 |
رواية في قبضة الفهد ج 2 عشق الابناء الفصل الحادي عشر بقلم جنات
زين وجنه فضلو يجرو فى الاراضى زراعيه
جنه وقفت فجاه
زين:يلا ياجنه
جنه بتعب:مش قادرة اجرى تعبت
زين بص لاقى الرجاله بتقرب منهم شال جنه اللى شهقت:نزلنى يازين
زين:هششششش
زين نزلها ورا شجرة كبيرة واتكلم بهمس:خليكى هنا متتحركيش فاهمه ياجنه
جنه:وانت هتروح فين
زين:متخافيش بس مهما حصل متتحركيش من هنا
جنه:حاضر
زين سابها واتحرك ببطئ وقرب من واحد من الرجاله اللى اتفرقو عشان يدور على زين وجنه وكتم بوقه وبحركه بسيطه من زين اغمى عليه وشدو بين الزرع عشان محدش يشوفه وبدا يقرب من واحد واحد يعمل فيهم نفس الحركه بس اتفاجأ بحد حاطط مسدس على راسه:متتحركش
زين مكناش عارف يعمل ايه وفجاه لاقى واحد منهم ماسك جنه وحاطط مسدس على راسهاا خاف عليها وكان هيتجنن لما شاف دموعها وخوفهااا
اللى حاطط المسدس على راس زين:بتحاول تتذاكى علينا يابن الفهد زين لفه بحركه بسيطه واخد المسدس من ايده وضرب اللى ماسك جنه فى رجله
زين بصوت عالى:اجرى ياجنه بســــــــرعه
جنه بعدت عنهم وراحت وقفت ورا شجرة وزين كان بيضرب فى الرجاله وفجاه واحد منهم طلع مطوه وحرج زين فى جمبه
وجنه صرخت باسمه بس زين ولا فرق معاه وكمل ضرب فيهم بمهارة وغلبهم كلهم
جنه جرت عليه بخوف:زين انت بتنزف لازم نروح مستشفى بسرعه
زين:انا كويس متخافيش يلا
زين مسك ايد جنه ومشوو وطلعو على الطريق وركبو عربيتهم وزين كان باين عليه التعب واتحرك بالعربيه
جنه جابت شال بتاعها وحطته على جرح زين
جنه:زين لازم نروح مستشفى عشان الجرح
زين:هنرجع على القصر وهناك انتى ابقي خيطيه
جنه:يازين
زين:خلاص ياجنه مافيش مستشفى قريبه من هنا وقدامنا ساعه ونوصل على القصر وانا هستحمل
جنه:طب نكلم عمو فهد
زين:لما نوصل هكلمهم
=======================
تمارا ومريم كانو قاعدين فى الجنينه
شروق ومروة اجو وقعدو معاهم
شروق:انتو لسه صاحيين ليه
تمارا:مش جيلنا نوم نطمن على الولاد وننام
مروة:بس دول هيوصلو الصبح مش الوقت
مريم:كدا احسن
شروق:انتو فى ايه مالكوو ان شاء الله يوصلو بسلامه
مروة:صح يلا قومو عشان ترتاحو شويا ماينفعش تفضلو قاعدين كدا
تمارا بصت لمريم:عندهم حق يامريم خلينا نطلع
مريم:حاضر
الكل طلعو وكل واحد راح على اوضته
================
زينه قاعده فى الاوضه فونها رن برقم فريد ردت عليه:الو
فريد وصوته صاحي من النوم:مساء الجمال على عيونك يازينووو
زينه:مساء الخير انت كنت نايم
فريد:وصلت اسكندريه تعبان فانمت شويا وصحيت قولت اطمن على قلبي
زينه......
فريد:زينوو
زينه:نعم
فريد:انتى لسه زعلانه منى ياحبيبتى والله انا بهدلت صحابي لما عرفت الكلام اللى قالهولك وكمان قطعت علاقتى بيهم
زينه:بجد
فريد:انا معنديش حد اهم منك يا زينووو ونفسي تسمحينى ونرجع تانى زى الاول موافقه تدينى فرصه تانيه
زينه فكرت كتييير ومش عارفه ترد تقول ايه
فريد:بصى فكرى براحتك وخدى وقتك وانا مش هكلمك ولا هاجى اشوفك غير لما تفكرى وتاخدى القرار ولو قرارك البعد انا مش هقف فى طريقك ياحبيبتى اهم حاجه عندى راحتك حتى لو فى بعدى لكن لو قررتى ندى علاقتنا فرصه هكون اسعد انسان فى الدنيا تمام واه انا مسافر لبنان عندى صفقه مهمه اوى هفضل هناك اسبوع ولما اجى ابقي عرفينى قرارك
زينه:تمام يافريد
فريد:اصبحى على خير ياقلبي
زينه:تلاقى الخير
زينه قفلت وفضلت تفكر فى كل كلام فريد وحاسه نفسها تايهه ومش عارفه عايزة ايه
=============
فريد قفل مع زينه ورن على رجالته اللى كانو ورا زين وجنه ومحدش فيهم بيرد وفريد كان هيتجنن مش عارف يوصل لحد فيهم
خرج من الاوضه كانت الست قاعده فى الصاله:مالك ياحبيبي
فريد:بكلم الرجاله محدش فيهم بيرد
الست:تلاقيهم ماشين وراهم ولا حاجه ياحبيبي اهدى
فريد:طب ابقي جهزى نفسك عشان اخدلك بكرة معاد مع الدكتور بتاعك
الست:انا كويسه يابنى والله
فريد:انتى عارفه انى بحب اطمن عليكى كل شهر واعملك تحاليل وفحوصات كامله ياست الكل
الست:ربنا يخليك ليا ياحبيبي ويحميك يارب
فريد باس ايدها وراسها:حبيبتى ياست الكل
===================
زين وجنه وصلو القصر وجنه كانت مسنده زين وقعدته على اقرب كنبه
جنه:زين انت كويس
زين بتعب:اممم
جنه:انا هطلع اجيب شنطه الاسعافات بسرعه
جنه طلعت وجابت شنطه كبيرة وجت
جنه بكسوف:زين اقلع القميص لو سمحت
زين قلع القميص وجنه كانت بتساعده ونام على الكنبه وجنه بدات تمسح الدم وتعقم الجرح وتخيطه وحطت عليه شاش ولزق طبى وجابت برشامه مسكن وكوبايه ميا
جنه:زين خد البرشامه دى عشان تسكنلك الوجع
زين اخدها منها وشرب الميا
جنه:زين اطلع ارتاح فوق احسن تحب اساعدك
زين هز راسه باه
وجنه ساعدته وطلعت معاه ودخلت جناحه اللى اول مرة تدخله وزين قعد على السرير
جنه:هجبلك تيشيرت تلبسه
جنه دخلت اوضه الهدوم وجابت تيشيرت ابيض وساعدت زين يلبسه
جنه:زين احنا لازم نكلم عمو فهد ونعرفهم باللى حصل اكلمهم
زين:بلاش نخضهم الوقت بكرة الصبح نكلمهم ياجنه روحى ارتاحى شويا
جنه:حاضر
زين كان شايف خوفها:جنه
جنه لفت:نعم
زين:متخافيش محدش يقدر يدخل القصر روحى اوضتك ارتاحى ومتخافيش
جنه:حاضر لو احتاجت حاجه ابقي رن عليا
زين:حاضر ياجنه
جنه خرجت وراحت على اوضتهااا واخدت شاور ونامت على السرير ومش عارفه تنام من القلق وخايفه على زين
لبست اسدال وخرجت من اوضتها وراحت على جناح زين خبطت ومحدش رد فتحت الباب ودخلت وقربت من السرير
جنه:زين .... زين
جنه حطت ايدها على وشها كان سخن جدااا نزلت بسرعه المطبخ وجابت طبق فيه ميا وتلج وفوطه صغيرة وطلعت بسرعه وجابت كرسي حطته جمب السرير وقعدت وبدات تعمل كمدات لزين لحد حراراته مانزلت وفضلت قاعده جمبه ونامت من التعب على الكرسي وراسها على السرير
=======================
اشرقت شمس يوم جديد زين صحى على صوت فونه بيرن واتفاجأ بجنه نايمه على الكرسي وبص على الكمدينو شايف طبق فيه ميااا حاول يوصل لفونه بس مقدرش
جنه صحت:زين انت كويس حاسس بتعب
زين ابتسم:انا كويس ياجنه....صباح الخير
جنه:صباح النور
جنه جابت الفون:دى توتا اللى كانت بترن
زين:هو ايه اللى حصل
جنه:بليل جيت اطمن عليك لقيت حرارتك عاليه فعملتلك كمدات لحد مانزلت
زين:كلمتى حد
جنه:لا انت قولتلى لما تصحى هتكلمهم
=======================
فى شرم وتحديدا فى اوضه فهد
تمارا:يافهد اصحى بقي
فهد:عايزة ايه ياتمارا
تمارا:الساعه بقت ٩ وزين وجنه لسه ماجوش برن عليه مش بيرد
فهد قام قعد وشدها لحضنه:ممكن تهدى بقي شويا زين مش عيل صغير عشان تخافى عليه كدا
تمارا:عشان خاطرى يافهد كلمه او اعمل اى حاجه انا قلبي مش مطمن ونبي
فهد:طب قومى اجهزى خلينا ننزل تحت ونشوف هنعمل ايه
تمارا:حاضر
فهد وتمارا لبسو ونزلوو كان الكل متجمع تحت
مريم اول ماشافت فهد:فهد زين فين لسه مجاش ليه لحد الوقت
كنان:ياحبيبتى اهدى زمانهم على وصول
حسن:فهد كلم زين وشوفه وصل لفين
كنان:انا برن على جنه اهو
مريم:افتح اسبيكر
كنان:الو جنه انتو فين الوقت ياحبيبتى
جنه:احنا فى القصر يابابا
كنان:ليه ياحبيبتى مش انتو كنتو جايين
مريم:حبيبتى انتى كويسه
جنه:اصل امبارح
فهد:حصل ايه ياجنه
جنه بدات تحكيلهم على كل اللى حصل معاهم
تماراا بخوف:زين كويس ياجنه
جنه:اه ياتوتا بخير الحمدلله
تمارا بصت لفهد:انا عايزة ارجع اسكندريه يافهد بسرعه لو سمحت
فهد:راكان احجز على اقرب طيارة بسرعه
راكان:حاضر
كنان:احنا هنجيلكو ياحبيبتى بلاش تخرجو من القصر
جنه:حاضر يابابا
كنان قفل وبص لشروق:اطلعى ياشروق عرفى البنات وانا هقول لشباب
شروق:حاضر
شروق وكنان طلعو يعرفوهم والكل بدأ يلم حاجاته عشان يمشووو ويرجعو على قصر الفهد
==================
عند زين وجنه
جنه:انا هقوم احضرلك الفطار لازم تاخد برشامه مضاد عشان الجرح
زين:حاضر
جنه نزلت وزين حاول يقوم من على السرير ودخل الحمام وبعد شويا خرج ووقف فى البلكونه
جنه حضرت الفطار على صنيه وطلعت على جناح زين كان قاعد فى البلكونه وحطت الصنيه على التربيزة
جنه:قومت من على السرير ليه
زين:كدا احسن مش متعود انام
جنه:طب اتفضل يلا عشان تفطر
زين:انتى مش هتاكلى معايا
جنه بتوتر:انا
زين:من غير كلام يلا نفطر سواا
جنه:حاضر
بعد شويا خلصو فطار جنه شالت الصنيه ونزلت نزلتها المطبخ وطلعت تانى خبطت على الباب
زين:ادخلى ياجنه
جنه:اتفضل البرشامه دى عشان الجرح
زين اخدها وشرب الميااا
جنه:زين لازم نغير على الجرح
زين:تمام
زين نام على السرير وجنه كانت جايبه معاها شنطه الاسعافات وغيرتله على الجرح وزين لبس التيشرت
جنه:انا هنزل تحت لان مينفعش حد يجى ويلاقنا هنا لوحدنا
زين:اللى يريحك ياجنه
جنه:زين هما مين الناس دول
زين اتنهد:مش عارف ياجنه بس اكيد هنعرف هما مين وهيتعاقبو على اللى عملوه
جنه:اكيد انا هنزل
زين هز راسه وجنه نزلت.....
