 |
رواية بيت الخبازه الجزء الثاني الفصل الثالث والعشرون بقلم زهرة الرمان
عمار
وووين جنت ؟؟؟؟
كل الولايه دورناها مخليت مكان ما سألت عنك احجييييي ليش ساكت
منا السيد بعدين احاسبك فوت اسبح وتعشى يلا بعدين نسولف
استبرق
عمو كدامنه ماحجه دخل سلم فضل وفات جوه اخذاه بشار وسرى رجعت من فطومه عيونها وارمه تبجي
بقينه نصبرها وعمو غكثر مقهور ع فطومه من طلعت الزفه بس سلم عليهم وراحوا صعد فوك وبقى يبجي
سرى دخلت عبالك جانت بالمستشفى بشار هم عصبي
بس حسوني يضحك يكول هسه هي تأكل ثريد وهنا انتم تتباجون
المهم غرفتها صارت اليه
أكثر مكان بقيت هواية بيه هو بيت عمو عمار
احسه هو بيت اهلي
رحت لعمو موفق بالاستقبال كلت نبات اليوم لأن تأخر الوقت وشويه ضايجين نام عمو موفق وعمو عمار بالاستقبال وإني يم سرى تريد تتصل على فطومه وإني ما اخليها اكللها مازال كالت إني اتصل خليهه براحتها
صعدت لبشار وفضل
بعد ما نامو الكل لكيت فضل كاعدع فراشه بالكاع وبشار يلعب بالابتوب
كعدت يم فضل
ها خويه شصاير وياك
ميجاوب ساكت
انكات على الحايط مثله ومددت رجليه
تدري حلو شعور وحده عدها اخ يخاف عليها ويحميها
بشار
جا إني مو هم اخوج
استبرق
اكيد أنت اخوي ابو بطن تعرف اختك من تجوع
بشار چنچ بگلبي جوعان وأمي ناصبه عزا لزواج فطيم خلتنه على أكل البرا
استبرق
ولك اكلت خمس شياش كباب
شتاكل بعد
بشار ولا يشبعن
استبرق
انت يشبعك تشريب باميا
روح روح جيبينه الصينيه ناكل وياك جوعتني على سيره الأكل اريده ينزل
فضل حبيبي أنت اخوي صحيح امنه مختلفه بس دمنه وأحد ابونه وأحد أنت نسخه أبوي بس هسه لأن مراهق خشمك كبران وبوجهك حبوب بس بعد كم سنه تصير تجنن وتسحل البنات بهذا شعرك وعيونك
فضل
استبرق هديني عليج بروح امج.
استبررق
ليش حلفتني اريد اكعد يمك واسمعك وانا حاب تسولف أي شيء إني استمع ولا الومك ولا احجي
فضل
على الاقل أنتي من يحلفونج بامج تفتخرين.اني استحي من يكلولي بداعه امك
استبرق
الام والاب والعشيره ميسوون بشر هو يسوي نفسه
اني بعمرك مات أبوي
عشنه وراه ايام سوده ايام جعنه وامي انكسرت من كل البشر
بس عمرها ما ذلت نفسها لأي شخص
سوت لنفسها اسم ومكانه لوحدها لأ اخ وياها ولا خوات ذني خالاتي محد وكفتلها كعدنه بخرابه وماتت اختي بسبب الكهرباء ورطوبه
جنت أنت صغير
فضل
بس منطيني ذاكره وهذا المتعبني أتمنى ماعندي هاي الذاكره الي من عمر ٥سنوات كلشي اتذكر بالتفصيل اتذكر حتى شكل مروه الله يرحمه
استبرق
شنو التذكره الها فدوه احجيلي عنها جنتو قريب أعماركم
فضل
جانت مو هلكد تختلط بس ماتخاف مني تلعب وياي ومن الزم أيدها لهسه اتذكر تضحك
جنت احبجن حيل فرحت عندي اخوات أحب الاخوات البنات واحب صفا جانت تلعب وياي
استبرق
اندمج بسوالف عن البنات وعنه بالصغر
وبعده
فضل
بس جنت أخاف منج جنتي من تحجين تخوفين
استبرق
هههه صحيح اخوف جنت خبله بس تعلمت من أخطائي
بعد ما نام وأحس شويه هدأ من دخل مبين صاير وياه شي ماضغطت عليه بس حسسته إني اخت وإذا راد يلجأ إليه يلكاني
والصبح من ردنا نطلع عمو عمار وصيته عليه ضحك
عمار
عمو شتحجين غير إني ساكتله يوميه مصيبه فضل وإني عبالج من راح يم كرايب امه وتركته ابد بس هو هسه عرف إني عمه واريد مصلحته واجه
نشوف شنو جوه راسه واكلج روحي اطمأني
استبرق
رجعنا لبغداد عمو طول الطريق نايم استغربت
نومه
كلت تعب من الطريق
وصلنه الحمد لله وخابرتني صفا لازم ورا كل عرس لازم نسأل وندقق على أدق التفاصيل
ورا ساعه تقريبا عمو طلع يتسوك لأن ماعندي مسواك أخذ علي وياه
وإني انظف بالبيت
ودخل عمو وجهه مخطوف
هاا عموو شبيك
موفق
ام رضا بالمستشفى
استبرق
انقهرت عليها من
متخربطه هي عدها من رب العالمين كليه وحده وهسه متخربطه كليتها توجعها
بقى عمو بليلتها هناك يوم الثاني اجه بدل ملابسه ورجع أستمر اربع ايام هيج
خامس يوم علساس صارت احسن ويطلعونها للبيت وياها ولدها وعمو وابو رضا
وإني كلساع اخابر على عمو موفق
كال اروح وياهم للبيت واجي
من ساعه ١١الضهر
موفق
طلعنه ام رضا وبناتها لكيناهن وولدها وإني يمها
كالت خلوني بالهول لأ تودوني بالغرفه
صارت الصلاة وعد رضا ولد الله يحفظه يأذن إذن أذان الضهر وصلينه يمها
أول فرض كملته وترتكضوا عليها شلت راسها ونريد نشيلها تخربطت للباب وشخرت بحضني
أم رضا
فضيله خويه فضيلللله
استبررق
المفروض ورا الغدا يجي عمو موفق
تأخر نامت هبه وعلي وغفيت شويه
وخابرتني صفا بقينه نسولف وسالتني عن ام رضا وكلتلها اليوم يطلعونها
وسألت عن تميم والحمد لله وضعها هواية احسن من طلعت من حياه
بس المشكله صفا كلشي متعرف يعني صعبه عليها كلشي بس قشعم حيل متعاون ومساعدها
للمغرب وعمو ماكو خابرته وما يرد وألف مره صرت اتصل وماكو يارب استرنا وين راح عمو موفق
اتصلت
الوو
ألو تقضلي
استبرق
منو أنت هذا رقم عمو موفق
إني ابن رضا جدو موفق راح وياهم يغسلون ويكفنون بيبي فضيله
استبرق
يمه ودكيت على وجهي غسل وتكفن ماتت خاله يمه يمه يمه صرخت لأ ياربي
بس صوت الجاوب مبين صغير مو جبير
بقيت اصرخ شحالك هسه عمو موفق
خابرت صفا كلتلها اجوني هي وقشعم ياخذونه لبيت ام رضا
بعدنه بفرع بيتهم السيارات مليان الشارع الضاهر للبيت خليت صفا يمها هبه وعلي ونزلت إني مشيت للبيت دخلت وخلا صفا بعيد بالسياره
فتت مخلين التابوت بالصاله وبناتها موتن نفسهن وادور بعيوني على عمو موفق
مشكوكه دشداشته وكاعد
منظره يهد الحيل
ياعمو صرخت وكعدت يمه وهو شافني وهم بده يبجي بصوت دقيقه وشالو التابوت وسيد رؤؤف باقي بالعرقچينه وغترته بيده ويصفگ بيده ويصيح
تكشف غطاي يشامت افرح
يا فضيله
صعدوها بالسيارة وإني بقيت ابجي وكل الموجودين نسوان وزلم يبجون عليها
طيبه حنينه محترمه متدينه
صعدوا وراحوا وقشعم برا اشرلي
هاا
قشعم
تروحين ويانه
استبرق
إني هنأ ابقى أخذ صفا والجهال يمكم ديرو بالكم على هبه وعلي إني هنا بقى لمن يجي عمو موفق
بقيت وياهم رغم الموجودات اغلبهن ماعندي أي معرفة بيهن بس الكل مكسور على ام رضا الكل واكفين ويبجون
بدت الفاتحه وإني ايد وايد وياهن
لحد ما اجو الدفانه
وإني روحي على جيه عمو موفق
دخلت نضال وبناتها إني وياهن بلطمتهن
رحت ع مرت ياسين
عفيه اسألي ياسين ع عمو موفق
زوجه ياسين
بالجادر خالو موفق مايقبل يدخل وحيل تعبان خطيه بس هو وولدها وسيد رؤؤف تعرفين واكفين
ورا الغدا يلا دخل ركضت عليه حضني ويبجي عمو موفق حسيت صحيح الكسره بيه هالمره
بس سألني اخوانج وين طمأنته يم صفا
بقيت هناك لحد ما كفت الفاتحه عمو وياهم اشوفه قليل
بس بوقت الغدا من يجيبونه إني اسويله الغدا واتاكد أكل وبالعشه كذلك
بيوم الثالث
نزلو الجادر وأكثر الموجودين راحوا بقن بنات ام رضا الله يرحمها ونسوان ولدها والمقربين كلش
دخل سأل بالمطبخ يسأل وين استبرق
هاا عمو
موفق
اجه قشعم روحي يمهم ارتاحي
استبررق
لأ عمو ايقى وياك ماروح وبگلبي خايفه عليه ماريد اعيفه
موفق بنتي روحي اخوانج مناك
استبرق
إني وياك من تكف كلشي نروح سوا
من عرف اريد ابقى. بقوا بالاستقبال بليلتها اولادكم وعمو
وإني أكثر مكان يم زوجه ياسين رغم بقاتحه خاله انعام ضوجتني وحسيتني تغار بس هسه حيل تحترمني وما سمعتني كلمه يالعكس صارت كلش قريبه عليه وتكعد يمي وحتى انام بغرفتها رغم حيل تأثرت على ام رضا من تحجي بيها تنزل دمعتها
تكول هي إلي إذا ياسين عصب توكف واسكته تكله لخاطري
ما ترضى بالنكد ولا تحب العصبيه هادئه جانت بالبيت نظيفه النهار كله تدعي وتسمي وتنشر على الجهال
بقينه اربع ايام وراها رحنه لبيتنه إني وعمو موفق واجانه بالثالث عمو عمار وعمو واثق يقرون فاتحه لعمو
رحنه قشعم اجه ورجعنا للبيت عمو موفق مكسور كلش على ام رضا
ايام وايام تمشي وتركض ركض الايام عمو حزنه على اخته كلش وضح عليه
كلما اهون عليه
يكلي خلصوا كل الگلت تچايتي
ام رضا أمي مو أختي
بعد فتره من الوقت
عمو عمار يتواصل وياي اسأل عن فضل
عرفت من عمي
ماخذ سياره مال ابو الشغل المخلينه يم كرايب امه
وطالع بيها وداعمها بسياره ذيج كلش مكسرها تكسر وسيارة أبو الشغل هم متكسره
وشامرها وشارد جاي لبيت عمو عمار
عمو خسران الفلوس هو وعمو رشيد وعمو واثق رغم ذلك عمو عمار مهون على عمامي
عمار
هو مو ادمي مو ادمي بس مصيبه اهون من مصيبه ضرب سياره ننطي فلوس حادث وتتعمر بس لو ضارب طفل رجال مره مو جيب الفصل ودني الفصل ونبتلي
فضل يبقى يمي وإني اادبه
استبرق
وشراح تسويله عمو
عمار
بديت عمو اسوي اله برنامج خيرته يرجع للمدرسه وإني ابقى اراقبه أو يشتغل إلا يمي
استبرق
وشنو اختار
عمار
يكلي خليني اشتغل
وشغلته بعقد مؤقت راتبه قليل ما اسلمه بيده واخذه بيدي بدائرتي
ع الصيانه عامل على ايد المهندس
وموصي الدنيا كلها وإذا يطلع اخلي ورا حسوني أو بشار يراقبون بيه والله كريم
استبررق
الله يجزيك الخير ياعمو
عمار
عمو إني مصخر عليه غير ابني هوه
استبرق
عمو عمار يحس بمسؤولية على فضل اطمأنيت
اتواصل وي فطومه واحسها تسولف گوه وكلامها مختصر ما اضغط عليه قللت كلامي وياها
بدت حرب داعش ودخول للموصل والاخبار بدت الأوضاع تسوء بشهر السادس
وصارت الأوضاع كلش مرعبه والزاد سوء سقوط الموصل والبنى التحتية كلها تهدمت براياتهم السودا والقتل الجماعي والتهجير والعوائل إلي كدرت تحارب ضد داعش اكثرهم ابادوهم
صار الوضع كلش سيئ
صفا
صارت فتوى الجهاد الكفائي وراد قشعم
يروح وإني تخبلت منو اليه قشعم شلون تروح
قشعم
حبيبتي إني إذا ما اروح وذاك مايروح منو يدافع عن شرفنه باجر يدخلون لبيوتنه غيرتي شلون تقبلها اسمع الانجاس ياخذون نسوانه ويكولون النساء سبايا وغنائم شلون برايچ
استبررق
وكأن مكتوب علينه التعب والقهر
قشعم التحق بفصائل ضد داعش. راح لحياه وصاها على اخوانه واجه وصاني على صفا وراح
اجت يمنا بقت يمنه وصل داعش للانبار وقربوا لبغداد لمنطقه جرف الصخر
وصارت حصد لشبابنه الانفقد والنقتل وقشعم مرات يتصل مرات لا أكثر الاوقات صفا تصعد للسطح المغرب وتدعي
تگابل تميم وتكله خل أبوك يرجعلنه
نزل أول مرة بعد بالضبط شهرين انطوه اسبوع بس خلصتها صفا بجي وتوسل بقشعم ما يرجع
بس هو ميقبل
قشعم
تدرين الموصل بيوتها صفت بالكاع وذولي يقتلون حتى الرضيع واحنه نطلع ونعبر بالعوائل نخليهم يروحون اكثرهم المحافظات
مابقى مقام نبي ولا مكان دار عباده ولا أي شيء يوحي للموصل
استبرق
عمو موفق باع محلاته وصار يفكر نهاجر للخارج يجمع بالفلوس العنده يكول ما اخليكم بعد گلبي مايتحمل فقد بعد
بس هيج قرار صعب
بقت حرب داعش مستمره ونسمع بالشباب الراحت للجهاد والصارت حشد شعبي ببها الكبير والشاب وحتى الشياب
سمعت اليوم عمو يسولف بالتلفون
وعصبي
اجه للمطبخ ها عمو خير
موفق
سيد رؤؤف رايح للجهاد وينه وين الحرب
استبرق
انقهرت عليه رجال جبير ورايح يكللهم على الاقل استشهد حتى لو اكتل ثنين من الانجاس واروح لفضيله المن اعيش
هو وثنين من ولده راحوا الحرب ة
وعمو بفترتها حيل متوتر وتعبانه نفسيته اعصابه مشدوده على الاخبار
استمرت نزول قشعم اسبوع او عشر ايام نوبات بس الوضع يزيد سوء لأن الدواعش ينفذون الاعدام على صحفيين وشخصيات سلميه وينشرون فيديوهات بستفزون الناس
ياخذون النساء كجواري
وكأن الزمن عاد إلى ما قبل الإسلام
احنه ببغداد بس اكثر شبابنه من الجنوب والوسط فزعوا الموصل والرمادي يساندون اخوانهم
الوو
أهلا بشار
بشار
لج استبرق
زوج فطومه جابو شهيد
استبررق
عريس يربي عربس ششاف من دنياته ولج فطووومه
رحنه عمو اخذنه الهم عمو عمار بس يردد أنا لله وانا اليه راجعون حسبنا الله ونعم الوكيل بشارعهم تشييعه يصيحون
يمه اذكريني من تمر زفه شباب
تشييع زوج فطومه وياه جيرانهم ثنينهم مستشهدين سوه
التشييع يگطع الگلب
وسرى حالتها ما تقل عن حاله فطومه يم عيالها رحت بيت وانگلب گبر على ابنهم
فطومه لا باقي وجه مخرمش صوت ماكو شعرها مكطعته شافتني صرخت
ولج استكثرته عليه الدنيا لان زين لأن لان خير ولج ما انطانه مهله الموت
استبررق
شبعت بجي على حالهم
بقينه يوم ويوم الثاني رجعنه
بس زاد الخوف والقلق على إلي بالمعارك
قشعم وعمو واثق
وسيد رؤوف وثنين من ولده
والزاد خوف وعمو أكثر ابن نضال راح لقاعده بتكريت
جان يكول نسافرامن شاف كل اليعرفهم يرحون للمعركة مكدر بعد صار بين نارين نار خوفه على گرابته وخوف علينه ميريد نبقى على هذا الوضع المتأزم
ايام وسمعنه بمجزره سبايكر وصارت مصيبه لأن صوروهم من يقتلونهم
اتصلوا على عمو
ابن نضال وياهم
لمن تأكدوا وياهم
صارت كارثه شباب 1700شخص
عمو راح وياهم بتسليم الجثث ونضال تخبلت انجن جنونها ابنها بالقوه الجويه وهي جانت تكله ماريد الزي العسكري يدخل بيتي أخاف منه من حرب لحرب العراق اجدي واعيشكم ولا تروح
اخذها عمو موفق وابنها الثاني
بنهر دجله شامرين جثثهم النهر صاير احمر من دمائهم
وصار الفقد على عمو موفق اكثر بهواي على تحمله وطاقته
تعب كلش وإني وياه اروح الفاتحه وابقى وياه شواسي منه وهو صار احسه اكبر من عمره
حتى طلعه ماصار يطلع قليل كلش
استمرت المعارك واحنه نتابع الأخبار
ونتابع بالتلفون عليهم
لحد يوم معركه الضلوعيهء نهايه الشهر السابع
اجه خبر استشهاد سيد رؤؤف إلي اذئ عمو موفق
سيد رؤؤف هو آخر كلمه گايله الحمد لله إلي رب العالمين استجاب دعائي خلاني وي الاستشهدوا اموت عسى ولعل يقبلني شهيد وياهم
ع ايد واحد من معارفهم هو جابه
بقى عمو موفق هناك واحنه وياه حتى صفا رحنه للكاظميه هم تشييع سيد رؤوف يليق بشهيد وهو اصلا چبير فخذهم وقارى للقرآن وهواي
جانت فاتحته كلش جبيره
وهم الكل تاذو مصار هواية على وفاه ام رضا. وانس ابن نضال ولحكها السيد
عمو موفق احس انحنى ضهره احسهه روحه بهتت صرت أخاف عليه من أي خبر بعد
صفا
اتصل قشعم عليه
قشعم
حبيبتي الصافيه ام وليدي وضوه عيوني
ادعيلنه ولاتخافين ديري بالج على روحج وعلى تميم
صفا
اشو توصي قشعم...شبيك
قشعم
مااابيه حبيبتي بس كل واحد يطلع يوصي بس إني بأمان لاتخافين ماعدنه شئ
ماكدرت اكللها احنه بالسيارة رايحين لابو عيثه بالانبار نسند القوات الأمنية هناك صار عليهم ضغط من داعش
صفا
گلبي وجعني بس كتله ترجعلي بالسلامه
قشعم
شلونج يمه
حياه
شلون تريدني اصير حليت بعيوني وكفتلي وسند صرتلي وهسه تروحلي للمعركه قشعم يمه فكدتك بعقل غبي من جنت صغير لاتتركني هسه إني واخوانك بعازتك يمه صار عدك ولد لأ تيتمه مثلك يمه
قشعم
أول مرة أحس بنبره صوت أمي خوف وحنيه وحب اليه بچت وإني انعصر گلبي عليهم
ديري بالج يمه على نفسج وعلى اخواني يمه صفا وتميم شوفيهم قشعم
استبررق
بقت صفا ما مطمانه على قشعم تكول على طول يوصيني بس هالمره يختلف
صفا
بقيت على تواصل وي قشعم لمده اسبوع تعود يتصل دقيقه وحده ويغلق يكول ممنوع
اليوم ما اتصل
دخلت بنوبه هيستيريه شبح الموت يفتر على كل الناس وإني روحي صارت بقشعم
يوم ويومين وثالثه وماكو عشر ايام ماكو خبر من قشعم
عمو موفق راح لصديق اله وياه
وكال مابيهم شي بس تلفونات ممنوعه
استبرق
عمو هااا رحت لبيت رحيم
موفق
وين صفا لاتسمع يمعوده
استبررق
فوك عمو كاعده وتدعي
موفق
رحت لأهل رحيم اخوه الكبير بكول محاصرين على الجسر الياباني والدواعش حواليهم ماعدهم أي امدادات وهسه ضااگت بعيوني الوسعه شسوي كليلي البس واروح
استبرق
وين تروح عمو وين شنو وحده وتروح تسأل عليه محاصرين المنظقه وين تدخل وين تروح
بقيت بهم خاف عمو يروح وما ادري
صرت اتواصل وي فطومه إلي حالتها مأساويه
واتصل على عمو عمار اسأل عن عمو واثق
حتى اولاد ام رضا الله يرحمها بعد وفاه سيد رؤوف رجعوا للمعارك
موفق
عندي أصدقاء قريبين من رتب عسكريه مشاركه بالمعارك والقطاعات إلي بيها قشعم
لأن انقطعت اخباره
جاوبني وأحد
=أبو علي ماريد اخوفك لكن الجنود حالياً محاصرين وماكو طريقه حاليا لحين نوصلهم
أي شئ جديد إني ابلغك وانطيني اسمه الكامل
قشعم
صرنه بمكان لانكدر ننسحب لأن هي جزيره فارغه ولا عدنه عتاد يكفي
ولا وصل دعم
بقينه الأمر صار ذكي كال ما انطيكم نهائي نبقى هيج لحد ما نلكى فرصه جان صحيح يتسمى قائد عسكري لأن عنده جلاده وصلابه بالمواقف
اكو إلي أيسوا لأ اكو اتصال باهلنه ولا نكدر نتصرف
صار الليل والأمر انطى اشاره النه بأن ننقسم ونشتتهم
توقعنه راح يخلينه نطلع طلب منو يريد يجي وياي ومنو ينشطر على المكان الخلفي يسندنه نوصل بسياراتهم ناخذهن
طلعنه ونعرف كدامنه يصيرون بس العتاد العدنه لازم كل طلقه بشخص
هيج صارت تشاهدت وكلت يااالله وطلعت
وياي الموجودين واحد يقوي عزيمه الثاني
اخذنه أول سيارة وصار القصف علينه مطر بس ما استلمنه اخذنه أكثر من ست سيارات ومشينه وهمه ورانه
ومحسينه إلا طياران العراقي اجه اسناد جان بالنسبه النه الفرج القريب بلمح البصر
بس همه مستمرين بالرمي ورانه حسيت اليمي كاعد إني اسوق كال جشعم هذا الدم شنو إني امشي يمكن 200حركت السياره حرك ماحسيت لأ الم ولا شئ بس دم من من ايدي
موفق
عليك بروح ابوك عدل
==وروح أبوي وأخوي قشعم عدل ضربته من جهه ضهره طالعه من عظم الترقوه
ابن عمك بطل يلاكي الموت ملگا بس عدل والله
موفق شلون اكول لصفا واستبرق
استبرق
عمو إني مو غافله عنك ماتعشيت ووجهك مخطوف شبيك
موفق
وين صفا
استبرق
تنوم بتميم
موفق
قشعم تصوب
استبرق
دكيت على وجهي وحالته حالته شلونه عمو
موفق مستقره اليوم يجيبونه لمستشفى بغداد
استبرق
عمو انطه فلوس وواسطات حتى يطلعون سياره يجيبونه
أما صفا عمو موفق بكل هدوء بسط الموضوع عليها ومهد الموضوع وراح هو بنفسه كال لحياه واخذهن لقشعم قبلها هو راح وتأكد يلا اخذ صفا وحياه وخلوني يم الجهال
سووله عمليه وعمو موفق تبرع بالدم اله المستشفى صايره تخوف من الجرحى ماكو مكان للجرحى صارت اكو مستشفيات ماتستقبل ماكو سرير
عملية نجحت والحمد لله صار قشعم افضل بس قبلها صفا وحياه خلصوها بجي
اما عمو موفق بقى يروح ويرجع عليه
لحد ما طلعوه بقى يم اهله طلبت حياه
هاي حقبه الفقد هواية من عشيره عمو استشهدوا وهواي من اصدقاء ومعارف بين جرحى وببن استشهاد
وكأن الزمن توقف
بحيث من نطلع صارت القطع السوده للشهداء طول الشوارع
تمشي الايام بس صارت تتشابه بسبب الموت والحرب كل شخص اله غصه
طلع اليوم عمو موفق راح لبيت نضال حالتها الصحية كلش تازمت ويوميه تتخربط
صار الليل وعمو ماكو اتصلت عليه
مرتين وما جاوب بعدين اتصل عليه هو
ألو.
ألو ها عمو وين تأخرت
اختي صاحب التلفون رقمكم آخر شئ متصل عليكم هسه بالمستشفى لكيناه مدعوم وواكع محد شايله..
