 |
رواية بيت الخبازه الجزء الثاني الفصل الواحد والعشرون بقلم زهرة الرمان
واثق
غير تفهمنه شنو جيتك وعلى شنو راجع
سيف
سمعت أبوي هيج ولأن بعد يجوز ما اكدر انزل إلا سنتين
رشيد
ليش بعد عمك أنت مثل الطبيب وهسه ابوك بعازتك من تمرض أنت تعرف لحالته
سيف
إذا بقيت ب.... لمده ثلاث سنوات متتاليه وعندي كفاءه وعمل ثابت لازم ابقى وراها لو
اتزوج من مواطنه من نفس الدوله تحمل الجنسيه يلا اكدر اجيكم
حالياً عملي انتظم كدرت استقر ماكدر افرط بالي بنيته
وارجع والفوضى الأوضاع إلي جاي تصير بالعراق تأثر على الشروط مال الجنسيه والاقامه
اسهلهن حالياً ازوج أما أبوي لو بقائي يفيده جان بقيت بس فقط حالياً العلاج الطبيعي هو إلي يفيده يمه ميثم وانتم وعمتي عزيزه انتم هم ماتقبلون يضيع إلي سويته
رشيد
لأ عمي على شنو برگبتنه تصير
بس گلنه
يعني أنت هسه تريد تتزوج لو تزوجت لو شنو فهمني
سيف
اجيت اشوفكم واكللكم من ارجع اتزوج
أو أنتظر بعد سنتين وعندي سالفه أذا صارت خير على خير وإذا ما صارت اروح وتزوج
واثق
والي راح تتزوجها هاي شنو وضعها
رشيد
أي واثق أخذ معلومات وخلينه نروح نسأل عليها من يا عمام عدها قارش وارش
واثق
هاي شبيك أنت اقصد متزوجه مطلكه جبيره صغيره
رشيد
اكيد شافت كذله سيف ووكعت بحبه
سيف
بضحكه عمامي تحبون الاكشن ههه لا عندي اكثر من وحده مخلي عليهن دائره الاختيار ادعولي اخلص موضوعي
استبرق
من بدت الامتحانات عمو موفق كال لاتنشغلين بشي ارجع من الدوام الكاه طابخ مركه وتمن بكيفه
وطيب اكله
اشترى غساله اوتوماتيك كال حتى ما نضطر فر الغساله ولا حول مجفف
كلشي بالييت هو يسوي
دخلت اليوم لكيتهم هو وقشعم بالحديقه يسوون غرفه تصميم خشب وكعده ريفيه
وياهم هبه وعلي
أول ما فتت اريد احضر الغدا دك التلفون
رقم غريب تركته ما رديت
دخلت هبه انطيتها التلفون
هبه جاوبي كولي منو وفتحت سبيكر
الوو منو
منذر وين استبرق
هبه
وأنت ننو
استبرق سمعته كال منذر اخذته من هبه
هبه
اوتفي تبرق عمو هذا دشعم
استبرق
لأ حبيبتي مو قشعم انطيني
أهلا منذر
منذر
أعتذر اخذت رقمج بدون استأذن منج بس إني حالياً يم أهلي وكتلهم عليج وأمي اسم الله عليج تحمست وإلا الرقم من زمان عندي وما اتصلت
بس أمي اثرت عليه من سولفتلها عليج
استبرق
الله يحفظها الك
منذر
ممكن تتكلم معاكي
استبررق
أي
ام منذر
شلونكي بنتي اخبارك
استبررق
الله يحفظج خاله
ام منذر
ما ترك سيرتك من وصل إلى الآن منذر ويحمد ويشكر باخلاقك وباهلك واصلك
منذر طيوب وقلبو صافي
ودايما ادعيلو أن يعثر قلبو على بنت حلال مثله
من يحكي عنك دقات قلبو توصل لعندي من الفرح يضحك كل وجهوا
منذر وحيدي مالي غيرو
يطيب خاطرك فرحيلي وليدي
استبرق
بقيت ماعرف شرد استمع واجاوب الله يحفظه الله يحميه وبس
استاذنت وحجه منذر
منذر
جدآ اسف لأن فاجئتج بس إني وحداني وسالفتي واسراري كلهن وي أمي ماعندي لا اخ ولا اخت
استبرق
ووالدك عايش
منذر
لأ والدي توفى من 2003باول دخول الامريكان
استبررق
منذر إني ضرفي مختلف شويه أنت وحيد لامك وإني اكبر اخواني ووالدتي ووالدي متوفين يعني إني عندي مسؤوليه اخواني انت والنعم منك
منذر
نحلها في وقتها لكن اريد فرصة تتعرفي عليه واتعرف عليكي
استبررق
صعب هيج وضع صدكني موضوع التعارف إني بعيده عنه
نهينه المكالمه
سولفت لصفا بقت ساكته شويه
صفا
زين وسيف
استبرق
شبيه سيف
صفا
يعني ذيج الفترة جان هواية يلح ترحيله
واعترف كال يحبج
أنتي مو عندج مشاعر اتجاهاه
استبرق
بوقت خاله الله يرحمها مريضه وهبه وعلي وعمو يعني كلشي صعب
أما مشاعري اكذب عليج ما أفكر نوبات بيه بس استبعد الفكره إذا بالعراق فأكيد اهله يدخلون يحياتنه ولو حتى مجامله وإني كارتهم مرضوا أمي واذونه
وإذا بالخارج مستحيل افارككم
صفا
يعني باجر وسمعتي سيف تزوج ماضوجين
استبرق
إذا اضوج على وضعي بس ك زواج لأ لأن هاي انانيه شنو ميشوف حياته
حسيت صفا تعرف شي وساكته
صفا
هسه أنتي كلشي سمعتي وما عرفتي هو لاكي لو عود يروح ويشوف مناك
فطومه
أنتي مو تعرفين سيف كتوم ينطي كلمه ويسكت كال إذا كمل موضوعي انتظر بعد كم سنه وإذا ماكمل ارجع اتزوج يعني موضيعيش اكيد موضوع استبرق
بس أول ما اجه ضحى تكمز راح يتزوج ويجوز متزوج
مكدرت احجي لاستبرق
صفا
ابشرج استبرق ماتسافر ولا تقبل هنا تزوجه وماعرف وين توصل
فطومه
وأنتي وسالففتج مع سايق وعاشق
صفا
لاتصنفين فطيم اسمه قشعم
واحب اسم جشعم أكثر
فطومه
كملي عيوني
لعفو مانسب العنب الاسود
صفا
أي
مو كتلج ذاك اليوم حجه وياي وقبلها مرتين لمح بس هالمره لأ كلامه جان واضح
قشعم
صفا إني أكبر منج صحيح بس تأمين بمنو من كالت بيبي زايره سنيه الله يرحمها
هايه فالك وباب ارزاقك ومن يومها احس الدنيا تحسنت وياي احسب يوم يوم تكبرين لأ عبالج اهتمامي لأن بيبي الله يرحمها كالت بس والله والله من بيبي حبتج حبيتج مثلها
هيج هسه بد ودي بين ضلوعي اضمج
صفا
أحس اشتعل وجهي من الخجل أول مرة يحجي هيج قشعم بقيت ساكته
قشعم
صفا اريد احجي وي عمامج وي سيد موفق
كافي ماعندي شئ الا تكملين دراسة يمي كملي
صفا
لالالا
قشعم
هااا ها ليش
صفا
مو استبرق هي الجبيره ميصير
قشعم
وهو الزواج سرا مال صمون
هي قسمه منو تجيها قسمتها تتزوج وإني ابقى انتظر استبرق
صفا
مكدرت اجاوبه
فطومه
أنتي مو تكولين اسولف لاستبرق كلشي
صفا
إلاهالشي الصار كلت تحس إني كاتله نفسي على الزواج وكأن اكللها انطيني سراج
فطومه
هاي أنتي وين عايشه انتن خوات وحده تفهم الثانية والله تزعل إذا عرفت قشعم معترف وولهان وعشقان وما تكليلها
صفا
لالا ماكول هسه يجوز تزوج تنخطب
على شنو مستعجلين اشو هو جاي يشوفني يوميه
استبرق
آخر يوم بالامتحانات بعدني يم ريام
سمعت
سيف
شلونج استبرق
استبررق
سيف هلا حمد الله على السلامه شلونك سيف بقت تندس بيه ريام منوو هذا منيلج هذا
سيف
الحمد لله أنتي شخبارج كلت الحك اشوفج بالكليه وأخيرا طالبه جامعيه
استبرق
أي بس شوف أكثر الطلاب اصغر مني بسنين من شاب ودوه للكتاب ريام بقت واكفه سلم عليها سيف تجاوبه وادغ بيه
اعرفك سيف هاي صديقتي ريام الوحيدة بالدفعه بعمري
هم جانت نايمه نومه أهل الكهف ثلاث سنوات بالسادس وسنتين بالثالث
وهذا سيف ابن عمي
ريام
كل تاريخ إلي جنت ضامته كشفتي بالتعريف كدام ابن عمج تشرفت سيف
سيف
هههه ولا يهمج هي جاي تبشرني لكت صديقه الها عادي المهم أنتي هسه طالبه جامعيه وما فرطتي بشهادتج
التعليم ماله عمر اكو كبار ورجعوا يدرسون فرصة سعيده ست ريام
ريام
إني الاسعد نورت بغداد بوجودك
تطلبنه عزيمه على السنه الجايه يلا عيوني اترخص
سيف
مرخوصه اذا اكو سنه جايه
هسه اريد نكعد شويه
استبرق
خابرت على الخط كتله لاتنتظرني
تمشينه شويه إني وياه شنو إذا اكو سنه جايه
نازل اجازه لو ع اخبار عمو حامد
سيف
كلهن ووياهن الاهم
استبرق
تعال هنا نكعد
شنو الأهم
سيف
استبرق تدرين كم سنه صار أنتظر
وباخر إتصال بيومها ردت اموت اندعمت جنت محتاجج الدنيا هناك تخنك بين شغل ودراسه منفذي الوحيد من اسمع منج أمل تالي تكليلي ضرفي ولا تنتظر يعني هي بكيفي ما انتظر انتظرت استبرق وبعدني منتظر وهسه نزلت آخر اجازه ممكن أكدر اجي بيها وهالمره هم اكلج
استبرق نعقد ونطلع نبقى كم سنه وتكملين دراسه ونستقر إني صار كم سنه لو تدرين شلون تعبت
استبرق
اعرف منتظر بس أنت صير بمكاني ومثل قبل گلي شنو ممكن اتصرف بحال اخواني محد الهم وصغار
أنت بغربه وحقك تشوف صعوبة بردي عليك بس هذا واقع انفرض عليه مو إني حره القرار
سيف
استبرق صفا ماشاء الله جبيره والسيد زين صحيا ويكدر بدل المربيه عشره يجيب لاخوانج
مراح يموتون من الجوع
استبرق
العلويه من ماتت وصت استبرق ديري بالج على موفق وصفا وهبه وعلي
امانه
سيف
عليج الله هذا منطق توقفين حيانج ومستقبلج علمود وصيه وديري بالج
وأنتي شنو متعيشين طبيعيه
استبرق
فكره السفر سيف ما اتخيلها ابتعد عن اخواني وقبر أمي واختي ابوي والعلوية
وصديقاتي وكرايبي فكره مرعبه أن أعيش بمكان ما اعرفه
سيف
هيج تشوفين ؟؟؟؟!!!
وإني ماعندي مكان يمج ؟؟؟؟
احجي خلي افهم
استبررق
أنت تدري كلش زين مكانتك تعرفها بس
سيف
ضرفي أي
زين بت عمي إني عندي حلين الحل الاول أنتي رفضتي تمشين وياي
ومستحيل التعبت بيه اهدمه فحلي الثاني اروح واتزوج من نفس الدوله حت أخذ الجنسيه وابقي أنتي ربي خلصت كل الحلول والاعذار
من سنين انتظر إني من عمرج١١سنه لهسه
استبرق
اريد اجاوب مكدرت سلم وراح
بقيت بكعدتي أكثر من ربع ساعه إني كاعده وبعدها طلعت رحت للبيت عمو موفق ماخذ هبه وعلي للكاظميه
اتصلت علبه
بدون أكل نمت وصفا جانت الضاهر فوك جايه قبلي تحجي بالتلفون
صفا
هو اليوم كال احجي وي استبرق وشوفي رد فعلها اجيت لكيتها ولج نايمه
فطومه
إني مثل رأي قشعم استبرق نفسيتها مو مثل تصورج گليلها وشوفي
صفا
بس هم ماعرف شلون افتح الموضوع شنو اكلها قشعم يريد يخطبني وأنتي اكبر مني
فطومه
شبيه صوتج نصا
صفا
ولج إني دخلت بالغرفه استبرق نايمه
فطومه
دروحي خليني اروح أمي اليوم عدها حرب هسه اني لو يجيني چلب أقبل بيه من ورا أمي
استبررق
تعااي صفا
صفا
كمزتيني عبالي نايمه
استبرق
لأ كاعده شنو الموضوع
صفا
ماكو شي
استبرق
إني سمعتج شنو ما كو شئ
قشغم يريد يخطبج ؟
صفا
أي
استبرق
وشنو المانع
أنتي مقتنعه بيه مو صحيح
صفا
أي
استبرق
خلص بس إني جنت أتمنى تكملين كليه يلا تزوجين
صقا
مو رأيي قشعم هيج يريد
استبرق
يجي عمو موفق ونكله وهم هويشوف شلون نكول لعمامي والبيه صالح يقدمه رب العالمين
صفا
الله كريم بس شبيج أنتي اليوم
استبرق
مابيه
صفا
تتغدين
استبرق
لأ اريد أنام
كعدت المغرب على صوت هبه وعلي
عمو موفق يسأل شبيها استبرق نايمه
وصفا
ما بيها بس تعبانه اليوم آخر امتحان
موفق
الحمد لله بدت العطله
استبرق
شلونك عمو زياره مقبولة
موفق
هله بنياتي اليوم نايمه والوجه معبس خير
استبررق
لأ عمو ماكو شي بس تعب شويه
موفق
تهون تهون
الحجيه تسلم عليكم ام رضا
دزت دبه طرشي احمر
وحلويات
استبرق
الله ينطيها الصحة والعافية
صلى عمو واجه بالصاله
عمو تتعشى هسه
موفق
لأ بنياتي ماريد هسه شنو البوم شو ما موجود قشعم صفاا صفا وصلج اليوم قشعم
صفا
أي عمو هو وصلني
موفق
اشو مالكيته من اجيت
استبررق
عمو اريدك بموضوع
موفق
خير عمو
استبرق
صفا فهمت وطارت
عمو قشعم يريد يخطب صفا ومترددين
موفق
ع شنو التردد هو قبل بداية هذا العام الدراسي كتله على العطله
استبرق
عمو من صفا التردد لأن هي تعتقد إني الجبيره لازم إني الاتزوج قبلها
موفق
كلشي نصيب وشوكت ما تجي قسمتج حياها الله وقشعم من زمان يريد صفا من حياه خديجه الله يرحمها
استبررق
أي عمو بلغه
موفق
اخابر عمج عمار وهو يشوف شلون تصير
استبرق
وراها عمو موفق اتصل على عمامي وبلغهم وحتى كاللهم هو خاطبها بحياه أمي
محد اعترض
فطومه
استبرق سؤال صدك سيف راد يتزوجج ويسافر
استبرق
شمدريج
فطومه
أبوي وعمو رشيد جانو يسولفون وكاله استبرق ما قابله
استبررق
مو ما قابله بس صعب ابتعد لآخر الدنيا واعيف إخواني واهلي وناسي
فطومه.
بس احجيلج الصدك قهرني سيف من سافر كاللهم بعد ما ارجع
استبررق
الله يوفقه ماكذب ما انفهرت بس شنو ممكن الحل
بعد كم يوم قشعم هو وحياه وعنده من عمامه واحد جبير راحو لبيت عمامي خطب صفا هناك وكال من ارجع هم اطلبها من سيد موفق وهنا بخطبتي من سيد موفق نسوي عقد
خطبوا صفا ورجعوا
قبل خطوبه صفا بكم يوم ريام كرايبها طبيبه تجميل
تريد صفا جانت من زمان تلح تغير لون حواجبها ورموشها
تاكدنا من طبيب جلديه ماكو ضرر وهو يسويهن
ووياها قشعم
قشعم
هسه مو كلت لونج كله طبيعي ليش تخربين شكلج
صفا
يعني أبقى هيج
قشعم
أي أخاف يصير عليج شئ خطير طن مكياج بس شي دائم لأ أخاف عليج
استبرق
واكيد كلام قشعم على صفا مثل السحر
اقتنعت بكلامه
وإلى
اليوم يمه صفا صارت شابه وخطوبتها يمه ما اعيف امانتج واوكف لاخواني ببداللج يمه صفا وجها يضحك فرحانه
ابعد اروح لأي مكان ابجي وارجع حتى لاتشوفني
وللصالون را هبه تكمز إلا تروح وياها
سوتها عروس عمو موفق كال لبسنها بدله مثل صفا وام الصالون سوتلها تسريحه ومكياج
عمو عمار جاب فطومة بعد ما لحينه عليه وحتى سرى وحسوني
حتى ام رحمن سمعت من حياه واجت
ام رضا اجت كالت انتن بنات موفق
دخلت صفا حبيبتي طالعه گمر
و قشعم هم حيل طالع كشخه
عمو موفق واكف هو وعمو عمار
وهمه قارين الفاتحه بس عقد جابو سيد رؤؤف أبو رضا
عقدلهم
جان يوم هادى وسهل مثل هدوء صفا
وصفاء نيه قشعم
إلي لمن دخل ولبس صفا الذهب
دمعت عيونه
وصار لقاء النظرات بينه كأن يكلي أمي وخاله سنيه المفروض ويانه ويفرحون ويانه
رحت يمه
لاتتوقع إلي نحبهم يبتعدون ويانه يغرحون لفرحنه واليوم صارت صفا مرتك وبامانتك صون هاي إلامانه
أعرف انت كفو وما يخيب ظني بيك
دموعي غدرتني
صفا مدنكه اعرف تخجل من يصير ناس بس قشعم لازم ايدها
قشعم
صافيتي صرتي مريتي ما اهد ايدج لو اموت
بنيتي الربيتهه بيدي ود ودي اخذها واشرد من الفرحه سيد موفق نبه ماكو اغاني ممنوع
بس هوسات وصفكات اخواتي تبارك وحنين وكم مره وياهن أمي تأخذها وترجعها
خايب هوي خايب هوي ياحيه ام راسين سمي عيال البيت وخلي ابنهم
يمه رحمه لاهلج هي مال سم وحيايه
حياه
يا هي كوله
فطومه
جبنالك ورده تشم بيها بس كون الورده اداريها
قشعم
غير صافيتي أحلى من الورد كله
حنين
ياهل القوط ذبو القوط قشعم لبس قاطه
تبارك
اخونه خوش اخو يستاهل الهوسه
استبرق
ام رحمن ما قصرت تضيف و فطومه هي وسرى
ام رضا كاعده وتصلي على محمد وتكول
صلو على نبينه والعين ما تجينه
تم مهر صفا بكل سلاسه وراحه باتو بيت عمو عمار يمنه. ثاني يوم راحوا
قشعم بعد الخطوبه استعجل بإجراءات الزواج عمو وإني ردنا تخلص كليه بس هو تعهد تكمل وماكو شئ يأثر على دراستها
بعد شهر ونص وعطله تحدد موعد زواج صفا قبل الدوام
عمو
جهز صفا بكلشي اجهزه كهربائيه
وكال لقشعم أي شيء تحتاجه تكلي
ووصاني اروح لبيتهم اشوف نواقص االعد
رحت وسجلت كم شغله لأن قشعم بقى بالغرف الجوه واهله فوك بس رتب البيت ورمم البيت سوا كلشي ترميم حديث
طلعو هو وصفا عقد المحكمه اجه عمو عمار وعمو موفق وعقدت بعدها كلما قشعم يريد يأخذها يختارون غرفه اوشي
تكلي امشي وياي
طلعت وياهم مره وحده بعدين كلتلها تعودي على قشعم واشتروا على ذوقكم واشتركو بالاراء أنتي وياه
قرب موعد زواج صفا
كعدت من النوم لكيتها كاعده يمي
شبيج خير صفا
اني أدري يبقون يسولفون هي وقشعم
صفا
استبررق خايفه
استبررق
ليش حبيبتي من شنو
صفا
قرب الزواج وصارت صدك
استبرق
حبيبتي اطمأني كلنه حولج وقشعم يحبج وراح يروح هذا الخوف
صفا
إني ماريد هوسه وزفه
استبرق
ليش حبيبتي أنتي بعدج شابه وقشعم هم شاب يريد يفرح
صفا
الله يخليج ماريد
استبرق
كلتي لقشعم
صفا
كال بكيفج قرري وإني حاضر
استبرق
خوش حبيبتي خلي الزفه بسيطه
صفا
لأ ماريد لأ تعزمون ولا اريد أحد
استبرق
الزواج اشهار لازم معلن حبيبه گلبي
صفا
وإني اريدكم بس انتم وأهل قشعم
استبرق
خلي نكول لعمو
موفق
براحتج صفا إني رأيي مثل ما تكولين اهله واحنه تأخذكم للمصور وبعدين للبيت وثاني يوم روحو بكيفكم لأي مكان تحبون شمال تركيا بكبفكم
صفا
أي هيج خوش
استبرق
قشعم ذبح ذبيحه فددا وسوو عشا ورا العشا راحوا للمصور وراها زفيناهم بليل للبيت واجت أكثر ساعات اذتني طلعت صفا اهل قشعم يطشون جكليت وإني دموعي صارت نهر حسيت روحي راحت
بينما هي يمنه مو بعيده
رحت وياها عمو كال خلي الجهال يمي بس هبه بقت تكمز إلا تروح وياي اخذتها ورحت وعمو موفق يوصي بيه لاتخلينها تخاف تبجين وتخاف صفا خوافه وخجوله
وصلنه لبيتهم وكعدتها بغرفتها وهي ترجف
قشعم ماوصيك اعرفك حريص
قشعم
لأ تخافين صدكي بنيتي هاي
استبرق
بقيت ساعتين
وبعدها دخلت يمها
صفا
روحي ارتاحي استبرق
استبرق
أأمن متريديني ابقى يمج
صفا
لأ روحي وأمني وإني اخابرج
استبرق
طلعت وگلبي يمها
قشعم
بنيتي صافيتي تعبتي اليوم شنو يعجبج إني يمج
صفا
إني خايفه
قشعم
لاتخافين وقشعم يشم الهوا
خلي استبرق تروح ترتاح واوعدج إني يمج
صفا
خليت استبرق تروح
كعدت بالغرفه رغم قشعم جان كلش فرحان
استبرق
اتصلت ثاني يوم صفا حسيتها مرتاحه
اطمأنيت عليها
حياه
يعني تم زواجكم
قشعم
يمه هذا الموضوع بيني وبين مرتي
اترجاج عوفي الموضوع
حياه
وإني شريد منكم أريد اطمأن
قشعم
إني فرحان ومرتاح يكغي هيج لولا
حياه
بكيفك يمه
قشعم
أي أحد يسالج كولي كلشي تمام ومعليج
صفا بقينه يومين واجت استبرق وعمو موفق
استبرق
اعرف صفا بالشمس تتأذى الحرارة تاذيها وصيت قشعم بكلشي يخصها وهو أصلا يعرف اكثر عنها ةاة
رغم ابجي واكول لوا.مي موجوده هي تعرف ماعندي غير واخابرها وأسأل وادعيلها لحد ما ابقى ابجي
فراغ صفا أثر على نفسيتي وزاد سمعت سيف تزوج صارت هاي العطله نفسيتي زفت
عمو موفق حس بتعب نغسيتي
موفق
راح اسحب إنترنت للبيت ولابت توب اجيب
استبرق
جنه نسمع بيه بس قليل
اجه مهندس وركب منظومة وأعرف عمو ميحب هاي السوالف بس علمودي
بدا النت ياخذ من وقتي وانسى شويه ضغط تفكيري بهواي أمور
صفا
ليشششش قشعم هيج سويت كلت بس تحضني
قشعم مو فهمتج حبيبتي هاي سنه الحياه وهسه أن شاء الله تجيبيلي طفل حلو
صفا
لالالا لا ماريد يطلعون مثلي كتلك ماريد أطفال
قشعم
أنتي حاله نادره ميطلع مثلج خلقج رب العالمين ملاك إليه
صفا
مي خالف ماريد اطفال
قشعم
والله يطلعون يشبهون هبه الوكحه مشعننه على استبرق تذكرين بيبي سنيه تكول عليها مشعننه
لو متردين ولد يشبهني هيج حلو مثلي
صفا
هاا
قشعم
أي صافيتي
صافيه وطلبتچ بطيف الجهل التصير ام بيتي كون تصير صافيه
وربي ماقصر حاشاه انطاني صافيه روح وگلب وبعيونها كحل رباني وانت ِاجيتِ فيت
صفا .وشنو بلله فيت
قشعم. يعني بالمچان مثل الهدف من واحد ينيشن
هيج فيت اجت فيت
صفا
ووين الكحل الرباني هذا قلم
قشعم
هو عبالك رباني احسن ما سوين طبيب مو زين
استبرق
بده الدوام وصفا داومت
رجع منذر يكرر طلبه رغم رفضي اله وصديته أكثر من مرة
بس هو جان يكرر الطلب
تدريجيا بديت أعرف عنه اشياء
مثلاً ب2003من توفى ابوه ترك الدراسة وبقى هواية يلا رجع بعد ما عرفت عمره أكبر مني بسنه
ريام هي صديقتي الوحيده بس ما يوم شكيتلها او فضفضتلها
ع طول هي إلي تجي وتشتكيلي او تسولف عن همها وتعلمت لو انصح لو استمع الها بدون ملل
باعتبار الصديق كتف لازم اتحملها
إلا قبل الفاينل بكم يوم سمعت بالصدفة من بنيه ريام انخطبت والشخص ويانن بالقسم
أنتي صحيح مخطوبه
ريام
كولي مبروك كولي على الخير شبيج جايه معصبه
استبررق
أكيد ألف مبروك بس عجبا ليش مكلتيلي
ريام
وهاي سمعتي
استبرق
إني سمعت صدفه ومن بنات برا القسم حتى
ريام
مو يكولون استعينووا لقضاء حوائجكم بالكتمان
استبرق
كتمااااان شمعنى صار هسه حوائجج كتمان مو جنت دفتر تشحبطين بحياتج على رأسي
ريام
استبرق شتريدين بلا لازم انطيج خط سير كل شارده ووارده بحياتي لابد واحد عنده نقطه خصوصية
استبرق صح أنتي صح
طلعت بقيت افتر بس اغلي وبعدين اجاوب نفسي ليش ضايجه
دخلت الحمامات وإني وجهي احس نار اريد اهدأ لأن علا صوتنه وخفت أحد سمعنه ولو اكيد سمعونه
رجعت للبيت خابرت صفا سولفتلها
بقت تحجي عليها
صفا
والله ولا ارد المفروض تلبسينها هاي مريضه شنو الخطوبه إنجاز وتخفي
عمه بعيونها معليج بيها
استبرق
احجيلي شخبارج أنتي
صفا
قشعم ممخلي دقيقه باليوم حتى افكر اضوج
استبرق
ولج اكلج أنتي تكليلي قشعم
صفا
مو قشعم صار نفس الاتنفسه استبرق محبوب كلش
استبرق
ضحكت عليها الله يديم فرحتكم ويخلي الج حبيبتي
بعد فتره اتصلت صفا متعودين من نرجع من الدوام لازم تبقى نحجي شويه عن يومنه
صفا
استبرق عندي خبرر
استبرق
خير
صفا
راح تصيرين خاله
استبرق
تچذبين حااامل هللاه فرحت طرت لعمو
بقيت اروح وارجع فرحانه بصفا واجونه بليل رايحين لطبيبه
قشعم
صفا اكلت گلب الطبيبه
الطفل كون يطلع يشبهني والطفل خوما عليه خطوره
صفا
وانت قصرت ألف سؤال هم سالت
خاف يصير على صفا شئ وشنو المو زين عليها هم اكلت مخ الطبيبه
استبرق وإني وعمو موفق نباوع عليهم ونضحك فرحانين عمو يوصي بصفا سوي هيج واكلي زين ابد لايصير فقر دم
تتوحم ع رمانه بالصيف ست صفا
شنو يدور بالولايه يگول رحم الله والديكم العده رمانه ببيته يطيني مرتي تتنسى
كله جذب بجذب وتقشمر على الزلم والله عمي سباعيات يعرفن شلون يمثلن على اللحايه وتخليه يفتر مايندل دربه
صفا سمعتها تحجي هي وبناتها حياه وإني روحي بالرمان صارت اجه بليل كلش قشعم
قشعم
وصيت وداعتج من برادات من الحدود راح يجيبون
استبرق
عمو موفق سمع صفا تتوحم على رمان
ماعرفت شلون وجايب صندوق بلاستك صغير ملفوف بورق بيه تقريبا ثلاث كيلوت راح بوجهه لبيت قشعم ودالها الرمان
بدت الامتحانات وصيف أخاف على صفا مو زين عليها الحرارة اشتريت الكريمات إلي تستخدمهن خابرتها كالت اشتراهن قشعم
اطمأنيت
امتحن وهبه وعلي وي عمو موفق ع طول ميخليهم وحدهم وهو يحضرلي لو لفه لو عصير يجيبلياه
داراني كلش بفتره الامتحانات حتى انقهر عليه من ينامون الجهال يبقى يفتر يضوج
ومتقيد بيه لأن امتحانات ما يطلع عامودي
كملت الامتحانات الحمد لله
وصفا كذلك قشعم وياها وياها رغم كال تأجل هي مقبلت تكله شسوي اكعد اطلع وياك افضل وترجع وترجعني
أول يومين بالعطله ودك التلفون
عمو عمار يسأل عن فضل
عمار
سيد موفق هم اجاكم فضل ؟؟؟؟
