رواية نيران وصالى الفصل الاول بقلم زهرة الربيع
شوفت جوزك بيتكلم مع واحده زي القمر وبيهمسلها وبيضحكو شوفتهم بعنيا يا وصال
وصال ضغطت على اسنانها بغضب وقالت...انتي متأكده يا رندا ولا تعملي مشاكل على الفاضي
رندا قالت بسرعه...يعني لو مش متأكده هقولك ما انا عرفاكي مجنونه اكيد متأكده وباين عليهم بينهم اسرار و
بس مكملتش جملتها ووصال جريت بسرعه وهيه ضحكت وقالت...والله هنتسلى
وصال وقفت على زاويه ونادت لشاب في العشرينات واقف مع مجموعة شباب من سنه اتقدم عليها بطلته الجذابه الراقيه وقال...نعم يا قلبي
ضربتو في صدره بغيظ وقالت...جاك وجع في قلبك انت قلبك ده ايه فندق ملجأ للاجئين
اتنهد بيأس وقال...فيه ايه يا وصال...ولا انا بسأل ليه اصلا ما هيه واضحه طبعا واحده من صحابك بختلك كلمتين زي السم علشان عارفينك مجنونه وعايزين يتسلو وانتي زي العاده صدقتي
بقلم..زهرة الربيع
وصال قالت بغيظ شديد...طارق متغيرش الموضوع وتلف وتدور مين الي كنت بتوشوشها انا محدش قلي انا شوفتك
طارق ضحك جامد وقال..شوفتيني واستنيتي لحد ما تساليني ده انا محظوظ الليله ...ده على اساس اني مش عارفك اكدبي كدبه تتصدق واتنهد وحاول يهديها وابتسم ابتسامه جميله وقال...صولا يا قلبي...وحيات عيونك اللي ما بحلف بيهم كدب ابدا ما وقفت مع اي واحده شايفه كلو شباب واقف معاهم...هدي قلبك شويه انا خايف تجرالك حاجه بتحرقي بنزين كتير يا مجنونه
وصال ابتسمت وقربت منو وقالت...مش انت جوزي وحبيبي انت حقي انا لوحدي يا طارق ماشي يا قلبي اوعى تكلم اي ست وكملت بغيظ وقالت..ولا حتى امك سمعت
طارق ضحك وقال...امك..طيب حاضر هحاول مكلمهاش ابقي كلميها انتي ..خلينا في الجد بقى شوفي يا قلبي الحفلة دي معموله علشان ربنا اكرمني واخيرا شركه جمال الطفراوي وافقت على شراكتنا...الشركه دي يا قلبي اكبر شركه في استيراد السيرات وشركتنا ولا حاجه قدامهم بس الراجل مشكور علشان علاقتو الطيبه مع بابا الله يرحمو وافق يشاركني ويساعدني في اني ارفع الشركه تمام فمش عايز مشاكل ربنا يهديكي دي فرصتي الوحيده واديكي شايفه الصحافه والاعلام مالين الحفله
وصال ابتسمت وقالت...وانا مجنونه يا حبيبي انا عارفه كل ده مفيش داعي كل شويه تفكرني
طارق ابتسم وقال..انا عارف انك عارفه وقمرايه وبتحبي جوزك..وربنا يستر
وصال ضحكت وقالت..لا بجد متقلقش
طارق ابتسم وقال...يبقى تيجي معايا بقى علشان اعرفك بيه هو دخل التواليت ودقايق وهيخرج
وصال ابتسمت وقالت...تمام هروح اقول لرندا صحبتي انك مكنتش مع حد واجي
ضحك جامد وقال..يعني رندا اللي قالتلك
وصال خدت بالها من جملتها واتكسفت شوبه وهو ضحك وقال...مفيش داعي للكسوف يا اختى انا اصلا مصدقتش انك شوفتيني يلا روحي قوليلها وبهدليها وانا هروح اشوف الراجل مش عايز اسيبو لوحدو
وصال مشيت وراحت وقفت مع رندا اللي بقت تضحك عليها هيه وصحباتها البنات
وطارق راح يشوف الضيف بتاعو
بعد دقايق وصال راحت علشان تتعرف على جمال بيه ضيف جوزها بس اتصدمت لما لقت طارق واقف مع بنت جميله جدا بفستان جريئ اوي والبنت في حضنه
اتقدمت عليهم وعيونها بتشع غضب وقالت بزعيق الله الله ...ما تدخلو جوه علشان تعرفو تحضنو كويس
كل اللي في الحفله انتبهه لهم وطارق خد بالو من نظرات الناس بصلها بغضب وداس على اسنانو وقال ..وصال عيب كده انتي فاهمه غلط
وصال قالت بغضب وزعيق..فاهمه غلط في دي كمان الهانم في حضنك يعني ممسوك متلبس عايز تفهمني ايه تاني يا بيه
البنت قالت بزهول..حضرتك فعلا فاهمه غلط انا كعب جزمتي اتكسر وكان بيساعدني و
قاطعتها لما مسكتها من شعرها بغضب وقالت. ..انتي تخرسي خالص انا عارفه انواعكو اللي ميحلالكوش الا المتجوزين
بقلم...زهرة الربيع
طارق اتصدم بشده وبقى يحاول يبعدها عنها والصحافه بقت تصور وجيه راجل في الخمسين وجذب البنت منها وقال بزعيق..ايه اللي بيحصل هنا يا طارق مين المجنونه دي
طارق قال بكسوف شديد..انا اسف..اسف جدا يا جمال بيه...دي ..دي مراتي بس..
وصال قالت بزعيق .ومالك بتقولها بكسوف ليه...طبعا مش قايل للغندوره انك متجوز .بتشقط يا باشا
طارق قال بزعيق..اخرسي بقى لاقتلك
وصال قالت بغضب..تقتلني علشانها البايره خطافة الرجاله
البنت بقت تبكي وجمال قال بزعيق..لا الموضوع ميتسكتش عليه انت جايبني تهني في بيتك قسما عظما ما فيه اي شراكه هتم يا عالم يا اوباش ده بدل ما تحمدو ربكم اني هتشارك معاكم مبقاش جمال الطفراوي لو مخليتك تعلن افلاسك في ايام وتقلب شركتك ورشة ميكانيكا
طارق وقف متجمد مكانو ومش مصدق اللي بيحصل بعد كل التعب ده ووصال خدت بالها من كلامو وقالت بزهول..وحضرتك دخلك ايه يا جمال باشا ..انا بتخانق مع الزباله دي الي محدش رباها حضرتك زعلت ليه
طارق مسح على وشو بخنفه من غبائها وجمال قال..زعلت ليه..زعلت علشان الزباله اللي محدش رباها دي تبقى بنتي وووو