رواية مغرور احب ملتزمة الفصل السادس عشر
فى منزل رحمة
جنى : يلا ي رحمة قومى البسى ابن خالك على وصول
رحمممممة
رحمة بفزع : هاا
جنى بحنان : مالك ي قلب ماما
رحمة بحزن : مش عارفة ي ماما والله
جنى : ده مجرد رؤية شرعية ي حبيبتى وانتى عارفانى وعارفة باباكى مش هنغصبك على حاجه
رحمة : عارفة ي ماما والله عارفة بس
جنى : بس ايه ي حبيبتى
رحمة : ي ماما بصراحه انا خايفة
جنى بابتسامة : عبد الرحمن اولا يبقا ابن خالك يعنى مننا وفينا ي رحمة وكمان ده باين عليه بيحبك ي رحمة اصل محدش يزعق فيكى عشان يعنى لمجرد صوت ضحكتك عالى شوية الا لما تكونى مهمة بالنسبة ليه وده ي حبيبتى مجرد رؤية شرعية اتلكم مع بعض شوية ولو متفقتوش يبقا مفيش نصيب
رحمة بارتياح : هقوم اجهز بقا ي مامتى
جنى بابتسامة : يلا ي حبيبتى
.....
وبعد فترة جاء عبد الرحمن ووالده عمر وتقدمو لخطبة رحمة 👀
...
تسريع للأحداث
الموضوع تم على أكمل وجه ..حتى انه رحمة حست بارتياح ناحية عبد الرحمن وابدت موافقتها لوالدها وتم الاتفاق على ان يكون كتب الكتاب اخر الاسبوع ...
.......
عند جويرية
جورى : بقالك ساعه ي معتز بتحور فى الموضوع فضنى ي ابنى
معتز بحرج : بصى يعنى ....هو ....اصل .....أنا
جورى بنفاذ صبر : معتز اخلص
معتز : اصل انت معجب بالانسة نور بنت زياد الشافعى وعايز أتقدم لها وخايف ترفضني عشان فرق السن وكمان عشان يعنى ابقا مديرها وكده ،بس انا بجد بحبها ي جورى انا صليت استخارة وشوفتها هيا فى منامى
جورى : عرفت شكلها من فين ده حتى هيا منتقبة
معتز : اصل يعنى بصراحه لما قدمت فى الشغل طبيعى مش هتقدم صورتها بالنقاب يعنى والله ي جورى انا بحكم شغلى وعشان الملفات بتيجى عندى فشوفت صورتها ومكنتش اقصد والله انا غضيت بصرى اول لما لمحتها لكن بصراحه لما شوفتها فى منامى عرفت انها هيا وافتكرت صورتها
جورى بتفكير : مش عارفة ي معتز ايه رأيك ناخد رأى عمر ف الموضوع
معتز : اممم ،موافق
جورى : ربنا يقدم إلى فيه الخير ي حبيبى
معتز بتنهد : ياارب
................
عائشة بصدمة : سلييييييييم
سليم بخضة جرى عليها : مالك ي عائش ي حبيبتى فيكى حاجه
عائشة تنظر اليه بدموع : اناا حامل ي سليم
وقف سليم مكانه من الصدمة والجم لسانه
سليم : قولتى ايه
عائشة بفرحه: حامل انا حامل
سليم بفرحه : بجد ي حبيبتى ،مباااارك بجد
ثم اخذ يضحك بفرحه ،وحملها ودار بها
سليم : بحبك بحبك بجد ي احلى عائش
عائشة : وانا كمان بموت فيك ي احلى سليم
سليم : ربنا يديمك فى حياتى
عائشة : ويديمك ليا ي حبيبى
عائشة : يلا نقول لماما هتفرح جدا
سليم : يلا
.....
ثم نزل سليم وعائشة واخبرو الكل وكان الجميع سعيد جدا والقو بالمباركات والتهانى لعائشة
وقفت زهراء لعائشة : يعنى انتى فى بطنك فى نونو
عائشة: ايوا ي حبيبتى
زهراء ببرود: طيب ،امتا هيجى
عائشة: بعد ٧ شهور ي حبيبتى
زهراء: وازاى هيجى
عائشة لم تعرف كيف ترد على أسئلة تلك الطفلة
فقال سليم بضحك: الدكتور هيخرجه من بطن عائش
زهراء بذهول : ازاى ؟ هيفجرها ولا ايه ؟
ضحك سليم على عقل تلك الفتاة ثم قال : مش عارف لما تبقى دكتورة ابقى قوليلنا
زهراء : طيب
...........
بعد مرور يومين
عند معتز🌥
كان يفكر فى كلام عمر وانه دعمه على هذه الخطوة بأن يتقدم لخطبتها طالما تعجبه وكيف اراحه رأيه وان فرق السن هذا لا يعنيه فليس بينهم الا ٦ سنوات فقط وان هذا ليس فارق اصلا .، ثم شغل تفكيره ثانيا نور وان هناك خطب بها فإنها شاردة فى كل الأحيان ولا تركز فى عملها مثل السابق غير أن نبرة الحزن فى صوتها وشئ يقلقها أيضا ماذا بها &^^
ثم قرر بأن يتصل بجويرية وتحادثها لتعلم ما بها
اتصل معتز بجورى وحكى لها وبعدها اتصلت جويرية بنور وطلبت منها ان تاتى لأنها تريدها بشئ ضرورى فاستأذنت نور من عندها وأخذت بقية اليوم اجازة وذهبت لترى جويرية .
....
عند جورى ونور .
جورى : مالك ي نور ي حبيبتى متغيرة ليه
نور بحزن : لا مفيش
جورى بمقاطعة : من غير كذب ي نور انا عارفاكى كويس مالك ؟
نور ببكاء ثم أخرجت هاتفها بصى ده
نظرت جورى لما تريه لها نور فكانت عبارة عن محادثة واتساب لشاب يهددها
ثم قالت نور : والله ي عمتو انا معرفوش هو الأول دخل عليا يتعرف فعملته بلوك ومن يومها وهو كل شوية يدخل من رقم جديد ويهددنى وبيقول معاه صورى وانه هينشرهم بطريقة مش كويسة
جورى بصدمة : طب ليه مقولتيش لباباكى ي نور او سليم
نور : انا كنت هقول لسليم بس انتى عارفة انه كان مسافر هو وعائشة ولما جه كان مضغوط فى شغله ومعرفتش اقابله ولا اقوله
جورى ؛ طب هو جاب صورك من فين ي نور وانتى منقبة ،وانتى متأكده انه معاه صورك
نور :لأ مش متأكده
جورى مسكت التلفون ثم كتبت للشاب : وانا ازاى اقدر اصدق انك معاك صورى
فرد عليها تحبى ابعتلك عينه منهم
هكتبت جورى
ابعت
فبعت لها صورة باين عليها متصورة من صورتها الشخصية
جورى : بصى ي نور للصورة ده وافتكره الصورة ده بتاعت ايه
نظرت نور للصورة وتذكرت : اه ده نفس الصورة إلى فى الملف بتاعى إلى قدمته لشركة الأستاذ معتز
جورى : متأكده انك مقدمتيش الصورة ده لأى شركة تانية
نور : لأ
جورى : متأكده
نور : ايوة
جورى بتفكير : اممم طيب كده مسكنا طرف الخيط بس هنتحتاج مساعدة
نور : من مين
جورى : من معتز
نور : بس
جورى : متقلقيش معتز اخويا وانا عارفة أخلاقه كويس وهو هيساعدنا
نور بأمل: يا رب
اتصلت جورى بمعتز وطلبت منه المجئ ...
بعد دقائق وصل معتز لمنزل جورى
وجلس ثم حكت له جورى كل شئ
معتز بغضب : يعنى اكيد إلى عمل كده من الشركة عندى
جورى : حصل ي معتز
معتز بتفكير ثم قال لنور : ي آنسة نور محدش مثلا من موظفين الشركة حاول يتكلم معاكى او ياخد رقمك مثلا او يتعرف عليكى وانتى صدتيه
نور بتفكير : اه فيه
معتز : طب عارفة اسمه
نور : اه كان اسمه احمد ،موظف فى قسم الحسابات
معتز : تمام ، انا عايزك تعتبرى نفسك فى اجازة لحد اما ارن على جورى وهي هتقولك امتا تيجى الشركة وكمان ممكن تقفلى تليفونك خالص وي ريت تجيبى خط جديد
نور اومأت له رأسها بمعنى موافقة
جورى : وانت هتعمل ايه ي معتز
معتز بغموض : سيبى الموضوع ده عليا ،بعد اذنكم
جورى : اتفضل ي حبيبى
ثم ذهب
بعد مغادرته
انفجرت نور فى البكاء وظلت جورى تهدأ فيها
جورى : متقلقيش ي روحى معتز هيحلها وانا بأكدلك كده
نور : يارب ،يارب ي عمتو ربنا عارف انى مليش ذنب ومظلومه وانا واثقة فى ربنا انها خير
جورى فى نفسها : اه ي معتز لو عرفت تحلها بجد هتبق بيضالك فى القفص بجد
نور : طب استأذن بقا ي عمتو عشان اتأخرت
جورى : استنى هخلى حد يوصلك
نور : عربيتى معايا متقلقيش
جورى : من امتا وانتى معاكى عربية ي بنت زياد
نور بضحك : سليم اقنع بابا بالعافية انى يخلينى اسوق العربية واتعلم السواقة وبعدها بابا وافق وسليم علمنى وجابلي عربية
جورى : مبارك ي حبيبتى
نور : الله يبارك فيكى ي عمتو ؛ استأذن انا بقا سلام
جورى : سلام
..........
فى منزل زياد وسارة
كان الجميع يجلس فى جو عائلى جميل ثم طرق الباب
فذهب سليم لفتحه ووجده محمد
محمد : السلام عليكم ورحمة الله وبركاته
سليم : وعليكم السلام ورحمة الله وبركاته، اتفضل ي محمد كنت منتظرك علفكرة
محمد ابتسم له ثم ذهب خلفه
..............
فى غرفة المكتب الخاصة بوالد سليم
سليم : تمام ي محمد كده الشركة بقت جاهزة من كله
محمد : هنبدأ من بكرة بإذن الله
سليم : انا هجيب مالك وهيتدرب فيها وهيكون اول متدرب
محمد بهدوء كعادته: تمام
سليم وهو يتذكر فعلا قول فاطمة أخته لانه يدرس لها فى جامعتها هى ومالك : مستر فريزر بجد
محمد : طب استأذن انا دلوقتى
سليم : لا ميصحش انت هتقعد تتغدى معانا
محمد :لا شكرا ي سليم مرة تانية
ثم سلم على سليم وذهب سليم ليوصله
لم تكن تعلم فاطمة بأنه موجود مع أخيها فكانت كعادتها تناقر أخاها مالك
فاطمة : ي ماااالك ي كلب البحر ي جزمة وربنا المرة ده لو كان مين مش هيعرف يشيلك من تحت يدى
كان مالك يركض إلى أن اصطدم بسليم ورأى محمد فقال بابتسامة: ازيك ي دكتور
محمد : الحمد لله وازيك انت ي مالك
مالك: هكون بخير لو مقولتوش لفاطمة على مكانى ثم بسرعة البرق ذهب إلى غرفة المكتب واختبأ
سليم : معليش ي محمد الحرب العالمية اليومية ابتدت، اكيد الحيوان عملها حاجه
جاءت فاطمة والغضب يملأ وجهها ولم تلحظ محمد الواقف مع سليم
فاطمة " قول ي سليم هو فين ،انا عارفة انك عارف مكانه ومش هتقول ،فاختصر وقول
ثم غضت بصرها بخجل فور رؤيتها محمد ثم قالت
: احم دكتور فريز..قصدى دكتور محمد ازى حضرتك
محمد: الحمد لله
شاور لها سليم علة غرفة المكتب ثم دخلت
.....
محمد : طب استأذن انا بقا
سليم : سلام ي محمد
محمد : سلام
لم يكمل كلمته ووجد مالك يصرخ : اخر مرة ي فاطمة صدقينى
فاطمة بصراخ : قولتلك ي مالك كله الا الشوكولاته بتاعتى انت عارف بقا عقابك ايه
مالك : خلاص بقا ي فاطمة هجبلك علبتين ودلوقتي كمان
فاطمة بتفكير : اممم بص بقا هكون عادلة معاك هعد ل ١٠٠ لو ملقتش علبتين شوكولاته قدامى انت عارف هعمل ايه . انا طيبة آه وبنت جدعه وعارف انك البست فريند بتاعى بس عند الشوكولاته بقا وفولو استوب (معانا نقطة لنهاية الكلام)
ثم أكملت: ١ ،٢
قام مالك مسرعا وذهب فوجد محمد سوف يغادر
سليم : البس ي معلم
مالك : ي شماته الأعداء فيا ،اشوف فيكى يوم ي فاطمة ي بنت ام فاطمة
ضحك سليم عليه ثم قابله ابتسامه من محمد
ثم خرج ليجلب لاخته العلبتين بدل ان تفشى سره لأبيه 😂
(احلى استغلال والله 😂)
غادر محمد معه وفى داخله يبتسم لتلك الطفلة لا ينكر إعجابه بها ولكن ما يعيقه هو اختلافهم فى الصفات فهو هادئ بارد ورزين العقل لكن هى متهورة بل طفلة فى شكل فتاة كبيرة ما يعجبه بها حقا انها ملتزمة ولباسها محتشم عكس الفتيات إلى فى مثل سنها فى جامعتها .
بعد مرور يومين
نور كانت تنتظر مكالمة جورى لترى ان كان الموضوع حل أو لا
محمد بدأو عملهم ومالك بدأ تدريبه وفاطمة أصرت أن تتدرب مثل مالك ومعه 😂
(حكاية كل توأم )
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جورى اتصلت بمعتز لترى ما فعله فى موضوع نور
جورى : ها ي ميزو قولى ي خويا عملت ايه
معتز : كل خير ي حبيبتى ،فعلا الواد إلى اسمه أحمد هو إلى عمل كده انا اتحققت اولا من كاميرات المراقبة بعد ما نور قالتلى عاليوم إلى هو قالها فيه وهى صدته وفعلا لقيته بعدها اخد ملف نور وصور صورتها ،طبعا بعدها طلبته لمكتبى وهو ادانى الفون بتاعه ولقيت المحادثة على فونه فعلا وهو اعترف بكده انا اخدت الفون ومدتهوش له تانى عشان يثبتلى فعلا انه مش عايز منها حاجه تانى ونقلته للشركه إلى فى الاقصر
جورى : وهو ازاى اقتنع واعرفتلك
معتز : اكيد هو كذب الأول بس انا نصحته ووريته انه ممكن كان يحصل فيه ايه لو حد عرف بالى عمله ومستقبله إلى هيضيع ،انا تعاملت معاه بشكل ودى وده كان لصالح الآنسة نور ولصالحه كمان
جورى : انت المفروض كنت رفدته ي معتز .
معتز : صدقينى مش هو ده الحل ،لو عملت كده كان هيثبت فى دماغه انه يأذيها وهو كده كده هيقول مستقبلى ضايع ضايع فأكيد الشيطان هنلعب فى دماغه واكيد هأذيها
جورى بتفهم : فعلا معاك حق ي ميزو ،ربنا يباركلك فى عقلك ياخى دماغك ده دهب
معتز : اومال
جورى ضحكت عليه
معتز : تبا لتواضعى
جورى : دلوقتى اقول لنور تيجى الشركة
معتز : لأ
جورى : ليه
معتز : .. .............
______________
فى شركة سليم ومحمد
كانت فاطمة كالعادة بتتخانق مع مالك على اتفه الأسباب والشركة حفظتهم (ولاد المفضوحه ،فعلا التوأم مينفعوش مع بعض خالص😂)
كان محمد داخل لمكتبه
محمد : ايه الصوت ده
السكرتير : دول اخوات مستر سليم كالعادة بيتخانقو
محمد ابتسم: فين سليم
السكرتير: مجاش انهاردة
محمد : طيب لما يخلصو خناق هات مالك على مكتبى
السكريتر: حاضر
...................
بعد دقائق
دخل مالك إلى مكتب محمد بعد أن اذن له فى الدخول
مالك : حضرتك كنت عايزنى
محمد : ايوا ي مالك بص انت هتتنقل للتدريب عندى والانسة فاطمة هتتدرب عند سليم القرار مفيهوش نقاش
مالك : حاضر
محمد : اتفضل الملفات ده ادرسها وعايزك تقولى اهم النقاط فى المشروع ده
مالك : حاضر
ثم أخذ الملفات وذهب إلى مكتبه الجديد
.بعد خروجه رن محمد على سليم وأخذ منه معاد لمقابلته هو ووالده.
.........
اليوم يكون عقد قران عبد الرحمن ورحمة وزفافهم ايضا
وبعد عقد القران
عبد الرحمن كان فى ايام خطبته من رحمة يقنعها بارتداء النقاب وفعلا رحمة ارتدت النقاب .
عبد الرحمن: عيونك باينين شوية
رحمة : طيب اهو
ثم أنزلت النقاب قليلا على عينيها ثم قالت : كده حلو
عبد الرحمن : حلو جدا
رحمة : وبعدين القاعة كلها بنات
عبد الرحمن: من غير نقاش
رحمة : حاضر ،يلا روح للقاعة المخصصة ليكم بقا
عبد الرحمن: حاضر.
....
نور : والله ي عائشة ده الود اخوكى طلع راجل بحق
عائشة : اومال
نور : احسن عشان يربى البت رحمة مكانش حد قادر عليها
عائشة : عقبالك ي حبيبتى
نور : آمين ي رب
عائشة: شوف البت إلى يشوفها وهى بتقول آمين ميشوفهاش وهيا رافضة يجى ١٠ عرسان لدقتى.
نور : باختصار بقا مش ملتزمين .
عائشة : انا مش عارفه انتى بتعمليلهم ايه عشان ميجوش تانى
نور بغرور مصطنع : الشيخ محمد الغليظ قال(ضوابط الخطوبة الشرعية كفيلة انها تطفش اى عريس مش ملتزم )
عائشة : شطورة ي ناس
نور : اقعدى ساكته بالبطيخه بتاعتك ده مين يصدق انك فى الرابع بس
عائشة : اعمل ايه يعنى ي اخت 😑
نور : لو بنت هتسميها نور صح
عائشة : مش كفاية نور واحده عالكوكب هو ناقص
نور: كنت عارفة انك اصيلة وهتسميها نور تسلميلي ي عائشة ي حبيبتى
عائشة نظرت إليها بذهول ولم ترد
نور : بيقول السكوت علامه الرضا ،على بركة الله ي بنتى
ضحكت عائشة على نور 😂
.........
ومر الزفاف على خير ... وتم بأكمل وجه وذهب كل منهم إلى منزله
.....
