 |
رواية ليلة الحنة الفصل التاسع 9 بقلم بسمة البياتي
_ #لـيلـة_الحنـة _
_ (
_ #البارت_التاسع_
__________________
... خلى راسة برگبتي تعبت من المرافس ردت اوگع من طولي تركني اريد انهزم اندارينا ابنة عمره عشر سنوات واكف باب المطبخ يباوع بستغراب
من گاعي مريضة لا أكل لا شرب ومن بشاعة الموقف دارت الدنيا بيه مابقت عندي اي قوة ماتحملت فقدت الوعي وبعد مدريت بشي
بديت استعيد وعيي احس ضربات خفيفة على خدي وعطر تارس وجهي فگيت عيني بثقل
ورد گدامي وعزيز الحيوان واگف ورأها
من اذكرت أبنة شاف منظرنا فزيت مرعوبة هاي هي ليال رحتي بيها شراح يخلصج منهم
ابنهم يفهم ولسان مستحيل مايحجي الأمة عن الشافة بجيت بتعب وقلة حيلة
ورد.. من اگلج ديربالج على نفسج ولا تهملين روحج متسمعين مني ضفطج نازل
ليال حرام الجنين يحتاج تغذية ليش دتأذي وياج
عزيز.. مو وقت معاتب ولوم خلي نشوف شلون صارت واذا تحتاج نأخذها للطوارئ
... يا الله مطايقة اسمع صوتة يحجي بوقار عبالك ملاك مو شيطان نگس وعار
مديت ايدي الورد ساعديني أگوم
... وين رايحة يمعودة ابقي اهنا وين تگدرين تصعدين الدرج بهذا وضعج صبري عزيز اتصل على ليث
بالطريق راح يجي
.. ما أريد ابقى تسسسساعديني لو اصعد وحدي
.. شششجاج ليش هالعصبية گومي أمري لله
.. اخذتني الغرفتي تمددت بالفراش الغصة بگلبي
قرفانة من نفسي شششلون اجرئ وباسسني شششلون
ورد جابتلي عصير ما ردت نفسسي دتلعب
... ششوية شربي علمود ضغطج يتوازن اذا تبقين هيج تالي هم توگعين الله وكيلج تنشمرين مستشفى
.... اخذتة من ايدها شربت شوية
... ياعيني ليش دتبجين اعتبريني اختج احجيلي شصار بينج وبين ليث شنو الوصلج الهذا الحال
... ماكو شي نفسيتي تعبانة بسبب الحمل والتنساه ومنا امتحانات ودراسة راسي مديتحمل
اگولج من وگعت جنت بالمطبخ شجابني للاستقبال
... ما أدري جنت بالحمام مشغلة الغسالة اغسل هدوم عزيز صاح عليه جيت لگيتة شايلج وجابج للاستقبال
سألتة شبيج گال ما اعرف ردت اطلع فتت للمطبخ ليال واگفة يم الطباخ
داسلم عليها شو هاي وگعت هم زين ملحگ عليج ولأزمج قبل لا توگعين بالگاع وتتأذين
... غمضت عيني فوگ السسسواه بيه انوب ششايلني نترت ليششش معافني اوگع طبني مرض شششكو يشيلني
... اهدي يمعودة ترى عادي مثل أخوج مابيها شي للضرورة احكام
ليث.. سلام عليكم ششبيها ليال عزيز گال متخربطة
.. اي ضغطها هابط يلا اترخص عمري اي شي تحتاجي الله عليج صيحيني رايحة أسويلج اكل
.. تسلمين حبيبتي متقصرين لاتسوين شي ما اشتهي
ليث... رحمه الله والديج خيتي جبت وياي خليتة على الكاونتر
بله امر عليج خلي بصينية وجيبي
... من عيوني
ليال... طلعت ورد اجه گعد گبالي اخذ ايدي بأسها راد يبوس رأسي ابتعدت
.. ليال لشوكت تبقين هيج گتلج ماكو شي من البالج ليش متصدگين يعني عاجبج هذا وضعج
لا أكل لا شرب كاضيتها يس بجي
... تدري ليث شتمنى
.. شنو؟!
... يرجع بيه الزمن قبل لا اخذك
.. اي وشسوين
... ارفضك بدال المرة الف افضل ابقى تحت جناح اهلي وجوة رجلهم ولا ادخل الهذا البيت
... هههههه الهدرجة كارهتني
.. بهذا الوقت حتى روحي كارهتها
ورد دگت الباب فاتت بيدها الصينية سكتنة
خلت الأكل گدامي معلاگ ومقبلات
.ورد..أريد تمسحين المواعين ماتبقين شي
... تعبتج
.. وين التعب قابل شاويتة الج شو بس خليتة باالصينية بالعافية
.. الله يعافيج
طلعت ورد ردت انام ليث لزم أيدي
.. وين ماكو نوم اذا متأكلين لو عاندتي اشيلج وأخذج للمستشفى اخليهم يشكلولج مغذي
... ما اريد خوما گوووة عووفني الخاطر ربك عوفني بقهري وضيمي
... أبد لاتحاولين أكلي حتى اراضيج
.. اااخ ااااخ مايدري بهمي وخوفي
اريد اخلص من نقه فوگ رأسي اخذت من ايده اللفة الوج بيها بحلكي ما أگدر ابلع اللكمة
الخوف والقهر البداخلي مينوصف
اذا احجيلة عن افعال زوج اختة ياترى راح يصدگني وهما معتبرينة شي مقدس احترام وتقدير ميمشون خطوة اذا ميستشاروا مكبرين راسة ومنطينة اكبر من حجمة وقيمتة
ليث..أبوية ديتصل نازل ما اطول ربع ساعة وارجعلج
... لزمت گلبي عزززا بس لا عرفوا وراح يحجوله شراح اگوللهم شلون ابرر موقفي منو يصدگني ربي دخيلك تدري بيه مظلومة فدواتك ربي ساعدني
شلت الأكل من گدامي بالگوة كمت غسلت من وكفت گدام المرآيا انتبهت اكو اثر خفيف برگبتني عززا العزاج ليال هذا اكبر دليل ممكن يتهموني بسببه بالخيانة
شششسسسوي منا لشوية ادري لونة يصير اطوخ
ليث صارلة أسبوعين مجاي يمي حتى اگول الأثر منك
من الخوف خليت خافي عيوب
گعدت ارجف الخوف اكلني فات ليث عيني أجت بعينة اترقب وضعة
... مو گلت ارجع الگيج ماكلة ليال ليششش تعاندين راح اخابر أمج هي تتصرف وياج
.. تنفست قووي الحمدلله يعني ماكو شي
... مو جاي احاجيج
.. نفسي متريد ما أگدر اجبرها
.. ميخالف شوية الخاطري
گعد يوكلني غصب دست على روحي تناسيت موضوع خيانتة والزعل
من شاف وضعي ارتاح عباله صدگت فلمة
بهذا الليلة رغم هموم الدنيا وخوفي من الجاي
ورغم لعبان نفسي من ليث من راد يتقرب مني ممنعتة اريد اضيع سالفة الأثر البرگبتي
ثاني يوم الظهر ليث نايم واني متمددة بس مغمضة عيني
سمعت صياح جوة اقل دقيقة الصوت اقترب من غرفتي
سماح تسب وتغلط وتعيط من كل گلبها
ليث كعد مفزوع گام من الفراش بسرعة توجه للباب
جمدت بمكاني كلشي بية جمد فقدت الأحساس بكلشي اي أدري هاي هي نهايتي
سسماح.. وووووينها مرتك الس... ام الرياجيل
خطافة الزلم الگ... اطلعي اليوم اشششهرج والله ما ابقي احد يعتب عليه اذا ما احجيلة عن بطولاتج
ليث.... سسسسماح كلمة زايدة انسى انتي اختي الجبيرة ما ابقي بيج شي سليم وانعل يومج
.. بيك خير وحاسب روحك رجال ضب مررررررتك
... ليث راد يضربها ابو وكف گدامة
... عوووووفني عليها منوووو المو رجال
ابو مازن... بسسس فضحتونة خلي نفهم شششصاير بدال هاللغوة
ايناس... شششتفهم مرة ابنك المحترمة تتحارش برجل بنتك الظاهر ليث ما تارس عينها
غيث... يووم شنو هالحجي هاي اعراض مو لعب اتقوا الله
...ما جايبة شي من جيبي البارحة ششامرة روحها عليه
دافعها ماقابل الخاتون حتى تضيع السالفة مسوية روحها متخربطة
ليال.. فكيت عيني الله اكبر شششلون حوروها وطلعوا هوو المظلوم واني الظالمة
عطت والله كذب ليث لاتصدك بالقرآن مو صح وداعة اهلي ديتبلون عليه
سسسسماح.. نتبلة عليج يا..... تعال احجي الخالك الشفتة
... هاا شفت خالة ليال حضنت بابا
...وحوششش وگعت بنصهم ليث اندار عليه عينه دم لزمني من ششعري رگع راسي بالحايط
نزلت للگاع وهو وكعلي دفرات وبوكسيات
ششفت الموت جوة ايده تكورة على نفسي احمي بطني
غيث وابو بالگوة سسحبوة مني
ليث دفعهم اجه سسحلني من ششعري طلعني سسحل
غيث... ووووووين مولي لك اكف وين مأخذها
...وووووخر لا احط طلقة بيك
اخذها لأخوانها الزلم المتباهية بيهم
.... صار الدرج كدامي غمضت بالكي روحي تطلع واموت راد يسحبني
سسسمعت صوت عزيز النگس
عزيز.. ليث عوووووف البنية كل كلمة حجتها اختك كذب وافتراء
.... ولا كلمة وحسسسابي وياك بعدين
... لك اسسسسمع لاتتهور، البنية ما سوت شي
تخربطت وشلتها نائل شافنة طفل شمفهمة عبالة حضنتها
تعال مووو شششفت ليال وكعت واني ششلتها
... اي غمضت ووكعت بابا شالها بحضنة
... سسسسمعت اختك تكرها ورادتها من الله حتى تهججها وتهجم بيتك
غيث... سسسماح شششوكت تجوزين من سسوالفج وانتي يووم شلون تأيدها
مو هالحجي اذا وصل الأهلها تصير طلابة الها اول مالها اخر وگعدة وفصول
... اني ششلي دخل الطفل هو حجة گال ليال حضنت بابا
.. وانتي وبنتج تأخذون حجاية من طفل وتتهمين بنات الناس بشرفهن
ليال... متمددة بالگاع الدم يطافر من وجهي
ليث شكلة ماقتنع غيث اخذة ونزلوا جوة اجت ورد گومتني اخذتني الغرفتي
ورد... ليش ساكتة متوجعة بيج شي الطفل بي شي
... أريد اروح الأهلي بعد ما اتحمل
... لاتكبريها
.. هي من گاعها جبيرة
. اهلج اذا دروا مراح يسكتون ويمكن يذابحون ويا ليث الخاطر البطنج سسكتي
وين رايحة على شنو ددورين
.. لزمة بطني الوجع ذبحني تلفووووني وين تلفوني
... غيث عمووووو وينكم تعالوا
.. توجهت للكنتور اريد اخذ شال فاتوا عمي وغيث
.... تريد تروح الاهلها
غيث.. خيتي صار سوء فهم اي رجال بمكانة يتصرف مثل تصرفة لاتهجمين بيتج ودخلين اهلج بسالفة خلصت وراحت
. .. ما أگدر ابقى لشوكت اظل متحملة مشاكل امك واختك وهسسه اخوك كافي تعبت
ابو مازن.. مسحيها بوجهي يابة الخاطري كعدي وسكتي
.... اخذوا تلفوني ما خلوني اطلع متت قهر
اخاف اروح وصدك السالفة تكبر والطفل من يستجوبوا يحجيلهم الشافة بالتفصيل واني انضر
ليث بعد ما فات للغرفة دز ورد اخذتلة ملابس بدل وطلع بعد ما رجع للبيت
للصبح گاعدة عيني ما اخذت نوم افكر بمصيري المجهول
من سابع المستحيلات اگدر اعيش ويا هذولة الناس
زين اذا اروح الأهلي شگوللهم
تقريباً ساعة سبعة فات ليث وجهة لهسه مگلوب وعيونة اطلع شرار
ذب السويج تقدم عليه
گرفصت بفراشي جريت الغطة احمي نفسي بي
يباوع عليه بغضب
... ششعندح باقية ليش موليتي الإهلج
.. هاا عمي وغيث مقبلوا
.. مقبلوا لو خايفة يكتشفون خياساتج
.. كاااافي لاتكمل مسسسويت شي غلط اني اششرف من الشرف مفهوم
... ما أصدگ انتوا النسوان كلكم نفس الصنف ماكو وحدة شريفة
... كافي ترى طگت روحي حقك تشوف الكل نفس الشي لان كلمن يشوف الناس بعين طبعه
اذا ششاك بية ليش متموتني وترتاح
واذا بيني وبين زوج اختك ششي ليش ساكتلة ليششش
.... عزيز اخوي الماجابتة امي ما يطمع بعرضي
... مع الأسف تتسمى رجال و محسوب على الزلم
ضربني راشدي فر راسي فر
خليت عيني بعينة بكل بثقة اضرب لاتقصر تعرف شي المثلك مستحيل يثق لان ششكو وحدة خايسة يعرفها فعبالة كل النساء مثلهن الزبالة ادور زبالة
... طالگ وبالثلاثة ما اريدج نفسي جزت منج
.. صدمة ورة صدمة بس صدمة الطلاك شلت لساني
.. روحي الأهلج گوليلهم ماتفاهمنة گوليلهم ليث يشرب ويخوني شتگولين گولي المهم لهنا وكلشي ينتهي
وهذا الطفل نزلي ما اريده حتى لو تجيبي مراح اصيرلة اب
.... عافني وراح بجيت لطمت ملخت روحي
شششگول الأهلي شششگول للناس ماطولت اربع اشهر وطلكت عافني حامل وحتى الطفل مايريده
گمت بيأس اخذت مستمسكاتي والذهب
نزلت اسحل بروحي سحل الكل نايمين محد حس عليه
وكفت باب بيت اهلي ماعندي الجراءة ادگة
حجي ريسان عينة عليه استحيت منه دكيت الباب
عماد فتحة
... هلا يابة اليوم مغبشة
... ماحجيت عفتة وفتت ماما وبابا واخواني يتريگون
استغربوا جيتي ما اكدر احبس دموعي ذبيت روحي بحضن ماما وشهكت
.حورية.. اسم الله يمه شششبيج منو وياج
محمد.. يابة على كيفج گلبج راح يوگف احجيلنة منو وياج
.... اخواني يترقبون الجواب
مابيه حيل أشرح كتلهم مشكلة بيني وبين ليث
عفتة وجيت تعبانة اريد ارتاح
ماما اخذتني للغرفة زلال دتبدل تريد تروح للمدرسة
.. عااا هاي شششكو شبيها .
ماما اشرتلي بمعنى اسكتي
مددتها بالفراش ليال غطت رأسها
بقيت احوص ما اريد أروح للدوام سمجة مقبلت بالگوة شلعوني من البيت
من رجعت اول مافتت
سألت شذى ورغد هاا ما عرفتوا ليال ششبيها
... لا والله من إجت لهسه نايمة
.. زين ليث وعيالها محد اجه منهم
.. لا ماكو
فتحت باب الغرفة على كيف مشيت على رؤوس اصابعي اخذت ملابس بدلت
ليال جوة البطانية تتحرك عرفت بيها گاعدة
رحت صبيت غدة وجبتة
يلا ليلو گووومي نتغدة جريت البطانية من راسها
عيونها مورمة
ليال.. ما اريد عوفيني
.. شششنو اعوفج ابد والله يلا گومي بدون لغوة زايدة ما أجوز منج واذا اطلب الأمر اوكلج بيدي
... تنهدت الخاطر الجنين لأزم اغصب نفسي
كمت غسلت جيت گعدت بالزور أكلت كم لگمة
.. هاي ششنو وين رايحة ششكلتي
.. الحمدلله شبعت
... شلت الصينية غسلت ايدي ورجعت يمها لگيت ماما وشذى مگابلاتها وگاعدات
حورية.. من جيتي عفناج ترتاحين اجه الوكت تحجيلنة شصاير شنو الخلاج تطلعين من بيت عيالج من صباحيات الله
ليال.. بغصة ليث طلگني
.. يايمه صدك تحجين
شذى... عزززا علموديشش شصاير ولج
... مصير السالفة تطلع ماكو شي ينضم حجيتلهم كلشي
ماعدا سالفة تحرش عزيز بيه
حورية... حسسبي الله ونعم الوكيل
الله لايوفقهم عساها بحظهم وبختهم
حوبتج ماتتعداهم ذولة الميخافون الله
بروح ابوي فلا اسكتلهم رايحة احجي الأبوج واخوانج
... ماما فدوة سسكتي وين رايحة گلبي خلص من المشاكل
شذى.. شششلون تسكت تهموج بشرفج
والطلي مصدك وضاربج وتريدين يسكتون
زلال...لهسه سساكتة وممشاركة بالموضوع گلبي يفور اذا ما اسحل امه واختة فلا ارتاح بسيطة بعيني
علاء وعماد بس سمعوا مطافرهم صار ماله والي طلعوا يركضون
وگفنا بالباب نتفرج
بالبداية طلع غيث مدري شيحجي وياهم
وراها طلع خروف امه
بسس شافوا لزموا من خوانيگة ووين اليوجعة
غيث ضعيف مو بقوتهم ما يگدر يفازع الأخو ولا يخلصة منهم
امجد شاف علاء و عماد يتعاركون بدون مايعرف شكو راح شاركهم المنطقة كلها طلعت كسسروا تكسير وجهة انصبغ دم
خالي وبابا وباقي الولد بالگوة شالوهم من فوكاه
رجعوا للبيت ليال واكفة بالزاوية تبجي
بيت خالي عرفوا سبب العركة
اخواني وولد خالي كل دقيقة دمهم يفور يريدون يرجعون يهدون عليهم
أحمد...شفتهم راحوا محد بقى بالبيت
علاء... قابل يطيرون لو بسابع گاع هم الگفهم
محمد.. كافي علاء اخذت حق اختك وزيادة
لاتتهور
.؛ ليال للمغرب تخربطت اخذوها للمستشفى
حملها مهدد بالأسقاط الدكتورة من فاحصتها عارفة متعرضة للضرب بسبب الاثار الي بجسمها
خالة فردوس مخلية الدكتور تكتب تقرير بحالة ليال خاف ليث العار يدك الناقصة ويشتكي على. اخواني لان طيحوا حظه
اذا سواها احنا هم عدنا تقرير نقدمة
رجعوها للبيت لازم تنام على ظهرها ومتقوم بأي مجهود ولاتشيل تثگل
ثاني يوم العصر ابو مازن وابنة مازن وغيث وليث وعمامهم اجوي علينا
يعتذرون يريدون يرجعون ليال
ليث مبين مغصوب على الجية بس واحد يسويلة بز ينفجر خو وجهة صاير خريطة العالم
صارت هوسةاخواني بالگوة لأزمين روحهم مايهدون على ليث الخاطر الزلم الموجودين لان دايسين بساطنة
بابا رفض رجعة ليال
گالوا على الاقل اخذ رأيها
من سالها رفضت گالت ليث شك بيه وطلگني بعد ما اريده المحاكم بينا
ورة مراحوا اجه عزيز يعتذر من اخواني
على سواية مرتة
گال من سمعت ليث طلگها بدون ذنب
اني هم طلگت اختة هيج مرة متفيدني
اوووف اشكد اشمتت بيها خلي تشرب من نفس الكاس طايحة الحظ
ليال.... صعبة من أشوف عزيز گاعد بنص بيتنا يبيع مثاليات وبابا وأخواني مصدگي ومتعاطفين ويا ومن طلع كلهم يحمدون بي وبأخلاقة
مايدرون هو هذا الهجم بيتي مايدرون
كل هاي شخصيتة وأخلاقة قناع يضحك بي على عقل الناس وبداخلة حيوان نگس لا ذمة ولا ضمير
قبل لا انام
دك تلفوني ليث يتصل
معقولة حس بغلطة ويريد يعتذر
وهل ياترى راح أكدر اسامحة واتقبل عيشتي ويا
كل هاي التساؤلات مرت على بالي بهالحظة
فتحت الخط نعم تفضل رايد شي لو اكو شي ثاني ناسي ماگلتة هذاك اليوم وحبيت هسه اتگولة
... مانسيت ولا راح انسى وكل كلمة حجيتها مقتنع بيها
.. هاا اذا مقتنع ليش أجيت حتى ترجعني؟!
.. مازن وعمامي أصروا اجي واجفى الشر
أحسن شي سويتي رفضتي البينة خلص انتهى بعد ما اگدر اتقبلج راح اظل عمري كله شاك بيج
... كل كلمة يحجيها كانما يطعني بسجينة عمية
وهسه شرايد ليش اتصلت
... ليال الطفل ما اريده نزلي ومثل ما دخلنا بالمعرف نطلع بالمعروف
... اذا انت مجرم وسهل عندك تقتل روح بريئة اعذرني اني مو مثلك الطفل اذا الله كتبلة حياة واجه للدنيا اني اتكفل بي لا خلفت عليك. مو بحاجتك
... طبج مرض مو بعدين تجين ادورين نفقات
ومصاريف فلس ما ادفع كرهتج وكرهتة قبل لا اشوفة حتى ثقة مظلتلي اذا جان مني اوووو.
.. اشششش أياك تكمل اكص لسانك اذا نطقتها
اني مايشرفني انت تربي
... اكلي نعل لا اجي بنص بيتكم اطيح حظج
.. ههههه تعال شمنتظر حتى يطيحون حظك مثل هذاك اليوم يا عار الزلم
... بنت الكلب انعل....
...بسرعة سديتة ما اريده يكمل ويفور اعصابي
فوضت امري لله بديت اتقبل وضعي
لأزم اشد حيلي واكوم على رجلي حتى أرجع الدوامي أجازتي خلصت هواي محاضرات فاتتني مو مال اهمل دوامي
احتاجيت ملابسي
خالة فردوس گالت اني اروح أجيبهن
زلال... خالة اجي وياج
فردوس.. على شنو ناوية
.. ولا شي اكيد تحاجين مساعدة
... ديلا امشي وياي انتي ولمى
... رحنا بالبداية الأم نترت بينا مارادت تنطي شي
خالة تعاركت وياها
كالت هذا هو رايحة واخلي اخوانها هما اليتفاهمون وياكم
شو هاي بس سمعت بطاري اخواني انخلست
جرت بوش كالت
أخذيهن مانريد اي اثر منها يبقى بغرفة ابني
صعدنا لمينا كل ملابسها
من نزلنا صارت سماح گبالنة صايرة تخوف العيون بنگرة وذبلانة
سماح... بنتكم ام الزلم ارتاحت من هجمت بيتي
وووينها ليشش ما اجت وياكم
زلال.. تدرين اني جيت مخصوص علمودج والحمد لله لگيتج
كمزت عليها لزمتها من شششعرها فريت بيها الهول ششعرها نصة اجه بيدي
خالة لمى ورد امها كلهم يريدوني اوخر منها ماكو صرت مثل العلج من يلزك
امها عود سباعية ضربتني بالنعال وخرت من بنتها انداريت عليها انطيتها دفعة گلبتها ليورة
ورد ركضت تگومها الأم نايمة بالگاع و تعيط
فردوس.... صخام الصخمج فلششتي المرة لج امششي
... عوووفيني أربيهن المجديات امهات الوصخ
والله لطلع القضى والمضى من عيونكم
... لج بنتي كافي الخاطري امششي
.. خالتي بالكوة طلعتني سماح يمكن فقدت الوعي المكارة والأم لأزمة ظهرها وتبجي
هسسه من صدك يلا برد گلبي
رجعت للبيت ماما وبيبي ششبعني رزايل ماهميت المهم شفيت غليلي
إجه ابوهم يعاتب بابا
بابا ما أعرف شگالة
ليال... انطيني ابوس ايدج الضربتهن
.. عاا مو الهدرجة
... حقج متدرين اشكد اذني
... أدري وداعتج ادري يلا انسي اليوم خوش خبزتهن الج
...رجعت الدوامي قضية للطلاك لهسه مرافعتها
بابا گال من تجيبين نطلگج رسمي
أهل ليث اسبوع وشالوا من المنطقة
أعرف بيهم جبناء يخافون من أخواني
ياريتهم لو مساكنين اهنا من البداية ولا شايفة خلقتهم الزفرة دمروني وراحوا
الأيام تمشي دوامي مستمر حملي بدة يثگل
والتعب زاد حالتي النفسية تعبانة ما أگدر انسى الصار بيه
عماتي وعمامي ياهو اليسمع راح اطلگ يلومني وبيهم اليشمت بيه
يگولون مارضت بأبن عمها وفضلت الغريب عليه
خوش صانها ماطولت اربع اشهر رجعت الأهلها
وياها نفر ثاني
امتحنت وكملت رغم الصعوبات گدرت انجح
قبل ولادتي سويت سونار طلعت بنوتة
شلت همها شنو ذنبها تجي للدنيا وهي مكروها من ابوها بدون ذنب
بابا فدوة العمره گال لاتشيلين هم مثل ماربيتج اربيها واذا خلص العمر ومالحگت اخوانج يسدون بمكاني
دعيت الله يأخذ من عمري وينطي فعلاً هما سندي وسند بنتي بعد رب العالمين
ردت ابيع من الذهب واجهز للطفلة ماما ماقبلت گالت هو بيها وبلايها لأزم ام البنية تجهز الأول طفل البنتها
خطية ماقصرت مابقت شي ما اخذتة الها
صارت موعد الولادة اجاني ألم المخاص حرفياً شفت الموت بعيني راح وجعي وتعبي من احتضنت هاي الملاك الصغيرة حتى وجع گلبي والسوو بيه ليث وعزيز بوقتها نسيتة
سميها غزل صارت هي كل حياتي
زلال.... عزولة صح ساطرتني ومسوية راسي طبل ليل ونهار تبجي يم اذني بس امووت عليها
اني وليال نتناوب بمداراتها والسهر وياها
هم زين من اجت سمجة التهت بيها ونست موضوع رسوبي بالخامس جانت ماكلة گلبي اطب وتطلع ترزلني وتغمني
ليال... خير ان شاء الله
.. ششبيج منو يدك بس لا ليث الحمار
.. لا هاي مرة مازن شعدها داكة بهاليل
... دجاوبي وانتي تعرفين احسن ما صافنة
... الو هلا ام ايهم
.. هلا بيج حبيبتي شلونج اخبارج الحمدلله على سلامتج عذريني لان لهسه ما اجيت اتحمدلج بسلامة واشوف العروسة الصغيرة
.. معذورة حبيبتي ادري عندج دوام وملتهية
ممقصر دوم تخابرين وتسألين احسن من غيرج
... عادي عيوني قابل شمسوية
ليال عندي موضوع وياج
.. خير يارب
.. عمتي وورد من عرفوا صارت عندج بنية ديزنون على ليث حتى ياخذها منج وينطيها الغيث و ورد يسجلوها بأسمهم
... ششششنو هاي شدتحجين ليش هي، گوترة وبكيفهم يأخذوها وينطوها
... لج عيني قابل متعرفين دروبهم يريدون يضغطون عليج بسالفة الطلاق ويسوولهم لعبة
يخلوج بنفسج تنطيها الهم. ...
