رواية ليلة الحنة الفصل العشرون 20 بقلم بسمة البياتي

رواية ليلة الحنة الفصل العشرون 20 بقلم بسمة البياتي

عزيز_بكلمة مني أخلي سمعتج على كل لسان وحتى الجامعة احرمج منها 

ليال_ من الخوف والرهبة والصدمة أريد أرمش ما اگدر

_گدامج أسبوع وتنطيني جواب يا تطلعين وياي 

ياتعرفين اليجرالج

_ دموعي تجري جسمي يرجف بيني وبين السكتة القلبية شعرة من كمية الخوف 

الد احس بي

جاوبت بصوت مخنوك ويرجف

عندي أستعداد انهي حياتي بيدي وأختار عذاب الجحيم ولا أخليك تلمس شعرة مني وادنس شرفي

ضحك بقهقهة

گال نشوف منو اليربح بالأخير ولشوكت تقين صامدة

ماراح اعتبر كلامج جواب نهائي الطلبي عندج اسبوع

سبع أيام بالياليهم يا ليال فكري عدل وقرري أعرفج ذكية صعب تجازفين بسمعتج وسمعة اهلج والأكثر بـ بنتج

_ بنتي؟

_ أي ست ليال بيوم التطلع سمعة عليج تكونين ام غير مؤهلة التربيتها وبهذاك الوقت غصب عنج تنطيها الأبوها

_ ما اگدر اتحمل اذا ابقى واگفة گباله متأگدة افقد الوعيي تركتة ومشيت بسرعة

لكيت مكان گعدت بي قبل لا تنزل دمعتي امسحها ما اريد اجيب شبها النفسي والطلاب يحجون بيه اتنفس سريع كأنما داخلة سباق جري وقاطعة مسافات طويلة

اجني صديقاتي

_هاي وين أختفيتي صارلنة ساعة ندولج

ليال بيج شي ليش من شفتي الأستاذ طلعتي

_ جريت نفس لا الأستاذ شعليه نفسي لعبت ماگدرت اجاوبج لهذا طلعت بسرعة

_ يوو سلامتج عمري اي واضح على وجهج المرض لج اخاف صاير عندج تسمم بس لا ماكلة شي أكسباير

_ أي يمكن ما اگدر ابقى راح اتصل على أهلي بلكي يجون عليه

طلعت التلفون من الجنطة اتصلت على علاء بطلاع الروح يلا جاوب

عفية علاء تگدر تجي للجامعة تأخذني

_ أول يوم دوام وتريدين تفلتين

_ مريضة ما اگدر ابقى عفية اذا متگدر گول حتى اتصل على عماد

_لا ماكو داعي انتظريني اني أجي من ارن عليج طلعي

_تمام سديتة وبقيت انتظر صديقتي نور بقت وياي ماتركتني وره نص ساعة رن علاء

گمت من مكاني لزمتني الدوخة الظاهر من الهبطة ضغطي نزل

نور_ انطيني ايدج لاتوگعين

_لا ماكو داعي

_دمشي يمعودة شوفي حالج يا ماكو داعي

_ فعلاً كنت محتاجة أيد استند عليها

لزمت ايدها وطلعنا علاء واگف ينتظرني من شاف وضعي نزل من السيارة فتحلي الباب

نور، سلمت علينا ورجعت للجامعة

علاء_ شنو اليوجع تريدين اخذج للمستشفى

_ لا لا مو هالثخن طلعت بدون ريوگ ضغطي. نزل

خطية وگف يم مطعم جابلي لفات گص وعصير

خلاهن بحضني يا الله شگد احب حنيت اخواني وخوفهم عليه معقولة تالي تعبهم اجازيهم بالغدر وانزل رأسهم بالطين ربي ساعدني وطلعني من هاي المحنة والشدة على خير

_اكلي قبل لايبردن لاتظلين صافنة

_أبتسمت بيأس مو تدري بيه ما أحب أكل بالسبارة من نوصل للبيت

فدوة الگلبك تعبتك

_بطليهن ما أحب هالسوالف

_ماشي وصلنا للبيت ماما والبنات تفاجئوا شافوني راجعة من وقت وعلاء هو جايبني

.غزولة بحضن ماما فتحت ايدها تريد اشيلها اخذتها الحضني بوستها

حورية._ خير يمه شصاير

_شكو خفتي مصاير شي شوية دخت خابرت علاء جابني

_من اگلج گعدي تريگي ماتقبلين شوفي هاي تاليها

_ أجلي الرزالة البعدين والله تعبانة رايحة ابدل

غزل مجلبة بيه تخاف هم ارجع اروح بالگوة خلتني ابدل

كملت تمددت بفراشي واخذتها الحضني نار مشتعلة بصدري شسوي وين انطي وجهي منو يخلصني من هذا النذل

تعبت هلگد ما كاتمة بگلبي حتى بجي ما اگدر أبجي اخاف يفوت احد ويشوفني

غزل ملت راحت تضرب على الباب تريد تطلع فاتت بنت عادل أخذتها وراحت

غطيت رأسي خليت ايدي على حلگي وبجيت الحد ما خلصن دموعي وتعبت

زلال _ رجعت من المدرسة الخط وگف يم باب بيتنا نزلت

عيني أجت بعين حجي ريسان ابتسمتلة ردلي الأبتسامة

هلو حجي شلونك

_ هلا يابة شلونج

_الحمد لله انت شلونك

_على الله هاا ولج شو نازلة يم باب بيت اهلج والصبح هم طلعتي منه

_فكيت عيني عزززا هذا مراقبني

هاا مو السايق متعود يأخذني من گدام باب بيت اهلي وهسه من شفتك نزلت گدام الباب حتى اسلم عليك

هو بيت خالي هيانه من باب المشترك اروحلهم

_تعالي هاج هاي من شجرتنا

_أبتسمت بيده رمانة رحت أخذتها من أيده

فدوة للحجي المدللني اگول حجي بيت أهل مينا القديم شوكت أجوا بي ناس

_صارلهم أسبوع

_ اهاا زين ماتعرف ليش القبلهم گعدوا اقل من شهرين وشالوا؟ 

_ماندري شالوا سكتاوي محد يعرف شي

_ اي زين انداريت أريد ارجع حمسني بصجمة أجت بكتفي

انداريت حجي صجمة فلا تصيرلك جارة

بقى يضحك بصوت عالي ضحكت على ضحكتة أشرلي عود روحي 

رجعت للبيت هم زين محد شافني واگفة بالشارع وأدك سوالف

طبيت للغرفة ليال نايمة ماما گالت مريضة تغدينا وكملنا وهي على نفس نومتها گعدت العصر عيونها حمر ياهو الـ يسألها شبيهن تتحجج بالضغط اتگول نازل أبد ما رتاحيت مستحيل تكون طبيعة الـ بيها أبد مو مرض

ثاني يوم ماقبلت أداوم الشك عندي صار يقين

لا مابيها مجال أرجع من المدرسة وأشوفلي صرفة وياها

وفعلاً العصر استلمتها افتر ورأها وهي خرب غيرتها ولا تحجي تالي تعصبت عليه ورزلتني

_ كافييييي زلال شششجلبتي داگلج مابيه شي لاتظلين تلحين يعني شششلون مايصير احد يتمرض بهالبيت

... اوووي كافي لاتعيطين هو مو صوجج صوج الثولة الخايفة عليج ودتسألج

... مشكورة لاتسألين اهم شي تفكين ياخة مني

.. ضجت منها شلت غزل وطلعت من الغرفة

رغد... صوتكم عالي أول تالي وليال تتعاركن

._ لا ممتعاركين دسألها شبيج مدلغمة ومتتحاجه تگول مابيه شي 

_ اي والله حتى عمتي گالت وضع ليال مو طبيعي شكلها مديعجبني

.. صدك سمجة وين شو ماكو

_ راحت ويا خالة كوثر وبيبي نورية يسلمون علة الجوارين الجدد

_ هذا البيت مدري شنو سالفتة كل فترة ناس شكل يجون بي ويشيلون احسه منحوس

_ اي ولج الناس يگولون اكيد البيت بي شي

_ يوووو عاد الناس مايصدگون يلگولهم سالفة

خلصوا من سالفة زلال هسه استلموا موضوع بيت ابو انس القديم

_ حبي الماعنده شغل وعمل يدور بالطماطة عظام

صدك شلونة السادس

_بعدني بسم الله مصارلي يومين الحد الان الوضع كيوت والبنات حبابات والمدرسات زينات كيفن من شافني يحبوني مو بيدهم

_ مممم ان شاء الله دوم الوضع هيج مو على النص وتبنجرين

_ عوجت حلگي رجاءً لاتشككين بشطارتي وقدراتي هالسنة تختلف عن كل سنة

قررت بأذن الله تعالى أن ابذل جهدي واكرس طاقتي ووقتي من أجل مستقبلي الزاهر الباهر

للحصول على اعلى الدرجات لكٍ أدخل جامعة مرموقة ومن الله التوفيق

ادري أبدعت ميحتاج تصفكين

_ههههه من هاي خطبتج غسلت أيدي والله يستر

_ مممم ماشي انشوف

_بيبي دوم اتگول أبو *'* من يعبر الشط يبين

_منو هذا ابو *** انسان حيوان جماد نبات انس جن

_ شمعرفني فايتتني مسألتها عنه

_ خوووش 

ساعة عشرة باليل غزولة نامت بحضن ماما شلتها اخذها للغرفة 

فتت ليال نايمة بالظلمة شغلت الضوا انتبهت عليها بسرعة غطت رأسها 

نومت غزل بفرأشها جيت گعدت يم ليال 

ردت اشيل الغطى جلبت بي 

عتيتة منها بقوة 

غمضت عينها عبالها بهالطريقة ما راح اعرف بيها جانت تبجي لزمتها من ايدها 

گومي گعدي 

ليال_تائهة ضايعة غرگانة لهواء اذا يدخل صدري يجرحة الزاد اذا نزل المعدتي يحرگها

النوم جافاني كم دوب اظل اتحجج بالمرض

بـ محاولة يائسة مني حتى لاينكشف وضعي

لشوكت ابقى اهرب من نظرات اهلي لشوكت ابقى متغيبة عن دوامي

بكل صلاة ادعي ربي يرءف بحالي مو الخاطري الخاطر بنتي الخاطر شيبة أبوي وأمي الخاطر غيرة اخواني بكل ركعة تنزل دمعتي ويرجف گلبي

زلال تسأل اتمنى احجيلها لكن موبيدي لساني معقود ميتجرئ ينطقها

زلال_ اذا عبالج راح اعوفج غلطانة قطنة وطلعيها من أذنج تحجين غصب عنج واذا عاندتي هسه اعيط اخلي الكل خلال ثواني تلگيهم فوك راسج وأشوفهم بعينهم هاي حالتج

_ بجيت بصوت ولج ششجي كون الله يأخذ روحي زلال عووفيني بضيمي بس هو الله يدري بالصاير بيه والد أعاني

_ فهميني أنتي ليش هلگد حقيرة هااا ليشش

بحياتي ماضميت عليج شي كلشي يصير وياي. أجي اگلج عليه  

تدرين ليش لان حاسبتج مو بس اختي صندوق اسراري ونصي الثاني اخاف من روحي وما اخاف منج.

جربتج هاي مو أول مرة تضمين عليه

اوك ليال براحتج بس اذكري من هاللحظة أنتي الخليتي حواجز بينا

ردت اگوم لزمت ايدي حضنتني وشبعت بجي

عفتها تفرغ كل البداخلها الى ان ترتاح وتگدر تحجي

_ رفعت رأسي مسحت دموعي زلال اني واگعة بمصيبة بس هو الله يطلعني منها ولج والله حتى لساني خجلان يحجيها

_ غمضي واحجي اعتبريني مموجودة بلكي اگدر اساعدج على الأقل نفكر سوى ليش شايلة الهم الوحدج ومتعذبة

_ عزيز انقل الجامعتي واجه الكليتي حجة وياي او بالاحرى أجه هددني

_ لحظة يا عزيز

_ لج عزيز زوج سماح اخت ليث

_ عزززززا أي أي اذكرتة هذا الصارت المشكلة بسبب أبنة ومرتة وطلگتي

_ أي هو

_ شبي وبشنو هددج؟!

_ نزل دموعي سكتت شوية وبعدين جاوبت بدون ما أخلي عيني بعينها يريد اطلع ويا اووو

_گلبي رجف اي كملي اووو شنو

وشسوون تطلعون

_ خليت ايدي على وجهي وابجي يعني برأيج يطلع وياي شيسوي

لج هددني يشوه سمعتي بالجامعة ويخلي الطلاب كلها يحجون بيه ويفصلوني

_ ايا ابن الكلب يا ناقص اي مو هي فالتوا وتايهتلة 

ليال سؤال وأريد تجاوبين بصراحة عزيز ليش هيج ديسوي مو من اطلگتي من ليث اجه لهنا اعتذر عن تصرف زوجتة وأبنة واذكر بوقتها گال طلگت سماح

مدري ليش احس اكو شي ضامتة

_ شحجي تريدين اگلج اكبر سا'** ونذل هو

تريدين اگلج عيني عينك جان يتحارش بيه

وبيوم المشكلة النذل استغل البيت فارغ حضني

وباسني برگبتي وأبنة شافه

_ عزززا عززززا يعني كلام الطفل صح مو تخربطتي وشالج

_ كنت بوقتها حامل ودايخة فعلاً ماتحملت وفقدت الوعيي

_ زين ليشش سسكتي

ليشش من البداية ما حجيتلي الليث عليه

_ خفت لان ادري باليث واهله يقدسون عزيز وهما من الأساس يكرهوني خفت يفر السالفة عليه واطلع اني الغلطانة

_ وتالي ششحصلتي من سكوتج هم اطلگتي بسببه

_ الصار صار هسه شسوي اهلج مو حمل مصيبة جديدة ومشاكل

لج حتى بالصار وياج يعرف

_ صفنت عليها تدرين شنو مشكلتج ليال

_شنو

_السكوت

_ شلون يعني

_ سكوتج هو عم عليج شافج سكتيلة بالبداية ما فضحتي عباله انتي عابج وراضية بالسواه ولهذا مستقوي عليج يدري بيج هالمرة هم مراح تحجين وتخافين

لج ليال لاتصيرين غبية فكري بحكمة وعقل معقولة دكتور بالجامعة يضحي بسمعتة ومركزة وأحترامة بين الناس بسبب نزوة او شهوة

_ اكيد مراح يوسخ ايده يدفع احد ثاني وينزلون عليه حجي واشاعات واذا صارت صدك حتى غزل انحرم منها

_ ااااخ اشگد غبية لج بنتي شنو يجيب غير شخص ادري أنتي تايهة لو طالعة من فطر الحايط 

فرضاً حرض احد يحجي وراح الطلاب يتناقلون الكلام بينهم ومن تكبر المسألة واهلج وأقاربنا يعرفون قابل راح يسكتون طبعاً لا راح يدورون على الحجة ولان الأشاعات طلعت من الجامعة بسهولة ينلزم ولهذاك الوقت ناس راح تعترف على ناس 

_ هاا اي هم صدك 

_اي أكيد لهذا لاتخافين وهذا عزيز لازم نلگي الي يوگفة عد حده 

_ بابا والولد تعبوا والله ما اگدر احجيلهم 

علاء هسه يلا رجع الوضعة  

وبابا مريض وعادل وعماد هم الهم الله 

_ اي أعرف اني من البداية استبعدتهم 

ولد خالي امجد خبل مثل علاء مو مال واحد يحجيلة وأيهاب اذا ادخل زوجتة شراح يفكنا منها هي بغير شي تغار منج لان خالي بالبداية رادج اله 

لهذا ماكو غير وليد صح عصبي لكن بنفس الوقت مو متهور 

_عزززا شراح اگله

_ معليج اني احاجي 

_ زلال سؤال اذا الكلشي عندج حل ليش محليتي مشكلتح بهاي البساطة ليش عانيتي هواي وقبلتي تأخذين شخص مرايدتة 

_ ياريت لو مشكلتي نفس مشكلتج 

ليال موضوعج محد يعرفة بسهولة ينلم 

اما اني بيوم الردت انخطف عباد الله كلها عرفت ورغم اكو شهود شافوا بعينهم مگدروا ياخذوني للسيارة لكن الناس هم ماصدگت

والكملها ابن خالي عافني بيوم حنتي خلاني فرجة للكل  

وياريت لو العالم تعاطفت وياي بالعكس رجعوا طلعوا العيب بيه وربطوا الحادث بترك اركان الي 

بعيني گمت اشوف بابا يوگع من طولة گدامي وماما مفرفحة ماتعرف تبجي عليه لو تخاف على ابنها الي انقلب وحش كل همة الإنتقام 

ولج ليال حتى اقاربنا صار عدهم شك بيه 

من ازوجت مو النفسي الخاطر أهلي 

لو ما هالزواج مجان رجع الهدوء البيتنا وعلاء صح لهسه مكسور لكن ارحم من قبل والأهم من هذا بعد ميكدر يفكر ينتقم اذا سواها راح يرجع يذبني بحلگ الناس 

بعدين انتي مسامعة (طبيب يداوي الناس وهو عليل) يلا كافي خلي اخابر وصال 

_ شراح تگوليلها والله خايفة منو يگول وليد راح يسكت وميحجي الأهلي وتصير هوسة 

_گتلج وليد مو متهور ماراح يگول اطمئني 

وأساساً مراح انجيبله طاري تحرشة بيج قبل 

نحجيلة على كلامة وياج بالكلية فقط 

_ اي أحسن 

_شلت تلفوني اتصلت على وصال 

ادك ومتجاوب اهوووو هسه وقتها 

اتصلت ثاني مرة جاوبني وليد 

_ الوو منو 

_ضربت على گصتي خررب نسيت هذا رقم جديد قبل كم يوم امجد جابة 

الوو هلا ابو زيد اني زلال هذا خطي الجديد 

_تهي بهي واختج الجبانة اجتني تركض عبالي احترك البيت يابة شكو 

اتگلي الحك ما ادري منو يدك عليه 

_ عززززا شدعوة وينها الخوافة 

اخذتة من وليد حجت وياي 

وصال_ عابتلج متت خوف 

قبل يومين بنت أم رحيم السكنوا جديد لزكت عليه الا تأخذ رقمي وصارلها يومين كل شوية تتصل زهكتني قبل شوية ظلت تتصل مجاوبت ومن اتصلتي أنتي

عبالي انتقمت مني ونشرت رقمي 

_ههههه ششدعوة يمعودة فوك ما البنية حابتج وتريد تصادقج 

_ شوف هاي بربج اكو وحده تتصل ساعة ثنتين باليل لو الظهرية 

_هاا لا مو الهدرجة 

_لعد مو داگلج زهكتني

_هسه معليه بيها خوما راح تنامون اني وليال نريد نجي نتعلل وياج 

_ لا بعد وقت كلها گاعدين 

_مو خوش سالفة 

_شنو هي! 

_ باوعي من ينامون نجي نريد نگعد بغرفتج 

عدنا موضوع ويا وليد 

_خير زلال خوما صاير شي ترى قلقتيني

_ هسه لو صاير شي اگعد احجي وياج بهدوء 

لاتخافين نجي وتعرفي 

امجد موجود؟ 

_ طلع ويا علاء 

_ اي الحمدلله 

_طاح حظج ربع ساعة وتعالوا بين مايروحون الغرفهم 

_ اي تمام 

سديتها منها شلت غزل 

_ وين مأخذتها 

_يم ماما خوما نعوفها بالغرفة وحدها من نرجع نجيبها 

_واذا سألتج ليش جبتيها شراح تگوليلها 

_بابا شبيج راح تموتين عادي اگلها نروح نتعلل يم وصال 

اخذتها خليتها عد ماما ورجعت 

ربع ساعة ورحنا البيت خالي 

فتنا البيتهم وصال تنتظرنا بالمطبخ

بعيونها الف سؤال مستغربة جيتنا

خو ليال اسحل بيها سحل عبالك د أخذها المنصة الأعدام

وصال _ وليد فوك گاعد ينتظركم بنات الله عليكم خوما صاير شي شو گلبي ممرتاح

_ ليال طگتها بجية خلت وصال تگمز

حرت احاجيمن واسكتمن

وصال_والله من البداية عرفت اكو شي احجوا لاتخبلوني

_ بعد بعد صيحي وگعديهم وخلي المايشتري يتفرج

وانتي كافي بجي

امشوا نصعد وتعرفون ترى زهگت

اخذتهن وصعدنا وليد هم مستغرب

وليد _ شبيها ليال ليش تبجي

_ والله يا ابو زيد الموضوع الرايديك بي يخص ليال

_ عيوني ألج والها گولي يابة

_سالمات عيونك

اعرف ليال ماراح تگدر تحجي لهذا اني راح احجيلك بس فدوة ما اريد اهلي يعرفون البيهم مكيفهم

وصال_ داحجي عاد مو فتيتي مرارتي

وليد_ انطي صبر عوفيها تحجي براحتها

_ حجيتلة كل الكلام السمعتة من ليال

يبووو عيونة صعدن الرأسة و وصال حاضنة ليال واثنينهن يبجن ناصباتها عزا بدون ميت

وليد_ تعرفين عنوان هذا النذل؟

ليال_ أي بس ما اعرف اذا بعدهم نفس البيت لو تاركي

_شو نطيني عنوانه والله لانعل اهل اهله الكلب أبن الكلب

زلال_ شراح تسوي فدوة حلها بدون مشاكل وعداوات واهم شي الولد ميعرفون

وليد بالگوة يحجي من العصبية يمكن لوبيده بهاليل يروح يهد عليه ليال تباوعلي بنظرة

خوف

وليد_اني احلها اريد أشوف هذا الگ** شلون يندك بعرضنا

_ قبل لا نرجع وصيت وصال تحجي ويا وتهدي لان اقل تهور منه احنا نوگع بيها وتصيرلنا طلابة جديدة

وصال گالت لاتخافون اعرف وليد اشگد عصبي

بس مايتصرف غلط

نزلنا جوة أمجد موجود باوعلنا بستغراب خصوصاً الـ ليال

مشينا من گدامة

أمجد_ليال بيج شي؟!

ليال_ لا سلامتك مطفية من النعاس ووصال جانت مجلبة بينا متخلينا نرجع

ولال_ لأزمة ايد ليال اندارينا نريد نطلع صاحني

خرب بالحظ هسه ششرايد

رجعت خايفة من يوم الضربني صرت مو بس اخاف انرعب منه

امجد_ مو من عوايدكم تجون هيج وقت صاير شي وأختج شبيها

_ هاا لا ماكو شي هي صارلها كم يوم مريضة متگدر تسهر وهسه لان ضغطت على نفسها تعبت

_ ولو ما امشي بهذا كلامج الباب الحوش وادري بيج جذابة بس راح اعبره مزاجي واسوي روحي اقتنعت

_ وهسه اروح لو اظل وأكفة

_ ولي

_ طلعت اركض ليال الناقصة عايفتني ورايحة

ليال_ زاد الخوف عندي للصبح مانايمة اليوم هم ما گدرت اداوم لحد هسه الوضع هدوء وماكو شي سألت وصال گالت وليد من الصبح طلع ولهسه مراجع

زلال_ رجعت من الدوام يومية اطلع من يم بيت خالو وانزل اهناك اخاف من حجي صجمة

فتت الحوشهم وصال بالمطبخ سألتها هي هم متدري

رجعت للبيت

الظهر وليد راجع متغدي وطالع ومقابل يحجي شي 

المغرب فاتت وصال الوجه يضحك 

ليال_ هاي وينج يمعود اجه وليد لو لا ترى گلبي راح يوگف 

_ تعالي گعدي وخلي احجيلج 

اليوم عزيز النذل ماكل كتلة من هاي التسوى ممبقين بحسمة عظم صاحي ظال يتوسل بيهم مثل النسوان 

زلال_لحظة لحظة منو هما الكاتلي ليش وليد مو وحده؟! 

وصال _ لا طبعاً مأخذ ويا عادل وأيهاب وعماد 

ليال_ عززا وصخام مو گتلة لايگوللهم 

وصال _ لج عوبة لازم يعرفون حتى يوگفوا حد حده رايحلة للبيت 

من شايفهم رايد يبول على روحه 

الساقط عباله ماراح تحجيلهم يتوسل بيهم يحلفلهم يگول هي فهمتنمي غلط قصدي رايدها زواج وانطيتها مهلة اسبوع تفكر بيها 

واذا توافقون هسه أجي اخطبها

عماد ووليدي مدمي الحد ما رايد يموت جوة ايدهم ايهاب وعادل گايللهم كافي 

ومحذري لو وصل يمج تكون نهايتة يفضحوا فضيحة ويبلغون العشيرة والعمام

وهو حالف بعد ميشوفج وجها بس المهم يسكتون 

عماد گلبه ما بارد ساحب عليه سلاح والولد بالگوة لأزمي 

زلال_ والله وكفووووو منهم 

ليال_ خايفة لاتصير طلابة كبيرة 

_لا لاتخافين من راجعين عادل ووليد حاجين ويا عماد گايليلة بعد ديربالك توصل يمه الخاطر شرف اختك مانريد تصير بالسان هذا وذاك 

ليال_ تنفست بعمق الف الحمدلله ياربي رحت توضيت وصليت حمد وشكر لله 

ثاني يوم داومت والحمدلله فعلاً عزيز من يومها بعد ما شفتة 

زلال_ السادس صعب ما اگدر اشيل رأسي من الكتاب هلكت من التعب خطية ليال معايفتني هي ادرسني

مابقى شي والسنة تخلص  

اليوم أجت خالة فاجأتنا من گالت لمى انطيناها 

وبعد يومين المشية والخطوبة 

ما اعرف شحجي وشگول معقولة نست امجد وراح تتقبل غيره 

وهو شراح يصير بي اذا سمع بيها انخطبت

بابا وخالي والولد كلهم گالوا نروح 

وماما هم تاخذ البنات سألتني تجين ويانه رفضت تحججت بالدراسة اليومنا هذا صعب اواجه لمى واخلي عيني بعينها 

امجد جنت يومية أشوفة بيتنا من يومها اختفى وصال گالت يطلع مايرجع غير باليل

ليال_من بعد غياب اكثر من سنة التقينا بالمى متغيرة هواي مو نفسها القديمة زايدة قوة 

تحجي بثقة حتى جمالها الحمدلله گادرا تتجاوز محنتها 

السلام بينا بارد 

اكو فجوة وشي مكسورة زين اني شنو ذنبي بالصار وياها؟! 

بيوم خطوبتها طالعة لعابة كانوا حاجزين قاعة للخطوبة 

من كملوا المشية وگطعوا مهر أخذوها للقاعة 

الحفلة راقية وخطيبها هم حلو ومرتب واضح مرتاح مادياً 

ما أعرف ليش بين هاي الهوسة حسينا بروحنا غربة 

خلصت الحفلة ورجعنا للبيت محد يحجي بالصاؤ وحتى زلال ما سألت على أي تفاصيل 

زلال _ عرفت من وصال امجد ليل ونهار اعصاب وميتاجة وبيوم خطوبتها ما بايت بالبيت 

بدت امتحاناتي وخلال هالفترة انعزمنا على عرسها كلشي يمشي بشكل سريع 

والعرس كذلك قررت ما اروح 

ماما والبنات لوبيدهن هم ميروحن ما أعرف شبيهن من يوم الخطوبة ضايجات لكن الخاطر خالة راحن 

ومن رجعن گالن العرس فخم ويجنن 

باليل گاعدة اقرأ سمعت صوت بالأستقبال طلعت اشوف شكو رغد هم واگفة 

شصاير منو اهنا 

_ هاا ما ادري 

_ دبطليهن واحجي شصاير 

_والله مدري شگلح امجد اهنا خالج متعارك ويا وطاردة رايد يطلع علاء وعماد جابوا اهنا 

_يوووو شجاه هذا 

_سكران. 

_ششنو تشاقين 

_يكرم طاري الله

خالج من عارف متخبل 

_ متت قهرة الغصة حرگت بلاعيمي عماد راح الغرفتة بقى علاء ظليت افتر شفت علاء طلع تمشيت للأستقبال 

متمدد على التخم ايد جوة رأسة والثانية ثانيها مخليها على عينه منظرة يفطر القلب 

تقربت منه گعدت على ركبتي صرت بمستواه 

دموعي نزلن وخر ايده باوعلي.عيونه دم يخوفن 

حجيت بغصة من ردت اجمعكم ليشش رفضتوا هاا ليش جنت خايفة من هذا اليوم انكسرتوا اثنينكم بسببي مراح اسامح نفسي اني الفرقتكم 

أمجد _بالسان ثگيل منو گال أنتي السبب

_بلي اني 

_ عاطف الگوا× هو السبب...
 

الفصل الواحد والعشرون من هنا