 |
رواية بيت الخبازه الجزء الثاني الفصل العشرون بقلم زهرة الرمان
موفق
سمعت فضل يحجي وي استبرق بالكراج رحت
فوتي جهزي نفسج بنياتي
إني ماريد احجي كدام استبرق
شوف ابني اشوف گطوف جكاير بالحديقه ماردت يحقد أكثر ع قشعم لان گلي يروح للأسواق يشتري جكاير
بهذا العمر تشرب جكاير ما امنعك اشرب متضر احد تضر نفسك
بس تتحكم بالبنات لأ حبيبي خواتك ببيتي وإني مسؤول عنهن وأعرف العيب والمو عيب واليصير والما يصير مو أنت تعلمهن إني
وأنت نفسك هسه ببيتي تصرفاتك إني محاسب عليهن
من تطلع من هذا الباب راح يكولون ببيت سيد موفق وبعدك متعرف شنو سيد موفق
سيد موفق سمعه وصيت واسم وبخت فلا تجرب تتصرف بعدين تتندم تكول ماكدر على عيشتكم اخابر عمك عمار والله ومحمد وعلي
تكول لأ نعاملك شون خواتك دللتهن هم ادللك
شنو. قرارك
فضل
بس إني ماكلت شي كلت إني أخذ خواتي لدوامهن
موفق
مو مسؤوليتك قشعم گرايبهن وسايق ببيتنه ومسؤؤل عن كلشي يخص البيت بمكاني وأنت دوامك كله بهاي المدرسة صباحي
وللعلم هاي المدرسة مديرها صديقي ما ينطون ورفه قبول اذا مو درجات الثالث عاليه وسلوكها صحيح.واني جازفت وسجلتك
قرر وكلي
فضل
أن شاء الله سيد
موفق
گلي عمو مو سيد
طلع وإني رجعت لاستبرق يم عمتها لكيتها
استبررق
عمه احجيلي شنو سلوك فضل هسه هو عاش ويانه وعيب من عمو موفق يصدمنه بتصرف أنتي كلشي تعرفين عنه وشفتي عمو موفق شلون منظم حياتنا
وحتى لعمامي قبل يبني ويفصل البيت وحتى غرفه خاله العلويه جانت مقفوله وميريد أحد يدخلها علمودنه كعد بيها
.
عزيزه
شوفي يمه فضل من امه ولت عساها بالمرض الماله دوه
جان صغير يعني هو اصغر صفا
بس گلبه هاكبره الأيام الأولى جسمه مطبع اطبع ماكال يخاف من خلود عساها ميته
لمن امن الطفل ماترجع يلا كالي
جانت حتى تچوي تچوي صغير ومن يشوف زلم تدخل مايرضى تخوفه وتحبسه وتكتله
سولفلياهن كلهن بس هذا كله ويكول لا تخلين أحد يدري بأمي
هذا الولد مرن عليه ايام سوده
وإلا جان طفل ويسمع استغفر الله شكلج يمه أنتي هم بت بيت
استبررق
احجي عمه كلشي حتى نكدر نسوي شئ
عزيزه
عمه استغفر الله يكول اسمع صوت أمي وي الزلم اليدخلون للبيت من اجرلها واحد بيت هذا الكالت عليه مالت صديقاها ومسافرين
طلع البيت زلمه ماجره إلها
ويجيهم
ليش ما ذاك اليوم الزلمه متعارك وي خلود ولازمها وكاتلها مجنزها تجنز وفضل يشوف ويسمع
كلهن ذني حجالياهن
من زمان أول ما شمرته خليده بس يمه الصار لثگه ما تروح و السمعه سباگه
ياخذها بنادم وياه للكبر
هاي الكبور من نمشي يمهن نكول هذا هيج جان وهذا هيج جان
ربيته وعلمته وتعبت وياه حت يصير إنسان طبيعي بس تبقى بگلبه اشياء ماتروح روحي لدوامج يمه وإني احجي وياه بس هوه فقير وخواف
استبرق
عمه عمو موفق بعده تعبان من وفاه خاله انعام فارجوج تكليلي كلشي عن فضل ماريد انحرج وي عمو موفق
استبررق طلعته للدوام وعمو موفق يبقى يم الجهال يعتمد عليه لأن هو يبدل ويوكل ويغسللهم ما يستنكف بالعكس حتى إني وصفا أكثر الاوقات يتفنن باكلات ويسوينه عشا هوه
بس إني أسوي أكل ل فضل وعمه عزيزه
عزيزه
راحوا للدوام
تعال فضل شوف احنه يم ناس غربه وهم ذني خواتك بركبتك إذا أنت سويت غلط يتعيرن بيك مو بس البنيه عيب تسوي شئ غلط حتى الولد
إذا تبقى تعوج اوديك لعمامك وما اتحمل مسوليتك وأني أضل هنا
فضل
هسه شمسوي إني
عزيزه
اخواتك مالك حجايه عليهن السيد متكفلهن وكدام عمامك كال شيصير إني اتحمل مسؤليتهن بس أنت كال ما اتحمل مسئوليته وحقه لكاك تشرب جكاير وإذا ماعندك فلوس تشتري جكاير تبوك
فضل
منين بايك
عزيزه
أي جذب عفيه توك بگت من جزداني عبالك ما شفتك
بس شوف ولك هاي آخر مره اشوف الجكاره بيدك
استبررق
داومت مرحله ثانيه اليوم طلعت من المحاضره اكو بنات من غير قسم كاعدات وإني منتظره بنيه وياي ندرس سوا
اجت بنيه سلمت ووكفت يمي
=اكلج إني مشبهه عليج أنتي مو....
استبرق
أي إني بهاي المنطقه بضهر مكتبه.....
=أي أي تذكرتج نفس شكلج ممتغيره بس حليانه إني هسه مرحله رابعه
استبرق
وين شفتيني وشوكت
=تذكرتج أنتي بت الخبازه صح
استبررق
أي صحيح
=أي عرفتج
استبرق
تركتني وراحت بعد كم يوم
جان تجمع جاي دكتور يلقي محاضره ومجموعين كل الاقسام وكل المراحل بالقاعه
من طلعنه
سمعت بنات يسولفون وراي
=شبيج هاي امها حتى جانت تخدم بيهم وراها بقدرة قادر تزوجها السيد إلي بيتهم ركن العالي
بنات الخبازه. فد كسوله وبس تعارك هسه وين نظفت وحلت نشتري خبز من امها جنه
موفق
هذا المزعلج
استبررق
رجعت لأمي وأيام أمي
موفق
الناس بنياتي على كلشي يحجون لأ توقفين حيانج على كلام الناس
استبرق
ولا جاوبت عمو
موفق
أي بنياتي معليج بيهم
استبرق
عمه عزيزه بالعشا تاكل روبه وخبزه او اشياء بسيطه لأن تتاذى
جبتلها اكل
لكيتها ضايجه ها عمه
عزيزه
وين السيد
استبررق
هسه يجي راح يم جيرانه
موفق
هاي حسابك واترجاك إلا قشعم او أني يلا تنطي بدين
استبررق
دخل عمو
موفق
وين فضل
استبررق
ها عمو شصاير
مجاوب بس وكف بباب الاستقبال القديمة وكال فضل
فضل
ها عمو
موفق
أنت مداين من أبو الأسواق ؟؟؟
فضل
هاا اي
موفق
ليش
فضل
احتاجيت كم شغله واداينت وبعد كم يوم عمو رشيد يجي يجيبلي مصرف
موفق
مو كم شغله إنما السجل كله جكاير
وعلج ممنوع تتداين
فضل
بعد ما اداين
استبرق
صار عندي رده فعل من فضل يداين واحسه منعزل كتوم زاد عليها صفا تكول يسألني عن الكليه وقشعم
فهمت شكوكي بس خواف ماعنده جراه بموقف
صار من يجي من المدرسة افتح جنطته
أشوف شنو عنده دروس ونوبات ادرسه ميقبل يدرس بس إني ادرسه كو
اليوم دخل كال ماريد غدا
عفته شويه
وإني ماعندي بيها دوام دخلت أخذ ملابسه اغسلهن
دورت مالكيت جنطته وين راحت
اخذت ملابسه فتشتهن. لكيت ورقه فتحتها
استدعاء ولي الأمر
عمو موفق وصاني أي شيء لازم تكليلي اخوج ما مطمأن اله
وديت الورقه
موفق
تعال فضل
فضل
ها عمو
موفق
تاريخ الاستدعاء من يومين ليش ما بلغتني
فضل
وإني عندي أهل يكلي المدير جيب امك او ابوك
موفق
لأ خوش عذر من كلولك ارجع وي وي عمامك كلت ابقى يم أمي عزيزه مو ربتك وتكول أمي
شوف مو هذا موضوعنه على شنو انطوك ورقه استدعاء
فضل
مادري
موفق
شنو تبيع هاي الكلاوات عليه ترا إني عشت بالشارع أكثر من البيت
خوش حجي لأ تكول باجر إني اخذك
ثاني يوم كعدته يلا نروح للمدرسه
وين جنطتك
فضل
اخذاها المدير
موفق
الضاهر الموضوع مو بسيط امشي
المدير
والله سيد موفق إني احترمك بس هذا الولد مو طبيعي
موفق
شنو سوا
المدرسين يشتكون منه عنيف يضرب يصيح بوجه اليكلمه عصبي كلش يعاند
المدرسات يكولن يسوي حركات سخيفه بالصف
وكلهن ساكت عليهن كم مره الزمه واعلمه ولخاطرك احنه اصدقاء
بس قبل كم يوم هو اضطرني افصله
يشرب جكاير باكيته بجيبه وولد اشتكى عليه بايك تلفونه من دورناه لكيناه عد فضل التلفون حديث
موفق
أول ما طلعت من المدرسة رحت للبيت اتصلت على عمار شلي بهلطلابه
استبرق صادفت خميس وعمو محجه عن روحته للمدرسه ولانطق
عمار
هذا كله ؟؟؟؟
سيد إني أعتذر سببنالك مشكله
موفق
إني محاسبته ولا نطقت من طلعت من المدرسة لهسه لأن انتم عمامه واتصرفوا
بس إني أعتذر ماكدر اتحمل مسوليته.
عمار.
أمشي اجمع غراضك وقبل لأ تصير نص السنه انقلك
موفق
طلعت منهم دخلو بغرفه عمه البنات
عزيزه
لاوالله ولا اروح شمضيعه هناك
إني هنا مرتاحه اخذو فضل وخلوني يم البنات
استبرق
فضل بقى يبچي على عمه عزيزه كسر خاطري لأن يتوسل بقى ويصيح آخر مره آخر مره عمو سيد موفق عمو خليهم لاياخذوني اريد أمي عزيزه إني ماعندي أم ولا أب ماريد ارجع
.ورا ما راح فضل
عمه عزيزه يومين حلكها طكك وصخنت تحبه وما تكدر تفاركه بس تكول خله يتربى
رشيد
اخذه لحامد هو كال جيبوه يمي
حامد
شتريد فضل
فضل
ماريد شئ بس أريد أمي عزيزه
حامد
امك عزيزه بعد ماترجع تبقى يم البنات
وأنت تبقى يمي أسألك تكمل مدرسه لو شلون
فضل
جاي اقرأ وما افتهم
حامد تفتهم غصبا عليك
استبرق
يوم ورا يوم وعمتي شكد ما تشتاقله بس ما تبين تكول خلي يتربى
ويعرف تصرفه غلط تكول لازم قسوه بس هي تخابره وتخابر ميثم وتسأل عنه يوم بيومه أكل لولا نام لولا طلع لولا يوميه
صارت نص السنه وبعد كم يوم لدوره سنه خاله انعام وتخلص هاي السنه
وعزمنه بليله ١/١كرايبهم وكلنه ورا صلاه الفجر نطلع للمقبره
وعمه عزيزه راحت ويانه
وبس التراب واسماء النحبهم بالگبور
خلصناها بجي وعمو وزع ثوايات مثل ماجانت خاله انعام تسوي توزع أكل ومي
ورجعنه تعبانين كلش بس صادفت عطله
بعد كم يوم ويبدي الدوام وتخلص العطله
واسمع عمه عزيزه تصيح.يمه يمه زهره ركضت خايفه شبيها عمه عزيزه
عزيزه
مصيبه وطاحت على روسنه
استبرق
شكو عمه خوفتيني
عزيزه
حامد كاتل فضل
هذا ما ساكت الزم عمك واكتله همين وهسه حامد بالمستشفى متخربط
استبرق
يااا وفضل
عزيزه
مادري مادري شلون بيه
اريد اروح لولايتنه
استبرق
اجه عمو بليل جان طالع وسولفتله كال لقشعم اخذ ام ميثم وصلها
موفق
إني عرفت الولد معقد يحتاج تربيه خاصه هواية عقد بحياته نتيجه متوقعه
استبرق خفت على فضل رغم جنت قبل حاقده على امه بس هسه اشوفه اخ واخاف عليه
ثاني يوم راحت عمه عزيزه
وإني اتصلت على فطومه تسولفلي
فطومه
عمو حامد مشغله يمه بالمحل ويشيل ويرتب ويمسح مخليه يكرب مثل الحمير
وفضل يريد يطلع ويطب ويشرب جكاير عمو حاصره كلش
وما ينطي مصرف بيده
باگ الدخل وعمو لگفه
مشبعه كتل ومو أول مرة يكتله ذيج المره
فضل مشتكي لعمو رشيد من حجه وي عمو حامد مخلي عمو رشيد يطلع وهم كاتله شلون اشتكى
يهينه كدام الناس ويغلط عليه.بس هالمره كدام مدري منو من كرايبنه يمكن نسايب عمو حامد
كايله ابن خلود
وفضل كاتله مخلي عمو بس النفس استهضم عمو حامد طفل يضرب عمه يومين وتخربط شالو للمستشفى
وهسه
عمو حامد غيبوبه صار يومين الدكتور كايلهم جلطه دماغيه ويجوز شلل
وفضل شارد ببيت كرايب أبو ماجد
أبوي وعمو رشيد هم ضاربين فضل شلون يتجاوز ع عمه بس مايقبل يرجع باقي يمهم
استبرق
متت قهر على فضل ليش ما بقيت هنا يمنه افضلك
بعد هاي الصار
فضل بقى يم كرايب خاله ام ماجد كرايب امه.وعمو حامد شلل وما يحجي صار
وعمه عزيزه مقبلت ترجع فهمنه بعدين شلون حتى مرت ميثم تشتكي من فضل تكول شكاك يسحب التلفون من احجي وي اهلي أو يتصنت عليه وايده طويله
عمه عزيزه بقو يحجون علبها خلي نربي تخبل لأن سامعتهم رايحين وباسطينه
كرايب عمو أبو ماجد خلاه وياه يشتغل
عرفت فضل ما وراه رجا بحتاج متابعه وتعليم
عزيزه
المن رايحه وداعتك خويه عايشات احسن عيشه بنات حاجم
احسن من بناتنه العايشات وي اهليتهن زلمه معدل محترم مداريهن وحتى فضيل الاغم اخذاه اشتراله ملابس وأحذية وغراض وكله هاي الكمبيوتر هم الك. بعد المن أروح بس تعلاوه عليهم استبرق ام بيت فارته فر
ومستقراات ونعمه من الله
رشيد
خوش حجي بس لأن حامد قبل يلح
عزيزه
وين هسه عمت عيني حامد لأ لسان ولا ايد ولا رجل
رشيد
هم صحيح خليهن يكملن دراستهن بلكي نصيب ويرحن لحال سبيلهن
ألو هاا عمار
عمار
لكيت طبيب معالج فيزياوي
يسوليه جلسات الأحد اخذه
رشيد
تحتاج اجي وياك
عمار
لأ إني اخذه وارجعه بعد ماعنده صوت او ايد يعارضني حتى لو زعلان عليه هسه هو بأمس الحاجة الي
ياما صرف على تعليمي وياما انطاني جان اب النه لوما حامد مصار براسنه حظ
استبرق
اتصلت على عمه عزيزه اسالها عن وضعهم
عزيزه
عمه حامد ياخذه للعلاج الطبيعي عمار بلكي تتحرك ايده وإني اروح وياه وباقيه هم عدهم بالبيت محد اله وداعتج
مرته ما چنها جان شايلها ومدللها
من يريد للحمام تكلي أنتي اخذي اخوج إني ضهري طاك أشيل واغسل وانظفه وهي كدام الناس تتروكض منا ومنا ومن وحده تخليه يصيح هو ماينعرف حجيه بس يعوص يريدله شي
تسوي روحها ميته نايمه إني يمه ويم الله شسوي عمه هذا أخوي
استبرق
ما أنكر ما انقهرت بس كلت عمره محد وكف بوجها وهذا فضل لازم عمه وكاتله معناها داس ببطنه
رغم عرفت عمو رشيد رايح مره ثانيه لفضل ع سوايته
فضل
هاك شوف شلون الواير طبعه بضهري
هاي الزراكات كلهه من حامد
رشيد
وتضرب عمك
فضل
كدام واحد فلس ميسوى يكلي ابن خلود الگح....
إذا إني ابن گحب...المن ملفيني
شنو إني ابقى بذنب خلود لأ يجيب سيره أمي حتى لو طالعه من الطريق
رشيد
وهسه عمك انشل بسببك
فضل
مو بسببي بسبب روحه هو على كلشي يحجي الجلطات ما تجي إلا من عصبيه وهو مدخل خشمه وي كل صوت يصير
خلانه نروح لبغداد كره أمي عزيزه بيه
رشيد
أنت شبيك بابا إني ابوك وعمار ابوك وواثق ابوك وحامد ابوك شوف لمنو نريد وتجي بعد يمنه عيب تبقى يم العالم
فضل
ذوله رغم كرايب أمي الگح... بس محد عيرني ولموني واشتغل واعيش عيفوني ماريد عمام
استبرق
بعد الصار عمو بقى بغرفه خاله انعام
بعض الأحيان يجون كرايب عمو موفق يتغدون او يتعشون وإني الاطبخ تقريباً كلهم اعرفهم ...وراح تبدي الإمتحانات
وياي طلاب وطالبات بالقسم
دخلت اليوم لكيت طلاب يم الشباك واكفين سمعت واحد كال اجت اجت ولك باوعت ما ميزت منو صاحب الصوت
بقيت اجمع محاضرات فايتتني
طلعت واجه طالب ويانه بنفس القسم اعرفه سلم علينه إني وريام صديقتي
اسمه منذر
منذر
استبرق ممكن احجي وياج شويه
استبرق
تفضل
منذر إذا تسمحين وحدنه
ريام
انتظرج يم شهد
استبرق
تفضل بقينه وحدنه
منذر
إني إذا تدرين من الموصل
استبرق
أي اعرف
منذر
إني استبرق إني
استبرق
يااا راح تخلصها تبلع بريكك وإني وإني
ضحك ياا شبيه هذا
منذر
أكثر شي يشد بيج لهجتج شكد حلوه وطريقتج بنطق الحروف حلوه
استبرق
موكفني علمود لهجتي حلوه وطريقتج بنطق الحروف شنو موضوعك
منذر
إني لا لأ إني معجب بيج كلش
استبررق
هااااا أنت موععععجببب
منذر
لأ لأ تفهميني غلط إني نيتي صادقه واريد اعرفج وبعدين الله يسهل واتقدم بالحلال
استبرق
تركته ورحت إني اترخص تاخرت
منذر
عود فكري فكري استبرق انتظر انتظر منج رد
استبرق
مشيت وأسأل نفسي ششاف هذا بيه لأ اسولف لأ أجامل لأ شكلي ملفت البنات يخبلن بكليتي ويحيرن شيلبسن وهو مبين من ذوله المرتبين وشطار
كم يوم اني مغلسه من الموضوع ببالي لو يعرف سيف جان يطلع عقد بيت الداود واضحك
رجعت للبيت باجر عطله ماكو دوام خابرتني فطومه
فطومه
هم كولي بمحافظة بغداد ماانطوها عطله العراق كله عطله
استبرق
والله ببالي اخابرج بس الامتحانات بدت
فطومه
واستبرق حيل شاطره صفا جانت تحجي وياي نكول مخلصتها تستغل ريام
استبرق
أي والله استغلها لأن يطفا نوبات مخي رغم الإنكليزي سيف شكد قواها قبل بس الدراسة تختلف شگ حلوك
فطومه
أي غير سيف اجه..ءءءء اكلج وين صفا
استبرق
اوكفي كلتي سيف اجه
فطومه
هاا ءييي
استبرق
شبيج فطومه تمتمتين
فطومه
لأ اجه هوه أي اكلج أمي تصيحني بعدين اخابرج
استبرق
والله بيج شي
سيف شبيه فطومه
فطومه
ممااا بيه والله بس هو اجه عشر ايام ويرجع
استبرق
لعد شبيج كوه تطلع الحروف منج
عجيبه راحت وإني أكول شبيها هاي شبيه سيف ياترى
