس رخيصه
زينب بفرح:فين ده
الرجل : تعالي ورايا
وذهبت خلفه بكل غباء لأجل المال
ظل يدخلها شارع بعد شارع
الا أن بدات تشعر بالخوف من المكان
زينب بخوف وهي تترجع:خلاص مش عايزه
وكادت إن تلتف لتركض
ليوقفها وهو يمسكها من رقبتها ويشهر مديته في وجهها وهو يقول :لو نطقتي كلمه هدبحك
زينب بارتجاف :سيبني مش هقول لحد ابوس ايدك
ابتسم وهو يقول :سيبي الشنطه
تشبثت بالحقيبه اكثر وهي ترد:مش معايا حاجه
قرب المديه من رقبتها وهو يقول : سيبي الشنطه
افلتتها وهي تبكي بقوه
لتجده يلقيها لرجل اخر لا تعلم من أين ظهر
ليرد عليه الاخر:عندك حق طلعت مريشه
شوف كام باكو
شوف كمان لو لابسه دهب
جحظت عيناها وهي تحاول الإفلات من يده وهو يخلع حجابها وهو يحاول اخد حلقها الكبير
زينب وهي تتلوي وتحاول الصراخ لولا يد الاخر التي علي فمها
لتسمع احدهم يقول:الحلق مش راضي يتشال
ارتعبت وهي تستمتع رد الاخر:ليه
خلاص شده كده
ولم تكد تصرخ بقوه وهي تشعر باذنها تشد بقوه
وألم حاد والدماء تهبط من جانب وجهها
بكت اكثر وهو يكمل بالجانب الاخر
ظلت تبكي بين يدهم وجانبي وجهها ملطخين بالدماء
دفشها بقوه وكاد أن يركض
لتمسك ساقه وهي تهتف بوهن:فلوسي
صرخ الاخر :بسرعه لحد يجي
حاول دفعها وهو يقول :لابده في رجلي بنت ال ....
اقترب الاخر سريعا وهو يطعنها بقوه ويرد: بنت
....بصحيح
وتركوها تلفظ انفاسها بصعوبه
غارقه في دمائها
.............................
في منزل هبه
وقفت ترتدي ملابسها لتاخد الصغار وتخرج قليلا
فهي حقا بحاجه لذالك
انتهت وهي تبتتسم لصغارها النائمين
حسن وحسين هديه من الله
لا تعلم ماذا كانت ستفعل بدونهم
ولن تنسي الصغيره مليكه
و
وهذا الصغير
تلمست بطنها بشرود
تخاف وتشعر بالتوتر
من فكره أنها تحمل طفله مره اخري
لكن هذا طفلها هي هي فقط
خرجت من باب البنايه
وكادت أن تطلب من الحارس مساعدتها لإنزال العربه
لتجد يد اخري تساعدها
وكانت أسماء
هبه ببتسامه:أسماء
عامله أيه
أسماء بابتسامه مشرقه: أنا الحمد لله تمام
قالتها وهي تنزل العربه معها
هبه:دايما يا رب
أسماء بهدوء وهي تمسد علي شعر الصغيرين
هتخرجوا
هبه بهدوء:أه هتمشي أنا والولاد
واجيب حاجات نقصاني
أسماء : تمام تروحوا وترجعوا باللسلامه
باي
هبه:باي
وغادرت
تحت نظرات أسماء المبتسمه بمكر
................................
#ظلمت_لكونها_انثي
#عفاف_شريف
................................
في شقه يحيى
كان يجلس يشاهد التلفاز ياكل بيد
ويربت علي رأس الصغيره النائمه بيد
يحيى وهو ياخد معلقه من الطبق : الواحد معدته حجرت من أكل الشارع
استمع الي صوت الباب
لتستيقظ مليكه باكيه
يحيى بغضب وهو يحملها: هي أسماء
مفيش غيرها
فتح الباب وهو يحاول اسكات الصغيره
ليجدها أسماء كما خمن
أسماء بحب وهي تحملها: يختي مالها الزنانه
مالك يا قلب عمته
ظلت تلاعبها إلي أن غفت
أسماء بفخر :شفت سكتت
ظل يحيى ينظر لها بهدوء خطير
ثم قال:دخليها الاوضه وحطي حوليها المخدات وتعالي
نظرت له أسماء بشك وهي تقول:لا هخليها ف حضني
يحيى بغضب: اخر مره ترني الجرس
مهي يختي كانت نايمه
وبسبب الزفت صحيت
أسماء : فدايا
نظر لها بنفاذ صبر وهو يجلس ياكل بقنوط
أسماء : بردو اكل جاهز
يحيى بهدوء :أه
أسماء :قلتلك هبعتلك اكل وأنت إلي رافض
يحيى بضحك: اتنيلي
ده جوزك تعب من المكرونه والبانيه
أسماء بتاكيد:طبخ ولا مش طبخ
يحيى بضحك:هو سليق المكرونه والصلصه الجاهزه بقت طبخ
أسماء برفض: ايش فهمك أنت اصلا
المهم احكيلي
يحيى وهو يكمل طعامه: أيه
أسماء بغيظ:احيكلي عملت أيه مع هبه
يحيى باستغراب:انتي عبيطه
هعمل أيه
بودي مليكه الصبح
واول ما باجي من الشغل بعدي اخدها
واكمل: متعرفيش حصل إيه النهارده
أسماء بفضول:إيه إيه
نظر لها يحيى وهو يقص عليها ما حدث بمنزل هبه
أسماء:وبعدين
يحيى : ولا حاجه
مشيت
أسماء :اممم
بس
يحيى:أه
أسماء : يعني مفيش حاجه تانيه خالص
يحيى بهدوء:زي
أسماء بغيظ :مفيش
واكملت بتوتر:يحيى
يحيى :ها
أسماء :كنت عايز اقولك يعني
أنه
يحيى بستغراب :إيه الشريط سف
ما تنجزي يا أسماء
أسماء بسرعه:أنا عايزاك تتجوز
...............................
#ظلمت_لكونها_انثي
#عفاف_شريف
................................
في منزل أحمد
كان الجميع يجتمع علي طاوله الطعام
أحمد بهدوء: منورة يا حنان
حنان ببتسامه: ده نورك
وأكملت:تسلم ايدك يا سحر
الاكل ما شاء الله جميل اوي
سحر بحب :هنا علي قلبك يا حببتي
مروه لفيروزه:نوليني حته لحمه تانيه
فيروزه بهمس :كلي الي قدامك لا تلاقي وشك ف الطبق تمام
نظرت لها مروه بغيظ وهي تكمل طعامها
سحر بحماس :باذن الله خلاص رمضان قرب
نبقي ننزل كلنا نجيب حاجات رمضان
حنان : باذن الله
حبيبه: أنا عايزه فانوس
مروه :وأنا كمان
سحر بحماس: وأنا والله
هنجيب للكل فوانيس وزينه
عشان نستقبل الشهر الكريم
أحمد :كل سنه وانتم طيبين
رد عليه الجميع :وأنت بصحه وخير
سحر بهدوء:ايه رأيكميا بنات احطلكم الدروس كلها في يوم واحد
حبيبه:معنديش مشكله
مروه:وانا كمان
سحر :تمام من بكرا تروحي الفرع الثاني ل السنتر يا حبيبه
انا هحجزلكم
حبيبه:تمام
مروه:عايزه ملح
سحر بهدوء :نسيت احطها هقوم اجيبها
كادت سحر أن تقوم لتشعر بدوار بسيط
ترنحت قليلا
ليمسكها أحمد وهو يقول بقلق : سحر أنتي كويسه
سحر ببتسامه هادئه:كويسه بس عشان قومت فاجاه ف دوخت
هقوم اجيب الملاحه
فيروزه برفض : هقوم أنا
ابتسمت لها سحر
وهي تنظر لحبيبه الشارده
وتفكر فيما سيحدث
...............................
#ظلمت_لكونها_انثي
#عفاف_شريف
..............................
أشرقت شمس يوم جديد
في منزل أحمد
كانت سحر تعد طعام الفطور
ليقطعها قدوم حبيبه ومروه
حبيبه ومروه :صباح الخير
سحر: صباح النور
يلا اقعدو افطروا
حبيبه :متأخرين والله يا ماما
هناكل هناك
سحر بحزم :لا يا حبيبه
حبيبه وهي تقبلها ادعيلنا
سحر بخوف :خلي بالك من نفسك
متمشيش أنا هاجي اخدكم
ودعتهم وبداخلها خوف لا تعلم سببه ابدا
استغفرت ربها وقالت وهي تنظر لصورة حبييه علي الحائط :يا رب احفظهم
..................................
بعد عده ساعات
في أحد المراكز
خرجت حبيبه ومروه من الدرس
حبيبه : الحمد لله أن ماما مجتش
المستر اتأخر معانا
هرن عليها بقي تيجي
مروه :كنتي رنيتي من بدري
حبيبه:لا كانت هتيجي تقعد هنا
هرن أهو
حبيبه: ماما أحنا خلصنا
تمام هنستني بابا
أغلقت مع امها وهي تقول :بابا جاي
يا ريت فطرنا ف البيت
أنا حسه أني هموت من الجوع
مروه بتعب :وانا والله
مش عرفه ليه مشترناش من عند البيت
قلتلك
قلتلي نشتري من عند السنتر
وفي الاخر يطلع مفيش محل هنا
حبيبه :حصل خير لولا تأخرنا
كنا دورنا علي مكان ثاني
وكل ما احاول اخرج اشتري حاجه
ملحقش عشان كل مستر بيدخل ورا الثاني
مروه بتعب وهي تجلس : حاسه أني هقع من طولي
حبيبه بخوف:امسكي نفسك بابا خلاص جاي
مروه وهي تشعر بدوار: دايخه اوي
حبيبه:خلاص خليكي هنا
هروح اشتري عصير
مروه بتعب:لا خليكي
حبيبه باصرار:لا هروح
واكملت وهي تشير لاحدي الفتيات :معلش ممكن تقوليلي الاقي فين محل اشتري منه عصير
الفتاه:في وأحد في الشارع الي ورا
بس خدي بالك الشارع ده ضلمه يعني اشتري وتعالي بسرعه
حبيبه :شكرا بس ممكن تخليكي جنبها
الفتاه:تمام
اؤمئت لها وهي تذهب حيث اشارت لها
نظرت للشارع المظلم الي حد ما
فقط إضائه خافته بسيطه
اشترت العصير بسرعه
وكادت أن تعود
لتجد يد تشدها بقوه
واخري تكمم فمها وصوت يهتف بشر وحقد :كنتي فاكره نفسك هتخلصي مني
