رواية ظلمت لكونها انثي الفصل العاشر بقلم عفاف شريف
التخلي عن حقوقي كأن بدايه هلاكي
....................................
هبه بإبتسامه:اتفضلوا لازم تشربوا حاجه
سحر بعتذار :معلش يا حببتي مره ثانيه بقى
هبه : يبقي هستناكم بكرا
سحر ببتسامه :بأذن الله معادنا بكرا
وودعتهم بإبتسامه
وفرحه صغيره تنمو بداخلها
أغلقت الباب وهي تستمع إلى صوت بكاء أحد صغارها
توجهت ببطي نحو غرفتهم
لتجد أن صغيرها حسن قد استيقظ
هبه بإبتسامه وهي تنتشله من الفراش :حبيب ماما صحي
روح قلبي من جوه
وحشتني أوي الساعتين دول قالتها وهي تحتضنه وتقبله بقوه
وأكملت بهمس : تعالى نخرج بره لحسن اخوك يصحي
غطت حسين جيدا
وتوجهت للخارج وهي تدندن لصغيرها
لكن اوقفها صوت بكاء أخر
تجعد حاجباها بقلق وهي تستمتع إلى صوت البكاء العالي
تيقنت أنه صوت الصغيره مليكه
ابتلعت تلك الغصه وصوت الصغيره يزداد
نظرت لصغيرها الذي غفي علي يدها
وقلبها منفطر علي تلك الصغيره المسكينه
.............................
#ظلمت_لكونها_انثي
#بقلمي_عفاف_شريف
..............................
في أحد الشوارع
كانت فيروزه تمشي بإنبهار من منظر الشوارع
حولها
والابتسامة لا تفارق شفتيها
سحر ببتسامه:تعالي ندخل المحل ده
اؤمت لها فيروزه وهي تدلف معها للمحل
اقتربت منهم أحدى العاملات
وهي تقول بإبتسامه: نورتي يا فندم
أقدر اساعدك في إيه
سحر بإبتسامه هي الآخري :أهلا بيكي يا حببتي
وأكملت وهي تشير ل فيروزه:أنا عايزه لبس لبنتي كل حاجه وكل الألوان والموديلات
شهقه مصدومه خرجت من فيروزه وهي تقول : طنط سحر بس أنا ....
سحر بحزم :فيروزه مفيش نقاش
هو أنا مش زي ماما ولا إيه
فيروزه بدموع تجمعت في عيناها :لا طبعا زيها
وأكملت وهي تحتضنها:ربنا يباركلي فيكي
شكرا أوي
سحر بمزاح:يووه شكرا إيه يا بنتي مفيش شكر
بينا يلا بقي
ومن هنا بدأت رحله البحث عن كل ما هو جميل وعصري
أحضرت لهم الفتاه ملابس كثيره متعدده الالوان وتحديدا الشبابيه
فيروزه برفض :بلاش فواتح
خلينا في الغامق والأسود
سحر بستنكار: أسود وغوامق ليه يا حبيبتي
عندك سبعين سنه
بس يا بت بلا أسود بلا بطيخ
وأكملت وهي تتحدث مع الفتاة
بصي يا قمر شفتي الكلام إلى هي قالته ده
ملكيش دعوه بيه
هتيلي من كل الموديلات دي المقاسات
ومش عايزه أسود خالص
عايزه ألوان بناتي حلوه كده
الفتاه :من عيوني
اتفضلي يا انسه عشان تقيسي
نظرت فيروزه ل زوجه عمها برفض
لترد عليها سحر بهدوء : يلا يا فيروزه يا حببتي لازم تعيشي سنك
كل وقت وليه لبسه يلا
اؤمت لها الآخري بتردد وهي تتبع الفتاه
عشر دقايق
تقف ف غرفه الملابس تنظر لنفسها باستغراب فذالك الفستان البنفسجي المطرز بورود صغيره
ضيق من الخصر وينزل بإتساع
كان جميل
جميل حقا
سمعت زوجه عمها تقول:يا بنتي اخرجي
أنتي اغمي عليكي
نظرت لنفسها مره اخري
وهي تخرج من الغرفه
سحر ببتسامه وهي تراها:بسم الله ما شاء الله
أيوه كده إيه القمر ده
شفتي يا فيروزه الألوان
قال أسود قال
فيروزه بتوتر :لونه غريب
سحر بهدوء:أي حاجه جديده غريبه
طبيعي
يلا إلي بعده
في ساعه واحده
ارتدت عشر أطقم من الملابس
ذات ألوان زاهيه رقيقه وجميله جدا
وكانت صدمتها وهي تستمتع الى سعرهم
فيروزه :كل ده
طيب أحنا هناخد واحد بس
سحر بحزم: فيروزه
وأكملت :هناخدهم كلهم لو سمحت
دفعت المال وهي تحمل الحقائب تعاونها فيروزه
ظلت فيروزه تمشي بحرج حتي قالت : بس يا طنط سحر ده كثير اوي
سحر ببتسامه:كثير علي مين علي بنتي
مفيش كثير عليكي أبداً
وأكملت بحماس : فاضل الشنط والجزم والطرح
وشويه اكسسوارات
فيروزه برفض :لا خلاص كفايه دول
سحر باصرار: يا بنت الحلال هنجيب يعني هنجيب
وأكملت بفرحه :يلا بينا
وغمزت لها: أنا كمان هشتري
فرصه بقي
ضحكت فيروزه وبداخلها سعاده
لم تشعر بها من قبل
تلك المشاعر الغريبه
سعيده لكن مؤلمه
...............................
#ظلمت_لكونها_انثي
#بقلمي_عفاف_شريف
...............................
في محل الأحذية
كانت فيروزه تنظر للاحذيه ذات الكعب العالي بفرحه كطفله صغيره قرر والدها إعطائها هديه العيد
سحر ببتسامه :الكعب للمناسبات والخروجات بتاع بليل
والشوز الرياضي للخروج العادي في أي وقت
والصندل الصيفي دا بقي عشان لما نروح
مصيف
وأكملت لصاحب المحل: صحيح في شنط للمصيف
الرجل:في يا مدام
سحر بسعاده:تمام عايزه اثنين
وأكملت : فاضل أيه يا بت يا سحور
اه خلاص بس نجيب كام حجاب الوان حلوه كده
ونشوف الشنط كمان
الراجل:في تشكيله شنط جميله هنا يا فندم
سحر لفيروزه: أيه رأيك يا روزه
اختاري
فيروزه بحرج:كفايه كده يا طنط
سحر بمزاح:أنا تعبت من كلمه كفايه دي
غيري يا بنتي
وأشارت للرجل
هات دي وعايز وحده زيها سودا ورمادي
عشان يليقو علي كل البس
ولو في كافيه كمان هات
اؤمي لها وهو يجلب لها ما طلبته
تحت نظرات فيروزه المصدومه من كل تلك الأشياء
.................................
#ظلمت_لكونها_انثي
#بقلمي_عفاف_شريف
................................
انتهو أخيرا من شراء كل شي
وكانت صدمتها الأكبر
أنها أيضا لم تنسي حبيبه ومروه
بل أيضا جلبت لكل منهم
ثلاث أطقم وحقيبتين وحذائين
وفيروزه تنظر لها وتردد داخلها: معقول في حد كده لحد دلوقتي
ده الاخوات بياكلو بعض علي الجنيه
أفاقت من شرودها علي صوت زوجه عمها وهي تقول بتعب:مش حاسه برجلي وعصافير بطني بتصوصو
يلا ناكل في محل شاورما هنا تحفه تحفه
عليه فته شاورما هتكلي صوابعك وراها
اؤمئت لها فيروزه وهي تسير خلفها للمطعم بشرود
لا تتذكر أنها تناولت الطعام بالخارج من قبل
لا مع والدها ولا مع المدعو زوجها
حتي انها في مره طلبت من عادل
تشاجر معها وانتهي الأمر بضربها بقسوه
جلست حيث أشارت لها زوجه عمها
وهي تسمعها تقول :هتاكلي إيه
فيروزه بخفوت: الحقيقه أنا معرفش
يعني ممكن اكل علي زوقك
سحر:بس كده
هطلب لينا فته شاورما وبيبسي
اؤمت لها موافقه
وهي تستمع اليها تطلب الطعام
ومر الوقت بين مزاح زوجه عمها
وتذوقها ل فته الشاورما للمره الأولي
ابتسمت بخفوت شارد وهي وتتطلع من نافذه المطعم
تشعر
تشعر بالسعاده
...............................
#ظلمت_لكونها_انثي
#عفاف_شريف
...............................
في منزل أحمد
تحديدا بغرفه حبيبه
كانت ترقص هي ومروه علي أحد النغمات الشعبيه
وهم يصرخوا بحماس وقوه
حبيبه بفرحه:بقالي كثير اوي مرقصتش
مروه بصوت عالي :وانا مرقصتش من زمان أوي
اصلا بابا لو شافني مشغله أغاني بيفضل يزعق
حبيبه بفرحه: ارقصي ارقصي محدش واخد منها حاجه
ضحكت مروه وهي ترقص هي الاخري
وتغني بصوت عالي
إلا أنها انتفضت علي ......
...............................
#ظلمت_لكونها_انثي
#عفاف_شريف
...............................
فتحت سحر الباب بريبه وهي تستمتع الى صوت الموسيقي الصاخب القادم من الشقه
سحر بدهشه:إيه ده البيت اتقلب كباريه
تركت الحقائب علي الأرض
وهي تتوجهه نحو غرفه ابنتها المبجله
فتحت الباب
لتتسع عيناها بصدمه وهي تري ابنتها الوديعه ترتدي أحد القمصان الطويله وتلف حول خصرها الشال وترقص بطاقه وعنفوان وتنفض شعرها كالراقصات
سحر بصدمه وهي تضع يدها علي صدرها:حبيبه
..................................
#ظلمت_لكونها_انثي
#عفاف_شريف
..................................
انتفضت بخضه وهي تري أمها امامها
ابتسمت حبيبة بسماجه وهي تقول :إيه ده ماما
جيتي إمتى
ظلت أمها تنظر لها بجمود
لتتابع بتوتر:ده أحنا بنرقص بس
مروه بهمس :تظني هنضرب
حبيبه بثقه: لا
هنطرد
سحر بهدوء :أيه القرف الي انتي مشغلاه ده
حبيبه بخبث: عايزه تسمعي إيه
سحر وهي تخلع الحجاب وتلفه حول خصرها
تحت نظرات الجميع المصدومه
سحر بحماس : شغلي حاجه عدله
حبيبه بصراخ:هو ده يا سوسو
وانطلقت تعيد تشغيل الاغاني مره أخري
يا بتاع النعناع يا منعنع .. يامنعنع .. يامنعنع
هات هدية للمتدلع .. إتدلع .. اتدلع
يابتاع النعناع يامنعنع .. يا منعنع .. يا منعنع
هات هدية للمتدلع .. إتدلع .. اتدلع
اللي سايب قلبي يولع .. و بعذاب قلبي بيتمتع
و اما اجي اقوله اقابلك .. يتمنع .. يتمنع
يا بتاع النعناع يا منعنع .. يا منعنع انت يامنعنع
نور عيني .. قلبي من جوة .. مين غيره .. وغيره مين هو؟
دة تاعبني .. و برضو عاجبني .. ولا حول ليا ولا قوة
نور عيني .. قلبي من جوا .. مين غيره .. وغيره مين هو
دا تاعبني .. و بردو عاجبني .. ولا حول ليا ولا قوة
يا بتاع السكر يا مسكر .. يامسكر .. يا مسكر
ليل نهار في حبيبي بفكر .. يا مسكر .. يامسكر
طال غيابه عليا و كتر .. اكتر من كدا مش هقدر
و أما أجي اقوله اقابلك .. بيكبر .. بيكبر
يا بتاع السمسم يا مسمسم .. يا مسمسم .. يامسمسم
القوام حلو ومتقسم .. متقسم متقسم
لما عطره الحلو ينسم الحياه في وشي بتتبسم
لما عطره الحلو ينسم .. الحياة في وشي بتتبسم
واما آجي أقوله أقابلك .. بيفلم .. بيأفلم
يا بتاع النعناع يا منعنع .. يا منعنع انت يامنعنع
هات هديه للمتدلع .. إتدلع اتدلع
يا بتاع السكر يا مسكر .. يامسكر .. يا مسكر
ليل نهار ف حبيبي بفكر .. يامسكر يامسكر
ليرقص الجميع تحت نظرات فيروزه المصدومه
وهي تري زوجه عمها ترقص وتتمايل بفرحه
ضحكت بقوه وهي تري زوجه عمها تجذبها لترقص معهم
وحبيبه ومروه يلتفان حولهم
والجميع يرقص بفرحه
وطاقه تحلق ف السماء
.......................................
#ظلمت_لكونها_انثي
#عفاف_شريف
........................................
في المشفي
كان يقف ينظر من النافذة بشرود ووجهه ينير من السعادة
يتذكر ما حدث منذ عده ساعات
Flash Back
عبد الرحمن بصدمه: إيه
ردت عليه بهدوء :موافقه تتجوز فيروزه
عبد الرحمن بستغراب:ليه
يعني ليه وافقتي دلوقتي
نظرت له تتطلع لملامحه الهادئه وقالت:عشان أنت إبني
ولو كنت عايزه مواصفات معينه ف ده عشان أنا بحبك
وعايزه سعادتك
أه كان نفسي ف بنت لسه متجوزتش
بس أنت بتحبها
وسعادتك معاها
وأنا ميهمنيش غير سعادتك
عشان كده أنا موافقه
احتضنها بقوه وهو يردد:شكرا يا أمي
مسحت علي خصلاته بهدوء وهي ترد :ربنا يباركلي فيك
عبد الرحمن بسعاده :وفيكي يا أمي
Back
تنهد بتعب وهو يفكر إلى أين يتجهه الأن
هل يسارع في طلب فيروزه
أم ينتظر أن تسترد أمه قوتها
هل ستقبل به
أم مازالت تحب زوجها
هل من الممكن أن ترفضه
بعد كل تلك المعاناه
أن تعيش علي ذكري حبيبها الراحل
اغمض عيناه بألم
اسئله كثير دارت بداخله
لم يجد لها اجابه
ويا ليته يجد
...................................
#ظلمت_لكونها_انثي
#عفاف_شريف
....................................
في منزل أحمد
اخدت سحر تعطي الجميع ملابسه
تحت صراخ حبيبه المتحمسه
وهي تصرخ:تعيش ماما احلي ماما
سحر :بس يا بكاشه
مروه بسعاده وهي تحتضن الملابس :الله جميله أوي
أول مرة البس اللون ده
سحر ببتسامه :مبروك عليكي يا حببتي
يا رب بس يطلعوا مقاسك
مروه بفرحه:هروح اقيس
ردت حبيبه بحماس هي الاخري :وأنا كمان
وركضت للغرفه
ابتسمت حبيبه وهي تقول ل فيروزه:يلا يا فيروزه خدي هدومك حطيها ف الدولاب
ويومين وننزل نجيبلك البيتي
فيروزه بخجل:كده كثير فعلا
حضرتك دفعتي كثير أوي النهارده
سحر بهدوء وهي تجذبها وتدلف ل غرفتها:
بصي يا فيروزه أنتي زيك زي حبيبه
يعني أوعي تحسي للحظه إن ده مش حقك
أنا واحمد بنحبك زي حبيبه بالظبط
ولو نعرف من زمان كنا خدناكم تعيشوا معانا
بس ملحوقه
أنتو خلاص بقيتو هنا
فيروزه بدموع: بس ليه
سحر باستغراب:ليه إيه
فيروزه:بتعاملينا كده
غيرك هيقول بيتي وبنتي أولي
ليه صرفتي كل ده علينا و قبلتي نعيش معاكم
سحر ببساطه:لاني أم وكنت في يوم من الأيام بنت عايزه حب وحنان واهتمام
الفلوس بتروح و تيجي والرزق جاي جاي
وإلى خارج هيرجع اضعاف
يبقي ليه نبص للموضوع من الجهه دي
الحب اتخلق للعطاء
هعمل إيه بحب مش ظاهر
حب في القلب وبس
الحياه بتحتاج أحيانا للافعال مش بس اقوال
فهمتي
فيروزه بهدوء وصراحه:لا
صدمت سحر للحظه
ولم تلبث واطلقت ضحكه رنانه
وهي تحاول إيقافها
سحر من بين ضحكاتها: مش قادرة
ضحكتيني يا فيروزه
أحسن يا بنتي
الى بيفهم في الزمن ده بيتعب
فيروزه بهدوء :شكرا يا طنط
سحر :عفوا يا ستي احنا في الخدمه دايما
وأكملت هقوم احضر العشا ل عمك اكيد قرب يجي
فيروزه : تسمحيلي احضره أنا
سحر بتعب:موافقه جدا
فيروزه:ارتاحي أنا هجهزه
اؤمت لها وهي تفكر
إلى أي مدي ظلمت فيروزه
...................................
#ظلمت_لكونها_انثي
#عفاف_شريف
...................................
في منزل والده عادل
كانت تجلس بجانبها أبنتاها
وهي تقول:اخص عليكم أنتم الاثنين
طيب مين يقعد معايا
وفاء محاوله اقناعها: يا ماما حرام عليكي هنفضل لامتي جنبك
وثم يعني هنيجي نطل عليكي كل فتره والتانيه
زينب:وأنتي يا ست فاطمه
هتزوري أمك ولا هتنسيني أنتي التانيه
فاطمه بهدوء: اكيد يا ماما
بس أنتي كل عريس يجي بترفضيه من أيام عادل وكل مرة حجه شكل
أنا تعبت هفضل جنبك لحد امتي
من حقي اتجوز واخلف
مش مشكلتي أبدا أي حاجه ثانيه
بسببك عادل طلق مراته كل يوم مشاكل وخناق
يعني أنتي السبب أن البيت يفضي عليكي
أحنا مالنا بقي
وأكملت بقوه :لو مجوزتنيش المره دي
ووقفتي الجوازه زي كل مره
أنا هكلم عمامي وهقولهم علي الى حصل ويحصل الى يحصل
قالتها وهي تغادر بغضب
تحت نظرات زينب المصدومه
وفاء بتلعثم:معلش يا ماما هي اكيد مش قصدها
بس أحنا عايزين نتجوز العمر بيجري
وده حقنا
وتركتها هي الأخري
تنظر في اثرهم بصدمه
....................................
#ظلمت_لكونها_انثي
#عفاف_شريف
.....................................
في شقه محمد
كانت حنان تعد طعام العشا
لتستمتع الى صوت زوجها يتحدث في الهاتف
لم تبالي في البدايه
لكن صوته العالي
جعلها تغلق الموقد
وتسترق السمع
محمد:طالما أنا موافق يبقي خلاص
أه أه هنتمم كل حاجه
الكلمه كلمتي يا جدع
تمام هاخد ثلاثين ألف جنيه
كثير أيه يا راجل
تمام تمام
خمسه وعشرين وده آخر كلام
تمام علي بركه الله
سلام سلام
حنان بستغراب :فلوس أيه دي
توجهت نحوه وهي تقول:كنت بتكلم مين يا محمد
محمد: وانتي مالك
روحي اعملي شاي لحسن مصدع ومش قادر
حنان برفض:مش قبل ما تقولي
أنت بتخطط لايه
محمد بنفاذ صبر: حنان غوري من وشي لحسن والله العظيم اقوم اديكي علقه ومحدش هيقدر يخلصك من تحت ايدي
نظرت له حنان بقرف وخوف
وتوجهت للمطبخ مره اخري
تشعر أن محمد يخطط لأمر ما
وسئ للغايه
لكنها لا تستطيع أن تقف في وجهه
تخاف وبشده
..................................
#ظلمت_لكونها_انثي
#عفاف_شريف
.................................
صباح يوم جديد
ربما بدايات جديده
استيقظت فيروزه مبكرا
تشعر بنشاط وطاقه تدب في روحها
توجهت للحمام استحمت وارتدت ملابس جديده
صلت الفجر والضحي
وتوجهت للمطبخ
أعدت فنجان من القهوة
وامسكت أحد المصاحف وتوجهت للشرفه
عازمه علي بدايه جديده
تعيد إليها روحها
قرأت الورد وهي تستمتع بنسمات الهواء البارده
حتي إنتهت من قراءه جزء كامل
وهنا شعرت بالراحه تغزوا قلبها
أغلقت المصحف وهي تسرع في تحضير الافطار
ف الجميع لديه شغله الشاغل
ويجب عليه أن تحضر اجمل فطور
......................................
#ظلمت_لكونها_انثي
#عفاف_شريف
......................................
نصف ساعه
قضتها في تحضير الطعام
وأخيرا انتهت من وضع اكواب الشاي بحليب
والصحون
تنهدت بسعاده وهي تستمتع إلى صوت زوجه عمهاوهي تقول : ما شاء الله تبارك الله
إيه ده صحيتي امتي
تعبتي نفسك يا روزه
فيروزه وهي تنظر لها:خالص صحيت بدري قلت اجهز فطار حلوه كده
صباحك فل
سحر:صباحك ورد
أحمد من خلفهم:صباح الخير
سحر وفيروزه :صباح النور
وأكملت سحر:شوف فيروزه حضرت إيه يا أحمد
أحمد ببتسامه:تسلم إيدك يا جميل
اكيد طعمه حلو زي شكله
فيروزه: يسلم قلبك يا عمو
يلا اقعدو وأنا هصحي حبيبه ومروه
وتركتهم
تحت نظرات سحر المبتسمه
أحمد: شايفك فرحانه
سحر وهي تجلس : حاسه أن بقي عندي ثلاث بنات
حسه أن ربنا عوضني بيهم
أحمد بحنان: مش قلتلك أنتي وحبيبه عندي بالدنيا
سحر بدموع: كان نفسي اجيبلك الولد الي يشيل اسمك
أحمد وهو يحتضنها:بعد العمر ده كله يا سحر
ولد إيه بس
يفرق إيه الولد عن البنت
أنا مش شايف فرق
ولد او بنت كله رزق من عند ربنا
وأنا راضي بكل الي يجيبه ربنا
أخلف بنت وتطلع باره بيا
ولا اخلف خمسين ولد و يطلعوا عيني
هو أنا قادر علي حبيبه
قالها بضحك
واكمل بمزاح: امسحي دموعك البنات جايين
ليقولو عملتلك حاجه
مسحت دموعها سريعا
وهي تستمع إلى صوت حبيبه المزعجه
حبيبه بسعاده:صباح الورد يا سحور يا قمر
سحر ببتسامه:صباحك فل يا حببتي
أحمد:صباح النور يا حبيبه بابا
اقعدي يلا افطري
قبلته من وجنتاه وهي تجلس تتناول افطارها
ولم يمر كثيرا وانضم لهم مروه وفيروزه
انتهي الجميع من الطعام
وذهبت حبيبه للمدرسه
ومروه للمزاكرة إلى حين نقل اوراقها
وتبقي أحمد يجلس جوار حبيبه وزوجته
يتناولو القهوه
فيروزه بتوتر :عمو احمد
أحمد ببتسامه:نعم يا حببتي
فيروزه:أنا
أنا كنت عايزه أكمل تعليمي
......................................
#ظلمت_لكونها_انثي
#عفاف_شريف
......................................
في شقه هبه
كانت تجهز الصغار بحماس لقد قررت أن تخرج من تلك القوقعه
هي وأطفالها
قررت أن تقضي يوم جميل ولطيف
إنتهت أخيرا من الباس الصغار ملابسهن بسعاده وهي تقول:ياختي قمر يا ناس
ده انتو هتجننو البنات لما تكبروا
ضحكت بقوه وهي تقول :اوعو بس تطلعو زي المخفي ابوكم
وضعت الصغار في العربه
وهي تنظر لنفسها و لأطفالها برضي
فتحت الباب وهي تخرج
ولم تكد تخرج من ممر العماره
إلا أنها استمعت إلي صوت بكاء لطفل صغير
التفتت خلفها
لتجد رجل يعطيها ظهره ويحاول غلق باب منزله
ظلت تنظر له إلى أن
التفت ليخرج هو الاخر
لتصتدم عيناها بعينه هو الاخر
نقلت عيناها وهي تراه يحمل الطفله الصغيره بين يديه
ولم تكن سوا الصغيره مليكه
نطقت بصدمه
استاذ يحيى
