 |
رواية ليلة الحنة الفصل السادس والعشرون بقلم بسمة البياتي
والله العظيم مريضة وبالفراش البارحة للصبح منايمة ورغم المرض ماحبيت اعوفكم بدون بارت قبل لا اتمرض جنت كاتبة شوية وكملت كتابتة بالگدرت عليه
باجر ان شاء الله اذا وضعي تحسن راح اكتب وانزللكم
______
باوعت عليه تنهدت امجد تذكرت من وعدتني أي وقت أطلب منك اطلقني راح تنطيني حريتي
_أي صح
_ وهسه أجه وقتها أريد اطلگ
_وهذا القرار اتخذتي قبل لا خالتي تحاجيج لوبعدها؟
-بصدمة ششمدريك خالتك حاجتني وصال گالتلك؟!
_لا اختج هم مابيها خير وتضمضم السوالف العوج
_لعد منين عرفت
_ريم احسن منكم وعقلها أكبر من عقلكم ماترضى بالغلط
_أبتسمت فدوه العمرها
امجد كلام خالتك صح لشوكت نظل هيج
هذا الزواج مصيره ينتهي خلي ننهي هسه ونفضها لاتظل مربوط بيه شوف حياتك وأخذ بنت أبن خالك قبل لا ينطوها الغيرك
_أخذ وحده أكبر من بنت أخوي بسنتين حتى أرضي أمي وخالتي هههههههه لا حول ولا قوة الا بالله صدك بطرانات وتخوطون بصف الأستكان
_شبيك تضحك شعليه قابل اني مختارتها ألك
_ندخل بالمفيد أحسن اني عد وعدي اطلگج
شوكت ما حبيتي لكن من يكون هذا قرارج
مو احد مأثر عليج خليها بالج مو أمجد الي يمشي بشور هذا وذاك أهلي ما أقبل يدخلون بخصوصياتي مو عاد خالتي
_غصب نزلت دمعتي داخلي كلش متعذب عبالي ميريد يطلگني لان بده يميل الي طلع مايريد حتى لا يمشي كلامهم
_ليش تبجين خلصي هالسنة والتريدي يجرالج
_نترت بقهر على شششنو ننتظر أريد اطلگ
خالتك تحاسبني على المصروف التنطينيا
_محد يگدر يحاسبج هذا حقج مو صدقة
وخالتي حاجيتها وانطيتها المقسوم
حتى أمي منعتها بعد تدخل
_اوك لا طلگ بس مصروف بعد ما أريد
گام وگف گال مو اني أمشي بأمرج
عطت صحت عافني وطلع
ظليت مغطية رأسي وأبجي حسيت أحد دخل وگعد قريب مني
لمى_زلال كشفي رأسج أريد أسولف وياج
_ياررررربي أبد مو وقتها مسحت دموعي طلعت رأسي من جوة البطانية
هاا شرايدة ليش متأجلين السوالف البعدين
والله رأسي يوجع ومابيه حيل أخذ وانطي
_حبيتي أمجد؟
_بهت لوني هاي شبيها ومنين عرفت
نترت لا طبعاً وياريت مرة للخ مانحجي بهذا الموضوع
_ليش ضجتي سؤالي كلش عادي زلال اذا أمجد معمي وميحس اني من نظرة بعيونج عرفت البيج لأن للأسف قبلج انصابيت بالعنة الحب
-لمى الخاطر ربج شرايده مني مدتشوفيني مريضة وروحي طالعة
على العموم لا حب ولابطيخ بالعطلة نطلگ
وبذاك الوقت عود أخذي مبروك عليج
_ليش اني زلال وأغدر بنت خالتي وأدمر حياتها
_ترى والله حرت وياج بابا أنتي شرايدة أرسي على بر مو تريدين تطلگين وكلما عينج تجي بعين أمجد گدامي دموعج تزخ مثل المطر
_كلش غلطانة لا عبالج رايدة اطلگ علمود أمجد
ترى سبب طلاگي احساسي بالذنب تجاه فارس وخوفي من ربي لان فارس ميستاهل أغدره
صح جسدي اله لكن روحي مو يمه وهاي خيانة
شوفي مراح انكر واگلج مافكرت من اطلگ ممكن ارجع أخذة ويمكن هذا اغبى شي فكرت بي
بله من كل عقلي أخذ واحد كسرني وعافني
لهسه من أذكر الأيام العشتها بودي أخنكم
راح اعترفلج بسر صغير محد يعرفة غير ماما وبابا
تدرين بيوم زواجكم باليل كلما اتخايلة وياج امووت وأنذبح ماتحملت كمية الألم والخذلان
أخذت كمية كبيرة من الأدوية والحبوب
وبيومها. وصلت للموت
نقلوني مستشفى وغسل معدة والحمدلله
طلعت منها سلامات ومامتت كافرة
_كلامها صدمة بالنسبة الي حجيت بغصة
والله انجبرت أخذه جنت غرگانة وأريد اتعلگ بأي أيد تنمدلي لمى خوفي على اهلي طغى على ضميري وبالنهاية هم راحوا عزاز گلبي
_موبيدي لو شما تحجين ما اگدر اشفق عليج جنت دوم أدعي تحسين بحساسي ويحترگ گلبج مثل ما حرگتي گلبي ومتأكدة هسه گلبج صاير نار
وداخلج ديتگطع اذا اني عافني علمودج
اما أنتي حتى مو حاسس بحبج
_كافي بسسس ليشش محسستني الذنب منا وحدنا نسيتي كلامج اله مو فضلتي الفلوس عليه
_اوووگفي لج هاي يافلوس. شدتحجين
_هااا يعني تنكرين مو انتي الي دگيتي ولطمتي لان أضطر يصرف الفلوس مال زواجكم
مو أنتي الي وصفتي بالحافي
وحتى ورة ما سكتي وتراضيتوا ماقبلتي يجي يعقد عليج گتيلة أصبر الحد ما تجمع
هم گولييييييي هذا الكلام كذب مو صح
_هو حجالج؟!
_احسن مني تدرين أمجد مستحيل ينطي بيج ويحجي عليج بيوم زواجج أجه سكران بدون وعي كت الأول والتالي
_صح زعلت لأن حقج متدرين شلون گدر يجمعهن امجد صراف اكشر روحه بالملابس والسيارات من غير العزايم يومية مأخذ اصدقائة للمطعم بالزعل والبجي يلا لزم أيده وجمعهن
ومن طلبت منه يصبر مووو علمودي أدري أبوية راح يحجي ويمكن يغثة ومنا عماتي شايفات روحهن ما ردت يصغر گدامهم ومن گتلة حافي والله بدون قصد ما أدري شلون طلعت مني
زلال لو عليه والأمر بيدي اعيش ويا على الحصيرة
_هه تخافين أبوج يجرحة يكون بعلمج أبوج سمعة الأكثر من هذا كل يومية يروحلة للشغل
ويظل ينتقد ويحجي شلون راح تعيش بنتي وأنت حافي شوف المعرض فرغ اجهزة مابي
وياريت لو الشغل خاص بيك وياك شركاء أثنين
وأخير مرة رايحلة طالب منه يعوفج لان أنتي مو من مستواه
_بدموع تحجين صدك
_مامضطرة اكذب بهيج موضوع گتلج امجد جان سكران وكلشي حجة
_ليش سكت ومگالي
_أبوج جان يوصي مايحجيلكم
وياريت هسه أنتي هم ماتحجين أمجد اذا عرف حجيتلج مراح يرحمني وأساساً فات الأوان الكلام بعد ما منه فائدة
_ فعلاً الكلام بعد مامنه فائدة الأنكسر مايتصلح
راح اترك كلشي للزمن بلكي هو يطيب الجروح
اني باجر، راجعة البيتي عاهدت نفسي اتمسك بالشاريني وان شاء الله حياتي راح تتغير ويا
وأرجع اگلج اني مو هجامة بيوت اطمئني من ناحيتي
_ گامت من مكانها مسحت دموعها عافتني وطلعت
بجيت الحد ماتعبت
ليال_ گاعدين بالهول أجت لمى گعدت بصف امها عيونها حمر مبين باجية گالت
ماما باجر يجي فارس راح أرجع ويا
فردوس_ الحمد لله وأخيراً رجع عقلج الرأسج
حورية_ هذا عين العقل فارس خوش ولد الله يهدي سركم ويرزقكم الذرية الصالحة يارب
لمى _ ان شاء الله
ليال_شلت غزل اخذتها للغرفة انومها
انوب انصدمت بحال هاي الثانية ياساتر لج شكو.
خوما امجد ضوجج
زلال_لا ماكو شي طلبت منه يطلگني وماقبل
گال مو هسه طلع يعرف بسواية خالتة ومخابرها حاجي عليها
ليال_أي أدري وصال قبل شوية حجتلي
ريم من شايفتة معاركتة گايلة هاي خالتك
السعلوة ضوجت زلولة
_رغم القهر أبتسمت فدوة للدافع عن خالتها
_وصال اتگول وليد گايللها قبل جنت ألوم عمي الله يرحمه لان هواي منطي الزلال عين
بس هسه يلا حسيت بأحساسة
ريم شگد تتوكح ولسان سوالفها عسل على گلبي
_ضميت وجهي بالمخدة وشهگت
ليال اشتاقيت البابا محتاجتة محتاجة الحضنه
الدافي ونظراتة الحنونة ادفع عمري عمري كله
لو بس أسمع صوتة
_نزلن دموعي اوووف زلال والله العظيم گلبي طاك عليه أشم عطره بكل مكان بالبيت مرات اگول بلكي يفتح الباب ويفوت
_مات وهو شايل همنا ومامرتاح
_تمددت بصفها وحضنتها شبعت بجي الى أن نامت مرات أحسها بنتي مو أختي حالها حال غزل
احسها طفلة ماتكبر عدها براءة وطيبة گلب لهذا السبب دوم تتأذى
رن تلفوني وخرت زلال من حضني على كيف گمت من الفراش باوعت أم أيهم مرة مازن دتتصل طلعت برا الغرفة وجاوبتها سلمت عليه
_عندي ألج بشارة استاهل عليها عزيمة اريد دولمة من أيدج
_گلبي نبض فرح على خوف
تدللين والله من عيوني
_اخوية گدر يحصلج وظيفة لا عبالج ناسيتج
والله مابقيت احد ما حاجيتة علمودج واليوم يلا گدر يدبرها ألج
_گمت ابجي بس هالمرة هاي دموع فرح مو حزن
ابد ما اعرف شگلج لو شلون أعبرلج عن شكري وأمتناني حتى لساني عاجز عن الكلام
_يمعودة ياشكر يا امتنان ترى ما اتنازل عن الدولمة وياريت لو وياها قالب كيك وكنافة
مرة اگلتهن من أيدح ولهسه طعمهن بحلگي
_أبتسمت تدللين ومو بس ألج راح احسب حساب أخوج
_اي هذا الكلام المضبوط باجر ان شاء الله أمر عليج اخذج تكملين الأجراءات
_ان شاء الله
سديتة منها واني طايرة من الفرح بلغت أهلي علاء مارتاح گال ليش بعدج لهسه تتواصلين ويا هاي العائلة
ماما گالتلة المرة ذهب لا تشيل ذنبها هي شعليها بسوالف عيالها
علاء_ماتروحين وحدج اخذي خالة فردوس وياج
واي شي يصير تخابريني بسرعة مفهوم
_صار
هسه عندي طلب اعرف الوقت متأخر بس بلكي أكو اسواق وبقالية مفتحة اريدك تسوگلي
علاء_ مخبلة شيطلعني عود الصبح
_ لا فدوة هسسه أريد
خطية گال امشي وياي شوفي شتريدين
بسرعة لبست وطلعت هم زين اكو كم اسواق ومحلات بقالية لهسه مفتحين تسوكت ورجعت
بقيت الليل كله اشتغل رغد وياي لفينا أربع جدورة دولمة
حسبت حساب اهلي وبيت خالي
الكيك والكنافة هم كملتهن الحد ما خلصنا يبووو انهد حيلي مالحكت أشبع نوم بسرعة الصبح طلع اجت ام ايهم اني وخالة رحنا وياها وقبل لانطلع انطيتها جدرين الدولمة والكيك والكنافة
انصدمت ظلت تضحك گالت والله وكفووو منج ممتوقعة بهالسرعة راح ناكل من أيدج
كملنا كلشي ورجعنا ورة كم يوم طلعت المباشرة مالتي وكانت بمستوصف
صح شوية بعيد لكن جديات ماكنت احلم بهيج وظيفة
المشكلة شلت هم غزل ما شاء الله صايرة وكحة وحركة ماتثبت بمكان هواي متعبتني لأزم اظل وراها هاي وين راح اعوفها ما أدري زلال دوام وماما المسكينة وين تگدر اداريها مثل قبل
شو هي خطية بالعلاج والتمارين يلا گدرت تتخلى عن الكرسي صح تمشي بس شي قليل وبالگوة تعين نفسها
خالة ورغد فدوة الگلبهن گالن معليج بيها لاتشيلين هم عوفيها علينا
داومت والحمدلله من اول يوم ارتاحيت بمكاني
اني ورائد لهسه نتواصل احس بديت اتعلق بي وهالشي كلش ديعذبني حاولت ابتعد مگدرت يومي ميكمل اذا ما أعرف أخباره واحجيلة عن تفاصيل يومي سبحان الله قبل ما جنت اطيق أسمع أسمه وهسه صار أقرب شخص الي
اليوم داتراسل ويا گالي
(مشية وداد وخطوبتها الخميس تروحون لو لا)
_(شششنو صدك تحجي لعد مو جانوا يريدوها ألك)
_(هما منو اليريدوها الي ليش منو الراح يزوج اني لو هما
لأزم ظال على مزاجهم ويختارولي بكيفهم)
_(بس هي تحبك بنفسها اعترفتلي بهالشي مجنت اتصور راح تنخطب بهالسرعة)
_(ذكية عرفت اذا تبقى تنتظر مراح يتغير رأيي على شنو توگف حياتها وتخسر فرصها بالزواج)
_(الله يسعدها)
_(امين مگتيلي تروحون لو لا؟)
_(والله ما أدري اصلاً بعدهم معازمينا هسه منك عرفت)
_(عمي محمود اليوم اتصل على ابوية أكيد تلكي متصل على علاء)
_(أي يمكن)
كملنا مراسلة خليت التلفون جوة رأسي صفنت ياربي شششجاي يصير وياي ليش فرحت من عرفت بيها راح تنخطب
ليال اصحي وظلي عد وعدج حياتج البنتج وبس مسستحيل تكررين نفس الغلط القديم وتأخذين شخص امه مرايدتج
الحمدلله صارت عندي وظيفة وگدرت اعتمد على نفسي اني مو بحاجة رجال بعد صراع طويل من الأفكار يلا گدرت انام
صارت خطوبة وداد مارحت بس خالي واخواني وولد خالي حضروا المشية
وماما وبيبي وخالة كوثر هم وياهم
زلال_كلما موعد العطلة يقترب اششيل هم شكبره اوويلي والله صعبة أريده وما أريده
احتاريت ويا نفسي اريده لان گلبي الحقير حبه
وما أريده لان صعب اظل رابطتة بيه وهو ما رايدني
كملت امتحاناتي أجت العطلة والحمدلله نجحت صرت مرحلة ثالثة
مابقى شي الرمضان بدينا نستعد الجيتة
طب حسوني من برا گعد يسولف الماما وبيبي
حسوني مقيم يمنا مايروح الأهله
گال اليوم أبن ابو حيدر طفر للبيت المسكون يجيب الطوبة مالتة من كمز ظل يعيط مايگدر يطلع الشباب طفروا من الحايط وطلعوا
نورية_ البيت متروس جن شعنده رايحلة
حورية _هذا البيت صار يخوف حتى الجهال مرعوبين منه
حسوني_اي والله يمه شگد يوگعن طوبات بي محد يروح يجيبهن كلها يخافون
زلال_ اذني يمهم متت خوف بس هم لأزم اعرف التفاصيل بصورة دقيقة لبست حجابي وطلعن للحوش مديت رأسي حجي صجمة گاعد
شلونك حجي
_هااا طالعة تشمشمين أخبار موو
_تصدك حجي أنت الوحيد الفاهمني يلا احجي شبي أبن ابو حيدر.
صفك ايد بيد گال عزلنة ششوفي غيري يحجيلج
واني ششمحصل منج لا طبخة ولا حلاوة
والله قبل شوية البنات سون ششلون بورك يستاهل هالحلگ احجيلي وأجيبلك ماعون
_المشيطن وگعت طوبتة صاير سبع البرومبا
گوم وجيت من السياج بس نزل عياطة وصل للضالين شباب واگفين صحتهم يجون يطلعوا بس سمعوا صوتة وگتلهم طفر اهنا واحدهم صار جريذي ولا عبالك شباب طول بعرض
بالگوة قبلوا يجيتون يطلعوا
من جابوا جسمة صاير خشبة وبس عيونة مفتوحات
واحد من الولد گال من نزلنة لگينا مگرفص بالگاع ويأشر يگول هذاك العتوي الأسود يريد يموتني
_عززززا يا عتوي
_شمدريني الشباب يگولون كلشي ماشفنا
المشكلة عمار أيده ووجها كلهن خراميش مال بزون
_يمه يمه يعني صدك اكووو بزون طالعتلة
كمت اطكطك من الخوف
_امششي جيبيلي البورك لا عبالج تضحكين عليه بهاي سوالفج عود الجنية تخاف امششي لج
_اكيد اخاف لعد مو بشر فتت جوة ترستلة ماعون الجهال ماكو اخذتة واني طلعت وديتة اله
من دارجع بعدني بنص الشارع الحجي مدري مدري شضرب بالگاع وصاح بعلوا صوتة بببببببببببخ من الخرعة عطت وتكومت بالگاع
من الهبطة حتى النفس گطعتة وهو خربان ضحك
يگول صدك طلعتي بوخة
الجهال يلعبون بعيد يأشرون عليه ويضحكون
واني مبسطة بالگاع انوب طلع حسوني شافني الا شوية يتمدد بالگاع من الضحك
لملمت روحي والباقيلي من كرامتي التبعثرت بالگاع گمت وگفت أيدي ورجلي كلها متزلغة. انداريت الحجي صجمة والدمعة بطارف عيني
بسسسيطة حجي راح يجي رمضان ششوف بعد منو الداريك ودزلك مواعين الأكل والحلويات
_لا خلفت عليج ليال موجودة ماتنساني
_عفتة وطبيت للبيت انداريت الحسوني تدري لو حجيت الأحد ششسوي. بيك احط سجينة على النار واجويك بالسانك
_اي مو تايهلج
_عزززا شگد ادبسز عافني وفات يركض
وللمغرب صرت علج بحلوگهم مابقى احد ماحجالة
حتى العلاء حجة وهذاك تخبل شلون اطلع واوكع بنص الشارع
واجه امجد هم عرف وهاي بعد شيفضها
گتلهم يمعودين قابل متقصدة طلعت انطي بورك ووگعت
امجد_من قلة الجهال أنتي اطلعين
_مجان اكو أحد
حسوني _جذابة اني موجود لعد مو ششفتها من وگعت
_لك منوووووو الجذابة يا ادبسسز يا مامتربي لحظة ماتبقى اهنا هسه تولي البيتكم. وهذا استهتارك كله احجي العادل
_من أجي البيتج عود طرديني
_من صدك خلاني اشيل روحي واضربها بالگاع
هواي صاير ادبسز علاء من سمع صلافتة
انجن راد يضربة ماما حلفتة مايمد ايده عليه
علاء_ يجي أبو يأخذه احنا مانتحمل مسؤوليتة اذا صار ما صار وأبنة طلع من الطريق اللوم راح يجي علينا يگول جنت مخلي يمكم
_حسوني فرفح من البجي مايريد يروح وماما تتوسل بعلاء ماتريده يخابر عادل
علاء الخاطر ماما گال هالمرة راح اسكت اقل غلطة منه لو تجاوز اشوي على آذنه بصل واني الراح اعاقبة مو عادل
هم زين نسوا سالفتي والتهوا يرزلون بحسوني
اجه رمضان شهر الخير والبركة أول يوم يكون صعب علينا صح هذا مو أول رمضان هما مو ويانة
بس يبقى ألم فراگهم ومكانهم الخالي جمر بگلوبنا
متعودين كل رمضان يوم فطورنا يم بيت خالي ويوم هما يمنا هذا الروتين مستحيل نغيره
امجد غلس على موضوع الطلاگ واني هم سكتت لكن ماكو اي تغير بعلاقتنا البرود سيد الموقف
لمى من رجعت اسمع من خالة علاقتها متحسنة بزوجها مرات تجي تبقى من الصبح للعصر وترجع
خالة كوثر بقت على نفس برودها وياي لكن ابد بعد مفتحت الموضوع كلام امجد وياها جايب نتيجة
باليل جيت گعدت بصف ليال ومديت رأسي بتلفونها
_هااا ششكو
_ويامن تتراسلين وتتبسمين هااا ويامن
_داتفرج مقطع فيديو قابل ويامن اتراسل
_مممم وهذا المقطع يومية هيج وقت تتفرجين عليه
_الظاهر مركزة وياي وتراقبيني
_بلا لف ودوران أحجي منو هذا ترى لا عبالج غشيمة اشم ريحة حب بالموضوع
_لاتقررين بمزاجج لا حب ولا هم يحزنون
_حلفي بلكي اصدگج
_باوعتلها ورفعت حاجبي عادي اگلج بس بشرط
_صارت بيها شروط امري لله گولي شنو شرطج
_اعترفيلي تحبين امجد لو لا؟
_أبتسمت ترى ميحتاج اعترفلج لان متأكدة أ من زمان تدرين اني مثل الكتاب المفتوح گدامج مو مثلج سرج قوي
_هذا رائد
_فتحت عيني خليت أصبعي بأذني وفركتها سمعت صح لو متوهمة
_بس لا يروح بالج بعيد صداقة وبس لا أكثر ولا أقل
_عزززا شوكت وشلون مو جنتي تموتين منه
والمسكين من وره شكولتج شگد جنت أحجي عليه
_اني هم ما أدري توسل بيه راد صداقة وبس وبوقتها جنت متكأبة وحالتي النفسية تعبانة بسبب موت بابا وعماد الله يرحمهم
وانوب ومرض ماما كسر واهسي بالحياة لهذا ردت افضفض
قبلت نتواصل بلكي التهي وهو الشهادة لله ما فديوم تجاوز حدودة وياي الى أن صار كلش، مقرب مني
_مممم ليال ليش الي دأشوفة بعينج اكبر من الصداقة
_وشنو البعيوني
_عيونج تلمع من تحجين عنه
_تحسرت ما أرهم الرائد ولا هو يرهملي هواي حاولت أبتعد عنه مجاي اگدر ما ادري شسوي
_ليش ميرهم أبن عمج وشاريج يحبج حب مصاير وين تلكين واحد مثلة
_بس امه رافضتني زلال الله عليج سدي الموضوع
_ماشي براحتج
قبل لا يخلص رمضان بكم يوم امجد جابلي فلوس وكل مرة ما اقبل والرزايل يلا أخذ
نزلت للسوك أخذت ملابس بيت وطلعة
خالة وليال وشذى رادن يروحن للصالون گالن ليش ماتجين ويانة شوفي وجهج متروس شعر
هاي عود انتي طالبة كلية والعين عليج
بالسنة حسنه يلا تحفين
خابرت امجد استأذنت منه گال أخذي فلوس من امي اني عود انطيها
گتلة زاد عندي من الفلوس النطيتنياهن هي الحفافة بخسمة
رحت وياهن ليال گعدت تقنعني أصبغ شعري
شو السالفة عجبتني صبغتة عسلي وخصلتة
وخليتها تگصة الحد كتفي
وكل هذا على حساب ليال هههه خوش انقطت
مشكلة شعري شوية بي كسرة
فردوس_ليش ماتسوين كرياتين شعرج ناعم بس الكسرة مضيعة جمالة
_لا ما اگدر الوقت تأخر وأساساً شعري تعب من الصبغ والميش
_مو هسه منا اليومين اجيبج تسوي
_عجبني أسوي بس اعرف الكرياتين غالي لهذا غلست
رجعنا للبيت امجد بس وقت الفطور اشوفة ويكون حجابي برأسي ويمكن حتى لو افتح شعري گدامه هم ماينتبه
وره يومين خالة گالت امشي أخذج وحلفت أسوي على حسابها والله دللوني رحت سويتة هلگد ما فرحانة بي امشي واهز بشعري
اليوم عصرية العيد ورة الظهر رحنا للمقبرة اووف من اطبها اموووت هلگد ما انوح وأبجي دموع متظل بعيني
رغد احس روحها ميتة حب عماد تارسها ما اعتقد بيوم من الأيام راح تتقبل شخص غيره
رجعنا للبيت وزعنا حلويات ثواب
ورة الفطور طبيت سبحت سبحة العيد هاي السبحة تكون مميزة لازم اطلع المع ههههه
لبست تراكي الجديد ساعة ١٢ گاعدة ويا ليال ورغد وريم وشذى والجهال هم يمنا
فاتوا علاء وامجد جانوا جايين من الحلاق
والله حتى ما اعرف اذا ابو گلب الحجر أنتبه عليه لو لا من عابتلة
جوعانين رادوا أكل اني وريم رحنا حمينالهم من الأكل الباقي مال فطور وجبنا الهم
انوب رادوا جاي وتعالي يا زلال لأزم انتي تگومين تسووين رحت للمطبخ اجه أمجد ورايه
_من تودين الجاي العلاء تعالي البيتنا عندي موضوع وياج انتظرج بغرفتي
_فزيت هذا من يگلي تعالي الغرفتي اكيد وراه مصيبة
لحظة لحظة وين راييييييح أسمعني ترى والله ممسوية شي
_وگف متعجب شوكت گلت مسوية شي شو ذكريني خاف حجيت ونسيت
_مو انتي ماتگلي تعالي للغرفة اذا مامحضرلي رزالة قابل تعلمني بيك
فاتت سرور گاللها اخذي الجاي ودي العمج
سرور اخذتة وراحت
اشرلي امشي گدامه
هذا شبي شو وضعة أبد معاجبني.......
