رواية لفي بيا يا دنيا المقدمة بقلم لولو طارق
ماتبصوليش كدا .. ايه اول مره تشوفو واحده .. نعم واحده ايه .. واحده بنت طبعااا وست البنات .. انا ..
أحم احم معاكم ربة الصون والعفاف .. كريمة الحسب والنسب .. ايه بتقولى ايه يا صفرا انتى �� .. لا ما اتجوزتش لسا ولا اتخطبت ولا حبيت ولا شوفت وش واحد فيهم الله يسماحهم كلهم اتشكو فى نظرهم .. امال نازله مدح فى نفسى ليه .. بدينى طاقه .. تاخدى .. هايكون ايه يعنى طاقه وسعى كدا خلينى أعرفهم بنفسى .. حطت ايديها على وشها وبتتهز جااامد .. بصو بقى يا حلوين يا مقطقطين قبل ما اقولكم انا مين اقفلو كل الطاقات السلبيه وأسحبووو هوووا وبتاخد نفس عميق .. ايوا كدهون ... بطلى حقد واعملى زى مابقولك .. وطلعو النفس براحه وبشويش وهدوء .. طلعتوه .. انا لسا � .. امال بتكلم منين من بوئى النفس من مراخيرى ��� خلاص خلاص طلعته .. عندك ايه أكتئاب ومش نقصانى .. طيب انتى عندك أكتئاب ماله ومالى .. مكتوب على وشى تزيد من إكتئاب حظراتكم .. طووويب خلاص ها اقول جاتك السعاده وراحة البال وانا معاكى يارب اسمى لولو .. عندى اخوات كتير قوى قوى ما تعديش .. بس جيران وقرايب وحبايب .. توء توء مش وحيده بس اصغرهم هما اتجوزو وسابونى لامى وابويا وكل واحد فيهم مسافر بلد شكل اهئ اهئ اهئ .. كام واحد .. هى واحده بس ومابنشوفش وشها اخوات على ماتفرج .. امال بقول كام بلد ليه .. ههههه عشان العزوه واللمه وكدا ما احنا أهل بقى والعروبه هى أمى .. هى مش أمى قوووى ساعات بتقلب بس مش مهم المهم اللمه والعزوه اه خلصت دراسه بقالى ايه شهر .. لا لا اتنين تلاته اربعه ممكن سنه او اتنين .، بصو من الاخر محدش يسئل انتو مالكووو اصلا عالم حشريه ... ايوا طبعا بشتغل هو انا مقولتلكوش انا تمريض عسكرى ههههه لا دانا مسحوله ياختى منك لها .. ياله كفايه عليكووو كدا ها ادخل بقى عشان تعرفو حكايتى .. سلااااام ...
