رواية لفي بيا يا دنيا الفصل الرابع 4 بقلم لولو طارق

باسل مسك الأيد الملفوفه حوالين راقبته ومش مستوعب كمية الصريخ اللى فى دنه والكلام إلا مش مفهوم الا بيتقال شد بعزم ما فيه بايد واحده راس الا بيصرخ نزلت عند رجله وماسك دركسيون العربيه بايد وبدهشه  : انتى يخربيت معرفتك السودا .. انتى لو أتب مش ها يطلعلى بالسرعه دى .. وركن وضرب فرامل وهو بيركن ولولو طارت براسها اتخبطت فيها .. 

لولو : اااه .. اااه راسى 

باسل بيدوس على راسها جااامد بايده : ايه جابك هنا انطقى وبيوطى براسه عليها وفى اللحظه اللى وطى راسه فيها طلقه اضربت على عربيته من ورا .. فضل موطى وبيقول لها .. أخرسى جاب الطبنجه بتاعته وشغل العربيه و اتعدل وطلع بسرع عاليه جدا  

لولو بخوف : هاتعمل ايه .. هاتعمل ايه ها يقتلونا 

باسل : كل ما اشوف وشك اشوفه بمصيبه وبصوته كله اخرسى واوعى تتعدلى فاهمه 

لولو وشها أحمر : انا محشوره يا عم الحج بين الكورسين  ..روحى بتروح من الحشره  

باسل بيجى يمين وشمال وبيطلع من الشباك وبيقول لها أمسكى الدركسيون وسيبك من روحك دلوقت .. لولو ماسكه الدركسيون وبتلفه لاقصى اليمين وباسل بيضرب ناااار والعربيه اصبحت فى اتجااه وهما فى اتجاااه ركززز قووى وضرب كوتش عربيتهم وصاب اتنين فيهم .. وعربيته دخلت جوا الصحرا بأقصى سرعه نزل بسرعه وعدل نفسه 

باسل : ايه الا هببتيه دا دخلتينا فين انتى ... 

لولو بعصبيه : هو انا شايفه حاجه بقولك محشوره .. مزنوقه ياعم الحمقى 

باسل بغيظ  : والله لاسيبك كدا وسمع كام طلقه وكمل طريقه جوا الصحرا بيهرب منهم  .. يعنى يوم ما اموت ها أموت بهرب منهم بسببك وخبطها على راسها .. ايه جابك هنا 

لولو بعياط مصطنع : نصيبى جابنى هنااا .. ااااه ياحوستى إلا كانت لا على البال ولا الخاطر 

باسل بعصبيه : انتى شوفتك مخاطر .. اااه لو اطول راقبتك وأفضالك وبيضغط على سنانه بغيظ أكتر .ٍ ايه جابك هنااا 

لولو : روحنى وانا اقولك 

باسل ضحك ضحكه مسرسعه : إبقى قابلينى لو انا وبيشاور على نفسه والا أنتى حد شاف وشنا تااانى قشاش حرقة الدم أنتى  .. اسكتى بقى خلينى اخلص من الأبلاسه إلا وريااا دول ... فضل يدخل من طرق وسط جبال صغيره  ومتوسكل ورررراه وبيشتموه وبيقولوله ها نجيبك يا .. ... وباسل بيضيع وقت عشان يفكر ازاى يخلص منهم بأمان  ويرجع لولو .. زقها بقوه  وبيتكلم معاها بهدوء .. بصى انزلى تحت الكنبه الا ورا دى ومهما حصل اوعى تخرجى من العربيه .. خدى دا سلاح معاكى اهووو بتعرفى تستخدميه والا اتخرجتى ازاى انتى 

لولو : بعرف ما تقلقش علياااا  .. ياله روح الله يسامحك ياخى على كل ذنوبك 

باسل : ياااااه  انتى مستعجله على ايه ربنا يسامحنا كلنااا ياختى .. ووقف العربيه ومنزل راسه تحت وبيذكر ربنا وقال بسم الله وهما قربو مع وابل من الرصاص اول ما قربو منه شايفهم فى المرايه فتح الباب فجأه طارو بالمتوسكل اتعدل وضرب عليهم نااار وخلص منهم .. اتنهد وخد نفس 

لولو اتعدلت وطالعه براسها براحه بتبص بعيونها من الشباك عليهم وبصوت عالى وفرحه  : الله أكبر .. الله أكبر  .. ايه الحلاوه دى 

باسل : ضحك . هههه بفضل الله أقل ما عندى ما تأفوريش كدا انتى بس عشان مش عارفانى 

لولو بفرحه  : ماتوو من غير ما اضرب عليهم رصاصه واحده شوفت وبتخبط على نفسها  انا بركه .. بركه يالولو يا حلوه يا جميله  

باسل تنح وبصلها ورفع ايد بغيظ بيكمشها عند وشه : انتى إيه يا شيخه وبيفرد ايده وبيتهز انشل دلوقت عشان أرتاح منك 

لولو : لاء مش دلوقتى روحنى لاول وبتنطر ايديها وأنشل براحتك 

باسل بتريقه : لاول .. أقتلك لاول .. أخلص عليكى لاول نزل خد كل حاجه مع الأرهابين وصورهم  وراجع بيبص على عربيته لقى الكاوتش كله على الارض وبصوت مسموع  .. لا إله إلا الله .. ها أعمل ايه دلوقت 

لولو نزلت : ايه فى ايه 

باسل بيشاور على عجل العربيه : كملت بالصلاه على النبى وقرب وزعق فى وشها انتى ايه يا شيخه 

لولو رجعت براسها لورا : انا ايه انا لولو 

باسل : مفيش حل قدامى غير اننا نمشى عشان التليفون لا يمكن يلقط شبكه هنااا 

لولو كشرت وشها : انا ها أمشى دا كله ازى انت عارف احنا فين أصلا 

باسل بيرفع ايده الاتنين وينزلها : فين اللياقه .. فين الاناقه ..فين الدم 

لولو : فيش دم هرب انت مش شايف المناظر الا تجيب ارتكاريه وافرد طلعلى تعبان اقوله ايه كنت بعمل ايه فى منطقته وبتشاور على الصحرا منطقته دى والا مش منطقته وكمان يلملى بقى ولاد عمامه وقرايبه وولاد حتته ويعملو عليااا حفله عشان انا رقيقه  .. ما تبصليش كدا هما جرابيع مع بعض بس مع الغريب وبتمسك ايديها فى بعض ايد واحده وسمهم والقبر 

باسل قرب عليها وبيرفع ايده لفوق جااامد وبيجز على سنانه وهى بتوطى براسها : ماتخلنيش أقسمك نصين وارميكى جمبهم مش كفاية عربيتى .. انا مش ناقصك أو مش طايقك مش قابلك 

لولو وقفت على جمب وهو بيجيب حاجته من العربيه وبيلبس حاااجات كتير جدا .. وجيوب وحمل حوالين جسمه .. بيبص عليها لاقها واقفه باصه فى مراية العربيه وبتعدل الطرحه .. انتى بتعملى ايه 

لولو باندماج : بعدل الطرحه عشان الأريل ما يطلعش برا 

باسل : 😂😂😂 انتى دماغ 

لولو بغرور مزيف : اسيبك تتريق عليا زى سها يعنى شكلك اصفر زيها كدا ولايقين على بعض 

باسل : انا مش مستوعب انتى ازاى الناس مستحملاكى 

لولو : والله انا الا مستحمله وصابره بس انتو بتشوفو بالمشقلب 

باسل شاور قدامه : فعلا .. اتفضلى 

لولو : انت ازاى بتفكر ما نروح بالموستلك بتاعهم لو مش بتعرف تسوقه انا بعرف ها أستلكه على طول على الطريق وبتفرد ايديها لقدام مباشرا 

باسل ابتسم : صح .. انتى صح .. موستلك يا عار على  التمريض .. ها تستلكيه يا حظ العسكريه الا ما يعلم بيه الا ربنا ..   بس انا عندى إقتراح ايه رايك تخليكى فى العربيه هنا وانا ها أروح ابعتلك دعم ونطر ايده فى وشها اهو على الاقل تبقى مدعومه من حد 

لولو بتفكير مزيف  : افرد حصلى حاجه وانا صاحبة الفكره .. انت بتهزر لا طبعااا .. ياله والنهار منور نستلك طريقنا بالسلامه 

باسل جاب المتوسكل وركب بعد ما شغله وبيبص عليها لاقها واقفه ما بتتحركش : ايه ما تركبى 

لولو بإحراج : بصراحه مش ها أقدر اركب وأمسك فيك وكدا انا اتكسفت والله وخصوصا هانبقى زى تايتنك ومش بعيد نغرق فى الصحرا بعد العمله السودا دى 

باسل ديق عيونه : انتى وش كسوف والا وش تايتنك 

لولو بصت على نفسها : ايوا والله بتكسف  وقربت عندك شك 

باسل بتريقه وبيمشى ايده على صدره من فوق لتحت  : مش مرتحلك .. بس معلش تعالى على نفسك احنا ظرف إستثنائى وارجوكى ما تكررهاش ابوووس وبيفكر راسك ما تكررهاش 

لولو مدت ايديها بهزار وبتقوله بووووس  وهو ضربها عليها جااامد : اه .. مش انت الا مصمم  ..  انت ها تفضل تتريق علياا كتير  كفايه محايله بقى 

باسل بجديه رعبتها : اركبى نفذى الأمر انا هنا قائد ليكى 

لولو ركبت ومسكته من ضهره واول ما طلع بالموتوسكل كانت ها تقع فا تبت فيه جااامد 

************

محمد بصرامه وعصبيه : علمتو ايه معاها خلاها تمشى من المستشفى وتهدد مستقلبها كله فى عمله زى دى .. 

منى : والله يا دكتور ما عملت لها حاجه 

سها : ولا انا 

علياء : لا انتى الا زعلتيها ومشيت زعلانه بسببك وبسبب تجريحك فيها كل شويه 

سها ؛ انا ما مزعلتش حد .. الهانم نزلت ركبت عربية حضرة الظابط الا بيجى للنقيب حاتم يزوره عشان انا شوفتها وهى بتركبها وبعدها بشويه رجعت بصيت عليها شوفته نزل وركب العربيه ومشى بيها واتأكدت بنفسى لما شوفته 

محمد : بتخرفى تقولى ايه انتى 

سها : الا شوفته قولته يا دكتور 

محمد : اتفضلى وحسابكم بعدين الكاميرات هنا هى الا ها تفهمنااا وساعتها كل واحد يتعاقب انتووو مش جاين تتدلعوو دا شغل وواجب بدال ما تتعظو من الا بيحصل حواليكو   وتقفو جمب بعض لاء تعملو مهازال .. اتفضلووو 

منى بعد ما مشيو : ها تعملى ايه الكاميرات ها تفضحك 

علياء بصت لها : هى فى حالها مالك ومالها داستلك على طرف .. منزلاها كارهه نفسها وبدال ما تلومى نفسك بتتبلى عليها 

سها بعياط : والله شوفتها وشوفته وهو بيركب العربيه ومشى هو وهى  انا ها اتبلى عليها ليه 

عليا بصت لها بقرف  ومشيت ومنى كمان أول ما شافت الدكتور مشيت 

محمد : لأخر مره ها أسالك على الا حصل قبل ما أشوف الكاميرات وافتح تحقيق فى الا حصل 

سها عيطت أكتر 

محمد شاور بايده قدامى على المكتب .. ودخلو المكتب مع بعض قعد على مكتبه ومنتظر تتكلم

سها بتفرك فى ايديها : يا دكتور هى انسانه مستهتره وسلبيه دا مش مكانها  

محمد : هى كدا او لاء دا يرجعلها هى وواجب تنصحيها مش تهنيها أبدا .. ايه حصل 

سها : هو قابلتنى انهارده عند العمليااات وكل ما تشوفنى كأنها مش شايفنى ادايقت قولتلها لو انتى لو عدله شويه  كنتى عملتى ايه فينا .. لقتها انفجرت فيااا .. انتى مالك ومالى ما تخليكى فى شغلك وفى حالك .. عيطت من حقى أرد عليها 

محمد : بصى انا من يوم ما جيتووو هنا لا شفتها قاعده مع حد ولا سايبه شغلها وبتتلكع مثلا او مستهتره زى ما بتقولى ممكن بتخاف شويه من العمليات الكبيره والخطيره احساسها مش مساعدها ولا نفسيتها انها تستوعب دا .. ربنا ميزك انتى ومنى بحاجه زى كدا  وشاطرين فيها تقفى فى عمليه ومتجاوبه ومميزه معنى كدا ان انتى أحسن منها او من غيرها .. لاء .. خبط بالقلم على المكتب .. خليها قاعده فى حياتك احنا كلنا بنكمل بعض .. انتى شاطره فى شغلك جدا بس للاسف بتتعاملى مع المرضى برسميه وما بطمنهمش على الاقل على نفسهم ...  برغم انك بتتعاملى مع المريض اكتر منى كادكتور  .. والمريض نفسيته  رقم واحد فى العلاج .. لو اتأثر نفسيااا بيدمر كليااا وبيدمر كل الا عملاناه مع بعض  وتعبنا فيه .. هى بتعرف تتعامل مع المصابين والمرضى بتطمنهم وبتعاملهم بالحسنى فا استعدادهم للعلاج بيبقى أعلى .. فا زى ما انتى شايفه انك مهمه هى كمان لا تقل أهميه عنك عشان كل انسان ربنا خلقه مميزه فى حاجه مش فى كل حاجه ..  ياريت يبقى التعامل راقى شويه ونبطل نبص على بعض من فوق ورجع بضهره .. ثم كمان بدال ما تساعديها تنجح فى حياتها تحبطيها وتقللى منها ادام انتى شايفها كدا .. ساعديها  .. نجاح المنظومه كلها بيعتمد على نجاحنا كلنا مع بعض .. لو فيها واحد فاشل وممدناش ايدينا ساعدناه وشدناه ليناااا ها يجر غيره وغيره لحد ما المنظومه كلها تفشل بسبب كام واحد وساعتها الفشل ها يتنسب لينا كلنا عشان الوحش بيغطى على  الحلو  .. ارجوكى يا سها حبى الخير لغيرك والنجاح زى ما بتحبيه لنفسك ومش عايز أسمع الكلام دا تانى 

سها وهى بتعيط : يا دكتور 

محمد : معلش حاولى انا لحد دلوقتى حايش عنكو بلاوي وانتى عارفه عشان عايز نجاحى يبقى هو نجاحكم وفى يوم من الايام تفتكر المواقف دى وتكرروها فى  أى مكان تكونو فيه 

سها : حاضر 

محمد : اتفضلى 

سها : حضرتك هاتعمل ايه معاها 

محمد : ترجع ان شاء الله وزى ما عملت معاكى ها أعمل معاها مفيش فرف بينكم بس لو اتكرر تانى ها يبفى فى محضر عشان الغلط عندنا مرفوض 

سها : شكرا يا دكتور .. بعد اذنك 

محمد : استنى لسا مصره انها ركبت عربية الرائد باسل صديق حاتم 

سها هزت راسها بتاكيد : ايوا 

محمد شاور لبرا وبيلف بالكرسى : اتفضلى ماسك القلم وسرحان فيه .. لف واتصل على لولو لانه معاه أرقامهم  كلهم .. مقفول .. اتصل على غرفة حاتم من التليفون الارضى الا قدامه .. وطلب رقم باسل منه بحجه انه عايزه فى مسئله شخصيه واداله الرقم فعلا .. اتصل عليه مقفول

قفل والقلق بان على وشه اتنهد وقااام يشوف شغله وحاول ما يلفتش النظر لعدم وجودها لحد ما يوصل لحد فيهم عشان مستقبلها 

****************

باسل بصوت عالى : ايه ركبك عربيتى مش المفروص تبقى فى المستشفى 

لولو : ماكنتش راكبه عربيتك 

باسل وقف مره واحده ولولو سابته 

باسل بيبص بطرف عينه على ايد لولو : فكيتى ايدك ليه 

لولو ؛ مش وقفت يبقى ملهاش لازمه ثم كمان انت واقف ليه 

باسل : عايز أسمع سيتك ايه راكبك عربيتى وتقولى مش عربيتى 

لولو : مش وقته انت شايف الوقت مناسب للكلام دا 

باسل : جدا جدا .. هااا ايه حكايتك بقى وكإن لولو منتظره كلمه زى دى ها تنفجر 

لولو : مفيش يا سيدى اتخنقت البنات نازله تريقه عليااا رغم انى مبعملش حاجه وفى حالى محدش بيرحمنى حتى عاتف وعيطت ايه عمرهم ما شافووو واحده بتخاف جبانه زى ما بيقولو انا مش بستحمل اشوف حد بيتوجع قدااامى مابلك اشوف المناظر الا شوفها بحس انى مخنوقه .. اهو بحاول طول الوقت بس هما ضدى 

باسل هز راسه : بتخافى ليه يعنى على الاقل ها تتعودى 

لولو بصتله وهو واقف ومربع ايده بعد ما نزل  وديقت عيونها : هاتتريق 

باسل هز راسه : لاء 

لولو : اول سنه اتعينت فيها وكنت بايته نابطشيه انت عارف بقى ممكن اقعد شهر فى المستشفى على حسب ... ماشيه باليل فى أخر دور والنور اتقطع ..  طلعلى عفريت جرى ورايا لما قطع نفسى من ساعتها وانا بخاف بقيت جبانه أكتر 

باسل فضل يضحك ويضرب كف على كف وضحكه يزيد كل ما يبص لها  

لولو ربعت ايديها وكشرت : اهو كل ما اقول لحد كدا يضحك عشان كدا ما بتكلمش مع حد 

باسل : انتى رهيبه لاء رهيبه شويه عليكى 

لولو : ليه بقى 

باسل : عفريت وبيجرى وراكى ليه مش عارف يطير  ويهبشك من الدماغ الفله دى دا إحنا بنام فى الصحرا الخلا وعمرى ما سمعت الا بتقوليه دا 

لولو : صحرا ايه انت ها تجيب الفضااا .. للمشفى ..صريخ .  صريخ وعياط وحاجه توجع القلب وتشيب الراس وناس بتموت وناس بتحاول تتمسك بالأمل عشان تعيش وناس مش طايقك اصلا ولا طايقه حياتها  .. أسكت 

باسل هز راسه : حاضر بس انتى إيش عرفك انه عفريت 

لولو بصت قدامها وبرقت صرخت مره واحده وباسل لف بسرعه وبتشاور : شوفت .. شوفت أهووو حضرو على السيره 

باسل تنح وبيشاور بايده : دا جمل ايه عمرك مش شوفتيه قبل كدا 

لولو : ايه جابه فى الصحرا اكيد عفريت وماشى لوحده كمان 

باسل تنح أكتر : ماختيش فى الأبتدائى ان دا سفينة الصحراء يا ام مخ تخين 

لولو : طب بذمتك دا منظر سفينه انتووو عايشين فى البطيخ هو اى حاجه تتصدق 

باسل طلع الطبنجه : اقسم بالله لو فتحتى بوئك دلوقتى حالا لفرغه فى سلطة المخلل دى وبيزق راسها بالطبنجه  .. 

لولو شاورت على بوئها انها ساكته اهوووو وبرقت اكتر بيلف لقى غنم كتير ماشيه ورا بعض 

باسل : لا عادى العفريت بيطلع بعيلته راجل نزيه .. اركبى عشان إبليس ها يردمنااا تراب دلوقت عشان منشفهوش ياله بسرعه ربنا يكملك بعقلك 

لولو كتمت الضحكه .. وهو ركب وهى ركبت وراه وكمل طريقه .. وبعدين ايه جابك فى عربيتى بقى 

لولو بصوت عالى عشان يسمعها : كنت مخنوقه وعايزا أمشى واسيب المهنه دى خالص قابلتنى الدكتور ماجده وسألتنى مالى وحكتلها .. قالتلى انزلى عربيتى تحت لونها اسود الباب الا ورا نسيته مفتوح اقعدى فيها على ما انزلك ها اتاخر شويه ما تقلقيش .. نزلت دورت على العربيه واول ما فتحت الباب الا ورا قولت أكيد هى ركبت وريحت من الصداع الا جالى من كتر الزن 

باسل بصوت عالى : كويس انك عارفه انك زنانه وأى عربيه تركبيها كدا عادى  .. ياله ها اقول ايه 

لولو باعتراض : كنت عايزنى أعمل ايه وانا نفسيااا تعبت ومحدش حاسس بيااا .. الرسول بيقول الكلمه الطيبه صدقه ليه انتو كلكو كدا تجرحو عادى تدايقو الواحد عادى تذمووو فيه عادى 

باسل وقف تانى وبص لها : لا ما أسمحلكيش .. انا دايقتك

لولو هزت راسها : اه 

باسل عمرك .. وطول فى الكلمه .. عمرررك سمعتى منى كلمه تبل الريق 

لولو هزت راسها : لاء 

باسل : سمعتينى وانا بذم فيكى 

لولو : لاء بردك 

باسل زعق فى وشها : أمال سوده من جواكى ليه جمعتينا كلنا فى مركب واحده وعايزا تجيبى أجلنا ليه 

لولو : 😂😂😂 تعرف انى حاسه براحه بعد ما اتكلمت معاك رغم انك فعلا رخم سورى يعنى 

باسل هز ايده : أنا لاء ومش قابل السورى بتاعتك .. انتى نفسك فى ايه يا لولو .. 

لوو بصت لتحت بإحراج وابتسمت 

باسل ابتسم بخبث : عايزا تتجوزى يا بت يا مصيبتك السودا دانتى عايشه الرفاهيه دلوقت ما تسمعيش كلام البنات المفرقعه الا حواليكى  

لولو بتسرع : لا والله .. انا آحلامى بسيطه 

باسل بيدعك أيده الأتنين فى بعض : يا فرج الله لقيت واحده عندها احلام بسيطه .. ايه هى بقى ياله سمعينى والواحد متخدر من الا بيحصله يمكن ألاقى حاجه واحده بتفكر صح حواليا  

لولو بتمشى ايديها فى الهوا وسرحت والابتسامه على وشها : نفسى البس وأخرج وأعيش حياتى الا نسيتها و نفسى فى مكان نقى قوووى هوووا وبحر وبيت جميل كله بينك فى بينك  سريرى جمبه شباك كبير بطول وعرض الحيطه قزاز وبيطل على البحر أقوم كدا الاقى الفطار جاهز وجمبه طبق فاكهه وبتهوى على وشها يرد الروح من شكله .. انزل أخد غطس فى المكان الفاضى دا واطلع اقعد على مورجيحه واتأمل المكان بعيونى و

باسل حط ايده فى وشها : أقسم بالله ما عايز أعرف وتعابير وشه اتقلبت  .. اخرسى عارفه لو فتحتى بوئك ها اسيبك هنا يكشى عفرايت الدنيا تتلم حواليكى وياكلوكى وياكلو المهلبيه الا أسمها دماغك  وركب وبتريقه وهو بيسوق أل احلام بسيطه عايزا تعيش فى جزر المالديف وتقولى بسيطه الله بخربيت النت الا كل دماغكووو .. دانتى أخرك تربى العيال وانتى بتغسلى وعلى الله تسيبى الغسيل من غير ما تمورشيه .. مارشه فى دماغك  

لولو عماله تضحك ومش قادره تمسك نفسها وبعدين  سكتت خالص ما بتتكلمش وباسل كل شويه يبص على ايديها الا بتبت عليه أكتر كل ما يزود سرعته ويبتسم ويبرطم بالكلام 

************* 

حاتم عرف الا حصل لباسل بعد ما بلغوه وهو فى المشفى عشان يتاكدو انه فعلا مش موجود لما مسكووو  المصابين الا كانو فى العربيه واعترفو انهم كانو عايزن يقتلوه ومايعرفوش عنه حاجه طلعت فرقه من الجيش تمسح المنطقه وفعلا لقو عربيته واتنين مقتولين جمب العربيه والعربيه فاضيه مفهاش اى شئ .. تأكدو انهم خدوه والدنيااا اتقلبت اول ما حاتم بلغ الدكتور محمد وهو بيعيط وبيطلب منه يكتبله خروج .. الكل فى حالة أستغراب وقلق  بلغووو القياده الا طالعه بالحمله ان باسل مش لوحده وحاله من التوتر اتملكت الكل