 |
رواية ليلة الحنة الفصل الخامس والثلاثون بقلم بسمة البياتي
_أريد اسألها اخاف من الجواب لساني نعگد
حالتي حالة من التوتر
ليال _ حايرة ومدري شگلج
_رجف حيلي رجعت گعدت نصيت رأسي وغمضت عيني. الجنت خايفة منه صار اللهم لا اعتراض
_هههههه شجاج يمعودة على كيفج ويا نفسج راح يغمى عليج ماكو حمل أرتاحي
_رفعت راسي عليها احلفي ماكو
_يبووو لج والله ماكو مجنت متصورة هلگد تنرعبين من الحمل
_تنفست بعمق ماكو اثنى ما تتمنى تكون أم. صدگي لو حالي غير هذا الحال و أجي احلل والنتيجة تطلع سلبية يمكن اموت قهر
اما حالياً جريمة اذا فكرت بنفسي وما فكرت
بالطفل
اني وامجد حياتنا الزوجية شبه منتهية واكفين على حافة الهاوية
شنو ذنبه يبقى مشتت بينا
_كل كلمة اعرفها ومجربتة ما اگول غير الحمد لله
يلا گومي افوتج للطبيب يجيك وضعج
واذا ماتحسنني أخذج طبيب اختصاص
_دخلت وياها للطبيب وهم طلع عندي فقر دم ونقص فيتامينات
فقر الدم دمرني يصعد دمي شوية
واقل اهمال مني بالتغذية يرجع كما كان
رجعت للبيت ميتة من النعاس البارحة من القلق والتفكير عيني ما گدرت تغمض
نمت ما گعدت
غير على صوت هوسة يمي
فزيت مثل المخبلة كل ظني أمجد أجة هم يريد يضربني
رفعت رأسي خالة صايرة نار وشرار رغد وليال يمها بس يريدون يهدئوها وماما وبيبي صوتهم عالي
_تالي عمررري عاطف النذل يضحك عليه ويمشي المي من جواي اليوم انعل أبو لا بو اختة الگح**
ليال _ على كيفج ويا روحج اذا صار بيج شي لا سامح الله منو يفيدج
_ششلون اهدء، واني تبشرت بخبر زواج رجلي
جايبلي ضرة من سنين واني يا غافلين الكم الله
هسه صار عزيز واختة ادور مصلحتة من جان
حافي محد يباوع بوجهة ويگله سلام عليكم اختة وحدة من الناس جانت سؤال متسأل عنه
سويت برأسة خير وصار الكل يتمنى طبتة عليهم
رغد_ هو الخسران لو يحفى ويمشي بأيده ورجلة
يدور مايلگي مثلج
_ليش عبالكم مقهورة عليه
الي قاهرني سنين نايم برأسي ويضحك عليه واني الثولة مصدگتة ومقهورة عليه اگول المسكين
متغرب ومكسور ظهرة بالشغل علمود يعيشنا عيشة زينة
طلع النذل غرگان بالعسل
اااخ لو يوگع بيدي اخلي سجينة بنص گلبة
وهاي لمى بنت الكلب تدري بي وطمطلة وين تلفوني اليوم انعل والديها
_لا خالة لاتظلميها هي شنو البيدها اكيد ماحجت تخاف عليج
لاتنسين حامل مو زينة الها المغثة
_طبها عرج خلي ابوها الگ***يفيدها
_خالة اتصلت على لمى وگعتلها دك غلط ورزايل
گالتلها بعد لا أنتي بنتي ولا اعرفج
وجهج ما أريد اشوفة خلي أبوج وعماتج يفيدنج
ويعوضنج عن امج البعتيها برخص التراب
خالة سدت التلفون ورجعت اتصلت على عاطف يبوووو شسوت بي شرشحتة تشرشح
لمى اتصلت عليه تصرخ وتبجي بالكوة هدئتها ووعدتها من ترتاح خالة، احاجيها وافهما السالفة من البداية
زلال _ اووووف موقف صعب بعد كل هاي العشرة تسمع زوجها مزوج عليها الله لايخلي وحدة بمكانها
اگلج رغد هي منين عرفت منو گاللها
لان حتى على لمى زعلت معناها مو لمى الحاجيتلها
_زوجة أبن اخت غاطف اتصلت عليها گالتلها
الظاهر بنتج دطمطم الأبوها وماتريد تگلج
اني بنفسي راح احجيلج
وحجتلها الأول والتالي كالتلها
صارلي مدة من اتصلت على لمى وبلغتها تنبهج ومتعوفج على عمى عينج للأسف طلعت بنتج تربية أبوها وعماتها
خالة من سمعت لهسه مفرفحة وهاي شوفت عينج سوت عمل مصاير
_زين هاي زوجة أبن عمة لمى شكو هلگد كاتلة نفسها وبس تريد خالة تعرف
_اليوم عرس رجلها البارحة امة خابرت عزمة خالة فردوس
_اهاا اهنا الحجي تريد تنتقم منهم عن طريق خالة اكيد عبالها
راح تهد عليهم وتفضحهم وبهالحالة حفلة العرس تخرب
_اي ميحتاجلها تفكير كلش واضح هذا قصدها
_شفتي الزلم ابد ما الهم امان وحدة اذا عافتهم براحتهم بكل سهولة يبدلوها
وانتي ظلي بهذا حالج وعايفة علاء يسرح ويمرح بكيفة
_اوگفي، عندج خاتون واني ششعليه بعلاء، عسى مايزوج عشرة
أخوج بالنسبة الي حماية وبس
راح ابقى زوجة عماد الأخر يوم بعمري
_يبووووو بس لا زعلت عافتني وطلعت
هسه اني شحجاني اوووف منك يالساني
تحوص بحلگي ماتگدر تنجب وتسكت
خطية يمكن گامت تبجي يارب شلون قهر
طلعت من الغرفة فتت للهول بيبي وماما ديحجون ويا خالة
گعدت مقابيلهم بصف رغد
همست هاا ولج خوما زعلتي مني
رغد_ لا عادي تعلمت بيبي نورية مخلصة گلبي بهالسالفة گمت اطبب من اذن واطلع من الثانية
_يوووو الله يساعدج على بيبي اذا خلت شي برأسها بعد متخلصين من زنها
_وداعتج لو تحجي، منا الدهر مراح يتغير شي
سكتي عاد خلي نسمع شيحجون
_ متعجبة على خالة رغم شايطة من العصبية والقهر لكن دمعة وحدة مانزلت من عينها
بيبي سحبت رأس خالة خلتة بحضنها
حورية _ فردوسة أبجي لاتضمين قهرج بگلبج. موزين
_كلمات ماما نزلن على الجرح
خالة ضمت رأسها بحضن بيبي وبجت
بيبي وماما يبجون وياها
نورية_اووف يمه حظج مثل حظ امج گضيت
عمري ادعي ماتعيشون العشتة بس هاي حكمة رب العالمين اللهم لا اعتراض
فردوس_اليگتلني قبل الزواج ذبح روحة حتى اقبل بي من ازوجتة يحير شلون يرضيني
اليشوف حبه واهتمامة يحسدني عليه
خواتة من الناس كلما يشوفني يگولن
ياريت لو رجولتنا مثلة مرات عود بشقى
يگولن فردوس شمسوية الأخونا بس لا ساحرتة
بعد كل هذا الحب والأهتمام يروح يزوج
وروح أبوية لهسه ممستوعبة الفكرة
_حطي عينج بعين الله المايردج بربح لاتريدنة بخسارة
_گامت من حضن بيبي مسحت عيونها قوي گالت
والله لو يبوس الأدين والرجلين بعد ما أرجعلة
لمى ورة المغرب زوجها جابها خطية حالها مايفرق بشي عن حال امها
خالة بالبداية طردتها گالت. طلعي ما اريد اشوفج
لكن من شافت لمى رادت تتخربط
گلبها ما انطاها ماتحاجيها
الشي العجبني بخالة رغم قهرها لا حجت ويا أخت عاطف ولا تعاركت حتى بالتلفون ما اتصلت وعاتبتها
گالت هما منو اكبر راسهم واخليهم يشمتون بيه
ويگولون كسرنا خشمها وشوف شصاير بحالها
وحتى عاطف بيش الكيلو واتعاركت علموده
قبل جان يهمني اما هسه صار بنظري هو والماكو سوى
مر عشر أيام على هاي السالفة
سمعت امجد متراضي ويا خالي وراجع للبيت
الحد هسه ما فتحت موضوع الطلاگ أنتظر اكمل امتحاناتي تجي العطلة ويصير خير
العصر أجة احمد ابن خالي
گال الخالة فردوس تعالي البيتنا بابا ينتظرج
فردوس_ خير ان شاء الله صاير شي
احمد_عمو عاطف اجة
_اهااا وأخيراً شرف مو يدري اني اهنا ليش ما أجة
ولو الجبان يبقى طول عمره جبان
رايح يتحامى بخالد بسيطة اني اعلمة
زلال _ لوما زعلانة وما اگدر افوت البيت خالي
يمكن قبل خالة أروح مستحيل افوت لقائهم التاريخي
ليال شو بعدج گاعدة كومي روحي حتى تحجبلي شصار اهناك بالتفصيل
_ششعلية بيهم شنو هالفضول
وأساساً مابقى وقت رائد على جية نطلع نجهز البيت
_اهوووو حبكت الا هسه يجي
سمجة سسمجتي روحي انتي لا تعوفين اختج وحدها
_وين بيه حيل هي رجلي بالگوة شايلتني
خالد وياها ماعليها شي گعدي وسكتي ياخبر هسه بفلوس بعد شوية يصير بلاش
_اهوووو صوجي اني اطلب منكم
ظليت رايحة جاية
فاتت ريم اي الله جابها
لج تعالي احجي شجاي يصير اهناك شو سنطة
ريم_ههههههههه يا سنطة غير صار مكافش من الرؤوس
_كذذذذب أحلفي
_اي والنبي ههههههههه
رغد _خرب حظي ششوف الفطيرة خربانة ضحك
عمي ضحكينا وياج شكو مبقيتها تحوص بگلبج
-خالة فردوس هههههههه فاتت على عمو عاطف بالماسحة هههههههه
حورية_لج كافي ضحك احجي عدل صدك تحجين
_اي والله اخذت الماسحة من الحوش وفاتت ضربتة بيها
من خوفة ختل ورة جدو خالد
زلال _عاشششو هاي النسوان مو اني تكصكص جلدي من الواير وماعندي غير البجي والعياط من امداني لا والمشكلة اتوسل بي طاح حظي لج رغد غميني
حورية _يا واير ليش منو ضاربج؟
_هاااا شنو يا واير
_لاتلفين ودورين احجي عدل لا بالنعال
_ماكو شي من جنت يم امجد تشاقى وياي وضربني بي
_جهال، گدامج وتريدين تقشمريني بهالحجايتين اخر مرة اسألج شصاير ليش تخليني اروح البيت خالج واستفسر منهم
_يبوووو عليه هسه اني شحجاني لو ظالة ساكتة مو اشرفلي
_احجي عاد
_مرة تعاركنا وضربني هسه ارتاحيتي
_وشكو ساكتة ومتحجين هسه لو ما لسانج فلت هم اظل على عمة عيني
_گعدت بصفها وحضنت ايدها ادري غلطانة
لكن العتب والملامة بعد مامنهن فائدة
اخلص امتحاناتي واطلب الطلاگ وهذا اخر كلام عندي ما اتراجع عنه
_اذا مقتنعة بقرارج راح اوگف وياج حتى لو اخسر اخوية جبت عمري كله احسب حساب هذا وذاك وافضل خواطرهم على حسابكم وحساب نفسي
وبالنتيجة ضيعتكم
_بست كتفها لاتحجين هيج بعدنا بأول عمرنا والحياة گدامنا ان شاء الله ماكو شي ضايع
لاتنسين لوما أنتي جان من زمان بطلت من المدرسة اعترف هواي تعبتج وگعت قطعة من لسانج وانتي تنصحيني وتعلميني ونوبات لا والله مو موبات دائماً ترزليني حتى افتح كتاب وأقرأ
_كبرانة وحجياتج حلوة
_ابتسمت اي لعد شعبالج وضيفي على كلامج صايرة صاكة اطك بالگاع
_يمه طول عمرج حلوة
_شلعت خدها من البوس اووووف امووت عليج سمجتي
ريم تغار اجت انحشگت بينا
فاتت خالة من عصبيتها خفنا نسألها شصاير
الا هي حجت من كيفها
گالت ظل يتوسل ولوما شوية ينزل يبوس رجلي
گايل طلگتها وحتى الشغل تركتة بس لا تفكرين بالطلاگ وشتطلبين يجرالج
خالة گايلة لو تبقى اخر رجال بالدنيا بعد ما اباوع الخلقتك بيني وبينك المحاكم غصب عن خشمك اطلگني
وفعلاً وكلت محامي رفع دعوة
تنزلت عن حقوقها واخذت الطلاگ بسرعة
بالبداية تعجبنا ليش تنازلت
طلعت خالة ذكية مأمنة روحها
الشقة بأسمها كومة ذهب مأخذلها ةحتى فلوس من جان يدزلها جامعة خوش مبلغ
عاطف اشتغل بذكاء فلوس الجمعهم من شغلة برا اهنا فتح بيهن اكثر من مشروع وما شاء الله نجحن بس الطمع عامي عينا ماكفى كل هذا رجع يشتغل برا وهو اصلآ مو بحاجة
ويمكن جان الشغل عذر حتى يلتقي ويا زوجتة الثانية
من اطلگت خالة منه تخبل مابقى احد ما جابة
حتى يرجعها يتوسل بيها ويبجي مثل النسوان وهي أبد مارفلها جفن
اتمنى اصير قوية مثلها واسوي مثل ماسوت بسهولة
بدت امتحاناتي التهيت بالدراسة امجد مرات المحة من ارجع او من أروح للدوام ما اباوع بوجهة نفسي جازة منه
راجعة من الأمتحان نزلت من السيارة شفت ام عدنان بيدها الصوندة تغسل باب الحوش
من شافتني أبتسمت وگفت اسلم عليها
شلونج خالة ان شاء الله بخير
_هلا بسورها وبنورها الاحوال تحت رحمة الباري
شلونج يبعد عمري عساج بالخير
_فدوة العينج يسلم عمرج اني الحمد لله زينة
سالتني عن صحة بيبي وماما
بقيت اجاوبها طلع حجي صجمة صارلي هواي مشايفتة مايطلع برا مثل قبل
هلا والله وين هالغيبة محد يشوفك
حجي ريسان _ الباب گدام الباب مو بعيدين لو تريدين تشوفيني جان جيتي، وسألتي
_والله ملتهية بالامتحانات من التعب ما اندل دربي ولعلمك اكثر من مرة سالت علاء عليك
عبالي لا سامح الله مريض گالي، لا الحمد لله بخير
شفت حجي ابد ما ناسيتك بس، صدك شعجب مدتطلع برا
_عندي شغل بالسطح
_عااا بس لا اعتزلت الصجم والچلاب وقررت تصير مطيرجي
_مو اهفح بهذا الكرك على راسج
ام عدنان _ مكرم السامغ عندو چلاب مخليهن بالسطح ومجابلهن وجاعد
_ههههههه مو جان بس طابوگة
ريسان _جبتلة نثية تزوج وصار عنده جهال
_طكو حجي راح خوش تربح من وراهن
_لاتفگريني
_مقبولة منك من رخصتكم لا يروح يجي علاء ويشوفني موبعيد يگصگصني ويغدي بيه چلاب حجي ريسان
_يولو شكثر احب سوالفج
-يولو والله انتي العسل
انداريت افوت انرگعت بصجمة برگبتي رغم لابسة حجاب بس هم أذتني
انداريت عليه وتالييييي وياك حجي صجمة
واني عبالي بطلت سوالفك وراح ترحمنا
_امشششي فوتي لا يجيج العوعو
_هااا بسيطة يجي علاء واگلة الحجي يگول عليك عوعو
_انگص رأسج على هالجذب شجاب علاء بالنص امشي فوتي وگولي الليال وين البرياني الوعدتني بي
_سمعت صوت لعب نفسي صار عندي غثيان
اركان_ هلا بالحجي مشتاقين شخبارك صحتك شلونها
_الحجي ما جاوبة فات جوة وطبگ الباب قوي
ام عدنان ظلت مستغربة اني هم ترخص بدون ما اباوعله وفتت للبيت
اي ليش لا صار يسرح ويمرح بكيفة
حجي ريسان حتى احسن من خالي رغم لابي ولا عليه بس أخذ موقف من سواية اركان بيه
ومتاكدة يدري زعلانة وعايفة أمجد
كل مرة من انزل يم باب بيت اهلي لازم يسألني ويستفسر هالمرة أبد ولا جاب طاري
طبيت للبيت ماحجيت شي ولا جبتلهم سيرة
ثاني يوم باليل بيدي، كتابي اقرأ
ليال گاعدة يمي تنوم غزولة
ليال_شنو هذا الصوت
_يمكن صوت علاء شمرت الكتاب طلعت اركض
ليال اجت ورأي
وليد وأمجد بالگوة فوتوا علاء للأستقبال
رحنا وراهم
حورية _شصاير شبي علاء
وليد _لاتخافين وتشغلين بالج حساب قديم
والآفندي حب اليوم يصفي قابل جديدة عليج خبالات علاء
فرودس _هسه احنا شفهمنا من حجيك
أمجد_علاء سامع صوت اركان بحديقتنا فايت منطي المقسوم
حورية _ ليششش يمه هو هذا وعدك الي شحجينا احنا مو حلفت ماتسويلة شي والفات مات
علاء_لو اريد اسويلة شي، ما ابقي عايش
المشكلة لأزميني من الأيد التوجعني
وليد _غديتة جنازة ومامسوي شي علاء خلي خوف عمتي بين عيونك الخاطرها والخاطر البنات حاول تنسى
الضرب والمشاكل يغيرن الصار بالماضي
ليال _ اجة خالو گعد بصف علاء وطبطب على جتفة
خالد_ حورية ماكو داعي للبجي
أبني جان مستحق هاي الكتلة لاتنقهرين
وهسه سدو الموضوع خالو ليال أريد ستكان جاي من أيدج الحلوة
_من عيوني تدلل
زلال _ ردت اطلع ما اطيق ابقى بنفس المكان ويا امجد خصوصاً هسه عينة مخيطة عليه
-لحظة بابا زلال تعالي عندي حجاية وياج
_تنفست قوي اوووف بس لا هم بخصوص رجعتي الأمجد گعدت مقابيلة
_بعد خالج ما ناوية ترجعين لشوكت تبقون هيج
الزعل من يطول يقسي الگلوب
ووعد يابنتي التريدي يجرالج تريدين تبقين عايشة ويانة البيت بيتج تگولين لا وما اگدر من عين باجر امجد يدور بيت على گداكم تطلعون بي
ها بنتي العاقلة شگلتي
_تحسرت خالو المشكلة مو بالمكان المشكلة بينا احنا جربنا نكمل سوى وفشلنا لا اني أؤالمة ولا هو يؤالمني صعب نكمل ياريت تفهم عليه وماتزعل. مني بس اكمل اخر امتحانين باقياتلي
راح اطلب الطلاگ احلفك بتراب بابا تساعدني وماتضغط عليه
-اذا مصرة على هالشي براحتج محد بينا يگدر يغصبج تبقين على ذمتة
امجد گام وگف عاف الأستقبال بدون ماينطق حرف المشكلة من يسكت اخاف منه لان ادري بي راح يضمها بگلبه ومن يجي الوقت المناسب يطلعها بيه
ليال_شو بعدج منايمة عيني عليج تتگلبين يمنى يسرى مثل السمجة المزوهرة
_مجايني نوم
_بشنو تفكرين؟
_خايفة من سكوت امجد هلگد ما أذاني صرت من كل عقلي اخاف منه
_لا تخافين قابل شراح يسوي خوما يفوت النص البيت يضربج
_يمعودة تصرفاتة متنحزر والله فلا استبعد يطب الهاي للغرفة ويسحلني
_يبوووو لعد شگد مرعوبة منه
صدك زلولة سؤال؟
_خير ياطير من تگولين سؤال اخاف منج
_الي أعرفة هواي حبيتي امجد
لكن بعد كل المشاكل الصارت حالياً شنو مشاعرج اتجاها باقي الحب نفسه لو بده يقل
_ثقي بالله ما أعرف خوفي وكسرة گلبي من السواه بيه طاغية على كل مشاعري صرت ما أعرف شي ولا افهم شي
أريد اطلگ اريد اتخلص من قيوده من شكه من حبه المدفون بگلبه انجاه لمى. أريد انسى كل هذا لكن بالمقابل خايفة لا ارجع احن
_كنت مثلج من أرتبطت باليث صار بالنسبة الي الدنيا كلها مجرد افكر اخسره يوم من الأيام دموعي تنزل بدون وعي
صرت أنسانة ثانية همي الأول الأخير هو
من عشت ويا وبديت أكتشف اطباعة يوم بعد يوم مشاعري بدت تتجمد
الى إن أجة اليوم الي من صدك كرهتة بي
من اطلگت ماندمت عليه قيد شعره
وهاي شوفة عينج تخطيت كلشي وحالياً گلبي عقلي روحي كلهن مشغولات برائد
-اتمنى من اعماق گلبي اني هم اصير مثلج
و تجربتي ويا امجد اتخطاها بسرعة وما تأثر بيه بمرور الوقت
_اذا عندج أرادة راح تتخطيها بسهولة
الله يقدملج البي خير عمري
_ان شاء الله
كملت أمتحاناتي
ماما رجعت سألتني
_هاا زلال بعدج نفس قرارج
_ اي
_ماشي اليوم احاجي خالج بالموضوع
ماما راحت البيتهم وحجت ويا خالي
گايللها هذا هو يجي أمجد واحاجي يروح يطلگها بدون مشاكل
باليل قبل لا أنام اتصل عليه امجد
بالبداية مردت اجاوب ليال گالت
يجوز بخصوص الطلاگ فتحي خط واحجي ويا مراح تخسرين شي
سمعت منها وجاوبتة
_نعم تفضل
_هذا اخر كلام عندج مراح تغيري؟
_ياكلام
_لاتغشمين نفسج
_اذا قصدك بسالفة الطلاگ اي أريد اطلگ
(مدري ليش حجيتها بغصة أساساً من سمعت صوتة ما اعرف شصار بيه أختنگت كلش عبالك إعصار ضرب گلبي وگطعة )
تحسر گال
يابنت الناس الهاي اللحظة بعدني متمسك بيج ورايدج لاتهدين كلشي بسهولة غلطت بحقج اي اعترف انطيني فرصة اصلح كلشي واعوضج عن كل اذية سببتها الج سوء بقصد او بدون قصد ما أريد اكمل حياتي بدونج ولا عندي استعداد اخسرج
_نزلن دموعي غصب عني أنت بأفعالك هديت كلشي دمرتني أذيتك مو بس أثارهن بجسمي لا غلطان الأثر الأكبر بگلبي
امجد نسيت شسويت بيه أخير مرة ردت اموت جوة ايدك وانت ما رفلك جفن ولا ستخطيتني
احلفك بـ عزيز گلبك لو لمى جانت بمكاني هم جان ضربتها هيج
هم جان صخيت بيها
من تسمع صراخها وبجيها هم راح تظل قوي وماتهتم
_كافي الخاطر الكعبة كافي
گالت لمى وعملت لمى لشششوكت نظل كل مشكلة كل سالفة ولأزم تصير مقارنة
حبيتها وراحت الغيري الله يسعدها شجلبتي
_بهاي عصبيتك ورجفة صوتك عرفت جوابك ميحتاج بعد تحجي
أمجد أترجاك طلگني
_انعل والدي المايطلگج ويخلص من سوالفج التعبانة حظري نفسج باجر نروح ننهي هاي المهزلة........
