رواية ليلة الحنة الفصل الثامن والثلاثون بقلم بسمة البياتي
فجاة بدون مقدمات
نزل راسة وطبع بوسة قريبة من شفايفي
من الصدمة تيبست ونشليت ظليت جامدة بمكاني وما انطي اي ردة فعل
من گدرت أستوعب السواه لا عقل ولا دين ظل برأسي
رفعت أيدي أريد اضربة كف بنص وجها
قبل لا امدها عليه لزمها
عوووفني يا حقيير يانذل لك محررررررمة عليك تعرف يعني ششنو محرمة لو حتى الحلال والحرام نسيتة
شششلون گدرت تسسويها فهمني شششلون
قبل لا اكون طليقتك أني بنت خالك
عرضك وعرض عادل وعلاء الي هما بمثابة أخوانك
اني خالة أولاد اخوك ما فكرت بكل هذا
هدددددد أيدي اليوم اششرب من دمك
_كلمة وحدة ما أسمع منج محد وصلنا الهذا الحال غيرج لومي نفسج قبل لاتلوميني اي فعل صدر مني او راح يصدر بالمستقبل انتي الملامة الوحيدة عليه واياج تتصورين اعوفج بحالج نجوم السما اقربلج راح اصير مثل الخناس كاتم على اتفاسج واكرهج عيشتج
_املخ روحي اشششك هدومي ششمسويتلك
يعني اذا اوگف احاجيك يطلع الصوج مني وتأخذها بغير نظرة ششرايد مني ليش
ما طلعني من حياتك مثل ما اني طلعتك يا أخي فك ياخة كافي عاد مو طلعتها الروحي
_لا تغشمين نفسج تعرفين شرايد منج وشنو سبب هاي افعالي
قبل الطلاگ حاولت وياج بكل الطرق ترجعيلي وتشيلن هالفكرة الخايسة من راسج
تخبلتي دينج وأيمانج صارت هالسالفة
حالياً شيصدر مني انتي سببه ولا عبالج نادم.واذا حجيتي كلمة زايدة اعيد السويتة وبكل متعة
_لا ابد مسسستحيل تكون بوعيك اكيد عقلك بي شي
بعده لازم كف ايدي اريده يعوفني ماكو مجلب
رفع أيدي باسها واندار، يطلع
ماتحملت گمت ابجي هذا اششايفني وهيج يسوي
مسحت عيني قوي انداريت اتلفت خوما احد شافنة. الحمد لله ماكو
بوجهي، ركضت للغرفة
بقيت اكل بروحي، عملته ادك بنص گلبي
مستحيل أگدر انساها او اسامحة عليها
انفتحت باب الغرفة فاتت خالة الوجه مايتفسر
بلعت ريگ
فرودس_ بدون لف ودوران شنو هذا الشفتة قبل شوية
_رجف گلبي حجيت بخوف هاا شنو شفتي
_زلال لاتخليني امد ايدي عليج واني بحياتي ممسويتها بس هسه من صدك راح اضربج
احجي لج شششنو هذا منظرج ويا امجد
غبيييييية طلييييقج محرم عليج
شششلون تقبلين يبوسج مافكرتي بأمج اخوانج
بتعبهم وكسرة ظهرهم عليج
هيجي تجازيهم اذا هلگد ماتتحملون شششكو اطلگتوا
_كمت ايجي قووي خالة بس سمعيني ولا تتسرعين بحكمج عليه والله والله ما أدري هيج راح يسوي
صدمني ششلون تتوقعين اقبل بهالشي ما شفتي شردت اسوي وشحجيت ويا
_استغفر الله العظيم من كل ذنب عظيم
من باسج وخرت من الشباك على شنو ابقى واگفة على سواد الوجه
_امجد ابد موطبيعي مدري شجايه شگد حجيت وتعاركت ولاهتزت شعرة من راسة يگول
انتي جبرتيني على هالتصرف
بله هذا ششحجي ويا
_كافي لاتبجين بسيطة خلي أشوفة اني اعلمه
يوم اذا تريدينة احجي لاتبقين ساكتة
وداعتج اني ادخل ولم شملكم من جديد
_لا ابد والله من سابع المستحيلات أرجعلة.
يوم بعد يوم داتأكد انفصالي عنه كان احسن قرار
خالة ترى الديسوي امجد مو حب
الي دتدفعة عليه غريزتة لا مشاعر ولا هم يحزنون
_ما اگدر احكم اللله يعلم الي بالگلوب
امشي غسلي وجهج لاتشوفج امج وتفتح تحقيق
_طلعت وياها لهيت روحي بالشغل ورة المغرب
أجت رغد
هاي هم مسكينة من يوم دگت اخوها الناقصة
من راد يزوجها اخو مرتة وهي علاقتها خربت وياهم تروح الخاطر امها تشوفها شوية وترجع متگدر تبات زوجة اخوها شادة وياها تبقى گالبة الوجه وبس تتعارك
سيزر ماله خلگ تمرض
امجد گايل العلاء مدري شماكل ورايد يختنك
ما گايلة زلال اتطتة عظم ايباه عود ديطمطملي.
لو عايفتة مختنك ولا طالبة من امجد ياخذة يعالجة استغفر الله من وره سوايتة گلبي قسى
حتى على الحيوان
خالة حاجية ويا امجد ومرزلتة
گايللها بعدني اريدها اذا قبلت من عين باجر أرجعها الذمتي
شگد حاولت تقنعني من شافت اصراري وتمسكي بقراري گالت هذا هو بكيفج بعد ما علية
ليال _العصر أجت أخت رائد يمي گعدت شوية وراحت وياريتها ما جاية ولا شايفتها گلبت كياني و سممتني تسمم
من راحت ولهسه ميتة قهر أريد ابجي ما اگدر
غزل يمي اذا شفتني بجيت تبجي وياي
نامت اخذتها لفرأشها تمددت وياها
دموعي ظلت تصب
رائد_ حبيبتي شعجب نايمة والبيت اظلم هندس
_بقيت بمكاني شغل الضوا واجة گعد على طارف السرير مد أيده يتلمس، شعري
ماتحملت دفعتها
_صاير شي شو باوعيلي لاديرين رأسج
بستغراب جنتي تبجين
_معليك بيه رجاءً اطلع منا لا غزل تسمع صوتنا تفز وتخاف
لزمني من ايدي گومني
_امشي وياي بشرفي ما اعوفج اذا ماتحجيلي شبيج وشنو الگالب حالج قبل لا اطلع عفتج مثل الوردة
_طلعنا للصالة كعدت على التخم هو جر الطبلة وگد مقابيلي
_يلا
_بعد نظري عنه درت رأسي شنو يلا
_يلا سولفي شصاير وياج
تأكدي حبيبتي مال اعوفج انسسي اول وتالي راح اعرف لهذا احجي بدون ما تشلعين گلبي
_طلعت كذاب تدري بنفسك لو لا
_رحمه الله والديج ليال صح أعشقج وما احب اضوجج بس مو معناها تجاوزين تأكدي لكلشي حدود
_تحسرت اعرف مو من حقي احاسبك على حياتك قبل الزواج
لكن ليش تكذب علية ليش. معيشني بوهم
من تحجي عن حبك وشگد تعذبت ووفيت الي اظل احتقر نفسي لان بيوم من الأيام كنت سبب اذيتك
_لحظة خلي نرجع من البداية
ليش شعندي بالماضي وضامة عليج؟!
ثاني شي كل كلمة حجيتها صادق بيها وما كذبت بحرف واحد.
_يعني لهسه مصر على الأنكار
زين وبنت عم زوج اختك هم متعرفها ولا سامع بيها
.صفن بوجهي ثواني
_منين تعرفيها وشنو السمعتي؟!
_عرفت كلششي عن علاقتك بيها والـ اي درجة واصلين
_وضحي.؟
_هه كلامي واضح الحليم تكفي، الأشارة
تگدر تنكر لقائكم بيت اختك بغرفة نومها
وعلى فراشها
_شششدتحجين عيب هالكلام هاي اعراض ناسس. لاتتهمين حظج وبختج
_لاتعيط هذا مو كلامي كلام اختك كلشي صاير گدامها
من صدك لعبت نفسي منك معقولة وصلت بيك المواصيل تنجمع ويا صاحبتك بيت اختك گدامها وگدام اطفالها شنو هالقرف
طلع التلفون من جيبة مدري على منو يريد يتصل لزمت ايده نترها مني
ششدتسوي عليمن داك
اشرلي أسكت فتح المايك ثواني واختة گالت الوو
_ششحاجية ويا ليال؟
_هاا كلشي محاجية العصر مريت سلمت عليها وگعدت شوية واجة ثامر اخذني
_لاتكفريني شگايلتلها بخصوص غفران جاووووبي ولاتلعبين بعداد عمرج
_ياا ششنو هالتهمة جيب القرآن احلف علية محاجية شي عيب عليكم تبلوني
ليال _فتحت عيني عززا بعينها
اريد احجي خلة ايده على حلكي سكتني
_تحلفين على كتاب الله جذب مووووو
اني راح احلف بدالج وحق القرآن ما راح افوتها الج
وهسه تحجين كلشي من البداية مو الفلم الألفتي
_گامت تبجي ما بقت نبي، ولا أمام ما حلفت بي اتگول ما حاجية شي مرتك جذابة جاي توگع بينك وبيني وتتهمني
عاط بيها من خوفها رجعت عاد القصة لكن بغير سيناريو
كلام ثاني مو نفس الگالتة الي من اجت يمي
رائد ظل يتحلف بيها ويتوعدلها وهي تتوسل تخاف لا يوصل الحجي العمي
تعرف عمي مراح يرحمها حيل متشدد وقاسي بتربيتة
سد الخط واندار عليه يفور من العصبية صدقاً خفت منه ومتأكدة بين الخوف على ملامحي
_ثاني مرة من تسمعين شي تعالي اسألي تأكدي بالأول ثفي بالله لو سامع نفس الكلام الحجيتي بس من شخص ثاني محد يگدر يفكة من أيدي
من ازوجتي تخبلت حرت شسوي اريد نار گلبي تطفى
منال گالت بنت عم ثامر بنية صغيرة مسكينة تزوجت كم شهر ونفصلت
خلي ناخذها الك
بالبداية رفضت
هي وامي توسلن حتى اشوفها بلكي تعجبني
بوكتها صح طاوعتهن ما انكر هالشي لان ادري بنفسي ما غلطان
بداخلي تمنيت اگدر اتقبلها واعيش حياتي مثل ما أنتي فضلتي علية الغريب وعايشة مرتاحة
منال جابتها البيتنا بحجة جايين يشوفون امي
من راحت ماخذة رقمي اتصلت بيه بالبداية عادي حاجيتها وكلامنا مايتعدى السلام واخبارك امورك شسوي متسوي
مرة مرتين اختنگت عرفت بنفسي مستحيل اكدر اطلعج من گلبي والبنية مسكينة ما أريد اورطها وياي وهي منا مارة بتجربه فاشلة
كتلها اني ما افيدج داخلي تراب اذا اخذج راح ادمرج وياي
حاولت بكل الطرق استمر وياها گالت اني راضية
حتى لو متحبني هسه راح أصبر الى إن اخليك تحبني
شفت الكلام مايجيب وياها نتيجة حظرتها من كل مواقع التواصل
بعدها بكم يوم امي انطتني غراض أخذهن المنال
من رحت لكيت غفران اهناك
ردت ما افوت جوة
منال توسلت بيه گالت امشي اكعد بغرفتي الجهال صارلهم ساعة مگابلين الباب ينتظرون جيتك مشتاقيلك
ماگدرت اكسر بخاطرهم
شلت ابن اختي الصغير وفتت للغرفة
دفايق وصارت غفران بوجهي نزلت يم رجلي تبجي تتوسل اتكول حبيتك الله عليك لاتعوفني
طلعت روحي منها على شنو تحبني واني لا واعدها بشي ولا بينا حب وهالسوالف
حاجيتها وحذرتها
وقبل لا اطلع حنى منال تعاركت وباها ومن رجعت سويت مشكلة شكبرها ويا امي وبوكتها ابوية عرف لعب طوبة حتى بـ منال اتصل
گالها بس تعتبين باب البيت اكسر رجليج
هذا الجرى وهذا الصار
_منصية رأسي ما أگدر أخلي عيني بعينه خجلانة منه أول شي حاسبتة على شي بالماضي وثاني شي طلع الكلام كله كذب ما كلفت نفسي واستفسرت قبل لا تثور ثورتي
راد يگوم لزمت أيده
أسفة اعترف بغلطي لكن جديات ما اعرف شصار بيه من سمعت كلامها
غرت وأشتعلت بـ نار مجرد تخايلت اكو غيري كانت شغلت تفكيرك وحبك الي مو مثل ما وصفتة ردت امووت
اجة گعد بصفي گومني من مكاني وگعدني بحضنة
ضميت رأسي بصدره ورجعت ابجي
_ازعل من الدنيا كلها وما أگدر أزعل منج
دموعج غالية لاتنزليهن بسببي كافي عمري اعتبري مصار شي وخلي هذا يكون درس مهما سمعتي لاتتسرعين بالحكم اسألي واستفسري ووقت الي تثبتين صحة الكلام السمعتي هذاك الوفت محد يگدر يلومج على أي فعل راح يصدر منج
_زين واذا الغيرة خبلتني وقتها منين اجيب عقل للتفكير
_عاد بهاي ما اگدر ألومج يلا يابة شسوي اتحمل امري لله
امشي گعدي غزولة وتجهزوا نطلع نتعشى برا
_ممممم لأزم العزيمة تكون على حسابي اصالحك بيها لان اني الزعلتك
_لعد افضل شي نتعشى بالبيت ونلغي الطلعة
_ لا لا شبسرعة تصدگ هم عايزة اني ادفع
بستة وگمت مشيت خطوتين ورجعت
اگول حبيبي
_روحه الحبيبيج اي گولي
_اخاف منال تحجي العمة وعمة وتزعل مني لان صارت مشكلة بينك وبين اختك بسببي
_بعدج لهسه متعرفين امي ويمكن بسبب
بعض المواقف الصدرت منها كونتي عنها فكرة غلط
أخذيها كلمة مني مراح يصير شي من البرأسج
أمي مو هيج
كل همها تشوفنا مستقرين ومرتاحين واذا عرفت منال سببتلنا مشكلة هي بنفسها راح تحاسبها
امشي بدلي ولاتشغلين بالج
_طلعنا نتعشى وبعدها اخذنا غزل للالعاب تونست كلش
ثاني يوم اجت عمتي توقعت جاية تعاتبني
لكن طلع كلام رائد صح فعلآ اني مأخذها عنها فكرة محلوة
اجت تحجيلي الموقف الصار وشلون هي ومنال ضغطوا على رائد حتى يشوفها وطلبت ما ازعل من منال گالت من سمعت طيحت حظها
فعلاً الي ميعرفك ميثمنك واني طلعت ما اعرف شي عن بيت عمي
علاء_ حجي ريسان لاگيلج وظيفة
زلال _طگگت عيوني الله عليك تحجي صدك گول والله
_شالج الله شكو گمتي تگمزين مثل القردة
بدينكم هاي شكول وحدة راح تصير مدرسة
_يبووووو علية فدووووة احجي لاتگطم السالفة من النص
_اي هسه شافني گال گول الأختك حاجيت صاحبي
واليوم أتصل گايل اكو مدرسة أهلية رايدين معلمات خلي تروح تقدم
والمدرسة مو كلش بعيدة بعد ربع ساعة بالسيارة
_من فرحتي گمزت على علاء ابوس بخدة
_مو اگلكم مخبلة متصدگون مثل العلج من يلطش بالشعر
_ششبيك غير من فرحتي جنت ممصدگة كلام حجي صجمة عبالي يضحك علية
_لاتستهينين بي ماكو احد مايعرفة
صدك حظري روحج يريد هدية دسمة من اول راتب تستلمي
_يمه شششعندي غير حجي صجمة غير يدلل
_ الصبح اخذج للمدرسة تكملين الأجراءات
صديق الحجي حاجي ويا المديرة بخصوصج
_اي زين فرحي سسسسسمجة بنتج صارت مدرسة
علاء_ ست يكون بعلمج المدرسة ابتدائية مو متوسطة
_اي عادي مو مهم
هي العافية درجات
اكيد بالبداية مو كلشي بيرفكت سلم النجاح يحتاجلة تأني وتروي لازم نصعدة درجة درجة
فردوس - هاي من هسه گامت تخطب برأسنا شدو رأسكم يگرعين
_فردوسة الحلوة غير فرررحانة لو ما العيب وأخوية اللطيف گاعد جان ردحت
علاء _اي سويها حتى احش رجليج
_اوووي أبد مو مال شقى
شششيجيب باجر وأصبر ششلون باجر، التقي ويا أجمل انسان
حرت شلبسلة باجر اني يا لون اي لون الألبسة يگلي خجلان
علاء _ منو التلتقين بي
_ياعيني شششبيك اكيد واضح التقي بمنو
المديرة المدرسة الرحلات والسبورة
وحبايبي طيور الجنة تلاميذي الاعزاء
حورية_ يمه هاي مو مال دوام تروح تخزينا
بدال ماتعلم الجهال القراية والكتابة تعلمهم الدك والرگص
_سمجة خليج محظر خير اني زلال مو ساجدة عبيد ولا ملايين
ثاني يوم گعدت من الصبح بكل همة ونشاط بدلت وطلعت ويا علاء
وصلنا للمدرسة شگد حلوة ومرتبة
الظاهر واسطة صديق الحجي جداً قوية
استقبلوني بود ومحبة واحترام
كملت كل الأجراءات وان شاء الله من يبدي الدوام ابلش وياهم
الراتب قليل بس احسن من گعدة البيت
المهم راح اشيل نفسي وما احتاج احد
من رجعنا علاء، گالب وجها ويدردم
لان المدرسة بيها معلمين مو بس معلمات
عاد من رجعنا ماما وخالة حجوا ويا گالوا
لعد بالكلية مو هم جان اكو شباب
شو محجيت واختك ماينخاف عليها
بالف رجال
هو متحفظ لان مطلقة يخاف اصحاب النفوس الضعيفة من يعرفون بيه يظلون يحومون حواليه
بالگوة يلا سكت گال اني يومية اوديج وأرجعج
خليت خالة تسوي كيكة وفطائر دزيتهن للحجي ووعدتة من استلم الراتب احلى هدية أخذلة
باليل قبل لا أنام اتصل أمجد
اهوووو هم راح تبدي الأسطوانة المشروخة
غلست مجاوبت رجع اتصل ثلاث مرات واني اطنش
وصل مسج كاتب
(أخر مرة راح اتصل اذا مجاوبتي أجي عليج للبيت)
_والله عاد ادري بي مخبل ويسويها
فتحت خط حجيت من طارف خشمي
نعم شرايد
_أول ماتگعدين الصبح تبلغين علاء مراح اداومين مفهوم
_هاا بهالسهولة اگلة اعذرني ما أريد لان شيخ الشباب صدر قرار منعي، من الدوام واني لإزم ارضخ اله وانفذ حجيايتة واني مغمضة
_هذا الموجود غصب عنج تنفذين واذا على الراتب اني انطيجيا كل شهر
_واوووو تصفيق شنو هالكرم واللطافة ياعيني على الحنون
زين سؤال قرابتنا هل ياترى تنطيك الحق تتحكم بيه وبمستقبلي، ماما وأخواني، موافقين
انت منو وتمنعني عزيزي نصيحة تغطا زين ونام. لاتظل تحلم ترى بعدين الحلم يتحول كابوس ويدمرك
_معنا كلامج دتتحديني، ماشي اوكي يا بنت عمتي انشوف كلام منو راح يمشي
_عصرت طارف البطانية بيدي غمضت قووي. ادري بي تأثيرة قوي على علاء، ومن الأساس علاء، بالگوة متقبل دوامي مو مال اعاند واطول لساني
حجيت بغصة حرام عليك والله حرام شمسويتلك وهلگد حاقد عليه مصر تأذيني
امجد احلفك بالحبيب محمد اعتقني الوجه الله
_قبل شوية جنتي تحجين بزواد شبسرعة غيرتي
على العموم كلش غلطانة اذا مفكرة الداسوي كره وانتقام على شنو اكرهج واحقد عليج
ياريت ماتحللين بمزاجج وتحجين بالنيابة عني
_زين الدتسوي بيه يرضي منو
أياك اتگلي، بدافع حبي، وغيرتي
انت متحبني ومستعدة احلف على هالشي
_بسس لو تبطلين هاي حجايتج احنا بخير
ليششش ما احبج مأخذج ثار، فصلية
لو احد خلى سلاح براسي، وگالي غصب عنك تأخذها
بابا فهمي عاد واستوعبي كلامي أريد أرجع اكمل حياتي وياج انتي ما اريد غيرج
_لا واضح تحبني وأنت حتى الكلمة لسانك ميگدر ينطقها وتگولها بوجهي
المهم هذا مو موضوعنا
امجد اني ما درست وتعبت حتى اگعد بالبيت
وظيفتي بالذات ملائمة الكل النساء
اترجاك لاتسويلي مشاكل اعتبره هذا طلب وهاي اول مرة اطلب منك
_ماشي داومي بس يكون بعلمج الوضع اذا معجبني
وروحه الأخوج الغالي ما اخليج تعتبين باب المدرسة
_رغم القهر الديعصر داخلي تنفست براحة
جاوبتة ماشي يلا تصبح على خير
اول ماسديتة بجيت
امجد مراح يطلع من حياتي بسهولة راح ابقى اعاني بسببه
بده الدوام اخذت صفوف الثالث والرابع بالبداية حيل تعبت ممتعودة على الهوسة ولازم اطول خلگ ويا الأطفال لو منطيني أول وثاني يمكن خلال يومين اطفر بروحي العزيزة
الكادر التدريسي كلهم حبابين وتعاملهم حلو
فترة وتعودت
بس من ارجع للبيت انام جفي من التعب
شغل البيت خطية خوما اعوفة كله على رغد
لهذا قسمتة بينا الصبح عليها والعصر تنظيف خفايفي ومواعين العشا عليه
اعرف هم مقصرة بس هذا الأگدر علية اما الطبخ ثابت على خالة من راحت ليال هي بدت تطبخ
اذا اني او رغد نسوي ميعجبهم عششتو
فوكاها هما ميرضون
اجة رأس الشهر وقبضت أول راتب
شگد كنت الزم فلوس بس هسه شعوري مختلف
هذن من تعبي محد متفضل بي عليه حتى لو كانوا أهلي
من رجعت من الدوام العصر، اخذت خالة ونزلت للسوك أحتاريت شأخذ الحجي ريسان
رجال كبير مو كلشي يرغبلة
مو مال اخذ ساعة او ملابس
اخير شي فررت اخذ جهاز قهوة
ويا باقي الملحقات علبة قهوة حتى كوب اخذتلة
سويتلة بوكس يجنن ونص راتبي طار، بالعافية علية.
بعدني بمحل التغليف حبيت اخبث
طلعت اخذت حداحة ام الربع ورجعت طلبت يخلوها بهواي علبات وتغليف اريد اشلع قلبه
ابو المحل ظل يباوعلي صفح
فردوس_ ستري على روحج والله يحطج ويكتلج الحجي ماعنده لحية مسرحة
لاتلعبين ويا وششوفين باليوتيوب اطبقي برأسة
_لعد بس هو راد يجلطني على الأقل اني مخليتلة جداحة ام لايت مو بريعصي
كملنا ورجعنا الدنيا صارت ظلمة مو مال انطيهيا هسه كلت باجر ان شاء الله من أرجع من الدوام
ثاني يوم العصر طلعت للباب
هم زين موجود
_حجي مسوين شلون كعك ابو التمر يستاهل حلگك شنو رايك تجي يمنا قبل لا يطلع علاء
_اي اجي ليش ما اجي راسي مسطور، أريد جاي
_أي مسوين يلا تعال
فتنا جوة اهلي متعودين على سوالفي، دوم
اخلي يجفت عليهم وصلوا مرحلة بطلوا يحجون علية
گعد يسولف ويا علاء
فات أمجد جياتة كثرانه طاب طالع علينا
مدري شلون يباوعلي بس لا شافني، من جنت واگفة بالباب
اگول حجي شو لهسه ما سألتني على الهدية
_ادري بيج بومة ماتطلع منج
_اهاا هاي اني على العموم قابل صرت حجي صجمة اجيب هدية تخرج چلب
_ما عاجبج رجعي شكو اخذتي
_علاء اخذة
_هاا اذا العلاء يستاهلة مايغلى عليه
علاء_ ما أدري ليش كلمة يستاهلة حسيتها ماتنبلع رغم هذا حجي ريسان الذهب أدري بيك ماتقصر مشكور يالغالي
_اخذتلك شلون هدية تخبل ادري بيك راح تكيف عليها
ركضت جبت
