رواية مغرور احب ملتزمة الفصل الرابع عشر
فى الحفلة 🎈
بعد عقد قران عائشة وسليم ،كانت الحفلة بسيطة جدا عبارة عن تجمع عائلى
عائلة زياد وسارة وعائلة عمر وجورى وعائلة جنى ومراد ولم تنس جورى أيضا ان تقول لوالدها ومعتز ...
.....
عند سليم وعائش
سليم بتوتر : احم ازيك ي عائشة
عائشة بابتسامه : الحمد لله بخير
سليم : مبارك علينا
عائشة : الله يبارك فيك
سليم : ولو انى منسيتش إلى عملتيه انتى والست نور
عائش بضحك : قلبك أبيض بقاا
سليم بابتسامه : عائشة انتى عارفه انك مكتوبالى من انا وصغير وانا بقول عايزك
عائشة : طب كنت مستني أي
سليم : مش عارف بصراحه، كنت عايز اتقدم خطوة بس مش عارف ازاى عارفه انا ممتن للبت نور على عملته بس بردو هطلعه عليها عشان دماغها ده
عائشة: بس خلتك تنطق ي روحى
سليم بذهول : قولتى ايه
عائشة بخجل : خلتك تنطق
سليم : الى بعدهم
عائشة :خلاص بقا ي سليم متكسفنيش الله
سليم : أول مرة اعرف انه أسمى حلو كدا
عائشة بخجل : لا بقا انت فيك حاجه انهاردة
سليم : بحبك ي عائشتى
عائشة ببلاهه : هاا
سليم : بقولك بحبك ي أميرتي
بيقولك بيحبك ي عائشة الله ايه الغريب فى ده
جاء صوتها من خلفهم
سليم فى نفسه : يخربيت كده نور تانى ،ماشى ي نور اما طلعتهم عليكى مبقاش انا سليم
نور : ايه ي سليم مالك بتبص فيا كده ليه وانتى ليه مكسوفه ي بت ده جوزك
سليم : نوور
نور : قلب نور ي ليمو
سليم : هعد لتلاته ي نور وانتى عارفه ايه إلى هيحصل لو لقيتك قدامى
واحد
وقبل ان يكمل العد كانت نور قد هربت 😂
(جبانه البت ده )
عائشة بضحك على نور : يخربيت عقلك ي نور ربنا يهديكي
سليم : ضحكتك تجنن ي عائشة
عائشة بخجل : شكرا
ونسيبهم بقا لوحدهم .....
.....
دخلت نور المنزل وهى تكاد تموت من فرط الضحك ،جاءتها جورى من خلفها
جورى : عملتى ايه تانى ي مصيبة
نور : برى يسطا 🌝
جورى : تعالى ي بت ي نور هنا قوليلى عملتى ايه عشان الواد سليم يتحرك وينطق
نور بابتسامه فخر وهى تتذكر ما قالته لعائشة
فلاااش
نور : بصى ي عائشة الخطة وهى ......
اتسعت عيون عائشة بانبهار وذهول
عائشة : يخربيت الروايات إلى طيرت دماغك ،بس فكرك هتنجح
نور : اكيد.اكيد
عائشة بتفكير : بس إلى حاسة انه إلى بتعمله غلط وانه ميصحش وانه سليم المفروض يتقدم خطوة من نفسه ،بقولك ألغى الكلام الأهبل ده سليم لو عايزنى بجد يتقدم والا انا هوافق عالعريس إلى متقدملى
ثم اكلمت عائشة
هستني لمدة أسبوع لو مجاش أتقدم انا هوافق عالعريس ولو انا أختك ي نور وبتحبيتى متقوليلوش على حاجه ،يلا سلام بقا
نور : سلام
كانت نور متأكده من رد عائشة على كلامها فهى لم تكن تنوى ان تفعل تلك الخطه التى أخبرت عائشة عنها ابدا كانت نفعل ذلك لتثير حنق عائشة فقط فهى تدرى ان عائشة غالية ولديها من الكرامة وعزة النفس ما يجعلها تأبى ذلك وهى تستحق ان يقدرها سليم أكثر فهى تعلم بمدى حب سليم لعائشة منذ الصغر ولذلك أقسمت على ان تربى أخاها قليلا ليهتم ويرى تلك الجوهرة التى ستضيع منه بسبب غباءه
....
بعد مرور يومين
على السفرة فى منزل زياد وسارة
سارة بمكر : رايحه فين ي نور
نور بابتسامة : رايحه عند عائشة ي أمى
ثم أكملت وهى تنظر لسليم الذى تغيرت ملامحه من ذكرهم اسمها
: اصل بصراحه ي أمى انهاردة جاى يتقدم لها عريس وانا هقضى اليوم عندها
سليم بغضب : نعم ياختى
نظرت سارة لسليم : مالك ي سليم فى اي
سليم نظر لأمه: أي ي ماما انتى كمان مش واخده بالك من إلى نور بتقوله
نور بمكر: وانا قولت اي ي سليم وانت ايه إلى دخلك اصلا فى موضوع عائشة
سليم بغضب : انتو هتجنونى ،انتو نسيتو اته عائشة ليا وكل عارف كدا ويعتبر انا خطيبها ازاى تخطبو لوحده مخطوبة
سارة : الكلام ده كلام عيال صغيرة وانت ماكدتش على كلامك لما كبرت وبقولك شغل وكمان انت مش متحرك ي مكانك فى ده ولا حد عارفلك رأى ،طب البنت ذنبها اي تقعد كده خليها تشوف مستقبلها
سليم : مستقبلها معايا والعموم انا ليا كلام مع عمى عمر
ثم ترك الأكل وذهب مسرعا ناحية للباب ليغادر
نور : ي سليم رايح فين ،اهدى بس مينفعش
لم يرد عليها وغادر مسرعا
لتنفجر سارة ونور من الضحك 😂
..
ذهب سليم لمنزل عائشة وطرق الباب وسأل على عمر ليلقاه فى غرفة المكتب
عمر: ايوة ي سليم قولت انك عايزنى فى موضوع مهم
سليم بتوتر : ي عمى انت عارف من انا وصغير جيتك هما وقولتلك انى هتجوز عائشة بنت حضرتك لما اكبر والكلام ده كان بحضور بابا وحضرتك وافقت
عمر بابتسامة : ايوة
سليم : يبقا كده انا وهى نبقا مخطوبين والفترة إلى عدت ده كانت فترة خطوبة مش اكتر .
عمر بتعجب: كمل ي سليم
سليم : انا عايز اكتب كتابى على عائشة وكتب الكتاب يبقا آخر الأسبوع
عمر: مش عارف اقولك ايه ي سليم بس الرأى رأى عائشة
سليم : وانا منتظر رأى حضرتك بس سؤال
الواضح انه حضرتك عارف انى عائشة يعنى إلى هو قصدى ...
عمر : متنطق ياض
سليم: مخطوبين
عمر بضحكة خفيفة : ايوة
سليم : طب ليه حضرتك كنت عايز تجوزها وخليت يتقدم ليها عريس
عمر : انا ..امتا ده
هو فعلا كان بتتقدم لها كتير بس انا كنت برفضهم وبقول بنتى مخطوبة كذلك والدك كان كلمنى فى موضوعكم وأكد عليا انه انتى وعائشة مخطوبين
سليم فى نفسه : ي نور الكلب اكيد كله من تخطيطك،عارف انا عقلك ماشى
ثم قال لعمر : انا اسف ي عمى شكلى فهمت الموضوع غلط ،يلا سلام
عمر : سلام
.......
اندد فلاااش....
جورى بضحك : عشان كده جيتى قعدتى عندنا أسبوع هما 😂
نور : بصراحه آه
...: السلام عليكم
جورى ونور : وعليكم السلام ورحمة الله وبركاته
جورى : معتز مش معقول
غضت نور بصرها فور معرفتها بأنه رجل اجنبى
نور : بعد اذنك ي عمتى هروح اشوف رحمة
اومات لها جورى برأسها ثن ذهبت نور
معتز : الحمد لله بخير ي حبيبتى وانتى عاملة ايه
جورى : بخير الحمد لله تعالى اتفضل ي حبيبى ده انت وحشتنى خالص والله
معتز : انتى اكتر والله
وبعد أن جلسو
جورى : ها قولى ي حبيبى عامل واخبار شركتك الجديدة
معتز : كله ماشى تمام حتى الشركه بردو الحمد لله ربنا اكرمنى فيها وبعد اسبوع بالظبط كلنا هننقل هنا
جورى بفرحه: هتستقرو فى القاهرة
معتز : ايوة ،بصراحه فرع الشركه بتاعت القاهرة ماشية كويس خالص ويخليها الفرع الرئيسي كمان عشان هستقر هنا
جورى : ربنا يباركلك ي حبيبى
بقولك ي ميزو محتاج موظفين فى شركتك
معتز : ي ريت وعارفه لو يكونو مهندسين تبقى خدمتينى ي جورى
جورى فى نفسها : البت نور كانت بتقول انها بتدور على شغل بعيدا عن شركة باباها ،اشوفها وتشتغل عند معتز
معتز : جورى رحتى فين
جورى: اه انا هنا ،طيب ي حبيبى اصل فى حد كده كان بيدور على وظيفة ومش عارفه لقى ولا لأ هشوف وأرد عليك آه صحيح هو مهندس
معتز بفضول : طيب ي جورى شوفيه وخليه يجى يقدم عالوظيفة فى الشركة
جورى : إن شاء الله
ها قولى خطيبتك أخبارها ايه
معتز : الحمد لله
جورى : مش هتتقدمو خطوة بقا
معتز : اممم مش عارف ي جورى بس مش مرتاح
جورى بحنان : ليه ي معتز ده كنت هتتجنن عشان نخطبهالك ده انت بتحبها من أيام الثانوية
معتز : بس ي جورى انا مش مرتاح وفى فترة الخطوبة ده اكتشفت فيها حاجات كتير اولا: مش بتراعى ضوابط الخطوبة وكذا مرة انصحها ي جورى بردو مفيش فايدة
جورى : طب اصبر عليها وانصحها ي حبيبى
معتز:مش عارف ي جورى بس واقفة على شعرة عندى وبعدها مش هقدر تانى انتى عارفه انه اختيار الزوجه صح ده واجب عليا وهتحاسب عليه انا هحاول معاها وربنا يقدر إلى فيه الخير
جورى : طب ايه رأيك ي معتز صلى صلاة استخارة وربنا يقدم إلى فيه الخير
معتز : بإذن الله ي جورى
ثم نظر إلى ساعته
طب استأذن انا بقا عشان معايا شغل الصبح بدرى
جورى : اذنك معاك ي روحى ،خلى بالك من نفسك
معتز :بإذن الله ي حبيبتى سلام
جورى : سلام
............🌧️...........
عند رحمة ونور
رحمة : يخربيت عقلك ي نور عملتى كل ده
نور: اه ولسه الجاى أخطر
رحمة بضحك : طب انا هقوم اجيب عصير شكل سليم قاعدته مطولة مع عائشة ومش هنلحق نتلم عليها
نور: هاتيلى حاجه آكلها معاكى
رحمة : طيب
.......
ذهبت رحمة إلى المطبخ لتحضر ما تريد
فى المطبخ ...
دخلت رحمة ولم تلحظ عبد الرحمن الذى كان يعد يشرب الماء ويوليها ظهره
رحمة فى نفسها : ي ترى مين ده إلى فاتح التلاجه كده ،يمكن يكون عبد الرحمن
رحمة بصوت عالى: ارفع إيدك لفوق وسلم نفسك بتعمل ايه ي عبد الرحمن عندك
بصق عبد الرحمن الماء الذى فى فمه من الخضة
رحمة : يالهوي بسم الله الرحمن الرحيم، انت بخير ياض
عبد الرحمن بعد أن استرد نفسه والى الآن لم يولى ظهره عن رحمه ولم يراها
عبد الرحمن : ناوية على ايه ي رحمة ي بنت عمتى ناوية على ايه قولى
رحمة وهى تكتم ضحكها : ولا على حاجه ي ابن خالى ،مكنتش اقصد
عبد الرحمن : رحمة امتا هتعقلى من الحركات ده انتى مش طفلة
رحمة بحنق : مكنتش اقصد ي عبد الرحمن وقولتلك كده
عبد الرحمن : ما انتى مبقتيش طفلة ي رحمة لازم تراعي تصرفاتك شوية
رحمة : بس انا مش طفلة
جاءت جويرية على صوتهم
جورى : فى ايه ي ولاد مالكم
عبد الرحمن لرحمه : تصرفاتك بتقول انك طفلة
رحمة : قولتلك مش طفلة ومكنتش اقصد إلى عملته كنت بهزر معاك وبطل بقا تقولى طفلة كل شوية
عبد الرحمن : متعليش صوتك ي رحمة وبعدين ضحكتك إلى كانت راجة الفلة ده تسميها ايه وصوتك العالى ده وهزارك ده كله ايه مش تصرفات طفلة
رحمة : ملكش دعوة ي عبد الرحمن اولا انا كنت بضحك مع مراة خالى ونور وثانيا مكانتش عالية يمكن عشان حضرتك اوضتك جنب أوضة عائشة ومكنتش اعرف انه حضرتك موجود فيها فسمعت ضحكتى ي أستاذ وصوتى مش عالى انا طبيعة صوتى كده وهو مش عالى وأما الهزار بتاعى دايما بحدود ومش بتخطاها انا عارفه كويس أخلاق دينى ي أستاذ عبد الرحمن وبحترمها كمان فمفيش داعى انك تزعق فيا كده
ثم تركته وذهبت
كانت جورى تقف وتستمع لهم.
جورى : ورايا ي عبد الرحمن اظن بعد كدا انا ليا كلام مع حضرتك
عبد الرحمن بضيق : حاضر ي أمى
.........
دخلت رحمة بضيق والغضب يأكلها
رحمة : هو فاكر نفسه مين عشان يزعق كده فيا
نور: مالك ي رحمة وهو مين ده
رحمة جلست وهى تقص لنور ما حدث
......
جورى : فهمنى ايه إلى حصل ي أستاذ من شوية ده
عبد الرحمن وهو يسمح وجهه بضيق : مش عارف ي ماما مش عارف
جورى : ايه إلى هو مش عارف انت عارف بعملتك ده ممكن متجيش هنا تانى وتزعل مننا
عبد الرحمن : انا مكنتش اقصد ي ماما بس
جورى : بس ايه ي عبد الرحمن انت مش من حقك تعمل إلى عملته ده
ثم أكملت بمكر : مالك انت تضحك ولا تهزر براحتها ي آخى
عبد الرحمن : براحتها ايه ي ماما ده
جورى بمقاطعه : ده ايه ي عبد الرحمن ،انت ابنى ي عبد الرحمن وانا عارفه أخلاقك كويس ليه عملت كده
عبد الرحمن : يمكن عشان بنت عمتى
جورى : فكر ي عبد الرحمن انت عملت كده ليه ومتنساش تعتذر من رحمة مش يمكن تكون بتغير عليها
قالتها بضحك ثم ذهبت .
عبد الرحمن : أغير عليها ازاى ده بعتبرها زى عائشة أختى او يمكن اكون........
.............
عند رحمة ونور
نور بمكر : مالوش حق ،بس انتى بررتى ليه ي رحمه
رحمة : عادى عشان أوضح الموضوع بس
نور :من امتا بتحبى تبرري لحد
رحمة: مش عارفة بس لقيت نفسى تلقائي ببررله الموضوع ي نور
نور : مش يمكن عشان مش عايزاه يغير نظرته فيكى او حابة توضحى الموضوع
رحمة بتفكير : لاا مش عارفه
نور نظرت لساعتها : يخربيت كده ي سليم شكله عجبته القاعدة
رحمة بابتسامة : اكيد ي بنتى ده مع حب الطفولة والقاعدة فى الحلال
نور : هموت وهعرف كل ده بيعملو ايه
رحمة : لما تكبري هبقا اقولك
نور بضحك : اكتر من كده ده انا اكبر منك ي رحمة
رحمة : حصل ياختى
نور بتثاؤب : شكلى هنام هنا انهاردة
رحمة : ي بايخه مكلنا متفقين ننام هنا بس خسارة الليله راحت ،يلا ننام
نور : صليتى القيام ي بت قبل متنامي
رحمة : صليتو الحمد لله
نور : طب يلا نقول اذكارنا وننام
................
فى صباح اليوم التالى.......
كانت رحمة تنزل من الدرج فاوقفها عبد الرحمن
عبد الرحمن : رحمة استنى
رحمة وهى تغض بصرها : نعم ي أستاذ عبد الرحمن
عبد الرحمن: انا اسف على طريقة كلامى معاكى مكانش من حقى انا اسف
رحمة بابتسامه : ولا يهمك ي عبد الرحمن عادى
عبد الرحمن: يعنى صاف ي لبن
رحمة : حليب ي اشطا
جورى من خلفهم وهى تبتسم : اما اشوف أخرتها معاك ي ابن بطنى
جاء عمر وهو يضمها من الخلف
عمر : بتقولى ايه ي حبى
جورى : الولاد كبرو ي عمر وكبرونا معاهم
عمر : معاكى حق ي حبيبتى ،ربنا يديمهم فى حياتنا ويباركلهم فى حياتهم ويثبتهم ويحسن أخلاقهم دايما .
جورى بابتسامة: آمين،ويديمك فى حياتى ي حبيبى
عمر : بحبك ي احلى حصلت فى حياتى
جورى : وانا كمان ي عمرى
نور : احم احم صباح الخير
جورى بحرج : اهلا صباح الخير ي نور
نور : صباح الخير ي عمو
عمر: صباح النور ي نور
نور بابتسامة : طب كده يعملو قفلة مع بعض نور ونور يعلمو ماس كهربى ومتظبطش المعادلة 😂
عمر : اقنعتينى بصراحه
نور : اومال
جورى بضحك : بمناسبة المعادلات بقا لقيتى شغل ي نور
نور : لا لسه ي عمتو بدور اهو
جورى : طب ايه رأيك لقيتلك شغل
نور : بجد
جورى : ايوة ،شوفى ي ستى ..........
.........
