رواية ظلمت لكونها انثي الفصل الحادى عشر بقلم عفاف شريف
بداخلي سعاده تخشي الظهور فتختفي
..........................................
يحيى باستغراب:مدام هبه
نظرت هبه للصغيره مليكه وهي تقول :مليكه تبقي بنت حضرتك ؟
يحيى باستغراب:عرفتي أسمها منين
هبه ببساطه وهي تشير لشقتها: أنا ساكنه هنا
واتعرفت علي المربيه ومليكه
يحيى بتوتر وبكاء الصغيره يزداد:تمام عن أذنك
اوقفته قائله:هي مالها
يحيى بخوف شديد:مش عارف المربيه مجتش النهارده
ومليكه عماله تعيط ومش عارف أعمل أيه
اكلتها وغيرتلها وكله تمام بس مش راضيه تبطل عياط
هبه وهي تقترب
ممكم أشوفها
نظر لها والصغيره بين يديه تبكي بقوه
وضعها علي يدها بحرص
وهو يسمعها تقول :أخر مرة كلت أمتي
يحيى بيساطه:من أربع ساعات
هبه بهدوء:طبيعي تعيط هي بس جعانه
لازم الرضعه كل ساعتين
وأكملت وهي تتوجه للشقه: أنا هاكلها
بس لو سمحت هات الولاد
دلفت للشقه وهي تقول اتفضل اقعد بس سيب الباب مفتوح
جلست علي اقرب مقعد وهي تتفقد ملابسها وتتاكد من نظافتها
وأكملت وهي تسأل بهدوء:عندها أي حساسيه من أي نوع لبن
يحيى وهو يدخل ويترك الباب مفتوح
لا بس هي بتاخد نوع معين
هبه بهمس خجول: عادي تاخد لبن طبيعي
................................................
#ظلمت_لكونها_انثي
#عفاف_شريف
...............................................
في شقه أحمد
سحر بتشجيع:أنا موافقه جدا
فعلا لازم تكملي تعليمك
تعليم الست هو سلاحها في الحياه
أحمد بهدوء:معنديش اى مشكله
بالعكس دي خطوه صح جدا
باذن الله ابدأ اجراءات نقل ورقك
وأنا بنقل ورق مروه
بس طبعا هياخد وقت لانك موقفه دراسه بقالك سنتين
وكده كده السنه الدراسه في الاخر
تدخلي علي السنه الجديده بقي
فيروزه بدموع :كمان أنا كنت عايزه اشتغل
أحمد برفض :تشتغلي
ليه يا بنتي هو أنا قصرت معاكي في حاجه
سحر بهدوء:ليه عايزه تشتغلي يا فيروزه
فيروزه بدموع سقطت بالفعل:عشان مينفعش أكون عاله عليكم
طول عمري وأنا حاسه اني تقيله
سوا في بيت اهلي او حتي في بيت الى المفروض جوزي
مش قادرة احس كده تاني
وكمان مصاريفي ومصاريف مروه
والجامعه المدرسه
أيه ذنبك تتحمل كل ده يعني حرام
أحمد ببتسامه وهو يقترب منها :فيروزه ارفعي وشك
ترددت قليلا قبل أن تواجهه عيناه
ليكمل:من يوم ما اتولدتي وأنتي بنتي
مش معني أن اسمك مش مرتبط باسمي أنك متكونيش بنتي
في بنت تحس أنها تقيله علي أبوها
اوعي تفكري للحظه أني وجودكم مؤقت
أنتي هنا لحد ما اسلمك للراجل الي يستحقك
ابتسمت بمراره وهي تفكر احقا هناك من سينظر لها بعد أن أصبحت مطلقه
انتشلها من تفكيرها صوت زوجه عمها وهي تقول :فيروزه أنتي هنا في بيتك وسط اهلك اوعي تحسي بغير كده
فيروزه بدموع وهي تلقي بنفسها داخل احضان زوجه عمها:شكرا ولو أن الشكر عمره ما هيكون كافي
سحر بضحك:شوف اهي علقت
يا بنتي شكرا شكرا
مش قلتلك مفيش شكر بين الأم وبنتها
ابتسمت وسط دموعها وهي تهز رأسها موافقه علي حديثها
أحمد بهدوء :صحيح سحر قالتلي أنك جبتي حاجات حلوه ما توريني كده وتفرجيني
فيروزه بحماس وهي تمسح دموعها:بس كده ثواني
وركضت للداخل بسعاده
تنهدت سحر وهي تقول:تظن ممكن نعوضها
أحمد :اظن ان مستحيل يكون في حاجه تعوض عن حنيه وحب الاهل لان دي حاجه مينفعش تُستبدل مهما كانت من ناس تانيه
بس أحنا هنحاول مهما حصل
سحر ببتسامه فخورة :تعرف أني بحبك صح
أحمد بمشاكسه:اممم لا عرفيني عرفيني
سحر بخجل :بس يا أحمد البنات هنا
أحمد بضحك :الله أنا عملت إيه
أنتي فكرتي في إيه
سحر بغيظ وهي تلقي عليه أحد الوسادات:أمشي من هنا
ضحك بقوه وهو يحتضنها ويقول:أنا بموت فيكي يا اغلي حاجه في حياتي
...................................
#ظلمت_لكونها_انثي
#عفاف_شريف
..................................
في شقه هبه
يحيى بحرج وهو يحك رأسه:أه هي كانت اصلا بتاخد لبن طبيعي
بس وقفت من شهرين
ردت عليه بخجل : تمام حضرتك تقدر تروح شقتك تجيب بامبرز وهدوم نضيفه
ونص ساعه وتعالي أكون اكلتها
انتفض يحيى وهو يقول بخوف وتوتر :لا
قصدي يعني
هبه بتفهم :متخفش أنا بس هأكلها
نص ساعه وتبقي في حضنك دي مش أول مرة أنا وهي نفضل مع بعض
يحيى : ده معناه انك أنتي الي كانت لبني المربيه بتجيلك
هبه بهدوء :أيوه
يحيى بهدوء وهو ينظر لابنته:تمام نص ساعه وهكون هنا
هبه :تمام
ظلت تنظر له بهدوء وهو ما زال يقف في مكانه لم يتحرك
هبه بحرج: أستاذ يحيى
يعني
نص ساعه وكده
يحيى بتوتر:أه تمام
نص ساعه
عن أذنك عن اذنك
ظل ينظر لها قبل أن يخرج ويغلق الباب خلفه
هبه بضحك :إلي يشوفه في القسم مستحيل يصدق أنه نفسه إلي كان مرعوب عليكي يا بت يا مليكه
فاكرني هخطفك
جلست علي الاريكه بهدوء وهي تعطيها صدرها
لتاخذه الصغيره بلهفه وجوع شديد
ابتسمت لها بحنان
ولم تري نظرات أطفالها الفضوليه الغيورة من تلك الكتله الصغيره
نظرت لهم هبه بستغراب وهي تري حسن يقلب شفتاه يحضر نفسه لبكاء عنيف
وحسين ينتظر اخاه ليدعمه
هبه بضحك :قلب ماما مالهم
وهنا انفجر حسن في البكاء تبعه حسين تحت صدمه هبه
هبه بهدوء وهي تجذب العربه بهدوء
والصغيره تاكل
بس بس بس يا روح قلبي أنا
ماما اهي معاكم بس بس
أخرجت الببرونه سريعا وهي تضعها لكلاهما
وتغني بحب وحنان
داخلي شيء خفي لكني لا اتذكر
لحن ما صوت شجي أغنية عن شهر ديسمبر
دائمًا حولي وقبل النوم لكنها تبدو حقيقة اليوم
كلما مرت بخاطري تلهم مشاعري
دائمًا حولي وقبل النوم لكنها تبدو حقيقة اليوم
كلما مرت بخاطري تلهب مشاعري
كالحنين والحنان أكثر من هذا وأكثر
خلف الجبين فوق اللسان لكني لا أتذكر
لحن ما صوت شجي
أغنية عن شهر ديسمبر
سكن الصغيران وهم يرو اهتمام امهم بهم
فحتي الصغار بحاجه للحب والاهتمام
.....................................
#ظلمت_لكونها_انثي
#عفاف_شريف
.....................................
إنتهت اخيرا من إطعام الصغار الثلاثه
غفت مليكه والصغار بعد أن امتلئت بطونهم
نظرت لهم بحب وهي تسرع بتجهيز الحمام
ستحمم الصغيرة مليكه
يبدوا أن تلك المربيه لا تعتني بها جيدا
تم تجهيز الحمام بنجاح
نظرت إلي الساعه وهي تتوجهه للباب لكي تناديه لياتي بملابس الصغيره
لكن ما أن فتحت الباب حتي شهقت بصدمه
وعيناها تتسع وهي تراه
يجلس أمام الباب بيده كوب من الشاي
يشربه بتركيز
.........................................
#ظلمت_لكونها_انثي
#عفاف_شريف
.........................................
في شقه أحمد
كانت فيروزه تنظف المطبخ علي نغمات فيروز
بعد أن أصرت علي زوجه عمها ان ترتاح
لتجد مروه تدلف للمطبخ
تفتح الثلاجه وتخرج علبه العصير تشرب من فمها مباشرة
شهقت فيروزه وهي تصرخ :مروه
انتفضت الاخري بخضه وهي تقول:ف أيه مسمم ولا أيه
فيروزه بقرف:إيه القرف ده
أيه مسمعتيش عن الكوبايه
أيه قله الزوق دي
مروه:واي يعني طول عمري بشرب كده
فيروزه:مش معني أن طول عمرك بتعملي حاجه تكون صح
عادي خالص تكون غلط
أيه هنا في ايه ؟
قالتها وهي تشير إلي رأسها
مروه:شعري
فيروزه وهي تضع يدها علي صدرها:هموت حسبي الله ونعم الوكيل
انتي إيه عايزه تجيبي اجلي
بصي بقي عشان والله العظيم هنفجر
شايفه سنين حياتك إلي فاتت انسيها
نتعلم نكون ناس زوق محترمه متربيه
ها متربيه
لازم نركز علي دي
مروه بغضب:انتي مالك قرشه ملحتي كده ليه
كل ده عشان بوق عصير اومال لو كنت كلت ورك فرخه
قالتها وهي تأخذ الزجاجه بالكامل وتخرج
وهي تكمل:سديتي نفسي
نظرت فيروزه في اثرها بتعب وهي تتمتم:حسبي الله ونعم الوكيل
...................................
#ظلمت_لكونها_انثي
#عفاف_شريف
..................................
في منزل محمد
كانت حنان تجلس والقلق ينهش قلبها
محمد يخطط ولامر كبير
وسئ للغايه أيضاً
هي لا تعلم ما هو قادم
تنهدت بخوف
وهي تستمع الي صوت الهاتف
أجابت قائله بلهفه: فيروزه وحشتني
....................................
#ظلمت_لكونها_انثي
#عفاف_شريف
....................................
أمام منزل هبه
هبه بخضه: أستاذ يحيى
انتفض الاخر من شروده وهو يقول:احم مدام هبه
خلصتوا
نظرت له تحاول إيجاد الكلمات
وقالت :أه بس فين هدوم مليكه عايزها تاخد شور
يحيى بهدوء:دقايق واجيب الهدوم
قالها وهو يسرع لشقته
ظلت في انتظاره
ولم يمر الكثير واتى بملابس للصغيره
هبه :تمام هخلص وانده علي حضرتك
نظر لها بهدوء وهي تقول بحرج :عن اذنك
اومئ لها
لتغلق الباب تاركه اياه يقف كما يشاء
اما هي فوضعت الملابس في الغرفه
نقلت الصغار للسرير
وحملت الصغيره وهي تداعبها
تثائبت وهي تفتح عيناها
تنظر لها بفضول
ضحكت هبه وهي تقول:يا روحي أنا علي القمر
جه الوقت الي ناخد شور لطيف كده عشان تنامي مرتاحه خالص
شكلي هقع في حبك يا ست مليكه
..................................
#ظلمت_لكونها_انثي
#عفاف_شريف
..................................
في شقه محمود
كان يجلس بجوار أمه المصره علي زواجه
محمود:يا أمه فكك مني بلا جواز بلا زفت
مش هتجوز ثاني
ردت عليه بدهاء:يا واد انت عايز توصلها أيه
أنك هتموت من بعدها
اتجوز يا خايب وعيش حياتك
خلفلك حته عيل يشيل اسمك
محمود:اومال الي عندي دول أي
ردت عليه بلا مبالاه:تعتبرهم مجوش
مش عايزين أي حاجه من طرفها
خدنا أيه من الحب وسنينه
قلتلك زمان خد مجيده قعدت تقولي لا
اشرب يا اخويا
دي مجيده بتحبك ومستعده تبوس التراب إلي بتمشي عليه
ست بيت زي الفل
وفلقه قمر
وبنت أختي مننا وعلينا
وهتبقي في ايدي زي العجينة
محمود :بعدين بعدين
والدته بضيق :بعدين ليه
مش كفايه الخيبه إلي انت فيها
خدت علي قفاك
وقاعد زي النسوان
محمود بغضب:يووووه
بس بقي يا امي
انزلي يلا
نظرت له بغضب وقالت : أنت حر
بكرا تندم
وحتي مجيده مترضاش بيك
قالتها وهي تخرج من الشقه
ينظر لها بغضب وقهر
محمود:ماشي يا هبه
أنتي السبب
أنتي إلي خليتي إلي يسوا وميسواش يتكلم عليا
هوريكي هعمل أيه
أما خليتك تقولي حقي برقبتي مبقاش محمود
.....................................
#ظلمت_لكونها_انثي
#عفاف_شريف
....................................
في شقه هبه
إنتهت من الباس الصغيره المشاكسه
وقالت وهي تمرمغ انفها بها
يختي قمر يا ناس
إلي ريحته حلوه يا ناس
حمام الهنا يا روح قلبي
يختي ما شاء الله تبارك الله
يحفظك ويحميكي
وأكملت بضحك:يلا نروح ل بابا
لحسن يقتحم الشقه يطالب بيكي
لم تلقي واتسعت عيناها وهي تقول:هو أنتي ضحكتي
ضحكت بسعاده وهي تقول :بسم الله ما شاء الله
قمر
خرجت من الغرفه
وفتحت الباب
لتجده يجلس نفس الجلسه
ما أن راها حتي انتفض ياخد منها الصغيره مليكه يقبلها بقوه وهو يتمتم:وحشتني يا كوكو
يحيى بشكر وحرج:بعتذر عن الازعاج لكن دي أول مرة المربيه تعتذر
وكنت مش عارف أعمل أيه
هبه بهدوء: مفيش داعي للاعتذار
دي زي بنتي بظبط
وأكملت:هي خدت شور
بلاش تعرضها لهوا
دفيها كويس
والرضعه كل ساعتين
يحيى ببتسامه:شكرا مدام هبه
هبه ببتسامه:عفوا
يحيى :عن أذنك
هبه:اتفضل
ذهب وأخذ معه قطعه من قلبها مليكه
.....................................
#ظلمت_لكونها_انثي
#عفاف_شريف
.....................................
في شقه عبد الرحمن
دلف الي الشقه يحمل والدته
وهو يقول :نورتي بيتك يا أمي
ردت عليه بهدوء :ده نورك يا حبيبي
عبد الرحمن وهو يضعها علي الفراش : أوعي تزعلي تاني يا أمي
انا مستحيل يهون عليا زعلك
ربتت علي يده وهي تقول :طول ما انت سعيد يبقي أنا اكيد سعيده
عبدالرحمن:يبقي بمناسبه رجوعك هقوم اعملك شويه شوربه خضار انما ايه عنب
ضحكت وهي تقول :يا ابني انا لسه خارجه من المستشفي عايز تدخلني تاني
عبدالرحمن بغيظ: قصدك أيه
أمه محاوله إمساك ضحكتها: تعالي يا حبيبي ارتاح
ناكل جبنه مالها الجبنه حلوه
ظل ينظر لها الى أن انفجر في الضحك
وهو يهز رأسه مؤيد لحديثها بقوه
فهو حقا لا يجيد الطبخ
............................................
#ظلمت_لكونها_انثي
#عفاف_شريف
..........................................
في شقه أحمد
كانت فيروزه تعد طعام الغذا
لتستمتع إلي زوجه عمها وهي تقول بيأس:تاني يا فيروزه
احنا اتفقنا كفايه الفطار عليكي
كمان الغدا يا بنتي لا
فيروزه بإبتسامة وهي تلف اصابع ورق العنب :ومالو طالما فاضيه
سحر وهي تجلس :يبقي اساعدك أنا كمان فاضيه
فيروزه ببتسامه:ومالو
هنخلص اسرع
سحر:هنخلص ونعمل حله ل جارتنا عشان ننزل نقعد معاها شويه
وعدناها امبارح
فيروزه:تمام هجيب حله ارصها
سحر :تمام وأنا هعمل بتاعتنا
أؤمت لها وهي تجلبها سريعا
لتضع فيه ورق العنب الشهي
......................................
#ظلمت_لكونها_انثي
#عفاف_شريف
......................................
بعد عده ساعات
وقفت فيروزه وراء زوجه عمها
تحمل صحن الورق عنب بشرائح اللحم
لم يمر الكثير وفُتح الباب وخلفه ظهرت هبه
هبه ببتسامه: يا أهلا وسهلا
اتفضلوا كنت في انتظاركم
ابتسمت سحر وهي تدخل خلفها فيروزه الخجوله
جلست بجانب زوجه عمها تلتصق بها كالغراء
غابت هبه دقيقه وعادت بالمشروبات
وهي تقول :اتفضلوا
نورتوني
سحر:منور بيكي يا حببتي
لم يمر الكثير واستمعوا لصوت بكاء طفل صغير
هبه:عن اذنكم
ثواني وعادت بصغير يشبهها إلي حد كبير
سحر ببتسامه :بسم الله ما شاء الله تبارك الله
هبه ببتسامه هي الاخري:تسلمي والله
فيروزه وهي تمسح علي رأس الصغير :اسمه أيه
هبه بفخر:حسن
وعندي كمان حسين
بس نايم
توام
فيروزه :ما شاء الله
ربنا يحفظه ويباركلك فيهم
هبه:أمين
سحر :ربنا يباركلك فيهم يا حببتي
إنتي كنتي ساكنه فين قبل كده
هبه :في .......
سحر :ايوه عرفه المنطقه هناك روحت كذا مره
وأكملت:أن شاء الله ترتاحي هنا المنطقه هاديه ولطيفة جدا
هبه:ده أهم حاجه عشان اكون مرتاحه أنا والولاد
سحر :باذن الله تكون شقه الخير عليكم
هبه:امين
سحر بهدوء:نستاذن احنا قبل ما جوزك يجي من الشغل
تنهدت هبه وهي تقول:خليكم قاعدين محدش هيجي
وأكملت ببساطه :أنا مطلقه
سحر بحرج:بعتذر يا حببتي مكنتش اعرف
هبه بإبتسامه:لو سمحتي بلاش تعتذري
اتفضلو اقعدوا
وأكملت بسعاده طفله: أنا الحقيقه شامه ريحه حلوه اوي من الطبق ده
هو ده ورق عنب
سحر ببتسامه:ايوه
هبه بسعاده:يااااا دا أنا بعشق ورق العنب
وكادت إن تاخد الطبق
لتستمتع إلي صوت الباب
هبه:دقيقه واحده
توجهت للباب
فتحته لتتسمر مكانها وهي تهمس:محمود
....................................
#ظلمت_لكونها_انثي
#عفاف_شريف
...................................
في منزل محمد
كانت حنان بالمطبخ تعد الطعام
لتستمتع إلي صوت الباب يتبعه أصوات كثير
اصوات رجال وأيضا صوت زوجها
ازاحت الستار قليلا
لتري محمد يُدخل عده رجال للمنزل
اجلسهم بالغرفه وأغلق الباب
وتوجهه إليها
حنان بستغراب:مين الناس دي يا محمد
مقولتليش أنك عازم حد
محمد بجمود:هششش بطلي رغي
خدي ازازة الشربات دي
واعمليها وهاتيها
حنان برفض :شربات أيه وزفت إيه بقولك مين
الناس دي
محمد بعصبيه:لو حبه تتهزقي قدام الناس علي صوتك أكثر
قبر يلمك
وذهب
ظلت تنظر في أثره تاره ولعبوه الشربات تاره
وضعت الشربات سريعا وهي تحمل صنيه التقديم للداخل
وتشعر أن هناك أمر سئ للغايه سيحدث
وكانت الصاعقه وهي تفتح الباب
هناك مأذون
يجلس بالمنتصف
علي يمينه زوجها ويساره رجل لا تعرفه
تحدث المأذون :إسم العريس
رد الرجل : عيد محمد محمود
ليكمل المأذون:إسم العروسه
محمد بهدوء :فيروزه محمد سعيد
وأنا وكيلها
