رواية لفي بيا يا دنيا الفصل الثاني بقلم لولو طارق
لولو راكبه باص ينقلها هو وطاقم التمريض الا راكب معاها كام واحده كدا
وكل واحده قاعده ترغى مع زميلتها عشان يهونو على نفسهم طول الطريق .. إلا لولو .. لوحدها فى أخر كرسى .. ريحت ضهرها وغمضت عيونها وبتقول اذكاااار عدى ساعه اتتنين والبنات بيناموو ويقومو ويرغو وياكلو إلا لولو زى ما هى .. عدو على الف كمين كل خطوه كمين وتفتيش ... خلاص اخر كمين كانووو فيه وكملو طريقهم وباقى العربيات وراهم واقفه سمحو لهم عشان هما تمريض عسكرى ومحتاجنهم ضرورى فى المستشفى .. كملو طريقهم فى المكان الصحرا ... يمين صحرا وشمال صحرا .. قربو على كمين فيه عدد من الضباط والعساكر .. وضابط طلع جوا الاتوبيس وبيبص بعيونه وماسك فى ايده الكارنيهات والباطيق بتاعتهم .. بص على كل واحده وسئل كل واحده على اسمها وهو باصص فى البطاقه وكانت اخر واحده لولو الا قاعده فى أخر كنبه لوحدها ولسا ها يسئلها وضرب نار شديد جدا اشتغل والعسكرى بعلو صوته لسواق الاتوبيس امشى من هنا بسرعه والسواق طلع بعزم ما فيه والظابط وقع على لولو ..
لولو بصريخ فى وشه والبنات كلها بتصوت : لاء .. مش عايزا أموت ومسكت وشه جامد ونازله صريخ فيه .. مش عايزا اموت انا بخاف .. بخاف
الظابط بيزقها وبيبعدها عنه : اوعى كلنا ها نموت بسببك
لولو بجنون : انا مالى .. انا مالى مش انا الا قولت لهم يضربونا .. انتو بتضربو بعض انا مالى .. وبتهز راسها وماسكه من التيشرت متبته فيه انا مالى
الظابط : هى ناقصاكى مش كفايه الا إحنا فيه مين جابك هناااا ..
لولو : عاتف الهى يتشك .. الهى يركب حماره بالشقلوب ويزفوه ويقولو العبيط اهووو .. العبيط أهووو
الظابط زقها جااامد وقام جرى خد مكان السواق وطار بالاتوبيس من الاماكن إلا عارفها لان السواق دخل جوا الصحرا فى موتسكلات بتلاحقهم وعساكر من الكامين بتجرى ورا مجموعه تانيه .. والليله كلها دخلت فى بعض ..
الظابط بيزعق للسواق بصوت عالى جدا : تعالى مكانى وانتو انزلو تحت الكراسى ..
لولو بتبص من الشباك وبصريخ ورانا ها نموت منفجرين .. هانموت منفجرين
الظابط طلع من شباك الاتوبيس بص باصه سريعه .. ورجع ورا جمب لولو وبمقدمه مسدسه كسر فتحه مدوره من قزاز الباص ووجهه سلاحه على الارهابين الا بيلاحقوهم ضرب واحد ووقع بالمتوسكل واول ما وقع انفجر انفجار كبير جدا
لولو وهى تحت الكنبه ومن شدة الانفجار مسكت رجل الظابط ونزلت صريخ هى والبنات والظابط وطى براسه لان من شدة الموجه الازاز كله اتكسر بس الحمد لله ما حصلش فيهم حاجه لان السواق كان بعد عنهم مسافه كويسه .. الظابط بيشد نفسه وفى جروح فى وشه مكان القزاز وبصوته كله سيبى رجلى المفروض انكووو اشجع من كدا ومتدربين على حالات الطوارئ والسلاح فى تعاملك فى الطوارئ لو لزم عليكى
لولو : انا جبانه ومش نافعه فى حاجه وتعيط انا عايزا أروح لأمى روحونى ولو طلعت من بيتنا تاااانى ادونى بالجزمه
الظابط بنفاذ صبر بيشد رجله الا مكلبشه فيها جااامد : ها نتوه جوا الصحرا وها يتسلووو علينا كلنا بسبب دلعك اوعى كدا وزقها جااامد لدرجه انها اتخبطت فى راسها وراح خد مكان السواق
السواق بخوف وبيحاول يتماسك : وش سعتك كله دم
الظابط مسح وشه بمنديل شده من علبة مناديل الباص .. ومسحه ورماااه .. لو سمحت اطمن على البنت الا ورا صوتها راح شكلها ماتت
السواق بخضه : ماتت وبيعلى صوته حد فيكو مات
الظابط بصله بصدمه وبص قدامه : هو كل الا فى العربيه دى هبل ماتروح تشوف البنت هى لو جرالها حاجه ها تيجى تقولك انا موت انت كمان .. والسواق رجع ورا وشد لولو الا فاقده الوعى لقدام خالص وزميلاتها بيحاولو يفوقها
الظابط بصوت عالى : فيها الروح
السواق : ايوا
الظابط : سيبوها محدش يفوقها مش ناقصين بلوه خلينى اوصلكم برا الامان الاول بس قولو يارب
كلهم : يارب وكل واحده قاعده تتدعى ربنا من قلبها .. وبعد وقت خرج بيهم للطريق ووصلهم فعلا المستشفى بأمان الله .. نضف وشه وطار يطمن على زميله ويعرف جرى فيهم ايه وفعلا اطمن عليهم وحمد ربنا ان محدش فيهم جراله حاجه مجرد اصابات فقد
*********
صبحى ماسك التليفون بيتصل على لولو واحده من زميلاتها الا معاها ردت عليه
.. : الووو .. أهلا ياعمو
صبحى بقلق : اهلا يابنتى مش دا تليفون لولو
.. : ايوا تليفونها وانا سها زميلتها
صبحى : هى فين طيب انتو بخير
سها بتسرع فى الكلام : اااه الحمد لله بخير هى بس نايمه الطريق كان طويل
صبحى : طيب اول ماتقوم خليها تكلمنى
سها : حاضر عنيه وقفلت وبتبص على لولو نص وشها وارم وعين من الورم مقفوله خالص قاعده تعمل لها كمدات فى وشها ..
لولو بتعب : ااااه .. اااه .. شها .. جت تكرر الاسم تانى سها ضحكت وضحكتها رنت فى المكان .. لولو بصت لها ومنظرها غريب عين مفتوحه والتانيه مقفوله وورمه حتى شفايفها ورمه .. بتضحكى ليه يا شها هى شفايفى راحت فين انا مش لقياها
سها ضحكت أكتر وحطت ايديها على شفايف لولو : موجوده اهه ما تقلقيش
لولو بوجع : اه هو وشى ماله .. احنا فين وايه الا جرا
سها بتهز ايديها : الا جرى كتير ايه الا كنتى بتعمليه فى الظابط دا اتجننتى انتى جبانه قوى كدا ليه
لولو : شابط وبتكرر الكلمه تانى .. شاا .. شااا .. هو مخرج الكلام عندى باش .. باش ..
هو انا مين جابنى مش كنا فى العربيه
سها : الظابط جابك ورامكى على السرير وقال بعلو صوته واحده براس ابو قردان
لولو تنحت : انا .. وهو ايه .. والله باشى
سها تنحت : ايه
لولو : باشى
اهئ اهئ .. فيش مرايه انا حاشه ان البياده بتاتعة لازقه فى وشى
سها مدت ايديها جابت شنطتها وجابت منها مرايه صغيره وادتها للولو : خدى
لولو مسكتها اول ما بصت فى وشها شهقت جااامد : انا اتشلفط كدا ليه عنيه .. اه يا عنيه .. مين حقن شفايفى ونفخها كدا انتو بتشتهبلو
سها خبطت على راسها : قلة عقلك ياختى الا حقنتها انا ماعرفش انك مفوته كدا ههههههه منظرك تحفه فنيه وشفايفك حكايه
لولو : انتى مش طيقانى ليه .. مالكم كلكم كدا
سها : انا قايمه اريح شويه عشان اشوف شغلى مش فاضيلك وسابتها وخرجت
لولو بتنادى : شها .. بت يا شها .. ااه يا دنيا وبتحسس على وشها لفى بينا يا دنيااا .. انتى شلفطينى يا دنيا كفايه ضرب فى الوش كفايه خشى عليا بالحلو بالله عليكى
سها اول ما راحت الاوضه إلا فيها زميلاتها ضحكت جااامد : اسكتووو .. وحكت لهم كل الا حصل .. لا وصدقت ان الظابط قال عليها كدا
منى : ليه كدا يا سها دا كفايه شكلها والا حصل لها هى جبانه شويه نستحملها حرام غصب عنها قلبها ها يجمد احنا بنى أدمين بردو انا كنت ميته من الرعب الموضوع صعب لو اتحطيتى فيه
سها : يابنتى دى واحده مريحه دماغها .. لا وايه كانت كل ما تشوف الدكتور عاطف او يطلبها فى قسم الجروح او العمليات تخلع وتبعت اى واحده بدالها .. قعدت قدامها و بتغير .. ناس تشتغل وناس مريحه دماغها وبتاخدها على الجاهز
لاء ولو دخلتى لمريض يقولك ممكن الممرضه لولو لو سمحت .. مش عاجبنهم واحنا طالع عنينا معاهم .. عايزين واحده غبيه
منى : دانتى معبيه منها
سها بغرور : انا أعبى من دى .. شوفى كدا احنا نفس الدفعه ومين بيترقى ومين لاء دا لسا صف ضابط الهانم وبفخر ايه جابها لينا وسعى يا منى الله يخليكى دماغك راحت لبعيد مبقاش غير دى كمان
منى : تصدقى عمرى ما لقيت لها صاحبه واحده على طول بعيده عننا أخرها تهزر بكلمتين وخلاص لا نعرف بتحب ايه او بتكره ايه مأنتمه والا لاء .. ناويه على ايه
سها : هى الا زى دى متخيله ان يبقى فى حد فى حياتها .. هى بعيده عشان عارفه انها مش زينا وعلى طول حاسه بالنقص .. بسبب إهمالها فى شغلها وجبنها فابتهرب مش أكتر حتى أميره الا كانت بتتكلم معاها كتير ماتعرفش حاجه عنها
منى مطت شفايفها لقدم لفت ايديها بصت فى الساعه : نامى بطلى رغى عشان نقدر نقوم هى على رايك ها تريح واحنا مدبسين
سها بثقه : أدها احنا والا ايه
منى ضحكت : والا إيه .. وناموو ولولو زى ما هى فى الاوضه .. دخل عليها دكتور يشوفها ويطمن عليها بعد ما خدت علاج وشها هدى شويه حاجه بسيطه .. مسك ايديها شاف النبض وبص لها وبجديه .
الدكتور : ها ياست لولو جايه تدلعى من اول يوم
لولو أبتسمت : انا أعرف ان الدلع شكله بنفسج انما دا أحمر وبتشاور على وشها
الدكتور ضحك : مش غيروه .. بس ما تقلقيش بكرا ها يبقى اخضر بعده بنفسجى ونطر ايده فى الهوا وبعدين يغمق خالص بقى
لولو : على البركه يا بركه
الدكتور : ههههههههه شكلنا كدا هانكمل مع بعض
لولو : هو انا ينفع أخلع
الدكتور : المحاكم كتير وابقى قابلينى لو حد عبرك كنت انا خلعت وبصعبنيه بقالى 10 سنين خدمه فى طب ومش عارف أخلع
لولو : 😂😂 ايوا باين عليك بتعانى زيى
الدكتور : هنا شغل طوارئ 24 ساعه استعداد فى أى وقت .. نايمه تبقى مستعده .. متكسره وبيشاور عليها تبقى تمام يا فندم .. بتاكلى يبقى أخص عليكى لو كملتى اكلك وتستعدى
لولو : ما تكملش خلاص انا مش ناقصه دافعه للأمام انا مدفوعه لوحدى لما لبست فى الحيطه او فى البياده .. يا دكتور وقربت قرت الأسم من على البلطو الابيض محمد
محمد : والله لازم أشجعك عشان تبقى تشيلى من على كتفى وتليفون الاوضه رن ورد هووو .. ايوا .. حاضر نازل وقفل ابتسم وهو علامات الشقى باينه على ملامحه ... شوفتى انا لازم انزل حالا .. خدى البرشام دا ها تاخدى قرص دلوقت وقرص بعد 8 ساعات ها يحسن وشك بسرعه أكبر ومش ها استحملك أكتر من كدا وسابها وخارج
لولو فردت ايديها : انتو كلكو مش مستحملنى ليه .. ان شا الله ما أستحملتونى جاتكو القرف
محمد على الباب : بتقولى ايه سمعتك
لولو : بقولك ها تلاقينى طرزان جوا الغابه اصل الناس ديابه
محمد : عايزك قرده ما بتبطلش تنطيط من اوضه لاوضه
لولو : 😂😂 وبهمس ماله كلب البحر مابيبطلش عوووم يا بخته ايه يعنى بوئه أد جسمه هو متصالح مع نفسه ... ناس حقوده لا سايبين القرد فى حاله ولا كلب البحر ... وراحت فى النوم بعد ما اتصلت على ابوها وحاولت تكون طبيعيه وطمنته وقفلت .. قامت بسبب صوت سرينة الأسعاف وبتاخد نفس وبهمس .. انتى ها تريحى فى مستشفى .. بصت حواليها لقت شنطتها قامت جابت الشنطه وطلعت منها برطمان عسل نحل نص كيلوووو حطته على الكمود ودخلت الحمام ... تاخد شاور
******
أستقبال المشفى تحت دخل عليهم ظابط وسئل على واحد محجوز فى أخر أشتباااك
الظابط : النقيب حاتم شناوى غرفه رقم كام
مسئول الأستقبال بص فى كشف قدامه ومشى ايده على الارقااام ورد بعدم انتباه : غرفه رقم 50 الدور التالت يا فندم
الظابط : شكرا . وطلع فوووق دور بعيونه بين الأرقام فتح الاوضه ودخل وبصوت عالى نوعا مااا لما لقى الاوضه فاضيه .. شناوى يا بطل انت فين .. فى الحمام والا ايه .. قعد على الكرسى ورجع راسه لورا بتعب وغمض عيونه .. الواحد ريقه ناشف وهفتان بص حواليه لقى النص كيلو عسل ابتسم .. حايبنلك عسل يابن المحظوظه لو انا ماكنش حد عبرنى عارفين انك رخم وبيرحمو نفسهم من رخامتك فتح البرطمان دور على معلقه ملقااااش شربه زى الميه خلص تقريبا نصه .. حطه .. وشرب ميه .. خبط على بطنه شبعتى والا لسااا .. حد خبط على الباب وكانت ممرضه ..
الممرضه : معلش يا فندم غرفة النقيب 51 مش دى الاستقبال قالى ابلغك
الظابط قااام : كدا تحرجونا .. وخرج وبيقول كويس ان الاوضه فاضيه ها ابقى أجى اعتذر لصاحبها عشان العسل إلا شربته .. ومشى راح الاوضه الا فيها صاحبه .. دخل عليه وابتسم
حاتم : مالك منشكح كدا ليه فرحان فيا ما بتصدق يا باسل
باسل ضحك أكتر وقص لشناوى الا حصل : المهم انا ظلمتك وشربت برطمان العسل 😂😂😂
حاتم : 😂😂 يابنى ماجبتش باقى البرطمان ليه شايفتنى هفتان وتعبان ومحتاج غذى وكمان كل الا هنا مننا وعلينا
باسل قام : والله اروح أجيبه
حاتم بتشجيع : روح والا يرجع
باسل بغمزه : عيب عليك حقه فى الحفظ والصون يا فدائى
لولو خرجت من الحمام كانت بتاخد شاور لبست حجابها وبتنام على السرير مدت ايديها مسكت البرطمان وإحولت وهى بعين واحده : العشل راح فين انت عشل مغشوش والا ملبوش (ملبوس )
ولسا ماسكه البرطمان وفى حالة داهشه دخل عليها باسل بعد ما لقى باب الاوضه مفتوح زى ماهو .. بص على الكمود ملقاش حاجه بص على ايد لولو الا فيها العسل ونتش العسل من ايدها ولف ورجع بص لها تانى وهى متنحه
لولو : انت إشاى ماتخبش عليا
باسل حط ايد على راسه وديق عيونه وبتفكير : شاى وخبش .. اااه أخربش وبص لها انا ما بخربش انا بعض بس .. هو انتى .. انتى اضربت فى وشك حزام ناسف
لولو : انت الشبب
باسل : 😂😂😂 هو انا رجلى تقيله قوووى كدا الصراحه تستاهلى .. والعسل دا بقى حقى بعد الا عملتيه فى وشى وفيااا ..
لولو بعصبيه : شيب العشل واطلع برا
باسل قرب مره واحده على وشها ومركز على سنانها : هو انا طيرتلك صف سنانك .. اتعدل وبلامبلاه .. مش مهم .. المهم سامحى بقى فى العسل عشان صاحبى نفسه فيه
لولو بتهز راسها ومكشره ونزلت من على السرير وبتقول لاء وحاولت تاخد البرطمان ماعرفتش زقته خرجته برا وقفلت الباب
باسل واقف ومبتسم سها قربت عليه
سها : بعد اذن حضرتك ..
باسل شاور على الباب : اتفضلى .. ااه استنى
سها : أفندم
باسل : خدى الخمسين جنيه دى اديها للانسه اللى جوا وقوليلها عايز برطمان كمان
سها ضمت حواجبها باستفهام : ايه دا
باسل : انتى مالك ما تاخدى وخلاص هى ها تعرف
سها : مش انت الرائد الا كان معانا فى الاتوبيس
باسل : ايوا انا ماشاء الله عليكووو تنسووو كل حاجه إلا اللحظات المنيله بستين نيله وسابها ومشى راح اوضة صاحبه .
سها دخلت وهى مسترغبه وبتردد كلامه : منيله .. هى معرفتها فعلا منليه
لولو : شها العشل خده
سها وهى سرحانه : خدى حق البرطمان بيقولك .. وانتبهت وبزعيق نوعا ما انتى بتبيعى مخدرات وبتقولى عليها برطمان
لولو بعصبيه : انا نقصاكى انتو كلكو زهقتونى .. هاتى وخدت الفلوس .. احسن بردو اشترى بداله
سها : عارفه انا بدخلك بالعافيه واجب يعنى مش ها انفقك واقولك بحبك دانا مش بطيقك أصلا وصرخت فى وشها اووووف أقوم من النوم اطمن على سعتك وسابتها وخرجت
لولو نطرت ايديها : أقتلونى وارتحاووو مش عارفه انا ورجعت ريحت جسمها وبتفكر هو ليه الكل واخد منها موقف كدا حتى زميلاتها والسبب ايه مابتضرش حد مابتجبش سيرة حد مافكرتش فى مره تأذى حد يبقى دا جزاءها وإلا فيها حاجه غلط ..
باسل قااام ن جمب حاتم : أسيبك انا بقى يا فدائى ترتاح وماتاخدش على الراحه قوووم بسرعه
حاتم : خلى بالك من نفسك أشم نفسى بس وهاتلاقينى فوق راسك يا نعيش سوا يا نموت سوا يا صاحبى مش دا كلامك
باسل بأبتسامه : ايوا يا صاحبى .. وشد من ايده العسل .. هات كفايه كدا دانت طفص ايه ما صدقت تلاقى حاجه حلوه
حاتم : هو مش ليه
باسل : خلاص خدت منه وانا إلا دافع حقه وخد العسل ومشى
حاتم : انت يابنى هاته ها تعمل بيه ايه
**********
مر يوم ولولو قااامت ومع الكمدات وبعض المراهم الورم هبط تماما بس فى كدمات فى وشها واضحه بس خلاص بتشوف وبتتكلم كويس وبدأت فعلا تشوف شغلها مع دكتور محمد ومتجنبه زميلاتها كالعاده ومحاولتش تعاتب سها او تسألها ايه سبب كرهها لها ... وفى لحظه الدنيااا اتقلبت ونزلت جرى على الطوارئ تحت
