رواية خيانة حور الفصل العشرون
احمد بلهفه.. حور حور فوقي حوور
حاول احمد ايقاظ حور ولكنها كانت تغمض عينيها وكانها لا تريد الاستيقاظ تريد الهروب من هذا العالم
سهي بدموع.. حور احمد بسرعه لازم نوديها مستشفي
نظر لها احمد وبسرعه قام بحمل حور وانطلق بها الي الي الخارج وتبعه مروان وسهي
###########
كان احمد يقف امام غرفه الفحص ويغمض عينيه بحزن وينتظر خروج الطبيب
وكانت سهي تبكي علي صديقتها وبجانبها مروان يحاول تهدئتها
وبعد مده فتح الباب فذهب احمد بسرعه للطبيب
احمد بلهفه.. حور حور مالها يا دكتور
الدكتور بعمليه.. متقلقش هي كويسه مجرد اغماء بسيط بسبب توتر عصبي شوسه وهتفوق وهتكون كويسه
احمد... شكرا لحضرتك
الطبيب.. العفو ثم رحل وتنهد الجميع براحه
مروان.. خلاص يا سهي يا حبيبتي هي بخير متقلقيش
سهي بحزن.. مش هرتاح الا لما اشوفها
احمد.. سهي حور هتكون كويسه من الافضل انتي ومروان تمشو علي بيتكم حور لما تفوق هتزعل جامد عشان هتحس انها السبب في ان فرحكم متمش
سهي.. لا انا مش همشي الا لما حور تفوق
احمد.. بس
مروان.. خلاص يا احمد سيبها مش هترتاح الا لما تشوف حور
احمد.. ماشي انا هنزل اجيب اكل وعصير
مروان.. ماشي
رحل احمد وجلست سهي بفستان زفافها علي كرسي في طرقه المشفي ونزلت دموعها بغزاره فجلس بجانبها مروان وقام بازاله دموعها وضمها اليه بشده
سهي بدموع.. لي حور بيحصل معاها كده لي بعد ما قلت اتعدت المرحله الصعبه دي رجع تاني لي فهمني هي عملت اي مش تستاهل كده
مروان.. اهدي يا سهي
سهي.. هو هو السبب
لم تكمل كلامها حتي وجدت ريان ياتي عليهم فوقفت بغضب وذهبت اليه
سهي بغضب.. انت جاي لي ها جاي لي عاوز منها اي كفايا يا اخي حرام عليك
مروان ... اهدي يا سهي مينفعش كده
سهي بصراخ.. خليه يمشي من هنا
ريان ببرود. مظنش ان دي مستشفي حضرتك
مروان بغضب... التزم حدودك ومتتكلمش مع مراتي كده مفهوم
ريان.. خليها متتدخلش في الي ميخصهاش
###########
جاء احمد فوجد مروان وريان يتشاجرون فذهب بسرعه اليهم
احمد بهدوء.. ريان لو سمحت امشي من هنا
ريان بسخريه.. اي مفيش حمدالله علي السلامه حته
احمد.. ريان لو سمحت امشي بلاش مشاكل
ريان.. اممم انا كنت جاي اطمن علي حور علي الغموم هطمن بطريقتي باااي
وذهب ريان واحمد ينظر له بحيره
سهي بغضب.. الحيوان
مروان.. سهي ثم اشار لاحمد فسكتت سهي
وبقي الجميع واقف مكانه حتي اتت اليهم الممرضه لتخبرهم بان حور استيقظت فذهبو بسرعه للداخل
#########
توجه الجميع لداخل الغرفه وكانت حور نجلس علي السرير بهدوء
حور بحزن.. انا اسفه بجد ياسهي بسببي الفرح بتاعكم مكملش للاخر اما بجد اسفه
مروان.. عيب يا حور متقوليش الكلام دا المهم تقومي بالسلامه
سهي بحب.. حبيبتي متقوليش كده وبعدين انتي اختي يا هبله ثم اقتربت من حور وعانقتها
اما احمد فكان يتابع حوريته والدموع التي تلمع في عينيها الجميلتان
حور.. يلا يامروان خد سهي وامشو
سهي.. لا هفضل معاكي
حور.. لا طبعا مروان لو سمحت يلا
سهي باستسلام.. ماشي يا حبيبتي خلي بالك من نفسك ثم قبلت جبين حور ورحلت مع مروان
رفعت حور نظرها لاحمد فوجدته ينظر لها بهدوء
حور.. بتبص ليا كده لي
احمد بهدوء.. عيطي يا حور
حور بضحكه.. هههه اي
اقترب منها احمد ثم امسك بكتفها وهزها بعنف وقال.. عيطي
وكان حور كانت تنتظر منه الاذن لتبكي فبكت بشده وعانقت احمد الذي حرك يده بهدوء علي راسها
وظلت حور تبكي بشده
حور ببكاء... هو لي رجع يا احمد لي رجع وفتح وجعي انا مش بحبه لا بس موجوعه منه لسا قلبي وجعني اووي يا احمد
احمد... اهدي يا حور اهدي
ابتعد حور عنه ومسحت دموعها وقالت.. عوزه اروح يا احمد
احمد.. حاضر ثم امسك يدها وساعدها علي المشي ...
########
وصل احمد بسيارته امام فيلا حور فجاء لينزل معها
حور.. لو سمحت يا احمد عوزه افضل وحدي
احمد.. متاكده
حور.. ايوه
احمد.. طب خلي بالك من نفسك
حور بهدوء.. حاضر
ابتسمت حور لاحمد ونزلت من السباره وتوجهت لفيلتها واحمد يتابعها حتي دخلت فرحل....
################
صعدت حور لغرفتها ثم جلست علي الفراش وضمت نفسها ونزلت دموعها بغزاره
حور بدموع.. قلبي وجعني اووي يارب ابعد الوجع دا مش مستحمله غصه الوجع دي. انامش بحبه والله بس هو فتح وجعي تاني يارب انا تعبت اووووي ثم امسكت بمخده وصرخت بقوه
حور بالم... اةةةةةةةةةة يااارب
وقضت حور ليلتها في البكاء والدعاء ليهدا الم قلبها....
################
عند سهي ومروان وصلو امام شقتهم فابتسم لها مروان وقام بحملها واغلق الباب بقدمه وذهب بها للداخل وسهي تكاد تموت من الخجل
ابتسم مروان علي خجلها ثم انزلها ببطء وقال.. يلا ادخلي الحمام غيري عشان نصلي
هزت سهي براسها ثم ذهبت بسرعه من امامه فابتسم مروان بسعاده وذهب ليغير ملابسه ويستعد للصلاه
وبعد قليل وقف مروان بانتظار خروج سهي
مروان.. سهي خلصتي
خرجت سهي وهي ترتدي اسدال الصلاه وتفرك يديها بتوتر فابتسم مروان لها ثم امسك بيدها ليطمئها ثم وقف امامها ليصلو سويا
وبعد قليل انتهو من الصلاه وقالو دعاء الزوجين وبعد الانتهاء نظر مروان لها بحب وشوق ثم انزل الطرحه من عليها وسهي تكاد تموت خجلا فذهبت بسرعه للحمام ومروان يضحك عليها
فقام بخلع قميصه وجلس علي الفراش واغمض عينيه ثم فتحها عندما وجد باب الحمام يفتح فتوجه بنظر
فوجد سهي تخرج وتفرك يديها بتوتر وخجل
فنظر لها بحب شديد وتمعن النظر لما ترتديه فذهب اليها ورفع راسها اليه وقام بتقبيل جبينها قبله تحمل كل معاني الحب والعشق تعبر عن شوقه وسعادته.
وحملها وتوجه بها الي الفراش ليغرقها في بحور عشقه لتكتمل قصه حبهم
#############
وصل احمد امام بيته وتوجه للاعلي وفتحت له سالي الباب
سالي بحب.. حمدالله علي سلامتك يا حبيبي
احمد.. الله يسلمك يا ماما ثم توجه للداخل فوجد ريان يجلس علي الاريكه فنظرله بشده
مروان.. اممم هعتبر انك سالتني عامل اي وهقولك انا كويس الحمد لله
لم يجبه احمد وتوجه لغرفته وتبعته سالي
سالي .. احمد عشان خاطري انا عارفه ان ريان غلط بس مهما كان دا اخوك وابني وعارفه انكم هتضايقو من وجوده بس عشاني
احمد..الي تحبيه يا امي مقدرش ازعلك
سالي.. ربنا يخليك ليا يا حبيبي انا خايفه من ابوك لانه من يوم ما طرده وهو بيتعصب لما يسمع اسمه
احمد.. متقلقيش هكلمه
سالي.. ماشي يا حبيبي لما يرجع من السفر وربنا يستر بقي هروح احضر العشا
وذهبت سالي اما حمد فجلس علي الفراش وفي راسه الالاف الاسئله هل من المعقول ان تحب ريان مره اخري هل سترجع له تنهد بالم وقال.. شكلك يا قلبي متعود علي الوجع
############
في الصباح كانت حور تقف امام المراه لتستعد لتذهب للاستديو لتسجل اغنيتها بعد ليله طويله قضتها في التفكير وقررت ان تواجه ولن تهرب وكانت تضع القليل من المكياج لتخبئ اثر انتفاخ عينيها
الخادمه.. انسه حور الفطار جاهر
حور بود.. معلش يا ندي مش هقدر انا همشي. ثم حملت خقيبتها وخرجت من الفيلا وركبت سبارتها
وبينما هي تخرج من بوابه الفيلا وجدت ريان يجلس علي سباره امام فيلاتها فنظرت له بشده ثم نزلت من سيارتها وتوجهت اليه.......
