رواية عامل المشرحه الفصل الثالث 3 بقلم رحاب القاضي

رواية عامل المشرحه الفصل الثالث بقلم رحاب القاضي

بعد ما الكهربا اتقطعت والصوت المرغب ده لسه شغال اتنفض جسمي كله برعم وخصوصا ان صوت الخطوات بقي عندي في الاوضه، فضلت امد ايدي علي السرير وبدور علي الموبيل عشان انور الكشاف، وفجأه مسكت ايد بني ادم.. 

قومت بسرعه من مكاني وفضلت اصرخ وتوقعت الجيران تصحي وحد يجي ويخبط علي الباب، بس كان صوتي مش مسموع خالص وما حدش حس بيا، رجعت تاني ناحية السرير وانا بدور علي الموبيل بس المره دي ايدي كانت بتترعش من كتر الخوف اللي كنت حاسس بيه.. 

ولقيت الموبيل بصعوبه وبسرعه فتحت الكشاف واول ما النور بتاع الكشاف جه علي السرير لقيت الولد اللي جابو جثته النهارده قاعد علي السرير بس عيونه حمرا بشكل مخيف.. 

وبسرعه اخدت الموبيل وروحت قعدت بره الشقه وغصب عني فضلت اعيط وانا تعبان من كل اللي بيحصل ده، وفضلت ادعي علي رؤوف واليوم اللي سمعت فيه كلامه وروحت اشتغل في المستشفي دي.. 

بالمناسبه نسيت اقولكم ان انا قبلي ما امشي النهارده من الشغل جه فخري واداني كيس صغير وقالي احطه مع الولد الصغير اللي جابوه، وانا طبعا سمعت الكلام وعملت زي ما قالولي.. 

بس الغريب اني ايوه بشوف مخاوف بس المرتين الوحيدتين اللي شوفت فيهم جثث او ارواح ميته كانت البنت اللي جابوها محروقه والولد ده.. 

خوفت اسكت اكتر من كده وقررت اني هروح القسم وابلغ واللي يحصل يحصل بقي، المهم اني مش هشتغل الشغلانه دي تاني.. 

وتاني يوم الصبح قبل معاد شغلي روحت القسم وسألت علي الظايط بس كان لسه ما جاش ففضلت قاعد مستنيه ولما لقيت نقسي متأخر كلمت فخري واخدت منه اذن اني مش هروح النهارده وهو قالي مش مشكله وهيتصرف.. 

ولما جه الظابط ودخلت عنده كان شخص جامد كده وليه هيبه حتي انه كان مخليني واقف وانا بتكلم، وقالي بكل هدوء.  

_عايز تشوفني ليه مدام مش مقدم محضر في حد

=ااا انا في عصابه اجبرتني اشتغل معاها بس.. 

قبل ما اكمل كلامي لقيته طلب مني اقعد وقالي وهو بيتريق علي كلامي.. 

_قولي بقي بصراحه اللي انت شغال معاهم دزل قلو معاك في الفلوس ولا عايزين سلبسوك حاجه فا انت جاي وعايز تخلص منهم 

انكرت كلامه بسرعه وقولتله انهم اذوني من غير ما اعرف وكمان انا جاي هنا عشلن ضميري مش عشان حاجه تاني، وقولتله كل حاجه ولقيته فعلا زي اللي اتصدم وقالي.. 

_ انا توقعت انك هتقولي ان العصابه دي بتاعت اعضاء سلاح مخدرات، انما اعمال فدي جديده ان تكون في عصابه تعمل كده 

=بس انتو بتقبضو علي الناس دي صح؟ 

_هههه طبعا بس بيكون واحد لوحده بينصب هلي الناس مش مجموعه زي دول، علي العموم قدم بلاغ رسمي عشان نقدر اننا نتحرك

قولتله اني خايف واني بشوف مخاوف كتير، وخايف اني بعد ما ابلغ عنهم يأذوني، وقولتله اني كمان متاكد ان رؤوف صاحبي هو السبب اني ما الاقيش شغل عشان اوافق في الاخر اشتغل معاهم 

طبعا هو رد عليا وقالي ان كل دي تخاريف، بس لقيته سكت شويه وقالي انه ممكن يساعدني في الحته دي ولما سألته ازاي رد عليا وقالي.. 

_من فتره قبضنا علي واحد بتهمة انه عايز يفتح مقبره بالاعمال وكده وحرق تلات رجاله عليها والغريب انه فعلا فتح المقبره دي، بس من حظه الوحش اننا قبضنا عليه لما اخوه بلغ عنه.. 

وفعلا خلي العسكري جاب الراجل ده وخلاني اقول قدامه عن كل المخاوف اللي بشوفها، بس هو الاول رفض يتكلم او حتي يساعدنا بأي حاجه.. 

طبعا الظابط هدده وخلاه غصب عنه يتكلم ولما انكلم قالي ان المخاوف دي مالهاش علاقه بالاعمال دي حاجات بتطلعلي لوحدي عشان زي ما بيقولو نجمي خفيف، وقالي انهم من زمان كانو بيطلعولي بس ممكن علي شكل قطط او حيوانات او طيور بس انا ما كنتش باخد بالي.. 

وقالي اني انتظم علي سورة البقرا وكمان اشوف شيخ يرقيلي البيت بس يكون شيخ بجد. مش بتاع اعمال وكلام فاضي ويكون حامل كتاب ربنا وطبعا اكد علية ان الصلاه وسورة البقرا هما اللي بيبعدو المخاوف دي عني، بس كانت في حاجه شغلاني اووي اشمعنا البنت المحروقه والولد الصغير هما اللي شوفتهم وليه بقيت اشوف الحاجات دي بزياده اول ما اشتغلت في المشرحه، ولما سألته بكل الحاجات دي رد عليا وقالي.. 

_عشان انت قربت منهم واذيت الميت قبل الحي بانك تحط الاعمال وتخلي الجن تروح للارواح الميته ، جسمهم بيتعذب بالعمل فبالتالي الروح مش هترتاح 

زاد تأنيب ضميري اكتر انا مش بس اذيت ناس عايشه وكمان الروح اللي قابلت ربنا ما سيبتهاش، وقولت للظايط اني مستعد لاي حاجه بس يقبضو علي رؤوف وفخري حتي لو هتحبس معاهم.. 

وهو وعدني انه هيساعدني بس قالي اطلع واتعامل عادي برغم اني توقعت انه هيقبض عليا بتهمة اني متهم زيهم في القضيه عشان كنت بحط الاعمال بنفسي وبكامل رضايا.. 

وطلب مني اروح الشغل تاني يوم واوقع فخري في الكلام واعرف منه مين تاني بيساعدهم غير رؤوف وانا واللي بيغسلو ويكفنو، والغريب اني اول ما وصلت الشقه بتاعتي لقيت المطافي هناك وشقتي مولعه وحد من الجيران قالي.. 

_انت فين يا استاذ عرفه الشقه بتاعت ولعت فجأه وبنكلمك موبيلك مقفول 

وكان فعلا موبيلي فصل شحن، وجريت علي شفتي لعد ما طفوها ولقيت كل حاجه فيها اتحرقت، والسبب ما حدش يعرفه وقالولي ان في تعويض هاخده بعد فتره، انا بعد ما شوفت اللي حصل ده خوفت اكتر انا لو كنت جوه الشقه كنت ممكن اموت فيها 

رجعت تاني للظابط وبلغته باللي حصل وهو خلاني اعمل بلاغ في رؤوف وفخري بكل المعلومات اللي عندي، وفعلا اتقبض عليهم وعلي مدير المستشفي وبتوع التغسيل والتكفين كمان.. 

وبعد شويه من التحقيقات اعترف رؤوف وفخري بحاجات ما كانتش تخطر علي بالي اصلا، وانهم ابشع ناس موجوده علي الارض وان عالم الجن والاعمال السفليه ده قادر يدمر بلاد مش اشخاص وبس..

ومن الحاجات اللي اعترفو بيها ان الشقه بتاعتي ما اتحرقتش بسبب العفريت زي ما انا كنت فاكر، لا دي اتحرقت بفعل فاعل منهم لما عرفو اني روحت القسم وكان قصدهم يخوفوني ويخلوني ما اكملش في البلاغ اللي كنت هقدمه، وعرفو كل ده لانهم كانو شاكين فيا اني ممكن اخونهم فبيخلو حد يراقبني.. 

والحاجه التانيه انهم عملولي عمل فعلا بقلة الشغل واني ما القااش شغل عشان ارجعلهم، وده حصل فعلا انا ما كنتش بلاقي شغل حتي بأي مبلغ ما كنتش بلاقي ده غير الخنقه والضيقه اللي انا كنت فيها في الوقت ده، وده فعلا اللي خلاني اروح لرؤوف تاني عشان يرجعني شغل المشرحه وارضي بأي حاجه هما بيعملوها.. 

وكمان اعترفو ان مدير المستشفي كان علي علم بكل حاجه وكانت ليه نسبه كبيره، وطلعو انهم بياخدو مبالغ ضخمه من ناس اغنيه ومىتاحين عشان يعملو الاعمال دي وحصل فعلا ان نااس كتير حياتها اتدمرت بالسحر والحاجات دي.. 

هو السحر ممكن يضر كنت بشك في الموضوع ده قبل كده بس بعد اللي شوفته اكتشفت انه ايوه بيضر والناس ممكن تموت ناس تانيه بيه والموضوع يبان طبيعي كمان.. 

حتي لو تاخدو بالكم اليومين اللي فاتو دول السوشيال ميديا كانت مقلوبه وبتتكلم كلها عن الاعمال اللي كانت مدفونه علي جبل عرفات، وكمان في عضم الناس بتاخده من الاضحيه بيعملو بيه الاعمال وبقيت منتشره الحاجات دي كتير جدا الايام دي.. 

وقالوو غلي كل الاعمال اللي حطوها وكان اكتر حد عارف الحاجات دي ومركز فيها فخري، والشرطه جابت دكتور نفساني وعالم روحاني مشهور بدون ذكر اسماء وطلعو معظم الاعمال اللي كانت في القبور ومن ضمنهم العمل بتاعي

واتحكم علي رؤوف وفخري ومدير المستشفي بعدد كبير من السنين يقضوه في السجن مع ان العقوبه دي قليله اووي عليهم وبتوع التغسيل والتكفين اتحكم عليهم بخمس سنين سجن، وعقوبتي كانت سنه واحده لانهم اعتبروني اشتغلت تحت التهديد... 

وبعد ما قضيت مدة عقوبتي وطلعت لقيت شغب كويس والحمد لله استقريت واتجوزت في بيتي بعظ ما ظبطه وبقي احسن من الاول واللي حصل ده كله كانت تجربه قاسيه اووي شوفت فيها حاجات فوق خيالي بس اتعلمت اكتر منها وبقيت بحافظ علي علاقتي بربنا علي قد ما اقدر.. 

طيب المخاوف اللي كنت بشوفها ما اكدبش عليكم انا لسه بشوف الحاجات دي جتي وانا في السجن كنت بشوف ناس مش موجوده ولما اسال حد عنهم يقولي مش شايف حاجه بس مش بياذوني.  

لسه بشوف خيالات لحد النهارده والقطط اللي شكلها غريب ونظراتها اغرب بس مدام مش بيأذوني كنت بكبر دماغي، بس الرب حاجه حصلتلس اني في يوم صحيت من نومي وكنت داخل المطبخ عشان اشرب واتفاجئت لما لقيت البنت اللي كانت محروقه والولد واقفين هناك ونفضس نظراتهم القديمه ليا موجوده 

وقتها جريت بسرعه علي اوضتي وانا خايف وما قولتش حاجه لمراتي ولا لاولادي لان عدت سنين كتير علي اللي حصل ده ما اعرفش ليه ظرولي تاني.. 

الكلام ده حصل من سنه بس ما شوفتهمش تاني ولا اعرف ليه حتي كامو بيظهرولي وحتي الشيوخ والدجالين اللي قابلتهم وقتها ما حدش رد عليا برد منطقي انا ليه بشوفهم ولا حتي قدر يمنعهم.. 

ودي كانت اسوأ تجربه في حياتي ومازلت بعاني منها ما اكدبش عليكم..

الفصل الرابع من هنا