 |
رواية اسكريبت أي أحسن أكلة في العالم كامل بقلم الست نور
- أي أحسن أكلة في العالم؟
- هي الأكلة اللي بعد جوع.
نزلت أسك ask للفولورز بتوعي ولما وصلني إجاباتهم واللي كانت أغلبها نفس الرد قررت أكل المحتاجين واللي نفسهم عفيفة أحسن أكلة، فقررت أعمل إطعام وأنزل أوزعه.
- ممكن آخد وجبة تانية لعيالي؟
- عندك كام طفل؟
- ستة.
- خدي ليهم كلهم بس كده عيوني.
- تسلم عيونك يا بنتي، روحي ربنا يفتح في وشك ببان الخير من حيث لا تحتسبي ويأكلك ويطعمك وميزولش نعمته من أيدك أبدًا أبدًا قادر يا كريم.
نفسي اتفتحت للحياة أكتر من كم الدعوات دي واتشجعت أكمل الـ To do list اللي عزمت أخلصها.
- أي أحسن نومة الإنسان ممكن ينامها؟
- هي النومة بعد تعب حتى لو نام على حصير.
نزلت أسك ask تاني وقررت أستنى إجاباتهم بس مفهمتش معنى جملتهم أي فنزلت ألف في الشوارع شوية ولقيت بعض الناس نايمة في الشوارع بس باين على وجوههم التعب والهم فهنا فهمت، فاتصلت بدار رعاية وبدأت أنسق معاهم أماكن المحتاجين للرعاية وجمعهم من الشوارع على قد ماقدر وبعد ما جمعنا عدد كبير منهم قررت أعملهم احتفال بسيط وسهرة ليلية مع كل اللي في الدار.
- مبسوطين؟
كلهم ردوا وهزوا راسهم بفرحة لحد ما واحد منهم بصوت ضعيف رد:
- إلهي ما يوحجك إلا ليه ويدفع عنك بلاويه وميزولش نعمته من أيدك أبدًا أبدًا قادر يا كريم.
كانت دعوة عظيمة وكأن كلهم أجمعوا على إن زولان النعمة من أيدينا أكتر ابتلاء ممكن يمرّ على الإنسان في حياته.
- أي أكبر نعمة بيملكها الإنسان؟
- الصحة والعافية.
نزلت أسك ask للمرة التالتة وسألت فيه عن أكبر نعمة بيملكها الإنسان، فقررت أشوف مين اتحرم من النعمة دي وهل أقدر أساعده وأساعده إزاي؟
- داخلة فين يا آنسة؟
- زيارة مريض.
- هو حضرتك جيتي هنا قبل كده؟
- احتمال، بس ليه؟
- شكلك مألوف ليا.
- ممكن شوفتني في شاشة.
- يعني أي؟
أكتر مكان قابض للأنفاس في نظري هو المستشفيات وقد أي روحك بتتخلع لما تشوف كم المرضى والتعبانين اللي في الأسررة وغرف العناية وأوض الكشوفات والأشعة.
- أنتوا واقفين كده ليه؟
- مستنيين بنك الدم يوفرلنا فصايل دم لقرايبنا المرضى.
- وهو بنك الدم عنده عجز؟
- للأسف.
استغليت عدد الفولورز بتوعي من كل محافظة وعملت مبادرة بهاشتاج "نقطة دم تساوي حياة" وشجعت كل إنسان بكامل صحته ويقدر يتبرع وينقذ حياة إنه ميتأخرش وفي الحقيقة مكنتش متوقعة الإقبال ده كله وتأثير السوشيال ميديا لدرجة الإعلام المصري تصدر الخبر تحت عنوان:
"كاتبة روائية ومؤثرة في عالم السوشيال ميديا تصنع فرقًا تُحدث تغييرًا"
- احكيلنا يا ست نور من أول مبادرتك لختام سنة 2024م
- مبدأيًا أنا سعيدة بوجودي مع حضرتك يا دكتور منى ده شرف ليا عظيم.
- حبيبتي ده شرف ليا بعد ما رفضتي كل اللقاءات ووافقتي تطلعي معايا.
- أنا حقيقي خجلة من رفضي والله مش تكبر مني ولا حاجة قد ما خلاص أنا معنديش وقت والسنة بتعد تنازلي ولازم أكمل الـ To do list بتاعتي، فلذلك اخترت قناة واحدة بحيث توصل لأكبر قدر من المشاهدين وأشارك فكرتي بحيث كله يعمل زيها وأحسن ويساعدوا غيرهم.
- أنتِ مثال جميل للتأثير الإيجابي يا حبيبتي وياريت الكل يبقى زيك.
- زيي وأحسن مني بإذن الله.
- قوليلي أي الأسك الجاي؟
- المرة دي مش هنزله إنستا وهشاركه مع حضرتك ونشوف إجابات المشاهدين.
- يلا كلنا منتظرين.
"أي أحسن لبس ممكن يلبسه الإنسان؟"
الإجابات وصلت بعد الحلقة في كومنتات بيدج د. منى الشاذلي واللي كان عددها بـ الآلاف ولكن اللي أجمعوا عليه كلهم هو:
"أحسن لبس ممكن يلبسه الإنسان هو اللبس اللي يداري رجفته ورعشته من البرد ويدفيه في ليالي الشتاء اللي مبترحمش"
- قررتي أي يا نور؟
- مين أحق باللبس ده؟
- أطفال الشوارع.
- وغيرهم؟
- مش عارف استني أفكر.
- أطفال غــزة وأهلهم.
- أنتِ قصدك....
- بالظبط أنا هوسع المبادرة بس المرة دي محتاجة دعم كبير.
"اللي هيشارك بلبس أو دفايات وبطاطين واللي هيشارك بفلوس فيقدر يتواصل معايا، ومشاركتك هتقطع أميال لحد ما توصل لمستحقيها"
- الموضوع بدأ يوسع يا نور وهنعمل أي بكل الحاجات دي؟
- متقلقش باقي الفريق جاي وكل حاجة هتتظبط.
استعنت بمجموعة متطوعين ومنسقين مع مسئولين ثقة في غــزة يساعدونا المساعدات توصلهم وفي نفس الوقت أنا هوزع هنا في مصر وكل محافظة خليت ليها مُنسق وأماكن استلام وأماكن توزيع.
- أستأذن كل مُنسق منكم يبعتلي توثيق التوزيع وكشوفات التسليم.
كنت بحاول بكل الطرق أتأكد إن محدش يستغل ثقتي واسمي ويحاول يحقق ربح ليه من ورا حاجات رايحة لمُستحقيها فكنت بتواصل في كل مكان ليا فيه ناس وبتأكد وأوقات ببعت ناس تبعي كأنها رايحة تستلم منهم وأشوف رد فعلهم، لحد ما وصلني ڤيديو وسط الڤيديوهات كان طفل بيتكلم:
"البرد هَي السِنة إكتير قوي خصوصًا إنّا ماننا ببيوتنا ونازحين بخيم، لكن مصر الشقيقة أرسلت إلنا مساعدات وهلأ فيني نام وأنا دفيان، شكرًا مصر"
ڤيديو اتصدر وسائل التواصل الاجتماعي وهزّ قلوب المصريين والعرب أجمع لدرجة إن الڤيديو انتشر ليتم ترجمته علشان يوصلني تهديدات كتيرة بسببه:
"اللي بنحاول نعمله في سنين جيتي أنتِ هَديتيه في ڤيديو لا يتعدى الدقيقة، لازم توقفي لحد هنا وإلا كل بيدجاتك دي هتتقفل"
في الحقيقة أنا كنت واثقة ومنتظرة رسالة زي دي لأني عارفة إن أي ميمز وأي بوستات مُثيرة للفتنة على السوشيال ميديا فهي وراها ناس تقيلة غرضهم يثيروا الفتنة والكراهية بين الشعوب وبعضها، مع إننا في الواقع روحنا في بعض.
- فاضل يوم واحد بس والنهاردة 31 ديسمبر تفتكروا أي أكتر مساعدة أقدر أختم بيها السنة المتعارفة عالميًا والكل بيستعد يودعها؟
نزلت آخر أسك ask ليا في سنة 2024م وجاتلي إجابات كتير لحد ما قررت المرة دي أعمل حاجة غير متوقعة، تفتكروا أي هي؟
- نور فين يا جماعة؟
- دي قفلت البيدجات وآخر استوري منزلاه شنطة سفر بتقول guess to where؟
سيبتهم ياخدوني محتوى وكله مشغول بأنا فين ويطلعوا إشاعات على حِسي وده اللي أنا كنت محتاجاه علشان أعرف أعمل مخططي براحتي واللي منتظريني خروجي من البلد يطمنوا إني سيبت مصر باللي فيها.
- المرة دي هفتح ليكم لايڤ وتشوفوا عظمة مصر بلادي.
اللايڤ كان من احتفالية معمولة مخصوص لولاد مصر والأجانب والسيّاح لختام ماراثون كبير وعظيم وأنا كنت من منظمينها الخفايا علشان أتفق مع كاميرات التنظيم وأستغل عدد الفولورز وأوصلهم عظمة مصر بلادنا وجمال آثارها.
- جُم يا نور وبيدوروا عليكِ.
- خلي الكاميرات شغالة زي ما هي أنا عملت ليكم أكسيس على بيدجاتي كل حاجة لازم تنزل زي ماهي.
- طب خلي بالك من نفسك.
- قول يارب.
مكنتش أعرف إني أبقى هدف ليهم لدرجة كل دول يكونوا مستعدين إنهم يتخلصوا مني في أي لحظة، للدرجة دي أنا مهمة ولا مصر حرّاقة لكتير ناس فأي حد يظهرها ويلمعها يسعوا يصـفوه؟
- أنتَ مين؟
- أنا مُكلف بحمايتك.
- حمايتي ليه؟
- لأن اللي جاي يتخلص منك إحنا عاوزينه.
- نعم! وأنتوا عرفتوا إزاي وأي يخليني أثق فيك؟ ما يمكن تكون واحد منهم.
- أنا مش لوحدي، شايفة كل البدل دي؟ هم حاضرين صوري لكن في الحقيقة لو اتأذيتي كل دول هيتشالوا من مناصبهم، فحياتك غالية متقلقيش.
- وهو مشيك معايا مش هيدلهم عليا يعني؟
- لأ.
- ليه بقى ثقتك دي؟
- لأننا اتنين أزواج.
- نعم!
- الباروكة اللي شايلاها في شنطتك علشان تتخفي بيها هتساعدني وكأننا اتنين سياح وأزواج.
- أنا مش فاضية للمسخرة دي.
- مهو كده وإلا أنا آسف فمضطر أعتقلك والسجن ءأمن مكان لحد ما الأوضاع تهدى.
- أنت مجنون؟
- بالعكس عمري ما كنت عاقل زي دلوقتي.
- .....
- اختاري السجن يا ... تبقي مراتي؟
- أنا هقدر أحمي نفسي وأكيد مش عضلاتك دول اللي هيحموني.
ضحك فظهر نور من صف اللؤلؤ المكنون اللي كان مخبيه وظهر بياضه مع ضحكته وانعكاس الإضاءة.
- حياتك غالية يا نور واسمعي الكلام كلها ساعتين والسنة تخلص ويخلص حمايتنا ليكِ.
- للدرجادي مهم ليكم تحموني دلوقتي لكن بعد كده لأ؟
- علشان أنتِ هتسيبي البلد بعد الساعة اتناشر.
- ده أمر؟
- تهديد.
- جرأتك عجبتني.
- ودماغك وشجاعتك متشغلهمش وإلا...
- وإلا أي؟ هموت؟ طب وأي المشكلة لما أموت هييجي غيري كتير هل كلهم هتقدروا عليهم؟
- الأحسن ليكِ تسمعي الكلام من سُكات.
- أنا عمري ما سكت علشان أسكت النهاردة!
- حيث كده معنديش حل تاني.
هو فاكر لما يحاول يخطفني من وسط الزحمة دي كلها إنه هيقدر في حين إن شجاعتي هي اللي مخلياني واقفة هنا لحد الآن وأنا لا يمكن أضيع مخططي كده وخلاص.
- دوروا عليها ولاقوها وإلا هيخلصوا عليها.
- حاضر يا فندم.
- روحتي فين يا نور؟
عملت بلان سي واللي كنت حطاها احتياطي لإني أتكشف وبدأت أتجول بدون ما يحد يكشفني لحد ما اكتشفت إن وجودي هنا مش خطر عليا قد ما هو خطر على شعب بحاله.
"مصر فيها ثلث آثار العالم وحضارة مصر كانت مُلهمة لكتير وكتير على مرّ العصور، وعظمة مصر مش في علمها وترابها ومنحوتاتها وبس! عظمة مصر في شبابها وولادها، مصر ولادة وهتفضل ولادة لأبناء فراعنة يحكموا الأرض بـ مَـن عليها بعلمهم وحكمتهم"
- متتعبش نفسك وتدور عليا أنا جيتلك بنفسي.
- أنتِ مين؟
خلعت الأيس كاب والماسك اللي كان على وشي والباروكة وأظهرتله نفسي علشان يتفاجئ وإني رجعتله بنفسي.
- أنتِ قدامي من بدري وأنا بدور عليكِ في مكان تاني!
- لأن مكنش ينفع عينك تبقى عليا وعينك كان لازم تبقى هناك.
- قصدك هيغتالوه؟
- أيوة.
في لحظتها طلع جهاز الإرسال من جيبه وأمرهم يتحركوا ناحية المنصة علشان يسحبني من أيدي ويجري بيا ونقف على الاستيدج قدام كل الكاميرات.
- اسمحولنا بالعرض ده.
- طبعًا اتفضلوا.
وقفنا في وش الشخصية المهمة واللي هم هنا أساسًا علشان يغتالوه وبدأنا نعمل عرض مسرحي على موسيقى الفراعنة وورانا مشاهد تصويرية علشان لما نختم العرض نوجه إنحناءة لصاحب المقام فيلتف حواليه الشرطة المصرية ويعملوا شكل مفتاح الحياة الفرعوني في منظر مهيب يتشدله العيون والأذهان وتوثقه عيون الكاميرات.
- مش قولتلكم مصر ولادة؟
تسقيف كتير والعدّ التنازلي بيعدّ علشان نختم الليلة اللي أصبح مَذاعها عالمي وتأمينها مطلب رئاسي علشان تنقل مصر وسياحة مصر لجذب عالمي.
- فين نور يا جماعة؟
- معقولة تعمل كل ده وتحقق الشهرة دي وترجع تختفي؟
- أكيد هترجع تاني زي ما عملتها قبل كده.
- طب حد يطمننا إنها بخير.
كنت قاعدة قدام شط البحر وببعت تحياتي وقُبلاتي لمصر الولادة وأنا جنبي ابن مصر وحفيد الفراعنة الأقوياء العظماء.
- حمايتك ليا لسة مخلصتش؟
- مش قولتلك حياتك غالية يا نور؟
- عند مصر؟
- عند ابن مصر فرعونها الصغير.
ضحكت:
- أنت عارف إني عمري ما كنت خايفة إلا دلوقتي؟
- ليه؟
- لأن مكنش ليا إيد توجعني أو نقطة ضعف أتمسك منها.
- ودلوقتي؟
- أنت ضعفي وقوتي.
- وأنا لا يمكن أسمح لحد يقرّب منك ولا يأذيكِ طول مانا عايش.
- ولأمتى هتفضل تحميني؟
- للأبد.
- حتى لو انتهت العوالم؟
- حتى لو فنيت المجرات والكواكب.
{نورٌ عَلى نورٍ يَهدِي اللَّهُ لِنورِهِ مَن يَشاءُ}💗
#الست_نور
لمتابعه روايات سكيرهوم زورو موقعنا علي التلجرام من هنا
