 |
رواية بيت الخبازه الجزء الثاني الفصل الثاني والعشرون بقلم زهرة الرمان
صفا
من بدايه زواجي قشعم مدللني بحيث يخاف عليه من نسمه الهوا
طبيعتي خجوله وكتومه بس قشعم يعرف كلشي عني شنو احب شنو اكره
يخاف عليه من الحر والشمس
إني ماعرف لأ اطبخ ولا أسوي أي شيء أكل معتمده على استبرق لأن تخاف عليه من الحراره
وحتى من اشتغل اتعب لأن نظري يتعب بسرعه فهي متكفله بكلشي
من تزوجت قشعم هو يساعدني ونوبات تنزل تبارك حبابه تحب قشعم كلش ودوم تكول قشعم أخذ دور أب إليه
بس اختها وامها يبقن يعيطن عليها ميقبلن تنزل
من صرت حامل ماعندي أي علامات وحام بس صرت أكل هواية
اجوع بسرعه بس افحط
بدت تبارك تنزل نوبات تساعدني كلشي تعرف تطبخ وتگلي
بس تنزل بالبوگه امها ماتقبل واختها تفتن عليها
بس قشعم يجيب أكل من يجي
سمعت برا دخل قشعم لازم اخوه حيدر ويضرب بيه
قشعم
شگتلك كم مره هذول ما تمشي وياهم
حياه
يايااا شبيك وي أخوك
قشعم
شنو شبيه وي أخوي اصبري يمه واسكتي اريد اربي
حيدر هدني ممسوي شي يمه خليه يهد ايدي ااخخخ وجعتني
قشعم ممسوي شي ادب سزز كم مره عدت ذوله مو خوش سرسريه
اجي الكاك بگهوه وتلعب بليارد
حياه
بدل لأ تضرب بيه اخذه انت وطلعه وين يرحون
قشعم
أطلعه شنو مدرسه مو اصرف على دراسته واريده يصير ادمي شنو تقوينه عليه أنتي
حياه
مايفهم على المدرسين خليله خصوصي
قشعم
يمه هسه هو لافي للبيت وتردينه خصوصي ابنج من شمر الجنطه وطلع غير تكليله وين رايح ويامن طلعت فتشتي جنطته بالحرام ممفتوحه الجنطه صار اسبوعين
حياه تابع اخوك أنت
قشعم
إني اركض على العيشه اوفرلكم اللكمه لو اركض ورا اخوي إلي ملموم على ولد أكبر منه يشربون جكاير وبكوفيات مليانه حبوب وكبسله شسوين بالبيت من الصبح للليل يمه
حياه
وهسه أنت شمنطي على زين عطاياك من تزوجت لليوم تنگط تنگط صرت بالمصرف كله للبرشه كدك
قشعم
شنو يمه مقصر طلعت وتردين اقصر على بيتي شلون وشنو البرشه يمه اسمها صفا اسمها صفا ومااا مرخوص أحد يسمعها بحرف ولا يجيب طاريها
وإني كدي ومكدودي عليكم ولا قصرت وي أي أحد
لكمه ثكلت عليج اطبخينها اليه ولصفا وما تخلين تبارك تنزل تسوي أكل
اضطر اشتري من برا
هاي جزاتكم اليه وهاي رد معروفي
أنتي عدج راتب وتقاعد وعندج رواتب مال شهداء سياسين استلمتي انطيتيني الف دينار ابد
أنوب عيونج على لكمه بيتي
أنت ام ام
هاااج هذا ابنج إذا بقى هيج يسگط تالي
خبزه بجاله ما تاكلين
صفا يتعاركون وإني بالغرفه ماريد اسمع أخاف من. العراك أبقى ارجف
قشعم
دخلت للغرفه لكيت صفا ترجف
هااا حبيبتي شبيج شبيج صافيتي
صفا
لأ تتعاركون قشعم عفيه لاتتعاركون
قشعم
خلص حبي خلص
استبررق
بالعطله وعمو موفق عنده صديق سواله صفحه فيس بوك ب2013 بالابتوب
صار يتواصل ويكتب أسما لعل يوصل لأصدقاء قدماء ويتواصل سكايب
ويأخذ وقت بيه
أما إني بقيت على تواصل وي صفا
وعرفت اكو مشاكل قشعم وأهله بديت اطبخ وادزاها وقشعم كوه ياخذ الأكل من يجي لعمو عمو وعلي وهبه بالغرفه الريفيه
بقيت اسأل عن فضل بلكي عمو عمار لاكيه ماكو الولد دوروا عليه مالكوه شهرين يدورون وماكو فضل
تسرب الخوف على گلبي اتذكره وانقهر وادعي على خلود ع سوايتها
موفق
مو متعاجز من وجوده تدرين ماعندي ثقاله نفس بس هذا ولد يطب ويطلع ويسوي شي صار عليه شي عمامج يسوونه عليه معيش عشيره وهو أول كم اسبوع راح باگ وادين ويشرب جكاير
وإني مو مثل قبل امج وخالتج الله يرحمهم راحن هنه ماتن واخذن عيوني وعافيتي جذاب اليكول الحي ابقى من الميت لهسه عايشات بروحي واتعب من اختلي بأفكاري
استبرق عمو لاتفكر هواية الله موجود وعندك إني وصفا وعلي وهبه نحتاجك
وفضل هذا نصيبه بسبب أمه وأبوي الله يرحمه
انحاشى صرت اتذكر فضل بس اسأل عمامي عليه بلكي لاكينه
بدأ الدوام وصفا عليها خامس
وزاد اهتمامنه بيها سمنت زياده وحتى اشترت ملابس جديده اخر مرحله أول فتره بعدها ماكدرت اجلت هاي السنه
وإني وعمو موفق نطلع تفتر شنو نلكا نشتري جهاز للطفل فرحانين
أكثر طلعاتنه ويانه علي وهبه على مكانات قريبه على بيتنه
بديت اداوم صرت من اشوف ريام اغير مكاني
متزوجه وتتباهى حاولت أول مرة تسلم صديتها وخلص
اريد بس اخلص هاي السنه شلون ما جان
اشوف نوبات منذر بس قليل يتواجد وإني هم حسيت براحه هيج من الحاحه العام الماضي
اكو مجموعة بنات يلتقون سوا بالسنتر ويتمشون. أعرف أسماءهم بس ما مختلطه بيهم اجت اليوم بنيه ترخصت تكعد يمي
إني جاي اكتب وعندي دروس
شكران
شلونج استبرق
استبرق
الحمد لله
شكران
إني صحيح ما مختلطه بيج بس إني شفت العام الصار بينج وبين ريام
استبرق
أي كان الصار ماريد احجي بيه ومهما كان هي صديقه جانت
شكران مثل ما توقعت ما تنطين بصديقه أنتي
بس تدرين شنو تكول
العنوسه عدوه والمعبس يجيب الحظ الميبس
استبرق
وتدرين إني شكول
شكران
أي
استبرق
اكول اليحجي على غيرك كدامك يحجي عليك كدام غيرك
شكران
إني ما اجيت اكلج كلامها لأن اريد انقل وانافق لالا سنه ومخلصه وكلمن يذكر صاحبه بخير
بس لأن من بداية الدوام هي تلسن عليج وكلت لمجموعتي اتحداجن استبرق تحجي عليها وضني وتوقعي هو الصحيح
استبرق
ميهمني شنو تكول أنتي كلتيها سنه ومخلصه ما تسوا القال والقلت
شكران
سؤال أخير واروح
استبرق
كولي
شكران
أنتي صحيح عندج قرايبج بالخارج واجه راد يخطب ريام منج وأنتي خربتيها ما قبلتي ونميتي بيها كدامه وما خطبها
استبرق
كلت لشكران ماكو هيج شي وگمت
اريد اروح عندج شئ بعد
شكران
لأ عيوني الله وياج
استبرق
افتريت ادور على ريام هي تروح لقسم خطيبها بغير بنايه مشيت لهناك شفتها
وصلت يمها من بعيد حسيتها تحجي وكأن تكول اهوو اجت او هيج شي يمها خطيبها
ريام ممكن دقيقه من وقتج
ريام
خير استبرق شكووو صداقه وفركش شرايده
استبرق
اريد اباوع على طولج الفارع امشي احجي وياج لو تردين اسولف يم خطيبج
ريام
إني ما اخفي عن حبيبي أي شيء كولي
استبرق
بعد احسن
حبابه شوكت كرايبي رايد يخطبج وإني نميت وخربته عليج
ريام
ماكلت هيج
استبرق
لأ كايله لأن أنتي الوحيدة إلي عرفتج على ابن عمي
ريام
بقيتي تألفين بكيفج ابن عمج شنو وإني اضوج لأن نميتي
استبرق
شوفي ولج انخطبتي بالخير بس لأ تلوصين وتجيبين سيرتي خير شر ما اسمحلج وإذا سمعت اسحلج وهذا الأحمر والاخضر اخبطهن الوان الطيف إلي بوجهج أخلي هذا الفرحان خطيبج ما يعرفج
مدينه الطب ماتستلمج اخليها فهمتي
گلت لساني بعد ما يطول تجي سحليه مثلج اطلعني من طوري
بقت تحجي ولازمها خطيبها
منذر
هاا استبرق خيرج
استبرق
ماكو شي منذر مرخصتك لأ تكعد يمي رجاء متوتره عيفني وحدي
رجعت ومزاجي مزفت
صليت وتغدينه إني وعمو
موفق
اليوم الاكل ماعاجبج
استبرق
لأ عمو عاجبني الحمد لله إني يمكن اكلت فايت وكت وهلشبعانه
اخذت الابتوب عمو سوالي صفحه فيس بوك
مسميني
سيده الحرير
عمو ليش هالاسم
موفق
لأن استبرق هو معناها الحرير الفاخر في الجنه وأنتي سيده الحرير
استبرق
اتصفح وابحث عشوائي وبس عمو موفق صديق وأحد عندي مخلي صورته بقاط وربباط بأيام سفرياته للخارج أتأمل شكله علي يشبه وملامح عمو إلي تغيرت هاي الكم سنه احسه تعب من حزنه
بقيت بيوم مشاداتي وي ريام بليل مزاجي معكر
بحثت عن سيف هيج فضول او احتياج قبل من تضيق الدنيا بيه هو جان يحل مواضيع تشغلني
بحثت وطلعواهواي أسماء بس مابيهن صوره سيف ولا نشره ومكانه
تركت الابتوب ونمت
ورا كم يوم عمو موفق سألني عن سيف
استغربت
موفق
سيف ما لكيتي اله حساب ؟؟
استبرق
لأ عمو
موفق
مو لكيتج باحثه عن اسمه وببالي من زمان اسالج بس متردد لأن هالسؤال أنتي صاحبه قرار إذا تحبين تكولين اولا
استبرق
شنو هالسؤال عمو
موفق
سيف عنده مشاعر اتجاهج
استبرق
ابتسمت بمرارة عمو حتى لو جانت فانلغت وراحت سولفتله بعد ما سأل احجيلي بقى ساكت
موفق
إني جنت اتوقع أنتي متردينه لأن ابن حامد ولهذا ما سالتج بس اذا هيج جان ويحبج ليش فوتي فرصه من ايدج ان شخص يحبج
استبرق ماكدرت عمو ابتعد عنكم
موفق
المفروض اني عمج مووو
استبررق
طبعاً عمي وأكثر شخص فريب لگلبي والا شلون احجيلك هاي التفاصيل
موفق
هيج قريب وما حتى اخذتي رأيي او استشاره ع الأقل
ليش خليتي يروح ويتزوج
بزمنه اليحبج بصدق وينتضر قليلين يصادفونه وإذا مو تحبي فانتي تكولين إني افضفضله بدون تردد ولا ازورق الكلام او تصرفاتي كدامه ومن احجي رأسا يفهمني وما الكا صعوبة بأن يفهمني او افهمه هوه هذا الحب استبرق
حب نولد بتناغم العقول وتشابه الأفكار انجح العلاقات تستمر بسبب هاي الخصلتين
والدليل من حسيتي ضايجه من ريام
بحثتي بالابتوب عن سيف
مفكرتي باي شخص وأنتي شابه اكيد صادفج هواية بس مجو على بالج
رغم هذا اكلج
فكري بحياتج احنه مو عائق العائله سند
استبرق
بين لوم وبين ندم مشت ايام التفكير وراحت الفرص ولازم انسى بعد ما وعدت عمو موفق إذا استجد بحياتي أي شيء اگله
موفق
خليني صديق الصدوق الج وجربي انصحج او اشور عليج
استبرق
يوم رأس السنة
2014
الناس تحتفل احنه نستذكر سنويه خاله انعام
ويبقى عمو موفق بسرير خاله بيومها
الصبح ثواب ويوزع وبليل ينام على سريرها ولازم أخذ الجهال يمي
تعودنه بهيج مناسبات دوره سنه أمي او خاله انعام نصير هدوء وبجي ونروح للمقبرة
بشهر الثالث صارت صفا التاسع من بدايته قشعم حتى صار ما يروح مكان بعيد
كال آخر شئ اخليها يمكم وبتواصل وي طبيبتها
رغم طبيبتها كالت وضعها زين ومستقر إلا أني شلت هم ماعرف شسوي صادفت
نايمع إني وصفا واشوفها تروح وترجع للحمام
شبيج صفا
صفا
ماعرف عندي الم ببطني يشبه مال ذاك اليوم بس هسه احس أريد استخدام التواليت وما عندي شي من ادخل
استبرق
بقت هيج صليت الفجر وهي تروح وترجع اكللها خل اخابر قشعم متقبل
سويتلها أكل اكلت شويه رحت للمطبخ ورجعت لكيتها تبجي
ياا هااا حبيبتي
صفا
تاذيت استبرق
استبرق
ركضت خابرت قشعم كمز خطيه بس اسمع جاي جاي
كعد عمو موفق للصلاه وشاف ضوا الغرفه هم خاف
موفق
هااا بنياتي
استبرق إني مجهزه جنطه الطفل لبست صفا واجه قشعم وياه حياه
عمو انت ابقى يم الجهال إني وخاله ام حيدر ناخذها
وويانه قشعم
موفق
تعال قشعم هاك
قشعم
لأ سيد عندي خير من الله عندي
موفق
كلشي يصير خليهن جوه ايدك لأ تشلع گلبي
وخلوني على اتصال راح ابقى قلق
صفاوي بنياتي لأ ال رغهسه تجين وبحضنج النونو
استبرق
طلعنه ولافه صفا من البرد وقشعم يمشي سريع وكعد صفا يمه ويندار عليها بس أشوف البخار من حلكه مال البرد
قشعم
گليب قشعم عيونه روحه هسه تحملي خابرت الطبيبه كالت اجيكم وخابرت المستشفى النه
ليش تبجين يابويه
صفا
ماكدرت احجي موجوعه بس ابجي قشعم لازم أيدي ويمشي سريع وخايف يرجف
استبرق
وصلنه بس كلنا لبنيه ممرضه مريضه طبيبه اريج دخلتنه كالت روحو لدكتوره آلاء تفحصها على ما تجي طبيبتها
دخلنه شافتها وكالت اطلعوا بقيت اتوسل ابقى يمها
الطبيبه
ميصير اطلعي انتظري وهسه تجي دكتوره اريج وأصلا هي عدها ولاده شصيرين منها
استبرق
اختها
الطبيبه
دطلعي ولاتخافين يلا
استبرق
بقينا برا وكلساع قشعم يخابر على الطبيبه وآخر شي صارت ترفض المكالمه
دخلت شافها من بعيد
قشعم
دكتوره أعتذر هواية خابرت بس إني ماريد احد غيرج يباشر حالتها
الطبيبه
مو كتلك ابني اطمأن ماكو شي هياتني اجيت ويصير خير إني اطلع واكللكم
استبرق
دخلت الطبيبه واحنه متوترين كلش
دموعي بدت تنزل من الممرضه كالت اخذو مريضتكم لصاله الولاده
صفا خيه صيري قويه بت أمي
بقيت أكل بنفسي من خوفي شفت قشعم طلع برا
قشعم
ماتحملت بدايه دوام وناس داخله وطالعه وإني خانگتني العبره
طلعت برا بچيت واباوع بيدي لجانت لازمتها
ارجعيلي يضوه عيوني ربي لاتحرمني من صفا رجعها اليه
استبرق
طلعت بنيه منو وي صفا حاجم
ركضت كالت وين جنطه الطفل
ها فدوه صفا زينه
ممرضه
والله زينه جابت ولد جنه گمر وسمين
استبرق
عفيه خلي ادخل وياج اشوفها
الممرضه
والله الطبيبه تبقى تحجي عليه تقبلين هسه تطلع الطبيبه وتخليج تشوفينها
استبرق
بس انطيت الجنطه اجه قشعم يسأل بلهفه
وبقى يردد هي هي شلونها
تركتنه الممرضه بعد ما قشعم انطاها فلوس
طلعوا بغرفه ودخلنه إني وقشعم وحياه شفناها مبينه موجوعه بس متضهر
لازممها قشعم كالتله روح سوي للطفل بيان وروح للماايه مال المستشفى
استبرق
دكتوره ليش متألمه من طلع قشعم
الطبيبه
لأن الطفل خشن فگصينه المنطقه هاي الخياطات هيج توجعها كم يوم وتصير زينه
استبرق
بقيت اصفن لأن ماعرف شنو او شلون بس حياه فهمتني عرفت صفا كلش موجوعه الطبيبه انطتها مسكن الألم
عمو موفق بقى يبجي بالتلفون
ومصلي صلاه الشكر وقبلها من صفا بالصالة مال الولاده باقي يقرا قرآن ودعاء التوسل
بقينه شويه وجابو الطفل صلوات خشن وحلو وصفا همها تعرف مثلها لولا
املح اجلح چنه قشعم لاتخافين
صفا
فدووه الحمد لله
حياه
ياا قشعم طلع احمر يجنن بس الوكت خربه
استبرق كلها نذبها براس الوكت هو اميلح من يومه
قشعم
ردت كل جهالي يشبهونج
صفا
شو جهالي هو بس هذا وبعد كافي
قشعم
أي هو كافي بعد شنو تردين نسمي
صفا
كولو لعمو يفتح القران ويختار اسم
قشعم
بله طلع ايوب لو لوط شلون اسمي برايج
استبرق
بقينه نضحك
صفا
أنت اختاريتله اسم قبل فتره سمي
قشعم
يعني هي خير الاسماء ما حمد وعبد
ويمكن احمد او محمد أجمل الاسماء
استبرق
قشعم خابر على عمو موفق سأله شنو نسمي حفيدك عمو فرح حيل
گاله خلي افكر
موفق
اكو أسماء جانو ببالي بكيفكم بعد
زيد - تميم -غفار- كرم
قشعم
بكيف صفا
صفا
عجبني اسم تميم
قشعم
وأنتي تؤمرين خلص
حياه
ثكيل اسم تميم
استبررق رجعنه للبيت خلاها يمنه قشعم وراح تسوك دخلنه لكينه عمو موفق فارشلها بغرفه الجهال
ومرتب الكريكوت تلكاها فرحان
موفق كبرتينه صرت جد
نومتها بمكانها والطفل بمكانه
عمو موفق كال روحي إني يمهه
صفا
كعدت هبه شعرها تقريباً كيرلي ومنفوش شنوو هذا شافت الطفل وتخبلت خلوه بحضني
كلساع وكالت اخذه وياي من اسجل بالمدرسه وعمو موفق يكللها أي خلي بالجنطه واخذي وانوب كعد علي يريد ياخذه
ولكم خواليش انتم
استبرق
بقيت اسبوع ما مداومه علمود صفا حياه تروح وترجع علينه سبحت الطفل هي منعرف احنه
عمو موفق يتناوب وياي على الطفل ويسوي أكل لصفا
وقشعم ميقبل يبات يمنه ابد شكد نلح يبقى لوقت متأخر ويروح
اسبوع ممداومه من داومت وهاي آخر سنه بدت حفلات التخرج والتحضير الها
لاحضت ماموجود منذر من باب الفضول سألت عنه كالو صار فتره ممداوم ما جاي للاقسام الداخليه استغربت اكو وياه طلاب من الموصل سالتهم كالو الأوضاع مو زينه يمنه بس ميعرفون وضعه
بقت صفا يمنه شهر يمنه ما تكدر تتحرك خطيه وراجعنه بيها لمن طابت
تميم ايه من الجمال ماينعرف يشبه منو كلساع نشبهه بشخص ورا يوم يتغير
موفق
يابه يشبه نفسه نسخه لاتتكرر يمكن بعد كم سنه يصير رئيس الوزراء للعراق
استبرق
شيوصله عمو
موفق بزمنه كلشي جائز والوزارات صارت اسهل ما يكون
استبرق
يوميه نلكا علي يريد يشيل تميم
ونرجعه وهبه حاده سنونها عطله ومن تخلص يبدي اداوم وأخذ تميم للمدرسه كال بابا اخلي بالجنطه مقتنعه ومنتظرة
خلصت امتحانات والحمد لله اودع الحياه الجامعيه شكران لحت تأخذ الفيس بوك ضفتها بالفيسبوك
بس ما اثق مطلقا بعد بالصداقات
ماكو بالصداقة وحده تكول أسرارها لصديقتها مهما كانت قريبه وزينه وعندها مواقف الأسرار اسرار
ونجحت والحمد لله وبتخرجي عمو وقشعم وصفا وعلي وهبه عائلتي إلي يفرحون لفرحي إلي عاشو كل حياتي
اتصل عمو عمار وباركلي ورا يومين اتصلت فطومه
فطومه
عندي خبر
استبرق
بس عليج الله إذا مو زين ضمي عليه اريد استمتع بعطله هادئة
فطومه
لأ والله احم احم تذكرين عبد الله
استبرق احم احم أتذكره
فطومه
ولج اجو اهله خطبوني
استبرق
أي هاي الأخبار إلي تفرح
فطومه
لاتفرحين زياده
أمي فتحت ملف تحقيق
منين تعرفينهم وشلون خطبج والاتعس من كل هذا أمي ولج تكلي صايره فقمه شلون شايفج امه تكلي شافج بهلوزن المخزي
وج استبرق هي أمي مو المفروض هي تحمدني اشو كله تعيب عليه
استبرق
ترا مو غريبه تصرف امج طبيعي لأن هاي شخصيتها وتبقى امج امج فطومه إلي سهرت وتعبت ودرست والحمد لله كملتي كليه فخليها تكول هيج إذا هو يشوفج فقمه خليه يروح بس مازال خطبج شافج حلوه مثل ما إني اشوفج دبدوبه وحلوه واحسج إذا تضعفين تصيرين مو حلوه
بس صحياً خففي وزنج إذا تكدرين
فطومه
هاج شئون أنتي كلتي حلوه بس صحياً نزلي وزن مو لو هايشه تكلي لو فقمه
وأعرف هي أمي واحبها بس كدام الكل تسمعني كلام مثل السم تخلي اخواني يضحكون عليه يم بيت خوالي تحجي هسه خوالي يسموني بطه اهون ولو كلهن فصائل حيوانات تشبيهاتي
بس استبرق شلون اخفف وزن وإني
من اضوج أبقى اكل بشراهه بحيث اريد اشبع ماكدر
استبرق
هسه لأ تخربين فرحتنه أي كملي خطبوج لو بعد
فطومه
أبوي كاللهم انطونه وقت نفكر ونرد سالني سويت نفسي متفاجاه واو ومثلت مستحيه بس إني اريد اكله موافقه بس ثكلت كتله التشوفه صحيح أنت سوي بابا
وبابا سمعته يسولف وي بشار بشار يحمد بيهم وأمي كالتله انطيها ما اريدها للكرايب
وإني هم ماريد الكرايب
استبررق
بالتمام يآرب الحمد لله على الاقل أنتي أصلا معجبه بيه طلع ادمي وخطب رأسا هذا الصحيح
بس أنتي كاتله نفسج عليه لأن متدين خاف يطلع متعصب متأسلم ولج مو متدين
فطومه
ماعتقد
استبررق
طبعاً ماتعتقدين غير عاجبج يطلع شويه عن نبي اخلاقه بعيونج مهنايه فطيم
فطومه
عود كولي ما اجي يوم الالج. واعلج علج
استبرق
هسه انخطبي ويصير خير تعلج علج اخليها بنفسج العلچ ههه
فطومه
اكلج تذكرت
تذكرين ذا النون
استبرق
ودي حاگه تتنسي بسببه تشرح وجهي
لأ خطيه جان نيته صافيه بس ضروفنه جانت عاكسه شبيه
فطومه
تزوج وطلگ
استبررق
لأ خطيه
فطومه
ولج بس لأ بسبب حبج يليلى
استبرق
دطيري بسببي هو لو يحب ما تزوج أصلا شجابره شوفي شنو صار وهسه ماشاء الله الزواج والطلاك ماكو اسهل منه
فطومه
ماعرف والله بس مره وحده شفته بالسوك اشتريت ملابس وبيها السوك طين وأمي تسحل بين چني صخله شاميه
وادردم عليه اخذ قياسات خاصه لشابه وتتشكى لابو المحل وشفته واكف يبو على الفشله استبرق ودي الكاع تنشك وتبلعني
زوجته وياه چنها ملكانه إلي بالمحل مرسومه رسم حلوه كلش
طلعت من المحل بقت أمي تتلفت وادور لأن هو عرفني وبقى يباوع بوجهي واني سويت درب الفلتان
استبرق
لج من تنخطبين تعالي يمي واخذج إني هنا لكم محل اشتريلج جهازج افضل
وانصحج ترحين طبيبه تشوف وضعج ليش هيج شراها مال اكل يجوز عندج هرمون ضارب
فطومة
لا هرمون اسمه سرى
استبرق
اصبرها ودوم اذكرها أن الام محد يعوضها لومهما تحجي وتاذي رغم سرى حيل ماذيه فطومه بس أتذكر أمي اشبع بچي اتمنى ترجعين يمه واصير تحت رجليج
صفا إلي تزوجت ماعرف شلون اساعدها او اعلمها باقين هيج عليك يالله حياه بمنيه تسوي الشئ وتكلي صفا إذا تأخر بالمصرف او ماعنده تكلب علينه وإذا انطاها تضحك بوجهنه
بس طفل ومصاريف زادت وحياه واكفتلهم وزادت مشاكلها لأن اخوه حيدر يرسب بالمدرسه وهو يريده يصير براسه خير
عمو موفق حجه وياه
موفق
هسه هو بالثاني متوسط ورسب سنتين ثالث شلون هو المشكلة اخوك مو غبي هو يتغابى
هاي العطله شغله ولا تنطي فلوس شغله انطي على كد الكد
وخلي يشوف التعب والامره عند العالم ويصخرونه وروح وتعال ينذل على الدينار يلا يحصله يلا يتعدل
ويحترم الفلس لو وعلى ةات إلا إذا هي اةاة غ ةمن البشر ميحترمون الف لأن ميتعبون بيه واكو حت لو يتعب بالفلس مبهذل يفرتشهن ويكعد
قشعم
والله صحيح اشغله
دورتله شغل يناسب عمره يم حلاق هم يتعلم صنعه وهم الولد صديقي وصيته عليه وكتله لاتنطي فلوس واضغط عليه
اخذته يشتغل وأمي تخبلت
حياه
شنو تخلي يكنس شعر لأ والله شنو متنه من الجوع لو لأن يتيم
قشعم
شنو يتيم يعني إني أبوي وين إني تيتمت أكثر منه إني شمرتيني وررحتي الله ينطي بيبي سنيه لفتني وربتني وهسه هم ما تردين ابنج هذا يتريى إني عشت وما انحرفت بسبب دعاء يمكن بيبي سنيه وإلا شفت أنواع واشكال وصارت ألف مصيبه بيه ومن طفولتي
وهسه ماتردين اربي أخوي
يكنس شعر وبعدين يلزمونه كرسي يشتري كرسي بمحل ويصير اسطه خير من الله ما فلح بدراسه شييوي يلما ماميته من الجوع طبعا اذا رواتبج تضمينهن وجيب قشعم أشتري قشعم
حياه
تعيرنه بمصرفك المگطم صرت ما تذكرنه كله للبرشه ماتكول اخواتي بس لمرتك
قشعم
بس المرتي سنين اصرف عليكم وهسه حرام اشوف حياتي خلصت عمري أصرف عليكم صار عندي طفل يمه ما اكون نفسي لو هم اخلي مهتلف مثلي
صفا يوميه مشكله تعبت من يطلع قشعم تگب وياي جنت من تنطيني استبرق ممشيتلي هي وعمو موفق شهرياً راتب إليه ولتميم انطيها تطبخ انطيها من اريدها تسبح الطفل انطيها بدون ما اكول لقشعم أكول خطيه امه وآلام مهما ينعطىالهاله ما تتوفى
وانطي للبنات كلشي ملابسي الضاقن انطيتهن حتى جنط احذيه شنو عندي انطينهن تبارك متقبل وتخجل وتحبنه بس الجبيره تشبه امها يالضبط حنين
تبارك ثاني متوسط اصغر من حيدر بس لحكته
زادت حياه مشاكله وي قشعم
بقى يكللها اطلع واترك البيت وإني ما أقبل اجه اليوم قشعم
قشعم
اليوم اتصل عليه المسؤؤل الجان شركه الحمايات الخاصه
صفا
أي
قشعم
اكو تعيين على الدفاع وكال جيب اوراقك وتعال
صفا
عسكريه ماريد أخاف عليك
قشعم
لأ مدني على المنشئات دائره بس رواتبهم من الدفاع
صفا
ليش ما تبقى وي عمو
قشعم
إلى متى صفا صار عدنه طفل لازم راتب ثابت كلشي يصير والوضع حاليا موزين
صفا
لأن الوضع مو زين اكلك ماريد
قشعم
ماكو شي وداعتج لأن وينطونه مكان سكن وراتب زين كاره حياتي بسبب أمي اعرفها استغلاليه وطماعه
صفا
امك مهما كان وقريب على اهلي
قشعم مو بعيد والله ثلث ساعة يم أهلج وشوكت ما تردين
ةاغةةااةغاةاةاا
استبرق
تعين قشعم وكال عنده صديق ثقه يخلي إني رفضت بعد منحتاج سواق إني ما تعينت وأعرف أسوق طلعت اجازه سوق
وبعد كم يوم شالت صفا واحس روحي وياها راحت تعودنه كل يوم نشوف تيم ونشوفها
وضع العراق صار يخوف بسقوط الموصل
وبدا يدخل مدن
اعتمدنه على نفسنه إني وعمو موفق بكل احتياجاتنه ما قبل بصديق قشعم
وبقى هو يروح ويجي يباشر عمله
راح يبدي الدوام والسنه هبه أول ابتدائي جهزناها اني وعمو موفق
لتصلت فطومه كالت تجين على العرس قبل الدوام ببدابه التاسع
عمو موفق
كال نروح إني وياج والجهال
صفا مكدرت تروح تخاف على تميم
طلعنه إني وعمو وإني الاسوق
غيرت ستايل لبسي واشتريت ملابس تلوگلي أكثر
وصلنه لبيت عمو موفق
رحبوا بعمو حيل عمو عمار وعمو واثق
اخذت لفطومه هواية اشياء للعروس وعمو كال انطي فلوس
بيوم عرسها اخذتها إني للصالون بسيارتنه
ورحت ويانه اخت سرى
وصلنه هناك كملت تسريحتها ولبسها وطلعنه امشي وصار بوجهي ذا النون بفرع بقى يباوع بس ماعرفني لابسه نظارات شمسيه وفطومه لافينها
ماعرف حسيت ماكو أي مشاعر اتجاها غير ذكرى مراهقه هاي الشوارع وهاي الناس جنت عايشه بوسطاهم ليش هسه أحس اختنك من كل الولايه
رجعنا للبيت وزفوا فطومه وزوجها واضح اهله متدينين بعد صحيح أولا مندري
الزواج ماينعرف إلا بالعشره
كلنه نطلع لبغداد بليل ببيت عمو عمار واندك الباب اجه وجهه مكلوب بشار
بشار
بابا هذا فضل اجه
عمار
وينه
استبرق
ركضوا لكوه فضل دخلوه
