 |
رواية ليلة الحنة الفصل الرابع والثلاثون بقلم بسمة البياتي
أصعب مقاومة عندما يقاوم أحدنا نفسه !
بين الحب والكرامة
"بين القرار والإختيار!
"عندما تحتد المعركة بين الحقيقة والوهم
"ثم يعافر ويتصنع اللا مبالاة
"حتى لا يبدو ضعيفا في عين أحد !
"عندما تشتد لديه رغبة قوية بالبكاء
"فـ يضحك كي يداري دموعا بالخفاء!
"ويقاوم جاهدا على حساب قلبه وعقله وأحلامه
"إنها حقا أصعب مقاومة
أن تخطو ذاتك في واد وأنت في واد آخر !
.أَعرُف جيدًا مَعنى أن يواسي الأنسان
نفسه ويُردد أَنا بخير .
مخبوصة وحالتي حالة متشتتة وضايعة ما أعرف الصواب من الخطأ هل ياترى تصرفي صح لو راح ينقلب ضدي كالعادة
اني بذات نفسي ممقتنعة بالسويتة أحس بروحي جداً تسرعت هذا هو التهور بعينه
اووف شنو الفائدة الندامة بعد متفيد متأكدة تالي أكل تبن بأثنين أيدي
ما أجاني اي جواب من امجد
ليال _ اشو اختفيتي ليش گاعدة وحدج
ماما بالها يمج گالت روحي شوفيها شسوي متسوي
والله خطية ماتعرف تشيل همج لو تفكر
بـ علاء تخاف لا يسويلة مكسورة
_ليش مكبرين الموضوع ماكو شي يستوجب القلق والخوف
واذا رجع طبه مرض شنسويلة
ترى أركان اخر همي
_حايرة اصدگج لو لا اذا ممهتمة الرجعتة شكو واصلة للطلاگ بينج وبين أمجد وروحج واصلة الخشمج بصراحة وضعج وتصرفاتج عليهن الف علامة أستفهام
_كل عقلج تحجين هاي شبيج ليال تدرين كلش زين شنو الغاثني من يوم الرجع دخل حياتنا
ادمرت امجد تخبل على رأسي لو باقي بعيد مجان صار كل هذا
_خليها ترجية بأذنج اركان لو شما يسوي أهله مراح يتركوا الأظفر ميطلع من اللحم
_وعاد هو شلون اظفر خايس مايجي من وراه غير صخام الوجه والدگايگ الناقصة
_حبيبتي ثقي اذا اهله والناس نسوا افعالة ربنا ماينسى وراح يحاسبة عليهم اذا مو بالدنيا بالأخرة
_ونعم بالله
_گومي گعدي يمنا لاتبقين گاعدة وحدج
_لا ما أريد راح اظل ادرس
_ماشي براحتج
_طلعت ليال وسدت الباب تمددت بالفراش غمضت عيني أريد اشيل الأفكار السلبية من رأسي أريد اتفائل واتأمل القادم يكون اجمل
بقيت اكثر من ساعة على هاي نومتي محد بعد أجه للغرفة تركوني براحتي
انفتحت البارحة عبالي وحدة من البنات
من انداريت وشفتة نشف دمي وگفت لحيلي
وتراجعت خطوات ليورة
أمجد_ ليش انخطف لونج شفتي جني؟
_هاا لا شسمة ممتوقعة جيتك
واگف وأيدة بجيوبة شكلة ذاك هو مبين اعصاب
بس بالگوة لأزم روحة
_بعدج مصممة على الطلاگ
_هاااا
_جاوبي
_خليت شعري ورة أذني خايفة منه ما أعرف شلون جاوبتة
أي هذا أحسن حل النا
_ماشي
_شنو ماشي؟
_التريدي يجرالج راح اطلگج
_ما اعرف شبيه وشرايدة الغصة وگفت بنص بلعومي عيوني صارت تلالي بالدموع
_بدلي وتعالي وياي
_جاوبتة بخنگة وين تأخذني قابل اكو محكمة هسه
_عندي محامي صديقي نروحلة
_نترت بقهر ترى ميحتاج محامي ولا عبالك راح أخذ منك حق وحقوق كلشي ما أريد فلس احمر ما اخليك تدفع الحمد لله مو بحاجتك
_أي عادي لاتريدين المحامي راح يتكفل بكلشي هو يرفع الدعوة ويكمل باقي الأجراءات
مالي خلگ اظل رايح جاي على المحكمة
يلا فضيني وبدلي خلي نروحلة قبل المغرب
_ماشي بالأول خلي اروح اگول الماما
_لاتحجين شي عن قرارنا أبوية اذا عرف راح يتخبل ويسوي المستحيل حتى نبطل من نكمل عود نبلغهم
_لعد هسه شگوللهم
_الظاهر نسيتي بعدني زوجج وعادي اذا طلعتي وياي
رايح العمتي اگلها أخذها نتعشى برا واكو امور نريد نحلها بينا
وأنتي أستعجلي لاتبطين ماظل وقت
_هااا اي ماشي طلع امجد ظليت مصفصفة وجامدة بمكاني مو جان معاند ميريد يطلگ معقولة رسالتي خلتة يغير رأية
غصب عني نزلن دموعي بسرعة مسحتهن
طلعت بنطرون وبدي طويل لبستهن
مالي خلگ أرتب روحي خليت الشال على راسي
شلت الحذاء والجنطة لبستهن وطلعت
دخلت للهول استأذنت من ماما
گالت مايحتاج تسأذنين رايحة ويا زوجج مو ويا غريب
طلعت للمطبخ امجد ماكو
ليال_ينتظرج بالسيارة
_ماشي اريد اطلع ليال لزمتني من أيدي
_اوگفي معقولة البرنسيسة زلال تطلع هيج لا حمرة لا كحلة وهي رايحة تتعشى بمطعم
_گلت بگلبي شوف هاي شگد بطرانة
ترى مستعجلة مدتشوفي ينتظرني برا مو مال اعوفة مشتول يلا باي
عفتها وطلعت للباب بقيت واگفة ثواني گدام السيارة
فتح الجامة وصاح ماتصعدين شمنتظرة
_فتحت الباب وصعدت سالتة بستفهام
بدلت سيارتك القديمة بهاي؟!
جاوب بالامبالاة و بدون ما يباوعلي أي
_سكتت بس القهر أكلني
ابد فلا يصير برأسة خير فلوسة يتلفسهن اهنا وهنا ملابس عطور، سيارات مطاعم
الكنتور ماينسد من هدومة اني بنية ما اشتري بگده
اصدقائة نايمين برأسة كل يوم والثاني يعشيهم على حسابة
من جنت يمه تعاركت وخليتة يجر عدل الفلوس صرت اني اجمعهن وهسه رايح مبدل بيهن سيارتة
اهوووو هسه مو راح اطلگ شكو داحمس بروحي
من حرگة اعصابي حتى مانتبهت احنا وين رايحين
من دخلنا المجمع سكني انتبهت
لزمتة من زندة اوگف هاي وين جايبني
_ماظل شي راح تعرفين
_عزززا بعيني هذا المجمع بي شقة خالة فردوس
متت بدمي أمجد رجعني للبيت ترى والله افتح الباب وأشمر روحي من السيارة
لزمت يدة الباب مقفول وهو حتى ماعبرني صف السيارة ونزل
أجة بتجاهي فتحلي الباب
-شمنتظرة يلا نزلي
_گمت أبجي بخوف أبد والله ما اتحرك منا
رجعني للبيت ليش تخليني اصرخ والم عليك الناس
اسلوبة يخوف مايحجي بالسانه
ايده هي التحجي
لزمني من زندي ونزلي،
المجمع هادئ ماكو احد غير رجال واطفاله ديغسلون سيارتهم
استحيت من حالي مشيت ويا بهدوء،
لكن داخلي يرجف وجاي يقرأ الفاتحة على روحي
طلع مفتاح الشقة من جيبة هذا شوكت أخذة من خالة
أول ما فتح الباب فلتت من أيدة وطبيت أركض
أريد انهزم صارت غرفة لمى القديمة گدامي
دخلت وسديت الباب اريد اقفله المفتاح ماكو
لا ياربي دخليك انوب ما اگدر اطلع
رجيت ظهري على الباب لزمت جنطتي اريد اطلع الموبايل أخابر احد من اهلي يجون ينقذوني منه
ايدي ترجف لا والله مو بس ايدي من شعر رأسي الأظفر رجلي ارعش واطك سن بسن
بعدني ممتصلة تحركت يدة الباب سندت نفسي بقوة حتى لا يدخل
بدفعة وحدة تكومت بالگاع
الموبايل وگع من أيدي انوب اريد اگوم ما اگدر بقيت ازحف
امجد كلما يتقدم خطوة انتهي واموت بگاعي
_خايفة
_امجد دخيل ربك شبيك ليش جبتني لهنا شرايد مني
_مو گتلج راح اعيد تربيتج من جديد وهسه أجه وكتها
تريدين تطلگين عيشتي صارت ماتعجبج ويمكن اني بشخصي ما اعجبج مو خيالج ولا الجنتي تتمني
_لزمني من الحجاب شعري انشال ويا
وگفني الحيلي ودفعني للجرباية
وگعلي كفخات وراشديات ابجي اتوسل مايسمعني
كافييييي الله عليك كافي حررررام عليك لو ما اريدك شششكو قبلت نتمم زواجنا
_انطيني سسسبب واحد مقنع بلكي يشفعلج ويخليني اصدگج بين يوم وليلة تخبلتي تمشين وتصيحين ما اريده
_أنت السسسبب ششكك هو الخلاني افكر انفصل عنك
تعبتني تحاسبني وناسسي تحاسب نفسك
اندار مدري شيسوي اكو سيار لزم الواير سواه طبگتين وبالكيبل وگعلي ضرب نمت على وجهي
وخليت ايدي على رأسي
الواير صلخ جلدي ظهري تكصكص روحي غابت عليه ونفسي طمس اختنگت وفرفحت
امجدددد كافييييييييي بالقرآن راح گلبي يوگف واموت ابوسسسس أيدك كافي
_انعل روحه الي يعوفج اليوم
اطلع القضى والمضى من عيونج
راح احاسبح على كل كلمة طلعت من هذا لسانج الزفر
بحيل صدر كدام الكل تصيحين ما اريدة
لج تالي عمري انتي تصغريني
_مجنون فاقد الأحساس والشعور، مايسمع مايشوف فاصل عن الدنيا لا دموعي لا توسلاتي لا وجعي شفعلي عنده
حرفياً انتهيت
امجد أحبببببببك ما أريد اطلگ بسسسسس عوفني
فدواتك ربببببييييييي سسساعدني
باباااااااااا وينك الحگنييييييييي ششوف شصار بحالي من بعدك
باباااااااا تعال شششششوف حالي رااااااح اموووت
بعدني اصرخ مرة اتوسل برب العالمين ياخذ روحي ويخلصني من هالعذاب
ومرة اصيح بأسم بابا
ذب الواير من أيده وطلع من التعب حتى صوتي راح بقيت على نفس نومتي
سمعت جرس الباب يندگ اريد اگوم اتحرك ما اگدر
بلكي واحد من اهلي اجة
بطلاع الروح كمت صرت أستند على الحايطين.
طلعت من الغرفة سمعت امجد ديحجي ويا رجال
من كلامهم عرفت هذا جار، بيت خالتي شقتة مقابيلهم سامع الصوت وجاي يشوف شصاير..
امجد يگلة ماكو شي زوجتي وگعت ورجلها تأذت
وهاي شقة عمتي ام وسيم
عفتهم يحجون رجعت للغرفة دورت تلفوني مالگيتة بالگاع يمكن ماخذة
تعبانة حيلي مهدود ظهري ملخني من الوچع
ايدي رگبتي كلهن يوجعن
انبطحت على بطني حتى دموعي نشفن بس ظلت الشهگة تطلع من نص، گلبي
فات المغرب وبعدني على نفس حالي أريده يجي يرجعني ماكو اختفى واني صرت اخاف اروحلة واحاجي لا يرجع يضربني
كلشي ماردت بهاللحظة غير بس ارجع البيتنا
الساعة صارت ساعتين وثلاثة وماكو احتاجيت حمام
والشقة صارت هندس لهسه ما رافع السيركت ومشغل كهرباء الشقة
ورة وين شفت اكو ضوا ديفوت من جوة الباب
كمت على كيف شغلت اضوية الغرفة
فتحت شوية من الباب هدوء امجد مدري وينه بسرعة رحت للحمام
من وكفت اغسل ايدي
عيني صارت. بالمرآيا.
انقهرت على حالي الوجه احمر من راشدياتة عبوني منفوخة من البجي
نصيت رأسي وبجيت
رجعت للغرفة ما اعرف شسوي ووين اروح
معقولة اهلي ما استفقدوني مگالوا هاي ليش تأخرت
زين موبايلي أكيد اتصلوا مگالوا ليش مترد
شنو ديصير وياي ما أدري احس روحي بكابوس
ما اعرف شلون اصحى منه
نايمة بالفرش وأون هم من وجع جسمي وهم من قهري وخوفي
أريد ارجع البيتنا
ضربني مابقى شي مسواه بيه برد گلبه
شكو بعد مبقيني شيريد يسوي بيه أكثر من هذا
سمعت صوت باب الغرفة گلبي نبض بخوف على شعرة ويوگف ختلت جوة البطانية
حتى راسي غطيتة وگطعت النفس
اذا هم رجع ضربني هالمرة مابيها مجال من صدك روحي تطلع
حسيتة تمدد ورأية وخر من رأسي البطانية وحضني
لا عاد لهنا وتأكدت هذا مجنون رسمي لو يمكن بي انفصام بالشخصية ومو بعيد يطلع يتعاطى
تصرفاتة مو تصرفات انسان سوي
لزگ جسمة بظهري وهو ظهري منتهي من الوجع
رأسة صار بنص رگبتي وشعري
وبأيدة يمسح على رأسي وجسمي
أول مرة اشوف شخص يكسر ويجبر
يجرح ويداوي
المشكلة الخوف هاز كياني ما اگدر كلمة انطق ما اگدر اعوف الفراش ما اگدر اگله اتركني شرايد بعد مني
ماعندي غير الدموع تنزل بانكسار لان اني من الأساس مكسورة
-ليش خليتني أأذيج بأفعالج تجبريني امد أيدي عليج
شيصير لو سامعة كلامة يعني صعب عليج
تجاهليهم صعب تنطين اذن الطرشة البين ما الگي حل
گتلج عوفيها هاي**** ما أريدج تختلطين بيها لا بـ خير ولا بـ شر
الحايط يسمع وأنتي ماتسمعين
وكل هذا مايجي يم وكاحتج وصلافتج
تتجاسرين عليه كدام اهلج واهلي
كلمة والثانية أريد اطلگ
اليوم متعارك ويا أبوية والدنيا طالعة من عيني
تجين تزيدها عليه برسالتج
_كمت أبجي بصوت هسه صار الغلط كله مني
زين ليش، ماتفكر ويا روحك معقولة تتوقع بس فرح هي سبب مشكلتنا
امجد ليش ماتعترف انت ماتحبني وبحياتك ما راح تحبني
الي يحب ما يأذي الهاي الدرجة
_تدرين شنو عيبج ماعندج ثقة بروحج
ليش ما احبج انطيني سبب واحد
_لان بعدها لمى عايشة بنص گلبك هذا هو السبب اذا تدري بنفسك ما تگدر تنساها شكو ورطت نفسك وورطتني وياك
_يا أمة الأسلام لشوكت تظلين مجلبة بهاي الحجاية اني لا أول لو اخر واحد حب وما اخذ الي يحبها فضت وراحت
_امجد شنو شعورك نايمة بحضنك واهذي بأسم غيرك
_زلااااااااااال شدتلوصين ضبي لسانج
_شفت هي بس حجاية غثتك
واني اشوفك بعيني واسمعك بأذني ولأزم اسكت واتحمل
واذا بدر مني اقل غلط يكون هذا حالي
_يمكن اي بعدني ما ناسيها بس مو معناها
ماعندي مشاعر اتجاهج
لو ما مقتنع بيج ما أكمل وياج جنت اگدر وبكل سهولة قبل لا نبدي انهي كلشي وابوج الله يرحمه
-سكتت بعد ولا جاوبتة او بالاحرى ما عندي جواب اله
هو هم سكت لكن ورة شوية أيده صار تتجرئ، على جسمي
ااااخ شگد كرهت ضعفي متأذية وكارهتة لكن اخاف ابعده عني
تقرب مني دموعي تنزل بغزارة وجع ظهري زاد
بهاي الليلة ما اعرف شجاه اكثر من مرة
تقربلي
لو يطلع بيدي اگتلة واكتل نفسي
للفجر يلا نام
أريد اسحب روحي من حضنه ما اگدر اخاف يگعد بالگوة گدرت أكوم لبست ملابسي طلعت من الغرفة ايدي على گلبي
دورت تلفوني ما ادري وين مخلي موبايلة هم ماكو
وأخيراً لمحتة على التخم بالأستقبال.
جان مقفول من فتحتة طلع صوت نشف دمي كتمت الصوت بيدي
عيني على الباب لايفوت
انوب حرت اتصل على منو
اذا حاجيت علاء او عادل ويجون يشوفوني بهذا الحال راح تصير مشكلة جبيرة واذا اتصل على ليال قابل شتگدر تسويلي اكيد تروح تحاجي علاء
ماكو غير وليد اتصلت عليه
اريده يجاوب ماكو اني هم بطرانة منو اليگعد هسه تلگيهم بسابع نومة ساعة خمسة ونص الفجر اكل بيدي من الخوف
قبل لا ينتهي الأتصال گال الو
من سمعت صوتة ظليت أبجي
وليد_ زلال هاي أنتي ليشش تبجين لج بنتي احجي شصاير
_اني بشقة خالة الله عليك تعال اخذني منا
قبل لا يگعد امجد
_بس فهميني صاير شي وشبي امجد مو تصالحتوا
_لا كذب والله جابني غصب عني وموتني كتل
جسمي لهسه يوجع
_نعلة على ششرفة لا تخافين مسافة الطريق وتلگيني يمكم
اني اعلم هذا الساقط
_سديت الخط قفلت التلفون ورجعت للغرفة خفت لايگعد وميلگاني واذا عرف متصلة بيهم مو بعيدة عليه ينهي حياتي
نص ساعة وندگت الباب
قبل لا امجد يفتح عينه طلعت اركض
انصدمت الباب مقفولة والمفتاح ماكوو
عزززززا وليد المفتاح ماكو والله امجد هسه يذبحنيييي
وصال _صخام الصخمني ليش واگف اكسره
وليد _دنطي صبر شنو تايهتلة ويموتها
زلال امشي گعدي ولا تخافين
بعدنا نحجي طلع امجد بيده قميصة ديلبسه انهزمت من گدامة ما حاجاني راح فتح الباب
وصال فاتت تركض ما صدگت شفتها حضنتها وابجي وليد بقى يتعارك ويا امجد
راد يضربة وصال عافتني وراحت وگفت بنصهم
حيل مابقى بيه همست كافي اخذوني للبيت
وصال_امشي ننزل مع الاسف محسوب عليج ابن خالج وزوج
اخذت تلفوني ونزلت وياها لا حجابي ولا جنطتي اخذتهن اصلاً ما اعرف وينهن
الطريق كله حاضنة وصال وابجي
ليش كل هذا ديصير بيه امجد بهاي عملتة
خسرني وللأبد قبل يمكن اكو امل ارجعلة اما بعد السواه مستحيل
وصال - يلا نزلي
_أخذيني البيت اهلي
وليد_بعدهم نايمين واذا گعدناهم وشافوج بهالحالة راح يخافون
_عفية اريد أرجع البيتنا اتصلوا على ليال تفتحلي الباب
وصال _وليد عوفها براحتها مدتشوف حالها الله اعلم اخوك شمسوي بيها ومخليها توصل الهذا الوضع
_مراح افوتها اله انطوني صبر اني اعرف شلون احاسبة
_ردت اوگع من طولي وهما بعدهم يتناقشون
بعد ما اتحمل فدوة اريد افوت جوة
وصال اتصلت على ليال دخلنا للحوش ليال طلعت مستغربة
ليال _انصدمت بمنظر زلال وصال ساندتها مشيت بسرعة سندتها من الجهة الثانية
دخلناها للغرفة
خالة سمعت صوتنا گعدت
فردوس_ شصاير شبيها زلال
ليال_علمي علمج اني هم ما أعرف شكو وليد ووصال جابوها وهي بهالشكل
ساعدناها تمددت
فردوس_ دفهمينا عاد شبيها اختج مو جانت ويا امجد وعلى اساس متراضين والمياه راجعة المجاريها
وصال _ الفجر خابرت وليد تبجي گالت تعال امجد حابسني بشقة خالة وضربني
رحنالها ومثل متشوفون هذا حالها
الآفندي مأخذها لهناك مستفرد بيها ومشبعها كتل وين اليوجعها
فردوس - لا يا نذل اااخ اني صوجي صدگتة وانطيتة المفتاح عبالي من صدك يريد يراضيها
_لاتلومين نفسج قابل شمعرفج بنواياه
زلال _خالة نهارت وصارت تاكل بروحها
همست من بين دموعي
خالة لاتنقهرين حتى اني ضحك عليه وخلاني برجلي أروح ويا
_احجي لاتسكتين شسوالج
_سؤال خالة مثل الملح ونرش على الجرح بجيت بصوت عالي
اريد احجي ما اگدر وره وين يلا سولفتلهم
ماعدا شغلة وحدة خجلت احجي
ماگدرت اگوللهم وره كل هاي عمايلة تندم وتقرب مني
خالة رفعت البدي شهكت من شافت ظهري اثار الواير مطبوعة بي بـ أيدي
ليال_ شراح نسوي خوما نسكتلة ونفوتها لو عدوها هم ما يسوي سوايتة
وصال _وليد مراح يفوتها ومن ارجع حتى الخالي احجي وشيصير خلي يصير
_ماما وعلاء شنگوللهم وهما البارحة عبالهم صدك متراضين
زلال_لاتحجون شي ما أريد مشاكل گولولهم بالبداية متراضين وبعدين هم راجعين متعاركين
ما اريد ماما تنقهر وعلاء اذا عرف هم يتخبل
اريد اطلگ منه بدون مشاكل
الكل سكتوا مناقشوني
ليال - وين رايحة
_جسمي يوجع اريد أسبح واخلي مرهم يمكن ظهري شوية مجروح ديحركني
_ماشي روحي واني أجيبلج ملابس
_تمام سبحت وطلعت لگيت ماما وبيبي گاعدات
شگد حاولن يستفسرن مني ما حجيت شي
رجعت لفراشي شوية ونمت
من گعدت ليال كالت خالي عارف متخبل
هو ووليد متعاركين ويا امجد
وخالي گايلة ما الك فوتة على البيت بعد
.
السواه بيه امجد مديروح من بالي حالتي انتكست رجعت مثل قبل مريضة بالفراش لا أكل لا شرب
واذا اغصب نفسي واكل شوية بسرعة اذبة
امجد ما اعرف عنه شي سمعت باقي بـ شقة خالة
دوامي بالشافعات اروحلة اكثر من مرة اهناك تخربطت وخطية علاء مبتلي بيه اتصل عليه يجي، يرجعني
وصار اكثر من شهر على هالحال
ليال _زلولة باجر لا ادوامين تعالي وياي نسويلج تحاخير يا طير شبيج
_احزري منو بالاستقبال
_راسي صاير طبل هي مال حزازير بهالزلگ
_مفاجأة غير متوقعة لا والله متوقعة
_لج شششبيج شو فدنوب متخبلة
_عوفج من خبالي يا ليلو يا عمري. جايتج خطابة........
جاري كتابه الفصل الجديد من احداث الروايه وسيتم نشره فور انتهاء الكاتبه منه عاودو زيارتنا الليله او يمكنكم الاشتراك بقناتنا علي التليجرام ليصلك الفصل فور الانتهاء من كتابته ونشره
لمتابعة باقي الرواية زوروا قناتنا على التليجرام من هنا
شكرا لزيارتكم عالم روايات سكيرهوم
ليل شوفي شصاير بحالج
وگفة بالگوة توگفين
اكيد رجع عندج فقر الدم ونقص الحديد
_اذا صار بيه حيل عود أجي
سكتنا شوية خليت أيدي على راسي عصرتة من الوجع ثواني وگعدت الحيلي خايفة
عزززا بعيني بس لا. اطلع حامل اي والله يسويها حظي وعلى هاي افعالة انربط بي بطفل هي حتى الشهرية ماكو گلبي صار ينبض قوي
ليال _بستغراب شبيج تهزين براسج
عزززا بس ناقصج الخبال
_اگلج اذا وحده صار عدها حمل شگد ويبين بالتحليل
_شششنو هاي شوكت ولج
_اشششش شبيج شنو شوكت ترى داسأل
_جاوبي ولاتشلعين گلبي من أخذج للشقة صار شي بينكم
_تحسرت وهزيت رأسي بمعنى اي
_ماشي باجر أسويلج تحليل اكيد يبين
_ثاني يوم گعدت من الصبح بدلت ورحت ويا ليال گلبي معصور عصر خايفة ما أريد حمل ابد مو وقتة
ليال أجت سحبت دم مني بقيت انتظر وعيني عليها
من اندارت عليه وگالت طلعت النتيجة بلعت ريگ صرت اترقب جوابها بفارغ الصبر ........
