رواية لفي بيا يا دنيا الفصل الخامس عشر 15 بقلم لولو طارق

باسل بخضه شد رجله جامد ولولو وقعت عليه .. نزل تحت المكتب وبصدمه بيدعك فى راسه  : انتى بجد ومسك خدها جااامد 

لولو : أه قلبى  .. باسن 

باسل بتاكيد : يبقى أنتى .. ايه جابك هنا وقاعد على روكبه وموطى راسه ولولو كذلك .. أعمل ايه يارب فيها .. أربطها .. اشمعها بالشمع الأحمر يمكن تتهد 

لولو بتذمر : خبطنى يا باسل ومش عاجبك 

باسل : إيه جابك هناااا .. انتى إيه إنس والا جن 

لولو بتشاور : مش انا يا باسل .. مش انا 

باسل متنح : إمال مين 

لولو : هما بعتو جابونى .. وعلت صوتها بقولك خبطنى بالخشبه الا اسمها روكبك وتخنت صوتها .. دا ظلم 

باسل بعصبيه ومسك وشها بين إيديه وقرب عليها وبيحاول يعضها زى ما عملت فيه .. دخل القائد ووطى راسه تحت المكتب وبصوته كله 

القائد : أنتو بتعملو إيه تحت المكتب 

لولو وباسل بصو ناحيته وباسل غمض عيونه ولولو بتزقه وبهمس : مين قليل الذوق الا داخل علينا دا مش يخبط 

باسل مسك بوئها : إخرسى  

القائد بيشاور بايده : اطلعووو .. مش قادرين تصبرو لحد ما تروحو بيتكو 

باسل مسك إيديها وبيطلعها من تحت المكتب : إطلعى مش عارف ها اجيبك منين تانى  .. وواقف بيعدل هدومها وينفضها .. أدى التحيه وواقف مكانه 

لولو أدت التحيه زيه وواقفه انتباه .. والقائد قعد على كرسى المكتب وشاور لهم : اتفضلو

باسل قعد ولولو قعدت قدامه ولسا ها يتكلم القائد سكته : انا عارف إنك مستغرب وجود مراتك هنااا .. انا الا بعت جبتها 

باسل بجديه : خير يا فندم عملت حاجه 

لولو بحلفان : والله والله والله .. ما عملت حاجه يا باسل بيفترو عليا المفترين 

القائد ضحك وباسل بيدارى وشه وابتسم : ها أريحكم انتو الأتنين .. بس مش نرحب بلولو الاول  .. هو انا ممكن اسالك سؤال قبل الترحيب 

لولو : اتفصل 

القائد : ليه أسمك أصلا لولو 

لولو : كل ما أسأل بابا وماما يقولو اهو منه أسم ودلع بيريحو نفسهم يعنى 

القائد : ماشى يا ستى .. ندلع وماله والا الواد دا ما بيدلعكيش 

باسل : وربنا انا مظلوم معاها انا محتاج الا يفوقنى معاها مش ادلعها 

القائد : احنا كلنا مظلومين بس ها نعمل ايه دا قدرنا 

لولو : ياعينى انتو على اخركو

القائد ضحك : فعلا .. تشربى ايه 

لولو : مانجه 

باسل : انتى طالعه رحله .. نسكافيه يافندم 

القائد داس على زرار قدامه فى مكتب باسل  وعسكرى دخل وطلب المشروبات لهم 

باسل : خير يا فندم 

القائد : خير إن شاء الله .. المهمه الا هانتكلم فيها دلوقت إختيارى بمعنى لا انت ولا هى مجبورين عليها .. بس قبل ما اقولك إيه هى حط إيده على صدره انا بنصحكم إنكو توافقو عليها منها تقضو يومين حلوين ومكافأه تسد ديونكم وتعرفو تعيشو براحتكم 

باسل بعدم فهم : مهمه انا و لولو .. وبقلق .. ماعتقدش ابدا ان شغلنا ينفع واحده زى مراتى وانا مش ها أرضى طبعا إنى أعرضها للخطر .. الفلوس بتتعوض هى لاء 

لولو ابتسمت وبصتله وساكته .. والقائد اتكلم 

القائد : قبل ما تعترض أعرف الاول وانا قولت إختيارى ومفيش انسب منكم انتم الاتنين ..  بالظبط بقالك شهر انت ومراتك متراقب من المخابرات  وحياتكم كلها عندهم بتعيشو ازاى .. ايه مدايقكم .. عليكم ديون والا لاء علاقتكم .. كله كله .. وايه السبب أنت  ..بما إنك من المطلوبين عندهم بالاسم او فى القوايم بتاعتهم  فا فكرنا فى فكره كدا نضرب بيها عصفورين بحجر واحد .  حجم المعدات والاسلحه الا بيدخل لهم كبير وانت عارف دا بنفسك .. فى واحد منهم  .. المخابرات متتبعاه برا مصر  لانه متورط معاهم وهو تبع جهه من الا بتمول الأرهابين دول عايش فى فرنسا وبيتواصل مع باقى الشبكه فى كذا بلد تانيه بتمول إرهابين  بس وجوده فى فرنسا للتمويه عليه وعشان يتعامل بأريحيه .. طبعا انت بما إنك معروف بالنسبه لهم  فا وجودك وسطهم مكسب ليك انت شخصيا وطبعا لينا 

باسل : ماشى إيه دخل مراتى 

القائد : انا جاى لك فى الكلام ... مراتك تبع القوات المسلحه يعنى فاهمه صميم عملنا وغير كدا على حسب التقرير الا جالى .. منطلقه وبيبص لها تلقائيه ودمها خفيف وعندها قدره كبيره على الإقناع 

لولو بصتله وضحكت : هو مين القمر الصناعى الا بينقل لكم المعلومات الخاطئه دى 

القائد : بصى يا لولو .. احنا عارفين بنعمل إيه وبنختار مين هما عارفين إن جوزك عريس .. تخيلى كدا لما يوصل لهم انه بيعانى مديااا .. وانتى عايزا تعيشى حياتك زى اى واحده وهو بيحبك لدرجة إنه يعمل اى حاجه عشانك وممكن يتنازل شويه عشان خاطرك هما مش ها يصدقو دا غير لما يشوفو دا بعينهم معاكى ومعاه 

باسل هز راسه : فهمت يصتادونى ويخلونى تبعهم بالفلوس 

القائد فرد إيده : دى وسيلة إقناعهم الأساسيه وانت عارف .. اخر ضبطيه وانتو بتجرو وراهم وسابو عربيتهم زى الكلاب وجريووو .. كان فيها اد إيه وكلها دولارت متحوله جديده  .. المبلغ ضخم وكبير ويزغلل عين اى حد لما يبفى مع واحد فيهم اكتر من نص مليون دولار يبقى الناس دى أساس عقيدتها الفلوس وبس فا ها نظهر فى الصوره وبيشاور عل  لولو .. اللى  بيحبها وشاور على باسل والا عنده استعداد يعمل اى حاجه عشانها 

لولو : طيب انا دورى إيه بالظبط يعنى ها اعمل دا ازاى 

القائد أبتسم : هايبقى ليكى نصيب من الدلع اخيرا وتعيشى يومين انتى وجوزك فى فرنسا بس فى تحركات معينه ها تتحركوها تبع تعليمات هاتجيلكم .. والكلام المتفق عليه هو الا ها يتقال وبس 

لولو بحيره عيونها راحت على باسل وباسل نفس الموضوع 

باسل : ولو قولت انا مش عايز دا .. لوحدى ماشى مراتى لاء 

القائد : ما تتسرعش قبل ما تقعد مع قياده من المخابرات ها اسيبك إنهارده انت ومراتك تتشاورو مع بعض وقام وقف .. اسيبكم بقى 

لولو قاعده وباسل قدامها عيونه فى عيونها وساكت ما بيتكلمش وهادى .. 

لولو : قولت إيه والله عرض حلو وكمان ها نسافر مع بعض نتفسح ونعيش حياتنا بقى 

باسل بتريقه : هئ تعيشى حياتك  .. انتى مجنونه انا كدا بضحى بيكى .. طيب انا عارف الا فيها انما انتى 

لولو مسكت إيده الاتنين : ربنا ما يحرمنى منك .. اللى ها يسرى عليااا .. ها يسرى عليك سيبيها على الله 

باسل : ماهى على الله .. واتنهد .  لاء مش ها أقدر اخدك طعم يا بنتى  انتى هبله 

لولو : ولو قولتك إنى موافقه وعلت صوتها شويه .. ااه عايز تسيبنى وتروح لكرستينا حامل منه بحجة الشغل .. وبتنطر إيديها تروح لولو يجى غيرها .. والله على قلبك وخبطته على صدره بايدها .. 

باسل مسك إيديها .. فردها باسها برقه وشد لولو لحضنه وباسها بوسها طويله من خدودها وضمها قوى وغمض عيونه .. صدقينى مش ها اقدر اعرض حياتك للخطر 

لولو دموعها نزلت : إشمعنا انت انا مش ها اسيبك والله انا الا مش ها اقدر كفايه يا باسل لقيت حد يفهمنى يدخل جوايااا ويعرف كل حاجه عنى .. قابلنى بضحكى وزعلى وكله ..  ليه عايزا تحرمنى اكون جمبه 

باسل عدلها وبيمسح دموعها وأبتسم : مش واخد عليكى كدا يا ام نووواف ..قومى 

لولو : طيب ايه رايك نعرف ها يعملو ايه معانا ولو فى تأمين كويس لنا نوافق 

باسل هز راسه : إن شاء الله

لولو أبتسمت : انت بتخاف عليا قوى كدا 

باسل ديق عيونه وبهزار : دانا ها اطلع عينك .. اخاف عليكى انا بقيت اخاف على نفسى منك وفرد إيده حتته حلم اد كداهو طلعتى عينى لا وكمان حاتم بيخطط هو ومراته يا بتاعت القصب 

لولو بصوت عالى جدا ضحكت وباسل كتم بوئها بسرعه .. يخربيت جنانك لمى نفسك إحنا مش فى البيت ما تدايقنيش يا لولو 

لولو بعد ما شال إيده : ما انت الا فظيع وكمان لسا بتفكر فى الحلم وحاتم .. اكيد كان هايروح لمحمد ويثبت برأتى مش الأستاذ إلا ما صدق راح يتصور مع واحده اجنبيه شبه كرستينا بتاعت عوكل .. بتتجوز بطنها قدامها اد كدا 

باسل بيزق راسها : لو أعرف دى ماشيه فى أنهى إتجاه يمكن نرتاح كلنا وقااام قعد على كنبة أنتريه جوا مكتبه بيريح عليها ساعات .. وبيفرد رجله 

لولو راحت قعدت جمبه : انت مش هاتقوم عشان نروح 

باسل : ههههه .. تروحى إبقى قابلينى يا منطلقه يا ام دم خفيف حتى لو قولنا لاء ها يصرو على الا فى دماغهم بقالنا شهر بنتراقب وبيترتب لنا يعنى صعب نرفض

لولو : دا عمل وطنى فيها ايه لما نوافق يعنى 

باسل اتعدل مره واحده : لا وانتى مقطعه الوطنيه وديلها وبيقلدها وبيرفع صوته انا بخاف .. بخاف 

لولو : ههههه خلاص بقتش أخف وحطت ايدها فى دراعه وباصه فى الارض : عشان ربنا كرمنى بيك يا بسبوستى وعلى طول جمبى 

باسل زقها بكتفه : ايه الكلام الجامد دا .. مابسمعوش  فى البيت 

لولو : ها تشوفه و تسمع  فى فرنسا وإحنا بنأنتخ لنا يومين 

باسل : ههههه .. اقسم بالله انتى حلال فيكى كم الصدمات الا بتاخديها من كتر ما انتى شايفه الدنيا وردى .. وبيزقها .. أنتخى بعيد عنى .. وفضلو طول الوقت بيفكرو وبيقررو مع بعض بجديه .. واخيرا وافقووو بس بعد ما لولو أكدت لباسل  انها عملت اختبار حمل ومفيش حمل وتقدر تتحرك براحتها وتعمل الا هما عايزينه 

اتعمل لهم إجتماع لولو اتخضت من  الشكل العام فقد والجديه والوشوش الا صعب تهزر فى وجودها وطلبو منهم إنهم يستدرجو العنصر المطلوب هنا مصر بعد ما يتاكد إن باسل معاهم  ويعرفو مين بالظبط الا بيتم تمويلهم وازاى والطريقه الا بيتواصلو بيها معاهم .. كان مطلوب منهم كذا مهمه  .. بس كل مهمه لها استعدادها الخاص .. لولو ها تخضع لتأهيل وتمارين مكسفه جدا جدا زيها زى المقاتل ودا كان دور باسل .. وأزاى تتعامل مع الامور وتعرف اذا كان فى خطر حواليها وازاى تلقط المعلومات ودا كان دور المخابرات فجأه الا كانت متخيله إنه حاجه بسيطه طلعت كبيره جدا والأمور كلها جد الجد ... قدامها بالظبط 15 يوم تتمرن ليل ونهار وشخصيتها تتحول تماما وتتغير أكتر وأكتر .. 

لولو وباسل جوا المعسكر الخاص بتدريبها فى مكان بعيد عن نظر الجميع ... 

باسل بصوت عالى : شدى على نفسك .. ما تبصيش تحت وكملى 

لولو : اشد أروح فين تانى .. حرام عليك انت اتحولت وبقيت الخوط خليلة الخوط كدا ليه 

باسل بجديه تامه : مش عايز هزار .. نطت أخيرا من على السور اللى ماشيه عليه وباسل بيضرب تحت رجلها بالرشاش وهى بتجرى .. لا مش بتجرى بتنط وباسل ماسك نفسه بالعافيه من الضحك عليها .. 

واقف قدامها بعد تمارين كتير صاعبه .. بيلبسها حزام عريض وفى زمزمية ميه  وبيعدلها وبيمسح وشها بالميه 

لولو وهى واقفه رامت راسها على صدر باسل 

لولو : أخخخ .. أرحم أمى زينبووو .. الهى يسترك تعبت يا قمبلة حياتى .. يا حزامى الناسف .. يا طبق طلق حارق مارق 

باسل أبتسم وعدلها بايده وبجديه : جاهزه 

لولو بتمشى ايديها قدام وشه : هو الكلام مش واصل عندك فوق 

باسل اتقدم خطوه ومسك إيديها وهو لابس شورت وكوتشى وشايل شنطه فيها كل حاجه ممكن يحتاجها .. وبدء يجرى وهى تجرى  وراه .. قربت من تعبها نطت عليه من ورا ومتشعلقه على ضهره ولف إيديها الأتنين حوالين راقبته 

باسل مسكها : انزلى يا لولو 

لولو : والله منا نازله غير لما تدينى راحه 

باسل : يابنتى ماتدايقنيش عليكى 

لولو تبت فيه اكتر : بقولك مش نازله .. وبتعلى صوتها .. مش نازله يا بشر ..  قولى ها تاخدى راحه ها انزل 

باسل بمكر : هاتاخدى راحه 

لولو مش نزلت سابت إيديها وإندب فى الارض وفردت نفسها وعملت إيديها مخده ونايمه عليها 

باسل بضحك مش قادر يسيطر عليه قعد جمبها : قومى يابنتى وبطلى تهريج 

لولو رافعت راسها ومدت بوذها : أخخخخ .. تووووووش 

باسل : توووش .. مسك زمزمية الميه ودلق على وشها ولولو ولا اتهزت من مكانها وبصوت ضعيف : الله طرواه يارب 

باسل حاول معاهل بس فعلا نامت تماما .. عيشها أسبوع الجحيم الحقيقى لفرق السيل وال999 وغيرها .. اسبوع لا راحه ولا نوم كويس وتمارين خسستها النص من شدتها ... شالها على كتفه ورجع بيها المكان بتاعها هو وهى المخصص لوجودهم .. سابها تريح لانها فاصله ودخل خد شاور ونام على السرير جمبها برغم انها متبهدله .. وبيبص لها ولملامحها الا اتغيرت .. بقت ارشق واجمل وبقى يحبها اكتر واكتر لانها لسا محتفظه بطريقتها الخاصه إلا بتجذبه لها .. 

***********

لاما : يعنى هى عامله إيه يا ماما .. من ساعة ما اتنقلت العريش وإحنا مابنعرفش نكلمها وصعب قوى 

زينب : الحمد لله أهى من الوقت للتانى بتتصل تطمنا عليها والامور مع باسل كويسه ودى اهم حاجه .. وباسل قالى إنه مش سايبها وعلى طول يطمن إنها بخير 

لاما : لسا مفيش حمل .. والا هما مش عايزين 

زينب : والله ما اعرف اختك لما كلمتها قالتلى مفيش حاجه وياماما ما تفضليش كل شويه تسألى وتحسسينى إنى متجوزه بقالى سنين .. فا سكت أديقها وأشغل بالها يعنى 

لاما : ايوا صح هى عندها حق .. فاكره يا ماما حماتى لما كانت كل يوم تتصل تسئلنى وترتنى وخلت نفسيتى وحشه جدا .. واهو الحمد لله ربنا كرمنى لما هديت وامورى مشيت طبيعى 

زينب : ربنا ما يحرمكو يا بنتى .. هو فين مش سامعه زنه ولا شيفاه 

لاما لفت بالكاميرا على السرير : نايم عشان يستعد ليا طول الليل 

زينب : خلى بالك على حماده حبيبى وخلى بالك على نفسك ولما ابوكى يطلع من الجامع ها أخليه يكلمك ونشوف حماده وهو صاحى 

لاما : حاضر يا ماما .. عشان خاطرى لما لولو تتصل قوليلها تكلمنى وحشتنى قوى ووحشنى صوتها 

زينب : يارب مايحرمكو من بعض يا ولادى ويهدى سركم واحولاكم .. عنيه يا قلب أمك 

لاما : اللهم امين ..  لا إله إلا الله 

زينب : محمد رسول الله  

********** 

عدى وقت كبير .. ولولو نايمه زى ما هى وباسل مع القياده بيطمنو على الامور ومستوى لولو الرياضى وصل لفين  .. وأطمنو عليها وباسل رجع تانى لمكانهم .. بص على السرير مش موجوده .. لقاها خارجه من الحمام لابسه بادى وشورت وبتنشف شعرها .. قرب عليها .. وشالها بين إيديه .. دفس راسه فى راقبها وباسها وبهمس .. وحشتينى وانتى جمبى .. انا بقيت بتعذب فى وجودك   

لولو ضمته وبتاخد نفس : ياااه فينك يا راجل من زمان والله كنت أحس إنو إنت مو انت 

باسل أبتسم .. وباسها برقه ونزلها وهى لسا فى حضنه وبيلم شعرها لورا وعيونه كلها شوق : انتى عماله تحلوى كدا ليه ها تودينا فى داهيه وانا هنا زى عمتك 

لولو ضحكت و بغرور مزيف : طول عمرى .. 

باسل بغمزه : عارف .. تعالى وشدها وقعد وقعدها على رجله زى ما هو متعود حاوط وسطها .. من بكرا إن شاء الله هايبقى فى تمارين مختلفه شويه 

لولو : يالهوووى ياما .. روحونى ياناااس .. قولتلك أنا اخرى اخلف واربى العيال .. اقوم انا إلا اتربى وفردت إيديها ليه دا كله راحه احارب والا افتح عكه 

باسل حط راسه على كتفها وهو بيضحك وبيضمها اكتر : مش انتى الا صممتى .. دا الحل الوحيد لتأمينك .. عشان تكونى مستعده فى اى وقت لو حصل حاجه وتعرفى تتصرفى 

لولو : انت متاكد انه كدا بس 

باسل هز راسه : ايوا يعنى لو فكرو يقتلونى مثلا مش يبقى فى ضهرى راجل والا هاتضحى بيا بسهوله 

لولو ضمت راسه قوووى : أوعى تقول كدا ربنا يبعد الشر عنك .. 

باسل اتعدل وبص فى عيونها : بتحبينى بجد يا لولو .. يعنى ممكن تزعلى لو جرالى حاجه والا هاتنسى وتتجوزى وتعيشى حياتك 

لولو : انت بتدايقنى ليه وبتتكلم كدا ليه اصلا .  هما مش قالو الموضوع إختيارى يبقى خلاص بلاش منه 

باسل : انا مش خايف غير عليكى .. الخطر فى اى مكان انا موجود فيه وكلها فى أيد ربنا  ودا انا عارفه بس ما اتخيلتش تتحطى فى الموقف دا بسببى مش عارف ليه كل يوم سبحان الله حبك بيزيد عندى كنت فاكر إنى لما أتجوز على حب ها اعيش سعيد ومبسوط وضمها قوووى بس سعادتى طلعت فى قربك وخوفى اللى اول مره احسه  كان ليكى انتى .. بس انا واثق من ربنا إنه ها يحفظك 

لولو : ها يحفظنا إن شاء الله ومش ها يتخلى عننا .. وبهزار .. إحنا غلابه قوى يا خال والله غلابه 

باسل بيغير الموضوع خالص عشان ما يخوفهاش : ماجوعتيش 

لولو هزت راسها : جدا .. جدا ونفسى فى اللحظه دى زينبو تبعتلى صنية مكرونه بشملوووو وفرخه مبطرخه كدا مشويه حلوه وبونبار من الا قلبك يحبه 

باسل ضحك : وتضيعى كل تعبنا وبيشاور على جسمها فى النحت والردم الا بنعمله فيكى 

لولو : مره مش هاتضر .. 

باسل : تعالى أكلنا إنهارده يفتح النفس ومتوصى عليه عشان خاطرك .. 

لولو بصت فى الصنيه واتصدمت : إيه دا يا عم انت .. انتو لو بتعذبو ابو لهب مش ها تعملو فيه كدا 

باسل قعد وهو سايح على نفسه من الضحك : أقعدى وقولى بسم الله 

لولو بتذمر : دى عينات أكل يا باسم  عينات وقعدت وبتاكل معاه 

باسل : قولى الحمد لله يالولو 

لولو رفعت إيديها : الحمد لله يارب على كل الا تجيبه .. والحمد لله على وجود زينبو فى حياتى .. أحياتى يا زينبووو دانا ها اروحلك ابوس الجدم وابدى الندم على غلطتى فى حق زينبووو 

باسل : أعترفى واعرفى قيمتها الا طلعتى عنيها 

لولو : عرفت وتوبت إلى الله كلمت طنط وعمو 

باسل هز راسه : أيوا .. وسألونى عليكى خلصى اكل وكلميهم وكلمت زينبووو وصبحى ميل راسه .. حاجه تانى 

لولو : تسلم يا حبيبى .. خلصت أكل هى وباسل وقامت تعمل شاى .. خلصته وقعدت جمبه  وناولته الكوبايه قولى بقى ها نعمل إيه 

باسل : ها تتدربى على الغتص 

لولو : منا بعرف 

باسل رافع حاجبه الأتنين وابتسم .. لا مش الا تعرفيه .. ها تتربطى إيد ورجل وتترمى فى الميه 

لولو سابت الكوبايه وفردت إيديها : هايغرقونى يارب .. ايه الناس دى يارب .. هاتشربى ميه لما تتنفخى يا لولو يا حبيبتى ... فرحنى وقولى إيه تانى 

باسل كمل بنفس الطريقه : هانرميكى من الطياره 

لولو فردت إيديها على اخرها : ماتقتلونى احسن .. قطعونى حتت وأرمونى للقطط يا جاحدين 

باسل بيخبط على الترابيزه وبيضحك مش قادر ياخد نفسه 

لولو قربت عليه : وانا اقول ماله حنين معايا كدا ليه ..أتاريك بتحضرلى مصيبه 

باسل بيهز ايده بمعنى لاء وهلكان ضحك : لا لسااا .. هانرميكى من اللنش ونسيبك فى نص البحر باليل فى عز الضلمه 

لولو قامت ونطت على باسل وقربت على وشه جامد وتخنت صوتها : وزعونى على الفقرا والمساكين يعملو شوربه سى فود .. فى ايه ياعم حد مسلطكو عليااا .. 

باسل حضنها والأتنين وقعو فى الارض .. وبيضحكو بصوت عالى جدا حط رجله عليها وتبت جااامد وبيقول بصوت مقطع : لسا حقى انا .. اخده منك دلوقت 

لولو : عند ربنا والا عنده ما بيروحش كفايه الا ها يحصلى مش مكفيك ولولو سلكت نفسها  وقامت تجرى وباسل بيجرى وراها وبما انها اتعلمت القفز فكانت بتقفز على اى حاجه وباسل يجبها من قفاها .. 

نامو الاتنين وبيستعدو ليوم جديد بيبتدى من بعد صلاة الفجر على طول ... ابتدو فيه بالضاحيه وجريو مسافات كبيره جدا مع بعض .. راحت لبست بدلة السباحه وبتقرب على باسل .. 

باسل : العب .. ايه الحلاوه دى 

لولو بتلف : حبيت نفسى قوى فيها .. شوفتنى وانا قرموط 

باسل : دلوقتى ها نشوف ها تطلعى إيه بالظبط .. انتى بقالك اكتر من ساعتين بتعومى عادى دلوقتى بقى زى ما المدربين كانو معاكى وفهموكى .. ها اربط إيدك ورجلك .. مطلوب منك تنزلى لاخر حمام السباحه وتجيبى النضاره ببوئك وتطلعى 

لولو : قصدك وتغرقى ماتنزل تجيبها انت 

باسل : مش عايزين دلع .. ياله .. عشان ها تنزلى تانى وتفكى ايدك ورجلك تحت الميه  وتطلعى وقرب على ودنها وبهمس وسط الموجودين .. بحبك وعارف إنك قدها .. 

لولو بحماس : ها تلاقينى بطروخ جوا الميه .. ونزلت مره واتنين وتلاته لحد ما نجحت فى المهمه .. ونفذت الا بعدها بعد اكتر من محاوله بردو .. خدت بريك بسيط .. واتمرنت تاانى .. الايام بتمر وكل يوم بتمرين جديد وفكره مختلفه عليها .. حتى الطياره الا كان مطمنها دايما وجود باسل قريب منها وبيعمل معاها كل المطلوب .. لولو شكلا وموضوعا أختلفت تماما .. اسبوعين جحيم بجد طلعت منهم يعتمد عليها الخوف ركنته على جمب واختارت انها تعيش المغامره مع باسل مهما كانت يا ترى ها يبقى شكل حياتها ايه بعد ما اتغيرت كدا .. 

خلاص كل شئ بيترتب على مستوى عالى ولولو فى قمة اناقتها هى وباسل وطالعين الطياااره مع بعض إيديهم متشبكه ونفوسهم هاديه وخطواتهم متمكنه .. اخيرا سمعووو الصوت والتنبيهات المطلوبه وعلى الجميع ربط الأحزمه  ترارار